مشاهدة النسخة كاملة : هنا .. سجن القوافي !!
الجووهره
12-06-2022, 01:57 PM
ياهلا بك شاعرنا
والله يبقيك ويسلمك
وصدقت شآعرناا
الله يحفظ الوطن
وولاة أمرنا ويكفيهم شر الحاقدين
وصح لسآنك ودآم ابدآعك
ناصر الهواوي
12-06-2022, 09:34 PM
اووووووووووووووووووف يابه اوووووووووووووووووووووف
إقس وتجبر خاطري لا تكسر
شف كم خواطر بعد لانت كسيره
لهم تغاب بقول بكره تيسر
قل ننتظرك وفضها معه سيره
يمكن ييسر خالقك ما تعسر
عليه ما بالكون حاجه عسيره
المشكله ماهي بحلمٍ يفسر
تلقى بما لك قال كشف السريره
وسع بطانك ويش يفيد التحسر
وقل للرجا معهم يواصل مسيره
ناصر الهواوي
13-06-2022, 11:17 AM
هيظني انسحاب الصدر من مجلس النواب
لكن الهجوس ايقول لي ليش هالعجله
انت بنجد من حره ظهر للتراب إلعاب
وهو ملّْ وبيوته على قارعة دجله
لاشك التمس كم عذر مقنع عن الغياب
لو هي واهيه تدخل علينا وهي خجله
كمن قال وااا رجلي بعد عدت المرقاب
(يذكر فضل رجله من بعد ما انثنت رجله)
بعده ياهجوسي عِد لمن له ثمان ءعذاب
مادام ان نفسك من بعد غيبته وجله
الذكرى تفك بسور ماقد مضى لك باب
في شاشة خيالك تعرض رموشه ونجله
ان كان الرجا به رغم ما قد حصل لك خاب
من الياس لا تقنع باساليبه ودجله
هذا بيت قديم لشاعر ما اعرفه يقول من قصيدةٍ له
وارجلي اللي بعد مبدا المراقيب
نابي قدمها عن العرقوب متحادي
الجووهره
13-06-2022, 02:12 PM
يسعد مساكم
كيفكم والحر
اللهم أجرنا من حر جهنم.
بمناسبة الحر الشديد الذي نعيشه هذه الايام ،،
هذان البيتان للشاعر المبدع / مهنا السعدي ،،
ِ
احدٍ يســـافر صوب باريس وجنيف
في كــل عـــام في بلدهــــم يصيف
واحدٍ يحاول يقتصد في المصاريف
لجــــل يــــوفر يشــــتري له مكيف
خيال مطير
13-06-2022, 09:28 PM
يا صاحبي كسر الخواطر من شهاويها حرام
والحب يحييه الوصل والروح يحييها الغذا
كل الجوارح فيك تنطق لي من عيونك كلام
يا حبذا لو من لسانك تنطقه يا حبذا
خيال مطير
13-06-2022, 09:32 PM
يقول سعدي
الليله القلب بأطرافه هناديب
هنداب قوم تقفوا حاكمٍ عادي
عادين من ثرب وايمنهم وطا الذيب
يبون عباب ولا الحسو ميرادي
وهيض عليه ثماثيل وتعاجيب
فيّه لقوها العيال وبنت الااجوادي
امكبراً شيخته عند الخراعيب
وعند العرب مايدوّر جفره الغادي
وارجلي اللي بعد مبدا المراقيب
ماطا قدمها عن العرقوب متحادي
مشيتها في مواري الخبث والطيب
لين اعطبوها رماة الاد عبادي
فاللي مضى اقنصبها صيد الاشابيب
ارهي على القايده ولا ليا عادي
ابديبها المرفعه وام المشاعيب
وابديبها في طروق الهضب من غادي
اهذل هذيل الفهد وبري كما الذيب
وارقى مراق الطيور الشقر الافرادي
كله حشايم بكار وفطرٍ شيب
ماهيب حشمتك يامركوز الانهادي
خيال مطير
13-06-2022, 09:42 PM
من الارشيف
https://www.youtube.com/watch?v=xOLtFlhWE0g&ab_channel
____________________________________
ناصر الهواوي
13-06-2022, 11:13 PM
الجوهره هلابك وصح ذوقك ودمتي وسلمتي والحر هذو هو نجد من شقة القرنين ههههههههههه
ارحب يالخيال ماقصرت الله يسلمك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
ابا انام والهاجوس يرفض وانا عييت
اطيعه لكن كم مره الهجس طاوعني
لذلك ابا اراضيه مني بكمٍ بيت
لعل وعساهو يفتهم ما صدر عني
ذا قاف الغزل يحمل عتبهم منه مليت
كم شال الاثير ولاش مخلوق يسمعني
ليا قلت له منكم تجرعت كيت وكيت
قال المقبل اعظم/لاتجزع وروعني
وللحديث شجون بس ما تناسب اللي ينعس هههههههههههههههه
تصبحون على خير هههههه
الجووهره
13-06-2022, 11:34 PM
هلا بك زوود شآعرنا
وصح لسآنك ونوم العوآفي
وأحلام سعيده
وهلا بك خيآل
ويسلم ذوقك
ويعطيك العآفيه
الجووهره
13-06-2022, 11:34 PM
الليله النسناس يغري يغري..
نسناس برّ ديارنا النجديه
.
متْولّعٍ في نسمته من صغري..
ومحبّة المربا ماهي عاديه
متنبي نجد
سلطان الغبيوي
14-06-2022, 06:03 AM
صح لسانك يابو زياد وهذا الهدف الاول والرئيس تحقق بفضل الله
والمقبلات افضل ههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
انا معي علم لا ترفع لشيطان القوافي ردن
والرد في حد ذاته ياعميلي رغبتي والمراد
وان كان ذي تعتبرها كبش انا اعتبرها بدن
لو كنت انا العامل المسكين وانت السداد
مالك ومال الركايب ليه تشعبهن خطير يغدن
لاجيت فالمزرعه عندي عن الهجمات سو ارتداد
للحرب نيران من مية سنه ممنوع ما يوقدن
أمان وإيمان وانت الشيخ لا تشعل بقدح الزناد
ههههههههههههه
الله يساعدنا على مخططاتك
وصح بدنك وكلك
سلطان الغبيوي
14-06-2022, 06:06 AM
اقتباس جزئي
هيظني انسحاب الصدر من مجلس النواب
لكن الهجوس ايقول لي ليش هالعجله
انت بنجد من حره ظهر للتراب إلعاب
وهو ملّْ وبيوته على قارعة دجله
لاشك التمس كم عذر مقنع عن الغياب
لو هي واهيه تدخل علينا وهي خجله
كمن قال وااا رجلي بعد عدت المرقاب
(يذكر فضل رجله من بعد ما انثنت رجله)
ناصر الهواوي
انا اقول جايز فـ انسحابه خلل واسباب
يجوز ان فيه امخطط ساعيٍ لـ اجله
وناصر وتحليله مثل جلسة الشياب
عتيبي يسولف له على اعضيله وهجله
ترى الناس في سطح القمر دقّوا المنساب
وكلٍ خلايا مخّه اليوم تنتجله
وناصر مشيب بين مستنقعة واهضاب
يعدّ ابجدياته والاسباب تدرجله
سلطان الغبيوي
ناصر الهواوي
14-06-2022, 10:09 PM
هلا مرحبا ما اركم على السوده الضباب
وما دور المبدع بالابيات مخرج له
وما دندن بعوده بذاك الزمان حجاب
وسلامه لبو هذال الاوتار ترهج له
عندي بي ثقه واعلم ما اقوله حشاي ارتاب
لو جا في طريقي عروجه ما اتعروجله
بعبالٍ عذيه بين برق ونقا وهضاب
ادور رفاع الارض لاضقت وانهجله
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
صح لسانك يابو زياد ولاهنت وبيض الله وجهك
ناصر الهواوي
15-06-2022, 12:14 PM
الاربعاء رابع عشر والقمر بدر
ولي امس جوله في بلد غاب بدره
حرك بي الاسود مع الدرب لم ادر
الا وبيته واقف الجيب حدره
ياويح هالمنزل غدره الزمن غدر
ولا سلم من له رغبةٍ فيه غدره
مظلم ويبست من عطش شجرة السدر
واللي يشاهد منظره ضاق صدره
رغم ان لون الجيب زيتي وبه ندر
كنه يبي يحك جنبه بجدره
عصرٍ مضى يكن له موتري قدر
وعيا يقل بقلب راعيه قدره
وراحت تكاليف السفر للبلد هدر
الا توهمه انه يشم عطره
ناصر الهواوي
16-06-2022, 10:48 AM
إخلي ههههههههه
ــــــــــــــــــــــــــــــــــــــــــــــــــ ــــــــــــــ
اللي شريته من قبل باغلا الاسعار
اليوم باول سوم بالرخص باعك
وعن العسل بالشمع جرعك الأمرار
واضماك في صحراء التجافي وأجاعك
تهج ما دون عليها وما صار
من ساعة اهلاً بك الــ لحظة وداعك
بعد الوفا والمعرفه شين الانكار
يضيق من هول القطيعه وساعك
ناصر الهواوي
18-06-2022, 09:02 AM
إي والله إن المسأله تكة اخلاق
وضيقة صدر مخلوق مع كسر خاطر
حصل ابــ بيبان الوناسه له اغلاق
مركَّب زرافيل المغاليق شاطر
البين لغرابه على سوره إنعاق
وطل المفارق من سماه ايتقاطر
وبله يحرِّق جوف من صابه احراق
لامرحبا به غيم وإتفو ــ ماطر
ناصر الهواوي
18-06-2022, 12:11 PM
خيال حتى اصبع الاعجاب ما جيته
الظاهر انه من الجوال مدخالك
داعي لهالسجن ناداني ولبيته
بابه على هجته والسور متهالك
كماي محزون عزاني وعزيته
ينعي هله قلت فال الله ولافالك
كلٍ ظروفه تحَّكم به وتوقيته
هواة تجوال/عزالي وعزالك
ماسددوا له فواتير وطفا ليته
ونور الحديقه طفا/ظلامها حالك
ياليتني هالضحى ما كنت مريته
بي ضيقةٍ من قبل زادت من احوالك
عساه ما ينهدم من فقدهم بيته
فالبال حاضر وانا حاضر على بالك
ناصر الهواوي
18-06-2022, 09:37 PM
يالله مساء خير وين الربع مامنهم حدٍ داج
ولا شفت حول السجن ماطا قدم لحدى الربايع
خيال انا اشوف له اسمٍ معلق فوق الادراج
واحس به مندهش من هالوضع والفكر ضايع
بيتين تقديم مِن مَن يقلقه بالصدر وهاج
ووده يبرد عنه فيما استطاع من الروايع
يالباركر لوَّن الاوراق تكفى باسود الزاج
دام الورق لونه ابيض والحبر بالقيض مايع
قل ليش خطٍ رسمته معك تال الوقت ينعاج
وطقيت صدرك لحفظانه و ضيعت الودايع
ان كان هذا ماهوب ازعاج قل لي ويش الازعاج
إلواه المعاذير من عرقوب انا مانيب طايع
واصبح على خير هههه
سلطان الغبيوي
19-06-2022, 07:24 AM
صححححححححح لسانك يا ابو عبيد وصح بدنك طال عمرك
تحياتي وتقديري
ناصر الهواوي
19-06-2022, 12:34 PM
ارحب يابو زياد ولاهنت ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
اثره صحيح لكل شيٍ مواري=تجي الهواء قبل المخايل تباشير
احدٍ بها يدري واحد غير داري=واحد يعن الغوج للغزو ويغير
على عماه اتقول هذا انتحاري=يرخي لها ترثع لو اتطيح في بير
واحد يدرّْجها على هدي باري=بالمعركه فارس وبالمجلس امير
والطيب ماقالوا لناس احتكاري=في هالبشر ياكثر من فيهم الخير
بأهل رفيعة كف انا افخر واماري=ذوي نجا ربعي من القوم لاغير
لداورد من حول السنه شد جاري=وعلى معزه فيه شيد مقاصير
وبالعاصمه تفرقوا بالحواري=راحت بسلطان وفلاح المقادير
واللي بقو ما بين جاهم وساري=لصبة قواعدها وركز المواصير
وللحديث تتمه ان شاء الله
ناصر الهواوي
19-06-2022, 12:34 PM
ارحب يابو زياد ولاهنت ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
اثره صحيح لكل شيٍ مواري=تجي الهواء قبل المخايل تباشير
احدٍ بها يدري واحد غير داري=واحد يعن الغوج للغزو ويغير
على عماه اتقول هذا انتحاري=يرخي لها ترثع لو اتطيح في بير
واحد يدرّْجها على هدي باري=بالمعركه فارس وبالمجلس امير
والطيب ماقالوا لناس احتكاري=في هالبشر ياكثر من فيهم الخير
بأهل رفيعة كف انا افخر واماري=ذوي نجا ربعي من القوم لاغير
لداورد من حول السنه شد جاري=وعلى معزه فيه شيد مقاصير
وبالعاصمه تفرقوا بالحواري=راحت بسلطان وفلاح المقادير
واللي بقو ما بين جاهم وساري=لصبة قواعدها وركز المواصير
وللحديث تتمه ان شاء الله
خيال مطير
19-06-2022, 01:49 PM
خيال حتى اصبع الاعجاب ما جيته
الظاهر انه من الجوال مدخالك
داعي لهالسجن ناداني ولبيته
بابه على هجته والسور متهالك
كماي محزون عزاني وعزيته
ينعي هله قلت فال الله ولافالك
كلٍ ظروفه تحَّكم به وتوقيته
هواة تجوال/عزالي وعزالك
ماسددوا له فواتير وطفا ليته
ونور الحديقه طفا/ظلامها حالك
ياليتني هالضحى ما كنت مريته
بي ضيقةٍ من قبل زادت من احوالك
عساه ما ينهدم من فقدهم بيته
فالبال حاضر وانا حاضر على بالك
صح لسانك يابو عبيد
خيال مطير
19-06-2022, 01:54 PM
https://www.youtube.com/watch?v=PzuYcUkqGmU&t=12s&ab_channe
سالخييييير
مساكم سمن مع الحر (:
كيفكم طيبين واعذروني على الغياب
مشغولة مرتين ادخل مقدر ارد عليكم ):
وصححت السنتكم جميعا
جوج
وشحالك مع الحر عساك ماذبتي ): هههههههههههههههه
وين ابو عامر ؟وينها شاعرة نجد
ووينتس رحيل وين راحت جواهر
ياكثر وين ووين اثر وين ما تجد
لو إن من ينشد بها استاذ ماهر
ياليتهم يمدون من غثه الوجد
الحظ دون شوي والظرف قاهر
اتصبح ملقف طواريه وتهجد
نومه كوابيس وهواجيس ساهر(ماهوب مقطوع الطاري) ههههههه
صح لسانك يا ابو عبيد
الله يذكرهم كلهم بالخير
وسامحنا على تقصيرنا في التواجد):
ناصر الهواوي
19-06-2022, 09:22 PM
اهلا يالخيال وصح بدنك وذوقك ولا تغايب بالحيل حتى ما ياكلني الخلا هههههههه
ارحبي يارحيل وهلابتس ومعذوره بس ماهو كل هالغياب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
طواري بعضها يمرس علو كبدي مرس
وطواري لها كبدي اتشفشف وتبغيها
ويبش العرق يوم اتخيل عيونٍ خرس
يجرح رمشها وردٍ يلامس علاويها
تفرسني ذيابة هجرها لاطرت لي فرس
وتعاوا ليا امساني مسايه واعاويها
وبس...................................
خيال مطير
20-06-2022, 12:38 AM
https://www.alriyadh.com/media/thumb/f4/6b/330_33f9d840ff.jpg
يابيت يابيت الشرف والكرامه
ياليتها يابيت ما أقفت لياليك
أقفى معك يابيت معنى الشهامه
وْلا عاد تِذكر بالمجالس طواريك
ولا عاد لك مبنى براس العدامه
ولا عاد به طرشٍ وخيلٍ حواليك
ولاعاد ضوّك يشتعم في ظلامه
ونجرٍ ينادي وِدّه الضيف يلفيك
أقفيت عنا رافقتك السلامه
أصبحت ماضي وأكثر الناس ناسيك
وعين بكت لك ما عليها ملامه
وكل أبلجٍ يا رمز الأجواد يبكيك
يبكي على الشيخان وأهل الزعامه
اللّي تحل المعضله والشرابيك
اللّي على خد التواريخ شامه
قبل إن يجِي وقت الضعوف الصعاليك
شعر: محمد بن سوعان الربيّع العنزي
شاعرة نجد
20-06-2022, 12:39 AM
السلام عليكم وطابت اوقاتكم
وصحت السنتكم جميع وسلمت ذوائقكم
واعتذر عـ الغياب
متابعه لابداعك يـ الهواوي وعزفك المميز ماشاء الله
صح لسانك,’’
شاعرة نجد
20-06-2022, 12:43 AM
https://www.alriyadh.com/media/thumb/f4/6b/330_33f9d840ff.jpg
يابيت يابيت الشرف والكرامه
ياليتها يابيت ما أقفت لياليك
أقفى معك يابيت معنى الشهامه
وْلا عاد تِذكر بالمجالس طواريك
ولا عاد لك مبنى براس العدامه
ولا عاد به طرشٍ وخيلٍ حواليك
ولاعاد ضوّك يشتعم في ظلامه
ونجرٍ ينادي وِدّه الضيف يلفيك
أقفيت عنا رافقتك السلامه
أصبحت ماضي وأكثر الناس ناسيك
وعين بكت لك ما عليها ملامه
وكل أبلجٍ يا رمز الأجواد يبكيك
يبكي على الشيخان وأهل الزعامه
اللّي تحل المعضله والشرابيك
اللّي على خد التواريخ شامه
قبل إن يجِي وقت الضعوف الصعاليك
شعر: محمد بن سوعان الربيّع العنزي
صحت ذائقتك خيال
خيال مطير
20-06-2022, 12:47 AM
https://www.alriyadh.com/media/thumb/47/aa/330_9b08d83620.jpg
يا مبرقعه والكحل زاهي على الموق
يـازيـن عـينـك جـل مـنهو خـلقـها
في لبستك حشمة وفي برقعك ذوق
تذبـح وتشفـي نفس بـآخر رمقها
شاعرة نجد
20-06-2022, 01:12 AM
أبيات من الجديد...
