مشاهدة النسخة كاملة : هنا .. سجن القوافي !!
مساكم اجواء جميله
مع رشات مطر خفيفه الان
صح لسانك يابو عبيد
انا اقول مرحبا في حال لو جات ههههههههه
صح ذوقك خيال
ناصر الهواوي
16-11-2022, 06:35 PM
اهلا يارحيل وصح بدنتس وكلتس ودام تواجدتس
تسالي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ
يقال هذا المثل(يامال فرقا الحمام)
واثر بهالايام هذي يفترق جمعنه
يشتت الله شعبهن بين شرقٍ وشام
ويبكن بنوحٍ حزين ولا نطف دمعهن
ما درين ان جارهن لاسمعهن ما ينام
هجس الشعر يدهر لوهو مصيبه وهن
ذا عام يالورق يدفع عام مع درب عام
وقلب العنى في يديكن كسب ما ادري رهن
من اللسان العيون ادق وافصح كلام
قريت ما كنت ما اعرفه من اول بهن
ــــــــــــــــــــــــــــــــــــــــــــــــــ ــــــــــــــــــــــــ
وبس هههههههههههههه
بهن الله الله صح لسانك يا شاعرنا
————
———
——
كل صوت يمر من ذكراك له عندي حكايه
من بدايات الشغف للتيه في بحره وبرّه
ياحبيبي ليت كل ايامنا سحر البداية
لذّة اول أي حاجه تختلف عن كل مرّه
يارب لا تحرم عيوني من الجنه
اكرمني بعطفك ولطفك وغفرانك
مايغفر الذنب غيرك وانت ذو المنه
سبحانك الواحد الغفار سبحانك
المال لو يغنيك ربي ..! ما كفاك
والعـافية ببلا ( دراهـم ) كــافية
وإليا نسوك الناس ربي ما نساك
قربة غناة ،،، ورحمة الله ضـافية
آستغفره ، وإدعه وكثّر من دعاك
في ليلةٍ فيها الخـلايق .. غـافـية
وإلى استجاب ابشر بعزك وبرضاك
وانعم بحالٍ من شقاها صافية
ياحظ من حط ذكر الله لجوفه رفيق
زهداً بالابواب فاتحها ومقفولها
الارض لله والانسان حرً طليق
والله يحاسب عباد الله بفعولها
يارب لا تختبر نفسي بما لا تطيق
ورضاك يارب غايتها ومدلولها
الحمد لك والثناء اللي في جلالك يليق
يالله عفوك ومغفرتك وماحولها
ناصر الهواوي
16-11-2022, 10:16 PM
رب اهدني مثل ماخليت نور ورحيل
يستغفرنك ويدعنك على مهلهن
ترا دعاكن لخيكن مستجاب وجميل
يدعن وانا بالخفا لاقمت ابي ادعي لهن
ههههههههههههههههههههههه وش تبي ادعي لك ضحكت من قلب
ناصر الهواوي
16-11-2022, 10:34 PM
ياخفير السجن ماجت شاعرتنا هات نور
ودنا يصير عندك من يبي له تسليه
لجل لو قال متهكم ليش تكتب هالسطور
قلت غالية القوافي تسليه للغاليه
راسيه وامين سر العاصفه منذو شهور
يافضولي مالك ومال البيوت وماليه
من بروست البيك عشوها وجب(لحسه)فطور
لاتهاون بالسجينه منزلتها عاليه
عسى وجهٍ مثل وجهك ملاه النور
أشوفه طول عمري ضاحك وراضيّ "
يلا دعيت لك
ناصر الهواوي
16-11-2022, 10:37 PM
اهلا يانور اضحك الله سنك ادعي له بالهدايه والرحمه والعافيه والتوفيق سبل الخير واسعه
ههههههههههههههههههههههههههههههههه
ناصر الهواوي
16-11-2022, 10:38 PM
انتي اشعر من اشعر الشعراء
جزاك الله خيرا ههههههههههههههه
شاعرة نجد
16-11-2022, 11:15 PM
السلام عليكم ورحمة الله
واسعد الله مساؤكم وطابت اوقاتكم بكل خير
وصح لسانك شاعرنا المبدع
ودام حضورك وفاخر سطورك
وصحت ذوائقكم مستشارنا وراسياتنا
ولاعدمنا روعة المنقول الممتع
وسلمتم ودمتم,’’
شاعرة نجد
16-11-2022, 11:25 PM
تسليه للسجينه..
https://i.ytimg.com/vi/dAEBr9jkVz0/mqdefault.jpg
واهني الطير لا تاق قلبه للمطير
ضم جنحانه وحلق على كيفه وطار
والله اني ماغبطت الوزير وُلا الامير
ماغبطت الا انت يالطير,اقوله بـ اختصار
ليتني مثلك ولو ليت,مافي ليت خير
بس لو قلنا تحقق مُنى والليت صار
كان لامن خاطري جاته التكه عْصير
وُلا تذكرت وتفكرت لو عز النهار
أفرد الجنحان واجر موالٍ خطير
لاسمعني ضايق الصدر غصّتْه العبار
ناصر الهواوي
17-11-2022, 11:57 AM
وعليكم السلام ورحمة الله وبركاته
شاعرتنا المبدع اللي جعلت مرتها هنا تصبيره
هلابتس وصح لسانتس وبدنتس ولاهان راستس رغم انتس هاربه عن العداله هههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
بغيت اسلي نور في بضعة سطور=بقافيةٍ من ورد والطعم شيره
لو يرفض الحارس حذفته مع السور=زرف القصيد وقلت بالامر خيره
انشد واسلم واطمئن وابغي الشور=واظنها تصلح لمثلي شويره
ذكيه وعاقل ولا فيكم قصور=ياربعنا يا اهل الوجيه السفيره
بغيابكم ابا انطر الرد لشهور=لو شوري اسند للمدير ومديره
وش طب من صدره من الفقد محرور=وفي خاطره سجه وعينه سهيره
احد يقول ان الكبر صار له دور=من جاوز الخمسين هذا مصيره
ومن قال لي قلبك تورط بمغرور=واصبح با اصيبعه الصغيِّر يديره
من اول استانس براي ابو منصور=وبشاعرتنا وابو عامر وغيره
وبحفيدي استقوي على اومور واومور=وخيال بس البوصله مستديره
بتواجد الثنتين راضي ومسرور=والناقد كنت ابدي عليه السريره
التجـارب مفيـده و الحيـاه امتحان
وقسوة الوقت ماتمنع طموح العنيد
والذكـي يـدري ان الحـظ مالہ امان
وفرصة العمر صعبہ تبتسم من جديد
الجـو هذا مع المطر شـي ثاني !
يخليك تحب الناس حب أعمى
ناصر الهواوي
17-11-2022, 01:48 PM
إيوالله/فرصة العمر صعبه تبتسم من جديد
هذا هو الشور الصحيح لله درتس يانور
هههههههههههههههههههههه
لا لااااااااا راح تبتسم لك من جديد ههههههههههههه
ساور الشك شك وما تهيّا لقا
اللقا اللي حفى عمري وأنا اطارده
لا يطوّل برودك كان حنا اصدقا
ولا تطـول الصـداقه كانها بارده
مساكم*** الراحة** وعطر**الياسمين
اللي** شذاه** يفوح**ما**مثله**عطر
واطلب لكم*رب الملى في كل حين
يسعد*مساكم* بالهنا ء* واجمل خبر
ناصر الهواوي
17-11-2022, 10:33 PM
هههههههه
اهلا يانور لا ابشرك انا دائما ولله الحمد متفاءل
صح نقلك ومحاولاتك والله ما ادري لكن دام تواجدك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
خفير السجن للسجن انا هالمساء تواق
عن البرد ابا ادخل فيه واطلق سجينتنا
ابا اسهر لحالي ودي اقلب الاوراق
ابا اراجع الماضي وادقق بسيرتنا
مزاجي وبالي ياطويل العمر ما راق
لو تصبح رومنسيه مع السهر ليلتنا
وانا يالخفير المحترم ما ارغب الارهاق
بعد ما تحول كم ساعه دقيقتنا
لقافٍ تخبره ياهجوس الشعر مشتاق
لولاي انتظر له منك بالسهر ويش اتنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
وبس ههههههههههههه
عبدالله الصقري
18-11-2022, 09:49 AM
يا راكب اللي لا مشى ماتقل ياط
من سرعته خطه دواوير وشخوط
جديد ما حمل به العفش وبساط
الا ولا قالو موضب ومخطروط
مراتبه مخمل والارضيه ابساط
واشعار تويوتا على الخشم محطوط
يطرب ليا منه صرب طلعة الغاط
لا حس لا ونه ولا صوت عرموط
ملفاك بدر ليا هبا كل قناط
قبل تقهوى واجب الضيف مليوط
عطه الكتاب اللي كتب بيد خطاط
كريم سبلأ اللي له القيل مخطوط
قل ليا ضاق صدري جبت للنار ملقاط
وسحبت للي كنهن صيغته بطوط
وفصلتهن تفصيل وزودتهن غاط
حديدهن صافي عن لحام وسقوط
وشبيت نار جرمها من حطب راط
احسن من الصندل ورى سبعة شطوط
جرم جزل ماهو هدب رمث شعواط
وسويت فنجال على الكيف مضبوط
بلكي يبرد واهج بالحشا شاط
يشبه لدافور له الغاز مضغوط
يوم ان كل في حلا نومته غاط
يرقد على طوله كما السدو ممغوط
عيني بحاجرها تقل موس صفاط
وجفنه تقول ملامسه ظفر شبوط
جيت الطبيب وقال لي ويش به حاط
في داخلي عينك دواوير ونقوط
وقلت هذا لها مدة شهر صابها احباط
تسهر ودمعاته تقل وصف لاقوط
اسبابها اللي لفّت الرأس بمشاط
بالمسك والريحان والورد ممشوط
تقول خاطي فيضة ريحها عاط
ريح النفل مع فايح الشيح مخلوط
لاهوب دعبول ولامحزمه غاط
زوله كما البردي ليان وشمحوط
عين الغزال مذيره صوت مخباط
حباله اللي ينقل الملح بمشوط
بطن العسيف ان جهزت قبل الاشواط
الفوز به مضمون في تالي الشوط
ولا شربت البيبسي بكوب وشفاط
تشرب من الشوكه مطعم ومشموط
ولا تلبس الكرته تحزمه بفراط
تلبس لباس اول مفصل ومخيوط
يا بدر حاكيته وانا منه محتاط
وخلان من غيره مكبل ومربوط
هرجة لطيف ما يقاطعك بغلاط
قرض العسل مع صافي الدر مخلوط
الذ من طلع الصويلي بمحباط
توّه من امه للمشاكيل ملقوط
ماهومن اللي هرجته سلك مغاط
يعطي كلام وباقي الهرج منطوط
ما اذكر لنا مثله على عصر الانباط
اللي منازلهم ورا النيل وأسيوط
أقفى وكنه يضرب القلب باسواط
أعطان هرج وتالي الهرج مشروط
علمي بها يابدر في نزلة اشباط
غرب عنه موقق شمال عنه شوط
مدري مع اللي حدروا يمه الشاط
اوهم مع اللي سندوا يمة الغوط
محتاج فزعتكم ترى طحت بوراط
الحال نشت كنها الشن مقروط
حالي من اسبابها بدت تقل مخاط
ومن قبل عرفي له مريح ومبسوط
وصلاة ربي عد من شاف دمياط
على محمد عد من لبس مخيوط
الرد من قبل / بدر الحويفي
يوم المولع واق في راس شمحاط
حوّل علينا من جبل طي بمقوط
حاذيه من حب العماهيج مخباط
اللي بحبهن للعشاشيق زاروط
اللي نباهن للمعاليق معاط
ونظراتهن ترسل عباريد ومشوط
صبن على قلب الرديعان زقلاط
ودارت به المكره على سير مشحوط
واسند على ابيات جزلات وانشاط
مثل الذهب واحد وعشرين مشروط
عملة ذهب ماهي دنانير وانواط
شاعر ماهو بالامثال خربوط
وسكّر على الطاروق ضبّه وصقاط
حيل الله اقوى كيف با احتال وانوط
حي الجواب اللي محنط تحناط
جا من ابراهيم الرديعان مصفوط
هدّف وتهديفه طريقة تشطاط
واللي عطاه الراي رجّال مضبوط
خطط له الخطه من الناس خطاط
قصده يسدد كل الانفاق ويحوط
وافق وركز له قريحه بحرف اط
وشاور شويره واستشاره وقال اوط
لقط عناقيد القريحه تلقاط
وخلى غصون من الورق بيض وملوط
واخذت دربه على الشوف مشواط
عساي احوز رضاه ويكون مبسوط
وانا معه جندي وهو صف ضباط
تحت الاوامر لو حصل ضغط ضغوط
ما دامها لعبة حويلا ومزقاط
ماني مع الصاحب قصاوي ولابوط
مهما حصل بيننا مزح واغلاط
الحبل ماهو بين الاصحاب ممغوط
عنها ابتعد بعد الجزائر عن ارهاط
ماني مثير اسباب ومعقد اخيوط
هذا وبارسل للرديعان خياط
يخيط قلب من قسى الحب مشعوط
العاشق اللي في بحور الهوى غاط
قلبه ليان ومن كراسيه ممعوط
شايب وقلبه بالولع سلك مغاط
من شوط تيار الغنادير مشلوط
وعشقه خطاالله لا يصلط تصلاط
كيف الغناوي حالته حال مزنوط
مادام له ملفا ومثبأ ومقلاط
عبير نجد وعنبر الشام مخلوط
يلعب على حبلين وافراش واصماط
كلش جديدولا بهن همل واصفوط
ثنتين عنده يعملن كحل وامشاط
عفايفن مالامحن كل شمحوط
لو يسمعنه ولعن فيه شخاط
وتناوبنه بينهن قرص وعروط
قامن عليه وشلطنه تشلاط
ياشينهن عند الزعل موطهن موط
وعيالهن معهن بعصيان واسواط
حتى الصغير اللي على الديد زعطوط
يابوحمد بالك تفرط تفراط
اقنع برزقك وانت رجال مغبوط
خل اهوى للي يفحط تفحاط
يطيح مع دربه كفراط وجنوط
حذف الحصى قفوه تقل حذف نباط
ومن الحيا وجهه مجرد ومقشوط
اللي لا منه شبع بالهوى شاط
عشقه مع الحارات لفات وفحوط
عشقه خيال وفيه رجّه وخراط
عقله نمط سيكل مسامير وبلوط
لو يازنونه ماوزن ربع قيراط
مثل الذي ريشه به ارناق ونقوط
اللي على روس المراقيب نغاط
يطير ويوقع على راس زربوط
والا انت صاحب عرف راوي وفقاط
سباح ببحور العماليق وتغوط
مأنته وغد تعطى حلاوه وشقلاط
العرف له عندك مطارات وهبوط
بالعرف لك قيمه وبالشعر عملاط
وبالطيب منهاجك بالامجاد مربوط
شاعر وعندك ذوق لاشعار الانباط
لا تختبرني مع ملفات وخطوط
خل السوالف بننا بصط وابصاط
العقل كنز وذارف الحب ملقوط
والناس كل له محيط به امحاط
المتزن واللي من العقل مفروط
وترى الثقه بالنفس من خير الاشراط
وكلٍ حسابه في سجله ومفقوط
https://www.alsh3r.com/files/imgs/200x225/poets/3294-3bf64c78-bd82-4287-92dd-464c9e49cbb9.png
رووووووووووعه يا خيال
عبدالله الصقري
18-11-2022, 11:27 AM
وشو تصبحون على خير المغرب؟ هههههههههه
بصراحه ياحفيدي انت مبدع لكن شعرك راقي مثلك ويعجبني لكن شعري بدوي مثلي
ويصعب علي اجاري ابياتك لكن سيكون ذلك بالمعنى فقط هههههههههههههه
ارحبي يانور واعتبري باقة الورد وصلت للجميع ومشكوره عليها وعلى التسالي اللي
ما اروع منها الى تواجدك معنا
ارحب يالخيال وابا اسميك مقلب المواجع ما ادري كيف تلقى هالتصالي الله يحفظك ويديم
حضورك وتفاعلك وانت بصحه وسلامه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
لويش تشكي ياحفيدي من الشوق
والشوق حره ياحفيدي حلاته
ليا جزع من قطرة الدمعه الموق
ذا يعني انه قد لقى الشخص ذاته
اصبر يزول بذكره الهم واتروق
والوجد يعلن من حياتك وفاته
خفوق جدك من جفا الولف مطروق
ياسه كمخ وجه الرجا في حصاته
تأريخ له شهره كبيره ومرموق
كنا عن الشمات نجي بعباته
ودار الزمان وحوله كرت محروق
واللي قدح فيه الشراره عداته
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
وبس ههههههههههههه
ياصباح النور والنوار
صح لسانك جدي هواوينا
صح لسانك يا احلى نجد
صحت ذائقتكم جميعا
وش اقول غير
الله يسعدكم جمبعا
هالمجاراه ياجدي لم تكتمل
فالعذرمنك
عبدالله الصقري
18-11-2022, 11:28 AM
ما جيتك اشكي جيت ابـ اهديك طاروق
يبقى لـمـن يقـــراه طـولــة حيـــاتــــــه
فيــه الامـل .. و حكـاية الغيـم و بروق
و حكــايــــة العـاشق و كل امنيــــاتـــه
لي جـد . و شعــوره على الدرَّه يِفـوق
اجمــل بنــات الفـكـــر كانت بنـــاتــــــه
الاولـــه ،،،،، ما قبلهــــا اي مخلـــوق
هي زينـــة الدنيـــــــا و غـايـــة مناتــه
من بعدهــا فيـض اليـراع ابلـش المـوق
سطًّــر على خـــدَّ المــولَّــــع مـنــاتــــــه
و نهايــة علــوم العشــاشيــق صنـدوق
به ذكريــات و دمــع به عـمـــر فـاتـــــه
به من لـذيــذ الهمـس انـفـاس معشــوق
ما ينطـق ان ما ذاق صــافي شـفـــاتــــه
له من امـاني الامــس خــذلان مــوثــوق
و جـفَّــت ينـابـيــــع الغــلا مـن دواتــــــه
عبدالله الصقري
18-11-2022, 11:29 AM
و صح لسانك و كلك يا نجد
ناصر الهواوي
18-11-2022, 08:30 PM
الله
الله الله
يا سعادة الحفيد
صح الله لسانك وكلك ولاهنت ودمت وسلمت
وجفت ينابيع الغلا من دواته
ناصر الهواوي
18-11-2022, 09:04 PM
انا فقط و33 زائرا
ــــــــــــــــــــــــــــــــــــــــــــــــــ ـ
ياهاجسي سلني ما جاني مسلي
لو كان مسجون انا جيته وسليته
والفت زنزاتي ما ازهق ولا املي
ولا اقول لعل ذا يكفل ولا ليته
يامن لقلبٍ من الهجران به غلي
بارخص ثمن باعني يوم اني اغليته
خيال مطير
18-11-2022, 10:58 PM
ما جيتك اشكي جيت ابـ اهديك طاروق
يبقى لـمـن يقـــراه طـولــة حيـــاتــــــه
فيــه الامـل .. و حكـاية الغيـم و بروق
و حكــايــــة العـاشق و كل امنيــــاتـــه
لي جـد . و شعــوره على الدرَّه يِفـوق
اجمــل بنــات الفـكـــر كانت بنـــاتــــــه
الاولـــه ،،،،، ما قبلهــــا اي مخلـــوق
هي زينـــة الدنيـــــــا و غـايـــة مناتــه
من بعدهــا فيـض اليـراع ابلـش المـوق
سطًّــر على خـــدَّ المــولَّــــع مـنــاتــــــه
و نهايــة علــوم العشــاشيــق صنـدوق
به ذكريــات و دمــع به عـمـــر فـاتـــــه
به من لـذيــذ الهمـس انـفـاس معشــوق
ما ينطـق ان ما ذاق صــافي شـفـــاتــــه
له من امـاني الامــس خــذلان مــوثــوق
و جـفَّــت ينـابـيــــع الغــلا مـن دواتــــــه
صح لســــــــــــــــــانك يالامير
الجووهره
19-11-2022, 06:52 AM
الجو رايق والسماء ممتلي غيم
والنفس فيها من الاماني كثيره
صبآح الخير والغيم والروقآن
وصحت الالسن والاذوآق جميعااا
ودآم حضوركم الجميل وابدآعكم
ونورت السجن شآعرنا
وابشر بالتسآلي
الجووهره
19-11-2022, 07:19 AM
خلك مثل رش المطر تشرح البال
لا هلت مزونه " تسر الخواطر " .
