هنا .. سجن القوافي !!

[الجووهره]

هههههههههه
يسعد مساك شاعرنا
وصح لسانك بس وينها رحووله
تنورر السجن والزنزانه
وتبشر بالتسالي



وينك رحووله
تعالي وجيبي ورعك معك
هههههههه
الله يحفظه ويخليه لك

[الجووهره]

‏الـوفـا والطـيب مـايبغـى دليـل
‏في وجيـه الخير تظهر له علامه

‏والجميــل اللـي يسمــونه جميل
‏ان حصـــل والا تصـدق بابتسامه

‏لا تشيــل ابلا سبب حمــلٍ ثقيل
‏مــالنا حــق ٍ عليك الا السلامه

‏ان نصــرت الحــق قـلنـا يانبيـل
‏وان لزمت الصمت عدتك الملامه

عآيد بن ضلعآن

[ناصر الهواوي]

لا كان معها رضيع ابا ارجع للسجن وهي تجلس بالبيت من حقها اجازة امومه هههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
تهيظت من سجع الرواعب على العسيب
ولو سجعهن جاء نوح ما زادني طرب

انا من بعض احوال هالورق مستريب
ليا شحت شبلي بان لي خافي وقرب

ليا قلت بالواقع ابا اقنع وابا استجيب
وعديت خمسه واحد بلا سبب هرب
ــــــــــــــــــــــــــــــــــــــــــــــــــ ــــــــــــــــــــــــــــ
بايخه مالها معنى هههههههههههههه

[عبدالله الدّنّيش]

مساء الخير
اهلا شاعرة نجد وصح لسانتس وبدنتس نعم انتي ما تحبين الغياب هههههههههههه
ارحب يا ابا عامر وصح الله لسانك ولاهان راسك يالقرم واعتبرني ان شاء الله بغضون اسبوعين
عندك
ارحب يالخيال ومبروك مقدما لكن له ما دعيتنا للزواج؟هههههههههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
هلا مرحبا ترحيبة المغرم الولهان
لشوفه من يسميه دايم(نظر عيني)

فقده له اقل من الشهر يعتبره ازمان
ليا عن له ثار بكيانه براكيني

بمن جابت الهرفي ومن بهر الرسلان
وبمن هو على عرسه حلف ما يناديني

ما ادري بغض والا بخل او عن كرونا أمان
خايف لا يجي متكرونٍ به ويعديني
وبس ههههههههههههههه









^^^
أولا :::: المعذرة على التأخير في الدخول .. كنت في جولة مع بعض الأصدقاء
وقريت هذه المشاركة من الجوال وبشرت الأصدقاء بجية أبو عبيد ولك منهم
كل التراحيب يالحبيب .

وياسلام على هالكلام وصح لسانك ابو عبيد على الردية الجميلة
وأسعدني والله موافقتك على الجية .. ويا مرحبا بك مليون يالغالي
وبيننا تنسيق بالجوال إن شاء الله ...

[عبدالله الدّنّيش]

السلام عليكم وأسعد الله أوقاتكم
وصحت السنتكم
ويا سلام شاعرتنا نجد ..وصح لسانك على هذه الروائع وأبو عبيد وفى وكفى
بالمجاراة الرائعة صحت السنتكم على هذا الإبداع الإمتاع .

الجوهرة ما شاء الله تغيب وتجيب جواهر تلمع منها الذائقة الشعرية
طاب كيفك
&
خيال ..حتى لو ماعزمتنا ماعليك ملامة .. أتوقع المناسبة خاااصة
وأبشر نعمل لك شيلة بالتعاون مع أبو عبيد .. وإذا وقتك سمح فحياك
الله مع ابو عبيد . قل تم !
^^
والشكر والتحية للجميع .

[عبدالله الدّنّيش]

لا كان معها رضيع ابا ارجع للسجن وهي تجلس بالبيت من حقها اجازة امومه هههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
تهيظت من سجع الرواعب على العسيب
ولو سجعهن جاء نوح ما زادني طرب

انا من بعض احوال هالورق مستريب
ليا شحت شبلي بان لي خافي وقرب

ليا قلت بالواقع ابا اقنع وابا استجيب
وعديت خمسه واحد بلا سبب هرب
ــــــــــــــــــــــــــــــــــــــــــــــــــ ــــــــــــــــــــــــــــ
بايخه مالها معنى هههههههههههههه

ههههههه صح لسااااانك

إشتقنا لإختيارات رحيل .. ومدام معها مرافق فعلينا ترحيلها إلى فندق الرواسي
ويا هلا ومسهلا هههه

برجع لبو عبيد قال بايخة قال هههه

تهيّض وفضّ الصدر وأرتاح يالحبيب = وفضفض بما يطريك لا كان لك أرب
سوالفك ما باخت ويُعجب بها الأديب = وسجعك على صوت الرواعب ضرب ضرب
ونجم السماء لا شعت الشمس ما يغيب = ولو غطت الغيمة زواياه ما غرب

وسلامتك / وإياكم ،،

[الجووهره]

يسعد مسآكم
وهلا بكم
شاعرنا الهوآوي صح لسآنك
ودآم ابدآعك وحاشاك عن اللي قلت
مايجي. منك الا الابدآع والجزاله
الله يسعدك ويحفظك

وخذوني للسجن بدخل مكان.رحوووله
ولا تنسوووني من التسالي
ونورتي الزنزانه يا أنا ههههههههههه

شاعرنا الدنيش
هلا بك وصح لسآنك
وتسلم ماعليك زود
الله يسعدك

اجل العزوومه للرجال فقط
ههههههههه
الله يجمعكم على خير
وبيت عآمر بوجودك يآرب

[الجووهره]

تذكرت هالمقطع
ههههههههههههه

https://youtube.com/shorts/pdVv_ndHAD0?feature=share

[ناصر الهواوي]

ارحب يابو عامر وصح لسانك وبدنك ولاهنت
ارحبي يالجوهره وصح الله بدنتس وكلتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
هلا مرحبا الف وياهلا يارخيم الصوت
سمعتك تسلم / صح؟!!!والا تهيالي

وقفت وطلعت وعدت في خاطرٍ منحوت
من كثرت هواجيسي بماضي عزالي

متى هالطواري دون ما شر في اتموت
متى ساعتين اتمر ما جاء على بالي

او إنه متى كثر التغلي يشوته شوت
ما جاله يمر اسمع علومه ولاجالي

انا من هروجٍ منه دزت علي مبهوت
بعدها له ادعي بالسعاده وهو غالي

[ناصر الهواوي]

قبل النوم هاي تسليه لي وللجوهره..إيه انا بقسم الرجال وهي بالمجاور ههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــ
عليك الله اليا اصبحت يالورق كان الله كتب
ولك بان حاجب شمس يوم الربوع وشفتني

دقق بي نظرك ان شفت عليك بعيوني عتب
تراني ما اطيق ارهقك بمعاتبي لو خفتني

وانا لو عرفت لخاطري عنك ما والله اتب
والفتك لو اني ماهقيتك بعد والفتني

داخل هالقلوب الخضر يالورق تختلف الرتب
ارجوك الشوامت لا تعلمهم انك عفتني
ــــــــــــــــــــــــــــــــــــــــــــــــــ ـــــــــــــــ
وبسسس هههههههههههههههه

[كديميس السيحاني]

السلام عليكم
مساكم الله بالخير

لي عشرة ايام معها زود
والنت ما جاء على كيفي

و رسايلي مالها مردود
و الطّف الجو تلطيفي

و استلموا لاهنتوا ههههههه


الهواوي

ليتني ما قلت للربع قهووني
ولا تخيلت بيد القهوجي دله

قلتها مزحه وهجوا وخلوني
جزت من هالمسأله نادوا الشله

نسكفيه ابا اطلبه لاتلوموني
وسندوتشات الفلافل من السله

والعصير بكوب نعنع بليموني
يهدي اعصابٍ بها حاصلٍ خِله
—-

شاعرة نجد

قهووا ابوعبيد تكفون تكفوني
والغدى جيبوه هرفي على حله

والقصيد اللي بعذبه تغنوني
لاسمع روعة معانيه ما مله

ضايقٍ صدره له ايام مسجوني
يبدع القاف وُيَغَنّيه ويشله

ياعسى ناسه يزورون ويْجوني
بالتسالي والمواويل والفله

فَرْحْ بكْديميس يُم جاا على الهوني
وحطَّ له كم بيت والطله الطله

والدنيش وشعره العذب موزوني
لاحضر يومين غاب الدهر كله

غن يالمسجون من كل ملحوني
هات مايطرب ومايحْزنَك خله

——-

انا

الهواوي يوم غنا له لحوني
ف الرواسي عنده احسن من الفله

هو و نجد الشاعرة كيف ردوني
التفت للنت والسجن و افطن له

بالهجيني كن الاثنين نادوني
شف مجارا الشعر و اما الغزل خَلّه

و في مجاراهم طرب كل مشجوني
و الشجون فنون قصرٌ فرش زله

و كل ما طليت ف السجن تدروني
ذكريات العمر تفرد لي سْجِلّه

كنه الاطلال يا اللي تلاحوني
و الشريط بخافي الذاكره فلّه

[شاعرة نجد]

صباح الخير
وصحت ابدانكم وصحت السنتكم
ولاعدمنا روعة التواجد
وصح لسانك يـ الهواوي وتسلم عـ المجاراة العذبه والابدااع

وسلمتم ودمتم,’’

[شاعرة نجد]

تسليه من الارشيف

مستودع الصَّدْر قفله ضاع مفتاحه
بتموت واموت مافتْحَت صناديقه

وان جاك قاف الغلا يومي بمسباحه
لاتحْسب الشّعْر سلّتني طواريقه

على بساط الغموض وُفي سماا الساحه
خذيت مع نخبة الشعار تحليقه

وغنيت فالجو لو مانيب مرتاحه
بعيد عن سطح الَـ ارْض وعن مخاليقه

أرسم بنسج الخيال وروعته واحه
في داخل القلب،تسقيها معاليقه

[الجووهره]

كنه الاطلال يا اللي تلاحوني
و الشريط بخافي الذاكره فلّه


صدقت شآعرناا
وهلا بك وصح لسآنك
ودآم حضورك وابدآعك

شاعرنا الهواوي
وجاري بالزنزانه ههههه
صح لسآنك ودآم ابدآعك

وهلا بك شآعرتنا نجد
مبدعه في قديمك والجديد
وصح لسانك ودآم حضورك وابدآعك

[الجووهره]

تسآلي لي ولشآعرناا
والجمييع
من مدونتي الجميله
أيآم العز هههههه
الله يعيدهااا



لبى السحاب الي غطى الأرض بـ الديم ...
............ ولبى العيون اللي ذبحني غلاهـا


لاسلهمت برموشها كيف ماهيم .. !
............ باهيم في بحر العيون وحلاها


دام الحكي بشفاه حلو الترانيم ..
............ وشلون ما أحب الحكي من شفاها


لحن المساء طعم الشهد أول الغيم ..
............ عطر الصبا ريح الورود وشذاها

،،،

يـا عازف العود جرحي باللحن غنّــه
مـــن خافـقٍ بالقوافي يكتب هـمومه

القــلـب هايم وهاجوس المساء دنّـه
على وليفٍ يزين الشعر بقدومــــــه

بــيــن التمني وبين الوجد والونّــه
ليـلٍ سرابي وليـلٍ طابت حلومـــــه

جـاريت جـرح الغـرام اللي ضحك سنّه
وعيني تخــايـــل لبرقٍ لاح بغيومـه

لـي غاليٍ مـتفـقٍ ظـني عـلى ظـنّه
اللـه يجيره صدوف الوقت وسهومـــه

،،،

رحت مثل الحلم لحظات المنام
............... وجيت مثل " الموت " للّي يحتضر

أفقدك : مثل الطفل وقت الفطام
............... وأعشقك : عشق بدويٍ للـ مطر

أذكرك : وأذكر تفاصيل الكلام
............... وأسهرك : يمكن تمر / وما تمر

ليش تسرق قلب في عز الظلام ؟
............... ليش تقتل شخص لك عنده قدر ؟

جيّتك .. مسك ( البدايه و الختام )
............... جيّتك .. عندي مثل : فكره بكر

راضي لو مره تجي في كل عام
............... كنّي طفل وشوفتك [ عيد الفطر

[ناصر الهواوي]

وعليكم السلام يابو منصور ورحمة الله وبركاته والسلام على الجميع وحيا الله شاعرة نجد(شاعرتنا طبعا)وصح الله لسانك يابو منصور وصح الله لسانك يالمبدعه اقولها بدون مجامله وقديمك جديد
وهذا اللي يجعلنا نكره الغياب ونحث على الحضور
الانسان يجوع وياكل ويعطش ويشرب لكن الذوائق اكلها وشربها القاف المحكور هههههه
اهلا بجارتي الجوهره وصح بدنك وذوقك ولاهنتي
الظاهر ان الاقشر دخل بالقفص/الله يوفقه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ياهاجس اشغلتني والهم يطرقني
مستعجل لويش خلك هادي ورايق

ويافكر في هالطواري ليش ترهقني
تشعبت واكثرت ماني لها طايق

طيفه ليا جيت اغط شوي يرقني
وعلى الخيال ايتعرض لي وانا فايق

الشوق يحرق ومعه الوجد مزقني
ما اظن به شين بس البعد له عايق

القلب يقول لو هالعوج تطلقني
له طرت ما احتاج سياره ولا سايق

[ناصر الهواوي]

واللي بهالوضع مزعجني ومقلقني
اان الجفا والقشر ماهوب به لايق....الحاقا لماسبق ههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
ما اصدقك لو بايدن يصدق حكا بوتين
ويقنع بينيت في ما تقول الخمينيه

نعم وين عهدٍ لي قطعته بنفسك وين؟
حشا تَصْدِق الاقوال لا خربت النيه

نعم لك يميل القلب وايضا تتوق العين
ويرقص هجوسي بين جني وجنيه

ليا قلت له بسك هوس قال هالبيتين
يمكن تحدث بقلبه ليا اوحاه حنيه

[ناصر الهواوي]

هههههههههههههههههه/من غير سبب من كثرة الادب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
تعال لا تقفي وتسفه مناديك=بعين شفقه له لد ما به كلافه
كف العتب لعل ربك يكافيك=خابرك ليَّن ما بطبعك جلافه
بطبعي وبي ما اظن به شي خافيك=ولا فيه شيٍ جد حتى تعافه
رفيقك اللي كنت تغلي ويغليك=ولا شي من غيره وغيرك حسافه
اقرأ سجلٍ به حديثك واما نيك=واشوف توقيعك على اعلى غلافه
واقول اكيد ان فيه نذلٍ مدهويك=وده مع الجفوه تطول المسافه
هذا ما ارى والراي لك منك وايليك=ومن طاح لجلك لا تحاول اسعافه

[ناصر الهواوي]

إي والله يصيب الشخص وحشه ولو انه شجيع
ليا امسا وهو مستأسرٍ بين جدران اربعه

وخفير السجن يشري بسوق المسرات ويبيع
ما فكر بناصر من تمناه بالماضي معه

عسى الله يجبر خاطر اللي من الفرقا وجيع
وفي من يبي لاماه بعد المفارق يجمعه

يعاو الذيابه لا عوت من طوى مع كل ريع
ويجاوب حمام الورق بالنوح ساعة يسمعه

عسى ما تجمد من مشاعر مع العقرب يميع
لو اسباب جمدتها من البرد ماهي مقنعه

[ناصر الهواوي]

ابيات قلتها ترحيبيه بابو منصور وخوياه يوم شرفوني قيل شهر بزياره
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
ابا ابدا بسم ربٍ لمن هو دعا يجيب
ومن عاذ به من شر وقته كفي سوه

هلا مرحبا ما دار بالدرب ويل الجيب
تراحيب همال المطر لا استوى نوه
طابت ليلةٍ فيها اجتمعنا مع اهل الطيب
من شد الرحال لدارنا يالولي قوه

كديميس راع الاوله دون شك وريب
ونجل ابن ساطي وافي وكله امروه

على وصلهم يثيبهم عالمٍ بالغيب
ويكتب لهم مع من بعث بالهدى خوه

بجنات عدن وكل غصنن بها رطيب
هي لكل من يرجي لقاء ربه امنوه

افخر في هل الطالات ربعي شباب وشيب
جبل والنعم بعزومهم نطوا اعلوه

ومن ينتقص قدر القبايل هذاك ايخيب
ومن لايقر بعزهم عقله امشوه

وبختامها صلوا على المجتبى الحبيب
وعلى الطاهرين آله ومن صاحب اسموه

[خيال مطير]

هههههههههههههههههه/من غير سبب من كثرة الادب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
تعال لا تقفي وتسفه مناديك=بعين شفقه له لد ما به كلافه
كف العتب لعل ربك يكافيك=خابرك ليَّن ما بطبعك جلافه
بطبعي وبي ما اظن به شي خافيك=ولا فيه شيٍ جد حتى تعافه
رفيقك اللي كنت تغلي ويغليك=ولا شي من غيره وغيرك حسافه
اقرأ سجلٍ به حديثك واما نيك=واشوف توقيعك على اعلى غلافه
واقول اكيد ان فيه نذلٍ مدهويك=وده مع الجفوه تطول المسافه
هذا ما ارى والراي لك منك وايليك=ومن طاح لجلك لا تحاول اسعافه



الله الله

صح لسانك مدددددددددد ابو اعبيد

فكر وشعور .
وووووصفتــــ‘،’ وكفيت

تحياتي لشخصك الراقي

[خيال مطير]

من الارشيف

https://www.youtube.com/watch?v=CaT-_7iWKhQ

[حمد الخالدي]

السلام عليكم ورحمة الله وبركاته
أسعد الله جميع اوقاتكم بكل خير وصحة وسلامة
إنقطاع تعددت أسبابه ومثلكم يقدّر ويعذر

[حمد الخالدي]

ما للجفا داعي ليا صرت زعلان
عاتب..ترا معاتب رفيقك يسرّه

الصد دربٍ ملتوي فيه شيطان
والا الوصل خيره..يكافيك شرّه

وش عاد لا صرنا بني عم واخوان
متشابهين بكل حرفٍ..وذرّه؟!

نقطف زهور الخير من كل بستان
وإلى أظلمت صرنا نجوم المجرّه

شجعان..ونصاحب على الطيب شجعان
وإحساسنا عالي..ولله درّه

أحيان نجرح جرح..ويخرّ دمان
لإخراج سمٍ في مكوثه مضرّه

ونصبر على المرّه..وكله على شان؟
يسبق مذاق العافيه..كاس مرّه!

[الجووهره]

يسعد مسآكم

وعليكم السلام شآعرنا الخآلدي
وهلا بك يسعد أيآمك
عودا حميدا وآخر الغيبآت
وصح لسآنك ودآم ابدآعك

شاعرنا الهوآوي وجاري العزيز ههههه
صح لسآنك ترحيبيه جميله ويستاهلون ضيوفك
ودآم حضوورك وابدااعك وسجنك هههههههه

عريسناا خيال
هلا بك ويسلم ذوقك
وكيف العروسه شكلها انحاشت
هههههههههه

[الجووهره]

وأنا اتمشى في مدونتي الجميله
طحت على هالبيت لشاعرتنا المبدعه نجد
سرقته وقتها ههههههه
وكانت شاعرتنا ريم مسجوونه


يـاريـم اغَبْـطـك عـلـى العـزلـه بزنـزانـه

أحـيـان الانـسـان وده يجـلـس لْـحـالـه


صح لسآن شاعرتنا
والله يذكر شآعرتنا ريم
بالخير. ويحفظها ويسعدها
وان شاءالله تكون بخير
وكل الرواسي والراسيآت

[الجووهره]

تسآلي لي
ولجاري العزيز
وللجمييع


مايلوي ذراع الصبر غير الأقدار
أو دعوه نامت بمتن السحابه
شي نبيه ويمضي العمر ماصار
وشي يصير وماحسبنا حسابه

،،،،

كلّ ما حسّيت .. بـالضيقة : تبسّم
لا تبيّن في : ملامحك .. التساؤل !
ٰ.
دام هذا الرزق .. من ربّك مقسّم :
أبتسم ، فـ الصبح موعد لـ التفاؤل

،،،

لو يصير لكل نفس بهالزمن ما اختارت ،
ما لقيت الناس / تشكي لك جفا دنياها


لا تضايق / لو تمنيت أمنيه ما صارت ،
" الله .. يأجل .. أمانينا .. ولا ينساها "

،،،،

خْل حِزنْك يسُوٍلْف و آذْكرٍ آلله و [ نآإمْ] !
و حِط رٍآسِكْ علْى صْدرٍ آلِفرآْقْ آلحنُونّ

و آن صَدفْت آلهْوىْ قِلّْه : عْليك آلْسَلآمْ
وٍ إنْ صَدفْت آلْحِزنْ قلّه : عْسْآهْآ تهُوْن ..!

،،،

[خيال مطير]

أهداء لا ابو عبيد

يا رفيقي لا تضيّع ملازيم الرفَق

تمّها مثل الرجاجيل والّا خَلّها

رحت تجعل في طريقي على الغفلة نفق

وأنا أشيّد لك قصورٍ يظلل ظِلّها

الوجيه البيض لا راق ماها.. واندفق

دفنها في لحودٍ سود القبور اجعل لها

يا الله أنا في حجاياك من قِل الوُفَق

كلها جات بسهولة وراحت كلها
,,,,,,,,,,,,,,,,,,,,,,,,,,,,,,,,,,,,,,,,,,,,,
شعر: فلاح القرقاح

[خيال مطير]

يسعد مسآكم

وعليكم السلام شآعرنا الخآلدي
وهلا بك يسعد أيآمك
عودا حميدا وآخر الغيبآت
وصح لسآنك ودآم ابدآعك

شاعرنا الهوآوي وجاري العزيز ههههه
صح لسآنك ترحيبيه جميله ويستاهلون ضيوفك
ودآم حضوورك وابدااعك وسجنك هههههههه

عريسناا خيال
هلا بك ويسلم ذوقك
وكيف العروسه شكلها انحاشت
هههههههههه

أبشرك . أخلعتني

بس والله ماخليها .. هي وامها

[خيال مطير]

أهداء لابوعبيد

حصري

يا قاف شعري ما بوسط القلب ترجمة اللسان

خلك معي يوم الضمائر بيحت مكنونها

تعال والخافي على ما قيل لابده يبان

والكلمة الزينة يزينها نبا مضمونها

ترجم مشاعر شاعرك والجو لا من زان زان

خل الاوادم بالسموع الصاغيه يوحونها

انته وانا والهاجس اللي ما يحب إلا السمان

واحلا المعاني والمعاني فاللزوم اصونها

تعال ابا اترجمك وانته للسراير ترجمان

والناس ما همك لا صاحيها ولا مجنونها

بأخذك حكمه وانت اخذ شاعر يصوغك باتزان

يعرف مفاهيم الحياة الفانية وفنونها

والوقت داير والسنين اتمر به والعمر فان

لابد ما بقعا تلد وتلتفت بعيونها

يا قاف شعري كان انا شاعر ولي بالشعر شان

انا بشاني والاوادم كلها في شونها

بأخبرك عن درب الرفاقة والرفاقة ما تهان

افضل رفاقة والنشاما بالثمن يشرونها

رفيقي اللي ما يغيره التغير والزمان

يوم ان بعض الناس معرف شكلها من لونها

ثابت رفيقي ما يهزه لا فلان ولا فلان

دايم ورى الهقوه رفيقي ما يجي من دونها

واقدره تقدير من قلبي كما قدر الخوان

حقه عليه والعرب في سيرتي يلقونها

معي بزين الوقت وإلا كان وقتي معي شان

يقدر الرفقة ويمشي من على قانونها

لا طحت في وقتي غمرني بالمعزة والحنان

وان صعبت ظروفي عليه قال لي ياهونها

يحفظ مواثيق الصداقة في القسا وإلا الليان

سده منيع وواقف وقفت رجال وعونها

هذا رفيقي وافتخر به من زمان اليا زمان

عهداً عليه رفقته مهما حصل ما اخونها

وانا حزامه في خفايا الوقت ولا في البيان

حيه وحي الضحكة اللي من بياض سنونها

والا حشاه يروح مالي معه لا عشره ولا عنده ثمان

يلقا مخاليقً على الشينة تهز متونها

وياقاف شعري ما بوسط القلب يطلعه اللسان

والا الضماير توها ما بيحت مكنونها

................................
مازن ماثل العوني

[ناصر الهواوي]

يامرحبا تراحيب المطر يالخالدي وحييت يالغالي وعودا حميدا وصح الله لسانك مدد بلا عدد
اهلا بجارتي وتسلمين ع التسالي المتسمه بالحمه
ياهلا يا خيالنا وشكرا على الاهداءات الرايعه بس اليوم تخاطبني ولك مده معطيني اشكل
هههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
مرحبا عدد شهور وليالي غبتها=بعودتك يالخالدي ما كأنك غبت يوم
جيت والدره من اعماق بحرك جبتها=ياعسى ماباس يالخادي هات العلوم
السوالف يابن الاجواد هذا وقتها=وكان ما ودك تفضفض فلا يلحقك لوم
لاتخلي هذي الويقه اللي وقتها=اركد اركد يالبطل خل هالفرحه تدوم
كل الاذواق بلسان التجارب ذقتها= مالقيت امر من صد نافضة الكموم

[حمد الخالدي]

صح الله بدنك يا الأميرة وأبقاك ربي وعافاك واسعدك
وصح ذوقك يا خيال لا زلت خيال الذي نعرفه
صح الله بدنك عمدنا ابو عبيد وأبقاك وقواك وأطال بعمرك على طاعته وصح الله لسانك لين تقول بس

[الجووهره]

أهداء لابوعبيد

حصري

يا قاف شعري ما بوسط القلب ترجمة اللسان

خلك معي يوم الضمائر بيحت مكنونها

تعال والخافي على ما قيل لابده يبان

والكلمة الزينة يزينها نبا مضمونها

ترجم مشاعر شاعرك والجو لا من زان زان

خل الاوادم بالسموع الصاغيه يوحونها

انته وانا والهاجس اللي ما يحب إلا السمان

واحلا المعاني والمعاني فاللزوم اصونها

تعال ابا اترجمك وانته للسراير ترجمان

والناس ما همك لا صاحيها ولا مجنونها

بأخذك حكمه وانت اخذ شاعر يصوغك باتزان

يعرف مفاهيم الحياة الفانية وفنونها

والوقت داير والسنين اتمر به والعمر فان

لابد ما بقعا تلد وتلتفت بعيونها

يا قاف شعري كان انا شاعر ولي بالشعر شان

انا بشاني والاوادم كلها في شونها

بأخبرك عن درب الرفاقة والرفاقة ما تهان

افضل رفاقة والنشاما بالثمن يشرونها

رفيقي اللي ما يغيره التغير والزمان

يوم ان بعض الناس معرف شكلها من لونها

ثابت رفيقي ما يهزه لا فلان ولا فلان

دايم ورى الهقوه رفيقي ما يجي من دونها

واقدره تقدير من قلبي كما قدر الخوان

حقه عليه والعرب في سيرتي يلقونها

معي بزين الوقت وإلا كان وقتي معي شان

يقدر الرفقة ويمشي من على قانونها

لا طحت في وقتي غمرني بالمعزة والحنان

وان صعبت ظروفي عليه قال لي ياهونها

يحفظ مواثيق الصداقة في القسا وإلا الليان

سده منيع وواقف وقفت رجال وعونها

هذا رفيقي وافتخر به من زمان اليا زمان

عهداً عليه رفقته مهما حصل ما اخونها

وانا حزامه في خفايا الوقت ولا في البيان

حيه وحي الضحكة اللي من بياض سنونها

والا حشاه يروح مالي معه لا عشره ولا عنده ثمان

يلقا مخاليقً على الشينة تهز متونها

وياقاف شعري ما بوسط القلب يطلعه اللسان

والا الضماير توها ما بيحت مكنونها

................................
مازن ماثل العوني


رووووووووعه
أعجبتني بالحيييل
صح لسآن شآعرهااا
ويسلم ذوقك خيالنا
ويستآهل شآعرنا الاهداء

[الجووهره]

وهلا بك زود شآعرناا الهوآوي
وصح لسآنك ودآم حضورك وابدآعك

وهلا بك شآعرنا الخآلدي
وتسلم. وايآك يآرب

[شاعرة نجد]

السلام عليكم ورحمة الله

وصحت الالسن والابدان ودام الحضور الممتع
وصح لسانك وصح بدنك يـ الهواوي واتعلم منك طال عمرك
ومرحبا شاعرنا الخالدي منور وعودا حميدا

وتسلمين جوهرتنا
لاعدمت ذائقتك وماتنقلين من ابياتي يزيدني فخر

تقديري,’’

[شاعرة نجد]

تسليه لـ السجينَيْن..

https://encrypted-tbn0.gstatic.com/images?q=tbn:ANd9GcRiizwvWHn948KISkhYuFlstkNW8Jc1C Uw27g&usqp=CAU

مراسيل الغلا تتحمّلوني؟
لـِ أنّي كل يوم ارسل رساله

يحول البعد من دونه ودوني
واطيع الشوق واسأل كيف حاله

واغني له على عذب اللحوني
على الجوال لامن جاه شاله

تجوع لْشوفه وُتظماا عيوني
وابيع العُمْر في لحظة وصاله

تقرّبني وتبعدني ظنوني
وتشرد بي على سكة رحاله

واسولف له على مهلي وهوني
معه مدري مَعَ حضرة خياله!

