هنا .. سجن القوافي !!

[الجووهره]

يسعد أيآمك رحوله
والجميييييع

‏لا تجعل البسمه تفـارق محياك
‏وارسم على وجه الحياه ابتسامه

‏واحمل معك اجمل مشاعر بدنياك
‏واطلب من الله في الحياة السلامه


مسآكم خير وتفآؤل وابتسآمه

[رحيل]

وايامتس
صح ذوقتس يابعدهم

ومساتس ورد جوري



.............................




طيفك يحاصرني مع كل اتجاه
يا اجمل مواضيع القصيد ولبها
ㅤ
شفهم لاقالوا انت تحب الحياه
اتخيلك واقول اي والله احبها




(:

[ناصر الهواوي]

ارحبن ثم ارحبن لا عدمنا هالحضور
ياكثر من غاب عنا وذولي حاضرات
يالعل ايامهن دايم افراح وسرور
ويالعل بيوتهن بالسعاده عامرات
(توقيع حضور فقط)
هههههههههه

[ناصر الهواوي]

مممممممممممممممممممممممم هه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
دايم وتغريدك يجي خارج السرب=وش فيك عن جنسك من الطير هارب
حزني عليك احرمني الزاد والشرب=لو كان ما بينك وبيني تقارب
اشفق عليك ومنك لا سرت بالدرب=لو ان ما بالدرب شوك وعقارب
يا الذ من در المشمل من العِرْب=لا يصير قلبي لك وسيلة تجارب
ماهو صغير تلقنه جدول الضرب=ولا له سوى ما بينه لك مآااارب

[عبدالله الصقري]

الله يسعد مساء الكل
و صحّت الألسنه و الابدان جميعا
و العذر من الله ثم منكم عن الغياب
ههههههههههه
بس و سلامتكم

[عبدالله الصقري]

https://www.r111n.com/t41483.html

[الجووهره]

يسعد مسآكم
والبقااا شآعرنااا
وتسلم طآل عمرك
آميين وايآآك
وصح لسانك ودآم حضورك وابدآعك

[الجووهره]

منوره رحووله
ويسلم ذووقك

[الجووهره]

وهلا بك شآعرنا الصقري
منور بعد الغيبه
وعودا حميدا.
وآخر الغيبآت ان شاء الله

[الشامخه]

السلام عليكم ورحمة الله،،
مساءكم خير وسعاده يارب،،
وشلونكم عساكم طيبين جميع،،
اشتقت لكل واحد ب اسمه الحاضرين والغياب،،
صحت الالسن والاذواق ابدعتم،،
اخونا العود الهواوي،،الصقري،،
مستشارنا وجوج ورحوله وملوكه،،
دام وجودكم يارب ولاحرمنا منكم،،
اخص الهواوي الله يسعدكم،،
والله يرد الغايبين،،
واعذرونا على الغياب والقصور.

[الشامخه]

ياطيبين الذكر مافي احلى من لقاكم
‏نغيب مهما نغيب القلب مستحيل ينساكم،،
______________________
نعيش فوق البسيطة بالكِبد والكفاح
‏والهم يسلب من المخلوق حريته

‏والمشكلة كان قام الهم والعزم طاح
‏الواقع يرجّع الطايش لـ عقليته

‏من لانجح في فروض الله ماله نجاح
‏لو الذهب والسيوله تحت ملكيته

__________________
نعيش ونشوف والدنيا رحاها يدور
‏ونضحك بوجه الظروف الضحكة الساخرة

‏نصبر على الوقت ونكنّ الوجع بالصدور
‏والبحر شالت متون عزومه الباخرة

‏يا صاحبي لا يجي منّي ومنّك قصور
‏تعال باب الصحيح بنفتحه لآخره

‏يابن الأجاويد ما فيه اخويا بالقبور
‏ان كان بيديك نفع إليا متى ذاخره

[خيال مطير]

https://www.alriyadh.com/media/thumb/ad/74/330_af30ed6d1e.jpg

لو قلت احبك تنبت في قاعي ازهار

وارض الجفاف تصير مليانةٍ ريف

خل الشقا والناس من حولك كثار

قلبك يضيّفهم وخلانك الضيف

واللي يحب النار ما يطفي النار

وفي كلمتين أقول لك: تشتعل كيف؟

(ريما الشرفاء)

أشوف يوم العيد لحظة وجودك

عيدي وكلٍّ حرّ في يوم عيده

(بنت السعودية)

اللي عشق واشتاق ياعزتي له

الله يعينه كلما حن واشتاق

(ريم العتيبي)

ياحي هالصوت الحبيب الشمالي

شايل عناقيد الغلى لاجلي وجاي

(حصة هلال)

بحروف شعري كتبتك ثم غنيتك

يوم ان حبك بقلبي عايشٍ فيني

(..)

تعال بشرح لك أنا كل مغلوق

تعال شاهدني مع ذكرياتي

(عابرة سبيل)

لا مـاكـتـبـت الـشـعــر شــهــره ونــومــاس

لــكــن كـتـبـتـه مـــــن خــفـــو ق ٍ يـعــانــي

(الحوراء بنت نجد)

[ناصر الهواوي]

حيا الله من يانا
الصقري من طول الغيبات جاب الغنايم/مافتحت الرابط لكن حضورك اغناني وهلابك وعودا حميدا
حيالله جوهرة سجننا وسلمتي ودمتي
رحيل لو ما لقيت اسمها نعتبرها على قائمة الحضور
ياهلا وغلا ومرحبا بالشامخه رفع الله قدرتس وشرح بالخير صدرتس وعليتس السلام ورحمة الله
وبركاته فعلا فاقدينتس
تسالي فاخره خصوصا
يابن الاجاويد ما فيه خويا بالقبور= ان كان بيديك نفع الى متى ذاخره
عن معلقه
اهلا بالخيال مقتطفات فاخره بالحيل

[ناصر الهواوي]

وين سوق الصبر يالخيال ابا اشري منِّه=ودلني على حراج الشوق ابا ازلم شوقي
لو جرام الصبر بالف وذاك قرش لطنه=باشتري وابيع ما وديت في صندوقي
دام كلمة مرحبابك صار فيها منه=كان اهنت النفس له لا تعتبرني روقي
شف خلاج اللي خذوا مفرودها بالدنه=لو اجاوبها الحنين ومنه يحرَق موقي
كل شطرٍ فيه قلته خاتمه في ونه=وكل بيت انهيه ينعى خاطرٍ مطروقي
لاحمست الكبد بالسفهان حمس البنه=لا تبرد حرة البنه بدم عروقي

[شاعرة نجد]

مساء الخير وتغريد الطير

أسعد الله اوقاتكم جميعا وحيى الله من عاد بعد الغياب
وصحت السنتكم واذواقكم جميع,’’

[الجووهره]

ياهلا بالجميع ويسعد مسآكم
شموووخه
مرحبا ألف وهلا مليووون
نورتي بعد الغيبه عودا حميدا
وآخر الغيبآت ان شاء الله
أبدعتي في اختيآرك الجميل
يعطيك العآفيه ويسلم ذوقك

ولا تقااااطعيين هههههه

مستشارنا وخفيرنا خيآل
يعطيك العافيه على الابيآت الرائعه
ويسلم ذوقك ودآم حضورك وابدآعك

شآعرنا الهوآوي
هلا بك وصح لسآنك
ودآم حضورك وابدآعك

[الجووهره]

مساء الخير وتغريد الطير

أسعد الله اوقاتكم جميعا وحيى الله من عاد بعد الغياب
وصحت السنتكم واذواقكم جميع,’’


يسعد أيإمك شآعرتناا المبدعه
وهلا بك ودآم حضورك وابدآعك

[شاعرة نجد]

الخيال,الجوهره,رحيل,ومن سقط سهوا
شكرا جزيلا عـ الترحيب ولاعدمت الحضور الممتع

الهواوي شاعرنا ومبدعنا وزعيمنا
صح لسانك صح لسانك على الابيات الكايفه النايفه,لاعدمنا تشجيعك
وشكرا جزيلا عـ الترحيب

وصح لسانك عـ الابيات الاخيره ملعقة عسل اصلي ههه

الدنيش الشاعر المبدع والحرف المميز
شكرا جزيلا عـ الترحيب وصح لسانك عـ الابيات الفائقه الرائقه

دمتم ودام الابدااع والمبدعين,’’

[الجووهره]

ذآئقة الظهريه

‏نجًحد ظروف الحياه ونستر الحاجه
‏والوقت يمضي وحنا ماتعلمًنا
‏،،
‏ودروب الأيام ملتويه ومنعاجه
‏بالصبر نأسم ظروف ونوب تأسمًنا
‏،،
‏أيام يلقابها المحتاج منهاجه
‏وأيام تضغط علينا ما تكلمًنا
‏،،
‏ومن لاعرف كيف مدخاله ومخراجه
‏سوات من قدم اليسًرى على اليمًنا

،،،،،،،،،،،،،،،،
الخساير تعوض والمواجع تطيب
‏والليالي فرحھا يطمس أحزانها

‏البلاء ذكرياتٍ بداخلي ماتغيب
‏ردها مستحيل ، وصعب نسيانها
‏.....