الله يغيثنا و يرزقنا الخير والمطر
الجووهره
19-11-2022, 07:26 AM
الصبر زين وتآلي الصبر الإفراج
وخـلك عـلى درب الـتصبر مـبادر
وإليا تصافق حلم قلبك بالآمواج
الله عـلى تـحقيق الأحـلآم ،،، قادر
الجووهره
19-11-2022, 07:29 AM
رغم الظروف اللي تمرّنا عايشين
و الوقت يمشي ما يطالع فايته
ممتع شعور الصبر بكل الحالتين
يعلمك كل شيٍ بيوصل غايته
نتصنع الضحكة و حنّا ساكتين
وفالساكتين أشياء ماهي ساكته
ناصر الهواوي
19-11-2022, 11:59 AM
ارحبي يالفضليه صرتي قريبه جدا من عتبات الغياب صح بدنك ونقلك ولاهنتي ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
طرا ماطرا للمحتجز من ورا القضبان
اللي من دواعي ضيقته حابسٍ نفسه
في غبة بحار الشوق يخته وهو ربان
سمى قاربه بعد التجاريب ابو رفسه
ابحر طامع انه فيه يرسي ابــ بر أمان
امانيه وهقته والاحوال منعفسه
الا ياعيون اللي شهر ينفض الجنحان
ترفق بعينٍ بعد فرقاك منعمسه
من طول النوى والشوق والوجد والحرمان
يومه يشتكي ما صار له من سوايا امسه
دقق في كشوف حسابه اللي طلع خسران
بخساراته وربحه غدت عشرته خمسه
ناصر الهواوي
19-11-2022, 07:25 PM
ياخفير السجن وين انت ما شفتك
بي ضرم ودي بفنجال بريه
اشهد انه شاينٍ طبعك وعفتك
عنك وصلتني تقارير سريه
الخلا موحش حدا لك ووالفتك
سوت ظروفي علاقات جبريه
يالخفير اثر الجفا بالغلا يفتك
مثل ما قالوا كما فتك ذريه
من جهل ياغيب الايام ما خفتك
احسب ان ساير لياليك دريه
قلب من تطعنك ماهي بمنصفتك
دانتك صارت مع لوقت شريه
الجووهره
20-11-2022, 12:38 AM
البقاا شآعرناا
والله يكفينا شر الغياب
هههههههه
وصح لسآنك ودآم ابدآعك
ناصر الهواوي
20-11-2022, 12:21 PM
ارحبي يالجوهره
اليوم ماشاء الله الاجواء غائمه واحيانا رشاريش تفتح النفس الله نسأل ان يغيثنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ
تذكرت مع رش المطر بعض ما قد صار
وتخيلت طلح الوادي اللي يسمونه
حسيت بطراوه مثل طراوة الامطار
اثر الذاكره في بعض الاحيان مجنونه
وطرت لي عيون الحر لافرعوه وطار
وتذكرت من حب البرد صفة سنونه
لوبل المطر والبرق والمزن فيِّ آثار
على الروح ويبيح بها الصدر مكنونه
لاصار جوك بالسماء كله غيوم
والغيث توه باديٍ في مصبه
يطري عليك اللي تحبه وملزوم
تجدد إحساسك معه بالمحبه
حتى لو انك من مواصله محروم
ان ماشعر بك ليه باقي تحبه ؟!
توصل مراسيل الوفا وانت مخدوم
واذا يحبك صدق غصب يتنبه
سلام ياللي بالحشا دوم محشوم
وعجزت لاسلى عن غرامك واكبه
ناصر الهواوي
20-11-2022, 10:23 PM
ياسلام يانور رائعه هالابيات صح لسان شاعرها وذوق ناقلها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
ان قلت له يالباركر ويش حدك
ترعف وتفرك خشتك فوق الاوراق
قال انت بهجوسك وفكرك ويدك
ومزاجك اللي ذاله سنين ما راق
وتذكرك عصرٍ مضى لك وهدك
اغرقت بالتفكير باحداثه اغراق
تجري بك اقدارك على غير ودك
ومخك متنك رغم ما صار ما فاق
له لا تظن ان الاماني تردك
كم وهقت قبلك ولايف وعشاق
حرارةٍ حسيتها فوق خدك
سريب مخزون من الجفن دفاق
وبس ههههههههههههه
ناصر الهواوي
21-11-2022, 12:04 PM
الله الله
ـــــــــــــــــــــــــــــــ
ضِريس صوتٍ يجي من حك الاضراس
وإن ونة الورقا يقولون نوحي
هذا وذاك يصير لا ضاعت الطاس
والجارح اصبح هو طبيب الجروحي
وتكدر الخاطر ومزاجك انحاس
وجريت لك صوتين ما فيه مُوحِي
ضيقه وتكة خلق وهموم وعماس
ودلتك في جمر التوجد تفوحي
لو لبعض ما صار تفسير لاباس
وش ترجمتك لقول ياروح روحي
اخطي لو اسميه غادر وهلاس
وقد قلت به من نادرات المدوحي
ناصر الهواوي
22-11-2022, 12:05 PM
عصفور صوتك عذب انا معجبٍ فيه=لو بس ردت لك صداه الحمامه
من حين شلته بيِّن الصدر خافيه=وقطَّب حجاج وغابت الابتسامه
ناصر الهواوي
22-11-2022, 07:23 PM
انتم تبون الصدرق ماني رياضي
لكن لفوز المنتخب ياملا ششت
ومن الفرح هجسي تحمس وهاضي
وما بين ابا ابدا وانتهي ضعت واندشت
ادخلتنا في مثل نبت الفياضي
ورديت فينا روح الآمال وانعشت
الخوف ولى /يعتبر فعل ماضي
وجانا اليقين بفوزكم لابسٍ بشت
مبروك فوز المنتخب وصح لسانك وكلك
مساء الورد والبرد
صحت السنتكم والاذواق
فردًا فردا (:
اعتذر عن الغياب بسبب ظرف طاري):
رب اهدني مثل ماخليت نور ورحيل
يستغفرنك ويدعنك على مهلهن
ترا دعاكن لخيكن مستجاب وجميل
يدعن وانا بالخفا لاقمت ابي ادعي لهن
صح لسانك يابو عبيد دايما وابدا
اي والله ادعلي تكفي كل ما ذكرت اخيتك
والف الف مبروك لمنتخبنا
يارب الأحلام واحلامي تحداني
مالت على يدي وازريت احققها
ارزقني الفرحه اللي يوم تغشاني
احتاج فتره طويله لين اصدقها
ناصر الهواوي
22-11-2022, 10:05 PM
اهلا يارحيل الله يسلمك ويحفظك وصح بدنك ودام تواجدك
ارحبي يانور وصح بدنك وبارك الله فيك ودام حضورك
يارب وفق رحيل لكل ما فيه خير
ومن كل بلشه وضيق اجعل لها مخرجا
ان كان دنيا لها اقسم رب خيرٍ كثير
والطف بها يالطيف وقو فيك الرجا
ناصر الهواوي
22-11-2022, 10:09 PM
من يذكر الصريح العتيبي(ابو فايز عايض بن سرحي رحمه الله
يوم الجمعه ليلة السبت انا معزوم على زواج ابنه زيد في مكه المكرمه
ياسرع السنين كفانا الله شرها هههههههه
خيال مطير
23-11-2022, 12:46 PM
يا بنت ياللي عـن حوالـي تساليـن
وجهي غدت حامي السمايم يزينه
اسهر طـوال الليـل وانـت تناميـن
وان طاح عنك غطـاك تستلحقينـه
انـا زهابـي بالشهـر قيـس مـديـن
مايشبعـك يــا بـنـت لــو تلهميـنـه
مر نضحي والمضحـى لنـا زيـن
ومـــر نشيلهبالـجـواعـد عجـيـنـه
يامـا نطحنـا و نطحونـا المعاديـن
ومـن بيننـا المـضـراب متبادليـنـه
هـذا طريـح وذا شنيـع الاكـاويـن
وهــذا تمـسـح دم وجـهـه يـديـنـه
شليويح العطاوي
مساء الخير والسعادة
صح لسانك يابو عبيد
صح ذوقك خيال
يارب وفق رحيل لكل ما فيه خير
ومن كل بلشه وضيق اجعل لها مخرجا
ان كان دنيا لها اقسم رب خيرٍ كثير
والطف بها يالطيف وقو فيك الرجا
امين امين اميييييييييييين يارب
ولك بالمثل يارب
صح لسانك شاعرنا
انا والله معرفه الله يرحمه ويغفرله
تروح وترجع بالسلامة يا ابو عبيد
لك على البال طيف وذكريات وطواري
ولك مراتعّ ومنزال .. وذلول معقوله
ولك فياضٍ ورى حدبّ الضلوع وخباري
يا سحابٍ عليّ أرخى غشاين ثعوله
صوتك الوابل اللي بلّ جرد الصحاري
صوبه البدو كلاً راح يشعب ذلوله
وينكم مختفين
معك يا حلو الشعور و معك يا حلو السوالف
لا ضحكت بسبّه ولا من ضحكت بدون سبه
⠀
انت يوم الأرض مليانه سواليف و مواقف
دلك الله لـ الكلام إللي افكر به و احبه
______________
قلت قلي وش تحب من الكبيره للصغيره
غير حبك للفضايل والفضا والافضليه
قال ويش اقول ؟ وانتي كل خير وكل خيره
وكل صبح وكل ليل وكل نور وكل فيّه .
ناصر الهواوي
27-11-2022, 11:59 AM
السلام عليكم ورحمة الله
عدنا والعود احمد
عمره ولله الحمد وصلاة عدة اوقات بالحرم مع الجمعه
وحضرت زواج الربع واستمتعت بالفلوكرات الحجازيه والاهازيج الرائعه وشفت معارف لي عنهم سنين طويله ورجعنا لضريه
ودخلنا المنتدا ووجدنا روائع رحيل الله يسلمها واختيارات خيالنا
ادام الله عليهما الصحه والعافيه والحضور الرائع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
ليا قلت اريح هاجسي واستمع واروق
خيال ورحيل اشجت هجوسي تساليهم
وهو من قبل يلقى سواليفهم مطفوق
لكن اعجب بروعة ذوايق معاليهم
وين اللي بوسعه يفرد الخاطر المطروق
بكلمه كما البلسم جروحه يداويهم
بكرتٍ سليم يبدل بكرته المحروق
بعيون الشوامت يرفع الكرت يعميهم
خيال مطير
27-11-2022, 04:47 PM
الحمدلله على السلامة
وصح لسانك ابو عبيد
ناصر الهواوي
27-11-2022, 06:29 PM
الله يسلمك يالخيال وصح بدنك ولاهنت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
يقولون هالايام نصف الميه خمسين
وحسب المعطيات الحكي يالقرم مجاني
يالخيال لو دونت بيتين مع بيتين
ووسعت صدر اللي من الضيقه يعاني
لاتبخل على من ينتظر يا احمر العينين
اللي منزوي ويعيش بالحقل وحداني
من طول النوى والبعد عن من يبي والبين
وكسرة خاطره من كلمه لحاقدٍ شاني
على عكس هالاوضاع يالقرم عاش سنين
برياضٍ مريفه وابل الوصل وداني
وبسسسسسسسسسسسس
وعليكم السلام ورحمة الله عودا حميدا يا ابو عبيد
عمرة مقبولة اربك دعيت لنا معك (:
والحمدلله على السلامة
اهم شيء إنك تهنيت وإنبسطت بهالرحلة الجميلة
وصح لسانك مدد (:
ليت النوايا مالها ستر ولباس
تظهر من صدور المخاليق جردى
اللي تظنه غير عن كل هالناس
بكره تشوفه مثل هالناس واردى
والله ماتسذب هالشاعر
ناصر الهواوي
29-11-2022, 11:34 AM
اهلا يا رحيل الله يحفظك نعم ما كذب الابيات جدا رائعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
يا ماض الايام هل من نيةٍ للرجوع
او صدق ما فات مات بحسبة المستحيل
تكفين لا تنطقين الكلمه اللي تروع
ماعاد لي قوه بصكات بقعا وحيل
اسمع لي اصوات مالي علم فيها وافوع
واشوف لكن طيوف اتمر في حلم ليل
واروح ابا اصلي الجمعه بيوم الربوع
والخافي اعظم اخاف يقال هذا هبيل
اظنه اهون من النسيان لي حب كوع
وعندي على ذلك البرهان واكبر دليل
برمانة الكبد احس ليا ذكرته صدوع
وله صورةٍ مالها رغم التقادم مزيل
ناصر الهواوي
29-11-2022, 01:45 PM
انا ماودي ادخل بس عيا لايجيني نوم
ودخلت بدون رغبه ياعسى في دخلتي خيره
بمزاجٍ لك عليه يشابه بجوه لجو اليوم
غبار وعج تلعب به هبوب الشرق وتثيره
لعل الله يبدل عجها بعد العصر بغيوم
بكاف ونون سبحانه يحكم الكون ويديره
عسى ذاك الشعيب اللي بشرقي ديرته مرحوم
اسبوع امطار واسبوعين تعجب في نواويره
وعسى بعض البشر ما ودي اسمي لقوم وسوم
خنزير ان كان رجل وكانه انثى تصير خنزيره
وانا استغفرك يارب السماء ياحي ياقيوم
يارب اجعل لنا في رحمتك عن نقمتك جيره
ناصر الهواوي
30-11-2022, 11:47 AM
ليا مريت اسجل بيت توقيع لحضور اليوم
مثل ما قيل افضفض تكةٍ بالصدر حاشرته
واعزي بهو سجنٍ فوق جدرانه يصيح البوم
وفرصه للهجوس يسلي الزاير بخاطرته
تعكر بالمزاج ووسوسة فكر وتعب وهموم
ونطفه بالجفن ذا له ثلاث شهور حاشرته
ترقرق داخله ويردها خشية زرايا القوم
تجم ليا صحى وليا دعاه النوم سهرته
نعم لوهو تحلوالك زمانك مستحيل اتدوم
مرارات الليال السود ما حلاه مررته
انا كنت انتقد من قال ياوقتٍ مضى مرحوم
واثر يوم يترحم من سنينٍ بعد دمّْرته
الله يسعد مساك شاعرنا و يحفظك ويرعاك
صح لسانك يابو عبيد ملايين
——————————
غلبت الهوى فتره لكن الهوى غلاّب
تمادى و وقف في طريقي و انا مابي
دخلت بحياتي عرض من اوسع الابواب
و انا للحبايب ماني مشرّع .. ابوابي
وعطاك الله من الود والحب والاعجاب
مايجعلك سيد قلبي و سيد احبابي
أبيض وجه وأبيض نبا وأبيض ثياب
وأبيض من اللي فالسماء شعّ نوره
الجووهره
30-11-2022, 04:03 PM
يسعد مساكم
والمعذره ع الغياب اجازه وطلعات ومخيمات
وأجواء حلوووووه. الحمدلله
والعمره مقبوله شآعرنااا
وصح لسانك ودآم ابداعك
وهلا بك رحووله وخياال
ويعطيكم العافيه ودام حضوركم وابداعكم
الجووهره
30-11-2022, 04:04 PM
تسليه
من ابدآع الغاليه غمآم
الله يذكرها بالخير
وجيتك من حنين الشوق عاني
ألوّن هالمشاعر بالمعاني
ولو تدري انا قد ايش اعاني
أكيد تحنّ يالقاسي عليّه !
