هنا .. سجن القوافي !!

[الجووهره]

https://r111n.com/t9220-12.html

[الجووهره]

خيآلنا مفقود؟!
عسى المانع خير ان شاء الله

[الجووهره]

‏يا صاحـبي والليل هــذا .. اناني
‏على حساب اللي يراقب ظلامه
‏،
‏ماهـو طويـل الإ على من يعاني
‏ولاهو قصير الإ على من ، ينامه

.....

‏ياسكـون الليــل يــاستــر وغــطى
‏خذ هواجس خاطري قبل الصباح

‏اعتبــرها اســـرار لــو مــاهي خطا
‏كم لزمنــا الصمت واخفينا المبــاح

....

[ناصر الهواوي]

يا رواسي نجد هم وين الرواسي
مبدعين القاف و الطرق الفريدة

ما قرينا و لا سمعنا ءلهم حساسي
و الشهود اثنين في تاج القصيدة

لو بعضهم واصل الرقم القياسي
ما يمر التاج ب اشعارٍ جديدة

وكل طرف من الارق جاه النعاسي
ولا يطيب النوم للروس العنيده

و الهجوس ءلها على الشاطي مراسي
تنشد الامواج عن سلسال جِيده
،
،
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
مرحبا بك وانت ياكديميس أساسي
شيخ قاف وموقف وراس ووليده

مركبك لو تصطفق لمواج راسي
لو غيابك طال ما تخلف وعيده

بس حكمك في بعض لحيان قاسي
ما اذكر اني غبت لو لحظه وحيده

تاجنا جا في ظفيرته التماسي
غيبت مسعود وانحاشت سعيده

كان تبي نسوي لحزمه مراسي
جب قصيده وانتظر مني قصيده

طيِّر من عيون اهل ظلم النعاسي
وبالسراة اهيِّج جنونٍ مريده

وواحدٍ بنيوم ناسينه وناسي
ولشاعرة نجد ازهم بجمله مفيده

والهياثم دز له قافٍ حماسي
يمكن ايلين قسا الروس العنيده

واسعد الله جمعنا وابليس خاسي
ومرحبا ياسيد القاف وعميده

[ناصر الهواوي]

هلابتس يالجوهره وصح نقلتس وسلم دوقتس ودام تواجدتس
عسى خيالنا ما تكرون ههههههههههتصلح مطلع قصيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
يالله عسى خيالنا ما تكرون=ويالله عساها ما تجينا ولا تجيه
وان صابته عليه يالله اتهون=وعكاتها /وانك من الشر تنجيه
لوهو كما الغول الغريب ايتلون=كلٍ بوجه وهو على عدة وجيه

[خيال مطير]

صح لســــــــــــــانك يابوعبيد . انا ماخذ جرعتين وابشرك بخير .

منورهـ رحيل منورهـ يالجوهرهـ

[خيال مطير]

وش عاد يا فيروس (كورونا) وإلى وين

وأنته تمادى في نفوس الخلايق

لفيت لاحييت.. من يمّة الصين

ولا خذينا إلا وعلينا توايق

وما بين صدق وبين حلمٍ ومابين

صمت الذهول اللي للأحزان سايق

فرضت واقع منه ذقنا الأمرّين

تفريق شمل وحظر وأشياء تضايق

الناس صاروا وبرضاهم مساجين

بس العيون من الدرايش تهايق

واليا قعدنا مع بعضنا بعيدين

والفرد ما هو لأقرب الناس طايق

شرّك تفشّى في جميع البلادين

وكلٍ يقدّم عن رصيده وثايق

مرضاك في هالكون وصلوا ملايين

ويزيد رقمك في الدول بالدقايق

حصدت مالأرواح بحساب شهرين

مالا تحصد حروب تشعل حرايق

https://www.al-jazirah.com/2020/20200527/tr_68_1.jpg

[خيال مطير]

من الارشيف

ياصاحبي جيتك ولي عندك امرين
حــســب الـمـخــوه والــغـــلا والـصــداقــه
ونتـه تعـرف الزيـن والخـافـي الشـيـن
وعــنـــدك عــلــومــي جــلــهــا والــدقــاقــه
علم{ن} تعرفه مـادرو عنـه الادنيـن
حطيـتـك اقــرب مـــن قـريــب الـرفـاقـه
ويـالـيـتـنــي خـلـيـتـهــا عـــنـــك بــعــديـــن
يـامـنـكـرن مــعــروف جــــزل الـعــلاقــه
حـتــى قـدوعــك راح عـنــد الـوراعـيــن
مــاذقــت مــــن تـمـرتــك حــتــى ذواقــــه
الله هــو الـديـان هــو قـاضـي الـديــن
يـقـولـهـا الــــي يــمــك الــحــض ســاقـــه
والله لــــو انــــي داريــــن قــبـــل ثـنـتـيــن
ان الـــخـــوي وخـــوتـــه لــــــي عــشــاقــه
ماتلتـفـت مــن نـاظــري يـمــك الـعـيـن
وسـمــك لـحـطــه بـالـحــروف الـرقـاقــه

[ناصر الهواوي]

هلابك يالخيال والله يسلمك وصح بدنك وصح لسانك ولاهنت
كنت اشتغل تعبان عمال ما فيه=والشغل خلصته باروح اتقهوى
راجعت ما سوي ولا شي الاقيه=وكتبت هذا الشغل متروك سهوى
ولي رجعه ان شاء الله هههههههههههههههههههه

[ناصر الهواوي]

اوووووووووووووووووووووف= اوووووووووووووووووووووف
وينك عن عيونٍ تكاظم دموعها=من روحتك صكات بقعاء تصوعها
ما ودها تفرح بها عين شامته=لو من عبايرها تهشم ضلوعها
تشوف شمعات الوناسات تنطفي=ما عاد باقي غير سايح شموعها
ادق سلف الجيب واروح وانحرف=النفس اعللها واعزز قنوعها
بقولتي ما ضاقت الا وتنفرج=بقول الحقيقه ما تجريت اروعها
ان بكَّر الوسمي عسى اول سحايبه=وبله على الواد المسمى وقوعها
يومين من سيله ما احد هاز يقطعه=وعقب العطش طلحه تروت فروعها
لجل لامريته وقد بان باذره=واجمل نواويره تبين طلوعها
لريفه المبطي بي اتعود ذاكره=لو كان ما طوّْل بنفسي هجوعها

[حمد الخالدي]

السلام عليكم ورحمة الله وبركاته
أسعد الله جميع أوقاتكم بكل خير
أعلم يا إخوان أن سجن القوافي هو مجمعكم الدائم وأني سأجد الجميع هنا
دمتم بخير وصحة وعافية

[خيال مطير]

صح لســــــــــــــانك يابو عبيد منور السجن ي الخالدي بعد طول غيبه

[خيال مطير]

البارحه يا زين نومي تغيّر

وأنت السبب يا بو عيون الكحيله

والله لو في البيض قالو تخيّر

مختار غيرك لو ما فيك حيله

من عقب ما شفتك وفكري تحيّر

وعليك روحي يا حياتي عليله

ذبحني ياللي صدفني مسيّر

وتركتني من فوق صالي مليله

شردت من حبك وقمت اتذيّر

لا شك مكتوبٍ ولا فيه حيله

ظلمتني الله يعين الفقيّر

لامن جيفتوا همكم من يشيله

[خيال مطير]

عيسى الأحسائي

في شارع عبدربه صادفوني

ثلاثٍ رايحين الصالحيه

علامات الهوى يوم ناطحوني

عليهم بيّنه ماهي خفيه

رجعت ابغي السلامه والحقوني

اظن أنّهم نووا فيني بنيه

انا منحاش لكنهم بلوني

على يا هل الهوى كيف القضيه

اعترضوا في طريقي ووقفوني

وقالوا ليش ما عندك حميه

قلت انا غشيم وسامحوني

سموحه كان جا منّي خطيه

اعرف انكم عرب ما ترحموني

خشوّنة نفس وقلوب قويه

قالو لي السموحه وعاهدوني

على الإخلاص لي من طيب نيه

[خيال مطير]

على وين

على وين يالغالي على وين .. على وين شديتوا الرحايل
على البعد والمسفار ناوين .. ودمعي على خدي همايل

عناوين اعطيكم عناوين .. علشان تبعثوا لي الرسايل
غزالٍ ربى بين البداوين .. و جنسين في هالدنيا قلايل

على الفرقه محنا بقاوين .. ونار الهوى تعمل عمايل
جروحي عجز عنها المداوين .. سبب إبلاي ام الجدايل

وغيرك حشى محنا بهاوين .. ولا أريد انا غيرك بدايل
على وين يالغالي على وين .. على وين شديتوا الرحايل

[خيال مطير]

ياهاجسـي ماعـاد فيـهـا تــردد
....................ورّد ضوامينـا علـى كـل مـيـراد
سقهـا مغاتـيـرٍ تـحـن وتَـلَـدد
....................لاخالف المربـاع مرحـان الاجـواد
بنات هـرشٍ طيـب ساسـه مـردد
....................فنـس الخشـوم مخيبـة كـل نقـاد
شافن سحـاب الوسـم وقعـه تمـدد
....................كنه يناديهـن علـى طـوي الابعـاد
ياهاجسي لاهنـت / والوقـت جـدد
....................فينـي مداهيـل المشقـه والانـكـاد
من ثقـل همـي قـو حيلـي تهـدد
....................ياونتـي مـن جايـر الـوقـت لازاد
غيّـر مسـاري مـن قسـاه وتعـدد
....................ياكثـر مايلفـي علـى غيـر ميعـاد
ويـلاه يـوم انـه علـيّـه تـشـدد
....................اقسى من امريكا على شعـب بغـداد
مثل العرب بـ/اشجب /واصرّح /واندد
....................وانا اعرف ان الحظ لو طـاح مافـاد
وان سقت ذودي يـوم حلمـي تبـدد
....................علـى عقيـدٍ بيـن عقـده وعقّـاد
مقصـود نفسـي فيـه شـيٍ محـدد
....................يكرم مغاتيري وانـا راعـي ا/شـداد



.

عبدالله بن محمد العصيمي

[خيال مطير]

أطرق بحور الشعر وأدْرِج خوافيه=وأدوّنه لأهل الأدب والحضاره
وأرمز حروف القاف وأحكم معانيه=ويضيع منهو يدعي بالشطاره

وأن ماحكمة القاف ماني براعيه=ولاني بشاعر دام شعري خساره
يامتابعين الشعر هذي دواعيه=وكل ٍ على شعره يصدر قراره

واليوم أصّدر غاية القصد وأبديه=وأشفّر المعنى وأذيع إختصاره
وأبنسج الموضوع وأنعت مساريه=وأبين أوضاعي بصمت وأوقاره

صبرت مير الصبر جاب المشاريه=ومهما كتمت السد زاد إنفجاره
عزي لقلبٍٍ واهم الضيق حاشيه=لخبط عليه الوقت وأخلف مساره

يسهج عليه الحال جملة مناشيه=ويفوح صدره بين تاره وتاره
وياخذ مع الهاجوس شتا نواحيه=وعقب أنتظام السير بان أنعثاره

مدري وكيف الوضع تبدي مواريه=دام الزمان الشين زاد أنحداره
أمد حبل الوصل والناس تطويه=وأقدم المعروف وألقى أحتقاره

وأبين التقديري والعكس يثنيه=وأخذ تعجّب بالدهر وأندماره
على طريق الحق ما نيب غاويه=من فضل ربي دايماً بالصداره

لكن علي الوقت كثرة حكاويه=وكل ٍ على ما صار ولع شراره
وأصبحت أراجع في وماني وأداريه=ولا شفت شئٍ صار يجلب إثاره

لكن مدام الوضع مقصود تمويه=خل الضعيف يعيش ما من جداره
واليوم هذا العلم جاكم بما فيه=من شاعرن للقاف طاب إختياره

هجس المعني داخل الصدر يزويه=ويبيّن المضمون لأجل إعتباره
وتم الكلام المختصر في مبانيه=ومخـفّـي المقصود داخل عباره


خيال

[خيال مطير]

https://www.youtube.com/watch?v=iDdoE6z-ngA&t=16s&ab_channel

[رحيل]

اسعد الله مساكم


البقى يا ابو عبيد وصح بدنك
وصح لسانك شاعرنا


جوج
الله يبقيتس ياعيوني ويسلمتس
النور نورتس يابعدي

صح ذوقتس

يسلم ذوقك وختيارك خيال


الخالدي وعليكم السلام ورحمة الله وبركاته
ووقاتك اسعد واجمل

[شاعرة نجد]

السلام عليكم ورحمة الله

كيفكم رواسينا,واسعد الله اوقاتكم
وصحت السنتكم وطابت ذوائقكم وداام حضوركم

وسلمتم ودمتم,’’

[شاعرة نجد]

يالجوهره قولي لنا وين رحول=خيال ولد الغامدي وين داره
حتى غياب الشاعره غير معقول=كديميس غايب كم لنا بانتظاره
اليوم ما بالسجن حاضر ولا زول=الا الخفير البارحه شفت أثاره
وقررت اقول وكنت ما ودي اقول=وهجس الشعر وافق قراري قراره
بس مانيب قايل هههههههههههههه

صح لسانك مبدعنا
وشكرا جزيلا على اهتمامك وسؤالك عن الجميع
من طيبك طال عمرك وماتفقد غالي

رد ع الطاير:smile:

يحّول يـ ابو عبيد يحّول يحّول
هيضتني والشعر شبيت ناره

وانا بسفره ودي اني على طول
أعيشها ماهو مجرد زياره

واليوم عدت وجدت والحرف معسول
باللعب من جزل القصيد بجداره

تاخذ بنا الايام فـ العرض والطول
ونْعوود لو طال الغياب ومساره,’

[الجووهره]

تاخذ بنا الايام فـ العرض والطول
ونْعوود لو طال الغياب ومساره


هلا بك شآعرتنا المبدعه
نورتي بعد الغيبه سلآمة الاسفار
وصح لسآنك على المجآرآة الرآئعه
ودآم حضورك وابدآعك

[الجووهره]

وهلا بالجميع منوورين
شاعرنا الهواوي
صح لسآنك ودآم ابدآعك

خيالنا
هلا بك ويسلم ذوقك ودام ابداعك

وهلا بك جميلتنا رحووله منوووره

[الجووهره]

شاعرنا الخآلدي
وعليكم السلام ورحمة الله وبركآته
هلا بك يسعد أيآمك وعودا حميدا
بانتظار ابدآعك

[ناصر الهواوي]

اسعد الله جميع اوقاتكم/رواسينا وراسيتنا الغالين
الخالدي وعليكم السلام ورحمة الله وبركاته وعودا حميدا طمنا عن صحتك ومن يعز عليك لأن غيابك
مروع هههههههههههههههه
شاعرة نجد وعليكم السلام ورحمة الله وبركات وحمدا لله على السلامهوصح الله لسانك
على هالدره واللي نعتبرها السبب الرئيسي في فقدنا لك مع حب الجميع للجميع من باب زمالة الحرف التي استمرت لوقت طويل حتي وانا اتكلم عن نفسي اعتبر كل واحد وواحده اخو واخت
واحس بوحشه لفقد اياً منهم
ارحبي يالجوهره والله يحفظك وصح بدنك
حيا الله رحيل ودام تواجدك وصح بدنك
حيالله خيالنا وسلم ذوقك وصح لسانك وبدنك بس عندي سؤال
من القصيده يتضح انك شاعر ما انت هين
ولا مره وانا احيانا اسند عليك اجبت او جاريت احد؟؟؟؟؟!!!!!!!!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
سبحان من نجا الكليم من الغرق=وله انفلق ماء البحر كالطود العظيم
وجا يتبعه فرعون طغيان وغرق=ومن ماءه البارد الى سوء الجحيم
وبصومنا عن كل مبتدعه فرق=نعمل على السنه ومنهجنا قويم

[ناصر الهواوي]

حيالله الشاعره بعد السفر= وحييت يالخالدي بعد الغياب
بهم التراحيب ما منها مفر=والشعر بالصوم ما ظني يعاب
ليا اشملت خلت ايمين الحفر=وبشط نصف القمر حطت ركاب
لـ فاح كيل الغيابات وطفر=خلوا لنا في جدار الياس باب
حتى لو السود حاستها العفر=كلٍ مع وجودكم يصبح شباب
يكر في سوق الابداع ويفر=ويشري غواليه ويجاري عذاب
ما ودنا تاصل لرقم الصفر=كيف انتصدق ولا يوجد نصاب
ــــــــــــــــــــــــــــــــــــــــــــــــــ ــــــــــــــــــــــــــــــــــ
وسلامة الجميع والله يتقبل منهم

[خيال مطير]

يحّول يـ ابو عبيد يحّول يحّول
هيضتني والشعر شبيت ناره

وانا بسفره ودي اني على طول
أعيشها ماهو مجرد زياره

واليوم عدت وجدت والحرف معسول
باللعب من جزل القصيد بجداره

تاخذ بنا الايام فـ العرض والطول
ونْعوود لو طال الغياب ومساره,’


صح لسانك شاعرتنا ..

[خيال مطير]

صح لسانك يابو عبيد
وصح لسانك يالجوهره
وصح لسانك رحيل
وذوقكم الراقي

[خيال مطير]

https://www.youtube.com/watch?v=X1IfbqGlZZs&ab_channel

[خيال مطير]

https://www.youtube.com/watch?v=UZ7uv4kLFrQ&ab_channel


https://www.youtube.com/watch?v=Ub7s_f6582Q&ab_channel

[خيال مطير]

يقول خيال

وتل قلبي تلته مني عجايب
تلة الهافات للديار المخفيه

كملها يابو عبيد

[خيال مطير]

ويقول خيال

خشمان ياخوي جودلي درقسونه

واحذر من النوم عان النوم ماجاني

امس الضحى من دون ضلع طويق من دونه
واليوم عانه يسير يم ندياني

[الجووهره]

‏يالله صباح الخير (في خير الأيام
‏واللي طلب رحمتك تغفر ذنوبه

‏وصلى الله وسلم على خير الأنام
‏لعلنا ننهج....... ونسلك دروبه


يسعد صبآحكم
وطآبت جمعتكم بذكر الله
والصلاة والسلآم على رسول الله

اللهم صلّ وسلّم على نبينا محمد
وعلى آله وصحبه أجمعين

[الجووهره]

وصح لسآنك شآعرنا الهوآوي
وصح لسآنك خيآلنا ويسلم ذوقك

[ناصر الهواوي]

اهلا بالجوهره وصح بدنك وصح ذوقك ودمتي وسلمتي
ارحب يالخيال وتكرم عينك هاي مجاراة
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
وتل قلبي تلته مني عجايب
تلة الهافات للدار المخيفه
ــــــــــــــــــــــــــــــــــــــــــــــــــ ـــــــــــــــــــــــــــــ
تل قلبي يوم تلوه الحبايب
تلته للهاف للدار المخيفه

باللزوم اللي طرا ماهو بهايب
صملة الملهوف وارسل له وليفه

الهنوف مسرحة شقر الذوايب
بكيفها يمشي ولو خالف لكيفه

حب لول وجمر فيه الشهد ذايب
لسان حاله قال من يقدر يعيفه

مهرةٍحين اسرجوها للحرايب
وعين حرٍ هِدْ هجماته عنيفه

كان هذي تصلح اوصاف لعجايب
وكل ليله بالمنام اتشوف طيفه

بس طيف/انا اشهد ان خيال خايب
وقاتله من حبها قد سل سيفه

[ناصر الهواوي]

انا والله ان في خاطري شي يالخيال
يثور ويتك الصدر ضيقه وينفشي

يناديه ليلي كل ما اظلم ولا يزال
حتى يبهته فاضح بنوره وينخشي

لجل من تخفي بدر خمسة عشر بالشال
دقايق قليله من حيا قبل ينطشي

يفرّْق خصايل من ذهب عن شبيه هلال
ورمشٍ تشكى وجنته منه ما غشي

يفصل بين سود عيونها صارمٍ قتال
ولها خاتمٍ منه المعاليق تنحشي

بلى عهد كل اللي ذكرته على ما قال
غروره نكب عفشه وحاس الجفا عفشي


ههههههههههه=هههههههههه

[رحيل]

ظهر الخير (:

صححت السنتكم واذواقكم
و دام هالابداع عساه ما ينقطع

دخلت آلا جاني مشوار ):
آلمهم منورين جميعًا

[ناصر الهواوي]

تقصدين عساه ما ينقطع ههههههههههههههه
حياك وما تشوفين شر

[ناصر الهواوي]

كلٍ يحاول يعدل نومته للدوام=لكن لي نومةٍ ياصعب تعديلها
كملوها ههههههههه

[شاعرة نجد]

الله يصح لسانك يـ الهواوي
مبدع بلا منازع,داام حضورك وفاخر سطورك
وشكرا جزيلا على هـ الترحيبيه الكايفه

وصحت السنة الجميع وذوائقهم ولاعدمنا تواجدهم الممتع
وصحت ابدانكم,الهواوي,خيال,الجوهره,رحيل

وسلمتم ودمتم

[شاعرة نجد]

كلٍ يحاول يعدل نومته للدوام=لكن لي نومةٍ ياصعب تعديلها
كملوها ههههههههه

والجد جد ومدارسنا على مايرام
والحجر ولاّ والازمه ربك يزيلها

واللي جفى النوم عينه من عذاب الغرام
يكتب حروف القصيد العذب ويشيلها

[شاعرة نجد]

تسليه من جديدي

يازينها يازينها رااحت البال
مْن الوله والشوق لـ ايّست وارتحت

ماكنت اظن اني على الصبر بـ احتال
إيلين قمت وطحت ثمْ قمت ثم طحت

وجريت لي من صادق الروح موال
لولا القريحه فضفضت ضيقتي صحت

حمام ياللي كل مـ الغصن بك مال
وهب النسيم وجاز لك جوّك ونحت

تعال شف دمعي على الخد (يُم)سال
فاحت دْلال الوجد من نوحك وفحت

[كديميس السيحاني]

صح لسانك مبدعنا
وشكرا جزيلا على اهتمامك وسؤالك عن الجميع
من طيبك طال عمرك وماتفقد غالي

رد ع الطاير:smile:

يحّول يـ ابو عبيد يحّول يحّول
هيضتني والشعر شبيت ناره

وانا بسفره ودي اني على طول
أعيشها ماهو مجرد زياره

واليوم عدت وجدت والحرف معسول
باللعب من جزل القصيد بجداره

تاخذ بنا الايام فـ العرض والطول
ونْعوود لو طال الغياب ومساره,’



اسمحوا لي بلمجاراة ✋🏻



هاك ارتجال الشعر ماهو بمنقول
قولي ومن هو ينتظر له وقاره

نغيب لكن معكم نعيش بعقول
و نتابع المسجون داخل دياره

منك السماح و مننا العذر مقبول
عسى تصلي لك صلاة استخاره 😁

و ان ما بغيت تقول يا راعي القول
يُعلن حداد السجن في كل حاره


مع تحياتي للجميع
،
،،
،

[كديميس السيحاني]