. ‏حتى لو ان الضيق ماله مواثيق
‏ماتوقف الأيام بـ اسباب ضيقه
‏ٰ
‏تضيق ثم تضيق وتضيق وتضيق
‏لكن فرجها عند ربي .. بـ دقيقه .

[شاعرة نجد]

سبحانه
ذائقه ممتعه
لاعدمنا الحضور وروعة السطور,’’

[شاعرة نجد]

نعوذ بالله من الشيطان:smile:

قام شيطان القريحه يبتسم لي ويْتركّز
يرقص وُيضرب طْبوله لين صحاها وقامت

مر يلعب لي شباب ومرّ شايب ويتعكز
من جديدي من قديمي جاب يوم الناس نامت

من حلا الايام لامر المشاريب المركز
صب لي مع جاري الارسال والجوال صامت

[رحيل]

الله يسعد مساكم

صح لسانك يابو عبيد مدد


ارحب عبدالله الصقري منور وعودًا حميدا

ارحبي شموخة ياهلا وسهلاً يا غالية عوداً حميداً
وصح ذوقك ياذوق

منورة شاعرتنا نجد وصح لسانك مدد

الجميلة جوجي صح ذوقك

خيال صحح إختيارك

[رحيل]

نعوذ بالله من الشيطان:smile:

قام شيطان القريحه يبتسم لي ويْتركّز
يرقص وُيضرب طْبوله لين صحاها وقامت

مر يلعب لي شباب ومرّ شايب ويتعكز
من جديدي من قديمي جاب يوم الناس نامت

من حلا الايام لامر المشاريب المركز
صب لي مع جاري الارسال والجوال صامت

لالا تتعوذين منه ههههههههه
يجيب الابداع (:

صح لسانتس شاعرتنا

[رحيل]

على وجه الصبا سال المشيب وذابو العمرين
يمر العين ليلٍ ما يمر عيون خلق الله

مثل هذا المسا ما له شبه في أخوانه الباقين
من أول ما بدا ماغير أردد حي هالطلّه

دريت أن العمر دمعة مشاعر وأبتسامة عين
وجيتك مثل جيات الكلام اللي على حلّه

(:

[ناصر الهواوي]

حيا الله الجميع
مرحبا بشاعرة نجد وصح لسانك وبدنك
مرحبا بالمرابطات تراحيب المطر
اهلا بالخيال
ــــــــــــــــــــــــــــــــــــــــــــــــــ ــــــــــــ
وش تقول لشاعرة نجد ياشيطانها=يوم هي من صولتك عاذت بربٍ سميع
للدرر غاصت بعد شِد فيك بطانها=وهي لغبات الدرر دون عونك تستطيع
كل عذبات القوافي لها سلطانها=بسوق شردها بغلي الثمن تشري تبيع
كل لهجه ترجمت ما حكا رطانها=وكل مسني شعر مع هجسها يصبح ربيع
قال ناضمت الخرز ذيك وين اوطانها=كيف اجادت صقلها لين صار إلها لميع
قلت ما ادري بارك الله في معطانها=بس ما رادت من هجوسها سرعه يطيع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
وماشاء الله/وبس

[خيال مطير]

حيا الله الجميع
مرحبا بشاعرة نجد وصح لسانك وبدنك
مرحبا بالمرابطات تراحيب المطر
اهلا بالخيال
ــــــــــــــــــــــــــــــــــــــــــــــــــ ــــــــــــ
وش تقول لشاعرة نجد ياشيطانها=يوم هي من صولتك عاذت بربٍ سميع
للدرر غاصت بعد شِد فيك بطانها=وهي لغبات الدرر دون عونك تستطيع
كل عذبات القوافي لها سلطانها=بسوق شردها بغلي الثمن تشري تبيع
كل لهجه ترجمت ما حكا رطانها=وكل مسني شعر مع هجسها يصبح ربيع
قال ناضمت الخرز ذيك وين اوطانها=كيف اجادت صقلها لين صار إلها لميع
قلت ما ادري بارك الله في معطانها=بس ما رادت من هجوسها سرعه يطيع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
وماشاء الله/وبس



صح لســـــــــــــــــــانك يابوعبيد وبيض الله وجهك وتستاهل شاعرتنا
لو انها تغلى علينا

[خيال مطير]

وين سوق الصبر يالخيال ابا اشري منِّه=ودلني على حراج الشوق ابا ازلم شوقي
لو جرام الصبر بالف وذاك قرش لطنه=باشتري وابيع ما وديت في صندوقي
دام كلمة مرحبابك صار فيها منه=كان اهنت النفس له لا تعتبرني روقي
شف خلاج اللي خذوا مفرودها بالدنه=لو اجاوبها الحنين ومنه يحرَق موقي
كل شطرٍ فيه قلته خاتمه في ونه=وكل بيت انهيه ينعى خاطرٍ مطروقي
لاحمست الكبد بالسفهان حمس البنه=لا تبرد حرة البنه بدم عروقي

صح لسانك ابو عبيد

[خيال مطير]

للخيل مجد بالفخر صيته انذاع

في عالم التاريخ نبراس وشموع

الخيل روح للأصالة والإبداع

إنجازها في قمة العز مطبوع

وأطباعها تفرق على كل الإطباع

وأمجادها وافعالها نادرة نوع

شمس الوفا فيها مع كل مطلاع

علامة للخير في كل موضوع

وميزة عطاها الجزل في شد الأوضاع

أعطت لها حق بالأفعال مشروع

هي مجدنا اللي ما تغير ولا ضاع

عراقة فيها أجود الجود مجموع

من حبها كل المشاعر والأسماع

صارت لها نبض.. وأحاسيس.. وسموع

وفي كل شبر في وطن وافي الباع

أفخر بها واعتز والراس مرفوع

.................................................. ...........
‏يا طموحٍ للأبد شامخٍ راسه
‏أبشر أنك شيء موثوق واساسي
‏
‏والسؤال اللي حريصة على ناسه
‏صار قلبي عنه ناسي ومتناسي

‏من دوافع هاجس القلب وإحساسه
‏ضيقةٍ بأقصى الصدر موجها راسي

‏تستمد من البحر شدة أنفاسه
‏عمقها مُرعب وميناه حساسي

‏في مُحيط الذات مرساه وقياسه
‏بين تفكيري.. وحبري.. وكراسي

‏ كل مشروعٍ له بنود ودراسه
‏والحياة دروس ..والناس لـ الناسي

‏حكمةٍ سادت والأوضاع حساسه
‏حملها ما هو على المتن متواسي

‏
الشاعرة / ‏فتاة نجد


https://www.dreamboxgate.com/imgcache/2014/493597_dreambox-sat.com.jpg

[خيال مطير]

https://www.alriyadh.com/media/thumb/0c/9b/330_f7d81f283d.jpg

شهرٍ فضيلٌ وْفضّله رب الأرباب

والله يعلم ناقص الأمر والزود

لا تفوّت الفرحة على فِعل الأسباب

العمر فرصه وأمكن العمر بالفود

يالعبد لا تنسى مواعيد الأطلاب

موعدك يومٍ لك مؤقت ومحدود

لا تشغلك دنياك ياعَرب الأنساب

لابد ما يحدّك زمانك على الكود

في موقفٍ ما ينفعك كثر الأصحاب

ما ينفعك ياكود ركعات وسجود
......................................
شعر: نهيّر النمش الشمري

[ناصر الهواوي]

ارحب يالخيال وما قصرت وسلمت وسلم ذوقك
اشوف اسم الخالدي هنيا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
غيابك ياحمد ياعل ماله سالبات اسباب
ولا زعلٍ علينا بعد ما غادرتنا راضي

نلحِّق من يغيب ان كان غالي لومنا وعتاب
لجل صدر السجن من غيبته بالحيل مغتاضي

تغيبت ويغيب الغامدي وايضا سميك غاب
وبعض غيابنا صاروا مفاعيل لفعل ماضي

ثلاث بيوت ناتج فكر من عض اصبعه بالناب
يحسب انه نسى ما فات من ماضيه واهتاضي

[ناصر الهواوي]

غيمه وذعذاعة هبوب ورشاريش
وتحفز الهجس ان تكاسلت رشه

لاواهني الطير لا رف بالريش
يشهر ويملا بالهواء العذب جشه

ان ضاق غادر مصدر الضيق ويعيش
ويرجع قرير العين لا امسى لعشه

ماهو بمثل اللي من الضيقه ايطيش
وما في يده لا ضامه الهم طشه

ولها تتمه

[الجووهره]

يامساء وياصبآح الابدآع والجزآله
صحت الالسن
شآعرتنا المبدعه
وشآعرنا الهوآوي
وصحت الاذوآق
مستشآرناا وجميلتنا رحوله
ويعطيكم العآفيه
ودآم حضوركم وابدآعكم

[الجووهره]

‏ابتسم واضحك وفكر بالنجاح
‏لو في قلبك من الدنيا جروح
‏ٰ
‏لا تحسف واترك اللي راح راح
‏فاز بالانجاز من فكره طموح .