صح لسانها والله يحفظها
ويسعدها وين ماكانت
ناصر الهواوي
30-11-2022, 08:19 PM
مساء الخيرات والمسرات للغياب والحاضرات
وانتي ربنا يسعدك بالدارين ويحفظك يارحيل
وكذلك الجوهره هلا بها والله يحفظها ومن حضر يقولون ماغاب
هالتسالي يارحيل فاخره بالحيل لاهنتي ودمتي وسلمتي
ــــــــــــــــــــــــــــــــــــــــــــــــــ ـــــــ
ياقلب لاتجزع ضلوعك برجفك=ولاتزعج اللي يسمعك في حنينك
اركد وقل يارب عفوك ولطفك=يمكن على ما منه تشكي يعينك
لمن جرحك ان قلت طالبك عطفك=تراك بالسبابه اطرفت عينك
وحنيت له راس الرجل راغم انفك=وهو قبل في مجمل سلوكه مهينك
شاعرة نجد
01-12-2022, 12:13 AM
السلام عليكم ورحمة الله
وصحت الالسن والذوائق والاختيار الرائق
والحمد لله عـ السلامه شاعرنا
وتقبل الله منا ومنك
وصح لسانك عـ الروائع والابدااع
وسلمتم ودمتم,’’
شاعرة نجد
01-12-2022, 12:57 AM
ليا مريت اسجل بيت توقيع لحضور اليوم
مثل ما قيل افضفض تكةٍ بالصدر حاشرته
واعزي بهو سجنٍ فوق جدرانه يصيح البوم
وفرصه للهجوس يسلي الزاير بخاطرته
تعكر بالمزاج ووسوسة فكر وتعب وهموم
ونطفه بالجفن ذا له ثلاث شهور حاشرته
ترقرق داخله ويردها خشية زرايا القوم
تجم ليا صحى وليا دعاه النوم سهرته
نعم لوهو تحلوالك زمانك مستحيل اتدوم
مرارات الليال السود ما حلاه مررته
انا كنت انتقد من قال ياوقتٍ مضى مرحوم
واثر يوم يترحم من سنينٍ بعد دمّْرته
صح لسانك شاعرنا
قريت هـ الابيات واعجبتني وحبيت اجاريها
’’’’’’’’’’’’’’’’’’’’’’’’’’’’’
الا يـ الله يالمعبود الا ياحي ياقيوم
تصح لْسان شاعر فوق عال الموج باخرته
على الابداع عوّدنا ويطفح فالبحر ويعوم
بشعْرٍ يشرح الخاطر ليا غناه خابرته
ويَخْسى البوم من سجن القوافي مايجيه يْحوم
مادامه حي شاعرنا وترجع فيه ذاكرته
على مافات جاب ابيات شعرٍ بيّح المكتوم
توسع خاطرك ياذاك وُخاطر ذاك كاسرته
ليالينا تمنينا ونضحك والقدر محتوم
لنا في غيبها كل الامل لو يحترق كرته
من الماضي من الحاضر نشكل بالقصيد غْيوم
مطرها يروي الظامي ويطرب ناس ناطرته
على متن الزمن نلقي مشاكلنا وبَعْض اللوم
وانا ربي ومهما يْكون حامدته وشاكرته
ناصر الهواوي
01-12-2022, 10:14 AM
مرحبا بشاعرتنا بعد الغيبه وبماجابت وصح الله لسانك حتى ترضين
والله يجزيك خير ويسعدك بالاولى والآخره بعد عمر طويل على الطاعه
هلا يا مرحبا يا هجسها اللي عندنا محشوم
بمدهال البديع اللي بعد ظلماه نورته
جنيه من الذهب في قافها اللي جابته مختوم
قريحتها ماشالله ماتعسر حيل يسرته
ليا منه لحقها من جفاها للمكان اللوم
إتجمع لومنا بكفوف هالعذبه ونثّْرته
حشاها ماتقصر تهدي ان مرت لنا المقسوم
بمثابة حافزٍ بغيابها للهجس وفرته
ناصر الهواوي
01-12-2022, 11:52 AM
يابيت عنِّك كيف اغيِّر مساري
اتعب ليا شفتك وانا ودي اجيك
لو انت من معناك يابيت عاري
ابيك من حبي لمن كان واغليك
طلٍ خلا تحيط فيك الصحاري
بحساب فاني ما بقى الا مواريك
لشوفتك عيني تهل العباري
حيثك تذكرني بمن قد سكن فيك
باللي بقى من فوق عش القماري
واثار ما بالليل جاء في مذاريك
احسب لك الف حساب وان جيت ساري
واقصر بنور الجيب وان جاء حراويك
عن كل مالك قلت ما انته بداري
ولو انت قلت اهلاً هلا قلت لبيك
عصر الخير (:
حي الله جوجوتنا
مرحبابتس يالغالية الله يهنيكم
وحي الله شاعرتنا
صح لسانتس حتى ترضين
يا مبدعة
صح لسانك يابو عبيد دايم وابدا
خيال مطير
01-12-2022, 05:45 PM
صح لســـــــــــــــــــــــ يقول ــــــــــــــــــــــــــــ الهواوي ــــــــــــــــــــــــــــــــــــــــــــــــــ ـــانك
تذكرت والذكـرى علـى القلـب مثـل النـار
حنينـي عـلـى مــا فــات بالحـيـل متعبـنـي
لي افزع بشيل القـاف والطيـالات اقصـار
ابـــرٌد بـهــا شــــيٍ بـجـوفــي مـذوبـنــي
لك الله لو يدري عذولـي عـن اللـي صـار
هكـالـحـيـن مــــاوالله بـعـمــره يـانـبـنــي
بـدارٍ سقـاهـا الغـيـث يـاحـي ذيــك الــدار
ربيـع الشـبـاب ونـشـوة العـشـق تغلبـنـي
مع اللي ملك قلبـي وسيطـر علـى الافكـار
مـعـه صــك ملكـيـة عـلـى موجـبـه يبـنـي
جميـل المحيـا لونـه ابيـض مــن الجـمـار
هـنـوفٍ بسلهـامـت رمـوشــه مصـوبـنـي
قبالـه قبـل وقـت الظهـيـرة غــدا وافـطـار
وهمـس الكـلام ومنـطـق العـيـن يطربـنـي
له اختـرت مـن بـد الولايـف وهـو مختـار
قنـاعـات تـمـت معجـبـن بــي ومعجـبـنـي
سوالف لعب فيها الدهر واصبحـت تذكـار
وان اشرح لنفسـي بعـض الاشيـا تكذبنـي
لو انه حضر ذاك الزمـن ولـد ابـن عمـار
علـى راس اجــا باللـيـل غـنـى يجاوبـنـي
ولو ابديت في همس القوافي خفا الأسرار
من الوجـد مـا اعانـي وياسـن مصاحبنـي
وبيـنـت تفصـيـل المعـانـي لابــن منـشـار
لــو اكـتـب هــوس بالمنـتـدا مايحاسبـنـي
ولـي مستشـارٍ لــو قــرأ نـشـرة الاخـبـار
علـى بـعـض مــا احــرر لــزومٍ يعاتبـنـي
ولكـن لـو انـه شـاف منظـر بـدون اطــار
بالـلـبـوم ابــــدد فــيــه وجــــدٍ يـعـذبـنـي
يجـي مـن جبـل فـاران ماهـمـه المـشـوار
ان ارجــوك مــرة ثانـيـة ورنــي يـابـنـي
وانا مااقدر ارفض له طلب جالـسٍ بالـدار
لــو انــه يـخـبـر بـــي بنيـخـيـه ينكـبـنـي
خيال مطير
02-12-2022, 11:15 AM
معشوقتي جري القصايد مواويـل
ليـن الهـواوي يستلـذ بغرامـه*
مع الفجر والعصر وان خيّم الليل
ونوحي ليا من غبت نوح الحمامه
ايه افخري بي ماعشقتي لك خبيل
ويفداك رجل" ماتشيلـه عظامـه*
وليا نشدك منقّـل القـال والقيـل
منهو عشيرك ؟ عرّفينـا مقامـه*
قولي عشيري بينكم كنـه سهيـل
بين النجوم بطلعتـه واعتصامـه*
وانته وربعك مع عشيري قناديـل
ياللـي غنايمكـم بنقـل النمامـه*
وان ضايقك يام الرموش المظاليل
لا تدفني راسـك سـواة النعامـه*
تنومسي بي لعنبو بـارد الحيـل
مايلحقـك بالمـدح فيّـه ملامـه*
قولي عشيري آية العصر والجيل
قرم" ينومس من يحـب القرامـه*
من متعبين الخيل ذباحـة الحيـل
لطامة العايـل فحـول الزعامـه*
فقيـر لكـن نـادر" بالمشاكيـل
واختار درب" غير درب السلامه*
فيّ اعتزي وانا صعوط المهابيـل
ويبشر بيوم(ن)مثل يـوم القيامـه*
نذر" عليّ والنـذر مافيـه تبديـل
ياجارحك مايهتنـي فـي منامـه*
قلته وانـا قـد الليـال المقابيـل
من داس لك جرّه ترانـي كعامـه*
وان كان ماني من خيار الرجاجيل
عطيني*البرقع*ودوك العمامـه !!
ناصر بن ضحيان الحنتوشي العتيبي
ناصر الهواوي
02-12-2022, 10:00 PM
قصيدة الحنتوشي رائعه صح لسانه وسلم ذوقك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
خيال يوم الاحد ليلة الاثنين
عندي ابو عامر الغامدي
وابو بندر ومحمد الفراج
والناقد وحبذا لو تجي معهم
الاخوات تشملهن الدعوه في قسم خاص بهن
يشرفني من تكرم بتلبية الدعوه
ناصر الهواوي
02-12-2022, 10:19 PM
وش اقول بعد اللي جرى وش يفيد القول
ابا اسكت وكان تشوف به حل علمني
ما ارى فيه شي يقال مبني على المجهول
ظني خاب فيك ومقصدك جاء على خمني
لكن قل عن اللي فات من هو بنا المسؤول
تصرفك الارعن معول يهد ما يبني
تغلي وزايد غطرسه مالهن حلول
سوى ضيق صدر وتكة اخلاق بالغبني
صباح الورد (:
مشكور على الدعوة
الله يجعله بيت عامر يا ابو عبيد
لو انا قريبين كان جينا لام عبيد وبناتها (:
وصح لسانك شاعرنا
صح ذوقك خيالنا
اتلذذ بالطواري ونسناس الـهـبوب
لو ماجالك ذكر بين العلوم العابـره
كن في كبدي من الشوق والفرقا شبوب
المحاني ذي صويبه و هـذي جابره
من غلاك ومن محبتك قلي كيـف اتـوب
وانت حبك في ضلوعي وقلبي خابره
ناصر الهواوي
03-12-2022, 09:41 AM
اهلا يا رحيل وصح بدنك ولاهنتي ويقولون المنتوي يقطع المستوي ههههههههههه
خيال في مثل هالحالات يلتزم الصمت ههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
سَم يالبيك لو في طعم ما قلت سِم
المشاعر في متاهات ودك هايمه
والله اني نافضِ من بعدها منك كم
وكل دعوى بالمجامل ماهي لك دايمه
قلت لك ما انتَ كما اول وردك لن ولم
اقطعك لو خامني جاز عن عمايمه
وما توقعته وقلته وظني فيك تم
واقتنع عقلي بذلك ونفسي شايمه
عبدالله الدّنّيش
03-12-2022, 02:30 PM
قصيدة الحنتوشي رائعه صح لسانه وسلم ذوقك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
خيال يوم الاحد ليلة الاثنين
عندي ابو عامر الغامدي
وابو بندر ومحمد الفراج
والناقد وحبذا لو تجي معهم
الاخوات تشملهن الدعوه في قسم خاص بهن
يشرفني من تكرم بتلبية الدعوه
******
سلام عليكم جميعا ورحمة الله وبركاته
وأسعد الله أوقاتكم
وشكرا أبو عبيد على الدعوة الكريمة
ونراكم على خير وفي خير إن شاء الله ،،
تحياتي للجميييييييع ،،
شاعرة نجد
03-12-2022, 09:01 PM
قصيدة الحنتوشي رائعه صح لسانه وسلم ذوقك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
خيال يوم الاحد ليلة الاثنين
عندي ابو عامر الغامدي
وابو بندر ومحمد الفراج
والناقد وحبذا لو تجي معهم
الاخوات تشملهن الدعوه في قسم خاص بهن
يشرفني من تكرم بتلبية الدعوه
مساء الخيرات والمسرات رواسينا
وطابت اوقاتكم وصحت السنتكم وذوائقكم
وشكرا يـ الهواوي عـ الدعوهـ
جعل بيتك عامر بالكرم والجود يالنشمي
ماقصرت ولو تسمح ظروفنا كان الشرف لنا طال عمرك
وصح لسانك على هـ الدرر
وعليكم السلام ورحمة الله يـ الدنيش
ومساك سعيد
وعودا حميدا شاعرنا
وسلمتم ودمتم,’’
شاعرة نجد
03-12-2022, 09:47 PM
مرسول الاحلام لامن نامت عْيوني
تعال عندي وعطني موجز اخباره
من بعض الاحلام يروَى يابس غصوني
ماهوب داايم ولكن تاره وتاره
بـ اعيش لحظات ودوني وردوني
لو في منامي بـ اروح الشوق زواره
أدري بـ ازيد الوله واهيض شجوني
ربيع قلبي وميراده ومصداره
يـ احلام جودوا علي باللي تجودوني
ماغير هـ الحل عندي حلٍّ اختاره !
خيال مطير
03-12-2022, 11:27 PM
https://www.youtube.com/watch?v=2JhKqLG2Ack&ab_channe
الجووهره
04-12-2022, 11:12 AM
يسعد صباحكم جميعا
شاعرنا الهواوي
هلا بك ومشكور على الدعوه
وجعله بيت عآمر بوجودك
وصح لسانك ودام ابداعك
شاعرنا الدنيش
هلا بك بعد الغيبه
وعودا حميدا
شاعرتنا المبدعه
منوووره وصح لسانك
ودآم ابدآعك
خيالنا ، رحولتنا
منوورين ويسلم الذوق
ويعطيكم العاافيه
الجووهره
04-12-2022, 11:13 AM
تسليه ع الطاير ههه
البـارحه ليل الشتـاء جاب طـاريك
واهداب عينـك كنهـا الحلـم لاحت
انا احسبني مع جفى الوقت ناسيك
لين انتبهت ودلة الشـوق فـاحت
ناصر الهواوي
04-12-2022, 11:34 AM
اهلا بشاعرتنا المبدعه وصح لسانك ولاهان راسك والله يسلمك من كل شر
ارحب ياحضرت الخيال روعه هالشيله لو انها صابت مقتل هههههههههههه
الله عليك وش حدك عليها
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
الصبر كان يباع هو وين سوقه=بل نعمة النسيان هي وينها اليوم
ما فات لي خيال جابه يسوقه=بتقليب المواجع كان ماهو بملزوم
الهجس والم والمشاعر طفوقه=والقلب له كم عام مجفي ومحروم
من جلسةٍ كانت عشاه وريوقه=عنها العوض طيفٍ يجي نوب بالنوم
حلو النبا اللي كان يطفي حروقه=وفنجالها اللي سد عن كل مطعوم
اطعم طعم به حلو ماعاد اذوقه=وبعده وانا عن ريحة الكيف مزكوم
وبس هههههههههههه
اهلا يالجوهره وصح بدك والله يحفظك ويسعدك شفت المشاركه بعد نزلت مشاركتي
الدنيش
وعليكم السلام ورحمة الله
ابو عبيد صح لسانك
نجد صح لسانتس شاعرتنا
جوج صح ذوقتس يا بعدي
خيال صح ذوقك
اهلا يا رحيل وصح بدنك ولاهنتي ويقولون المنتوي يقطع المستوي ههههههههههه
ولانت طال عمرك
اعزم المعزب ونجي هههههههههههههههههههههههههههههههههههههههههههههههههه هههههههههههه امزح امزح
يالليل الشتاء لا تكشف الخافي المستور
وتنّـجح طرف كبد من الهجر مستقّـيه
طواري غرام وفلم ذكرى ودقت زور
وروحٍ من صدوف المقادير مشتقيّه
مريض الهوى لا يمكن يعالجه دكتور
ولا ينفعه فحص استشاري ولا رقيّه
شاعرة نجد
04-12-2022, 09:34 PM
مساء الخير
طاب مساؤكم واسعد الله اوقاتكم
وصح لسانك شاعرنا
وسلمت الذوائق الممتعه
تقديري,’’
شاعرة نجد
04-12-2022, 10:16 PM
بْخاطري موال ياسجن القوافي
يوم ناصر منشغل عنْك بْضَيوفه
بتسلاّ وابَسَلّي كل لافي
من جديد الشعر لاهلت قنوفه
غن ياطير الوله والجو صافي
لو بعيد الدار ماتقدر تشوفه
هات ماعندك وانا من كل خافي
في طلاسم عذب قافي في حروفه
يستشف الفكر وبكل احترافي
غايتي مابين ورديه وموفه
بس كافي شوق عيني بس كافي
تحرقين القلب مع دقة دفوفه
بالسهر لو ماحصل,خير وعوافي
أرجهني ماعلى الدنيا حسوفه
مساتس الله بالنور ارحبي يا شاعرتنا
وصح لسانتس مدد
ما كان حبي خطأ ، لو هام قلبي هيام
لازلت أخبيك في قلبي ، و بين أضلعي
إيه اعشقك و ادري إن الحب فوق الكلام
اشوف بك عمري .. و رغباتي و مطمعي
علمني إني بصدرك رغم كل الزحّام
وحدي تسيّدت في قلبك و قلبك معي
شاعرة نجد
05-12-2022, 10:06 PM
صح بدنك رحيل
فديت الحضور الممتع والذائقه المميزهـ
تقديري,’’
شاعرة نجد
05-12-2022, 10:26 PM
مُطرنا بفضل الله ورحمته
اللهم صيبا نافع,الليله ولله الحمد امطار وجو ممتع للغايه
لاسمعت الورق يسجع على الغصن الرطيب
غنَّ لي وارسل مع الحدس لاهبت هبوب
العصر قبل المساا حوله وقبل المغيب
للهوى في ذيك الاوقات متعه فـ القلوب
ومع نسيم الصبح كل المشاعر تستجيب
من شمال وشرق والغرب والا من جنوب
بالتجاه اللي توجّه مع الحس الغريب
لاجذب قلبي وغلبي وجت من كل صوب
المطر والغيم والبرق والجو الرهيب
جابت الليله ذالابيات والعمر مْحَسوب
خيال مطير
06-12-2022, 01:00 AM
صح لســــــــــــانك شاعرتنا نجد
صح لســــــــــــانك رحيل قمةة الاختيار
خيال مطير
06-12-2022, 01:09 AM
تسليه , قصيدة يا خاطري ما يفيد الضيق والحسره للشاعر :فهد الشهراني .
يا خاطري ما يفيد الضيق والحسرة ...
والحزن قتال لا هبت أعاصيره
لا تحسب اللي جرى لي بالهوى كسرة ...
الغصن عايش ولو طارت عصافيره
يا صاحبي من سوايا القلب لا تشره ...
القلب باقي على ذكرى مساييره
من قسوة البرد عندي للدفا جمرة ...
جمرة غضى تشتعل بالهم والحيره
احيان اشوف الخفوق يحب مايكره ... وأجيب لأجله عذر واقبل معاذيره
واحيان اشوف الجفا يطغى على صبره ...
يهز عرش الضلوع و ما لقا ديره
ياويل قلبي بترحل كمل السهرة ...
ما راح تلقى من الاحزان تاشيره
خيال مطير
06-12-2022, 02:19 AM
ياالله يا اللي عالم كل مكنون
تفرج لقلب كاثرات شطونه
يا خالق الدنيا على الكاف والنون
يا نافخ بالصور يابالمعونة
تكفون بالله يا أهل الحزم تكفون
نوماسكم والعز لا تتركونه
عاداتكم عند المواجيب تافون
واللي يدور ضهدكم تضهدونه
جبتوا لكم علة وغبن وطاعون
هم بكل قلوبكم تنقلونه
أسباب ما بي شفت وانتم تشوفون
عمل الخنا ياناس ينجاز دونه
ترى الرجال ما ينطح الكود بالهون
راعي الشرف ما يرتضي بالمهونه
والرس من تاريخ الأيام مصيون
دونه رجال بالنمش يحتمونه
ناصر الهواوي
06-12-2022, 09:20 AM
السلام عليكم ورحمة الله
مادخلت لان النت ما اشتغل الا هالحين ولا اعرف السبب
اهلا يارحيل ودمتي وسلمتي
اهلا بشاعرتنا ودررها العذبه وحضورها اللي سد عن حضور طبعا عاصفيون ههههههه
ارحبي يالجوهره وحيالله خيالنا وتساليه الرائعه
( غن ياطير الوله والجو صافي=لو بعيد الدار ما نقدر نشوفه)
ياسلام يالسلام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
ياهجوسي خابرك دايم سنافي
والقريحه لاتعزويت معروفه
كل قاف ابيه يكسر عين قافي
تبر مفردته وماسيه حروفه
لكل مصدي ذايقه بلسم وشافي
فاتح لشهية النفس العيوفه
قول صح لسان سيدة القوافي
تنبهر من قافها لــ جت تحوفه
حول قاف ابن عويزب والنصافي
وعن كماك اظنه ابعد من تنوفه
ناصر الهواوي
06-12-2022, 12:18 PM
اخيه وافيه للضيقه وتك الصدر
ويقولها نيف لو صدت عنه نايفه
ومن وهقه من يود وضاع وقته هدر
وانحاست اوضاعه اللي من قبل كايفه
عقب الحرير يتقلب فوق شوك السدر
ويرضى بمر المذاق اللي قبل عايفه
وين انت يابدر بعد الغيت نور البدر
ايام انا اقول ماشفته وانا شايفه
ذيك السنه يوم كلٍ له مقام وقدر
ولاكان يخشى وليف فراق ولايفه
الجووهره
06-12-2022, 01:55 PM
يسعد مساكم
وصحت الالسن والاذوآق
ودآم حضوركم الجميل وابدآعكم
شاعرة نجد
06-12-2022, 09:33 PM
السلام عليكم ورحمة الله
مادخلت لان النت ما اشتغل الا هالحين ولا اعرف السبب
اهلا يارحيل ودمتي وسلمتي
اهلا بشاعرتنا ودررها العذبه وحضورها اللي سد عن حضور طبعا عاصفيون ههههههه
ارحبي يالجوهره وحيالله خيالنا وتساليه الرائعه
( غن ياطير الوله والجو صافي=لو بعيد الدار ما نقدر نشوفه)
ياسلام يالسلام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
ياهجوسي خابرك دايم سنافي
والقريحه لاتعزويت معروفه
كل قاف ابيه يكسر عين قافي
تبر مفردته وماسيه حروفه
لكل مصدي ذايقه بلسم وشافي
فاتح لشهية النفس العيوفه
قول صح لسان سيدة القوافي
تنبهر من قافها لــ جت تحوفه
حول قاف ابن عويزب والنصافي
وعن كماك اظنه ابعد من تنوفه
عليكم السلام ورحمة الله
وصح لسانك انت
ولاهنت على هـ التشجيع شاعرنا
وصح بدنك
وصحت ابدانكم,خيال والجوهره
تقديري ,’’
شاعرة نجد
06-12-2022, 09:41 PM
http://teacher-sa.com/imgcache/87208.imgcache.imgcache
مايدوم الا العلاقات الوطيده
الرياا والزيف عمره مايدوم
حضرة العصفور تومي بك جريده
ياخفيف العقل مدري الوزن قوم
قوم طير ولو على مالا تريده
غيّر البستان لاحافك سموم
غرد وحرك مشاعرك البليده
وحلق وعلق على بُعد النجوم
لو عجزت تْجيب لك جمله مفيده
ولو تعداك الطيور اللي تحوم
ارض بالواقع وُّقّع وامش سيده
لو من القمه معاليك مْحروم !
