مشاهدة النسخة كاملة : هنا .. سجن القوافي !!
نورك خيالوووووووه
اي والله طال عمرك كل الظهرية وانا انظف وابخر هههههههههههه
ورميت قوارير زيوتك ههههههههههههههه
…………………. ………………….
صح لسانك يابو عبيد
………………….………………….……………….
تسالي
أن جيت طارو بي واذا غبت حاتو
وأن جوني أفز لـ غلاهم وأبيهم
الطيبين " اللي تقولون ماتو
للحين أنا معهم وأسولف عليهم
(:
كديميس السيحاني
08-09-2021, 11:12 PM
مساكم الله بالخير جميعا
صحت السنكم وابدانكم ودام تواجدكم
،
،،
،
هاااااي
ريحة البخور جابتني يارحيل
كديميس السيحاني
08-09-2021, 11:15 PM
صح لسانك شاعرنا مدد
اثر فاتني شي يهول العقل :as:
صح كلك ولا هنتي
ابشري بالعوض فيما فات هههه
،
،،
،
كديميس السيحاني
08-09-2021, 11:42 PM
قبل مراسيل الكرى تاصل العين=ياهجس لاتبخل بعذب التسالي
منين ابا ابدا وانتهي بالخبر وين=بل كيف اغطي والقصيد ارتجالي
للمشكله ياهاجس الشعر عامين=عامٍ يداقش عام واعزتالي
الهجر تكة صدر والظاغط البين=وقلب العنى ضغطه من الشوق عالي
كم جيم في حايط متى صكت السين=لا باول الصده ولا جات تالي
من له عقل لا يركن لقول بعدين=لخلف الوعد بعدين عامل مثالي
بعدين يوم وجمعه وشهر وسنين=يمرر اللي كان من قبل حالي
الهجس يا ابو عبيد عنده دواوين=
لا تعتذر بالنوم عندك مجالي
و ليل الشتاء قد قالوا الناس ليلين =
قرّب لنا المركى وهات الدلالي
وهات العلوم اللي عليها براهين =
عما مضى ،، واليوم جاوب سؤالي
صدق الهوى ماله دوى (بين قوسين)؟
والا علاجه صفو غالي لغالي ؟
و صدق النوى ماله حلولٌ للاثنين؟=
والا العزوم تقرّب لكل لالي ؟=
وصدق التغلي عادةٌ للمحبين ؟=
و الا التغلي كل ما زاد غالي ؟
وصدق الجفيا ما تجي بين قلبين ؟=
الا لمن عشقه مجرد خيالي ؟
خيال مطير
08-09-2021, 11:47 PM
من الارشيف
هم وشقى وامفارق احباب وافراح=البارح السهره معي دمع وجروح
من يوم قفا وغاب عن ناظري راح=كل الفرح مغير الاحزان والنـوح
دكتور قلبي استشـاري وجـراح=ياقلبه الجراح ماكنـت مجـروح
يامكسبي بين الغنايـم والاربـاح=مغليك بانيلك عمارات واصـروح
ياساكنه بيت المهابـه والاشبـاح=لاباح سد القلب تدري واش ابـوح
اماعلى منهاج واضـح ومـرواح=ولاعلى فرقـاك قلهـا ومسمـوح
اما عتبرها جتـك بلسـان مـزاح=والا عتبرها جتك من قلب مجروح
خيال مطير
08-09-2021, 11:48 PM
الهجس يا ابو عبيد عنده دواوين=
لا تعتذر بالنوم عندك مجالي
و ليل الشتاء قد قالوا الناس ليلين =
قرّب لنا المركى وهات الدلالي
وهات العلوم اللي عليها براهين =
عما مضى ،، واليوم جاوب سؤالي
صدق الهوى ماله دوى (بين قوسين)؟
والا علاجه صفو غالي لغالي ؟
و صدق النوى ماله حلولٌ للاثنين؟=
والا العزوم تقرّب لكل لالي ؟=
وصدق التغلي عادةٌ للمحبين ؟=
و الا التغلي كل ما زاد غالي ؟
وصدق الجفيا ما تجي بين قلبين ؟=
الا لمن عشقه مجرد خيالي ؟
صح لسانك ابو منصور
خيال مطير
08-09-2021, 11:50 PM
هاااااي
ريحة البخور جابتني يارحيل
ماشاء الله كبرت صارت حرمه ههههههههه
كديميس السيحاني
08-09-2021, 11:55 PM
صح لسانك ابو منصور
خيال
صح كلك ولا هنت
تحياتي
عبدالله الدّنّيش
09-09-2021, 12:44 AM
تفضل شاعرنا
أهل الشرقيه كرماء بالسمك
المفطحات الى راحوا نجد:smile:
https://encrypted-tbn0.gstatic.com/images?q=tbn:and9gcqyofp7vsx0r8orotec6psoizqe1edvr j2ptdgo6_lakg_ltvq4jhomovwbebybuywvvvq&usqp=cau
ياسجين الرواسي بـ العوافي غداك
من كرم حزبنا جاك الغدَى يالدنيش
بيض الله وجه اللي مكلبش يداك
سلنا وسل جمهورك بعد والشاويش
غن عذب القصيد وجود من ماعطاك
بين جد وجديد وبين مزحٍ وطيش
^^
وسلمت وكرمت يا بنت الأجواد وكثر خيرك على هالغدأ وصح لسانك
اليوم والله كان غداي سمك .. وبالمناسبة صرت أعمل سمك مندي والرز وصيادية
عندي بالمزرعة .. السمك ناجل أو هامور .. وأفضل الهامور لأنه يناسب مع شغل المندي .. وعساكم مت تحرمون منه .. والله يحييكم .. وشكرا لك جبتيها ع المزاج ..
&
كثّر الله خيرك.. والعوافي رداك = وأنت العاصفية وشاعرتنا تعيش
الغدا له مذاق وطعم يا ني فداك= والسمك خير من مندي لنا وأم ريش
وأنتِ الحافزية والقصايد هواك = وكلما جر طرقك قم رأسي يشيش
صح كلك
صـدووودٓ
09-09-2021, 12:50 AM
السلام عليكم ورحمه الله وبركاته
اخباركم ي الرواسين وكيف هي دنياكم
ماشاء الله باقي متواجدين ومتفاعلين هنا ف سجن القوافي
الله يقويكم و صح لسانكم لكل ابداعكم الجميل
اشتقت لكم وحبيت اسلم عليكم
اختكم صدود كانت هناا��
عبدالله الدّنّيش
09-09-2021, 12:55 AM
صح الله السنتكم جميع
ونا اقوووووول وش ريحة العطور والبخور في السجن
منوره رحيلووووووهـ ,
الدنيش مانظف السجن من الصراصير
بروح اجيب فليت ...هههههه
يلبى هـ العيون الحور
هههههههه
تراني ما زلت في الغرفة لا تصرصر علانا ههه
الريحة من مندي السمك والصيادية ..
شغل المراوح وبلاش فليت تكفأ .. ورحيل رحلها على غرفة ثانية
تراني بتكي هنا .. أبغى أعتزل وأعتكف هههه شاهي لو سمحت ع الجمر بس
ودخان دافي دوف .. وسلامتك ،،
عبدالله الدّنّيش
09-09-2021, 01:11 AM
قبل مراسيل الكرى تاصل العين=ياهجس لاتبخل بعذب التسالي
منين ابا ابدا وانتهي بالخبر وين=بل كيف اغطي والقصيد ارتجالي
للمشكله ياهاجس الشعر عامين=عامٍ يداقش عام واعزتالي
الهجر تكة صدر والظاغط البين=وقلب العنى ضغطه من الشوق عالي
كم جيم في حايط متى صكت السين=لا باول الصده ولا جات تالي
من له عقل لا يركن لقول بعدين=لخلف الوعد بعدين عامل مثالي
بعدين يوم وجمعه وشهر وسنين=يمرر اللي كان من قبل حالي
إييييييه صح لسانك ونوم العوافي
^^^
عسىاك تهني يا زعيم السلاطين = وعساك منامك خاثرٍ في الليالي
وتحلم بليلى وأنت ضمن المجانين = وتهيم في وادي بشعرٍ خيالي
وتصحي وتسرد منه شعر المحبين = والكل من هاجوس شعرك يلالي
سرت بنا الأحلام إلى دولة الصين = والسور صد المشي له بالتعالي
والبحر فيه القرش يسبح ودلفين = والجو رعّاده يضج المجالي
والصدق ف الأقوال صارت تلاحين = وكل يلاحي في طروق المقالي
والكذب سلوة في هروج المسلين = وأعوامنا راحت تسالي تسالي
^^
وتصبح وتصبحون على خير ،،
الجووهره
09-09-2021, 02:05 AM
السلام عليكم ورحمه الله وبركاته
اخباركم ي الرواسين وكيف هي دنياكم
ماشاء الله باقي متواجدين ومتفاعلين هنا ف سجن القوافي
الله يقويكم و صح لسانكم لكل ابداعكم الجميل
اشتقت لكم وحبيت اسلم عليكم
اختكم صدود كانت هناا��
مرحباا.وهلااا مليووون
بالغآلييه صدوووود
نورتي بعد الغيبه الطويله
وحناا مشتآقين لك أكثررر
طمنيناا عليك عساك بخير
والله فرحت لما شفتك
الله يسلمك ويحفطك ويسعدك
الجووهره
09-09-2021, 02:15 AM
وياهلاا وغلاا بجميلتنا رحووله
نووورتي بعد الغيبه.
وآخر الغيبآت ان شآء الله
واستعدي للسجن بعد الدنيش
عقابا لك على الغيآب
ولا تعودينهاااا
ههههههههههه
الجووهره
09-09-2021, 02:15 AM
وصحت الالسن والاذوآق
منووورين جميعااا
ويعطيكم العآفيه
ودآم حضوركم وابدآعكم
ناصر الهواوي
09-09-2021, 11:36 AM
صباح الخير ع الجميع وحيا الله من جانا
حيالله رحيل بعد الغيبه
واهلا يانور
ومرحبا يا صدود/نور وصدود غيبه تشبه (غربة حجاج)
حجاج حربي علوي وكان في بادية الكويت ايام زمان( اسمه حجي خلف سالم) ومن اهل ضريه وشاعر علم
وصديق لي في آخر حياته رحمه الله رحمه واسعه
هاجر للكويت في شبابه ولا عاد لضريه ابداً الا بعد 42سنه وصارت غربته مضرب مثل..
انا لو دريت سألت عن المعرفات من زمان ههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
لك الله يا عينٍ ليا حل طاري من تبي=او اوحت سميٍ له ينادا تهل دموعها
صحيح ان صدرٍ يزدحم داخله شوقه وبي=ونفسيته تلعب بها الذاكره وتلوعها
هجوس الشعر قل للقريحه على الطرق العبي=اليوم الطواري يالهجوس ارهجت بجموعها
عليه الله اكبر من ردوده يظن اني غبي=وانا بالحقيقه ما بغيت بقساي اروعها
كنت العب بمضمار اللزز معه يوم اني صبي=لكن الزمن لاهو بطوعي ولا في طوعها
يوم الذاكره ترجع لما فات بي هي وش تبي=الى اضغاث الاحلام ارجعت وانتهى موضوعها
الا ياعيون الحر الاشقر ويا جيد الضبي=ويابدر عشر وخمس نصف الشهر مجموعها
قولي للبياض اللي غشا السود تخسا وتهبي=كما كنت انا ما زلت شمس الضحى بطلوعها
كنت آخذ قلوب بطوع والحين انا اسبيها سبي=وجوعا النفوس بهمسة شفاي اطفي جوعها
ناصر الهواوي
09-09-2021, 12:06 PM
ياحمد وش في حضورك على الصامت=حوله للعام تكفى وهرجنا
ياحمد ماهي لمن قبلنا دامت=لو ذكر من قد فقدناه يزعجنا
ياحمد عن غيره النفس قد صامت=عبر كلية غرامه تخرجنا
طير ياللي مع طيورٍ هنا حامت=اوصل الغالي وشف حالته وجنا
كان ماهو فيه عن ديرته شامت=نفس من ينشد ولا بالبلد دجنا
هاااااي
ريحة البخور جابتني يارحيل
ارحبي يا نور
منورة يالغالية وينتس يابنت فاقدينتس ):
وعقبال الباقين
يجيبهم البخور هههههههههههههههه
صح كلك ولا هنتي
ابشري بالعوض فيما فات هههه
،
،،
،
مبشر وسالم من الشر ياشاعرنا
(:
السلام عليكم ورحمه الله وبركاته
اخباركم ي الرواسين وكيف هي دنياكم
ماشاء الله باقي متواجدين ومتفاعلين هنا ف سجن القوافي
الله يقويكم و صح لسانكم لكل ابداعكم الجميل
اشتقت لكم وحبيت اسلم عليكم
اختكم صدود كانت هناا��
وعليكم السلام ورحمة الله وبركاته
ياهلا وغلا يالله حيها مرحبا مليوووون
نورتي الرواسي يالغالية والله لك وحشة
وياهلاا وغلاا بجميلتنا رحووله
نووورتي بعد الغيبه.
وآخر الغيبآت ان شآء الله
واستعدي للسجن بعد الدنيش
عقابا لك على الغيآب
ولا تعودينهاااا
ههههههههههه
هلا بالغالية المهلي مايولي يابعدي
عاكسة نورتس يالاميرة
لا تكفين لا تذكرينهم ههههههههههههههه
بعدين آنا حاطه عيني على سجين بعد الدنيش هههههههههههههههههههههههههههههههههه
ظهر الخير (:
يسعد مساء اللي يحبون الاشعار
ويسعد مساء اللي معانا متابع
وحي الله الوافي وحي الله الجار
اللي لهم في عالم القاف طابع
البقى يابو عبيد
وصح لسانك
وصحت السنتكم جميعا
كديميس السيحاني
09-09-2021, 01:44 PM
مساكم الله بالخير جميعا
ودم حضوركم وابداعاتكم
تحياتي لكم
كديميس السيحاني
09-09-2021, 01:46 PM
حمامة الدوح هيضتي هجوس المشيب=
حمامة الدوح هيضتي هجوس المشيب=صوتك يهيض صدورٌ بـاح مكنونهـا
لا تأسرين العقول بهز غصنٍ رطيـب=للسدره اللي تهز الحانـك غصونهـا
ما للحمامة ذنوب بدون شـك وريـب=يوم ان صوت السجع تبديـه بفنونهـا
لكنها ليه تنبش كل جـرح(ن) عطيـب=ف/ صدور من هم مع السجات يوحونها
عليك انا سقت امان الله ولاني طليـب=و لحميك من رميـة الرمـاي وشطونهـا
والنوح كله عجب مع كل وقت ِ يطيـب=تنصت له عقول غصب يفيض مخزونها
كديميس السيحاني
09-09-2021, 01:50 PM
العصر يوم الناس للرجـم نـوّو=ومن قبل يرقونه و أنا في علـوّه
دار الفكر يـوم المخاليـق طـوّوّ=و البيت مطوي لا يقولـون طـوّه
وداريت ماطا الرجل من يوم خوّوّ=سدد وقارب بيـن رفقـه و خـوّه
و الفكر له مغزاه من يوم سـوّوّ=قصة خيال بكـل معنـى الجـروّه
مع كـل ريـعٍ يسهجونـه تلـوّوّ=و أنا ما اداني ذكـر ليتـه ولـوّه
و رف الجناح الطير من عقب روّو=للطير هجره عـن عسـامٍ بجـوّه
اتلى العهد في جوّهم يوم ضـوّوّ=سحر البيان اللي شعم عصر ضوّه
و اهـل النوايـا بالنوايـا تقـوّو=سلام يا الأطلال مـن بعـد قـوّه
مساء النور والسرور
صح لسانك مليون شاعرنا كديميس
تم تنسيق بعض القصايد (؛
هههههههه
تراني ما زلت في الغرفة لا تصرصر علانا ههه
الريحة من مندي السمك والصيادية ..
شغل المراوح وبلاش فليت تكفأ .. ورحيل رحلها على غرفة ثانية
تراني بتكي هنا .. أبغى أعتزل وأعتكف هههه شاهي لو سمحت ع الجمر بس
ودخان دافي دوف .. وسلامتك ،،
رحيل اعفاء من السجن (:
ههههههههههههههههههههههههههه
وانا جبت لك شاهي الجمر 😁
https://k.top4top.io/p_2078w8ubf0.jpeg (https://top4top.io/)
تسالي للسجن والزوار (:
سلم على اللي ﻻ طرت لي مواريه
اتذكر ان كفوف اﻷيام دســــمه
تعطيك شخصٍ لو يجيبون طاريه
يرسم على محيا ملامحك بسمه
❖ ❖ ────────────────
ودي ب رجمً. علوه " ملاذ ً لـ آلطيور
وآلهواء يبرى حيوده ويطرق قلته
فيه مركاز آلمهوجس ومركااز السبور
ومنه يقرب كل " هآرف " وينسى ذلته
وآصل ً لـ آخر محطات " مختل الشعور
يوم صبري " صد عني " وبآنت خلته
صرت ماحب التواجد ولا آحب الضهور
خآطري م آعرف علاجه وآنا اعرف علته
ناصر الهواوي
09-09-2021, 07:28 PM
مشكوره يارحيل على هالجهد المبذول لتنسيق القصايد
وصح نقلك وذوقك وبدنك اذا كان التنسيق سهل يمكن افهم مع غباي نزليه ولا عليك امر
ابو منصور لله درك مبدع بلا منازع الاخيره قمه بس انا معزوم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
الا وا غرابيل الحمامه من الشعار= مذمه ليا ناحت مدايح ليا غنت
متعتها قتلوها الناس مع سابق الاصرار=لو ان البعض يون معها ليا ونت
لكن بالنهايه بان للراعبيه كار= بدوواوينهم كم شاركت ودخلت بالنت
اجادت مع قلوبٍ خضر لعبة الشطار=من عهد الحمداني لها سنةٍ سنت
ايا جارتا لو تعلمين الذي قد صار=وبعد فهمت اللي صار للشاعر انجنت
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
وسلامتكم هههههههههه
كديميس السيحاني
09-09-2021, 09:26 PM
مساء النور والسرور
صح لسانك مليون شاعرنا كديميس
تم تنسيق بعض القصايد (؛
صح كلك ولا هنتي يا رحيل
اشكرك ماقصرتي الله يسلمك
تحيتي وتقديري لكِ
كديميس السيحاني
09-09-2021, 09:29 PM
مشكوره يارحيل على هالجهد المبذول لتنسيق القصايد
وصح نقلك وذوقك وبدنك اذا كان التنسيق سهل يمكن افهم مع غباي نزليه ولا عليك امر
ابو منصور لله درك مبدع بلا منازع الاخيره قمه بس انا معزوم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
الا وا غرابيل الحمامه من الشعار= مذمه ليا ناحت مدايح ليا غنت
متعتها قتلوها الناس مع سابق الاصرار=لو ان البعض يون معها ليا ونت
لكن بالنهايه بان للراعبيه كار= بدوواوينهم كم شاركت ودخلت بالنت
اجادت مع قلوبٍ خضر لعبة الشطار=من عهد الحمداني لها سنةٍ سنت
ايا جارتا لو تعلمين الذي قد صار=وبعد فهمت اللي صار للشاعر انجنت
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
وسلامتكم هههههههههه
صح كلك ولا هنت
وصح لسانك على ماقمت به من دفاع عن الحمامة وهجوم على الشعار ههههه
دمت بخير
تحياتي وتقديري لك
كديميس السيحاني
09-09-2021, 09:32 PM
شح القصيد ومنّ وصل الحروفي =و قلت العوض/ طه وترتيل عما
ومن كل آية حكمةٌ للوصوفي =ومن هديها يجلى عن النفس هما
هبّت عواصيف السواري شعوفي =وهدّاهن الله بالمطر يوم سمّا
و اليوم ثالث و الأماني شفوفي =و رجع الحيا نو السماك ادلهما
سحبٌ لواقح طايعه للعسوفي =عسف الرعد تسبيح للسحب لما
مشحونة الطاقة وبرقه خطوفي =يرتد طرفٌ في مراعاه همّا
ناصر الهواوي
09-09-2021, 10:36 PM
ودي انام هههههههههههه
ياهاجسي شيخ الرواسي تنسك=منك الهدى ياللي على الحق هاديه
بوثقا العرى يارب فيها اتمسك=ياذا القريب اللي مجيبٍ مناديه
ومن بعدها ياشيخ ياحي حسك=قافٍ هجوسي مدمنه تبت ايديه
لااقنعت هجسي قالت العين بسك=لغير من ودك يوجه دواديه
ياعين من تبغين بالهجر طسك=قولي بربك وش على الصد حاديه
وقولي لمن فينا تشمت ما اخسك=ردي على علم وبعض علم عديه
تجاهلي مالا ليا جاء يحسك=وخوذي طرف حبل المواصل وشديه
عبدالله الدّنّيش
10-09-2021, 12:18 AM
السلام عليكم وطابت فجريتكم بالنوم والأحلام والسلام
ما قصرتوا على هالتسالي والمنشنات والمناوشات
صحت السنتكم وأحلوت ذوائقكم وطابت أنفسكم
وشكرا سيدتنا الكريمة رحيل على براد الشاهي المجمّر
دام جودك وتواجدك ..
الخفير يشتغل كداد طول النهار ويجي ينام حتى الصراصير ما يحس فيها
ههههههه .. وإذا صحي يا ويلنا ويلاههههه
مساكم وصباحكم سعيد
عبدالله الدّنّيش
10-09-2021, 12:24 AM
تسلية لي وأمنية وطلب إنفكاك ....