والجد جد ومدارسنا على مايرام
والحجر ولاّ والازمه ربك يزيلها

واللي جفى النوم عينه من عذاب الغرام
يكتب حروف القصيد العذب ويشيلها


ليت الهواوي مشده مبتدي بالسلام
و غفوات عينه يعاند عدلها ميلها

و من شاعرة نجد ف آخر بيت ثار العسام
و اهل القلوب الخضر تشعل قناديلها

يا ليل ياليل ليش الطرف عيا ينام
حدوووه يم السهر يوم انتصف ليلها

و انا اخبر الليل مايوحى لسجع الحمام
حتى تهيض المشاعر مع مواويلها

في عالمي صمت و الانفاس صارت صيام
و ما كل زفرة تخفف من غرابيلها

و يا حرف شعري ليا سلمت قبل الامام
مرسى هجوسي وروده فاح اكاليلها

و سجن القوافي لو اشكي له علي الحرام
ليقول تباً ل ليل الصمت يا ليلها

[كديميس السيحاني]

تسليه من جديدي

يازينها يازينها رااحت البال
مْن الوله والشوق لـ ايّست وارتحت

ماكنت اظن اني على الصبر بـ احتال
إيلين قمت وطحت ثمْ قمت ثم طحت

وجريت لي من صادق الروح موال
لولا القريحه فضفضت ضيقتي صحت

حمام ياللي كل مـ الغصن بك مال
وهب النسيم وجاز لك جوّك ونحت

تعال شف دمعي على الخد (يُم)سال
فاحت دْلال الوجد من نوحك وفحت


شاعرة نجد
ابداع يتجدد كالعادة
لا فض فوك ولا انلجم لسانك
دمتي بخير
اخوك العود

[الجووهره]

ياهلا بالجميع منووورين
وصحت الالسن ويعطيكم العافيه
على الابدآع والحضور الجميييل

[ناصر الهواوي]

اهلا يابو منصور وصح لسانك وبدنك
حيالله الشاعره
ومرحبا بالجوهره ورحيل وخيالنا
يامرحبا ياهلا من بعد رد السلام=سلَّمت لين افختت دلوي محاحيلها
حتى صدى الصوت مني صار فيه انعدام=اصخّْر اذني لمردوده واوحيلها
بيطارنا شيخ قاف وشاعرتنا مدام=معها ومعه آخذ الدورات واحيلها
لهم ومنهم عساي اظفر بكلمة تمام=ءشروق انحي له الصوغه وانحيلها
اثر ابو منصور مشتقيٍ بنوح الحمام=يطرب على السجع وان ناحت يلاحيلها
والشاعره مغرمه بالورق ما به كلام=تقسي عليها ونوب اتقول ياحليلها
مادامهم هكذا مثلي حرامٍ يلام= رقيت في قمةٍ كادت محاوليها
لاوقت لي من مطفه شفت تحتي غمام=وان صحت رد الصفا وش حدك اتجيلها

[شاعرة نجد]

مساء الخيرات والمسرات

وصح بدنك يـ ابومنصور والابدااع تواجدك
وصح لسانك على هـ الدرر

وصح بدنك الجوهره لاعدمنا حضورك
والله يحييك ويبقيك يـ الهواوي
وصح لسانك على الكايفه النايفه ولاعدمنا ابدااعك
تقديري للجميع,’’

[خيال مطير]

اهلا بالجوهره وصح بدنك وصح ذوقك ودمتي وسلمتي
ارحب يالخيال وتكرم عينك هاي مجاراة
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
وتل قلبي تلته مني عجايب
تلة الهافات للدار المخيفه
ــــــــــــــــــــــــــــــــــــــــــــــــــ ـــــــــــــــــــــــــــــ
تل قلبي يوم تلوه الحبايب
تلته للهاف للدار المخيفه

باللزوم اللي طرا ماهو بهايب
صملة الملهوف وارسل له وليفه

الهنوف مسرحة شقر الذوايب
بكيفها يمشي ولو خالف لكيفه

حب لول وجمر فيه الشهد ذايب
لسان حاله قال من يقدر يعيفه

مهرةٍحين اسرجوها للحرايب
وعين حرٍ هِدْ هجماته عنيفه

كان هذي تصلح اوصاف لعجايب
وكل ليله بالمنام اتشوف طيفه

بس طيف/انا اشهد ان خيال خايب
وقاتله من حبها قد سل سيفه




صح لسانك يابوعبيد ع هـــ ألمجاراة
الفخممه .
صح الله الســـــــــــنتكم جميع

[خيال مطير]

https://www.al-jazirah.com/2015/20150904/lp878787_2.jpg


أركب على اللي جديداتٍ مساميره
شاريه كاشٍ بليّا ديَن وأقصادي
زعلني الكهرب إن جتني فواتيره
باروح للبَرّ وبنزل عند الأجوادي
مالي بقصرٍ تمدد به مواصيره
حس المكيّف بوسطه تقل رعّادي
والله ما غبطْ الذي شيَّد مقاصيره
لو فرشته زَلّ روميات وجدادي
من طلعتي ما أشرب البيبسي ولا البيره
ولا نيب أحبْ شوفة الكوره ولا النادي
أحب شوف الصحاري وأبغض الديره
ماني من اللي بوسط المدن قعّادي
البَرّ هو منوتي مالي هوىً غيره
أحب شوف النفود وشوفة الوادي
وأحب شوف الربيع إليا سجع طيره
فيه أم سالم تجرّ الصوت وتنادي
وأحب شوف الدبش ورده وتصديره
وأحب شوف الغضي مركوز ألانهادي
فالقيظ كلٍ تشوفه قاطنٍ بيره
تلقى الرواوي على الماء جمع وأفرادي
لا جا التويبع وهبت به معاصيره
تلقى على الماء بنات البدو ورّادي
ينساح بالي ولو كثرت مشاويره
هذا مناي وهواي وغاية أمرادي

عبدالرحمن بن محمد بن قاسم العنقري

[شاعرة نجد]

https://www.r111n.com/t41553.html

يشرفني مروركم

[شاعرة نجد]

تسالي

ياليل لاتكشف خفى الروح ياليل
خل الظلام يْعم حتى الخفايا

أعشق سكونك مع جميل التعاليل
هي غايتي هي متعتي هي منايا

واميل للخلوه وللشعر واميل
للصمت لاعكر عجاجي سمايا

لقيت في صمتي لذاذه وتفضيل
على النقاش مْعْ العقول العمايا

وابهر الدله واكثر من الهيل
واصب للهاجس ويشرب معايا

[كديميس السيحاني]

تسالي للسجين اللى توارى من ورى القضبان
نغنيها على المنكوس ولحونٌ هجينيه
،
،،
،

يا زياد ان كان هيضت بي خافِ الهجوس
خذ صدى البيتين يوم انطلق محبوسها

الليالي يوم تقبل لها وجهٌ عبوس
يصبر المؤمن و لو شاف حد ضروسها

و الليال ليا اقبلت باسمه مثل العروس
ما تغر اللي خذى من قديم دروسها

هي دول بين المخاليق كم تعطي دروس
من صفاها ومن كدرها بتُشرب كوسها

لو عطاها الله حُكم ، كم قيام وكم جلوس
عند ماطاها طمع في رضاع ديوسها

خذ قياس من البشر بين حارس و محروس
و روس منهانه و روسٌ تعز نفوسها

[كديميس السيحاني]

في عالم الصمت شفت النجم وهاج@
و ما شفت لو عُشر ربحي ف التجارة

و ابي انشد الليل ، كسرة عاج تنعاج@
هو يُقتل الفيل في عصر الحضاره؟

ياليل عطني جواب و لو به احراج@
و معك العوارف وتفهم بالاشارة

و يا بحر يا اللي تلاطم فيك الامواج@
ما عاد به در في وسط المحارة

القطر ما لقّح المحار لو راج@
و ماء القوع يا بحر ما ركد غباره

على ضفاف اللحن مع شوك ديباج@
يضفي ستاره و لو زاحوا ستاره

اشوف كل عطى فرجه و منهاج @
والسلم الاول بدا خط اندثاره

و ما يُذبح الفيل لولا كسرة العاج @
و الزند ما غير يقدح له شرارة

و منه الفتيلة لهبها كنه سراج@
و كم منه زبن الكرام تشب ناره

[كديميس السيحاني]

لازم نعلم بها شيخ القبيلة
يوم مرينا هنا لاجل الزيارة

كيف سجن ومالقينا فيه زيله
لا السجين ولا نبشتيّ الخفارة !!!
؟
؟؟
؟
��

[عبدالله الدّنّيش]

السلام عليكم وأسعد الله صباحاتكم وجميع أوقاتكم

صفحات مملؤة ماشاء الله بإبداعاتكم .. ما أقول غير صحت ألسنتكم
ودام إبداعكم .. ونرحب بشاعرنا الشيخ كديميس .. نورت السجن
مرحبا بك وبالجميع .. ولكم جميل الثناء على حضوركم كلكم ،،

[عبدالله الدّنّيش]

أبو عبيد حط بيت عن النوم ويعاتبنا .. ومن طفشه قال كملوها
وهذا بعض التكميل .. وقد سبقني من سبق .. يا سبقوا بي هههه
&
سلام يا صاحبي وأقوول لك يا سلااام = خليتنا نبدع القيفان ونشيلها
مرة نغني على طرق الهوى والهيام = ومرة نتمتم بوسط الصدر ونقيلها
وأحيان نبدي ولكن ما نطيق الكلام = نحتار في رفعة الشلة وتسجيلها
إنبح صوت الغناوي ما يجي ع المقام = من كثر شد الوتر رخت محابيلها
واليوم شديت حيل القاف بأقوى حزام = وقلت يا قاف قف وأنظم حروفي لها
ريانة العود زارتني وأنا بالمنام = وقمت أسوجع غناويها وتمويلها
موالها بان حتى لو تميط اللثام = وعيونها الدعج سودأ قبل تظليلها
والخد صفحة قمر ساطع بليل التمام = ضوّى على شمعة الجلسة وقنديلها
طربت حتى الثمالة وأسكرتني غرام = وطرت في جو يرفعني خيالي لها
هي كوكب الشرق حازت من شعوري وسام = كني مع الكوكبة تومي بمنديلها
يا ليل الأحلام طوّل لا تجي بالجهام = وتكفى تفسر لها حلمي وحبي لها
^-^
وأحلااااام سعيده

[ناصر الهواوي]

ياصباحات الخيرات والمسرات ع الجميع
لوعلمت بوجودكم ما نمت لكن ما عودتونا بهكذا صولات وجولات
اهلا بشاعرتنا تسالي روعه ابا انسجن لجل تلك التسالي منك ومنهم تصير من نصيبي ههه
ابو منصور يالروعة الابداع والامتاu لكن روعتني بالفيل وعاجه وتاجه
الخيال لاشكر على واجب
ابو عامر حياك الله وبياك وصح لسانك مليون ولا يسدون وهذا اللي محببني فيك والا الشعار كثر
وين الجوهره ورحيل غابن عن السهره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
يابو منصور حارس سجننا له راتب ماسد=قصر عن سد مصروف العيال وراح للخضره
وحنا عاذرينه لو تغيب نعرفه محتد=لكن بريهته والقايش الماخوذ فـ الحجره
وقبل لاتلد فينا راح وقت ولا حدٍ به لد=وكلٍ من كرونا صار به يامسندي دجره
بغا يدهر وكلٍ نوخ ابعيره وشال وشد=ومن لا له جمل له نوخو ريمان بالاجره

[ناصر الهواوي]

إي والله صحت الالسن
ــــــــــــــــــــــــــــــــــــــــــــــــــ ــــــــــــــــــــــــــــــ
هبوب الجنوب اتهز خضر الجرايد هز=ومزعج لذات الطوق قوة تهزهزها
وفي مجلسي ومقابلٍ للنخل واقز=بعيني هزيزه قد عجبني تعنزها
تخم السعف بجناح وجناح فيه اتكز=عسيبٍ عليها ادوى بشوكه يطززها
وخف الهواء والراعبيه بمجلس عز=تحت ماء وفوق التمر لاشي معوزها
بعد ما استقر الوضع قامت علي اتدز=ونينٍ على كبدي سهومه يغززها
ليا استتبعت وناتها بالنواح تحز=مشابك عروق القلب خطرٍ تنقزها
استرجع بصوت وصوره اللي مضى وافز=طفقات المشاعر ما طرالي يحفزها
تقول اوقدت بين المحاديب شعلة قز=وكل الطواري باشرت في مراكزها

[شاعرة نجد]

ابومنصور,الدنيش الهواوي
صحت السنتكم شعراؤنا المبدعين
وعودا حميدا شاعرنا الدنيش
وصح لسانك على هـ الابداع والامتاع

دام الحضور ,’’

[شاعرة نجد]

إي والله صحت الالسن
ــــــــــــــــــــــــــــــــــــــــــــــــــ ــــــــــــــــــــــــــــــ
هبوب الجنوب اتهز خضر الجرايد هز=ومزعج لذات الطوق قوة تهزهزها
وفي مجلسي ومقابلٍ للنخل واقز=بعيني هزيزه قد عجبني تعنزها
تخم السعف بجناح وجناح فيه اتكز=عسيبٍ عليها ادوى بشوكه يطززها
وخف الهواء والراعبيه بمجلس عز=تحت ماء وفوق التمر لاشي معوزها
بعد ما استقر الوضع قامت علي اتدز=ونينٍ على كبدي سهومه يغززها
ليا استتبعت وناتها بالنواح تحز=مشابك عروق القلب خطرٍ تنقزها
استرجع بصوت وصوره اللي مضى وافز=طفقات المشاعر ما طرالي يحفزها
تقول اوقدت بين المحاديب شعلة قز=وكل الطواري باشرت في مراكزها


=وكل الطواري باشرت في مراكزها


الله,الله,الله
زائيه في غاية الروعه والابدااع
صح لسانك شاعرنا على هـ العذبه المميزهـ
مبدع مبدع.,,

[شاعرة نجد]

أبيات كيبورديه:smile:


وين السجين اللي يبينا نسليه
لامن خفير وُلاسجينٍ لقينا

عدنا نبي شعرٍ تسلي قوافيه
نبي حماس السجن منا وفينا

تسالي وكلٍ بهجسه وطاريه
ونْوسع الخاطر ولو ماسلينا

نقضي طويل الليل نقضيه نقضيه
في منتجعنا لاسرى مادرينا

سجن القوافي كم كتبنا الشعر فيه
وكم عذب شعرٍ في سطوره قرينا

لولا الهواوي طول الايام محييه
كان انتهى والله يعوّض علينا

واليوم نَبْيَ بْفاخر الشّعْر نبنيه
نعود ويْعود الجديد بْيدينا,’’

[خيال مطير]

الثلاثاء 16 محرم 1443

صح الله الســـــــــــــــــنتكمم جــميعع

من الارشيف

ياضلوعي هجدي قلب يصيـح = لايبيح بي مـع العالـم خفـاه
الهوا سلمه صريح مع صريـح = ماهو إحساس نسي قلبـه وراه
والمحبه موضع الوضع الصحيح = ماهو شويق يجيه اللـي بغـاه
ياضلوعي لو يصيح ولو يطيح = ماله إلا عشقه اللي قـد زهـاه
مسألة راحه مع إحساس المريح = بين راحة من معـي ولا معـاه
الغلا مكسب نصيح له نصيـح = هو بلا قلب تعشـم فـي بـلاه
__________________________________________________ ___


سـلام الله سلاماًفيـه كـل الـود والتقديـر=
=سلاماُ يشمل المشرف مع الاعضاءوالـزوار
سلاماُ لاهل الطاله هل الجزلات مابـه غيـر=
=هل الطيبه هل الحكمه هل الالغازوالاشعـار
رجالاً تنطق الحكمه مثـل مايكتـب التعبيـر=
=نسميهم رجال اهل الوفاء والطرح والافكار
اذا تبغـا العلـوم الطيبـه وتزيـد بتنويـر=
=ابدلك على من هو تسميـه الصديـق البـار
هذا قولي واظن القول مايحتاج لـه تفسيـر=
=رواسي نجد مابه عن رواسي نجد فيـه اخيـار
مادام اني اشوف المنتدى فالشعر دوم بخيـر=
=واكرر كلمتي واقولهـا دوم الكبـار كبـار
يقوله شاعراً توه بدا والعذر فـي التقصيـر=
=اقوله والرجال الوفيه تقبـل لـي الاعـذار
_______________________________________


هلا حــي الــجــواب اللي لفاني مــا يبا تفــســير=
= قنــص جــزل المعاني ثم جاب إلنا نوادرها

شرح عن حالتن دايم على بعض الرجال تـصير =
= ولا يـــمــكن تميز بين مسلمـها و كافرها

اشوفك قمت تشكي من ضروفاً قد شكاها الـغير =
=هــذا طبـع المحبه تـدمي قلوب بخناجرها

ترى من هو ورد عـد الهوى خوفه من التصـدير=
= ولا به شخص قال انه روى من نوء ماطرها

هذا مــوج البحور ولا تشــبه وردتــه للـبــيــر =
=غرق فيها الدجيماء راجع الكتّب ومصادرها

غرق مجنون ليلى بعد ما حصل من التـعزير=
=وغـيره مــن رجالاً بالهـوى هلت عـبايرها

انا شايف قلوب الناس قامت تــقبل التخديــر =
=قلوبن فارغه لو كلمتي تجرح مشاعرها

اذا الرجال همه بس حب ولا يبا التطــوير=
= يبا يحكم عليه انه من عقولاً تصاغرها

خذ الحكمه ترى هالحب حبله لو يطول اقْصِيّر =
= وكم ناساً وطا حبل المحبه فوق صابرها

ختام السالفه جاتك رساله في جناح الطيــر =
=من أهل العرف يوم انك نويت انك تشاورها

________________________________________

غداء أم فيصل مها العتيبي بجنوب افريقيا كرامة غازي الذيابي وابوه وعمه واخوانه وعيال عمه
وتوزع شهدات تخرج للطلبه وتكرمهم ع حسابها بيض الله وجهااا ,
لقاء غازي المطيري

https://www.youtube.com/watch?v=O-ze8msoZ6k&ab_channe

ابوعبيد لاتقرب السجن يقولون مسكون

[ناصر الهواوي]

اهلا بشاعرتنا وصح الله لسانك ولا فض فوك ودام حضورك
ارحب يالخيال وعنني بالسجن ما اخاف من الجن انا اقرا وردي كل مساء وصبح
لكن التاليه روعه وكأنها اياكي اعني واسمعي ياجاره هههههههههههه
لكن لاتخليني بلا مهيله وتسالي وصح الله لسانك وبدنك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

خفير السجن من عقب ما ضيع المفتاح
رام اللي يقص قفول جبته وقصيته

وسوى لضباته بعد ما صدن اصلاح
وزين زرافيله وولع لنا ليته

وقررت انا اسكن فيه لين السبت وارتاح
وياليت من زاور يسلين ياليته

بقافٍ بطعم الشهد وآخر كما التفاح
اما اعارضه والا ليا جاز ماشيته

ومن بعد هذا ياحمامٍ هنيا ناح
لو بي صبر كان اسكتت ماكني اوحيته

ولكن غلا بالصدر قدر الغرام وفاح
ورجعني لقاف الغزل ينهدم بيته

بعد ريف غرسه من عطش بان به لولاح
لو غرسي بصدره ضمي بالعطف رشيته

تمادا بضغطي بالجفا والكنين انباح
بضعفي شمت وبقسوة القلب هنيته

تغابيت لين اللي براسه معشعش طاح
وتعزويت في روق وعن العرش كزيته

اتلى العلم به يهوي مقفي وكنه صاح
واتلى علمي بقلبي تبعهم وخليته

[ناصر الهواوي]

مري على السجن وسجينه وسليه=بنفسه سجن نفسه وربه يعينا
حرٍ ووقع بالشبَك من معاليه=لاحق داين له ولاهو مدينا
ثبَّت سيور الوكر طايع برجليه=وحيد ما عنده ونيس وخدينا
له رفقةٍ ماهيب عاده تخليه=ما فلتن ريش الرجا من يدينا
وابو فلاح اعقد امل في معاليه=وان دري صقرٍ بالجبل ما علينا
وكلٍ جوابه منه ويعود ايليه=سفره لمن راح وهلا من يجينا

[خيال مطير]

ابو عبيد ماشاء الله يعطيك العافيه

صــــــــح لسانك ابدعت وابشر بالتسالي والعلوم الطيبه
بجيب لك معي شوي حلتيت . وجاوني ,
وترا سحيت اليل . تجي كل مغرب انتبه منها

ون لقيت بقايا عظام في السجن هذي باقي عظام الغنانيم .

[ناصر الهواوي]

هههههههههههههههههه
ارحب يالخيال وليش الحلتيته والصبره والخفافيش عندي بالمزرعه ما تصدق تولع الكبوس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
لقيت البراد البارحه يوم انا نطيت=على سطح سجن القاف وامرحت (بالطايه)
شي من القديم اللي طرالي وعنه ابطيت=نعم رقيتي في طاية السجن لي غايه
تذكرت ما قد قيل لي كلما ضميت=تسقيك الغزيل بس غمض وهي جايه
ظروفٍ صعيبه لا مبرد ولا به ليت=ولافرش ناعم به ولا تعرف ملايه
هدو وسكون ولا تكلف ولا ايتيكيت=وسوق الحسد كاسد ولا تسمع وشايه
لحظة قال شفني رحت قال الزمن ذا جيت=وللي بدا لابد ما تحصل نهايه

[ناصر الهواوي]

وين ابو منصور ما شاف ابن عمه سجين=لخبط افكاره بفيله وراح ولا رجع
وكل شي بهالزمن مستحيل اصبح يقين=وفيله ان مامات بالرمي مات من الوجع
ووهقتني شاعرتنا وكلبشت اليدين=احسب ان السجن معهم يحوَّل منتجع
لو دريت ادخلت في عزبتي سمن وطحين=كان عصفور البطن لاشبع خبزه هجع
وبعذ هذا ياحمام مصبح له رطين=لاتنوح اتحوسني خل منطوقك سجع

[خيال مطير]

صح لسانك يابو عبيد . ماعاد ينفعك لاولدعم . ولا ورع خال
خلك في سجنك الين يجيك كفيل . ولا يوم السبت اكفل نفسك

[ناصر الهواوي]

يااااهوه يا ربعي على السجن مروا=على الاقل حتى تعرفون من فيه
والتسليه قافين فيهن تحروا=حال السجين وهاتوا اللي يداويه
نفسيته زيرو بعد ما تبروا=منه الولايف واحدثوا ما يعانيه
عليه اباليس الشماته تجروا=ولا فازوا بخدشة كرامة معاليه

[ناصر الهواوي]

خيال انا ما نيب طالب كفاله=ضرمان كيف ورغبتي بالتسالي
جب شاذليه كان تبي الجماله=وبراد تلقيمه ولاهو بحالي
وعليك كان امون حسب الزماله=جب لي ربع مضبي لو السعر غالي

[خيال مطير]

صح لسانك وابشر بريع مندي , الشادليات ,

عن طريق التطبيق ,

والتوصيل مجاني

خلك في سجنك اليــــــــــــن يجيك , ابو منصور يكفلك


https://www.limunh.com/uploads/imagesproducts/1563948588_K1Ffn6S4wNd8.jpg

[ناصر الهواوي]

سفره دايمه يالخيال ههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
طبع الليالي تاخذ اللي تجيبه=لو ضحكتك شوي لازم تبكيك
تظنها لاسانعت لك حبيبه=ما تسمع الا قول شبيك لبيك
وسطواتها لو كشرت بك رهيبه=تاخذك من شاهق علوك وترميك
في زينها وبشينها دوم ريبه=خلك فطين ولا تحكك علابيك
ــــــــــــــــــــــــــــــــــــــــــــــــــ ـــــــــــــــــــ
خذ الحكمه....................................