قاف شعري لاسرى الليل سامرني
لي هجوسٍ يعْشق الليل والسمره
الغلا والشوق والبُعد دامرني
أشهد ان حالي من الوجد مندمره
والظروف العوج تنهى وتامرني
مر تطربني ومره على جمره
ناصر الهواوي
20-06-2022, 12:23 PM
صباح الخيرات والمسرات
اهلا بالجميع
الخيال صح ذوقك ودام تواجدك
ارحبي شاعرتنا المبدعه وصح الله لسانتس ودام حضورك
احسن مافيكم جميعا انكم تدركون آخر رمق بالهجس وينتعش
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
لو إن الليالي ضحكت يوم تُبكي يوم
كذا طبعها ما هيب تثبت على حاله
تشابه حلاويها لو ابطت حلوم النوم
والنايم يفيق بوضع ماجاء على باله
لو مافات مات اقول عصرٍ مضى مرحوم
يوم اقارن احوالٍ بهالوقت باحواله
انا ابصم بعشر اني بما لي حصل مصدوم
واوحي شامتي من فرحه يجر مواله
خيال مطير
20-06-2022, 01:41 PM
أزين من المقعاد بالناصريه _ الشاعر : دحيم بن رشيد الغنامي العتيبي ابوحمود
https://www.youtube.com/watch?v=2WRb55t05uI&ab_channel
____________________________________
^
نبغا الكرم والجود وقروش مافيش
مايستوي فقر وحياة هنيه
أطرد ورى الدنياء ولاأدري السبب ويش
نوجن على الدنياء ونوجن عليه
وأخذتلي خمس عشر عام في الجيش
واليوم شبت وبين الشيب فيه
أصبر ورابط مع عيال مداغيش
بأشرف وظيفه لو معاشي بليه
والمسعد اللي جالسن في روانيش
لالحقه شمس ولابرد فيه
يلعب مع اللي يلبسن النقاريش
ماجرب الدنياء على كنيه
لادروبه اللي علاهم طرابيش
عند أول الطابور قدم السريه
ياهل الونيت اللي بغيتو المطاريش
الله علاكم وقفولي شويه
والمركز اللي قدمنا فيه تفتيش
خلوني أخذ صوره التابعيه
مرو عليا لياء سرحتو مغابيش
عانو بني عمي على الشبرميه
أعيش معهم لوحصيلي عراميش
أزين من المقعاد في الناصريه
شدو هلي وقت المطر والرشاريش
تنحرو كبشان وأيمن ظريه
الديره اللي نبتها قفر مانيش
هي منوتي يوم الحياه الطريه
خيال مطير
20-06-2022, 10:49 PM
https://www.youtube.com/watch?v=g7sr_NNJ2EY&ab_channel
ناصر الهواوي
21-06-2022, 11:43 AM
ياسلام عليك يالخفير تسالي رائعه الله يحفظك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
كل ما ضقت تليت المغربل جنوب
ولا اقتنع لين افر الجيب في حارته
يمكن انه عليه من الليالي ذنوب
جعل حالة الد أعدا العِدا حالته
الليالي غثاها طال حتى الجيوب
ما وقف في نحر صولاتها شالته
كنت لاغنت سيوره من اول طروب
والمشاعر تسابق جيبها فالته
الوناسات تعلن بعد دريت هروب
له شهر شد ذا ما قالته جارته
خيال مطير
21-06-2022, 02:58 PM
صح لسان ابو عبيد
يقول الشاعر
يقول منهو بالخفا خاف ربه
واستغفر الله قلبنا ما نزكيه
الناس تفرق ناقي البذر حبه
ولا كل زرّاعٍ حصاده بيكْفيه
الفأل زين وكثرت الظن غبه
يضيع فيها اللي ظنونه تقديه
ومن لا يختل الصيد بطراف خبه
العرق مزبان الجوازي مذاريه
https://www.youtube.com/watch?v=4XKtYo8tPWs&ab_channel
ناصر الهواوي
21-06-2022, 09:57 PM
صح بدنك يالخيال وذوقك
ــــــــــــــــــــــــــــــــــــــــــــــــــ ـــــــــــــــــــــــــــــ
اقول ان من هو قز هالخط شغله زين
لو انه عن البيت المهدم نحاه ايسار
امره ليا سافرت وتلد فيه العين
واصفط واتوقف لي دقايق وانا محتار
لي ايفل فلم مصورٍ فيه قبل سنين
يوم إنه يسمى قصر واليوم صار آثار
على ما تبقى منه ينعق غراب البين
وباقي جدارٍ كان فوقه حمام وطار
انا اليوم ما ادري من رحل عنه راحوا وين
لي مده ماهيب إقصِّيره ما سمعت اخبار
خيال مطير
22-06-2022, 05:31 PM
سيرت لاطراف المدينه ومريت
منازل(ن) م يندرا من نزلها
ماعاد من سكان اهلها ولا بيت
صبغت مبانيها وكثرت احللها
تغيرت من عقب ماغبت وابطيت
لاذي شوارعها ولا اولى باهلها
ان احسب ان علمي بها تو واخطيت
وش يردع ايام العمر دون اجلها
سنين من عمري قضت ماتوعيت
لمحة بصر دافع البلا ما اعجلها
قرب المشيب وشاب راسي وسجيت
ان السنين تدور والناس تلها
لو ادري ان ذا بيحصل ما تعنيت
انقض اجروحي واداوي عللها
كم مرة لاهزني الشوق ماامسيت
لين اتمثناها واباري فللها
لعيون من ساقت علي وتقهويت
فنجال وله وساقته كف ولها
منوة خفوق (ن) مزعته التناهيت
الى انتوله الشوق ولا انتولها
حفظتها من حكي العرب والشماميت
ومن كلمة يفرح بها اللي نقلها
لو ما قبلها القلب ما كان حبيت
ولولا نزاهة عرضها ما قبلها
هي داريه ويش السبب يوم قفيت
وذا عوقها والا وش اللي قتلها
تقطعت سبل المواصل وضحيت
وازعلتها وانا اتجنب زعلها
بغيت ادور لي بدلها وعييت
لا اخطي على روحي وادور بدلها
اخترت من جملة قصيدي شطر بيت
ما جارت الفرقا على غير اهلها
واخترت من بد الحروف وتنقيت
خمسة حروف نصفها الميم والها
تطري علي لاضاق صدري وسجيت
ان السنين تدور والناس تلها
لِ حمدآن آلمري
صباحكم ورد وفل وياسمين
البقى شاعرنا
وصح لسانك يابو عبيد مدد
مرحبا ي نجد صح لسانتس ارحبي شاعرتنا
صح ذوقك خيال
ياماخذن قلبي على غير طوعي
وأنا حياتي بين سنه وتسبيح
الخوف لو إنه تمثنى ضلوعي
بفز لعيونك لو اقوم واطيـح
واليا انكشف ستري وسالت دموعي
أنا مضاوي روق وأنته شليويـح
ناصر الهواوي
23-06-2022, 12:08 PM
ياسلام ياسلام
حياك الله يارحيل وحيا هالابيات الفاخره وصح الله ذوقتس ولسان قايلهن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
من جشع او من عشم كل انا ما جيت اقول
يمكن القا اليوم به ما يوسع خاطري
قاف مبدع له اتطاطي حصيفات العقول
ينقلك من جوك لبهو جوٍ عاطري
ياهجوسي لي تحمل ولا تصبح ملول
جارني وانا اوعدك ما تعقل فاطري
شف ملكة النحل تسرح به لشتى الحقول
وتنتج ليا روحت به لنا الشهد الطري
ودك افطارك منه او تبا الافطار فول
بينه ماهيب تحتاج اجابة شاطري
الجووهره
24-06-2022, 03:15 PM
يسعد مساكم
هلا بالجميع
كيف حالكم
اعذروني على الغياب شوية ظروف
الله يعديها على خير يارب.
الجووهره
24-06-2022, 03:15 PM
وصحت الالسن والاذوآق
ودآم حضوركم وابدآعكم
الجووهره
24-06-2022, 03:20 PM
سالخييييير
مساكم سمن مع الحر (:
كيفكم طيبين واعذروني على الغياب
مشغولة مرتين ادخل مقدر ارد عليكم ):
وصححت السنتكم جميعا
جوج
وشحالك مع الحر عساك ماذبتي ): هههههههههههههههه
هلا رحوووله
ماذبت. مت من الحر
عطونا شوي من برادكم
ههههههه
الله ينجينا واياكم من حر جهنم
ناصر الهواوي
24-06-2022, 08:27 PM
مساء الخير ع الجميع
ارحبي يالجوهره بعد الغيبه وخوذي راحتك الغياب اصبح ظاهره مالوفه هههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
يطري على البال مالا كان يطري عليه
في فترةٍ ذبذبات ارسالها عاليه
بالمصطلحات ماتوجد علامك وليه
ولا فيه وجدي على حاله ولا حاليه
وصفو الزمان الحلو شاتوه شوتة بليه
للطابه اللي تمثل مجمل آماليه
يا ايامنا الماضيه ما تحفظين ارسليه
مع ذكرياتك عساها مالها واليه
خيال مطير
24-06-2022, 08:38 PM
الله لايحرمني من طلتكم
شاعرة نجد
25-06-2022, 12:16 AM
مساء/صباح الخير
طابت اوقاتكم وصحت ذوائقكم ودام تواجدكم
وصحت ابدانكم
وصح لسانك شاعرنا المبدع
لاعدمنا ابداعك الممتع وحضورك المميز
تقديري للجميع,’’
شاعرة نجد
25-06-2022, 12:25 AM
تسليه
لاصرت حساسه على ادنات ماكان
لـ عاد تنشدني وانا مـ اعترف لك
سرى هجوسي وامتطى عذب الالحان
وش لك وماجابت من الصدر وش لك
لـ تشيل همي لاعدمتك علشان
ترتاح,بس اغدق على القلب وصلك
يكفي عتاب,غْياب,غربه وهجران
حتى ولو ياكثر مثلي ومثلك
هذي هي الايام تجري بسرعان
ماوقفت ياشوق لـ اجلي ولـ اجلك
والعمر فان وكل شيٍّ بحسبان
كم لي على ذالحال قللي,وكم لك؟
ناصر الهواوي
25-06-2022, 12:04 PM
صباح الفُل والياسمين يالغانمات والغانمين
هلابك شاعرتنا وبالفاخره النايفه الكايفه المشجيه المهجيه
اعجبتني وقلت ههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
ليا بغيت اسج جتنا بقيفان
الشاعره ياهاجسي وارهجت لك
كل الهموم اللي تلاشت من ازمان
كتيبةٍ بسلاحها قابلتلك
لسهومها قلب الشقا صار نيشان
قد رحت لو كانت مصره لقتلك
لوهي على لانن وانا انهج على لان
لاشك فتل الشاعره مثل فتلك
لها رجا والا انت ميقن بحرمان
سباع الجفا ياقلب فازت بختلك
من عام عام اول قبل شهر شعبان
وانت بحصاة رزاح ما فاد متلك
ناصر الهواوي
26-06-2022, 12:03 PM
اكتب من خيال ويعجب بما اكتب الخيال
وهو ما يجيبه من تساليه انا اعجب به
ارى به تصاويرٍ قديمه ولا تزال
تاثيراتها بالفكر والقلب تلعب به
عسى مروحات المزن في وبلها الهمال
تسقي وادي معروف له وقدمه طبه
مع مافات لي من وقت ما انسى طعم فنجال
بذاك المكان الحلو لي في يده صبه
ولهاتتمه ان شاء الله
خيال مطير
26-06-2022, 02:23 PM
من الارشيف
صوت الشاعر العلم محمد الروقي
وين الهواوي غايب وقت وش فيه= اليه بمثله ياهل الجود حاجه
رجال ذرب لسان والرجل نغليه= لاصان نفسه عن دروب السماجه
والشور زين ولا ش منها مشاريه = الفكر اخذله فالهجوس ادراجه
وضربت راي براي وزريت اقديه =الحلو خالط يالهواوي هماجه
والقلب فيه وفيه وعجز مداويه =مايصلح التلحيم كسر الزجاجه
وزريت لا القا شيخ صادق ويرقيه = وليا عطاني مانفعني علاجه
والوقت شين وضحكتي من بلاويه=ولالي على مد الضعيف انفراجه
الراي لو ماجا من ابن{ن} على ابيه = طيب وعارف بالصواديف ناجه
قله رقيت الي ينومس معديه = رجم تهيضني ذواري عجاجه
للحر بانت فالمطفه مواريه = قيف عسير ماتجيه الدجاجه
وجر موالي وعيده وغنيه =لي مع قصيد الغانجات اندماجه
ماردها ياكود في بكرة التيه =وشره ليا جاء للبيوت انزلاجه
ياناصر ادرج فكر رايك وعطنيه =مالي بعد شورتك فالشور حاجه
اعذوني على التاخير وسامحوني عن التقصير وتقبلوها كما جاءت لاني لست بمستوى محمد
ياراكب اللي تو راعيه شاريه=ماله شهر من يوم فارق كراجه
من قيمته ياقل من هو يراعيه=ماقيل كم انقول به في حراجه
عليه قرمٍ بالغداري امسريه=حر وشجاع ولا يحب اللجاجه
يلفي على اللي غاير الجرح موذيه=حتى يجي بينه وبينه مواجه
يامرحبا به جعل ربه يحييه=ترحيبةٍ في طعم منقى سفاجه
اللي شعا هجسي بروعة معانيه=وجاء للمثايل بالقريحه رواجه
وحاولت اجيب من اعذب الشعر اجاريه=وله هجرس هجوسي وولع سراجه
وهجسي عجل بس اردعه عن تماديه=واقدا مساره لا يجيه انعواجه
ابيه يدرك حاجة القرم وابيه=يصير حول الرجم دايم مداجه
يشوفه بقيفه وما قال يوحيه=وليا عرفنا داه جبنا علاجه
يمكن نعرف اسوة خبر عن حراويه=ويصير لركاب الفزوع انسهاجه
مادام ما بيِّن لنا ما يخفيه=حلٍ على العميا يجي به مجاجه
لكن قل المطلوب واقول لبيه=وحماي انا قولي وفعلي سياجه
وختمتها بازكى التحيات للبيه=عسى مردي ما يعكر مزاجه
خيال مطير
26-06-2022, 02:24 PM
صح لسانك يابو عبيد
اكتب من خيال ويعجب بما اكتب الخيال
وهو ما يجيبه من تساليه انا اعجب به
ارى به تصاويرٍ قديمه ولا تزال
تاثيراتها بالفكر والقلب تلعب به
عسى مروحات المزن في وبلها الهمال
تسقي وادي معروف له وقدمه طبه
مع مافات لي من وقت ما انسى طعم فنجال
بذاك المكان الحلو لي في يده صبه
ولهاتتمه ان شاء الله
ناصر الهواوي
26-06-2022, 09:45 PM
يامرحبا يالخيال وذوقه وحضوره الرائع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
من مزحةٍ كيف جت؟ما ادري!!ركب راسه
وما بني بسنين من كبر الزعل هده
شاله غروره بعيد وضاعت الطاسه
وطالت مشاحيه لاودي ولا وده
بمباركة واشي وحاسد وبلاسه
لرجعة الما لمجراه القشر لده
صباحكم ورد
البقى يا ابو عبيد وصح بدنك (:
وصح لسانك مدد شاعرنا
هلا رحوووله
ماذبت. مت من الحر
عطونا شوي من برادكم
ههههههه
الله ينجينا واياكم من حر جهنم
هلابتس زود يابعدي
تعالي صيفي عندنا وابشري بالبراد (:
امين امين يارب
ارحبي نجد وصح لسانتس شاعرتنا
صح ذوقك خيال
سقاك السحاب اللي مزونه عليك تقاس
لا كفتك كفّت خلق ربي وكفّتني
أنا أشوفك المستقبل اللي ورا الأقواس
ما أشوفك لقى عابر وفرصه وطافتني
مهب الرياح يسير البحر والغطاس
لكْن مايسيّر ضيقة الصدر لا جتني
ماني تاركٍ حبل الرجا ينقطع بالياس
لو أعلّق شراع السفينه على متني
ناصر الهواوي
27-06-2022, 12:18 PM
اهلايارحيل وصح بدنتس وذوقتس ودام هالحضور الرائع
ــــــــــــــــــــــــــــــــــــــــــــــــــ ـــــــــــــــــــــــــــــــ
تناتيف.......على راي طير حوران الله يذكره بالخير
ــــــــــــــــــــــــــــــــــــــــــــــــــ ــــــــــــــــــــــــــــ
ارحَّب ابـ طيفه له سبوع ما مَرْ
حتى المنام إتقل به لمة الطيف
الفقد يجرح بالحشا والبطا مُر
ولا فيه احد جت له ظروفه على الكيف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
لي مده الجوال بالبيت راميه=وبالمزرعه لاصرت رايح رميته
من بعدهم ما الد يمه ولا ابيه=كم مسج؟بالالاف به ما قريته
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
قد كنت لا دندن خطير اتكسَّر=ومن بالطريق ليا سمعت اتوطاه
شوقٍ يروع ما يبي له مفسر=وليا فقدته نصف يوم اتباطاه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
خفيرنا وانت خيالٍ بليا حصان=افزع برايك لمن قلت عليه الحيل
يعيش مع ذكرياتٍ له /خبر لسم كان=وماضي همومه وحاضرها تجي له دبل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
ما فات من لذات تذهب بكلمه=ليا قال من كان السبب لك(وداعاً)
تدخل لو انت الظهر منها بظلمه=وقواك مع هالصاعقه ما تماعن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
شاعرة نجد
27-06-2022, 01:33 PM
صباح الفُل والياسمين يالغانمات والغانمين
هلابك شاعرتنا وبالفاخره النايفه الكايفه المشجيه المهجيه
اعجبتني وقلت ههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
ليا بغيت اسج جتنا بقيفان
الشاعره ياهاجسي وارهجت لك
كل الهموم اللي تلاشت من ازمان
كتيبةٍ بسلاحها قابلتلك
لسهومها قلب الشقا صار نيشان
قد رحت لو كانت مصره لقتلك
لوهي على لانن وانا انهج على لان
لاشك فتل الشاعره مثل فتلك
لها رجا والا انت ميقن بحرمان
سباع الجفا ياقلب فازت بختلك
من عام عام اول قبل شهر شعبان
وانت بحصاة رزاح ما فاد متلك
قسم بالله ماتكفيك مبدع شاعرنا
مجاراة ممتعه وعذبه وصدى غطى على الصوت
صح بدنك وصح لسانك
ولاهنت وسلمت ودمت,’’
شاعرة نجد
27-06-2022, 01:37 PM
ماني تاركٍ حبل الرجا ينقطع بالياس
لو أعلّق شراع السفينه على متني
روووعه يارحيل
صح لسان شاعرها وصحت ذائقتك المميزه
وصحت ذوائقكم والسنتكم جميع
سلطان الغبيوي
27-06-2022, 01:38 PM
ارحب يابو زياد ولاهنت ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
اثره صحيح لكل شيٍ مواري=تجي الهواء قبل المخايل تباشير
احدٍ بها يدري واحد غير داري=واحد يعن الغوج للغزو ويغير
على عماه اتقول هذا انتحاري=يرخي لها ترثع لو اتطيح في بير
واحد يدرّْجها على هدي باري=بالمعركه فارس وبالمجلس امير
والطيب ماقالوا لناس احتكاري=في هالبشر ياكثر من فيهم الخير
بأهل رفيعة كف انا افخر واماري=ذوي نجا ربعي من القوم لاغير
لداورد من حول السنه شد جاري=وعلى معزه فيه شيد مقاصير
وبالعاصمه تفرقوا بالحواري=راحت بسلطان وفلاح المقادير
واللي بقو ما بين جاهم وساري=لصبة قواعدها وركز المواصير
وللحديث تتمه ان شاء الله
الله الله
صح لسانك يا ابو عبيد ولا خلا ولا عدم وحنا اللي نتشرف بك ابن عم وغالي والشاهد الله
والمعذر على التاخير في الرد
طبع الزمن مثل هبوب الذواري
في غير مشهات السفن والبوابير
فيما مضى قبل لا يطري طواري
واربوعك امقيمين والناس في خير
طبّقت قول المصطفى فـ البخاري
فـي حق جارك يوم للجار تقدير
وللربع حرص وللرفاقة امداري
وامبعّدٍ عن شاربك كل تقصير
لا جوك ربعك في محلّك انياري
للكيف نار وللذبايح شناكير
وليا دعوا ربعك عجل ما تثاري
ما انت بثقيل اليا دعوك المناعير
واليوم وش بعد المدن والبراري
الجيب عندك والدعاوي تياسير
يا مرحبابك عد نبت الصحاري
ف العاصمة ولا بداورد ي امير
ويوم العمار امع الخليقة عواري
طراتها الطاعك ورفقة هل الخير
سلطان الغبيوي
27-06-2022, 01:46 PM
صح بدنك يالخيال وذوقك
ــــــــــــــــــــــــــــــــــــــــــــــــــ ـــــــــــــــــــــــــــــ
اقول ان من هو قز هالخط شغله زين
لو انه عن البيت المهدم نحاه ايسار
امره ليا سافرت وتلد فيه العين
واصفط واتوقف لي دقايق وانا محتار
لي ايفل فلم مصورٍ فيه قبل سنين
يوم إنه يسمى قصر واليوم صار آثار
على ما تبقى منه ينعق غراب البين
وباقي جدارٍ كان فوقه حمام وطار
انا اليوم ما ادري من رحل عنه راحوا وين
لي مده ماهيب إقصِّيره ما سمعت اخبار
الله الله الله
والله ان هالابيات انها تححححححفة
صح لسانك
شاعرة نجد
27-06-2022, 01:57 PM
https://encrypted-tbn0.gstatic.com/images?q=tbn:ANd9GcTF53BtYwv3GTSUhuSEkAbs1Iw2ZGKxi tfdfbzDmx7XhoJt8q5Aw8HtlwmmR0mQEKjH44g&usqp=CAU
لقيت فـ الصمت
راحه يوم كثر الكلام
صجه ولجه ولاتنفع ولاحاجه
ان طاب لي مجلسي والا عليه السلام
كرّمت,قمت,ونهض لي هجسي حْجاجه
وغنيت لين ارتويت بْشعر يجلا العسام
من خاطرٍ لاتضايق,طبه عْلاجه
موال أجره على الشاطي ونار الغرام
من حرها شعلة الاشواق وهاجه
أرووح (يمّ) البحر والقَى عليه انسجام
وامد فيه النظر والاعب امواجه
الجووهره
27-06-2022, 04:53 PM
يسعد مسآكم وكل أوقآتكم
وصحت الالسن والاذوآق جميعا
ودآم حضوركم وابداعكم
كيفكم مع الحرر
يا أهل نجد هههههه
الجو يبغى له مكيّف وآسكريم..