ناصر الهواوي
06-12-2022, 10:15 PM
اهلا يالجوهره حييتي وكوفيتي كل مكروه
ارحبي شاعرتنا ماهو تشجيع حقيقه الله يحفظك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
لسان حال ايامنا فيه لكنه=طلاسمه صعبه ما غير أتأول
وجا في ذعاذيعٍ تجي منه سكنه=كتمه لكن لعلها ما تطول
حتى بياض قلوبنا فيه دكنه =يعني على ما قيل الاول تحول
ياهي على قلب المسيكين ركنه=لاناشدٍ عن وضعه ولا ممول
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
يقال بالامثال ياذا(خذ وخل)=مافيه وفر اثره مُبالغ زرايا
ياقلبي اللي من كثر ما سمع مل=لاهو بقدامي ولاهو ورايا
من الجفا كنه يقلب على المل=من الهموم يهاجمونه سرايا
يمنيه لكن هالمنى عودت طل=باوعادٍ من الصدق صارت عرايا
على الكلام اللي حصل كم شهر هل=وكم جيت مدن وكم نشدت بقرايا
لين القوافي شيبت والقلم كل=ورجلي تثنت والركايب هرايا
ــــــــــــــــــــــــــــــــــــــــــــــــــ ـــــــــــــــــــــــــــ
وبس
ناصر الهواوي
06-12-2022, 10:43 PM
ههههههههههههههههه
انتي وش سلطك على هالعصيفير المسكين وكيف شفتيه بين هالجريد
كان خليتيه بجوه يمكن جايزٍ له
ابا انوب عن هالضعيف اللي ابلشتيه
ــــــــــــــــــــــــــــــــــــــــــــــــــ ــــــــــــــــــــــــــــــــــ
للنخل جابتني حظوظٍ قريده
ساكن وساكت ولا عندي علوم
لين جت من للشعر صارت عميده
واخذت لي صوره ودلت تلوم
طبعي مسالم وهالورقا عنيده
من الملامه وجهت يمي سهوم
مابقي للي رحل منا شريده
الهبايب شتتهم بالتخوم
بهالمحله ذكرياتٍ لي سعيده
اتجرر طعمها واقعد واقوم
والتمني والمنى ماهيب اكيده
هكذا الاقدار معطى ومحروم
اتركيني بالسعف فوق الجريده
اصحي بذكراي وبذكراي انوم
لو رحلت اخاف ماشي استفيده
لاضمانٍ لي حصل حسب السلوم
ــــــــــــــــــــــــــــــــــــــــــــــــــ ــــــــــــــــــــــــــــــ
ناصر الهواوي
07-12-2022, 11:59 AM
إي والله ههههههه بدون سبب من زود الادب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
يانجد اغبطك لك صحاري ووديان
وجبال وايضا شاعره تنتسب لك
ليا التوت بالبيت جاء البيت مليان
لحبك الشعر معها وثيقة تملك
يانجد بامر اللي ليا قال كن كان
عل السحاب اللي تزبر يعلك
حيث ان لي فيك يانجد خلان
حلوا بخفاقي وانا مستحلك
من عام قبل العام الاول الى الآن
يالدمع وعيوني عليهم تهلك
ما زان معهم من بعد فقدهم شان
اطويك يالذكرى القديمه وافلك
واشوف بك ما شيب رموش الاعيان
ويقول شوقي لو تغيبت ادلك
ناصر الهواوي
08-12-2022, 10:11 AM
كأن لم يكن بين الحجون الى الصفا======انيسُ ولم يسمر ببكة سامرُ
اعتراضيه
ذكرت شطر بيت لسداح يقول /(غير بدع القافيه ماله وظيفه) ولقيته ينطبق علي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
من صَد صِد ولا تلقي له البال
واقبل على المقبل ورحب وهلي
لو له بقلبك كان منزل ولازال
عض اصبعك واصبر وخله يولي
يهون تاثير الجفا كلما طال
لوقت به مع الصبر والتسلي
وان حركت مشاعرك بعض الاطلال
القاف لك مزبن ومنتَج محلي
ناصر الهواوي
08-12-2022, 12:06 PM
خيال اظنه مثلي ما يسجل خروج
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
فتشت باوراقي وحصلت توقيع
عكر مزاجي ليتني ما لقيته
قد كنت ما اسمع بالموقع ولا اطيع
لكن سليت/ وخالقي ما نسيته
من الاسى هبت بصدري ذعاذيع
حاولت اهدي ظغطها ما قويته
وناستي من ما جرى ذبت الريع
وإلـ بكيةٍ له بالموادع بكيته
ذكراه سوت للطواري مشاريع
من لامني بــ............. ينهد بيته
وبس ىههههههههههههه
ناصر الهواوي
08-12-2022, 06:52 PM
ينهد بيته هههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
تمرد مشاعر مع طفش مع شوي ظغوط
مع ضيقة صدر ما ودي تشاف ظاغطها
مشينا طريق الصبر لكن ظهر ممغوط
انا آسف اثر نفسي بطوله مورطها
ابا اخيط شق وصالهم من غبى بخيوط
وبدت لي شقوقه ماش خيطٍ يخيطها
ولقيت الغلا بآخر طريق الجفا مجلوط
ووناسات حوله ما اعرف ويش جالطها
عهود ومواثيق ابرمت من قبل وشروط
يدها مزقتها واتلفت في مشارطها
وش ذنب اصبعٍ راسه بناب الاسا مقروط
كذاب الاماني ياعسى الوقت يقرطها
خيال مطير
08-12-2022, 07:40 PM
نبه المركز الوطني للأرصاد عن حالة مطرية تتراوح من متوسطة إلى غزيرة تبدأ يوم غد الجمعة والسبت، تشمل أجزاء من منطقتي حائل والقصيم ومعظم محافظاتهما.
وتمتد الحالة المطرية بحسب التوقعات، لتشمل منطقة الرياض، ومحافظات الزلفي، شقراء، المجمعة، رماح، الدوادمي، عفيف، المزاحمية، القويعية والخرج، إضافة إلى المنطقة الشرقية ومحافظات الجبيل، النعيرية، القطيف، الدمام، الظهران، الخبر، بقيق والأحساء، يصحبها جريان السيول والأودية، وتساقط البرد، وتيارات هابطة نشطة السرعة وأتربة مثارة وتدن للرؤية الأفقية.
ناصر الهواوي
09-12-2022, 02:30 PM
الله يعطينا خير ما فيه شر
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
من ظغط اصبع الاعجاب يعني حفيدي حي
لكن ما نبس في بنت شفه وحييته
هلا مرحبابه كانهمار البرد والمي
دموع السحاب ليا سقى روضةٍ ميته
مروره علينا عقب ما غاب يعني شي
ياليته يشاركنا على طول ياليته
انا البارحه حفيد مادري وش اللي بي
حركت المغربل للمحطه وعبيته
تليته لدارٍ كان به ذكرياتٍ لي
ويا ليتني ما رحت يمه ولا جيته
الا زاد كياتٍ قديمه بقلبي كي
بحامي مياسم ذكرهم حطها بيته
اثاره بعين الغير ماهي تساوي شي
لكن في عيوني لغز غامض وفكيته
خيال مطير
10-12-2022, 08:37 AM
بعض الخلايق شوفته ترفع الضغط
من شين منطوقه ومن ثقل دمه
.
وبعض الخلايق شوفته تجلب البسط
له شوفتن تجلي عن القلب همه
منقول
خيال مطير
10-12-2022, 08:44 AM
نجديه من حسنها يخلق الغيم
وفي عنقها زين الخلايق قلاده.
منقول
خيال مطير
10-12-2022, 08:47 AM
هبت هبوب اهل الهوى والهوى صلف=وانا هواوي والهوى نصف دمي
بيني وبينه صلب مابيننا حلف=اصل وفصل من راس خالي وعمي
وانا هوى بالي ثلاثٍ من الالف=ثلاثٍ اسماهن تكيد المسمي
وباق الهوى طفته وعني قعد خلف=لانيب لايمه ولاهوب يمي
وانا ليا ادركت الثلاث - التسـع ذلف=والسبع والتسعين ماهيب همي
وضربٍ بحد السيف ومذرّب الشلف= اهون علي من مطلبٍ مايتمي
عندي كرامة نفس والفتها ولف=احبها حبي لبويه ولمّي
احيا واموت بطيّب الصيت والسلف=ولانظرت بنظرتي تحت كمي
ناصر الهواوي
10-12-2022, 10:08 AM
صباح الورد والبرد والخيرات والمسرات للجميع
ارحب يالخيال تسلم على هالنقول الرائعه بس الاخيره
ما كان تغفل شاعرها اللي اقول صح الله لسانه الى مالا نهايه
ناصر الهواوي
10-12-2022, 10:26 AM
وش يقال لخاطرٍ ضيقةٍ له ضاويه=كل ما قال ذلفت لا حفظها الله ضوت
ما تفارق ساح صدرٍ ذيابه عاويه=لا تفيت في نحايف حناياه انعوت
بالقلوب اللي على البعد ماهي قاويه=قلقلوها فوق جمر المفارق وانشوت
ناصر الهواوي
10-12-2022, 06:33 PM
الليله بارده لكن كيف الحال يالخيال
هواها يثبت ان الوقت هذا مربعانيه
الا ياوجد حال اللي يكابد ليلها لاطال
برجا الاحوال تصلح واتضح ما عندها نيه
يزيد النار نار ويلحق الفنجال بالفنجال
ينوني بالقوافي سر واحياناً علانيه
يورا له يشم الريحه اللي شمها في شال
ويرا له صوره لمستقبله ماهيب فنيه
احساسه رغم ياسه له يقول ان الرجا لازال
لو ان وردي حلومه عودت سودا وبنيه
الجووهره
11-12-2022, 09:01 AM
صبآح الخير والمطر
والأجوآء الحلووه
وصحت الالسن والاذواق
ودآم الحضور والابدآع
ويقول الشاعر نيابة عني
ههههههههه
مايموت الحُب في قلب المحب
ولا يموت الشوق لو طال الغياب .
وهذا حالي مع رواسي
لو غبنا وطالت الغيبه
نحبكم ونشتاق لكم
أخوه غالين وأخوات غاليات
الله يديم المحبه ويحفظكم
ويسعدكم
ناصر الهواوي
11-12-2022, 11:35 AM
اهلا يالجوهره
ويقول الشاعر ايضا
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
يابنت لو ما صِدّْق القول بافعال=ولو من زعم ما جاء لزعمه براهين
كان الجبان ايخيف عنتر بالاقول=ومن لا قرا صار اعلم من ابن سيرين
وانا تحديت الحويفي بالامثال=وخيالنا حاس الشيوخ المسمين
واللي حضر ماغاب ذا الصح ويقال=فضليةٍ يامرحبا فيك واهلين
ناصر الهواوي
11-12-2022, 11:56 AM
سقت هالسمار اللي يفيِّض به الواد الكبير
مزونٍ تزبر بإذن منشي الخيال بقبلته
شعيبٍ رماله ناعمه ما تقول الا حرير
رجليني تتوق لمشيها حافيه في سهلته
وانا اشتاق له وارتاح ويطيب لي فيه المسير
لجل من على فرقاه دمعه مسيل كحلته
بدوحه طرالي كل ماصار لي وانا صغير
بالتفصيل مثل الطرقي اللي يوصف رحلته
عبدالله الصقري
11-12-2022, 03:52 PM
الله يعطينا خير ما فيه شر
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
من ظغط اصبع الاعجاب يعني حفيدي حي
لكن ما نبس في بنت شفه وحييته
هلا مرحبابه كانهمار البرد والمي
دموع السحاب ليا سقى روضةٍ ميته
مروره علينا عقب ما غاب يعني شي
ياليته يشاركنا على طول ياليته
انا البارحه حفيد مادري وش اللي بي
حركت المغربل للمحطه وعبيته
تليته لدارٍ كان به ذكرياتٍ لي
ويا ليتني ما رحت يمه ولا جيته
الا زاد كياتٍ قديمه بقلبي كي
بحامي مياسم ذكرهم حطها بيته
اثاره بعين الغير ماهي تساوي شي
لكن في عيوني لغز غامض وفكيته
*************
هـلا بـك هلا يا جـــدّي الميِّــت الحـيّ
عـدد ما تذكّـرت الحفيــد و تناسيتـــه
عـدد ما عَزَفنـا للـ نهاونـــد في الحي
و كانت حواير جـدَّه الحوش في بيتـه
على السمسميَّه لين ما يشـرق الضي
و يغـزل سنآه العشق يوم انت واريته
قبل ما يـهــدّونـــه و يصبـح و لا شي
ويصبح بَرَاح و يستوي حيَّـه و ميتـه
قبل كل تاريـخ انمحى و اسـرج الضي
على مملكتنــــا ليـــت ما ينطفـي ليتــه
هلا مرحبا في المجلـس المنـدثــر حـيّ
عدد ما شقى في الحب قبلك و وآسيته
هلا بـ المعــاني الشافيـه بـ اَعـذَب الكيّ
و حرف انكتب لاجلي من انسان حبّيتـه
لـ عينيـه جيت وصرت من شمسه الفيّ
و لبّـيــت هـجـســه يـوم غنَّى وغنّيـتـــه
عسى جـيـِّتـي عن غيبتي تشفـع شــوَيّ
و يسعَـــد ولا يحسبـنـي فـ يـوم جافيتــه
ناصر الهواوي
11-12-2022, 09:42 PM
ارحب ارحب يالصقري وصح الله لسانك ولاهان راسك مجاراه ولا اروع وهذا ديدنك طال عمرك
ــــــــــــــــــــــــــــــــــــــــــــــــــ ــــــــــــــــــــــــــــــــــ
قاف الصقري عطاش الذوايق رواهن ري
تمكن من الابداع /جاء محكمٍ بيته
تناسيت جمله معتبرها بحقي سي
مابه راسيه او شخص راسي تناسيته
لكن الغياب اقصى الأخيه ولا ابقى خي
حبل الوصل معهم كل ما طاح مديته
شوي ارفل ترا به ناضج ونوب تلقى ني
والاعذار واجد بس ذا كيته وكيته
ناصر الهواوي
12-12-2022, 11:19 AM
ممممممممممممممممممم
تواصل الميمات تعني تلعثم بالكلام
لو كان ما يحتاج في نطقه اي مساعده
ينحاس في هالوضع من للفصيح اصبح إمام
حتى لو انه قِس وانا اعني ابن ساعده
يارب يامنشي من البحر زخات الغمام
وتكثفه بالجو بامرك رياحٍ بارده
صبه على نجد العذيه مراتيع الجهام
واد الرشا قالو سيوله تعدت وارده
ناصر الهواوي
12-12-2022, 11:37 AM
يكون اربعين من الشبه ذا قديم يقال=وتمنيت ارى له من يشابه ولو واحد
مربوعات وقصار وبالاسواق شفت طوال=ريانات عود وهيف ونحافهن واجد
لكن في خيالي صورةٍ له ولاتزال=عن من لي تيسر شوفهن زينها زايد
الجووهره
12-12-2022, 06:52 PM
اهلا يالجوهره
ويقول الشاعر ايضا
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
يابنت لو ما صِدّْق القول بافعال=ولو من زعم ما جاء لزعمه براهين
كان الجبان ايخيف عنتر بالاقول=ومن لا قرا صار اعلم من ابن سيرين
وانا تحديت الحويفي بالامثال=وخيالنا حاس الشيوخ المسمين
واللي حضر ماغاب ذا الصح ويقال=فضليةٍ يامرحبا فيك واهلين
هلا بك زود شآعرنااا
تسلم وصح لسآنك مليووون
الله يحفظك ويسعدك
أخ بس ليتني شاعره هههههه
الجووهره
12-12-2022, 06:56 PM
وهلا بك الصقري
وصح لسآنك مليوون
ودام حضورك وابدآعك
ناصر الهواوي
12-12-2022, 07:10 PM
انا واربع واربعين زائر متواجدون اهلا وسهلا بنا ههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــ
السجن يالخيال شابت رموشه=والقاف ليته مثل رمش السجن شاب
بمخه حصل من هالغيابات دوشه=وتزيد به لو شاف من هو حضر غاب
غبّْر من الدجه وضاعت نقوشه=يادوب من كثر الغبار افتح الباب
خله تمحطر هالعواصف بحوشه=وعِد بي لمن لو قابلك ترمي الكاب
لجله يجي بالهجس للقاف شوشه=لو قال سيدي/قال مع حفظ الالقاب
يعد رمزٍ للوجيه البشوشه=ما اخبر شي بمجمل اوصافه يعاب
مهما رويت لشوفته بي عطوشه=ابو ثمانٍ بيض وصغار وعذاب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
وبسسسسس هههههههههه ومالكم جس
صح لســــــــــــــانك يابو عبيد ,صح لسانك يالصقري
خيال مطير
12-12-2022, 10:00 PM
يا عبيد ليتك تشوف الحال يا عبيد
الصدر ضايق ولا حولي ربوعي
في شقة كأنها ابو غريب يا عبيد
شبرين زنزانتي او ربع بوعي
النجر ما رن له شهرين يا عبيد
والنار انا شاعله وسط الضلوعي
تركية قهوتي والله يا عبيد
وأكلي كنافه سبب زين الطلوعي
رجواي بمغير الاحوال يا عبيد
أشوف مرباعنا وسط الجموعي
الجووهره
13-12-2022, 11:09 AM
بعض القلوب النادره تشبه الورد
لا زارها احساس المحبه روآها
صبآح الورد والمحبه
ناصر الهواوي
13-12-2022, 11:54 AM
اهلا يالخيال وصح ذوقك ودام تواجدك وتفاعلك
ارحبي يالجوهره والمهلي مايولي وصباحك سعيد والشر عنك بعيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
الجوهره مرت وخيالنا مر
وانا اتشكرهم لجبر الخواطر
اهلا بهم والله يكافيهم الشر
بوجودهم جو السجن حيل عاطر
احلف والقاني لما اقول مضطر
السجن للغياب مشتاق ناطر
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
حييت ياطيفٍ على العين مريت
وافي ليا مني تضايقت تاتي
لو كنت من لمتك بي ما تسليت
رديت تفكيري لما كان فاتي
واصبحت والمكسب كثير التناهيت
تقول مطعونٍ بشلفا الزناتي
بالبرق والورقا وجيتك والبيت
اللي على دربي تعكر حياتي
اذكر؟وكيف اذكر وانا ما تناسيت
ما انساه لين يحين موعد وفاتي
خيال مطير
13-12-2022, 01:55 PM
https://www.youtube.com/watch?app=desktop&v=A5Y_AuW9qTQ&ab_channel
الجووهره
13-12-2022, 01:56 PM
الجوهره مرت وخيالنا مر
وانا اتشكرهم لجبر الخواطر
اهلا بهم والله يكافيهم الشر
بوجودهم جو السجن حيل عاطر
احلف والقاني لما اقول مضطر
السجن للغياب مشتاق ناطر
صح لسانك وتسلم شاعرنا
واللهم آمين وايآك يارب
الجووهره
13-12-2022, 02:00 PM
روووووعه الشيله
يعطيك العافيه خيال
ويسلم ذووووقك
الجووهره
13-12-2022, 02:01 PM
يقوول عبيد الرشيدي
لا تشتكــي للناس لوضامك الضيم
ولا ترتجـــي مخلوق يعطيك حاجه
آطلب من اللي وزع السحب والغيم
لا ضاقت الدنيـــا ســريع آنـفـراجـه
ناصر الهواوي
13-12-2022, 08:44 PM
الله يمسيكم بالخير
اهلا يالخيال روعه هالشيله شعرا واداءا وهلابك
ارحبي يالجوهره وصح بدنك ونقلك ولاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
يافكر عيت لا تلاشا طواريك=يجد بك لاامسيت طاري وطاري
يصبحك واحد والآخر يمسيك=هذاك يسرح بك ومع ذاك ساري
ولاعادت القيفان تقدر تسليك=تسج والارهاق له بك مواري
ولها تتمه ان شاء الله هههههههههههه
شاعرة نجد
14-12-2022, 12:11 AM
السلام عليكم
وصباح الخير وطابت اوقاتكم
وصحت السنتكم الهواوي والصقري
ولاهنتوا على هـ الابدااع
وصحت ذوائقكم خيال والجوهره على هـ الروائع
وصح لسانك الهواوي على هـ الدرر الممتعه
وعلى مجاراتك للعصيفير ههه مبدع شاعرنا بدون منازع
يانجد اغبطك لك صحاري ووديان
وجبال وايضا شاعره تنتسب لك
ليا التوت بالبيت جاء البيت مليان
لحبك الشعر معها وثيقة تملك
ماعليك زوود شاعرنا
وصح لسانك على هـ النجديه الكاايفه
وسلمتم ودمتم,’’
شاعرة نجد
14-12-2022, 12:46 AM
https://cdn.sotor.com/thumbs/fit192x110/37549/1553853642/%D9%82%D8%B5%D8%A9_%D8%B9%D9%86_%D8%A7%D9%84%D8%B5 %D8%A8%D8%B1_%D9%84%D9%84%D8%A3%D8%B7%D9%81%D8%A7% D9%84.jpg
قلّب الصفحات واقرأ وانا بـ اقرأ وازيد
من جديد الشعر لو مامضى يرفض زْياده
لو عنيده وانت بالمثل يالمجرم عنيد
بس حوى اعظم ولو يبطي آدم في عناده
تكسره مع طول الايام لو باسه شديد
ويْتردد ويْتودد وينزل من شداده
يمكن اقول انحنَى لو قوامه من حديد
ويمكن اقول البطل يحترم رغبة فواده
للنسيم الى اصبح الصبح واومَى بالجريد
نفحةٍ ينعش بها الروح لاذعذع براده
ويْتهيض هاجس الشعر من عذب القصيد
والمشاعر تلهمه لين يسهب في مراده
إيه والله غصب عنّه يوضّح مايريد
لافرغ صبره وعدّاه من شربه وزاده!