[ناصر الهواوي]

تسالي لي
،،،،،،،،،،،،،،
ياسجن انا جيت ودخلتك بطوعي
وانت تعرفني قبل ما اجيك مسجون

في سجن خمس نجوم كيفٍ ونوعي
رزه وقد وخد ورموش وعيون

للنور في طلة جبينه طلوعي
والليل ياخذ من سواد اشعره لون

ترا ورا الشيله تواضي شموعي
لو عنة البرقع على حد مسنون

قانع وهو مثله بخله قنوعي
وسر الغلا ما بين الاثنين مامون

قمة وفا من قبل واصبح قطوعي
لظرفٍ طرا او صدق اللي يقولون

اللي لهم في كل حاره فروعي
غيبه مجالسهم وحِسد وينمون

[شاعرة نجد]

السلام عليكم

أفاا يـ العلم
أثاريك فالسجن مادرينا وانشغلنا مامرينا هههه
وصح لسانك على هـ الروائع شاعرنا
وتسلم خفيرنا ماقصرت

ودمتم.,,

[شاعرة نجد]

https://www.alriyadh.com/media/article/2012/08/11/img/631092153266.jpg

لك حق واحْنا علينا حْقوق
يومين فـ السجن ماجيناك

والعذر جاا في سمانا بْروق
وخيال ماقصر وُعشاك

وهذا الغدا محمر ومسلوق
والكيف والعود عقبه جاك

قدرك على روسنا من فوق
يهمنا يالزعيم رْضاك

نبي من الشعر جزل وذوق
من عذب شعّارنا وغناك

أطرب على فاخره واتوق
وحياك ياهاجسي حياك

نظمت من بوح روحي طوق
لو نمت ياملهمه صحاك

إيه اتسلا كذا واروق
لو ماظهر ياشعر معناك

[خيال مطير]

تسالي لي
،،،،،،،،،،،،،،
ياسجن انا جيت ودخلتك بطوعي
وانت تعرفني قبل ما اجيك مسجون

في سجن خمس نجوم كيفٍ ونوعي
رزه وقد وخد ورموش وعيون

للنور في طلة جبينه طلوعي
والليل ياخذ من سواد اشعره لون

ترا ورا الشيله تواضي شموعي
لو عنة البرقع على حد مسنون

قانع وهو مثله بخله قنوعي
وسر الغلا ما بين الاثنين مامون

قمة وفا من قبل واصبح قطوعي
لظرفٍ طرا او صدق اللي يقولون

اللي لهم في كل حاره فروعي
غيبه مجالسهم وحِسد وينمون





صح لســـــــــــــــــــــــانك أبوعبيد

[خيال مطير]

https://www.alriyadh.com/media/article/2012/08/11/img/631092153266.jpg

لك حق واحْنا علينا حْقوق
يومين فـ السجن ماجيناك

والعذر جاا في سمانا بْروق
وخيال ماقصر وُعشاك

وهذا الغدا محمر ومسلوق
والكيف والعود عقبه جاك

قدرك على روسنا من فوق
يهمنا يالزعيم رْضاك

نبي من الشعر جزل وذوق
من عذب شعّارنا وغناك

أطرب على فاخره واتوق
وحياك ياهاجسي حياك

نظمت من بوح روحي طوق
لو نمت ياملهمه صحاك

إيه اتسلا كذا واروق
لو ماظهر ياشعر معناك



صح لسانك شاعرة نجد كلمات جزلة ووصف وافي ورائع
و
حضور راقي
ويستاهل ابوعبيد
بس عاد .. لو تكرمتي خليه يطلع من السجن
وتعالي مكانه . بكره وراه صلاة وجمعه
واليوم خميس , الونيس ,

[خيال مطير]

سمعت دعـوت فقيرن يطلـب القـادر
يدعي على اللي سرق قوته من عياله

ياالهندي اللي تدير نظامنا الساهـر!
ارحـم سعــــــودي يـدور رزق لعــيالـه!

وان كان عمـك بهذ الفـــعـل متفاخـر
قول السعودي رما ثوبه على عقالـه

ياالتاجــر الي بـدم الشعـب بتاجـــــر
اللـي سواتـك عسـى مافالنـا فـــالـه

يلـــــي سلبتم جيوب الشعـب ياساتـر
راع الملايين ضـــاق الشعـب بفعالـه

ماهـــــو بربحان طشـه حظـه العاثـر
التاجر اللـــــي يعيـن الفــــقـر بريالـه

لو شاف دمعة عزيز من العرب قاصر
الغا نظـــامــــه وصـدق باقـي اموالـه

https://r111n.com/image.php?u=1852&dateline=1509962608

[خيال مطير]

ياعبيد يا وجدي على شاي قبل أمس
شاي مزج ياعبيد بالزعفراني
امصلحه مركوز الأنهاد بالخمس
راعي ثمان كأنها القحوياني
وجدي عليها وجد من حمل الجمس
في حملته ياعبيد سبع المعاني
يوم الطرد عدت ثلاث بعد خمس
قامت تقطع قربته جدعاني
مدوله الدربيل مع مطلع الشمس
وجاه العريف وحدره لسفواني

[خيال مطير]

صدَّقْني الحلم الطفولي صاح بي

نسيت في اللحظة محاذير المكان

تيار في موج العواطف راح بي

إنسان واعذرني على بعض الحنان

اقبل سكوتي واعتذاري صاحبي

من أمس والساعة على الساعة ثمان

واضح غموضي والغموض ارتاح بي

اثنيننا نفس المغني والكمان

ما قلت لا، ما قال شي وطاح بي

ما احتاج مني شاهد اثبات وبيان

استوعب الفن وخيال لاح بي

من غيمة خارج مواقيت الزمان

علّمني ان مل الزمان وصاح بي

ما يختلف للشمس ميعاد ومكان

عناد المطيري

[كديميس السيحاني]

وين ابو منصور ما شاف ابن عمه سجين=لخبط افكاره بفيله وراح ولا رجع
وكل شي بهالزمن مستحيل اصبح يقين=وفيله ان مامات بالرمي مات من الوجع
ووهقتني شاعرتنا وكلبشت اليدين=احسب ان السجن معهم يحوَّل منتجع
لو دريت ادخلت في عزبتي سمن وطحين=كان عصفور البطن لاشبع خبزه هجع
وبعذ هذا ياحمام مصبح له رطين=لاتنوح اتحوسني خل منطوقك سجع

خذ وانا ولد عمك 🤝

ليلة الجمعه على سور سجن الطيبين =
يدحم الهوجاس الآخر و بجناحه شلع

علموا ناصر ليا هجرس ب معنى ثمين =
كل قاف ليا دعيته وجاء عندي ركع

ياحبيس السجن خابرك للمعنى فطين =
و خابر ان العشق داخل شراشيفك طبع

وانت يوم انك تمعّن بحرف و كلمتين =
ما تشوف سهيل من يام في الموعد طلع؟

الله انه يرفع ل قدر ناسٌ مستحين =
مَن شكا قالوا ضعيّف و من يضحك دلع

شب نار الشعر ف اسوار سجن الطيبين =
و ابعد الشارة لرامي برميه قد برع

و قل لنجد الشاعرة وين جَد الشعر وين ؟ =
في تسالِ السجن والتاج يحصد من زرع

لو سجلات المواقع عليهن ردم طين =
ضيّعوا كتبٌ تدرّس ب علمٍ ما نفع

والسلام

[كديميس السيحاني]

مري على السجن وسجينه وسليه=بنفسه سجن نفسه وربه يعينا
حرٍ ووقع بالشبَك من معاليه=لاحق داين له ولاهو مدينا
ثبَّت سيور الوكر طايع برجليه=وحيد ما عنده ونيس وخدينا
له رفقةٍ ماهيب عاده تخليه=ما فلتن ريش الرجا من يدينا
وابو فلاح اعقد امل في معاليه=وان دري صقرٍ بالجبل ما علينا
وكلٍ جوابه منه ويعود ايليه=سفره لمن راح وهلا من يجينا

تسالي سجين الحرف يوم ان كلٌ نام
نجاري بيوته يوم بالاسم نقراها

،
،،
،

ليت الهواوي يشرح العلم في ليه
عما لمحت عصير سمن وسمينا

مريت رجم وشفت وكرٌ بعاليه
و حرٌ سبوقه مطلقه من يمينا

ومن لا يعرف الحر معروف ( يقليه)
و زفير صدره يطرب السامعينا

مدري شغف قلبه هوى الولف باليه
والا سهومٌ مُرسَله له يقينا

والا طيوف تحوم حوله حواليه
والا اضغاث احلام للنايمينا

و يا المزن مري للهواوي و علّيه
اخشى عليه من العطش عقب حينا

،
،،
،

[ناصر الهواوي]

إيه اتسلا كذا واروق
لو ماظهر ياشعر معناك
ــــــــــــــــــــــــــــــــــــــــــــــــــ ـــــــــــــــــــــ
اغناتس من يرزق المخلوق=ولجنة الخلد من رباك
بيرق كرم لك يرفرف فوق=تسلم على هالشغل يمناك
بطاروق ابا اجاري الطاروق=قل يالهجس لا طلبتك هاك
لو يشبهك عشر في هالسوق=لمعنى الشعر صار فيه ادراك
حمام خل الغنا برفوق=ما بالنخل غير انا واياك
لا اتجي مثل هاجسي مطفوق=وتصفق يمينك على يسراك
تمعن بقول قرنة روق=اللي تحطه على يمناك
صدقت يالشاعر المرموق=حياك ياسيدي حياك
اربع كوايا على المعلوق=ثبتهن بميسمه هاذاك
والكرت من كم سنه محروق=قو آوت ماصار له كم باك
هههههههههههههق=ههههههههههك
ولي عوده على الدرر ان شاء الله

[ناصر الهواوي]

قريحتي كان الهجس نام صحيه=الرزق مابه حظ للنايمينا
وما جاب ابو منصور من در جاريه=كماه حتى ما بنا يستهينا
ما يشكي ابن آدم تبين مواريه=لو ان ما وده حفيله يبينا
انا من اللي يفخر بذكر ماضيه=واتوق للي فايتٍ له سنينا
احاكي رسومه وطيفه واناغيه=واستشعره كنه مسير علينا
جِرة شعيل لما كلا في لواهيه=واقع ولا احب انكره لابلينا
شيٍ نسيت وشي ما مانيب ناسيه=لو عن بقيق اتحل جده يمينا
ولله حنا يافتى الجود وايليه=بلطفه وعطفه ياعساه يهدينا

[ناصر الهواوي]

خيال دور رحيل وكلبش ايدينها=لرحيل مده تحاول تستسيغ الغياب
بزنزانتي حطها ذا لليل ياعوينها=حتى تعرف ان بالدنيا ثواب وعقاب
على القواريص فيها ربها يعينها=ان طفت النور نامس وان تركته ذباب
لعلها تشوف ما قد شفت في عينها=حتى تقرط على اصبعها الصغير بناب
في سجنها لا تنام الا معشينها=وانا سمعت ان رحوله تحب الكباب
هههههههههههههههههههههههههههههههه

[شاعرة نجد]

إيه اتسلا كذا واروق
لو ماظهر ياشعر معناك
ــــــــــــــــــــــــــــــــــــــــــــــــــ ـــــــــــــــــــــ
اغناتس من يرزق المخلوق=ولجنة الخلد من رباك
بيرق كرم لك يرفرف فوق=تسلم على هالشغل يمناك
بطاروق ابا اجاري الطاروق=قل يالهجس لا طلبتك هاك
لو يشبهك عشر في هالسوق=لمعنى الشعر صار فيه ادراك
حمام خل الغنا برفوق=ما بالنخل غير انا واياك
لا اتجي مثل هاجسي مطفوق=وتصفق يمينك على يسراك
تمعن بقول قرنة روق=اللي تحطه على يمناك
صدقت يالشاعر المرموق=حياك ياسيدي حياك
اربع كوايا على المعلوق=ثبتهن بميسمه هاذاك
والكرت من كم سنه محروق=قو آوت ماصار له كم باك
هههههههههههههق=ههههههههههك
ولي عوده على الدرر ان شاء الله



=ولجنة الخلد من رباك

اللهم آمين
و والديك شاعرنا وصح بدنك وصح لسانك
ولاهنت على هـالمجاريات الكايفه

تقديري,’’

[شاعرة نجد]

خذ وانا ولد عمك 🤝

ليلة الجمعه على سور سجن الطيبين =
يدحم الهوجاس الآخر و بجناحه شلع

علموا ناصر ليا هجرس ب معنى ثمين =
كل قاف ليا دعيته وجاء عندي ركع

ياحبيس السجن خابرك للمعنى فطين =
و خابر ان العشق داخل شراشيفك طبع

وانت يوم انك تمعّن بحرف و كلمتين =
ما تشوف سهيل من يام في الموعد طلع؟

الله انه يرفع ل قدر ناسٌ مستحين =
مَن شكا قالوا ضعيّف و من يضحك دلع

شب نار الشعر ف اسوار سجن الطيبين =
و ابعد الشارة لرامي برميه قد برع

و قل لنجد الشاعرة وين جَد الشعر وين ؟ =
في تسالِ السجن والتاج يحصد من زرع

لو سجلات المواقع عليهن ردم طين =
ضيّعوا كتبٌ تدرّس ب علمٍ ما نفع

والسلام

صح لسانك شاعرنا وصح لسان الهواوي
ولاهنتوا على هـ الابدااع والامتاع

دام الحضور,’’

[شاعرة نجد]

تسليه
ومرحبا بك سجينتنا
منورهـ..

https://beautyy.cc/wp-content/uploads/2016/07/20160730-487.jpg

يازين حس الجريد الى الهوى هبه
والجو هادي ولاعندي ولادوعي

بالليل والجفن عيَّى النوم ماطبه
بحديقتي بين شتلاتي ومزروعي

أطفي الشوق بالمعلوق واشبه
واجر موال ماعدَّى على سْموعي

مني ولي بس,عل القاف واربّه
يشرح عَمَس خاطري ويولع شموعي

واسوي ابريق شاي الود واصبه
مع الخيال اتقهوى واذرف دموعي

[ناصر الهواوي]

يسلااااااااااااااااااااااااام كم انتي بيطاره قاف ياشاعرتنا
وصح الله لسانتس الى مالا نهايه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
شف الصدف جوهرتنا غايبه مع رحيل=والصمت حكمه ومهرتنا مع الغامدي
وبقيت انا بالسجن زاير ومره نزيل=سجين والا اتمشى يعتبر عايدي
اليوم يالورق خل النوح سجع وهديل=حسن تعاملك مره صر مثل هايدي
ما باللحون الحزينه غير شرٍ وبيل=لا يصير بك عِنْد وانا مثلك معاندي
منين صبررُ جميل ان صار هجرك طويل=على الصبر ماهقيت صدودك مساعدي
ما كان لك بالوفا من قبل ند ومثيل=وهالحين بالصد والهجران مالك لدي
احط بين الملفات القديمه واشيل=وتطير بعض الورق واروح معها اعدي
لأن كل الكلام اللي تضمه ثقيل=اهلا/ووينك/ تفضل/ياعساك ابعدي
واليوم كفة موازين التواصل تميل=اما شوتنا القطيه او ندتنا ندي
بعد الأصيل ان تغشى الكون جلباب ليل=ظلامه لكل مايزعج حداني حدي
وبس ههههههههههههههه
تكفي تسليه للسجينه الحره

[ناصر الهواوي]

الهواء شرقي وما طار يدوي معه غرب=كيف تاخذ يا اشقر الريش معك رسالتي
ودي ارسلها لمن هاجسي لغناه طرب=وودي ان دارٍ بها صار يسكن مالتي
يالعله لو كربنا يجنب كل كرب=كانه ابن العمتي او قريب لخالتي
كان طرت لحالك لديرته او ضمن سرب=سلمه ما رحت به وان نشد عن حالتي
قل بعدكم بين عينه وبين النوم حرب=قال لو طفشني البيت رحت حيالتي

[عبدالله الصقري]

السلام عليكم ورحمة الله و بركاته

و مساء الخير و الرحمه والرّضا من رب العالمين

أبشركم طلع الوالد مسآء الأمس من المستشفى

و الحمدلله رب العالمين اللي أعآده لنا سآلم يرفل بالصحه والعافيه

.

عام هجري جديد ابارك لكم به لو متأخر

الله يرزقنا فيه الخير و يكفينا ما به من ضيم الاقدآر

.

وحشتوني والله جميعا و على راسكم جدي العزيز الغالي

و صحَّت ألسنكم جميعا و نقلكم و تواجدكم الأجمل الله يديمه

دمتم بكل خير و محبَّه

و تقبَّلوا مروري المتوآضع

مع أرق واجمل تحيَّه

[كديميس السيحاني]

صحت السنكم ولا هنتوا
ياشعراء الرواسي
ابداع و امتاع
من الهواوي و خيال وشاعرة نجد
دام تواجدكم

[كديميس السيحاني]

تسلية كيبوردية



عديت عتمة ليل في شامخ الحيد
و اخذت لي في نظرة القمة دروس

و يا ما اعتليت الحيد عدة تراديد
و رفعت صوتي و المواويل منكوس

و اراقب الجدي و لميعه من بعيد
و اسقيت لي زرع ٌ له سنين مغروس

و لي زفرةٌ معها تزيد التناهيد
و السر باقي داخل الصدر محبوس

اخشى من اللي لا سمع هرجه يزيد
و يحط مع شمع العسل سم مدسوس

،
،،
،

[كديميس السيحاني]

السلام عليكم ورحمة الله و بركاته

و مساء الخير و الرحمه والرّضا من رب العالمين

أبشركم طلع الوالد مسآء الأمس من المستشفى

و الحمدلله رب العالمين اللي أعآده لنا سآلم يرفل بالصحه والعافيه

.

عام هجري جديد ابارك لكم به لو متأخر

الله يرزقنا فيه الخير و يكفينا ما به من ضيم الاقدآر

.

وحشتوني والله جميعا و على راسكم جدي العزيز الغالي

و صحَّت ألسنكم جميعا و نقلكم و تواجدكم الأجمل الله يديمه

دمتم بكل خير و محبَّه

و تقبَّلوا مروري المتوآضع

مع أرق واجمل تحيَّه







الاخ عبدالله
عودا حميدا
والحمد لله على سلامة الوالد

تحياتي
،

[ناصر الهواوي]

يامرحبا تراحيب المطر بالحفيد
والله يبشرك بكل خير يوم بشرتنا بسلامة الوالد
الله يجمع له بين الاجر والعافه
وان شاء الله آخر الشرور
وحياك الله

[ناصر الهواوي]

صح الله لسانك يابو منصور مدد بلاعدد
أكيد ما عدا طوال الجلاميد=الا فتىً حسه من الوقت حاسوس
تلعبه الذكرى مع الوقت وتعيد=ويفتح ملفاته بالارشيف ويحوس
باوراقها يقرا عتاب ومواعيد=ويظهر على وجهه بشاشات وعبوس
وما صدَّر من هموم جاته مواريد=لو ودته صنعاء ترده لطرطوس
يقول قول وياخذ شوي ويعيد= مقالته ومكظمٍ تقل مظروس
ومن تجربه ما في صعود الجبل فيد=ومن نط به حوَّل من الوجد مفروس
ــــــــــــــــــــــــــــــــــــــــــــــــــ ـــــــــــــــــــــــــــ
وسلامتكم ياني النوم هههههههههه

[الجووهره]

ياهلااا بالجمييع
وصحت الالسن والاذوآق ودآم الحضور والابدآع
والمعذره على الغياب. بسبب
مرض أختي وانشغالي معها
دعواتكم لها بالشفآء
الله يشفيها ويعافيها
ويشفي مرضى المسلمين

[الجووهره]

السلام عليكم ورحمة الله و بركاته

و مساء الخير و الرحمه والرّضا من رب العالمين

أبشركم طلع الوالد مسآء الأمس من المستشفى

و الحمدلله رب العالمين اللي أعآده لنا سآلم يرفل بالصحه والعافيه

.

عام هجري جديد ابارك لكم به لو متأخر

الله يرزقنا فيه الخير و يكفينا ما به من ضيم الاقدآر

.

