هنا .. سجن القوافي !!

[شاعرة نجد]

تصبحون على خير متابعينا
وصح لسانك شاعرنا وتصبح على خير

شكري وتقديري,’’

[كديميس السيحاني]

وانتي من اهل الخير
وصح كلك ولا هنتي

[كديميس السيحاني]

من التجوري الى سجن القوافي

هو صدق الايام ماضيها و حاضرهـا
يوحي بمستقبـل الايـام و جـداده ؟

ليـت الثريـاء تزاورنـي و ازاورهـا
و اقرب من ارصادها واصدق بميعـاده

وإن هجرس القاف واشعل فكر شاعرها
دار الكواكب وسجل بحـث لأرصـاده

يا ما اذهل البحث يوم ارصد مناظرهـا
و الذبذبه ترسـل الشـارات لإيفـاده

يا الدمعة اللي ذرفتي مـن نواظرهـا
الخـد لا تجرحينـه يصعـب ضمـاده

طيحي على كف من يدرى مشاعرهـا
و ارسمك بسمة فرحها و زندي وساده

ويا حـزن الأيـام تكفـى لا تكدرهـا
مابه حزين ٌ فرح فـي عيـد ميـلاده

و يا هجس الافكار تكفـى لا تسهرهـا
ترى سهر عينها فـي قلبـي أوتـاده

حتى الأرق ما يبيّـن فـي محاجرهـا
لا بـد مـن نونهـا يرتـاح برقـاده

ويا حدس الافكار عن نجواي خبرهـا
عهد الوفاء بالوفاء في الضيق واعياده

مشاعـري هلـت القيفـان ماطرهـا
من قلب صافي يـداري هـرج نقّـاده

يميـن ماجيـت بالحيـلات احاورهـا
لكن عايشـت مـوقٌ يشكـي سهـاده

والعام كنـا سـوى واليـوم ادورهـا
ومرصد فلكهـا لمـن ناجـاه مافـاده

وياليت الايـام ماضيهـا وحاضرهـا
يسوق بشـراه فـي مستقبـل جـداده

[كديميس السيحاني]

ليـه الحيـا دام الامـر بالاسـم والدنيـا زوال
وين الميانه ياشبيه الريـم والطـرس انطـوى

ياليـل لا ياصبـح والا اقـول ياوقـت الـزوال
ان كان دربي طال والطرقة, ترى الحال انطـوى
،

اعيش غربه في زمان الصمت واحلامي خَيَـال
حتى مع احلام الزمن يصغر خيالي في الهـوى

احلم بوصلـي للثريـاء فـوق غـرّات الخِيـال
واعيش معها في مدار الكون بأنفـاس الهـوى
،

وفي العلم يابعد الثرياء ماحصل معهـا اتصـال
لـو التناجـي بيننـا قصـة بــلا راوي روى

ولو جيت احاول لإستماع الصوت في علم إتصال
اشوف ميرادي بعيد وصـدر ضامـي مـا روى
،

البن يحمس في المحاميس ويقـدّم فـي الـدلال
مقياس كيف لزعفران وهيـل للـراس الـدوى

ياقايـدة للغيـد زود الجـرح مـن زود الـدلال
والنبض في صدري من سهوم الموده لـك دوى
،

اما اسعفي مجروح روح الحال ناحل ماش حـال
بالوصل عن قرب وظلام الليل من نورك ضـوى

ادني وخلي كل بعـد وكـل ظـرفً قبـل حـال
ينزاح من دون الحدود , ليا بغى وصلك ضـوى
،

قلبي تجـرّه يمـك حبـال السوانـي والمحـال
لو قلت عل بصمت ما قلت إلك يالغالـي لـوى

وإن كان للضامي تقول اليـوم ميـراده محـال
مانيب منهو ساعـة الشـدات لذراعـك لـوى

[كديميس السيحاني]

تصبحون على خير

[ناصر الهواوي]

يالله صبحهم ومسهم بالخير والعافيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ تت
من المنقول يا(نور) التسالي
ترانا ربعتس من اول وتالي

عسى مابتس زعل من غير ندري
تعالي زيدي الجمعا تعالي

هذا تقديم والشكوى على الله
على مالي طرا يا بري حالي

خفير السجن وينك لا عدمتك
وش اللي لك حصل كنت المثالي

تفضل فك باب السجن فكه
وفك الشاعره وانت الموالي

ما اظن القيد لك يالقرم حارم
ولك بالحبس يالشاطر مجالي

تمدد فوق هاذيك القطيفه(تذكروا القطيفه)هههههههه
وتاتيك الموايد والتسالي

نبي نسعد معك ليله وليله
والاولى بك تشرفنا ليالي

بصدري يالخفير من امس حاشر
يضكه لاذكرت اغلى الغوالي

ليا استيقضت من نومي ذكرته
وطيفه لو نعست شوي جالي

[ناصر الهواوي]

وهاي اول تسليه للخيال المعتقل
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
ليش مريته وانا كنت ما ابغى مرته=اتجنب مرته من حوال اربع سنين
رجلي اللي له بلا قصد قلبي جرته= وزودت حزنه بشوفه وهو قبله حزين
يوم قلت اشوَت جروحه لبيته فرته=وشاف به ما عاف واحيت بداخله الحنين
يشرب الماء ثلج عله يبرد حرته=وانثنت رجله وعند العتب باح الكنين
ايتسمع ويتلذع ايدور جرته=هو ظنينٍ له وله كان هذاك الظنين
جيب صبره شهب الايام فيهم قرته=ويتصبر والله اللي يعين الصابرين

[شاعرة نجد]

أبدعت يـ السيحاني
صح لسانك وزادك من الابدااع والامتاع
لاهنت,’’

[شاعرة نجد]

يالله صبحهم ومسهم بالخير والعافيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ تت
من المنقول يا(نور) التسالي
ترانا ربعتس من اول وتالي

عسى مابتس زعل من غير ندري
تعالي زيدي الجمعا تعالي

هذا تقديم والشكوى على الله
على مالي طرا يا بري حالي

خفير السجن وينك لا عدمتك
وش اللي لك حصل كنت المثالي

تفضل فك باب السجن فكه
وفك الشاعره وانت الموالي

ما اظن القيد لك يالقرم حارم
ولك بالحبس يالشاطر مجالي

تمدد فوق هاذيك القطيفه(تذكروا القطيفه)هههههههه
وتاتيك الموايد والتسالي

نبي نسعد معك ليله وليله
والاولى بك تشرفنا ليالي

بصدري يالخفير من امس حاشر
يضكه لاذكرت اغلى الغوالي

ليا استيقضت من نومي ذكرته
وطيفه لو نعست شوي جالي

تفضل فك باب السجن فكه
وفك الشاعره وانت الموالي

ما اظن القيد لك يالقرم حارم
ولك بالحبس يالشاطر مجالي

ياصح لسانك ثم صح لسانك يـ الهواوي
فخر وسند واكثر بعد يازعيم العاصفه
ماقصرت ...وحيالله الخفير والايام تستدير ههه

[شاعرة نجد]

قبل الظهر جاني يقول الكفاله
يـ نجد جتْكْ مْن الهواوي ابوعبيد

كريم سبلا جمّل الله حاله
ياطيب طيبه مايجي للمناقيد

روحي لمن ترجين دايم وصاله
حرهـ طليقه واسرجيها مع البيد

وغني على موال يالا يـ لاله
قافٍ نعَرْف وقاف نقراه ونْعيد

وهذا الخفير اليوم تم اعتقاله
بزنزانته حطوا في يْدينه القيد

[خيال مطير]

صح الله السنتكمم وبيض الله وجيهكم

بس لاتخلوني من التسالي والوجه الحسن

[خيال مطير]

من الارشيف

https://www.r111n.com/t31734.html

[خيال مطير]

https://c.top4top.io/m_131hjfl1.mp3

[نور]

‏
خلك مع الواضح بفعله ومبداه
لو كان مابه غيره إنسان / خلك

إقرب من النشمي وفي ّ المخاواه
اللي معك في خوته مثل ظلك

وإبعد عن اللي سبعة وجيه وياه
اللي بدرب المصلحه / يستغلك

ولاتقصر برايك ،،، ولاتبخل بجاه
وإقنع لو إن اللي تبي ،، ماحصلك

[ناصر الهواوي]

الله يرحم ابو مشعل ويسكنه فسيح جناته ولاهنت يالخيال على هالتصالي
اهلا بشاعرتنا وصح الله لسانتس وبدنتس ولاعليتس زود
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
مسا الخير ياطيفٍ على خاطري عرض
بساعة اصيل اهوجس وجاء على بالي

لو المامة الاطياف بالنوم مفترض
مع اول نعاس وكلش انحاس من تالي

لكن يمكن لطيف الغلا يوم جاء غرض
للتذكير يحسبني عنه داله وسالي

لكن والذي ندعيه يشفي من المرض
انه هو عديل العين والروح والحالي

اسلوبه فريد وطبعه اللي علي فرض
له الاحترام وحط له منزلٍ عالي

جمع الذكريات اللي تزاحم هنا انقرض
وبقى ذكره من سنين لاوقتنا الحالي
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
وبسسسسسس ههههههه

[ناصر الهواوي]

ياهلا يانور ولله درتس على الذائقه الفاخره ابيات في غاية الروعه صح لسان شاعرها
وسلم ذوق ناقلها
وخصوصاً آخر بيت فاخر بالحيل

[نور]

منكم نتعلم يا زعيم العاصفة
‏

أغلب وجيه العرب ماهي حقيقيه
الواقع المر خلف المظهر الوهمي

لو يدعون الثقافه و المثاليه
مخالب اخلاقهم فالمجتمع تدمي

و لو للبشر مختبر تحليل شخصيه
شخصية المحترم فالعالم الرقمي

( حقيقته )فـ أربع ٤ حسابات وهميه
( وأحساسه المصتنع )فـ حسابه الرسمي

[نور]

[url=https://top4top.io/][img]https://e.top4top.io/p_2097l6omm0.png


تسالي لخيال

[ناصر الهواوي]

خيال من قده بعد جات له نور
وجابت معاها مكسرات وتسالي

وقدوعه المعتاد بقله وشابور
بشاهي يغمسها ليا صار حالي

[شاعرة نجد]

صح لسانك يـ الهواوي وصح بدنك
ولاعدمنا ابداعك
واقامه سعيده حضرة السجين

وصحت ذائقتك نور,روائع منتقاة من ذهب
لاهنتي,’’

[شاعرة نجد]

أنا
أحــيــان ماتـاسـعـنـي الارض واحــيـــان
يضيق بـي الكـون مـن ضيـق صـدري

ليت الحمام اللي على الغصن طربان
سـجـعـه يهيضـنـي,عـن الـحــال يـــدري

وياليت لـي مثلـه مـن الريـش جنحـان
واطـيـر لامــن شعـشـع الـصـبـح بـــدري


الهواوي..

يـــــاذا الـحــمــام الــلـــي تــلاعـــا بــالالــحــان
تــلــعــي ولــــــه والا بــــــك الـــنـــوح فِـــطــــري

لـيــا اسـفـهــل الــبــال لــــه جــبــت الاحــــزان
ما ادري وش اسباب الشقى فيك ما ادري

مـشـرطــك جـريـتــه عــلــى جـــــرح وجــعـــان
وفــطـــرت فــيـــه الـمـنــدمــل مـــنـــه فَـــطْـــري

تـــــــوه مـــــــوادع لـــــــه حــبــايـــب وخــــــــلان
مـنـهـم بـقــى لــــه طــيــف غــفــوه وعــطــري

[شاعرة نجد]

مناسبة الابيات
عندي خادمه فلبينيه
دائما تغني بصوت حزين وعذب وممتع
والى شافتني سكتت...
قلت...

غني لو ادري وش تقولين جاريت
مـ الوم مثلك من دياره تغرّب

أما صغيرٍ تذكرينه وفـ البيت
يبكي عليك ايلين دمعه تسرب

والاحبيبٍ عيت عْيونك تْبيت
من بعد داره مايلومك مجرب

لـ شفت دمعك هل دمعي وصديت
كني اشوفك كل مـ الليل قرب

يسري بك الهاجس وانا كم تمنيت
أبعد همومك عنك بس اتهرب

من عبرةٍ لامن رحمتك وُّاسيت
هيضتك بدمعٍ سكب ماتورّب

[عبدالله الدّنّيش]

السلام عليكم وفجرية هانئة
مبروك الحرية شاعرتنا نجد وصح لسانك
ومبروك القيد مستشار الرواسي وبالعافية والهناء

وصحت السنة الجميع على كل حرف
وبمناسبة إنفكاك الشاعرة نقول :
^-^
مبروك يا نجد تسريحك وفك اليدين = من سجن الإبداع ، وإبداعك رماك السجون
سجنك مؤبد في الأشعار طول السنين = ما عاد تفرق مدامك تطرقين اللحون
والشعر ترفيه للخاطر وفض الكنين = وأيضا رياضة تحث الفكر لأحلى الفنون
وحنا الأسارى لما تلقي وما تكتبين = وليا قريناه نشعر ب إننا هايمون
صح الله إلسان حالك والله اللي يعين = والشكر ينصاك م الأعضاء وم الزائرون

وسلامة الجميع ،،

[عبدالله الدّنّيش]

ذكرتنا يا خيال بالسلاطين وبن طلال رحمه الله وغفر له وأسكنه فسيح جناته.

مناقرات كانت بالسلاطين مع الهواوي
يقول :
راع الذود ماله حس يطرب ولا له رمس=ما اعرف ليه قرر يتبع هكذا سياسه
يرخي شد حبل الصمت مره وعاد ومس=له اسبوع من برادته ما امتلى كاسه
وانا اللي مزاجي به تعكر وراسي عمس=واعرِّض بوجهي للجنوبي ونساسه
يمكن مع هواه اشم ريا خضيب الخمس=لو بس الهواء مرت بنشارة لباسه
لو القاه حركت اسودٍ دق سلفه لمس=من المغسله توه طلع كنه الماسه
تصاميم فنسان الخشوم وعيونن همس=ليا شد حيله راكبه طير نعاسه
لين الليل عنه يشيل بشته شعاع الشمس=وشيل البيوت ايزيل عن راسي اعماسه
^^
قلت :

تذوّقت قافٍ كنه البن بعد الحمس = مبهّر بهيلٍ ينعش الشارب أنفاسه
على جمر شوقٍ واهجه ما غشاه الطمس = ليا صب في جوفي تخيلت حمّاسه
دِلال القوافي صبها بالحكي والهمس = ومع رشفة المعنى يكيّفك بإحساسه
مجاهر بقافه ما يحسّب هروج النمس = ليا هز شوقه يبدع القاف من رأسه
حرث بذرةٍ في الصدر واجرى عليها الدمس = وفي غصنها المياد علق لي أجراسه
على الطايرة وإلا على طارة الجي إمس = نويت أرفع الطاروق وافكك أقواسه
يمينٍ على ما أقول ما هي يمينٍ غمس = نصلْ له ..وإلا نقطع العرق من ساسه
^^^^
^^

[عبدالله الدّنّيش]

من ذكريات السلاطين
^^-^^

شعشعي بالنور يا نجمة الصبح العليل = زيّني وجه السما بالسنا والشّعلله
طالت العتمة وتاه العشم في جوف ليل = وطلّتك مثل الفلق والرياح المرسله
كم لعيني تحتري لك وكم قلبي يشيل = وكم وكم في البال دارت حروف الأسئله
وكم درج في خاطري غير ما غيرك بديل = عدّ نجمات السما ،غير ما له منزله
صدري الصبح المعتّم وبه ليلٍ طويل = وأنت مشكاتي على الصدر درة مذهله
ينشرح صدري ويصبح وجودك لي جميل = وأنتظر في الكون ، يا للعجب ما أجمله
أنت نجمي وانت نور الدجى وأنت الدليل = وأنت مصباحي على الصدر داخل منزله
يا وجود الشوق يا منبع الحب الأصيل = يا مثار النقع للشعر وقت الزلزله
هاجسي يوحي بالأبيات والشعر الجزيل = وفيك تتنزل صور بالمعاني وأجزله
تسري الفكرة وتعرج على خيل المخيل = وأرسن المعنى على القاف وأحْبُك وأفتله
ون حجب نورك غمامة فعيني لك تسيل = ودها تقشع سحاب الجفا وتسيّله
يا نديم الشوق زاد الشقا والله وكيل = وكلما عدت مراحل تجينا مرحله
وأعلم أن الشوق في خاطري ما هو قليل = وأنت بغيابك تشب الحنين و تشعله
ما قدرت أمحي خيالك وفي عيني مقيل = كنه المِروَد على جفنها ويكحّله

^^

[نور]

https://h.top4top.io/p_2098nb4yw1.jpg (https://top4top.io/)

[الجووهره]

‏الصيف ودّع شمسه.. و عوّد البرد
‏وعادت صباحات المطر والنسايم

‏قم يا صباح الغيم والعشب والورد
‏شف وش كثر نشتاق لك وانت نايم

صبآح الخير والجو الرآيق
وصحت الالسن والاذوآق
ودآم الحضور والابدآع
ومبروك الحريه شآعرتنا المبدعه
ومنور السجن مستشارنا وخفيرنا خيآل
وابشر بالتسآلي والعلوم الزينه

ومنوووره يانووور
تسآلي رائعه يسلم ذوقك
الجميييل ياجمييله

[نور]

‏ازامل الطيّب لو انه لا قريب ولا زميل
ولا الردي لو هو قريّب مستحيل ازامله

طبع الردي لو تغسله وتلبسه ثوبٍ جميل
اما يورّد فاضيه ولا يصدّر خامله

والطيّب الطيّب يميل الحمل ولا ما يميل
ان ما بغيته فـ الصغيره تذخره للصامله

[ناصر الهواوي]