ناصر الهواوي
14-12-2022, 02:57 PM
هههههههههههههه الله سبحانه قال/عن كيد الشيطان ضعيف وقال سبحانه ان كيدكن عظيم
اهلا بشاعرتنا المبدعه بدون مجامله صح الله لسانك ولاهان راسك ودام تواجدك رائعه وعذبه القصيده تعتبر من الوزن الثقيل كما يقال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
مرحبا ترحيب معجب ولا تبغى مزيد
بمن تحل وتفتل القاف بهدو وركاده
ما يحصل ختم(ممتاز)من مخه بليد
لو من كبار النعم تحسب احيان البلاده
كل ما قلتي مدون بقرآنٍ مجيد
وانتي اعلم به ولكن من باب الإفاده
مع سعيده لو يقولون وش شربك سعيد
والسؤال موجهٍ لي انا قلت القراده
مسلكٍ ما تقدر اتحيد عنه ولا يحيد
موجب وسالب شريكين في حزن وسعاده
من قسا حوى ومن كيدها كثر الوعيد
بحق هالمسكين لو كان ما تقوى بعاده
تنبسط لاقالوا الناس جابت فيه عيد
وفص ملح يذوب لوقال مالي فيك راده
ترجمة ظاهر مقاله لتوكيد الاكيد
مع بقى رمزية محرر القاف ومراده
خيال مطير
15-12-2022, 12:58 AM
https://encrypted-tbn0.gstatic.com/images?q=tbn:ANd9GcQj1mTcJ5eEiAvBlBhbi6N4UZSqIjAYU IIJO5b1JrBx6rYMjQ5T1D86f4BDAOk_kz--oSQ&usqp=CAU
صح الله السَــــــــــــــــنَتكم جميعع
تقول الشاعره : الله يرحمهااا / عمشاء بنت مشعان بن فرج الدغيلبي العتيبي
إن وصلت السجن شوفه ماحصلّي
دونه الشبـاك مايـوح المنـادي
طالبك يامعتلـي رب ّ المصلـي
تظهر اللي مامشى درب الفسادي
لاحسـود ولابخيـل ولايـذلّـي
كامل الاوصـاف طيـر ٍ للهدادي
وإن نصاه ضيوف قابلهـم يهلّـي
قطع راس الكبش من يوم العيادي
خيال مطير
15-12-2022, 01:08 AM
https://encrypted-tbn0.gstatic.com/images?q=tbn:ANd9GcTKc3iGF7NS8f_b8BzPV6yHBT3Ebk5Rk eH8C6p2V9exMQ&s
من ألأررررشيف ,, شاعرة نجد
تسليه..
دامـك بْصفـي بـ.ارتفـع وارفــع الــراس
مـاهـمـنـي لــــو كــثّـــروا فـ.انـتــقــادي
لاصــرت راضـي,لارضـىَ بـاقـي الـنــاس
رْضــــاك غــايــة مـطـلـبـي واجـتـهــادي
قـريـت مطلـوبـك عـلـى غـيـر قـرطــاس
واستوعـبـه قلـبـي وانــا فــي رْقـــادي
وترجـمـت نظراتـك,وعـبّـرت بـ.احـســاس
وزبّـنـت مـرسـول الـغـلا فـــي فْـــوادي
وغنيـت قافـي مــع تناهـيـد الانـفـاس
مــــن حــاشــرٍ فـ.الــصــدر زاد ازديــــادي
وجاشت حروف العاطفه دون مقياس
حــرفٍ كـتـبـت وحـــرف رهـــن الايـــادي
ناصر الهواوي
15-12-2022, 12:25 PM
ارحب يالخيال انتقاءات رائعه كروعة حضورك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
ـياطير ياللي لحالك والطيور تهاجر افواج
وجهتك ياطير قبل شهور كانت وجهةٍ لي
واليوم ياطير خط السير لي من بعده انعاج
يقول جيبي لذكر سهيل له خله يولي
ياطير لو بعد وقت لموطنك عاودت الإدراج
ومريت في رجعتك يالحر الاشقر دار خلي
سلم على الاصفر اللي في شماله فوقه ابراج
وانصت لعل الجبل لامن سمع باسمي يهلي
ودي اعلمك باسمه تزهمه واخاف الاحراج
والا تعلمني بعلم اكرهه وانتل تلي
الجووهره
15-12-2022, 04:55 PM
هلا بالجمييع
ويسعد مسآكم
وصحت الالسن والاذوآق
ودآم الحضور الجميل والابدآع
فاقده رحووله ونور
عسى مانعهم خير
الجووهره
15-12-2022, 04:56 PM
شيلة البر والتخييم
https://youtu.be/MP1_J0nm0DE
ناصر الهواوي
15-12-2022, 11:08 PM
اهلا يالجوهره وصح بدنتس وكلتس ودام حضورتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
ودي لكن النوم داهم عيوني=حاولت اقاوم لكن النوم سلطان
تكفون لو جيتوا هنا قوموني=قولوا حضر وقت التماثيل يافلان
الجووهره
17-12-2022, 12:15 AM
هلا بك زوود شاعرنااا
وصح لسآنك ودآم ابدآعك
ونوم العوآفي ههههه
الجووهره
17-12-2022, 12:18 AM
شيلة
هدوء المساء والبرد
رووووووعه
https://youtu.be/7rxfFADSWKw
خيال مطير
17-12-2022, 08:53 AM
https://www.youtube.com/watch?v=0puYdyx0RvM&ab_channel
_________________
خيال مطير
17-12-2022, 09:09 AM
شيلة
هدوء المساء والبرد
رووووووعه
https://youtu.be/7rxfFADSWKw
https://www.youtube.com/watch?v=7rxfFADSWKw&ab_channe
خيال مطير
17-12-2022, 09:11 AM
صصصصصصصصصصصصصصصصصصصصح ذوقككك ×؛ ^ جهير
ناصر الهواوي
17-12-2022, 12:11 PM
البارح طربانين للشيلات الله يسعدكم
يالخيال والجوهره وهلا بكم
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
على يسار الصدر اضع كف يمناي
وبكفي الآخر بما اطيق اهمزه
قلب العنى بين المحاديب لولاي
اضغظ على ضلوعه يفكر بقمزه
فيما مضى قاويه مير البلى الجاي
من رجته شبهته بفرد حمزه
مثل قديم يرددونه هل الراي
يطلق على من فيه للفعل رمزه
ناصر الهواوي
17-12-2022, 09:45 PM
من العبث ترديد كنا وكنا
خلاص/هذا يعتبر في خبر كان
منصوب لو تدخل عليه الف(انا)
ماعاد يقدر يرفعه افصح لسان
كف ابـ غرابيل الليالي تحنا
لو غِط وسط السمن يومين ما لان
لو يامهنا جت على ما تمنى
ما كان جا وضعك كما وضعك الآن
اقنع بما لك قد حصل لا تعنى
وراسٍ تحمل ما حصل منه ما هان
شاعرة نجد
17-12-2022, 10:47 PM
مساء الخيرات والمسرات
وصح لسانك شاعرنا وصح بدنك,مبدع كـ عادتك
الابيات الاخيره من ذهببب
وصحت ذائقتك خيال لاعدمنا منقولك والشيلات الممتعه
والف شكر على ماتنقله من قصائدي,لاهنت
وصحت ذائقتك الجوهره
شيله راائعه صح لسان شاعرها ومنشدها
تقديري للجميع
وسلمتم ودمتم,,’
شاعرة نجد
17-12-2022, 10:51 PM
هههههههههههههه الله سبحانه قال/عن كيد الشيطان ضعيف وقال سبحانه ان كيدكن عظيم
اهلا بشاعرتنا المبدعه بدون مجامله صح الله لسانك ولاهان راسك ودام تواجدك رائعه وعذبه القصيده تعتبر من الوزن الثقيل كما يقال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
مرحبا ترحيب معجب ولا تبغى مزيد
بمن تحل وتفتل القاف بهدو وركاده
ما يحصل ختم(ممتاز)من مخه بليد
لو من كبار النعم تحسب احيان البلاده
كل ما قلتي مدون بقرآنٍ مجيد
وانتي اعلم به ولكن من باب الإفاده
مع سعيده لو يقولون وش شربك سعيد
والسؤال موجهٍ لي انا قلت القراده
مسلكٍ ما تقدر اتحيد عنه ولا يحيد
موجب وسالب شريكين في حزن وسعاده
من قسا حوى ومن كيدها كثر الوعيد
بحق هالمسكين لو كان ما تقوى بعاده
تنبسط لاقالوا الناس جابت فيه عيد
وفص ملح يذوب لوقال مالي فيك راده
ترجمة ظاهر مقاله لتوكيد الاكيد
مع بقى رمزية محرر القاف ومراده
رووعه يـ الهواوي ههه
صح لسااانك
مجاراة في قمة الابدااع والامتااع
تقديري,’’
شاعرة نجد
17-12-2022, 10:56 PM
من الارشيف,,,
صار الودااع اللي بلا سابق إنذار
وأنا انتظر في شوق ساعة رجوعه
سر ياقلم واكتب على الركن ماصار
بدد مواجع ضيقتي في ربوعه
عجل على ماصاغه الفكر واختار
سجل جديد القاف واشعل شموعه
في خاطري زحمة هواجيس وافكار
وأنا ومايفرض غموضي قنوعه
يلوفني من لاهب الصيف تيار
واضمى على سجع الحمامه واجوعه
تجيبني واكتب من الوجد تذكار
فريد, ,لاهز المشاعر بْنوعه
تذكار,قاسمته على حفظ الأسرار
لو كان فيها من جفى الوقت لوعه
من ضيّع الفرصه وكثّر فـ الاعذار
ماعاد عيّنها ولو حب كوعه
ياما تهيّت فوق حشمه ومقدار
والليل من عذب التعاليل روعه
لين انتهت والمنتظر عبر الأقمار
لهيب شوقه ماات داخل ضلوعه,!
الجووهره
17-12-2022, 10:57 PM
صصصصصصصصصصصصصصصصصصصصح ذوقككك ×؛ ^ جهير
صح بدنك خيالووووووووه
هههههههه
الجووهره
17-12-2022, 10:59 PM
وهلا بكم
شاعرنا الهواوي
شاعرتنا المبدعه
وصحت الالسن
ودام الحضور والابدآع
ناصر الهواوي
18-12-2022, 02:21 PM
ياسلام ياسلام ابداع في ابداع/مالقيت علامة الضرب هههههههه
لله درك شاعرتنا وقديمك جديد وهلابتس
ارحبي يالجوهره وصح بدنتس ولاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
نويت اروح وقيل راحوا وهونت
كرهت حتى اسم البلد بعد راحوا
بعد اشتغل قلت اطف وإبقى كما كنت
يالجيب ابا استبدلك بكره بتاهو
ما حوَّس اوضاعي بعد جبتك الا انت
ان كان ما انت الشوم فالشوم ماهو
ناصر الهواوي
18-12-2022, 09:47 PM
ياحسين لاتهوجس وانا فيه ياحسين
من وضعك المزري تجيني هواجيس
لو دمَّعت عينك حشا دمعي العين
قم رح لشغلك وانبسط والعن بليس
ناصر الهواوي
19-12-2022, 12:17 PM
]ياحضرة الخيال بعض البشر ما اكثر حلاه
=لو عارضك بالسوق ما تعرفه تشفق عليه
ولو الولا قد كان له وإلك مضمونٍ ولاه=
مصادفه لك دون موعد تبيه او ما تبيه
الخاطر اللي عنه صابر لو انه ما سلاه=
هل تجبر كسوره ليا حصَّل اللي يشتهيه
ذيب الصدر من هو يلومه ليا جرهد عواه=
من حاشرٍ تكه بحر الجفا تبت يديه
ذي شطحة الهاجس ضحي الثلاثا وابــ هواه=
غداة طيفٍ كلما غط في نومه يجيه
ناصر الهواوي
19-12-2022, 08:10 PM
صدق انا ما ودي اكتب ولكن غصب اقول
الخلا الخالي يروع وانا ماني شجاع
من صفير الريح يصيبني خوف وذهول
كني اسمع مع هبوب الهواء صوت السباع
استحي من كلمة ادنوا وانا طبعي خجول
واتحاشا الصمت من خوفتي لوي الذراع
الاماني والطلاسم عديمات الحلول
مثل قولك دبك خيلٍ جرت في وسط قاع
كديميس السيحاني
19-12-2022, 11:09 PM
السلام عليكم و رحمة الله وبركاته
اسعد الله اوقاتكم
صحت السنكم ودام تواجدكم
تحياتي لكم
ناصر الهواوي
20-12-2022, 09:22 AM
عليكم السلام ورحمة الله وبركاته ومغفرته ومرضاته
يا ابو منصور بعد هالغيبه المرمسه
اهم شي ان مرورك طمنا انك بخير كما كنا نحب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
يامرحبا ما لاحت بروق بقنوف=وما احيا مطرها قاعٍ ابطا جفافه
بالشاعر اللي ما هقينا له نشوف=ولا طمعنا ننصت لحلو قافه
قلنا عسى ماهو عن الشعر مصروف=والا تحاقر ما يشوفه وعافه
بكل شخص تمر حالات وظروف=ويجوز شيٍ من هالاسباب حافه
لكن شهر شهرين والثالث يطوف=بلا سبب ما مر والله حسافه
ناصر الهواوي
20-12-2022, 12:20 PM
اوووووووووووووووووف اووووووووووووووووووووووووووف
ياطيفه اللي زرت صاحبك وينه=هو حي والا ميت ياطيف قل لي
في صدته كل المشاعر تدينه=ان كان ما به من لوى رادته لي
لو صدته جبري عسى الله يعينه=وانه يعين اللي بفقده مولي
كديميس السيحاني
20-12-2022, 12:57 PM
عليكم السلام ورحمة الله وبركاته ومغفرته ومرضاته
يا ابو منصور بعد هالغيبه المرمسه
اهم شي ان مرورك طمنا انك بخير كما كنا نحب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
يامرحبا ما لاحت بروق بقنوف=وما احيا مطرها قاعٍ ابطا جفافه
بالشاعر اللي ما هقينا له نشوف=ولا طمعنا ننصت لحلو قافه
قلنا عسى ماهو عن الشعر مصروف=والا تحاقر ما يشوفه وعافه
بكل شخص تمر حالات وظروف=ويجوز شيٍ من هالاسباب حافه
لكن شهر شهرين والثالث يطوف=بلا سبب ما مر والله حسافه
هلابك هيل عداد السيل يا ابو عبيد
لافض فوك ولا انلجم لسانك
مهما نغيب لابد ما يعود الحر لوكره ههههه
واسلم واستلم
فيك البقا ياللي نثر ورد مقطوف
بسجن القوافي مع عتبها لطافه
اعداد ما خطّن و ماكتبت حروف
في الكتب والاوراق والا الصحافه
لو صار للمركب ثمانين صادوف
لابد نلقا للتواصل صِرافه
الهام شعري مر ٌ ايحوفني يحوف
و احيان كنه لي عدوٍ و اخافه
ان هاج موجه يوقد النار ف الجوف
و ليا هدا موجه تغطى لحافه
ناصر الهواوي
20-12-2022, 08:50 PM
تسلم يابو منصور وصح لسانك ولاهان راسك
وهلا باسمك ياصمتي حكمه ههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
من الضحى ساهي وادير التفاكير
بسكان شرقي البلاد ووسطها
اقصد هل الدمام بالذات لاغير
واحدهم ليا غاب مده مغطها
نتعب لهم دايم مطايا المداوير
ننشد هل الديره ونسأل شرطها
رسالتي للمبدعين المشاهير
عطه ان لقيته وان تصادفك عطها
وقل يالاميره وانت بالمثل يا امير
لسجن الرواسي سلسله من فرطها
شيدتوا ابـ بهوه قباب ومقاصير
جحد معالمها الغياب وغمطها
شاعرة نجد
20-12-2022, 11:47 PM
السلام عليكم ورحمة الله
ومرحبا يـ ابو منصور.من طول الغيبات جاب الغنايم
وعودا حميدا
وصحت السنتكم جميع
وسلمتم ودمتم,’’
شاعرة نجد
20-12-2022, 11:51 PM
تسلم يابو منصور وصح لسانك ولاهان راسك
وهلا باسمك ياصمتي حكمه ههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
من الضحى ساهي وادير التفاكير
بسكان شرقي البلاد ووسطها
اقصد هل الدمام بالذات لاغير
واحدهم ليا غاب مده مغطها
نتعب لهم دايم مطايا المداوير
ننشد هل الديره ونسأل شرطها
رسالتي للمبدعين المشاهير
عطه ان لقيته وان تصادفك عطها
وقل يالاميره وانت بالمثل يا امير
لسجن الرواسي سلسله من فرطها
شيدتوا ابـ بهوه قباب ومقاصير
جحد معالمها الغياب وغمطها
تفضل شاعرنا وصح لسانك,,
جات الرساله مرحبا ويـ مساا الخير
بالشاعر عْداد الحروف ونقَطْها
ومن غاب ماتنفع كثير المعاذير
من قبلنا ظروف الليالي ضبطها؟
هي هكذا الدنيا صدوف ومقادير
نعيشها مع صحها مع غلطها
وان طالت الغيبه وجاا فيه تقصير
عفو الرواسي لو جفانا ضغطها
مطلوب لاعدنا لحضور الجماهير
بـ الحان من قيفان يطرب نمطها
نعم هل الدمام شعر وشواعير
ديرة رخاا من جاا بحرها غبطها
:smile: :smile:
كديميس السيحاني
20-12-2022, 11:55 PM
تسلم يابو منصور وصح لسانك ولاهان راسك
وهلا باسمك ياصمتي حكمه ههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
من الضحى ساهي وادير التفاكير
بسكان شرقي البلاد ووسطها
اقصد هل الدمام بالذات لاغير
واحدهم ليا غاب مده مغطها
نتعب لهم دايم مطايا المداوير
ننشد هل الديره ونسأل شرطها
رسالتي للمبدعين المشاهير
عطه ان لقيته وان تصادفك عطها
وقل يالاميره وانت بالمثل يا امير
لسجن الرواسي سلسله من فرطها
شيدتوا ابـ بهوه قباب ومقاصير
جحد معالمها الغياب وغمطها