،،،

‏قـــولوا لـجدران الـبيوت القديمه
‏تكفـــين لوجـار الزمــن لاتطـيحـين

‏يامـا عطــيتي لأجــمل العـمر قـيمه
‏يسلى بك الضايق من الحين للحين

،،،،

[الشامخه]

البقى الهواوي منور بوجودك،،
وصح لسانكك مدد بلا عدد وسلمت يمينك لاعدمناك،،
ارحبي شاعرتنا نجوده منورهه ي بعدي وصح لسانك مبدعه كعادتك،،
رحوله البقى ي عيني وصح ذوقك ودام ابداعك،،
خيال صح لسانك وذوقك ودام ابداعك،،
جوج البقى ي عيني وابشري ان شاءالله اخر الغيبات،،
وصح ذوقكك لاعدمناك.

[الشامخه]

ياربّ خذني من بساط الدالهين الغافلين
‏وأجعل بنفسي لامشت درب الخطيّه تنفره
‏.
‏وأرزقني القدره على التقوى ، وبر الوالدين
‏أبي من الكره أخيره ، وأبي من الخيّر أوفره
‏.
‏وأجعل كتابي لاخذيته ما أخذ إلا باليمين
‏مع النفوس الراضيه ومع الوجيه المسفره

________________________
‏لك ثلاث ايام والشرح في عيَيينك يطول
‏ودك تفضفض ولا ادري وش اللي عايقك
‏.
‏ابتسَم مال الحزن في سَنا وجهك قببول
‏ولا تضيييق الله يضيق على من ضااايِقك

________________
المواقف ما تجامل .. والفرص دواره
‏و الليالي تكشف اللي بالحكى متزيّن
‏.
‏جعل حنا لا بدى اللازم وشبّت ناره
‏قسمنا ميقافه يجمّل ، و ذكره بيّن
‏.
‏نعطي الطيّب على طيبه وطيب أذكاره
‏بـ الكلام ، وبـ المقام ، وبـ الجناب الليّن

[الجووهره]

هلا بك شمووخه
تبشرين بالجنه حبيبتي
وصح نقلك ويسلم ذوقك

[ناصر الهواوي]

اهلين وسهلين بالجميع
الجوهره والشامخه ما نعدم هالحضور والاذواق الفاخره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
لوين ياراسي خذتك التفاكير=راحت بك لوقتٍ تباعد وجابتك
نظرتك خلف يقال فيها محاذير=تفتك بنفسيتك لو طولت فتك
حلو الصبر لابد ما قدر يصير=يمكن تضمك دنيته بعد لافتك
مالك عتب/مجرد حظوظ لا غير=منك وعليك وفيك سلط ملامتك
وبس ههههههههه

[ناصر الهواوي]

ياجماعه من يفسر لي سكوت الصقري
لو يشاركنا التسالي من فم القطاره

[رحيل]

الله يمسيكم بالخير
والصحة والعافية (:


صح لسانك يابو عبيد

خيال
جوجو شموخه
صحت الاذواق الرائعة الراقية الجميلة

[رحيل]

غيرت مجرا الحياه وصرت بك لاهي
واسقيت فيني العروق الممحله مرّه

ياعيوني الشَاغره يافكري الساهي
ي اجمل حدث مر عبر العيشة المرّه


(:

[الجووهره]

يسعد مسآكم

وصح لسانك شآعرنا الهواوي
ويسلم ذوقك الرآقي رحوله
ودآم حضوركم وابدآعكم

[الجووهره]

‏مالنا بالعمر والوقت والدنيا ضمان
‏والزمن دوار يمشي على بطن وظهر

‏مابقى الا ايام ويزورنا شهر رمضان
‏ياكريم الوجه والجاه بلغنا الشهر .

الله يبلغنا رمضآن
والجميع في أحسن حآل

[خيال مطير]

نصايح الشيبـان وقفـه وتقديـر=واللي سمعها طاب حضه وفالـه
شاف السعد في حالته دون تبرير=وتباركـة دنيـاه والزيـن جالـه
ياصاحبي خذها نصيحه من اصغير=توه بدى بالشعـر يـوم احتلالـه
طاغي بحب الناس والشر مايصير=محدآ بغى فعل الدنـس والخبالـه
جازم وانا خالـد احـب التباشيـر=ماهمني هـرج الغلـط والحثالـه
تفكير غيرته وش القـول يامنيـر=تداولت من هاجس الشعر حالـه
شكواك من غير الولي خالق الطير=تحسب بذل النفس قـدم اكتمالـه
ابياتي الاولـى تسمـى تياسيـر=وأبياتـي الاخـر تسمـى زمالـه
أكون صادق باقي العمر بالخيـر=وإلا اموت وموتـي فـي ضلالـه
حسبتها دام الفكـر يقـدر يغيـر=على عروق الـدم فجـر حلالـه
حل الحلا في حلو ياسيـد الخيـر=دامك تعرف تزل حلـو الجمالـه

[ناصر الهواوي]

مراحب يبالجميع
خيال والجوهره ورحيل هلا فيكم وطابت لياليكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
وش قلت والا مابعد قلت انا شي=وش عاد ودك غير ما قلت اقوله
دام الليال المضويه في تلاشي=بيدي ريشك ينفلت في سهوله
اصغيت في سمعك لحاسد وواشي=واخذت لك في ساحة ارخصك جوله
ما كنت اظن هروجهم معك تمشي=والا تصدق حكي ناس معلوله
ولما احتفظنا فيه لسنين تفشي=اخافهم عطوك لجله عموله

[ناصر الهواوي]

عل السحاب اللي نشوف متناشي=على اصفر الديره تطلق ثعوله
مابه شعيب الا يقولون ماشي=جمعه وجمعه مستمرٍ هطوله
لجله لو انه شب ناره بجاشي=بدافور هجرانه ماهو نار كوله
ولها تتمه

[الجووهره]

يسعد مسآكم
وهلا بك زود شآعرنااا
وصح لسآنك ودآم ابدآعك

هلا بك خيآل
ويسلم ذوقك ودآم ابدآعك

[خيال مطير]

https://www.youtube.com/watch?v=VLvBvvhcay0&ab_channel
_________________________





https://www.youtube.com/watch?v=nC89q_x-Iuk&ab_channel

[ناصر الهواوي]

ان ما حصل بعد الخمول انتعاشي=وش عاد لو ترسل علوم معسوله
من بردها خذ ردة الفعل كاشي=مالا قدرت انول صعبٍ تنوله
قُل الحكي والا كثيره بلاشي=ولا قيل احد بنى من الحكي دوله

[خيال مطير]

https://www.youtube.com/watch?v=wVQeHJ7LL1k&ab_channel

[خيال مطير]

ليه الحراسة ما على الرجل خيفه
يسجن محبة فيه ماهو بمطلوب

على الرضا ياتي برجله بكيفه
وكفالته طرق الهجيني ومسحوب

بزين المثايل والمعاني لطيفه
اما فخر والا تواصيف رعبوب

على طواريقٍ قصارٍ ظريفه
فرحة لقا والا على افراق محبوب

الله يبطي بالاخيرة امخيفه
بغيتها صيبه وراحت على صوب

وهاتو لبن متعب دلالٍ نظيفه
والا الغدا كبشٍ من الفجر مطلوب

ردك يابو عبيد وراك سكت
//////////////////

[خيال مطير]

وهاتو لبن متعب دلالٍ نظيفه
والا الغدا كبشٍ من الفجر مطلوب

[رحيل]

الله يصبحكم بما يسركم
ويبعد عنكم مايضركم


صح لسانك يابو عبيد

صح ذوقك خيال

صح ذوقتس جوجي




ﺍﻟﻤﻌﺬﺭﻩ ﻻ ﺍﺑﻄﻴﺖ ﻋﻨﻜﻢ بمرسال
ﺣﻜﻢ ﺍﻟﻘﺪﺭ يفرض ﻋﻠﻴﻨﺎ ﻇﺮﻭﻓﻪ

ﻭﻟﻮ اﺑﺘﻌﺪﻧﺎ اﺷﻬﺪ ﺍﻧﻜﻢ ﻋﻠﻰ البال
نذكر غلا ﺍﻟﻐﺎﻟﻲ ولو مانشوفه

[رحيل]