وحشتوني والله جميعا و على راسكم جدي العزيز الغالي

و صحَّت ألسنكم جميعا و نقلكم و تواجدكم الأجمل الله يديمه

دمتم بكل خير و محبَّه

و تقبَّلوا مروري المتوآضع

مع أرق واجمل تحيَّه








هلا بك شآعرنا الصقري
وعودا حميدا
والحمدلله على سلآمة الوآلد
الله يتمم له بالصحه والعآفيه
ويحفظه ويخليه لكم

[الجووهره]

ومنوووره رحوووله المسجوونه غيآبي ههههه
وابشري بالتسآلي بس انتي تعآلي
ونورينااا ونورري السجن
بطلتك الجميييله

[ناصر الهواوي]

إن الاومور اذا استقبلتها اشتبهت
وفي تدبرها التبيان والخبر(حكمة اليوم)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
اهلين يالجوهره وحياك الله ونسأل الله العظيم رب العرش العظيم ان يشفي اختك شفاءا لا يغادر سقما وان يجمع لها بين الاجر والعافيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
ليال راحت والعوض بالمقابيل=يمكن تصير اخف واخير منها
وايق سهيل وخفف البرد بالليل=ووجهة غرانيق الشمال إليمنها
انهد من طول السرا عندها الحيل وفوق النخل تصبح تناغق لحنها
وللورق نوح وللمزارع تماثيل=كنه لماهي تشتكي ناب عنها
زودٍ على ما بالصدر من غرابيل=ونفسيةٍ فقد الحبايب شحنها
اغضو عن الفهم الخطا للاقاويل=لاكيفها لاكمها لازمنها
ياما فقدنا غاليات ورجاجيل=من اللي دفنه الوقت واللي دفنها
طولتها لو كان ما قصدي اطيل=لكن حلاة العمر مرٍ ثمنها

[شاعرة نجد]

السلام عليكم ورحمة الله

وعودا حميدا يـ الصقري
والحمد لله ع سلامة الوالد مايرى بأس
وطهور ان شاء الله

والله يشفي اختك جوهرتنا ويفرحكم بعافيتها
وطهور وذنب مغفور ان شاء الله

وصحت السنتكم شعراؤنا
لاعدمنا ابداع المبدعين وحضور رواسينا المتواجدين
وسلمتم ودمتم,’’

[شاعرة نجد]

وين السجينه؟:smile:

ياخفير السجن فك الباب انا جيت لْرحيل
بالتسالي يوم بالي طاريٍ له ماطراه

بـ اتسلا وابسليها ولو شيٍ قليل
المهم مْن القصيد العذب,صادق محتواه

اسمعي عذبي ترى مـ عاد باقي فيّ حيل
واعذريني لو حزنتك ضيقة الصّدْر وُشقاه

فرصتي لاذعذع النسناس والا تالِ ليل
والا لـ غنَّى جزيل القاف وابدع في غناه

أتهيض إي واهيّض من مثل حملي يشيل
ويتذكر ويتفكر في مقاسيم الحياه

ياحلاة الصبر لو يامُرّه الصبر الطويل
كم وكم من راح عمره مالحق غاية مُناه

[كديميس السيحاني]

مساكم الله بالخير
��✋��
،
،،
،

[كديميس السيحاني]

وين السجينه؟:smile:

ياخفير السجن فك الباب انا جيت لْرحيل
بالتسالي يوم بالي طاريٍ له ماطراه

بـ اتسلا وابسليها ولو شيٍ قليل
المهم مْن القصيد العذب,صادق محتواه

اسمعي عذبي ترى مـ عاد باقي فيّ حيل
واعذريني لو حزنتك ضيقة الصّدْر وُشقاه

فرصتي لاذعذع النسناس والا تالِ ليل
والا لـ غنَّى جزيل القاف وابدع في غناه

أتهيض إي واهيّض من مثل حملي يشيل
ويتذكر ويتفكر في مقاسيم الحياه

ياحلاة الصبر لو يامُرّه الصبر الطويل
كم وكم من راح عمره مالحق غاية مُناه

،
،،
،
مدري وش خلاني اصحي من النوم وادخل الرواسي في هالوقت !!! 😁
،
،،
،

يا رحيل ان كان نجد من التسالي سال سيل
قولي الشايب تهيّض يوم ذكرته صباه

من منامي كيف صحاني وانا ماني عليل
كنه اللي مرسلٌ مرسول وانا اسمع نداه

و يوم جاريت القوافي في المثل صبرٍ جميل
قالوا الدنيا ممر ،، وطبعها مر وحلاه

و الله اني ما امن الدنيا و لو هي سلسبيل
و والله اني ما اركن للذاتها باي اتجاه

انسفيها بحزنها نسفك لمنسوع الجديل
وما يصيب الآدمي غير اللي ءكتبه الإله

ارتجال الشايب اللي ما يسير بلا دليل
ستة ابيات ارتجال بلا ورق والا دواة
،
،،
،

[ناصر الهواوي]

ياحلاوة شاعرتنا وانت يالشاعر حليل= هي كما الخنسا وابو الطيب صحيح انتا كماه
كل قاف من الثنين بطعم شهد وريح هيل=بوصلة هجسي مع القيفان في كل اتجاه
والتسالي للسجينه مير ما شيفت رحيل=ياعسى كوفيد ناينتين يبعد ياعساه
انتروع كل ما احدٍ غاب وانحط ونشيل=ولاش حول وقوه لمخلوق من دون الاله
الخفير المنتسب خيال لو ما فيه خيل=لا يحضر ولا يحضِر من نبي مابه حياه
اشهد اني متهمه للبعض مندوب وعميل=لو يوافينا بتقريره عن السجن/ابـ هواه
يالحمام اللي تفيا فية النخل واتقيل=بالعسيب ليا ركد وان هبته ريح بذراه
فل ريشك طر جنوب وناحر لمطلع سهيل=وانت في وضعي خبير وتعرف اللي منك اباه
كان مريت ولقيته هات لي معك الدليل=وخل سيف الحزن كان الوضع محزن في خباه

[ناصر الهواوي]

ارسلت لو ما احب اراسل على النت= لكن عدم رده حداني على ذا
حتى الوناسه من قديم استكنت=والضيق حل وبالاله المعاذا
بنية الدوح ان تصبرت ونت=ما خلت الورقا لمثلي ملاذا
بريف الفياض العين ياما تهنت=ليا غشنها من قنوفه رذاذا
وصاب العطش خضر الغصون وتثنت=من شافها يقول به صار ماذا
وردي عليه المزن بالغيث منت=ونتيجة اللي صار من ذاك هذا
وبس هههههههههههههه

[خيال مطير]

وين السجينه؟:smile:

ياخفير السجن فك الباب انا جيت لْرحيل
بالتسالي يوم بالي طاريٍ له ماطراه

بـ اتسلا وابسليها ولو شيٍ قليل
المهم مْن القصيد العذب,صادق محتواه

اسمعي عذبي ترى مـ عاد باقي فيّ حيل
واعذريني لو حزنتك ضيقة الصّدْر وُشقاه

فرصتي لاذعذع النسناس والا تالِ ليل
والا لـ غنَّى جزيل القاف وابدع في غناه

أتهيض إي واهيّض من مثل حملي يشيل
ويتذكر ويتفكر في مقاسيم الحياه

ياحلاة الصبر لو يامُرّه الصبر الطويل
كم وكم من راح عمره مالحق غاية مُناه


صح لســــــــــــــــــــــانك ؛/ يالفخامه

[خيال مطير]

،
،،
،
مدري وش خلاني اصحي من النوم وادخل الرواسي في هالوقت !!! ��
،
،،
،

يا رحيل ان كان نجد من التسالي سال سيل
قولي الشايب تهيّض يوم ذكرته صباه

من منامي كيف صحاني وانا ماني عليل
كنه اللي مرسلٌ مرسول وانا اسمع نداه

و يوم جاريت القوافي في المثل صبرٍ جميل
قالوا الدنيا ممر ،، وطبعها مر وحلاه

و الله اني ما امن الدنيا و لو هي سلسبيل
و والله اني ما اركن للذاتها باي اتجاه

انسفيها بحزنها نسفك لمنسوع الجديل
وما يصيب الآدمي غير اللي ءكتبه الإله

ارتجال الشايب اللي ما يسير بلا دليل
ستة ابيات ارتجال بلا ورق والا دواة
،
،،
،


ابو منصور ؛ جاريت وووفيت
وصح لسانك

[خيال مطير]

تقول , الفخامه ,, شاعرة نجد


لاتلومون الغياب لْياحصل مني غياب
جوّنا غيم ومطر والبر زاانت طلعته

والمخيم زان والاحباب كلٍ جاا وجاب
من يعز ومن يحب,البر طابت جمعته

اعذروني يالعواصف كم حَسَبْت لْكم حساب
خايفه حزبي الموقّر لاتغيّر سمعته

أمس نضحك بالرواعد من غياب ومن عتاب
وكثرة الَـ عْذار والتكرار هذي صنعته

كل ماجونا فتحنا لْحضرة الشعار باب
اختفوا واللي بقَى منهم يكفكف دمعته



صح لسانك سيدتي

[ناصر الهواوي]

إي والله
ـــــــــــــــــــــــــــــ
كلمه ونصف وبينهن اتثاوب=وليا انسدحت العين عيت تناما
عيت معي كل المشاعر تجاوب=ولو قلت كم طاري حضر قلت ياما
والفكر دلت به همومه تناوب=تومي به الذكرى جنوبٍ وشاما

[ناصر الهواوي]

عِد واغلط كلما قلت غادر هم عاد=والطواري من اسبوعين عندي زايده
كل علمٍ لي تقوله على وضعي وكاد=وكذبة ابريل ان ماض الليالي عايده
بين عاطفتي وبين العقل صاير عناد=كل ما قال انسه اتقول هذي كايده
لنعمة النسيان لو في البلد يوجد مزاد=وتشتريها بنصف مالك تراها فايده
وسلامة الجميع وبسسسسسسسسس

[كديميس السيحاني]

ابو منصور ؛ جاريت وووفيت
وصح لسانك

خيال مطير

صح كلك ولا هنت
هذا من ذوقك ،،،
،

[كديميس السيحاني]

عِد واغلط كلما قلت غادر هم عاد=والطواري من اسبوعين عندي زايده
كل علمٍ لي تقوله على وضعي وكاد=وكذبة ابريل ان ماض الليالي عايده
بين عاطفتي وبين العقل صاير عناد=كل ما قال انسه اتقول هذي كايده
لنعمة النسيان لو في البلد يوجد مزاد=وتشتريها بنصف مالك تراها فايده
وسلامة الجميع وبسسسسسسسسس



خذ ردها لاهنت

ذكريات العام الأول لها عندي شداد =
كنها اللي توها جات لي ّ معايده

خذ مع الطرق الهجيني وشُهب اللال ماد =
و اسفهل و حط راسك على وسايده

ولا تهيّض من يحاول لنسيان البعاد =
عقب ما احرق كل ديوان به قصايده

غير بعض مساجلاتٌ بها لجرحه ضماد
لو كوايا جرح عشقه بصدره جايده

[كديميس السيحاني]

الطير غرد على غصن الهوى والغرام
و حمامة الدوح تشعى القلب بلحونها

و بنت القريحة تبجح ما عليها ملام
تلعب طرب لا لقت ناسٌ يلاحونها

ناصر يذكرني الماضي و عنده كلام
و الشاعره نجد بابداعات مخزونها

مما يخطون عاد القاف للانتقام
من عين شعري بعد ما كحلت نونها

[الجووهره]

صبآح الخير
والابدآع والجزآله
شاعرنا الهوآوي
شاعرنا. كديميس
شآعرتنا نجد
صحت الالسن يامبدعين
يعطيكم العآفيه
ودآم حضوركم وابدآعكم

خيآلناا
يعطيك العآفيه
ويسلم الذوق الرفيع


رحووووووووله
وينك ياجمييله
اذا طولت الغيبه دخلوني مكانها
هههههههههه

[الجووهره]

‏لو تشبهين الورد يبقى اختلاف
‏الورد يذبل وانتِ دايما فاتنة


وصبآحكم ورد

[الجووهره]

تسليه
ذآئقة الصبآح


‏صاحبي..لو كان للناس والدنيا أمان
‏ماتموت ورود الأحلام قبل نشمّها

‏خل عنك علوم الأحباب واللِّي كان كان
‏انتهيت.. وسيرة الشوق ماني يمّها

‏كلما تظما لياليك قمت اكتب عشان
‏تنزف جروحي والأيام تشرب دمّها

‏الكلام الموحش يخاف نور الشمعدان
‏تحترق أسمى معانيه قبل يضمّها

متعب التركي

[ناصر الهواوي]

ارحب يابو منصور وصح الله لسانك واعتلى شانك على هالدرر

يامرحبا يالجوهره وصح ذوقك ودام حضورك بس ما طمنتينا عن اختك لعلها متعافيه

ازكى تحيه بريح الورد بعد السلام
لقريحة الشيخ من هاجوس ممنونها

من عاش بالذكريات الماضيه ما يلام
لو يصهره حر ليلاها ومجنونها

يحول بين العيون وزول ليلى عسام
في حالةٍ مذهله(غشوه)يسمونها

يقال بخشوم عشاق الغواني عِرام
مع هبت النود رياهن يشمونها

وختامها صح كلك بالوفا والتمام
بسبكك وحبكك لمعناها ومضمونها

[ناصر الهواوي]

مابين اللي مضى والحاضر اللي به تعيش اليوم
سوالف كان ياما كان صارت صدق واوهامي
تعايشها نهارك وان رقدت تلم بك بالنوم
كوابيسٍ ترج الفكر في هيئة اتسونامي
يقال لما مضى راضي عنه ياوقنا المرحوم
تساما ذكرياته بالسما ما ترجع اقزامي
لو التحويله اللي له تعود دربها مردوم
معاصير الطواري له بصدرك تبرم ابرامي
(.........)كوم واللي غير ابو.(........).مساره كوم
حشا ما تصيب ما تعني نقطها رمية الرامي
هههههههههههههههههه

[عبدالله الصقري]

يـ زين اشعاركم و ردودها
يـ زين احساسكم بين الأنآم

قوآفي يستحيل وجودها
بدون وجود هــ الناس الكرام

ألا يا جد جد جدودها
بعد ما قلت ما قلنا حرام

ترى النجمه ضياها جودها
و قمرانا هي الكاس المدآم

أحبك حب نجد ورودها
ولك فيني محبَّه و احترام

و احبك عد هبَّة نودها
حلال الحب لك والا حرام

و نفسي لو جهدت جهودها
رخيصه وسط سوق الإتهام

اقوله يوم خير شهودها
إله ٍ مبصر بكل الأنام

[عبدالله الصقري]

و ذا جديدي
تسليه للسجين /

هههههههههههههههههههههههه




يا روح روحي و يا شعشعآع فجريَّــه
يا تآج رآسي من الجوهر والالماسي
يا كثـــر حبي لـكـم يا كثــر ما فـيَّـــه
مـن الغلا و والوفــا يا أهلي و ناسي
تحيتي لك قـمــر ما فــارقـــه ضيَّــــه
يـشــع مهمـا الظـلام الاســود لبـاسي
ما دآم شمس النوايـا الصـآدقـه حيًّــه
ما تغـرب بلا أصيـل يذهِّـب احسـاسي
تذوب شمس الأصيل بـ صـدح قمريًّـه
لا حـل وقت الغـروب تـلـيِّــن القـآسي
هي مشـرق ايـآمـي و نفحات شعـريَّـه
فيها معـآنـآتـي و آآهـي و هـوجــاسي
يا ليت شمـس الريــآض القى بها فيَّـه
والا على حـدود حبي أحفـر أرمــآسـي
في قلبي الــذكــريــــآت تظـل ورديَّــــه
ما جـفَّـفتهــا سنيـن ٍ غـثـربـت كــآسي
الحب يبقى مكــانــه ،،، و الهــوآويَّــه
والا الزمن لو يٌعـدّ ( خلآصـة انفـآسي )







مع أرق واجمل تحيه

[شاعرة نجد]

صحت السنتكم شعراؤنا المبدعين واساتذتي الجزلين
ولاهنتوا على هـ المجاريات الفاخره

وصح لسانك يـ الصقري
أبدعت وامتعت
وتسلمين يـ الجوهره لاعدمنا الذائقه الرائقه

وتسلم خيال لاعدمنا منقولك وفاخر قولك
والفخامه تواجدك يـ النشمي


ودام الحضور وفاخر السطور,’’

[شاعرة نجد]

لـ التسليه
وللمشاركه مع هوامير الشعر..
" " "

كديميس السيحاني

الطير غرد على غصن الهوى والغرام
و حمامة الدوح تشعى القلب بلحونها

و بنت القريحة تبجح ما عليها ملام
تلعب طرب لا لقت ناسٌ يلاحونها

ناصر يذكرني الماضي و عنده كلام
و الشاعره نجد بابداعات مخزونها

مما يخطون عاد القاف للانتقام
من عين شعري بعد ما كحلت نونها

" " " "
الهواوي

ازكى تحيه بريح الورد بعد السلام
لقريحة الشيخ من هاجوس ممنونها

من عاش بالذكريات الماضيه ما يلام
لو يصهره حر ليلاها ومجنونها

يحول بين العيون وزول ليلى عسام
في حالةٍ مذهله(غشوه)يسمونها

يقال بخشوم عشاق الغواني عِرام
مع هبت النود رياهن يشمونها

وختامها صح كلك بالوفا والتمام
بسبكك وحبكك لمعناها ومضمونها

" " " "
أنا

ياروعة الشعر واسلم واستلم ياسلام
من جزل الابيات والا عذب مكنونها

بسجن القوافي ليا جتنا على مايرام
صفت حروف القصيد وهزت مْتونها

مابين عشق وغرام وبين هم وهيام
والناس كلٍ على جرحه يغنونها

حمام مع وافر التقدير والاحترام
متّع بعذب اللحون اللي يحبونها

خل القريحه تولّع في هشيم العظام
اللي براها الهوى من بُعد مضنونها

[خيال مطير]

وين السجينه؟:smile:

ياخفير السجن فك الباب انا جيت لْرحيل
بالتسالي يوم بالي طاريٍ له ماطراه

بـ اتسلا وابسليها ولو شيٍ قليل
المهم مْن القصيد العذب,صادق محتواه

اسمعي عذبي ترى مـ عاد باقي فيّ حيل
واعذريني لو حزنتك ضيقة الصّدْر وُشقاه

فرصتي لاذعذع النسناس والا تالِ ليل
والا لـ غنَّى جزيل القاف وابدع في غناه

أتهيض إي واهيّض من مثل حملي يشيل
ويتذكر ويتفكر في مقاسيم الحياه

ياحلاة الصبر لو يامُرّه الصبر الطويل
كم وكم من راح عمره مالحق غاية مُناه


صح لسانك

[خيال مطير]

https://www.youtube.com/watch?v=eWu-CBhilV4&ab_channel

[خيال مطير]

ليه الحراسة ما على الرجل خيفه
يسجن محبة فيه ماهو بمطلوب

على الرضا ياتي برجله بكيفه
وكفالته طرق الهجيني ومسحوب

بزين المثايل والمعاني لطيفه
اما فخر والا تواصيف رعبوب

على طواريقٍ قصارٍ ظريفه
فرحة لقا والا على افراق محبوب

الله يبطي بالاخيرة امخيفه
بغيتها صيبه وراحت على صوب

وهاتو لبن متعب دلالٍ نظيفه
والا الغدا كبشٍ من الفجر مطلوب

************
************

من سلسلة تسالي مع تحيه مرصعه بالالماس
لأخي واستاذي القدير

ناصر الهواوي
وفائق الاحترام للجميع

************
************

ترى ربيع الوقت ماهوب صيفه
اليا زها لايلحقه منك عذروب

انفوسنا صوب الرفاقه خفيفه
ماهيب قلاَطه على كل مشروب

مثل الجفير اللَي حجب حد سيفه
ولاَ ليا من سل ماهوب محجوب

يا محمد المتعب لقيتوا وظيفه؟
ولا حفرنا قبر واتَوب وانتوب

اللي توهق فالطرب مع لطيفه
يصبح مع الجربا على الحول مجروب


https://www.alsh3r.com/files/imgs/200x225/poets/1933.png

[كديميس السيحاني]

صحت السنكم
وطاب تواجدكم


كديميس

الطير غرد على غصن الهوى والغرام
و حمامة الدوح تشعى القلب بلحونها

و بنت القريحة تبجح ما عليها ملام
تلعب طرب لا لقت ناسٌ يلاحونها

ناصر يذكرني الماضي و عنده كلام
و الشاعره نجد بابداعات مخزونها

مما يخطون عاد القاف للانتقام
من عين شعري بعد ما كحلت نونها

" " " "

الهواوي

ازكى تحيه بريح الورد بعد السلام
لقريحة الشيخ من هاجوس ممنونها

من عاش بالذكريات الماضيه ما يلام
لو يصهره حر ليلاها ومجنونها

يحول بين العيون وزول ليلى عسام
في حالةٍ مذهله(غشوه)يسمونها

يقال بخشوم عشاق الغواني عِرام
مع هبت النود رياهن يشمونها

وختامها صح كلك بالوفا والتمام
بسبكك وحبكك لمعناها ومضمونها

" " " "

شاعرة نجد

ياروعة الشعر واسلم واستلم ياسلام
من جزل الابيات والا عذب مكنونها

بسجن القوافي ليا جتنا على مايرام
صفت حروف القصيد وهزت مْتونها

مابين عشق وغرام وبين هم وهيام
والناس كلٍ على جرحه يغنونها

حمام مع وافر التقدير والاحترام
متّع بعذب اللحون اللي يحبونها

خل القريحه تولّع في هشيم العظام
اللي براها الهوى من بُعد مضنونها

كديميس

ساقيت زرع القوافي لين صار انسجام
و ولعت من مفردة والقاف غليونها

ءجنونهم حضّروا عندي و قلت الهمام
لا تطفي انوار سجن القاف و حصونها

يا زين جُن القوافي في دجيّ الظلام
تنفض غبار السنين اللي بُهت لونها

و يازين شوف الديار ليا سقاها الغمام
و صافِ النوايا مبادينا و ديدونها

لو ان عظمي هشيم ولا تبعت الجهام
من صغر سني و نضم الشعر لعيونها

[خيال مطير]

صح الله السنتكم جميع

الجوهرهـ لاباس على اختك ماتشوف شر

[خيال مطير]

مقتطفات للطير والذئب
شاعر يقول :

ياطير لاتنشد عن الحال ياطير

شايب وتو العمر فاول شبابه

اكتب صباح الخير والا مسا الخير

صبحي وليلي في عيوني تشابه

ويقول الشاعر:

ياطير ماشفت لي شخصٍ تمنيته

ماشفت زوله ولاوقعت في داره

مافيه غيرك يجيب العلم لاجيته

الله عطاك الجناح وبيدك إطياره

و الشاعر الآخر يقول :

ياطير ياطير (ياطير السعد) ياللي ترف الجناح

لا واهنيك ليا ضاقت عليك الأرض خليتها

وإن رحت وإن جيت ياطير السعد تسبق هبوب الرياح

وأظن مافيه ديره فوق وجه الأرض ماجيتها

ويقول الشاعر :

ياطير تكفخ ماتبي كف راعيك

وقبل امس تكفخ للعلا فوق كفه

لي صاحبن ياطير يشبه مواريك

اليا نفر ما ينعرف وين شفه

لومنت طير انشهد انه بناخيك

ولو هو طير قضيت عمرك بصفه

ويقول الشاعر الآخر :

الا ياطير خبرني وش اللي صار للأحباب

ترى قلبي كثر همّه سبايب غيبة احبابي

الا ياطير ماعندك خبر عن عودة الغياب؟؟

ولا تقدر تطمني تجيب علوم غيابي؟؟

ابي ياطير لامر بسماك من الطيور اسراب

يقول الشاعر، وتنسب لابن شريم:

ياذيب ياللي هاضني بعواه

قبلك وانا عن صاحبي سالي

مدري حدر والا نصى مرباه

والا مع ابن حميد نزالي

ياقصر ياللي مشيّد مبناه

ياقصر وين الصاحب الغالي

يقول الشريف بركات:

ياذيب وان جتك الغنم في مفاليك

فاكمن إلين ان الرعايا تعداك

امنول يا ذيب تفرس باياديك

واليوم جا ذيب عن الفرس عداك

وهذا الشاعر يقول:

ياذيب جر العوا وأزعجه وين

وين العوى ياذيب صوتك عشقناه

جره وانا بهديك من القلب بيتين

نذكربها ياذيب قافٍ بديناه

ويقول الشاعر العتيبي :

جر العوى يا ذيب وأسمعكَ وأجيب

ويجاوبك صوتٍ كثير النياحيَ

جرحي عطيب ولا يفيد التطابيب

ونزفي مع الايام ما بعد راحي

ويقول الشاعر أيضا:

ياذيب لا تجلب علي الذيابة

حول وانا بابدي على الرجم ياذيب

ياذيب انا لي وقفة وانقلابة

ويقول شاعر آخر :

يقول اللي عليه فسبكة ابيات القصيد اسلوب

عقب ما جر له (ونه) و (ونه) فوق مرقابي

وجاوب بالعوى ذيبٍ عوى له من على شاذوب

الا يا ذيب لا تعوي عواك يثور اعصابي

انا يا ذيب بي جرحٍ عميق وفالحشى لاهوب

صويب وعزتي للي بسهم احباب منصابي

وانا يا ذيب ما صوت لك: يا ذيييب انا مصيوب

يا كود ابغى تكف عواك ، عواك يثور أعصابي

[الجووهره]

لـ التسليه
وللمشاركه مع هوامير الشعر..
" " "