الله يسلمك ويطول بعمرك يا ابو عبيد
واسلم واستلم ههههههه
على عجل مريت يالله عسى خير
ف اغصان الاشجار الرسالة ربطها
و هجسي محدد و جهتي دون تفكير
ولقيت شيخ القوم يرسم خططها
لسجن الرواسي ما نسج المشاوير
لكن دقايق ،، وقتنا ما سفطها
و يا شيخ للجوال كيبوردٌ صغير
و البرمجه بعض العرب ما ضبطها
وان كان جاء من بعضنا شبه تقصير
يا ما دمحنا للوادم غلطها
احلم وتلقى غب حلمك تباشير
تزهر فياضٌ من نظرها غبطها
كديميس السيحاني
20-12-2022, 11:59 PM
السلام عليكم ورحمة الله
ومرحبا يـ ابو منصور.من طول الغيبات جاب الغنايم
وعودا حميدا
وصحت السنتكم جميع
وسلمتم ودمتم,’’
عليكم السلام ورحمة الله وبركاته
هلابك يا نجد
وابشروا بالغنايم ،، الله يسلمك
شاعرة نجد
21-12-2022, 12:01 AM
صحت السنتكم
مجاريات ممتعه وحضور فااخر
لو تقدمت شويات يابومنصور اكتفيت بردك عـ الهواوي واحتفظت بمجاراتي ههه
تقديري للشعر والشعراء,’’
كديميس السيحاني
21-12-2022, 12:03 AM
تفضل شاعرنا وصح لسانك,,
جات الرساله مرحبا ويـ مساا الخير
بالشاعر عْداد الحروف ونقَطْها
ومن غاب ماتنفع كثير المعاذير
من قبلنا ظروف الليالي ضبطها؟
هي هكذا الدنيا صدوف ومقادير
نعيشها مع صحها مع غلطها
وان طالت الغيبه وجاا فيه تقصير
عفو الرواسي لو جفانا ضغطها
مطلوب لاعدنا لحضور الجماهير
بـ الحان من قيفان يطرب نمطها
نعم هل الدمام شعر وشواعير
ديرة رخاا من جاا بحرها غبطها
:smile: :smile:
لله درك شاعرتنا
لسانك ما ينلجم ويمينك ما تنشل
ابدعتي و امتعتي
كديميس السيحاني
21-12-2022, 12:05 AM
صحت السنتكم
مجاريات ممتعه وحضور فااخر
لو تقدمت شويات يابومنصور اكتفيت بردك عـ الهواوي واحتفظت بمجاراتي ههه
تقديري للشعر والشعراء,’’
الا اشوى اني تأخرت هههههههه
جزله وما يجي منك الا الجزالة
كديميس السيحاني
21-12-2022, 12:24 AM
كريم يا برقٌ على قمة طويق
قام يتلاعج في بطون السحايب
ذكرتني ذيك الجبال الشواهيق
بعهد الصبا و اليوم انا صرت شايب
كم حدني ولفي وانا ناشف الريق
معا هجير القيض احث الركايب
و للحديث بقية ههههههه
خيال مطير
21-12-2022, 12:46 AM
صح لسانك
ابوعبيد
ياحضرة الخيال بعض البشر ما اكثر حلاه
لو عارضك بالسوق ما تعرفه تشفق عليه
ولو الولا قد كان له وإلك مضمونٍ ولاه
مصادفه لك دون موعد تبيه او ما تبيه
الخاطر اللي عنه صابر لو انه ما سلاه
هل تجبر كسوره ليا حصَّل اللي يشتهيه
ذيب الصدر من هو يلومه ليا جرهد عواه
من حاشرٍ تكه بحر الجفا تبت يديه
ذي شطحة الهاجس ضحي الثلاثا وابــ هواه
غداة طيفٍ كلما غط في نومه يجيه
الجووهره
21-12-2022, 02:24 AM
هلا بالجميع وصحت الالسن
والأذوآق ودآم حضوركم الجميل وابدآعكم
وهلا بك شآعرناا كديميس
بعد الغيبه وعودا حميدا
وآخر الغيبآت ان شاء الله
وصح لسآنك ودآم ابدآعك
ناصر الهواوي
21-12-2022, 09:33 AM
الله محيي الجميع
وصباح الخيرات والمسرات
ارحبي ياشاعرتنا تراحيب المطر وكذلك ابو منصور كلكم شروق على راي الحجز ومبدعين على رايي
وصحت السنتكم ودام حضوركم الجميل
صح بدنك خيالنا ولاهنت ودمت وسلمت
ارحبي يالجوهر تراحيب المطر
حمشت اهل الدمام وابا اهديهم بهالابيات ان طاوعني القريحه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
تهيظ هجوسي من تماثبلكم ياشروق=وقيفان من قلبي يحبه تهيظني
تغيبون واطفش وان رجعتو هنيا اروق=فراق الغوالي يكسر الخاطر ومظني
ليا لاح بصدور القنوف العشي بروق=ما يطري بشوفي للمخاييل يمرضني
لولا ضيقةٍ بالصدر تنزاح بالطاروق=ويبرد لهيبه هامل الدمع في حظني
ان كان احدثت بين الحنايا الرهاف شقوق=وصابه جنون اللي بعدهن يلاحظني
عيا الفكر من بعد الذهول الطويل يفوق=وعيا كل واحد من هالاثنين ياعظني
كديميس السيحاني
21-12-2022, 02:04 PM
هلا بالجميع وصحت الالسن
والأذوآق ودآم حضوركم الجميل وابدآعكم
وهلا بك شآعرناا كديميس
بعد الغيبه وعودا حميدا
وآخر الغيبآت ان شاء الله
وصح لسآنك ودآم ابدآعك
صح كلك ولا هنتي يا
الجووهره
المهلي ما يولي الله يسلمك
كديميس السيحاني
21-12-2022, 02:06 PM
الله محيي الجميع
وصباح الخيرات والمسرات
ارحبي ياشاعرتنا تراحيب المطر وكذلك ابو منصور كلكم شروق على راي الحجز ومبدعين على رايي
وصحت السنتكم ودام حضوركم الجميل
صح بدنك خيالنا ولاهنت ودمت وسلمت
ارحبي يالجوهر تراحيب المطر
حمشت اهل الدمام وابا اهديهم بهالابيات ان طاوعني القريحه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
تهيظ هجوسي من تماثبلكم ياشروق=وقيفان من قلبي يحبه تهيظني
تغيبون واطفش وان رجعتو هنيا اروق=فراق الغوالي يكسر الخاطر ومظني
ليا لاح بصدور القنوف العشي بروق=ما يطري بشوفي للمخاييل يمرضني
لولا ضيقةٍ بالصدر تنزاح بالطاروق=ويبرد لهيبه هامل الدمع في حظني
ان كان احدثت بين الحنايا الرهاف شقوق=وصابه جنون اللي بعدهن يلاحظني
عيا الفكر من بعد الذهول الطويل يفوق=وعيا كل واحد من هالاثنين ياعظني
هلابك يا ابو عبيد
لافض فوك ولا انلجم لسانك
واسلم واستلم
ليا هاض هجسك بالجزيلات يا ابن روق
علامك من الغفوات يا شيخ توقضني
و انا من سهاد وسهر عيني تدلى عذوق
من المفردة و طروق شعري تلفّظني
تجيني طيوفه و النيا بيننا مطروق
و من شاف فعله فيّه يقول يبغضني
و اتابع عقارب ساعتى ما انطق المنطوق
و ليا طال صمتي بالنواعيس يلحظني
غياهب سجونه قيدتني وكله ذوق
تقول انه بسلهام عينه يحفظني
و انا كيف اقدم وعض للعاشق و معشوق
و انا ادور اللي من جبا البير ينهضني
ناصر الهواوي
21-12-2022, 02:40 PM
هلا مرحبا مع حبه لجبهتك من فوق
عسى اليوم عن ذيك الليالي يعوضني
على قد عقلي روضوا هاجسي برفوق
صعب من شهور ولا حضر من يروضني
انت وجارتك بابداعكم عل ماله عوق
على نبش ما اشوى من جروحي يحرضني
اسرِّح مع الهوجاس لو خافقي مسروق
عسى من حضر عن من فقدته يعوضني
يهدي شعورٍ يسرج الهاجس المطفوق
ويكبح جماح الطاري ليا تعرضني
ناصر الهواوي
21-12-2022, 08:43 PM
انا والجوهره وخيال و47زائرا الآن هنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
فلاح من الصباح الى المساء ماحق له يرتاح
ونجد الشاعره والشيخ معهم ضاعت الراحه
شعوا هاجوس من قلبه يرف لكل برقٍ لاح
يطري له علوم بعدها سوط الجفا لاحه
وبس هههههههه
شاعرة نجد
21-12-2022, 09:18 PM
مساء الخير
إبدااع مو طبيعي ومجاراة في قمة الروعه
صحت السنتكم الهواوي وابومنصور
ابوعبيد القافيه كـ العاده مميزه
والسيحاني راجع بعد الغياب بقوه ههه
مبدعين ماشاء الله عليكم,تقديري للشعر والشعراء
وصحت ذوائقكم خيال والجوهره
لاعدمنا التواجد الفاخر
تقديري,’’
شاعرة نجد
21-12-2022, 09:46 PM
انا والجوهره وخيال و47زائرا الآن هنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
فلاح من الصباح الى المساء ماحق له يرتاح
ونجد الشاعره والشيخ معهم ضاعت الراحه
شعوا هاجوس من قلبه يرف لكل برقٍ لاح
يطري له علوم بعدها سوط الجفا لاحه
وبس هههههههه
ماقصرت صح لسانك
^
^
سمو الشاعر اللي قام يلعب في يده مسباح
ينادينا ويشكينا على هجسه ومسباحه
هُو اللي من جديد الشعر لاغنّى وسده باح
يرجّعنا على الساحه بقافه كل ما باحه
شاعرة نجد
21-12-2022, 10:08 PM
تسالي جت على بالي
ياروح روحي لاتمادى على الروح
تقصف ذخايرها وتبحث خفاها
لاباس قو الصبر والحلم ممدوح
لاشك ويلك لاوصل منتهاها
كثر الهجر مازلت احسه وله فوح
بين الضلوع يْفوع فـ اللي وراها
قلت انتهينا مابدينا ومسموح
لو يِتعب عْيون الشقي نثر ماها
لاصار مامن طرد الاحلام مصلوح
الكيّ هو ريّ العروق وُدُواها
عادي شوي شوي ويروح واروح
لو مانست نفسي وهو مانساها
كديميس السيحاني
22-12-2022, 12:55 AM
ابو عبيد
شاعرة نجد
لا الجم الله لكم لسان ولا شلّت ايمانكم
قمة الابداع و الامتاع
لله دركم
كديميس السيحاني
22-12-2022, 12:58 AM
الهواوي
———-
فلاح من الصباح الى المساء ماحق له يرتاح
ونجد الشاعره والشيخ معهم ضاعت الراحه
شعوا هاجوس من قلبه يرف لكل برقٍ لاح
يطري له علوم بعدها سوط الجفا لاحه
@@@@@@@@@
شاعرة نجد
————-
سمو الشاعر اللي قام يلعب في يده مسباح
ينادينا ويشكينا على هجسه ومسباحه
هُو اللي من جديد الشعر لاغنّى وسده باح
يرجّعنا على الساحه بقافه كل ما باحه
@@@@@@@
وهذي مجاراتي 😁
—————-
الا يا واحة الشاعر بعبق الورد ريحك فاح
و حمام الورق فوق اغصان زرعك يطرب الساحه
شعيت اهل المشاعر كيف تشكي و انته الذبّاح
عجب و شلون قاتل في الجنازه يزعج صياحه
وسرى ليل الهجوس اللي ترازم والقمر وضاح
عقب مضماه وردن صدر قفله ضاع مفتاحه
رعاك الله يا وقت مضى لي فيه زرق رماح
لو ان القلب باقي منه يذكر غاير جراحه
ولا زلت احتفظ بالعهد ما قلت ان وقته راح
و تعود الذاكرة و البّسه تيجان و وشاحه
ولا والله سليت ولا نسيت،، الطيف لي ذبّاح
ليا بيّن جفاه و ف الخفا يشهر لي سلاحه
شربت من المراره كاس علقم و القلوب صحاح
ولا اظن ءبه من قبلي شكر خصمه و ذبّاحه
ناصر الهواوي
22-12-2022, 10:34 AM
ارحبي يالعاصفيه وصح الله لسانتس على المجاراه ولتصليه الاكثر من فاخره
ارحب يابو منصور تراحيب المطر مجاراة متمكن صح لسانك حنى ترضى
واستلموا على رايك هههههه
بس لاتقولو ن ابلشنا هالعود المهذري هههههههه
هي اهدت ورد واهدى جارها لي سلة التفاح
هذا ازكا ريح ورد اشم واحلا طعم تفاحه
يحسب ان الهجوس من العيا ما يستحق وشاح
على هداج تيما ما نزل من قُلْ مياحه
لكن ابداع هالاثين يقصر دونه المداح
ما وفا المدح نجد ولا انصف كديميس مداحه
لكن لو ينشدون الضيقه اللي هدت الافراح
بيد من حير بجده هل الخبرات وامزاحه
لجل يستدركون اللي هلك دام المجال ءمتاح
مثل ما يومي الصقار لطويره بملواحه
ارز البيرق الابيض ابا استسلم ودونه طاح
وطير راعبيٍ يزعج الفلاح بنواحه
ناصر الهواوي
22-12-2022, 10:44 AM
خيال دور رحيل وهاتها للسجن
ابا اطلع وحط عمتنا بدالي نزيل
دوك القوافي لها تسرج مهار وهجن
واحلى تسالي على طاروق ياليل ليل
غيابنا يرجعون وهن ليا اوحن يجن
وتقول ربعك تلافوا ما بقى الا القليل
ناصر الهواوي
23-12-2022, 02:16 PM
تسليه للسجينه ان جابها الخفير هههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
ماعاد ابي للديره النايده شوف
وانا من اول كل ما جيتها ارتاح
شعيبها معروف والضلع معروف
وعقلي تجاهلهن بعد صاحبي راح
اللي على بيض الغنادبر به نوف
علي يطري كل ما بارقٍ لاح
وطاريه يشعل لاهب الشوق بالجوف
ويشجي هجوس الشعر والسد ينباح
شاعرة نجد
23-12-2022, 11:02 PM
مساء الخيراات والمسراات والاجواء الرهيبه والممطرهـ
صح بدنك يـ الهواوي
وصح لسانك على هـ الدرر الفاخرهـ
وصح لسانك ابومنصور عـ المجاراة الممتعه,
بديناها بيتين وجاريتها بمعلقه,أبدعت شاعرنا وماقصر الهواوي
لاعدمنا ابدااع الجميع
طابت الذوائق ودام التواجد,’’
عبدالله الدّنّيش
23-12-2022, 11:18 PM
السلام عليكم ورحمة الله وبركاته
وأسعد الله أوقاتكم بالخير والأمطار والجو الجميل
غبت شهر وكان شهر عسل وأتهمت بتهمة لا أقرها ولا أنفيها ..
والله يجعل أيامكم عسل هههه.. رحلة جميلة وتمشية من البحر للبحر .
إستضافنا الشيخ أبو عبيد في منزله العامر وممرنا على مزرعته الجميلة
وقدم مشكورا عزومة كبيرة ، جاد الله عليه من واسع فضله . وتشرفنا بمقابلة
جماعته وأصحابه وحبايبنا ابو بندر وعبدالله الناقد وكثير من الأحباب حفظهم الله .
وأستمتعنا بكل لحظة في ذلك الجمع الطيب .. ولهم مني ومن رفقائي ياسر وخالد
أجمل التحايا والتقدير .. وأتمنى أن يشرفونا في موقعنا في اي وقت .
وأستمرت الرحلة على القصيم وحفر الباطن والشرقية الجبيل والدمام ثم العودة
للرياض وجدة .. والحمد لله كانت رحلة شيقة وتوقيت مناسب وأجواء مميزة
..
وهذا علمي وسلامتكم .
عبدالله الدّنّيش
23-12-2022, 11:28 PM
إعتذار وتصريح ..
المعذرة يالهواوي جعل عمرك طويل
غيبة تمادت وشخصك يعرف أحوالها
مابين بسط الجلوس وبين شدة رحيل
شهرٍ مضى ذقت فيه الطيب واعسالها
رحلةْ بدت من بحر جدة لبحر الجبيل
وطفت نجد العذية سهل وأجبالها
يا زين ذيك المزارع شامخة بالنخيل
تستهوي العين للنظرات باشكالها
وليا مشينا نشاهد كل وادي يسيل
تحت المطر مشْيَنا يا زين همالها
الجو روعة يذعذع بالهواء العليل
هذا صبأ نجد فيما قيل باقوالها
يا ما تذكرت والذكرى تحط وتشيل
وأوهام هجسي تقلي ذاك منزالها
ويا ما تصورت زوله والزمان الجميل
وطيف الهواجيس في بالي وفي بالها
وفي ديرتك يالهواوي جيت وقت الأصيل
حتى طلال المغني شال موالها
وأبختصر هرجتي وآقول شكراً جزيل
وياسر وخالد يحييونك على أمثالها
وأقبل سلامي وعذري وأنت عني وكيل
وبلّغ أجمل تحية تاصل أرجالها
أهلْ ضرية هلْ الهيلا وطبعٍ أصيل
أهل الكرم والضيافة وأنت منصى لها
&&&
وسلامتكم جميع
شاعرة نجد
23-12-2022, 11:33 PM
أبيات من قصيدهـ
تسليه للسجينه ان جابها الخفير:smile:
لاقلت كافي وكفّه شرك وخيرك
خلاص,من كل مضموني ومكنوني
مدري من الشوق والا عذب تعبيرك
تردني لو هجرت وقفّت ضْعوني
متْسامَحَه وانت لاحسّنت تدبيرك
ملكتني لو يزود البُعد فـ طعوني
مـ اخشى حشى غير من عجة معاصيرك
لاضعت فيها ولو تمشي على الهوني
لاغبرت في طريقك واختلف سيرك
من ضيعتك ضعت واقرب ناس لاموني,
عبدالله الدّنّيش
23-12-2022, 11:46 PM
يا سلااااام عليكم كلكم
ما كشفت الصفحات كلها لكن اللي شفته قمة الروائع
وصحت السنتكم .. الزعيم الهواوي ويا هلا بو منصور .. وشاعرتنا نجد
وخيال مطير والجوهرة .. ورحيل أتوقع أنها تستعد للقيد ههه
سلمتم ودمتم ودام تواجدكم وصحت السنتكم ..