^-^
تقل لي كيف حالك وأنتظر وأجيك وأحييّك = وأنا طال إنتظاري في حراتك وأنتظر مبداك
انا مازلت في ذات المكان ومنتجع طاريك = أردد صوت حرفك من لسانك وأكتبك وأقراك
وانا مازلت في مينا غرامك .. دلني وآجيك = على موج الأماني يا نديمي منيتي لقياك
على شط الصدف نوضع خطانا والخطط تكتيك =دنى وقت الرحيل ، إ قرب وسهرني على ذكراك
قيود الشوق للشوفة خذت في خاطري تشكيك = وسجنك طوق الأفكار يا ليت الزمن ينساك
سجينك .. فُك كفّه كافيٍ .. تكفى يبي تفكيك = كفاه الكيف من كفك وكفكف كفةٍ تكفاك
^^-^^
والسلامة
عبدالله الدّنّيش
10-09-2021, 12:32 AM
من إرشيف المجاراة
تقول شاعرتنا نجد صح لسانها
^-^
أحب السحاب المرتكم والمطر والسيل= واحب القصيد وكل شيٍ على حله
واحب المساا جوي ومودي ظلام الليل = أعيشه بـ مافيني ولو طال مـ املّه
واحب السكوون ايوالله اني احبه حيل = ولولا الحياا كان اعتزل عالمي كله
معي مصحفي والدله وسبحتي والهيل = واصلي واسبّح وابدع القاف واشله
^
قلت ..
هلا مرحبا يا شاعرة نجد فوق الكيل = يرحب بك الفنجال والتمر والدله
حضورك وناسة للرواسي بوقت الشيل = وحرفك مثيل البدر لا شع بالطله
ألا يالنشاما صبوا الهيل لأهل الخيل = وخلوا ( سميرة ) تطرب السجن بالشله
وأنا أقول ويلك يالمعادي وويلك ويل = نغني ونطرب مير ما نقرب الزله
^-^
كديميس السيحاني
10-09-2021, 12:48 AM
ودي انام هههههههههههه
ياهاجسي شيخ الرواسي تنسك=منك الهدى ياللي على الحق هاديه
بوثقا العرى يارب فيها اتمسك=ياذا القريب اللي مجيبٍ مناديه
ومن بعدها ياشيخ ياحي حسك=قافٍ هجوسي مدمنه تبت ايديه
لااقنعت هجسي قالت العين بسك=لغير من ودك يوجه دواديه
ياعين من تبغين بالهجر طسك=قولي بربك وش على الصد حاديه
وقولي لمن فينا تشمت ما اخسك=ردي على علم وبعض علم عديه
تجاهلي مالا ليا جاء يحسك=وخوذي طرف حبل المواصل وشديه
ليش العباطه ؟ وش حدك؟ ههه
اجل استلم
،
،،
،
[color="darkgreen"]
البخل ما خلّى و رودٌ ل رِسك =تختار قل المفردة في مباديه
و ان كان ذكر الله عن الحق هسك=ماهس منهو يا ابيض الوجه باديه
مجنون عسعس قبل نومك يعسك=ومن قمته يغوص بك عقر واديه
و يثعي بك المارد ويقلطع مرسّك= مدري معه تسهر ليا جيت ناديه
ومن بين اخو مره ومره يدسك =لكن ابو منصور جنك معاديه
وفي ليلة الجمعه ليا جاك مسّك =قدّاك من يصعب بدربه تقدية
من بين مفرق حاجبينك يبسك=وانته تمسك يالهواوي باياديه
[size="4"][font="arial narrow"]
ناصر الهواوي
10-09-2021, 09:17 AM
لا....لا يابو منصور لاتفهم خطا
البيتين الاولين فقط موجهه لك وباقي الابيات والله ماهيب يمك ورب الكعبه هههههه
لكن لا مشكله وانت تمون يالغالي
ضحى الخير (:
صحت ألسنتكم ياشعاار
ابداع منقطع النظير لله دركم (:
محشوم يابو عبيد
والتنسيق. رابط تحفظه عندك في الملاحظات
ادخل على اي قصيده عندك منسقه
واحفظها عندك
احذف الابيات وحط نقاط
واذا كتبت شي جديد الصقه مكان النقاط
وبس (:
صح كلك ولا هنتي يا رحيل
اشكرك ماقصرتي الله يسلمك
تحيتي وتقديري لكِ
ابو منصور العفو طال عمرك ويسلمك ربي
وشكرا سيدتنا الكريمة رحيل على براد الشاهي المجمّر
دام جودك وتواجدك ..
الخفير يشتغل كداد طول النهار ويجي ينام حتى الصراصير ما يحس فيها
ههههههه .. وإذا صحي يا ويلنا ويلاههههه
مساكم وصباحكم سعيد
ومساك اسعد
العفووو طال عمرك واجبنا
مهب منه انا رميت زيوته اللي مجمعها في السجن ههههههههههههههههههههههههههههههه
الخفير يروع حتى الصراصير اذا شافته تنحاش ههههههههههههه
نعيش ف الدنيا العريضه ونحلم
ويمكن نحب أشياء وفيها مضرّه
يارب وأنت اللي عن الغيب تعلم
أكتب لنا اللي فيه خير ومسرّه
الجووهره
10-09-2021, 01:58 PM
أسعدالله مسآكم
وطآبت جمعتكم بذكر الله
والصلاة والسلام على رسول الله
اللهم صل ّ وسلّم على نبينا محمد
وعلى آله وصحبه أجمعين
الجووهره
10-09-2021, 02:01 PM
وهلا بالجمييع
وصحت الالسن والاذوآق
ودآم حضوركم وابدآعكم
رحووله منووره يالغااليه
وخليك هناا خليك
لا تقاطعين هههههههه
الجووهره
10-09-2021, 02:03 PM
هاااااي
ريحة البخور جابتني يارحيل
هلا بك نووور
منوووره بعد الغيبه الطويله
وخليك منوره على طول
هههههههه
الجووهره
10-09-2021, 02:31 PM
أفتح ضلوعك وأجمع الخير والحب
اليـــوم جمعه والله الله بـ الأســباب
سـامح ترى من سامح وقال : يـارب
يفتــح له الله في سـما رحمته باب
شاعرة نجد
11-09-2021, 12:27 AM
صباح الخير وتغريد الطير
وطابت اوقاتكم ودام الحضور الممتع
وصحت السنتكم شعراؤنا المبدعين
لاعدمنا عزف اقلامكم العذبه
وتسلم اناملك خيال عـ النقل
ومن ذوقك لاعدمنا منقولك مستشارنا
وصح بدنك عبدالله وصح لسانك
على هـ الروائع والابدااع
وشكرا لنقل الابيات ومجاراتك الفاخره
وعندي الكثير من مجارياتي معك ومع شعراؤنا المبدعين
ولاعدمت الراسيات فديتهن ومايأتين به
متابعه لكل ماتكتبون حتى وان لم اتواجد
ودمتم وسلمتم,’’
شاعرة نجد
11-09-2021, 12:33 AM
تسليه...
يضيع ترتيب الكلام حتى لو ان عندي كلام
أرتّبه واهذبه وان جيت ابـ اقوله يضيع
متلعثمه في حضرته حتى لو اقريه السلام
من هيبته لو طيبته يشري بها القلب ويبيع
إيوالله ان الوقت يجبرني لو ان وقتي تمام
لكن على كيفي ظروفي قاسيه عيت تطيع
تنقصني الجرأهـ وانا لولا التردد ياسلام
أطلع على سطح القمر’عيني على السطح الرفيع
وامطر من حروف القصيد اللي على حس الغرام
نَحْياا على ودانها,عقب الدهر نصبح ربيع!
الجووهره
11-09-2021, 01:32 AM
هلا بك شآعرتنا المبدعه
وصح لسآنك على هالروآئع
ودآم حضورك الجميل وابدآعك
الجووهره
11-09-2021, 01:38 AM
تسآلي آخر الليل
للـظـروف احكام تجبـرنـا نـطيــع
نرسـم الخطوه على حجم المُتاح
احتمــل لاهنت يالـصـدر الوسيـع
وافــرد شـراع الامـانـي للـريــاح
أن خذلك الصيف ينصفك الربيـع
وان غشـاك الليل يجـلاه الصبـاح
عآيد بن ضلعآن
مـؤمن بالـقـدر ، والصبر إتخـاذي
مابعد ضيق الصدور .. إلا سعتها
وش يحزن خاطري والارض هذي
"كـل حيٍ فوقها .. يرجع تحتها
،،،
اقفت بنا الايام على ما تريد
وسراب الامآل ما عدنا نشوفه
نرتجي الاحلام و الواقع بعيد
والدرب يبطي ما نقوى وصوفه
صباح الرضى والحمد والشكر والتسبيح
لوجه الكريم الخالق الـرب سبحانه
صباح النوايا البيض والصدق والتوضيح
لوجه العزيز اللي سجدنا على شانه
صبـاح الوردات والليرات والخيرات (:
رحووله منووره يالغااليه
وخليك هناا خليك
لا تقاطعين هههههههه
النور نورتس يابعد تسبدي
ابشري على هالخشم هههههههههههه
ارحبي يا نجد
صح لسانتس مدد يالغالية
وصح ذوقتس جيجي
ناصر الهواوي
11-09-2021, 11:26 AM
حيا الله العاصفيه وصح لسانتس ودام حضورتس
ارحبي يالجوهره وصح ذوقتس
اهلا يارحيل وسلمتي ودمتي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
اووووووووووووووووووووووف= اوووووووووووووووووووووف
على ايقاع معزوف السعف غرد العصفور=وغنت على صوت العصافير قمريه
من بعد النظر كني بقمة جبال الطور=واشوف اعمدة مشعاب شرق النعيريه
تلف الطواري بالفكر هالشهر واتدور=جولاتٍ على المكشوف تجري وسريه
على متنها لاني بضايق ولا مسرور=كواكب سماها اللي به اتلف دريه
وانا اقول للكبتن تيامن بنا مشكور=بالاجواء وساهر سلطته بس بريه
نبي دريرةٍ دايم وطاها تقل ممطور=نعيم المواشي ما وطت فيه حريه
لو بالصدر من ميزة صدور الشمال ندور=نزلتنا بمدرجها تعد اظطراريه
نبا اللي ليا ضيف ذبح من عيال الخور=قيفانه تجي لو هي على الظن ناريه
ان سهل ولي العرش لازور ابو منصور=واعرج على ذيك الجبال العسيريه
ناصر الهواوي
11-09-2021, 11:50 AM
مريت قبل امس العصر حي حيي=والبيت حيا الجيب والجيب حياه
مظلم ما شع من الشبابيك ضيي=وناديت ما اوحي رد والصوت ما اوحاه
موقف غضب ما عايشه شخص زيي=اواه من ضيق الصدر عقبه اواه
ما ابيه يالخيال غير امتهيي=عهد الرضا اظنه عطانا مقفاه
ووجه الجفا قابل محياه سيي=تنفر منه كل المشاعر وتاباه
ان قلت للقلب انتهينا يعيي=والصدر ذيبه كدر الجو بعواه
عبدالله الصقري
11-09-2021, 11:59 AM
ليت الحبايب مثل وضع العماله
من غاب بلغنا عليه .. الجوازات.
كان بلغنا عن الرواسي والرآسيآت
هههههههههه
ههههههههههههههههههههههه
قويييييييييييييه يالجوهره
عبدالله الصقري
11-09-2021, 12:25 PM
أجمل مسآء النور
لاهلك روآسينا
من قآيد الطآبور
لاصغر محبينا
صحّت ألسنتكم جميييييييييعا
و داام هالحضور المترف بهآءاً و جمال
لكم جل تقديري و احترامي
مع أرق و اجمل تحيه
عبدالله الصقري
11-09-2021, 12:51 PM
جدي ؟ نوآميس الشعر
به جنَّنت إبليس
لا صآغ معنآه افتخر
لو عآفه كديميس
ههههههههه
امزح
دآيم بـقآفه نحتضر
له كل خيل ٍ سيس
وانا من اجله أنتظر
آخر نبأ بلقيس
و بـ شآعرة نجد افتخر
منها الحمامه عيس
والا سميِّي مقتدر
يعزف بلا ترويس
وان قل حظي بـ اعتذر
ما دمت في تهجيس
طولي لـ قآمتهم شبر
و الظل ياما ديس
هذا زلال المصطبر
ما شآبه التدنيس
قوله مثل ضوح الفجر
ما خالطه تدليس
جيت اكتب بيوت الشعر
و اسكن بها تونيس
يحرم على الجار الغدر
ملعون ابوه ابليس
هههههههههههههههههههه
ذي طااازه لعيونكم جميعا
و آسف على أي لفظ لا يليق بسموكم الكريم
شكرا على هالحضور المترف
وشكرا خيالنا الجميل
ولـ جوهرتنا و المديره رحيل
أما الخالدي
ذا لوحده يستاهل ألف منشور خصوصي
بدون قصور في الجميع
له و لكم أجمل و أرق تحياتي و تقديري
مع جم اعتذاري لمن لم أذكرهم
و سلامتكم
عبدالله الصقري
11-09-2021, 01:05 PM
و ذا جديدي
إهدآء للكل
الآن
فيني من الأسر يا بنت اضطهاد قلوب
يأخـذهم الغـآزي اخـذ السَّهْـم قمـريَّـه
يدفنهم بـ جوف مسقيَّة دماء وحروب
في جوفهــا الـميِّـتـيــن قلـوبهـم حيَّـه
هذا هو الحب في طهره عنآق ذنوب
فيـه الشفـا قـدّ ما هـو ســمّ مـن حيَّـه
السمّ ذا غير . و ءآثآره حقيقه تنوب
عن أصدق احسآس يغمر شمسنا فيَّه
كـ النجم . والا كما قمرا تنير دروب
و مْسـآمــر اثنينهــا قلب ٍ فقـد ضيَّــه
مسآء المطر .. وصوت الرعد ..
والاجوا الحلوة عم بتمطر ضيعتنا (:
اللهم صيباً نافعاً
(:
صح لسانك شاعرنا ابو عبيد
الصقري صح لسانك مليون
وعوداً حميداً
وآخر الغيبة ان شاء الله
كديميس السيحاني
11-09-2021, 03:05 PM
لا....لا يابو منصور لاتفهم خطا
البيتين الاولين فقط موجهه لك وباقي الابيات والله ماهيب يمك ورب الكعبه هههههه
لكن لا مشكله وانت تمون يالغالي
ههههههههههههه
والله يا ابو عبيد ما يلحقني فيك شك
ولا واحد في المليار
وانت تمون على نفسي .
وكل قصدي باختصار واضح في هذا البيت
الـبـخـل مـــا خـلّــى و رودٌ ل رِســــك
تخـتـار قــل المـفـردة فــي مـبـاديـه
( تعسير القافية فقط لاغير )
القافية العسرة ما تساعد على المجاراة بين الشعراء
اما ماعدا ذلك فلله الحمد الشك زايل
كديميس السيحاني
11-09-2021, 03:10 PM
مساكم الله بالخير يا جماعة الربع
صحت السنكم وطابت اوقاتكم ودام تواجدكم
ولا ثلمت اقلامكم من اولكم لآخركم
اخاف اذا ذكرت الاسماء احد منكم يسقط اسمه سهواً
ثم عاد هيا حلها ��
لكم احترامي وتقديري
✋��
كديميس السيحاني
11-09-2021, 04:51 PM
هجسي اللي ساق رجلي فيه ريبه=ما دريت الا وانا بالفكر حاير
و يالهواوي يوم عديت الرقيبه=هيض المسحوب مكنون الصماير
و كل قاف فيه باعلا الصوت اجيبه=ما بقى الا شوي و اهل العباير
الشريط اللي به الذكرى حسيبه=فر بي وافتر بي كل الدواير
بين موج وبحر و فجوج رحيبه=و بين جد وهزل خافية السراير
مرت طيوف ٌ قدم عيني قريبه=و النقاش اللي حصل ف العلم داير
كل عذر يقول عذرك ويش ابي به =وكل موقف قال ذا من قبل صاير
كل غيبه يقتفيها شهور غيبه=ما درى ان ظروفي تجر الجراير
عالمه مجهول والدنيا عجيبه = قلت حكمك قابله لو كان جاير
و الغلا اللي حطه الله من نصيبه=محتفظ به لينها تفل النشاير
ناصر الهواوي
11-09-2021, 08:15 PM
مساكم سعيد والشر عنكم بعيد
واهلا بالجميع وصحت الالسن والابدان امنت الاوطان
(الغلا اللي حطه الله من نصيبه= محتفظ به لينها اتفل النشاير) ياللروعه
حفيدي صح الله لسانك على هالدرر مبدع الله لا يضرك بس لو طمنتنا عن الوالد برضه نعتبره والدنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
إي وخالقك ههههههه
بعد غروب الشمس تحلو الاجواء=وتهب من يم الشمال الذعاذيع
هبوبها لانسنس علاج الادواء=يشري بها القلب الخضر حب وايبيع
وباقي لها تكميل حيل الله اقوى=لكن جاء دون الكماله موانيع
لعل سي الحظ ما ياصل اسوا=ويهف في خيره وشره ورا الريع
وعبر خلول الياس ينسل رجوى=تحدث لصدرٍ تكه الياس توسيع
كديميس السيحاني
12-09-2021, 12:48 AM
حيا الله العاصفيه وصح لسانتس ودام حضورتس
ارحبي يالجوهره وصح ذوقتس
اهلا يارحيل وسلمتي ودمتي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
اووووووووووووووووووووووف= اوووووووووووووووووووووف
على ايقاع معزوف السعف غرد العصفور=وغنت على صوت العصافير قمريه
من بعد النظر كني بقمة جبال الطور=واشوف اعمدة مشعاب شرق النعيريه
تلف الطواري بالفكر هالشهر واتدور=جولاتٍ على المكشوف تجري وسريه
على متنها لاني بضايق ولا مسرور=كواكب سماها اللي به اتلف دريه
وانا اقول للكبتن تيامن بنا مشكور=بالاجواء وساهر سلطته بس بريه
نبي دريرةٍ دايم وطاها تقل ممطور=نعيم المواشي ما وطت فيه حريه
لو بالصدر من ميزة صدور الشمال ندور=نزلتنا بمدرجها تعد اظطراريه
نبا اللي ليا ضيف ذبح من عيال الخور=قيفانه تجي لو هي على الظن ناريه
ان سهل ولي العرش لازور ابو منصور=واعرج على ذيك الجبال العسيريه
على صوت دف السامري والقمر له نور= و نجم الثريا عم كل البلد ضيّه
سجعت بلحن قاف الهواوي صفا الحنجور=وتهزعت من صوته بسيفي و جنبيه
و بعد ذا خذيت الطرس برسم عليه سطور=قوافي مجاراة لقوافيه منقيه
هلا مرحبا بالوعْد واللي وعد مخبور =صديق صدوق و ننتظر ساعة الجيه
ليا وقع الكبتن يصفون لك طابور =صقور الفلاح و محزمك ساعة الهيّه
لو الارض ما شالتك شالك وساع صدور= ويفرش طريق خطاك بزهور ورديه
هلا في محلك و الكلافة على الميسور=بفضل الإله ولا بواجبك ماويه
طرات الحياة الوصل والا الجفاء مدحور= وانا بنتظر للطايرة كل عصريه
[/quote]
الجووهره
12-09-2021, 06:28 AM
هلا بالجميع
ويسعد صبآحكم وكل أوقآتكم
وهلا بك شآعرنا الصقري
عودا حميدا وآخر الغيبآت ان شآء الله
الجووهره
12-09-2021, 06:29 AM
تسليه
طلت
https://youtu.be/0CzwUde7CfA
الجووهره
12-09-2021, 07:14 AM
https://www.r111n.com/t41559.html
ناصر الهواوي
12-09-2021, 10:56 AM
اهلا وسهلا بالجميع
ــــــــــــــــــــــــــــــــــــــــــــــــــ ــــــــــــــــــــــــ
مع هالنسيم اليوم هزي جريدك=وتمايلي بشويش لا يزعل الورق
عوجا النخل تراي مانيب ميدك=بينك وبين السامكه بالسما فرق
مادام ذات الطوق تلعي بحيدك=ياهجسي مع نوحها جدد الطرق
وللراعبيه قول هاتي جديدك=ان كان صدرك بعدهم منطرق طرق
وقل للصبر هاليوم نطلب مزيدك=افزع لجفنٍ بازرق الماء غدا غرق
لاعاد يومٍ لي به اشرت بيدك=كلمة وداع احرقت به مهجتي حرق
جددت لهفة من خفوقه يريدك=درق ابـ بدايتنا وبنهايتك درق
الله يسعد مساكم
وصحت السنتكم يامبدعين
(:
شاعرة نجد
12-09-2021, 01:34 PM
اهلا وسهلا بالجميع
ــــــــــــــــــــــــــــــــــــــــــــــــــ ــــــــــــــــــــــــ
مع هالنسيم اليوم هزي جريدك=وتمايلي بشويش لا يزعل الورق
عوجا النخل تراي مانيب ميدك=بينك وبين السامكه بالسما فرق
مادام ذات الطوق تلعي بحيدك=ياهجسي مع نوحها جدد الطرق
وللراعبيه قول هاتي جديدك=ان كان صدرك بعدهم منطرق طرق
وقل للصبر هاليوم نطلب مزيدك=افزع لجفنٍ بازرق الماء غدا غرق
لاعاد يومٍ لي به اشرت بيدك=كلمة وداع احرقت به مهجتي حرق
جددت لهفة من خفوقه يريدك=درق ابـ بدايتنا وبنهايتك درق
الله عليك يـ الهواوي تهيض الصخر
مبدع لاعدمنا عزفك الممتع
وصح لسانك وصح لسان شاعرنا كديميس
على هـ الدرر والهطول المنهمر
وصح لسانك يـ الصقري
والله يفرحك بدوام سلامة الوالد
وصحت ابدانكم ولاعدمتكم
ودام حضور الجميع,’’
شاعرة نجد
12-09-2021, 01:39 PM
جدي ؟ نوآميس الشعر
به جنَّنت إبليس
لا صآغ معنآه افتخر
لو عآفه كديميس
ههههههههه
امزح
دآيم بـقآفه نحتضر
له كل خيل ٍ سيس
وانا من اجله أنتظر
آخر نبأ بلقيس
و بـ شآعرة نجد افتخر
منها الحمامه عيس
والا سميِّي مقتدر
يعزف بلا ترويس
وان قل حظي بـ اعتذر
ما دمت في تهجيس
طولي لـ قآمتهم شبر
و الظل ياما ديس
هذا زلال المصطبر
ما شآبه التدنيس
قوله مثل ضوح الفجر
ما خالطه تدليس
جيت اكتب بيوت الشعر
و اسكن بها تونيس
يحرم على الجار الغدر
ملعون ابوه ابليس
هههههههههههههههههههه
ذي طااازه لعيونكم جميعا
و آسف على أي لفظ لا يليق بسموكم الكريم
شكرا على هالحضور المترف
وشكرا خيالنا الجميل
ولـ جوهرتنا و المديره رحيل
أما الخالدي
ذا لوحده يستاهل ألف منشور خصوصي
بدون قصور في الجميع
له و لكم أجمل و أرق تحياتي و تقديري
مع جم اعتذاري لمن لم أذكرهم
و سلامتكم
و بـ شآعرة نجد افتخر(صح لسانك والفخر لنا بحضورك وفاخر سطورك
وصح لسانك شاعرنا المبدع,’’
شاعرة نجد
12-09-2021, 01:55 PM
تسليه...
https://wanderland5.files.wordpress.com/2012/08/564680_497423920284468_1608495658_a.jpg
الزعل ممنوع يادقات قلبي
لاتزعّل والغلط فـ الناس وارد
يجلب هْمومي كدَر خاطرْك جلبي
واحترق واحتر لوّ الجو بارد
ياهوى روحي وياعمري وغلبي
مشغلٍ بالي ومَعْك الفكر شارد
مع متاهات الطريق اللي وصل بي
وانتهى ما جاب من صادر و وارد!