اقبل علينا بالفضايل والإحسان
شهر الصيام اللي بروقه تلوحي

يا ما حلا نفحة صيامه وقرآن
تنعش قلوب و بلسمً للجروحي

أنا اشهد انه للتقي روض بستان
فيه الثمار و عطر زهره يفوحي

والرابح اللي زارعٍ شهر شعبان
يصبر على جهده بعزم وطموحي





الله يبلغناه وحنا في احسن حال

[الجووهره]

اللهم آميين
ويسعد صبآحكم
وصحت الالسن والاذوآق
ودآم حضوركم وابدآعكم

[ناصر الهواوي]

الله يصبحكم بالخير ويبلغنا جميعا رمضان ويسر لنا صيامه وقيامه ويعيننا على ذلك ويتقبله
ويجعلنا من عتقاءه من النار وجومع المسلمين آمين
اهلا بكم وبما جبتوا
خيال ما قصرت من قال القصيده ومتى ومن هو ابن متعب ما اذكرها ولا شفتها الا هالحين
ولن ارد حتى اعرف ابن متعب ومتى قيلت والقائل الله لا يهينك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
لجت عصافير النخل بالهواء الطلق
تغيردها يمنح لسانك طلاقه
لو ان صدرك قبلها منغلق غلق
تفتح بمزيكا لحنها انغلاقه
لو ما ملته من الونس تشلقه شلق
لو بالخفوق من الجفيا انشلاقه
بشباكها خيال له كم سنه عَلق
قبة وفا لو ما بها جا انفلاقه
الخمه لسانه بعدها غدا ذلق
وسبب لمخزون الجفون انذلاقه

[خيال مطير]

ترى ربيع الوقت ماهوب صيفه
اليا زها لايلحقه منك عذروب

انفوسنا صوب الرفاقه خفيفه
ماهيب قلاَطه على كل مشروب

مثل الجفير اللَي حجب حد سيفه
ولاَ ليا من سل ماهوب محجوب

يا محمد المتعب لقيتوا وظيفه؟
ولا حفرنا قبر واتَوب وانتوب

اللي توهق فالطرب مع لطيفه
يصبح مع الجربا على الحول مجروب



قبل 15 سنه

[خيال مطير]

https://www.youtube.com/watch?v=sdg13tBvuLA&ab_channel

[ناصر الهواوي]

طيب من هو محمد متعب والله ما اذكر لا القصيده ولا هو

[ناصر الهواوي]

يوجد مقابر للمزايا الحميده=اللي بها تزهد بعض ناس وتموت
يوم الوفا من يمهم طوي قيده= فيها رمي حين التوى وسط تابوت
لهل الهوى من قبل سلم وعقيده=تنكبوا نهجه وداسوه بالبوت
مجرد خاطره ههههههههههههه

[ناصر الهواوي]

قالوا نسيك وقلت هذا مستحيل=والمستحيل اثره من البيض الوفا
واثري على غير القدا ساري بليل=على سبوت الظن في صحرا الجفا
شماتهم ياهو على نفسي ثقيل=اللي ظهر واللي يدبر بالخفا
الواتس خله لا تحط ولا تشيل=عن المقاطع ما تبين لي كفا

[خيال مطير]

صح لسانك يابو عبيد

الرياض سيبدا الحجر فيه ,
يعني نقعد في بيوتنا
ياليت مايكون في المنتدى حجر

[الجووهره]

يسعد مسآكم
وصح لسانك شآعرنااا

وهلا بك خيآل
وفال الله ولا فالك
وعدد الحالات ارتفع اليوم
الى 902
الله يستر

[ناصر الهواوي]

الله يكافينا الشر ويسر لنا صلاة التراويح
اهلا يالخيال وحيالله الجوهره ومساكم سعاده وخير وعافيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
انا ما ادري وش اللي يمنعك عن همزة الجوال
على الرقم المفضل قبل عندك ليش مليته

انا اشوف الصدود اللي بدون مبرراته طال
مكانك ما يسده غير شخصك ليه خليته

ولها تتمه ان شاء الله

[خيال مطير]

دعت المحكمة العليا إلى تحري رؤية هلال شهر رمضان المبارك مساء يوم الأحد الموافق للتاسع والعشرين من شهر شعبان حسب تقويم أم القرى، وإبلاغ أقرب محكمة ممن يراه بالعين المجردة أو بواسطة المناظير.

جاء ذلك في إعلان للمحكمة العليا فيما يلي نصه :

فنظراً لما تضمنه قرار المحكمة العليا رقم 143/هـ وتاريخ 1442/8/3هـ حسب تقويم أم القرى من أنه لم يشهد أحد برؤية هلال شهر شعبان مساء يوم السبت التاسع والعشرين من شهر رجب لعام 1442هـ رغم ترائية، وقد تضمنت محاضرة لجان الترائي أن الجو كان مغبراً معظم أجواء المراصد تلك الليلة، وبناءً عليه وعلى ما سبق أن صدر من أوامر وتعليمات، اتباعاً لهدي الرسول صلى الله عليه وسلم؛ فإن المحكمة العليا بالمملكة العربية السعودية ترغب إلى عموم المسلمين في جميع أنحاء المملكة تحري رؤية هلال شهر رمضان المبارك مساء يوم الأحد التاسع والعشرين من شهر شعبان حسب تقويم أم القرى، فإن لم يُرَ، فيتحرى رؤية الهلال مساء اليوم الاثنين الموافق للثلاثين من شهر شعبان حسب تقويم أم القرى التاسع والعشرين من شهر شعبان حسب قرار المحكمة العليا المنوه عنه، وذلك بناءً على الأمر السامي رقم 1829 وتاريخ 1433/1/7هـ القاضي برصد أهلية الشهور في اليوم التاسع والعشرين والذي يليه.

وترجو المحكمة العليا ممن يراه بالعين المجردة أو بواسطة المناظير إبلاغ أقرب محكمة إليه، وتسجيل شهاداته إليها، أو الاتصال بأقرب مركز لمساعدته في الوصول إلى أقرب محكمة.

وتأمل المحكمة ممن لديه القدرة على الترائي الاهتمام بالأمر، والانضمام إلى اللجان المشكّلة في المناطق لهذا الغرض، واحتساب الأجر والثواب بالمشاركة فيه لما فيه من التعاون على البر والتقوى، والنفع لعموم المسلمين.

[عبدالله الصقري]

كل عام و انتم بألف خير
اللهم بلغنا الشهر و ارزقنا صيامه و قيامه


بين العمل و الوقت كم شآبت اهدآب
كم بتّ و حجآجي من البعد عآقد

ما بين قطعة نت و معطَّل اللآب
أغيب لكن بالفؤآد متواجد

الشآهد الله ربنا رب الاربآب
إني إني بكل المنتدى غير زاهد

والله ولاني يا بو عبيد كذآب
يمكن مقصِّر مير ماني بـ جآحد

أحضر و اسجل لك حضوري بالاعجآب
ما غآب حرفك يوم عمَّن يشآهد

وسلامتكم جميعا

[الجووهره]

يسعد صبآحكم
وصح لسآنك شآعرنا الهوآوي
ودآم ابدآعك وبانتظار التتمه
ههههههه

يعطيك العافيه خيال
ودآم حضورك وابدآعك

وهلا بك شآعرنا الصقري
منور بعد الغيبه
وصح لسآنك ويعطيك العافيه
كفيت ووفيت. والله يعينك
ودام حضورك وابدآعك

وكل عآم وانت بخير وصحه وسلامه
والجمييييييع

[ناصر الهواوي]

انا ما ادري وش اللي يمنعك عن همزة الجوال
على الرقم المفضل قبل عندك ليش مليته

انا اشوف الصدود اللي بدون مبرراته طال
مكانك ما يسده غير شخصك ليه خليته

انا اعرف إن كلٍ له ظروف اتحيط به واحوال
ولكن المبرر بالحقيقه ما تحليته

ليا حل الحنين بصدر والف شيلة الموال
فقل ياليت ضيق الصدر عنه يزول ياليته

رياحين الغلا من قل ما تسقى زهرها مال
وجف المشتل اللي تنزرع به وانطفا ليته

وبس لجل ينقطع على الجوهره الطريق ههههههههههههههه

[خيال مطير]

https://www.youtube.com/watch?v=y4QdnNLLK30&ab_channel

[الجووهره]

صبآح الخيرآت والمسرآت


ومبآرك عليكم شهر رمضآن الفضيل
جعلنا الله وايآكم من صوآمه وقوآمه
وكل عآم وانتم بخير

[الجووهره]

انا ما ادري وش اللي يمنعك عن همزة الجوال
على الرقم المفضل قبل عندك ليش مليته

انا اشوف الصدود اللي بدون مبرراته طال
مكانك ما يسده غير شخصك ليه خليته

انا اعرف إن كلٍ له ظروف اتحيط به واحوال
ولكن المبرر بالحقيقه ما تحليته

ليا حل الحنين بصدر والف شيلة الموال
فقل ياليت ضيق الصدر عنه يزول ياليته

رياحين الغلا من قل ما تسقى زهرها مال
وجف المشتل اللي تنزرع به وانطفا ليته

وبس لجل ينقطع على الجوهره الطريق ههههههههههههههه


هههههههه
الله يسعدك شآعرناا
وصح لسآنك ودآم حضورك وابدآعك

[ناصر الهواوي]