[عبدالله الدّنّيش]

يسعد مسآكم
وهلا بكم
شاعرنا الهوآوي صح لسآنك
ودآم ابدآعك وحاشاك عن اللي قلت
مايجي. منك الا الابدآع والجزاله
الله يسعدك ويحفظك

وخذوني للسجن بدخل مكان.رحوووله
ولا تنسوووني من التسالي
ونورتي الزنزانه يا أنا ههههههههههه

شاعرنا الدنيش
هلا بك وصح لسآنك
وتسلم ماعليك زود
الله يسعدك

اجل العزوومه للرجال فقط
ههههههههه
الله يجمعكم على خير
وبيت عآمر بوجودك يآرب

^^^^^
السلام عليكم ويا هلا فيكم
ونورت يا جوهرتنا ساحة السجن الأدبي
وشكرا لك على كل إختيارات الرائعة والفائقة الذائقة
وشكرا على الإبتسامة والتلميح .. وأقسم أنه يشرفني
زيارتكم لأخوووووكم معززين مكرمين . وهنا جمعتنا الأخوة
وسيشرفني بالزيارة إن شاء الله شيخنا ابو عبيد قريبا
وليتكم جميعا بصحبته . وحياكم الله .

[عبدالله الدّنّيش]

ياسلااااام عليكم وسلام عليكم

صفحات مليئة بالإبداع ماشاء الله عليكم وصحت السنتكم
كديميس أبدعت وصح لسانك
شاعرة نجد إبداع x إبداع دام إباعك
حمد ياهلا ومسهلا قصيدة تحمل حكم في الصميم صح لسانك
أبو عبيد .. وش نقول وش نخلي والله ما نلحق مداك وقواك الله وصح لسانك
رحيل .. صح ذوقك يارحاااالة هه
خيااال .. أنت مخلوع وإلا ناشز ؟ حالك مايسر الحال قلت لك تعال مع الهواوي ونشوف لك حل ههههه .
وصح ذوقك على كل إختياراتك يالأقيشر هه
ونراكم على خير .

[عبدالله الدّنّيش]

مابه جديد ... وتنشد عن الحال هذا هو الحال

^_^
رغم إلتزاماتنا دايم والأشغال = أحن للشعر وأقرأ كل ليله
وأتابع اللي نشر في جوّ الأحوال = وأتخّيل الغيث يجري من مسيله
وأزرع بساتين واسقيها بهمّال = وأجلس على فيّته تحت الظليله
وأقعد مع هاجسي وأعطيه موال = وأسمّعه من قصيدي كل شيله
ويرد لي هاجسي في التوّ والحال = والطير من حولنا تسمع هديله
هذي الخيالات نكتبها بالأمثال = والهجس يسري بنا والشعر خيله
لكنها في الحقيقة حق ينقال = ما من شعورٍ يثور إبلا وسيله
والحب عُملة مهي دينار وريال = الحب عملةْ غلاها من غليله
لك الغلا يالغلا يا مشغل البال = أنت الغلا ، هاك وأصرف لي مثيله
أسقيتني حبك القاتل من دْلال = وانا تقهويت من بنّه وهيل
^^^

[خيال مطير]

تسليه لـ السجينَيْن..

https://encrypted-tbn0.gstatic.com/images?q=tbn:and9gcriizwvwhn948kiskhyuflstknw8jc1c uw27g&usqp=cau

مراسيل الغلا تتحمّلوني؟
لـِ أنّي كل يوم ارسل رساله

يحول البعد من دونه ودوني
واطيع الشوق واسأل كيف حاله

واغني له على عذب اللحوني
على الجوال لامن جاه شاله

تجوع لْشوفه وُتظماا عيوني
وابيع العُمْر في لحظة وصاله

تقرّبني وتبعدني ظنوني
وتشرد بي على سكة رحاله

واسولف له على مهلي وهوني
معه مدري مَعَ حضرة خياله!





صح لسانك شاعرتنا

[خيال مطير]

صح لســــــــــــــــــانك يالخالدي

صح لسانك ابو عامر

[الجووهره]

‏يالله بصبحٍ فيــه تحقيق الامال
‏مدّت كـريم و دعـوةٍ مستجابه

‏واصلاح للنيّات و اصلاح للحال
‏وخــيرٍ على الاوطان ينفك بابه

صبآح الخير

صبحهم وربحهم جميعااا
وهلا بكم

شاعرتنا نجد
صح لسانك يامبدعه
وتسلمين الله يسعدك

شآعرنا الدنيش
هلا بك وتسلم ماتقصر مجرد دعابه ههه
جعله بيت عامر بوجودك طال عمرك

خيالناا المخلوع ههههه
هلا بك ويعطيك العافيه
ودام حضورك وابدآعك

شآعرنا الهواوي
صح لسانك ودام حضورك وابدآعك

[خيال مطير]

جهير اسمك يلخبطني
وحسنك ضيع الأفكار
جهير روعه خلتني

جهير أقول اسمي وانا محتار
جهير كيف القلوب تفرح دون الأمنيات

وقت الفرح يبهر لو شوفك يكون
هذي جهير العمر وكل الذكريات
جهير أنت الأمل باقي يارمش العيون

.................................................


على ريتا....... خفق قلبي....................خفق قلبي على ريتا
يامحلاها.........ومازينها ................ من السكر......فتافيتا

وكل بنت...... وكل حرمه...................بعد ريتا...مثل ...شيتا
نسيت يوم شفتك الجازي ..................نسيت جهير... وصيتا

ووضحا نسيتها...وصبحا..................مع باقي...... الكتاكيتا
عطيني (....)... يا....ريتا...............ترى (..تك) فيري سويتا

[الجووهره]

هههههههههههههه
ما اسرع غيرت رايك
مطيري مالك خاتمه
أمزح أمزح هههههه
والنعم فيك يا الاقشر
الله يسعدك

[خيال مطير]

https://www.youtube.com/watch?v=r0ogsVOCGbc&ab_channel

[خيال مطير]

هههههههههههههه
ما اسرع غيرت رايك
مطيري مالك خاتمه
أمزح أمزح هههههه
والنعم فيك يا الاقشر
الله يسعدك

الله يســــــــــــــــــــــــــــعدكِ . يالاميرهــ

[الجووهره]

هلا بك خيآل
ويسلم ذووقك
ويسعدك يآرب
الله يحفظك

[خيال مطير]

صباح الضحكة الحلوه صباح المبسم الفتان

صباح اسمك مع حروفه من أولها ليا آخرها

صباح الشعر الأشقر والعيون السود والفستان

وصباح أيامك الحلوات ماضيها وحاضرها

صباحك عيد يا حبي صباحن يروي العطشان

وانا من دون شوفة طلتك دنياي خابرها

تفارقني سعادتها وأرافق خوة الأحزان

وأقدامي عن دروب السعادة الحظ عاثرها

تجرعت الألم قبلك ومن بعدك سكنت أوطان

أرسي في مواني دنيتك واركب بواخرها

أسافر مع خيالك وين ما أوجه بلا عنوان

لأ نك دنية تزهى وتزهاني مناظرها

ولا عين رأت مثلك ولا يخطر بقلب إنسان

تنوه بدنيتك أنفس وينجو من يسايرها

وأنا ما أقدر أنا ما اقدر أنا ما اقدر على الحرمان

دخيل عيونك الحلوات ابسكن في محاجرها

فوالله فوالله وأقسم لك على القرآن

برب البيت والكعبة وطايفها وزايرها

بأني لست خداعاً ولا كاذب ولا خوان

وأني صفحة بيضاء باطنها كظاهرها

وأني شاعراً صادق بإحساسي معك للآن

ولو فتشتي الدنيا من أفقرها لتاجرها

فلن تجدي سوى قلبي نزف دمه من الشريان

ولن أجد فتاة قط تعجبني مظاهرها

فأنتي من سكن قلبي نزف دمه من الشريان

فكوني أيها الحسناء لمن قد جن شاعرها

أحبك حب لم يمسه من قبلي بشر أو جان

فأنتي كل نبضاتي وطيفك لن يغادرها

فلا قيس ولا عنتر ولا عمرو ولا أي كان

يعيش بهالزمن يقدر لنبضاتي يشاطرها

فكوني لي فكوني لي فقلبي يطلب الامان

وعيني لم تعد تقوى دموعاً لن تغادرها

وإن لم تقبلي طلبي! إليك هذه الأكفان

فإني الفظ أنفاسي وروحي الموت حاصرها

فلاني سالم بعدك ولا نوراً بعدك يبان

ولن تجدي معك نفعاً حروفك أو خواطرها

ومن حقي عليك أن تشتري مسكاً مع الريحان

وأن تحفر يداك القبر وأن تدمي أظافرها

وصية عاشق ثار الهوى في قلبه بركان

فجر كل أعماقه ليكتب في دفاترها

[ناصر الهواوي]

بهذا المسا يسعد مساي ومساكم
وعند الصباح يصبح الكل بالخير
اهلا بشاعرتنا وصح الله لسانك الى مالا نهايه
ابو عامر روعه هالقصيده بالحيل احس ان لها جذور في تربة الجوف ههههه
خيال هلابك ولاهنت ودمت وسلمت
حيالله الجوهره وصح ذقك
على كل حال سعدت ليلة البارحه من العصر بزيارة لاخونا ابو عامر حيث الاريحيه بطعمها الجنوبي
والكرم المنقطع النظير وهما من صفات غامد واعتقد انها تعم اهل تلك المناطق
وانا الآن يقولون في البيت زوار استميحكم العذر وساعود ان شاء الله

[كديميس السيحاني]

ابو عبيد
الخالدي
ابو عامر
شاعرة نجد
صحت السنكم ودام ابداعكم و طاب تواجدكم

خيال
الجووهره
تسلم ذائقتكم الراقية ودام تواجدكم

لكم مني اجمل التحايا

[كديميس السيحاني]

تسلية
من الجديد ههههه


الا ياقمري الوادي بعد هيضتني بغناك
تغني من طرب والا من الاحزان وش نوحك ؟

بعد وقت العصر للوادي المهجور وش وداك
تحسب انك لحالك في خلا محدٍ سمع بوحك ؟

و انا اللي حدسي يدلك ليا غادرت عن مرياك
يباري لك وشَبح الحدس عندي يعرف شبوحك

معك هاجوس فكري كيف تنسى خوّته ما امداك
وبغيت انك ترفّق به مثل ما ترفق بروحك

جروحه ما لقى منهو يضمدهن وشح دواك
لمن جرحه نزف ، وليا انجرحت يضمّد جروحك

عطاك امان ما يرميك والا للقصى يحداك
و ليا هاجرت غنا لك لحون و يحفظ صروحك

[عبدالله الدّنّيش]

بهذا المسا يسعد مساي ومساكم
وعند الصباح يصبح الكل بالخير
اهلا بشاعرتنا وصح الله لسانك الى مالا نهايه
ابو عامر روعه هالقصيده بالحيل احس ان لها جذور في تربة الجوف ههههه
خيال هلابك ولاهنت ودمت وسلمت
حيالله الجوهره وصح ذقك
على كل حال سعدت ليلة البارحه من العصر بزيارة لاخونا ابو عامر حيث الاريحيه بطعمها الجنوبي
والكرم المنقطع النظير وهما من صفات غامد واعتقد انها تعم اهل تلك المناطق
وانا الآن يقولون في البيت زوار استميحكم العذر وساعود ان شاء الله

^^^
السلام عليكم جميعا وصبحكم الله بالخير
وصحت السنتكم وطابت أبدانكم
&
شرفتنا بزيارتك أو عبيد أنت وأصحابك وماعليكم زود .. وكم كنت أتمنى لو سمح
وقتك ونفذنا برنامجنا السياحي المعد لكم ولكن في المرات القادمة إن شاء الله
والحمد لله على عودتك للأهل بالسلامة . وتحياتي لك وللجميع .

[ناصر الهواوي]

اهلا يابو عامر والله يلحقنا واياكم خير ويديم الالفه والود والسلامه للجميع
ارحب يابو منصور وصح الله لسانك حتى ترضى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
حركته ضحي السبت مقفي عن الجدي
بدافع غلا للغامدي متجه لسهيل

لكسز ياماشا الله كامل البد والبدي
يلوي طارته من يقطع الفدفد الطويل

تعدا عفيف وظلم والله له يهدي
بعد ديرة سهوم المنايا له السبيل

وحول على معشوقه العصر محتدي
ونزل حادرٍ بيده مثل ما حدرها السيل

ورقا مع جبال اطاولة باحه يعدي
وحماه الولي مع هالمطفات لا يميل

وحول على المخواه يقدى النحى قدي
ووصلها وحيا للعصر بالندا ما قيل

ووصل صاحبٍ والشاهد الله ماهو ردي
من زهران في كل المواجيب وافي كيل

وقررت بكره اجعل الشيخ مقصدي
ابو خشيم حرٍ ماكره شامخٍ طويل

غلاب بن غالب وان نخي جالك يعدي
شيخٍ من شيوخ وماقفه دايما جميل

وسيرنا لبو عامر معه كان موعدي
ولقينا حصان بمنزل العز له صهيل

وكيل الكرم راع التراحيب غامدي
شعار المحل (يامرحبا هيل عِد السيل)

ونعمٍ بابو عمار في شوفه سعدي
وببو انس وان جيت ابا امدح اخاف اطيل

وصلو على من في وصياه نهتدي
عدد ما اختلط ليل بنهار ونهار بليل

[عبدالله الدّنّيش]

اهلا يابو عامر والله يلحقنا واياكم خير ويديم الالفه والود والسلامه للجميع
ارحب يابو منصور وصح الله لسانك حتى ترضى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
حركته ضحي السبت مقفي عن الجدي
بدافع غلا للغامدي متجه لسهيل

لكسز ياماشا الله كامل البد والبدي
يلوي طارته من يقطع الفدفد الطويل

تعدا عفيف وظلم والله له يهدي
بعد ديرة سهوم المنايا له السبيل

وحول على معشوقه العصر محتدي
ونزل حادرٍ بيده مثل ما حدرها السيل

ورقا مع جبال اطاولة باحه يعدي
وحماه الولي مع هالمطفات لا يميل

وحول هلى المخواه يقدى النحى قدي
ووصلها وحيا للعصر بالندا ما قيل

ووصل صاحبٍ والشاهد الله ماهو ردي
من زهران في كل المواجيب وافي كيل

وقررت بكره اجعل الشيخ مقصدي
ابو خشيم حرٍ ماكره شامخٍ طويل

غلاب بن غالب وان نخي جالك يعدي
شيخٍ من شيوخ وماقفه دايما جميل

وسيرنا لبو عامر معه كان موعدي
ولقينا حصان بمنزل العز له صهيل

وكيل الكرم راع التراحيب غامدي
شعار المحل (يامرحبا هيل عِد السيل)

ونعمٍ بابو عمار في شوفه سعدي
وببو انس وان جيت ابا امدح اخاف اطيل

وصلو على من في وصياه نهتدي
عدد ما اختلط ليل بنهار ونهار بليل



^^^^^^^^^^^^
يا صح لسانك يالزعيم ابو عبيد وشكرا على هذه الشامخة بشموخك
وتشرفنا بزيارتك المؤجلة من سنين ومصير الحي يتلاقى والحمد لله
كما شرفتنا بحضور قريبك سعادة المحافظ أبو ماجد وأصحابك العزاز
وكم كنت أتمنى لو طالت الزيارة لعدة أيام ، لزيارة جبل شدأ ووادي
الأحسبة والأماكن الأخرى سواء على البحر أو في تهامة أو السراة
والإستمتاع بهذه الأجواء الدافئة . وسنتتظرك مستقبلا بمشيئة الله .

تقبل تحيات حبايبي ابو عمار وأبو أنس وإلى لقاء آخر ،،،

وسلامي وتحياتي للجميع ،،

[خيال مطير]

https://www.youtube.com/watch?v=6BI7izupdxM&t=48s

[ناصر الهواوي]

جراد الجفا وان طب واد الغلا رعاه
يغبر جنابه بالتصحر بعد ريفه

وزرع نما واينع ثمر بالحشا يمحاه
من دله واذن له يدخل حماه ياحيفه

بدال الونس والابتسامه تحل الآااه
لو الآاااه ماهي عادةٍ له ولاكيفه

على الصبر ما يقدر ولا قادرٍ ينساه
على البال واعي وان غفا يزعجه طيفه

[رحيل]

السلام عليكم و ياسلام عليكم
وش هالابداع الله الله عليكم

صحت السنتكم جميعا (:

[ناصر الهواوي]

اهلا يارحيل وعليكم السلام ورحمة الله
JJJJJJJJJJJJJJJJJJJJJJJJJJJJJJJJJJJJj
بوتين وهجومه على اوكرانيا اليوم
مثل الهموم اللي صبح هاجمني
بدت طاليعهن وانا غرق بالنوم
ودكن معاقل غفوتي وازعجني
منها ارتبكت اقوم واطيح واقوم
بمفاجأة هجماتهن روعني
تردني للي مضى جعلها القوم
تشيلني له غصب وتموج عني

[الجووهره]

لكم سلام من صادق القلب مطروح
‏ياللي غلاكم بداخل القلب ما راح

‏ناسٍ تجي وتروح ما هزت الروح
‏وناسٍ غلاها ثابت وسط الارواح

يسعد مسآكم

وهلا بكم
منوووورين جميعااا

شاعرنا الهوآوي ، شآعرنا الدنيش
صحت الالسن ودآم حضوركم وابداعكم
ودآمت جمعاتكم والله يديم المحبه بينكم

شاعرنا كديميس
هلا بك وصح لسآنك
ودآم حضورك وابدآعك

خيآل
هلا بك ويسلم ذووقك

رحولتنا الجميله
وين الغيبآت منووره بالطله الحلوه
بس وين التسالي الجميله ياجميله

[الجووهره]

تسليه

حزين حزن الغروب بعين طير الجليد
ما اخترت حزني ولا اختآر القصب عآزفه

وحيد بين المحآبر والورق والقصيد
غريب.. لو كل وجه ٍ مرني عآرفه

لا تنشديني .. على خبرك ولا من جديد
ماغير جرد القرآيح .. بالشعر نآزفه

قريب وأقرب من عذوق النخل للجريد
بعيد عنك .. لو الخطوآت متوآلفه

بعدك متآهة دروب وشوفتك يوم عيد
وأعمآرنا .. للغروب نجومها مشآرفه

نآديت والركب ..مذهبها متآهآت بيد
ياحآدي الشعر قيض الصيف من يآلفه

ريّع ضوآمي طروقك يم جآل الوريد
أو ورّد .. العيس جفنٍ دمعته طآرفه


للشآعر المبدع
محمد عبدالله الخيآري

[خيال مطير]

ياعبيد يا ويلي من الغبن ويلاه

في قصر أبا الجرفان ما حولي انسان

أسكن قديم بناه والشرب من ماه

وهو هماج يكرهه ذيب رغوان

والزرع ظمي وكمل الجم مرواه

وأقوم تالي الليل والفجر ما بان

أركض وأدور درب رزقي ولا ألقاه

زان الطريق لمشي غيري وأنا شان

وا عزتي لمن مثلي كثار شكاياه

أشكي الهموم ولي ثلاثين ديان

وأساحر الديان وأحرص على رضاه

وهو علي يشين القول فتان

أصبحت مملوكه وكسبي تلقاه

ماله بزود هو ومالي بنقصان

يالين جلده لكن القلب ما اقساه

لو تطبخة في حامي الفوح ما لان

إلا القليل اللي عسى الرب يجزاه

عني على فعل الجمالة بالاحسان

وأنا عساي إن ساعد الحظ ما أنساه

وأنا بعون الله مافي نسيان

[خيال مطير]

https://www.alriyadh.com/media/article/2012/07/11/img/971498960089.jpg

يالله يا رب الضعوف المساكين

اللي لك المخلوق يحسن صلاته

تستر على غوشن صغارن مكفين

أكبرهم العارف دليله عصاته

لا يا عيالي كلبوكم حبيبين

عندي وعند الناس كلن وذاته

عندي غلاكم يدفن الزين والشين

وعند العرب كلن تشاف اخملاته

يا عبيد أنا خابرك ورعٍ لهالحين

داوي بغبات الجهل وظلماته

لاشك علمي لك محبه وتفطين

تسمع الوالد وثبت وصاته

وصاة مخلوقٍ يعرف القوانين

ما فاة عمره بالجهل والهياته

يا عبيد انا أوصيك مني بثنتين

ثنتين هن سؤ البشر وحسناته

أوصيك لاتبحث سدود المغيبين

ولاتجهر اللي غارقٍ بغفلاته

ترى النميمه تمحق الرزق والدين

والمنزل العالي تهدم اطبقاته

لاتحسبن أهل الظليمه بخيتين

كلٍ يوافق ما عمل في وفاته

وانذرك عن حق الضعيف المسيكين

اللي على حقه يهل اعبراته

ترى الضعيف الليا غدى الليل ليلين

يدعي وعند الله توافق ادعاته

الظلم فان الظلم يفنى السلاطين

ياويل راعي الظلم من مقبلاته

وانذرك عن ربعة رخو من هياسين

اللي سوالفهم بوده وهاته

ويا عبيد الأقشر لوصفا لك نهارين

نهار ثالث جاك يرفع عصاته

والله عندي ربعة الناس الأقصين

ولا صديقٍ يبلشك في حياته

ترى الرجال ابهم فهود وحياوين

جاك الكلام اللي صحيحٍ ثباته

ان كان ما تدري ترى الناس دراين

الرجل مدحه بالمجالس طراته

رجلٍ تعلق به رجالن مسمين

عز الرفيق ولابته والحماته

ورجلٍ تشوفه جسم وعيون ويدين

ولولا الشعر ما تفرقه من خواته

كم واحد بالبيت يضرب بسيفين

وأن جا حزم كلاب قبع عبادته

والحلم عن الغيض ينجي الشياطين

يكفيك شر إبليس هو و دحراته
.................................................. .........................................
شعر - مرشد البذال

[ناصر الهواوي]

صباحكم سعيد ومساكم اسعد
اهلا بالجوهره وذوقها الرفيع
وحيالله خيال وتساليه الجميله
اشوف الصقري له بصمه هنا اعتقد انها من الجوال
ــــــــــــــــــــــــــــــــــــــــــــــــــ ـــــــــــــــــ
تكفى ياخيالي ردني كم شهر ورى
ثلاثة شهورٍ كافيه ما طلبت سنين