واذا حصل من جح ساجر ياسلام
.
اليوم يالله يالطيف وياكريم ..
تجعل سمايم نجدنا برد وسلام
متنبي نجد
.
الجووهره
27-06-2022, 05:40 PM
و
يالله تمسي كل الاجواد بالخير
يالله انك تفتح لهم باب جنة
ويالله ترزقهم كما ترزق الطير
رزق ن من المولى ولافيه منة
عبدالكريم المزيني
الجووهره
27-06-2022, 06:44 PM
ياكاتمين الشوق .. وشلون وشلون
اصدروكم تقوى على .. نار الأشواق
هل عندكم وسط الشرايين فريون
تبرد عليه قلوبكم … يوم تشتاق؟
والله حتى الفريونات ماصارت تبرد
من شدة الحرر
ناصر الهواوي
28-06-2022, 12:11 PM
ياصباح الخيرات والمسرات للبنين والبنات الرواسي والراسيات والزايرين والزايرات
والله يسعد الجميع
شاعرتنا منكم تعلمنا او على الاقل تحفزنا ههههههههههه
صح لسانك وبدنك ودام حضورك
ارحب يابو زياد وصح لسانك وكلامك صحيح والبعد ماهو بعد الديار هوبعد القلوب كما يقال
اهلا بالجوهره وانتي مصدر طاقة الموقع هذا لا يكثر انقاطاع طاقته صح بدنك وذوقك الراقي
ودام لنا هالتواجد الرايع
وانا/عاد ما يحتاج/الحلا والطرا هههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
على الخليج وراقيات الشواطي
إعصير يطرد ضيقة الصدر شاطيه
مع موجه هجوس القصيد امتعاطي
ما يهدد الادمان مخ امتعاطيه
لرافع الموال معه ارتباطي
صوته لو امواجه هدت ما يوطيه
وفي نجد كان النبت رمثه واراطي
وماتت رموثه من عطشها واراطيه
من ضاق فيه اشرف برجمٍ عياطي
صخره تعلا به وصخره توطيه
راقيه ياخذ معه كل احتياطي
مهر الخطر من حين جاه امتمطيه
ومن قال ماتغلي ربى نجد خاطي
ذا ما يعرف مزينه في خطاويه
ليا ادرج في روض عصر امتباطي
يزيد ضغط مولعه من تباطيه
امصعّر الراس لجماله ايطاطي
يحط اده على عقاله ويخطيه
وبسسس ههههههههههههه
خيال مطير
28-06-2022, 02:36 PM
صح الله الســــــــــــــــــــــــنتكمم جمييعَ
https://www.alriyadh.com/media/thumb/63/7d/330_4911814321.jpg
ياما حلا هاك الجبال المِطِلّه
وياما حلا فوق البطين الوقوفي
لاقامت الغيمة مطرها تهلَّه
من وبلها ماصرت تِقْدَر تشوفي
والله على شوفة فياضٍ مِظلّه
فيها الشجر مثل سواد الكهوفي
كنّك لاجيتَ بْظلّها في مِظَلّه
وإلا تحت شمسٍ حجَبْها كسوفي
والله على روضٍ به الخير كلّه
يُنبت من الازهار كل الصنوفي
فيه الخواطر صافيه مسفهلّه
ما حاسها هاجس عيافُ وْعزوفي
شعر: رجاء بن جهز الهويملي
خيال مطير
28-06-2022, 03:59 PM
https://www.alriyadh.com/media/thumb/6c/51/330_2cf3b3c42c.jpg
ألا يا حمامة لا تنوحين كثر النوح
ما ينفع لو إنك طول وقتك تنوحيني
لو إن الونين يوَسّع الصدر به مصلوح
ما ضاق صدري ثانيه يالمسلميني
كان إنّه على غالي ونينك فاهو مسموح
ترايه مجرّب هَم فرقاء المحبيني
أحس إن نوحِك نوحة الخاطر المجروح
وعلى نغمة الحانِك تراقَص شياطيبي
أحِس إنها ونّه حزينٍ من أقصى الروح
وأحِس إن فيك الهاجس اللّي لَعب فيني
ألا ليت إن جنحانك معَي يوم أجي وأروح
أبي يوم الضيق لدارخِلّي توَدِيني
وأبا موح جنحاني مع الجو صوبه موح
واجي فوق حيّن ساكِنه داعج العَيني
وأحلّق على بيته وأوَقع على الأسطوح
على قمّه الخزان وأنظر حواليني
شعر: معيض بن عريفج العنزي
ناصر الهواوي
28-06-2022, 10:04 PM
حياك يالخيال وماجبت صح ذوقك وصحت السنت الشعراء المبدعين
عاد انا والحمامه بيننا حساسيه مزمنه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
النوح هو هو والطريقه بكيفك
على الطراز اللي يريحك جيبيه
لو تستمرين بربيعك وصيفك
لكن تبين الصدق هالنوح كبيه
بعيني على يمناك شايف وليفك
واوحيه يسجع من طرب مع محبيه
ما حاد عن ترتيبكن/ وش مخيفك
مادامك الهانم ترا خدنك البيه
لكن بحق الجار ياكبر حيفك
بسببك بيح كل ماهو مخبيه
وبس هههههههههه
خيال مطير
29-06-2022, 12:32 AM
صح لسانك ابو عبيد
يقول الشاعر
ناح الحمام بعاليات المقاصير
واهل الهوى طربين ما يسمعونه
ذكرتني يالورق لاذكرك خير
غرو كما لدن المطارق قرونه
وش نوح ماكم ضايع ياهل الحير
نبي نعدله كان ماتعدلونه
مع الحميه ساقتن نية الخير
والشرط مانبغاه لو تجد عونه
تمسي عروق القلب عندي معاشير
ويزهر ثمر قلبي وتطرخ غصونه
بكره ضحى هالعيد دقوا الزير
وماعندهم من غالي يلبسونه
يظهر حبيبي كالخلاصه من الكير
وبس
خيال مطير
29-06-2022, 12:39 AM
يقول المرشدي
البارحة من هيض شبيت ضوي
في وسط روض من سني الضو ضوى
بارض خلا ماطبها احد مهوي
يرتداها اللي من عناه يتهوى
ما غير انا والهم في متلوى
باقصي معاليقي لجا ثم تلوى
ازل كيفي وان قضى قمت اسوي
كيف النشاما في دلالي مسوى
قامت هواجيسي بفكري تدوي
ياكم وكم طاري على البال دوى
اكبر هجوسي فوق ناري تعوي
واصغرهم اللي في سما الفكر عوى
الهم ينزل والمسره تطوي
كني اشوف خيام فرحي تطوي
ليلى بقى ثلثه اونا اقول توى
اسمع ضجيج الفكر يقول توي
العين هلت بالمدامع تروي
خلت بذور العشب منها تروي
على زمان فات من زين جوي
يوم ان فكري صافي فيه جوى
دنيا العنا مع كل من جا تخوي
وغلطان من للوقت صادق وخوى
سود الليالي بالمخاطر تشوي
عزى لقلب من لهبها تشوى
من مال وقته والنصيب متثوي
لو يرفعه بالجهد طاح وتثوى
ومن طاح حظه ما نفع به مقوي
ما ينفعه ياكود بالله تقوى
النفس تنوي والطواري تغوي
وابليس من طاعه عن الدرب غوى
ما ينفعك لا طحت ترديد لوي
وما يرجع اللي فات ليت ولوى
هذا وانا بالخير ماجف نوي
يمناي فيها الطيب خيل ونوى
قلته وراق البال في جال ضوي
لين ان نور الصبح شعشع وضوى
صباح ورد جوري (:
ياسلام ياسلام
صحت الالسن شعارنا ابو عبيد ابو زياد
نجد مبدعين كالعادة
وصحت والاذواق
خيال وجوجي
،،،،،،،،،،،،،،،،،،،،،،
غفلنا و انشغلنا بالزمن يا ربنا رحماك
و رجعنا خاشعين وما معانا الا هقاوينا
وقفنا عند بابك مالنا مطلوب غير رضاك
معاصينا كبار و عفوك اكبر من معاصينا
ناصر الهواوي
29-06-2022, 11:54 AM
السلام عليكم ورحمة الله وصباحكم ومساكم سعاده ورحمه
غدا ان شاء الله بداية الايام العشر افضل ايام الدهر
اكثروا فيهن من التكبير والتحميد والتهليل والتسبيح
وصوموا يوم عرفه
عمل الخير فيهن احب الى الله من الجهاد في سبيل الله الا رجل خرج بنفسه وماله ولم يرجع من ذلك بشي
الله يوفقنا جميعا لما يحبه ويرضاه
ناصر الهواوي
29-06-2022, 12:27 PM
اهلا يالخيال وصح بدنك ودام حضورك وسلم ذوقك
حيالله رحيل صح بدنتس وذوقتس ودام تواجدتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
نسمه خفيفه اتداعب كل غصنٍ رطيب
ولا اثرت بالجريد الخضر نسماتها
صوت العصافير يشرح كل صدرٍ كئيب
حدر النخل لا استلجت ما اعذب اصواتها
ولا اوحيت للراعبيه حس شيٍ غريب
بهالجو والوقت هذا عكس رغباتها
الجووهره
30-06-2022, 02:08 AM
ياهلا بالجمييع
والعشر عليكم مباركه
تقبل الله منا ومنكم صالح الاعمال
وصح لسآنك شآعرنااا
وانت الكل في الكل
الله يحفظك ويسعدك
ويسلم ذووقك خياال
ويعطيك العاافيه
ناصر الهواوي
30-06-2022, 12:03 PM
من قديم سجن الرواسي
يسعد مسا دارك وطيفك وطاريك=ويسعد مسا الذكرى لفكري تجيبك
حتى لو انه ما يفارق حراويك=يراقب لظاهرك وايجس غيبك
يصبح على ذكرك ويمسي يناديك=مافي سلوكه ماحصل مايريبك
دام الخفوق العام اخذته باياديك=ومفتاح صدره بعد قفل بجيبك
لايشين ظنك به وتفسد هقاويك=وتبهت من ايودك وتظلم نصيبك
راجع قرارك زين ربك يعافيك=والظن حذرا لا تحطه نديبك
ناصر الهواوي
30-06-2022, 12:19 PM
اليوم يالراعبيه بالنخل لك هديل
خليك لين اركب بسيارتي ساجعه
السجع خليه دايم عن نواحك بديل
النوح يحيي بقلب الجار مواجعه
ويوحي له ان المغربل فاقدٍ له خليل
ويفتح ملفٍ طواه العام ويراجعه
ويشوف به رمش خرس مدعجه دون ميل
وبرقٍ غطاه اشعلٍ تلوح لواعجه
ناصر الهواوي
02-07-2022, 11:40 AM
(امنا قبل النفاس مصفَّره وجاها النفاس وزادها تصفير)
جمله اعتراضيه/يعني محدره وادي خلا هههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
عسى اول ما ينزل من مطر فوق دعب وبيت=واول واديٍ يجري من السيل واديهم
وابا اضيف مع كلمة عسى كم كلمة ليت=يعم الربيع وبه يحلون وآتيهم
والقا كل شيٍٍ مثل ماكان به لاجيت=ما استنكر تغير بعدنا غير اواعيهم
انزل في صفة عساس ضيفٍ لهم لفيت=وبيت الكرم ملزوم باكرام لافيهم
لــ فزيت ابا اسري قالو اركد هنا المبيت=وبعد كثر عوك وجوك وافقت لرضيهم
نسج من خيالي كل ما قلت يابلفيت=لاجتني مراسيل الكرى فيهن ارشيهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
من اول ليا صوتت تسمع صدى للصوت=وهالحين لو صيحت ماله صدى صوتك
لكن لا تشد اعصابك ان صحت ثم اتموت=اهون عندهم من ردهم للصدى موتك
تصبر تصبر لين موجة غضبك اتفوت=كتمك للجزع به تنكسر عين شاموتك
من القنفذه وسع الجزيره الى تاروت=وسع خاطرك فيها ولا تحرق كروتك
ناصر الهواوي
03-07-2022, 11:47 AM
على طمة الشايب لقيتك بعد ما جيت
ما احد ضاف شيٍ بعدي يحسن اوضاعك
لكن قلت لك ياملتقى قافنا حييت
عن ما يبهج الخاطر حشا ماقصر باعك
لي ايام اراجع بك ماسوو وماسويت
بصيفك ومشتاك وخريفك ومرباعك
ولقيت الذهب والماس والدر له حويت
ملياردير كدت اتصير لو الزمن طاعك
وكملوها ان مريتوا من هنا ههههههههههههههههههه
ناصر الهواوي
03-07-2022, 09:42 PM
عضيت اصبعي بالسن والا انت وش عضيت
ما ابي لك جواب/اليوم مشدوده اعصابي
بغيت اندمر ياصاح لولاي عنك اغضيت
لكن بالحقيقه رحت مرهق ومنصابي
اراضيك وبليا سبب وانت ما رضيت
يادوب اقنعتني وانسحبت ام غصابي
اثرني معك مشغول واليوم لك فضيت
وعرفتك لكن ما ودي ادعيك نصابي
على راي سداح العتيبي انا قضيت
بحكم القضا لو قاف الابداع ما شابي
ناصر الهواوي
05-07-2022, 11:52 AM
نسناس الهواء بارد لكنه شمالي هب
وانا النسمه اللي لي تناسب جنوبيه
حتى لو نسمها صيف لاذعذعت يلهب
لها ارتاح /تاثيراتها فيِّ نفسيه
يجي للزمن وجه ابيض ونوب يجي اشهب
وجه الذيب يهرف مع عبالٍ خلاويه
انا كنت قبل اليوم من ما لقيت ارهب
أهبي يالليال السود ما فيك ماويه
مالا ينفهم ياهاجسي فيه لاتسهب
حتى لو عباراته تجي معك عفويه
ناصر الهواوي
06-07-2022, 11:55 AM
ياصاحبي ياهجوس الشعر وش لي قلت بالعيد
جـبـها لنـا حـاضـر بحـاضـر بـلاش مـن الـوعـايـد
قل ياعسى عيدكم يا اهل الوفا مبروك وسعيد
بـيـمان وامـن وسعـاده كل عام العيد عـايـد
في هالعشر سعيكم مشكور هذا كل ما اريد
لمن بهن له بفعل الخير همات وعوايد
الله تأذن لمن يشكر بوافر رزق ويزيد
ومن رحمته بالمقصر لو رجع بالعفو جايد
ناصر الهواوي
06-07-2022, 11:08 PM
قعدت في جوٍ عنه شدوا الناس
من وحشتك بالفكر صار التماسي
عبدالله الدّنّيش
07-07-2022, 12:34 AM
السلام عليكم ورحمة الله وبركاته
وأسعد الله جميع أوقاتكم
وكل عام وأنتم بخير وصحة وعافية
ونسأل الله أن يتقبل منا ومنكم صالح الإعمال والأقوال
وأن يتجاوز عنا وعنكم بالعفو والعافية .
صحت السنتكم جميعا .. وأعتذار خاااص لأبي عبيد رضي الله عنه
فقد أهملنا واجبنا نحوه ونحوكم .. ونرجو منكم العذر والمعذرة
وعسى مقبلات الأيام تزين والجميع والمين وحاضرين .
ودمتم في أمن وأمان وسلام .. والسلاااام عليكم .
عبدالله الدّنّيش
07-07-2022, 12:43 AM
ياصاحبي ياهجوس الشعر وش لي قلت بالعيد
جـبـها لنـا حـاضـر بحـاضـر بـلاش مـن الـوعـايـد
قل ياعسى عيدكم يا اهل الوفا مبروك وسعيد
بـيـمان وامـن وسعـاده كل عام العيد عـايـد
في هالعشر سعيكم مشكور هذا كل ما اريد
لمن بهن له بفعل الخير همات وعوايد
الله تأذن لمن يشكر بوافر رزق ويزيد
ومن رحمته بالمقصر لو رجع بالعفو جايد
&&&&&
يا سلام عليك يالهواوي والله ما فيك حيلة وصح لسانك على كل هالأبداعات
هوجستني والمعذرة ع التأخير وشكرا على رسالة الوتس أب
وأقوول :-
يا هاجسي غن بألحانك وجوّدها بتجويد
هذا الهواوي يهوجس بالطروق وبالقصايد
وبلّغه بالتهاني والمعايد ليلة العيد
وعُمّها ع الرواسي بالمبارك والسعايد
والله يقبل ويتقبّل دعاكم يالأجاويد
ويكتب لكم حجةٍ بالأجر لو كنتم بعايد
والله كريمٍ وع النية يجازي كل ترديد
لمن دعا وأحسن النية وجود الله زايد
وأدعي لكم يالرواسي جمعكم من دون تفريد
بالعفو والعافية والستر في يوم الشدايد
وأبعث سلام البُراد السروي من دون تبريد
ياعل تنفح على نجد العذية بالنوايد
وسلامتكم وعليكم النسمات الباردة
ناصر الهواوي
07-07-2022, 12:11 PM
]رثي لوجه السجن عليه باديةٍ تجاعيد
يفرك بكفه على كبده تمرّْسها لهايد
ياشيب عينه بعد غابت سعاد وغادر ءسعيد
وياعماس راسه ماعاد يلايمه لين الوسايد
خفيره ايفز مذعورٍ لحس الباب ويهيد
ليا درا ان الهبوب تحركه ما فيه رايد
ارفع له القبعه قدر وتحيه وارفع الإيد
ولرحيل والجوهره تقديرنا والشكر زايد
ولشاعرة نجد لو زاد الغياب بشكري ازيد
وللغامدي شكرنا من يوم عاد الشكر عايد
استودع الله جميع الربع بكره صوم والعيد
بعده/ذكر مع ضحايا وانشغالٍ بالمعايد
خيال مطير
08-07-2022, 05:53 PM
البارحه ربي كتب لي ومريت
دربٍ عليه بروق الأحباب لاحت
جيت المكان اللي جمعنا وخفيت
وقامت جروحي للجوارح وصاحت
يا ليتني في لفة الدرب زليت
كان العيون من الدموع استراحت
اللتم غيم الدمع من يوم لفيت
وورقا القصيد لشوفة الغيم ناحت
وضحكت ما ابغي الناس تدري يبا لفيت
لكنها غصبٍ على العين ساحت
حارت دموعي في عيوني وصديت
وارمشت ابيها ماتبيّن وطاحت
وعقبه برق فالعين براق واسقيت
خدي ووناتي بصدري تلاحت
وانا احسب اني في فراقه تعافيت
وان عبرتي من مدخل الزاد زاحت
اللي يحسب اني على البعد سجيت
والا ان عيوني للرقاد استباحت
ياليتني من قبل لا احبه اقفيت
والا ان دروبي عن دروبه تناحت
اهون عليّ من البكا والتناهيت
واشلا من سدودٍ على الناس باحت
عرفت كيف الحي يفرق عن الميت
وعرفت قيمة نعمتي يوم راحت
قولوا له اني عقب بعده تدانيت
ورجلي عن دروب المعافين شاحت
البعد نار وطاعة العذل كبريت
يقصر عليّ بعده ترى الكبد فاحت
ناصر الهواوي
09-07-2022, 12:18 PM
(عيدكم مبارك)
ياسلام على هالمعلقه يالخيال روعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
في كل شيٍ فرق/حتى بالاعياد
العام عنه اليوم فرقه بعيدي
طبق الاصل حله وحالات وإعداد
حضر بذاك وغاب عن ذا العميدي
وصار الفرح في واد والقلب في واد
بين الثنين اقيم فاصل حديدي
وبس
خيال مطير
09-07-2022, 05:17 PM
يسعدني ان أرسل لكم اليوم تهنئة بمناسبة عيد الاضحى المبارك وأطيب
التهاني وأحر الأماني بأن تكونوا بحفظ الله ورعايته في كل عيد.