كديميس السيحاني

الطير غرد على غصن الهوى والغرام
و حمامة الدوح تشعى القلب بلحونها

و بنت القريحة تبجح ما عليها ملام
تلعب طرب لا لقت ناسٌ يلاحونها

ناصر يذكرني الماضي و عنده كلام
و الشاعره نجد بابداعات مخزونها

مما يخطون عاد القاف للانتقام
من عين شعري بعد ما كحلت نونها

" " " "
الهواوي

ازكى تحيه بريح الورد بعد السلام
لقريحة الشيخ من هاجوس ممنونها

من عاش بالذكريات الماضيه ما يلام
لو يصهره حر ليلاها ومجنونها

يحول بين العيون وزول ليلى عسام
في حالةٍ مذهله(غشوه)يسمونها

يقال بخشوم عشاق الغواني عِرام
مع هبت النود رياهن يشمونها

وختامها صح كلك بالوفا والتمام
بسبكك وحبكك لمعناها ومضمونها

" " " "
أنا

ياروعة الشعر واسلم واستلم ياسلام
من جزل الابيات والا عذب مكنونها

بسجن القوافي ليا جتنا على مايرام
صفت حروف القصيد وهزت مْتونها

مابين عشق وغرام وبين هم وهيام
والناس كلٍ على جرحه يغنونها

حمام مع وافر التقدير والاحترام
متّع بعذب اللحون اللي يحبونها

خل القريحه تولّع في هشيم العظام
اللي براها الهوى من بُعد مضنونها


ما شاء الله على الابدآع والجزآله
صحت الالسن يامبدعيييين
ودآم الحضور الجميل والابدآآع

[الجووهره]

وهلااا بالجمييييع
منوووووووورين
وصحت الالسن والاذوآق
ودآم الحضور والابداع

[خيال مطير]

https://www.youtube.com/watch?v=JPel3maNsp0&ab_channel
_____________________________________

[خيال مطير]

الشاعر غلاب بن ود

https://www.youtube.com/watch?v=WrzdISAWrV4&ab_channel

[الجووهره]

هلا بك خيآل ويسلم ذوقك

والف شكر لكم جميعا
وتقبل الله دعوآتكم لأختي
جزآكم الله خيرا. ولا أرآكم مكروها
في عزيز لديكم

وابشركم طلعت من المستشفى
وفي تحسن والحمد لله

[ناصر الهواوي]

صباح الفل والياسمين
هلا ببو منصور
ارحبي يالجوهره
وحيالله شاعرتنا زمرحبا بالخيال
صحت السنتكم وابدانك وذوائقكم
و نفسي لو جهدت جهودها
رخيصه وسط سوق الإتهام
ــــــــــــــــــــــــــــــــــــــــــــــــــ ـــــــــــــــــــــــــ
هلا بك والمعاني قودها
ملز القاف جافيه ازدحام

كما غيدا تحدا خودها
عليهن فازت بدرع ووسام

كما الغصن ايتمريع عودها
بخد وقد وبمثل الحسام

قريحه جادت بموجودها
بحفيدي لو بنا ماله عمام

تحياتي بالالف وزودها
لكريم الاصل من منجب كرام

توجه مع نسايم نودها
بتقدير ومعزه واحترام

[ناصر الهواوي]

كديميس

الطير غرد على غصن الهوى والغرام
و حمامة الدوح تشعى القلب بلحونها

و بنت القريحة تبجح ما عليها ملام
تلعب طرب لا لقت ناسٌ يلاحونها

ناصر يذكرني الماضي و عنده كلام
و الشاعره نجد بابداعات مخزونها

مما يخطون عاد القاف للانتقام
من عين شعري بعد ما كحلت نونها

" " " "
لهواوي

ازكى تحيه بريح الورد بعد السلام
لقريحة الشيخ من هاجوس ممنونها

من عاش بالذكريات الماضيه ما يلام
لو يصهره حر ليلاها ومجنونها

يحول بين العيون وزول ليلى عسام
في حالةٍ مذهله(غشوه)يسمونها

يقال بخشوم عشاق الغواني عِرام
مع هبت النود رياهن يشمونها

وختامها صح كلك بالوفا والتمام
بسبكك وحبكك لمعناها ومضمونه

شاعرة نجد

ياروعة الشعر واسلم واستلم ياسلام
من جزل الابيات والا عذب مكنونها

بسجن القوافي ليا جتنا على مايرام
صفت حروف القصيد وهزت مْتونها

مابين عشق وغرام وبين هم وهيام
والناس كلٍ على جرحه يغنونها

حمام مع وافر التقدير والاحترام
متّع بعذب اللحون اللي يحبونها

خل القريحه تولّع في هشيم العظام
اللي براها الهوى من بُعد مضنونها[/color]

كديميس

ساقيت زرع القوافي لين صار انسجام
و ولعت من مفردة والقاف غليونها

ءجنونهم حضّروا عندي و قلت الهمام
لا تطفي انوار سجن القاف و حصونها

يا زين جُن القوافي في دجيّ الظلام
تنفض غبار السنين اللي بُهت لونها

و يازين شوف الديار ليا سقاها الغمام
و صافِ النوايا مبادينا و ديدونها

لو ان عظمي هشيم ولا تبعت الجهام
من صغر سني و نضم الشعر لعيونها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
الهواوي
دام المجال متوفر والعطا مستدام
وقوع المحيطات للولو يغوصونها

سباح انا محترف فـ البحر طبح وعام
ما يرعبه مفترس قرشه ولا نونها

لو الذهب كونته الشاعره من كلام

وبالفضه الشاعر اغرق من يبيعونها

لجيب الالماس ملفوفٍ بريش النعام
ليا طرت لي حواجب ذيك وعيونها

لمنطوقها يفطر اللي عاقدٍ له صيام
لكن يقول الضحى ياحمض ليمونها

[ناصر الهواوي]

لها سنين مقيمةٍ بالمزرعه وسط النخل
لو جن من به جن شافوها تجن جنونها

بكيفها تسرح وتمرح مالها فيني دخل
الا لياقلت افزعي شبت شرار عيونها

مافي سلوكياتها من صغرها شيٍ مُخل
ما فيه ما يعجب بها لاشكلها لالونها

انخل بها غبات بحر الشعر لاغاصت نخل
يروع قلب الشاعر الصنديد شوف سنونها

نجد بحماستها لفت والشاعر بقوه دخل
واوميت بالمشلح لها لو انهم يشنونها

[كديميس السيحاني]

الجووهره
الحمد لله على سلامة اختك
و اجر وعافية ان شاء الله
،
،،
،

[كديميس السيحاني]

خيال
يسلم ذوقك الممتع
ودام تواجدك

[كديميس السيحاني]

لها سنين مقيمةٍ بالمزرعه وسط النخل
لو جن من به جن شافوها تجن جنونها

بكيفها تسرح وتمرح مالها فيني دخل
الا لياقلت افزعي شبت شرار عيونها

مافي سلوكياتها من صغرها شيٍ مُخل
ما فيه ما يعجب بها لاشكلها لالونها

انخل بها غبات بحر الشعر لاغاصت نخل
يروع قلب الشاعر الصنديد شوف سنونها

نجد بحماستها لفت والشاعر بقوه دخل
واوميت بالمشلح لها لو انهم يشنونها


الهواوي

لها سنين مقيمةٍ بالمزرعه وسط النخل
لو جن من به جن شافوها تجن جنونها

بكيفها تسرح وتمرح مالها فيني دخل
الا لياقلت افزعي شبت شرار عيونها

مافي سلوكياتها من صغرها شيٍ مُخل
ما فيه ما يعجب بها لاشكلها لالونها

انخل بها غبات بحر الشعر لاغاصت نخل
يروع قلب الشاعر الصنديد شوف سنونها

نجد بحماستها لفت والشاعر بقوه دخل
واوميت بالمشلح لها لو انهم يشنونها

——
ابو منصور

انحت صخر واغرف بحر والكف ما ضِري بخل
لو كان ما قابلت خنساها ولا زيدونها

تخلخل الوقفه مخلخل يا الهواوي خذ
و خل
ماهمني مكياج راعية النخل و قرونها

و ليا اختلط فنجال بن وزعفران ومعه خل
هزيت بالفنجال قبل تفوح ويمدونها

و ان كان دورك مع عجوز المزرعه خلٌ و خل
ربطت حنحونك بخلف خلاف مع حنحونها

وما قد شبكت الحر الاشقر في شرك طير الدخل
و الجافله من جن مزرعتك قضيت ديونها

و بالبسملة نشخل قلوب الجن مع ناصر شخل
والزلزلة و الحشر في قعر اللضى يرمونها

،
،،
،

[ناصر الهواوي]

تستاهل اذبح لك طلي وان ما حصل نذبح رخل
مادام بان من البيوت المحكمه مزيونها

اركد تواضع لاتتطاما الجرف بل خلك اخ إل
من وده يمد الطعمه لحضرتك في ماعونها

مانيب من لا ضاق صدره في نضام السير أخل
اما قطع حمراء الاشاره او وقف من دونها

عن الزعل ياشيخ ابو منصور يالغالي تخل
وشلون تقرني ابـ بنت الجن ما يرضونها

ان طعت شوري عن شتيمة بنتهم اذبح صخل
كفارةٍ عن غلطتك عساهم يخلونها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
تراي احب المزح يابو منصور لا تزعل ههههههههههههههه

[ناصر الهواوي]

يالجوهره كان ما عندك ظروفٍ ترد=ثلاثة ايام خشي بالسجن عن رحيل
للسجن سووا صيانه /صيفنا قد برد=وخفيرنا ما كماه اول ومزحه قليل
الله يطول بعمر المبدع اللي يرد=وبعمر من لاسمعها الورق جاله هديل
اشعب ذلولي على الساقه ونوب اتحرد=احط لو جيت اجاريهم بهجسي واشيل
انا اشهد ان هاجسي بين الثنين انقرد=ان كان صمم يلاحيهم فهجره طويل

[كديميس السيحاني]

الهواوي
——

لها سنين مقيمةٍ بالمزرعه وسط النخل
لو جن من به جن شافوها تجن جنونها

بكيفها تسرح وتمرح مالها فيني دخل
الا لياقلت افزعي شبت شرار عيونها

مافي سلوكياتها من صغرها شيٍ مُخل
ما فيه ما يعجب بها لاشكلها لالونها

انخل بها غبات بحر الشعر لاغاصت نخل
يروع قلب الشاعر الصنديد شوف سنونها

نجد بحماستها لفت والشاعر بقوه دخل
واوميت بالمشلح لها لو انهم يشنونها

——
ابو منصور

انحت صخر واغرف بحر والكف ما ضِري بخل
لو كان ما قابلت خنساها ولا زيدونها

تخلخل الوقفه مخلخل يا الهواوي خذ
و خل
ماهمني مكياج راعية النخل و قرونها

و ليا اختلط فنجال بن وزعفران ومعه خل
هزيت بالفنجال قبل تفوح ويمدونها

و ان كان دورك مع عجوز المزرعه خلٌ و خل
ربطت حنحونك بخلف خلاف مع حنحونها

وما قد شبكت الحر الاشقر في شرك طير الدخل
و الجافله من جن مزرعتك قضيت ديونها

بالبسملة نشخل قلوب الجن مع ناصر شخل
والزلزلة و الحشر في قعر اللضى يرمونها

——-

الهواوي

تستاهل اذبح لك طلي وان ما حصل نذبح رخل
مادام بان من البيوت المحكمه مزيونها

اركد تواضع لاتتطاما الجرف بل خلك اخ إل
من وده يمد الطعمه لحضرتك في ماعونها

مانيب من لا ضاق صدره في نضام السير أخل
اما قطع حمراء الاشاره او وقف من دونها

عن الزعل ياشيخ ابو منصور يالغالي تخل
وشلون تقرني ابـ بنت الجن ما يرضونها

ان طعت شوري عن شتيمة بنتهم اذبح صخل
كفارةٍ عن غلطتك عساهم يخلونها

——-

ابو منصور

ترى الزعل ممنوع والكلمة بلا معنى تِخل
و البحر فيه المفردات اللي وساع فنونها

و ءليا ضواك الليل يا ابو عبيد للمشراق اخِل
تلقا الروابع والزوابع يدّرج طاحونها

كلْ و ما والى اقترانه ، مفرد اخلاء أخل
في معجم القاضي و محسن عالمٌ يقرونها

تذبح رخل تذبح صخل بخٌ بخٌ بخ ءل
جنيتك و ركابها وحمولها وضعونها

��
وبصراحة عندي انتهت مفردة قافية الصدر وابصم بالعشرة مافيك حيلة يا ابو عبيد

[كديميس السيحاني]

يالجوهره كان ما عندك ظروفٍ ترد=ثلاثة ايام خشي بالسجن عن رحيل
للسجن سووا صيانه /صيفنا قد برد=وخفيرنا ما كماه اول ومزحه قليل
الله يطول بعمر المبدع اللي يرد=وبعمر من لاسمعها الورق جاله هديل
اشعب ذلولي على الساقه ونوب اتحرد=احط لو جيت اجاريهم بهجسي واشيل
انا اشهد ان هاجسي بين الثنين انقرد=ان كان صمم يلاحيهم فهجره طويل

صح لسانك يا ابو عبيد
وبصراحة حكمت بالعدل لاهنت
����

[الجووهره]

الله الله
على الابدآع والجزآله
شاعرنا الهوآوي
شآعرنا كديميس
صحت الالسن ملاااييين
ويعطيكم العآفيه يامبدعين
ومافيكم حيييله

[الجووهره]

الجووهره
الحمد لله على سلامة اختك
و اجر وعافية ان شاء الله
،
،،
،

الله يسلمك شآعرنااا
ويحفظك ويسعدك

[الجووهره]

يالجوهره كان ما عندك ظروفٍ ترد=ثلاثة ايام خشي بالسجن عن رحيل
للسجن سووا صيانه /صيفنا قد برد=وخفيرنا ما كماه اول ومزحه قليل
الله يطول بعمر المبدع اللي يرد=وبعمر من لاسمعها الورق جاله هديل
اشعب ذلولي على الساقه ونوب اتحرد=احط لو جيت اجاريهم بهجسي واشيل
انا اشهد ان هاجسي بين الثنين انقرد=ان كان صمم يلاحيهم فهجره طويل


صح لسآنك شآعرنااا
ونورتي السجن يا أناا

هههههههه

[الجووهره]

يسعد صبآحكم وكل أوقآتكم
وأول تسليه لي ولكم

ياليل يامرفى الخواطر والاسرار
‏يا رحلةٍ بين الصخب والسكينه

‏ياما عليك ابديت مكنون الاشعار
‏واعذب تناهيد الخيال وحنينه

‏واهديت لك من عطرالاشواق تذكار
‏واهديتني حلمٍ طونه سنينه

‏ياليل في صمتك تعلمت الابحار
‏علمتني عزف البحور الحزينه

عآيد بن ضلعآن

[حمد الخالدي]

السلام عليكم ورحمة الله وبركاته
أسعد الله جميع أوقاتكم بكل خير إخواني وأصدقائي الرواسي الكرام


يا وردة الفُل ما أدري زهرة الأرجوان
يا نجمة الصبح يا حلمٍ بترنا يده

ليت العمر يسعف اللي ما خدمه الزمان
اللي غدى محزمه وعمامته وسنده

خال الخيال بعيونه لين وصل المكان
ومن يوم وصل المكان اللي يبيه فقده

كان يتحرى المطر والعشب والديدحان
لكن ما عيّن إلا بارقه ورعده

ويا مهرةٍ ما عسفها اللي يعسف الحصان
واللي يفكر يطاردها يموت جهده

في نجد عاشت بليا سرج والا عنان
ويا حظه اللي لقاها والله إن تسعده

أقفيت عنها وأنا حرٍ يخاف الطمان
حتى لو إنها شموخ وهقوةٍ مبعده

مير الهوا ما تهيا..لين فات الأوان
والطيب يبقى شذا ذكراه ما نجحده

((وردة الفُل))

[الجووهره]

وعليكم السلام ورحمة الله وبركاته
هلا بك ويسعد أيامك شآعرنا الخالدي
وصبآح الفل ههههه
وصح لسآنك على التسليه الجميله
ودآم حضورك وابدآعك

[ناصر الهواوي]

وعليكم السلام ورحمة الله وبركاته حياك الله يالخالدي بعد غيبه وصح لسانك
ارحبي يالجوهره وتستاهلين التسالي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
يامرحبا ياحمد بك ما تقافا الزمان=وماهاج وسط المحيط امواجه المزبده
وماغردن الطيور وما ازهر الاقحوان=وما كفكف الليل عن نور الصبح في يده
جيت وجبت ما نحبه وانت اعز الخوان=قلل غيابك وما نرجيه منكم زده
وما فات خله يولي والله المستعان=والياس دسه بقدم رجلك وفالك عِده
قد يجتمع بعد فرقه بامر ربك اثنان=ان صح قصد القلوب نفوسنا مجنده
هنا احتفظنا لك بمجلس وعرش ومكان=(والجوهره بالسجن بحراسه مشدده)ههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
ياخفير السجن وين الشاذليه=السجينه ما تفتح من ضرمها
منزلتها قبل نسجنها عليه=من جحد حضورها الدايم ظلمها
والقدوع خلاص من منتج ضريه=دوك فلاح النخل توه صرمها
ما يصير الكبش مندي فيه ليه=اند لك تيسٍ يخفف من قرمها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
القرم/ لفقد اللحم
الضرم /للقهوه
الخرم/ للدخان وغيره كفانا الله شره/تحصيل حاصل هههههه

[ناصر الهواوي]

لله درك يابو منصور هذا اللي محببنا فيك والا عيال الناس واجد
ماقصرت باقي ثليمه قد طلبتها منك ببويتات قديمه لو تكملها سميناك الكامل والكمال لله جلا وعلا
ههههههههههههههههههههه

[ناصر الهواوي]

لو تقتني لك مثل ماني مقتني=اتوردك هداج مال المفردات
سند هجوس ولاتكل ولا تني=تقول نم وانا براقبهم ما ابات
لوهي تحدر خلها وادٍ سني=لوادي مريف ترجعه بالمقبلات
واحني خاطر من فقد ريفه حني=كذاب من هو قال ماقد فات مات

[الجووهره]

البقااا شآعرنااا
وتستآهل الطيب طآل عمرك
وصح لسانك على الترحيبيه
ويستااهل شآعرناا الخآلدي

[الجووهره]

ياخفير السجن وين الشاذليه=السجينه ما تفتح من ضرمها
منزلتها قبل نسجنها عليه=من جحد حضورها الدايم ظلمها
والقدوع خلاص من منتج ضريه=دوك فلاح النخل توه صرمها
ما يصير الكبش مندي فيه ليه=اند لك تيسٍ يخفف من قرمها

صح لسآنك شآعرناا
وتسلم ماعليك زوود
الله يحفظك ويسعدك

[حمد الخالدي]

وعليكم السلام ورحمة الله وبركاته
هلا بك ويسعد أيامك شآعرنا الخالدي
وصبآح الفل ههههه
وصح لسآنك على التسليه الجميله
ودآم حضورك وابدآعك

وايامك اسعد يا الجوهرة
وصح الله بدنك وأدام تواجدك
أجل لهالحين معتقله (:

[حمد الخالدي]

وعليكم السلام ورحمة الله وبركاته حياك الله يالخالدي بعد غيبه وصح لسانك
ارحبي يالجوهره وتستاهلين التسالي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
يامرحبا ياحمد بك ما تقافا الزمان=وماهاج وسط المحيط امواجه المزبده
وماغردن الطيور وما ازهر الاقحوان=وما كفكف الليل عن نور الصبح في يده
جيت وجبت ما نحبه وانت اعز الخوان=قلل غيابك وما نرجيه منكم زده
وما فات خله يولي والله المستعان=والياس دسه بقدم رجلك وفالك عِده
قد يجتمع بعد فرقه بامر ربك اثنان=ان صح قصد القلوب نفوسنا مجنده
هنا احتفظنا لك بمجلس وعرش ومكان=(والجوهره بالسجن بحراسه مشدده)ههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
ياخفير السجن وين الشاذليه=السجينه ما تفتح من ضرمها
منزلتها قبل نسجنها عليه=من جحد حضورها الدايم ظلمها
والقدوع خلاص من منتج ضريه=دوك فلاح النخل توه صرمها
ما يصير الكبش مندي فيه ليه=اند لك تيسٍ يخفف من قرمها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
القرم/ لفقد اللحم
الضرم /للقهوه
الخرم/ للدخان وغيره كفانا الله شره/تحصيل حاصل هههههه

الله يحييك ويبقيك يا ابو عبيد وعساك فالوجود
وصح الله بدنك ولسانك يا الأمير
وبارك الله في ضريه ونخيلها (:

[الجووهره]

ذآئقة الظهريه

‏على الأمــل نزرع بساتين الاحلام
‏عسى المزون تمرها في وعدها

‏تروي عروق ً غرهــا صيف الاوهام
‏لولا الأمل ماتت ضمى في مهدها
....

‏مداهيل حبه بين حدب الضلوع العوج
‏مراتع غرام ٍ عن هوى الغير محميه

‏عناقيد ورد العشق بفياضها منسوج
‏سقاها من قنوف الغلا ديم وسميه

...

. ‏أكرم موازين المخاليق الأخلاق
‏وأكبر كنوز الأرض كنز القناعه

....

‏لا صرت متعافي ولابك عذاريب
‏ والروح ماتشكي عوارض جسدها

‏ اسجد لواحد يعلم السر والغيب
‏ تراك في نعمة وغيرك فقدها

وبس والله سلآمتكم

[حمد الخالدي]

تسالي للسجينه ورواد السجن

‏لا تجهد الأحلام بحبال الأمل
وحاذر يجيك من الزمان أزمة ثقه

وازن شعورك..بين حلمك..والعمل
والا السراب إن جاز لك.. لا تلحقه!‏

..

لي هاجسٍ له ثلاث شهور وسط الشَرَك
وما جاب تفسير لك يا قصة الإحتلال

يمكن لأن المشاعر عاملٍ مشتَرَك
أو يمكن الحلم راح وحطنا له ظلال

‎..

‏إتقن عملك ولا تحرَّى علاوه
وإصبر على جرحك ولو خرّ دمان

ما فيه شيٍ ما يجي بالهداوه
مير الطفاقه تنهي أحلام الإنسان

‎..

‏حنا حرار ودايم عيوننا فوق
إما نشوف سهيل والا نتعداه

وإن كانها بالذوق حنا هل الذوق
وإن كانها بالطيب حنا كسبناه

..

‏إنفجار المشاعر وإندلاع القصيد
حالةٍ عاطفية ماهي بكارثه

وإنتصار الأشاوس في صدام الحديد
كان بإسم المحنّك زيد بن حارثه

‎..

‏الآدمي يفنى وهو يطرِد ورى زمام الأمور
حتى ولو جوَّد بعضها ما يشد زمامها

عايش..وينهكه العمر..وأوقات..يملاه السرور
واحيان تاتيه الفرص وتفارقه ما سامها

‎..

‏هذي ثلاث شهور والراس منداش
وعلوم قلبي كلها ما تطمِّن

اضحك مع العالم على طاش ما طاش
وأكبح شعورٍ لأنطلق ما يثمِّن

..