لهن داعيٍ بي ليلة البارحه سرى
مبطي ما اعرف من وين والا خذاني وين

شوي وكما قد قيل عينك وما ترى
لو بس الخيال ايصح قلت التخيل زين

بورصه للقلوب يباع فيها ويشترى
لكن بيعهم بالكاش ما اظن فيها دين
ــــــــــــــــــــــــــــــــــــــــــ
شطحة وبس ههههههه

[شاعرة نجد]

السلام عليكم ورحمة الله

واسعد الله مساكم
وصحت ابدانكم
وصحت السنتكم على هـ الروائع والابداع

تقديري للجميع,’’

[شاعرة نجد]

يابعْد مابين النجوم وسماها
عن سطح الارض وماعليها من الناس

حتى ولو وصل الامل منتهاها
يرجع مع الخيبه وهو يطوي الياس

وياحلو سجع الورق لـ اضحَى ضحاها
والا مع مْسيان يسري بـ الاحساس

وياشين سطح العين لاهل ماها
وارهت على الخدين سيلٍ من الراس

والروح جابت يـ الغلا ماوراها
لو يفرح البلاس لو مابَها باس

شعر ومشاعر لاتحرك هواها
جاب المطر واروَى معاليق يبّاس

[ناصر الهواوي]

اقرأ واقول الشاعره وش حداها=تمتر مابين اعلى المجره والاطعاس
وتستنكر جفونٍ هملها جداها=ليا تعكر صفو الايام وانحاس
لــ جاء بدل طيب الليالي رداها=وضاق الفضا من ضيمها واترع الكاس
بالوجد والاشواق طوَّل مداها=وصاب الفكر هم وهواجيس وعماس
والعين عوَّد نومها من عداها=والرد بالونه ليا قيل ماباس
ــــــــــــــــــــــــــــــــــــــــــــــــــ ــــــــــــــــــ
مجرد مجاراة لهالدره صح لسانك شاعرتنا

[عبدالله الدّنّيش]

السلام عليكم وأسعد الله أوقاتكم وكثّر أشعاركم
وصحت السنتكم وذوائقكم
الجوهرة شكرا على جواهر إختياراتك وطابت ذائقتك
خيال .. رائع بكل حالاتك يالقرم
ابو عبيد صح لسانك ودام مدادك
الشاعرة نجد .. صح لسانك دوم
الجميع يامرحبا وطبتم ،،

[عبدالله الدّنّيش]

يابعْد مابين النجوم وسماها
عن سطح الارض وماعليها من الناس

حتى ولو وصل الامل منتهاها
يرجع مع الخيبه وهو يطوي الياس

وياحلو سجع الورق لـ اضحَى ضحاها
والا مع مْسيان يسري بـ الاحساس

وياشين سطح العين لاهل ماها
وارهت على الخدين سيلٍ من الراس

والروح جابت يـ الغلا ماوراها
لو يفرح البلاس لو مابَها باس

شعر ومشاعر لاتحرك هواها
جاب المطر واروَى معاليق يبّاس

^^^^^
صح لسانك شاعرتنا على الأبيات الرائعة
وجدت بالصدفة صوت وصدى قديم أعتقد من أيام السلاطين

^
تقول شاعرة نجد :-

غردت ماورّدت في تالي الليل = في سجني الهادي كتبت الجدادي
لاصرت يامشكاي مشتاقه بْحيل = ايوالله ان الشوق حطم فوادي
ماحيلَتي الا جديد التماثيل = ليا حداني لـ اعذب الشعر حادي
جريت من وهج المشاعر مواويل = يصوغها فكري بسجن انفرادي
يسري بي الهاجس ودمعي هماليل = لاعدّت ماحققت غاية مرادي
^^
قلت :-

يا ليل شوّقت الهواجيس للشّيل = خذني على شيلتْك والصوت شادي
هات الدلال الصفر والبن والهيل = وأحمس هواجيسي لبنّك قنادي
وصب قافي في صدور الفناجيل = ومدها ل. اللي بقافيه جادي
خله على المركى يبث التعاليل = يا عل يوصف ما كتب له مدادي
سليت سيف الحرف وأسرجت له خيل = وليا تعثر قلت كبوة جوادي
يا ليل تشعرني بسود المظاليل =والبدر مثل الخد والنور بادي
أسهر وأبات الليل واحط وأشيل = واقوم أهوجس في بطون النوادي
^^-^^

[عبدالله الدّنّيش]

جديدي...... وسلامي للشاعرة ولكم ،،

^-^
يا حضرة الشعر سلّم لي على الشاعره
وأبن القوافي وسيّرها لطاروقها

وأدّ التحية وقِفْ لأبياتها الفاخره
وعلّق أنواط منطوقك لمنطوقها

تسْبُك وتحْبُك بيوتْ بيدّها الماهره
ونذوق طعم الحلا ف الشعر من ذوقها

تجذب لِباب القلوب وكنها ساحره
هي شمس تغرب وتحيي النفس بشروقها

بيانها بان وأصبح للأدب ظاهره
فيما ظهر منه والباقي بصندوقها

هي عاصمة منتدانا تشبه القاهره
والنيل من تحتها يجري ومن فوقها

يا شعر سلّم لها التيجان وأساوره
ورصّع لها إعجابنا وأثنه على طوقها
^^
وسلامتكم

[الجووهره]

يسعد مسآكم
وهلا بك زود شآعرنا الهوآوي
ودآم حضورك وابداااعك

شاعرتنا المبدعه
هلا بك وصح لسآنك على الابيات الرائعه
ودآم حضورك وابدآعك شآعرتنا الجميله

وهلا بك شآعرنا الدنيش
وتسلم ماعليك زود طآل عمرك
وصح لسآنك وتستآهل شآعرتنا هالدره الجميله
والله يسلمك ودآم حضورك وابدآعك

[الجووهره]

تسليه
شيله القريب البعيد
روووووووووعه
وينك ياسجين الروآسي ؟
الله يذكره بالخيير
كان يعجبه ذوقي بالشيلات
الله يحفظه ويسعده والجمييع


https://youtu.be/MPxJpZdEuxg

[الجووهره]

خآطره
من روآئع الشآعر
عآيد بن ضلعآن


‏عظيمه نعمة النسيان
‏انا وشلون لو ما انسى

‏ابنسى طاري الخذلان
‏وادور للفرح مرسى

‏بقايا كان ياما كان
‏توارى عمرها وامسى
‏
‏عليها ضافي الكتمان
‏تموت جروحنا خرسى

[شاعرة نجد]

اقرأ واقول الشاعره وش حداها=تمتر مابين اعلى المجره والاطعاس
وتستنكر جفونٍ هملها جداها=ليا تعكر صفو الايام وانحاس
لــ جاء بدل طيب الليالي رداها=وضاق الفضا من ضيمها واترع الكاس
بالوجد والاشواق طوَّل مداها=وصاب الفكر هم وهواجيس وعماس
والعين عوَّد نومها من عداها=والرد بالونه ليا قيل ماباس
ــــــــــــــــــــــــــــــــــــــــــــــــــ ــــــــــــــــــ
مجرد مجاراة لهالدره صح لسانك شاعرتنا

صح بدنك شاعرنا وصح لساانك
ولاعدمنا مجارياتك الفاخره وتشجيعك وحضورك المميز

شكري وتقديري,’’

[شاعرة نجد]

^^^^^
صح لسانك شاعرتنا على الأبيات الرائعة
وجدت بالصدفة صوت وصدى قديم أعتقد من أيام السلاطين

^
تقول شاعرة نجد :-

غردت ماورّدت في تالي الليل = في سجني الهادي كتبت الجدادي
لاصرت يامشكاي مشتاقه بْحيل = ايوالله ان الشوق حطم فوادي
ماحيلَتي الا جديد التماثيل = ليا حداني لـ اعذب الشعر حادي
جريت من وهج المشاعر مواويل = يصوغها فكري بسجن انفرادي
يسري بي الهاجس ودمعي هماليل = لاعدّت ماحققت غاية مرادي
^^
قلت :-

يا ليل شوّقت الهواجيس للشّيل = خذني على شيلتْك والصوت شادي
هات الدلال الصفر والبن والهيل = وأحمس هواجيسي لبنّك قنادي
وصب قافي في صدور الفناجيل = ومدها ل. اللي بقافيه جادي
خله على المركى يبث التعاليل = يا عل يوصف ما كتب له مدادي
سليت سيف الحرف وأسرجت له خيل = وليا تعثر قلت كبوة جوادي
يا ليل تشعرني بسود المظاليل =والبدر مثل الخد والنور بادي
أسهر وأبات الليل واحط وأشيل = واقوم أهوجس في بطون النوادي
^^-^^

صح لسانك
وشكرا عـ النقل(والى المذكره
هـ المجاراة قديمه ومو بمحفظتي

لاهنت,’’

[شاعرة نجد]

جديدي...... وسلامي للشاعرة ولكم ،،

^-^
يا حضرة الشعر سلّم لي على الشاعره
وأبن القوافي وسيّرها لطاروقها

وأدّ التحية وقِفْ لأبياتها الفاخره
وعلّق أنواط منطوقك لمنطوقها

تسْبُك وتحْبُك بيوتْ بيدّها الماهره
ونذوق طعم الحلا ف الشعر من ذوقها

تجذب لِباب القلوب وكنها ساحره
هي شمس تغرب وتحيي النفس بشروقها

بيانها بان وأصبح للأدب ظاهره
فيما ظهر منه والباقي بصندوقها

هي عاصمة منتدانا تشبه القاهره
والنيل من تحتها يجري ومن فوقها

يا شعر سلّم لها التيجان وأساوره
ورصّع لها إعجابنا وأثنه على طوقها
^^
وسلامتكم

تسلم شاعرنا
قريت هـ الفاخره متأخره واسهرتني:smile:

وياحضرة المبدع الفنان انا شاكره
لْغيمة سموك ليامن لاحت بروقها

وامطر جديدك بعذب حروفك النادره
واحْيَت يباس الصحاري واروت عروقها

صحّ لسانك عَدَاد نْجومه الساهره
واعْداد مـ انشت كثيف السحب وحقوقها

تسلم وانا بـ استلم قيفانك الباهره
اللي تميّز دررها في غلا سوقها

مبدع وانا طالبه لو قلت لي شاطره
الطالبه طالبه واستاذها يْفوقها

أبيات تاجٍ على راسي وانا فاخره
بْشهادة المبدعين ,اقدّر حْقوقها

[ناصر الهواوي]

اهلا بالجميع
الشاعره وابو عامر والجوهره اسعدكم الله دائما وابدا
وصحت السنتكم ونقولكم الرائعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
تفتر عقارب الساعه لصوب الشمال
وبعكسها الذاكره تفتر صوب الجنوب

وما بين عقلي وعاطفتي تجدد جدال
ما بين ما يستحبونه وبين الوجوب

[خيال مطير]

تسليه
شيله القريب البعيد
روووووووووعه
وينك ياسجين الروآسي ؟
الله يذكره بالخيير
كان يعجبه ذوقي بالشيلات
الله يحفظه ويسعده والجمييع


https://youtu.be/MPxJpZdEuxg

https://www.youtube.com/watch?v=MPxJpZdEuxg&ab_channel

رووووووووووووعه ,,

[ناصر الهواوي]

ارحب يالخيال
ــــــــــــــــــــــــــــــــــــــــــــــــــ ــ
ياهجوس الشعر قل لي وش اللي هيظك
وانت لك حول الشهر ياهجوسي بك خمول

لاتقول ان البطا والتجافي ريضك
ولا تهيا يم من ترغب بوصله وصول

كان ضغط الدم داخل شرايينك يضك
وواهسك من يوم فارقت خلك في نزول

فطيعني وفر دموعك واقل إقريضك
قبل لا يحصل بحالك من اشواقك نحول

ما بقي بك حسب ظني يادوب ايقيضك
لاتصدق قول من قال شدات وتزول

وقل لما تحبس جفونك وش اللي فيضك
وانت تدري به لو ان المدامع ما تقول

[كديميس السيحاني]

السلام عليكم و رحمة الله وبركاته
اسعد الله اوقاتكم بكل خير

يا لروعة الابداعات
من
ابو عبيد
شاعرة نجد
ابو عامر

و يالروعة الاختيارات من
خيال والجوهره
دمتوا بخير

[كديميس السيحاني]

يا حمد كل ما ارد فوق عدٌ يطول=
ولو ما اطوّل رشايه ما صفى مشربي

و اتخذت القرار و لو يقال مهبول=
القناوات بقفلها و اعرف ءسببي

حسبي الله على تويتر لعب ف العقول=
كل علمٌ يروّج له على ما يبي

و القناوات تتقن كل كذبٌ بأصول=
ما ورد في كتاب الله و سنّة نبي

مر هذا طلوع ومر هذا نزول =
و الاوادم تهجول من رزين و غبي

وما يشيل الحمول الا جمال الحمول=
وكل شيله تعلق في قرون الظبي

وما يفزفز برأيي كود ظبيٌ جفول =
العبي يا طواريقي بفن العبي

للتواصل مشاهيره كبار الحثول =
و كلٌ بمذهبه و انا على مذهبي

[خيال مطير]

صح لسانك يابو منصور يقول الشاعر
...............................
لا ياحمد لاتبحث الأسباب
والوقت لا تامن عواقيبه
وان كانها تحقيق واستجواب
سجّل ودوّن كل مادلي به
الحب بلوى والهوى غلاب
وويل من طب بغياهيبه
وياوالله اللي ماحسبت حساب
رجلي طريق الحب تمشي به
وانا ادري ان الحب حرب اعصاب
والمسعد اللي سَلْم ما بلي به
ليما بليت بمترفٍ جذاب
ماغير اهوجس به واهذري به
غروٍ لك الله يسلب الألباب
بالسلهمة والملح والطيبه
ماكنه الا والغزال اقراب
من دون لاشكٍ ولا ريبه
عاشق عيونه في عيونه ذاب
ذوب الذهب وان سلهم غدي به
رمشه كتيبه والعيون كتاب
تاصلك لاسلكي مكاتيبه
شلفا ذياب وفي يمين ذياب
ياعنك مايبرى من تصيبه
تصوب العاشق بعكش اهداب
وبنظره توديه وتجي به
أهواه واهوى ليله المنساب
واسري معه واضيع واسري به
واهيم وادخل جوه الخلاب
واطرب واغني له واغني به
واعيش جو انشودة السياب
واغيب واصحي به ولا اصحي به
وان مر طيفه سيّد الأحباب
وانا بنومي قمت اهلي به
افز به وافز له باعجاب
ضيفٍ تهلي به معازيبه
لاوعي لاتمييز لا استيعاب
الزين ماسمع به ولا اوحي به
عاشق عيونه ياحمد منصاب
والموت كانه مات مادري به
يادمعتين ونظرتين عتاب
للجادل اللي صده مصيبه
أتلى العهَد به في أغسطس آب
الفين وخمسه ذاك علمي به
أسهر وقلبي ياحمد من غاب
والهم يقبل به ويقفي به
ابا اتمنى والبخت جلاب
يالله عسى الاقدار تومي به
يلملم شتات الهايب المرتاب
ويبعثره ويعيد ترتيبه
ويمد لي من بعد طول غياب
فنجال واقدع من مذانيبه

[ناصر الهواوي]

اهلا يابو منصور وصح لسانك واعتلى شانك
ارحب يالخيال
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
اليوم ما احلى طلتك يا بو منصور
وما احلى تماثيلك وما اجمل علومك

نعم على مالا تبي ما انت مجبور
ولا اظن احد فيما تقرر يلومك

ومن بعدها ياهاجسي حرر سطور
وانت متريح لا تعدي رجومك

قل وش طرالك من بعد شقة النور
وعكر مزاجك واحرم العين نومك

وقل للخفوق اللي شكى الوجد ماجور
وقل للدماغ الله يهون همومك

نعم صحيح اتلف الايام واتدور
وتقول صحصح لاتلاشا حلومك

[عبدالله الدّنّيش]

السلام عليكم وطابت أمسياتكم وأجوائكم
الآن ... الجو عندنا بروق ورعود وأمطار ودفأ وجو ممتع والحمد لله .
&
الجوهرة صح لسانك وشكرا لدعائك الطيب
الزعيم صح لسانك ودام عطائك
ابو منصور صح لسانك ودام بيانك
خيال شكرا لإختياراتك المعبرة هه
شاعرتنا نجد .. جاد بيانك وصح لسانك
الجميع لكم أجمل التحايا ،،

[عبدالله الدّنّيش]

تسلم شاعرنا
قريت هـ الفاخره متأخره واسهرتني:smile:

وياحضرة المبدع الفنان انا شاكره
لْغيمة سموك ليامن لاحت بروقها

وامطر جديدك بعذب حروفك النادره
واحْيَت يباس الصحاري واروت عروقها

صحّ لسانك عَدَاد نْجومه الساهره
واعْداد مـ انشت كثيف السحب وحقوقها

تسلم وانا بـ استلم قيفانك الباهره
اللي تميّز دررها في غلا سوقها

مبدع وانا طالبه لو قلت لي شاطره
الطالبه طالبه واستاذها يْفوقها

أبيات تاجٍ على راسي وانا فاخره
بْشهادة المبدعين ,اقدّر حْقوقها
^^
يا صح لسانك شاعرتنا وما عليك زود في شاعريتك
مجاراة جميلة من جمال ذوقك
وتستأهلين الإشادة والتاج
دام إبداعك يا مبدعة ،،

[عبدالله الدّنّيش]

السلاااااااام عليكم ......
^-^
سلام وأعُمه على كل مرباع = وأخص نادي ربعنا والربايع
أهل الرواسي والقصايد والإبداع= وأهل التسالي والحكم والروايع
ترحيبةٍ تبقى ويا مرحبا الساع = في مجلسٍ دارت عليه الذوايع
بنٍ مع هيلٍ وشاهي ونعناع = وتمرٍ قصيمي من لذيذ الطلايع
ون غبت وإلا جيت فالقلب ملتاع = إليا تذكّر شبّ فيه الولايع
شعرٍ يوقّد هاجسي بالتولاّع = لا جرّ مواله وهاض السجايع
في كل جرة حرف تهتزّ الأضلاع = والصدر ميدانه وفيه الوقايع
يا كم نصحته بالخفا غير ما طاع = بلاه مستسلم ويأتيه طايع
مدري على ذا الحال كيف العمر ضاع = أتجرّع اللوعات والوقت لايع
في الحل والترحال في كل الأوضاع = ضاعت سنين العمر والبخت ضايع
يا شيخ يا راعي الهوى بالهوى راع = العمر فرصة بين شاري وبايع
وشرواك أنا شاريه ما ني ببياع = الحب سلعة روح ماهي بضايع
^^
وسلامتكم

[الجووهره]

صبآح الخير
والابدآع والجزآله
وهلا بالجميع وصحت الالسن
ودآم حضوركم وابدآعكم
يا مبدعيييييين

[ناصر الهواوي]

يامرحبا مالاح بالغيم لماع=وما دور الهاجس لشعره ذرايع
وما دوجن النيب في ذيك الاصقاع=وما وزعت بين التجار البضايع
ماجور ياقلبٍ من الوجد ملتاع=وقته تمزع بين ضامي وجايع
وده معه يصفي لو ايام ما طاع=ولو ساق فدية نفس ماهو بطايع
وجاء للشعر من ما يعانيه ذعذاع=لتخفيف ضيق الصدر ماله طمايع
كسَّر حساباته على اخماس وارباع=من بعد ما ضاقت عليه الوسايع

[خيال مطير]

https://www.youtube.com/watch?v=xSyb-L3q3Zg&ab_channel
https://up.3almc.com/uploads/3almc.net_2018_2_152002727534865.gif

[خيال مطير]

تذكرت والذكـرى علـى القلـب مثـل النـار
حنينـي عـلـى مــا فــات بالحـيـل متعبـنـي
لي افزع بشيل القـاف والطيـالات اقصـار
ابـــرٌد بـهــا شــــيٍ بـجـوفــي مـذوبـنــي
لك الله لو يدري عذولـي عـن اللـي صـار
هكـالـحـيـن مــــاوالله بـعـمــره يـانـبـنــي
بـدارٍ سقـاهـا الغـيـث يـاحـي ذيــك الــدار
ربيـع الشـبـاب ونـشـوة العـشـق تغلبـنـي
مع اللي ملك قلبـي وسيطـر علـى الافكـار
مـعـه صــك ملكـيـة عـلـى موجـبـه يبـنـي
جميـل المحيـا لونـه ابيـض مــن الجـمـار
هـنـوفٍ بسلهـامـت رمـوشــه مصـوبـنـي
قبالـه قبـل وقـت الظهـيـرة غــدا وافـطـار
وهمـس الكـلام ومنـطـق العـيـن يطربـنـي
له اختـرت مـن بـد الولايـف وهـو مختـار
قنـاعـات تـمـت معجـبـن بــي ومعجـبـنـي
سوالف لعب فيها الدهر واصبحـت تذكـار
وان اشرح لنفسـي بعـض الاشيـا تكذبنـي
لو انه حضر ذاك الزمـن ولـد ابـن عمـار
علـى راس اجــا باللـيـل غـنـى يجاوبـنـي
ولو ابديت في همس القوافي خفا الأسرار
من الوجـد مـا اعانـي وياسـن مصاحبنـي
وبيـنـت تفصـيـل المعـانـي لابــن منـشـار
لــو اكـتـب هــوس بالمنـتـدا مايحاسبـنـي
ولـي مستشـارٍ لــو قــرأ نـشـرة الاخـبـار
علـى بـعـض مــا احــرر لــزومٍ يعاتبـنـي
ولكـن لـو انـه شـاف منظـر بـدون اطــار
بالـلـبـوم ابــــدد فــيــه وجــــدٍ يـعـذبـنـي
يجـي مـن جبـل فـاران ماهـمـه المـشـوار
ان ارجــوك مــرة ثانـيـة ورنــي يـابـنـي
وانا مااقدر ارفض له طلب جالـسٍ بالـدار
لــو انــه يـخـبـر بـــي بنيـخـيـه ينكـبـنـي

[خيال مطير]

ليا ناض براقــه طرت لي طــواري
وان جا برد ذكرت لي مبسـمٍ زيــن

عـليـه اجـاوب نايحـات القمـاري
واعـاوي العـاوي بـروس الضـلاعين

واكبر مصيبـه كـان ماهـو بـداري
انه هواللي بالفراق اسهر العيـن

اسري على فرقـاه مسـرى الضـواري
ولحـدن درى عني وعن حضـي الشيـن

وش لي بسـوق الحـب بايـع وشـاري
خسـارتـي مـن يـوم حبيـت ثلثيـن

هـذا ونـا فـالحـب كاتـب وقـاري
وعمري تجاوز فـوق تسعـه وعشريـن

[ناصر الهواوي]

لله درك يالخيال(اعتقد من السلاطين)......صحيح؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
خيال.. ينبَّح حلق اللي يصيِّح للمقفين
وان كان طاوع هواه بدربهم حفيت رجوله

في هالوضع لو بلغ مهما بلغ ينعد مسكين
لو واحد من الف ما يلحق مداً له بالرجوله

ياللي تنادين باسمه من تبينه لا تنادين
عندك مغربل سمع باسمٍ على اسم وطق جوله

وبس هههههههه

[شاعرة نجد]

مساء الخيرات والمسرات

وصحت السنتكم شعراؤنا المبدعين
الهواوي,ابومنصور,الدنيش
ولاهنتوا على هـ المجاريات الممتعه والدرر العذبه
وصحت ذائقتك خيال على النقل الفااخر
وتسلمين جوهرتنا لاعدمنا حضورك

تقديري للجميع,’’

[شاعرة نجد]

الدعوهـ عامه:smile:

ياحضرة الشعار كيف الشعر دار
فنجال والموال فالحال اجره

واجيب من عذب الجديدات واختار
مابين لولوّه ومابين دره

أرتاح لامن دار فكري بـ الاشعار
وفضفضت لو مافضفض الصدر سره

انْوسّع الخاطر من كْبار وصْغار
بمجلس رواسينا من انس ومسره

وكلٍ على ليلاه من قوم,من دار
والله جمعنا بين بحره وبره

نبي امسيات وشعر وابدااع ماصار
ناخذ على الصفحات فره وكره

من صادق الوجدان من صافِ الانهار
نروي عطاشىَ الشعر حلوه ومره

أيام ونْغادرلـ تسبيح واذكار
بشهر رمضان ونترك الشعر مرره

[كديميس السيحاني]

الدعوهـ عامه:smile:

ياحضرة الشعار كيف الشعر دار
فنجال والموال فالحال اجره

واجيب من عذب الجديدات واختار
مابين لولوّه ومابين دره

أرتاح لامن دار فكري بـ الاشعار
وفضفضت لو مافضفض الصدر سره

انْوسّع الخاطر من كْبار وصْغار
بمجلس رواسينا من انس ومسره

وكلٍ على ليلاه من قوم,من دار
والله جمعنا بين بحره وبره

نبي امسيات وشعر وابدااع ماصار
ناخذ على الصفحات فره وكره

من صادق الوجدان من صافِ الانهار
نروي عطاشىَ الشعر حلوه ومره

أيام ونْغادرلـ تسبيح واذكار
بشهر رمضان ونترك الشعر مرره


لسانك ما ينلجم ويمينك ما تنشل

اول ما دخلت لقيت هالدرّة
وقبل ما اتصفح المشاركات انجبرت اجاريك
استلمي لا هنتي

جيت الرواسي ليلة السبت زوّار
وشد انتباهي قاف اصيلة و حره

ريمٌ دعى الشعار للقاف بيطار
و نجمه تعلا مع نجوم المجره

ما اختارت الا ندّر ابيات و اثمار
فحوى المعاني ثمْر للي تبره

تحفيز مع تذكير و رسوم تذكار
و جاريتها والبدع لله دره

و الشعر ف المضمار نسرج له مْهار
و نجيب نفعه ما التفتنا ل ضره

هاتي وانا بجيب و الكيف يندار
بين الحضور و في رواسي مقره

اما نجاوب ساجع الورق لا طار
والا نجاوب صوت ذيبٌ ب حره

والا ننكس من تنكس مع الطار
ما دام ما ربطوا جيوش اخو مره

[خيال مطير]