الجووهره
09-07-2022, 09:55 PM
السلام عليكم
تقبل الله طآعتكم
وكل عآم وانتم بخير
وعسآكم من عوآده
الجووهره
09-07-2022, 09:56 PM
وصحت الالسن
ودآم الحضور والابدآع
الجووهره
09-07-2022, 09:59 PM
]رثي لوجه السجن عليه باديةٍ تجاعيد
يفرك بكفه على كبده تمرّْسها لهايد
ياشيب عينه بعد غابت سعاد وغادر ءسعيد
وياعماس راسه ماعاد يلايمه لين الوسايد
خفيره ايفز مذعورٍ لحس الباب ويهيد
ليا درا ان الهبوب تحركه ما فيه رايد
ارفع له القبعه قدر وتحيه وارفع الإيد
ولرحيل والجوهره تقديرنا والشكر زايد
ولشاعرة نجد لو زاد الغياب بشكري ازيد
وللغامدي شكرنا من يوم عاد الشكر عايد
استودع الله جميع الربع بكره صوم والعيد
بعده/ذكر مع ضحايا وانشغالٍ بالمعايد
تسلم شآعرنا وصح لسآنك
الله يعزك ويرفع قدرك
ناصر الهواوي
09-07-2022, 10:02 PM
اهلا خيال وعدت العيد والنهار السعيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
ياعيد ياسرع الليالي والايام
هذي سنه فاتت بحسبة اسبوعي
ياعيد وين اللي يهني بك العام
ياعيد اثر فقد الولايف يروعي
ناصر الهواوي
09-07-2022, 10:05 PM
ارحبي يالجوهره وكل عام وانتي ومن يعز عليك بخير وعافيه
وصح بدنك ولاهنتي ودمتي وسلمتي
خيال مطير
09-07-2022, 10:13 PM
يا عيد قلبي فاقدٍ فرحة العيد
ليتك تعيده للفرح يوم عيده
أبغاه يسلى همه اليوم ويعيد
ذكرى مضت واعياد كانت سعيده
كان الهلال يزف أجمل مواعيد
والصبح شمسه تنثر اعذب قصيده
والحين كل ما ذيع للعيد تاكيد
أشعل لظى قلبي بصدري وقيده
يأتيه طيف انسان من قاصي البيد
ميت وتذكر له مناقب فريده
في جلسته للضيق والهم تبديد
كريم وافي سمح خلْق وعقيده
يا عيد زيح هموم جتني مواريد
واستوطنت حول الخفوق ووريده
الجووهره
10-07-2022, 01:26 AM
البقااا شاعرنااا
الله يحفظك وويسعدك
وهلا بك خيآل
ويسلم ذووقك
ودام ابداعك
الجووهره
10-07-2022, 01:31 AM
يقول ابن فطيس
العيد ذا جزء من العيد مفقود
معيد وطيب ولاني بطيب ..
على وليفًٍ دونه حدآد وحدود
فرقآه خلتهم يقولون شيّب
متى تشوف عيوني عيونه السود
وواجهه وأعآيده من قريّب …
الجووهره
10-07-2022, 01:36 AM
ويقول
محمد الخيآري
عايدت بيض الورق والشعر وأقلامي
وعايدني اللي طويل الوقت ما زاحه
الناس ضحت وأنا ضحيت بأحلامي
وعيّدت رغم أنكسار الحلم وجْراحه
وسّدته العمر .. والحفته من أيامي
وعانيت منه الطعون وقلت الراحه
ناصر الهواوي
10-07-2022, 12:11 PM
قبل امس وامس وقبله ايام محتار
اسج واهوجس وادير التفاكير
قالو من ادناتش تكسر تكسار
من لطفهن ذولي يسمن قوارير
امحق لطف ذولي مقابيس للنار
كم صدر شبن داخله صالي الكير
القلب الرقيق استبدل بقلب جبار
جربت والا كنت ما اظنه يصير
من قيل قبل ارحم من الوالد البار
اليوم عق وفجر الوضع تفجير
جفا معا سبق الترصد والاصرار
وبرر بكلمه جت بلا قصد لاغير
له كبروها اهل النمايم والاشرار
اللي تفجر ضحكهم دمعة الغير
الجووهره
10-07-2022, 02:56 PM
صح لسآنك شآعرناا
ودآم ابدآعك
شفت التواصل بين الاحباب واشتقت
لـ اوفى بشر ، وأبخل بشر فـ المواعيد
'
علّقت ثوب . . العيد الاول وعلّقت
بقية . . احلامي على . . ثاني العيد !
ناصر الهواوي
11-07-2022, 10:04 AM
ارحبي يالجوهره وماجبتي ابيات فاخره وحضور افخر واروع الله يحفظك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
اجلنا الأمل باليوم الاول ليوم آخر يجي
وقلنا بثالث يوم يكمل وجاء الثالث وراح
انا اعلل النفس الزهوقه تعاليل العجي
واكلف ماعليِّ ليا ضوى الليل ما تبي المراح
بي يالرجل مدي خطوتك بالفيافي واسهجي
فياض الشعيب اللي كست سهلته خضر الطلاح
براسي طفيقات الطواري تهيج وترهجي
واعرّْض صياح الطير لاصاح بالدوح الصياح
واقول الــ حمامه غنن بكل صوتٍ يبهجي
خلنه هديل بسجع يطرب بلاش من النواح
ياورق الشجر بالله وين الاغن الاغنجي
اللي يسحر بهمسه لكنه من السحر المباح
قِدِم نور وجهه تنهزم ظلمة الليل الدجي
تحسبن جبينه لاتبدا لكن نور الصباح
له يحن ولفه حنة ام الحوار المخلجي
تشمشم مكانه بعد شالوه واتدير المراح
اخذني على غره بقوله تهون اتفرجي
وصبري تمضحل وانتهى في رجا ضبي البراح
لخيل القوافي يوم صبري نفد صرت اسرجي
تاجٍ كنت اخبره فوق راسي بعد فرقاه طاح
ناصر الهواوي
11-07-2022, 10:15 AM
ارحب حيهلا يابو محمد تراحيب المطر
وهلابك عدد ماوقع الطير بالروضه وطار
يوم فيه شفنا الاسم يحسب لنا يوم عطر
اجل كيف لو شفناك شخصي بعد طول انتظار
ناصر الهواوي
11-07-2022, 12:20 PM
لقيتها وانا افتش هههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
جل وعلا خالق فيروس الكرونا=ما احد يراه الا بعين التلسكاب
بعتادهم واعدادهم روعونا=ولا قلب فيهم غير من هالبلى ذاب
صكو ملاهيهم وضاعت فلونا=عشاقها ما عاد واقو مع الباب
العالم الذري برهبه وهونا=ومليار فيروسات ما تازن ذباب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
خفير السجن كان السجن داخله مسجون=فكه يابعد من لاحضر واقفل ابوابه
خلك في مكانه يالبطل لا تقول اشلون=امر وجاك مني لا تعرض له بجابه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
ودك بتسليه؟؟
القريحه نايمه والهجس لاوي ذيله=وحالة العصفور مع صلف الهبايب حاله
والكحالي يحسب الاميه بتومي له=وطارت اتدور ذراها واتركته لحاله
مقدمه ولذاك خذ يا هاجسي تحويله=مالك ومال الكحالي والكحالي ماله
الثمان اللي تلاعج مع خلول الشيله=والعيون ليا اطرقت برموشها قتاله
والسهيف اللي من اطراف الرمش تاويله=والجبين ليا بدا تقول هل هلاله
ناصر الهواوي
11-07-2022, 12:31 PM
اقوله مجرد مزوح وتسالي= ولافيه باس ليا مزحت وتسليت
بالمزرعه جالس وحيدٍ لحالي=قلب وسكنته ليه له يالغلا اخليت
ذي جايزة نوبل من اجل الجمالي=اخذتها غصب وعلينا تغليت
عندك رخصنا وانت مازلت غالي=حي الغلا لك باقي بداخله بيت
في هالسنه ماطرك ماهوب يالي=وغرسٍ غرسته بعد مس الضما ميت
ناصر الهواوي
11-07-2022, 03:18 PM
(إن البدور اللواتي جيت تطلبها= بالامس كانوا هنا واليوم قد رحلوا)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
حاولت قيلوله ولا جاني النوم= انعس وليا غمضت له طار عني
ماهيب عاده بس هذا جرى اليوم=والغيت ما كنت اتمناه لني
بمشيئة الله لاضوى الليل محسوم=نومي/رغم نظرات هنه وهني
بزيارتي ياطيف بالنوم ملزوم=جب لي علوم ووده علوم مني
قله زمانٍ فات ياطيف مرحوم=وما راح مرجاعه ماهو بالتمني
ياطيف قل له كل ما صار مقسوم=شف كم ورقا من عناها توني
تبكي على من جندله كاسر الحوم=وشف كم جنيه بكت فقد جني
وبس هههههههههههههههههههههههه
ناصر الهواوي
12-07-2022, 12:03 PM
ياحيل الله اقوى/ تقال بمعنى لاحول ولا قوة الا بالله .......
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
يقول من عندك هنا قلت انا/بَسْ
قوى مع الوحده على الصبر باسي
اقفيت كلك لاش صوره ولا حس
نسيت من لاكان لك يوم ناسي
عن العهود المبرمه معك ماهس
قبل يجي بالعهد منك انتكاسي
وتجي صريحه منك ماعاد به دس
امر متنبي به من اول احساسي
خيال مطير
12-07-2022, 12:40 PM
خلك على النيه تجيك التوافيق
لو أغلب قلوب المخاليق ظلماء
الله يبل الريق في حزة الضيق
ّلاشحت كفوف المخاليق بالماء
https://static.xx.fbcdn.net/images/emoji.php/v9/tb6/1/16/1f44c_1f3fb.png
من صاحب هذهَ الابيات
صح لسانك يابو عبيد
ناصر الهواوي
12-07-2022, 08:13 PM
صح بدنك وذوقك وصاحبك يالخيال ولاهنت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
من اول اضحك على من قال متضايق
رايق ومبسوط ما كنت اعرف الضيقه
اشوف بي كل ملبوس البسه لايق
وبمن له البس يليق اللبس وانيقه
يقول من شافني جو الفتى رايق
ما نشَّف الوجد من كثر الجفا ريقه
واثر الشقا من خلول الغفله ايوايق
وتاخذ درونه بجوي صبح تحليقه
واصبحت من غفوتي من صعقته فايق
مستودع الضيق ما يحتاج تغليقه
ناصر الهواوي
12-07-2022, 08:26 PM
يازعيم الحزب وش ودك نسوي=انتسلا فـ .الرعد والا نبيده
والا ودك لاتواقد جمر ضوي=أحَمَسْهم حمس وانا المستفيده
لين ريم تصيح وانا اقول توي=ولين طيّبهم يطيح ويرفع ايده
شاور افكارك وقللي وش تْنوي=ساعدك وابشر تراني عن وليده
تدري اني لافضيت وزان جوي=كل ساعه ودي اكتب لي قصيده
وان سرى الهاجس على براق نوي=والقريحه فضفضت باللي تريده
حرك الاشواق رعّادٍ يْدوّي=واستباح القلب,وادياره بعيده
ناصر الهواوي
12-07-2022, 08:39 PM
يقول من لا وده ايقول لكن
كثر الطواري يحتدنه على القول
يطري له اللي بين الاضلاع ساكن
يفتر في ساحته بالعرض والطول
عليه لا تكفن يالرمد ماكن
لوجف نبع دموعكن تصبحن حول
وبسسسسسسسسس
ناصر الهواوي
13-07-2022, 12:10 PM
لاقارضٍ للشعر يوجد ولا ناقد
ولا مجاري ولا جانا معارض له
والهجس ماعاد يلقى له بدل فاقد
لو هف بالعي ما يوجد معوقد له
اسوأ وضع مر به من خلقته ما قد
من عرفتي له ابد ما مر به مثله
متذوقه لو صحى له كنه الراقد
ما عاد له مزةٍ عنده ولا قَبْلَه
منطق محبه يشابه منطق الحاقد
والملهم اللي عليه العلم صار ابله
ناصر الهواوي
14-07-2022, 12:10 PM
يالسجن لو هم من جنابك تبروا
واخلوك انا من حضرتك ما تبريت
لوهم مع العطله مع الجو فروا
انا معي ما ياصلك حيث فريت
ومن الوفاء لك بالنهايه تعروا
على الوفا لك ثابت ولا تعريت
تمرسوا على الغياب وتجروا
انا على هجرك حشا ما تجريت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
اقول لك عاد عيدك لو بخلت بتهنية عيد
لو ما تعشمت في العوده عليك العيد عايد
ماهكذا يفعلون اهل الوفا ياسيد الغيد
القلب لو بالخواطر شي يبقونه محايد
القلب مستودعٍ تنقص به الاشواق واتزيد
ما هو بواجب يعرض كل ليله للنكايد
انشد فوادك ورده لك يجي بالموجب اكيد
انه لما فات له رغم الجفا والبعد رايد
ما حاسك الا هل النمات واهل المكر والكيد
خلوك في عزله لحالك وسبب لي لهايد
خيال مطير
14-07-2022, 01:58 PM
أركب على اللي جديداتٍ مساميره
شاريه كاشٍ بليّا ديَن وأقصادي
زعلني الكهرب إن جتني فواتيره
باروح للبَرّ وبنزل عند الأجوادي
مالي بقصرٍ تمدد به مواصيره
حس المكيّف بوسطه تقل رعّادي
والله ما غبطْ الذي شيَّد مقاصيره
لو فرشته زَلّ روميات وجدادي
من طلعتي ما أشرب البيبسي ولا البيره
ولا نيب أحبْ شوفة الكوره ولا النادي
أحب شوف الصحاري وأبغض الديره
ماني من اللي بوسط المدن قعّادي
البَرّ هو منوتي مالي هوىً غيره
أحب شوف النفود وشوفة الوادي
وأحب شوف الربيع إليا سجع طيره
فيه أم سالم تجرّ الصوت وتنادي
وأحب شوف الدبش ورده وتصديره
وأحب شوف الغضي مركوز ألانهادي
فالقيظ كلٍ تشوفه قاطنٍ بيره
تلقى الرواوي على الماء جمع وأفرادي
لا جا التويبع وهبت به معاصيره
تلقى على الماء بنات البدو ورّادي
ينساح بالي ولو كثرت مشاويره
هذا مناي وهواي وغاية أمرادي
ناصر الهواوي
15-07-2022, 10:05 PM
تسلم يافخامة الخفير
ــــــــــــــــــــــــــــــــــــــــــــــــــ ـــــــــ
خيال مريته وانا عنه غافل
لو كنت انا له ذاكرٍ ما نصيته
انا بتاثيره علي ما اتساهل
شاويش عنه الصبر انا ما قويته
وابل سحاب الموق من شوفته هل
الله يسامح شخص من هو بويته
ناصر الهواوي
16-07-2022, 12:17 PM
انا من حروف الاسئله ودي الغي(وين)
لكن يالخفير ابحث وعطني بديل(إلها)
مثل قولتك(ماشفت؟) تكفى كحيل العين
والا كان ودك في كماها لنا قلها
انا يالخفير اللي غدت ليلته ليلين
يسامر نجومٍ ساريه وايتأملها
صبر عام ينطر تنفرج والحقه شهرين
و(قد يجمع) اخفق مخ راسي يحللها
لنفسي اقول احيان سجي عنه تسلين
واعدد سويعات الوناسه واعللها
ممزوجه ليالينا بها كل شين وزين
ليت الزين فيها ما يفارق معالمها
اسعد الله مساكم
من العايدين وكل عام وانتم بخير
بعد الزحمه واكل اللحمه (:
مفروض اني اعايدكم من قبل بس التمسو لي العذر
وصحت السنتكم جميعا
]رثي لوجه السجن عليه باديةٍ تجاعيد
يفرك بكفه على كبده تمرّْسها لهايد
ياشيب عينه بعد غابت سعاد وغادر ءسعيد
وياعماس راسه ماعاد يلايمه لين الوسايد
خفيره ايفز مذعورٍ لحس الباب ويهيد
ليا درا ان الهبوب تحركه ما فيه رايد
ارفع له القبعه قدر وتحيه وارفع الإيد
ولرحيل والجوهره تقديرنا والشكر زايد
ولشاعرة نجد لو زاد الغياب بشكري ازيد
وللغامدي شكرنا من يوم عاد الشكر عايد
استودع الله جميع الربع بكره صوم والعيد
بعده/ذكر مع ضحايا وانشغالٍ بالمعايد
الله يرفع قدرك شاعرنا ويسعدك
صح لسانك يابو عبيد
لا يهمك كل نفسً لـ الجفا متجهه
القلوب الحانية وقت القسا معروفة
والله انّ اللي يحبّك تعرفه من وجهه
نظرته فيها حنان و بسمته مألوفة !