‏‏يا صبح لو تشرح اللي صاير البارح
تبقى تفاصيل ليلٍ ما تترجمها

أحيان أقول الكلام الزين وأصارح
وأحيان أنا أبلش بروحي كيف أكلمها؟!

‎..

‏يا كثر ما نرمي بلانا على الناس
ونقول هالعالم تغير علينا

ولو نِرجع الوزنة على ادناة مقياس
شفنا البلاوي كلها من يدينا

‎

[كديميس السيحاني]

ابو عبيد
حمد الخالدي
خيال
الجووهره

صحت السنتكم ودام تواجدكم
ابدعتوا و امتعتوا
،
،،
،

[كديميس السيحاني]

ابو عبيد
ياكثر الثلوم ههههههه
و اما اللي تقول قد طلبت مني
والله يالغالي ان الذاكرة ماهيب ليا هناك هههههه
وانت تأمر امر
،
،،
،

[كديميس السيحاني]

تسليه للسجينه من الاوراق المبعثرة
،
،،
،

الحروف سيوف في شوف مكتوف الكفوف
والصفوف وقوف معروف والخوف اختفا

رد ود وبعد حد جد ياشد الصدوف
هد لِد ولا تصد ند يابرد ودفا

ثقل عقل وحل حقل احتمل في حمل الوف
خِل هل ولا يزل واكتمل حفل الوفا

الغلط خط انفرط واشترط خلط القطوف
لوربط شط اختلط وارتبط لو ما طفى

طوق شوق وذوق فوق ياعذوق وياسقوف
سوق لبروق الصدوق الحقوق ليا اقتفا

للنظر صبر انتظر واستعر صدر الحروف
الضرر جمر وشرر وانتحر حر احرفا

للميول حلول والقول معقول الحلوف
وللحمول عدول ويزول مدلول الخفا

العيون تمون بطعون وحصون وتنوف
والهتون مزون وردون محزون ونفا

الخدود ورود والزود لنهود وردوف
والحدود قيود وبنود وسدود اردفا

مرهفات ومسكرات باس/مات آت الحتوف
مضحكات ومبكيات لا عبات (إ)له احتفا

جيد صيد وسيد غيد العناقيد الهدوف
للفريد العيد تمجيد ويزيد أهدفا

للبخوت التوت والموت من صوت الهتوف
قوت من هاروت ويفوت ماروت اهتفا

[كديميس السيحاني]

تسليه
من القديم

2015, 07:51 pm
يـا صاحبـي كـل بــاب (ن) و إلــه مـزلاجـه
لا تـقـفـل ابــــواب وصــلــي لــــك ومــيــرادي
و انــا عـنــادك صـحـيـح احـيــان محـتـاجـه
مــا بـيـن جِــدّك و مـزحـك يـعـزف الـشـادي
و مـيـزة عـنـادك لـيـا عـانــدت فـــي حـاجــه
تحـصـل عـلـى مـــرادك و تمنـعـنـي مـــرادي
و قــدرت تسـطـي عـلـى فـكــري ومنـهـاجـه
لـــو مـنـهـج الــجــد ســــردادي و مــــردادي
و مـا ابـيـك تـزعـل وطـرفـك تعـقـد حجـاجـه
سـلـهـام طـرفــك يـصـيــب ويُــفــرِح فــــوادي
قـــل لـيــه بـلـسـم جـروحــي تـقـفـل ادراجـــه
و تنـبـش قـديـم الـجـروح وتـجـرح جـــدادي
و الـشـوق لـــه نـــار رغـــم الـبـعـد وهـاجــه
مــع ســاري اللـيـل دق الـشــوق الأوتـــادي
و إن قلت لـي كيـف شـوق ولا بـه مواجـه
قلـت إن لـك شــوق فــي قـربـك والإبـعـادي
لـلـشـوق ذكـــرى وريـشــة رسـمــك سـراجــه
والــروح تبـقـى السفـيـره و الـصــدر نـــادي
أُمـــــرح بـنــاديــك يــــــا نــبــعــه و ثــجــاجــه
و ساقي الزروع العطاشا و اعلن اعيادي

[كديميس السيحاني]

تسليه
من القديم

2015, 07:51 pm
يـا صاحبـي كـل بــاب (ن) و إلــه مـزلاجـه
لا تـقـفـل ابــــواب وصــلــي لــــك ومــيــرادي
و انــا عـنــادك صـحـيـح احـيــان محـتـاجـه
مــا بـيـن جِــدّك و مـزحـك يـعـزف الـشـادي
و مـيـزة عـنـادك لـيـا عـانــدت فـــي حـاجــه
تحـصـل عـلـى مـــرادك و تمنـعـنـي مـــرادي
و قــدرت تسـطـي عـلـى فـكــري ومنـهـاجـه
لـــو مـنـهـج الــجــد ســــردادي و مــــردادي
و مـا ابـيـك تـزعـل وطـرفـك تعـقـد حجـاجـه
سـلـهـام طـرفــك يـصـيــب ويُــفــرِح فــــوادي
قـــل لـيــه بـلـسـم جـروحــي تـقـفـل ادراجـــه
و تنـبـش قـديـم الـجـروح وتـجـرح جـــدادي
و الـشـوق لـــه نـــار رغـــم الـبـعـد وهـاجــه
مــع ســاري اللـيـل دق الـشــوق الأوتـــادي
و إن قلت لـي كيـف شـوق ولا بـه مواجـه
قلـت إن لـك شــوق فــي قـربـك والإبـعـادي
لـلـشـوق ذكـــرى وريـشــة رسـمــك سـراجــه
والــروح تبـقـى السفـيـره و الـصــدر نـــادي
أُمـــــرح بـنــاديــك يــــــا نــبــعــه و ثــجــاجــه
و ساقي الزروع العطاشا و اعلن اعيادي

[ناصر الهواوي]

اهلا بالجميع ومساكم سعاده وصحهوسلامه
صح الله لسانك يالخالدي وصح بدنك
اهلا يالجوهره وصح بدنتس
ارحب يابو منصور وصح الله لسانك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
بعثت لك قبل مده يا رجل دعوه=ولا اجبت والا اعتذرت اثرك ناسيها
زيارتك لي صله واجر وبها سلوه=وشوفة ديارٍ هلك قد ربعوا فيها
فقار نجد العذي لاربعت حلوه=وسط وعسعس جبال الرب حاليها
وايضا عريق الدسم للضيق به جلوه=ومن به طواري وجا طخفه يخليها
دوجت من ساحل الخفجي الى قلوه=ما شفت بدياهم دارٍ تحاليها
وسلامة الجميع

[كديميس السيحاني]

[quote=ناصر الهواوي;612548]اهلا بالجميع ومساكم سعاده وصحهوسلامه
صح الله لسانك يالخالدي وصح بدنك
اهلا يالجوهره وصح بدنتس
ارحب يابو منصور وصح الله لسانك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
بعثت لك قبل مده يا رجل دعوه=ولا اجبت والا اعتذرت اثرك ناسيها
زيارتك لي صله واجر وبها سلوه=وشوفة ديارٍ هلك قد ربعوا فيها
فقار نجد العذي لاربعت حلوه=وسط وعسعس جبال الرب حاليها
وايضا عريق الدسم للضيق به جلوه=ومن به طواري وجا طخفه يخليها
دوجت من ساحل الخفجي الى قلوه=ما شفت بدياهم دارٍ تحاليها
وسلامة الجميع[/quote

مع موج بحر الخليج اخذت لي خلوه ::
و الموج جاب الهجوس اللي موديها

حسبي على الصيني اللي سبب البلوه ::
نشر كرونا و تباعدها و بلاويها

خذ يا الهواوي وعد مني على ملوه ::
مانيب من يعطي و عوده و ينفيها

ليا من كلٍ من الوسمي شبن دلوه ::
إن يسر الله يا الدعوه للبيها

و نسج في نجد الامجد حدر مع علوه ::
و الذاكرة تسترد لكل ماضيها

[الجووهره]

وش هالزين يخزي العين
هههههههه
شعرآء روآسي المبدعين
الهوآوي ، الخآلدي، كديميس
صحت الالسن ويعطيكم العآفيه
ومشكورين على التسآلي الرآئعه
ودآم حضوركم الجميييل وابدآعكم

[الجووهره]

خفيرناا وينك؟
وين القهوه والعيشه
هههههههه

[الجووهره]

رحووله طول غيابك
اشتقنااا لك
عسى المانع خير
ان شاء الله

[الجووهره]

‏يارب يسرها على كل ضايق
‏وارفع ستار الهم عن كل محزون
‏.
‏لوكان في درب السعادة عوايق
‏تهون مع رحمتك ي خالق الكون

...

[كديميس السيحاني]

السجن مريته ولا شفت سجان
وناديت ماردت علي السجينه

ولا شفت زنزانه ولا شفت جدران
ماشفت كود الاسم يا كاتبينه

[كديميس السيحاني]

السجن مريته ولا شفت سجان
وناديت ماردت علي السجينه

ولا شفت زنزانه ولا شفت جدران
ماشفت كود الاسم يا كاتبينه

[ناصر الهواوي]

نظارتك ما هي من انتاج الالمان=بروازها هندي صناعه رديه
والجوهره بالسجن واكيد مليان=بزوارها كلٍ يقدم هديه
وخفيرنا وكلني وراح عجلان= يشغل منصه للولد والبنيه
وانا ادري انك من سلايل كحيلا=مريت نافذتي وادينك خليه
وش جبت يوم انك تزاور مسيان=لا ابرست لامشوي ولا شاذليه
دع كل ذا وانصت لعذبات الالحان=ساعة طرالي ما طرا هالعشيه
في حالةٍ ما بين واعي ونعسان=بالذاكره صوره وعرضت عليه
حين استظلت ورده برمش وسنان=عساي ما ضره خدش هالنديه
كيف البرد ما اذابه الجمر يافلان=ومنتوق جيد ونغمته مخمليه
لو هامس اللي له اسبوعين مرضان=حماه من فعل الكرونا قويه
اصبح معافا كن ما ضر به كان=تطعيمه اصبح في مهامس (سميه)

[الجووهره]

يسعد مسآكم
وصحت الالسن
ودآم الحضور الجميل والابدآع



يقوول

يقول مَن عَدى على راس عالي
‏رجم طويل يدهله كل قرناس

‏المستريح اللي من العقل خالي
‏ما هو بلجات الهواجيس غطاس

‏حملي ثقيل وشايله باحتمالي
‏واصبر على مر الليالي والاتعاس

‏لا خاب ظني بالرفيق الموالي
‏ما لي مشاريه على نايد الناس

[الجووهره]

‏ليت الحبايب مثل وضع العماله
‏من غاب بلغنا عليه .. الجوازات.



كان بلغنا عن الرواسي والرآسيآت

هههههههههه

[ناصر الهواوي]

تغيب وتويق وتختفي ياحمد ذا ليه=وحنا بك وشرواك دايم حفاويه
تناتيف من ما فكرك ليا اختلى يمليه=ليا حن جيبك مع ديارٍ خلاويه
تاثير لسباريت الخلا الخاليه عليه=على البال دايم ذكر عين النداويه
مجاله يروح الهم منه ويعود ايليه=وبقاه بمحيطه فوق تسعين بالميه
وتعازي لقلبٍ فقد من هو يبي كاويه=بمجمع معاليقه مع الاورده كيه

[عبدالله الدّنّيش]

السلام عليكم وأسعد الله أوقاتكم
وصحت السنتكم وذوائقكم وطابت أبدانكم
ويا مرحبا بالجميع .. السجن منوووور بتواجدكم والهواوي مستأنس
في سجنه .... أممممممم آخر عهد لي هنا يوم كنت مع الهواوي على المفطح
وتسلم يد من قدمه وأكيد أنها شاعرة حزبنا ، كثر خيرها وشعرها .
الأجواء عندنا ما شاء الله يوميا رعود وسعود وأمطار وبراد والحمد لله .
وكان ودي أفاجئ ابو عبيد بزيارة علنا نستمتع بالمزرعة والتمور والجنيههه
وبالمناسبة النخيل عندي هالسنة أنتج شيئ يسر العين والذوق والحمد لله .
وسأتبع هذا بقصيدة هاجسية علها تشفع شيئ من الغيبة. وسلاااااامتكم .

[عبدالله الدّنّيش]

^-^ آقووول ^-^

حياك يا هاجسي حياك .. حياك = حياك في نجد وأقلط في ضريه
صوب الديار العذية حُث ممشاك = وأنص الهواوي ضحى وإلا عشيه
بلغ سلامي وقول العلم ينصاك = والعلم جُره بنغمة سامريه
ويا هاجسي غن وأفصح عن خفاياك = وأرمز لذات الهوى وأخف الهويه
وإشرح صدور القوافي قبل مغناك = خل الهواجس تهز الشاعريه
هذاك شاعر ونجمه فوق الافلاك = جنيّته لا سرت تسمع دويه
يدوي بشعره ويمطر في سماياك = يرويك في صبح وإلا مغربيه
ون جيت راجع ترى ما خاب مسعاك = شميت ريحة صبأ نجد العذيه
عوّد على ديرتك وأنشد لذكراك = ويا عل ريح الصبأ تعطف عليه
وأعزم هجوس الهوى تهوي لملفاك = يمكن تجيب الهواوي والصبيه
هنا ربيعك ومصيافك ومشتاك = والنحل ما يضوي إلا بالخليه
وودع نجود العذية وأدع مولاك = يرهي لها سيل مزنة عقربيه
&
( والله يكرمنا بمزنة ، يرحم مزنه ههههه )

[شاعرة نجد]

السلام عليكم ورحمة الله

ومساء الخير رواسينا وراسياتنا

وصحت السنتكم ابو منصور والهواوي,ولاهنتوا على هـ المجاريات الممتعه
السجن مستمطر الله يزيدكم من فضله

ومرحبا شاعرنا الدنيش وعودا حميدا
وصح لسانك
وصحت ذوائق المتذوقين ,دام التواجد والاختيار الفاخر

تقديري,’’

[شاعرة نجد]

تسليه لـ السجينه

أحب السكينه والهدوء واكره الازعاج
واحب القصيد العذب لـ جاا على حله

واحب البحر بالذات لـ صارت الامواج
تلاطم بهون ويسري الليل مـ امله

مع الذكريات الماضيه قاضيه واحتاج
بشيٍ من النسيان لو ماحصل كله

بـ اعالج جروحي بْعَسف روحي بدون عْلاج
وابنسَى جَميلٍ رااح لو ماحصل زله

ذَرَتْه الذواري لين غصن الغرام انعاج
ويَبَست عْروقه لين عج الهجر تله

[شاعرة نجد]

ياترى لو فيّض الصدر غيضه ياتـرى
تسلم جْرووحه وينزاح همّن مبتليـه؟

وياترى لـ جاء على البال,هوعنّي درى
وياترى لاقمت أغنّيه,هوصوتي يجيه؟

وياترى لو بـ أشتكي كل ماصار وجرى
يفهم المقصود من غير مايسأل عليه؟

ضاع بي فكري وأنا جرح كبدي مابرى
واحترق قلبي وكابر وأنا مـ احتلت فيه

كل مانامت عيون البشر,ليلي سـرى
راح بي هاجوس قلبي على مايشتهيه

[عبدالله الدّنّيش]

ياترى لو فيّض الصدر غيضه ياتـرى
تسلم جْرووحه وينزاح همّن مبتليـه؟

وياترى لـ جاء على البال,هوعنّي درى
وياترى لاقمت أغنّيه,هوصوتي يجيه؟

وياترى لو بـ أشتكي كل ماصار وجرى
يفهم المقصود من غير مايسأل عليه؟

ضاع بي فكري وأنا جرح كبدي مابرى
واحترق قلبي وكابر وأنا مـ احتلت فيه

كل مانامت عيون البشر,ليلي سـرى
راح بي هاجوس قلبي على مايشتهيه

^^^
صح لسانك شاعرتنا المبدعة
مجاراه قبل الكرى ...
^-^
يا هجوسي هيضي خاطري قبل الكرى= وأكتبي صفحات عشقي بديوان الفقيه
كلما هبت نسايم غرامه لي طرأ = وأتخيّل عين فكري تناظر وجنتيه
حبه الخاثر في القلب مع دمي جرى = وأتحد بين الكريّات كني في يديه
يا هوى روحي وعشقي تراني في حرى = برفع الشيلة وأغني بصوتي في الدجيه
وأرسل الدعوة للأحباب واللي ما قرأ = والذي مثلك وشرواك يرحم والديه

^^

[الجووهره]

صبآح الخيرات
وهلا بكم
شاعرتنا المبدعه نجد
وشآعرنا القدير الدنيش
وصحت الالسن على الأبيآت الرآئعه
والتسآلي الجميله ويعطيكم العآفيه
ودآم ابدآعكم

[الجووهره]

ذآئقة آخر الليل

‏هادي الليل . . لو ميل جريد النخيل
‏طاغي الصمت لو صدري يبي فضفضه

‏لف حزن الدرايش شال ليل طويل
‏وعم ضيق الشوارع صمتها وافرضه

‏في عيوني غروب وحزن غصن ٍ هزيل
‏طار طيره وريشه في سماه نفضه

‏جيت مثل الرجاء في عالم المستحيل
‏ورحت حلم تبعثر ما جمعت بْعضه

[ناصر الهواوي]

يامرحبا ياهلابك عدة خطاك=ارحب تراحيب وبل العقربيه
سير مع اللي تعزه من دناياك=في مجلسٍ يعجبك والنار حيه
من قفلتك باب موتركم لملفاك=يرحب النجر بك والشاذيله
عطني خبر قبل ممشاكم وانا افداك=لجل نبشر من الفرحه ضريه
وندعي على حفلتك ذولا وذولاك=من ضلم واللي بهم لي قابليه

[ناصر الهواوي]

اهلا بالجميع حيالله شاعرتنا المبدعه هالمره تصالي من الوزن الثقيل صح الله لسانك حتى ترضين
اهلا يابو عامر وصح الله لسان الا الابد
ارحبي ياجوهرتنا المعتقله ودام تواجدك وصح بدنتس ونقلتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
ياحارس السجن فك الجوهره في عجل=ومكانها حط ابو عامر وكلبش يديه
خذها على الجد ما اعلمك مزح ودجل=وقضيته مبدع الله يغفر لوالديه
لجل يحدد لمسياره علينا أجل=وسير علينا معه واللي يبينا نبيه
وارسل لهل ظلم هجن مضمرات وحِجل=كلٍ من محمدين الله يرحم ابيه
للدعوه ان قررت احب ادون سجل=وادعي كديميس وايصير المفوض عليه
يكتب به اللي قبل قد قيل والمرتجل=على قبول العزيمه يالكريم اتهديه

[كديميس السيحاني]

نظارتك ما هي من انتاج الالمان=بروازها هندي صناعه رديه
والجوهره بالسجن واكيد مليان=بزوارها كلٍ يقدم هديه
وخفيرنا وكلني وراح عجلان= يشغل منصه للولد والبنيه
وانا ادري انك من سلايل كحيلا=مريت نافذتي وادينك خليه
وش جبت يوم انك تزاور مسيان=لا ابرست لامشوي ولا شاذليه
دع كل ذا وانصت لعذبات الالحان=ساعة طرالي ما طرا هالعشيه
في حالةٍ ما بين واعي ونعسان=بالذاكره صوره وعرضت عليه
حين استظلت ورده برمش وسنان=عساي ما ضره خدش هالنديه
كيف البرد ما اذابه الجمر يافلان=ومنتوق جيد ونغمته مخمليه
لو هامس اللي له اسبوعين مرضان=حماه من فعل الكرونا قويه
اصبح معافا كن ما ضر به كان=تطعيمه اصبح في مهامس (سميه)


؛؛؛؛؛
يا لاح يا ملاحي يالاحي و ليحان =
قد قالها شاعر يلاحي خويه

بالشوف ماني يا الهواوي بغلطان =
تزوير واضح في ملف القضية

تجحد ولد عمك يا ناصر على شان =
سجينة و سجان ( شر البلية )

في حزبكم شفت العجب فن و افنان =
و جحيد و امر بعيد ماشفت شيه

مما ذكرت من الكرم يا بليهان =
واضح وضوحه مثل شمس ضحوية

و ان كان تشكي من هوى نجل الاعيان=
من صغر سنك والهوى لك مطيه

ان طاوعك عسى تصيرون عرسان =
بليلة عمر ف الصالة المخملية

وانته تغني لها دان يا دان =
و عشقتك ترقص لك بروح بريه

و ان كانها قالت بدا روح من ( هان )
ءغليص اخذ حمده عزومه قويه

رح له وخمه خمة الذيب سرحان =
للصيدة اللي طارفه في الخلية

والا استعذ بالله من كل شيطان =
وعقب العصر نعستك هذي خطية 😀

[كديميس السيحاني]

لي عودة ان شاء الله
مع روائع المبدعين

[عبدالله الدّنّيش]

اهلا بالجميع حيالله شاعرتنا المبدعه هالمره تصالي من الوزن الثقيل صح الله لسانك حتى ترضين
اهلا يابو عامر وصح الله لسان الا الابد
ارحبي ياجوهرتنا المعتقله ودام تواجدك وصح بدنتس ونقلتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
ياحارس السجن فك الجوهره في عجل=ومكانها حط ابو عامر وكلبش يديه
خذها على الجد ما اعلمك مزح ودجل=وقضيته مبدع الله يغفر لوالديه
لجل يحدد لمسياره علينا أجل=وسير علينا معه واللي يبينا نبيه
وارسل لهل ظلم هجن مضمرات وحِجل=كلٍ من محمدين الله يرحم ابيه
للدعوه ان قررت احب ادون سجل=وادعي كديميس وايصير المفوض عليه
يكتب به اللي قبل قد قيل والمرتجل=على قبول العزيمه يالكريم اتهديه
^^^^^^^
أفا يا بو عبيد صدتني صيد الحمامهههه
وصح لسانك وبنانك
&
راجع قرارك وحكمك وأفتني يا رجل = كثرة غيابي بتشفع رغم حكمك نزيه
والقيد ف اليد وإلا كلبشة بالرجل = تراي مسجون والسجان قيدي بديه
لكن غيابي كثير وصادني بالخجل = والسجن يجبر بوقفاته لمنهو يجيه
ودعوتك شرفتني وأنت راع البجل = وإذا أنقضى صيفنا ننظر لفصلٍ يليه
ويسرني جيتي وأسمع كلام الزجل = لي الشرف في ملاقاتك وبِيض الوجيه
كتابة الرد صارت لي وأنا في عجل = وبكرة تجيك الردود اللي على ما تبيه

وسلااااامتكم ونشوفكم على خير
وينك يا عم خيال إفزع وجهز الغرفة ،،

[شاعرة نجد]

طابت اوقاتكم ودام الحضور وروعة السطور
وصحت ابدانكم وصحت السنتكم على هـ الابداع والامتاع

وصح لسانك يـ الدنيش على هـ المجاراة العذبه
ومبروك الحريه يـ الجوهره
وحياك شاعرنا اقامة سعيده
وابشر بالتسالي

تقديري,’’

[شاعرة نجد]