يا سسلااام
صح لسانتس شاعرتنا
ناصر الهواوي
12-09-2021, 10:09 PM
ليلتكم سعيده وصبحكم اسعد والضيق عنكم ابعد ههههههههههه
لله درك شاعرتنا وصح لسانتس وبدنتس
اهلا يارحيل والله يحفظك ويسعدك على التنسيق
اعجبتني هالمستعجله ههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
الرضا موجب وضده قطب سلبي
يسببه بين البشر شيطان مارد
والتواصل حق والهجران صربي
للسعاده لاغزا قلبين طارد
لو طريق الشاعره ماهوب دربي
في مجاراها هجوسي جاه قارد
كديميس السيحاني
13-09-2021, 12:37 AM
ماعاد ندري من المسجون
يا ربعنا ضاعت الطاسه
سجين مع خمسه يزورون
و سجان مشغول مع ناسه
كديميس السيحاني
13-09-2021, 12:56 AM
يا سيوف الطرف الأكحل كما برق الظلام=
يخطف الأنظار عن بُعد يتحدى العيـون
وكل ما خايلت برقٌ تلاعج في الغمام =
قلت هذا من ثناياه يكسب كل لون
ويا مجاريح المودة على الدنيا السلام =
يوم يجحد جرحه لقلب من حبه يمون
و إن عطاني جرعة الشهد من حدر اللثام =
قلت ياعشاق مثلي لمثله تشتكون
ولا تقولون اني اسن سنة للغرام =
هكذا شعر الغزل للي يصوغ اللحون
وكل ما قلته تخيّل ولا احسب للملام =
في الشعر ما والله احسب لمن هم ينقدون
خيال مطير
13-09-2021, 02:56 AM
صج الله السنتكم جميع ,,,
https://www.youtube.com/watch?v=dLr3j_GfJ7E&t=117s&ab_channel
خيال مطير
13-09-2021, 03:05 AM
من الارشيف
https://www.r111n.com/t35361.html
خيال مطير
13-09-2021, 03:11 AM
من الارشيف
https://www.r111n.com/t34308.html
الجووهره
13-09-2021, 08:38 AM
هلا بك خيآل
ويعطيك العآفيه
ويسلم ذووقك
الجووهره
13-09-2021, 08:39 AM
تـفـائلوا بالخيـر في كل الاحـوال
الله كريم وراعــي الصبـر ماجــور
لولا الشقى ماحدٍ عرف راحة البال
ولولا الدجى ما بـينت قيمة النــور
صبآحكم تفآؤل
وخير ونوور
كديميس السيحاني
13-09-2021, 12:25 PM
صباح الخير يا سجن القوافي
و سجّان وسجين و زايرينه
عسى المسجون ب أمن ولا يخافي
من التجويع و اسوارٍ حصينه
خيال مطير
13-09-2021, 02:07 PM
لا و الله الا جاز للناقد يغيب
و خلاني اناطح خصومي لحالي
شاعر و لا فيها لا شكه و لا ريب
يبقى مقامه طول الايام عالي
يفقد ليا من غاب و اليا حضر طيب
اقولها و انا تراني ما ابالي
لو شاعره مع ناصر استلموا حزيب
ماهو بحزب اهل الوفا و المعالي
انا لهم حتى لو الموقف صعيب
تقصر معي و الا تطول الليالي
كديميس السيحاني
13-09-2021, 02:10 PM
بانت مواري صده بدون تبرير =
ولفٌ بصدري موقداتٌ شموعه
اسعى لوصله مخلص اجد بالسير =
و يمن بوصاله ويبعد نجوعه
و ياقلب لا تحزن ليا شفت تغيير =
من عنك قفى لا تحرى رجوعه
لا يرتفع ضغطك بكثر التفاكير =
راسي لغير الله ما ارخى خضوعه
لْيا دله بالوصل مع عالمٍ غير =
حر بحياته و ليّ نفسٌ قنوعه
كديميس السيحاني
13-09-2021, 02:10 PM
مساكم الله بالخير
ذبحكم النوم صحصحوا يالرواسي
،
،،
،
عبدالله الدّنّيش
13-09-2021, 02:22 PM
السلام عليكم وأسعد الله أماسيكم بالفرح والمسرات
المعذرة يا جماعة الربع .. أممممممممممم
^^
سجينكم قال من يومين أنا بعتكف = والشيخ ناصر يبارك سنة الإعتكاف
يقول خذ لك فراش ورتبه وإلتحف = وناج ربك وخاير وأنوها للزفاف
وقلت أنا يالهواوي في ضميري ولِف = هوى على البال طيفه وأستوى ع الشغاف
وليا توسدت جات أحلام طيفه زُلف = كني على سيل في وادي واجاه إنجراف
وأسبح مع السيل وأتجنب دروب التلف = وأطب في مزرعتها ما عليه خلاف
^^
وللأحلام بقيههههه
خيال مطير
13-09-2021, 02:26 PM
من ألأرشــــــــــــــــــــــيفـ
البارحـه جتنـي تفاكيـر وجنـون
من ضيقتي عجـزت ليلـي لانامـه
مثل السجين اللي بلا حق مسجـون
وانـا وضيقـي والهجـاد وظلامـه
يالله ياعالـم وش الخلـق يخفـون
ياباعثـآ خلقـك بـيـوم القيـامـه
لك الرجاوالا الفرج منـك مضمـون
ومـن لتجالـك مايشـوف الندامـه
من بعدها اببـدا بالمثـال وصـون
سطورها والشعـر وزنـه وسامـه
والقيـل لا قلتـه مرتـب ومـازون
وصفه جمل وحلا المعانـي سنامـه
من الجمـال اللـي تبيـع بامليـون
ماهو من الزمل الرخيـص الهلامـه
ياللي لفعل الطيب مانتـم باتـدرون
ان كان مقصدكـم بافعلـه غشامـه
امشوا ورا راشـد سعيـد تشوفـون
اللي فعـل يمنـاه جـاز احترامـه
الا دارته كل الرجاجيـل يرضـون
ولاحدن ورا راشد يقـول الملامـه
حتى الرجال اللي على الغير يعصون
من شيمتـه يمشـي عليهـم كلامـه
وقولها والطيـب راعيـه مايهـون
والطيـب لرجـال عـز وكرامـه
والا الردي لو هو مالك مال قـارون
ردي سـاس ولا تاعلـى مقـامـه
وقبلي يقوله مسلط الطيـب هالـون
هبال طيب ولا صحـاوت رخامـه
خيال مطير
13-09-2021, 02:28 PM
صح الله السنتكم جميع
عبدالله الدّنّيش
13-09-2021, 02:30 PM
صباح الخير يا سجن القوافي
و سجّان وسجين و زايرينه
عسى المسجون ب أمن ولا يخافي
من التجويع و اسوارٍ حصينه
^^
أبشرك العلوووم طيبة وأمن وأمان وطاعة رحمان
وصح لسانك ابو منصور ...
^^
مساكم خير بأنواع العوافي = وتغشاكم من الله السكينه
ترى المسجون متريّح وغافي = ويتدرّج على أسوار المدينه
^^
أنشغلنا بمشاكل وبعض العلوم .. وأصلح يصلحك الله ،
والله يصلح الحال والأحوال .. جتنى عدوى الإصلاح من الهواوي
والله يعيييين .. وجعلكم سالمين .
سالخير
و صحت ألسنتكم
،،،،،،،،،،،،
ياخذ من الصدر الوسيع الرحابه
ومن العطا كفٍ تحب المخاسير.
(:
كديميس السيحاني
13-09-2021, 02:38 PM
لا و الله الا جاز للناقد يغيب
و خلاني اناطح خصومي لحالي
شاعر و لا فيها لا شكه و لا ريب
يبقى مقامه طول الايام عالي
يفقد ليا من غاب و اليا حضر طيب
اقولها و انا تراني ما ابالي
لو شاعره مع ناصر استلموا حزيب
ماهو بحزب اهل الوفا و المعالي
انا لهم حتى لو الموقف صعيب
تقصر معي و الا تطول الليالي
خذ يا خيال مطير
عبدالله الروقي زبون المواجيب =
مليون نعم ليا حصل به مجالي
و انا مكانه في لزومك لك اجيب=
وليا حضر فك النشب ف النزالي
حد الخصوم لحر جمر اللواهيب =
و يحدهم للحد من كل جالي
يشتالهم يم النجوم المشاهيب=
ويرمي بهم في قوع بحر الشمالي
يا ما ثعى فيهم بقو المضاريب =
قيفان شعر تهز روس الجبالي
كديميس السيحاني
13-09-2021, 02:40 PM
^^
أبشرك العلوووم طيبة وأمن وأمان وطاعة رحمان
وصح لسانك ابو منصور ...
^^
مساكم خير بأنواع العوافي = وتغشاكم من الله السكينه
ترى المسجون متريّح وغافي = ويتدرّج على أسوار المدينه
^^
أنشغلنا بمشاكل وبعض العلوم .. وأصلح يصلحك الله ،
والله يصلح الحال والأحوال .. جتنى عدوى الإصلاح من الهواوي
والله يعيييين .. وجعلكم سالمين .
هههههههههه
بشرك الله بالخير
سلمت ودمت
عبدالله الدّنّيش
13-09-2021, 03:00 PM
كفالة .. وينك يا عم خيال ، إستلم وسلّم
والسلام عليكم وسلامتكم ، وأنا نازل هالحين على المنتجع والمزرعة
واللي يوده يلحق الله يحييه .
^
ما غير ناصر و( العذية ) وشاعرنا كديميس = حطوا رحال الشعر في منتدانا يالرواسي
وعبدالله الصقري تناغي لحونه لحن بلقيس = يهزج على المنكوس واحيان تبعده المراسي
والجوهرة تختار باقات من لندن وباريس = وأيضا رحيل تجيب دراتها حبات ماسي
وخيال يجلب طايلات الفرايد في قراطيس = من مبدعين الشعر مرة ومن شعر النواسي
والماهرة مهرة ليا جات تفرج ع المحابيس = وصدود تشبه نور يبدون في ليلٍ عماسي
وهكذا محاكيكم يغرّد وينشرها على الفيس = والفيس هو سجن الرواسي وأعده تاج رأسي
^^
وبس على قولة الفايل
ناصر الهواوي
13-09-2021, 09:06 PM
لو شاعره مع ناصر استلموا حزيب
ماهو بحزب اهل الوفا و المعالي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
اللي بدا من نجم لابده ايغيب
والجدي من خلقة هالاكوان عالي
هو حزبنا ياللي تدور عذاريب
لو خيلكم له تعترض ما يبالي
قبلك هزمنا مفتلين الاشانيب
عينت شمطان اللحى والعيالي
مع موجنا ما احد لقا له مقاضيب
غرقوا بغبة بحر ياهملالي
ما كل حذفه من يد الشاطر اتصيب
ولا كل من يجهد يحصل مجالي
اركد على ما قلت من قبل يالذيب
تحفيك لو تهرف بنجد السهالي
قبلك بها بادت من ادلاجها النيب
لو قدرها في نجد بالحيل عالي
ناصر الهواوي
13-09-2021, 09:24 PM
ياخفير السجن فوضك السجين اللي طلع
حط ابو منصور في زنزانته لا تطلعه
ودنا باعذب نواني شاعرٍ كله ولع
ذائقتنا بالقصيد اللي يجيبه مولعه
قد سبت قلبه هنوفٍ فاتنه فيها دلع
لين تل زرار ثوبه من غلاها ودلعه
قبل ابو هذال لد لزر ثوبه وانخلع
وكم من العقال عقله هزهزنه وخلعه
كديميس السيحاني
13-09-2021, 11:20 PM
ياخفير السجن فوضك السجين اللي طلع
حط ابو منصور في زنزانته لا تطلعه
ودنا باعذب نواني شاعرٍ كله ولع
ذائقتنا بالقصيد اللي يجيبه مولعه
قد سبت قلبه هنوفٍ فاتنه فيها دلع
لين تل زرار ثوبه من غلاها ودلعه
قبل ابو هذال لد لزر ثوبه وانخلع
وكم من العقال عقله هزهزنه وخلعه
يا خفير السجن من يشرق بريقه لا بلع
كيف فيه تطيع اوامر شاعر البحر بلعه
يوم يمشي جيب ثوبه ما يزره واندلع
و ان نصحته بالنصيحة جيب ثوبه يدلعه
خل ناصر ، من حذيف الجن كم ليل انفلع
كل ما اصبح قال انا راسي من اللي يفلعه
و الهوى غلاب في سن الصبا مير انقلع
شاب راسه في مشيبه والهوى الصلف قلعه
كديميس السيحاني
14-09-2021, 12:04 AM
لو ان الاحزاب جات جموع ملتمه
جبل أحد ما تهزه كل الاحزابي
شاعرة نجد
14-09-2021, 12:14 AM
طابت اوقاتكم واسعد الله صباحكم
ماقصرت يـ الدنيش
وصح لسانك على هـ الروائع الممتعه
ومرحبا شاعرنا ابومنصور وصح لسانك على هـ الابدااع
منور وحياك مولاك ,وابشر بالتسالي
وصح لسانك يـ الهواوي على هـ الدرر
وصح لسانك خيال,مبدع مستشارنا
ودام حضور الجميع,’’
كديميس السيحاني
14-09-2021, 12:16 AM
ياليل مابه في رواسي ولا زول
صمت وسكون و ظلمة الليل عمّت
ما به سجين ولا عن السجن مسئول
و اللي ينادي عنه الاذآن صمّت
و يا ضيف يا اللي حولنا تصول و تجول
تصفّح الاقسام والا تشمّت ؟
لا بد من يوم الكآبه به تزول
و لكل قمّه بالهمم فيه همّت
كديميس السيحاني
14-09-2021, 12:22 AM
طابت اوقاتكم واسعد الله صباحكم
ماقصرت يـ الدنيش
وصح لسانك على هـ الروائع الممتعه
ومرحبا شاعرنا ابومنصور وصح لسانك على هـ الابدااع
منور وحياك مولاك ,وابشر بالتسالي
وصح لسانك يـ الهواوي على هـ الدرر
وصح لسانك خيال,مبدع مستشارنا
ودام حضور الجميع,’’
صح كلك ولا هنتي
ارحبي يا شاعرة نجد الاصيله
في ظلام الليل نجمك له تواشي
بشرك الله بما يسرك دنيا و آخرة ( قولي آمين )
شاعرة نجد
14-09-2021, 12:22 AM
لو شاعره مع ناصر استلموا حزيب
ماهو بحزب اهل الوفا و المعالي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
اللي بدا من نجم لابده ايغيب
والجدي من خلقة هالاكوان عالي
هو حزبنا ياللي تدور عذاريب
لو خيلكم له تعترض ما يبالي
قبلك هزمنا مفتلين الاشانيب
عينت شمطان اللحى والعيالي
مع موجنا ما احد لقا له مقاضيب
غرقوا بغبة بحر ياهملالي
ما كل حذفه من يد الشاطر اتصيب
ولا كل من يجهد يحصل مجالي
اركد على ما قلت من قبل يالذيب
تحفيك لو تهرف بنجد السهالي
قبلك بها بادت من ادلاجها النيب
لو قدرها في نجد بالحيل عالي
أثاريك يـ خيال مـ انت سهل,مكرمنا بس بالمنقول ههه
صح لسانك,
وصح لسانك يـ الهواوي كفيت و وفيت من اول بيت لاخر بيت ههه
قبلك هزمنا مفتلين الاشانيب
عينت شمطان اللحى والعيالي
مع موجنا ما احد لقا له مقاضيب
غرقوا بغبة بحر ياهملالي
ياهملالي,كفو يـ الهواوي ياويل من سولت له نفسه ههه
صح لسانك ثم صح لسانك,’’
شاعرة نجد
14-09-2021, 12:26 AM
آمين وياك شاعرنا,’’
شاعرة نجد
14-09-2021, 12:32 AM
ترحيبيه عـ الطاير...
يـ مرحباً الف ابومنصور
شرّفت بالشعر زنزانه
تزهَى بخور وعطر وزهور
عقب ابو عامر وقيفانه
والليله بْشعرك المخبور
لا فتّح الحدس بيبانه
وغردت من هجسك المغمور
بـ اروع جديدك وبـ الحانه
تطرب صْدور وُتغيض صدور
من عذب غيمك و ودانه
كديميس السيحاني
14-09-2021, 12:48 AM
ترحيبيه عـ الطاير...