ناصر الهواوي
17-07-2022, 11:47 AM
ارحبي يارحيل ولا تعذرين الآن اشوف التشره موضه قديمه عفى عليها الزمن
وصح بدنتس وذوقتس
هالبيتين عن معلقه صح الله لسان قايلهن وذوق ناقلهن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
بيتين تكتب من ذهب في تسليه جت من رحيل
حاولت اجاريهن وحصلت القريحه راحله
الهجس ما قصَّر لكن ماعاد له قوه وحيل
من قبل عيد النحر يهرف في صحاري قاحله
يا من لقلب كلما تطري سويعات الرحيل
يِنْقَضْ جزره فوق مده ويتقلص ساحله
مشقيه كتف وردف يشكي ضيمهن خصرٍ نحيل
وكحيل طرفٍ ما اشترى الكحله وربه كاحله
محرقه من فقدهن في داخله شوقٍ امحيل
يبي المطير وتمنعه منه الضلوع الناحله
وبس ههههههههههههههه
خيال مطير
17-07-2022, 03:32 PM
انا من حروف الاسئله ودي الغي(وين)
لكن يالخفير ابحث وعطني بديل(إلها)
مثل قولتك(ماشفت؟) تكفى كحيل العين
والا كان ودك في كماها لنا قلها
انا يالخفير اللي غدت ليلته ليلين
يسامر نجومٍ ساريه وايتأملها
صبر عام ينطر تنفرج والحقه شهرين
و(قد يجمع) اخفق مخ راسي يحللها
لنفسي اقول احيان سجي عنه تسلين
واعدد سويعات الوناسه واعللها
ممزوجه ليالينا بها كل شين وزين
ليت الزين فيها ما يفارق معالمها
صح لســـــــــــــــــــانكـ يابوعبيد
خيال مطير
18-07-2022, 12:13 AM
https://www.youtube.com/watch?v=V0Yne3eOXUc&ab_channel
الجووهره
18-07-2022, 05:38 AM
صباح الخيرات والمسرات
هلا بك رحووله منوره
وكل عام وانتي بخير وصحه وسعاده
ومعذوره أهم شي انك بخير
ويسلم ذوقك على البيتين الجميله
الجووهره
18-07-2022, 05:40 AM
وهلا بك شاعرنا الهواوي
وصح لسآنك ودآم ابدآعك
وهلا بك خيال
ويسلم ذوقك
ويعطيك العافيه
الجووهره
18-07-2022, 05:50 AM
الوقت يمضي والليالي سريعه
مرت ،سنين* اعمارنا* مادرينا
نطرد ورى ،بكره ونرجي تبيعه
كبرت، حدود احلامنا*والتهينا
حكم الزمن غصب ً علينا نطيعه
يوم ً لنا واليوم.... الآخر علينا
اللي لنا نشري.. عليه ..ونبيعه
واللي علينا ......ليتنا ماشرينا
،،،
ماكل من يضحك مع الناس مسرور
كم واحدّ همه ورى الضحك يخفيه
جــرح البـدن يـقـدر يداويـه دكتـور
بس المـشـاعر جرحهـا من يـداويـه
ادرى الخواطر وانتبه تجرح شعور
ابسط حقوق الجرح صوتٍ يواسيه
،،،
للـظـروف احكام تجبـرنـا نـطيــع
نرسـم الخطوه على حجم المُتاح
احتمــل لاهنت يالـصـدر الوسيـع
وافــرد شـراع الامـانـي للـريــاح
أن خذلك الصيف ينصفك الربيـع
وان غشـاك الليل يجـلاه الصبـاح
ناصر الهواوي
18-07-2022, 12:04 PM
ياسلام عليكم والسلام عليكم
الخيال الجوهره مشاركات ما احلى منها الا حضوركم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
اكتب واختم كتابتي نوب في بس
ويصير بالمعنى خلل والتباسي
هي تعني انهيت الخبر دون ما احس
او صار بسلوك الهجوس التماسي
للسجن جهزنا الكفن ما بها دس
ماتنفعه غرفة إنعاش الرواسي
الشاعره دكتورته ما لها جس
ومديره الهاجس لمرضاه ناسي
والجوهره بقيت هي الساس والإس
ورحيل موقفها هنا شي اساسي
والمستشار يراقب الوضع ويعس
ما زال يبذل جهد وابليس خاسي
وانا اتجلد رافع الرس ماهس
مهيلات ازرت اتطير عماسي
الجووهره
18-07-2022, 03:07 PM
تسلم تسلم شآعرناا
وصح لسآنك ودآم حضورك وابدآعك
والله يردهم بالسلاااامه
ان شاء الله
الله يبقيك يا ابو عبيد ويطول في عمر معاليك
ويسلم غاليك (:
صح بدنك طال عمرك
وصح لسانك مدد شاعرنا
جوجي هلا بك زود يالغاليه
النور نورتس يابعدي لاعدمتس
وصح لسانتس
صح ذوقك خيال
ارحبي يارحيل ولا تعذرين الآن اشوف التشره موضه قديمه عفى عليها الزمن
وصح بدنتس وذوقتس
هالبيتين عن معلقه صح الله لسان قايلهن وذوق ناقلهن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
بيتين تكتب من ذهب في تسليه جت من رحيل
حاولت اجاريهن وحصلت القريحه راحله
الهجس ما قصَّر لكن ماعاد له قوه وحيل
من قبل عيد النحر يهرف في صحاري قاحله
يا من لقلب كلما تطري سويعات الرحيل
يِنْقَضْ جزره فوق مده ويتقلص ساحله
مشقيه كتف وردف يشكي ضيمهن خصرٍ نحيل
وكحيل طرفٍ ما اشترى الكحله وربه كاحله
محرقه من فقدهن في داخله شوقٍ امحيل
يبي المطير وتمنعه منه الضلوع الناحله
وبس ههههههههههههههه
إبداع إبداع
مجاراة رائعة صح لسانك شاعرنا
ليت شاعر البيتين يدري (:
ياسلام عليكم والسلام عليكم
الخيال الجوهره مشاركات ما احلى منها الا حضوركم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
اكتب واختم كتابتي نوب في بس
ويصير بالمعنى خلل والتباسي
هي تعني انهيت الخبر دون ما احس
او صار بسلوك الهجوس التماسي
للسجن جهزنا الكفن ما بها دس
ماتنفعه غرفة إنعاش الرواسي
الشاعره دكتورته ما لها جس
ومديره الهاجس لمرضاه ناسي
والجوهره بقيت هي الساس والإس
ورحيل موقفها هنا شي اساسي
والمستشار يراقب الوضع ويعس
ما زال يبذل جهد وابليس خاسي
وانا اتجلد رافع الرس ماهس
مهيلات ازرت اتطير عماسي
صح لسانك يابو عبيد مدد
لا عدمنا وجودك ولاعدمنا ابداعك
والغائبين الله يردهم سالمين
ماهو ضروري كل الاذواق تعجبك
بس احترامك ذوق غيرك ضروري
انظر وميز واختر اللي يناسـبك
بالسوق يـابـاني وصيني وكوري
ناصر الهواوي
19-07-2022, 12:32 PM
اهلا يارحيل ولاعدمنا هالحضور والمشاركات الرائعه
والله يسعدك ويحفظك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
سكون ما يهتز فيهن جريده
لاصوت عصفوره ولا ناح به ورق
تقول ما باقي لطيره شريده
اليوم جوه عن نهار امس به فرق
حتى الخواطر والمشاعر مسيده
ما كن ينبض داخل الاورده عرق
عين الوحش والعنق عنق الفريده
العام قالوا لي رحل وجهته شرق
عنا نحت فيه الحظوظ القريده
واحرق فواد اللي يبي رجعته حرق
ليت وعسى ماعادها لي مفيده
وقاف الغزل لو كمل بشيلة الطرق
خيال مطير
19-07-2022, 02:02 PM
فتحت باب الجفا عمدا على مصرعيه
ظنك بطيح لغيابك وانحني... كارثه
ضحكوا عليك العواذل قالوا احذر تجيه
ما تدري أن العواذل فالهوى... عابثه
لكن هذا قرارك و احترم ما تبيه
لو أن الأشواق نارٍ في الصدر... لابثه
اخترت دربك ودربي منت ملزوم فيه
كلن بيجني حصاد يدينه... الحارثه
ادفع ضريبة خطاك وخلف الأوهام تيه
ونشوف تالي طريقٍ بالجهل... باحثه
دمحت مره و مره بس ماني سفيه
في شرع الأجواد قالوا الثابته... ثالثه
من شح بالوصل يبطي عظم ما نحتريه
نقطع حبال الغلا والذل ما... نارثه
////////////////////////////////
نايف خويتم
عبدالله الدّنّيش
19-07-2022, 05:31 PM
السلام عليكم ويا سلااااام عليكم كلكم
مبدعين ورائعيييين صحت السنتكم وطابت أحوالكم
والله يابو عبيد أنكم ع البااااال لكن مدري وش سالفتي هههه
برجع لأبياتك الساسية هههه وصح لسانك
عبدالله الدّنّيش
19-07-2022, 05:37 PM
ياسلام عليكم والسلام عليكم
الخيال الجوهره مشاركات ما احلى منها الا حضوركم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
اكتب واختم كتابتي نوب في بس
ويصير بالمعنى خلل والتباسي
هي تعني انهيت الخبر دون ما احس
او صار بسلوك الهجوس التماسي
للسجن جهزنا الكفن ما بها دس
ماتنفعه غرفة إنعاش الرواسي
الشاعره دكتورته ما لها جس
ومديره الهاجس لمرضاه ناسي
والجوهره بقيت هي الساس والإس
ورحيل موقفها هنا شي اساسي
والمستشار يراقب الوضع ويعس
ما زال يبذل جهد وابليس خاسي
وانا اتجلد رافع الرس ماهس
مهيلات ازرت اتطير عماسي
*****
كني برزحك يالهواوي تقل وس
وتطلب نجود اليوم تحضر تواسي
سجن الرواسي طال عمره ينفّس
مازال شامخ لو تميد الرواسي
وأنت الزعيم وقايد الشعر والقس
مرات أبو الطيب ومرة نواسي
والهاجس إليا غاب ماهوب يندس
يا كيف بنسى أحباب هجسي وناسي
ون طالت الغيبة تقل صابني مس
وأقرا الطلاسم ثم تهدأ حواسي
والقلب يعوي مثلما قاله الخس
عوية ذيابٍ في ليالي الأماسي
وياليت لي جولة وأقابلك ف الرس
وأحكي لرأسك من هواجيس رأسي
^^
وسلامتكم
عبدالله الدّنّيش
19-07-2022, 05:54 PM
https://www.youtube.com/watch?v=vxX5YwVhN-0
ناصر الهواوي
19-07-2022, 08:22 PM
ارحب يالخيال وصح لسان ابن خويتم المبدع وسلم ذوقك ودام تواجدك يالقرم
يامرحبا يابو عامر وصح الله لسانك على المجاره الكايفه النايفه وعوايدك الابداع
انا كاتب قصيده بس شفت ان تنزيلها ما يصلح الا بعد شهر تقريبا
مطلعها
(برَّد الجو ياولد الدنيِّش كان قلبك لديرتنا ءمريِّش ما يبي لك زهاب ولا تجيش اركب الجيب لااصبحت وتعال
ابوعمار خله معك سايق وابو انس كان معه الجو رايق للمسافات ساعات ودقايق ياوسط رحب بسموا الرجال
وسط جبل شهير عندنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
اركد ترا الفكر به طفقه ومعه الهجس مطفوق
يالغامدي لا تسهل بين هالاثنين صفقه
واصير انا بينهن كبش الفدا/خلوني اروق
لا بضربة الحظ فزت ولا ربحت بيوم وفقه
ان قلت لي بيت مزح اشعل بجوفي لاهب الشوق
شوقٍ لمن لي معه من كم سنه يالذيب رفقه
القلب يحن له صبح ومسا وعيوني اتتوق
لمن نهاني عنه يالغامدي لا اسمع ولا افقه
خاطر موده بعد فرقاه مثل الشن مطروق
والقلب لامن طرا له يرتفع ضغطه وخفقه
وبسسسسسسسسسسسسس
الجووهره
20-07-2022, 01:13 PM
اعداد مـاغـنـت طـيور الـبـسـاتين
واعداد ما ناحت على الغصن ورقى
واعداد مارفرف خـفيف الجناحين
واعـداد مـاصاد اشـقر الـريش برقا
واعداد ماساقوا ضعنهم هل الضين
واعـداد مـاوردت عـلـى الـعد زرقـا
يـامرحبـا بالـطـيـبـيـن الـمـيـامين
الـلي بـهم مـضمون الاشـعار يرقى
مسآء الخير
وياهلا بالجميييع
منووووورين
وصحت الالسن والاذواق
ودآم الحضور الجميل والابدآع
خيال مطير
20-07-2022, 01:37 PM
من الارشيف
الشاعر عبد الله الدنيش
لفّت براسي طواريق الهواوي بآخر الليل
ودارت أيام ذكراها وصابتني الشقيقه
تواردت في فلأ بالي كما دوّامة السيل
وشلّ فكري على مجراه ما يعرف طريقه
وأمسيت في عثرة الخاطر لها بالحط والشيل
وشاب راسي وشبّت في طرف صدري حريقه
يا ويل حال المُعنّى من هواها ويل يا ويل
في القلب ترزم رواعدها وفي عيني بريقه
ون غبت ما زادني هجر الهوى غير البهاذيل
تنتابني سكرة الشاعر وذكراها تفيقه
مجنونها ما يوصّفها حشى بالقال والقيل
أوصافها في حشأ الشاعر وفي شعره حقيقه
محبوبة القلب لا عاثت بعقله زادها كيل
والقلب صادَق على دعواه وأعطاها وثيقه
والعشق صب الهوى والروح فاحت بالتعاليل
وآقولها بالمثل : ما للعشيق إلا عشيقه
يا ني على على بُعدها يا صاحبي ما عاد لي حيل
غزت وحلت بقلبي وأستحلتني رقيقه
يا علّي أعسف رِقاب الحظ وأركب صهوة الخيل
وأخوض غمر المعارك وأغتزيها في دقيقه
خيال مطير
21-07-2022, 02:26 PM
من الارشيف الهواوي
ياما انتظرنا ليالي في رجا مانبي=وحصيلنا منك قولة خيرها بغيرها
ماهو ذكا منك تخدعني ولاني غبي=لكن الاشواق لك بي طايرٍ طيرها
ميعاد عرقوب شيبني وعادي صبي=الى متى ودك ابقى هكذا اسيرها
اما قل لمزنة وصالك لنا عقربي=والا جيوش الغرام ابا اقتل اميرها
.................................................. ...........................................
https://www.alriyadh.com/media/thumb/64/e5/330_e5e0d2b44d.jpg
يابجاد هات مْن الحطب وأوقِد النار
وإترك سناها يلمحه طِرقي الليل
يمكن يسيّر تالي اللّيل خِطّار
يلقى بياض الوجه يامذبّح الحيل
وإنفخ لها خَل جَمرها منه يغار
ثغر المهاة وغيبة الشمس وسهيل
زيّن لنا كيفٍ يونسّ هَلِ الكار
كيفٍ ينومس للسهر والتعاليل
وإيّاك تنسى زعفرانٍ ومسمار
والبن زيّن حَمسِته وإطحن الهيل
دِقّه بنجرٍ يسمعه ضيفٍ وْجار
نجرٍ يصوّت للنشامى الحلاحيل
للكيف قرم ودلّه وجمر وبْهار
وعيال ما تِتعِب يديها الفناجيل
شعر: فيصل اللويش الشمري
ناصر الهواوي
21-07-2022, 08:57 PM
السلام عليكم ومساكم سعيد والشر عنكم بعيد
ارحبي يالجوهره والمهلي ما يولي بصراحه ابيات روعه صح الله لسان من قالهن وذوق من نقلهن
ارحب يالخيال لاهنت ودمت وسلمت بصراحه ما قصرت يالذيب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
شاقني صوتٍ تغنت به الورقا المساء
ياعساها بعد هالسجع تبطي ما تنوح
احيت بفكري طواريه لوهو ما نسا
ونبشت في صوتها العذب مرمست الجروح
قالوا انه بلسم وقلت لعل وعسا
اتهدا معه المشاعر ولا بالسر ابوح
بس لو قلتي بعد لان وش علمه قسا
حيث سربك كل ليله لديرتهم يروح
الجووهره
22-07-2022, 05:15 AM
وعليكم السلام
البقاا شاعرناا
وصح لسآنك ودآم ابداعك
وهلا بك خيآل
ويسلم ذوقك
ناصر الهواوي
22-07-2022, 08:45 PM
على قولة اهل النيل/ابا اكتب ولا لي نفس
هجوس الشعر يشكي من ضغوط نفسيه
اخاف اغصبه يدفس بيوت القصيده دفس
نبيها تجي تعجب وخايف تجي سيه
ناصر الهواوي
22-07-2022, 08:49 PM
الليله حتى الكمبيوتر غريب عيا يفتح المنتدا وسويت استعادة نقطة نضام واشتغل
لكن بصوره غير الصوره وفوق مكتوب بخط احمر تشغيل غير آمن افتوني
بالوضع ان كنتم به تفهمون ههههههههههههه
ناصر الهواوي
23-07-2022, 11:37 AM
يادوب الجرايد مع رقيق الهواء تهتز
لكن يوم جاء من شرق لي خافقٍ هزه
من ما اطراه لي تقول ولع بجوفي قز
وقبل ايتحول ارقب سهيل واقزه
يحز البطا تجويف عوج النحايف حز
لحنين المغربل وقت ولونته حزه
الا ياعيون اللي بعد فرعو به فز
سهمهن وراك بقلب من حبك اتغزه
اجل قبل ما كنا بما بيننا تعتز
ليش اليوم ذكراه اصبحت مالها مزه
ناصر الهواوي
24-07-2022, 12:14 PM
قالوا سخونه قلت ذي جمرة القيض
دقق نظرك اتشوف للارض غازات
ــــــــــــــــــــــــــــــــــــــــــــــــــ ـــــــــــــــــــــــ،ــــــــــــــــــــــــــ ـــ
يقال عن ذلك
ويومُ من الجوزاء يسيل لعابه= افاعيه من رمضائيه تتململو
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
مع البطا حتى المشاعر تبلد
ومع البطا تاسن مياه المواريد
وحالات نفسيه تبين وتولد
فيها تسبب مالهات المواعيد
يطفش بها الولهان مهما تجلد
وتعيده لمردوسة الوجد ويعيد
فيها النظر ويراجع اخطاه ويلد
باللي مضى تنقص هقاويه واتزيد
ناصر الهواوي
24-07-2022, 10:11 PM
من براءه الى مجرم بحق البري
لو غدا ظاهره هذا التحول خطير
احسب انه على هالفعل ماهو جري
واثر الارنب يجي له لاتمكن زئير
ناصر الهواوي
25-07-2022, 11:54 AM
يالسجن مع يدها /انا وانت رحنا
لاشك قل هاليد من تنتمي له
مثل قديم يناسب لوضعنا إحنا
ومن مثلنا يالسجن واعزتي له
كنا على ذروة سنامه وطحنا
لاقوةٍ بقيت ولا عاد حيله
خضنا تجاريب وحيل ما نجحنا
بمده ربت على الف ليله وليله
قلوبنا بالشوق تغلي وفحنا
تكفا الدموع الرمد لجل الكحيله
الرجم حولنا منه وانسدحنا
عليه نحدا واثره افشل وسيله
ياما عليه من المكانين بحنا
ويما تهيظنا بشيله وشيله
وياما بمهيافه تبدد فرحنا
وضقنا وحولنا منه بالفشيله
هيج جروحٍ قبل فيه انجرحنا
مرقاه زود كيلة الوجد كيله
،،،،،،،،،،،،،،،،،،،،،،،،،،،،،،،،،،،،،،،،،،،،
وبس ههههههه
ناصر الهواوي
26-07-2022, 11:47 AM
إي والله إي والله
ـــــــــــــــــــــــــــــــــــــــــــــــــ
خيال ما نرضى بهمزك للاعجاب
الصمت يالخيال حاله عجيبه
ادخل بدهليز السجن واقفل الباب
وما جابت الورقا من النوح جيبه
اسباب للضيقه وللفرحه اسباب
وشتان بين المسعده والكئيبه
لقاف الغزل في معتقلك اسرج ركاب
عني تنوب اليوم ماعاد لي به
ما ايست لكن شفت فيه الامل خاب
والصبر مع طول الجفا قر جيبه
ناصر الهواوي
26-07-2022, 12:07 PM
من الارشيف
لاوالذي ماله شريكٍ ولا ند= بحرفين كاف ونون ما اراد كاني
مالي عن اللي مشغلٍ خاطري بد= لو ينزل الجدي بمكان اليماني
اروح له واقبل على البيت وارد= لي شيمةٍ عن الهوان اتحداني
العام يوم ان الغلا منه من جد=وما قال ماله فيه تاويل ثاني
وانا انهمر له وبل غيمه بلا حد=ومقابله لو طال حسبة ثواني
واليوم اشوف اللي بناه بيده هد=مجبور ولا هادمه جد عاني
حسبي على ورق النخل بيح السد=بكثر الونين ويدري اني ما اداني
ناصر الهواوي
27-07-2022, 12:04 PM
حتى انت يالخيال تقرا بلا رد
كنك دخلت مجامله دون راده
جماعه وصارت بعد وقت مفرد
لسود الليالي هالعمل صار عاده
ظروف تذكيها حظوظ المقرد
وتقصر لمن طالت خطاويه ماده
مهما قست ناوي عليها اتمرد
مقدي بما اسويه والا قراده
طير الحقيقه بالاجازات غرد