تسليه

https://www.alnaked-aliraqi.net/files/2020/02/%D8%AD%D9%85%D8%A7%D9%85%D8%A9-%D8%B3%D8%AC%D9%86-300x149.jpg


ياحمامه مع الصبح وقبيل الغروب
عند زنزانة الشاعر عليك الهديل

جودي بْحس عذب يجيب مافي القلوب
لين غيم القريحه من مطرها يسيل

ويتهيض بعذب الشعر من كل صوب
يستثير المشاعر كـ النسيم العليل

إيه عذب القصيد الله يَغَفْر الذنوب
يشرح الصدر ويْهوّن غياب الخليل

واتظاهر واهوّنها لو اني كذوب
مستحيل الغياب يْهون أبد مستحيل

[الجووهره]

‏يالله بصبحٍ فيــه تحقيق الامال
‏مدّت كـريم ودعـــوةٍ مستجابه

‏واصلاح للنيّات واصلاح للحال
‏وخـــيرٍ على الاوطان ينفك بابه


صبآح الخير
وصبآح الحريه
صحت الالسن يامبدعين
ودآم حضوركم وابدآعكم
مبرووك الحريه يا أنا ههههههه
ومنور السجن شآعرناا الدنيش
وابشر بالتسآلي

[كديميس السيحاني]

ابو عبيد
الدنيش
شاعرة نجد
الجووهره
الله يعطيكم العافية على هالابداعات
والروائع ، ولا يستغرب منكم لأنكم اهل الابداع
تحياتي وتقديري لكم

[كديميس السيحاني]

تسلية للسجين
من الاوراق المبعثرة ،،
،
،،
،

هز غصن الراك ذعذاع الهوى :: والهوى ينساق له من لا نوى::في الحنايا للصدى جاوب عوى :: واهني اهل القلوب الرايقه

هم نبع القول قالوا وش يقول :: في كلام الناس ماتلقا الحلول :: والهوى ياصاحبي حسب الأصول :: في وصال الوصل وصله عايقه

هز وجدان الغرام اللي حكى :: لو مجرد مزح ماضني شكى :: يحترق قلبي وجفني مابكى :: ياصدورً من غلاها ضايقه

هانت الدنيا ولا كانت مقر :: وللهوى شلنا على جناح الصقر :: لين حطينا لهوانا مستقر :: آآآه واقلبً هواها سايقه

هاجسي لو مر بإعصار الهبوب :: يسبق الإعصار ولصدري يجوب :: ياخليل القلب يعشق للغروب :: لو ضحكت الهم ماني طايقه

استعرت الصبر لين إنه قضى :: ما حسبت سنين في عمرٍ مضى :: ما شعرت الا بعد ضاق الفضا :: واثر قلبي نون عيني بايقه

لو بغيت اقول رده ما قويت :: صعب أمِن الشي عقب أني عطيت :: شبه غصب اعطيت وأنا ما خذيت :: غير غفوة عين وابطت فايقه

فرق مابين السعادة والشقا :: مثل مايفرق نواهم واللقا :: إن هقا بالوصل والا ماهقا :: له موده رغم بعده فايقه

كان وصله طيف لكن طيف شي :: رغم شمس البعد كان الطيف فيّ :: وقت حم الصيف للعطشان ميّ :: لو زلال الميّ ما احد(ن) ذايقه

العهد لو ضاع كم ضاعت عهود :: لو مواثيق العهد جبهة صمود :: يا محل العهد صعب اطلق قيود :: و الصفه في غير وصفي لايقه

[كديميس السيحاني]

تسلية




يا سعود من غنّا على حس ليلاه =
ضحكة حجاجي ف انفرادي سلبها
يا سعود انا جيته على كيف دنياه =
اعطيه مشهاته وهو ما طلبها
يا سعود موج البحر كم صرت مرساه=
وكم ليلةٌ شعري يكحل هدبها
ياسعود قل له ليتني من دناياه =
اقول والا من طوارف عربها
ياسعود قل له من يسوي سواياه؟=
يحرق شرايينٌ ضلوعي حطبها !!
يا سعود يقرأني و يكتب و انا اقراه=
وكم كلمةٌ عقب الكتابه شطبها

[ناصر الهواوي]

اهلا بالجميع ودام حضوركم وابداعكم ولاهانت روسكم وطهرت اردانكم وصحت ابدانكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
مع تمرجح هالجرايد هجوسي قال لي
شلوط الشعار واحمس هجوس الشاعره
ابد بالادنى فالادنى وعث باللي يلي
وحط روس القوم داخل محيط الدايره
كان ابو منصور له نيه يدقق علي
شوق يابن روق له والمشاعر ثايره
قبل هالمثلوثه انا احسب إن قلبك خلي
واثر فايت هالليالي بحقك جايره
قبلك وقبلي قصيرك يصيِّح ياااعلي
شاقته صفرا صنيع غبرتها طايره
سحر بابل في هدب رمشها واضح جلي
ووجهها كالصبح لافرقت ضفايره
والدنيش مريش ان سمع صوت العندلي
لا انتبه يبكي ويشكي جروحٍ غايره
وشاعرتنا مع نواح الحمامه تعولي
بالوطا ويضيمها وجدها بالطايره
وجوهرتنا سمتها بالبشر ماله حلي
بين بوح وبين كتم السراير حايره
وانشدو عن وضع رحيل ربعي يا هلي
من ليالي بعد كانت سجينه نايره
والخفير اظنه من الغرام مغربلي
ان قرا قاف الغزل همرعت عبايره
والحفيد اللي من سنين شوقه ما بلي
كل ما كنه تشاوا اطلقوا صرايره
بس انا اللي ما اشتقي شوق والمخرج ملي
بس اجاري من جرى بالغزل واسايره

[كديميس السيحاني]

اهلا بالجميع ودام حضوركم وابداعكم ولاهانت روسكم وطهرت اردانكم وصحت ابدانكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
مع تمرجح هالجرايد هجوسي قال لي
شلوط الشعار واحمس هجوس الشاعره
ابد بالادنى فالادنى وعث باللي يلي
وحط روس القوم داخل محيط الدايره
كان ابو منصور له نيه يدقق علي
شوق يابن روق له والمشاعر ثايره
قبل هالمثلوثه انا احسب إن قلبك خلي
واثر فايت هالليالي بحقك جايره
قبلك وقبلي قصيرك يصيِّح ياااعلي
شاقته صفرا صنيع غبرتها طايره
سحر بابل في هدب رمشها واضح جلي
ووجهها كالصبح لافرقت ضفايره
والدنيش مريش ان سمع صوت العندلي
لا انتبه يبكي ويشكي جروحٍ غايره
وشاعرتنا مع نواح الحمامه تعولي
بالوطا ويضيمها وجدها بالطايره
وجوهرتنا سمتها بالبشر ماله حلي
بين بوح وبين كتم السراير حايره
وانشدو عن وضع رحيل ربعي يا هلي
من ليالي بعد كانت سجينه نايره
والخفير اظنه من الغرام مغربلي
ان قرا قاف الغزل همرعت عبايره
والحفيد اللي من سنين شوقه ما بلي
كل ما كنه تشاوا اطلقوا صرايره
بس انا اللي ما اشتقي شوق والمخرج ملي
بس اجاري من جرى بالغزل واسايره

القنوف اللي ترازم رعوده شاق لي=
جعل ودانه تناسف ضحى خبايره

اقض يا ديان دينك و مديونك ملي
ومن تطيّر يا الهواوي عليك تطايره

اثر شعر الاصمعي يوم غنا البلبلي =
يدري ان بعض القوى من هواها خايره

الغزل حل ونزل من سماه المعتلي
لين وقّع في شرليين دمٍ فايره

كنه اللي عن هل العشق جاء متوكّلي
من الحريق اعداه جاره وخيله غايره

عقب ما افطر فول مدري عدس و مقلقلي=
من خياله قال والا قصص له صايره

ما درى اني كل ما انزل ركابي رحّلي
و الهجوس مقيم و ان جاء يثور ادايره

و بنت فكري كل ما ازفر تجيني هوذلي
و الهدف لو كان طاير لزوم اعايره

الليالي يالهواوي قراح و حمّلي
و الاوادم في قداها و عماها سايره

دور اللي حولها كل خاطب هجولي
و اترك اللي عند ابوها ببيته بايره

[ناصر الهواوي]

صح مقول شاعرٍ يفلي المعنى فلي=يقعد بمرمى الشوارد وجاته ذايره
كل نوع من الحجر معتبي له معولي=لين شيد من صلاب الصخر عمايره
بس به نجمٍ على ما تعلى معتلي=بنت فكره بالطليعه على بشايره
وللحديث بقيه/ جاني النوم هههههههههههههه

[الجووهره]

أبدعتوو أبدعتووو
ماشآء الله
شآعرنا الهوآوي
شآعرنا كديميس
صحت الالسن ويعطيكم العآفيه
ودآم حضوركم الجميل وابدآعكم



وبانتظار بقية الحديث شآعرناا الهوآوي
ههههههه
ونوم العوآفي وأحلام سعيده

[كديميس السيحاني]

صح مقول شاعرٍ يفلي المعنى فلي=يقعد بمرمى الشوارد وجاته ذايره
كل نوع من الحجر معتبي له معولي=لين شيد من صلاب الصخر عمايره
بس به نجمٍ على ما تعلى معتلي=بنت فكره بالطليعه على بشايره
وللحديث بقيه/ جاني النوم هههههههههههههه



تشكي تقول يدق بك كل هاجوس!!=
و خضار قلبك يالهواوي طريِّا !!

ارقد وخل السِهر لعيون كدموس =
اللي يسامر للقمر والثريّا

فعل الهوى كنه بصدري كما الموس
و اغصان ودِّه بين الاضلاع ريّا

[شاعرة نجد]

مساء الخير عـ الجميع

شلوط الشعار واحمس هجوس الشاعره

رووعه.. تحمسها وتحمّسها شاعرنا هه وصح لسانك على هـ المعلقه الكايفه
بس البيت الاخير راجع نفسك ههه
من كثر ماتكتب غزل توقعتك تشركه حتى بالمرثيه

وصح لسانك يـ ابومنصور,مجاراة كايفه ونايفه
لاعدمنا ابداع المبدعين,وتواجد المتواجدين

وسلمتم ودمتم,’’

[كديميس السيحاني]

أبدعتوو أبدعتووو
ماشآء الله
شآعرنا الهوآوي
شآعرنا كديميس
صحت الالسن ويعطيكم العآفيه
ودآم حضوركم الجميل وابدآعكم



وبانتظار بقية الحديث شآعرناا الهوآوي
ههههههه
ونوم العوآفي وأحلام سعيده

الجووهره
صح كلك ولا هنتي
الله يعافيك ويسلمك
،
،،
،

[كديميس السيحاني]

مساء الخير عـ الجميع

شلوط الشعار واحمس هجوس الشاعره

رووعه.. تحمسها وتحمّسها شاعرنا هه وصح لسانك على هـ المعلقه الكايفه
بس البيت الاخير راجع نفسك ههه
من كثر ماتكتب غزل توقعتك تشركه حتى بالمرثيه

وصح لسانك يـ ابومنصور,مجاراة كايفه ونايفه
لاعدمنا ابداع المبدعين,وتواجد المتواجدين

وسلمتم ودمتم,’’

شاعرة نجد
صح كلك ولا هنتي
قليل عما عندكم

ابو عبيد مايكتب غزل ابد ابد بس يساير اللي يكتبونه هههههه

دام حضورك

[كديميس السيحاني]

غن يالليل الطويل وعانق النجم السماوي =
و اشرب الفنجال من يمنى نزيهه ما تمنه
والقدوع اللي مع الدله من خلاصٍ حساوي =
ما يجيه السم من ناب الهوايش لو تخنه

كل ما قلت ارجهن القلب جاه الهجس ضاوي =
ومتوزع هاجسه ما بين فرض وبين سنه

و آه يالقلب الجريح اللي عجز عنه المداوي =
مبطيٌ به جرحه اللي ثومته صارت مغنِه

ما استرحت من الشقا والشيب للعارض كساوي =
مخفيٌ برداي داي وكل شخص يظن ظنه

[شاعرة نجد]

تسليه

https://lh3.googleusercontent.com/proxy/ePHzF0WfWdQTv1QqfkB8wiCn0OO4NPAoiJMKgTfWxjZWAh21k3 3rKKvoYZbzD2FcoD0Q16eOhwlhbPh7OhwHwHPlGxH337JAGdqC _-C0vOxr_0Bi

عليها الله الضيقه ترقّب قدوم الليل
تروّح علي مع غيبة الشمس لـ غابت

وابي فزعة الصبْر وتعذر وقال الكيل
طفح واعتذر يابنت عين الصبر شابت

على الكتف مدري القلب احط الشقى واشيل
وروحي من جروحي توارت ولاتابت

غبيه وانا ماني غبيه وبالتمثيل
لقيت المخارج واجده والغلا ثابت

على لوحتي وارسم ويخدمني التظليل
ومره تصيب وعشر مراات ماصابت!

بنسج الخيال ابدع بـ الالوان فـ التشكيل
والامال كم جابت وكم يـ الغلا خابت

[عبدالله الدّنّيش]

السلام عليكم ويا سلاااااااام عليكم
وصباحكم شعر وتسالي
إبداع .. إبداع .. إبداع ما شاء الله عليكم وصحت السنتكم
شاعرتنا نجد
زعيمنا الهواوي
شاعرنا كديميس
جوهرتنا الجوهرة
خيالنا الغائب
سجيننا الهارب هههههه

ما فيكم حيلة .. تسالي بطعم العسل الغالي
والمعذرة في التأخير .. ضيوف وزوار توهم سروا بعد تناول وجبة المندي بالمزرعة
وعقبال ما نعزمكم وتشرفونا .. شرّف الله مقامكم ومقداركم . وسلامتكم .

[عبدالله الدّنّيش]

تسليه

https://www.alnaked-aliraqi.net/files/2020/02/%d8%ad%d9%85%d8%a7%d9%85%d8%a9-%d8%b3%d8%ac%d9%86-300x149.jpg


ياحمامه مع الصبح وقبيل الغروب
عند زنزانة الشاعر عليك الهديل

جودي بْحس عذب يجيب مافي القلوب
لين غيم القريحه من مطرها يسيل

ويتهيض بعذب الشعر من كل صوب
يستثير المشاعر كـ النسيم العليل

إيه عذب القصيد الله يَغَفْر الذنوب
يشرح الصدر ويْهوّن غياب الخليل

واتظاهر واهوّنها لو اني كذوب
مستحيل الغياب يْهون أبد مستحيل
***
صح لسانك شاعرتنا .. وصورة الحمامة ذكرتني بالقضبان هههه

^-^
هوْدِلي يا حمامة وأسجعي بالطروب = شجْوْ صوتك نغم والصدّ له بالولِيل
الصدى ولْوَل الهاجس وعيّا يتوب = من زمانن مضى والله علينا وكيل
حبك أقفل علينا من جميع الدروب = ما لنا غير صوبك.. بالمسار الطويل
نار حبك بصدري ولعتها شبوب = لو نجيب المطفّي قال مافيك حيل
قلبك أخضر وحسه في هواها يذوب = كلما دق دقة من هواها يميل
ودي انفث بنسمة من نسيم الجنوب = عل ّسماً يجيها من نسيم العليل

^-^

[خيال مطير]

صح الله الســــــــــــــــــــــــــنتكم ؛ جميععَ

يابو عبيد . السجين ماجاء ,, وراهـ أبطاء ,,

لو انه راكب , هايلكس , يمديه .. وصل

ما شاء الله عليكم حضور طاغي ,,

[كديميس السيحاني]

سرى الليل يا الجدي الشمالي على المعهود =
على جفني الساهر ودارت دوايرها

هزيم الرعد عقبه يجي ديم دون رعود =
ليا لاح براقه و هلت عبايرها

لواقح سحابه غب وبله تساقي العود =
وتحيي هشيمٌ لاهب القيض جايرها

تفيض وتغيض صدور ما تارد المارود =
تعل الخباري يوم فاضت سرايرها

على ما نويته والنوايا بجود تجود =
يشوق النظر شوف الفياض و حرايرها

[عبدالله الدّنّيش]

غن يالليل الطويل وعانق النجم السماوي =
و اشرب الفنجال من يمنى نزيهه ما تمنه
والقدوع اللي مع الدله من خلاصٍ حساوي =
ما يجيه السم من ناب الهوايش لو تخنه

كل ما قلت ارجهن القلب جاه الهجس ضاوي =
ومتوزع هاجسه ما بين فرض وبين سنه

و آه يالقلب الجريح اللي عجز عنه المداوي =
مبطيٌ به جرحه اللي ثومته صارت مغنِه

ما استرحت من الشقا والشيب للعارض كساوي =
مخفيٌ برداي داي وكل شخص يظن ظنه


^^^^^
شاعرنا المبدع كديميس .. صح لسانك
مجاراة .. وقصائد على أعلى ذوق ما شاء الله
ودام تواجدك وتساليك ....

^^
التسالي يا كديميس أصبحت عندي سلاوي= وكلما غني المغني شاقني شعره وفنه
هات من عذب الحروف اللي لها عندك حكاوي = وأظهر الخافي ولا تدغم لنا وبدون غُنه
أنت شاعر تعرب المعنى على نهج النحاوي = وكل صدرٍ يصدر الهاجس لها مما يكنه
واه يا صدرٍ حوى التذكار من عهد النداوي= ما جنى غير التعب والصب وأرماح وأسنه
وأنشد التاريخ والشعار والشيخ الهواوي= كم قعد راع الهوى جالس على نجره يدنه

^^ وسلامتك ^^

[خيال مطير]

تســــــــــــــــــــــليهــــــــــــــ ’,.
قصيدة نظمها الملك فهد بن عبد العزيز -رحمه الله- قبل 58 عاماً .

وقد نظم الملك فهد القصيدة في ذلك الوقت، ليرسلها إلى المرحوم الأمير فهد بن سعد أثناء مرضه في أحد مستشفيات العاصمة البريطانية عام 1385هـ .

وقد جاء في القصيدة:

يابو سعد صارت على أخوك غارات
شهرين أقاسي من شديد الغرابيل

سو المرض يحمل على أخوك حملات
وما في يدي حيلة ولا في يدي حيل

والله فزع من فوق سبع السماوات
وأنا أحمد الله يوم صارت تساهيل

ما ينفع الخايف والأيام عجلات
الخوف ما ينفع ولا القول والقيل

حنا هل العوجا ولا به مراوات
شرب المصايب مثل شرب الفناجيل

لا شك أنا مشغول في كل الأوقات
على الذي حنا بظلة رجاجيل

ماني على نفسي كثير الحسافات
لا سلم رأسه روسنا رفاع بالحيل

حامي حمانا بالليالي المخيفات
لو صار بالعلم كثير الزلازيل

فخر العروبة بالعدل والمساواة
هذاك هو فيصل ولا فيه تشكيل

يشهد له اللي شاهدوا منه ليات
ويشهد له التاريخ جيل بعد جيل


https://al-marsd.com/wp-content/uploads/2021/09/534-30.jpg

[خيال مطير]

تقول شاعرة نجد


غــديــت أنــــا وأرامـكـو..شـبــه جـــــاراات... حــســبـــي عـلـيـهـا..كـثــر مـالـوّعـتــنــي
خذت رفيق الدرب..لاقصى المسافااات... لاهــــمــــهــــا حــالــي..ولاشــاورتـــنـــي
ولابـقــى لـــي غــيــر كَــتْــبْ الـعـبــاراات .. وابـــيـــات شـعـرٍ..لابـغــيــت أطـربــتــنــي

[خيال مطير]

وتقول شاعرة نجد


يـابـحـر لاتــغــري عْـيـونــي بــالامــواج....وأغـرق وأنـا مـا اجيـد فــن السبـاحـه
أحتاج لك من ماضي الوقـت واحتـاج.... ل.هدير موجك في خفوقي مساحه
مالي عـن الضيقـه ولا الهـم مخـراج.... وألـقـى علـيـك العـصـر لاجـيـت راحــه
معظـم قصيـدي يابـحـر طــي الادراج,,,, الا عـلــى جـالــك حْـرووفــي مـبـاحــه
أفرح إلى ماشفت حولك حـد(ن) داج.... مـاحـولـي الا الـطـيـر يـكـفـخ جـنـاحـه
عـشـان أغـنـي دون منـقـود واحـــراج,,, واجـر مـبـدأ الـقـاف واطـلـق سـراحـه

[عبدالله الدّنّيش]

صح الله الســــــــــــــــــــــــــنتكم ؛ جميععَ

يابو عبيد . السجين ماجاء ,, وراهـ أبطاء ,,

لو انه راكب , هايلكس , يمديه .. وصل

ما شاء الله عليكم حضور طاغي ,,

&&&&&
السجين موجود يالخفير .. شكلك للساع نايم هات شاهي بسرعة ههه
^^
حنكف البراد بالشاي المخدَّر يا المطيري = صحصح الهاجس ترى كيفه لحبك الشعر زارم
حصحص الجمرة وهفهفها على ما في ضميري= وأكو بالفنجال من رشفه تراه الرأس خارم
من ثلاث سْنين ذقت المر والصبر المريري= ومن ثلاث شْهور والخاطر كسر والصدر وارم
ودي أكتب بيت وأغنيه باللحن العسيري = وأشرح الأشواق للشعار دام الشوق ضارم
في شعيب الشوق يحلى السير لو طال المسيري = والحلى لا سال وادي شعرها في سيل عارم
يا حلاة الزين يا المقصود يا ليتك عشيري = ليت نقضي ما بقي من وقتنا والوقت صارم
يا خيال الله يثيبك ودها وانت الخفيري = ودّ علمي وهات علمه وأحتسب يا إبن الأكارم
وأحكف البراد والدلة على الشغل الأميري = وأحنث المندي في الحفرة على شغل الحضارم
وبس وسلامتك ههه

[خيال مطير]

صح لسانك

وبيض الله وجهك .. الدنيش ,,

ونا اسف مادريت

وبكره الصبح بجيب لك معي فول , وبراد ابو اربع

هههههههههههههههههههه

[خيال مطير]

يا حلاة الزين يا المقصود يا ليتك عشيري = ليت نقضي ما بقي من وقتنا والوقت صارم
يا خيال الله يثيبك ودها وانت الخفيري = ودّ علمي وهات علمه وأحتسب يا إبن الأكارم

[خيال مطير]

http://40.media.tumblr.com/359c22d486674115fdb0c01bb6894a4c/tumblr_mv2jar006q1r2quduo1_400.jpg

ليت الحمام يْكف لـ.اصبح عن النـوح .. لاصــار ماسـبـب عـلـى عاشـقـه خـيـر
ماله وانا مالـي مـن النـوح مصلـوح... يفرض علينا الصمت حكـم المقاديـر
لو كان تجبرنا المشاعـر علـى البـوح ... ويكتب بـ.اوامرها القلم دون تفكير
وتعْزف على نغم الموده من الروح ,, ويثيرهـا النسنـاس والـورد والطـيـر


https://www.r111n.com/image.php?u=243&dateline=1544955836

[عبدالله الدّنّيش]

من الأرشيف ....
^^_^^

الخالدي نايم مثيل الهواوي وأنت سهران = يا هاجسي ما يبتلي بالسهر غير الهواوي
سهرت ليلي علّ ليلى تناغمنا بالألحان = قامت تناغي ليلها بالشجن وأحلى الحكاوي
وجيت ألاغي سجعها بالطرب والحال نشوان= والقلب يتلقى تناهيد من حر المكاوي
سرحت في طيف القوافي وحلّت وسط وجدان = كني شربت الكأس ذا يذكرونه في القهاوي
لو ني شربت الخمر من مقطعه ما ني بسكران = السُكْر من خمر الشفايف وللجرحى يداوي
ياني على قربه تولعت به والقلب ولهان = ويا كم على بعد المواعيد وأنا في حراوي
زمة نهود الصدر والردف والشفة والأوجان = والخصر من ضيق الوسط تشتكي حتى الكلاوي
والعين دولة عشق تحرس مواطنها بالأجفان = يا بخت من يسكن هدبها وتحت الجفن ياوي
هذي صفات القد ، والروح فاقت وصف الأبدان = الذوق والأخلاق والحب تلبسها كساوي
وأنا على ما قيل حاير وفي معناه حيران = وأظن ما يعرف لفك الحوار إلا الهواوي
رجعت اردد قول من قال لي يا طير حوران= خلك مثيل الذيب يقنب وبعض أحيان عاوي
ويا هاجسي سنهر وطوّق قوافيها بقيفان = وإبن البيوت اللي يردد صداها كل راوي
^^
وسلامتكم

[الجووهره]

صبآح الخير
والشعر والجزآله
أبدعتوو جميعااا
وصحت الالسن والاذوآق
ودآم الحضور والابدآع

[الجووهره]

الصبح بسمة أمل وأحلام فواحه
..وترنيمة الشوق تعزفها عصافيره
..واماني ماتغيب ونفس مرتاحه
...وقلب قنوع بما تكتب مقاديره

[الجووهره]

تسآلي للسجين
شآعرنا المبدع
والجمييع



إنتبه تطوي شراعك قبل توصل للأمآن ,
لا خذلك الوقت قل له الأمل بالله كبير !