يكفي من الصقري همز زر الاعجاب=لو ان وضعه بين واعي وراقد
إمضا حضور ان البطل فيه ما غاب=ولا للحفيد يقال هالجد فاقد
ان جا مسا ينقال هذا المسا طاب=ومسا مغيبه للحجاجين عاقد
ارفع لجزل القاف لاجابه الكاب=يبهم قفول النقد عن كل ناقد

[خيال مطير]

تقبل الله صيامكم وقيامكم وصالح اعمالكم.. جعل الله أيام صومكم رحمة ومغفرة وعتقاً من النار. رمضان مبارك

[خيال مطير]

حزين من الشتا والا حزين من الظما ياطير

دخيل الريشتين اللي تضفك حل عن عيني

دخيل الما وملح الما وحزن الما قبل ماتطير

تهيا للهبوب اللي تصافق في شراييني

دخيل الغصن والظل والهزيل وهفهفات إعصير

دخيلك لاتشح بنجمتي والليل ممسيني

ترفرف يافقير الريش ضيقه والنهار قصير

علامك كل ماليل جناحك جيت ساريني

انا ماني بخير وجيت يمي وانت مانت بخير

وانا ياطير في من الهجاد اللي مكفيني

ترى لو شفت لي ظل ومهابه في عيون الغير

ترى كل الزهاب اللي معي جرحي وسكيني


https://www.youtube.com/watch?v=GmY2emyTvOs&ab_channel[/COLOR]

[خيال مطير]

https://www.youtube.com/watch?v=0gQW9_1TPEM&ab_channel

الله يرحم الشاعر مساعد الرشيدي

[رحيل]

صباحكم سعيد (:
كيفكم طيبين
صحت الالسن والاذواق


كل عام وانتم بخير جميعا
الشهر مبارك عليكم

اللهم بلغ اهل الرواسي شهر رمضان
وهم لا يشتكوون ألماً ولا هماً
آمين يارب

[ناصر الهواوي]

السلام عليكم وايامكم سعيده عامرة بالذكر آهلة بالعفيه ةالأمن والايمان
ذي فرصةٍ ما تضيع الا على ارعن جهول
عينه ترا ان الخساير والفوايد سوى

شهر رمضان احتفوبه ياحصاف العقول
تعرضو نفحة الخالق شديد القوى

[خيال مطير]

صح لسانك ابو عبيد
وصحت الاذواق



https://www.youtube.com/watch?v=qhtPUA7OgzA&ab_channel

[خيال مطير]

https://www.youtube.com/watch?v=7w2MmyS4Sno&ab_channel

[خيال مطير]

راحوا عساهم مايروحون في شر..
وهني دارً نور عيني سكنها..

لولاي اداري عبرتي واتصبر..
لاقول من عاج العصيّ يعدلها..

[الجووهره]

يسعد مسآكم
ومساء الخيرات واللقيمآت
والشوربه والدونآت
ههههههههههه

كيفكم مع رمضآن
تقبل الله منا ومنكم صآلح الأعمآل

[الجووهره]

‏اليوم جمعه والعرب تطلب الخير
‏والعبد ماله غير .. ربه ودينه

‏يا رب ترزقني بجنتك لا غير
‏وانت الكريم اللي ما تبخل يدينه .

[خيال مطير]

مهملة العوني
لـ شاعر محمد العوني، بدون نقاط


هل الهلال وهامل الدمع مدرار "
" لاهل واهمل ماطره كالهلل هل

صور وصار الملح والدل والكار "
" له والمها ما له ولا رسم ما كل

لو صاح صالح طالعه ساع ما دار "
" اسود على صدره على المسك عمل

سامح محمد لا رأى روس الاسطار "
" وحسامه الصارم لراع الهوى سل

ولا رد كود اهلا وسهلا له اكرار "
" والحلم هو والعلم دله ولا دل

اساله وما درى الود ما صار"
" ولا ولاله كم دور لهم عل

اول صدور مواصله والهوى صار"
" لما الدهر رده على حاله اول

ما صح عله والرعد ما وسم دار"
" والحال حال الحول والحمل ما حل

ولولا حلاها حلها روس الاوكار"
" ما حل له دلٍٍ ولو حل ما دل

عسى عسى ما كمل الدار للدار"
" عاد الرحى دوره على روس الاوحل

وصلو على طه عدد رمل الاوعار"
" او ما كسا سهل الوطا للسما طل

[خيال مطير]

https://www.alsh3r.com/files/imgs/0x0/album/1420-1eb96c54-8eb1-6da6-89f4-a6ff0dd19473.png

الشاعر / تركي بن عوض الله الغيداني

[خيال مطير]

يقول الشاعر علي بن رحمة:
كــلام الليــل يمحـوه النــهار

https://www.alriyadh.com/media/thumb/9f/f1/330_617498f75e.jpg

إذا مرّيت صوب الدار الأول

أشوف الدّار تذريها الذواري

أخِف السير في دربي واحوًّل

وأطالع من يمين ومن يساري

وأعيد الشوف وأذكر عام الأول

وأشم الدار وتقفر الأثاري

تقول الدار ماضيكم تحوّل

وجَيش الحب مِعلَن بالطواري

مثل ما قال راعي الوصف الأول

(كلام الليل يمْحِيه النهاري)

[خيال مطير]

يابيت ما جيتك وْشَرّعت بابك

https://www.alriyadh.com/media/thumb/40/d4/330_91ac162add.jpg


يابيت ما جيتك وْشَرّعت بابك

عقب البطاء وأرخَصت وقتي ودنْياي

وثَنَيت رِجليِ في مشارِف رِحابك

أوادِع الرحّال وأستقبل الجاي

وأبدِي سرور الذات وأخفي صوابك

والنار في جوفي حطبْها حناياي

إلاّ غلا راعيك زاهي جنابك

اللّي نبأ طاريه يبحث خفاياي

وخضُوعي التقبيل طاهِر ترابك

المسك والكمبود ينعش خلاياي

لو كان ما ضمّد صوابي ثوابك

لو غِبت مهما غِبت جِِيتك من أقصاي

وياللّه ياللّي ماخَسر من لجابك

رحمتك والغفران والعفو رجواي
.................................................. ...................
شعر: شالح بن مرقاص الحمقي

[خيال مطير]

جروح
https://www.alriyadh.com/media/thumb/5f/89/330_5f9ae8675d.jpg

علمتني كيف ألم أشلاي وأشتاتي!!

فعلمني الجرح كيف أنام وأضمّه!؟

يكبر شعوري.. وتكبر بك معاناتي

والليل قاسي ويجلب حزنه .. وهمّه

أعاني الويل حتى عفت مشهاتي

وأناظر جروح قلبي وأنتخي يُمّه

أخايل النجم يبزغ .. والفرج ياتي

ويصبح الصبح ليني خايرة همّه

لا تنقض جروح قلبي وأسمع الآتي

ما دام شبحك طويل وتبغي القمّه

تنبّه الريح هبّت .. والبحر عاتي

ما عاد يمدي المراكب تعبر اليمّه

الآزم الصمت عمد ويصرخ سكاتي

وأقول يالله عفوك تنكشف غمّه

أشعلت مصباح ليلي وسط مشكاتي

وجارت عليه الهبوب وخلته رمّه

وأظلم بي الكون عقبك والوعد فاتي

ما للهوى في سلومه عهدٍ.. وذمّه

على مفارق طريقك تنتخي ذاتي

من عقب طيب الوصال وطيب اللمّه

للشاعرة هيلة القحطاني

[خيال مطير]

https://www.youtube.com/watch?v=aWrKbKGYEg8&ab_channel
---------------------------------------






https://www.youtube.com/watch?v=kMLoIqOzn_M&ab_channel

[خيال مطير]

صحت الاذواق منورين

[خيال مطير]

https://www.alriyadh.com/media/thumb/37/4b/330_3fd357f457.jpg

يقول الشاعر لاحق العضياني:
.................................................. ...............
ماكل من طـوّل يـجيـب الغنـايـم