ولي بان مقصد كل شخص ومراده
ومن السواتر كل واحد تجرد
لا لبس بين الحمَّره والجراده
اسعد الله مساكم بكل خير و سرور
صح لسانك ابو عبيد
وصح لسانك يالدنيش
ودي اقول اعذروني
بس لو اعتذر من الحين لبكره مالي وجهه ):
لله .. در الحديث .. الدُر
ما يرهق الروح تجميعه
معاه .. حتى الكلام .. المُر
يمشي على روس اصابيعه
(:
ولَفت السهر ميلاف الأجواد للأجواد
عسى الله لا يخليني من علومه الدسمه
تجمّل عليّ و طاب لي عنده المقعاد
و سكن فيه قلبي مثل ما تسكن النسمه
أنا من كثر ماني مقيّد معه بقياد
تبعت الظلام و بيّن بهالتي وسمه
أراقب نجوم الليل كنّي خبير ارصاد
ما خليت نجمٍ فالسما ماعرفت إسمه
خيال مطير
28-07-2022, 06:31 AM
وصايا قصيدة (بعض البشر )
الأولة
اترك مسافة كافية بينك وبين الآخرين
بعض البشر ودك حدود المعرفة معهم سلام
والثانية
اصمت ولاتحرص على كثر الكلام الصمت زين
اللي سكوته ساتره يمكن يعريه الكلام
والثالثة
إذا تكلمت احذر تكون أطول المتكلمين
السالفة لاطولت يضعف معاها الاهتمام
والرابعة
أمزح ومزحٍ باللسان أخير من مزح اليدين
مزح الرجال العاقله على حدود الاحترام
والخامسة
اضحك ولاتضحك برفع الصوت رفع الصوت شين
من الأدب والذوق عند الضحك ضحكٍ بابتسام
والسادسة
أكرم وبيبان الكرم واجد ولا يحتاج دين
وترى الرجال إكرامها ماهوب في كثر الطعام
والسابعة
احلم ولا تعجل ولا تغضب ولا تشري بدين
وشاور ولو رأيك معك لا شرت عداك الملام
والثامنة
إذا شريت بدين لاتبطي على المتجملين
كلٍ حلاله غاليٍ عنده لو إنه مايسام
والتاسعة
لاجاك مديونك معه بعض الوفى وبعضه لحين
فأستد باللي جاك وش دراك لله الدوام
والعاشرة
ترى التغافل فيه لذه وانشد المتغافلين
وإن جات كلمة توجع أطلقها مع سرب الحمام
والحادية عشر
أرضى ليا جاك الرضى لو العذر ماهو سمين
وترى التسامح ميزة السادة رفيعين المقام
والثانية عشر
أصدق مع نفسك وتلقى نفسك من الصادقين
والنفس خيل أبليس لاتعطيه نفسك واللجام
والثالثة عشر
ليانصحت انصح خفى لاتفضحه فالحاضرين
ترى الرجال يقودها لين الحكي قود الخطام
والرابعة عشر
إذا تسولف عن طموحاتك مع المتفرغين
كنك تسولف للنصارى فالحلال وفالحرام
والخامسة عشر
العمر ماهو فرصةٍ وحدة ولاهو بفرصتين
مع كل مطلع شمس لك فرصة وخطوة للأمام
والأخيرة
لا زالت تعلمنا الليالي والسنين
والعلم خير من الجهل والنور جلاي الظلام
ناصر الهواوي
28-07-2022, 12:07 PM
السلام عليكم ورحمة الله وبركات ومغفرته ومرضاته
ماشاء الله الاجواء اليوم رائعه غائمه
اهلا يارحيل وحييتي مارحتي وجيتي وعذرك معك
وما اروع من هالابيات الا الحضور
ارحب يالخيال وتسلم على هالنصايح الرائعه صح فكر ولسان مسديهن وسلم ذوقك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ،،،،،،،،، ،،،،،،،،،،،،،،،،،،،،،،،،،،ــــــــــــــــــــــــ ــــــــــــــــــــــــــــــــــــــــــ
في سكون الجو ما اهتز الجريد
خاضعٍ يستسقي الرب المطر
يامغيث ويا مجيب ويا مجيد
لاتخيب من لمداتك نطر
نبي سيله عن مجاريها تزيد
كل دعب ليا امتلا منها انفطر
برحمتك عم القريِّب والبعيد
من بحر ينبع الى ساحل قطر
ناصر الهواوي
28-07-2022, 12:25 PM
وش حيلة اللي كل شيٍ يشوفه
حتى السحاب ان مر به له يطريه
حتى الهواء لاهب قلبه يلوفه
يومي كما الملواح في كف راعيه
من فقدهم ما عاد احسه بجوفه
اما رضا والا بيمناه سابيه
قلب رقيق ايصير ما به مروفه
عقلي نفى هالسالفه قبل احاكيه
ناصر الهواوي
29-07-2022, 02:16 PM
من ما فات هههههه
الله يسلم هاجسٍ جاب طاريك
للبال لو ما كان من قبل ناسي
وشلون ابا انسى والمغربل يباريك
وخوتك يعشقها ومنها يقاسي
تهميشتك له جت من اولى مباديك
رغم انك ابـ...برنامجه شي اساسي
وكم مره ازعلته مع انه يراضيك
ويعاملك باللين لو كنت قاسي
خيال مطير
29-07-2022, 08:12 PM
في حظورك هزني طاري غيابك
مثل ماهزك غيابي في حظوري
الحظور اللي مع حضرة جنابك
من شعوري فيه يفقدني شعوري
جعلها والله ترحب مرحبابك
يا آخر اسباب الشقا وأول سروري
جيت نعمه من سما والله جابك
واصبح وجودك معي شيٍ ضروري
بين رحمة وصلك وغيبة عذابك
كل يوم اصيح بالصوت الجهوري
مايوقف بي الغلا الا عند بابك
وان تخيلتك خيال تزين اموري
لا تلاقى في سما قلبي سحابك
روضة الصدر انبتت كادي وجوري
ابتدى فيني غروري وانتهابك
في وجودك ماحد يشبع غروري
ذاب قلبي من حنانك في عتابك
وان بغيت اعاتبك ماطاع شوري
يابري حالي على حتى ثيابك
يوم خالط عطرها ريحة عطوري
جعلني فدوة غلاك وكل مابك
انت يوزر قلبي وكلمة مروري
ياه يازين الزمان اللي لفابك
واه منك كان ماتعذر قصوري
حطني في وجه وصلك من غيابك
وانت والله ماتشوف الا حظوري
الجووهره
30-07-2022, 08:46 AM
صباح الخيرات والمسرات
وسنه هجريه جديده وسعيده
على الجميييييع
افتحو صفحه جديده مع العام الجديد
و غلفــوها بـ التسامح وحســن الانقياد
واعملـو ما يـرضي الله في يـــوم الوعيد
يـــوم ناقــف كلـــنا قـدم خــلاّق العباد
الجووهره
30-07-2022, 09:52 AM
نطوي سنة مرت بها هموم وأفراح
ونبدا السنة هذي عساها سعيدة
جعل الهموم اللي من العـام تنزاح
ونلقى السعـادة في سنتنا الجديدة
ناصر الهواوي
30-07-2022, 12:08 PM
الله يمسي الجميع بالخير والسعاده اهلا بالخيال وصح ذوقك ودام حضورك
ارحبي يالجوهره وهلا بك وصح ذوقك ودام تواجدك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
عامٍ طوي قيده بما فيه ولى= وما صار مثبت بالسجلات ما راح
الظن بالله زين ليت والعلى=لديه ترجح في خسايرنا الارباح
وعامٍ علينا اليوم وايق واطلا=عساه خيرٍ وأمن وايمان واصلاح
كفة صلاح المجتمع به تعلا=ويقال ما فيها علق من غثى طاح
،،،،،،،،،،،،،،،،،،،،،،،،،،،،،،،،،،،،،،،،،،،،،=،،،، ،،،،،،،،،،،،،،،،،،،،،،،،،،،،،،،،،،،،،
لورقا النخل نقول حاشا وكلا=يوم الثلاثين اثنعش قفلة انواح
غني بسجعك للحزين ايتسلا=هديل من به ضيق يصغي ويرتاح
للجار مثلك بالجميل ايتحلى=ما يجرح شعوره ولا ينبش اجراح
الله لا يمسيكم إلا بالسعادة
والرضا وراحة البال (:
البقى يا ابو عبيد والعمر الطويل
صح لسانك شاعرنا مدد
الله يجعلها سنة خير وبركة
صح ذوقك خيال
ارحبي جوجي صح لسانتس وذوقتس
خيال مطير
30-07-2022, 09:11 PM
https://www.youtube.com/watch?v=KbXaS1Ocpbo&ab_channel
ناصر الهواوي
30-07-2022, 09:49 PM
اهلا يارحيل ويسعد مساتس ولاهنتي ودمتي وسلمتي
لاهنت يالخيال
ــــــــــــــــــــــــــــــــــــــــــــــــــ ــــــــــــــــــــــــــــــــ
بعض البشر ياكثر من هو يحاليه
وهذي لعيني مشكله/ وجد حالي
ليا مر من هو يشبهه قل واليه
ما قلت فات ومات يطري لبالي
وللحديث تتمه ههههههههههه
ناصر الهواوي
31-07-2022, 02:28 PM
سبحان الله اليوم الرطوبه عاليه ولاول مره في وسط نجد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
قلت شي اليوم والا بعد ما قلت شي
لف هيك وهيك قاف الغزل زايد غثاه
راح من يلويك له كلما صديت لي
مثل من هو من طفش باللوي يكسر عصاه
الجووهره
01-08-2022, 12:07 AM
يسعد مساكم وصباحكم وكل اوقاتكم
الحمدلله
مطرنا بفضل الله ورحمته
جعلها الله أمطار خير وبركه
ونفع بها البلاد والعباد
الجووهره
01-08-2022, 12:11 AM
زُيّنت نجد العذيه بالسحايب
والبروق الّي تلاعج صوّرتها
كل ماهبّت على نجد الهبايب
هيضتني لين أوجّه مع جهتها
،،،
ابشرك جانا مطر برّد الصيف
ونجد العذية كنها اليوم سودة
من الصبح تاتينا السحايب مراديف
من الحجاز ونجد لحدود جودة
،،،
ريح المطر لاهبّ من عقب غيبات،
أحيا القلوبً الضيّقة بـ انتعاشه
،،،
نجد العذيّه سقاها السيل..
ياقوم يابهاا وسودتها
.
غيم ومطر والبروق تهيل..
والنفس عاشت سعادتها
،،،،
ناصر الهواوي
01-08-2022, 12:23 PM
اهلا يالجوهره روعه هالمحانكه للمصايف نعم نجد لولا حرها الجاف ما تقارن ببقية المناطق
طبعا عند اهلها ههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
سكون مابه عود بالحقل يهتز
ولا به حمامه بالتلذع تهزه
حتى صدى الذكرى على خاطره عز
لمن تجاهل من فواده يعزه
الشوق مع طول الجفا داخله حز
والوجد لأضيق ضيقةٍ به يكزه
على التجلد والتصبر تعنز
حتى شرا له بيرق ابيض ورزه
ناصر الهواوي
01-08-2022, 01:57 PM
يامغيث ديرة جوهرة سجن الابداع
في عين لطفك لد في مزرعتنا
بسيليةٍ رعادها يقرع اقراع
كلٍ يقول سيولها روعتنا
طول الزبد بالاوديه شبر وذراع
الاوديه عن ما نبي مانعتنا
شهر وبضع ايام ما ييبس القاع
لعرق الدسم عقب السيول اندفعنا
للنفد لامطرت شكل غير وامتاع
بعروقها ياما شرينا وبعنا
ناصر الهواوي
01-08-2022, 09:40 PM
اقول انا اووف وكنت ما افهم وش الاوف
كنت اعتبرها زفره لطرد حاشر
بصدر من ماله جرى اتزيد واتخف
تنقل غرابيله بشكلٍ مباشر
ليا ضاق ولعابه من اسبابها جف
والضعف بان وغاب عنه المفاشر
الله يسعد مساكم
ابو عبيد صحح لسانك شاعرنا مدد
خيالنا صح ذوقك
جوجي صح ذوقتس يالاميرة
ماشاء الله تهناكم الرحمة (:
أعذروني عن غيابٍ زلته مدموحه
وأفتحوا كشف الحضور وسجلّوني كلّي
العلم مرفوع يا إللي ترفعون اللوحه
الشحيح يصدّ عني والكريم يهلّي
ياحظ من حط ذكر الله لجوفه رفیق
زاهد بالابواب فاتحها ومقفولها !
الأرض لله والانسان حرَّ طليق
و الله يحاسب عباد الله بفعولها
يارب لا تختبر نفسي بما لا تطيق
ورضاك يا رب غايتها و مدلولها
ناصر الهواوي
02-08-2022, 12:04 PM
ان حضرتي مرحبا وبغيبتك مسموحه
والنشااط بسجننا بغيابكم ينشلي
ارحبي والبن بالرسلان جاله فوحه
لاانفتح باب الكرم عنه البخيل يولي
مع حديث التقنيه ماهي بعذر الروحه
وكل عذرٍ بالغياب اليوم ماهوب اللي
اذكر انه من سنين يقال ماتت توحه
وعمنا قوقل يسمعنا اغنيتها(دللي)
خيال مطير
02-08-2022, 01:46 PM
صح لسانك ابوعبيد
https://www.youtube.com/watch?v=oe_DsYj0iKE&ab_channel
ناصر الهواوي
02-08-2022, 02:12 PM
مرحب بيكم
ــــــــــــــــــــــــــــــ
اهلا يالخيال
ــــــــــــــــــــــــــــــــــــــــــــــــــ ــــــ
تواجد رحيل اليوم مع جية الخيال
وماجابت وجابه حرم عيني القيله
خيالي يعرض احداث مرت عليها ليال
لكني صراحه فاقدٍ حادثة ليله
ما ادري ليه هي بالذات عيت تجي ع البال
من انشد ومن سبب شقا العين واشكي له
مسااكم غيم ومطر
وبرد واجواء صيفيه شتويه (:
صحح لسانك شاعرنا ابو عبيد
صح ذوقك خيال
الجووهره
03-08-2022, 04:10 AM
يامغيث ديرة جوهرة سجن الابداع
في عين لطفك لد في مزرعتنا
بسيليةٍ رعادها يقرع اقراع
كلٍ يقول سيولها روعتنا
طول الزبد بالاوديه شبر وذراع
الاوديه عن ما نبي مانعتنا
شهر وبضع ايام ما ييبس القاع
لعرق الدسم عقب السيول اندفعنا
للنفد لامطرت شكل غير وامتاع
بعروقها ياما شرينا وبعنا
آميييييين
وصح لسآنك شآعرناا
ودآم حضورك وابداعك
الجووهره
03-08-2022, 04:12 AM
وهلا بك رحوووله
والله يهنيك ويسعدك
ويسلم ذووقك
هلا بك خيالناا
ويعطيك العافيه
ناصر الهواوي
03-08-2022, 09:55 AM
اهلا بالجميع
خيا الله رحيل والجوهره ودام الحضور والتفاعل مع وافر الصحه والسعاده
البارح رعود وبروق ورشاش لدرجة انا ما قدنا نتعشى برا كلمعتاد لكن الامطار خفيفه
لي عودهان شاء الله
ناصر الهواوي
03-08-2022, 11:43 AM
ياعامنا اللي جد ابا انشدك من جد
عن ما بطياتك لنا من جديدك
انا اتوجس خوف لا ياتي الرد
بمالا تبيه نفوسنا في بريدك
عن ما نفذ فيه القدر مالنا بُد
نسألك لطفك يالولي في عبيدك
ياربنا مالك شريكٍ ولاند
وعدك لنا بالمغفره عن وعيدك
خيال مطير
03-08-2022, 03:11 PM
جض الحمام من فوق غصنه وناحي
عزي للي شرواه مثله ينوحي
جاشي تهيّض في كنينه وباحي
واللي شقاه الحال لازم يبوحي
برق ن شلع في راس عيطا ولاحي
شاق النواظر يوم خلته يلوحي
سميت بسم الله وزاد انشراحي
واصبح صباحي مع لذايذ صبوحي
جهزت دلالي مع زلال القراحي
لمهيّل الفنجال بنّه يفوحي
وتقلعت بالحال عوج المشاحي
ساح المزاج والنكايد سروحي
هيّض غرامي في ضميري وصاحي
ارجي ولي الكون يرفا جروحي
ما هو غرام الترف ريم البراحي
الجادل الرعبوب طرقا مزوحي
انا غرامي شوف فياض ن بياحي
متعاقب النوار في كل سوحي
وغنام يكفخ في رفيف الجناحي
ليا شهر ثم راج من راس لوحي
ملكة الرواسي
03-08-2022, 10:37 PM
مساء الخير أحباركم
وحشتووووني حيل
ملكة الرواسي
03-08-2022, 10:43 PM
يا الله بـ غيثٍ يسقي القاع ودان
يحيي الهشيم وكل نفسٍ عليله
غيم المطر خالقه ربي على شان
يعيد كل .. الذكريات الجميلة
ناصر الهواوي
04-08-2022, 12:00 PM
يامساء الخيرات والمسرات ع الجميع
اهلا بكنقتنا الغايبه لو الحاضرين يكملون جماعه كان صلينا عليها صلاة الغائب لكن الحمد لله
انها ما زالت على قيد الحياه امد الله بعمرها على طاعته
صح لسانها لعلها آخر غيبه ههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
حنا بنجد وننشد الناس عن نجد=وش حكم من ينشد وهو عايشٍ فيه
نبي البيوت اللي تخفف من الوجد=وتنعش نبض قلبٍ بدا في تعافيه
برايٍ يفيد اللي به الصبر لم يجد=عن ما مضى لو هو يحاول تلافيه
سالخيرات والمسرات (:
صحح لسانك يابو عبيد
ارحبي حياتس الله يا ملكة عودا حميدا
وصح لسانتس
ليت نـــجــــد يردني لأول شبابي
يوم نسناس الهوى نسنس وسيّر
اقبل الهاجوس من نـجـد وسرابي
ديــــرةٍ عـيا غــلاهــا مـاتــغــيـــر
جوي يروق اليا ابتدى جو الامطار
والبــرق شوفه والرعد يسعد الروح
وقــامت تناقل به محطــات الاخبار
هذا هـو اللي يجعل البال مشروح
ناصر الهواوي
06-08-2022, 11:15 AM
ارحبي يا رحيل تراحيب المطر وصح ذوقتس ودام تواجدتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
يالنود من ساعة ينسنس برادك=يهب صدرٍ يحترق من تماديك
بطول السكون وفي تغير معادك=وعن من يبي هبتك بيّْن تحاديك
يالنود كان بما عهدناك عادك=ما اظن من يعشقك يقدر يعاديك
تقدير له يالنود خلي عنادك=لو جبر كسر الخاطر اللي يناديك
براد وبل المزن يالنود زادك=برد وطراوه ما هبوبٍ تلاديك
وبس هههههههههههه
كديميس السيحاني
07-08-2022, 05:09 AM
السلام عليكم و رحمة الله وبركاته
صبحكم الله بالخيرات و المسرات
و عذرا على طول الغياب ��
ناصر الهواوي
07-08-2022, 12:32 PM
صباح الخير والسحب والرطوبة التي لم نعهدها من قبل
ارحب يابو منصور وهلابك وعودا حميدا فقدناك ولكن لم يعد الغياب الطويل من الكثيرين امرا مستغربا
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
من غاب جانا يعتذر عن غيابه= وحنا نقول العذر مقنع ومقبول
السجن عن من غاب ما صك بابه=ولمن حضر يهدي تراحيب ويقول
صداتكم ما عاد فيها غرابه=لاشك ما نبي المغيبه على طول
يصيبنا وحشه وضيق وكآءبه=ويصير حاضرنا على طول مذهول
ماعاد اباهيمه تجيد الكتابه=حتى خطابه صار(مبني لمجهول)
لو له قبيل ان كان ناداه يااابه=لكن وحيد ولا ش قوه ولاحول
يمسي ويصبح بعد ليلٍ سرى به=عيونه غدت من كثر ما يلتفت حول
مشاعره ما بين شوق وصبابه=وعلمٍ هماج وعلم فاتر ومعسول
بردت ولا فيها تفيد الطبابه=والصدر من كثر الغثا طق به جول
شاعرة نجد
07-08-2022, 11:40 PM
السلام عليكم ورحمة الله وبركاته
وطابت اوقاتكم واسعد الله مساكم
وصح لسانك يـ الهواوي على هـ الدرر
ماكتبتوا من حرف الا قريته لاعدمت ابداعكم وتساليكم حتى وانا بعيده معكم
وماتفقدون غالي رواسينا وراسياتنا
وصحت الالسن والذواائق
وسلمتم ودمتم,’’
شاعرة نجد
07-08-2022, 11:43 PM
مساكم الله بالرضى والسعاده
بالخير امسيكم وعيني على الارض
داام العذر مابيننا صار عاده
وغْيابنا يقرض حبال الوصل قرض
مامن كثيره لارجعنا استفاده
الا حضورٍ لابداا جوهره يرض
غالين عندي سيداتٍ وساده
وحكم الاجازه فارضٍ طابعه فرض
عدنا وكلٍّ ماله الا بلاده
لو لف سطح الارض بالطول والعرض
ناصر الهواوي
08-08-2022, 12:01 PM
ارحبي شاعرتنا والحمد لله على السلامه وعودا حميدا ويقولون من حضر ما غاب
لو اني ما اؤمن بذالك فلو كان ما غاب ما قلنا حضر ههههههههههههههه
وصح الله لسانتس واسعد الله جميع اوقاتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
القاف وقت الصوم صعب انقياده
حتى لو ان الصوم ماهو قضاء فرض
واليوم لي بالشعر رغبه وراده