ياوردةٍ فاحـــت مع ليلـــة الســـبت
ترجــم غلاها قلبــي اللي لقاها
من مبسمٍ يجلي الندى من على النبت
كنه شعاع الشمــس في مبــتداها
ذاب الندى في ريقــها مــثل ماذبت
وعطرٍ تبعـثر من نسايم شــذاها
إن لمها قلبي نطــق يافهد طــبت
وطابت جروحك والله اللي براها
لاعــاد بي همٍ ولاعــاد بي كبت
دام المها الوردة وحضـني دفاها
فلعيونها ورموشها طحت وانصبت
ولبروق عاتقــها جذبنــي سناها
أرجي مطرها ياعسـا كل ماغـبت
تبرى جروحي كل ماقبل عزاها
ذيك الفتاه اللي لفت ليلة الســـبت
واستثمرت فكري بزاهي حلاها

[خيال مطير]

لسانك ما ينلجم ويمينك ما تنشل

اول ما دخلت لقيت هالدرّة
وقبل ما اتصفح المشاركات انجبرت اجاريك
استلمي لا هنتي

جيت الرواسي ليلة السبت زوّار
وشد انتباهي قاف اصيلة و حره

ريمٌ دعى الشعار للقاف بيطار
و نجمه تعلا مع نجوم المجره

ما اختارت الا ندّر ابيات و اثمار
فحوى المعاني ثمْر للي تبره

تحفيز مع تذكير و رسوم تذكار
و جاريتها والبدع لله دره

و الشعر ف المضمار نسرج له مْهار
و نجيب نفعه ما التفتنا ل ضره

هاتي وانا بجيب و الكيف يندار
بين الحضور و في رواسي مقره

اما نجاوب ساجع الورق لا طار
والا نجاوب صوت ذيبٌ ب حره

والا ننكس من تنكس مع الطار
ما دام ما ربطوا جيوش اخو مره

صح لسانك يالامير

[خيال مطير]

الدعوهـ عامه:smile:

ياحضرة الشعار كيف الشعر دار
فنجال والموال فالحال اجره

واجيب من عذب الجديدات واختار
مابين لولوّه ومابين دره

أرتاح لامن دار فكري بـ الاشعار
وفضفضت لو مافضفض الصدر سره

انْوسّع الخاطر من كْبار وصْغار
بمجلس رواسينا من انس ومسره

وكلٍ على ليلاه من قوم,من دار
والله جمعنا بين بحره وبره

نبي امسيات وشعر وابدااع ماصار
ناخذ على الصفحات فره وكره

من صادق الوجدان من صافِ الانهار
نروي عطاشىَ الشعر حلوه ومره

أيام ونْغادرلـ تسبيح واذكار
بشهر رمضان ونترك الشعر مرره


صحح لسانك يالاميرهـ

[ناصر الهواوي]

انا على سفر للمجمعه وان يسر الله
لي عوده على هالدرر
صح لسانتس شاعرتنا وصح لسانك شاعرنا ولاهنتوا
وسلم نقلك خفيرنا وخيالنا وهلابتس جوهرتنا ودام حضورك وسلم ذوقتس
تحياتي للجميع

[خيال مطير]

مسندي يا مكسبي حفظ العبادة
ودروب الكايدة حدرى وطااتــي

خوتي للذيب ماا تطلب شهااادة
وإنت ياذيب الفيافي صرت ذاتي

أنت يابن عبيد شيخ فيك ساادة
قرم وإبن قروم يااعز الجاتــــي

أنتم أإهــل الشور يانعم الإفادة
مكرمين الضيف حيل مبركــــاتي

وش على العقبان من دبي الجرادة
مايروع الذيب من ترع النباتـــــــي

والبهم عرض الغنم تعتــــــاش زاادة
والعصى في يد رااعيها سواتـــــي

وبعض نبت الأرض ماايدفـي رماادة
هش لو إنة جموع محزمااتــــــــــي

وبعض نبت الأرض يستوجب حصاادة
يحرص الفلاح في حشة بتااتـــــــي

كل فارس اليا تعثـــــــــــربة جوادة
مايخونة ساعدة ظد العداااتـــــــــي

والردي قربلة فرااش وســــــــــاادة
مايشب الضو في لليلة يباتــــــــــي

صبينا عزومي فية جهــــــــــــــادة
صبينا فكاك ترفات البنــــــــــــاتي

صبينا وقت القا يــــــــــــقدح زنادة
............. مطعمين الجائعــــــــــــاتي

طيرنا قرناس لا تخشى زهـــــــــادة
طيرنا وقت الهدد طلعا ثبـــــــــــاتي

[خيال مطير]

انا على سفر للمجمعه وان يسر الله
لي عوده على هالدرر
صح لسانتس شاعرتنا وصح لسانك شاعرنا ولاهنتوا
وسلم نقلك خفيرنا وخيالنا وهلابتس جوهرتنا ودام حضورك وسلم ذوقتس
تحياتي للجميع

ترجع بالســـــــــــــــــــــــــلامه

[ناصر الهواوي]

تسلم يالخيال البارح حضرت زواج واحد من عيالنا على امطيريه من اليبس من سكان المجمعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
صوت وصدا ليقاعهن يقصد العي
ببداعهم يمسي للاشعار بيطار

حتى الحمام اللي على الدوح يلعي
غنا بسجع المنسجم عقب ما طار

لقيفانهم في ملهم الهجس وقعي
في صفحته سوى زباريق وايطار

في روضته بيَّن للازهار طلعي
يوم غشنه بعد المحَل وبل الامطار

كحلت به عيني وشنفت سمعي
وشميت بانفي من شذا الورد معطار

[ناصر الهواوي]

غريبه !!!!!!!!! بس ما ادري وشي ههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــ
اخطيت تقديري لما صار وايصير
من الغبا ما احسبه يصير ماصار

حشا وكلا ما حصل منه تقصير
لاشك من صح وخطا طالن قصار

اخلا بساح القلب كل المقاصير
واضما نواميه المهانيع باصرار

تلعب ابـ بيبان البيوت المعاصير
غبار الجفا سوى على سوره حصار

وبس هههههه

[شاعرة نجد]

لسانك ما ينلجم ويمينك ما تنشل

اول ما دخلت لقيت هالدرّة
وقبل ما اتصفح المشاركات انجبرت اجاريك
استلمي لا هنتي

جيت الرواسي ليلة السبت زوّار
وشد انتباهي قاف اصيلة و حره

ريمٌ دعى الشعار للقاف بيطار
و نجمه تعلا مع نجوم المجره

ما اختارت الا ندّر ابيات و اثمار
فحوى المعاني ثمْر للي تبره

تحفيز مع تذكير و رسوم تذكار
و جاريتها والبدع لله دره

و الشعر ف المضمار نسرج له مْهار
و نجيب نفعه ما التفتنا ل ضره

هاتي وانا بجيب و الكيف يندار
بين الحضور و في رواسي مقره

اما نجاوب ساجع الورق لا طار
والا نجاوب صوت ذيبٌ ب حره

والا ننكس من تنكس مع الطار
ما دام ما ربطوا جيوش اخو مره

تسلم ولاتهون يـ ابومنصور
وصح لسانك
مجاراة كاايفه وناايفه,مبدع شاعرنا وغني عن شهادتي

تقديري,’’

[شاعرة نجد]

صح بدنك خيال,لاعدمنا وجودك ومنقولك

وصح بدنك وصح لسانك يـالهواوي
وتسلم على هـ الدرر والابدااع

تقديري,’’

[شاعرة نجد]

هدير البحر عقب العصر شاقني ياسعود
وأنا والله اني قد لي أيام مشتاقه

فوادي تهبه ويتكسّر هبوب النود
تصبّر,وهو ما عاد له فـ الصبر طاقه

أسامر مساي السرمدي والعيون رْقود
معي دفتري واكتب جديدي على أوراقه

قصيدٍ جديدٍ ما لقى به فوادي فود
ولكن أصوغه لـ اجل ناسه وعشاقه

[شاعرة نجد]

https://encrypted-tbn0.gstatic.com/images?q=tbn:ANd9GcRytDYSDB4C3ePM2Kh1_-u12Qae7xh8XzWGavhgVAfX1fQFSdd_b71oZs3KgSLPBmNtEG4&usqp=CAU

شعاني حمامٍ فوق خضر الجريد ينوح
شعاه الولع مدري شعاني وهو سالم

خضار المزارع مع هواها يرد الروح
وكدّر مزاجي حسبي الله على الظالم

عليه الله أكبر لامسامح ولامبيوح
يبكي عيونٍ دمعها دايمٍ والم

[خيال مطير]

https://2.bp.blogspot.com/-KMxCrSsgPwo/V7m_DELEM3I/AAAAAAAAauM/TfRfpu4FA8A9QjLpOXDnzRkj7jxe9F0TACLcB/s400/003.jpg


جيت البحر واشتقت يوم جيته.
وأسمع هدير الموج كأني مكلمك.

الخآفي اللي في ضميري خفيته.
علمت به موج البحر قبل أعلمك.

[كديميس السيحاني]

صح لسانك يالامير




صح كلك ولا هنت يا خيال

[كديميس السيحاني]

تسلم يالخيال البارح حضرت زواج واحد من عيالنا على امطيريه من اليبس من سكان المجمعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
صوت وصدا ليقاعهن يقصد العي
ببداعهم يمسي للاشعار بيطار

حتى الحمام اللي على الدوح يلعي
غنا بسجع المنسجم عقب ما طار

لقيفانهم في ملهم الهجس وقعي
في صفحته سوى زباريق وايطار

في روضته بيَّن للازهار طلعي
يوم غشنه بعد المحَل وبل الامطار

كحلت به عيني وشنفت سمعي
وشميت بانفي من شذا الورد معطار







لشانك ما ينلجم و يمينك ما تنشل
👍🏻

[كديميس السيحاني]

تسلم ولاتهون يـ ابومنصور
وصح لسانك
مجاراة كاايفه وناايفه,مبدع شاعرنا وغني عن شهادتي

تقديري,’’

الله يسلمك يا نجد
صح كلك ولا هنتي

[كديميس السيحاني]

https://encrypted-tbn0.gstatic.com/images?q=tbn:and9gcrytdysdb4c3epm2kh1_-u12qae7xh8xzwgavhgvafx1fqfsdd_b71ozs3kgslpbmnteg4&usqp=cau

شعاني حمامٍ فوق خضر الجريد ينوح
شعاه الولع مدري شعاني وهو سالم

خضار المزارع مع هواها يرد الروح
وكدّر مزاجي حسبي الله على الظالم

عليه الله أكبر لامسامح ولامبيوح
يبكي عيونٍ دمعها دايمٍ والم

لسانك ما ينلجم و يمينك ما تنشل

[كديميس السيحاني]

قبل لا يربطون ههههه


على الشاطي اللي فيه مرسى وله تذكار
تكسّر به الامواج وتعوّد خلافي

اتابع مسير الموج بمزاحم الافكار
و قبل لا تغيب الشمس نظمت به قافي

تعاندت انا و الطيف سافر بدون خمار
و حلف لي ثلاث احلاف و اعطيته احلافي

و عطاني من الالغاز ما يلفت الانظار
و لا فيه رمعه حلّت اللغز يا كافي

يسابقني الرمعه يمين و يروح يسار
و اشوفه بعيدٌ عني بكل الاعرافي

و اذا قلت تدري قال مدري ! وش اللي صار؟
اظنك كثير حلوم من مرقدٍ دافي !!!

وحل الظلام ، وقلت ليلٌ سدل بستار
و عودت من شط البحر و القدم حافي

[عبدالله الدّنّيش]

السلام عليكم .... مساء أو صباح الخير
صحت الألسن وطابت الأبدان
مرور الكرام على الكرام .. مع التقدير والإحترام .

[عبدالله الدّنّيش]

هدير البحر عقب العصر شاقني ياسعود
وأنا والله اني قد لي أيام مشتاقه

فوادي تهبه ويتكسّر هبوب النود
تصبّر,وهو ما عاد له فـ الصبر طاقه

أسامر مساي السرمدي والعيون رْقود
معي دفتري واكتب جديدي على أوراقه

قصيدٍ جديدٍ ما لقى به فوادي فود
ولكن أصوغه لـ اجل ناسه وعشاقه

^^^^
صح لسانك شاعرتنا ودام تواجدك وجدايدك
الدعوة الأولة ما حضرتها .... وبعزم نفسي ع الثانية ههه
^-^
عشقنا شعور الشعر والقافية يانْجود
والإعجاب شوقنا نجاريه بأشواقه

وشِعرك صياغة بالذهب ما عليه الزود
ليا هلّ وبله م السماء شع براقه

بيوتك على (القانون) متجوّده (بالكود)
وعلى نغمة القانون يهواه طراقه

ومعناه لو نلقط خوافيه بالسّفّود
كمن في عميق البحر تاهت به أعماقه

سنينٍ مضت والوقت يسحق بوزن الطود
ونوّ الأماني شح والبخت ما ساقه

وحوض المنايا في نهاياتها مورود
ويا بخت من متّع فوآده ولا عاقه

وهذا المجارا هب والجود م الماجود
وناسة مشاعر لفّت الشعر في باقه

....
ولكم أحلى باقة ورود

[ناصر الهواوي]

الخيال لاهنت ودمت وسلمت
اهلا بشاعرتنا وصح الله لسنتس على الابداع المنقطع النظير وصح بدنتس ودام تواجدتس
ارحب يابو منصور وصح الله لسانك وبدنك ولاهنت
ارحب يابو عامر وصح لسانك وبدنك ودام حضورك
بصراحه انتم ثلاثه اثنين على بحر تلهمهم امواجه وسواحله
والثالث على قمم السرواة والسحب والضباب يحفز القريحه
وانا بوسط نجد الله يغيثه هالسنه ما جانا امطار وضعف الواهس يدوب ادرجه تدريج ضالع ههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــ
لقطع الفيافي خابرك يالمغربل ذرب
توصلني لو اتحول السباريت من دونه

وانا وانت نبي نغرد اليوم برا السرب
ولوم اللوايم ياسود اللون ياهونه

انا للسفر ولشيلة الصوت فوقك طرب
احاسيسي لفزعتك يالجيب ممنونه

ياطول الطريق اللي له ايروح مابه قرب
فلاشات ساهر فيه ماهي بمامونه

قال اره اللوازم من وقود وطعام وشرب
وانا اقداه لك في حفظ ربك وفي عونه

انا حافظه حفظ الذكيه لجدول ضرب
لو يغمض السايق ليا حرك عيونه

مع خنت سيوري غن قافٍ يزيل الكرب
عن مجنونةٍ بالمزرعه صح لمجنونه

مادام انت لك عن شوفة اللي تبي ما يرب
عن (شهور) وعيونك بلاماه مفتونه

وتقول الجفن مع غفوته داخلٍ في حرب
ابا اوصلك داره والاباليس ملعونه

[ناصر الهواوي]

هجوس الشعر ورطك به حظك المقرود
لو لك حظ ماجالك جمل به ولاناقه

ليا ناحت الورقا الضحى فوق يابس عود
بداخلك فوضى يحدث النوح خلاقه

يجي برق في سحب الطواري وصوت رعود
وتفتح لك سجلٍ فات وتبعثر اوراقه

بعضها يزيد لهود من خاطره ملهود
ويجي بعضها لجروح الايام ترياقه

ولالمراجعة ما فات من وقتنا مردود
على جاش صبٍ فيه الاشواق حراقه
ــــــــــــــــــــــــــــــــــــــــــــــــــ ــــــــــــــــــــ
وبس هههههههههه

[ناصر الهواوي]

شعارنا لو جيتوا بتالي الليل
قولوا وانا للرد لااصبحت جاهز

خطو على الشاشه اجزال التماثيل
اما تفوق العشر والا تناهز

لي تستوي لا رحت يمه مواويل
وهزيت راسي من طرب مثل ماهز

كومار راسه لاذكر زول جيزيل
وكظم على عبره لحلقه تلاهز

[ناصر الهواوي]

على طموم العود ما صار تغيير
ولاداج حوله من هل الدار دايج

ياعونة الله يالعيون المطايير
لاهبت رياح الهموم الهوايج

هجسي يصوغ القاف حسب المعايير
لو ما ظهر للقاف الاقشر نتايج

من اول نسير وننطر مسايير
واليوم لارقاب النضا ماش عايج

[الجووهره]

مسآء الخير
وش هالزين يخزي العين
ابدآع وجزاله ماشاء الله
الله لا يضركم.

وصحت الالسن ودآم الحضور والابدآع

[الجووهره]

ردا على شاعرنا الهواوي
وكلامه عن نجد وقلة الامطار
يقول شآعر الوطن خلف بن هذال

https://youtu.be/U3K0eIUcOHI

[الجووهره]

سبحان الله قبل ما ادخل
كنا نتكلم عن المطر ونقول
ماجانا هالسنه مطر
الله كريم. الله يغيثنا ويجيب المطر
وينفع به البلاد والعباد

[الجووهره]

يقول بن جدلان
الله يرحمه


‏الحب ورده لكن ( الشكـ شوكة )
‏والبعد لامن طال دمع ( المقل قل )

‏واللي (مربى ع الجبن) في سلوكه
‏يموت مايلقى من (البيض) له (خل)

‏(كبده) تطوّى يوم مافلّ بوكه
‏ومن مايبي الفلات عمره (فلا فل)

‏ابدااااع منقطع النظير
الله يرحمه ويسكنه الجنه
وأموآت المسلمين

[ناصر الهواوي]

اهلا يالجوهره والله يمسيك بكل خير ونسأله ان يغيثنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
عسى المطر ما يجي وان جاء ما يسيل /ههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
الله وهو للي يساله مجيبي
وارحم من الام الحنون بولدها
يغيث من نوٍ ثعوله صبيبي
بلاوديه ماء السيل يدفع بردها
كلٍ يقول اصبحت جمه قليبي
وهي من سنين عجاف ما احدٍ وردها

[شاعرة نجد]

^^^^
صح لسانك شاعرتنا ودام تواجدك وجدايدك
الدعوة الأولة ما حضرتها .... وبعزم نفسي ع الثانية ههه
^-^
عشقنا شعور الشعر والقافية يانْجود
والإعجاب شوقنا نجاريه بأشواقه

وشِعرك صياغة بالذهب ما عليه الزود
ليا هلّ وبله م السماء شع براقه

بيوتك على (القانون) متجوّده (بالكود)
وعلى نغمة القانون يهواه طراقه

ومعناه لو نلقط خوافيه بالسّفّود
كمن في عميق البحر تاهت به أعماقه

سنينٍ مضت والوقت يسحق بوزن الطود
ونوّ الأماني شح والبخت ما ساقه

وحوض المنايا في نهاياتها مورود
ويا بخت من متّع فوآده ولا عاقه

وهذا المجارا هب والجود م الماجود
وناسة مشاعر لفّت الشعر في باقه

....
ولكم أحلى باقة ورود

وناسة مشاعر لفّت الشعر في باقه

الله الله
صح لسانك شاعرنا
وتسلم عـ المجاراة الممتعه والابدااع

تقديري,’’

[شاعرة نجد]

هجوس الشعر ورطك به حظك المقرود
لو لك حظ ماجالك جمل به ولاناقه

ليا ناحت الورقا الضحى فوق يابس عود
بداخلك فوضى يحدث النوح خلاقه

يجي برق في سحب الطواري وصوت رعود
وتفتح لك سجلٍ فات وتبعثر اوراقه

بعضها يزيد لهود من خاطره ملهود
ويجي بعضها لجروح الايام ترياقه

ولالمراجعة ما فات من وقتنا مردود
على جاش صبٍ فيه الاشواق حراقه
ــــــــــــــــــــــــــــــــــــــــــــــــــ ــــــــــــــــــــ
وبس هههههههههه

بعضها يزيد لهود من خاطره ملهود
ويجي بعضها لجروح الايام ترياقه

ماقصرت شاعرنا وصح لسانك
لاعدمنا ابداعك
وصح بدنك

ودام الحضور,’’

[شاعرة نجد]

صحت ابدانكم شعراؤنا.ابومنصور,الهواوي,الدنيش
وصحت السنتكم ولاعدمنا الابداع والامتاع

وصحت ذوائقكم وابدانكم,مستشارنا ومراقبتنا
ولاعدمنا التواجد المميز

وسلمتم ودمتم,’’

[الجووهره]

اهلا يالجوهره والله يمسيك بكل خير ونسأله ان يغيثنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
عسى المطر ما يجي وان جاء ما يسيل /ههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
الله وهو للي يساله مجيبي
وارحم من الام الحنون بولدها
يغيث من نوٍ ثعوله صبيبي
بلاوديه ماء السيل يدفع بردها
كلٍ يقول اصبحت جمه قليبي
وهي من سنين عجاف ما احدٍ وردها


آمييييين والله يمسيك بالنور والسرور
وصح لسآنك شآعرنا
ودآم ابدآعك

[شاعرة نجد]

شعارنا لو جيتوا بتالي الليل
قولوا وانا للرد لااصبحت جاهز

خطو على الشاشه اجزال التماثيل
اما تفوق العشر والا تناهز

لي تستوي لا رحت يمه مواويل
وهزيت راسي من طرب مثل ماهز

كومار راسه لاذكر زول جيزيل
وكظم على عبره لحلقه تلاهز

شعارنا لو جيتوا بتالي الليل
قولوا وانا للرد لااصبحت جاهز

عز الله ماتقصر ماشاء الله عليك
وصح لسانك ,’’

[الجووهره]

وهلا بك شآعرتنا المبدعه
ودآم حضورك الجميل وابدآعك

[شاعرة نجد]

الـ هلا والغلا بك جوهرتنا
وتسلمين وتدومين:7:

[شاعرة نجد]

https://upload.3dlat.com/uploads/3dlat.net_17_16_6f99_674d162cfa741.jpg


بالله شمس الغروب,اكتب لروحي رساله
على خيوطك قبل ما تعلنين الغروب

جول الطيور وسكون الجو يذهل جماله
ويْثير عذب القصيد,الله يَغَفْر الذنوب

عادي ولو كانت حْروف الغلا في عُجاله
بين المواليف رمز يْجيب مافي القلوب

لهفة غلانا بسمانا نجمٍ تمَيّز لْحاله
والشوق لو مر عـ القطب الشمالي يذوب

مناي,نسمة هواي,اقصَى جهودي وصاله
لو قصّر الحظ عن بلسم حياتي مـ اتوب

وان طاب حظي وسوّىَ الوقت فيني جماله
والا بصيص الامل شمعه تضيء الدروب!

[ناصر الهواوي]

الله الله
ما اجمل واعذب واروع هالابيات صح الله لسانتس شاعرتنا ولاهنتي ودمتي وسلمي
حيالله الجوهره ودام حضورك المميز وربنا يسعدك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
بالله ياشمس الشروق/ان كان باقي علاله
من الوناسه لهجس اللي بكبده ندوب

قولي تمثل بما عندك ومالك وماله
حتى لو ايصير لغيوم التوجد نصوب

لكل قايل هدف ولكل ساعي مجاله
ولكل من يرتحل من دار وجهه وصوب

ابداع لكن هجس العاصفيه لحاله
رمزية القاف مثرةٍ بخضر القلوب

لاقلت ما ران بعروقه تبدا زواله
جابت لنا ما يخل الدم جوا يروب

من الصبر لو بقيٍ في صدر الاقشر حثاله
به ثارت الثايره وادعته كله ثقوب
ــــــــــــــــــــــــــــــــــــــــــــــــــ ـــــــــــــــــــــــــــــــــ
وبسسسسس ههههههههههههههه

[ناصر الهواوي]

يقولون لو بعض التشكي صدق ما نام
مبكر/ولا في مزحته فرق عن جده

وجاء الرد بين الشك والحق ضرب حسام
اوصله السهر حده ورده الى ضده

تكبد بوقت فات وجد وسهر وآلام
تاثيراتها لليوم والصبح ممتده

لخيل الصبابه بالصدر من قديم إرهام
فرسان الجفا بظهورها باكمل العده

وترا صدمته ماهي جديده/بدت من عام
بعد عاف وده دون تبرير من وده
ــــــــــــــــــــــــــــــــــــــــــــــــــ ــــــــ
وبس

[ناصر الهواوي]

الحفيد الله يعافيه ما ادري وش بلاه
نوب اشوف اسمه بالاعجاب واحيان افقده

ساحلي موطن وقِرش البحر يمكن كلاه
لكن ان شفت اسمه اقول لا عايش/قِده

كان مل علومنا كل ما نكتب فداه
وان تنسك ياعسى يهتني في مرقده

[ناصر الهواوي]

ليه الذاكره تغلب على نعمة النسيان
يديها تتل اللي له سنين واتجيبه

على نهج قول الراويه كان ياما كان
تقربك للي كنت ترغب بتقريبه

تستفزع بالاماره على السو والشيطان
وتصبح تكلم به وتمسي تهذريبه

تقول اومن بجمع الشتيتين مهما كان
ذا قول الحكيم اللي هل العرف تدريبه

لذلك فكم قذله تنسف على الامتان
وكم نكِس عقال وكم نثر صاحبه طيبه

ما بينه وبين اللي بهم تذهب الاحزان
الا ساعةٍ فيها ينمق تراحيبه
ــــــــــــــــــــــــــــــــــــــــــــــــــ ـــ
وس هههههههههههههه

[شاعرة نجد]

ليه الذاكره تغلب على نعمة النسيان
يديها تتل اللي له سنين واتجيبه

ليه الذاكره تغلب على نعمة النسيان
يديها تتل اللي له سنين واتجيبه


الله
الله الله
من اروع ماقريت فـ الشعر
حفظت هـ البيت اغنيه في كل وقت
صح لسانك ثم صح لسانك على هـ الممممتعه

دام الشعر والشاعر,’’

[شاعرة نجد]

موب وقت دخولي المنتدى بس شدتني عذبة الهواوي

للدخول وجبت المشاركه
من قديمي...