يـ مرحباً الف ابومنصور
شرّفت بالشعر زنزانه
تزهَى بخور وعطر وزهور
عقب ابو عامر وقيفانه
والليله بْشعرك المخبور
لا فتّح الحدس بيبانه
وغردت من هجسك المغمور
بـ اروع جديدك وبـ الحانه
تطرب صْدور وُتغيض صدور
من عذب غيمك و ودانه
فيك البقا والليال تدور
يا شاعرة نجد يا الدانه
عقب ابو عامر خذيت الدور
والحدس كسرت قضبانه
خذ من جديده بلا محظور
موج البحر صرت ربانه
في عالم الصمت والديجور
مرساه قافي وشطآنه
ياما وياما سبحت بحور
و اليوم بجدد الوانه
شاعرة نجد
14-09-2021, 12:51 AM
القهوهـ يـ ابومنصور..
https://img.mstaml.com/i142536600469630069/%D9%85%D8%B7%D9%84%D9%88%D8%A8-%D8%A7%D8%B3%D9%85-%D8%AA%D8%B1%D8%A7%D8%AB%D9%8A-%D9%84%D9%85%D9%82%D9%87%D9%89-%D8%B4%D8%B9%D8%A8%D9%8A.jpg
فـ آخر الليل مايصلح لطول السهر
غير دله ومقداع وقصيدٍ جديد
دلة الكيف من يَدّي عليها ظهر
ريحة الهيل والبن النقي الفريد
وزعفرانٍ نجيبه من دبي اشتهر
لون فاخر وطعْمٍ فوق وصفه يزيد
شاعرة نجد
14-09-2021, 12:53 AM
أبيات كلها عـ الطاير ياحضرة السجين هه
وتصبحون على خير,’’
كديميس السيحاني
14-09-2021, 01:17 AM
القهوهـ يـ ابومنصور..
https://img.mstaml.com/i142536600469630069/%d9%85%d8%b7%d9%84%d9%88%d8%a8-%d8%a7%d8%b3%d9%85-%d8%aa%d8%b1%d8%a7%d8%ab%d9%8a-%d9%84%d9%85%d9%82%d9%87%d9%89-%d8%b4%d8%b9%d8%a8%d9%8a.jpg
فـ آخر الليل مايصلح لطول السهر
غير دله ومقداع وقصيدٍ جديد
دلة الكيف من يَدّي عليها ظهر
ريحة الهيل والبن النقي الفريد
وزعفرانٍ نجيبه من دبي اشتهر
لون فاخر وطعْمٍ فوق وصفه يزيد
الخوى زال عن راسي بعد ما انبهر
من كرم حاتمية ما تحب الزهيد
جبت ماقلت يا شبه الكحيله طُهر
دلة الكيف متجانس قناد الحصيد
يا عسى يدك ما تنشل طول الدهر
و يحفظك خالقك و هو الحفيظ المجيد
كديميس السيحاني
14-09-2021, 01:23 AM
أبيات كلها عـ الطاير ياحضرة السجين هه
وتصبحون على خير,’’
ما شاء الله عليك الله لا يضرك
و كالعادة الابداع حليفك
و انتي من اهل الخير
كديميس السيحاني
14-09-2021, 01:29 AM
جدد لحون القصيد اللي تسر الخاطر
و هاك من مرضي القوافي يوم صاغ لحونه
كل ما حاولت اريّح جفني اللي ساهر
زارني طيف الولايف و استثار شجونه
صار نون العين لطيوفه كأنه ساهر
يلقط الصوره لمن بالسرعه يمرونه
بس سرعة طيفه اللي تقل سايق ماهر
مخفي اللوحات عنهم عجزوا يصيدونه
خيال مطير
14-09-2021, 01:34 AM
صح الله السنتكم
ودام حضوركم الفخم
خيال مطير
14-09-2021, 01:36 AM
لربما لو هزك الشوق بتجـــــــــين
وتعاندين ظروف وقتك يَ ترى
لربما بعد الغيااب بتســــــــألين
وإلآ زماني ماعلى بآلك طرى
أوّآه لو تدرين عن بعض الحنين
والشوق لامنه تجبّر وافــــترى
في كل يوم أقوول بكرا ترررجعين
بكرا معاك غايب وشكله مادرى
والدمعةة اللي وقفت بعيني سنين
من يوم ماغبتي وعيني مااااترى
إلى متى وأنا أحتري قلبك يلين
والنااس تتقدم وأنا أرجع ورى
تناااااازلي عن كــبريائك للحــزين
اللي على أهدابك من اللهفة سرى
بعد الرحيل اللي قطع حبل الوتين
هو اعترى للشووق وإلآ ما اعترى
لربما لو هززك الشووق بتجــــــــــين
الجووهره
14-09-2021, 04:14 AM
سلآم عليكم
ويسعد صبآحكم
أبدعتووووو ماشاء الله عليكم
صحت الالسن ودآم الحضور والابدآع
ومبرووووك الحريه شآعرنا الدنيش
ومنوور الزنزانه شآعرناا كديميس
وابشر بالتسآلي
كديميس السيحاني
14-09-2021, 05:41 AM
صح الله السنتكم
ودام حضوركم الفخم
ارحب تراحيب يا خيال
ياكوكب لكل الاقسامي
تواجدك فيه راحة بال
منقول و بعزف الانغامي
صح كلك ولا هنت
كديميس السيحاني
14-09-2021, 05:51 AM
سلآم عليكم
ويسعد صبآحكم
أبدعتووووو ماشاء الله عليكم
صحت الالسن ودآم الحضور والابدآع
ومبرووووك الحريه شآعرنا الدنيش
ومنوور الزنزانه شآعرناا كديميس
وابشر بالتسآلي
يا مرحبا يالجووهره عد مالاح
نور الصباح بكل حاره و ديره
منك التسالي للسجين اكبر سلاح
يصبر ولو ضده جموعٌ غفيره 😀
النور بوجودكم يالرواسي
بشرك الله بما يسرك دنيا و آخرة ( قولي آمين ) 😀
كديميس السيحاني
14-09-2021, 05:58 AM
الحمد للمعبود والشكر والثناء
الخالق اللي كلنا نرجيه
يالله يا رحمن تغفر ذنوبي
من لا رحمته ف الحياة يتيه
ناصر الهواوي
14-09-2021, 06:37 AM
ياخنة المحال بعد افرد الرشاء=تقول دقة سلف ذاك الجيب
ما انشيتها بل اقتبس والزمن مشا=من بندر اللي للقصيد طبيب
ياصبركم صبراه من اذن العشا=وكل لما له قد بدا يجيب
كم شاعرٍ قد تل معلوقه الرشا=وكم شاعره تبكي لفقد حبيب
ما غير انا والجوهره بينهم حشا=وخيالنا اللي يعسف النجيب
نعجب بشعة بارق القاف لاوشا=خالين نسمع كل ما يطيب
الجووهره
14-09-2021, 06:39 AM
ياصباح الخير مع نفحة نسيم
وياصباح النور من بعد السلام
السعاده كنز والمعطي كريم
اسعد الله قلب من رد السلام
الجووهره
14-09-2021, 06:40 AM
يا مرحبا يالجووهره عد مالاح
نور الصباح بكل حاره و ديره
منك التسالي للسجين اكبر سلاح
يصبر ولو ضده جموعٌ غفيره 😀
النور بوجودكم يالرواسي
بشرك الله بما يسرك دنيا و آخرة ( قولي آمين ) 😀
تسلم تسلم شآعرناا
صح لسآنك وياليتني شآعره
ههههههه
واللهم آميين
وايآك والجميع
الجووهره
14-09-2021, 06:46 AM
ياخنة المحال بعد افرد الرشاء=تقول دقة سلف ذاك الجيب
ما انشيتها بل اقتبس والزمن مشا=من بندر اللي للقصيد طبيب
ياصبركم صبراه من اذن العشا=وكل لما له قد بدا يجيب
كم شاعرٍ قد تل معلوقه الرشا=وكم شاعره تبكي لفقد حبيب
ما غير انا والجوهره بينهم حشا=وخيالنا اللي يعسف النجيب
نعجب بشعة بارق القاف لاوشا=خالين نسمع كل ما يطيب
صح لسآنك شآعرنااا
وانت فيك الخير والبركه والموجوودين
والغآيبين الله يردهم بالسلامه
الجووهره
14-09-2021, 11:49 AM
طابت ظهيرتكم بنسناس البراد..
ماعاد به حرّ ومعاصير وسموم
.
ويالله تبلّغنا لتحقيق المراد ..
ويصدّنا عن المعاصي والسموم
ناصر الهواوي
14-09-2021, 12:07 PM
بين الجنوب وبين مطلع شمسها هب النسيم
ريح البراد بهبته وانا نحى قلبي جنوب
بذاك الشعيب اللي نبوته طلح قد عاينت ريم
منتوق جيد ادعج غنج يلعب بلدنات القلوب
ايام كنت مقيم بالوادي وهو حوله مقيم
ياشيب عيني لاذكرت الشادن الغض اللعوب
كنا على الفطره (براءة طفل) والمقصد سليم
واثر الليالي كبَّرت همات والدنيا سحوب
نحسب ربيع الوقت دايم والتواصل مستديم
لين الثلوج اللي ندحرج ثلجها دلت تذوب
حتى سمعنا بعد غفوه مستمره(صح نيم)
لجل يعرف ان الاماني لو تحالاها كذوب
وقامت تهل عيون سلمى دمع من فرقا سليم
وشرب سليم من الفراق المر له عشرين كوب
هاااي تسليه لبو منصور
ناصر الهواوي
14-09-2021, 12:11 PM
الآن الحضور 43 وانا فقط ههههههههههههههه
ظهر الخير (:
وصحت السنتكم وأذواق المتذوقين (:
مبروك الحريمة يالدنيش
ومنور. السجن شاعرنا كديميس
عز الله إنك احسنت الاختيار يابو عبيد
خير خلف لخير سلف
يانجد جعل مروّح الغيث يسقيك
يعلّ ريانك ويسقي ضمايـاك
يا نجد قلبي ينفـعه يوم يطريـك
الله يلوم اللي يلومه ليـا أطراك
كديميس السيحاني
14-09-2021, 03:16 PM
ياخنة المحال بعد افرد الرشاء=تقول دقة سلف ذاك الجيب
ما انشيتها بل اقتبس والزمن مشا=من بندر اللي للقصيد طبيب
ياصبركم صبراه من اذن العشا=وكل لما له قد بدا يجيب
كم شاعرٍ قد تل معلوقه الرشا=وكم شاعره تبكي لفقد حبيب
ما غير انا والجوهره بينهم حشا=وخيالنا اللي يعسف النجيب
نعجب بشعة بارق القاف لاوشا=خالين نسمع كل ما يطيب
ناصر ليا منه بدع قافه و نشا =
يجيب بحر من البحور مريب
يهل وبله كنه الديم لا غشى =
جرد الفياض اللي ترب ربيب
في غب قطره من يمره به انتشا=
من باذرٍ متشابكٌ عجيب
ارحب تراحيب المطر عد ما نشا =
صدق الخيال اللي يصب صبيب
كديميس السيحاني
14-09-2021, 03:21 PM
بين الجنوب وبين مطلع شمسها هب النسيم
ريح البراد بهبته وانا نحى قلبي جنوب
بذاك الشعيب اللي نبوته طلح قد عاينت ريم
منتوق جيد ادعج غنج يلعب بلدنات القلوب
ايام كنت مقيم بالوادي وهو حوله مقيم
ياشيب عيني لاذكرت الشادن الغض اللعوب
كنا على الفطره (براءة طفل) والمقصد سليم
واثر الليالي كبَّرت همات والدنيا سحوب
نحسب ربيع الوقت دايم والتواصل مستديم
لين الثلوج اللي ندحرج ثلجها دلت تذوب
حتى سمعنا بعد غفوه مستمره(صح نيم)
لجل يعرف ان الاماني لو تحالاها كذوب
وقامت تهل عيون سلمى دمع من فرقا سليم
وشرب سليم من الفراق المر له عشرين كوب
هاااي تسليه لبو منصور
عزاه يا سلمى و سليم الهواوي
اللي لهم في ماضي العمر لذات
سطى بهم جرحٌ صعيب التداوي
باقي على مر الزمن له علامات
خيال مطير
14-09-2021, 03:24 PM
https://www.youtube.com/watch?v=PDvWmfuJ_go&ab_channel
كديميس السيحاني
14-09-2021, 03:27 PM
ظهر الخير (:
وصحت السنتكم وأذواق المتذوقين (:
مبروك الحريمة يالدنيش
ومنور. السجن شاعرنا كديميس
عز الله إنك احسنت الاختيار يابو عبيد
خير خلف لخير سلف
رحيل طاب الصبح والظهر والليل
ف السجن للمسجون واللي يزوره
يا مرحبا بك عد ما سال من سيل
انتي قدومك شع للسجن نوره ههههه
خيال مطير
14-09-2021, 03:27 PM
أبكي وعيني تسهر الليل يـا ريـم
مدري بلاها الشوق والاالظليمـه
ياريم دمع العين مدري على الريم
والا على قلبـن تواكـل صميمـه
تقول لاطمني علـى نونهـا سيـم
أبكي وعندي لأزرق الدمع قيمـه
ويمكن يكون الدمع للعيـن تكريـم
ويمكن يكون إلها عذاب وحريمـه
والله يا لولا دمعتـن كنهـا الديـم
راحت ضلوعي من عذابي حطيمه
ودام البكا يا ريم ما فيـه تحريـم
يا عنك والله لأرخص الدمع شيمه
وابكي على حالي من الوجد وآهيم
لين الزمن يخلـف عليّـه نسيمـه
أبكي حياتن صافيه ما بهـا غيـم
وين المحبـة والقلـوب السليمـه
أبكي قهر وابكي من الغبن والضيم
وابكي من طعونن بقلبـي قديمـه
غدر الزمن خلّى بوجهي مراسيـم
وما يذبح الرجال مثـل الهزيمـه
بعض المصايب شرها ياكل الهيـم
وشلون بكبود الرجـال الكريمـه
وبعض المصايب يخلفن المفاهيـم
تبغى على ما قيل صبر وعزيمـه
مظلوم بالدنيـا وغيـري مظاليـم
من عرض ناسن لبسوهم جريمـه
ما عاد أبي من سود الأيام تعليـم
عقب العذاب اللي كلاني جحيمـه
ولو تصفي الدنيا علـيّ الملازيـم
ما عاد أدور من وراهـاغنيمـه
كديميس السيحاني
14-09-2021, 03:35 PM
https://www.youtube.com/watch?v=pdvwmfuj_go&ab_channel
خيال ليش تجيب لي ذكرى الاثنين ؟=
نجد وخلف و الكل منهم بعيدي
اودهم لو كان ماهم بدارين =
لعيونهم لصدع بقافي و اعيدي
قل للرواسي مدد الحسجن شهرين
لو كان ماحطوا برجلّي قيدي
حى المساء الرايق العذب الأنيق !
يابعد كل الاماني و السوالف و العتاب
عصر الخير (:
صح لسانك شاعرنا ليتني شاعرة ):
تسان رديت هههههههههههههه
جبت لك قهوة العصرية انت وزوارك هههههههههههههه
https://c.top4top.io/p_208393z3v0.jpeg (https://top4top.io/)
لا تقول ان وقتنا الاول تحول
وكل ساعة وصل قافيها جفيا
الغلا الاول معك والوقت الاول
ذكرياته غيير ياسمح المحيا
انت تدري انك على قلبي مخول
وفي طواريك.. اتذرا وآتفيا
جعل يوم فيه تقبل مايطول
وجعل يوم فيه تقفي مايحيا
تسالي (:
ناصر الهواوي
14-09-2021, 09:43 PM
عزاه ياسلمى وسليم الهواوي= اللي لهم في ماضي الوقت لذات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
جعل الوسم يسقي شعيبٍ سناوي=مزنه شهر فوقه ثعوله مهلات
وادي عنه للصبر ماني بقاوي=هيهات يرجع ماضي الوقت هيهات
لجله تحملت النكت والزراوي=وعني معه ياما روي من حكايات
اجيه لو ما كنت من قبل ناوي=وبضل بعض الطلح اريح سويعات
بنات دوحه يزعجن الغناوي=وبنات فكري به يصوغن الابيات
اسمع رغم غابر زمانه هلاوي=وبه تمتزج دمعه بصفر ابتسامات
ذيب الصدر من قبل ما اجيه عاوي=ولو فيه ابات اضحى ضحى الصبح مابات
ياذا الشجر ما شفت عين النداوي=عهدي بها حولك مقيمه بمافات
كديميس السيحاني
14-09-2021, 10:52 PM
حى المساء الرايق العذب الأنيق !
يابعد كل الاماني و السوالف و العتاب
عصر الخير (:
صح لسانك شاعرنا ليتني شاعرة ):
تسان رديت هههههههههههههه
جبت لك قهوة العصرية انت وزوارك هههههههههههههه
https://c.top4top.io/p_208393z3v0.jpeg (https://top4top.io/)
صح كلك يا رحيل :،
رحيل جابت قهوة العصريه
وكيّفت راسي بالمزاج الرايق
يا حيها حياه من نشميه
سلمك ربي ماجيك العايق
كديميس السيحاني
14-09-2021, 11:03 PM
لا تقول ان وقتنا الاول تحول
وكل ساعة وصل قافيها جفيا
الغلا الاول معك والوقت الاول
ذكرياته غيير ياسمح المحيا
انت تدري انك على قلبي مخول
وفي طواريك.. اتذرا وآتفيا
جعل يوم فيه تقبل مايطول
وجعل يوم فيه تقفي مايحيا
تسالي (:
حي من جابت لي الشعر المقوّل
يوم كيف الراس قدامه تهيّا
ذكرتني يوم في الدار اتجوّل
كل ما يطري عليّه قلت هيّا
فوق جمسٌ حوض بالبنزن افوّل
وان بغيت الوصل بالعنوان عيّا😝
كديميس السيحاني
14-09-2021, 11:09 PM
عزاه ياسلمى وسليم الهواوي= اللي لهم في ماضي الوقت لذات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
جعل الوسم يسقي شعيبٍ سناوي=مزنه شهر فوقه ثعوله مهلات
وادي عنه للصبر ماني بقاوي=هيهات يرجع ماضي الوقت هيهات
لجله تحملت النكت والزراوي=وعني معه ياما روي من حكايات
اجيه لو ما كنت من قبل ناوي=وبضل بعض الطلح اريح سويعات
بنات دوحه يزعجن الغناوي=وبنات فكري به يصوغن الابيات
اسمع رغم غابر زمانه هلاوي=وبه تمتزج دمعه بصفر ابتسامات
ذيب الصدر من قبل ما اجيه عاوي=ولو فيه ابات اضحى ضحى الصبح مابات
ياذا الشجر ما شفت عين النداوي=عهدي بها حولك مقيمه بمافات
يا العود خل اللي مضى لك يولي
ما فات ما يرجع لو تطير يا العود
ما دام خلك في وصالك مقلّي
لا تتعب ركابك على غير مردود
كديميس السيحاني
14-09-2021, 11:12 PM
تعال عطني من بيوت الشعر منظومٌ ، جديد ولا بعد =
قراه من قبلي احد ،
وابشر برده وافي وكافي و منظومه جديد
كنت احسب ان السجن متعه للسهر ، في الحمض احد =
يا مجاوب ابشر بالسند،
ليل العيون الساهره و الصوت يصدح بالقصيد
كديميس السيحاني
14-09-2021, 11:42 PM
ناصر وخيال ضمن القائمه حاضرين
والكل منهم بنومه غارق ومهتني
والكل منهم يقول اني من العاشقين
غريبه احوالهم ياليل لو لمتني
كديميس السيحاني
14-09-2021, 11:56 PM
وين التسالي يالرواسي سرى الليل
مافيه من يذكر سجين ب زياره
هم وينهم من يعشقون المواويل
عن نافذة سجني شلعت الستاره
و اوقدت مع صف الشموع القناديل
و احرقت فرشه كل ما اشعل زقاره
واكتب على الجدران بالطفو تسجيل
ذكرى قوافي شعر عصر الحضاره
على رمال السجن تفرش مناديل
و حب الشتاء والصيف ولع شراره
وين انت يا السجان برسل مراسيل
و اصدح بصوتي من علو المناره
يا ولف هد السِهر لي حال مع حيل
بالهجر تسقيني كؤوس المراره
وانا اتحرى لك تعيد المواصيل
ترى التغلي ما ذكر به شطاره
كديميس السيحاني
15-09-2021, 12:09 AM
يديني القاف وادي له
لو خاطري ماهو ب رايق
زنزانة السجن قولي له
تراي بالسجن متضايق
الشوق يرسل مراسيله
وبريد الاشواق به عايق
ع الرمله الفرش منديله
ومن نافذة سجنه يوايق
رواسي اليوم والليله
مافيه احد منّهم فايق
كديميس السيحاني
15-09-2021, 12:32 AM
وين الدنيش و وين ناصر و خيال =
وعبدالله الصقري وقصة غرامه
و رحيل معها شاعرة نجد تختال =
والجوهره محدٌ قرينا سلامه
والسجن ينسف سيل من جالٍ ل جال
و من الطرب تسمع لسجع الحمامة
سمعتها و بديت في نظم الامثال
بذكرى سنين ماضيه وابتسامه
يشع منها النور في ذيك الاطلال
اللي عليها حط بصمة ءبهامه
سهر و نقاش ومعهن اشعار وجدال
ومع كل نقطة حرف ترسم علامه
الليل يسري مادرينا عن الحال
و قلوبنا تنبض بعز وكرامه
كديميس السيحاني
15-09-2021, 12:35 AM
و تصبحون على خير
وليا اصبحوا شوفوا كديميس وش قال =
(((. الكل منهم غارقٌ في منامه )))
��✋��
خيال مطير
15-09-2021, 03:54 AM
صح لسانك يابو منصور
وبيض الله وجهك
وعسانا . ناصل
مواصيلك
بس ارفق ع عودنا .. شايبنا ؟
تراه , هواوي .. وبيقى ناصر الهرم الكبير
خيال مطير
15-09-2021, 03:59 AM
هذه القصيد ه .. جاني منها عتاب والهواوي يذكر
يقـول مـن يــارد بقـولـه وينـشـاف=قـدم الرجـال أهـل الوجـيـه الفليـحـه
أبني علـى ساسـاً مـن الحيـد مرصـاف=وارفـع صروحـاً فالـعـلال المشيـحـه
واليا صرفت أرهـي علـى كـل صـرّاف=فكـري ورى سبـح الكـواكـب سبيـحـه
طوفان جاشي لا اصطفق واعصف اعصاف=تهـتـز مـنـه الراسـيـات الرزيـحـه
عديت مـن شـرع المعرْفـة والانصـاف=رداً يـخـط بـكـل بيـضـاء صفيـحـه
خـذ يا(خلـف هـذال) رداً علـى القـاف=الـلـي تمثـلـتـه بنـفـسـاً بجـيـحـه
وزنك طفح كيلـه علـى ميـل واجحـاف=وزليـت لـك زلــة لسـانـاً جويـحـه
نحسبـك كـان مـن العواريـف عـرّاف=ليـن إن منـك العلـم بـايـن نضيـحـه
عليـك مشروهـاً كبـر عـوف وأكتـاف=عمـد الخطايـا إمـن الصفـات القبيحـه
لو اختصرت بمـدح مجمـول الاوصـاف=وتفصيـل زيـن ام الخـدود المضيـحـه
مـا لحقتـك شرهـة ولا منطقـاً حــاف=ولا طحت فـي مـوج الخطايـا القديحـة
لكـن فـي مـدحـك لربـعـك تــزلاّف=علـى السلـوم الواضحـات الصحيـحـه
وربعك (عتيبـة) مرويـة حـد الأسـلاف=أهـل الـوزان اللـي كففـهـم رجيـحـه
واهل الفخر والمـدح فـي كـل الاوقـاف=واهـل السلـوم الوافـيـات الوضيـحـه
لطامـة العايـل بضـربـات الاعـنـاف=وذبـاحـة الحـايـل بيمـنـاً سمـيـحـه
ما يكتسـون إمـن العـواري والأسـلاف=وأمجادهـم مـن قبـل مـدحـك مديـحـه
وش وصلّـك حـد الطمـع والتزّهـاف ؟!=تنقش على ( وسم العصـا ) لـك نقيحـه !