يااااللروعه
شاعرة نجد الله يرحم من عقبوتس وصح لسانتس بس ما ادري وش جاكم من امس على مقلبات المواجع انا اظاهر اني كبرت صرت اتأثر من الماضي هههههههههه
ابو عامر هذا اللي محليك والا الشعار واجد صح الله لسانك ولا فض فوك
ارحبي يانور وسلمتي ودمتي
ابو منصور ماله ريغه عسى مانعه خير
وقت مع خلول باب السجن ما شفت الاقشر ههههههههههههه
الخالدي له مده ما شفناه رغم ان ما فيه لا قنص ولا قلص هههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
انا بالبصيره والبصر ما التفت ورا=انظر للثريا كلما ضقت بالثرا
لجل ذكري لما فات يلعب بخاطري=وهل ما مضى يرجع لنا اليوم ياترا
قريت وسرح بي هاجسي دون رغبتي=وباقفايته بي يعلم الله ماجرى
اصعب ما على الرجال يسمح لدمعته=تطيح قدم الناس لو جيبه انفرا
من اهل الوفا ياما فقدنا وغيرهم=ويا قُل من نسمع كماهم ومانرى

[ناصر الهواوي]

يالجوهره شوفي الخيال هو بالسجن
والا يموه حذف بشته على شنطته

قلبه صخيف اخاف انه بلحظه ايجن
لوبسة السجن تطرد فارته ووطته

لاخيل لا ليل لا شلفا ولا من هجن
ناديه بالاسم يمكن مات في غطته

ماجت لغيره فلا يطبخ ولاهو عجن
ماقصَرت نور جابت عيشته وعطته

[رحيل]

مسيتو بالخير

صحت السنتكم شعارنا

مبرووك الحرية نجد
ومنور السجن خيالوووووووه

ومنورة نور

[نور]

النور نوركم جميعاااااااا

[رحيل]

‏العقل ينهار لاهيّمن الحب وسطا
‏انهيار الجيش في سلطنة عبدالحميد

‏لاتقولون انمحىّ حبكم عقب البطا
‏والله ان الحب لازادت ايامه يزيد

‏جاوبوني واسعفوني بتصحيح الخطأ
‏وش ذنب اللي تبعكم وعيا يستفيد

⠀

⠀

[خيال مطير]

[url=https://top4top.io/][img]https://e.top4top.io/p_2097l6omm0.png


تسالي لخيال

ماكل الا اللي اعرفه

[خيال مطير]

مسيتو بالخير

صحت السنتكم شعارنا

مبرووك الحرية نجد
ومنور السجن خيالوووووووه

ومنورة نور

يلبى عيونك

[خيال مطير]

https://www.youtube.com/watch?v=3fgCTZ1Dz2Y&ab_channel

[خيال مطير]

https://www.r111n.com/t33982.html

[ناصر الهواوي]

ههههههههههههه
انا قايل لكم مو بتاع ابهه وفنيات وايتيكيت
يكفيه قرص مفروك بسمن او زيت زيتون وشوي مضير وشابوره
وحليب ابو قوس وشاهي مدبس ههههههه
اهلا يارحيل وصح نقلتس وبدنتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
يبطي طلوع القمر تال الشهر يالبديل
وين انت نور لنا هاليله الحالكه

اشرق ولك طلةٍ تبهر ولا لك مثيل
كم لك وقلب العنى في طلتك مالكه

الريح عنبر ومسك ومعه كادي وهيل
رياك تحي نفوس من الجفا هالكه

تقول صبرك وغِب الصبر دايم جميل
ومليت كثر التصبر ما حصل ذلكه

بنيت الدوح لالجت بشين العويل
اشجت مشاعر من الهجران متهالكه

خالي وفاضك/بزعمك ما بقى الا القليل
ذا يعني ان المولع مو على بالكه

[ناصر الهواوي]

لامن الجفا بعد الوفا بان ما خفا
وضرب من تعاتب في عتابك قفا الطوفه
وتعكر من الهجران لك كل ما صفا
والدم ارتفع ضغطه والانفاس مخطوفه

فجعل ونتك من طعنة الظهر بالخفا
اذان الفضولي والشماميت ملقوفه

حتى لو بقيت اسبوع والجفن ما غفا
قلبك عن قلوبٍ حرها الشوق وش نوفه

[كديميس السيحاني]

الهواوي
الدنيش
خيال
شاعرة نجد
رحيل
الجوهره
نور

صحت الالسن وسلمت الذائقة
دام تواجدكم وطاب حضوركم

[كديميس السيحاني]

من عقب ماهوب سجان وبيده القفل والقيد
و يلف كل الرواسي عند تسليم الحراسه

اليوم مسجون حتى لا يفر اللف ويعيد
دوّامة الامس و المسجون ما يسمع حساسه



��

[كديميس السيحاني]

تسليه



هجسي ينادي والسهر نادانـي =
و اعيش مع هجسي بوادي ثاني

والليل طال ولا لقيـت مسلّـي =
الا حروف الشعر فـي ديوانـي

نشدت ليلي وين مـن ناديتـه =
والليل جاوبني وقـال انخانـي

نخيت ليل ارخى علي سدولـه =
قال السهر يتعبك يا الوحدانـي

و الحلـم صحانـي ونومـي غفـوة = اوحيت صـوت بغفوتـي نادانـي

قال انت راقد عقب صوت ارسلته ؟ = اسمع صـداه يزلـزل الضلعانـي

وفزيت كن الماء علـي رشاشـة =
في أرضٍ عراء من وابل الهتانـي

ولقيـت رسـم الأبجـدي تأثيـرة =
في صفحة اليشمـوم والريحانـي

يا درةٌ وسط البحـر مكنونـه =
ما كل غيص يشمّر الذرعانـي

ولا كل طاروق اطرب لقيفانـه =
ولا كل من غنّا يثير اشجانـي

ءليا شعمت النار رمث مع ارطا =
يطرد لهبها عايـث الدخانـي

فوّح من البن الهراري طبخـه =
و قناد هيل لدلـة الرسلانـي

[كديميس السيحاني]

سرى الليل ياغصنٌ الندى حافته نسمات
تمايل مع النسمات و النجم مُشكاتي

ترف الجوارح كنها الطير بالحومات
و ترقى على متن الهوى بعض الاوقاتي

علام القميري زادت لصدري الونات
و انا عادةٌ لي ما ارفع بحزني اصواتي

ليا عادت الذكرى بحيين للاموات
تزيد الطعون اللي بصدري خفياتي

بغيت اتلهى و اسهر الليل بالبسمات
احاول و كل الجهد عن حبس عبراتي

دخيلك مقام الحزن يجلب لي اللوعات
ترى للعواطف بعض الاحيان بصماتي

[شاعرة نجد]

السلام عليكم وفجرية هانئة
مبروك الحرية شاعرتنا نجد وصح لسانك
ومبروك القيد مستشار الرواسي وبالعافية والهناء

وصحت السنة الجميع على كل حرف
وبمناسبة إنفكاك الشاعرة نقول :
^-^
مبروك يا نجد تسريحك وفك اليدين = من سجن الإبداع ، وإبداعك رماك السجون
سجنك مؤبد في الأشعار طول السنين = ما عاد تفرق مدامك تطرقين اللحون
والشعر ترفيه للخاطر وفض الكنين = وأيضا رياضة تحث الفكر لأحلى الفنون
وحنا الأسارى لما تلقي وما تكتبين = وليا قريناه نشعر ب إننا هايمون
صح الله إلسان حالك والله اللي يعين = والشكر ينصاك م الأعضاء وم الزائرون

وسلامة الجميع ،،


تسلم
^
^
صح بدنك,صح منطوقك كريم اليمين
وبارك لك الله بحسن اعمالك وبالبنون

ياعذب الابيات ياشيخ الدرر والثمين
ذويقة الشعر من ماتَعْزفه يطربون

تلميذه بْمدرستكم وانتم مْعلمين
نقطة مطر في بحركم حضرة المبدعون

للشعر حس وشعور وذوق ومْتابعين
واوقات يبدع بها الشاعر على كل لون

لـ هَيّضَتْه الحمامه بين حينٍ وحين
والشوق كدر منامه واسْهَرَنْ العيون,

[كديميس السيحاني]

ضوى الصمت والافكار دارت مع الافلاك
و تلاقت نواظرنا لو البعد حادينا

الا يا وليف الروح للجدي وش وداك
لو احاول المعواد ما عاد يمدينا

تمكن صوابك لي ولا ظنتي يخفاك
ولا غير تضميد الولايف يداوينا

سألت الإله اللي على احسن صور سواك
يليّن قسى قلبك على شان تحيينا

[شاعرة نجد]

تسليه لـ السجين...

غن ياليل القصيد وهات من نبض الوريد
وسع الخاطر ولو ماتقدر تْعبّر مـ اريده

دندن وغن وتسل وسل من عذب الجديد
عل يسلا خاطري لامن تهيض,من جديده

من غرام ومن هيام ومن جزيل ومن مفيد
واختصر رمز الغلا والود في جمله مفيده

حطها في شطر فاخر,شطر واحد عن قصيد
واعتبرها يامناي وغايتي بيت القصيده!

[كديميس السيحاني]

إسر يا الليل الطويل ولا تخيّب ظني
كل ما تسري سريتك و السهر لي عاده

و النجوم الساريه باعلا فضا خاونّي
لين خيط الفجر كنه في نحرها قلاده

وكل ما بيّن وضوحه قلت لا تفتني
و إن ستره الليل قلت انه يزيد عناده

و فاحت الدلة وكيّف راسي مْن البنّي
يصبغ الفنجال مثل خضابها يا ساده

[كديميس السيحاني]

سرى بي هجوسي لين وردني المضماه
وانا في لهيب القيض ما عاد لي طاقه

وليفي على الشريان الايمن بصم بمضاه
و اخذت الدروس ان بصمة العشق حراّقه

و سقاني من الهجران ما اسقاني مْن شفاه
نوى ذبحت العاشق ولا بقلبه شفاقه

وانا صافيٌ له مثل قيسٌ معَ ليلاه
و ليلاه ما ذاقت من العشق ما ذاقه

[شاعرة نجد]

يـ خيال مطير والله لو تطير
مالك مْن السجن والمكتوب صده

تزهم اللي تزهمه والا المدير
لو رفعت الصوت مابه من يرده

اطلب الرحمه من الله واستجير
مالك الا الصبر,قبلك باح سده

مالك الا اللي حصل وش مايصير
شد حيلك ياخفير السجن شده

وجر موالك وهات مْن الاخير
من جفَى الايام والا من موده

هيض المشتاق بـ القاف المثير
لـ وصل شوقك على الغالين حده

[كديميس السيحاني]

انا ما اعرف اشعار الغزل لو بغيت اهيم
بوادي غزل حواء ولا اعرف وش لونه

احاول بتصفيف القوافي على الترنيم
و تجي مفرداتٌ كنها نفخ بالونه

[كديميس السيحاني]

صح لسانك يا شاعرة نجد وجاد بيانك
ابدعتي وامتعتي ولا هنتي

وتصبحون على خير

[نور]

https://g.top4top.io/p_2099p9rda0.jpg (https://top4top.io/)

فرنش توست فطور خفيف لخيال

[نور]

‏اشيا كثيره تعيش سنين باحلامنا
يجيبـها الله بحزتـــها وتوقيـتها

نستعجل الخير ونسافر مع ايامنا
وارزاق ربي تجي لوكان ماجيتها

ياما اتعبتنا السنين وزلت اقدامنا
واقدار الايام تمشي في مواقيتها

نرقب شهور الزمن ونعدّ اعوامنا
وليالي الصبر تتعب كان عديتها

[نور]

‏ل تكون في بعض المواقف ظالم
حاول تكون انسان قدر امكانك

كانك تبــي تحيا وعرضـك سالم
ابعد عن الغيبه وصـون لسانك

ربك هــو اللـي بالخفــايا عالـم
ماكل مـن صنتـــه بعمره صانك

لو الزمن يكســر طـموح الحالـم
لامــن صفت نيتـــك ربـك عانك

خلك لفعل الخير دايم والم
احذر ردي العالم يهز اركانك

[ناصر الهواوي]

ابو منصور
شاعرة نجد
نور
صحت السنتكم واذواقكم ولاهانت رؤوسك ولا فضت افواهكم
ابدعتوا وامتعتوا واثريتو ا
ــــــــــــــــــــــــــــــــــــــــــــــــــ ـــــــــــــــــــــــــــــــ
خيال يانور ما يعرف فرنش التوست=وجميع الافران ما يهضم توستاتهم
ياهجس لو كان عكيت بكلامك وحست=قدم معاذيرك إلهم لجل مرضاتهم
وان ازكمك عذب قيفان الربوع وعطست=حاول تصنتع بيوتك حسب رغباتهم
ويا وجه الايام لو انك بوجهي عبست=اهل المقامات لا تخذل مقاماتهم
من شان تفرج !!وقوفي طال حتى جلست=بارضٍ خلا واتخيل واسمع اصواتهم
ذيابة الوجد بالخافق عثت وانفرست=واللي حذفني خلاوي شين نياتهم
ما ادري غبى ما نفعني كل علمٍ درست=والا دروسي تعارض مع دراساتهم
ــــــــــــــــــــــــــــــــــــــــــــــــــ ــــــــــــــــــــــــــــــــــ
من فصيلة الطلاسم ههههههه

[خيال مطير]

يالجوهره شوفي الخيال هو بالسجن
والا يموه حذف بشته على شنطته

قلبه صخيف اخاف انه بلحظه ايجن
لوبسة السجن تطرد فارته ووطته

لاخيل لا ليل لا شلفا ولا من هجن
ناديه بالاسم يمكن مات في غطته

ماجت لغيره فلا يطبخ ولاهو عجن
ماقصَرت نور جابت عيشته وعطته

شغلك عندي انت والجوهره

[ناصر الهواوي]

خيال وخفير ومعتقل بالسجن واقشر
يهدد وايتوعد وبنجيب له فيشار

دهن مالسيره لو يبي فستق مقشر
لجل لاانبسط يضرب تخاميسها باعشار

وش علمك علينا ياكفانا الله من الشر
وحنا نحبك يا كفاك الله الاشرار

من حقك تزوم وتنفخ ذروبك وتفشر
تاكل داخل وطالع تبا تقلد المنشار

نور اطغتك لين اصبحت بشدوقك تكشر
تخيلت نفسك ليث وانته ولا معشار

لكن لاانطلقت من السجن بالطريق اشر
تمرك جواهر لاسرت وادفع المشوار
ههههههههههههههههههه
لاتزعل /مجرد مداعبه

[ناصر الهواوي]

قامت تلاعب بي الذكرى على مالا ابي
وتجرني خلفها مع كل دربٍ تبيه

مانيب ساذج ولا فيما تخطط غبي
لكن هو اللي لها يقول فيِّ ارعبيه

اخذت لبه وخفاقه سبيته سبي
لاتمهلينه شهر في هالنمط داعبيه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
معزوم/كملها يالخيال بالتعاون مع نور ههههههههه

[ناصر الهواوي]

جمعتكم رحمه ومغفره وصحه وسلامه
كيفكم ياربعنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
نعمة النسيان ماهي تقدر في ثمن
ليتني له وإلياليه وايامه نسيت
قال يالمقرود انا اللي قصدته قلت من؟؟
مستحيل انساك رغم التباعد ما حييت
قال قل ما ودك اليوم تلقاه وتمن
قلت لا ما دامني بك على نفسي جنيت
كنت اقول لوضع شهد العسل مزج بسمن
وانتهى تصور الوضع هذا وانتهيت

[نور]

‏وتطيب دقات القلوب بذكره
فتفيض شوقاً دافئاً وعميماً

هو رحمة الرحمن أشرق بالهدى
صلوا عليه وسلموا تسليما ﷺ

[ناصر الهواوي]

اللهم صلي وسلم على محمد
اهلا يانور
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
ليه ما تطلع من السجن؟والا جازلك
وان نويت تغادره صبح كلبش فيه نور

ذامجرد راي ما كنت احب انحازلك
وانت ما ودك على شانها جابت فطور

ان عرفت ان الخبر يالحبيب ايعاز لك
هات ما يثبت كفالتك في بضعة سطور

اقطع من الشجره الطارفه معكاز لك
قوتك مع طولة العمر يالشاطر تخور

ولا انت لاقي من تغازل ولا احد يغازلك
في نضام العولمه ما انت لاقي فيه دور

[نور]

ههههههههههههههه《《《《تهرب بسرعة



ترا انا ارجع للمنتدى عشان اتابعك ايش مسوي فعاليات

[نور]

‏ودي أبدع فـ القوافي لو بيت
وأرسم احساسي ولاني قادره .
ودي أكتب لك ولكن ما قويت
والسموحه منك ماني شاعرهـ

[خيال مطير]

نور تمتلك القوة والشجاعة وحسن التفكير والقرار السليم في الأوقات
الصعبة.
نور من أفضل الأسماء التي تدل على التربية السليمة إذا كانت للولد أو للبنت.

نور أنها متعاونة ومحبوبة من الجميع كما أنها مطيعة جدا لكل من يحاول طلب الأشياء منها.