زرعت من دم الشرايين واحه
فيها حمام وكلها ورد جوري

حطيتها لي لاتعبت استراحه
لاضيّقوا صدري وغنت طْيوري

لاحيت ياسعود الحمام ونياحه
بقافٍ يمتّعني ويرضي غروري

حتى ولو يطغى الغموض الصراحه
ويرد حرفي لايعبّر شعوري

لقيت فالشعر ومعاليه راحه
لو للطلاسم في معانيه دوري

[كديميس السيحاني]

ليه الذاكره تغلب على نعمة النسيان
يديها تتل اللي له سنين واتجيبه

على نهج قول الراويه كان ياما كان
تقربك للي كنت ترغب بتقريبه

تستفزع بالاماره على السو والشيطان
وتصبح تكلم به وتمسي تهذريبه

تقول اومن بجمع الشتيتين مهما كان
ذا قول الحكيم اللي هل العرف تدريبه

لذلك فكم قذله تنسف على الامتان
وكم نكِس عقال وكم نثر صاحبه طيبه

ما بينه وبين اللي بهم تذهب الاحزان
الا ساعةٍ فيها ينمق تراحيبه
ــــــــــــــــــــــــــــــــــــــــــــــــــ ـــ
وس هههههههههههههه




لسانك ما ينلجم و يمينك ما تنشل

واسمح لي بالمجاراة لا هنت

عليه الله اكبر ساجع الورق ف البستان
علامه يعزف الناي و الصوت به ريبه

سؤالك غريب !! و كل ذكرى لها عنوان
تارشف و هجسك يرسل ءلها مناديبه

تناسى لما ترغب و تسلى مع السلوان
و مواقف تفر الفكر ويعيد ترتيبه

ليا مر باطلالٌ على جيبه مسيّان
او وقت الضحى قامت تخمه هناديبه

و هندب بقافٍ يزوي القلب و الشريان
و ذكّر بفحوى الذاكرة كل اصاحيبه

صريحة و رمزيه ولا اقول لك غلطان
و لكن ثعيت بهاجسٍ عاويٌ ذيبه

[كديميس السيحاني]

من الاوراق المبعثرة

ماتدري إن اوقات بعـدك كليفـه؟=
يا من شلعت القلب من مشّة الزور؟

و جرح الغياب اللي تزايـد نزيفـه=
ما ضمده صبري ولا طـب دكتـور

صبري ورق , وانته غيابك خريفه=
و ساعة غيابك كنها عندي شهـور

و إن كان به غيري صبر عن وليفه=
مانيب أنا صابر ولا انته بمعـذور

[كديميس السيحاني]

من التجوري
،،
،

يافاتنة لا تستحثين لـ /خطاي =
و الدرب اشوفه قدم عيني متاهـه

وقت الغروب يعاند الفكر مرساي =
والبحر ينسف للشواطيء مياهـه

والفكر يسبح في الفضا ينشد الرأي=
لكن مداره ما خزم لإتجاهـه

ما صار جمع المال همي ومبداي =
ولا طالب ٌ في حل مشكل وجاهـه

لي حاجةٍ ما اطولها بفعل يمناي=
و بذلت جهدى طيب ما من بلاهـه
.=.
شرع الهوى اللي ما نصفني بدعواي=
ما اصدر قراره بالعدل والنزاهـه

وبرغم هذا بسمتي في محياي =
حتى صحيبي ما يشد انتباهـه
.=.
و ياالصين سورك لو حداني على اقصاي=
خلي لمثناة الصدر ساق جاهـه

ايسر ضفاف الصدر له يعزف الناي=
و أيمن ضفافه منتجع للنقاهـه

وكني عدوٌ له وكنّه من أعداي=
صدٌ لنقال الحكي والسفاهـه
.=.
و سرّيت ديم الوصل من سُحب منفاي =
يهل قطره ويغشاه برفاهـه

عساه لي في صدره يحط مركاي=
يسمع لآهاتي و أنا اسمع لآهـه

[ناصر الهواوي]

صباح الخيرات والمسرات ع الجميع
اهلا بشاعرتنا وصح الله لسانك وبدنك ولاهان راسك والله يسعدك في الدارين
ارحب يابو منصور وصح الله لسانك وبدنك ولاهنت ودمت وسلمت
اكيد فادتني الكورسات اللي اخذتها معكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
اليوم انا اسمع للعصافير لجه
وورقاً لها باقصى النخل موحيٍ صوت

نوحٍ حزين بمجرا الابهر تزجه
ما اخطاه تقل موجهٍ له بريموت

فتح قفل باب الطواري وهجه
واقف وماجا قال له مرحبا فوت

حاس المزاج وبالفكر صار رجه
واقول غيمة صيف لحظات واتفوت

[ناصر الهواوي]

هلا مرحبا ترحيبة المغرم الولهان
فتح بابه لمن طق والاهو اصحيبه

تراحيب صدق وصادره من حشا ولسان
بليا شعور ابطا لسانه يهليبه

اشجا لي هجوسي منطق الشاعر الفنان
باجمل مفرده سوى المعاني بترتيبه

مجرب وراعي صنف يضرب على المليان
بوجدان شارك صاحب الوجد من طيبه

تخمشت ما وصلت يدي له من القيفان
بي نعاس وعماس وحمو كير وإلهيبه

يصلاني واصالي هجر من ينفخه لازمان
صهر به ضفيرة من عوى بالصدر ذيبه

[شاعرة نجد]

صح بدنك يـ الهواوي
وصح لسانك على هـ الروائع والابداع

وصحت السنتكم الهواوي وابومنصور على المجارات الفاخره
دام الحضور,’’

[شاعرة نجد]

سويت لك فنجال قـَهْوه على الكيف
بنه وهيله من نوادر قصيدي

محبوك ماخالط مقاديره الزيف
يغليه قلبي,واسكبه من وريدي

لـ سج فكري جاب طيفك معه ضيف
خيال والواقع حضوره بعيدي

يشرد بي الهاجوس ياحيف ياحيف
واقوم ودْلالي على حطة ايدي

مـ اقول غير الله يعين المواليف
على الظروف اللي شقاها يزيدي

يَحُّول داار الحول رغم التكاليف
عيت تجي مرره على مانريدي

[كديميس السيحاني]

هلا مرحبا ترحيبة المغرم الولهان
فتح بابه لمن طق والاهو اصحيبه

تراحيب صدق وصادره من حشا ولسان
بليا شعور ابطا لسانه يهليبه

اشجا لي هجوسي منطق الشاعر الفنان
باجمل مفرده سوى المعاني بترتيبه

مجرب وراعي صنف يضرب على المليان
بوجدان شارك صاحب الوجد من طيبه

تخمشت ما وصلت يدي له من القيفان
بي نعاس وعماس وحمو كير وإلهيبه

يصلاني واصالي هجر من ينفخه لازمان
صهر به ضفيرة من عوى بالصدر ذيبه






لا فض فوك و لا انلجم لسانك
لا شلّت يمينك ولا انصبم قلمك
👍🏻

[كديميس السيحاني]

صح بدنك يـ الهواوي
وصح لسانك على هـ الروائع والابداع

وصحت السنتكم الهواوي وابومنصور على المجارات الفاخره
دام الحضور,’’

صح كلك ولا هنتي
دام تواجدك وابداعك

[كديميس السيحاني]

سويت لك فنجال قـَهْوه على الكيف
بنه وهيله من نوادر قصيدي

محبوك ماخالط مقاديره الزيف
يغليه قلبي,واسكبه من وريدي

لـ سج فكري جاب طيفك معه ضيف
خيال والواقع حضوره بعيدي

يشرد بي الهاجوس ياحيف ياحيف
واقوم ودْلالي على حطة ايدي

مـ اقول غير الله يعين المواليف
على الظروف اللي شقاها يزيدي

يَحُّول داار الحول رغم التكاليف
عيت تجي مرره على مانريدي

لسانك ما ينلجم ويمينك ما تنشل
ابداع* ابداع

[كديميس السيحاني]

من الذكريات

يا عارض الصورة بسن الطفولة
وش ذكرك صورتك في ليلة العيد؟

حلمك بعمر الطفل صعبٌ تطوله
والمستحال سنين قفت لها تعيد

اسأل مجرب عن سنينٍ عجوله
ياسرع مامرت على زيد وعبيد

ورد الشباب اللي تزايد ذبوله
حل بمحله شيب راس و تجاعيد

و العمر يمضى و المشاعر خجولة
والشيب ما يخجل من الشَعر ويزيد

[كديميس السيحاني]

من الاوراق المبعثرة

ما كل من صاغ ابجدي حرف يجزل
ولا كل راعي جود مفتوح بابه

يا عود رويان (ن) طويل متعزّل
يا من كفوفه زاهياتن خضابه

إن قلت اشوفك بالقوافي تغزل
قلت إلك شايب و يتذكر شبابه

وشعر الغزل له في المعاليق منزل
و يطري ليا خايلت برق و سحابه

ويطري عليّه كل ماشفت لي زل
من نبت وسمي(ن) ما هوب متشابه

وعصر الشباب اقفى وطرد الهوى زل
وقته , وانا للقيض ما اطرد سرابه

وليا رقيت لعالي الرجم ما انزل =
ما ارضاه لو شفت إن غيري رضى به

[عبدالله الدّنّيش]

ياسلااام عليكم وطاب فجركم وصباحكم وكل أوقاتكم

صحت السنتكم جميع وطابت أبدانكم

وكل له شكرا بإسمه ،،

[عبدالله الدّنّيش]

سويت لك فنجال قـَهْوه على الكيف
بنه وهيله من نوادر قصيدي

محبوك ماخالط مقاديره الزيف
يغليه قلبي,واسكبه من وريدي

لـ سج فكري جاب طيفك معه ضيف
خيال والواقع حضوره بعيدي

يشرد بي الهاجوس ياحيف ياحيف
واقوم ودْلالي على حطة ايدي

مـ اقول غير الله يعين المواليف
على الظروف اللي شقاها يزيدي

يَحُّول داار الحول رغم التكاليف
عيت تجي مرره على مانريدي

^^
صح لسانك شاعرتنا وقهوتك مشروبة وسلمت ودمت

شربت فنجال وسهرني ههه وجاب لي هوجسة

^^
رشفت لي فنجال من دلة السيف
وشدّت هجوسي للطرب والنشيدي

من يد مدتها كما مدت الشيف
وسمّت وتمت كل علمٍ فريدي

وعشت وقتٍ مرني كنه الطيف
شفت السحايب مبرقه والرعيدي

وحامت بي الذكرى لباريس وجْنيف
والذكريات أشتات وتريد كيدي

وقمت أهوجس وأحبُك الليف بالليف
وأمد حبل آمال عهدٍ جديدي

وعقبال ما نشرب دلاله مع الصيف
في قاعة الفرسان ، علمٍ وكِيدي

^^
وبس على قولة أبو عبيد .. وسلامتكم

[ناصر الهواوي]

لله دركم شاعرتنا وشعارنا المبدعين الممتعين
صح الله لسانتس شاعرتنا وبدنتس ولا جديد الا ما تعودنا عليه
ارحب يابو منصور وصح لسانك وبدنك وقديمك جديد
ارحب يا ابا عامر ابدعت وامتعت ولاهنت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
يقول لو ما فات يرجع بما به=بكل ميزاته وجملة مساويه
واقول لا يشعب خيالك ركابه=ويحيي بقلبك ساكن وتبتلش فيه
ان طعتني ما يزعجك صك بابه=رجمٍ يردك للهوى لا تعديه

[كديميس السيحاني]

لسان ضاد اليعربي ما يترجم
و بين السطور إقراه ويبين خافيه

ليا شح يا عد الروى صافي الجم
الله يجيب من المطر ما يساقيه

و من اللغة عندك ثلاثين معجم
وما تعجزك في مفرداته معانيه

[ناصر الهواوي]

يابو عامر وياشاعرة نجد وكديميس
مساكم سعيد وودي انشد واجيبوني
من فكره غدا ما بين الاثنين والخميس
وجوه تلون بين الاصفر وليموني
تحوس الطواري خاطره لــ ارهجت تحويس
مع اغفايته كابوس وان صحصح اينوني
هل يحمِّل اللي له حدث حظه التعيس
او آثار وجدٍ كان من قبل مدفوني

[كديميس السيحاني]

يابو عامر وياشاعرة نجد وكديميس
مساكم سعيد وودي انشد واجيبوني
من فكره غدا ما بين الاثنين والخميس
وجوه تلون بين الاصفر وليموني
تحوس الطواري خاطره لــ ارهجت تحويس
مع اغفايته كابوس وان صحصح اينوني
هل يحمِّل اللي له حدث حظه التعيس
او آثار وجدٍ كان من قبل مدفوني


صح لسانك و جاد بيانك
و اسلم واستلم باهنت
،
،،
،
مساء النور يا ناصر و اقول لك هد الريس
ليا من طرى لك طاري و لجلج النوني

تفكرت في قصة غرامٌ ل ليلى و قيس
و تقمصت لك شخصية وتلعب فنوني

هذا طبع من خاض التجارب مع الفريس
و هذا وجد من عاصر دجيما و لعبوني

وهذا سلم منهو داس الاريا وهو ما ديس
هذا مع هذاه و وصل العد مليوني

[خيال مطير]

صح الســــــــــــــــــــــــنتكمم
جميععَ



الوقت فرقنا يا بـو منصـور
والكـل منـا راح فـي فالـه

فارقت من يشرق جبينه نـور
يمكن ماعاد اطري على بالـه

قال الظروف وقلت له معـذور
ثمٍ مسحت دموعـي بشالـه

ماجور ياراع الوفـا ماجـور
كـلٍ يـداوي جرحـه لحالـه

اقفيت منه وخاطره مكسـور
ياليت من يدري عن احوالـه

والقلب صاح من العنا مقهور
واللي يبـي يابعـد منزالـه

مليت قلـبٍ مايطيـع الشـور
راع الهوى اثر حالتـه حالـه

متى علـى الله الليالـي أدور
وتشوف عيني من تبي وصاله

الشاعر: سالم اللميع

[شاعرة نجد]

يابو عامر وياشاعرة نجد وكديميس
مساكم سعيد وودي انشد واجيبوني
من فكره غدا ما بين الاثنين والخميس
وجوه تلون بين الاصفر وليموني
تحوس الطواري خاطره لــ ارهجت تحويس
مع اغفايته كابوس وان صحصح اينوني
هل يحمِّل اللي له حدث حظه التعيس
او آثار وجدٍ كان من قبل مدفوني

مساك اسعد وماجبت من در من نفيس
وماتشتكي قبلك,من الناس يشكوني

هواوي وناوي تشعل احساس واحاسيس
تثير القوافي والرواسي يغنوني

تَحَمّل لحمْلك واستعذ بالله مْن ابليس
لو انّه مع الشعار والم ومفتوني

لـ حظ الـْ بنَ آدم دوور يالذرب يالونيس
على مايسوي فيه صابر وممنوني

سعيد امتهنّي,عايشٍ عيشة الرئيس
تعيس امتغربل,عاش من دون في دوني

[شاعرة نجد]

صحت السنتكم شعراؤنا المبدعين
وصح لسانك شاعرنا الدنيش عـ المجاراة والابدااع
وصح بدنك خيال

وسلمتم ودمتم,’’

[ناصر الهواوي]

يالله صباح خير لاشر فيه
صحت السنتكم وابدانكم
ابو منصور صح لسانك رائع الله لا يضرك
لله درك شاعرتنا وسلم بيانك وبننانك ودام حضورك
اهلا يالخيال وسلمت ودمت ولاهنت
مبطي ما سولفت مع الخيال ههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
ما ادري اناديك يالخيال والا الخفير
او ياحمر العين لا ضاقت بي الدايره

او ارفع شوي وازهم مستشار المدير
يافكرتي في منادا هالبطل حايره

اليوم انا اللي من الرمضا بجمر استجير
يقال سود الليال بطبعها جايره

كنت اسحب ارتال لذاتي بسلك الحرير
واليوم لاسرت شرق لغرب هي سايره

ودي لو اني نبتشي بعد ما كنت امير
او حارسٍ للغلا في بعض عمايره

الله لقلبٍ كما قلبي بلطفه يجير
لجل ما تظهر لبعض الناس سرايره

[ناصر الهواوي]

احسب الورد يزرع بالحقول وبس
لين طار النقاب وبان ورده لي

ارتبكت وذهلت شوي ما به دس
وفطنت لي وقلت الاوله ذي لي

قالت اعقل ورح ما ودي انطق طس
معدني ماس ياللي معدنه محلي

قلبك اخضر بدرب الريم لاتجلس
لاتعرض لسهم عيونها النجلي

[ناصر الهواوي]

صح الله لساني هههههههههههههههههه
ــــــــــــــــــــــــــــــــــــــــــــــــــ ـــ

شبيت انا للبرده الليله النار
ولاعاد به شيٍ على خبرنا به

ما ادري تغير طقس والا الزمن دار
والا لرواد الفلك فيه جابه

مانيب بس بموجة البرد محتار
كل ما يسرك صار مصدر كآبه

يقتلك مع سابق ترصد والاصرار
ما كن لك عرفٍ بحضرة جنابه

ما كن صدرك من قبل كان له دار
ولا كن صدره لك قبل هج بابه

رمز البراءه يعقل ايصير مكار!!
ويخدشك في ظفر ويعضك بنابه؟

وقتٍ ينفذ لعبة القط والفار
ولا عاد يوثق به ولا من غرابه

[خيال مطير]

صحـــــــــــــــــ لســـــــــــــانكـ أبوعبيد / هنا نقول

مقطوفه


إن القصيدة التي ذكرها ولم ينسبها لأحد هي قصيدة قديمة للشاعر عسير الغنامي العتيبي حيث كان يتغزل في فتاة تقطن في وادي الشعبة بالقرب من جبل شابه.

وإليكم القصيدة بعد تصويبها:

يا راكب حر سديس زمر به

سديس والا طالع رأس نابه

يرعى القرار ان طال نبت الزهر به

من الوسم لين الصيف طاحت شرابه

لولا اللواحي عن رديفه زمر به

وليا نهره بالعصى جاك ما به

وليا عطى الأرض السواء كن ضربه

ضرب البرد من مستهل السحابه

انسف يمينك (كشب) ترى الجمر به

عط به رقاق ما تضالع ركابه

وعطوه من (عد الموازين) شربه

العيلم اللي على جال لابه

والهضب لا تاطاه ترى الخطر به

تراه مدهال العداء والحرابه

واصاحبي باول شهر ويش قربه

وثاني شهر يابعد دار رعابه

وثالث شهر جاب الطروش الخبر به

يذكر من الشعبة الى اطراف شابه

والخد براق بليل سهر به

تمطر مقاديمه.. وتردم اعقابه

والقرن قرن كحيلة قدم سربه

والا الجنايب يوم حل انصبابه

يالعين لاتبكين من البعد كربه

مدري لو الله عقب الأبعاد جابه

تصبري والصبر ماهو بذربه

صبرك بصبري لو زمانه نحابه

شوقي نحا بالشام والشوق غربه

من دونه اللي ينقلون الربابه

ياطير ياخفاق ريش شهر به

انشدك ماعينت جالي عذابه

عهدي بهم والصيف كل ظهر به

واليوم طلع الغيث مقفي اجبابه

وكشب: جبال تقع جنوب مهد الذهب


هذا وقد عارض القصيدة عدد من الشعراء منهم الشاعر هذال بن نفيع المطيري حيث قال:

ياراكب اللي كن اذانيه حربه

حر يسوقون المهر في ضرابه

اشقر رباع موحش عقب طربه

وليا حدوا به على العسر ما يهابه

الحق عسير المزحمي واخذ دربه

غليم للقوم يتعب اركابه

ارقب شعر وشعير اذن النشر به

وراقب على وادي هدان وحضابه

تلفون بيته بين ما حجر به

يجون سدّه مرتخين الحجابة

يوم الردي بيته في شعب دغربه

بيته على درب الطراقي بدابه

وكم ليلة كبش المربي عثربه

يوم الردي دايم كثير حسابه

ان كان قلبه زاد ود حشر به

خله يدور بالطرف والقرابه

ويكب حي منتحى عنه سربه

ود نحاه البعد مافيه ثابه

وراه مخلد ود جزعاء نكربه

ذاق النكر من ودها يوم صابه

يرمي بروحه كل حال بصر به

ما حصل اللي يمتنى في شبابه

الود عذب من بغاه وغدر به

عزي لتباع الهوى واشتقابه

ومندوبه اللي راح حل القشربه

الله رمى به جوف غصن النشابه

اقشر نصيبه والجمل فيه ضربه

وليا حداه على العسر جاك مابه

طاحت عصاه وماء صميله نثر به

ولا له عصى الا بندقه والعصابه

ان جاء يخبطه بالعصا فهربه

وليا فحم باعسر مكان التوابه

ياما تسند به وياما انحدر به

وياما تسهل به وياما اعتلابه

ورده يمين ويم سفوى دشر به

ووازن مع الشعبة مفيض القصابه

ثم اطرق الكرب من عند زربه

متخطر خشم الكهف والخرابه

عقب ضلاعين الخشاش وفهر به

وليلة ثلاث ليال عقب عتابه

وبعد وصل يم المضيق انكسر به

واقبل على رجليه ينقل زهابه

وعلم حضير بالمعاني بدربه

وقالوا هاذاه اقشر نصيب رمابه

[خيال مطير]

https://1.bp.blogspot.com/-KRPUG7kQv9g/X9trKEo04fI/AAAAAAAApW4/h1EHtCNZrBIHvG9AmwQ-JdjXwRYN8xkEACLcBGAsYHQ/s320/%25D8%25B5%25D9%2588%25D8%25B1-%25D9%2586%25D9%2587%25D8%25B1-%25D8%25A7%25D9%2584%25D9%2586%25D9%258A%25D9%2584-4.jpg


الزبـده ان اللـيـل ذا مــا بــه اصــوات
كنـي لحالـي والعـرب مـن ورى النيـل

النـاس مـدري وينـهـم كنـهـم امــوات
كنهـم تمـالـوا فــي وكـنـي مــع سـيـل

سيل الهجوس اللي الـى جاتني جـات
كتها علـى عقلـي مـن الماضـي تهيـل

تظهـر مـن الشـاعـر تنـهـات وابـيـات
والـلـي مـهـو شـاعـر يظـهـر منـاديـل

تعـيـد لـــي ذكـــرى غـــرام الـبـدايـات
وتـحـلـل ايـــام مـضــت فـيــه تـحـلـيـل

[ناصر الهواوي]

السلام عليكم
والله يمسيكم بالخير
ارحب يالخيال ولاهنت وصح ذوقك وسلمت ودمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
ياذيب ياللي من طوى جرهد العوا=وباقصى وسط لعواه جاوب ذيب
ردوا على صبٍ على الصبر ما قوى=ليا طرا طاريه له قنيب
قِلِّبْ على جمر الجوى لينه استوى=ويقال له مع البطا تطيب
عن الهوى نشدت من جرَّب الهوى=ولهم اشتكيت وجاء100طبيب
من جاز له يقول ذا عدِك الروى=وساحة لقاء حبيب مع حبيب
وهذا يصيح بقولته مالكم لوى=وعزاي لك في جرحك العطيب
ويقول ذا لابارك الله بالنوى=وجفنه من ازرق ماه له صبيب
يرضى الهوى مبسوط ما جرب الجوى=ومن جرب الفرقا ورضاه عجيب
يقولون لجروح الهو ما لقي دواء=خطير العواقب دون شك وريب

[خيال مطير]

صح لســــــــــــــانك يابو عبيد


https://www.youtube.com/watch?v=VEj_eKlfYl0

[خيال مطير]

إلا يالعيون اللي غشاها لذيذ النوم
روفن بالعيون اللي من الشوق مانامت



https://pbs.twimg.com/profile_images/502351252710105089/vIDj9Ne6_400x400.jpeg

[خيال مطير]

سجين السجن سجانه علامه ما يشب النار
ترا الليله براد وزينة النيران مشبوبه

تلحف فروته واصبح يقلب جمرة المجمار
وجابوا له حطب ماشب واثره لحقه رطوبه

وشغل موتره والظاهر إنه شغل الفيكسار
وسج خطاه من داره وميل عند مشذوبه

وحصل عسوجيٍ يحسب إنه ساكنٍ فالدار
تحلى من حلي السوق من راسه لعرقوبه

جديلٍ كنه الليل البهيم يزين لا من طار
ولامس خدةٍ مثل القطن نوبه ورا نوبه

تدلى فوق نهدٍ من قوامه يلفت الأنظار
وهو بيديته خصله يمسمسها على ثوبه

سخيف الوجه مقرون الحواجب عينه المشوار
رموشه يوم ترمش كنها تعبر عن اسلوبه

خطى له خطوتين وصار كنه تشتعل به نار
تبخر في ثواني والسجين يشوف بصعوبه

تلفت ما لقى حوله سوى نفد وطريق القار
وحط الرجل مسرع متجه للسجن ودروبه

وعقب السالفه هذيك ما يبغى ولا مشوار
ليا من قيل له هيا يقول التوبه التوبه

[خيال مطير]

https://www.youtube.com/watch?v=IIaO_A5dwkk

[ناصر الهواوي]

بقيت انا وانت يالخيال بالساحه=اثر الزمن يكتب التاريخ وايعيده
الربع بايام (ويكندهم) خذوا راحه=وعلى كماي وكماك الراحه ابعيده
تقديم فقط
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
بصوتك ياذات الطوق لا ترهقين الجار
ترا مانبش جرحٍ بقلبه سوى نوحك

بيحتي حفيله للملا واعلن الاسرار
عليه ارفقي ياجعل روحه فدا روحك

ليا اوحاك ولع بالمعاليق واهج نار
ينفخها ليا هون وهجها الضحى بوحك

منتوج النخل لك حِل ومهونع الاثمار
عليه اسجعي والنوح خليه في دوحك

تقولين له وش صار ويقول لك وش صار
تبرين منه او ما تبرين مجروحك

احسبني دلهت وردني للحنين آثار
بويتٍ عنه بعد البطا طافحٍ شوحك

لك اشوف باقي مع بقاياه وانا مار
ارخص دمعتي في غمزة العين وايضوحك

على لسان كبدي تشبه لريشة المنشار
انا احس وانتي ما تحسين وش (نوحك)؟!!