( وسم العصا ) سلم لمـن مجدهـم نـاف!=روس الجـبـال الراسـيـات المصيـحـه
(سلم الدواسـر) مـن قديمـات الأسـلاف=ولا يـقـدر أحــدن غيـرنـا يستبيـحـه
لـو ياخلـف تنشـد تواريـخ الأعــراف=تشهـد بنـطـق العـامّـي والفصيـحـه
بوسم العصا نفرق علـى سبـع الأطـواف=سلـمٍ بطـيـب الـعـز ينـفـح نفيـحـه
بأعلـى المكـارم نتسـم سلـم واهــداف=والعـز يقـدح مــن سطـرنـا قديـحـه
(دواسـراً) نسقـي العـداء سـم الأتـلاف=علـى العـداء منّـا هـجـاد وصبيـحـه
إليـا تعلوينـا عـلـى كــل مـزغـاف=وعلـى النقـاء واجـه نطيحـن نطيـحـه
فنحورنـا خـيـل المجـاويـخ تـنـلاّف=ولا تنتـداوى مــن طعـنّـا الجريـحـه
(خطلان الأيدي) ممنـة كـل مـن خـاف=فـي ظلنـا عـنـه المـعـادي نزيـحـه
كـم بيرقـن جانـا جموعـه لـهـا أرداف=ومـن فعلنـا راحـت اجموعـه طفيـحـه
سدنـا وزدنـا بالفخـر عـز واشــراف=وراياتنـا فــي كــل علـيـا مليـحـه
خوينا والجـار فـي فـي ظـل واكنـاف=عـز وفخـر مـا يشتـكـون الجنيـحـه
مـن سلمنـا مـا يـازا الأجـواد مـزلاف=وقلـب العـدو مـالـه عليـنـا فريـحـه
ولا مشيـنـا بالـخـفـا والتـضـعّـاف=وراع الخطـا مــا نرقـبـه يستميـحـه
نضـرب علـى العايـل وراع التعجـراف=ضـرب النيـازك بالشـهـاب المويـحـه
من مـال عـال وشـال حملـن بالاكتـاف=ومـن رزحتـه يكثـر رغـاه وفحيـحـه
ومـن لا يحسّـب للعواقـب والاكــلاف=يصبـح وقـا روس النـيـاب الكليـحـه
والحـق لـه سيفـاً سطـيـاً وقـصّـاف=يصطـي علـى صـم العظـام المتيـحـه
هـذا الكـلام اللـي لـه العقـل يكـتـاف=عـن طـول مـاروده يكـفّـي مليـحـه
علمـاً (يابـن هـذال) يسمـع وينـشـاف=واذنــك تسمّعـلـه وعيـنـك شبيـحـه
ناصر الهواوي
15-09-2021, 10:15 AM
صباح الخير يا اهل الخير
والله انك رايع يابو منصور بكل ما تعني الكلمه من معنى وصح لسانك ولا فض فوك
انا اكره السهر ولو جت الساعه 12 ماصليت الفجر والعشق وقصايده جرة ماضي اتجررها دائما
هههههههههههههههههه
اهلا يالخيال ولا عليك زود ولاهنت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
غالي ومطلوبك رخص يابو منصور=خذ لك معي في شاشة القاف صوره
في ماقفك لك عرضت تشبه الحور=بالمجتمع من هالنمونه ندوره
حولك تلف وترمي الفاظ واتدور=وعطتك في فن الرومنسات دوره
وعادت بك الذكرى سنوات وشهور=واوجاع ذكرى المرمسات مخبوره
لعيون من حولك ظهر كل مستور=وما انشيت من حاجز تطاميت سوره
عقل/وحيا/ ومجامل الناس له دور=طارن سدا/وبصملة الجاش خوره
وانت الذي بصياغة القاف دكتور=سباح ما تعجزك غبة بحوره
ما انته مطوفها كذا يابو منصور=لو بالطريق اللي تسيره وعوره
ناصر الهواوي
15-09-2021, 10:33 AM
يا هجوسي هات للي مكلبش تسليه
لو قيوده معنويه وكلبوشه حرير
بسمو المفردات القريحه مرهيه
والفكر بأدق معنىً يراودها بصير
الروابع واهيه والاماني مزريه
وكذبها حبله حسب ما اعرف عنهن قصير
لا لها باقي رجاء بي ولا فيها ليه
بس ناموس الغلا له توقد بالضمير
ما بقى في بحر الاشواق موجه عاليه
ومده اصبح جزر دايم وما قدر يصير
ناصر الهواوي
15-09-2021, 11:03 AM
ولا تزعلون انا احيي لكم المنتدا بالنهار يعني نبطشي نها وانتم نبطشية ليل ههههههههه
ــــــــــــــــــــــــــــــــــــــــــــــــــ ــــــــــــــــــــ
ياهجسي احذر تعود بي على قاف الغزل
قاف الغزل خله لمركوز النهد ومغازليه
خله لمن في مرتع الغزلان واقف لم يزل
اللي ليا روح منه واضحى الضحى عوَّد ايليه
لاتكتب حروفه بجد ولا تمعنها هزل
ولا تنشد الغيدا بكيف وكان وين وذاب ليه
وان كان قلبك عند من تسبي من اول مختزل
قل لانفشتيه ابرميه خيوط والصبح اغزليه
وش عاد؟ لاغث القوافي فاد معتس ولا الجزل
وان كان به عرقٍ بقى ينبض فمري واجزليه
سلام عليكم وصباح الخير
صحت السنتكم شعارنا
ودام هالابداع منقطع النظير
شبة ضحى (:
https://f.top4top.io/p_2084zjl2f0.jpeg (https://top4top.io/)
صح كلك يا رحيل :،
رحيل جابت قهوة العصريه
وكيّفت راسي بالمزاج الرايق
يا حيها حياه من نشميه
سلمك ربي ماجيك العايق
البقى والله
وصح لسانك مليون شاعرنا
حي من جابت لي الشعر المقوّل
يوم كيف الراس قدامه تهيّا
ذكرتني يوم في الدار اتجوّل
كل ما يطري عليّه قلت هيّا
فوق جمسٌ حوض بالبنزن افوّل
وان بغيت الوصل بالعنوان عيّا😝
صحح لسانك مدد
ههههههههههههههههه
وانا نبطشيتي الضحى والظهر (: ههههههههه
كل طيرٍ حر اغبطه كل ما شلّع جناحه
ما لحق صدره من الضيقه كبر مثقال ذره
كل ما لجت ضلوعه تشتكي ضيق المساحه
قالت فجوج الخلا يا طير هاذيك المجره
شل قلبي معك يا طير السعد و اطلق سراحه
ما على وجه البسيطه شي يدراني و امره
~~~~~~~~~~~~~~~~~~~
جعلنا وابوانا واربوعنا في الجنه
وامة محمد من اولها الى تاليها
انتوجس وان ضحكنا ضحكنا فيه انه
من كثر ماهزت الدنيا ثقتنا فيها ..!
من يظن بخير فينا لايغير ظنه
صد بوجيه النوايا السود ياراعيها
ان تغيبنا حضرت وصرت راس العنه
وان حضرنا تاقف الدنيا على رجليها
جازتلي
تسالي (:
ناصر الهواوي
15-09-2021, 07:40 PM
شبة الضحى ؟!!!!!!!!!!!!!!! آاااه يارحيل تدل على اشياء ماودي اقولها هههههههههههههه
شبة ضحى من كم سنه فاقدينها=وينك رحيل وين اهلها ووينها
اذكر وانا العب حولهم حزة الضحى=ياشيب عيني من تتابع سنينها
راحت مع اهلها عساهم بجنةٍ=انهارها تجري شمال ويمينها
هالحين يجي الظهر ما بالبلاد احد=تقول ماتوا هالضحى ساكنينها
ولا امسا المساء مثل (الذيابه)تناطقوا=من ترتجي نفعاتهم ياعوينها
وبين المطاعم كلهم ليلهم سرى=يشرون مشوياتها مع عجينها
بس العرب بس العرب طبعهم كذا=وباق الامم بشتى المواطن تدينها
كديميس السيحاني
16-09-2021, 12:54 AM
صباح الخير يا اهل الخير
والله انك رايع يابو منصور بكل ما تعني الكلمه من معنى وصح لسانك ولا فض فوك
انا اكره السهر ولو جت الساعه 12 ماصليت الفجر والعشق وقصايده جرة ماضي اتجررها دائما
هههههههههههههههههه
اهلا يالخيال ولا عليك زود ولاهنت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
غالي ومطلوبك رخص يابو منصور=خذ لك معي في شاشة القاف صوره
في ماقفك لك عرضت تشبه الحور=بالمجتمع من هالنمونه ندوره
حولك تلف وترمي الفاظ واتدور=وعطتك في فن الرومنسات دوره
وعادت بك الذكرى سنوات وشهور=واوجاع ذكرى المرمسات مخبوره
لعيون من حولك ظهر كل مستور=وما انشيت من حاجز تطاميت سوره
عقل/وحيا/ ومجامل الناس له دور=طارن سدا/وبصملة الجاش خوره
وانت الذي بصياغة القاف دكتور=سباح ما تعجزك غبة بحوره
ما انته مطوفها كذا يابو منصور=لو بالطريق اللي تسيره وعوره
تسلم على ماقلت يا شيخ مشكور
قل للمصوّر دور نشر مْحظوره
مبنى ومعنى الكيف للراس محكور
مقدام غزوّه يوم يرسل سْبوره
خذ رد من راسٍ تعلّم له عصور
ستة عقود من تبوك ل شروره
في السوق كم شفنا من الصور والعور
و جلباب ستر وكم فتاةٌ سفوره
وشفنا بسوق المرجلة كل ممرور
وما كل تاجر يحتسب للخطورة
و رجلي معوّدها على الصحصح البور
ما تمشي بزرع تساقا بذوره
و اللي تذكر مامضى يكتب سطور
علم وخيال و شعر يقطف زهوره
و اللي يراقب عثرة الناس معثور
للناس عوراتٌ و للنفس عورة
كديميس السيحاني
16-09-2021, 01:01 AM
يا هجوسي هات للي مكلبش تسليه
لو قيوده معنويه وكلبوشه حرير
بسمو المفردات القريحه مرهيه
والفكر بأدق معنىً يراودها بصير
الروابع واهيه والاماني مزريه
وكذبها حبله حسب ما اعرف عنهن قصير
لا لها باقي رجاء بي ولا فيها ليه
بس ناموس الغلا له توقد بالضمير
ما بقى في بحر الاشواق موجه عاليه
ومده اصبح جزر دايم وما قدر يصير
سلك كهرب في مطر يلتمس من تعريه
الملوّح قيس و الا لعزّه يا كثير
ما تتوب عْن الهوى كل ذكرى تقوْيّه
كل وصفك في عيونه تنافس به جرير
كديميس السيحاني
16-09-2021, 01:04 AM
ولا تزعلون انا احيي لكم المنتدا بالنهار يعني نبطشي نها وانتم نبطشية ليل ههههههههه
ــــــــــــــــــــــــــــــــــــــــــــــــــ ــــــــــــــــــــ
ياهجسي احذر تعود بي على قاف الغزل
قاف الغزل خله لمركوز النهد ومغازليه
خله لمن في مرتع الغزلان واقف لم يزل
اللي ليا روح منه واضحى الضحى عوَّد ايليه
لاتكتب حروفه بجد ولا تمعنها هزل
ولا تنشد الغيدا بكيف وكان وين وذاب ليه
وان كان قلبك عند من تسبي من اول مختزل
قل لانفشتيه ابرميه خيوط والصبح اغزليه
وش عاد؟ لاغث القوافي فاد معتس ولا الجزل
وان كان به عرقٍ بقى ينبض فمري واجزليه
سهم الغزل اخضر بقلبك لا تقول انه نزل =
وليا طلع قلنا لها يا سوق الاسهم نزليه
و اللاعب اللي محترف لو قال لا بد اعتزل =
ادارة النادي يجيها الأمر لا لاتعزليه
كديميس السيحاني
16-09-2021, 01:13 AM
سلام عليكم وصباح الخير
صحت السنتكم شعارنا
ودام هالابداع منقطع النظير
شبة ضحى (:
https://f.top4top.io/p_2084zjl2f0.jpeg (https://top4top.io/)
abic"]عليكم السلام وصباح النور
صح كلك ولا هنتي
مشكورة وماقصرتي
شبة ضحى بين الرجال النشاما
و سوالف العقّال يطرب لها الراس
وشعر الرجال اللي عليه الكلاما
اخير من هذرة ربادي وهلاس [/SIZE]
كديميس السيحاني
16-09-2021, 01:18 AM
وانا نبطشيتي الضحى والظهر (: ههههههههه
كل طيرٍ حر اغبطه كل ما شلّع جناحه
ما لحق صدره من الضيقه كبر مثقال ذره
كل ما لجت ضلوعه تشتكي ضيق المساحه
قالت فجوج الخلا يا طير هاذيك المجره
شل قلبي معك يا طير السعد و اطلق سراحه
ما على وجه البسيطه شي يدراني و امره
~~~~~~~~~~~~~~~~~~~
جعلنا وابوانا واربوعنا في الجنه
وامة محمد من اولها الى تاليها
انتوجس وان ضحكنا ضحكنا فيه انه
من كثر ماهزت الدنيا ثقتنا فيها ..!
من يظن بخير فينا لايغير ظنه
صد بوجيه النوايا السود ياراعيها
ان تغيبنا حضرت وصرت راس العنه
وان حضرنا تاقف الدنيا على رجليها
جازتلي
تسالي (:
صح لسان القائل و سلمت يمين الناقل
اسمحوا لي يوم اعارض كل قاف و بالصراحه
كل بيت ارتاح في معناه هاجوسي يفره
كل طيرٌ طار لا بده يعوّد من مَرَاحه
و ان شلع فوق السحاب الجاذبيه ما تسره
لو لقى له دون هام السحب ساعة طار ساحه
مستحيل انه يواصل ، لازم يعود ل مقره
————-
اللهم آمين للدعوة ترى التآمين سنة
شاقني معنى البيوت وقلت ب اجاريها
ما يغر العقل من يضحك وبيّن سِنه
واليد الوحده واصابعها المثل يعنيها
كل قلب و محتوى ، قلوب الاوادم جِنة
و النوايا السود عثرتها على بانيها
احد لامن غاب يفقد و الظروف ابطنه
و احد لو هو حاضر العالم تصم اذنيها
خيال مطير
16-09-2021, 01:58 AM
صديق قريب خير من نسيب بعيد.
صح الله الســــــــــــــــــــــــــنتكم جميع
وصح لسانك رحيل وصح ذووقك الراقي
مجهود تشكرين عليه ...
الجووهره
16-09-2021, 02:31 AM
صباح الخيرات والنبطشيآت
وانا نبطشيتي بعد منتصف الليل
هههههههه
وصح الالسن والاذوآق
ويعطيكم العآفيه جميعا
على هالابداااااع
الجووهره
16-09-2021, 02:55 AM
تسآلي آخر الليل
كل قلبٍ في ذراه الحب عاش
فيه طيبه زايده عن حدّها
والقلوب إن فارقت صارت هشاش
موحشه والذكريات تشدها
،،،
ما بعد عسر الزمان الا تياسيره
لو سود الايام تفجعنا حقايقها
بنسوقها في رجا اللي مالنا غيره
خلاّق الانفس وكافلها ورازقها
،،،،
لـولاك شعـري مـانـظمتـه بالاوراق
ولاســرى بي داعـي الشوق لـولاك
ذكــراك يوقـد جمرها نار الاشـواق
عيا يغيب عــامل الـوقـت ذكــراك
أنسـاك كيف انساك وانته بالاعماق
تكـفـى تجمل دلني يمكن انســاك
مـرسـاك قلبٍ مـن تغليك مـاضـاق
لا ترسي ظنونك على غير مرسـاك
وبس والله سلامتكم
خيال مطير
16-09-2021, 03:17 AM
https://www.youtube.com/watch?v=QIvHbk3F6I4&ab_channel
_________________________________
كديميس السيحاني
16-09-2021, 06:13 AM
صبحكم الله بالخير
دام حضوركم و طاب تواجدكم
وصت السنكم وذوائقكم
كديميس السيحاني
16-09-2021, 06:14 AM
من الاوراق المبعثرة
صحيح الشباب اقفى لكني طويل شْبـور =
ولي قلبٌ اخضـر لكـن اعـرف ميزانـه
والا يا هنوف جافـلٌ ترهب المحـذور=
لـك امـان يمّـك مـا ينيشـن بنيشانـه
تجوّل ,تمتع , ليه شبه الضبي مذعور=
يحسب الرمي ما وقّـت الا علـى شانـه!
لك الله ما اعطيتك عهودي و انا مجبـور=
صفا نيّتي مـا تتبـع ابليـس و اعوانـه
عطيت العهد وافي ولا به نفاق و زور=
على شان ماترهـب ليـا جيـت ميدانـه
تشم النسيم مـن النقـاوة شـذاه زهـور=
تخالط زهور العشب فـي كـل ريضانـه
ولا تدخلك ريبه ولا به حمى محظـور=
*_ سراير حروف الشعر ترويض قيفانه_*
صباحه يوجه لك, ضحيّ الخميس يـزور=
يقدم لـك و رودٌ مـن الفجـر رويانـه
صباح الربيع بروضة عشبها ممطـور=
لياهب نسناس الصبـا وحـرك اغصانـه
ومساء ليلة الجمعه يضوي لك الديجور=
من العـود الأزرق نفحـه وريـح دخانـه
تخالط بريح المسك والورد لك منثـور=
تنفس هواه يحط فـي صدرك اوطانـه
أبى لا يخاوي زفرتك لين شـق النـور=
ينـادي لفجـر الجمعـه وريـح ريحانـه
يوصيـه يتخلخـل بدالـه وهـو معـذور=
يبي صدرك المحّـار يـوم النفـس دانـه
جنيته سراب وطيف وامسيت به مخمور=
*حلالٌ لمن ما ذاق مـن خمـرة الحانـه
من الفجر لين الليل ب استفتي الجمهور=
عسى من هل الفتوى قضى الديـن ديانـه
كديميس السيحاني
16-09-2021, 06:23 AM
انتبه لي و انت قـمّـة فـ.. الفهامه =
يـوم اخـذت القـلب مني بــ..النهايب
لو شكى هاجوس فكري من غرامـه=
قلبه اخضر لو تشوف الراس شايـب
يستبيحـك عـذر يسبقـه احترامـه=
و إعرِف إنه ماش شي بـلا سبايـب
الخيال اللي سـرج وسـق الغمامـه=
من يلومـه يـوم يتعلـى السحايـب
إن سرى في خرمسي ليـل وظلامـه=
مع سكون الليل,, مايبغـى الطلايـب
في بيوت الشعـر توضيـح لكلامـه=
يوم قال إنه عـن التوصيـف تايـب
كـل مـا لـدّت عيونـي للحمـامـة=
اتحـلا اوصـاف منسـوع الذوايـب
وشفت وجـه الشبـه يالله السلامـة=
ارتكاز العنـق مـع نظـرات هايـب
وفي تغطرسها ورقّتها علامة =
يودع اللي عاشق ضلوعـه حطايـب
سجعها وقت العصر ما ادرى علامه=
يستثير الصمت و تهب الهبايب
في فرحهـا وحزنهـا مابـه ملامـه=
مع رخيم الصوت طعم الشهـد ذايـب
ويوم تختال المشـي فيـه استقامه=
و لو بزيد الوصف قالوا يا عجايـب
ناصر الهواوي
16-09-2021, 07:41 AM
الله يرحم الحال
صح الله لسانك شاعرنا وفيت وكفيت وغصت وجبت لوالي نادره
اهلا يارحيل وحيالله الجوهره ويامرحبا يالخيال وسلمت اذواقكم وصحت ابدانكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
ناصر الهواوي
16-09-2021, 12:04 PM
بلا لزوم اجنبت مع خطه وجيت
ومريت حيٍ ما سعدت بمروره
بالوضع عارف بس انا ما تهييت
وقلب الشقا ما طاوع اللي يشوره
ياليتني عن شوفة المشهد اغضيت
والعين ما التقطت لهالوضع صوره
والجيب ليته ما اشتغل يوم دقيت
سلفه ولا دورت للضيق دوره
وياليت؟/مافادت كثير الندم ليت
بين الرجاء والياس تجي محشوره
مع ما مضى وش فيك يافكري ادويت
احدثت في بركان الاشواق ثوره
الجووهره
16-09-2021, 12:05 PM
أسعد الله ظهيرتكم بكل خير
ماتقلد رحووووله. هههههههه
وتسلم خيآل على الشيله
الحلووه اللي اسمي محليهاا
ههههههههههه
وصح لسآن السجين المبدع
ودآم حضورك وابداااعك.
شاعرناا الهوآوي
الله يحييك ويسلمك ويطول بعمرك
وصح لسآنك ودآم حضورك وابدآعك
الجووهره
16-09-2021, 12:58 PM
تسآلي الظهريه
من يبي حب الناس يخلص لربه
الله لاحب انسان حبب به الناس
هذا هو اكبر حب واعظم محبه
وأصدق علاقه واطهر شعور واحساس
،،،
صآحبيْ لآ تحزنك سوء الأوضآع
ربك يفرجهآ مثل : مآ عقدهآ !
كل الأوآدم صآبها "طلق الأوجآع "
ذآقوا رصآصتهآ و طآبوا بعدهآ
...