صح الله لسانك نور ... كفيتي وووفيتي

[خيال مطير]

ياماخذن قلبي وعقلي والأنفاس=لا يبعدك صد الجفا عن حنيني

أرفق على قلبي ترا القلب حساس=يرضيك كل أللي تسويه فيني؟

أنت الغلا ما أنت بمثل باقي الناس=أنت الوحيد أللي وفا محتويني

تدري بغيايك يسكن القلب هوجاس؟=وتدري بغيابك شوقنا يحتريني؟

بنيت لك بالقلب حبن على ساس=وبعدك هدم كل مابنيت بيديني

يطير قلبي كل ماهب نسناس=وأقول صبرك صاحبك مايبيني؟

قلبي يحبك صادق ومرهف أحساس=(أعجل عليه) وحاول أنك تجيني

البعد سويته معي قلت: لا باس=بس أنتبه!! لا يكون قلبك نسيني

اذا على ظرفك على العين والراس=لكن غيابك صعب يانور عيني

[ناصر الهواوي]

الخيال/نور مبدعين بلا منازع
وانتي يانور شايفه قد ايه فرحنا برجوعك وبناءاً عليه ودنا نفعل تواجدك ونكسب ما يجود به فكرك
واذا الابيات هذي لك فأنتي الاخيليه او الخنساء هههههههههههه
وانت يالخيال اكيد كنت تاخد تفوق بالانشاء(التعبير سابقا) هههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
لا شاعرة نجد ولا ابو منصور=والغامدي ما شفت له ذيره
واللي هنا الاقشر وعنده نور=الله جعل بحضورهم خيره
يالهجس عطني لو ثلاث سطور=مع مثلهن او فضها سيره
خابرك في نضم الشعر (تختور)=اكتب ثلاث بيوت تصبيره
عن ورد عن نرجس وعن باللور=اللي حواهن قبلة الديره
اللي محياها يشعشع نور=عنقا تفر القلب وتديره
في حبها جنه عدا به طور=جمالها ياصعب تصويره

[ناصر الهواوي]

دوحةٍ من قبل كم عام قامت وانبتت=وجذَّرت في سِبَّع ارض المغربل من سنين
ايتفيا ظلها وايتذراها إن شتت=ولجلها فجَّر من اكبر شرايينه معين
استدارت واورقت ما حصل فيها حتت=كل شيٍ تنتجه من ثمر حلو وثمين
آاه لو تحسب سنينٍ على هالغرس اتت=وتفهم رسومٍ على ساقها للراسمين
لتبطي ونفسك لهجرانها ما وقتت=ولو تناسا ظلها الورف عاودك الحنين
الليال السود ياويحها كم شتت=كل قاسي لا انتضت سيفها لازم يلين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
وبس وانت سالمين وغانمين
ههههههههههههههه

[ناصر الهواوي]

وهذي فعالياتنا يانور
ــــــــــــــــــــــــــــــــــــــــــــــــــ ـــــــــــــــــــــــــ
نطقطق باناملنا على لوحة الحاسوب
حروفٍ تبدد تكة الصدر وتناسب

ظروفٍ عليها ثلج صبر الحليم اتذوب
لو يخسر سببها كل ما كان له كاسب

من سم السقطر في يديها سقتنا كوب
ودخلنا اختبار وكل واحد طلع راسب

[ناصر الهواوي]

ودي اكتب /ودي انام لو ساعه=من صلاة الفجر ما غمضت عيني
ولها تتمه هههههههه

[رحيل]

الله يمسيكم
بما تحبون
ويرضى ربي (:


صحت السنتكم جميعاً

[الجووهره]

الله يمسيك بالنور والسرور رحووله
والجمييع. وصحت الالسن والاذوآق
ودآم الحضور والابدااااع


مين المسجوون
خيآلنااا
أو
نورناا

ههههههههه

[رحيل]

صح لسانك يا ابو عبيد وننتظر تتمه (:



ارحبي جوج اي خيالوه السجن
والله مدري لونها نور تراني فيني فهاوة هههههههههههههههههههه



،،،،،،،،،،،،،،،،،،،



لامشت كنها من حمام الدار
تذبح اللى نوى الله بقداره

عين شيهانةٍ تعجب الصقار
لابرق الريش ماهيب غفّاره

شبه وضحاً زعولٍ على القهّار
فى نهار المواريد دجّاره

،،،،،،،،،،،،،،،،،،،،،،،،،،

بنت الشيوخ اللي تحب الزعامه
تاريخهم ما بين كاتب و راوي

فيها من الخيل الاصايل علامه
و فيها من وصوف العديم النداوي

[نور]

هلا رحيل وياهلا بالجوهرة
السجين خيال


‏ماسكت إلا ادور في السكوت
الهدوءاللي فقدته ب الكلام

العتب في داخلي لمّا يموت
مااحب اعطي للاشياءاهتمام

ضيقـة الايـام اتركها تـفـوت
كلها احزان تمضي والسلام

الاماكن مدهشه من دون صوت
والضجيج اقل بهجه واحترام

عمرسوءالظنّ مايبني بيـوت
والنهاراجمل كثيرمن الظلام
‎

منقوووووول

[نور]

صح لسانك يا زعيم العاصفة

وخيال شكرا على الاطراء ولكن لست مطيعة جدا

[الجووهره]

مساء الخيرآت والمسرآت
هلا بكم رحووله. ونوور
ويسلم الذوق الجميل ياجميلات

[الجووهره]

‏فقدنا في ليالينا مواعيد و فقدنا ناس

‏مشوا معنا الطريق أكثر من اللي ما فقدناهم

‏حبايب كم دعينا الله عساهم مايرون الباس

‏وعسانا كثر ما اشتقنا لهم في يوم نلقاهم

‏. ولا مرّه تخيلنا .. يمرونا مثل هوجاس

‏ونحس بوحشة الدنيا ونسكت لاذكرناهم

[كديميس السيحاني]

السلام عليكم
مساكم الله بالخير والمسرات

الهواوي
خيال
الجووهره
رحيل
نور

صحت الألسن وسلمت الذوائق
ابدعتوا وامتعتوا
دام تواجدكم و طاب حضوركم
،
،،
،

[كديميس السيحاني]

الدائرة مفرغة ، والمفردة فتح باب
ما ودي اعيد نفس السالفة كلما

كتبت بيتين والثالث سبب ل اضطراب
مشاعرٌ صامته تشبه مجسم دُمى

البارق اللي سرى يبجد بطون السحاب
ويلامس الارض بإشعاعه ويعرج سما

من شرق الأبرق لميعه،رحمة الله حجاب
والا احرق اخضر ويابس من بصير وعمى

مني عطيته رسالة ، وانتظر للجواب
من قايد الغيد لو كلمات بالبرسما

انا ادري انه بيفهما و يكتب كتاب
والا على الشط برمال البحر يرسما

للكبرياء حد واحسب للعواقب حساب
خف من دعاء اللي ظلمته واستبحت الحمى

و في لب صدره كويته كيتينٌ عُجاب
و شلون تحكم بقتل المغرم المسلما

قل له وش اللي جنى من ذنب واكسب ثواب
و يدلي بقول، اعتراف او نفي ، وانت احكما




،
،،
،

[الجووهره]

طاريك مثل المطـــر من مدلهم السحاب
‏يسقــي عروق الخفـوق وتــزهر اطــرافها

‏وشلون عاد الحضور اللي يــدك الغــياب
‏ياطــب روحٍ غــيابــك ســبـــب اتــلافها

‏واليا عثو في الهـوا والحب بعض الشباب
‏محــبتـك فـي ذرى شـاعـرك مصـيافـها

[الجووهره]

هلا بك شآعرنا كديميس
ويسعد مسآك وصح لسآنك
ودآم حضورك وابدآعك

[كديميس السيحاني]

الخيال/نور مبدعين بلا منازع
وانتي يانور شايفه قد ايه فرحنا برجوعك وبناءاً عليه ودنا نفعل تواجدك ونكسب ما يجود به فكرك
واذا الابيات هذي لك فأنتي الاخيليه او الخنساء هههههههههههه
وانت يالخيال اكيد كنت تاخد تفوق بالانشاء(التعبير سابقا) هههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
لا شاعرة نجد ولا ابو منصور=والغامدي ما شفت له ذيره
واللي هنا الاقشر وعنده نور=الله جعل بحضورهم خيره
يالهجس عطني لو ثلاث سطور=مع مثلهن او فضها سيره
خابرك في نضم الشعر (تختور)=اكتب ثلاث بيوت تصبيره
عن ورد عن نرجس وعن باللور=اللي حواهن قبلة الديره
اللي محياها يشعشع نور=عنقا تفر القلب وتديره
في حبها جنه عدا به طور=جمالها ياصعب تصويره

صح لسانك وجاد بيانك
و استلم لاهنت


على ضفاف السجن شب النور
جالس وكيف الراس تعميره

يوم الهواوي صابه الحاشور
في صدره الضايق ضرب زيره

غنا على طرقٍ من المأثور
طرقك هذا ياقو تأثيره

ذكرتني في بندر ابن سرور
الله يرحم طيب السيره

من غاب يكفي عنه ناس حْضور
ومن جاء معه عذره وتبريره

اسرج قوافي الشعر سبع ءبحور
و ف الماد خذ لفه وتدويره

ولا تخُلف اوقاتك مع الجمهور
و النوم لا تكثر مشاويره

[ناصر الهواوي]

مساكم سعيد والشر عنكم بعيد
رحيل/نور/ الجوهره هلا بكن وصح ابدانكن ودام حضوركن الجميل واختيارتكن الاجمل
صح الله لسانك يابو منصور وبدنك ودمت وسلمت
عندي مسايير طيرو عني النوم ههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
مادام خيال ما جاب الكفاله وشح=وبخل على اعتاق نفسه في ثلاثة سطور
الليله اشوف به حمى ونوبٍ يكح=بزنزاته لا طلع لازم يولع بخور
والوضع محزن ولا يبغى زيادة شرح=يطلع وخير الخلف لحسن سلف صار نور
نبي الحِكم والادب والتسليه والمرح=هرفي عشاها وكبده تنتظرها فطور
ومن در خلفه يباشرها الخفير بقدح=وفي سجنها تمرح الليله بسعد وسرور

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ

[كديميس السيحاني]

هلا بك شآعرنا كديميس
ويسعد مسآك وصح لسآنك
ودآم حضورك وابدآعك

هلابك يا الجووهره

صح كلك ولا هنتي

الله يسلمك ويشرّف قدرك

لكِ تقديري واحترامي

[كديميس السيحاني]

مساكم سعيد والشر عنكم بعيد
رحيل/نور/ الجوهره هلا بكن وصح ابدانكن ودام حضوركن الجميل واختيارتكن الاجمل
صح الله لسانك يابو منصور وبدنك ودمت وسلمت
عندي مسايير طيرو عني النوم ههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
مادام خيال ما جاب الكفاله وشح=وبخل على اعتاق نفسه في ثلاثة سطور
الليله اشوف به حمى ونوبٍ يكح=بزنزاته لا طلع لازم يولع بخور
والوضع محزن ولا يبغى زيادة شرح=يطلع وخير الخلف لحسن سلف صار نور
نبي الحِكم والادب والتسليه والمرح=هرفي عشاها وكبده تنتظرها فطور
ومن در خلفه يباشرها الخفير بقدح=وفي سجنها تمرح الليله بسعد وسرور

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ

صح كلك يا ابو عبيد
الله يبارك ف الربوع المسايير
صاروا سبب لاتحافنا بالقوافي

من شاعرٍ في الشعر قايد مغاوير
سهر وحرر فيد رجلٌ سنافي

وحكمه صدر ونقول يالله مساء خير
كلبش فتاةٌ ماعليها خلافي

[كديميس السيحاني]

تسلية للسجينة


شخبطة قلم

نجوم الليل ماشفتي وشفتي ؟
مثل ما شفت ما شافت عيوني!!

نجوم الليل ما حفتي وخفتي ؟
موارد مشربه ما وردوني !!

نجوم الليل ماهمتي وهمتي؟
هيام وشوق همت وشوقوني !

نجوم الليل ماقلتي وقلتي؟
بقولك كلموا ما كلموني

[كديميس السيحاني]

الا يا وجودي وجد من بالسجن محبوس
ولا فيه من بالسجن يشفق على حاله

يا بعد الونيس اللي يغني على المنكوس
وانا اللي شفوق اجاوب لصوت مواله

يسرّي معاي الليل ويشتت الهاجوس
و يذهب عماسي كل ما قنّد دلاله

حدتني ظروفي عنه و اخذت منه دروس
اثاري بعيد الوصل يقطعك بوصاله

و انا ماطلبته جاه ولا طلبت فلوس
طلبته وصال يقدر الظرف و احواله

[كديميس السيحاني]

ليه الظلام ليا ضوى الليل بجناح
بعض القلوب يثير منها المواجع

ويا ما قلوب استبشرت منه بأفراح
وياما النواظر به تصفح مراجع

لكن بغيت اسألك و أقول ياصاح
ما يوحي ءلك الليل صوت السواجع؟

ولالك مع نجومه تواصل للإفصاح؟
وتسمع صدى صوتك من النجم راجع؟

ولا شع لك في تالي الليل مصباح
وسهرت معه الليل والكل هاجع؟

ولا قلت ليت الطيف ما دونه سناح
والورق ليته قدم الأعيان ساجع؟

ولا داعبك نسناس والمسك فواح
و الهمك حدسك لا تفكر بفاجع ؟

و لا دق خفاقك بنبضات مرتاح
تعبير جد السير خل التراجع؟

[كديميس السيحاني]

الخفير اللي هرب من حين فكوا قفل قيده
تاركٌ باب السجن مفتوح وانحاشت سجينه

والهواوي نام مدري طار و المركب جريده
و شاعرة نجد ، الحمام ايام ما تسمع رطينه

ومن رحيل الليل ما نقرا لها جمله مفيده
والدنيش بجو هادي بين ورد وياسمينه

و جوهره مرسى رواسي طلّة منها حميده
و من يدوّر للقوافي قلت يا ربي تعينه

[كديميس السيحاني]

خرب طبعكم يا ربعنا والسجن مفتوح
ولا فيه مسجونه ولا فيه سجّانه

ولا فيه من يسهر معَ العاشق المذبوح
على كبر سنه عاشق يغني الحانه

يدور على اللي يلعب القاف له ناصوح
يجاوب لصوته طالما العين سهرانه

[كديميس السيحاني]

تصبحون على خير
حتى لو مافيه احد منكم موجود

[نور]

صح لسانك كيديميس

‏

وين ٱنت يا مسـﻋـد صباحي بطلتڪ
تـﻋـال أنا تـوي من النـوم صـاحي ،،

بـروي عيوني منک وأفرح بشوفتڪ
يسـﻋـد صباحک يا محلي صباحي ..

تغني <<<<<<<< ياصباح الخير يااللي معانا الكروان غنى وصحانا هههههههههههههه

[نور]

‏مع كل مطلع شمس لك حبٍ يدوم
ولك شوق يتنى نور وجهك يوم غاب

عيني .. تحرى مطلعك في كل يوم
والى اشرقت شمسك برى جرحي وطاب

ما يلحق المشتاق يوم اشتاق لوم
انت الحضور .. وباقي العالم غياب

[ناصر الهواوي]

ساعود ان شاء الله بعد قليل ههههههههههههههههه

[ناصر الهواوي]

لله درك يابو منصور وصح الله لسانك الى مالا نهايه
حييتي يانور وذوقتس الراقي وتراتس مسجونه ماهو على كيفتس تمذرحين(تدوجين)ههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
هلا مرحبا ماجاء لورق الرواعب نوح=على الباسقات وما شعا الهجس بالحانه
واعزاه ياقلبٍ بسهم الهدب مجروح=حتى امساء على نايه يغني يليدانه
على درب منبوز الردايف يجي ويروح=نحت به عيون الحر عن سلم جدانه
تبين لنا ما به خفا من جديد البوح=تقلب مزاجه بين توته ورمانه
حلقه لو بغى يصعق لما فات له مبحوح=حاضر وقته يجافيه عن غابر ازمانه

[ناصر الهواوي]

ابو منصور
فيه قصيده اما لوhلدك او والده رحمهما الله وجميع المسلمين
منها
عليها شدادٍ من هضاب أمّْرَه منجور
والميركه من ضلع فرقين ناجرها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
اذا تعرفها او عندك منها خبر زودنا بها زادك الله من كل خير

[ناصر الهواوي]

دوتس الشتا يانور ذعذع براده=من ما تيسر لتس نبي منه يانور
الجزل لتس ديدن ورغبه وعاده=ومن يدخل الفرحه على الناس ماجور
بي ضيق صدر وفي هجوسي قراده=عايش على طرق الهجيني ومجرور
حاولت به عيا يغير مراده=نقطة تمركز حوله ايلف ويدور

[الجووهره]

يسعد مسآكم
وصحت الالسن والاذوآق
ودآم حضوركم وابدآعكم

ومنووره السجن يانوورر
وابشري بالتسآلي

[خيال مطير]

https://www.youtube.com/watch?v=XHPXazl15m4&ab_channel

[نور]

مقنع الله خلق عبده عشان العبادة
ماهو عشان مفاخر العرق بالعرق
صح أن فالدنيا عبيد وسادة
لكن عند الله مابينهم فرق
خلك بسيط الكبر ما هو بعادة
لا تسرقك دنياك عن خلقتك سرق
خلك صبور وخل عندك إراده
ولا صرت راعي ضو فأصبر على الحرق
لولا الصبر والمعرفة و الركادة
ما تجرح العشاق ترنيمت الورق
وإذ بتسيد فالمراجل سيادة
خل المراجل باب وسيادتك طرق
خلك ذكي وأخذ الأمور بهوادة
ولا صدت وثب لاتجي صيدتك زرق
و الياً عشقت أعشق من الحور غادة
حورية(ن)في بحرها يحيى الغرق
إن زعلت زانت بعينك زيادة
وإن ضحكت كنها تنافس مع البرق
وإذا أدور فالحياة السعادة
أسجد لربك سيد الغرب والشرق.