شاعرة نجد
23-12-2022, 11:48 PM
عليكم السلام ورحمة الله
صح لسانك شاعرنا
نورتوا الشرقيه ونجد العذيه
وعودا حميدا
من طول الغيبات جاب الغنايم
عبدالله الدّنّيش
23-12-2022, 11:54 PM
عليكم السلام ورحمة الله
صح لسانك شاعرنا
نورتوا الشرقيه ونجد العذيه
وعودا حميدا
من طول الغيبات جاب الغنايم
^^
سلمت ودمت شاعرتنا الغالية
أذا كتبنا شيئ قلتوا غانيم ؟
ترى وجودك فود وأكبر غنيمة
جعلك غانمة وسالمة ,,
عبدالله الدّنّيش
24-12-2022, 12:16 AM
أبيات من قصيدهـ
تسليه للسجينه ان جابها الخفير:smile:
لاقلت كافي وكفّه شرك وخيرك
خلاص,من كل مضموني ومكنوني
مدري من الشوق والا عذب تعبيرك
تردني لو هجرت وقفّت ضْعوني
متْسامَحَه وانت لاحسّنت تدبيرك
ملكتني لو يزود البُعد فـ طعوني
مـ اخشى حشى غير من عجة معاصيرك
لاضعت فيها ولو تمشي على الهوني
لاغبرت في طريقك واختلف سيرك
من ضيعتك ضعت واقرب ناس لاموني,
^^
رحيل غبتي وكفتنا معاذيرك
والرد جاء لك ومن دونك ومن دوني
الشاعرة لامت الغيبة وتقصيرك
والحق معها تلومك يا بعد نوني
الشعر يخفق جناحه وأنهضي طيرك
هات البيوت الجزال وكل مزيوني
والشعر سر الوفأ والسر في بيرك
وغني من الشعر ليحانه وملوحني
مجاااره عابرة عن رحيل ههههه
ناصر الهواوي
24-12-2022, 12:23 PM
السلام عليكم وصباح الخيرات والمسرات
اهلا بشاعرتنا وصح الله لسنتس وبدنتس وكلتس ولاهان راسك
ارحب يابو عامر ونحمد الله على سلامتكم ماتذكره مجرد معذار ما هو مقدار انتم تستحقون اضعاف اضعاف ما سويناه ان كنت ترا انا سوينا شي و ابو انس و ابو عمار غالين علينا لكن الطيبين يعذرون
صح الله لسانك ولاهنت ودمت وسلمت
تسليه على الطاير
ــــــــــــــــــــــــــــــــــــــــــــــــــ ــــــــــ
صافي جونا يلق ذا اليوم شمس وبرد
صفا وجه من لا بان وجهه لنا مده
الا انه تميز عن صفاه بحَمَار الورد
لاقام ايتمايل من دلع وانثنى قده
تقفي بالخيال الاقشر الذاكره وترد
واضم العقل لحظات واعود و اهده
طواري تصدِر ويعقبها طواري وِرِد
وآمر هاجسي لملاقف الشرِد واحده
ناصر الهواوي
24-12-2022, 07:49 PM
انا و78 زائرا هنا كثيرين يستحقون التسالي ههههههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
بغيت اروح لديرةٍ لي بها شف
وقالوا هجرها من قبل وقت شفي
وقلت لمشغل موتري يابطل طف
وقعدت دايخ جبهتي فوق كفي
وقت الضحى ليل الأسا لفني لف
وقمت ارتعد بي كل عضوٍ يرفي
ساعه وكن اللي غشا خافقي خف
وبينت بالقيفان ما كنت اخفي
ان كان قال حجاب من ناره اف اف
لو صيَّح افاته تلاشا مع افي
ما اظن احد مثلي لماضي تحسف
و اللي حصل لي منه ليته يكفي
شاعرة نجد
24-12-2022, 09:56 PM
مساء الخير رواسينا
أسعد الله اوقاتكم ودام تواجدكم
وصح لسانك يـ الدنيش وصح لسانك يـ الهواوي
وصح بدنك,لاعدمنا الجميع,’’
شاعرة نجد
24-12-2022, 10:10 PM
https://phoneky.co.uk/thumbs/screensavers/down/new/nature/imageedit1_FABjvtMm.gif
رش وامطر يامطر يازين صوتك يامطر
يامطر في كل قطره كنّك تْصحي القريحه
مره افرح وانبسط,مره على روحي خطر
للرعد والبرق ردة فعْل عـ الروح الجريحه
لانزل وبلك على الجوري وفوّحت العطر
فحْت,بحت وُمَن شعر وشْعور ويح القلب ويحه
وداار فنجال القصيده والعسل طاب وقطر
من جديد العذب لو ندفن معانيه الصريحه!
الجووهره
25-12-2022, 12:43 AM
ياهلا بالجميييع منووورين
وصحت الالسن يا مبدعييييين
وهلا بك شآعرنا الدنيش
وسلامة الاسفآر
وعودا حميدا
وصح لسانك ودآم ابدآعك
الجووهره
25-12-2022, 01:01 AM
تسالي شتويه ههههههه
يهب الشتاء ويهب بأقصى ظلوعي برد
فصول الحنين . . يغير البرد وجهتها
،،،
ما علمك* برد الشتاء لـذة* الليل
ولا عانق إحساسك حروف الكتابه
معك الشعور يميل والخافق يميل
كنك عـلى معنى القصايد سحابة
ناصر الهواوي
25-12-2022, 12:01 PM
صباح الورد والبرد
اهلا بشاعرتنا شاعرة نجد وصح الله لسانها وبدنها وادام تواجدها
ارحبي يالجوهره وصح الله بدنتس وكلتس لكن قمتي تطولين الغيبات ههههههههه
خيالنا مع البرد اعذر بالفروسيه والفرس ههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
ياليل الشتاء ما ابردك واطولك مالك حد
يملك ويطفش من يسولف على روحه
يطرح كم سؤال وينتظر ما يحصل رد
وعود على خضر الجريد يعرض بوحه
يمكن راعبيه حوله بعشها ملبد
تطرب لا اوحت الونات و تجرها نوحه
وحيد ونفد صبره بعدهم وباح السد
نحت دارهم ما عاد يصمل على الروحه
مواري جفا بانت ولو صدته من جد
يمكن ينكسح ويعود والروح مجروحه
ناصر الهواوي
25-12-2022, 08:12 PM
الحاضرين اسمٍ معلق بلا جسم
انا مع اكثر من ثمانين زاير
بالقاف لو كنت استطيع اظبط الرسم
فضفضتها بمثلثات ودواير
وحولتها لرموز ما نطري الاسم
ولخبطت من وده بكشف السراير
ما ينتهي مشروع مع غيبة الحسم
ويضل بين الضل والشمس حاير
يوم الشتاء جازم طرد قِدمِه الوسم
وارسل قبل يجي الهبايب بشاير
طلاسم وموضوعها شيق ودسم
ما نرت انا ليش انت يا............ناير
شاعرة نجد
25-12-2022, 09:46 PM
السلام عليكم
وصح بدنك جوهرتنا وصح بدنك شاعرنا
وصح لسانك على هـ الرواائع والابداع الفاخر
تقديري,’’
ناصر الهواوي
26-12-2022, 10:44 AM
هلابتس شاعرتنا وصح بدنتس
والله يصبح الجميع بالخير
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
زهمت الهجوس ولج بي طاري الغالين
وجدد غلا ماكنت له من قبل ناسي
اخذني منين ولا افتهم راح في لوين
عطل سمعي وشوفي وذوقي مع احساسي
وزالت ظلمة الصدمه على سكة الناسين
بفنجال كيف بريحته طير عماسي
وبس هههههههههههههه
الجووهره
26-12-2022, 03:04 PM
يسعد مساكم
وهلا بكم شاعرنا الهواوي
شاعرتنا المبدعه نجد
وصحت الالسن ودام حضوركم وابداعكم
الجووهره
26-12-2022, 03:15 PM
وين السجينه بنسوي لها نداء عاجل
ههههههههه
تسليه للمسجونه غيابيا
وللجمييع
الجو يارحوله يبي له مكاشيت
يم المكان اللي هنا خابرينه
تجلي عمآسي شبة النار بالبيت
ل ابعدت عن شوف العرب والمدينه
رغم انغلاقة خاطري كل ما امسيت
أحس في بيت الشعر بالسكينه
دلّهت عن خاطري المحبه وسجيت
مع ان قلبي ما توقف حنينه !
حبيبي اللي من دلاله تقهويت
والله ما عاد اعرف ويني ووينه ؟!
حتى حياتي معه من عقب حبيت
أشوفها زينه … ولا هيب زينه ..
عانا معي وآجد وانا معه عانيت
وبكّاني كم مره .. وبكّيت عينه
ياليت لظروفي معه حل ياليت
وياليتها في يديني .. والا يدينه
على العموم ان صد عني .. وصديت
الله يكثر خيره .. ولا يهينه
والله ما انسى حبنا .. لو تناسيت
ولو الوصال يقل بيني وبينه
ب عيش حي في مداهيله وميت
عسى على الطآعات تبطي سنينه
صح لساااني
امزح امزح
ههههههههههههه
صح لسآن شاعرتها
ريم نآيف
اعجبتني ولطشتها
من توتو هههههههه
وغيرت من يانوره
الى رحووله وبس والله
ناصر الهواوي
26-12-2022, 08:12 PM
ارحبي يالجوهره وصح بدنك
رايعه ابياتها وصح لسانها وسلم ذوقك
قريتها بعد نزلت الابيات ورجعت وعلقت عليها هههههههه اوما به شي يضحك؟!!
ــــــــــــــــــــــــــــــــــــــــــــــــــ ــــــــــــــــــ
بميعاد ناقد ذاب ميعاد عرقوب
وغطت مواعيدك مواعيد الاثنين
بس انت عن ذولا تميزت باسلوب
هم يلعبون بحبل وانته بحبلين
الصدق صوب ومقصدك رايحٍ صوب
وترقص على موال ياليل ياعين
احلا حلى مع القسا ينقلب شوب
والحنظله سكر ليا وافقت لين
شاعرة نجد
26-12-2022, 10:47 PM
مساء الورد والبرد ههه
وصح بدنك مراقبتنا وتسلمين عـ التسليه العذبه
وصح لسان شاعرتها
والله يجيب سجينتنا لسجنها وتساليها
وصح لسانك شاعرنا
وتسلم على الابدااع والامتااع
وسلمتم ودمتم,’’
شاعرة نجد
26-12-2022, 10:57 PM
تسليه
تدري اني كل ماحطيت راسي عـ المخده
رااح ليلي فالخيال وما حصل بيني وبينك
وان غضبت وطبت منك وقلت ربي لاترده
مادريت وماوعيت الا ازهمك واقول وينك
وان وصل صبري على ماقالوا العرّاف حده
استبحت ورحت احوف القاف من شينك وزينك
مع دموعٍ جاوزت بحر الخليج وبحر جده
غيمها اللي في سمانا صار من صنعة يدينك
ناصر الهواوي
27-12-2022, 07:37 PM
اهلا بشاعرتنا وصح لسانها ودام حضورها وصح بدنها ولاهان راسها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
استعضنا عن الواقع بجو الخيال
لا حواجز تعرضنا وجوه فسيح
احذف ليا ارتكيت غتيرتك والعقال
واطلق عنان تفكيرك وصح للمليح
افترض يسمعك وايجيب قل له تعال
وقده ودله وشعر ومكانٍٍ مُريح
مالك ومال قولك دار وقتك ومال
ومن يسلي حزين ومن يداوي جريح
صايح اللي مضى لك لا تلقيه بال
وما براسك من التفكير خله يطيح
ما بهالوقت لو دققت شيٍ محال
هل تخيلت يوم غراب بينه يصيح؟!
عبدالله الدّنّيش
28-12-2022, 12:24 AM
السلام عليكم ويا سلااااام ودفأ عليكم
أجوائنا هالحين معتدلة ودرجة الحرارة حول ال 20 درجة في الليل
وأنا ف المشتى اللي خابر يا بو عبيد .. وليتك تونس المكان وتعيد الزياره .
وصح لسانك وفيت وكفيت من المنتدى إلى ضرية . جعلك سالم وغانم .
شاعرة نجد يا صح لسانك وبنانك .. أبيات صريحة تستحث القريحة .. دام تواجدك
وتساليك المريحة .
الجوهرة اللامعة .. إختيارات شاعر لامع .. صحت ذائقتك وصح لسانك ..
وتحية عامة للجميع .,,,
عبدالله الدّنّيش
28-12-2022, 12:33 AM
اهلا بشاعرتنا وصح لسانها ودام حضورها وصح بدنها ولاهان راسها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
استعضنا عن الواقع بجو الخيال
لا حواجز تعرضنا وجوه فسيح
احذف ليا ارتكيت غتيرتك والعقال
واطلق عنان تفكيرك وصح للمليح
افترض يسمعك وايجيب قل له تعال
وقده ودله وشعر ومكانٍٍ مُريح
مالك ومال قولك دار وقتك ومال
ومن يسلي حزين ومن يداوي جريح
صايح اللي مضى لك لا تلقيه بال
وما براسك من التفكير خله يطيح
ما بهالوقت لو دققت شيٍ محال
هل تخيلت يوم غراب بينه يصيح؟!
^^^
كان ودي آجاري الكل .. لكن المثل يقول هات م الأخير ههه
وصح لسان الجميع ولسانك أبو عبيد .. قصائدك ذات حبك وسبك
ويا مسهّل ...
^^
سحر هذا الزمن في سرعة الإتصال
والخيال أصبح الواقع ورأيك صحيح
المنصات والتجوال في كل جال
والمح العالم القاصي وأنا مستريح
ودي أشوف دلة بنّ ذات الدلال
عبر فيديو ولا أظن المفدوى شحيح
الشتاء زان جوه با الليالي الطوال
والليالي تهيض الهوجسة والقريح
العمر في قصور وزايد الصبر طال
ون تذكر خيال الخل زاد الفحيح
وأنا ناوي على المسفار لو جا مجال
وأدفن البين وغْرابه بعمق الضريح
^_^
وسلامي لكم
ناصر الهواوي
28-12-2022, 10:07 AM
وافي يابو عامر وافي ولاهنت وصح لسانك مجاراه رائعه
الله يحفظك تحياتي وتقديري
خيال مطير
28-12-2022, 02:52 PM
https://www.youtube.com/watch?v=su3OEaJ8vvI&ab_channel
يقولون مال العبد بدن عن المقسـوم
وانا اقول صح ويقنع العبد مقسومـه
عسى الله يعين الي توافد عليه هموم
همومن تخلي طبلة الراس منجومه
ترى والله انه مايكدر عليك النــوم
سوى كلمتن من بعض الاصحاب مسمومه
ايلا جات من الغالين ولا الرخوم رخوم
والا امحق من الغالي ايلا شانت علومه
اضعاف الروابع تبتلش والقروم تشوم
ولاهيب لا شامت من الشين مليــومـه
والا الزين من القاع الخلا والوجيه سلوم
ولا رفقتن مع طول الايام ملغومه
والا الذ من عشرت شريفن من اقصى القوم
يبادلك فعل الطيب معناه وسلومه
ولا شفت في جو الصداقه غبش وغيوم
عطيت الدروب الي مع الارض مرسومه
والامثل عز النفس ولومامعك مطعوم
وعن اهل الشماته خل الاسرار مكتومه
معي لوسمحت اشوي عقبن غداك الوم
ابعطيك عن بعض الرياجيل معلــومه
ترا الاش لووقف معك في حياته يوم
تشوف الردا متيبنن فيه من يومـه
الجووهره
28-12-2022, 03:16 PM
مساء الورد والبررد
وهلا بكم
شاعرنا الهواوي
شاعرنا الدنيش
شاعرتنا المبدعه
مستشارنا خيالنا
مبدعيين. الله يحفظكم
ويسسعدكم
الجووهره
28-12-2022, 03:17 PM
يقول ..
البرد ماهو برد عرعر وﻻ الجوف
وﻻ تبوك الثلج . . وجبال حايل
البرد برد القلب في داخل الجوف
ﻻ حال مں بين المحبين حايل .!!
حايل والا القصييم
امزح امزح ههههههههههه
الجووهره
28-12-2022, 03:19 PM
ومازال البحث جآري
عن سجينتنا الجميله رحووله
عسى مانعها خير ان شاء الله
الجووهره
28-12-2022, 04:20 PM
ويقول عن الشتاء
جو الشتاء دايم يجيب السعاده
يومه جميل من اوله لين تاليه
مساكم سعاده لا تنتهي
الجووهره
28-12-2022, 06:43 PM
تسليه بالفصيح
الورد ينبت بين الشوك أحيانا
والدر يسكن اصدافا وقيعانا
والشهدوالسم في الاحشاء مجتمع
والنحل يقطف أزهارا وريحانا
والارض واحدة والزرع مختلف
والكل أضحي بنفس الماء ريانا
والخلق ليسوا سواء في مذاهبها
وليس كل بني الانسان انسانا
ومسآكم ورررد
ناصر الهواوي
28-12-2022, 08:35 PM
تسلم ياحضرة الخيال والله يرحم الشاعر
اهلا يالجوهره ودام تواجدك ولاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
خيالنا وش نكتب لك بهالليله الشتويه=تحس بجنوبك صقيع وما يوال الجمر احسه دافي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
عادت بي الذكرى الى غير ما ابيه
وحاست مرير الفكر وامسيت بايه
اقول يوم اوحي مناديه لبيه
واثره يوحى لي وذا من عنايه
يالذاكره ما كان جبتيه وديه
خليني اسرح من خلاي بخلايه
بخيالي ارسم صوره لبكرة التيه
حتى تعرفين ان ماجبتي آيه
يالنود وصلي السلام لمعاليه
ولحضرته قولي وش اصل الحكايه
ودي كلامي للموقر و خليه
وتسمعي للرد حتى النهايه
وتتتتتتتتتتتتتتتتتت
كملها يالخيال هههههههههههههه
شاعرة نجد
28-12-2022, 09:26 PM
السلام عليكم
وصحت السنتكم شعراؤنا..الهواوي والدنيش
ولاهنتوا على هـ الروائع الممتعه والمجارات العذبه
ولاعدمنا روعة المنقول من مبدعينا,, الخيال والجوهره
تسلم الايادي
وصحت ابدانكم جميــع
داام التواجد,’’
شاعرة نجد
28-12-2022, 09:42 PM
https://encrypted-tbn0.gstatic.com/images?q=tbn:ANd9GcRzfFBHIrs-7LBu86CazhuHBifiKE3MXzW0f615uY695uuC_7B_GZwAEpxLla rYkfkgWnE&usqp=CAU
من كثر مايشرد بي الفكر وارووح
أعيش غربه موحشه بين ناااسي
حمام ياللي عايشٍ حر وتنوح
وشلون اجل لو كنت مثلي تقاسي
ظروف وصدوف ومتاهات وجروح
واشيلها بسكات من فوق راسي
عل وعسى وتروح من جد ومزوح
وانسى وجعها قبل يفتر حماسي
وقبل الغياب المر يلحق على الروح
ويْحطّم احباط الامل قو باسي !