ميّل هنيّا مر في حدب الأضلاع
تقهو لك فنجال من فايح الشوق
ريح الغلى فيني مثل ريحة القاع
لا عاث فيها ماطر الغيم من فوق
فيك الرجاوي يا إلهي ما تخيب
أنت الستر يا ربنا وانت الذرى
اغفر ذنوبي كلها عن ظهر غيب
عني وعن أمي وأبوي ومن قرأ
ظهر الخير مدري مساء الخير
المهم انه خير (:
صح لسانك يابو عبيد
ذكرت اني من زمان ماسمعتها
الله يرحم اللي كان يقول الشبة اليوم عندنا ):
الحين يابو عبيد يسمونها جمعة والا دورية ههههههههه
صحح لسانك مدد شاعرنا
ابو منصور صح لسانك سجيننا المبدع (:
خيال صح ذوقك واختيارك
جوجو الذوق كله
اجمل واحلى من يقلد فديتك انا (:
وصح ذوقتس يالغالية
صح لسان القائل و سلمت يمين الناقل
اسمحوا لي يوم اعارض كل قاف و بالصراحه
كل بيت ارتاح في معناه هاجوسي يفره
كل طيرٌ طار لا بده يعوّد من مَرَاحه
و ان شلع فوق السحاب الجاذبيه ما تسره
لو لقى له دون هام السحب ساعة طار ساحه
مستحيل انه يواصل ، لازم يعود ل مقره
————-
اي والله يعود لمقره
صح لسانك شاعرنا
ولا فض فوك ابدعت وامتعت
لاعدمنا هالروائع
اللهم آمين للدعوة ترى التآمين سنة
شاقني معنى البيوت وقلت ب اجاريها
ما يغر العقل من يضحك وبيّن سِنه
واليد الوحده واصابعها المثل يعنيها
كل قلب و محتوى ، قلوب الاوادم جِنة
و النوايا السود عثرتها على بانيها
احد لامن غاب يفقد و الظروف ابطنه
و احد لو هو حاضر العالم تصم اذنيها
احد لامن غاب يفقد و الظروف ابطنه
و احد لو هو حاضر العالم تصم اذنيها
الله الله ..
بيت عن الف قصيدة
صح لسانك مدد شاعرنا
وصح لسانك رحيل وصح ذووقك الراقي
مجهود تشكرين عليه ...
صح بدنك خيال
العفو طال عمرك واجبنا (:
بنت بدوٍ طيبها من طيب اهلها
ما تصنع بالكلام و لا تلوّا
وان رجعنا للوصوف الله قبلها
خشف ريمٍ حاربوها جنس حووا
﹍﹍﹍﹍﹍﹍﹍﹍﹍﹍﹍﹍﹍﹍﹍✵ ✵
لا تنزعج من ( شعوري ) كان : ماقلته
احيان بعض الحكي مايوصف شعوري
ولا تنزعج من ( غروري ) كان : حصَّلته
اللي معه ضحكتك يستاهل غروري
ولا تنزعج من ( حضوري ) كان : قللته
ماودي اخسر غلاي بكثرت حضوري
تسالي (:
كديميس السيحاني
16-09-2021, 01:56 PM
مساكم الله بالخير
ابو عبيد
خيال
رحيل
الجووهره
صحت الالسن والذائقة
ودام تواجدكم وطاب حضوركم
وحيا الله الجميع من اعضاء و زوار ( قهوة الظهرية )
مجاديف صبري تطلبك لا يزود عناد =لو إن الصحيح عنادك , اعيش به لذّه
عناد, و دلال , ومعهن العاطفه تنقاد =تجي فذّه ءمن الفذ و احلا من الفذّه
تعابير وجهي تاصلك لو يطول الماد =و لثامك يخفي عني اوصافك الفذّه
و بشاشة فرح وجهك لها بارق ورعاد =ليا سبّحت في المزن وانساقت الرذّه
ليا بيّنت لي من بعيد الفرح يزداد =تنادي تقول ارجوك غذ الفرح غذّه
و طلبتك جسور الوصل ثبّت لها الاوتاد =وانا حالف (ن) حبل الوصل معك ما اجذه
شوايب ظروف إن عكّرت جو في الارصاد =فلا تنفخ القذّه خذ بقذّه القذّه
و أنا و أنت في وجه الظروف إن وقفنا اطواد =تطمن ولا به ظرف(ن) لفكرك يبذّه
شاعرة نجد
16-09-2021, 01:57 PM
السلام عليكم ورحمة الله
وصح لسانك يـ الهواوي على هـ الروائع
وصح لسانك سجيننا المبدع
وطابت اقامتك
ولاهنت على هـ العزف العذب
وتسلم الذوائق والنقل الرائق لاعدمنا رواسينا وراسياتنا
وسلمتم ودمتم,’’
شاعرة نجد
16-09-2021, 02:07 PM
تسليه
مستودع الصدر قفله ضاع مفتاحه
بتموت واموت مافتْحَت صناديقه
وان جاك قاف الغلا يومي بمسباحه
لاتحْسب الشّعْر سلّتني طواريقه
على بساط الغموض وُ في سماا الساحه
خذيت مع نخبة الشعار تحليقه
وغنيت فـ الجو لو مانيب مرتاحه
بعيد عن سطح الَـ ارْض وعن مخاليقه
أرسم بنسج الخيال وروعته واحه
في داخل القلب،تسقيها معاليقه
كديميس السيحاني
16-09-2021, 02:07 PM
السلام عليكم ورحمة الله
وصح لسانك يـ الهواوي على هـ الروائع
وصح لسانك سجيننا المبدع
وطابت اقامتك
ولاهنت على هـ العزف العذب
وتسلم الذوائق والنقل الرائق لاعدمنا رواسينا وراسياتنا
وسلمتم ودمتم,’’
عليكم السلام ورحمة الله وبركاته
صح كلك ولا هنتي يا شاعرة نجد
الخط وردي وغباش الشوف
اقراه يا نجد بصعوبه
اشوف حرف ولا اشوف حروف
نظّارتي شبه معطوبه ههههه
شاعرة نجد
16-09-2021, 02:11 PM
فـ المنتجع والا بصحراء قاحله
عندي سوَى لاصرت يالغالي معي
قسم قسم من ساحله لـ ساحله
تضيق بي لاغبت عني واطمعي
في صحبتك لو كل ساعه راحله
معك وصوتك مايفارق مسمعي
حالي يـ حالي من فراقك ناحله
رغم ان نجومك في سمايه تلمعي
شاعرة نجد
16-09-2021, 02:13 PM
عليكم السلام ورحمة الله وبركاته
صح كلك ولا هنتي يا شاعرة نجد
الخط وردي وغباش الشوف
اقراه يا نجد بصعوبه
اشوف حرف ولا اشوف حروف
نظّارتي شبه معطوبه ههههه
ههه ولايهمك شاعرنا
مـ عاد اكتب بالوردي,
صح لسانك,’’
كديميس السيحاني
16-09-2021, 02:28 PM
تسليه
مستودع الصدر قفله ضاع مفتاحه
بتموت واموت مافتْحَت صناديقه
وان جاك قاف الغلا يومي بمسباحه
لاتحْسب الشّعْر سلّتني طواريقه
على بساط الغموض وُ في سماا الساحه
خذيت مع نخبة الشعار تحليقه
وغنيت فـ الجو لو مانيب مرتاحه
بعيد عن سطح الَـ ارْض وعن مخاليقه
أرسم بنسج الخيال وروعته واحه
في داخل القلب،تسقيها معاليقه
اسمحي لي بهالمجاراة
يا ما قطعنا محيط الشعر ب سباحه
و ياما تعليت في عالي شواهيقه
و هنا رواسي تشابه شاطي الراحه
اللي شهر صيت مليونه و توثيقه
ما فيه سرٌ نحاول نكشف ايضاحه
طرات الاشعار محكمةٌ مغاليقه
صدقه خيال وخياله نور مصباحه
قيل اعذبه كذب ما حاولت تصديقه
و قيل اصدق حروف شعر العشق ذبّاحه
دليلي الاصمعي نصحه و تطبيقه
كديميس السيحاني
16-09-2021, 02:33 PM
فـ المنتجع والا بصحراء قاحله
عندي سوَى لاصرت يالغالي معي
قسم قسم من ساحله لـ ساحله
تضيق بي لاغبت عني واطمعي
في صحبتك لو كل ساعه راحله
معك وصوتك مايفارق مسمعي
حالي يـ حالي من فراقك ناحله
رغم ان نجومك في سمايه تلمعي
دعوت من يحيي الاراضِ الضاحله
يحميك رب الخلق لدعاي اسمعي
كديميس السيحاني
16-09-2021, 02:39 PM
ههه ولايهمك شاعرنا
مـ عاد اكتب بالوردي,
صح لسانك,’’
ههههه
جزاك الله خير
ريحتي الشايب
كديميس السيحاني
16-09-2021, 02:43 PM
وين الهواوي نايم الظهريه !!!
و عقب العشاء يرقد ونومه واجد
و وقت الضحى له كل ذكرى حيه
و عقب العصر بين النخل له تاجد
كديميس السيحاني
16-09-2021, 03:00 PM
القهوة
ما بين عسر الدروب وفكري التايه=
على سفوح الخيال يرفرف جناحي
لو ما جناحي يظل حدود مرسايـه=
تهاوت صروح مرسايه بالارياحي
رسمت لوحة يحدد رسمها الغايه =
و الوانها تبتسم لالوان مصباحي
بروازها حروف من شعري ومغنايه =
و مضمونها منه عطر المسك فواحي
يا شجرة الدر ليه القيد لخطايه =
يحزني قيد مسرايه ومسراحي
في كبريائك شموخ عازفٌ نايه =
وفي بحر حزنك غرق من كان سباحي
وفي البسمة اشراق شمس ويرفع الرايه =
نصرة احاسيس تعلنها وترتاحي
وفي طول صمتك غموض اسرار وحكايه =
يحتار فيها طبيب قلوب جراحي
ياشجرة الدر فوق الموج مركايه =
و رحلت مع هاجسي و استرسل ايضاحي
و الجو لو راق لي واصلت مسرايه =
على سفوح الخيال الجهد ماطاحي
الجووهره
16-09-2021, 05:53 PM
يسعد مسآكم
وخميسكم فله
ههههههه
تسلية العصريه
لسجيناا المبدع وللجمييع
شيلة ياوجههااا
روووووووعه
https://youtu.be/7YlkMoTfIQE
ناصر الهواوي
16-09-2021, 07:27 PM
ماشاء الله انتم غزو هليل لا يمرح ولا يقيل ههههههههههههههههه
شاعرتنا صح الله لسانتس وبدنتس على الابداع الغير مستغرب
ابو منصور صح لسانك حتى ترضى وسلمت ودمت
اهلا بالجوهره وجزاتس الله خير ويسلم ذوقتس
حيالله رحيل ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
فيني تحوم الذاكره بين الحقيقه والخيال
وطعم الحقيقه مُر وعلوم التخيل واهيه
لسجة التفكير اتاحت عند ما طالت مجال
وظلت عيون العقل في مالا يصدق فاهيه
ياروعه الصمت المريب هل فيك للنطق انتقال
وبعض الكلام احيان لو كثِّر يسبب داهيه
ــــــــــــــــــــــــــــــــــــــــــــــ
مجرد خاطره
الجووهره
16-09-2021, 10:18 PM
هلا بك شآعرنا
وصح لسآنك ودآم ابدآعك
تلحف .. الليل الحزين .. بعباته
وأغلى الضيوف أللي على البال جوني
لو من رحل .. ياخذ معه ذكرياته
إن كان .. ما نام السهر .. في عيوني
كديميس السيحاني
16-09-2021, 10:27 PM
يسعد مسآكم
وخميسكم فله
ههههههه
تسلية العصريه
لسجيناا المبدع وللجمييع
شيلة ياوجههااا
روووووووعه
https://youtu.be/7ylkmotfiqe
الجووهره
تسلمين على هالتسلية
ويسلم ذوقك
كديميس السيحاني
16-09-2021, 10:29 PM
ماشاء الله انتم غزو هليل لا يمرح ولا يقيل ههههههههههههههههه
شاعرتنا صح الله لسانتس وبدنتس على الابداع الغير مستغرب
ابو منصور صح لسانك حتى ترضى وسلمت ودمت
اهلا بالجوهره وجزاتس الله خير ويسلم ذوقتس
حيالله رحيل ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
فيني تحوم الذاكره بين الحقيقه والخيال
وطعم الحقيقه مُر وعلوم التخيل واهيه
لسجة التفكير اتاحت عند ما طالت مجال
وظلت عيون العقل في مالا يصدق فاهيه
ياروعه الصمت المريب هل فيك للنطق انتقال
وبعض الكلام احيان لو كثِّر يسبب داهيه
ــــــــــــــــــــــــــــــــــــــــــــــ
مجرد خاطره
ابو عبيد
صح بدنك وصح لسانك ولا هنت
في ليلة الجمعة بعد خايلت من غرب الخيال
كتبت بيتين ارتجال لمن سألني ما هيه؟
يا روضةٌ من عقب جاها الغيث شهرين و ليال
اهتزت و عقبه ربت من كل نبته زاهيه
اشوف في قيفان ناصر وصفها مضرب مثال
بالذات في شعر الغزل والا الوصوف الراهيه
كديميس السيحاني
16-09-2021, 11:11 PM
فنجال قهوة
هاجوس فكري بعد دار المجال الفسيح
و صل للاطلال واستشهد علاماتها
و استرجع الذاكرة دلوٌ تلو دلو اميح
و وصلت للجم لو بُعدت مسافاتها
في كل بابٍ من الاشعار نظمي صريح
و اعشق لرمزيته و ارتب ابياتها
في كل الابواب ماعاد الهجاء و المديح
هاجوس فكري وحدسي ينكر اصواتها
و يا قاف شعري ما دامك باللسان الفصيح
الناس ما نيب مكلوف بنياتها
للمقبل اقبل بلا كلفه وانا مستريح
و بشاشة الوجه تظهر بابتساماتها
وما نيب منهو ورى المقفي يقوم ويطيح
والناس محد قدر في كسب مرضاتها
،
،،
،
صباح الخيرات والمسرات
الله الله ياسلام على هالابداع (:
صحت السنتكم شعارنا جميعا
وصح ذوقتس جوجي
اليوم جمعه والعرب تطلب الخير
والعبد ماله غير .. ربه ودينه
يا رب ترزقني بجنتك لا غير
وانت الكريم اللي ما تبخل يدينه
تعايش مع العالم وطنش كثير علوم
وبابٍ تحس إنّه وراه الغثا سده
وترفع عن اللي دايمٍ حكيهم مذموم
وتجاهل ولو صبرك معهم وصل حده
وتواصل مع اللي في وصاله مطر وغيوم
ومن صد جعله للتساهيل في صده
وتركد على قلبك ولاتثقله بهموم
كثير الزعل يتعب لك القلب ويهدّه
ناصر الهواوي
17-09-2021, 02:21 PM
مساء الخير وياحلو ما جبتوه ابداع وامتاع متعكم الله بالصحه والعافيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
الذكريات المرمسه وش لها بي=وانا ان بغيت الصدق والله ما ابيها
ليا اسفهل البال والوقت طابي=وبدت نجوم الليل لمراقبيها
ما راح هم الا دقيشٍ له آبي=وجاب الطواري لي معه كل ابيها
ما ادري همومي عاشقاتٍ جنابي=او موجةٍ حظي يقول اركبيها
لجل يعض رويس الاصبع بنابي=واحصي نقاط الضعف به واكتبيها
وفزع لي الفزاع وابليس هابي=بلحظة لقاء يانسمته هبهبيها
عن بُعد حسب الوضع ماش اقترابي=يانفس شدي مهرتك واركبيها
الجووهره
17-09-2021, 03:33 PM
يسعد مساكم
وطابت جمعتكم بذكر الله
والصلاة والسلام على نبي الله
اللهم صلّ وسلّم على نبينا محمد
وعلى آله وصحبه أجمعين
الجووهره
17-09-2021, 03:34 PM
وصحت الالسن والاذوآق
ودآم حضوركم وابدآعكم
الجووهره
17-09-2021, 09:21 PM
يسعد مساكم
وينكم ؟
السجن صخخخه ماكو أحد
على قولة اخوانا الكويتيين
هههههههههه
تسآلي
النفوس الوافية رغم المصاعب ماتميل
والسماء كثر السحـب مايغطــي نورها
الوافـــي لأجل الوفـاء مايذله مستحيل
والثقه بالنفس حصــن القلوب وسورها
،،
لـولاك شعـري مـانـظمتـه بالاوراق
ولاســرى بي داعـي الشوق لـولاك
ذكــراك يوقـد جمرها نار الاشـواق
عيا يغيب عــامل الـوقـت ذكــراك
أنسـاك كيف انساك وانته بالاعماق
تكـفـى تجمل دلني يمكن انســاك
مـرسـاك قلبٍ مـن تغليك مـاضـاق
لا ترسي ظنونك على غير مرسـاك
،،،
اللي خلق في مشاعرنا من البعد خوف
خلق لنا نعمة النسيان في غيرها
تموت الأحلام دايم في يدين الظروف
وتعيش الآمال وتواصل مشاويرها
في ليلةً تاهت الخطوه وطال الوقوف
هي نفسها الليله اللي شرها خيرها
جيت ومعي قلب ٍيحب ويحن ويروف
ورحت ومعي قلبً أقسى من معاذيرها
كديميس السيحاني
17-09-2021, 10:46 PM
ابو عبيد
رحيل
الجووهره
صحت السنكم وابدانكم ولا هنتوا
تسلمون على هالتسالي
دام تواجدكم وطاب حضوركم
شاعرة نجد
17-09-2021, 10:52 PM
مساء الخير عـ الجميع
وصحت الالسن وطابت الذوائق
وصح لسانك يـ الهواوي وصح بدنك
وصح لسانك سجيننا المبدع
ولاهنت على المجاراة الفاخره
ولاعدمنا تواجدكم
وداام الحضور وعبق العطور,’’
كديميس السيحاني
17-09-2021, 10:56 PM
مساء الخير يا اطلالٌ بها ذكريات سنين
ومساء الخير يا سجن الرواسي و رواده
شاعرة نجد
17-09-2021, 11:01 PM
تسليه..
ينتخي وهج المشاعر بجزلات الحروف
عل يبرد وااهج الشوق عزف حروفها
كل ماغمضت جتني هواجيسي صْفوف
ونْزعَت نومي وغنيت بين صفوفها
تستغل القلب والغلب واحكام الظروف
كم سرت بي لـ اظلم الليل فوق كْـفوفها
كديميس السيحاني
17-09-2021, 11:16 PM
تسليه..