[نور]

تراى مو شاعرة ولاني زيكم بس خذوا الزين واتركوا الللي نص ونص هههههههههه

[نور]

مشتاق أنا أسمع منه اليوم لبيه
ودي أعيش بجـــوّها لو ثــواني
بس أتلهف كلمته يوم أنـــاديه
وليا نطق لبيــه طحت بمكاني
أعيش في عينه وأنا ميّتٍ فيـــه
في وسط عينه كون من نوع ثاني ؟

[نور]

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

|

[نور]

‏أنا مسائي حضوركم اللي احبه
متى عــلى الله يبتــدي بكم مسائي

سجنتـوني شـــوق وغـــــرام ومحبـــه
قولو مساء الخير واطلقو سـراحي.
‎

[نور]

<<<<تغني >>>>
جتكم هنوف اللي لها لعب جميل قوموا وشيلوا صفكم يامن حضر
أم العيون اللي لها طرف كحيل وجه يشع النورمن هيك القمر





يلا طبوا يابنات

انصحكم تطلعوني لاني راح اغني كثير

[نور]

‏ياسيد الحلم احساسك مزاره بعيد
ماهو محطات وحدود وعذاب وسفر

يمكن يبي له بعد هالبعد قلبٍ جديد
ولا يبـي له بعد ماضاع عمـري عمر

خل المشاعر تحت سطوة برود وجليد
ارحم عيوني من الذكرى وطول السهر

ماباقي إلا صدى حرفـي بفكري شريد
ونقطه يتيمــه تدّور عن نهايــة سطر

[الجووهره]

مسآء الورررد

أبدعتي نووور
وصح لسآنك ويسلم ذووقك
وانتي غني وانا ورحووله نرقص
هههههههههههه

[الجووهره]

تسالي للسجينه الجميله
وللجميييع


‏لولا الظنون الطيبه مات الاحساس

‏ولو لا التسامح بالحياه انقرضنا

‏ولولا الامل تهنا على سكة الياس

‏ولولا مخاسير الزمن ما اتعضنا

،،،
‏احذر يغشك بالبشر طيب الاحساس
‏بعض القلـوب جــروحها من سببـهــا

‏جرح الشجر كله سبب ضربة الفاس
‏والفاس من غصن الشجـر ويحطبها


،،،،

‏هادي الليل . . لو ميل جريد النخيل
‏طاغي الصمت لو صدري يبي فضفضه

‏لف حزن الدرايش شال ليل ٍ طويل
‏وعم ضيق الشوارع صمتها وافرضه

‏كيف أبغفى وأنا بآخر ضلوعي هديل
‏كل ما التم جرح ٍ بالظلوع . . نْقضه

[نور]

‏
الظن له وجه متسامح ووجهٍ شحوب
والناس ماتعرف اللي داخل قلوبها

احدٍ يجي صادق الكلمه والاخر كذوب
وناسٍ ترزز بثوبٍ ،،،،، ماهو بثوبها

واحدٍ طريقة كلامه عن صفاته تنوب
بعض الاوادم تبيّن لك من اسلوبها !!!

[ناصر الهواوي]

لاوالله الا نبي نرقص كلنا ههههههههههههه
ولا راح نطلقتس الا بمنتصف اكتوبر
صراحه يانور من الاسلوب والشعر طرت على بالي وحده كانت معنا زمان في عدة منتديات ما اقول اسمها الله يذكر الجميع بخير اذ بعض هذا من نضمك فانتي شاعره وجزله
اهلا يالخيال وما قصرت
ومرحبا برحيل والجوهره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
تداع المعاني دارسينه بعلم النفس=توه بان لي معناه وارضه وتطبيقه
لو يداعب اذنك همس يطري لبالك همس=يدغدغ شعورٍ غافيٍ فيك وايفيقه
يشابه ريموت يشغل الاجهزه باللمس=يشرح اويزود ضيقة اللي حوى ضيقه
ويجلى عمس راسٍ من فراق خله عمس=هذا نوب والا نوب يعطيه تغليقه
تضلل بفيه نوب من قو حر الشمس=ومره تشوف الشمس من جنبه امويقه

[الجووهره]

ههههههههههه
أجل نتنكس كلنااا

الله يسعدك شآعرناا
وصح لسآنك ودآم حضورك وابدآعك

[كديميس السيحاني]

ابو منصور
فيه قصيده اما لوhلدك او والده رحمهما الله وجميع المسلمين
منها
عليها شدادٍ من هضاب أمّْرَه منجور
والميركه من ضلع فرقين ناجرها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
اذا تعرفها او عندك منها خبر زودنا بها زادك الله من كل خير

الله يرحمهم ويرحم جميع اموات المسلمين
ابشر يا ابو عبيد
مع العلم اني ما حفظتها كاملة ولكن بحاول
اجيب منها اللي محفوظ ان شاء الله

[خيال مطير]

آلجو رايق والهوا فيه نسناس
والغيم متجمع بوسط السما فوق

يالله تغسل ميت الارض والناس
وتشفي قلوبن مسهآ آلضيق وآلعوق

[خيال مطير]

ي صاحبي گنز الرجال / الكرآمه
ترقى عليها فوق روس المشاريف'

اللي حفظها زاد قدر و شهامه
و اللي فقدها زاد ذل و تحاسيف

[خيال مطير]

أتحصّـن ميـر ما عنـدي منـاعـه
يستر الله مـن دواي ومـن طبيبـي
خاطري مشحون من كثـر إلتياعـه
يجحد العلّـه وأنـا جرحـي عطيبـي
منكسر مـا بيـن حبسـه وإندفاعـه
وواقف ٍ بيـن المنـادي والمجيبـي

[خيال مطير]

ارفعي راسك دقيقه وافهميني
الطفوله كلها حب وصداقه
لا تغيب الشمس وانتي تكرهيني
الفراق المحتمل مر ٍ مذاقه
جبت لك ورده وذبلت في يميني
وكان ما تكفيك ( ورده ) جبت باقه

[خيال مطير]

إقلط تقهوى من عروقـي فناجيـل
هذا غلاك ومجلسـك فـي فـؤادي

وسط الحشى شبيت نـار التعاليـل
وراح الخفوق بصوت حرفك ينادي

آمر تدلل .. إطلب النجـم وسهيـل

انت إلتفت والحلم يصبـح وكـادي

[كديميس السيحاني]

ابو عبيد
نور

صحت السنكم ودام تواجدكم
الجووهره
تسلم الذائقة ودام التواجد

[شاعرة نجد]

السلام عليكم ورحمة الله

وطاب صباحكم رواسينا وصحت الذوائق
وصح لسانك يـ الهواوي ولاعدمنا ابداعك
وصح لسانك خيال وصح لسانك ابومنصور ودام الابدااع والحضور

ومنوره السجن نور ومرحبا الف
وابشري بالتسالي,’’

[كديميس السيحاني]

حمام الورق ليته في لحونه
شعا خافي قريحه في غيابه

ولا غنا ترانيم ام سالم
يضيع العود مع جر الربابه

على مركاي اراعي للمجره
ولا شفت النجوم من السحابه

سحابة صيف ما ترزم رعوده
على قول المثل رزقه هبابه

الا يالله طلبتك يا إلهي
بنوٌ سيله يغطي هضابه

تباشر به عيونّ يرقبنّه
مثل ما يرقب مْهاجر لايابه

[شاعرة نجد]

أول التسالي لـ السجينه..

جر قلبي من اللي فيه جر الحمام
للحون الجميله مع شروق الصباح

آهـ لو جتني الفرصه على مايُرام
كان اجاوب واجيبه مع هبوب الرياح

وانسج خيوط ودي بالغلا والغرام
واطلب مْن المشاعر والشعور السماح

واستعيد القصيد العذب واجلا الظلام
واشعل شْموع حرفي بين جد ومزاح

مابغيته صحيح فْـ هُو صحيح وتمام
ومابغيته مزوح اسدل عليه الوشاح

واتغنّى واغني عـ الهوى ياسلام
مثل عذب القراح ومثل زرق الرماح!

[كديميس السيحاني]

يا صدري اللي يضيق ليا غشاه الغبار
ارتاح لا تتعب انفاسك و صمتي كفا

و على زهور الحديقه تم فتح الستار
و الليل دامس و ولع شمعتين الدفى

[كديميس السيحاني]

الصدر ضاق به النفس ما للغلا عندي قياس
ولا فاد في حظي معك ضحكات سن وفبركه

الجرح باقي ما اندمل رمش الكسل قوي باس
واسيرك اللي تنزف جروحه علامك تتركه

وإن قلتي احساسي كذب من كهرباك الالتماس
حتى الجبال الراسيه بالكهرباء متحركه

وانتي صحيح انك هنا لكنّك بعيدة مراس
و لو حبل وصلك في يدي والله لعقده واشركه

حتى الغلا يطبع بقلبك منه نسخه بإقتباس
مما بقلبي من غلا للوصل لازم جمركه

يافاتنه ياللي على جيلك لبستي تاج ماس
لعيونك القاف ءيخضع والمعركه متمعركه

شربكت لهجات العرب صافي ذهب مابه نحاس
الناس قالوا شربكة وانتي ووصلك ش/بركه

ياللي فهمتي صافي المنطوق من دون التباس
انتي سراب لضامي الحمه ويقفاه ءدركه

اشرك غلاك من الغلا حذرى عليه الانتكاس
في الروح يشركه الغلا والا مع الله ما اشركه

و يضيق به صدر و نِفَس والا الغلا ماله قياس
ويوم(ن) تجود به الوصل من جد عندي ماابركه

[نور]

صح لسانكم وسلمت ذائقتكم ودام ابداعكم المميز



ناسٍ تعذر قلبهم من غلاهم

لو من جفاهم وسط جوفك حواسيس

وناسٍ تشوف قلوبهم من صفاهم

أصحاب ذمه والنوايا فوانيس

وناسٍ تضيع حقوقها من حياهم

وناسٍ تحفر لليتامى دواسيس

وناسٍ تضيق ولا تبين خفاهم

ما شالوا الزله إليا جات من هيس

وناسٍ يديهم في حلوق اقرباهم

ولا البعيد يردهم بالمدابيس

وناسٍ تزينهم ويطغى رداهم

لان الردى بالعرق ساسٍ وتاسيس

دون المعونه ليت تسلم وذاهم

والله يعوض خير عند الهلابيس

شوري عليك إن كنت تنشد دواهم

الطيب ما يثمر بناسٍ مناجيس

لا تشيل هم ولا تعبر لحاهم

لأن الجبل ما يشيل هم القراطيس

[نور]

‏تمنيتك قبل لا أعرف تفاصيل الوله والشوق
وخذاني الحلم لأبواب الغرام وأول .. دروبه

وتخيلتك ، على لطف النسيم البارد المسروق
من أحضان السماء وأول صباح وليلنا دوبه

[نور]

‏ياللي محبتك لابقت ولاخلت
يامرحبا بك عقب ماغيبتك طالت
صوتك يشابه مطر وسمية هلت
فوق ارض بدوٍ لها عامين ماسالت
بعدك الاصوات لو كثرت ولو قلت
متساوي صمتها عندي بما قالت

[كديميس السيحاني]

أول التسالي لـ السجينه..

جر قلبي من اللي فيه جر الحمام
للحون الجميله مع شروق الصباح

آهـ لو جتني الفرصه على مايُرام
كان اجاوب واجيبه مع هبوب الرياح

وانسج خيوط ودي بالغلا والغرام
واطلب مْن المشاعر والشعور السماح

واستعيد القصيد العذب واجلا الظلام
واشعل شْموع حرفي بين جد ومزاح

مابغيته صحيح فْـ هُو صحيح وتمام
ومابغيته مزوح اسدل عليه الوشاح

واتغنّى واغني عـ الهوى ياسلام
مثل عذب القراح ومثل زرق الرماح!



لافض فوك ولا انلجم لسانك
وجبت مجاراة هالكايفه



‏
‏

غن ياليل دام الطرق فيه انسجام=والمجارى صداي لصوت ضبي البراح
ماعليّه ملام و لا عليها ملام =في مجارى القصايد والنوايا صُحاح
تستلج الصدور و يستباح الكلام=ان سمعنا حمام الورق جر النواح
كل هجسٌ ينادي يا القوافي الهمام=جاوبي ساجع الورقا بما هو مباح
و الله اني صويبٌ ما اشتكي من هيام=و من شكى من هيام وشوق مطلق سراح
كل هجسٌ عليه مْن الليالي عسام =وكل عدٌ نضح من مشربٍ له قراح


‏
‏[/quote]

[ناصر الهواوي]

الله يمسي الجميع ويصبحهم بالخير
ابو منصور صح لسانك ولاهنت
شاعرتنا ابدعتي ولاهنتي
نور صح لسانتس وصح ذوقتس
خيال مرحبابك ولاهنت
الجوهره هلابتس
رحيل ارحبي ولاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
على شجرة الكينا علام الحمام الورق
يحن ويون ويجرح القلب في نوحه

تفحصت جفنه ما انهمر بالمياه الزرق
ومن له يصيِّح جاوبه بايسر الدوحه

شعا الهجس بالصوت الحزين وبدع له طرق
وشجا القلب في وناته ونقض جروحه

تجاهل وضع ملتاع جفنه بدمعه غرق
اثر طعم دمع العين به زايد ملوحه

اثر الهجر يسرق حال من هو يطاول سرق
وانا قبل كنت اكذب المطربه توحه

[الجووهره]

تسلية العصريه
للسجينه والجمييع

https://youtu.be/Q-sN4Nx0-JI


يالااا يابنات نمسك الصف
والرجال الصف الثاني
ههههههه

[الجووهره]

ونكمل التنكس هههههه

https://youtu.be/WO0swKcpmis

[الجووهره]

https://youtu.be/0XkspmDbwlI


عاااشوووووووو

ههههههههههه

[خيال مطير]

ونكمل التنكس هههههه

https://youtu.be/wo0swkcpmis


هيضتني هـــــ ألشيله .. تذكرت مديرنا

لاههنتِ ,,

[خيال مطير]

الشايب اللي فأول العمر واتلاه
يسعى لخلق الله يدوّر رضاها

فوق اصفرن مع طلعة الصبح يشعاه
مافيه ديره ما وقف في سراها

والى توفّر في يمينه ثمن شاه
حوّل على سوق النسيم وشراها

- عبدالله بن زويبن

https://pbs.twimg.com/media/EUoT7MiXgAAiJDd?format=jpg&name=small

[شاعرة نجد]

لافض فوك ولا انلجم لسانك
وجبت مجاراة هالكايفه



‏
‏

غن ياليل دام الطرق فيه انسجام=والمجارى صداي لصوت ضبي البراح
ماعليّه ملام و لا عليها ملام =في مجارى القصايد والنوايا صُحاح
تستلج الصدور و يستباح الكلام=ان سمعنا حمام الورق جر النواح
كل هجسٌ ينادي يا القوافي الهمام=جاوبي ساجع الورقا بما هو مباح
و الله اني صويبٌ ما اشتكي من هيام=و من شكى من هيام وشوق مطلق سراح
كل هجسٌ عليه مْن الليالي عسام =وكل عدٌ نضح من مشربٍ له قراح


‏
‏[/quote]
الله يصح لسانك شاعرنا المبدع
وتسلم ولاهنت عـ المجاراة الفاخرهـ,

=في مجارى القصايد والنوايا صُحاح

نعم شاعرنا يشهد الله اخواني وزملاء حرفي على هـ الصفحه
وافتخر واستمتع بمجارياتكم واستفيد منكم اساتذتي
تقديري,’’

[شاعرة نجد]

تسليه يانور,من الارشيف

فـــيـــنـــي ولــه,فــيــنـــي حـنـيــن,وفــيــنــي
شــوقٍ سـكــن فـــي مهـجـتـي مشقـيـنـي

أضـــمّــــد جْـروحــي,وأحــاكــي روحــــــــي
وأخــشـــى الـمــخــده ريـشــهــا يـوحـيـنــي

مسـتـوحـشـه مــــن ديـرتـي,مــن نــاســي
مـــاكــــن شــــــــيء بــدنــيــتــي يـعـنــيــنــي

أعــمــى عـيـونــي شــوقـــي المـسـتـفـحـل
مـــــــوج الــبــحـــر والـــــــورد مـايـغـريــنــي

وحـتــى النـسـيـم الـعــذب لامـــن ذعـــذع
كـنّــه عـلــى جــمــر الـغـضــى صـالـيـنـي

أحـتـرت فــي نفـسـي,وأنـا عـــن نـفـسـي
أدري ولا أدري وش حصل,وش فيني؟

مـسـتــرهــفــه وأنــــــــا رهــيـــفـــه خـــلـــقـــه
وأدنـــــــات كــلــمـــه يــافـــهـــد تـبـكــيــنــي,

[شاعرة نجد]

وليفي ترى الفرقاا وجعها يهد الحيل
دخيلت عيونك ياعيوني من الفرقا

بعيد وبعيده بس جابك نسيم الليل
سهرتك خيال وعبرتي تنزل وترقا

وأحاكي ظلام الليل,ياويل قلبي ويل
من فْراقك اللي محرقٍ خافقي حرقا

نطرت وصبرت وبااح سدي وفااض الكيل
عليك الله أكبر سارقٍ رااحتي سرقا

غصون الغرام مْن الهوى والهياام تْميل
عليها من الوجدااان كم نااحت الورقا

[كديميس السيحاني]

الله يصح لسانك شاعرنا المبدع
وتسلم ولاهنت عـ المجاراة الفاخرهـ,

=في مجارى القصايد والنوايا صُحاح

نعم شاعرنا يشهد الله اخواني وزملاء حرفي على هـ الصفحه
وافتخر واستمتع بمجارياتكم واستفيد منكم اساتذتي
تقديري,’’
[/quote]

صح كلك ولا هنتي
هوايتي المجاراة لكل قاف جزل
وانتي ما تجيبين الا الجزالة لله درك
تقديري و احترامي لكِ

[الجووهره]

يسعد مسآكم وصبآحكم
وصحت الالسن والاذوآق
ودآم حضوركم وابدآعكم

[الجووهره]

تسآلي للسجينه
والجميييع

‏،،

‏نكبر ، وتبقى قلوبنا مثل ماهي
‏ماهمها جرد السنين وعددها

‏ماعاد شمس العمر تشره على الفي
ولا السنابل تكره اللي حصدها

‏دام الضمير اللي تشيله معك حي
‏ذي والله اللي فوقها طول يدها

‏دنياك هذي ماتساوي ولا شي
‏حاول توازن حلوها مع نكدها !!!

....