كم واحدٍ طـوّل ولا جـاب حاجـة

أحدٍ محاصيله لـهيـب وسـمـايـم

وأحدٍ محاصيله تنـومس حجاجه

والرابـح اللي ماسـعى بالنـمـايـم

ولا عكرن سـود الليــالي مـزاجـه

أيـامـنــا فـيـهـا سـمـان وهـلايــم

والمسعد اللي شاف منها خراجه

[خيال مطير]

https://www.alriyadh.com/media/thumb/e3/4e/330_5a2b4c73fa.jpg

الشمس طاحت وأقبل الهَم يا حمود

وخيّم علي الهَم واعِزتالي

وأمسيت كنّي بين الأضلاع ملهود

برماح ليلٍ كلّها ما تبالي

وراحت بي الأفكار والفِكر مشدود

بأسباب ملهوف الحشا لا طرالي

تطري على بالي لِيا هبّت النود

وهَني من هودالِه البال سالي

ترى الصبر يازَين له حَد وحدُود

بعض الصدور تْضِيق حتى الشمالي

وأسِج ما كنّي مع الناس موجود

لَحدٍ يلوم القلب لاغاب غالي
.................................................. ...........................
شعر: مذكر الروقي

[خيال مطير]

https://www.alriyadh.com/media/thumb/1f/f1/330_a79a79d927.jpg

يا بو فهد شوقتني شوف شواقه

هي خلفةٍ ولا بتفرد ولدها

هي ناقةٍ في الحلب ما هي بعواقه

تملى طياسٍ تروي اللي شربها

حليبها عذبٍ مثل هرج عشاقه

تصفصفه حلوٍ لمن هو عشقها

واشتقت إل نجدٍ والاشواق حراقه

اشتقت ادوج اب سهلها مع وعرها

عقب الحيا والورد طايب لنشاقه

ريح الخرامى ينعش اللي نشقها

وشرب فنجالٍ له النفس تواقه

اب جال ضوٍّ وسط نجدٍ حطبها

والعبد بامر الرب نفسه وخفاقه

ونفسي مع البدوان ربي شغفها
.................................. (..................................)
فهد عيد الكريباني

[خيال مطير]

جتكـم اللــي بالوصــوف تحيّر أصحاب الوصوف

https://www.alriyadh.com/media/thumb/75/47/330_812296d8dd.jpg

جتكم اللي بالوصوف تحيّر أصحاب الوصوف

حيّرت من شافها واحتار من لا شافها

من يشوف المعجزات يوقّف ويشعر بخوف

ومن سمع فيها نشد من شاف ويش أوصافها

طبّت الميدان والعالم على حدّه وقوف

وأذهلت كل العرب يوم استوى ميقافها

النحر كنه كريم فز بإقبال الضيوف

والظهر نار تلظى والعلَم بخلافها

خطوة منها تخليها على العالم تطوف

كيف هذبتها إلى نادى لها عسافها

زينها كامل وهي بالعمر ما صارت نصوف

عجْزت الأبصار لاتدرك جميع أطرافها

بنتْ لحصانٍ معرب ساس والجد معروف

طيّبة والطيب دمٍ في عروق أسلافها

لا بيوت الشعر توفي.. لا كلام ولا حروف

لا قصايد من سبق وإلا لحق لا قافها

ليتها تطلف بنا ياليتها فينا تروف

لا نموت إن طولت في ظلمها وإجحافها

خير من كثر الكلام الصمت والصمت مخلوف

ينطق الجاهل ويندم لا سكت عرّافها
...................................
أحمد بن فهد الصميت

[خيال مطير]

https://www.alriyadh.com/media/thumb/e9/a1/330_b0e46cd0f1.jpg

احلم ولا حققت غايه بالاحلام

من خلقتي حتى بالاحلام محروم

يتيم حظٍ مات من عدة اعوام

انشهد اني فيه مبلي ومظلوم

لا قلت قم وقف لي شوي ما قام

ولاهتم في حالي وانا اطيح واقوم

يارب ساعدني على جور الايام

وحظٍ ما يلزمني وانا فيه ملزوم

ويارب ثبتني على دين الاسلام

واجعل رضاي بكل مامنك مقسوم

[خيال مطير]

https://www.youtube.com/watch?v=X8mjykmXb0g&ab_channel

[خيال مطير]

https://www.alriyadh.com/media/thumb/c3/5b/330_6f7babaac0.jpg

السحايب مقبله يابو حبيب

ماحلا صوت الرعد وبروقها

تجلي هموم المعنّى والغريب

يالله إنك ياكرِيم تْسُوقها

يَم أرضٍ مابَها عُودٍ خصيب

وبالمطر تروي جميع عْروقها

المطر أسبوع كامل له صبيب

مستمر ياما إنتمنّى شروقها

والشغايا تمتلي مع الشعيب

والفياض ُ وْكل نبتٍ فوقها

الخزامى والنفل شيءٍ عجيب

وكل روضٍ يعجبك ياشوقها

[خيال مطير]

يقول الهواوي

باسم الذي يبدا الامور ويعيدي=سوى السما وارسى الاراضي بالاطواد
بذكره نويت الليله ابدا قصيدي=واصدح بتمجيده على روس الاشهاد
ومن بعدها يا مرحبا يالجليدي=تحيةٍ من ذا الى باب بغداد
سكبت فيها كايف الطيب بيدي=وفاحت مباهر كيفها هيل وقناد
للي لجزلات المعاني يجيدي= ويغلق مداخلها على كل نقاد
شورك لمن قلبه بدا يستعيدي=عصرٍ تقافت به ضعونه ولا عاد
دكت هواجيسه وعيت تهيدي=تسري جموع وتسرح الجهمه افراد
منها الحديث وشي منها تليدي=في ذكرياتٍ له مراميس وجداد
نوبٍ اتعرض له بلبه وجيدي=ولها على الخرس النواعيس معواد
يعيش بين الناس كنه وحيدي=عابس وجه ما يبتسم دوب بالكاد
ويقول لو قلبي خلي وبليدي=وش عاد دام الحظ مثبور وش عاد

[خيال مطير]

خيالنا يابو بندر صايرٍ فيه طيش=من جية كرونيا يلوي علي خشته
كنت احسب انه براءه واثر قلبه غشيش=عنه اتغافل واثر سماحتي غشته

هالاجودي نابتٍ له تالي الوقت ريش=وبالريش يبي المطير ويابعد نشته
هذا اللقب كيف اجازه للخفير الدويش=وهو فارسٍ كم يده من فارسٍ طشته

ومن بعدها الله على اللي لشتغاله نشيش=وارد حفيزه غطا طل البحر رشته
ابي ليا جا براسي قول وش به وليش=مطلوبي اللي لها دزيت ما مشته

ينتل بي للبلد هذاك كنه خريش=الهيعله للعشا توحيه مع دشته
اما حصل مع عصير التوت وجبة جريش=والا رجع يشكي من الجوع ما عشته

[خيال مطير]

ارحب تراحيب المطر يا خياله=فرحت بك من يوم لي جبت طاريه
فداك سهر الليل هو كيف حاله=تسعد له ايامه وتسعد لياليه

لوهو من الحنظل سقاني بياله=بكاس العسل لي صبها ما اعرف ليه
كاسيك ياطيف الغلا من جماله=ومن الجمال اليوسفي ثوب كاسيه

ياطير خذ لي في جناحك رساله=بالفكر موضوعٍ على الهجس ابا امليه
ودي ليا امليته يجي به جزاله=ومعنى قوي يرق به قلب قاريه

[خيال مطير]

يقول الخالدي


يا شمعة الشوق ذبتي من لهيب الفرآق
ما عاد باقي سوى ذكرى شموع(ن)فنّت

ذكرت ماضي حياتي يوم شفت النفآق
وعزمت اعيد النظر يوم المشاعر جنّت

ألد عيني واشوف ان الجلايل دقآق
وهذي بشاير سعد لأن النهايه دنّت

ما عاد ينفع مشاعرنا وداع وعنآق
لأن المشاعر على درب الخيانه بِنّت

كنت احسب ان المحبه تنحصر في نطآق
وأثر المحبه على عرش القلوب سكنّت

كنت ادري ان المحبه ضيمها ما يطآق
وإن القلوب الرهيفه للوليف انحنّت

أعرف قليب(ن)حجر واعرف قليب(ن)رقآق
وأعرف عزوم(ن)على طول المدى ما انثنّت

[خيال مطير]

ومن أرشيف شاعرنا الصقري يقول


لَا مَا كِتَبْتْ اَلشِّعْـر بِـ اِيـديـن شيطـانْ
الِّلي كِتَبْ قَلْبٍ هُـمُــوُمَـــه ثِـقِـيِـلَـــــهْ

كِتَبْ وُعِـنْـدَه لِـ الْمَــوَآوِيِــلْ مِـيـــزَآنْ
وُ كِثِيِــر بَـعْـضَ اَلـقُـوُلْ يِغْنِي قِلِيلَـــهْ

مَا يَوُمْ حَـآرَبْتَ اَلْـقَـوَآفِـيْ بِـ مَـيــِـدَآنْ
جَـتْنِي تِـقُــوُلْ بْـ حُبّ خُـذْنِـي حَلِيِلَــهْ

لَا صَـار مَعنَى اَلْقَـآفْ غَـآلِي بَاَلاَثْمَـانْ
لآ شَـكّ هُـوُ طِبَّ اَلـنُّـفُــوُس اَلعَـلِيِـلَــهْ