خيال مطير
29-12-2022, 01:09 AM
https://encrypted-tbn0.gstatic.com/images?q=tbn:ANd9GcRzfFBHIrs-7LBu86CazhuHBifiKE3MXzW0f615uY695uuC_7B_GZwAEpxLla rYkfkgWnE&usqp=CAU
يا حمام على الغابه ينوح
ساجع بالطرب لا واهنيه
قلت حيه ولاكنه بيوحي
مر عجل ولا سلم عليه
واعسى السيل دايم ما يروح
ما يفارق جفار الصالحيه
حيث ينصاه خطوات الطموح
كل بيضا هنوف عوسجيه
تنغض الراس لاجت بتروح
وتنكسه لية من فوق ليه
نفضت راسها ودها تروح
قلبها مشتغل يبي خويه
يا شريفه متى ودك نروح
يم ديرة هلك ياالعوسجيه
قالت اصبر يطيبن الجروح
شهر وعشر ودنولي مطيه
كن في ضامري قدر يفوح
أو غروب توامى في ركيه
روح روحي بغت روحي تروح
يوم قيل الغضي فيه جدريه
جيت ابشرب والى مسك يفوح
غاسل فيه وضاح الثنيه
والحجب نابيٍ فوق السطوح
والجدايل على متنه طويه
جعل زمل يبي خلي يروح
ينكسر في شعيب الصالحيه
قلت يا ذا الحمام اللي تنوح
جارك الله عن الرامي نجيه
ذكرت صاحبي مبري الجروح
قذلته فوق متنه هلهليه"
خيال مطير
29-12-2022, 01:45 AM
م ن الارشيف
https://www.youtube.com/watch?v=7Lr5UQVc3zw&ab_channel
_______________
خيال مطير
29-12-2022, 01:53 AM
https://www.youtube.com/watch?v=iua1etqYdGg&t=32s&ab_channel
من ألارشيف
خيال مطير
29-12-2022, 02:00 AM
من الارشيف
https://www.r111n.com/f128-11.html
ناصر الهواوي
29-12-2022, 12:13 PM
صباح الخيرات والمسرات والورد والبرد
اهلا يالجوهره تسالي رائعه كروعة تواجدك وتفاعلك الله يسعدك
مرحبا بشاعرة نجد بصراحه لاشي غير الابداع وروعة الامتاع الله يحفظك
ارحب ياسعادة المستشار الخفير والخيال دام حضورك ولاهنت ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
من يدله خاطرٍ كلما قلت اسفهل
حاسته ورقا بلا قصد بالسحر الحلال
قامت تروبع لحنها الشجي وتستهل
ما تغنا به بونه ولا خلت مجال
لمن يدرج هاجسه للقوافي في مهل
كلما لجت براسه هموم الوقت قال
من يجيب العلم عن ربة عيونٍ شٍهِل
من لرمش عيونها فوق وجنتها ضلال
قالو النسيان لاطالت المده سهل
مجرد التفكير في صحة الدعوى خبال
قيل ما زلت تعرف هالمزايا قلت هل
صورته بالذاكرة تنمحي؟؟هذا محال
الجووهره
30-12-2022, 02:24 AM
هلا بكم
شآعرنا الهوآوي
شآعرتنا نجد
مستشارنا وخفيرنا
وصحت الالسن والاذوآق
ودآم حضوركم وابداعكم
ناصر الهواوي
30-12-2022, 08:45 PM
خفير السجن ماشفتك العصر عند الباب
رحيل اختفت بجيك انا فك لي بابه
الغايب معه عذره وله حجةٍ واسباب
ومن عاد لابد انه يبرر غيابه
ذا تقديم والابيات ياليتها تنساب
مع البرد والهجس الذي نطلبه جابه
يوم الباركر له سال فوق البياض لعاب
بنات الفكر ميرادهن سيَّل لعابه
بعد ما طرا له شادنٍ مترفٍ لعاب
غزالٍ تذير شاف زيلة ملك غابه
لشوفه تتوق عيون من خافقه منصاب
بفقده وما جابن بنات النخل جابه
ناصر الهواوي
31-12-2022, 12:21 PM
وجودي وجود السجن لمشاهد الغياب
فرح في رحيل من امس الاول ولا جاته
تهزهز ركونه كل ما قرقعوا بالباب
عليه الشتاء ليله تطاول ولا باته
ودرا ان السجين العود/ماجاز له وانصاب
لكن قال للحارس بعد جامله هاته
على اللي من فراقه شعر راس خله شاب
حنين وسهر ليل ابـــ همومه ووناته
ما جاب الحمام الورق لامن طرا له جاب
ورق والقوافي والقلم ذي ملذاته
ناصر الهواوي
31-12-2022, 08:13 PM
يعبر بهن عن صدمة الموعد الكذاب
تاريخه يشوفه في طرايق وريقاته
الاول وما بعده وثالث وجوفه ذاب
يقر بخضوعه منكرٍ بالخفا ذاته
ناصر الهواوي
31-12-2022, 08:13 PM
يعبر بهن عن صدمة الموعد الكذاب
تاريخه يشوفه في طرايق وريقاته
الاول وما بعده وثالث وجوفه ذاب
يقر بخضوعه منكرٍ بالخفا ذاته
كديميس السيحاني
01-01-2023, 12:19 AM
السلام عليكم
طابت اوقاتكم
صحت السنكم و سلمت اذواقكم
و دام تواجدكم و ابداعاتكم
كديميس السيحاني
01-01-2023, 12:20 AM
وقف ،، وخذ من روح للروح تذكار
رمز الحروف ولا طلاسم كهانه
مر و عبر في حلم يلفت للانظار
و اقول عل الولف يكسب رهانه
ان حلّت الفرقا بتصريف الاقدار
ابحث عن الاسباب في كل خانه
و لا لا تظن انه تغيّر بما صار
غلاك و الله ما تزحزح مكانه
تمون بالتعذيب و الهجر تكرار
و امون بإوفاي العهد مع ضمانه
من قاوم التيّار في خضم الإعصار
ما غيره ظرف الفراق و زمانه
خيال مطير
01-01-2023, 12:47 AM
نبه المركز الوطني للأرصاد عبر حسابه على "تويتر" ، عن هطول الأمطار الغزيرة على منطقة مكة المكرمة ، اليوم الأحد .
وأوضح المركز أنه من المتوقع هطول أمطار من متوسطة إلى غزيرة تؤدي إلى جريان السيول على منطقة مكة المكرمة، و الخرمة ، المويه، تربة ورنية .
وتابع ، أنه يصاحب الأمطار يصاحبها تساقط البرد وأتربة مثارة وتدني الرؤية وارتفاع أمواج ، ويبدأ الإنذار ظهر اليوم الأحد وينتهي الساعة 11 مساءا .
ناصر الهواوي
01-01-2023, 12:25 PM
وقف وخذ من روح للروح تذكار
رمز الحروف ولا طلاسم كهانه
[COLOR="Teal"
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
ـارحب يابو منصور تراحيب المطر وصح الله لسانك لاجديد الا الابداع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
يامرحبا تعداد همال الامطار
وما قالو السمار ياليل دانه
ترحيبب بيطارٍ قرأ قاف بيطار
وأُعجب ورده قال يسلم لسانه
ريض وخذ من راس للراس تعبار
بطلاسمٍ هجسٍ سبكهن تكانه
ارزم رعد سحبه وجاء وبله اشعار
لمن قهر لاميس والبرتكانه
اشجاه منه اللي بلا ذنب له صار
هجر بقسا من بعد لطف وليانه
ريان عود اهيف على مثل جمَّار
لولا البخل ما قلت به شي شانه
[/COLOR]
ناصر الهواوي
01-01-2023, 12:30 PM
هلابك يالخيال وابشكرم اليوم علينا امطار متوسه وسحاب والخير مقبل ان شاء الله
الجووهره
01-01-2023, 02:27 PM
ياهلا بالجميع
وصحت الالسن والاذوآق
ومبروووك الأمطآر
جعلها الله أمطار خير وبركه
ونفع بها البلاد والعبآد
الجووهره
01-01-2023, 02:29 PM
2022
2023
ﺂللـබـρّ ﺂجعلها نهايہ لڪــل ﺂلـﻤ وحزڼ وضيق
ۄﺂسأل ﺂللہ ﺂڼ يجعـل العــاﻤ ﺂلجديد عــام فرح لي ولكم
ۄسعادھ ۄتفـاؤل ۄتحقيق كـــل الأﻤـانــي ..
الجووهره
01-01-2023, 02:32 PM
أول تسليه لشآعرناا
العآم الجديد
عام جديد وحبه اكثر من العام
وعام مضى واستقبل العام حبه
ماهو بيوم بس في كل الايام
حبه بقلبي كل يوم احتفل به
لان الحشام كبار بعيون الحشام
ولان الوفا ما ننثني دون دربه
قلبي يبادله المحبه ولو نام
يصحى يحبه دون حاجت منبه
والله لاحبه دامني حي مادام
حلفت له بيمين ربي وربه
صرحن بقلبي ع الوفا ثابتن قام
ما ينثني للعاصفه لو تهبه
الجووهره
01-01-2023, 05:26 PM
عسى المطر يغسل قلوب المخاليق
من همّهــا من غمّهـــا من كدرهــا
ويمطر على اللــي فالقبور المغاليق
من مزنـــةٍ يسبق بردهــا رعدهـــا
ناصر الهواوي
01-01-2023, 07:54 PM
الله الله
الله
وش هالروعات يالجوهره صح لسان قايلهن وسلم ذوق ناقلهن
هلابك يالجوهره والله يقبل دعوتك وجزاك الله خير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
عسى المنهمر من مزنةٍ جالها رعاد
ضحي الاحد/ ثمانيه من شهر سته
سحابه بامر منشيه لديارهم ينقاد
يسقي طلحٍ اوراقه من الوقت منحته
مربٍ لريمٍ فيه ترتع بدون قياد
يباري لها قلب الغرابيل واتعته
امره ولو مريته اليوم انا وش عاد
حسب لهجة اهل النيل روحي هكلحته
له انظر بعينٍ لي ثلاثية الابعاد
بثنتين اجر الحزن وبثالثه شته
ــــــــــــــــــــــــــــــــــــــــــــــــــ ـــــــ
وبسسسسسسس
الجووهره
01-01-2023, 11:48 PM
هلا بك زوود شآعرنااا
وتسلم وصح لسآنك
ودآم ابداااعك
الجووهره
01-01-2023, 11:48 PM
اعمارنا مثل الحطب في طرف نار
شي احترق..واللي بقى جايه الدور
وارزاقنا مثل السحايب والامطار
اللي مهو بمقسوم.. ماهو ب ممطور
…
نكتم شعور قلوبنا من حيا الروح
دام الامـــانـي بالمحاني كثـيره
أحيان نطريها على البال وتروح
وأحيان تطغى بالخفوق وتثيره
كديميس السيحاني
02-01-2023, 12:11 AM
وقف وخذ من روح للروح تذكار
رمز الحروف ولا طلاسم كهانه
[color="darkgreen"]لله درك
لا فض فوك ولا انلجم لسانك
دايم عوايدك ابداع و امتاع
تقديري لك 👍🏻
كديميس السيحاني
02-01-2023, 12:24 AM
في برهة الصمت كني فاقدٌ حاجه
و تصعب على الفكر يوم انه يدورها
و اصير كني غريق البحر و امواجه
و سترة نجاته قدم عينه يناظرها
ءليا تقدم لها تُبعد بمنهاجه
و كلّت عضوده و موج البحر يسترها
للحديث بقية ،،،،
كديميس السيحاني
02-01-2023, 12:45 AM
في برهة الصمت كني فاقدٌ حاجه
و تصعب على الفكر يوم انه يدورها
و اصير كني غريق البحر و امواجه
و سترة نجاته قدم عينه يناظرها
ءليا تقدم لها تُبعد بمنهاجه
و كلّت عضوده و موج البحر يسترها
بعض المشاعر حماها القلب بسياجه
ولا كل نفسٌ تعبر عن مشاعرها
و يشوقني ف القنوف بروق لعاجه
و هجس القريحه يبيّح عن سرايرها
و إن شلّع الهجس يم النجم معراجه
ما يردعه عن مسامرها محاذرها
و يا نجمة الليل مدخاله و مخارجه
قوع البحور الغزيره ، مع بواخرها
للحديث بقية ،،،
الجووهره
02-01-2023, 07:18 AM
ماعاد نبغى ورد يابايع الورد
اللي يحب الورد عيا يجينا
ياليتنا في هالزمن نشبه البرد
حتى يحسون المخاليق فينا
صبآح الوورد والبررد
وهلا بك شآعرنا كديميس
وصح لسآنك ودآم ابدآعك
ناصر الهواوي
02-01-2023, 11:52 AM
ارحب يابو منصور وصح الله لسانك مدد بلا عدد
ارحبي يالجوهره تسالي رائعه كروعة حضورك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
انا البرد يزعجني وله بالعباد مِحِب
واحب اعتدال الجو والحر ما احبه
واحب الربيع بنجد وعبالها واحب
مضل الشجر في واديٍ قبل نلعبه
ارا انه ليا مريت هلا بي ورحب
وان مريت به من شوق له قمت ارحبه
لجل مَن بذر للود في شعر راسي حب
وجابه غرور/ وبالتغلي طحن حبه
خيال مطير
02-01-2023, 04:57 PM
شاهد.. لحظة دخول نجل "سعود العتيبي" وهو يمتطي الرحول للعرض والتحكيم النهائي في شوط سيف الملك لـ لون الشعل
https://cdn4.premiumread.com/?url=https://al-marsd.com/almarsd/uploads/images/2023/01/02/53031.jpg&w=800&q=100&f=jpg
..............................
صحيفة المرصد: وثق مقطع فيديو لحظة دخول منقيّة سهاجات الشعل، لأرض الميدان للعرض والتحكيم النهائي في شوط سيف الملك لـ لون الشعل، بمهرجان الصياهد.
وأظهر الفيديو أحد أبناء مالك الإبل، سعود هلال عتيق العتيبي، وهو يمتطي الرحول لتقديم مسيرة العرض، للفوز بالمسابقة.
وأوضحت معلومات، أن الأبل المشاركة، سنها "دق"، والأصل والسلالة ( شريان، الهدب، عوني).
وشهدت النسخة السابعة من مهرجان الملك عبدالعزيز للإبل الذي تقام فعالياته بالصياهد تحت شعار "همة طويق" تحديثات جديدة، أبرزها استحداث شوط البداوة، وكأس الوصافة في مسابقة فئة نخبة النخبة، وتخصيص نصف مليون ريال للوصيف، إضافة إلى 40 نقطة للتنافس على جائزة الشداد؛ والعشرين دق في فئة شلفا ولي العهد، مع استحداث شوط "هجيج القعدان"، وإضافة نقاط جديدة لفئات جائزة "شداد ندر الصّفر.
يذكر أن مهرجان الملك عبد العزيز للإبل هو مهرجان سنوي ثقافي واقتصادي ورياضي وترفيهي يقام في المملكة العربية السعودية برعايةٍ ملكية، ويهدف إلى تأصيل تراث الإبل وتعزيزه في الثقافة السعودية والعربية والإسلامية، وتوفير وجهة ثقافية وسياحية ورياضية وترفيهية واقتصادية عن الإبل وتراثها.
-----------------------------------------------------
شاهد: لحظة دخول "خالد بن حثلين" وهو يمتطي رحوله للعرض والتحكيم النهائي في شوط سيف الملك للون الشعل
https://cdn4.premiumread.com/?url=https://al-marsd.com/almarsd/uploads/images/2023/01/02/53025.jpeg&w=800&q=100&f=jpg
صحيفة المرصد : وثق مقطع فيديو لحظة دخول منقية جلادات لأرض الميدان للعرض والتحكيم النهائي في شوط سيف الملك للون الشعل بالصياهد.
وخلال الفيديو، دخل "خالد سعود نائف بن حثلين" وهو يمتطي رحوله والتي دخلت خلفه جميعها.
وكشف الفيديو عن التواجد القوي وحضور "خالد" ورحوله والذي قام بترويضهم جيدا لتلك المسابقة، رغبة منه في الفوز بسيف الملك.
يذكر أن مهرجان الملك عبد العزيز للإبل هو مهرجان سنوي ثقافي واقتصادي ورياضي وترفيهي يقام في المملكة برعايةٍ ملكية، ويهدف إلى تأصيل تراث الإبل وتعزيزه في الثقافة السعودية والعربية والإسلامية، وتوفير وجهة ثقافية وسياحية ورياضية وترفيهية واقتصادية عن الإبل وتراثها.
________________________________________
شاهد.. لحظة دخول "نواف العتيبي" وهو يمتطي رحوله للعرض والتحكيم النهائي في شوط سيف الملك لـ لون الشعل
https://cdn4.premiumread.com/?url=https://al-marsd.com/almarsd/uploads/images/2023/01/02/53032.jpg&w=800&q=100&f=jpg
clock 0 د comment 0 6
صحيفة المرصد: وثق مقطع فيديو لحظة دخول، منقية كايدات المعيض للعرض والتحكيم النهائي في شوط سيف الملك لـ لون الشعل.
وأظهر الفيديو دخول، نواف بن مناحي العتيبي يمتطي الرحول، للمنافسة والفوز خلال الشوط.
وأوضحت معلومات أن سن الإبل المشاركة "جل" ، والأصل والسلالة ( قريني، والأجرب).
وشهدت النسخة السابعة من مهرجان الملك عبدالعزيز للإبل الذي تقام فعالياته بالصياهد تحت شعار "همة طويق" تحديثات جديدة، أبرزها استحداث شوط البداوة، وكأس الوصافة في مسابقة فئة نخبة النخبة، وتخصيص نصف مليون ريال للوصيف، إضافة إلى 40 نقطة للتنافس على جائزة الشداد؛ والعشرين دق في فئة شلفا ولي العهد، مع استحداث شوط "هجيج القعدان"، وإضافة نقاط جديدة لفئات جائزة "شداد ندر الصّفر.
يذكر أن مهرجان الملك عبد العزيز للإبل هو مهرجان سنوي ثقافي واقتصادي ورياضي وترفيهي يقام في المملكة العربية السعودية برعايةٍ ملكية، ويهدف إلى تأصيل تراث الإبل وتعزيزه في الثقافة السعودية والعربية والإسلامية، وتوفير وجهة ثقافية وسياحية ورياضية وترفيهية واقتصادية عن الإبل وتراثها.
للمشاهدهــ ادخل عل ى ص ؛×،ح يفة المرصد
الاعلاميــ ... خيال مطير
خيال مطير
02-01-2023, 05:18 PM
يا كان من ليلة على أرضك تساويـت
عيـا وفاقـك لا يـلايـم وفـاقـي
لو كان فالضيفـان مـا قـد ترديـت
وجـوك متيـع و تعتنـي بالطراقـي
من يوم طبيتك و أنـا مـا أسفهليـت
لعـل مـا يبقـى لأهاليـك بـاقـي
حاولت أوسع خاطري فيك و أزريت
بيني و بين أطبـاع أهلـك انشقاقـي
واليوم غايـة رغبتـي لـو تمنيـت
فرقاك و أنته مـا تبـى إلا فراقـي
واللي على بعده مـن البعـد حنيـت
وينتابنـي عقـب الحنيـن اشتياقـي
نجد وهواه و شوف هاك السباريـت
اللي لها فـي وسـط قلبـي رواقـي
ومنادمـة روس الرجـال المناعيـت
كل أبلجـن لـه فالطويلـة مراقـي
ولحدٍ يواخذ ني ليـا قلـت هاويـت
وضح ٍ تفرق ما اجتمع مـن ضياقـي
وضح ٍ ليا مني مـن المـدن مليـت
معها انشراحت خاطـري وانطلاقـي
أمـا ليـا سنـدت و ألا ليـا نحيـت
مع درب براق ٍ سر الـه شعـا قـي
برق ٍ سرى يوضي كما يوضي الليت
بعروض نوى ٍ ساق مزنـه وساقـي
وتعرضه من رايـح الشـرق تثبيـت
يثني على الريض أرقـاب السباقـي
ليا شفت براقه على سيلـه أرهيـت
بيـض مراهيشـه مطرهـا حقاقـي
تذبح لهـا حـي ٍ و تحييلهـا ميـت
وتصبح به الوديـان مثـل السواقـي
وأما تحاسنـت العساسـه و عسيـت
ومشيت مـع سيلـه و نبتـه دقاقـي
وألا على دربه ليا أصبحـت شديـت
وخليتهـا تـاط الحثـم و الرقـاقـي
وضح ٍ ليا احتست و شافتني أنويـت
قامت تسـوق أنفوسهـا مـا تساقـي
تنجال مثل الصيد لا صحت وأوميـت
وألا ليـا طـق اللبـيـد العـراقـي
يجيـك ممشاهـا تبـارى تفاخـيـت
مافي بعضها عـن بعضهـا انفهاقـي
ولو حال من دون المعشى مراريـت
ترهـي عليـه معربـات العمـاقـي
من ساس وضح ٍ فالجز يره لها صيت
علـى مخاذعهـا تلـوح الحـلاقـي
وليا تثنـت فـي نبـات السواريـت
في خايـع ٍ لأرقـاب نبتـه زراقـي
غادي بوسطـه لأم سالـم زغاريـت
وفيه الزبيدي مثـل بيـض الطواقـي
ثـم جيـت فأولهـا وللنـار شبيـت
وقضب عراقيب الـدلا ل الشلاقـي
ما غبطك يا للي فالحضـاره تلويـت
يا موالف الجدران ويش أنت لا قـي
لو كان فالحصن الحصيـن استكنيـت
وتقول أنـا مرتـاح مانيـب شاقـي
كانك على هالأنطـواءى استمريـت
وسويـت مـع بـث القنـاة اتفاقـي
أما من السكـر شبعـت و ترويـت
وألا بصرك أوشك على الاحتراقـي
سج النفس واضرب دروب الخراريت
لو ما تذوق مـع الخـلا مـا يذاقـي
ما ينطوي في غرفة ٍ فأخـر البيـت
غيـر الـذي راسـه يبيلـه عراقـي
https://www.mah6at.net/wp-content/uploads/2022/05/%D8%A7%D9%84%D8%B4%D8%A7%D8%B9%D8%B1-%D8%B9%D8%A8%D8%AF-%D8%A7%D9%84%D9%84%D9%87-%D8%A8%D9%86-%D8%B9%D9%88%D9%86.jpg
vBulletin® v3.8.7, Copyright ©2000-2024, TranZ by Almuhajir