‏الكلمة اللي ما لها قيد وعقال
‏لا مرتك لا تعترض في نحرها

‏كم كلمة من كبرها جا لها ظلال
‏ما هزت شعور الرجال وشعرها

‏صد وتغيفل لا تلقي لها بال

‏ خل الخبول تصرها في غترها

‏ما كل رجال يواخذ بما قال
‏وما كل شجرة ينوكل من ثمرها

،،،،،

‏صوتك تفاصيل المحبين.والورد
‏لو ينهدى صوتك على الناس كفى

‏كنت اتدفى به عن الدمع والبرد
‏واليوم بعد .. اقفيت.كيف اتدفى

.....

[كديميس السيحاني]

تدور السنين وكل ماقلت فات الفوت
سمعت السجع للورق و احس باحساسه

و تخيلت طيف الولف و استرسلن بيوت
و لو ينقص التعبير عما حوى راسه

حروفي ليا ناح الحمام ورفعت الصوت
ابي تصبغ حروفي تلاوين كراسه

او ان الوشوم لكفها مثل لون التوت
ولا تنمحي ذكراه من كف مياسه

ابيه ايتذكر كلمته والشفاه سكوت
و ابيه يْتهزع كل ماهب نسناسه

جزاء ما عمل بي من عمل قبل حل الموت
شقيت بغلاه وهو دلوهٌ معَ ناسه

سقاني وليفي بالغلا من سحر هاروت
ولا فيه طبٌ يبري الجرح من كاسه

[كديميس السيحاني]

يسعد مسآكم وصبآحكم
وصحت الالسن والاذوآق
ودآم حضوركم وابدآعكم

جعلك الله من السعداء في الدارين

وصح كلك ولا هنتي
دمتي بخير

[الجووهره]

اللهم آمين وايآك
والجمييييع

[ناصر الهواوي]

ابو منصور وشاعرة نجد تجاوزتوا الابداع بس انا ما اعرف الرتبه اللي اعلى منه ههههههههههه صحت السنتكم وابدانكم
رحيل هلابتس وصح بدنتس وذوقتس
اهلا يالجوهره ودام تواجدتس وعطاتس المتميز
خيال حييت ودمت وسلمت
وين نور اليوم ما بينت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ
الا يالنسيم اللي تهز الجريد بهون=تيامن جنوب او خل هبتك للشرقا
نحانا جنوب ولا على ما يقال اتهون=وجرَّت نحانا شرق يوم رحلت طرقا
صحيح الليال السود ماطبعها مامون=آخر شي كنا منه نتخوف الفرقا
بلون امسنا واليوم جانا بغيره لون=وبكره عساه لمستوى اليوم ما يرقا
على عيونها هلت غزير الدموع عيون=من العام تهمل واحرقت موقها حرقا
يقولون طبع الناس لو يرحلون ايجون=ومن يصدق ايقولون ذا راسه معرقا
ماهي مشكله لو كنت داري بما ينوون=لاشك درقوني بالجفا والسفر درقا

[خيال مطير]

صح الله السنتكم جميع


طلعو السجينه


ترا جابتلي مشاكل


طول اليل وهي تون

[خيال مطير]

أول مره أشوف

سجينه

جايبه ورعانها معها

[خيال مطير]

يا نجد لو كل العرب منك ملت
ما مل من نجد العذيّه ولا اتوب.

[خيال مطير]

https://pbs.twimg.com/media/D48eo1mWAAYNC0l?format=jpg&name=small

[خيال مطير]

https://www.youtube.com/watch?v=AZUivv1T8GU&ab_channel

[خيال مطير]

يابن بديَع وقفت بي على الشاط
الموج عالي والسباحه مخيفه
تعبت ماباقي من الجهد قيراط
دفيتها لين ابركت في النصيفه
في رحلةِ مابين تموز وشباط
عنوانها واضح بصدر الصحيفه
راحت سدى باسباب تفريط وافراط
واستنزفت دم القلوب النظيفه
لوكنت من شيد حضارات الانباط
فوق الجبال الشامخات المنيفه
ولو كنت بالحكمه منافس لسقراط
باح الكلام , وصدرتبي امعيفه
طال الزمان وجرح الايام ماخاط
ينزف وعيا لايوقف نزيفه
فقدت وقفات السدارى هل الغاط
اهل المواقف والنوايا الشريفه
الياطرى لي شخص ابوزيد , تنساط
كبدي وقلبي مايهود رجيفه
وقدام يدخل خاطري ياس واحباط
او يقتحمني سيل وادي حنيفه
افزع وناد الهاجري وابن شلحاط.
ومدغم وابن قضعان وايضا ابن ريفه
ولابد لك بمحمد الذيب تحتاط
يكفيك عن عنتر ورمحه وسيفه
انا بذلت الجهد في كل الاوساط
لكن دنيا خاتمتها ضعيفه
ماتصفي الا مع منافق وخراط
ومعوقِ باقي لجده خليفه
رزقه حرام ولايجي غير نقاط
وغير النذاله مالقى له وظيفه
يجعل يلقطهم من القاع لقاط
ومن الغضب تنزل عليهم قذيفه
تضرب جماجم روسهم ضرب مخباط
لين الوليف يقوم يلعن وليفه
- فاجابه عبدالرحمن بن بديع

معا بداية شعري وشاربي خاط
من قالي الشعر، ويش اتعريفه؟
قلت الزلامي ماخذِ كل الانواط
حسان الأول، والزلامي وصيفه
صفت له ابيوت الشعر صف ضباط
وتاتي قوافييه على كيف كيفه
لو كان شطر عشرة احروف وانقاط
مثل المخيل اللي غزير قنيفه
سندت للغطغط وحدرت لرهاط
ويانعم بالشاعر ونعمِ بقيفه
اللي لهم في غبة الحرب مقلاط
على الرمك وملاعبات السفيفه
والحين ياللي شعركم غنج واهياط
وين الحرير القرمزي والقطيفه
اليوم صارت ريحته ريحة اشياط
دام اجتمع مشهاب نارِ وليفه
قصيدكم على ملفات واشناط
بس الوكاد انه قصيدِ نعيفه
لو تدخلون القدس من باب الاسباط
حياتكم فيها حياةِ كسيفه
واللي نكب لبنان وليد جبلاط
والمشكله حزب السياسة حليفه
يا بو جميل، العلم من دون فقاط
ما تعرف اهل العزم حاجه كليفه
ابشر بنا حنا قويين وانشاط
حتى ولو ان المزاهب خفيفه
ولا نقول ابنسبق الريح ببساط
ولا بنطلق شوف عينِ كفيفه
والآدمي وان عاش حياته انماط
فيها الليال الهينه والعنيفه
اللي ما دامت لاهل بابل والاسباط
قد قالها النعمان ابو حنيفه
ومن دون ذي الخلصه ومن ذاتا انواط
الله جعل للناس كعبه شريفه
ذكر نبي الله للساعه اشراط
وفي هالزمن قد بان منها نصيفه
والكل يخشى يالزلامي، ويحتاط
والله يغفر.. عند نشر الصحيفة
وهذا رد الشاعر- محمد ابن الذيب

الجمر حامي غير مافيه ملقاط
لكن ننوشه باليدين ونحيفه
ولكل شوط سابقه ياهل الاشواط
وانا معا رشيد ماني رديفه
لاتجذبك شرد القوافي وتشتاط
وانته رشيد اللي علومك طريفه
كانك على اهل الشعر بتعد الاغلاط
مانته بناعم في الحياه المريفه
من الوطوايط ابيبلشك وطواط
جناحه اطول وجنوبه رهيفه
ويولع البرميل من عود مشخاط
لوكان عيدان المشاخط نحيفه
انعرف ابو واطين وانعرف ابو واط
وانارة الثاني تراها ضعيفه
مانته مثل موسى لكن حن لك اسباط
وانفوسنا لمناوشاتك عجيفه
وبغداد لازالت اذا جاز الاسقاط
تقول هارون الرشيد الخليفه
والثانيه يالغاط واللي ورى الغاط
رشيد نياته تراها نظيفه
ليتك تشرط يالعتيبي تشراط
وانا لعسرات الامور الكليفه
امن الذهب لو ما امتلك غير قيراط
بيني وبينك قسمته بالنصيفه
فرقتي قدر ومحبه ومسفاط
فرق السهل عن الجبال المنيفه
وشعر اللحى ماهو مثل شعرة الباط
الثانيه وسخه والاولى نظيفه
ولاني بحب امغط العلم مغاط
رديتها جزله ولاهي كسيفه
وطرشت لك فكسار ماهو بالاقساط
ومن الطلاق ان النوايا شريفه
ماني بتاجر ادبل الغاط بالغاط
ولا اجمع الدينار وانا حليفه
لكن في امثال العرب قبل الاقباط
قد مات ابورغيف ماكل رغيفه
وانا نمط شعري ما هو مثل الانماط
خذته مراجل ما خذيته وظيفة
هذا رد الشاعر - سلطان الهاجري

شوط الزلامي جر له عدة اشواط
وعرض سماري الجيش حزم وحتيفه
سندبها منا اليا وادي ارهاط
وحدر بها تومي عليها السفيفه
واهدت له الدوله من خيار الانواط
وبطله اثليم المسمى مضيفه
وصفت له الدنيا عساكر وضباط
وعين الرضى عن كل عيب كفيفه
يوم العرب كانوا قووين وانشاط
وديارهم في كل عام مريفه
واليوم راحت كنها خيط مطاط
وراعي العسيف ازرى يروض عسيفه
تخبطوا فيَ المهبل تخباط
وصاروا سوا راعي الشداد ورديفه
يابوجميل ارسالتك راس مشخاط
ومظرفه في عود سمره وليفه
ومضمونها بس اربع احروف وانقاط
ياثقل معناها لو انها خفيفه
تنجح لحم وتشعوط الروس شعواط
يعني حريقه والحرايق امخيفه
مخطوطة ِ ماخطها كل خطاط
الا انت ياللي مفرداتك عنيفه
لو ربطت كل الشياطين برباط
ماشالت الانفس اذنوب كليفه
اقلط ولك في مجلس العز مقلاط
واللي مايعرف كيف خله بكيفه
واسلم عدد رحلات تموز واشباط
مالاح براق يشوق رفيفه
ومايسكن الطائف من جعيد وسواط
والي هنا ماعاد عندي ماضيفه
هذا رد الشاعر - مانع بن شلحاط

كلن لقرصه حاش جمره بملقاط
ما ظل لي ما يشعل اعواد ليفه
شاعر ولي منهج ومبدا ومقلاط
ونفسي لجمهوري خضوعِ وليفه
عايش بخير ولا عليّ نقص واقناط
باسم السعودي وابن زايد خليفه
بين التميمي مجلسي وابن مواط
والشيخ جاسم لا لحقني كليفه
وارتب الساعه بلسعات الاسواط
بعد اذن منهم يحتمون السقيفه
اللي تساعدني بتعديل الأغلاط
جزاه من يحسب على الشعر غيفه
صوت الزلامي يوقظ الفاهي الغاط
شعفِ يرج اهل القوافي وحيفه
على نمط وترد له كل الأنماط
حيث البروز منين وجه حليفه
يشري بكاش وما يعامل بالاقساط
ساع الفقير يقوم يمضغ رغيفه
ابو جميل اعتاظ من عقب الاقباط
قوم العوالي في الديار المريفه
ربعِ خذوا في نجد صولات واشواط
وجاوا الحجاز وخر بره وسيفه
داوا جروحِ صكها ريحة مشاط
ببيوت شعرِ مبهرات طريفه
أستدغم الشعار من تحت الاباط
والخنجر المسنون بسفل شفيفه
رشيد متحرفن بتزوير الابناط
وعن كم بشته كل عين كفيفه
لو تحدر الشعبان ما يحدر اوراط
ايسند الحاله ربيعه وصيفه
اختار له خمسه وجاء عنده اسقاط
في الاحتياطي يوم برك عسيفه
وجاء الاحتياطي خير من ينزل ارهاط
لوِ ان رشيد أهوى عليه برهيفه
يوم انه قال بسادس الربع تحتاط
ما قال عن عنتر بشعره وسيفه
لكنه قال بسادس الربع تحتاط
يكفيك عن عنتر ورمحه وسيفه
جرده من شعره على شاش شمشاط
هروج عود ما يمد الكسيفه
والسادس اصبح خير من رز قسطاط
وانا مع الخمسه وانا اخو لطيفه

[خيال مطير]

وسلامتكم

[خيال مطير]

الله يخليك ل ضناك شاعرة نجد
كم انتي مبدعه
وانت يابو منصور منك تعلم

وحبيبي وتاج راسي ابو عبيد .. الله يطول بعمرك ,, عسانا نااااا صل مواصيلك

لولااك مكنا × هنا

[خيال مطير]

https://www.youtube.com/watch?v=Ao-vSg11Zig&list=RDAo-vSg11Zig&start_radio=1&rv=Ao-vSg11Zig&t=45&ab_channel

[الجووهره]

هلا بالجميع
ويسعد مسآكم
وصح لسآنك شآعرنا الهوآوي
ويسلم ذوقك خيآل
ودآم حضوركم وابدآعكم

[الجووهره]

https://www.youtube.com/watch?v=ao-vsg11zig&list=rdao-vsg11zig&start_radio=1&rv=ao-vsg11zig&t=45&ab_channel


روووووعه
الله يجيب الخير والمطر
ويغيث نجد وكل المناطق

[خيال مطير]

يلبى عيونك

جهير والله احبك

[خيال مطير]

جهير ارسلي سواقك ابي
حبوب سكر

[الجووهره]

تسالي الظهريه

‏خل النظر يمة نجوم ٍ مطله
‏مالك ومال الناس نبحث خفاها

‏لو تبذل المجهود والمال كله
‏الناس صعب انك تحقق رضاها

‏لكن نزّل كل رَجل بمحله
‏خل البشر تبقى على مستواها

،،،،

‏خلك سما واترك هل القاع للقاع
‏وارفع عيونك ، للنجوم المطله

‏وخلك مثل ما قيل للعزم تبّاع
‏مافيه صعب ، إلا وربك يحله .

،،،

يالله ياللي كل الاوقآت ندعيه
ياوآحد يضفي على النآس خيره

ماله شريك ونبتهل له ونرجيه
وحده عليم بما تكن السريره

يالله بوسم يحيي الارض نآشيه
ماله شبيهٍ بالسنين الأخيره

وتربع ادباره وتخضر أرآضيه
وتفوح طول الوقت نفحة عبيره

ويعم خيره باوله لين تآليه
وتفرح به العربآن في كل ديره

محمد عوض الغيدآني

[الجووهره]

يلبى عيونك

جهير والله احبك



اعقل يا الاقششر
هههههههه
الله يحفظك ويسعدك
ويديم المحبه بين الجميع

[الجووهره]

جهير ارسلي سواقك ابي
حبوب سكر

ابشر ارسل اللوكيشن
هههههههه
وسلامتك ماتشوف شر
يا الاقششششر
هههههههه

[الجووهره]

https://youtu.be/KnVi47UX26s

[ناصر الهواوي]

سأعود ان شاء الله بعد قليل

[نور]

‏
خفي علينا / يالظروف الثقيلات
والحمد للمولى من اول ودايم

نسلى ونسكت رغم كل الضغوطات
ولاسلَمنا من هروج ،،،، ونمايم

حتى الزمن لو جار / قلنا سهالات
من باب : بيعوض النجاح الهزايم

الطيبين أحياء ،، بحظوظٍ اموات
و اهل الردا نيّام / والحظ قايم !!!!

[ناصر الهواوي]

مساء الورد ونسايم البرد
خيال لاهنت على روعة الاختيارات ولاعليك زود يالغالي
اهلا يالجوهره سلمتي ودمتي تسالي روعه
اهلا يانور هالابيات قمه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
خل نور تغادر السجن تكفى يالخفير
لاتبات الليله الا بدار عيالها

وانتبه للجوهره يالمعلم لا تنير
حطها بستار فايف تدش بدالها

هالسجن لابد للكل في وسطه يصير
وهالليال يمكن الجو به يحلا لها

العشاء هاته من البيك سرعه يالامير
وخلها تدخل معاميلها ودلالها

جوهرتنا لو يجن الجواهر كوم غير
ياعسى التوفيق في معتقلها فالها

هجسي لقاف الغزل يجذبه سلك الحرير
والقريحه ذكر هذاك جُل آمالها

بو محيا لا طفا الكهربا يبقى منير
لو غطت وجناته رموشها بضلالها

وجيد خشفٍ موحي صوت رمي ومستذير
والشعر ياذيل شقراً بيد زمالها

وبسسسسسسسسسسسس

[خيال مطير]

صح لسانك يابو عبيد

ارحبي ياجهير بالتسالي ,

الخفير الليله . شاش راسه

https://www.youtube.com/watch?v=1ZM6Xs0PZ9c&ab_channel

[خيال مطير]

‏
خفي علينا / يالظروف الثقيلات
والحمد للمولى من اول ودايم

نسلى ونسكت رغم كل الضغوطات
ولاسلَمنا من هروج ،،،، ونمايم

حتى الزمن لو جار / قلنا سهالات
من باب : بيعوض النجاح الهزايم

الطيبين أحياء ،، بحظوظٍ اموات
و اهل الردا نيّام / والحظ قايم !!!!