[ناصر الهواوي]

كفي على صدري بعد ونةٍ لي
ذليت قلبي ينفجر حين ونيت

تاثيرها للحاضرين امتجلي
غيبت يوم ان النفس ضاع وابطيت

مَن قال مات وبعضهم قال هلي
بغى يموت ونبلش بدفنة المِيت

واقول انا ياسكرة الشوق ولي
ما ذي بونه ذي قذيفة ديناميت

العام اهلي به وهو بي يهلي
واليوم هو مخطي وانا مثله اخطيت

معاويه له شعرةٍ ما تتلي
وهو شدها وانا من الجهل تليت

وا خل قلبي يوم فارقت خلي
لو بالصبر قدام طيشه تحليت

ما كان راح وعنه انا رحت حلي
وما كان عن روحي وقلبي تخليت
ــــــــــــــــــــــــــــــــــــــــــــــــــ ــــــــــ
وبس/

[خيال مطير]

بقيت انا وانت يالخيال بالساحه=اثر الزمن يكتب التاريخ وايعيده
الربع بايام (ويكندهم) خذوا راحه=وعلى كماي وكماك الراحه ابعيده
تقديم فقط
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
بصوتك ياذات الطوق لا ترهقين الجار
ترا مانبش جرحٍ بقلبه سوى نوحك

بيحتي حفيله للملا واعلن الاسرار
عليه ارفقي ياجعل روحه فدا روحك

ليا اوحاك ولع بالمعاليق واهج نار
ينفخها ليا هون وهجها الضحى بوحك

منتوج النخل لك حِل ومهونع الاثمار
عليه اسجعي والنوح خليه في دوحك

تقولين له وش صار ويقول لك وش صار
تبرين منه او ما تبرين مجروحك

احسبني دلهت وردني للحنين آثار
بويتٍ عنه بعد البطا طافحٍ شوحك

لك اشوف باقي مع بقاياه وانا مار
ارخص دمعتي في غمزة العين وايضوحك

على لسان كبدي تشبه لريشة المنشار
انا احس وانتي ما تحسين وش (نوحك)؟!!



صح لســــــــــــــــــــــــــــانك ابو عبيد

تذكرت مثل يقول : قالوووووو صفو صفين

قلنا حنا اثنين

[خيال مطير]

صح لسان شاعرنا الكبير الحارثي شاعر معروف في الساحه وصح ذوقك جهير
من أجمل
ماقرأت له هذهِ القصيده


ـيا روحـي اللـي عـن الهفـوات مانعهـا
لـو كـان مـن صوبهـا يحدانـي الـحـادي
هـي ودهـا تمشـي بــدربٍ مــا ياسعـهـا
وأنـــا مـــاودي بـــدربٍ فــيــه نــقــادي
أجـاهـد النـفـس لـيــن تـصــد وأقنـعـهـا
عــن زاد مـاهــو بـقــدر لـــي ولازادي
مـطـاعـة الله فــــي دربــــي تـطـوعـهـا
اليا هـدى الله روحـي صحصـح فـؤادي
روحي على اللي خلق روحي مودعهـا
عسـى وأنـا أبـو فهـد يهديـنـي الـهـادي
يازيـن صــوت الـمـؤذن يــوم ينشعـهـا
الــلــي يـكــبــر بــآيـــات الله ويــنـــادي
الله أكـبــر عـلــى الأفـــاق ماأوسـعـهـاا
لخـيـر والـشـر فيـهـا صـــار مـتــلادي
المـؤمـن الـلـي يفـكـر فـــي مـوادعـهـا
عنـده يقـيـن إن بـعـد الــزرع حـصـادي
والـجـاهـل الـلــي يبـاريـهـا ويـذرعـهـا
يرصـد لهـا فـي خلايـا مـخـه أرصــادي
مـاهـمـه إلا مـــن الأمـــوال يجـمـعـهـا
ويعـانـق الطـايـرات وجـوهــا الـهــادي
من طاوع النفس قامت به على أربعها
وأومـت بـه ومـاي ليـن يحـدر الــوادي
إليـا انحـدر حولـت بــه فــي مصانعـهـا
مـصـانـع الـــذل والخـبـيـة والأنـكــادي
أمسى مع البوم وأصبـح فـي مواقعهـا
تحول الصـقـر بــوم وصـــار يـنـقـادي
ياصقـر عـود بـروح الصـقـر وأرفعـهـا
الـعــار والـــذل مـالــك فـيــه مـقـعـادي
الــروس ماعـابـت الإ مـــن تصـدعـهـا
خيـب رجاهـا السمـوم وسـم الأكـبـادي
الـلـي مــن الـغـرب وزعـهـا موزعـهـا
وعربـيـا تشتريـهـا كـــاش وأقـصــادي
القـبـح فــي وجـهـه شاريـهـا وبايـعـهـا
قـطـاعـة الــديــن لا قــــوة واعــتــادي
الله وأنــــا مـصـلــح الـعـيــاد يقـطـعـهـا
قـطـع الـرشـا فــي قلـيـب جـــاه ورادي
النـفـس تبـغـا لـهــا رجـــل يصـارعـهـا
رجـــال مـاهــو قـلـيـل ديـــن وربـــادي
تـــرى الريـاجـيـل مـعـروفـه طبـايـعـهـا
صــدق ونـزاهـة وديــن وزاد وزنــادي
غض النظـر واقصـر الخطـوة وسنعهـا
احـفـر بـهـا حـفـرة المـيـت والإلـحـادي
ادخــل بـهـا مـنــزل الـمـيـت وسمـعـهـا
صـيـاح الأحـفـاد والـزوجــة والأولادي
اخــذ الجـنـازة عـلـى متـنـك وشرعـهـاب
القطـن والشـاش والكافـور والـكـادي
اربــــط كـفـنـهـا وجــودهــا وشـيـعـهــا
على النعـش ليـن تاصـل بيتهـا العـادي
الـيـا طـويـت الـلـحـد منـدونـهـا دعـهــا
اسحب عليهـا تـراب القبـر مـن غـادي
رح للعـنـايـة وعـايــن فـــي ودايـعـهــا
جسـم بـلا روح وأرواح بــلا أجـسـادي
تـعـيـن الأجــهــزة واســمــع لعـالـعـهـا
لاتـنـشـد أحــــدٍ ولا يـنـشــدك نــشــادي
حـتـاك تــروي خــدودك مــن مدامعـهـا
تشوف ماشاف غيرك يابـن الأجـوادي
ورح للمساجين وانشدها وش أودعها
فـــي مـنــزلٍ ماتـهـنـت فـيــه مـرقــادي
الـسـجـن ضيقـبـهـا والـقـيـد مـوجـعـهـا
سـد الحراسـات مـن ضـبـاط وأفــرادي
رح للفـقـراء وعـايـن فــي مضاجعـهـا
وأعلم ترى الخافيات أدهى من البـادي
العسـر خلـى الرجـال تعـض أصابعـهـا
يامـا كسـر مـن مقـام وكـسـر أوتــادي
مايـطـعـم الــمــرة إلا مــــن تـجـرعـهـا
انـشـد مـجـرب يجـيـك بعـلـم الأوكــادي
الطيبـة فــي المـكـان الطـيـب ازرعـهـا
انفـق مـن الـمـال لاتطغـيـك الاعــدادي
ابـعـد عــن الـشـر والفتـنـة ومولـعـهـا
النـار تمسـي شــرار وتصـبـح رمــادي
ارفق على النفس واحذر من تراجعهـا
خـلـك مجـاهـد جـهـادٍ صــدق ومـفـادي
علـى الهـوى واصـل الرحلـة وتابعـهـا
ارجــع كـمـا كـنــت ماعـنـهـا تـلــدلادي
أصـــل الـمـحـلات الأربـــع لاتقاطـعـهـا
حـتـى لــو صـدفـةٍ مــن غـيـر ميـعـادي
ميـصـالـك إلــهــا يــذكــرك بمنـافـعـهـا
فـزعــة وجـزعــة وتـذكـيـر وتـعـبــادي
تـرى الوداعـة بتـرجـع عـنـد مودعـهـا
والصفـحـة تـبـيـن المـمـتـاز والـعــادي
لابـــد مـــن يـــوم ينـزعـهـا منـازعـهـا
تــــدور الــلــي يـذكـرهــا الـتـشـهــادي
مهمـا تـطـول العـمـار اللـحـد مرجعـهـا
رعيـان الأدبـاش وإلا ملـوك وأسيـادي

[خيال مطير]

روائع الهواوي لاتعد ولاتحصى ماشاء الله تبارك الله
لكن اعجبتني هـ الابيات وجاريتها لانها جمعت المبدعين
صحت السنتهم....
>>>>>>>>>>>>>>>>>>>>>>>>>>>>>>>>>>>.


الهواوي

بعد رقت فكيت المساجين يالخيال
علمهم ليا امسوا كلٍ ايروح لهيله

وانا ابا افدي لاثنين وادخل على ماقال
احسب مدتي بالحبس عندك كذا ليله

ان بر الحفيد الليله وصب لي فنجال
والا كيفنا يعجبك في بنه وهيله

اريد التسالي من حمد عذبة الامثال
ونجلاء من اليوتيوب تزعج لنا شيله

من الجوهره كم بيت ابا اشيلهن موال
وعلى الناقد الهارب ليا آااب تحليله

قل للعاصمي لا مر حيثه عريب الخال
عشانا هريفي ينشوي بعد تتبيله

كان الغامدي عند الغرايس هنا مازال
بلبلها يغني نبي نسمع مواويله

وملكة الرواسي للتكاليف تدفع مال
تسمع بالحفل مهره من البعد واتجي له

وين الشاعره صيحو لها بالغتر وشيال
عساها تصنتع قافها العذب واتشيله

الدنيش

حدتني هواجيسي على سجعة الموال
وغنيتها باللحن والسجع والشيله

عزفت الوتر بالقاف والصوت له ولوال
تقول إبن عبده شال ردي مراسيله

وأبو بكر يوعظني ب ( يا حامل الأثقال )
ولا خف حملي من عناها ولا ليله

وصبري نفد ويقول لي يا طويل البال
تصبّر على ذا الحال لو قلّت الحيله

آلا ليت يبدي لي وينشد عن الأحوال
وأخبّره مما صار بالحال وأشكي له

نضمنا قوافي الشعر بالعقد والسلسال
عسى يا عسى يبدي علينا ونهدي له

ويا هاجسي حط الموازين والمكيال
وثقل موازينك ووف الغلا كيله

وقل للهواوي شعرنا تسلية وأمثال
نهوجس بها ع اللاب والنت تروي له

روايات نتسلى بها ملح للأشغال
وعده رياضة فكر في صوغ تفعيله

ويا حبني لا هاض هجسي على موال
أغني على ليلاي وأسجع مواويله


أنا
وانا رقت من بعد السفر والليال طْوال
وجيت اسمع الشعر الجزيل وتماثيله

وجيت ارتوي وبْدون صيحه وحذْفة شال
من عذب القصيد اللي شعتني تفاصيله

تعدل مزاج العمس لاجت كذا ع الفال
قوافي تروّق من سهر فالشتاا ليله

نجوم الرواسي مبدعين وصداهم عال
على هام غيمٍ لا رعد ينذكر سيله

تهيضت لين الشمع من جمر شوقي سال
على صفحتي والليل محلا تعاليله

سرابي هجوسي والسماا مدلهم خْيال
خذاني وعناني على هجنه وخيله

وغنيت من روحي وبوحي على يالال
بقافٍ تلاحيه الحمامه وتومي له

نغني من الواقع وننسج من الخيال
قصيدٍ يسلي من يشوقه ويوحي له

أشارك مع الشعار بـ ابيات قد الحال
صدااي وُ على الارسال نقله وتوصيله

[ناصر الهواوي]

لله درك خيالنا
ـــــــــــــــــــــــــــــــــــــــــ
مابين النجوم وبيننا حال نشو خيال
ع تندة عراوي زين دنة هماليله

لعل البشير ايقول وادي قليبك سال
ما كف المطر هتان لين انجلى ليله

وياحبذا لو من هوى البال جا مرسال
بعد ما بهجرانه لنا زود الكيله

برجوى تهون وتنفرج طال صبري طال
ولا عاد به غير القوافي لنا حيله
ـــــــــــــــــــــــــــــــــــــــــــــــوبس هههههههههه
كان الناقد عندي من المغرب لين صلينا العشاء ويسلم عليكم

[شاعرة نجد]

السلام عليكم ورحمة الله
واسعد الله مساكم وطابت اوقاتكم
وصحت السنتكم وذوائقكم

وصح لسانك يـ الهواوي
ولاهنت على هـ الدرر الممتعه
تقديري,’’

[شاعرة نجد]

روائع الهواوي لاتعد ولاتحصى ماشاء الله تبارك الله
لكن اعجبتني هـ الابيات وجاريتها لانها جمعت المبدعين
صحت السنتهم....
>>>>>>>>>>>>>>>>>>>>>>>>>>>>>>>>>>>.


الهواوي

بعد رقت فكيت المساجين يالخيال
علمهم ليا امسوا كلٍ ايروح لهيله

وانا ابا افدي لاثنين وادخل على ماقال
احسب مدتي بالحبس عندك كذا ليله

ان بر الحفيد الليله وصب لي فنجال
والا كيفنا يعجبك في بنه وهيله

اريد التسالي من حمد عذبة الامثال
ونجلاء من اليوتيوب تزعج لنا شيله

من الجوهره كم بيت ابا اشيلهن موال
وعلى الناقد الهارب ليا آااب تحليله

قل للعاصمي لا مر حيثه عريب الخال
عشانا هريفي ينشوي بعد تتبيله

كان الغامدي عند الغرايس هنا مازال
بلبلها يغني نبي نسمع مواويله

وملكة الرواسي للتكاليف تدفع مال
تسمع بالحفل مهره من البعد واتجي له

وين الشاعره صيحو لها بالغتر وشيال
عساها تصنتع قافها العذب واتشيله

الدنيش

حدتني هواجيسي على سجعة الموال
وغنيتها باللحن والسجع والشيله

عزفت الوتر بالقاف والصوت له ولوال
تقول إبن عبده شال ردي مراسيله

وأبو بكر يوعظني ب ( يا حامل الأثقال )
ولا خف حملي من عناها ولا ليله

وصبري نفد ويقول لي يا طويل البال
تصبّر على ذا الحال لو قلّت الحيله

آلا ليت يبدي لي وينشد عن الأحوال
وأخبّره مما صار بالحال وأشكي له

نضمنا قوافي الشعر بالعقد والسلسال
عسى يا عسى يبدي علينا ونهدي له

ويا هاجسي حط الموازين والمكيال
وثقل موازينك ووف الغلا كيله

وقل للهواوي شعرنا تسلية وأمثال
نهوجس بها ع اللاب والنت تروي له

روايات نتسلى بها ملح للأشغال
وعده رياضة فكر في صوغ تفعيله

ويا حبني لا هاض هجسي على موال
أغني على ليلاي وأسجع مواويله


أنا
وانا رقت من بعد السفر والليال طْوال
وجيت اسمع الشعر الجزيل وتماثيله

وجيت ارتوي وبْدون صيحه وحذْفة شال
من عذب القصيد اللي شعتني تفاصيله

تعدل مزاج العمس لاجت كذا ع الفال
قوافي تروّق من سهر فالشتاا ليله

نجوم الرواسي مبدعين وصداهم عال
على هام غيمٍ لا رعد ينذكر سيله

تهيضت لين الشمع من جمر شوقي سال
على صفحتي والليل محلا تعاليله

سرابي هجوسي والسماا مدلهم خْيال
خذاني وعناني على هجنه وخيله

وغنيت من روحي وبوحي على يالال
بقافٍ تلاحيه الحمامه وتومي له

نغني من الواقع وننسج من الخيال
قصيدٍ يسلي من يشوقه ويوحي له

أشارك مع الشعار بـ ابيات قد الحال
صدااي وُ على الارسال نقله وتوصيله

تسلم خيال عـ النقل
قريت المجاراة الاخيره توقعتها لك
من كثر مـ اكتب فـ الرواسي انسى معظم مكاتيبي
المهم استوقفتني المفردات,السكون,الضمه وهكذا هههه
بحثت بقوقل والا مجاراتي للهواوي والدنيش عام 2020 يحق لي انسى

لاعدمنا نقلك الممتع,’’

[شاعرة نجد]

طفح كيل المشاعر واستفزت صادق الوجدان
ونوى طير الغلا من ضيقته يكفخ بجنحانه

وتشاكت ساير أعضاء البدن من لوعة الحرمان
وتباكت للمشاعر من شمال الشوق بردانه

ورعد غيم العيون وهلّ ماه وسيّل الوديان
وفرض صمت الظروف القاسيه حكمه وسلطانه!

[شاعرة نجد]

جيت كلي ليتني ماجيت كلي
ليتني وقفت أطالع من بعيد

وش حصل لي من طريقي وش حصللّي؟
غير حيره بين اريد وما أريد

بين ثقل خْطاي والصبر المملي
وبين نار البعد والقلب العنيد

والخيال اللي تبَعني مثل ظلي
واحتكر فكري بسورٍ من حديد

مرةٍ يشرق سمايه واسفهلي
ومرةٍ يبدأ شقايه من جديد

يانسيم الليل سولف لي وقللي
واحقن المطلوب مع دم الوريد

ياعسى التفكير والحيره تولي
وياعسى بكره ومابعده سعيد

ودي أمسح ماكتبته في سجلي
وآخذ اللي رااح مع ساع البريد

وأطوي أوراقي عقب ماجيت كلي
وأتعلم من خطايه وأستفيد

[خيال مطير]

صح لسانك شاعرتنا

جت مناديب البريد وجيت كلـي
جيت كلي يامذاخيـر الجماعـه
يابني عمي عمى عين المغلـي
يانوادي عبس يازحول الشجاعه
يا((خيارات ))النهار المسفهلـي
والنهار المرتوي عز ورفاعـه
والنهار اللـي هماليلـه تهلـي
والنهار اللي يشيب بها الرضاعه
بالديار اللـي غلاهـا مايقلـي
كل مازاد المـدى زاد اتساعـه
يامعاتبني علـى دقـي وجلـي
البطا ماهـو جفـا والاقطاعـه
والله أنـي بالطويـل المستقلـي
رافع ٍراسي عن دروب الدناعه
مايدنـق للـردي راس امتعلـي
مايدنق للردى عقـب ارتفاعـه
علم اللي مافهمنا وعلـم اللـي
متعب نفسه على قلـة سناعـه
ان بغاها باللي احسن جيت كلي
وان بغاها باللكاعه ..باللكاعه

الشاعر / مساعد الرشيدي


https://www.youtube.com/watch?v=Vw0wRqSFFqw

الله يرحمه

[ناصر الهواوي]

ياصباح الابداع والامتاع والروعه والخير والسعاده للجميع
الله اكبر على هالهجوس اللي يجيبهن كما نقد الفلوس ههههههه
صح الله لسانك شاعرتنا وهلابك ولاهنتي ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
بين السطور افتش ولا ظهر شي
وصرت اتفحص بالرساله حرف حرف

والصبر من هالانتظار امتلاشي
بين الجفا والبعد والبغض والظرف

وتصديق بالواقع وشكه بواشي
واليوم كلش ينوجد له هنا صرف

عن كل مزلق بالطريق امتحاشي
ما احب انا التقتير وانيا عن السرف

ولا اخطي ولو جاني خطا قلت ماشي
للديك عُرف وفارع الخيل له عُرف

جعل السحاب اللي من امس امتناشي
سيله على دارٍ بها ناعس الطرف

اللي حذف جمره توقد بجاشي
واللي جعل مخزون عين الشقا ذرف

وبس ههههههههه

[ناصر الهواوي]

لو نعود لعد واحد الى خمسه قبل
لونكسِّر كل بيضه بسلة جارنا

كان وقته ممتع وبالسواليف يهبل
ما هما وبل البلاده وطفى نارنا

من شرى حكم اعطبه صاحبه بثري دبل
يوم جيب اخصامنا ما لعبه فارنا

توني فطنت لعيوب في شد الحبل
يالعل قلوبنا ما تبيح اسرارنا

كاتب الابيات ذي عبقري والا هبل
والاخير اقرب وفي هاليال ءشعارنا

[كديميس السيحاني]

قهوة العصرية
ههههههه



ما دام الهقاوي ما تماشت مع الاحساس
صلو جمرة الغليون دخان و عسامي

و ليا رِبطوا شيطان شعرٌ لبعض الناس
شياطين شعري دينها دين الاسلامي

اهجرس معاهم ما علينا من الخنٌاس
ولا نجرح صيام المشاعر و الاحلامي

نبوج الديار القفر نفد و سهل و اطعاس
و نرقى جبالٌ فوقها الطير ما حامي

و نكتب بنسخ و رقعة حروفنا نبراس
و تبقى ترفرف ف الفضا مثل الاعلامي

و سلامي على من جفف الحبر ف القرطاس
و قصر دون هقواتي و هو موقعه سامي

ليا زخرف حروف الهجاء شاب شعر الراس
و ليا هجرس الالحان مثل البحر طامي

قصر دارج الخطوة عسى ما يجيه الباس
و على جال طي نساح ما ورد الضامي

[كديميس السيحاني]

الهواوي
خيال
شاعرة نجد
صحت السنكم و سلمت ذوائقكم
ودام تواجدكم وابداعاتكم

[ناصر الهواوي]

هلا مرحبا ياطيب المحتدا والساس
تراحيب من له عن من يزوره اعوامي

بريح الخزامى والحرفرف مع البسباس
ريا روضةٍ عقب المطر نبتها زامي

ماهي عادة شعيل التشره عسى ما باس
يمكن شك له من رميةٍ مالها رامي

لمس للزناد براس الاصبع بدون احساس
وثارت وسوت بالفضا عج واقتامي

اقوله مثل من هو تلمس بفرو الراس
بعد قيل فوقه رمل مكثوح ياسامي

الايقاع شوقني وقرقعت بالمرواس
ان اصبت ما لمته وان اخطيت ما انلامي
ـــــــــــــــــــــــــــــــــــــــــوبس هههههههههههه

[شاعرة نجد]

صحت أبدانكم وصحت السنتكم,الهواوي وابومنصور
وصحت ذائقتك خيال على روعة المنقول

وداام الابدااع والمبدعين,’’

[شاعرة نجد]

حمام مهما اعْشَق غناويك واغليك
كافي علي سجعك مع الصبح كافي

بعد العصر بـ اقرأ ولا ودي اوحيك
مْعَوّذاتي واشتكي كل خافي

على الكريم اللي من الفضل معطيك
روعة هديل وخفّ ريشٍ رهافي

تكفخ ليامنّه طرت لك طواريك
فالجو وش ماكان غايم وصافي

ياكثر ماغنيت من ضيقتي فيك
وهيضتني وجريت من عذب قافي

غالي علي لكن عسى الله يجازيك
تثير حس الروح والوقت جافي

[كديميس السيحاني]

هلا مرحبا ياطيب المحتدا والساس
تراحيب من له عن من يزوره اعوامي

بريح الخزامى والحرفرف مع البسباس
ريا روضةٍ عقب المطر نبتها زامي

ماهي عادة شعيل التشره عسى ما باس
يمكن شك له من رميةٍ مالها رامي

لمس للزناد براس الاصبع بدون احساس
وثارت وسوت بالفضا عج واقتامي

اقوله مثل من هو تلمس بفرو الراس
بعد قيل فوقه رمل مكثوح ياسامي

الايقاع شوقني وقرقعت بالمرواس
ان اصبت ما لمته وان اخطيت ما انلامي
ـــــــــــــــــــــــــــــــــــــــــوبس هههههههههههه












ماهي عادة شعيل التشره عسى ما باس
يمكن شك له من رميةٍ مالها رامي


ههههههههههههه
لسانك ما ينلجم و يمينك ما تنشل

الايقاع شوقني وقرقعت بالمرواس
ان اصبت ما لمته وان اخطيت ما انلامي
ـــــــــــــــــــــــــــــــــــــــــوبس هههههههههههه

ما فيه لايم ولا فيه مليوم
اما الايقاع عساه دوم يشوّق 😀

[كديميس السيحاني]

صحت أبدانكم وصحت السنتكم,الهواوي وابومنصور
وصحت ذائقتك خيال على روعة المنقول

وداام الابدااع والمبدعين,’’

صح كلك ولا هنتي
دمتي ودام ابداعك

[كديميس السيحاني]

حمام مهما اعْشَق غناويك واغليك
كافي علي سجعك مع الصبح كافي

بعد العصر بـ اقرأ ولا ودي اوحيك
مْعَوّذاتي واشتكي كل خافي

على الكريم اللي من الفضل معطيك
روعة هديل وخفّ ريشٍ رهافي

تكفخ ليامنّه طرت لك طواريك
فالجو وش ماكان غايم وصافي

ياكثر ماغنيت من ضيقتي فيك
وهيضتني وجريت من عذب قافي

غالي علي لكن عسى الله يجازيك
تثير حس الروح والوقت جافي


لا فض فوك ولا انلجم لسانك

يا مبدعه ما نيب قايل ب اجاريك
بعارض لقافك ولو كان ضافي

سجع الحمامه ثوّرت للدواكيك
مع قرب مربطهم نشوف اختلافي

الصبح مع سجع الحمامه يسليك
والعصر تقرأ الورد ما به خلافي

لاحي لسجع الورق والا يلاحيك
و اظن ما بينك وبينه غدافي

يرقص لقافك مثل رقص المماليك
في حضرة الباشا ، و عن الغير نافي

و ليا اشتكيتي قلت لك رب يحميك
من كل سو و من سنينٍ عجافي

[كديميس السيحاني]

لله درك خيالنا
ـــــــــــــــــــــــــــــــــــــــــ
مابين النجوم وبيننا حال نشو خيال
ع تندة عراوي زين دنة هماليله

لعل البشير ايقول وادي قليبك سال
ما كف المطر هتان لين انجلى ليله

وياحبذا لو من هوى البال جا مرسال
بعد ما بهجرانه لنا زود الكيله

برجوى تهون وتنفرج طال صبري طال
ولا عاد به غير القوافي لنا حيله
ـــــــــــــــــــــــــــــــــــــــــــــــوبس هههههههههه
كان الناقد عندي من المغرب لين صلينا العشاء ويسلم عليكم

صح لسانك وجاد بيانك
يجيب الله مطر

الله يسلمك وياه من كل شر

[خيال مطير]

صح لسانك ابو منصور وصح لسانك شاعرتنا وصح لسانك ابو عبيد



https://live.staticflickr.com/3315/3428875845_71a3727041.jpg

مدام ان الزمن قاسي ومدات الليالي شحاح


ترا مال للفقير الا يمد ايده لخلاقه


وانا منفضل ربي عشت في وقت العنا مرتاح


والى جار الزمن ماقمت احاتي نوض براقه


لو ان قفل الزمن ماله مع بعض العرب مفتاح


فلا ضني بتلقى واحد طعم العسل ذاقه


ولكن خلقت الدنيا كذا والرابح المنزاح


عن دروب مماشيه صعيبه تخلف الفاقه


ومدام اني على مايرام وخاطري منساح


فموضوع الزمن مافيه داعي نكشف اوراقه


ابدله عن صواديف الزمان اللي حياه رياح


وادله نفسي بشي عليه النفس سباقه


رعاك الله ياللي طال صبري لين سدي باح


وقلبي في يديك 00 بابه ومفتاحه ومغلاقه


اسوج الرجل واقدامي على درب الغلا سراح


وقلبي في غلا حضرة جنابك ماحد ا عاقه


عطيتك من بعض روحي على خبر القلوب صحاح


وبديتك على نفسي بشي يصعب اطلاقه


وفي كسرة عصا 00 تزعل وتحرق شجرة التفاح


وتكويني على الضلع القصير وتنضج احراقه


تعال وعالج جروحي وكل شي راح


تعال وجدد امالك ترى الايام سراقه


سرقت القلب واثرك معتبرها سرقة المزاح


حد ن شافه ضحك وان ماحدن شافه رفع ساقه

.................................................