مَانِي بِـ أَوَّل شَآعِــرْ يِتَـرْجِــمْ اَحــزَآنْ
يَـنْـثُــر تَعَــــآبِيِـــرَهْ عَلَـى قُـلّ حِـيِلَـــهْ

وَلآنِيْ بِـمَحسُــوُب ٍمِنْ عْــدَآدْ فُرْسَـآنْ
خَطَـوُاْ مَـعَــآرِكُهُــمْ بِـ صَفْحَـهْ جَلِيِلِــهْ

لَكِنْ أَحِبَّ اَلـشِّـعْــــر لَا هَــزّ وُجْـــدَآنْ
وَ اَرْوَى ظُـمَـآتْ اَلقَلب مِنْ سَلْسَبِيِلَــهْ

و اِنْ مَيَّلَتْ نَفْحَآتَــه غْـصُــوُنْ رُمَّــآنْ
ذَآقَ اَلْمُـوَلَّــعْ بَاَلْـوُصَــآيِـــفْ جِمِيلَـــهْ

و اِنْ سَهَّرَتْ نَبْـرَآت اَلاَحـزَآنْ أَجْفَـآنْ
مَـالآمِنِي مِنْ شَـآفْ مِثْلِي عَـضِـيِـلَــــهْ

يَـآمَـا شِكَى بِالشِّعْــر تَـآيِــهْ وُوَلْهَـــآنْ
عَلَى اَلـوَرَقْ وَ اَلـدَّمْـع يَـرسِــمْ دَلِيِلَــهْ

يَآكَمْ حَفَظْـهْ أَجيَــآلْ وَاَلشِّعْــر إِنْسَــآنْ
اَلـحَــرفْ قَـلْبَـهْ وَاَلْمَشَــآعِـــرْ سَبِيِلَــهْ

أَحدٍ سِبَـح شِعْــرَهْ فِـ نَهْــرٍ وُ خُلْجَــآنْ
عَـذْبَ اَلمَعَآنِي لِيَــا نَهَــلْ تِـسْتِـمِيِـلَـــهْ

وَ اَحْدٍ غِرِقْ فِي غُبَّةْ جْرُوُحَهْ اَزْمَــآنْ
دُرَّهْ مِنْ اَعْـمَــآقَ الَّلـيَـــآلِـي يِجِي لَــهْ

وَاَلِّلي زَرَع باَلـدَّمْ رُوُضَــهْ وُ بُسْتَــآنْ
صَـبٍّ تَـعَـلَّــقْ فِي رِجَـــآوِي مخِيِلَــــهْ

يَبِي اَلمَطَـر بِـ حْـرُوُفَ اَلاَشْعَـآرْهَتَّـآنْ
وُ يَبِي اَلقَــوَآفِـي بَـ اَلمقَـآيِــلْ ظِـلِيِلَــهْ

تَرَى اَلقِصِيدَهْ مَاهِي بْـ هَرْجَـةْ لْسَــآنْ
وَلَا تُـمَــدّ جْـــذُوُرَهَــــا بَـ اَلسِّـلِيِـلَــــهْ

_________________

ياعـازف الـنـاي سمِّعـنـي وسَهِّـرنـي
ثـم استمـع .... والـذي بـكَّـآك بكَّـآنـي

لا جــات بـالـحـزن دنيـايـه تبشِّـرنـي
وش الفرح لا نزف من طول حرماني

لـو الجفـا هاجـرن مــا جــا يذكِّـرنـي
ولا سمع مـن ظلوعـي بـوح وجدانـي

ولـو الوفـا غـادر ٍ مـا جــا يحـذِّرنـي
و لا تملَّـكـنـي بـصـــدره و خـلاَّنــي

ولا خـذانــي بـمـــوَّآآآل ن يـدمِّـرنـي
ولا سرق من عيوني نصـف كتمانـي

__________________


ليت نور القمر شي ٍ عزيز افتكرت
يعشب القلب ما يرهن و يرهن به
في مدى العشق غَيِّبني لو آنا حَضَرت
و اشعل الروح ما دامك بها حاضي


يا سلامي رفيق ٍ دون همِّي خطرت
يوصلك من فؤاد ٍ يحسبك جنبه
وانت غايب اقهويك بقصيدٍ بَهَرت
خامست كفَّه لقلبك عقب جاضي


هو رقيب ٍ على نجم ٍ رقبته و سَهَرْت
لا سهيل اخَّرَه .. لا الجدي قَدَّم به
ملكه براس مرجوم الأماني عَمَرت
من زمان بـ سراير قلبي اللاظي

____________________


قبلما يخطر فـ بالك أي شي
فكِّري .. وشهو له حروفي تموت

____________________

عآتَبـنـي مْـطَـوِّل اَلغـيـبَـهْ
يَـآحَـيّ تَعتـيـب زَعـلآنِـيْ

لَـو يَطلُـب اَلُّلـولُـو نْجِيـبَـهْ
وَآنَا عَلَى اَلغَوُصْ وَلهَآنِـيْ

اَلِّـلــي بَـلآنِــي بِـتَعـذِيـبَـهْ
مَحبُـوُبِـي وُ كُــلّ خِـلآنِـيْ

طِيِب اَلبَشَر ذَآبْ فِي طِيبَهْ
لَـو سَهِّرَالشُّـوُق بـاَجفَآنِـيْ

يِـقُــوُل : عَـذَآلَـنـا سِـيِـبَـهْ
خَلِّـيـكْ ويَّـــآيْ هَيـمَـآنـيْ

يِحِبَّكْـاَلقَـلْـبْ تَــدرِي بَـــهْ
مَـآ هَمَّـه فْــلآن و فـلآنِـيْ

وَ اَقُوُل اَنَا اَلغير مَآلِـي بَـهْ
مَآ هَمِّنِـي قَآصِـي و دَآنِـيْ

تَعَـآلْ هَـاَلْحُـبّ نَسْـرِي بَـهْ
لَوُ نَوُصَل اَلكَوُكَـب اَلثَّانِـيْ

و يِقُـوُلْ و بـعينَـه اَلرِّيِـبَـهْ
لآ عَـآد يَــا خِــلّ تَجفَـآنِـيْ

سَخِّر لِـي اَلشُّـوُقْ و نْذِيِبَـهْ
أو بَآت فِي دَآفِي اَحْضَآنـيْ

و اَقُوُلْ و اَلقَلْبْ غَـآدِي بَـهْ
إنْتَا قِسَىَ اَلقَلْبْ واَلْـ(حَآنِيْ)

يَـا بُـوُ نَغَـمْ فِـيِـه تَطْرِيِـبَـهْ
فِـيـك اَلمَـوَآوِيـلْ تَنْسَـآنـيْ

و يِـقُـوُلْ لِلْـحُـبّ تَهْـذِيِـبَـهْ
إِهْـــدَأ شُـوَيَّــه و تَلْـقَـآنِـيْ

و اِنْ كُنْتْ مِشْتَـآقْ تَطبِيبَـهْ
بَـاَسقِيِكْ مِـنْ كُـلّ كِيِسَآنِـيْ

و اَقُوُلْ حُسْنِكْ اَهَـذْرِيْ بَـهْ
مَآعَآد بِي صَبْـرْ يَـاَلجَآنـيْ

خَلِّينِي اَشْرَبْ وُ أَغْشِي بَـهْ
لَـــوُ لِلْمَـتَـآهَـآت وَدَّآنِـــيْ

يِقُـوُلْ مَـنْ حَـبّ مَـاْ يعِيِبَـهْ
يَقْـضِـي لَيَآلِـيـهْ سَهْـرَآنِـيْ

لَـوُلَا جُرُوُحَـهْ تِغَـنِّـي بَــهْ
مَآ حَرَّك جْيُـوُشْ وُجدَآنِـيْ

وَ اَقُــوُلْ لِـلْـحُـبِّ تَغْرِيِـبَـهْ
مِـنْ قَبْـل يِدْمِيِـكْ أَدْمَـآنِـيْ

اَلبَعْضْ لَوُ كَآنْ يَمْشِـي بَـهْ
مَآ حَسّ لَحظَـآتْ حِرمَآنِـيْ
_______________

[خيال مطير]

الطيب ماهو سلعة عند بياع
اليا بغيته من رصيدك شريته

الطيب بذر نابتٍ بين الأضلآع
يموت في قلبك إذا ما سقيته

[خيال مطير]

https://www.youtube.com/watch?v=v4f7K1F1RlU&ab_channel
___________________-----________________

[خيال مطير]

ماهو بوقت الموادع أصبـر شويـه = لاحق على ضيقتي لاحق على أحزاني
مدام أنا أول غـلا لاتقلـب النيـه = يالعنبـو واحـد مايرحـم الثانـي

كل يوم احس إنك أخر مابقي ليـه = وشلون تقوى على الفرقا وتنسانـي
تموت الأحلام والذكرى معك حيـه = شف عاد وشلون لامن طال حرماني

وشفيك ترفض غلاي وشرهة يديـه = ماكنك اللي رقـد ليلـه وصحانـي
أشيل جرحك وأضمـه فـوق مافيـه = هذا إحتضاني لجرحك وين وداني

لاصار ماتفرق الروحـه عـن الجيـه = ماضنتي لو تلـف الكـون تلقانـي

شاعرنا القسامي

[خيال مطير]

...................