صح لســــــــــــــــــــــــــــأآأنك أميرتنا

[خيال مطير]

https://youtu.be/KnVi47UX26s
https://www.youtube.com/watch?v=KnVi47UX26s&ab_channel

روعــــــه كلككلكك ذوق

[خيال مطير]

أهداء للجوهره المشعه

https://www.youtube.com/watch?v=mZEm92xrM34&ab_channel

خيال

[الجووهره]

جوهرتنا لو يجن الجواهر كوم غير
ياعسى التوفيق في معتقلها فالها

تسلم تسلم شآعرنااا
صح لسآنك الله يحفظك ويسعدك

ومبروووك الحريه نووور
ومنوره السجن يا أنا
هههههههههه

[الجووهره]

يعطيك العآفيه خيآل
وتسلم على التسآلي
ويسلم ذوووقك

[شاعرة نجد]

ابو منصور وشاعرة نجد تجاوزتوا الابداع بس انا ما اعرف الرتبه اللي اعلى منه ههههههههههه صحت السنتكم وابدانكم
رحيل هلابتس وصح بدنتس وذوقتس
اهلا يالجوهره ودام تواجدتس وعطاتس المتميز
خيال حييت ودمت وسلمت
وين نور اليوم ما بينت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ
الا يالنسيم اللي تهز الجريد بهون=تيامن جنوب او خل هبتك للشرقا
نحانا جنوب ولا على ما يقال اتهون=وجرَّت نحانا شرق يوم رحلت طرقا
صحيح الليال السود ماطبعها مامون=آخر شي كنا منه نتخوف الفرقا
بلون امسنا واليوم جانا بغيره لون=وبكره عساه لمستوى اليوم ما يرقا
على عيونها هلت غزير الدموع عيون=من العام تهمل واحرقت موقها حرقا
يقولون طبع الناس لو يرحلون ايجون=ومن يصدق ايقولون ذا راسه معرقا
ماهي مشكله لو كنت داري بما ينوون=لاشك درقوني بالجفا والسفر درقا


عن نفسي بعض مماعندك مبدعنا
وصح بدنك وصح لسانك
ولاهنت على هـ الممتعه,البيت الاخير حكاايه
لاعدمنا تواجدك استاذنا,’’

[شاعرة نجد]

طاب مساؤكم ودام تواجدكم
وصحت السنتكم وذوائقكم الفاخرهـ

ومنوره جوهرتنا مرحبا الف
وابشري بالتسالي,’’

[شاعرة نجد]

أول التسالي..

https://taby3a.com/wp-content/uploads/2020/10/3-1.jpg

يـ مرحبا ياجوااهر والف ترحيبه
في سجن الابداع شاع النور من نورك

بـ انجيب ماطاب لك والكيف بنجيبه
غاية مُنانا رضاك وبهجة سْرورك

لْعيناك كل السجن بنعيد ترتيبه
واحلا التسالي ابّاقة ورد بنزورك

[الجووهره]

هلا بك شآعرتنا المبدعه
تسلمين نوورك يا الغآليه
بشرك الله بالجنه وكل خير يآرب

وصح لسآنك مليووون
على الترحيبيه الجميله
ماتقصرين جعلك تسلمين

[الجووهره]

تسليه لي وللجميع


‏⁧‫هات‬⁩ القلم والشعر برسم تعابير

‏وهموم قلبي بين الاضلاع فاحت

‏أحلامنا كانت على ريشة الطير

‏والطير طار وريشة الطير طاحت

‏وأيـامنا صـلفه وفيها معاصــير

‏شوفوا بقايا أحلامنا وين راحت

،،،

‏بين العيون وبين عوج المــحاني
‏صورة وخيال وذكرياتِِ حـــزينة

‏ترجمتها بشعور واحــساس ثاني
‏واوصيت فيها القلب بيني وبينه

[شاعرة نجد]

الـ هلا بك والغلا مراقبتنا
ولاعدمت تواجدك وبـ انتظار ابداعك وروائع منقولك وعذب قولك
ودي وفاخر وردي,’’

[شاعرة نجد]

يغيب,,واشـتـاق لــه واغـلـيـه
وازعــــل,,واقــــدم مــعـــاذيـــري

واكـتـب لـــه الشعر,,واغـنـيـه
واعـلــن قساتي,,وتـقـصـيـري

ويطول ليل السهر,,واقْضيه
مــابــيــن فـكـري,,وتـصـويــري

لخبـط كيانـي,,ولا ادري لـيـه
غــــيّــــر حـيـاتـي,,وتـعـبــيــري

حاولـت,,مـاعـاد أفـكــر فـيــه
وازريـت,,لـ احـتــال تـفـكـيـري

يــروح ويـجـيـب لـي,,طـاريـه
غصبٍ عـن امري,,وتدبيـري

[شاعرة نجد]

تسلي:smile:

https://www.youtube.com/watch?v=1jD3P6EmTv8

[كديميس السيحاني]

السلام عليكم
ومساكم الله بالخيرات والمسرات

ابو عبيد
خيال مطير
شاعرة نجد
الجووهره
رحيل
نور

صحت الالسن وسلمت ذوائقكم
ابدعتوا و امتعتوا
دام تواجدكم وطاب حضوركم

نور
مبروك الافراج

الجووهره
نورتي السجن نتمنى لكِ طيب الإقامة
وابشري بالتسالي اللي تسر الخاطر

[كديميس السيحاني]

تسليه طازه




الجووهره نوّرت للسجن و ركونه
لو هي سجينة بمفردها بزنزانه

زيدوا لها في الاكل ياللي تجيبونه
بلاش قسوة ريجيم السجن و احزانه

فطورها جبنه و لبنه وزيتونه
و وجبة غداها سمك صافي و ربيانه

واما العشاء قرصٌ مجمر تسوونه
معفوس بالسمن حتى تصير طربانه

[كديميس السيحاني]

سرت بي هجوس العام الاول وقبله عام
و درت الحزوم اللي عليها تلاقينا

حزومٌ لها عندي معاني وفيها ارسام
و تحاورت مع طيفٌ لطيفًٍ يبارينا

وتجادلت انا وياه وش جاب حام وسام
تشتت ثقافتنا و تخلف مبادينا

و مسكني بكتفي قال شد الرحال وقام
و دبر موادعني وداع المحبينا

وقنب ذيب صدري ونّةٌ تصحي النيّام
و نادا لولفي ليت ف العلم يوحينا

[خيال مطير]

شاعرة نجد

أشغلتيني معد قدرت افكر

[خيال مطير]

ياعسا نا ناصل مواصيلك صح لسانك يالهامه

https://www.r111n.com/image.php?u=703&dateline=1283624196

[خيال مطير]

تسلي:smile:

https://www.youtube.com/watch?v=1jD3P6EmTv8

تم اللطش

[خيال مطير]

تشيط

https://www.youtube.com/watch?v=QIvHbk3F6I4&t=47s&ab_channel

[الجووهره]

تسلي:smile:

https://www.youtube.com/watch?v=1jd3p6emtv8


مرحبا. الف شآعرتنااا
مبدعه بكل حالاتك يا الغاليه
تسلمين على التسليه الرآئعه
ويسلم الذووق الجميل ياجميله

[الجووهره]

تسليه طازه




الجووهره نوّرت للسجن و ركونه
لو هي سجينة بمفردها بزنزانه

زيدوا لها في الاكل ياللي تجيبونه
بلاش قسوة ريجيم السجن و احزانه

فطورها جبنه و لبنه وزيتونه
و وجبة غداها سمك صافي و ربيانه

واما العشاء قرصٌ مجمر تسوونه
معفوس بالسمن حتى تصير طربانه

هلا بك شآعرناا
وتسلم وصح لسآنك
ومشكوور على التوصيه هههههه
هاا اسمعوو الكلام
الله الله بالعيشه الزينه
ههههههههه

[الجووهره]

تشيط

https://www.youtube.com/watch?v=qivhbk3f6i4&t=47s&ab_channel


احم احم
هههههههه
تسلم خيال على الشيله
ويسلم ذوووقك
الله يسعدك

[الجووهره]

يقول طلال الرشيد
الله يرحمه واموآت المسلمين

إذا باعك اللي مارحم قلبك الحساس
تلفّت وتلقى شمعة القلب تضوي لك

تعال وتذرى بين غصن الرجا والياس
تحت جذع صدري لين توقف على حيلك

بعدها تعرف إن الذهب ذاك كان نحاس
و لا فيه أحد كثري من الناس صافي لك

على سور قلبي لا تغرك جموع الناس
ترا ما ورا بيبـانه إلا مداهيـلك



البيت الأخيير
خطيييييير

[الجووهره]

تسآلي
لي ولكم من مدونتي الجميله



مهما تضم قلوب وتفارق قلوب
ان جتك خيره وان تعدتك خيره

لاتقتل احلامك على شي مكتوب
الغصن يبقى حي لو طار طيره

،،،


لا تشـغل التفكير ويصـدع الرأس
آرســم مع التطنيش ، للعـفو باقه

لـولا الحياء ومجامل الناس للناس
ما دام ود .. ولا استمرت عـــلاقة

،،،



خلك على النيه تجيك التوافيـق
‏لـو أغلب قـلوب المخاليق ظـلمـا
‏،
‏اللّه يبل الريق في حزة الضيق
‏لآ شحت كفوف المخاليق بالمــا


،،،

[الجووهره]

وأنا اتصفح مدونتي
صادفت هذا البيت من الذآئقه

لا جفاك ​اللي من ​الناس له عندك مقام
‏نعمة النسيان جزله، وفي الدنيا سعه


وشرفني شآعرنا الهواوي بزياره للمدونه
ورد على البيت وهذا رده


وينها يالشاعر اللي له انكن احترام
نعمة النسيان/خبرك قديم! امكرسعه
لسوقها ارشدني ولانيب قايل كم تسام
علها بالناب فكرٍ مصمم تلسعه



صح لسآنك شآعرناا

[الجووهره]

وأيضاا ها البيتين
من الذآئقه



الصبح هَذَا مِن بَيَاضُك كَسَانِي ..
بِسْمِه لَهَا عَامَيْن مَامَرَّت شِفَاي !!

كُن النَّسَايْم مِن شَذَاهَا أَغَانِي ..
كُن الْأَغَانِي مِن شَذَاهَا/ هَدَايَاي !

وتشرفت بزيارة شآعرناا هزآع للمدونه
ومجاراتها

قلبك خضر والا قديم الأمآني
عزفت لحنه بين قيتآر والنآي

ونقضت جرح مندمل له زمآني
وعيشتني في جو وأحييت ذكرآي


صح لسآن شآعرنا هزآع
اللي طآل غيآبه عن السجن
الله يرده ويرد الجميع بالسلامه

[الجووهره]

وتصبحووون على خييير

[ناصر الهواوي]

اهلا وسهلا بكم
شاعرتنا صح الله لسنتس ولا فض فوكي ولاهنتي
ابو منصور هلابك وصح لسانك ولا هان راسك
الجوهر صح نقلك ودام تواجدك ودمتي وسلمتي
الخيال لاهنت الله يسلمك
وين الغامدي ورحيل ما بينوا
نور ما صدقت ههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
ياصباح الهيل والمستكه والزنجبيل=وياصباح لورد والود مع نسمة براد
قالوا اللي لك تمنى رجوعه مستحيل=قلت ما به مستحيلٍ على الله كان اراد
ابتسامات التلاقي بطعم السلسبيل=وان تلاشت عند لحظة موادع ويش عاد
يحبس الدمعه بالاجفان والصبر الجميل=ويلتجي عن عين من يشمته بالابتعاد
خافقٍ ما ينصدع قهر في يوم الرحيل=اشهد انه يشبه احجار صوانٍ صلاد
واشهد انك ما كسبت اجر فيني ياجميل=ما يصير ختامها بالتغلي والعناد

[ناصر الهواوي]

يالزين ما ادري ليش تزهم وانا ارد=طعم الكلام ان جاء من الراس للراس
ما ابعدك وابعدني سوى حظنا القرد=من العام ما شفنا منه غير الافلاس
قبل امس سويت لملفاتنا جرد=امست على ما قيل حبرٍ بقرطاس
بعض الورق يثور بي ثورة الفرد=ومن ما افهمه على الرجاء غلَّب الياس
واشم في بعض الورق ريحة الورد=به من عبق حضرتك ما يحي الانفاس
وارجع لنضم القاف وملاقف الشرد=واقعد ثلاث ايام ما اخالط الناس
وبس هههههههههههههه

[الجووهره]

هلا بك شآعرناا
ويسعد مسآك والجمييع
وصح لسآنك ودآم حضورك وابدآعك

[ناصر الهواوي]

مساء الخير يا اهل الخير
صح بدنك يالجوهره ودام حضورك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
انا بالنخل والجوهره من وراء القضبان
وارى البون شاسع بين حرٍ ومسجونه

اغني مع النسمه ليا هزت العسبان
ليا شلت موال الرواعب يردونه

ترد الصدى الورقا على صوتي مسيان
كلٍ لو توافقت الرؤوى ميد مضنونه

يا سمح المحيا وش بلى طرفك النعسان
على خافقي يرسل صواريخ مجنونه

اتعبني سهم رمشك وانا من قبل تعبان
بغيت اتجاوز ماده وطحت من دونه

فهيت بتمايل قامتك يا غصين البان
وشفتك بعيني فوق ما هم يقولونه

لو الشيخ شافتس مقبله راح للصمان
ضيع وجهة الديره يبي من يدلونه

[الجووهره]

يعطيك العآفيه شآعرناا
وصح لسآنك ودآم ابدآعك

يازين النخل في هالاجواء الجميله
خاصه وقت العصآري هههههه

[الجووهره]

تسليه لي ولكم

على خير أشوفك كان حنـا مـن الحييـن

مصير الليالي تجمـع الحـي مـع حيـه

سرى النوم مع مسراك وأحفت دموع العين

كفـوفٍ تكفـه كفـة الشمـس للفـيـه

بمان الكريم ارحل وانا في انتظارك ليـن

تـدور الليـالـي دورةٍ ترجـعـك لـيـه

لك الله ما عن ناظري غبت لـو يوميـن

كوانـي فراقـك كـيـةٍ فوقـهـا كـيـه

ولا والله أرخصتك ولا شفت غيرك زيـن

وأنا ادري بحبك لي وانـا صـادق النيـه

أباصلك لو تبعد وانـا حافـي الرجليـن

صريع الغواني لـو جحـد فيـه ماريـه

تموت القلوب الخالية بين زيـن وشيـن

وتعيش القلوب اللي علـى الـود مبنيـه

ترى البعد بعد القلب ما هوب بعـد البيـن

إلى صار من ودعـك يـا عـدك بالجيـه


عبدالله السيآري

[كديميس السيحاني]

السلام عليكم ورحمة الله وبركاته

ابو عبيد
خيال مطير
شاعرة نجد
الجووهره

صحت السنتكم وسلمت ذوائقكم
دام تواجدكم وطاب حضوركم

،

[كديميس السيحاني]

هذي قصة وقصيدة
تسلية


يحكى أن رجلاً من البادية تزوج إبنة عمه وأنجبت له تسعة أولاد ذكور . ولكن في الحمل العاشر أنجبت له أنثى ، وعندما بُشر بالبنت حزن حزناً شديداً وشعر بالإهانة وقال صارخاً : يا ليلي الأسود « يا ليلي الأسود « وقاطع زوجته وأصبح ينظر إليها نظرة تشاؤم وجحود وكأنها هي السبب أو هي التي خلقتها .

– مرت الأيام والسنين وكبر هذا الأب وضعفت قدرتة وبين يوم وليلة فقد بصره وأصيب بالعمى . وتزوج الأبناء وانشغلوا بحياتهم ونسوا أباهم الضرير . كما أن ابنته تزوجت أيضاً ولكنها لما سمعت ما حدث لأبيها سارعت للذهاب إليه ولما دخلت علية بدأت تغسل له جسده وتنظف له خيمته وقامت بطهي الطعام له فأحس براحةٍ لم يشعر بها من قبل،ولما اقتربت منه لتعطيه الدواء أمسكها من يدها وسألها :

من أنتي يا إبنة الكرام ؟؟

فقالت له والدموع تنهمر من عينيها أنا ليلك الأسود يا أبي

فعرف انها إبنتة وانفجر باكياً ورد عليها نادماً ومتأسفاً

سامحيني يا بنيتي . ليت الليالي كلها سود

وأنشد يقول :

ليت الليالي كلها سود

دام الهنا بسود الليالي

لو الزمان بعمري يعود

لحبها أول وثاني

ما غيرها يبرني ويعود

ينشد عن سوأتي وحالي

تسعة رجال كلهم جحود

تباعدوا عن سؤالي

ما غير ريح المسك والعود

إبنتي بكل يومٍ قبالي

[كديميس السيحاني]

مرسى هجوسي كل ما اجيك مشتاق
ازيد زرعك ورد مع زعفرانه

و ترسي بك أمواج ٌ من الفكر تنساق
وصرت الوليف وصرت راعِ الميانة

و ابدي عليك اسرار و اطوي بك اوراق
و انشدك وش سويت لي في الأمانة

و صلتها والا لك الوقت ما راق
و اودعتها الكتمان في البحر دانه

معك اتساع الصدر من ضيقتك ضاق
يشكي عليك ومنك يطلب ضمانه

معك المسيرة قد تجلّت للآفاق
ما قد تمادت في السهل مع طمانه

ومزونها تصحب لرعدٌ وبراق
وهتانها ثمره نفل واقحوانه

يحيي عروقٌ جوها قيض حرّاق
ويغسل نفوس(ن) ماتعيش الخيانة

مرسى هجوسي يوم للعهد ميثاق
ليه الوفاء راعيه يشكي زمانه

من لا عرف عهد الوفاء دوم ينعاق
و راعِ الوفاء لا بد يكسب رهانه

في عالمٍ مفتوح واحداثه اطباق
من جاء مكانه ما يحصل مكانه

يغتاض به عاقل ويرتاح بواق
و يُكسر حديدة من قسى الخيزرانه

و في عملة الوجهين لو سترها رواق
لا بد ما تظهر وجيه اللعانة

والعامل النفسي بتأثير سبّاق
سبق الصحافة في دعاية فلانه

وليّ المزون ليا انهمر يغرق اغراق
و يا موج هد لكل مرسى حصَانه

الشوق صوت وبالصدى رد الأشواق
لو آن أوانه قلت ماهوب آوانه

و إن كان يالمرسى حصل بُعد وفراق
خذها معك ذكرى بعقل الرزانه

[كديميس السيحاني]