منقول للشاعر 00 صالح المانعه المري 00

[ناصر الهواوي]

هي مبدعه وانتا بالابداع اهنيك
بهذا مابين اثنين فيه اختلافي

وخيالنا المحبوب ربي يعافيك
حاضر وله فعلٍ جميلٍ يشافي

وهي هكذا فعل الليالي دواليك
نوبه تروع ونوب تاتي عوافي

مره توقع مدها لك على شيك
ونوبٍ على مابك كدرها يضافي

يالشاعره ارسلت لك من يناديك
وخليت مضمون القضيه قوافي

زارتني الورقا تصيِّح وتشكيك
بصوتٍ جهوري ما يلفه لفافي

تقول خذ لي حقي الله يخليك
ما صار لي من شاعرة نجد كافي

من ذيك تاخذني وترميني بذيك
بديوانها حِطِيـت صورة غلافي

بي يضحك العصفور والبط والديك
وطير الشمال اللي من البرد لافي

قلت اصبري لين اتفرغ واوريك
عليها ابا احكم لك بحكمٍ خرافي

واصدرت حكمٍ مقسط وعادلٍ فيك
لحقوق الانسان الحكم ما ينافي

كلبوشة الشاويش تنحط بيديك
لين الهلال يشاف واظن كافي
ــــــــــــــــــــــــــــــــــــــــــــــــــ ــــــــــــــــــــــــ
وبس هههههههههههه

[ناصر الهواوي]

رد للصوت الصدى يا جبل قِدام اصيح
مثل ردك لاعوى الذيب يالمجرم صداه

(ابك)حلقي من كثر ما ارفع بصوتي بحيح
التهب من كثر ما اصيح وافمي جف ماه

السهر مرهق جفوني وخفاقي جريح
والجفا لا رحم ابو هامته حالي براه

وين جارك ياجبل حي والا في ضريح
ودي انه حي لو ضرني موته ما اباه

ياسقى الله ما مضى كان بالمجمل مريح
والزمن من طاوله ما اهقى يسلم غثاه

[ناصر الهواوي]

مروا على التاج لي به قصيده عقب سيرت
عليه وانا عنه لي غيبةٍ ماهي يسيره

قاف الغزل لارحم مافادني شي وتحيرت
لو كان ما ابديت في شعر الغزل ربع السريره

وثلاثة ارباعها قمت اكتمه لين احرق الكرت
واشعل بمجمع شراييني مع اللوعه سعيره

بغيت اوجه نظركم للقصيده واثرني طرت
وطالت بعد دحدر الهاجس وانا ابيها قصيره
ـــــــــــــــــــــــــــــــــــــــــــــ وبس ههههههه

[شاعرة نجد]

لا فض فوك ولا انلجم لسانك

يا مبدعه ما نيب قايل ب اجاريك
بعارض لقافك ولو كان ضافي

سجع الحمامه ثوّرت للدواكيك
مع قرب مربطهم نشوف اختلافي

الصبح مع سجع الحمامه يسليك
والعصر تقرأ الورد ما به خلافي

لاحي لسجع الورق والا يلاحيك
و اظن ما بينك وبينه غدافي

يرقص لقافك مثل رقص المماليك
في حضرة الباشا ، و عن الغير نافي

و ليا اشتكيتي قلت لك رب يحميك
من كل سو و من سنينٍ عجافي

الله الله شاعرنا
صح لسانك ولاهنت على هـ الابدااع والامتاع
تقديري,’’

[شاعرة نجد]

هي مبدعه وانتا بالابداع اهنيك
بهذا مابين اثنين فيه اختلافي

وخيالنا المحبوب ربي يعافيك
حاضر وله فعلٍ جميلٍ يشافي

وهي هكذا فعل الليالي دواليك
نوبه تروع ونوب تاتي عوافي

مره توقع مدها لك على شيك
ونوبٍ على مابك كدرها يضافي

يالشاعره ارسلت لك من يناديك
وخليت مضمون القضيه قوافي

زارتني الورقا تصيِّح وتشكيك
بصوتٍ جهوري ما يلفه لفافي

تقول خذ لي حقي الله يخليك
ما صار لي من شاعرة نجد كافي

من ذيك تاخذني وترميني بذيك
بديوانها حِطِيـت صورة غلافي

بي يضحك العصفور والبط والديك
وطير الشمال اللي من البرد لافي

قلت اصبري لين اتفرغ واوريك
عليها ابا احكم لك بحكمٍ خرافي

واصدرت حكمٍ مقسط وعادلٍ فيك
لحقوق الانسان الحكم ما ينافي

كلبوشة الشاويش تنحط بيديك
لين الهلال يشاف واظن كافي
ــــــــــــــــــــــــــــــــــــــــــــــــــ ــــــــــــــــــــــــ
وبس هههههههههههه



قلت اصبري لين اتفرغ واوريك
عليها ابا احكم لك بحكمٍ خرافي

واصدرت حكمٍ مقسط وعادلٍ فيك
لحقوق الانسان الحكم ما ينافي

كلبوشة الشاويش تنحط بيديك
لين الهلال يشاف واظن كافي
ــــــــــــــــــــــــــــــــــــــــــــــــــ ــــــــــــــــــــــــ
ايوالله كافي وش بعد:smile:
رد كيبوردي عـ الطاير متحمسه هههه...

حيل الله اقوى والامر منك ويليك
لـ صار صادر مانظر لـ اعترافي

وانا السجينه والرجاا في تساليك
وتسالي الشعار شعرٍ يشافي

ياعين هلي من سريبك وصافيك
في سجنك المذكور والنور طافي

ويـ هاجسي حييت والله يقويك
أغدق على الجمهور من عذب قافي

غّن بْحذر ولاتجيبك غناويك
لاتكشف مْن اسرار روحي لْـ حافي

وان مرت الورقا بـ اصك الشبابيك
لو في لحنها حس ممتع ودافي

تسببت في سجني المجرمه ذيك
عقب الصداقه حان وقت التجافي

[شاعرة نجد]

في حضرتك
لاجيت غيمه وبستان
وأن غبت,فوق الأرض كني تحتها

تذكر عشانك وش كتبت وعلشان
رسايلك لامن عيوني قرتها

وتذكر قصيدي ذيك الأيام وش كان؟
و(بيني وبينك)غير ومْناسبتها

وتذكر(على الله)والطلاسم والألحان
و(نزف القلم)كم حاجةٍ عبّرَتها!

وأبيات في ركني على أشكال وألوان
وذيك الطيور اللي تغرد شدَتها

وغنت وغنّى كل عاشق وولهان
ناسٍ تبكيها وناس أطربتها,

[شاعرة نجد]

الله يسامحك يـ ابوعبيد
يوم جت تجهيزات رمضان تسجني!

لـ باس باقي عـ الشهر بس كم يوم
يعين ربي عـ الليال القليله

بزنزانتي مدري متى يْجيني النوم
مالي ولا جالي من الحيل حيله

مظلومه وياما فِيَ السّجْن مظلوم
وانا على بوح القريحه دخيله

تسلي الخاطر من حلوم وعْلوم
وتْجيب من عذب الجديد وٌجزيله

مْن الامس والا اليوم لو يلحق اللوم
روحي على روحي بجيشه وخيله

أسلا واسلي وحاجز الصدر مكتوم
مالي سِوَى بدع القصايد وسيله

[ناصر الهواوي]

ناسٍ تبكيها ,ناس اطربتها
لله درك ياشاعرة نجد كم انتي مبدعه صح لسانتس ولاهان راستس
ودمتي وسلمتي وعاد انصاف الحميمه واجب وشوفي العدل وش انتج لنا من روائع
وابشري بالتسالي ههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــ
غرَّد العصفور لأشعة الشمس وشدا
والهوى هادي وجوٍ يهبّْل يالطيف

يوم حاجبها يشادي جبين(.....)بدا
لي طرت طلة محياه والخصر النحيف

كان غير القاف للشاعره مابه جدا
كل ماللي مضى هزها وجدٍ عنيف

لي معه رجفٍ بمحني ضلوعي له صدا
منه دم الاورده لــ طرا ضغطه مخيف

اظهر بثوب الوناسات لعيون العدا
وخاطري للضيق من لوعة الفرقا حليف

وبس هههههههههه

[خيال مطير]

هنآكَ أشخآصْ لم تعرفهمْ إلآ عن طريقْ الـ | الكيبورد


. ♥ منهمْ منْ أصبحو أأعزاااء على قلبك, . ♥

منهمْ... من يجعلك تعآني بسببِ غيآبهْم , ونتمنى رجوعهم
...
منهمْ منْ تكنُ لهُ مشآعرْ , . ♥ وخوفك من فقدآنهْ يجعلك تكتمهآ ,

منهمْ من تشكو لهمْ بدونِ أيةَ تحفظآتْ ,




http://www11.0zz0.com/2012/05/31/03/514280110.gif

هناك أناس ينحتون في أعماقنا مشاعر رائعة
يخلدون فينا ذكرى لا تمحى

زهفو إلى رؤياهم..
ولنا الفخر بحبهم..

ولنا الشرف بصحبتهم..
فليحفظهم الله
وليدم بيننا الحب فيه

♥

[كديميس السيحاني]

تسلية للسجيـنة
و شاهدة حق


يا نجد حكم السجن عادل و مكتوب
و سجع الحمامه له ضريبه و قيمه

يا ما رفعك لعالي السحب باسلوب
و هتان حرفك ينزل بقطر غيمه

نوبٌ لحون الحزن هتانه ،، ونوب
تطرب له نفوسٌ و لو هي سقيمه

كم عاشقٌ بتأثيرك يصير موهوب
و يكتب من الاشعار قصة قديمه

و ياكم و كم فنجال للكيف مصبوب
قند خوى راس ٌ و هجسه خصيمه

زنزانتك تنخاك والوقت محسوب
قبل رمضان اسقي ثرى السجن ديمه

[خيال مطير]

http://i791.photobucket.com/albums/yy192/Ama_616/7c0d560842.gif

يآموت تـكـفىَ لآ تجيني بِـ غفلآت
ولآ تآخذ آلروح إلآ بـ صلآتـي ..



صح لســـــــــــــــــــــــانك ابو منصور ^^^^

[كديميس السيحاني]

التسالي للسجنه هجرست موالي
يا عسى حرفي ليا هجرست ما يزعجها

الهواوي لا يظن اني دلوه و سالي
و كل كلمه في سجِل الذاكره يِدرجها

اتذكر و اتفكر في خلاي الخالي
و كل ضيقه يا عسى رب الملا يفرجها

ليت كيبورد الجهاز اللي شريته تالي
ينبش الذكرى بجهاز اللاب ويبرمجها

في كهوف الذاكرة كم صفحةٌ تحلا لي
وبين هام السحب مع دمث السهل يدمجها

قصةٌ فيها ومنها مضرب الامثالي
ما كتبها راوي ولا منتج بينتجها

[كديميس السيحاني]

http://i791.photobucket.com/albums/yy192/ama_616/7c0d560842.gif

يآموت تـكـفىَ لآ تجيني بِـ غفلآت
ولآ تآخذ آلروح إلآ بـ صلآتـي ..



صح لســـــــــــــــــــــــانك ابو منصور ^^^^


صح كلك ولا هنت يا خيال
تحياتي لك

[الجووهره]

‏كل ماطل الصبح واقفى الظلام
‏ابتدى عمر الاماني من جديد

‏كل مـاحـولك يبشــر بـالـسـلام
‏انظر بعين الرضاء تصبح سعيد


صبآح الخير والسعآده والرضا
وصحت الالسن والاذوآق جميعاا
ويعطيكم العافيه على الابدآع والامتآع
ودام تواجدكم وابدآعكم

ومنوره السجن شآعرتنا المبدعه
وابشري بالتسآلي

[ناصر الهواوي]

صبح خير وسجع طير وهجرسة قمريه
لبو منصور وخفير السجن والمسجونه

وجوهرتنا من بعد غيباتها السريه
عن كما غيبة رحيل الجوهره مامونه
.................................................. ..........
اهلا بكم
فاقدين رحيل وابو عامر والخالدي والياميه وملكة الرواسي والحفيد لعلهم بخير
صح لسانك يابو منصور وصح ذوقك خيالنا
وحيالله الجوهره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
الهواوي لايظن اني دلوه وسالي***وكل كلمه في سجل الذاكره يدرجها
************************************************** *******************
(فقط مداعبه ومجاراه لبو منصور) وتسلايه ههههههههه
كل وقتي في محيط المزرعه ولحالي
والحمامه تزعج الهاجس ونوب ازعجها

ياكثر مالي طرا بإقفايتي وإقبالي
وذكريات امرها يامسندي واسهجها

نوب ضيقة صدر واحيان انشراح لبالي
وفيه ريح اتهب فكري عاتيه ما اهوجها

ولي طواري دلوها من جال تصفق جالي
وخايفٍ بعض الحصا بالجال لا يبعجها

واهني اللي من الهوجاس قلبه خالي
ما يفرِّق بين ورد الجوري وعرفجها

ماسرى في ليل والا ذاق حر اللالي
والقوافي خيلها من خلقته ما اسرجها

واتمنى لك يابو منصور طيب الفالي
عج نواصي هالركاب ْءعن الاماني عجها

[الجووهره]

ياهلا بك شآعرنا
وصح لسانك ودآم ابدآعك
والله يحييك ويسلمك ويطول بعمرك شآعرنا
والمعذره على الغياب بسبب ظروف مرض اختي
ومشغووله معها مرافقه وزيارات لها في المستشفى
الله يشفيها ويشفي مرضى المسلمين

[الجووهره]

واول التسالي
للسجينه الجميله شاعرتنا المبدعه

‏ان طارت طيور السماء بـ أرزاقها
‏أرزاقنا من عند ربي .. ما تطير )
النفس يكفل رزقها .. ( خلاّقها )
‏و اللي كتبه الله على خلقه يصير

،،،

‏خل في صدرك على الدنيا قبول
‏واعرف إن الشمس تشرق لو تغيب

‏وعود لسانك ليا ضاقت يقول
‏الأماني في رجا الله ما تخيب

،،،

‏الـزلـه اللــي من رفـيـقٍ تـعــزه
‏عنـهـا تغــاضى واعتبرها ميـانه

‏خلك جبـل صلف الهـوى ماتهـزه
‏تصفق وتركد والجبل في مكانه

‏للصمت وقـت وللمشـاريه حــزه
‏واحيان في بعض التغافل ذهانه

[شاعرة نجد]

ناسٍ تبكيها ,ناس اطربتها
لله درك ياشاعرة نجد كم انتي مبدعه صح لسانتس ولاهان راستس
ودمتي وسلمتي وعاد انصاف الحميمه واجب وشوفي العدل وش انتج لنا من روائع
وابشري بالتسالي ههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــ
غرَّد العصفور لأشعة الشمس وشدا
والهوى هادي وجوٍ يهبّْل يالطيف

يوم حاجبها يشادي جبين(.....)بدا
لي طرت طلة محياه والخصر النحيف

كان غير القاف للشاعره مابه جدا
كل ماللي مضى هزها وجدٍ عنيف

لي معه رجفٍ بمحني ضلوعي له صدا
منه دم الاورده لــ طرا ضغطه مخيف

اظهر بثوب الوناسات لعيون العدا
وخاطري للضيق من لوعة الفرقا حليف

وبس هههههههههه




لي معه رجفٍ بمحني ضلوعي له صدا
منه دم الاورده لــ طرا ضغطه مخيف

اظهر بثوب الوناسات لعيون العدا
وخاطري للضيق من لوعة الفرقا حليف

الله الله شاعرنا
ابداااع منقطع النظير مبنى ومعنى
صح لسانك على روعة الحضور والتسالي
تقديري,’’

[شاعرة نجد]

تسلية للسجيـنة
و شاهدة حق


يا نجد حكم السجن عادل و مكتوب
و سجع الحمامه له ضريبه و قيمه

يا ما رفعك لعالي السحب باسلوب
و هتان حرفك ينزل بقطر غيمه

نوبٌ لحون الحزن هتانه ،، ونوب
تطرب له نفوسٌ و لو هي سقيمه

كم عاشقٌ بتأثيرك يصير موهوب
و يكتب من الاشعار قصة قديمه

و ياكم و كم فنجال للكيف مصبوب
قند خوى راس ٌ و هجسه خصيمه

زنزانتك تنخاك والوقت محسوب
قبل رمضان اسقي ثرى السجن ديمه

صح لسانك ابومنصور
وتسلم على هـ التسالي الفايقه الرايقه
واسلم واستلم
البارح كنت فالكويت وتو جيت وفضيت:smile:
^
^
وأنا رضيت الحكم لو قلت مـ اتوب
عساي مـ آخذ بس فيها جريمه

وشعر الجزاله يعجب ويطرب قْلوب
تبحر معاه اهل العقول الفهيمه

أحيان كنّه من خفَى الروح مجذوب
يهز وجداان المشاعر رنيمه

واحيان لعب وكذب والغاز وذنوب
نِضحك ونِبكي والنوايا سليمه

هات التسالي كايف الكيف مشروب
مبدع وماجاا منك غيم وغنيمه

أنطر تساليكم على كل مسحوب
السجن موحش والقرايح كريمه

[شاعرة نجد]

‏كل ماطل الصبح واقفى الظلام
‏ابتدى عمر الاماني من جديد

‏كل مـاحـولك يبشــر بـالـسـلام
‏انظر بعين الرضاء تصبح سعيد


صبآح الخير والسعآده والرضا
وصحت الالسن والاذوآق جميعاا
ويعطيكم العافيه على الابدآع والامتآع
ودام تواجدكم وابدآعكم

ومنوره السجن شآعرتنا المبدعه
وابشري بالتسآلي

مرحبا الف جوهرتنا
والنور نورك نسعد بحضورك
والله يشافي اختك ومرضى المسلمين

وشكرا عـ التسالي الممتعه
وصح بدنك غاليتي.,,

[ناصر الهواوي]

ماغريب الا الشيطان اعاذنا الله منه ههههههههاقصد الحضور اليوم والحزه هههههههه
انا/ الجوهره/ الخيال/ شاعرة نجد
هلا بالجميع
ــــــــــــــــــــــــــــــــــــــــــــــــــ ــــــ
الهلا بك يالجوهر
وأسأل الله العظيم رب العرش العظيم ان يجمع لاختك بين الاجر والعافيه
ويسعدكم بخروجها من المستشفى وهي ترفل بثياب الصحه
ارحبي شاعرتنا وصح بدنك ودام حضورك الجميل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
ياقاف الغزل لاعاد وقتٍ نضمتك فيه=ولاعاد عرف اللي بنضمك محببني
مشهد ثبتته العين بصبيها واخفيه=ومنها انتقل في شاشة القلب واتعبني
مرارة سريبه عكرت لي حلى صافيه=وحتى المراره له الى اليوم تجذبني
آثاره تبدت للملا ما استطيع انفيه=لو قلت الحقيقه ياااكثر من يكذبني

[ناصر الهواوي]

وش نوف النود من بين الهبايب تعجب الشعار
تزعلهم وترضيهم وتلهمهم بهبتها

لذعذاع الصبا من قبل عند اهل المثايل كار
اكيد النود عمه للصبا او ذيك عمتها

ابي شرحٍ مفصل يقنع السذاج والشطار
على قصد العرب في هالهبايب يوم سمتها

وانا فيهن اذا كانن سوى يا اهل الهوى محتار
لكن النود في ذعذاعها تنجز مهمتها

تطفي نار في نسناسها والا تولع نار
تزود بالقلوب الخضر لاهبت مطمتها

تهب بريحةٍ من شمها يجبر على المشوار
تسريه المشاعر لين ياقف وسط حارتها

ويرجع في زرابيل المسمى يحسب الامتار
مشاوير الفلس نفسية المسكين سمتها

[شاعرة نجد]

صح لسانك شاعرنا
لاعدمنا بوحك المميز وابداعك الممتع

تسالي فايقه ورايقه
تقديري,’’

[شاعرة نجد]

وش نوف النود من بين الهبايب تعجب الشعار
تزعلهم وترضيهم وتلهمهم بهبتها

لذعذاع الصبا من قبل عند اهل المثايل كار
اكيد النود عمه للصبا او ذيك عمتها

ابي شرحٍ مفصل يقنع السذاج والشطار
على قصد العرب في هالهبايب يوم سمتها

وانا فيهن اذا كانن سوى يا اهل الهوى محتار
لكن النود في ذعذاعها تنجز مهمتها

تطفي نار في نسناسها والا تولع نار
تزود بالقلوب الخضر لاهبت مطمتها

تهب بريحةٍ من شمها يجبر على المشوار
تسريه المشاعر لين ياقف وسط حارتها

ويرجع في زرابيل المسمى يحسب الامتار
مشاوير الفلس نفسية المسكين سمتها



ابي شرحٍ مفصل يقنع السذاج والشطار
على قصد العرب في هالهبايب يوم سمتها

وانا فيهن اذا كانن سوى يا اهل الهوى محتار
لكن النود في ذعذاعها تنجز مهمتها

تطفي نار في نسناسها والا تولع نار
تزود بالقلوب الخضر لاهبت مطمتها

ابي شرحٍ مفصل يقنع السذاج والشطار
على قصد العرب في هالهبايب يوم سمتها

وانا فيهن اذا كانن سوى يا اهل الهوى محتار
لكن النود في ذعذاعها تنجز مهمتها

تطفي نار في نسناسها والا تولع نار
تزود بالقلوب الخضر لاهبت مطمتها

ماعليك زوود فـ الشرح والطرح
سؤال زلزال وأبيات ممتعه مالها الا الشعراء المبدعين
الدنيش وابومنصور:smile:
:

[شاعرة نجد]

^
^
والله مدري كيف صارت هـ المشاركه:smile:

[شاعرة نجد]

أسلي روحي

سجن المشااعر دااخل الصدر,تعذيب
والا ترى المسجون فـ السجن عادي

ترسل,مناديب الهواجيس,وتْجيب
عبر الهواا وارْسالها من فوادي

شيٍ يرووح وُشي بين المحاديب
مكتووم حسه مايجيب المنادي

نحتاج مع حكم المقادير ترتيب
وقفه,علشان الليال الجدادي

عل وُعسانا نقضي الوقت ويطيب
ونْسايره لو مابلغنا المرادي !