ينتخي وهج المشاعر بجزلات الحروف
عل يبرد وااهج الشوق عزف حروفها
كل ماغمضت جتني هواجيسي صْفوف
ونْزعَت نومي وغنيت بين صفوفها
تستغل القلب والغلب واحكام الظروف
كم سرت بي لـ اظلم الليل فوق كْـفوفها
كل ما هجسي سرابي و خايلت القنوف
ا لقريحة من هجوسي تهيض قنوفها
الرعد في المزن وقعه مثل ضرب الدفوف
للعذارى وسط محفل بضرب دفوفها
وامطرت من عالي المزن وعيوني تشوف
البرد ، والسيل في الارض شق جروفها
شاعرة نجد
17-09-2021, 11:19 PM
^
^
الله الله
مبدع شاعرنا
مجاراة سريعه وفاخره
الله يزيدك من فضله ماشاء الله
على روعة الابدااع,’’
كديميس السيحاني
17-09-2021, 11:28 PM
ياليل سهّرت عيني والسهر عاده
للعين في ماضي ايامي وحاضرها
لو بعض الاحيان سِهري سكر زياده
و احيان يامره السِهر لنواظرها
كديميس السيحاني
17-09-2021, 11:33 PM
^
^
الله الله
مبدع شاعرنا
مجاراة سريعه وفاخره
الله يزيدك من فضله ماشاء الله
على روعة الابدااع,’’
قليل مع ماعندكم يا الرواسي
سجين ومتفرغ هههه
كديميس السيحاني
17-09-2021, 11:48 PM
ياهاجس كديميس في بحر القصيد
من بحره الماضي وش اللي فاكره
جب من قديم الشعر من قبل الجديد
حتى تنشّط يا هجوس الذاكره
كديميس السيحاني
17-09-2021, 11:56 PM
يا ملـذات الصـدور ويـا متاهـات الليالـي = ما بقى الا غيض صدر وزفرته يحرق سناهـا
لو بغيت الصدر فيضه وصف الأيـام التوالـي = في هوى شبه المهاة اللي تغطرس من صباها
نقّض جروح (ن) قديمه و الا أنا صدري شمالي = والجروح الغايرة عايشتها مـا اطلـب دواهـا
بين صلـفات الرياح و بيـن همّـال الخيالـي = و الكبـود الناشفه من وبل مزنه مـا رواهـا
و استكـن الحر في وكره على روس الجـبالي = لو يشوف الصيد في الريضان ما يتبع ءخطاها
إيتعلا ما ينزّل هـامـته و العـز غالي = يوم بعض الروس تنزل لجل يُرفع مستواها
و المثايل عهدهن لي ما تحرّم ما طرالي = و انتقل من ضفّه لضفّه ليا نسنس هواها
و ياسهام اللحظ لو تفتك بهيبات الرجالي = هد ما كل الرجال بنظرتك تبحث خفاها
كم صدور همومهن فيهن تزود الإجتوالي = والبشاشة في محيا الوجه ما يفقد ضياها
و كل ما ناظرت لي فنجال من بن الدِلالي = ا تحلا ما يحلا في المداين مع قراها
و اتخيل ناسع المجدول مع زود الدَلاَلي = و رفرفت جنحان فكري لين يسبح في فضاها
و اردعه عن جوّه اللي ما حصل لي به مجالي =بين ترحيب الكفوف اللي قواها ولا قواها
و انتظر وش يحتويه الغد من شمس وضلالي = لو غيوم الوسم بارقها تلاعج في سماها
و مع متاهات الليالي عشت الأيام الخوالي = و زفرة صدور الخلايق كنها عندي لضاها
كديميس السيحاني
18-09-2021, 12:00 AM
لا تحرم الضامي مـن الشـلاّل=وراك تمنـع عـنـه شـلاّلـك
حرام يوم انـه وصـل للجـال=تشح ,تسقي من عطـش جالـك
يمكن بعذرك لـو طلبـك المـال=لكـن ماجـاء يطلبـك مـالـك
ويمكن بعذرك لو بنـى تمثـال=ورسم علـى اللوحـات تمثالـك
أن كنت خايف هرجـة العـذال=حطـم مـن الابـداع عـذالـك
خل الحـروف تشيّـد الأطـلال=ولك من يزور حماك و اطلالـك
غن الهزج والا اصـدح المـوال=اطرب علـى هزجـك وموالـك
جاوب صدى واسمع من الاقوال=واجاوبك واسمـع مـن اقوالـك
تراني اطرب يوم اشوف ءخيـال=وشلون عاد بعينـي ءخيالـك ؟
ليل السهر له في العيون ءعقال=وشلون يـوم توثـق ءعقالـك
لو قالوا عقول الرجـال ءجبـال=عَجزّت تزلزل عالـي ءجبالـك
يا مهرجان الشعر كيـف الحـال=جاوب ليا ناشـدك عـن حالـك
قصيدتي مهـره وانـا الخيـال=هـذا وانـا ماصـرت خيّـالـك
عطني ضمان العهد ما ابغى ريال=وعهدي جنيـه يرجّـح ريالـك
كديميس السيحاني
18-09-2021, 12:07 AM
علليني يا القوافي مـن صفـا ينبوعـه = و امطري هتان من شعري تسيل هضابه
و اروي القشع الهشيم التابعه متبوعـه = كل ما كفّت سحابه جات الأخـرى نيابـه
الغلا اللي في الضماير نبتتـه مزروعـه = عقب ما حلت محل القلب يوم اقفى بـه
من شراييني تساقى و صار دمي فوعـه = يهتوي نبتة غلاه اللـي تثيـر اعجابـه
لو كتبت من القوافي و الدرر موسوعـه = كله لعين الهنوف اللي زهاهـا خضابـه
عقلها ثقل و رزيـن و بالدلـع دلوعـه=تستخف قلـوب الاف الجيـل بالسبابـة
بإتزان وحسن خلق و للـدلال طبوعـه=واثقة من نفسهـا وفـي دلهـا جذابـه
تستهيض لها المشاعر بالشعر مشفوعه =و الهجوس يسامرن طيوفهـا المرتابـه
تستدل حروف شعري في العتيم شموعه=من ضياها كل قاف يفـر مـن جلبابـه
لين تظهر للعيان من الشعـر مطبوعـه=صفحةٌ فيها القصيدة مـا يقـال تشابـه
يستسيغ لقاف شعري من تمثنى دروعـه=لين يفهم ما كتبت وما احتوى و اسبابه
و راعي الذوق الرفيع اللي غريبٍ نوعـه=ذوقه يجامل ركيـك القافيـه لأصحابـه
انسدل دونـه ستـار وسكتـه ممنوعـه=يوم اخط حروف شعري ما حسبت حسابه
كديميس السيحاني
18-09-2021, 12:21 AM
ياثاعلة قرنٌ على المتن مرجود = ويصير لا هبت شمال اللحافا
اصغي بسمعك لي ترى مابه قيود= في الناس مبلي والمعافى معافى
واستنشقي حرفي ليا هبت النود =زفرة شهيق الصدر عقب اعتكافا
عودٌ معتق زاكيه ريحة العود= يفوح في الاسواق لو ما يشافا
غثه سمين وبعض خلق الله شهود= لو ماش من بعض العباد اعترافا
استمطري ديمٌ بلا برق ورعود= يدور حوله ما لحقه الجفافا
الهام احاسيسي من عيونك السود= تورق به غصون السنين العجافا
والطيف يطلب هجسي الزود ويزود= ومالت زماليق الخضار انعطافا
عايشت صمت الليل مع غفوة العود= يوم الجنوب عن المضاجع تجافا
وسبّق بنات الريح مع قوم صاهود= صريرهن يرهب قلوب الضعافا
لو راقبوهنه وابو زيد موجود = من صد جاه الأمر بالإنصرافا
و ليا انتخن بالعود شمّر عن زنود= وكمّل فروضه في السعي والطوافا
و استنزفن حبر القلم دم يا سعود= واستوقدن نار الضلوع النحافا
الشط أمان لزايم الموج والطود= للحق عقل وللجزافا جزافا
يا ما غرق من طرس ما قيل معيود= وياما بنات الفكر قفّن عيافا
وياما بنطق الحق قد قيل محسود= ويا ما الحقوق أثارت الإختلافا
وياما على أمواج البحر حدد حدود = وياما نُحت فوق الصخر نظم قافا
مبداء امتطيته و اعرف الدرب مسدود= وشعري هوايه ما كتبت احترافا
قلبي وسمعي والبصر كلها جنود =لرصد الحدث ومتابعة ما يضافا
ويفور دم , وما وجد مِنّه يجود = و للنص تنسيق النمط والتفافا
و انا اعترف ماجابن الزرع محصود =وبنات فكري مع حروفي تصافا
ولا جرهدن في معركة ضد نمرود = ولا حررن بصره وكابل ويافا
سيفي يراع يفر ويكر ويعود = لا يستمع عاذل ويرفض يخافا
كديميس السيحاني
18-09-2021, 12:31 AM
واهني العيون ليا اهتنت بالمنام =ما تجافت عن الغفوة و طال السهر
ما اقدر اقول من فعل الهوى والغرام =لكن اقول بإن العشق دربه خطر
اثر فعل اللواحظ مثل زرق السهلم =لو تذريت منهن ما يفيد الحذر
كديميس السيحاني
18-09-2021, 12:55 AM
قريت لي بيت على الموج مكتوب =والموج يعجز باصطفاقه يزيله
هيّض مشاعر شاعر بطرق و اسلوب=واسترسل ارسالٌ من اهل الفضيله
مهما تضايق هم فالصبر مطلوب=بالصبر تقوى للحمول الثقيلة
هذي هي الدنيا ملذات و كروب=تبكي وتضحك بين يوم وليله
خذ ما صفى منها ليا طاب مشروب=و ان غثرب الميراد دوّر بديله
وليا ضواك الحزن لا تشكي النوب=في حزنك اذكر لك ليالي جميله
و مهما تشوف الناس غالب و مغلوب=خذ منهم العبره و خل الهزيله
كديميس السيحاني
18-09-2021, 12:58 AM
و تصبحون على خير
لا تزعجون السجين حان وقت النوم
✋��
ناصر الهواوي
18-09-2021, 07:00 AM
صباح الخيرات والمسرات للجميع
اهلا بشاعرنا وشاعرتنا ابدعتوا وامتعتوا وصحت السنتكم ودمتم وسلمتم
حيالله رحيل
ومرحبا يالجوهره صحت ابدانكنوطهرت اردانكن ودام حضوركن
وين خيالنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
ماطر قنوف الشاعر البارح حقوق=اصبح ووديان الذوايق سايله
دوا رعدها واشتعل ليله بروق=ما هزت قول الا لقيته قايله
حاضر بديهه مبدع بشتى الطروق=هجسه يطيعه والقريحه هايله
لكن بقلبه بان لي عدة حروق=منها الجديد وكم كيه حايله
وحده محلقها على مجمع عروق=واخرى عن المعلوق الايمن مايله
ساطي على التعذيب يرتاح ويروق=حبه تقل حقدٍ بقلبه شايله
خيال مطير
18-09-2021, 08:05 AM
كل من عاش بالدنيا يشوف العجايب
مثل ماشفت بالدنيا وشفته باهلها
قمت ابرّق وافرّق بين مخطي وصايب
مثل فرق الجبال النايفه من سهلها
والتوافيق عندالله حظوظ ووهايب
عند ربٍ يجازي كل نفس بعملها
اشهد ان الهدوم يسترن المعايب
اثرها تستر الحرمه وتستر فحلها
الاوادم بعضهم مثل وصف الجلايب
لو توحد بها ذيب الخلا كان اكلها
كم صبيٍ تحسب انه عطيب الضرايب
وان بخصته كرهت الديره اللي نزلها
مايسر ان حضر وان غاب ماقيل غايب
مار الارزاق عند الله لخلقه كفلها
ما يضد الضديد ولايفيد القرايب
يوم نفسه تعدا حدّها من زعلها
وفيه رجلٍ يحل المشكله والنشايب
كل ماحملوه الواجبات احتملها
واقفٍ للزوم .. ومرتكي للنوايب
والحمول الثقيله مالها الا جملها
ليت روحه قبل تركز عليه النصايب
حط عنه اربعين من الزلايب بدلها
وفيه منهو مسالم مايحب الطلايب
مشتكى من رضى نفسه ولا من زعلها
وفيه منهو اذا كبرت عليك المصايب
ساق وجهه وجاهه لك ونفسه بذلها
وفيه منهو يبا الجود افلاشك هايب
كل ما ناض صدره جا عضوده خللها
وفيه منهو يحل المعجزات الصعايب
اصغر افعاله الجزلات محدٍ فعلها
وفيه منهو يعيش وعيشته بالسبايب
كل ماسمع له غلطة من رفيقه نقلها
وفيه منهو على نفسه رضى بالغلايب
الله اللي رفع نفسٍ .. ونفسٍ خذلها
لو تبي تنصحه لله مجر الهبايب
انكرك والنصيحه ردّها ماقبلها
اشهد انه عقوبه من كبار العقايب
قاصر المعرفه قلبه كما قلب بلها
https://www.alriyadh.com/media/thumb/45/9d/1000_be013c5b8e.jpg
الجووهره
18-09-2021, 09:44 AM
صبآح الخير والشعر
والجزآله والابدآع
صح لسآنك سجينااا
أبدعت وأمتعت.
ويعطيك العآفيه
وأطآلب وبشده
تمديد سجنك
لا تفكوووونه
ههههههههههه
وصح لسآنك شآعرتنا المبدعه
ودآم حضورك وابدآعك
ويسلم ذوقك ونقلك خيآلنا
وصح لسآنك شآعرنا الهواوي
ودآم حضورك وابدآعك
الجووهره
18-09-2021, 11:00 AM
تسليه ع السريع
قل للصدور الضآيقه تبشر بخير
ربك كريم ورحمة الله وسيعه
الله يبشركم بكل خير
ويبعد عنكم كل ضيق
خيال مطير
18-09-2021, 11:07 AM
https://www.youtube.com/watch?v=8szwrpF_ELw&ab_channel
________________
عبدالله الدّنّيش
18-09-2021, 11:22 AM
السلام عليكم وصباحكم عسل وقشطة .. وبعد قليل سلخير على قول رحييييل
ماشاء الله .. أثريتم المنتدى وأشبعتم الذائقة
صح لسانك سجين القوافي كديميس وفيت وكفيت وأثريت
شاعرتنا نجد يا صح قلبك ولسانك ما قصرت
زعيمنا ما شاء الله عليك على عوايدك الجزلة صح لسانك
خيال إختيارات رائعة ومن ذوقك العالي
الجوهرة ، تعلمي السباحة في بحور الشعر وعلي الملازيم إنك شاعرة
رحيل .. سلخير ومساء الأنوار كلك ذوق ،،
وسلامي لكم والتحيا للجميع ،،،،
عبدالله الدّنّيش
18-09-2021, 11:34 AM
فنجال قهوة
هاجوس فكري بعد دار المجال الفسيح
و صل للاطلال واستشهد علاماتها
و استرجع الذاكرة دلوٌ تلو دلو اميح
و وصلت للجم لو بُعدت مسافاتها
في كل بابٍ من الاشعار نظمي صريح
و اعشق لرمزيته و ارتب ابياتها
في كل الابواب ماعاد الهجاء و المديح
هاجوس فكري وحدسي ينكر اصواتها
و يا قاف شعري ما دامك باللسان الفصيح
الناس ما نيب مكلوف بنياتها
للمقبل اقبل بلا كلفه وانا مستريح
و بشاشة الوجه تظهر بابتساماتها
وما نيب منهو ورى المقفي يقوم ويطيح
والناس محد قدر في كسب مرضاتها
،
،،
،
&&&
صح لسانك شاعرنا أبو منصور على الإبداعات
قريتها قبل ليلتين وجاريتها .. وبقيت ع الوورد
جاني شغل ونسيت أنزلها في وقتها .. وصح لسانك
^^
لا هاض هجس المعنىّ ناض نوّ القريح = ومْن المناشي بصدره هلّ فيضاتها
يا شاعر القيف قافك مثل هبّات ريح = ثوّر فجاج الوساع وعج حباتها
من بُعد الأميال تسمع للطوارق ضبيح = والنفس تطوي وتطردها بوناتها
ويا كم تكابر على نفسه وقلبه جريح = ما بين صولة وجولة شاف تيهاتها
ون ثار هاجوس صدره قام قافه يديح = يرش عابر هجوسه فوق عبراتها
ومن طراة المشاعر فاض طرفه يسيح = والقلب يشكي من الهيّات وآهاتها
وأنا أرفع الكف والشكوى عسى الله يبيح = وأردد الفاتحه وأرقاه بآياتها
^^
ناصر الهواوي
18-09-2021, 11:38 AM
اهلا يالخيال
وحيالله الجوهره ومن قال لك انا ناوين نطلق سراحه(ان كان ماله من ذراعه نجده =شربه على ايدين الرجال هماج)ههههههههههههه
ارحب يابو عامر وصح لسانك وبدنك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
يالهبوب اركد ابا اوحي سجعة القمريه
فترة غناها انتهزها قبل وقت النوحي
النخل معطي حمامه كامل الحريه
مثل ماوده على اغصانه يجي ويروحي
مشكلة هالورق ما به عندها سريه
من على حدب الجريد وكل ورقا توحي
لسجعها مع نوحها يا آثاره الفوريه
تنبش جروحٍ قديمه واندمال جروحي
سبة رموش العيون الخدَّر الخمريه
في سهومٍ سددت لو مالها مصلوحي
مع براءة هالعيون طبوعها شريه
مال من طالع بها عن شرها مندوحي
عبدالله الدّنّيش
18-09-2021, 11:39 AM
^-^
،،
،
حبيت أصبّح يالرواسي عليكم بالسلام = سلام دايم عام وأنطق بها في المبتدأ
وأثني تحياتي لكم قبل بدعي بالكلام = والشكر كل الشكر ل اللي بدع في المنتدأ
نثرتم الأشعار وأحلى التسالي بإنسجام = وسجن القوافي فيه صوت المغني والصدى
صدح القوافي فيه سجعة مع سجع الحمام = وبحورها الوافر وبحر الهلالي والحِدأ
أطرب ليا شليت بالصوت وأحكمت النغام = وأسرح مع الموّال لا هيجنت ياء النِدأ
يا اللي سكنت أبيات شعري ونصبّت الخيام = يا شاغلا بال الهواجس على طول المدى
أنا أشهد إنك يا ضمير القصايد والهيام = في وادي الأوهام أعاينك من قمة شدا
^-^
** وسلامتكم **
عبدالله الدّنّيش
18-09-2021, 11:55 AM
من قدييييييم الإرشيف
^^-^^
أقر القصيدة
أقر القصيدة علـى لوحـة بجـدر الزمـان=اليـوم تُقـرا وبكـرة تصـبـح الفانـيـه
فيها خيالات مـن شعـري وصـدق البيـان=وفيهـا تواصيـف مـن حسـي ووجدانيـه
سكبتها لـك بمـاي القلـب حبـر الجَنَـان=وسبكـت فيهـا حروفـي لونـهـا قانـيـه
اسمك بصدري وتشكيلـه بطـرْف اللسـان=وليـا تحـرك يعجّـل قـول يـا فلانـيـه
حتى قسـيّ الكـلام يصيـر لأجلـك لِيـان=طاريـك طـرّا مـدارج مخـرج لسانـيـه
حزمت ظهري وشديـت السفـر والحصـان=والهاجـس الصلـف قبـل الوقـت ودانيـه
المـال جسمـه قـوي لكـن رأسـه جبـان=والحـب مـا يتّقـد والــروح بردانـيـه
تثعلـب الفكـر بيـن الـجـد والألعـبـان=وانحى على ضلـع وأصطفـت لكـم حانيـه
أظمرت في خاطري إنـي كسبـت الرهـان=وا تحقـق الفـوز بالمطـلـوب وامانـيـه
صنعت لك صدر من صندوق من سيسبـان=بيديـن حاكـت هجـوس الفـن متفانـيـه
ويوم أشرق الوجه شمسه شعشعت ف المكان=ومن النواعـس غشانـي نعـس وأطمانيـه
يـا هـول حلـمٍ توقـظ شاهديـه العـيـان=القـدّ سيـفٍ تثـنـى وأبــرق أثمانـيـه
و الخصر دلّه.. وشفّـه تنبـت الزعفـران=والخـد صحـن القمـر للـدلّـه آوانـيـه
والروح منهـا يفـوح المسـك والحبهـان=والعيـن منهـا شـراب الـبُـنّ فنجانـيـه
والكف مخضوب يشهد لـي و راس البنـان=أنه دمـي .. سـال فـي كفينهـا الجانيـه
يا شوق يا عشق يا حبي له أظهـر وبـان=هذا من الحـور مـا ظنـي مـن انسانيـه
دنيـاي بعـده غـدت لـي وردة كالدهـان=كنـى بروضـة نخيـل أكمامـهـا دانـيـه
كيف أوصفك يا مليك الحسن ياحلى الحسان=الشعـر مـا يوصفـك مــرّة ولا ثانـيـه
برسمك منظر على لوحـة مـن السنديـان=وأكتـب قصيـدى بركنـك يحكـي أزمانيـه
وهاك القصيـدة وعلقهـا بصـدر الزمـان=يمكـن يجـي يـوم تقرانـي وهـي فانيـه
**
ناصر الهواوي
18-09-2021, 12:00 PM
اشغلك صرام النخل يالمزارع=وتسويق منتوجه مع الخوخ والتين
فلاح في جمع المحاصيل بارع=مرجاعه من السوق بين الصلاتين
لهورية التوت المنقى يسارع=ويشريه لو قالو بخمس وثمانين
وانا معا هوج الرياح اتصارع=سوق الفواكه كلها ما اعرف وين
مبيعها اتلى العهد به بشارع=كانوا يسمونه/بسوق المحبين
وكانوا يسمون الملابس مدارع=عقدين حالت دون شوفه وعقدين
ناصر الهواوي
18-09-2021, 12:17 PM
سلام مردوده وجب والتحيه واحترام=وسلمك ربي يالدنيش من اسباب الردا
يامرحبا ماناح فوق النخل ورق الحمام=وما بينت في شاش صرافته كلمة مدى
حضور نسعد فيه ونقول دام العز دام=ونطرب من الشاعر ليا هيجن بقاف او حدا
ما شاء الله ماشاء الله
عيني عليكم باردة مشاركات تثلج الصدر
صحت ألسنتكم ..
وهذا الإبداع مهب مستغرب من اهله
الدنيش يقول سلخير على قول رحيل ههههههههه
واقول له سنور والسرور وعبير الزهور (:
جوجو انا أييد طلبك وبشدة
واقول بصوت عالي لا تطلعون كديميس هههههههههههههه
الجووهره
18-09-2021, 01:06 PM
ياهلاااا بالجمييع
منووووورين
وعليكم السلام شآعرنا الدنيش
وهلا بك وصح لسآنك على هالروآئع
وتسلم على الاطراء شهآده أعتز بها من أمثآلك
وياليتني لو ربع شآعرره هههههه
انا متذوقه فقط وأحب الشعر وأفهم فيه شوي
من عاشر القوم هههههههه
الجووهره
18-09-2021, 01:14 PM
هلا بك رحووله
سلأنوااار هههههه
فديت اللي يأيدون
وخلصت التنسيق (:
ارحبي جيجي حياااتس الله
عاكسين نورتس يابعدي
فداتس
فداتس عداتس يالغالية
هديته ضاعت وهو قبلها ضاع
يالله بالعقلان من قبل لاضيع
بعده دهر قلبي ولاماه مرباع
شين الدهر شيناه عقب المرابيع
والصبر ثلجٍ من لهيب الجفا ماع
والوصل ذيبٍ كادته ذبّة الريع
ياهاجسي وشلون تعديل الاوضاع؟
لاعاد لي همه ولا فيه تشجيع
كديميس السيحاني
18-09-2021, 10:46 PM
مساكم الله بخير و جوّه الصافي
ما به غبار ومعاصيرٌ ولا عجّه
كديميس السيحاني
18-09-2021, 10:54 PM
ابو عبيد
صح لسانك على ابداعاتك و تشجيعك
ودام تواجدك
ابو عامر
صح الله لسانك على المجاراة الكافيه وابداعاتك
ودام تواجدك
خيال
تسلم على الذائقه الراقيه في ما نقلت
ودام تواجدك
شاعرة نجد
صح الله لسانك على ابداعاتك المميّزة
و دام تواجدك
الجووهره
صح نقلك وتسلم ذائقتك الراقية
و دام تواجدك
رحيل
سلمت يداك على التنسيق وعلى مشاركاتك الراقية
ودام تواجدك
شاعرة نجد
18-09-2021, 10:56 PM
مساء النور والسرور شاعرنا
ومساء الخيرات والمسرات عـ الجميع
وصح لسانك سجيننا المبدع
ولاهنت على المجاريات الممتعه والمعلقات الفاخره
وصح لسانك يـ الهواوي على هـ الروائع وصح بدنك
وصح لسانك يـ الدنيش ولاعدمنا ابداعك وصح بدنك
وصحت الذوائق والحضور الفائق
وسلمتم ودمتم,’’
كديميس السيحاني
18-09-2021, 10:58 PM
بغيت اجيب سالفه وقصيدة
وهونت لان ما حولي احد
��
كديميس السيحاني
18-09-2021, 11:02 PM
مساء النور والسرور شاعرنا
ومساء الخيرات والمسرات عـ الجميع
وصح لسانك سجيننا المبدع
ولاهنت على المجاريات الممتعه والمعلقات الفاخره
وصح لسانك يـ الهواوي على هـ الروائع وصح بدنك
وصح لسانك يـ الدنيش ولاعدمنا ابداعك وصح بدنك
وصحت الذوائق والحضور الفائق
وسلمتم ودمتم,’’
هلابك يا شاعرة نجد
صح كلك ولا هنتي
شاعرة نجد
18-09-2021, 11:03 PM
تسليه من جديدي,,,
لايـ سماا دنياي كافي علينا
اللي مضى مـ عاد نبغَى نعيده
بـ الله قللي وش طلع في يدينا
غير الاماني والوعود العديده
مع الخيال اللي خدعنا,سرينا
ننسج من خيوط الامل مع بريده
ياما معه رحنا ورحنا وجينا
لامستفيدٍ هو ولامستفيده
والوقت يسرقنا ولو مادرينا
والعمر يقضي والليالي جديده
والبادي اظلم لو فعل خير فينا
حبل الوصل قصه مع الوقت بيده
وانهى الحكايه وانتهى وانتهينا
يازين تحكيم العقول الرشيده!