اثنين جو لغيابهم هاجسي مرض
ذات السمو وعاد صاحب سعاده
تسد دين السجن ويسدد القرض
اشروق درب ديارهم طال ماده
طويق والدهنا ومن دونه العِرض
منها ومنه اكيد نبي الافاده
بقافٍ مقصه بارضٍ للزعل برض
خيال مطير
08-08-2022, 09:23 PM
صح الله الســــــــــــــنتكم جميع منوره شاعرتنا نجد
مريت الاطراف؟
جابتني الذكرى على الماضي كتاف
سجيت كني توني مكتشفها
سرى بي الهاجس ومريت الاطراف
دوجت حول الساعتين بطرفها
نعم تذكرت الزمان الذي طاف
غديت مثل اللي عيونه طرفها
لي في غرامن فات كلمه ومقياف
لولا خفوقي هام بك ما وقفها
اول غيابك قلت مابي خلاف
واليوم شف حالي غيابك تلفها
تجهل جروحي ياللي جروحك خفاف
معذور لو قلبك جهل ما عرفها
ياليت مجروح الهوى جرحه يشاف
لقول قرب من جروحك وشفها
شفها بعينك كانك من الله تخاف
حاول تصلح غلطتن مقترفها
العمر لامنه خلا منك ينعاف
في حال والا حال غير تعرفها
قدام عينك لو تطلعت وخلاف
تلقى الخفايا خاطري لك كشفها
خايف ومن مثلي معه حق لو خاف
تبعد ونفسي ماتحقق هدفها
ماللهوى عندك مواثيق وانصاف
ماكنه الا لعبتن محترفها
اليوم لو ذكراك ترجع بي خلاف
محبتك سيل التهايم جرفها
https://poetsgate.com/Images/Users/sh3ra/_106.jpg
https://poetsgate.com/img/divider_1.png
متعب التركي
ناصر الهواوي
08-08-2022, 10:14 PM
اهلا خيال وصح نقلك وصح لسان التركي على هالكايفه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
لو ان تسليم اللقاء ما يكدر بالفراق
والابتسامه ما تكدر بنقطه حارقه
وباب الوناسه لـ انفتح مايجي فيه انغلاق
ولا تفقد عيون المنى للتواصل بارقه
تفلي قواميس الهوى ما بها كلمة فراق
وعن ضيقته لو تنشد الصدر قال مفارقه
وبس ههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
خيال لو اني ليالي تغيبت
بدون امر عليك كن في مكاني
ههههههههه
كديميس السيحاني
08-08-2022, 10:48 PM
صباح الخير والسحب والرطوبة التي لم نعهدها من قبل
ارحب يابو منصور وهلابك وعودا حميدا فقدناك ولكن لم يعد الغياب الطويل من الكثيرين امرا مستغربا
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
من غاب جانا يعتذر عن غيابه= وحنا نقول العذر مقنع ومقبول
السجن عن من غاب ما صك بابه=ولمن حضر يهدي تراحيب ويقول
صداتكم ما عاد فيها غرابه=لاشك ما نبي المغيبه على طول
يصيبنا وحشه وضيق وكآءبه=ويصير حاضرنا على طول مذهول
ماعاد اباهيمه تجيد الكتابه=حتى خطابه صار(مبني لمجهول)
لو له قبيل ان كان ناداه يااابه=لكن وحيد ولا ش قوه ولاحول
يمسي ويصبح بعد ليلٍ سرى به=عيونه غدت من كثر ما يلتفت حول
مشاعره ما بين شوق وصبابه=وعلمٍ هماج وعلم فاتر ومعسول
بردت ولا فيها تفيد الطبابه=والصدر من كثر الغثا طق به جول
البقا يا ابو هلا
اسلم واستلم
بين النجوم وفوق متن السحابه =
رقيت مع قافك من الحول للحول
وبيني وبين الارض مثل الضبابه =
و اقول عذري صامتٌ مثل ابا الهول
قافك منعني لا انطق بأي جابه =
و ان قلت ما معقول اقول ءلك معقول
شرهه ،، عتب ،، لكن بنص الرتابه =
غصت البحر و اخرجت من قوعه اللول
عوايدك ياشيخ ثقل و مهابه =
وضحكة حجاج و مرحبا ان شفت لك ضول
و في مفرداتك جر قوس الربابه =
و للحن و الموال للقول مدلول
ف السجن و الحراس مثل الذيابه
و عابر سبيل يسال ماهو بمسئول
و صدر الرحابه ما بقى به رحابه
و الشك زايل ياعسى الضيقه تزول
تسرج خيول المعركة للحرابه
ويبين مع عج الرمك سيف مسلول
كديميس السيحاني
08-08-2022, 10:53 PM
السلام عليكم ورحمة الله وبركاته
وطابت اوقاتكم واسعد الله مساكم
وصح لسانك يـ الهواوي على هـ الدرر
ماكتبتوا من حرف الا قريته لاعدمت ابداعكم وتساليكم حتى وانا بعيده معكم
وماتفقدون غالي رواسينا وراسياتنا
وصحت الالسن والذواائق
وسلمتم ودمتم,’’
ارحبي يا نجد
عودا حميدا
والحمد لله ان كشف الغياب فيه غيري ماهوب انا لحالي
��
كديميس السيحاني
08-08-2022, 10:55 PM
مساكم الله بالرضى والسعاده
بالخير امسيكم وعيني على الارض
داام العذر مابيننا صار عاده
وغْيابنا يقرض حبال الوصل قرض
مامن كثيره لارجعنا استفاده
الا حضورٍ لابداا جوهره يرض
غالين عندي سيداتٍ وساده
وحكم الاجازه فارضٍ طابعه فرض
عدنا وكلٍّ ماله الا بلاده
لو لف سطح الارض بالطول والعرض
لسانك ما ينلجم
ويمينك ماتنشل
كديميس السيحاني
08-08-2022, 10:57 PM
ارحبي شاعرتنا والحمد لله على السلامه وعودا حميدا ويقولون من حضر ما غاب
لو اني ما اؤمن بذالك فلو كان ما غاب ما قلنا حضر ههههههههههههههه
وصح الله لسانتس واسعد الله جميع اوقاتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
القاف وقت الصوم صعب انقياده
حتى لو ان الصوم ماهو قضاء فرض
واليوم لي بالشعر رغبه وراده
اثنين جو لغيابهم هاجسي مرض
ذات السمو وعاد صاحب سعاده
تسد دين السجن ويسدد القرض
اشروق درب ديارهم طال ماده
طويق والدهنا ومن دونه العِرض
منها ومنه اكيد نبي الافاده
بقافٍ مقصه بارضٍ للزعل برض
لسانك ما ينلجم
ويمينك ما تنشل
شاعرة نجد
09-08-2022, 12:01 AM
طابت اوقاتكم واسعد الله مساؤكم
وتسلمون وتبقون,الهواوي,خيال,ابومنصور
والنور نوركم لاعدمنا حضوركم
وصح لسانك يـ الهواوي
مجاراة كايفه ونايفه وابداع وامتاع
لاعدمنا نوادرك شاعرنا
شكري وتقديري,’’
شاعرة نجد
09-08-2022, 12:01 AM
طابت اوقاتكم واسعد الله مساؤكم
وتسلمون وتبقون,الهواوي,خيال,ابومنصور
والنور نوركم لاعدمنا حضوركم
وصح لسانك يـ الهواوي
مجاراة كايفه ونايفه وابداع وامتاع
لاعدمنا نوادرك شاعرنا
شكري وتقديري,’’
شاعرة نجد
09-08-2022, 12:05 AM
عندي مشكله فـ الموقع
بطيء جداا رغم سهولة المواقع الاخرى
يعني مشكلتي فالرواسي فقط
ارجو من الاداره الكريمه المساعده اذا ممكن
مع الشكر والتقدير,’’
شاعرة نجد
09-08-2022, 12:06 AM
عندي مشكله فـ الموقع
بطيء جداا رغم سهولة المواقع الاخرى
يعني مشكلتي فالرواسي فقط
ارجو من الاداره الكريمه المساعده اذا ممكن
مع الشكر والتقدير,’’
شاعرة نجد
09-08-2022, 12:08 AM
تتكرر المشاركه تلقائي
شاعرة نجد
09-08-2022, 12:20 AM
https://www.almrsal.com/wp-content/uploads/2019/01/%D8%A7%D9%84%D8%A8%D9%88%D8%B3%D9%86%D8%A9.jpg
اثر الطبيعه تشرح الصدر ياسعود!
وتفل مجدول الخفاا والقريحه
غيم ومطر وانهار وبْروق ورْعود
تثير مكنون الصدور وتبيحه
وانا على الريحه وجتني على المود
وجابت خطاا عمري وجابت صحيحه
خذيت من روعة حلا الوقت عنقود
وحليت,لو سود الليالي شحيحه
حمام ياللي جيت فوق اخضر العود
تسجع وانا فيني على الحس صيحه
بالله غادر كلها ايام واعود
لاتقتل المتعه,نصحتك نصيحه,
خيال مطير
09-08-2022, 02:21 PM
صح لســــــــــــــــــــــــــــــــانك شاعرتنا ^
https://vid.alarabiya.net/images/2020/10/23/f355a251-8d1d-4a80-84f5-d46822624786/f355a251-8d1d-4a80-84f5-d46822624786.jpeg?width=100&format=jpg
يا سعود والله ما بقى شي يا سعود
غير الرسوم اللّي عليها الهبايب
مازال باب البيت والعَقم موجود
لكن بابه صوت من راس شايب
راحت سنين عقود من عقبها عقود
مثل السراب اللّي على غير صايب
لا جيت أدوّر عِلم ما فيه منشود
إلى رفعت الصوت ما فيه جايب
راحّو كبار القوم عند صاحب الجود
تحت القبور اللّي عليها النصايب
تطوى سنين الكون بليِالِه السود
وعند الله المعبود لَم الحبايب
شعر: محمد الدحيم المقاطي
خيال مطير
09-08-2022, 02:58 PM
جبل ظلم علم تغنى به الشعراء
https://upload.wikimedia.org/wikipedia/ar/thumb/0/02/%D8%AC%D8%A8%D9%84_%D8%B8%D9%84%D9%85.jpg/220px-%D8%AC%D8%A8%D9%84_%D8%B8%D9%84%D9%85.jpg
ظلم جبل أسود مرتفع تشاهده من مسافات بعيدة يمر به الطريق السريع حاليا وقامت حوله بلدة تسمى ظلم وهذا الجبل من معالم عالية نجد ذكره المؤرخون والجغرافيون في كتبهم لوقوعه على طريق الحاج القديم بين نجد ومكة المكرمة كما انه على مقربة من طريق الحاج القديم البصرة مكة المكرمة والمعروف باسم طريق زبيدة وقد قيل في معجم العالية هو جبل اسود كبير في ناحية الشمالية ماء مر، عد يدعى الطفية، يقع غرب سفوه وشمالا شرقيا من جبل حضن الشهير، يمر طريق السيارات المسفلت الذاهب من عفيف الى الطائف من جانبه
الجنوبي يقول الشاعر نهار المورقي العطاوي الروقي:
الله يعافيك ياراعي قعودٍ مرنا اليوم
كن النما ما تلاه ولا تلوى في ردونه
ياليتهم يوم مرونا عصير اليا انهم قوم
كان اتبلى القعود مع أول اللي يطردونه
ياعنزريم رعت ما بين ظلم وبين الأكموم
شافت ولدها مع ربع قنوص ينقلونه
وتقع ظلم بالقرب من المناجم ومواقع التعدين القديم الواقع في تلك الناحية
يقول مخلد القثامي العتيببي:
ان مالقيتوا علم والا انحروا ظلم
عدوا لهن في راس رجم سماوي
لزما تمرونه ولزما تجونه
ولزما معارفكم تمضي الشكاوي
وجبل ظلم معروف بهذا الاسم منذ القدم وقديما كان واقعا في اعلام بلاد عبدالله من كلاب قال الاصفهاني قال معقال ان ريحان الكعبي من بني كعب ابن عبدالله بن ابي بكر:
جلبنا الخيل من حوضا وخو
نجوب الليل دائبة النقال
ومن ظلم ومن جنبي شراء
ومما بين ذاك من المطالي
ومن هضب القليب وجانبيه
نخب شطائبا خب السعالي
وقال ياقوت ظلم: بفتح اوله وكسر ثانيه قال الأصعمي: ظلم جبل اسود لعمرو بن عبدالله بن كلاب وهو وخو في حافتي بلاد بني ابي بن كلاب فبلاد ابي بكر بينهما ظلم مما يلي مكة جنوبي الدفينة، ويقول الاستاذ ابن حنيدل تحديد ياقوت لظلم صائب ودقيق وذكر جبلا آخر يدعى ظلم عن نصر، وقال انه بالحجاز وكذلك قال انه ايضا واد من أودية القبلية عن علي العلوي وذكر البكري ظلما الذي في الحجاز وحدده كما ذكره عرام في رسالته وحدده تحديدا واضحا، وقد رسم الهمداني طريق الحج وذكر جبل ظلم فقال مران نخل وبهش وحصين وهو بين قبا وبين الشبيكة زائفا في الحرة ثم تقضي في صحراء ظلم جبل اسود طويل في بطن القطاع الدفينة اما قرية ظلم فانها تقع في سهل منبسط يحف بها من الشرق كثبان رملية وليس فيها زراعة ولا ماء للشرب وقد وصل الماء اليها بواسطة الانابيب والضخ من بئر "ابومروة" في اسفل وادي الخرمة جنوب قرية ظلم وفيها مركز امارة مرتبطة اداريا بمحافظة الطائف وتبعد عنه مئتين واثنين وخمسين كيلا وفيها محطات بنزين واستراحات يقول تركي بن حميد :
يازبن كرّب من فوق ما يطرد النوم
حراير يازبن مثل الاهله
مربا عهن ما بين ظلم والاكموم
ومن السفايف يرمحن الأظله
والمكان حول جبل ظلم فضاء واسع ورحب أرضه مستوية تنبت بها النباتات البرية التي تتميز بها طبيعة المنطقة وهي الثمام والرمث والنصي وتزدهر هذه النباتات مع نباتات أخرى مثل الخزامى والشيح والشمطري في أوقات هطول الأمطار وعندما تنتشر فيها قطعان الابل العفر وترى جبل ظلم من خلفها فان عينك لا تكاد تذهب عن هذا المنظر الجميل في عالية نجد.
https://www.youtube.com/watch?v=-xZPUx69R9w&ab_channel
______________________________
خيال مطير
09-08-2022, 03:15 PM
تقول شاعرة نجد .
https://pbs.twimg.com/profile_images/924612573928022017/Wy-NjWDU_400x400.jpg
ودي أزور القمـر والا يـزاورنـي=يابعد سطحه علي لو شاقني نـوره
بعض الاماني تجينـي ماتشاورنـي=وأرووح معها والفّ الكون في دوره
لامن تحاشيتهـا جتنـي تدورنـي=واستوطنتني وأنا مانيـب مجبـوره
لاهب ذاري الهواا شعفـه يْعورنـي=وأسايره واتذرّى غصـب مقهـوره
ودّه يْطفّـي شْموعـي لاتنـورنـي=ويقطع جْذور القصيد ويحرق زْهوره
وشعري حْروفه لجمهوري تْصورني=وكلٍ حْروفه تْعَكسه عنـد جمهـوره
أصون حرفي وحرفي مايدهورنـي=ماجاا المناقيد مهما غنّـت طْيـوره
والموج لامن هدر صوته يْفورنـي=ما أخبل غشيمٍ تهقْوا يردع بْحـوره
ياليت سطح القمر حولي مجاورنـي=واطلع على قمته وأعيش مسـروره
وليت الأماني على الواقع تحاورني=وأشرح لها حالتي واوضّح الصوره
صح لسانك شاعرتنا مدد
شاعرة نجد
09-08-2022, 10:24 PM
^
^
^
تسلم الايادي والذائقه مستشارنا
وصح بدنك.هذي من قصائدي القديمه
لاعدمنا منقولك,’’
شاعرة نجد
09-08-2022, 10:24 PM
,,,,,,
شاعرة نجد
09-08-2022, 10:33 PM
^
^
خيال ذكرتني قصايد الماضي
الله يَسَامحْك انا ماودي اذكرها
خلاص قلبي عن اللي فات مو راضي
والناس مايندرَى وش في خواطرها
وهج المشاعر هو الحاكم هو القاضي
في حكمها غصب عنا تحت اوامرها
كم رااح من عمرنا كم ضاع عـ الفاضي
ماتت شموع الامل ماجات ناطرها !
كديميس السيحاني
09-08-2022, 11:18 PM
^
^
خيال ذكرتني قصايد الماضي
الله يَسَامحْك انا ماودي اذكرها
خلاص قلبي عن اللي فات مو راضي
والناس مايندرَى وش في خواطرها
وهج المشاعر هو الحاكم هو القاضي
في حكمها غصب عنا تحت اوامرها
كم رااح من عمرنا كم ضاع عـ الفاضي
ماتت شموع الامل ماجات ناطرها !
لسانك ما ينلجم
ويمينك ما تنشل
يا مخرج الذاكرة من حدر الانقاضي
هيّضت للشاعره خافي مشاعرها
و كريم يا بارق ٌ في سجنهم ناضي
عسى خياله صدوق يهل ماطرها
يعم سيله شُعب و هضاب و فياضي
و يسقي زماليق عشبه من محابرها
و يروي كبودٌ حمسهن لاهب ( القاضي)
بقيفان شعر ٍ من الجزلات خابرها
شاعرة نجد
10-08-2022, 09:59 PM
^
^
^
الله الله
صح لسانك شاعرنا
كتمت الصوت بالصدى الفااخر طال عمرك
مجاراة كايفه ونايفه
وخيال اختفى,هذا والهواوي
موصيه يمسك مكانه:smile:
شاعرة نجد
10-08-2022, 09:59 PM
يقول الهواوي ليش كثر الغياب وجاب
قصيدٍ عن الغيّاب من خاطره جابه
وداارت عليه اليوم,عن منتدانا غاب
له أيام غايب سجننا مافتح بابه
وجاا دورنا نصرف له مْن الذهب ماطاب
من العذب ونْرد السلف ونْتغنّى به
حضوره حضور وُغيبته لو وش الاسباب
كآبه على سجن الرواسي وكتابه
الجووهره
10-08-2022, 11:04 PM
السلام عليكم ويسعد مسآكم
وهلا بكم
شاعرناا كديميس
شآعرتنا نجد
وملكتنااا
منووورين بعد الغيبه الطويله
وعودا حميدا.
وآخر الغيبآت ان شآء الله
الجووهره
10-08-2022, 11:06 PM
وصح لسآنك شآعرنا الهوآوي
ودآم ابدآعك ولا يطول غيآبك
ويسلم ذوقك خيآل
ودآم حضورك وابدآعك
وهلا بك رحووله
ويسلم ذوقك الجميل
ياجميييييييله
الجووهره
10-08-2022, 11:10 PM
شيله جميله
عن الغياب والعتآب
اكتمل فيها جمال الكلمه
والمعنى والصوت
https://youtu.be/3GGSPRgv4Mk
https://www.youtube.com/watch?v=3GGSPRgv4Mk&ab_channel
خيال مطير
11-08-2022, 03:11 PM
صح الله السنتكم جميع
وصح ذوووووووووووقك ياجهير
الهواوي قالي امور ثانيه بس ماودي اقولها ,, يهاوشني
الجووهره
11-08-2022, 03:28 PM
هلا بك خيالووووه
وصح بدنك نيابه عن الشاعر
وش قال لك
يا الاقشششر
هههههههههههه
خيال مطير
11-08-2022, 06:00 PM
قالي
طيب قربي أذنك عشان محد يسمعنا
https://layalina.awicdn.com/site-images/sites/default/files/prod/album/5/b/231095/c22492730e1a85b9ad4230e18d126d63e7c6721b-020117080914.jpg?preset=v3.0_125X83&save-png=1&rnd=1519151RND220215&croptop=1
خيال مطير
11-08-2022, 06:20 PM
أخاف يقرصني الهواوي
كديميس السيحاني
11-08-2022, 10:55 PM
^
^
^
الله الله
صح لسانك شاعرنا
كتمت الصوت بالصدى الفااخر طال عمرك
مجاراة كايفه ونايفه
وخيال اختفى,هذا والهواوي
موصيه يمسك مكانه:smile:
صح كلك ولا هنتي
قليل مع ماعندك الله يسلمك
ما جاء الصدى الا باسباب الصوت
كديميس السيحاني
11-08-2022, 10:58 PM
يقول الهواوي ليش كثر الغياب وجاب
قصيدٍ عن الغيّاب من خاطره جابه
وداارت عليه اليوم,عن منتدانا غاب
له أيام غايب سجننا مافتح بابه
وجاا دورنا نصرف له مْن الذهب ماطاب
من العذب ونْرد السلف ونْتغنّى به
حضوره حضور وُغيبته لو وش الاسباب
كآبه على سجن الرواسي وكتابه
لسانك ما ينلجم
ويمينك ماتنشل
يوصي خيال العود قد دك به هنداب
نوى يغيب عن سجن الرواسي لهندابه
و ليا بيّت النية بعد عودة الغياب
كلافه على جيبٍ ليا هندب اومى به
لو فلاش ساهر صوّره ما معه ركاب
تحدى قوانينه ولا يحسب حسابه
و حنا لسجنك يا الرواسي رفعنا الكاب
قد اثراك شيخ المفردة ب افخر اطيابه
كديميس السيحاني
11-08-2022, 11:00 PM
السلام عليكم ويسعد مسآكم
وهلا بكم
شاعرناا كديميس
شآعرتنا نجد
وملكتنااا
منووورين بعد الغيبه الطويله
وعودا حميدا.