[عبدالله الدّنّيش]

السلام عليكم وطابت فجريتكم ويالله صباااح خير
صحت السنتكم وطابت أبدانكم
ويا هلا بالسجينة وابشري بالعفو الشامل في الشهر الكريم
ومبارك لكم مقدما ....
^^

[عبدالله الدّنّيش]

ابي شرحٍ مفصل يقنع السذاج والشطار
على قصد العرب في هالهبايب يوم سمتها

وانا فيهن اذا كانن سوى يا اهل الهوى محتار
لكن النود في ذعذاعها تنجز مهمتها

تطفي نار في نسناسها والا تولع نار
تزود بالقلوب الخضر لاهبت مطمتها


:

^^^
ما عليكم زووود جميع .. وما المسؤول بأعلم من السائل يالهواوي

ههههه

^
علامِك يا صبا نجد العذية هجت بالأشعار= وغنت لك نجوم الفن وأبدت كل همتها
ألا لا يا صبا نجد ، الصبا في مقبل الأعمار = ومن حرفك ووصفك للصبايا صار لمتها
هبوبك ل سرى في ليل حث الشوق للأسفار = يمتع ساري المشواربالهبة ونسمتها
ولا هبت نسمومك يا صبا يفرح بك البحار = يوجه بالسفينة من صبابك صوب يمتها
وحتى البيرق المشهور يخفق من علو السار = ليا هبّيت رفرف لك وهذي من علامتها
وهبّاتك كريمة لا نويتي تجلب الأمطار = تسوقين السحايب والمطر من جوف غيمتها
وبعض أحيان يا ستار لا هبيت بالإعصار = تقشين السفا والبدو تثوي جوف خيمتها
وأنا غنيت لأجلك يا الصبية وأنشد السمار = متى ريح الصبا تنشي مناشيها وديمتها
وأنا صرت الهواوي و( الهواوي )ينفث الأسحار = يطلسمها وينجُمها ويرقيها ويختمها
^^
وسلامتكم

[عبدالله الدّنّيش]

من الذكرى والذاكرة
^^

يا هجوسن كلما نسنس الرايع تثور= وكلما هدّيت روعي تجيني ثايره
من صبا نجد العذية هواها كالبخور= يوم هبّت ريحها شفت روحي طايره
أنتشى هاجوس فيني وفي رأسي يدور= والعيون إتلامست من تلامس( وايره)
وأنسكب دمع المحابر وسالت في سطور = والتقى مع سيل شوقٍ غدت متسايره
والقوافي ساعِيَتها وتسبح في بحور = ما عيَت بالحِمل لو كان حَملة جايره
ذاك حال الشعر .. والحال ما هو بالجسور= من حمول الصبر ظلت عزومه خايره
كم تحمّل بردها والسوافي والحرور= وكم مشى في خط يشبه محيط الدايره
واه يا ريح الصبا كم سرينا في برور= نرقب النجمة وساق الخطاوي حايره
ما جنينا غير مرّ التعب فوق المرور= والضنى والشوق فينا جروحه غايره
والله يا لولا الأمل كان صرنا في قبور= والأماني طِبّ منهو عروقه فايره
ليت نسناسه يغيّم وينثرها زهور = ومع هبوبه في العصاري تجيني زايره
وليت يقبل دعوتي له ونقضيها شهور = نقلع التعبة ونرحل على أول طايره

^-^ - ^-^

[كديميس السيحاني]

ابو عبيد
ابو عامر
شاعرة نجد
صحت السنكم وجادت قرائحكم ودام ابداعكم و تواجدكم
الجووهره
عودا حميدا
ونسأل الله ان يشفي اختك وجميع مرضى المسلمين

[كديميس السيحاني]

وش نوف النود من بين الهبايب تعجب الشعار
تزعلهم وترضيهم وتلهمهم بهبتها

لذعذاع الصبا من قبل عند اهل المثايل كار
اكيد النود عمه للصبا او ذيك عمتها

ابي شرحٍ مفصل يقنع السذاج والشطار
على قصد العرب في هالهبايب يوم سمتها

وانا فيهن اذا كانن سوى يا اهل الهوى محتار
لكن النود في ذعذاعها تنجز مهمتها

تطفي نار في نسناسها والا تولع نار
تزود بالقلوب الخضر لاهبت مطمتها

تهب بريحةٍ من شمها يجبر على المشوار
تسريه المشاعر لين ياقف وسط حارتها

ويرجع في زرابيل المسمى يحسب الامتار
مشاوير الفلس نفسية المسكين سمتها



ابو عبيد
لافض فوك ولا انلجم لسانك
انت وابو عامر
واسلم واستلم
ليا منه نشد ناصر ،، عن امر النود و الاسرار
بعد ما اسهب بشرح مفصّل و وثق روايتها

و تخلت ( نجد ) عن ذكر الجواب و يشهد الحضار
تقول السالفه ماهيب من شاني برمتها

و بعد جاراه ابو عامر وشب النار للسمار
ابا ادلي دلو ورّاد على الجمّه و جمّتها

ليا هبّت جنوبيه ، تجمّع سحب للامطار
و لواقحها مياه المزن فوق الارض صبتها

تباشر به نفوسٌ ترتجي للنبت ،، والنوار
يشبّه به جمال العيطموس و لون خِدتها

و زماليقه تمايل جسمها اللي يلفت الانظار
و ليا هبت على القذلة تلاعبها و كدتها
،
،
و لن دارت شماليه تفك عْن الصدور زرار
تنفس كبتها ويطفي لهيب الشوق زفرتها

تجيب لما ( ذكرت ) و للولايف كنها العطار
و يكفي عن شروح القافية ،،لو كان جادتها

و انا مانيب مكلوفٌ عن الذكرى ،، و للتذكار
و لكن شاعر و جارا مبيسمها و شِفتْها

[كديميس السيحاني]

تسلية للسجينه
اللي اشك في حبسها هههههه

،

عبرت جو دياركم وانته تشوف
وراك ما مديت يدّك بملواح

مدري تغلا صح والا من الخوف
صديت وانته لابس (ن) شال و وشاح

و من صدّتك صديت و افكاري تْلوف
مرسى هجوسي بين مسرى و مسراح

مسرى سهر و إرهاق و النار في الجوف
احرق لهبها كل شريان نضّاح

و مسراح لاهب قيض ضامي ومشغوف
يطرد سرابك , و إن لحقه الدرك طاح

ما قلت تكسب في المواليف معروف ؟
تنقذ دريك (ن) في الهوى ماله جناح

واقف تفرّج كن ما انته بمكلوف
باللي طواه الشوق , و الشوق ذبّاح !!!

و لك في الضماير برج عالي ومسقوف
ود و غلا مهما تغطرست ما انزاح

[ناصر الهواوي]

اهلا بالجميع وصحت الالسن والنقول ولاهنتوا
شاعرة نجد صح الله لسانك
ابو عامر مبدع بجميع الحالات
ابو منصور ما فيك حيله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
حبس المشاعر دون شكٍ ولا ريب
شي يتنافا مع جميع المبادي

يلغي لما قد يثلج الصدر وايذيب
وتجي معه كل الطواري عوادي

بالياس يفلت من يديك المقاضيب
من الصبر يخلي كل خزنٍ سيادي

بروس الصبايا والصبي نبَّت الشيب
وبين العيون ونومها احدث تعادي

كم حبب المسرى وكم تعب الجيب
واذن العقل ما ترعوي للمنادي

وبس هههههههههههه

[كديميس السيحاني]

على سنا بارقك يالغيم يالساري
بنيت بيت الشعر و النار مشبوبة

واصبح علي الصباح الجفن سماري
و قوافي الشعر ما وفّت بمطلوبه

صفحة غلا من حروف ورسم تذكاري
بصمة لمن يرضي القيفان باسلوبه

يا ملهمتني , ليا منه سفى الذاري
و غطى على ابراج في الاطلال منصوبه

النقش ذكرى على صم الصفا العاري
يثبت صفا شاعر(ن) صافي لمحبوبه

ماارضى لعرش الهوى بايع ولا شاري
بعض المبادي ينافيها و مشجوبه

و بين السطور اعتراف, بحكمة الباري
في لوح الإنسان غيبيات مكتوبه

[ناصر الهواوي]

بامر مني فك قيد الشاعره واطلقها
ياخفير الحبس لو ما كان عندك مانع
وحط ادينك بالكلبشه بعدها واوثقها
واعرف انك قبل شهر الصوم ما انته طالع
ومن بعدها ياهجوسي قافيتك انطقها
في وصوف الغاده الطرقا الهنوف الفارع
اللعوب اللي كروتك شوفها يحرقها
من تولت واملكت قلبك بدون منازع

ـــــــــــــــــــــــــــــ
وبس ياني النوم/اتمنى للجميع سهره ممتعه هههههههههههههههه

[ناصر الهواوي]

صح لسانك يابو منصور توني شفت الاخيرات لكن الصباح رباح
ان شاء الله

[شاعرة نجد]

السلام عليكم وطابت فجريتكم ويالله صباااح خير
صحت السنتكم وطابت أبدانكم
ويا هلا بالسجينة وابشري بالعفو الشامل في الشهر الكريم
ومبارك لكم مقدما ....
^^

عليكم السلام
وصح بدنك وصح لسانك على هـ التسالي والدرر العذبه
والهلابك شاعرنا من طول الغيبات جاب الغنايم
وابشرك العفو جاا الليله مو لين الشهر الكريم
الله يطول بعمر الهواوي يجرح ويداوي,سجني واعتقني ههه

تقديري للجميع,’’

[شاعرة نجد]

ابو عبيد
لافض فوك ولا انلجم لسانك
انت وابو عامر
واسلم واستلم
ليا منه نشد ناصر ،، عن امر النود و الاسرار
بعد ما اسهب بشرح مفصّل و وثق روايتها

و تخلت ( نجد ) عن ذكر الجواب و يشهد الحضار
تقول السالفه ماهيب من شاني برمتها

و بعد جاراه ابو عامر وشب النار للسمار
ابا ادلي دلو ورّاد على الجمّه و جمّتها

ليا هبّت جنوبيه ، تجمّع سحب للامطار
و لواقحها مياه المزن فوق الارض صبتها

تباشر به نفوسٌ ترتجي للنبت ،، والنوار
يشبّه به جمال العيطموس و لون خِدتها

و زماليقه تمايل جسمها اللي يلفت الانظار
و ليا هبت على القذلة تلاعبها و كدتها
،
،
و لن دارت شماليه تفك عْن الصدور زرار
تنفس كبتها ويطفي لهيب الشوق زفرتها

تجيب لما ( ذكرت ) و للولايف كنها العطار
و يكفي عن شروح القافية ،،لو كان جادتها

و انا مانيب مكلوفٌ عن الذكرى ،، و للتذكار
و لكن شاعر و جارا مبيسمها و شِفتْها

و تخلت ( نجد ) عن ذكر الجواب و يشهد الحضار
تقول السالفه ماهيب من شاني برمتها

روووعه هههه
صح لسانك ولسان الهواوي ولسان ابوعامر
عشان كذا تخليت,مبدعين,صحت السنتكم
تقديري واحتراامي,’’

[شاعرة نجد]

^^^
ما عليكم زووود جميع .. وما المسؤول بأعلم من السائل يالهواوي

ههههه

^
علامِك يا صبا نجد العذية هجت بالأشعار= وغنت لك نجوم الفن وأبدت كل همتها
ألا لا يا صبا نجد ، الصبا في مقبل الأعمار = ومن حرفك ووصفك للصبايا صار لمتها
هبوبك ل سرى في ليل حث الشوق للأسفار = يمتع ساري المشواربالهبة ونسمتها
ولا هبت نسمومك يا صبا يفرح بك البحار = يوجه بالسفينة من صبابك صوب يمتها
وحتى البيرق المشهور يخفق من علو السار = ليا هبّيت رفرف لك وهذي من علامتها
وهبّاتك كريمة لا نويتي تجلب الأمطار = تسوقين السحايب والمطر من جوف غيمتها
وبعض أحيان يا ستار لا هبيت بالإعصار = تقشين السفا والبدو تثوي جوف خيمتها
وأنا غنيت لأجلك يا الصبية وأنشد السمار = متى ريح الصبا تنشي مناشيها وديمتها
وأنا صرت الهواوي و( الهواوي )ينفث الأسحار = يطلسمها وينجُمها ويرقيها ويختمها
^^
وسلامتكم

تسلم شاعرنا
وصح لسانك على روعة الابداع والامتاع
تقديري,’’

[شاعرة نجد]

اهلا بالجميع وصحت الالسن والنقول ولاهنتوا
شاعرة نجد صح الله لسانك
ابو عامر مبدع بجميع الحالات
ابو منصور ما فيك حيله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
حبس المشاعر دون شكٍ ولا ريب
شي يتنافا مع جميع المبادي

يلغي لما قد يثلج الصدر وايذيب
وتجي معه كل الطواري عوادي

بالياس يفلت من يديك المقاضيب
من الصبر يخلي كل خزنٍ سيادي

بروس الصبايا والصبي نبَّت الشيب
وبين العيون ونومها احدث تعادي

كم حبب المسرى وكم تعب الجيب
واذن العقل ما ترعوي للمنادي

وبس هههههههههههه

ماقصرت وصح بدنك وصح لسانك
مجاراة كايفه ونايفه وابدااع مميز
لاعدمنا حضورك وفاخر سطورك

تقديري,’’

[كديميس السيحاني]

تعال واكتب كل ذكـرى بالاشعـار
العمر يمضي والبقـى بذكرياتـه

عطني مفاهيم الغلا سـر وجهـار
واعطيك مفهومي عنه وش صفاته

وانسج معي عش القوافي والاوكار
وانحت معك حرفي وحرفك مراتـه

فهم الغلا عندي صفاته لهـا ادوار
مابيـن روح وروح لـه ذبذباتـه

والولف اذا خصك بمستودع اسرار
من واجبك حفظ السرايـر وذاتـه

ماكنه استودعك سده ولـو جـار
غزر البحر في القوع يدفن حصاته

[كديميس السيحاني]

صح لسانك يابو منصور توني شفت الاخيرات لكن الصباح رباح
ان شاء الله

صح كلك ولا هنت
يا ابو عبيد

ومن اصبح افلح هههه

[كديميس السيحاني]

على الشاطي وليلٍ سكون وهدير الموج
خيالي تصوّر طيف ما اكتملت الصوره

ليالي مضت كن الصحاري كساها مروج
ليا من مشينا بروض فزّت لنا زهوره

تسامرت انا وياك والفوج يتبع فوج
من اعذب قصايدنا بشذى الورد ممطوره

[كديميس السيحاني]

طرى على البال طاري كل ما يطري
تبين عندي على الوجه ابتساماتي

احد(ن) سأل ليه و احد(ن) مابها يدري
و الفكر يرسم ثمان الإتجاهاتي

ياسامر الليل لو تسهر ليا الفجري
حالك ظلامه من بعيد المسافاتي

والا بقرب المسافه يظهر البدري
نوّر مداين سهير الطرف ماباتي

يستألفه من تمنى منه ما يسري
يعشق بروزه مع نجومٍ رفيعاتي

ما اقول ناصع بياض,(افتح من الشذري)
و باقي وصوف المجرّة في بياناتي

ويا طاري البال لا ترحل مدى عمري
بدت لنور البدر في الوجه ضحكاتي

و لو اعرف اوقاته بميلادي وهجري
معه اختفائي و أظهر حين ما يأتي

احيان الافصاح صار بدمنا يسري
و احيان شبه التحفظ يخدم الذاتي

ليه المواثيق ما اكفت ؟ والزمن يجري
ياسامر الليل لا تعشق متاهاتي

ولا ودي اغيض طرف من الخجل خدري
و الا تهامي دعد تراه ما ماتي

[كديميس السيحاني]

مفعول سحرك ما ينافي القوانين
و تلقى له بحكم الشريعة إباحه

لكنه أدهى من فعول الشياطين
في الفكر والمنطق له اعظم مساحه

اسرت به قلب(ن) قبل , يجحد اللين
و مفعول سحرك طوّعه واستباحه

ضم لحدودك سور برلين والصين
مستسلم (ن) يا من نويت اجتياحه

[كديميس السيحاني]

قيد السجينه امر ناصر بمفتاحه
وهذي حراكات قبل اليوم معيوده

و لعيون خيال لازم نثري الساحة
اللي سجنه الهواوي و اوثق قيوده

ياهجس ، قلبي ليا اوما لك بملواحه
الطير قبل الهدد تطلق له سبوقه

[شاعرة نجد]

بامر مني فك قيد الشاعره واطلقها
ياخفير الحبس لو ما كان عندك مانع
وحط ادينك بالكلبشه بعدها واوثقها
واعرف انك قبل شهر الصوم ما انته طالع
ومن بعدها ياهجوسي قافيتك انطقها
في وصوف الغاده الطرقا الهنوف الفارع
اللعوب اللي كروتك شوفها يحرقها
من تولت واملكت قلبك بدون منازع

ـــــــــــــــــــــــــــــ
وبس ياني النوم/اتمنى للجميع سهره ممتعه هههههههههههههههه




صح لسانك ونوم العوافي شاعرنا
ماقصرت بيض الله وجهك
^
^
كل شكري من حدود الغرب لامشرقها
للهواوي يوم طال السجن جاني فازع

فـ السجن كم يوم نفسي جوها مورقها
لو مع الشباك والقضبان حده قاطع

ينطلق هاجوس فكري,رغبتي حققها
لاسرى بي فوق هام السحب وجل وطايع

رحت لو مارحت واكسب حزتي واسرقها
من هجوسي مع هجوسي ماعبرت الشارع

والعيون بْما تخيّل دمعها مغرقها
لو نسلّي وانتسلا بـ القصيد الرايع!

[كديميس السيحاني]

يا شوق عيني بعينـك لا تزيـد المـلام
تلومنـي دون لا تـدري و أنـا لايمـك

في بعض الاحيان لو سلمت وين السلام ؟
الفكر عندك اسيـر , وخافقـي هايمـك

اشوفك الموج في وصلك وعتمـة ظـلام
و اشوفك البحر لإغراقـي وانـا عايمـك

واشوفك الجو عندى في الصفا والعسـام
واشوفك النود وجنـاح الصقـر حايمـك

واشوفك انت الغرير اللي بنطـق الكـلام
تعجز تبوح المشاعـر والغـلا ضايمـك

[كديميس السيحاني]

اخذي من الابجدي , للقـاف صنّاعـه
واشجار عود,الغصون اخذي عتايقهـا

لو لحظة الصمت تحسب كنها ساعة
قلت الحسابات تخطـي فـي دقايقهـا

إليا انطوت صفحه , الأقـدار جمّاعـه
و الورد حذراك يذبـل فـي حدايقهـا

ولو طال صد المداد و شـح بشباعـه
صاح الورق للقلم و اظهـر حقايقهـا

من مَفجَر النبع يرويك الندى الطاعـه
ولا كـل من يسقي الوردة بذايقـهـا

ما يجحد العهد غيـر قلـوب خدّاعـه
يبقى وفاء الروح لو للموت سايقهـا

في المد والجزر مـا تتغيّـر اطباعـه
و لو ماتطاق العلوم يصيـر طايقهـا

يجوب معك البحر باليخـت وشراعـه
أمرك ينفـذ ولـو كثـرت عوايقهـا

والله ما ارضى عليك تكـون شمّاعـه
لأخطاء البشر بين جاحدهـا وبايقهـا

وشلون ابا اصرم حصادك وانت زراّعه
واعطيك مني شواهـد مـع وثايقهـا

والهوش به نـاس فراعـه وفزاعـة
وانت ءلك فزعة ولو ياطاء حرايقهـا

[شاعرة نجد]

مفعول سحرك ما ينافي القوانين
و تلقى له بحكم الشريعة إباحه

لكنه أدهى من فعول الشياطين
في الفكر والمنطق له اعظم مساحه

اسرت به قلب(ن) قبل , يجحد اللين
و مفعول سحرك طوّعه واستباحه

ضم لحدودك سور برلين والصين
مستسلم (ن) يا من نويت اجتياحه

الله
الله الله
من اروع ماقريت يـ ابومنصور
صح لسانك على هـ الدرر الممتعه

وين السجين عيّى يبين ههه

[كديميس السيحاني]

عزاه قلبي تصالينه على مله
الغطرسه جرعتني سمها الدافي

العذر منك اقبله و ادمح لك الزلة
لو انها كبر رجم لشيمه و وافي

و انتي تقولين عذرك لغز ب حله
هاته وافكر بمضمونه و الاحلافي

همي وشلته ما ابيك بعطفك تشله
و خوف ٌ مشاعرك منه يصيبها خلافي

و انتي هنا القاضي اللي سيفه يسله
قصي وريدي و ببقى يالغلا وافي

[كديميس السيحاني]

الله
الله الله
من اروع ماقريت يـ ابومنصور
صح لسانك على هـ الدرر الممتعه

وين السجين عيّى يبين ههه

صح كلك ولا هنتي يا نجد
وقليل مما عندك

هو بس السجين اللي عيّا يبين ؟
😀

[ناصر الهواوي]

المبدعين الله يصبحهم بخير
ويعمني لو كنت مانيب منهم

بجو القصيد اهل السجايا سواهير
واللي يمثل حاشه النوم عنهم

يذكر ويسترجع لما فات وايدير
الفكر عقب ابيض ما كان مجهم

يحلم بنومه بالفياض النواوير
ويصبح حزين الخافق لمن فقدهم

بخياله ايدز المشاعر مداوير
تجلب خبر او علها له تجدهم

تطفي لهيب بداخله ينفخه كير
من يومه ايس من تحقق وعدهم

مشاركه في خاطرة ظُهر لاغير
يوم استفدت بدورة ابداع معهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
وبس ههههههههههههههه

[ناصر الهواوي]

شاعرة نجد وسعادة شاعر الشرقيه
ليلة البارح قضيتوها بجو ابداعي

كل واحد واهسه ناره بقلبه حيه
وحده وسبع الدقايق صبح كلٍ واعي

ونام راع الواهس اللي جمرته مطفيه
باردٍ شوقه وسهر الليل ماله داعي

كان باقي منه في ركن الخفوق شويه
يفضفض بوقت الضحى ويخفف الاوجاعي

كان لي يالشاعرين وصار ماشي ليه
سمي المسبي بملكه/وافتقر ملتاعي

ماسلم من وصفهم في ذيك والا ذيه
بارده عيني عليه اللي صبر ما ماعي

وهم هذي شطحه هههههههه

[شاعرة نجد]

مساء الخير

والله ماعليك زود يالهواوي بس عيار هه
وصح لسانك على هـ الروائع الممتعه

اللي ابدع البارح ابومنصور ماشاء الله عليه
عوض غياب سنينه كلها

صحت السنتكم وطابت ظهريتكم,’’

[شاعرة نجد]

الجو اليوم عندنا ممتع ورائع لله الحمد
طلعت حديقة البيت وهبت هبوب بارده وعذبه
تذكرت ابوعبيد يوم غنى في هبوب النود وجت واسترسلت هـ الابيات
وحبيت انزلها بساعتها:smile:

غنَى الهواوي في هبوب النود
وهبت علي اليوم واشقتني

مشتاقه وزادت عليّه زود
وراحت بي وجابت و ودتني

الله واكبر حظي المقرود
ياكثر ماينسف على متني

مـ عاد ابيها الذكريات تْعود
واليوم (يُم)هبت علي جتني

في نعمة النسيان جود وفود
حسبي عليها النود ثارتني

هبوبها تثري علي برْكود
قسم برب البيت شاقتني

هبت على قلبي تقول نجود
غني ولَعْبت بي وجابتني

قامت تهب بعذبها المعهود
وغنيت وابطت ماتعدتني

فالمزرعه قام الورق والعود
يلعب معاها لين بكتني

[ناصر الهواوي]

اهلا بشاعرتنا العذبه
فعلا رجع علينا الشتاء عندنا برد بعد ما خزنا ملابس الشتاء رجعناه
ياحلو هالهبه اللي اسعدتنا بهالدرر صح الله لسانك ولا فض فوك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
هبوب بارد حقق المنشود
هبت بهالجزلات واروتني

بعذبٍ لهجس الشاعره معهود
عن العيا بالقاف نحتني

بالهجس في تال النهار برود
ويقول هالابيات حمتني

وامسا حجاجه للشعر مفرود
وحيا القريحه بعد طاعتني

وللراعبيه صحت ما ابي زود
بالجود جادت جود واكفتني

لما مضى في الخيال ايعود
بما لافت الايام لافتني

لفت علي من الهموم وفود
حاست مفاهيمي وحاستني

ياكود افرق جمعها ياكود
غزو هليل فيه راعتني

يالله تحيي هالصبا والنود
ومن كان جاراني وجارتني

سلوا وسلوا خاطرٍ ملهود
بعد اللوايم قبل لامتني

[ناصر الهواوي]

ماجور قلبٍ جفا من ولعه تله
كما يتل الكرنك سنون حذافي
في موترٍ سايقه عجلٍ وكمل له
لو دون من هو يبيه حشود ما خافي
ياشيخ هجسي لقيفانك يجي كله
والباركر في دواته يرعف ارعافي
ليا سبا خافقك من قذلته هله
والا عطيته عطا لا تلحقه قافي

قل ارفقي فيه ياليته ولعله
يعيش بين الضلوع بصدرك الدافي

يمكن يسيطر على قلبتس ويحتله
وتافين له مثل ما قلبي معك وافي
ــــــــــــــــــــــــــــــــــــــــــــــــــ ــــ
وبس

[كديميس السيحاني]

شاعرة نجد وسعادة شاعر الشرقيه
ليلة البارح قضيتوها بجو ابداعي

كل واحد واهسه ناره بقلبه حيه
وحده وسبع الدقايق صبح كلٍ واعي

ونام راع الواهس اللي جمرته مطفيه
باردٍ شوقه وسهر الليل ماله داعي

كان باقي منه في ركن الخفوق شويه
يفضفض بوقت الضحى ويخفف الاوجاعي

كان لي يالشاعرين وصار ماشي ليه
سمي المسبي بملكه/وافتقر ملتاعي

ماسلم من وصفهم في ذيك والا ذيه
بارده عيني عليه اللي صبر ما ماعي

وهم هذي شطحه هههههههه


زين شطحاتٌ ترتبها على القافيه
ليتها تكثر و تشرح فيهن الاوضاعي

غن يالليل الطويل و رتّب الالفيه
الهواوي لمن نصحه عْن الهوى ما طاعي

كني اشوفك متكي في براد و فيه
و كل ذكرى ينطوي لك شبرها والباعي

ما تركت لنا من الابداع غير بليّه
و الوثايق في رواسي تعزف الايقاعي

نام ف الليل الطويل و غن ف الظهريه
واستمع عن نشرة الاخبار ف المذياعي

و السهر خله لنا و للشاعر الحريه
و اعتبر سجن الرواسي روضه و مرياعي

ما دريت ، ان الليال الماضيه منسيه
غير ذكرى من سهام عيون نجل و ساعي

يرتقص قلبي لطاريها ارتقاص الحيه
ناشها راس العصا و السم منها فاعي