كديميس السيحاني
18-09-2021, 11:08 PM
لا تحرق الاعصاب وتقول إن في دربك ضباب =وانته تعيش بداخلي لو انت في العلم انتحيت
حلّقت بي في جوّك المشحون بلقاح السحاب = وسبحت من فوق الغيوم وجيت يمك مادريت
و سلّمت و استسلمت كن الصدر لك صفحة كتاب =كل المشاعر لك علن والا لغيرك مانويت
و بسمة محياك اختفى معها من الشوق العتاب = والهمس من بيني وبينك ماتطرق للمبيت
واصابعي تخلخلت بين الجدايل ماتهاب = وتلاطف الشعر الحرير اللي على كفي لويت
عطني مجال اشرح لك اللي صار في طرد السراب=و اخذ المجال بشرح ما تبغاه دامي ما سريت
قم واسقني من سلسبيل الحرف و اسهب في الخطاب= و إن كان يمنعك الخجل صح الله لسانك عليت
ما تدري اني في الخيال ارقى على متون الصعاب = وكم ارتويت من الخيال وفي الحقيقة ما ارتويت ؟
و لو اعرف لشعر الغزل فتحت للعشاق باب = لكن شيبي حدني , وان شفت للشيب استحيت
و ارد نفسي لا تمادى بوصف ناقشة الخضاب=ان جيت بوصف دار دار وشبر شبر وبيت بيت
كديميس السيحاني
18-09-2021, 11:10 PM
تسليه من جديدي,,,
لايـ سماا دنياي كافي علينا
اللي مضى مـ عاد نبغَى نعيده
بـ الله قللي وش طلع في يدينا
غير الاماني والوعود العديده
مع الخيال اللي خدعنا,سرينا
ننسج من خيوط الامل مع بريده
ياما معه رحنا ورحنا وجينا
لامستفيدٍ هو ولامستفيده
والوقت يسرقنا ولو مادرينا
والعمر يقضي والليالي جديده
والبادي اظلم لو فعل خير فينا
حبل الوصل قصه مع الوقت بيده
وانهى الحكايه وانتهى وانتهينا
يازين تحكيم العقول الرشيده!
لسانك ما ينلجم ويمينك ما تنشل
ما نستغرب الابداع منك
لله درك
كديميس السيحاني
18-09-2021, 11:15 PM
كل ما حاولت اخفف من جديدلحوني =شاعرة نجد امطرت من مزنها هتاني
اللحون اللي تثير لخافيات شجوني =كنها متعمده تُظهر خفى الشِيباني
بين فيض وبين غيض بكل شكل ولوني=و كل ذكرى مرّت بفكري فرح و احزاني
هيضت عندي قريحة شعري المخزوني=و ابتدا ليل السهر يا مرضي القيفاني
وصرت اجاوب ساجع الورقى فرح و حزوني=و اتذكر ما مضى له محسن الهزاني
و اتذكر في القديم و سابقات فنوني =يوم ريعان الشباب وماضيات ازماني
شاعرة نجد
18-09-2021, 11:15 PM
صح بدنك شاعرنا
وانتم الابداع والمبدعين
تقديري,’’
كديميس السيحاني
18-09-2021, 11:24 PM
وش تـفـكــر فــيـــه يـالــحــر الــنـــداوي=لاتــقــول الـــــدار و ديـــــارك بـعــيــدة
فــي ديــار الـهـنـد يـــا كـثــر الـمـنـاوي=لــو مـطـرهـا زاد و اخـضُــرت جـريــده
و الهدف محدود و الوقـت متسـاوي=فـــي نـهــار ولـيــل والـسـاعـة عـنـيــدة
و يشهـر الهاجـوس وجناحـه رهـاوي=وعــن رفيـفـه فــوق مــا شـــيٍ يـكـيـده
و كـم مشينـا لأجـلـك الــدو الـخـلاوي=وفوق هـام السحـب كـم رفَـت حديـدة
لا مـرور ولاش سـاهـر لأجــل يــاوي=ولا وقـــــود يـــقـــال بــنــوقــف نـــزيـــده
ونطلـب اللـي مـنـه تحقـيـق الـرجـاوي=مـــا يـأسـنـا مــــن عـطـايــاه الـعـديــدة
بـس هاجـوس الشعـر ماهـوب قـاوي=يسـرد الأحداث فــي صفـحـة جـريـدة
لكـن إن الهجـس فــي سـيـره نـحـاوي=يــم خـشـف الـريـم و أيــام ٍ سعـيـدة
والـمـهـاوي لـــو يـهـجــرس بـالـغـنـاوي=فـي بيـوت الشـعـر مــا ينـفـد رصـيـده
لـكــن إن الـوضــع فـيــه الـفـيـن راوي=وما لقيت اللي عطى الأريا السديدة
وحسبة الساعة شهـر عنـد التـداوي=يــوم مــا سـويـت قـبـل الـيــوم أعـيــده
كديميس السيحاني
18-09-2021, 11:30 PM
تعودنا على الضحكة ولو وسط الحشا وهاج = ابي من شافني يضحك وضحكة سنه تباني
و أنا جفني سهير وصمتي المبهم ضجيج ازعاج =من اسباب الهجوس اللي بصدري دوم تقصاني
شكيت ولا بكيت وكل كلمه محكمة بسياج = على عوج الضلوع اللي من الهوجاس تنخاني
سهر عيني بناء له في جفوني والضلوع ابراج = سبب منهو تمكن بي غلاه وصار سلطاني
ليا جاء الليل طيفه زارني كنه ضياء وسراج = واسولف له ويعطيني من الاخبار ما اكفاني
سوالف عن مفاهيم الشعور و رمز ريبورتاج=بليّا سين جيم الكل منا جاوب الثاني
الا يكفيك يا طيف الوليف , ليا لبست التاج = مرصّع بالدرر ما سوّقوه بكل الأوطاني
و لا حطيت من دونك لصدري ضبّه و مزلاج = اورّدك لعدود الصدر يوم تصير ضمياني
و في الواقع بعيد ولا حصل لي يمهم منهاج = قرار الوصل يامر به هوى بالي وينهاني
حفظته سر غامض والسراير مالهن مخراج = يا كود بقاف شعري كل ماغنيت الالحاني
لو الدكتور ينفع يا معاند, هاجسي ما داج = ولا من قال انا شاعر عطيته درب عنواني
عناوين الهجوس بخاطري تنزف كما الهداج =و انا اضحك كن قلبي خالي(ن) من حب خلاني
و يمين الله لتبقى اوراق ودّه طي في الادراج = مثل طي الصكوك اللي تقاس بغالي الاثماني
و على عزف القوافي لا استمِر ويكثر الانتاج = و تبقى اسرار قلبي مااتلفظ نطق بلساني
ولا تجذب مثل سلك الحرير , ونعمها ديباج = و اميّز من ملكني بالغرام بتاج ديواني
شاعرة نجد
18-09-2021, 11:38 PM
كل ما حاولت اخفف من جديدلحوني =شاعرة نجد امطرت من مزنها هتاني
اللحون اللي تثير لخافيات شجوني =كنها متعمده تُظهر خفى الشِيباني
بين فيض وبين غيض بكل شكل ولوني=و كل ذكرى مرّت بفكري فرح و احزاني
هيضت عندي قريحة شعري المخزوني=و ابتدا ليل السهر يا مرضي القيفاني
وصرت اجاوب ساجع الورقى فرح و حزوني=و اتذكر ما مضى له محسن الهزاني
و اتذكر في القديم و سابقات فنوني =يوم ريعان الشباب وماضيات ازماني
يالقريحه يالصريحه بعثري مكنوني
من جديدي بـ اسمع المسجون عذب الحاني
لين يطربنا ويطرب والملأ يقروني
داام هيضته بـ اوسّع خاطر العمساني
إيه اغني ماشحني عبرةٍ بعيوني
لاتهيّض خاطري هزت سماا وجداني
معكم العب ايه واطرب بس ماتدروني
مايكن الصدر شي ومايقول لساني
أتسلا فـ الرواسي وآخذ وُيعطوني
من جديد الشعر مايروي ضمَى الضمياني
هات ماعندك تسلّ وسل يالمسجوني
والشعر ببلاش وانا وانت فالميداني
الشطر الاخير امزح:smile:
صح لسانك الحوار السريع خله مع الهواوي
طالبتكم ماتجي على قدكم مبدعينا
كديميس السيحاني
18-09-2021, 11:45 PM
ياليل ياليل ياليل السهر كدموس ناداك = يقول عد النجوم الساريه يا ليل توّك
و ياهاجس الفكر يوم الطيف جاء يمك وناجاك = في مهرجانات عزف القافيه قم شب ضوّك
للابجديه محيط المفرده ف الشعر ينخاك = لا تسدل ستار صمت بظرف عابر يا سموّك
كديميس السيحاني
18-09-2021, 11:50 PM
يالقريحه يالصريحه بعثري مكنوني
من جديدي بـ اسمع المسجون عذب الحاني
لين يطربنا ويطرب والملأ يقروني
داام هيضته بـ اوسّع خاطر العمساني
إيه اغني ماشحني عبرةٍ بعيوني
لاتهيّض خاطري هزت سماا وجداني
معكم العب ايه واطرب بس ماتدروني
مايكن الصدر شي ومايقول لساني
أتسلا فـ الرواسي وآخذ وُيعطوني
من جديد الشعر مايروي ضمَى الضمياني
هات ماعندك تسلّ وسل يالمسجوني
والشعر ببلاش وانا وانت فالميداني
الشطر الاخير امزح:smile:
صح لسانك الحوار السريع خله مع الهواوي
طالبتكم ماتجي على قدكم مبدعينا
ههههههههههه
احمدي ربك لو كنا في قسم القلطه تسان صارت علوم
ولكن صح كلك ولا هنتي
وانتي غنيه عن شهادتي لك في الشعر
ويجيب الله مطر ههههه
شاعرة نجد
18-09-2021, 11:57 PM
الله يصح بدنك شاعرنا ويصح لسانك
وزين موبقسم القلطه ههه
ويجيب الله مطر,’’
كديميس السيحاني
19-09-2021, 12:05 AM
خذ من جديد اللحوني ،، يقرون ما يسمعوني ،، و الله خبير الظنوني ،، لو سرها بس حرفين
ما فيه للشك داعي ،، ي ام العيون الوساعي ،، قلت ان عيني تراعي،، والعين ما شافت العين
الهرج ياصل سموعك ،، قد قلت لك هد روعك ،، علام تنثر دموعك،، ما هاكذا الصح يا زين
لا تلحق احدٌ مضره ،، ولا تحمل الهم مره ،، طنش تعش في مسره ،، و تدرين ما كن تدرين
كديميس السيحاني
19-09-2021, 12:20 AM
فنجال قهوة قبل النوم
و على الريق للي نايمين ههههه
نبعة جبل تروي كبودً عطاشا = ودمعة رجل ملحٌ أجاجٌ ليا ذقت
لا تعجب لدمعات عين ٌ تلاشا= ما صغتها ب/حرفي ولا ارضى لها المقت
اصونها عزّه ولا به مخاشا = ولا اصخي بها الا لمن لها كفو في وقت
الفقد للمفقود مابه غشاشا = ولا كل من يفقد له بدمعي أغرقت
وجرد الفيافي للمواطي ءهِشاشا = وصمد الفيافي كل قشعه بها احرقت
و لبست منها الليل كنه قماشا = و نوّختها فجراً , ليا منك اشرقت
و إن شفت نجمي في سماك ايتواشا= غرد على صوت الرعد لا تضايقت
خل الورود تفز له بإنتعاشا = و خل البروق تصاحبه كل ما اشتقت
يسقي الجبل ودّان و الا رشاشا = شلال من صافيه لك ما تعمقت
ما ابخل بهجسي يوم بالقاف جاشا = كنه خيول المعركه حين سابقت
والهجس عن كلمة غلاك ايتحاشا= و صرت احذف الكلمة لها ما تطرّقت
والا بفصح لسان مانيب باشا =تعبير ما كنيت ما قد توهقت
غلاك ناب الداب للجرح ناشا = غيّب بتفكيري وانا منه ما فقت
وما عاد معك احب طول النقاشا =من نوشته مع كل موجه تصلفقت
خذ ماتبي مما بنيته بلاشا = وما ادري لو انك للقدر ما تلاحقت
الجووهره
19-09-2021, 06:06 AM
حي الصباح اللي تنفس بالاذكار
يشرح صدور اللي يعانون ضيقه
.
سبح وهلل واسلك دروب الابرار
وتصير اسعد شخص بين الخليقه
صبآح الخير
الجووهره
19-09-2021, 06:09 AM
وصحت الالسن شآعرنا وسجينا المبدع
وصح لسآنك شآعرتنا. المبدعه نجد
ودآم حضوركم وابدآعكم
شآعرنا وسجينااا
يسعد صبآحك
ولا تنسى القصه والقصيده ههههه
بانتظآرهااا
كديميس السيحاني
19-09-2021, 01:40 PM
وصحت الالسن شآعرنا وسجينا المبدع
وصح لسآنك شآعرتنا. المبدعه نجد
ودآم حضوركم وابدآعكم
شآعرنا وسجينااا
يسعد صبآحك
ولا تنسى القصه والقصيده ههههه
بانتظآرهااا
الجووهره
صح كلك ولا هنتي
وصباحك ان شاء الله سعادة و افراح
القصة خلاص زعلت وهونت 😡
نومكم كثير يالرواسي واذا صحصحتوا تتابعون توم وجيري
دمتي بخير
كديميس السيحاني
19-09-2021, 01:45 PM
فنجال قهوة ( الظهرية )
لمحت طيوف مايـا فـي خيالـي=وأبا اسدل وصف وأبداء من شعرها
سواد الليـل لونـه مـن شعرهـا=غشى الأكتاف لين اسفـل ظهرهـا
ليـا جدِلتـه حـبـال السفيـنـه=يثبـت للسفينـه فـي بحـرهـا
وشبه نور القمـر طلّـت جبينـه=ولو غـاب القمـر يبقـى قمرهـا
و إذا غُطـي بقـذلـه هلهلـيـه=كرستـال الشعـر بيّـن صورهـا
وحواجبها كمـا قوسيـن رامـي=ولا ترمـي لـكـن الله أمـرهـا
قصار اقـواس ماهيـب الغليضـه=ونبـل اقواسهـا يقـدح شررهـا
سهـام المـوت عفـواً يرسلنّـه=بسرعة لحـظ لأهدافـه و أدرهـا
و أنا ما اقـدر اكمـل للوصايـف=أخاف أهل الحسد تنـوي ضررهـا
وصايف طيفهـا تبقـى لروحـي=و لو روحـي سبايبهـا خطرهـا
و لو التوصيف من شوف الطبيعة=صعب يسهب بوصفه من نظرهـا
كديميس السيحاني
19-09-2021, 01:50 PM
مرسى هجوسي كل ما اجيك مشتـاق=ازيـد زرعـك ورد مـع زعفـرانـه
و ترسي بك أمواج ٌ من الفكر تنسـاق=وصرت الوليف وصـرت راعِ الميانـة
و ابدي عليك اسرار و اطوي بك اوراق=و انشدك وش سويت لي في الأمانـة
و صلتهـا والا لـك الوقـت مـا راق=و اودعتها الكتمان فـي البحـر دانـه
معك اتساع الصدر من ضيقتك ضـاق=يشكي عليك ومنـك يطلـب ضمانـه
معـك المسيـرة قـد تجلّـت للآفـاق=ما قد تمادت في السهـل مـع طمانـه
ومزونهـا تصحـب لرعـدٌ وبــراق=وهتانهـا ثمـره نـفـل واقحـوانـه
يحيي عـروقٌ جوهـا قيـض حـرّاق=ويغسل نفوس(ن) ماتعيـش الخيانـة
مرسى هجوسي يـوم للعهـد ميثـاق=ليه الوفـاء راعيـه يشكـي زمانـه
من لا عرف عهد الوفـاء دوم ينعـاق=و راعِ الوفاء لا بـد يكسـب رهانـه
في عالـمٍ مفتـوح واحداثـه اطبـاق=من جاء مكانـه مـا يحصـل مكانـه
يغتاض بـه عاقـل ويرتـاح بـواق=و يُكسر حديدة من قسـى الخيزرانـه
و في عملة الوجهين لو سترهـا رواق=لا بـد مـا تظهـر وجيـه اللعـانـة
والعامـل النفسـي بتأثيـر سـبّـاق=سبق الصحافـة فـي دعايـة فلانـه
وليّ المزون ليا انهمر يغـرق اغـراق=و يا موج هد لكـل مرسـى حصَانـه
الشوق صوت وبالصدى رد الأشـواق=لو آن أوانـه قلـت ماهـوب آوانـه
و إن كان يالمرسى حصل بُعد وفـراق=خذهـا معـك ذكـرى بعقـل الرزانـه
كديميس السيحاني
19-09-2021, 02:00 PM
الوكيـل الله ولا غيـر خالقنـا وكـيـل=و السياقة عند غيري لصوتـي مهتـوي
طال مسرى الليل ياهاجسي صبر(ن) جميل=والنجوم الساريه معـك والليـل سـروي
يا هجوس(ن) راكده ما تهيض لكل قيـل=هيضك من قافه لكـل جـزل(ن) يحتـوي
ومع جناب الود مسراك يالليـل الطويـل=والقمر وضّاح والـدرب قدمـي مستـوي
واتسمع سي دي بنظم من جنسـه قليـل=كل بيت(ن) من بيوته مع الطرقـة خـوي
ومدتي مما سمعتـه مـن بيـوتٍ تهيـل=رافقنّي في طريـق ٍ بـه الذيـب يعـوي
وردن حيام الهواجيـس والميـراد ليـل=والصدر عد(ن) طويل المدى وايضا رهوي
و الرشا من الفكر متسلسلٍ مالـه مثيـل=ذكريات العمر في الذاكـرة تمـلا الـروي
و كل ما صدر عن العد ذود يجـي بديـل=و الحياض ملي ما حافهن خطـو كـروي
يوم عجات الصبا ما نعـرف المستحيـل=والمسافـات البعيـدات نطويهـا طـوي
كل ما يفتر من ويل يسمـع لـه عويـل=يطرب اللي له تسمّـع وجاوبـه حـدوي
ناصل و نوصل ونسعف من قطع به سبيل=في ظلام الليل والبيد مـا فيهـا جـروي
مـا نكـل ولا نمـن المـزارق بالجميـل=و الليال الماضيـة دونهـن قلـع النـوي
و يا جناب الود خوتك تبقـى لكـل جيـل=لو شريناها من السوق ما جـات هـدوي
قايلة الخير (:
جمال في جمال في جمال
جمال
الله الله عليكم صحت السنتكم شعارنا
(:
نبي القصيدة والقصة ):
كديميس السيحاني
19-09-2021, 02:19 PM
فنجال قهوة ظهر يا وي فنجال = على ركاده ما يجي باندفاعه
رحيل ما جابت من البن فنجال = اربع ليالي بان بخل الجماعه
العنصريه عندهم مضرب امثال= ( من لا يكون بحزبنا له مجاعه)
و الجوهره تقول يالال يالال = ما في معاميل الرعد من طماعه
و العود في سجنه معميل ودلال = غير القصيد اللي له القاف طاعه
ولو صفوا الشعار من جالٍ لجال = و الشاعره ، كلٌ غسلنا شراعه
كديميس السيحاني
19-09-2021, 02:25 PM
قايلة الخير (:
جمال في جمال في جمال
جمال
الله الله عليكم صحت السنتكم شعارنا
(:
نبي القصيدة والقصة ):
الجمال حضوركم و تواجدكم لاهنتوا
ماعاد به قصه ولابه قصيده
الشايب الزعلان ما احدٌ يراضيه
الكل يشخر في منامه تهنى
وانا سهِير وكل هاجوس اناجيه
vBulletin® v3.8.7, Copyright ©2000-2024, TranZ by Almuhajir