وآخر الغيبآت ان شآء الله
عليكم السلام واسعد الله اوقاتك
النور بوجودكم يا الرواسي
الله يسلمك
كديميس السيحاني
11-08-2022, 11:04 PM
صح الله السنتكم جميع
وصح ذوووووووووووقك ياجهير
الهواوي قالي امور ثانيه بس ماودي اقولها ,, يهاوشني
صح كلك ولا هنت يا خيال
صباحكم ورد ابيض (:
ابو عبيد صح لسانك شاعرنا تروح وترجع بالسلامة
ابو منصور
الله صح لسانك شاعرنا ابداااع و عوداً حميداً
نجد صح لسانتس شاعرتنا وعوداً حميداً
جوج منوره جدا جدا (:
خيال صح ذوقك
ان جيت خل الكل يفرح بلقياك
محبوب عند الناس ويقدرونك
وفي غيبتك خل الجميع يتحراك
مثل المطر كل البشر يحترونك
الجووهره
12-08-2022, 02:39 AM
ياهلا بالجميع
منورين وصحت الالسن والاذوآق
رحوله جيد جدا والا ممتاز ههههههه
شاعرنا الهواوي
له فقده ووحشششه كبيييره
الله يحفظه ويرده بالسلامه
خيال مطير
12-08-2022, 02:19 PM
اشتهر عسير بن ساير بن نافه الغنامي العتيبي بالشجاعة والكرم فكان يبني بيته على طريق المسافرين ولما عاتبه بعض الناس على ذلك أجاب قائلا :::
يامـل قلـب يلـج وداخلـه رنـه
لجة ظرايا على عـد عـوى ذيبـه
أو لجة الفـرد يـوم اقفايـة الكنـه
وسهيـل والقيـظ مقبلـة ملاهيبـه
حيـران شـول مشاحيـن حدتهنـه
ظلت على الحاض تقبل به وتقفي به
وان جنّه ارداف والمفـرود ضدنـه
والحاض توح التضارس في مصاليبه
يارازق اللـي بيوتـه مـا لفتهنـه
عليهـن الـدرب بينـهً مهاذيـبـه
النار كلت الحطب والنجر أكل بنـه
والرزق عند الولي من حيث ينوي به
مـا همـي الا الـدلال وثالثتهـنـه
كبش المربي ليـا لزمـت مواجيبـه
يازين خبط الركيّـب فـي سندهنـه
هودٍ مـن الليـل خابيـةٍ مشاهيبـه
افـرح بهنـه ليـا جنـي باهلـنـه
واقوم عجل لضيف الله واهلـي بـه
شاعرة نجد
12-08-2022, 10:37 PM
مساء الخير
وصحت ابدانكم وداام حضوركم الممتع
وصحت ذوائقكم المميزهـ
وصح بدنك يـ ابومنصور
وصح لسانك على هـ المجاراة الفاخره
ولاعدمنا ابدااعك
وسلمتم ودمتم,’’
شاعرة نجد
12-08-2022, 11:03 PM
خواطر من الخاطر..
سبح وغن وهات ماجابت الورق
كذا كذا سل وتسل بْجديدك
تبي السهل والا الجبل قمته وارق
وامسك رباب الغيم في راحة ايدك
أجوااء رهيبه تسرق الذاكره سرق
وتْجيب ماضيك وتزيد وُتعيدك
فيها تمنى لو حرق خافقك حرق
بعض التمني يجرحك مايفيدك
صوت الرعد ياروعته مع سناا البرق
يجيب فيّ العيد والعيد عيدك
والطلسمه تبداا من الغرب للشرق
كم ضاع فيها صيد غيرك وصيدك !
كديميس السيحاني
12-08-2022, 11:10 PM
خيال
رحيل
الجوهرة
شاعرة نجد
هلابكم وصحت الالسن و الذوائق
منورين و الغيّاب معذورين
و دام تواجدكم
كديميس السيحاني
12-08-2022, 11:50 PM
خواطر من الخاطر..
سبح وغن وهات ماجابت الورق
كذا كذا سل وتسل بْجديدك
تبي السهل والا الجبل قمته وارق
وامسك رباب الغيم في راحة ايدك
أجوااء رهيبه تسرق الذاكره سرق
وتْجيب ماضيك وتزيد وُتعيدك
فيها تمنى لو حرق خافقك حرق
بعض التمني يجرحك مايفيدك
صوت الرعد ياروعته مع سناا البرق
يجيب فيّ العيد والعيد عيدك
والطلسمه تبداا من الغرب للشرق
كم ضاع فيها صيد غيرك وصيدك !
عسى لسانك ما ينلجم
ويمينك ما تنشل
الطلسمه وما ادراك ما الطلسمه هههههههه
استلمي لاهنتي مجاراة شوف شايب في ليل 😁
يا نجد غنيتي لنا نايف الطرق
و طلاسم المعنى ، عسى الله يزيدك
لو ما ذكرتي في ديارٍ بها عِرق
ل جدودنا جينا و قوقل قصيدك
نسري بليلٍ يطوي البعد و الطُرق
و جيناه في ساعات حسب ءتحديدك
وكل على ليلاه غنا على ارق
و اقول عسر القافيه ضمن كيدك
و لو قيل ما به فرق انا اقول به فرق
و يامن زرعت الزرع و فر حصيدك
مافيه ما ياصل من الغرب للشرق
طلاسمك مضمونها فك قيدك
كديميس السيحاني
13-08-2022, 12:11 AM
كل ما غنيت الالحان بالطـرق الفريـد
بنت فكري زاهـيٌ صدرهـا جلبابهـا
و كل ما غنت حمامة على خضر الجريد
قلت ونّات الحمامة يا ويـش اسبابهـا
و كل ما انشد شفت دون الجواب الفين قيد
من يحـل القيـد لكفوفهـا وخضابهـا
يا حروف الأبجدي معك ترنيم القصيـد
تنحصر فيك القصايد وجمـع حسابهـا
كل ما ازرع من شجر طيب ما جاله حصيد
وكل ما اضحـك لـلأوادم تبيـن أنيابهـا
استوي يالبيد للـي عـزوم يسـج بيـد
عن سهوم أهـل النوايـا و زرق حرابهـا
و كل ما ارفع صوت مبحوح من حبل الوريـد
الصـدى لـه زلزلـة والجبـال اطنابهـا
و في بنوك الشرق والغرب لو ضاع الرصيد
مـا تضيـع الحكمـة إن دوّنـت بكتابهـا
وكل ما استوقدت نار الدفى وقت الجليد
احرقت قسوة يدين بحمو مشهابها
و اترقب مشرق الشمس يكسر للحديد
وحال دون الشمس غيمٌ يحث ركابها
و كل مايسترسل الحرف يطلب للمزيد
اعلنت عقارب الساعة إنه هابها
العفو والليل يسري بهوجاسٍ مريد
ومن حضى بقيفان الأشعار صار اولى بها
خيال مطير
14-08-2022, 02:13 AM
صخ الله السنتكم جميع
خيال مطير
14-08-2022, 02:17 AM
https://www.youtube.com/watch?v=JMHPJ8J8p2M&ab_channel
خيال مطير
14-08-2022, 02:21 AM
https://www.r111n.com/image.php?u=703&dateline=1283624196
http://www.al-wed.com/pic-vb/8.gif
بيض الله وجهـــــــــــكـ
ناصر الهواوي
14-08-2022, 11:23 AM
ههههههههههههه وش قلت لك يالاقشر؟!!
بصراحه لو علمت انكم ستتواجدون ما رحت
السلام عليكم ورحمة الله وبركاته؟عساكم ما تفقدون غالي
انا هذي ثاني رحله انا و3من الاحفاد فقط العام وهالسنه من بريده على حايل على الجوف
على تبوك على ضبا على الوجه على املج على ينبع ونختمها بصلاة وزياره لمسجد رسول الله
صلى الله عليه وسلم وانا اذا اجنبت تعبت
قريت كل ما كتبتموه بتمعن صحت السنتكم واسعد الله جميع اوقاتكم
ابو منصور وشاعرة نجد ابدعتوا بحقكم مو كافيه والله يسعدكم
الخيال يابعد العربان هههههه
هلابك يالجوهره وصح بدنتس والله يسعدتس
ما نعدم ولانخلا من رحيل وصح ذوقتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
يازقينكم يا اهل الرواسي زقيناه=وبالترجمه تعني على القلب غالين
منهم ومنهن لو حديهم فقدناه=مدة غيابه نحتسبها من البين
لو مانعرفه عرف والله والفناه=تصيبنا وحشه ليا غاب يومين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
لو اللفت يوم انه نزل ما انفتح له باب
والا كنت انا وقته عطيت الظهر بابه
عليه الله اكبر ليش ينزل بدون حجاب
من في طلته خوف وخطر يضفي حجابه
لي نظره وزدت اربع و انا خاطري ماطاب
مكنته بهن يسحب على الكبد مشذابه
ومن بعد هاتقديم ابا اكرر الترحاب
عدد كائنات اتعيش فالبحر والغابه
باثنين وثلاث ارفع لهم يوم جيت الكاب
تقدير المحب ليا التقا يوم باحبابه
اهل ذوق واخلاقٍ تسامت بهم وآداب
والابداع هم ساسه واهاليه واربابه
الجووهره
14-08-2022, 12:48 PM
هلا بك شاعرنا
ماشاء الله. جوله جميله
الله يهنيكم ويحفظكم
وصح لسآنك ودآم ابدآعك
الجووهره
14-08-2022, 12:50 PM
وهلا بكم
شاعرنا كديميس
شاعرتنا المبدعه
وصحت الالسن ودام حضوركم وابداعكم
وهلا بك خيالنا
ويسلم ذووقك
ودام حضورك وابداعك
شاعرة نجد
14-08-2022, 11:58 PM
صح بدنك
والله يصح لسانك يـ ابومنصور
ولاهنت على هـ المجاراة الفااخره والابدااع
وصح بدنك جوهرتنا
لاعدمنا التواجد الممتع
وسلمتم ودمتم.,,
شاعرة نجد
14-08-2022, 11:58 PM
عليكم السلام ورحمة الله
وحمداً لله على السلامه
وعودا حميداً,منور رواسيك شاعرنا
وصح الله لسانك ولاعدمنا ابداعك المميز
ورحله موفقه ان شاء الله ختامها مسك,زيارة مسجد الرسول والصلاة فيه
اللهم صل عليه وسلم..
دام الحضور.,,
شاعرة نجد
15-08-2022, 12:49 AM
أتمنى المساعده,
عندي مشكله بالمنتدى
صاير ثقيييل وتتكرر المشاركه بس بالرواسي
والحين شاركت وابي اعدل وطااارت مشاركتي:smile:
خيال مطير
15-08-2022, 01:06 AM
خواطر,,,
ياحلم صرت أكره منامي عشانك
مابـي تجينـي لــو تكرمت,لانـمـت
تكذب علي وتقـول وانتـي مكانـك
نامي وأحقق لك امانيك واقسمت
واصدقـك واحسبْـك عنـتـر زمـانـك
ويصدمني الواقع واعانيه لاقمـت
............
عـيـنــي عـلـيـهـا مـــــن سـهــرهــا عــلامـــه
ودمـــوعــــهــــا مـاجــفــفــتــهــا الــمـــنـــاديـــل
يــاهــاجــســـي رح رافـــقـــتْـــك الـــســـلامــــه
مـابـيــك تـأخـذنــي مــعــك لـ اقــبــل الـلـيــل
لـفيـتـنـي مـــــن فـــــوق راســـــك عْــمــامــه
وسريت بي غصْبٍ على الهجن والخيل
مــســـراك بـــــي فـ اللـيـل,يـشـبـه ظـــلامـــه
هُــونــك عـلـي,مـانـيـب قد الـبـهـاذيــل
صح لسانك شاعرتنا
خيال مطير
15-08-2022, 01:11 AM
ماشالله يابو عبيد كل هذا 3 ايام من بريده على حايل على الجوف
على تبوك على ضبا على الوجه على املج على ينبع ونختمها بصلاة وزياره لمسجد رسول الله
صلى الله عليه وسلم
طياره ولا على الونيت
لاتخاف سرك في بير ترا ماعلمتهم وين انت هههههه هههههه
خيال مطير
15-08-2022, 01:18 AM
غمضت عيني علها تسرق النوم
سهرانةٍ لين السهر مل منها
ودي يداعبها الكرى غير ياقوم
تقول كني طارد النوم عنها
خيال مطير
15-08-2022, 01:34 AM
حبني حب السلوم الأوليه
حب أمك حب وحده من خـــواتك
حبني حب الشرف والغايريه
حبنــي وأنا أتذرا فـــي عباتك
حبني حب عنزه للوايليه
وحب عــذرا تنتخي بك يوم جاتك
حبني وأبشر بأنثى عسوجيه
ماتهاب الموت ما تخلف وصــاتك
حبني حبن يفوق الشاعريه
خلني أقــرب من أنفاسك لــذاتك
معك أنا مهره مثل شوح العبيه
وغيرك مـن الناس ما تعشق مهاتك
أسعفيني يا الحـروف الأبجديه
كيف أعددها مزاياك وصفــــاتك
أن زعلت وغرت وأسرجت المطيه
ومن نشدني مــا حلفت ألا بحياتك
يا شبيه الحـر يازبن الونيه
منهو اللي يقدر يســـوي سواتك
أن هويتك ماهـو ذنب ولا خطيه
وأقصى أحــلامي أكون أأأم لبناتك
أيه أأأحبك حب ليلى العامريه
وحب أبن زيدون مـا يعادل غلاتك
الشاعره جفون
خيال مطير
15-08-2022, 02:17 AM
رديه بين الشاعره هيا الغبيويه الروقيه وابن سبيل
تقول الشاعرة فتاة الوشم (هيا الغبيوي الروقي) عن الزمن الذي تغير
تـل قلـبـي تــل ركــب المهمهـيـه
يوم خف الشيل وشنونه طووهـا
في لهيب القيظ صبحه مع عشيه
بالمطـارق والعراقـيـب الهـدوهـا
والمـوارد خـوف والـدار اجنبـيـه
والدروب العوج معهـا سخروهـا
ما طرقهن فـي قديـم الوقـت فيـه
بالمغـازي والمناكـيـف اتعبـوهـا
منوتي ريحـة هـوى نجـد النقيـه
فـي خـلاًًََ منـه الجـوازي جفلوهـا
ما حلا مـن عقـب مزنـه عقربيـه
جـرة العسـاس فيهـا مــا لقـوهـا
شيدو بيت الشعـر بـأرضً عذيـه
شـف بالـي ربعتـه يـوم ارفعوهـا
طوقـه نـبـت الخـزامـا والنصـيـه
في رياض بالجوايـل مـا رعوهـا
وانزلـوه الـلـي يمانيـهـم سخـيـه
وعلقوا ضـو المنـاره واشعلوهـا
واحتمـا محماسهـم بأغـلا شريـه
والدلال الصفر بالصالي شووهـا
وقـدمـو فنجالـهـا مـثـل الـهـديـه
بعد ما بالهيـل الاخضـر بهروهـا
دق نجـرً يجـذب السـاري عـويـه
مـا تـوزو بالمطـابـخ وطحنـوهـا
يوم جيبت مثـل مجهـول الهويـه
مـا تسـر ونارهـا مــا شاهـدوهـا
دلـــة لـــو قـلـطـت بالـطـوفـريـه
اتساوي اللي على الملـه جذوهـا
تجمـع الظفـران ورجـال الحميـه
والسوالـيـف القديـمـه حـدثـوهـا
في البطوله والخـوي ويـا خويـه
مـن عهـود جدودهـم مـا زيفوهـا
يـامـحـمـد يــازبــون الـدوبـلـيــه
عيني اللـي لمـة البـدو احرقوهـا
مشغليـن البـال والعيـن الشجـيـه
ليت نفسـي بالوعـر مـا علقوهـا
للبيـوت السمـر عـنـدي جاذبـيـه
ليتني سجيـت مـع نـاس نسوهـا
اه وعــــزاه دام الــــروح حــيــه
مــن طـبـوعً للقـبـايـل سيـبـوهـا
بدلـوهـا بطـبـع مــا لــه قابـلـيـه
واستـعـار ولهـجـة مــا علمـوهـا
راحت الشيمات يا محمد ضحيـه
والتقالـيـد العريـقـه مــا بـغـوهـا
فرد الشاعر محمد بن سبيل
فـز قلبـي مـن وصـول الخـط لـيـه
فـــزت امً فـــي ولـدهــا بـشـروهـا
غـايـب عـنـهـا ولا لـــه مـقـدريـه
منشغـل منـه المعازيـب حرمـوهـا
مرحبـا ترحيبـة النـفـس الرضـيـه
بالرساله واهلها ومـن احضروهـا
يـا فتـاة الـوشـم لــك مـنـي تحـيـه
شاعـرة نجـد العـوارف رشحـوهـا
تشتكيـن الشـوق للماضـي علـيـه
منـوتـك شـوفـة بـيـوت شـيـدوهـا
شـوفــت الـحــوال بـديــار خـلـيـه
خلفـهـم بـاقـي دبشـهـم عقـبـوهـا
بيـتـهـم بالـقـيـظ تـســداه بـدويــه
وانهتـه قبـل المخايـل وشكـروهـا
والحنـيـن لـذيــك الايـــام الهـنـيـه
يـوم اهـل نجـد العمايـر مـا بنوهـا
لا يزيـد الـشـوق وتـزيـد الشكـيـه
البـيـوت السـمـر اهلـهـا بيـعـوهـا
العراوي صـار مـن عقـب المطيـه
مركب البـدوان وجمـوس شروهـا
وبعـد مــا كـانـو يـربـون الرعـيـه
الـذبـيـحـه لا بـغـوهــا دوروهـــــا
ما جعل روحي على حوض المنيه
غـيـر تـذكــاري طـبــوعً بـدلـوهـا
لا طرت لـي عيشـة البـدو الحليـه
والحيـاة اللـي بعضهـم سمجـوهـا
جـظ قلـبـي جـظـة مضـيـع خـويـه
فــي ديــار مقـفـره مــا سنـعـوهـا
وزادت اشواقـي وحسراتـي خفيـه
للسنيـن اللـي جـدودي عاصروهـا
مـا حــلا صـيـد الضـبـا بالبندقـيـه
لين حدوها علـى الخيـل و رموهـا
وما حـلا بالبـر عـزف السمسميـه
والربابه في يدين اللـي اعشقوهـا
مـا تقهـوو مـن قـهـوة الزمزمـيـه
دلــة الـرسـلان سـاعــة بـهـروهـا
واختـلاف الـوقـت نعتـبـره زريــه
عيشة الماضي بكوا مـن جربوهـا
هــذه الدنـيـا عـلـى العـالـم جـريـه
هـي تجاهدهـم واهلـهـا جاهـدوهـا
واسلمـي يـا بنـت حاميـن الونـيـه
ما بدت شمس النهـار و طالعوهـا
ناصر الهواوي
15-08-2022, 12:32 PM
ممممممممممممممممم وش السواه ههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
هلا بالبيوت اللي لهجسي تفك الباب
بي العيد جايبته وهو ما بقي جابه
بيوت بفخامة مفردات ومعان ءعذاب
منها جن من في خاطره شي ينتابه
اراني مهايف مابقي حول قوس وقاب
قمت انخى زعيم جنونهم واتعزوى به
سبب خاطرٍ به ضيق ومغربلٍ منصاب
ان شاوا اجريح اتقل باللآخر اطبابه
مستشفاه ادله دون نشده وقوقل ماب
لكن المداوي يا مضاوي هو اسباب
داوى جرح واحدث جرح له مدةٍ ما طاب
وصفاتٍ علي ايدسها الترف كذابه
بجدي وهزلي كن حلو النبأ مرتاب
وازجر للمشاعر لااصبحت منه مرتابه
شاعرة نجد
15-08-2022, 11:21 PM
مساكم سعيد والشر عنكم بعيد على قولت ابوعبيد
وصحت ذائقتك خيال على هـ الرواائع
وصح لسانك يـ الهواوي
ولاعدمنا عذبك الممتع وحضورك الفاخر
نفتقد ابو عامر والكثير من رواسينا
الله يحفظ الجميع
وسلمتم ودمتم,’’
شاعرة نجد
15-08-2022, 11:22 PM
لا ياحبيب الروح لاتتلف الروح
بعض الغلا ماله حلا ياغناتي
مسموح لكن مـ انت بـ احيان مسموح
لاتختبر صبري وما فات فاتي
تنبش قديم جروح وتضمد جروح
وتْقول غني من جديدك وهاتي
ماهوب من صالحْك من صالَحَك روح
واللي تغنيناه بالامس ماتي
قسم قسم بالله لو جابك البوح
تندم على ماصار طول الحياتي
vBulletin® v3.8.7, Copyright ©2000-2024, TranZ by Almuhajir