ساجع الورقا على خضر الجرايد
سجعها يأثر على القلب الشقاوي

لو نلبّسها من الشعر الفرايد
ما ملن عيونها وزادت غناوي

و عادت الورقا و للورقا عوايد
باللحون المبهره ما هيب تاوي

و غصت في بحرٍ غزيز من القصايد
مر اجاري نجد و امرار الهواوي

واهني اللي يكبّر للوسايد
ما طواه من الغلا والشوق طاوي

عشق منتوق المعنق صار كايد
من طرف واحد و لو زاد الرجاوي

[كديميس السيحاني]

اهلا وسهلا بكم
شاعرتنا صح الله لسنتس ولا فض فوكي ولاهنتي
ابو منصور هلابك وصح لسانك ولا هان راسك
الجوهر صح نقلك ودام تواجدك ودمتي وسلمتي
الخيال لاهنت الله يسلمك
وين الغامدي ورحيل ما بينوا
نور ما صدقت ههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
ياصباح الهيل والمستكه والزنجبيل=وياصباح لورد والود مع نسمة براد
قالوا اللي لك تمنى رجوعه مستحيل=قلت ما به مستحيلٍ على الله كان اراد
ابتسامات التلاقي بطعم السلسبيل=وان تلاشت عند لحظة موادع ويش عاد
يحبس الدمعه بالاجفان والصبر الجميل=ويلتجي عن عين من يشمته بالابتعاد
خافقٍ ما ينصدع قهر في يوم الرحيل=اشهد انه يشبه احجار صوانٍ صلاد
واشهد انك ما كسبت اجر فيني ياجميل=ما يصير ختامها بالتغلي والعناد






يا مساء ورد الخزامى ونسمات العليل =
و يا مساء ليل القصايد ليا قِدح الزناد

قولوا لناصر يهدي على القلب العليل=
ان شكى أثار المواجع على قلبي و أجاد

من طواه اليأس صح انه مْضيّع دليل =
والصبر معه الظفر من كرم رب العباد

كم سهامٌ صوبن قلب و اردنه قتيل =
النواعس فعلها اشد من يوم الطراد

التواصل بين الاحباب لو بعد الف ميل=
يضمد جروح النوى لو شكوا طول البعاد

و لذّة الحب اللقاء للخليل مٌع الخليل =
و المفارق يمرض اهل الهوى علمٌ وكاد

و كل حاسد فرحته تحرق اثمار النخيل=
ان كشف عن سر ليلى وقيس بهرج زاد

[الجووهره]

هذي قصة وقصيدة
تسلية


يحكى أن رجلاً من البادية تزوج إبنة عمه وأنجبت له تسعة أولاد ذكور . ولكن في الحمل العاشر أنجبت له أنثى ، وعندما بُشر بالبنت حزن حزناً شديداً وشعر بالإهانة وقال صارخاً : يا ليلي الأسود « يا ليلي الأسود « وقاطع زوجته وأصبح ينظر إليها نظرة تشاؤم وجحود وكأنها هي السبب أو هي التي خلقتها .

– مرت الأيام والسنين وكبر هذا الأب وضعفت قدرتة وبين يوم وليلة فقد بصره وأصيب بالعمى . وتزوج الأبناء وانشغلوا بحياتهم ونسوا أباهم الضرير . كما أن ابنته تزوجت أيضاً ولكنها لما سمعت ما حدث لأبيها سارعت للذهاب إليه ولما دخلت علية بدأت تغسل له جسده وتنظف له خيمته وقامت بطهي الطعام له فأحس براحةٍ لم يشعر بها من قبل،ولما اقتربت منه لتعطيه الدواء أمسكها من يدها وسألها :

من أنتي يا إبنة الكرام ؟؟

فقالت له والدموع تنهمر من عينيها أنا ليلك الأسود يا أبي

فعرف انها إبنتة وانفجر باكياً ورد عليها نادماً ومتأسفاً

سامحيني يا بنيتي . ليت الليالي كلها سود

وأنشد يقول :

ليت الليالي كلها سود

دام الهنا بسود الليالي

لو الزمان بعمري يعود

لحبها أول وثاني

ما غيرها يبرني ويعود

ينشد عن سوأتي وحالي

تسعة رجال كلهم جحود

تباعدوا عن سؤالي

ما غير ريح المسك والعود

إبنتي بكل يومٍ قبالي


معروف البنآت أكثر حنآن من الأبناء
يالبى البنآت ويازينهم ههههه
ويعطيك العافيه شآعرنااا
على القصه الجميله

[الجووهره]

وصح لسآنك على هالروآئع
ودآم حضورك وابداااعك

[ناصر الهواوي]

ياهلا بالجميع وطابت اوقاتكم
ابو منصور صدى اروع من الصوت صح لسانك على هالدرر الفاخره
اهلا يالجوهره وصح ذوقك ودام حضورك الرائع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
قل دارت الايام واقول دارت=لكن قل الايام دارت على ويش
رحلة عمر بدت بخطوه وسارت=كيانها دوله ومن شوقها جيش
بسمه وعبره بالمسيره تبارت=تطيش ذي مره وذي مره اتطيش
ساح الصدور احتلته واستدارت=مرواحها له مثل وقت المغابيش
وزادت نواميها خضاره واثارت=اعجاب من في جو هالعالم ايعيش
لكن كمل ريش الحمامه وطارت=ما ادعي عليها مير حسبي على الريش
وبغبار سو الظن الاقشر توارت=وابطالها في العج ضاعوا دراويش
ما يفهمون السالفه كيف صارت=او يفهمون وطنش الوضع تطنيش
نفوس شريره من الوضع غارت=غِل وحسد او قل لي يقال له ويش

[شاعرة نجد]

طابت اوقاتكم واسعد الله مسااكم

وصحت السنتكم شعراؤنا المبدعين,الهواوي وابو منصور
وصحت ذوائقكم,خيال والجوهره ولاعدمنا تواجد الجميع وصحت ابدانكم

وسلمتم ودمتم,’’

[شاعرة نجد]

ساجع الورقا على خضر الجرايد
سجعها يأثر على القلب الشقاوي

لو نلبّسها من الشعر الفرايد
ما ملن عيونها وزادت غناوي

و عادت الورقا و للورقا عوايد
باللحون المبهره ما هيب تاوي

و غصت في بحرٍ غزيز من القصايد
مر اجاري نجد و امرار الهواوي

واهني اللي يكبّر للوسايد
ما طواه من الغلا والشوق طاوي

عشق منتوق المعنق صار كايد
من طرف واحد و لو زاد الرجاوي

و غصت في بحرٍ غزيز من القصايد
مر اجاري نجد و امرار الهواوي

عـ الطاير...
ياكثر مافـ القصيد مْن الفوايد
للعطاشاا مَيّ والمرضى مداوي

والمجارَى بيننا ماهوب بايد
ماتجيبه يوم غنيت المناوي

أطرب الجمهور من عزف الجدايد
مع شروق الشمس والا الليل ضاوي

الله يصح لسانك شاعرنا,عز الله اطربتنا واطربت الجمهور الله يزيدك من فضله
ودام حضورك وابدااعك المميز
ولاهنت على هـ الدرر ,’’

[شاعرة نجد]

ياهلا بالجميع وطابت اوقاتكم
ابو منصور صدى اروع من الصوت صح لسانك على هالدرر الفاخره
اهلا يالجوهره وصح ذوقك ودام حضورك الرائع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
قل دارت الايام واقول دارت=لكن قل الايام دارت على ويش
رحلة عمر بدت بخطوه وسارت=كيانها دوله ومن شوقها جيش
بسمه وعبره بالمسيره تبارت=تطيش ذي مره وذي مره اتطيش
ساح الصدور احتلته واستدارت=مرواحها له مثل وقت المغابيش
وزادت نواميها خضاره واثارت=اعجاب من في جو هالعالم ايعيش
لكن كمل ريش الحمامه وطارت=ما ادعي عليها مير حسبي على الريش
وبغبار سو الظن الاقشر توارت=وابطالها في العج ضاعوا دراويش
ما يفهمون السالفه كيف صارت=او يفهمون وطنش الوضع تطنيش
نفوس شريره من الوضع غارت=غِل وحسد او قل لي يقال له ويش

لكن كمل ريش الحمامه وطارت=ما ادعي عليها مير حسبي على الريش
وبغبار سو الظن الاقشر توارت=وابطالها في العج ضاعوا دراويش
ما يفهمون السالفه كيف صارت=او يفهمون وطنش الوضع تطنيش

ياللروعه يـ الهواوي والتصوير الفني الجميييل
ابدااع منقطع النظير ماشاء الله تبارك الله
صح لسانك ثم صح لسانك
تحيتي,’’

[شاعرة نجد]

تسليه من جديدي...

وش تقول القريحه فـ الحروف الصريحه
لـ حداها جداها واندمت عـ الصراحه

باحه الله خفاي وحضرته لايبيحه
يوم كوّش على فكر العناا واستباحه

قبل ثارت معاصيره وانا مستريحه
ياعذااب المولع لاتجدد جراحه

ياسماا دنيتي ياسلوتي يـ القريحه
وسعي خاطري بـ اول مساي وصباحه

دام قلبي عصاني ماسمع للنصيحه
لين صاب وتصوّب ثم تم اجتياحه

ودي اسج رجلي فـ الفجوج الفسيحه
وحبذا لو حدايق ورد فـ اكبر مساحه

إيه وافرمت الفكر الشقي واستبيحه
يا لعل وعسى في باقي الوقت راحه,’

[كديميس السيحاني]

ياهلا بالجميع وطابت اوقاتكم
ابو منصور صدى اروع من الصوت صح لسانك على هالدرر الفاخره
اهلا يالجوهره وصح ذوقك ودام حضورك الرائع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
قل دارت الايام واقول دارت=لكن قل الايام دارت على ويش
رحلة عمر بدت بخطوه وسارت=كيانها دوله ومن شوقها جيش
بسمه وعبره بالمسيره تبارت=تطيش ذي مره وذي مره اتطيش
ساح الصدور احتلته واستدارت=مرواحها له مثل وقت المغابيش
وزادت نواميها خضاره واثارت=اعجاب من في جو هالعالم ايعيش
لكن كمل ريش الحمامه وطارت=ما ادعي عليها مير حسبي على الريش
وبغبار سو الظن الاقشر توارت=وابطالها في العج ضاعوا دراويش
ما يفهمون السالفه كيف صارت=او يفهمون وطنش الوضع تطنيش
نفوس شريره من الوضع غارت=غِل وحسد او قل لي يقال له ويش

صح كلك ولا هنت
قليل مما عندكم يالمبدعين


حروف شعري عمد للرمز جارت=
ما وقفوها منضّمين التفاتيش

و استنزفت حبر القلم يوم خارت =
قوى الكلام و صمت الالسن مداقيش

صلف الظروف بمقبل الوسم جارت=
على هجوس الشعر يا قافل الشيش

من قصة المختار بالرمش اشارت =
رمزية المعنى و للوضع تهميش

الريم من زيلة قنانيص ذارت =
او ذيروها لابسين الطرابيش

و الا الحمامة بالغصون استجارت=
لو فتش اوراق الشجر كل تفتيش

و شيهانة لوكر الحرار استخارت =
عن هدةٍ بعد العصر ريشها نيش

او شافت العجة على الجول ثارت=
ما فِكت سبوق الحرار المداغيش

و ايامك لْيا قبّلت لك و ادارت =
لك ظهرها ، قل هيييه يا ايام بشويش

[كديميس السيحاني]

وصح لسآنك على هالروآئع
ودآم حضورك وابداااعك

الجووهره
صح كلك ولا هنتي
لازم نجيب تسالي للسجينه ههههه
دمتي بخير

[كديميس السيحاني]

و غصت في بحرٍ غزيز من القصايد
مر اجاري نجد و امرار الهواوي

عـ الطاير...
ياكثر مافـ القصيد مْن الفوايد
للعطاشاا مَيّ والمرضى مداوي

والمجارَى بيننا ماهوب بايد
ماتجيبه يوم غنيت المناوي

أطرب الجمهور من عزف الجدايد
مع شروق الشمس والا الليل ضاوي

الله يصح لسانك شاعرنا,عز الله اطربتنا واطربت الجمهور الله يزيدك من فضله
ودام حضورك وابدااعك المميز
ولاهنت على هـ الدرر ,’’


لسانك ما ينلجم ويمينك ما تنشل
على هالمجاراة الكايفة
اشغلتوني بالقصيد انتي والهواوي
ولا انا عادي عندي لو ما قلت شي ههههههه
دامت الاخوة ودام التواجد وطاب الحضور للجميع
،
،،
،

[كديميس السيحاني]

تسليه من جديدي...

وش تقول القريحه فـ الحروف الصريحه
لـ حداها جداها واندمت عـ الصراحه

باحه الله خفاي وحضرته لايبيحه
يوم كوّش على فكر العناا واستباحه

قبل ثارت معاصيره وانا مستريحه
ياعذااب المولع لاتجدد جراحه

ياسماا دنيتي ياسلوتي يـ القريحه
وسعي خاطري بـ اول مساي وصباحه

دام قلبي عصاني ماسمع للنصيحه
لين صاب وتصوّب ثم تم اجتياحه

ودي اسج رجلي فـ الفجوج الفسيحه
وحبذا لو حدايق ورد فـ اكبر مساحه

إيه وافرمت الفكر الشقي واستبيحه
يا لعل وعسى في باقي الوقت راحه,’


عذراً بحط نفسي وكيل شرعي عن القريحة ههه
القريحه صحيحه و الصراحه مريحه
لا ندم في مشاعر و البحر له سباحه

المحبه تُبدا ف الحديث بصحيحه
فيه تعلن محبه و انشد اهل السماحه

[الجووهره]

يامساء الابدآع والجزآله
عز الله ماقصرتوو في التسالي
ارويتوني شعرا وجزآله
الله لا يضركم

شاعرنا الهوآوي
شآعرنا كديميس
شآعرتنا نجد

ابدعتووو
صحت الالسن ودآم حضوركم
وابدآعكم الله يحفظكم ويسعدكم

[الجووهره]

الجووهره
صح كلك ولا هنتي
لازم نجيب تسالي للسجينه ههههه
دمتي بخير

تسلم ماقصرت شآعرناا
الله يحفظك ويسعدك

[الجووهره]

فاقده رحوووله وتساليها الجميله
عسى مانعها خير ان شاء الله

[الجووهره]

يقول

‏على ذيك الرسوم اللي نحت فيها الزمان وجار
‏أسوق الرجل في حزّة إعصَير إلْها وكلّي شوق
‏.
‏لهاا عندي حقوقٍ مثل حق الجار عند الجار
‏وأخاطبها باحاسيس الغلا لو خافقي محروق

[ناصر الهواوي]

الله يمسيكم بكل خير
صحت السنتكم وابدانكم وذوائقكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
ياخفير السجن خيالنا يالمستشار=جمعك لكل الوظايف خلاف الانضمه
باستشيرك وانت في هالسوالف تستشار=لك بابوح بعشر مابي وباقيه اكظمه
الغلا لو بالشرايين له صار انتشار=في عضلات الجسم والمفاصل وأعظمه
والنفس بالصدر سبب له الشوق انحشار=وبان للناس الجزع والصبر راح اعظمه
ومره الجاني وبالكف للتسليم اشار=يبتسم له عن رضا او يصكه برضمه؟؟
توقيع حضور واثبات مرور فقط ههههههههههههههه

[خيال مطير]

صح لسانك يابو عبيد


https://www.youtube.com/watch?v=tsdA-2nNl1g&ab_channel

[خيال مطير]

https://www.youtube.com/watch?v=7XWyhSeX8DY&ab_channel

[خيال مطير]

صح الله السنتكم جميع

[خيال مطير]

من يبي الإنصاف لايقصـد رواسـي .. مـنـبـراً مسـلـوبـة ٍ مـنــه الحقـيـقـه
العـدالـه مـالـهـا بـأرضــه مـراســي .. والضلالـه فـي المنـصـه والحديـقـه
والإداره وضعـهـا غـيــر مـتـواسـي .. ولجـنـة التحكـيـم كـلـن مــع رفيـقـه
صفـوا الشعـار مـن فـوق الكراسـي .. وقتـهـم يحـسـب علـيـهـم بالدقـيـقـه
وصوتوا حسب النظام الدبلوماسـي .. وكـل شاعـر لاقصـد يعـطـى وثيـقـه

[خيال مطير]

من يبي الإنصاف لايقصـد رواسـي .. مـنـبـراً مسـلـوبـة ٍ مـنــه الحقـيـقـه
العـدالـه مـالـهـا بـأرضــه مـراســي .. والضلالـه فـي المنـصـه والحديـقـه
والإداره وضعـهـا غـيــر مـتـواسـي .. ولجـنـة التحكـيـم كـلـن مــع رفيـقـه
صفـوا الشعـار مـن فـوق الكراسـي .. وقتـهـم يحـسـب علـيـهـم بالدقـيـقـه
وصوتوا حسب النظام الدبلوماسـي .. وكـل شاعـر لاقصـد يعـطـى وثيـقـه

[خيال مطير]

https://www.youtube.com/watch?v=zA50BzNrYbs&ab_channel

خيال

[خيال مطير]

https://www.youtube.com/watch?v=_EqqB11JQBY&ab_channel
__________________________

[الجووهره]

يسعد مساكم
وطآبت جمعتكم بذكر الله
والصلاة والسلام على رسول الله
اللهم صلّ وسلم على نبينا محمد
وعلى آله وصحبه أجمعين

[ناصر الهواوي]

الله يسعدكم جميعا
ارحب يالخيال وصح نقلك لكن لو نسلم من قدح الشرار العنصري يكون اسلم الله يسلمك
اهلا يالجوهره والله يزيدك صحه وسعاده دائماً
من بغى الانصاف لا يدخل رواسي /من هي له؟؟قديمه اوجديده؟؟
السؤال للخيال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
لي عوده ان شاء الله

[الجووهره]

من يبي الإنصاف لايقصـد رواسـي .. مـنـبـراً مسـلـوبـة ٍ مـنــه الحقـيـقـه
العـدالـه مـالـهـا بـأرضــه مـراســي .. والضلالـه فـي المنـصـه والحديـقـه
والإداره وضعـهـا غـيــر مـتـواسـي .. ولجـنـة التحكـيـم كـلـن مــع رفيـقـه
صفـوا الشعـار مـن فـوق الكراسـي .. وقتـهـم يحـسـب علـيـهـم بالدقـيـقـه
وصوتوا حسب النظام الدبلوماسـي .. وكـل شاعـر لاقصـد يعـطـى وثيـقـه


كلام كبيير خيآل
وبعيد عن الحقيقه
بس من قاله ؟

[الجووهره]

‏
‏من كثر ماجربت واقبلت واقفيت
‏قولة هلا لمن لايودك مهونه

بندر بن سرور
،،،،،
‏اكحل عدوك لين تعمي عيونه
‏البس له اغلى اللبس لو كنت جايع

خلف بن هذآل

.....