ابتسم رغم الظروف ورغم عن أنف الزمآن ,
ماخلق ربي عسير الا خلق بعده يسير

...


النيه الطيّبه مــن طيب منبعها
وكلّن على قدر طيبه يسرج خيوله

مـثل القصيده يدلّـك طيب مطلعها
عنها ..وتبقى بكل لسان مقيوله

...

الظـروف أحيان لو تقسـى تلـين
لو تراجع شـبر تمشي لـك قـدم

لاتضايق ، مـاتشين إلا تـزين
من صبر يكسـب ولا عمره ندم

،،


حَاوَل يَكُوْن لِذَاتـك بـنَظْرَتُك صَيـت
لَإِن الِثِقــه ب الّنفــس فَضـل وَفُضَيْلـه

وَاطِلـع مـن الْدُّنْيـا وَلــك بِالـعـلَآ بـيـت
بالْوَجـه الْأَبِيـض وَالْصَّفـات الْنَّبِيّلـه

وَجَامِل وَعَامِل بِالْمِثْل خَلِّك أَن جْيـت
جَيـة مُطـر وَان غَبـت غَيْبـة قْبُيـلـه


وبس والله
سلااامتكم

[ناصر الهواوي]

السلام وبعده ارق التحيا للجميع
بصدق كانني داخل ارقى معارض مجوهرات صحت الالسن ودام الحضور
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
من الوجد ماجوره قلوبٍ تشكى=على الخليج وفي جبال السراوات
كلٍ ركز كوعه لخده وتكى=وهيهات تنفع ركزة الكوع هيهات
اللي مع الورقا الضعيفه تحكى=ساعه برفق وبالقسا بضع ساعات
لو جارة الوادي حرامٍ تبكى=لوني مكانك كان في جنبي اتبات
وراع الجبل في صدره الشوق دكا=ما قال بيت الا يختمه بونات
سطا السهم بالقلب من دون شكا=تقريرهم موجب بدون احتمالات
ومن قبل ابو منصور كان ايتلكا=ويرمي بنا مع اربع الاتجاهات
واليوم بان الجد ما عاد هكا=وصحت بوضع الشيخ كل الروايات
وتم النصاب وحال لازم يزكا=وادا زكاة نصاب شوقه بالابيات
الوجد بالعوج الرهيفات حكا=وبدا صدى حنة ضلوعه بالآاااهات
والك معلوقي من الوجد لكا=ليا ذكرت مغيزل العين بالذات
قولوا له ان الصبر بعده مذكا=وهجره مبين له بوجهي علامات
ان كان هجس العود بالقاف عكا=المعذره لو انه اسهب بالابيات
وبس

[ناصر الهواوي]

خيال قل للجوهره يابنت ما شفتي رحيل
ورحيل قولي لأحمر العينين وين الخالدي
بل وين مهرتنا اللتي نسمع لها دايم صهيل
وين الحفيد اللي لبوه اكيد ماني والدي

ومعرفات الشله اللي كانت هنيا تهيل
وريم الفلا اللي مالها بالسبك والحبكه لدي

حضور بعض اصحابنا ممكن ولاهو مستحيل
لكن انا اعرف الظروف احيان تبعد وتحدي

[عبدالله الدّنّيش]

السلام عليكم وظهريتكم خير وعافية
ما قصرت يا خيال وعساك ع القووووة

كديميس روائعك لها مذاق خاص سلمت ودمت

الشاعرة نجد .. تسالي من الغالي على بالي .. يا صح لسانك يا مبدعة

الجوهرة أشهد إن إختيارات جواهر ودرر .. سلم ذوقك الرفيع .

الهواوي .. ما نلحق مداك ولا فيك حيل قواك الله وأسعدك

وغداء هني للجميع .. وغدوة مريحة للكل .

[عبدالله الدّنّيش]

السلام وبعده ارق التحيا للجميع
بصدق كانني داخل ارقى معارض مجوهرات صحت الالسن ودام الحضور
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
من الوجد ماجوره قلوبٍ تشكى=على الخليج وفي جبال السراوات
كلٍ ركز كوعه لخده وتكى=وهيهات تنفع ركزة الكوع هيهات
اللي مع الورقا الضعيفه تحكى=ساعه برفق وبالقسا بضع ساعات
لو جارة الوادي حرامٍ تبكى=لوني مكانك كان في جنبي اتبات
وراع الجبل في صدره الشوق دكا=ما قال بيت الا يختمه بونات
سطا السهم بالقلب من دون شكا=تقريرهم موجب بدون احتمالات
ومن قبل ابو منصور كان ايتلكا=ويرمي بنا مع اربع الاتجاهات
واليوم بان الجد ما عاد هكا=وصحت بوضع الشيخ كل الروايات
وتم النصاب وحال لازم يزكا=وادا زكاة نصاب شوقه بالابيات
الوجد بالعوج الرهيفات حكا=وبدا صدى حنة ضلوعه بالآاااهات
والك معلوقي من الوجد لكا=ليا ذكرت مغيزل العين بالذات
قولوا له ان الصبر بعده مذكا=وهجره مبين له بوجهي علامات
ان كان هجس العود بالقاف عكا=المعذره لو انه اسهب بالابيات
وبس
&&&
قال وبس ... وش خليت وش بقيت من هالتكتكة
يا معين ....

معذور يا عَوداً على العُود عكا = منكم حصدنا علم وافي وخبرات
واليوم جبت العلم تكة وتكا = تكتيك ماهر بالحكي والحكايات
وسكّيت هجسك بالطواريق سكا = سكّات بنك المركزي للريالات
يا عَودنا عُدنا وبقعا تصكا = والوجد ما تشفيه كُبر العيادات
ولو نزور البيت وأطراف مكا = ما تنفع المسحور كثر القرأت
بشوف كاهن بالورق يلعب إكا = وأختار الإكة تشبه القلب والذات
قالوا من المغرب ومن وسط دكا = هاروت أخو ماروت والشغل تكات
وقالوا غريمك غار ما منه فكا = يشغل خيالك ف الصحى والمنامات
هوجس بقلبك بالدقايق ونكا = ويا صبر قلبك من صروف النكايات
ويا بخت منهو سد صدره ووكا = واللي نفخ فضفض وريّح بالآهات
وهذا شعور الفالح اللي تزكى = وعلى حبيب الخلق كل الصلوات
^^
وخلاص هههه

[عبدالله الدّنّيش]

خيال قل للجوهره يابنت ما شفتي رحيل
ورحيل قولي لأحمر العينين وين الخالدي
بل وين مهرتنا اللتي نسمع لها دايم صهيل
وين الحفيد اللي لبوه اكيد ماني والدي

ومعرفات الشله اللي كانت هنيا تهيل
وريم الفلا اللي مالها بالسبك والحبكه لدي

حضور بعض اصحابنا ممكن ولاهو مستحيل
لكن انا اعرف الظروف احيان تبعد وتحدي

^^^^^
الله يردهم سالمين غانمين

أبو عبيد اليوم يطلب من تغيّب بالرحيل
و يالله تجيب الغايبين اليوم وإلافي غدي

أشتاق للغُيّاب عصريات وإلا جوف ليل
و ما ودي أجاوب وأقله يالهواوي( نو بدي )

[كديميس السيحاني]

صحت السنكم يا الرواسي
ودام تواجدكم

ابداعكم يهيّض القريحة وعسى ان تجود بنا يرتقي الى مقامكم

دمتوا بخير

[كديميس السيحاني]

كديميس


غن يالليل الطويل وعانق النجم السماوي =
و اشرب الفنجال من يمنى نزيهه ما تمنه
والقدوع اللي مع الدله من خلاصٍ حساوي =
ما يجيه السم من ناب الهوايش لو تخنه

كل ما قلت ارجهن القلب جاه الهجس ضاوي =
ومتوزع هاجسه ما بين فرض وبين سنه

و آه يالقلب الجريح اللي عجز عنه المداوي =
مبطيٌ به جرحه اللي ثومته صارت مغنِه

ما استرحت من الشقا والشيب للعارض كساوي =
مخفيٌ برداي داي وكل شخص يظن ظنه


————-
الدنيش
^^
التسالي يا كديميس أصبحت عندي سلاوي=
وكلما غني المغني شاقني شعره وفنه

هات من عذب الحروف اللي لها عندك حكاوي =
وأظهر الخافي ولا تدغم لنا وبدون غُنه

أنت شاعر تعرب المعنى على نهج النحاوي =
وكل صدرٍ يصدر الهاجس لها مما يكنه

واه يا صدرٍ حوى التذكار من عهد النداوي=
ما جنى غير التعب والصب وأرماح وأسنه

وأنشد التاريخ والشعار والشيخ الهواوي=
كم قعد راع الهوى جالس على نجره يدنه

——-
كديميس

يا الدنيش اللي تسلّا من ورى القضبان هاوي =
وانت شاعر محترف و تجيب درّك من مغنه

ما حسبت انه عرض لك في طريق العشق لاوي =
لين كوسرت اللحون بطرق زير وضرب شنه

لو بقول ءلك الحكى بفتح مجال لكل غاوي =
يقتنص فرصة بخط اليدْ مكتوبه لأنه

ينتظر منا الزلل ويصير للموضوع راوي=
في مجالس شلّته و يزود بالتبهير بنه

و القلوب الخضر تبقى خضر لو فيها حياوي =
من حفظ قدره لشيبه ما يهاب من الأسنه

وكل ماد ان صفت خيوله وكبرن العزاوي =
ما يقود القافلة يا كود من كِسب الأعنه

[ناصر الهواوي]

يا زقينكم زقيناه أي ياحلوكم حلواه هههههههههههه
يالله اني في حجا رحمتك من كل البلاوي=كل شايب قرَّط بسباة اليمنى بسنه
ياعسى ما باس فيهم ذيبهم من عصر عاوي=لين جا بالصوت من كثر العوى قطعه وخنه
من سمعهم لو كما صلد الحجر قلبه/بياوي=ما احدٍ خلا بصدره من علومه ما يكنه
قبلقكم كم كان بالعالم بهالدنيا مهاوي=وكم عقيدٍ جابته هيفا الحشا غصبٍ تقنه
ختمها كمبودي وجوري ومسك وريح جاوي=وارجي ان الامر هذرايه ولا هو مس جِنه

[كديميس السيحاني]

يا زقينكم زقيناه أي ياحلوكم حلواه هههههههههههه
يالله اني في حجا رحمتك من كل البلاوي=كل شايب قرَّط بسباة اليمنى بسنه
ياعسى ما باس فيهم ذيبهم من عصر عاوي=لين جا بالصوت من كثر العوى قطعه وخنه
من سمعهم لو كما صلد الحجر قلبه/بياوي=ما احدٍ خلا بصدره من علومه ما يكنه
قبلقكم كم كان بالعالم بهالدنيا مهاوي=وكم عقيدٍ جابته هيفا الحشا غصبٍ تقنه
ختمها كمبودي وجوري ومسك وريح جاوي=وارجي ان الامر هذرايه ولا هو مس جِنه

ههههههه
صح لسانك وصح لسان عبدالله

ومسك الختام مقبول منك لاهنت
ولا هانوا كل المتابعين

[كديميس السيحاني]

رواسي نجد لو جريت صوتي على المسحوب والا بالهجيني =
صدى صوتي يزلزل كل قمة و ثاروا ضده الروس الرواسي

تعود الذاكره بي و اتذكر وش اللي صار في ماضِ السنيني =
سهارى اغلب احيان الليالي بسكون الليل ما نسمع حساسي

ترى متعة سهرها في عنادي، واذا عاندتها لابد اليني =
اداريها وهي درّة مصونه ولو في طبعها ذو قلب قاسي

عهود الولف تبقى ما حيينا ولو حال النيا بينه وبيني =
وانا باقي على عهدي و وعدي لو الفرقا تسبب لي مآسي

[عبدالله الدّنّيش]

مساكم وصباحكم فل
الجية متأخرة والنومة تداعب الأجفان وعساكم طيبين دوم
وصحت السنتكم وإبداعكم .. القريحة تتثأب ولكن إليكم بعض
ما في الأرشيف .. وتصبحون على خير ولقاء خير ،،،
^-^
نواياك في جوّ السماء والمطر ما هلّ = بَعَد راعدك في البحر يا ناوي الهَلّه
أراقب خيال الغيث من مرقبات التلّ = عسى جيّتك تجري كما سيل من تله
تمنيت رشةْ تبرد الجوف وإلا طلّ = هطولك لعيني يشبه البدر بالطلّه
ثوى في حنايا الصدر حُبك بها وأحتلّ = وعلّق لك الأنواط والتاج والحُلّه
وفي روضة الوجدان كادي وورد وفلّ = وفي ساحة الأشواق فَلة على فَلّة
وفي وادي الأسرار بيري ومنها عِلّ = وجودك بجاله يالدوا يبري العِلّه
خذ العلم من قاصيه بالكاد وإلا خَلّ = حبال الوفاء تربط خليلٌ مع خِلّه
وأنا بختصر وأقِلّ وأعطيك مما دلّ = كلامٍ من الهاجس كما فايح الدلّه
من المستحيلات الثلاثة وجود الخِلّ = مَثَل ما صدق، وأفكار بانيه مختلّه
تراك الوفا والخِل واللي بيدْه الحلّ = ونجدة هوانا في رِحاله وفي حِلّه
^^_^^

[الجووهره]

ياصباح الورد وانسام العطور
‏ياصباح الخيـر ياليوم الجديد

‏ياكـريم المـــد يـاللـه الغـفور
‏حقق أمـال الـبشـر فيما تـريد

[الجووهره]

ويسعد صبآحكم جميعااا
وصحت الالسن ودآم الحضىور والابدآع

[الجووهره]

تسليه للسجين
والجميييع


https://youtu.be/zOvxBqcrlGM

[الجووهره]

بصوت شآعرهاا
سلطآن الهآجري
غير كآمله


https://youtube.com/shorts/L6keJop-BJI?feature=share

[رحيل]

مساء الخير والسعاده والسرور

ياسلام عليكم وش هالروعة
ماشاء الله ماشاء الله عليكم عشان ما أنظركم (:

اي والله يابو عبيد اقصد عساه ماينقطع
بس حرف الميم سقط سهوا ): هههههههههههههه

[شاعرة نجد]

تفضل شاعرنا
أهل الشرقيه كرماء بالسمك
المفطحات الى راحوا نجد:smile:
https://encrypted-tbn0.gstatic.com/images?q=tbn:ANd9GcQyofP7vSx0r8OrotEc6pSOizqe1eDvr j2pTDGo6_LAkG_ltvQ4JhomovWbEbYBuyWVvvQ&usqp=CAU

ياسجين الرواسي بـ العوافي غداك
من كرم حزبنا جاك الغدَى يالدنيش

بيض الله وجه اللي مكلبش يداك
سلنا وسل جمهورك بعد والشاويش

غن عذب القصيد وجود من ماعطاك
بين جد وجديد وبين مزحٍ وطيش

[شاعرة نجد]

تسليه

فسرت حلمي وصار اللي على بالي
له عام في خاطري واليوم فسرته

واللي خلقني ملازمني ويبرالي
كنّه ظلالي وعايشته وذاكرته

ولاشكيته ولاعلمت به غالي
الا عزيزٍ على روحي وخبرته

علمته اني حلمت ورحت في فالي
لو قلت له ماحصل فـ الحلم كدرته

وشليت حلمي وهمي وانبرَى حالي
أدري بـ حلمي يصير وكنت ناطرته!,

[شاعرة نجد]

وصحت السنتكم شعراؤنا
وتسلمون على هـ الابدااع والامتاع
ولاعدمنا تواجد الجميع

تحيتي,’’

[رحيل]

صح منطوقتس شاعرتنا
وتسلم دياتس على هالغداء (:

انا باكل الغداء قبل الهواوي ههههههههههه
ابو عبيد مقيل تحت النخل وعذوقه عليه ميله

[كديميس السيحاني]

تسليه

فسرت حلمي وصار اللي على بالي
له عام في خاطري واليوم فسرته

واللي خلقني ملازمني ويبرالي
كنّه ظلالي وعايشته وذاكرته

ولاشكيته ولاعلمت به غالي
الا عزيزٍ على روحي وخبرته

علمته اني حلمت ورحت في فالي
لو قلت له ماحصل فـ الحلم كدرته

وشليت حلمي وهمي وانبرَى حالي
أدري بـ حلمي يصير وكنت ناطرته!,


اجاري الشعر و الشعار و الالي =
و اعارض احيان شاعر ما بعد زرته

الحلم ف العلم والا نوم قيّالي ?=
يا مفسر الحلم حسب اللي تصورته

الظن بالله خير ف كل الاحوالي =
يغيّر مسارات حلمك لو تخاطرته

اضغاث الاحلام تلعب كل موالي=
من عقل باطن يترجم لك وكبّرته

و قراية الورد حرز و حصنك العالي=
و ليا نطقت الدعاء بعقلك تدبرته

[رحيل]

‏

خيال دور رحيل وكلبش ايدينها=لرحيل مده تحاول تستسيغ الغياب
بزنزانتي حطها ذا لليل ياعوينها=حتى تعرف ان بالدنيا ثواب وعقاب
على القواريص فيها ربها يعينها=ان طفت النور نامس وان تركته ذباب
لعلها تشوف ما قد شفت في عينها=حتى تقرط على اصبعها الصغير بناب
في سجنها لا تنام الا معشينها=وانا سمعت ان رحوله تحب الكباب

‏
‏
‏
هههههههههههههههههههههههه



ههههههههههههههه

مادريت اني مسجونة
لا وبعد مع ذباب ونامس ):

صح لسانك يا ابو عبيد
عاني جيت
تسان تبوني انسجن ولا تسامحوني (؛

[رحيل]

،
،،
،
مدري وش خلاني اصحي من النوم وادخل الرواسي في هالوقت !!! 😁
،
،،
،

‏

يا رحيل ان كان نجد من التسالي سال سيل=قولي الشايب تهيّض يوم ذكرته صباه

من منامي كيف صحاني وانا ماني عليل=كنه اللي مرسلٌ مرسول وانا اسمع نداه

و يوم جاريت القوافي في المثل صبرٍ جميل =قالوا الدنيا ممر ،، وطبعها مر وحلاه

و الله اني ما امن الدنيا و لو هي سلسبيل=و والله اني ما اركن للذاتها باي اتجاه

انسفيها بحزنها نسفك لمنسوع الجديل=وما يصيب الآدمي غير اللي ءكتبه الإله

ارتجال الشايب اللي ما يسير بلا دليل=ستة ابيات ارتجال بلا ورق والا دواة

‏
‏
‏

،
،،
،



صح لسانك شاعرنا مدد
اثر فاتني شي يهول العقل :as:

[رحيل]

وين السجينه؟😁


ياخفير السجن فك الباب انا جيت لْرحيل
بالتسالي يوم بالي طاريٍ له ماطراه

بـ اتسلا وابسليها ولو شيٍ قليل
المهم مْن القصيد العذب,صادق محتواه

اسمعي عذبي ترى مـ عاد باقي فيّ حيل
واعذريني لو حزنتك ضيقة الصّدْر وُشقاه

فرصتي لاذعذع النسناس والا تالِ ليل
والا لـ غنَّى جزيل القاف وابدع في غناه

أتهيض إي واهيّض من مثل حملي يشيل
ويتذكر ويتفكر في مقاسيم الحياه

ياحلاة الصبر لو يامُرّه الصبر الطويل
كم وكم من راح عمره مالحق غاية مُناه





فديت اللي جاني بالتسالي عساني ماخلا
صح لسانك شاعرتنا
والله يبعد عنتس ضيقة الصدر يا بعدهم

[رحيل]

رحوووله المسجوونه غيآبي ههههه
وابشري بالتسآلي بس انتي تعآلي
ونورينااا ونورري السجن
بطلتك الجميييله

انتي تشوفين جوجي ):
النور نورتس يالغالية جعلني ماخلا



رحووووووووله
وينك ياجمييله
اذا طولت الغيبه دخلوني مكانها




يا حلو اللي يبي يدخل بدالي ):

[خيال مطير]

صح الله السنتكم جميع

ونا اقوووووول وش ريحة العطور والبخور في السجن
منوره رحيلووووووهـ ,
الدنيش مانظف السجن من الصراصير
بروح اجيب فليت ...هههههه
يلبى هـ العيون الحور

[خيال مطير]

اشغلني التفكير :
يا ام العيون الحور ،
.
انتي صباح الخير !
ولا صباح النور

[ناصر الهواوي]

‏

قبل مراسيل الكرى تاصل العين=ياهجس لاتبخل بعذب التسالي
منين ابا ابدا وانتهي بالخبر وين=بل كيف اغطي والقصيد ارتجالي
للمشكله ياهاجس الشعر عامين=عامٍ يداقش عام واعزتالي
الهجر تكة صدر والظاغط البين=وقلب العنى ضغطه من الشوق عالي
كم جيم في حايط متى صكت السين=لا باول الصده ولا جات تالي
من له عقل لا يركن لقول بعدين=لخلف الوعد بعدين عامل مثالي
بعدين يوم وجمعه وشهر وسنين=يمرر اللي كان من قبل حالي


‏
‏