‏
‏لاتواضع للوضيع يضيع قدرك
‏منت مجبورٍ على بعض التواضع

مسآعد الرشيدي
‏....
‏العز للنفس واجب والحيا سنه
‏وانا يديني من الثنتين مليانه

رشيد الزلامي


الله يرحمهم
ويمد بعمر خلف بن هذآل
ويمتعه بالصحه والعآفيه

[الجووهره]

من يبي الإنصاف لايقصـد رواسـي .. مـنـبـراً مسـلـوبـة ٍ مـنــه الحقـيـقـه
العـدالـه مـالـهـا بـأرضــه مـراســي .. والضلالـه فـي المنـصـه والحديـقـه
والإداره وضعـهـا غـيــر مـتـواسـي .. ولجـنـة التحكـيـم كـلـن مــع رفيـقـه
صفـوا الشعـار مـن فـوق الكراسـي .. وقتـهـم يحـسـب علـيـهـم بالدقـيـقـه
وصوتوا حسب النظام الدبلوماسـي .. وكـل شاعـر لاقصـد يعـطـى وثيـقـه


الله يسعدكم جميعا
ارحب يالخيال وصح نقلك لكن لو نسلم من قدح الشرار العنصري يكون اسلم الله يسلمك
اهلا يالجوهره والله يزيدك صحه وسعاده دائماً
من بغى الانصاف لا يدخل رواسي /من هي له؟؟قديمه اوجديده؟؟
السؤال للخيال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
لي عوده ان شاء الله


وهلا بك زووود شآعرنااا
اللهم آمين وايآك
والجميييييع

[الجووهره]

سلام عليكم
وينكم ؟
وش دعوى
سجنتوني في الويكند ونسيتوووني
هههههههههههه

[الجووهره]

‏علموهامخطيه يامرآسيل الغرام
‏وبلغو غياثة الشوق عن تقصيرها

‏كان تجهل في غلاها لها كل احترام
‏علموها عن غلاها تواصل سيرها

‏يوم قالت للموادع غدا فجري ظلام
‏لحظة ٍ يصعب لسآني على تعبيرها

‏اتخيلها حقيقه.او احلام. المنا م
‏وقلبي اللي حبها مايميل لغيرها

ليت ترجع للمواصل ولها قدر ومقآم
الغلا في وسط قلبي فرض تقديرها

غارقِ في حبها واردنٍ بحر الهيآم
واستبآحت كل الافكآر مع تفكيرها

مالكٍ قلبي غلاها وعلى صدري وسآم
قيدتني في غلاها .. وأنا أسيرها

وصلوها صآدق الود مني والسلآم
وكثر ماهي قآسيه كثر الله خيرها


رآقت لي
لشآعرها
عوآلي طويق

[كديميس السيحاني]

مساء الخير للجميع

وهذا فنجال قهوه
،
،،
،


خيالي فيافي قفر تحوي سهل و جبال
و طريق الوعر في دامس الليل يحلا له

على الجيب والا الجمس مع دلتي مشتال
لعزبة معاميلي فناجيل و بياله

تمنيتك البارح بغني لك الموال
بعد صغت قافي و اعلن الهجس ترحاله

رحل عني و مرّك و غنا على الاطلال
و مبنى غلانا شيّد الهجس تمثاله

تدور السنين و باقيه نشرة الأحوال
كما هي ظروف، اما الغلا زاد منزاله

عزومي على الصبر بتفاؤل وطيب الفال
و الافكار في كوكبك يا الولف رحاله

احطّم شِباك اليأس و اكسّر الاغلال
على الكتف اشيل الصبر لو زادت اثقاله

ضحوكٌ بشوش و مخزن السر بالاقفال
حكمته بصمت ، الا بشعره و مواله
،
،،
،

[كديميس السيحاني]

سلام عليكم
وينكم ؟
وش دعوى
سجنتوني في الويكند ونسيتوووني
هههههههههههه

عليكم السلام
انا آسف لاني ماجبت شي امس
و بصراحه مالهم حق ينسونك
وانا موصيهم بالفطور والغدا والعشاء
قولي فيهم لو بس ثلاثة ابيات عنب او من هالقبيل
😀

[الجووهره]

ياهلا بك شآعرنا
ويعطيك العآفيه على القهوه الكايفه
جت في وقتها وصح لسآنك ودآم ابدآعك
وماله داعي للاسف ويكند ومعذوووور
ما تقصر. الله يحفظك ويسعدك

وياليتني شآعره والله
لكن مع الاسف العين بصيره واليد قصيره
ههههههههههه
ونقول ويكند ومعذوووورين
الله يهني الجميع ويسعدهم

[خيال مطير]

الله يسعدكم جميعا
ارحب يالخيال وصح نقلك لكن لو نسلم من قدح الشرار العنصري يكون اسلم الله يسلمك
اهلا يالجوهره والله يزيدك صحه وسعاده دائماً
من بغى الانصاف لا يدخل رواسي /من هي له؟؟قديمه اوجديده؟؟
السؤال للخيال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
لي عوده ان شاء الله

القصيده طويلة
للشاعر كديميس العصيمي

[ناصر الهواوي]

اهلا وسهلا بالجميع وحياكم مولاكم
خيالنا ما دامها للعصيمي فهي لا تعني منتدانا اكيد
اهلا يالجوهره آسفين انا البارحه حضرت زواج لقريب في عقلة الصقور
هلابك يابو منصور ولا جديد الا الابداع
ارحب يالخيال
بصراح صرنا لا نستمري قولة فاقدين ههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
خبروها اذا اتيتم حماها= انني مت في الغرام فداها
واذكروني لها بكل جميلٍ= فعسى ان تبكي علي عساها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
ان ما تداركت قلبٍ من غلاك امتلى=ومن حر شوقه هلك/لويش تبكي وليه
لك ان تشكويت قلت اصبر وما بك بلى=ماهو بشرط ايتحقق كل شيٍ تبيه
اعرف فلانه سلت وفلان عنها سلى=لا نوف فيني انا ولا فيك نوفٍ عليه
هذا القسا والتحدي والبلى والجلى=لله حنا وانا راجعون ايليه

[شاعرة نجد]

السلام عليكم ورحمة الله

وطابت اوقاتكم وصحت ذوائقكم
وصح لسانك ابومنصور على هـ الحضور والعزف الممتع

وصح لسانك يـ الهواوي وتسلم على هـ العذبه
رووعه رووعه,صحيح صاير مرورك بالقطاره يمكن وقت الزرع والمزرعه
بس ابدااعك فـ الاخير غييير

نفتقد الدنيش,,
والكثير من رواسينا
بانتظار عودتهم,’’

[شاعرة نجد]

تفضلي سجينتنا غدوهـ على كيفك
وبـ العافيه:smile:


https://encrypted-tbn0.gstatic.com/images?q=tbn:ANd9GcSXW3dP9ZxTUPnYz6YlLuFXgQ59ZUtos 3oeeGL5CUyyqkJv5Uct6hTD_1MmI9UeCxGWLrs&usqp=CAU

مانسينا جوهرتنا
لو خذانا الوقت عنها

لو ليالينا اشغلتنا
مانبي الا العذر منها

[شاعرة نجد]

تسالي الظهريات تختلف عن تسالي آخر الليل:smile:


لاتصبرني وانا ماني صبور
أتقوَّى والمشاعر تحترق

والسماا مليان بـ انواع الطيور
تجتمع عـ اشكالهن وتفترق

لاتقول اني تماديت الغرور
وُلاتقول انْها سوالف عـ الورق

لاوربي عالم بْما فـ الصدور
ان قلبي في بحر غلبي غرق

مرهـ انعم بالسعاده والسرور
ومر همي بْغيم دمي كم برق

بس ماتفرق معي دام القصور
ماحصل مني,لو اقفي مافرق!

[الجووهره]

‏يامرحبا والقــاف دلـه وفنجال
‏قدوعهن جزل المعاني نمده

‏للي لهم بالصدر قيمه ومنزال
‏عبر الروآسي باحترآم وموده



يسعد مسآكم
وياجعلكم تسلموون
ما تقصروون الله يسعدكم
ومبروك زواجهم الله يوفقهم
ودآمت أفراحكم شآعرنااا
وتسلمين شآعرتنا المبدعه
وتسلم الأيادي الحلوه على الغدوه الكايفه
من يد مانعدمها لا خلا ولا عدم. يالغاليه
وصح لسآنك ودآم ابداعك وحضورك الجميل

وصدقتي بوح آخر الليل
غيييير. هههههه
وانتي مبدعه بكل الحآلات
وبكل الأوقآت. الله يسعدك

[الجووهره]

تسآلي العصريه

مابعـد عسر الـزمـان اﻻ تياسـيره
‏لـو سـود اﻻيـام تفجـعنا حقايقـها

‏بنسوقها في رجـا اللي مالنا غيره
‏خـلاق اﻷنفس ، وكافلها ، ورازقها

،،،

عقبها كل الغصون أمست نشاش

‏خاليه عقب الوناسه خدّها

‏كل قلبٍ في ذراه الحب عاش

‏فيه طيبه زايده عن حدّها

‏والقلوب إن فارقت صارت هشاش

‏موحشه والذكريات تشدها

،،،

‏هبي على غصن الهوى ياصبا نجد
‏هبي مـادام الليل يغري سكـونـه

‏الي متى وانا اشتكـي لاهب الوجـد
‏وارجي سحاب الوصل تمطر مزونه

،،،،

‏⁧‫#العمر‬⁩ مره والمساعي توافيق

‏والله يعوض كل من طال صبره

،،،

‏ليت الاحلام سهله والاماني رحابه
‏وليت الايام رغبة والزمن يستجيبه

‏وليت بعض الطواري ماتجيب الكئآبه
‏والليالي ماراحت به تعوّد تجيبه


وبس والله سلامتكم

[خيال مطير]

انا صرت صفر ع الشمال

لشاعرة نجد ولا ابو عبيد والا ابو منصور

مأ كني مستشار ,
وليس لي أي اعتبار ,,

[خيال مطير]

القهوه ياجهير

https://encrypted-tbn0.gstatic.com/images?q=tbn:ANd9GcRK3zTaOZNIg3D1Ole90pqxXvaKASYO_ g-178NX0pva-VSVlJF72Zd2qUJOSwpo1TYU6eQ&usqp=CAU

[خيال مطير]

https://www.hekams.com/image/%D8%AC%D9%88%D8%B1%D8%AC-%D8%A8%D8%B1%D9%86%D8%A7%D8%B1%D8%AF-%D8%B4%D9%88_28052.jpg

[خيال مطير]

هـنيت انا من عنـده اثنيـن شــيـبـان = أمــه وابــوه وعـايشــيـنً ســويـّه
هـذا الـذي حـظــه تعــلا بالازمــان = ويشـوفهـم كـل يـوم صبح ومـســيـه

يكسب رضاهم بالمـوده والاحـسـان = ويـلـبـي الحـاجــه بنـفـسً رضــيـه
لاشـك جـزاهـم ما يـقــدر بالاثـمان = أمــرً مــن الـرحمــن رب البـريـــه

أوصى بهــم ســيد المخاليق عدنان = صفــوة عبـيــده والـرســول ونبيـه
البــر مفــروضً عـلى كـل انســان = والـرابـح اللي يفــوز قـبــل المـنـيـه

هذا الغني والله ولاهــوب خســران = ويـبشــر بعـفــو الله وجـنـة بهـيـــه
تكفـون ثم تكفـون مـن دون خــذلان = هــذي أمــانــةً يالنـفـوسً الوفيـــه

محمد ين سوعان الربيّع

[الجووهره]

هلا بك خيآل
وتسلم ع القهوه
هذا وقتها لا خلا ولا عدم
وانت الخير والبركه.مستشارنا الله يسعدك
والوالدين وجودهم نعمه لا يعرف قدرها الا من افتقدها
الله يحفظ الاحياء منهم ويرحم الأموآت
وصح لسآن الشآعر محمد الربيع
ويسلم ذوووقك

[الجووهره]

‏قال السديري عقب ماخاطره ضاق
‏بيتن يخلي ضامي القلب يـشقـا
‏
‏ياليت ربي ماخلق حب وفراق
‏والا خلق حبٍ على غير فرقا

،،،

‏العنود اللي مساء البارح وانا سيد سهرها
‏اقبلت مثل البياض وودعت مثل برديـــــة

‏المساء ضج بسوالف عطرها واشعل سفرها
‏والعروق اللي روت مسيرها خضر وندية

،،،

‏؛ليِت الأماني كل ماجّت على البال
‏؛يضحك لها الحظ الجميل وتحقق

[خيال مطير]

هذه القصيدة قالها الشاعـر جحيش بن مهاوش السرحاني من أهل ‏
الجوف يقول ينصح عياله وقد نسبتها في طبعات سابقة للشاعر سويدان ‏
الحلام العمري حسب أستناداً إلى قول بعض الرواة ثم أتضح أنها لجحيش ‏
وليس لسويدان :‏
قـال الــذي يــقـرأ بـلـيـا مـكـاتـيــب / يا الـلي تقـرون العمى من عنـاكـم ‏
مـار اسمـعـوا مـني كـلام بـترتـيـب / نـصيـحـة مـن شايـب بـه عـنـاكـم ‏
خـوذوا كلام جحيش مابـه تكاذيـب / مـثـل السنـد مضمـوم لـلـي وراكـم
يا عـيال يالـلي تشرفون المراقـيب / الـلـه عـلى سمح الطريق ايهـداكـم ‏
كـان أنكم للضيف صرتم معـازيـب / تـرى الـكـلام الـزيـن ملحـة قـراكـم ‏
وترى السبابة من كبـار العذاريـب / وهـرج البـلايس مـا يطـّول لحاكـم ‏
المذهب الطيّب فهو مذهب الطيـب / والـمـذهـب الخـايـب يـبّـور نساكـم ‏
تجـنبـوا درب الـردى والمعـايـيـب / وأمشـوا مع المخلوق مثـل خوياكم ‏
يـا عـيـال مـا سرحتكم باللواهـيـب / أيـضـاً ولا عـمـر الـمعـّـزب ولاكــم ‏
يا عيـال مـا ضربتـكم بالمشاعيـب / ولا سمعـوا الجـيـران لجـت ابكاكـم ‏
يا عيال بعتـوني بصفـر العـراقيب / مـا هـي حقـيقـه سـود الـلـه قـراكم
يـا مـا تـولجـت القبايـل تـقـل ذيـب / من خـوف لا ينقص عليكم عشاكم ‏
وياما قطعت من الفياض العباعيب / نـدور مـن صـيـد البـراري غـذاكـم ‏
واليـوم شوفـوا لحيتي كلهـا شيـب / هــذا زمـان قـعــودنـا فــي ذراكــم ‏
قـمت أتـوكا عـلى عـوج المصاليب / قصرت اخطانا يـوم طالت اخطاكم ‏
أنـا كبـرت وقـربـت شمسنا اتغـيـب / وأن ما حشمتوني هجركم ضناكـم ‏
عطـوني القـرضه عـليكـم مطـاليـب / ردوا جمايـل بالجـزا مـن جـزاكـم ‏
خـوالـكـم مـرويـن حـد الـمغـالـيــب / عرق الردى ما يندرى كيف جاكم ‏
الـبـر واجـب مـن كبـار المـواجيـب / للـوالـد الـلي فـي كـلامـه نـخـاكــم ‏
مـانـي بشانـيكـم بوسـط الأجـانـيـب / لـكـن عـملـكـم يـا عـيـالي شنـاكـم
من فعلكـم قـلبي جـروحـه معاطيـب / يا اللي عـلى الـوالـد خبيث لغـاكم
صرتوا عليـه مثـل زمـل المواهيـب / مـن جـابـكـم عسـاه يـقـلع مـداكـم ‏
وعسى من صفيـه لوادي سلاحيب / يـنـدا عـلى الصبخـا مدافيـق ماكـم ‏
مار اطلب الـلـه عالم السر والغـيب / يـلـطـف بـعـودٍ للنـصيحـة دعـاكـم ‏
ابـوكـم الـلي طـوعـتـه الـتجـاريـب / عـن مذهـب الـرديـان يا مـا نهاكـم ‏
كـلام عـود هـذب النـفس تـهـذيـب / مـن غـلوكـم عـنـده بروحـه فداكـم ‏
ترى الزمن له في صروفه تعاجيب / والـيـا دهـا غـرّات نـاسٍ دهـاكــــم ‏
لا بـدي ادخـل بالحـفـور الضنابيـب / بالقبر ما أفـرق طيبكم مـن رداكـم ‏
لابـد مـن يـومٍ نـطــش الأســالـيــب / ولابـد قـولـت يجبـر الـلـه عـزاكـم ‏

[الجووهره]

قصيده رآئعه ومؤثره
والزمن دوآر
فيه مقوله
برُّوا آباءكم، تبرَّكم أبناؤكم
ويعطيك العآفيه مستشآرنا