[صمتي حكمه]

وليه سجن القوافي ...
بيت القوافي يليق به

[خيال مطير]

نسيم الهوى جاب الندا واطرب الاسماع
جمع من يعزه فـ اعذب الوصف في بيته

جديد القوافي شامله من طويل الباع
يعمّ الغياب اللي توالَى وتاليته

ولو للاسف ماعاد ظني لهم مرجاع
نعم هكذا الدنيا حسب ماتنبيته

على هامش الذكرى وفي كل يوم وُساع
على البال وقتٍ مع هل الطيب قضيته

سوالف وشعرٍ قمة الذوق والامتاع
تسِلِّي وانا عـ اللاب والقاف غنيته

تجيب القريحه ماورى حاجز الاضلاع
من اللي يتمتم به لساني وخبيته

ولا يالحمام اللي لامغرم ولا ملتاع
مع الصبح سجعك صبّح القلب واشجيته

نهيته وحاكيته بـ اسَم صحتي ما طاع
على الهاويه مقبل وربي براعيته

وانا مسلمه مستسلمه تحت حكم اوضاع
تقلّب,وصوتي من جفَى الوقت جريته!

[خيال مطير]

قــالــوا اتـحـصــل طـلــبــك بـمـجـلــس الـعــمــده
وادور المـجـلـس مـــن اسـبــوع واغـــدي بـــه

بــيــت الـشـعــر مـنـهــدم بـالـشـمـس واتـهــمــده
عــــواصـــــف الـــصـــيـــف قـــالـــعــــةٍ مــنــاســيــبــه

يـاحـضـرة المسـتـشـار امـــد الخـطـيـر امـــده
مـــن فـضـلـك اسـتـدركـه قـبــل يــعــوي ذيــبــه

[خيال مطير]

ياخفير السجن هاك الكلبشات
فكني منها قسيت من السجن

حطها في كف مهرة هالبنات
خلها تدخل رحيل .. وتعذرن !

ودي انها قاضبة ذيك الوصاة
يوم كانت بالمدمر تستجن

هذي الدنيا ومعبرها شتات
وش نقول وغربة الدنيا وطن

غمام

[خيال مطير]

https://g5q5h4e4.rocketcdn.me/wp-content/uploads/2015/12/%D8%B4%D8%A8%D9%83%D8%A9-%D8%B1%D9%88%D8%A7%D8%B3%D9%8A-%D9%86%D8%AC%D8%AF-%D8%A7%D9%84%D8%A3%D8%AF%D8%A8%D9%8A%D8%A9.png

[خيال مطير]

https://www.youtube.com/watch?v=PLCMpy7UMbA&ab_channel

[خيال مطير]

البارحه ربي كتب لي ومريت
دربٍ عليه بروق الأحباب لاحت
جيت المكان اللي جمعنا وخفيت
وقامت جروحي للجوارح وصاحت
يا ليتني في لفة الدرب زليت
كان العيون من الدموع استراحت
اللتم غيم الدمع من يوم لفيت
وورقا القصيد لشوفة الغيم ناحت
وضحكت ما ابغي الناس تدري يبا لفيت
لكنها غصبٍ على العين ساحت
حارت دموعي في عيوني وصديت
وارمشت ابيها ماتبيّن وطاحت
وعقبه برق فالعين براق واسقيت
خدي ووناتي بصدري تلاحت
وانا احسب اني في فراقه تعافيت
وان عبرتي من مدخل الزاد زاحت
اللي يحسب اني على البعد سجيت
والا ان عيوني للرقاد استباحت
ياليتني من قبل لا احبه اقفيت
والا ان دروبي عن دروبه تناحت
اهون عليّ من البكا والتناهيت
واشلا من سدودٍ على الناس باحت
عرفت كيف الحي يفرق عن الميت
وعرفت قيمة نعمتي يوم راحت
قولوا له اني عقب بعده تدانيت
ورجلي عن دروب المعافين شاحت
البعد نار وطاعة العذل كبريت
يقصر عليّ بعده ترى الكبد فاحت

[خيال مطير]

https://www.youtube.com/watch?v=Q2eCsUNSiTA&ab_channel

[عبدالله الصقري]

صباح الخير يا سجن الرواسي
و اهلك اللي لهم ءآثآر فيك


يتبع

[خيال مطير]

https://www.youtube.com/watch?v=VFvkKnzbLIc&ab_channel

[خيال مطير]

https://www.youtube.com/watch?v=DvXwtY46BU0&t=11s&ab_channel

[خيال مطير]

تقول الشاعرة ينابيع السبيعي:
.................................................. ..................
احترت أنا فالعيد شنوهو ابهديك

واحتار قلبي والقلم والقصيده

ورود.. قنينة عطر حرت انا فيك

رحت اسأل الاصحاب شلي تريده

كل الهدايا لو حوتها اياديك

مني فلا تبقى هدايا فريده





يقول الشاعر عامر محمد الكناني:
.................................................. ............
العيد عاد وصبحنا زاد بانوار

وتبسمت فيه الليالي الجميلة

واستبشرت فيه النواحي والاقطار

وكل يغني له بصوت يشيله

غنوت فرح ما بين زينات الازهار

فرحة بيوم العيد صبحه وليله

زانت مرابعنا.. وزانت لنا الدار

وتمايلت خضر الغصون الظليله



الشاعر صنيتان المطيري مخاطباً العيد،
.................................................. ........................
ياعيد مالك فرحة في عيوني

نسيتني مدري زماني نساني

ما قدرت افراحك تعانق شجوني

احزاني اكبر من كلام التهاني

حاولت اجاري فرحتك وكشفوني

لاجيت ابضحك ما استمرت ثواني

[خيال مطير]

يا عيد قلبي فاقدٍ فرحة العيد

ليتك تعيده للفرح يوم عيده

أبغاه يسلى همه اليوم ويعيد

ذكرى مضت واعياد كانت سعيده

كان الهلال يزف أجمل مواعيد

والصبح شمسه تنثر اعذب قصيده

والحين كل ما ذيع للعيد تاكيد

أشعل لظى قلبي بصدري وقيده

يأتيه طيف انسان من قاصي البيد

ميت وتذكر له مناقب فريده

في جلسته للضيق والهم تبديد

كريم وافي سمح خلْق وعقيده

يا عيد زيح هموم جتني مواريد

واستوطنت حول الخفوق ووريده

[خيال مطير]

الأمير محمد السديري :
.......................

اليوم أنا عيّدت عيد بعد عيد

وانزاح عن قلبي عنا كل شده

وعقب المحل سيحان صدري مواريد

مثل القفور بنبتها مستجده

ويقول الشاعر محمد بن لعبون :

أربع بناجر في يد المزيون

توّه ضحى العيد شاريها

عمره ثمان مع عشر مضمون

مشي الحمام الراعبي فيها

[خيال مطير]

للشاعر عوض الضامي:
..........................

بالعيد كم جاني .. وجاني معايد

وكم غاب عني ذخر الاصحاب كم عيد

أخذت من دنياي بعض الفوايد

دورس السنين الجايرات المناكيد

كم ساعةٍ فيها جرعت النكايد

وكم ظرف أرغمني على مشية البيد

[خيال مطير]

الشاعر جميل رشيد الزلامي:
.................................................. ..

أفرحي بالعيد يا دار السلام

عاد عيدك كل عام وكل يوم

عاد عيدك بالسعادة كل عام

مستقرة عاليه فوق النجــوم

ترفلين بثوب عزّه .. واحتشام

ضافياً سترك عسى خظك يقوم

[ناصر الهواوي]

السلام عليكم ورحمة الله وبركاته
وعيدكم مبارك واعمالكم مقبوله ومن عتقاء ربكم من ناره ان شاء الله
ولله يسعدكم جميعا
لي عوده بعد الظهر ان شاء الله
تحياتي لكم جميعا

[رحيل]

وعليكم السلام ورحمة الله وبركاته

عيدك مبارك ابو عبيد
والله يتقبل منا ومنكم صالح الأعمال


كل عام وانتم بخير جميعا

[صمتي حكمه]

كل عام والجميع بخير...
ناصر اوعدكم بعد الظهر والصحيح الجمعه اذا كان وعده اليوم واحس سيارته غرسن بالنفود هههههه
الحين منتصف الليل وبعده ماوصل

[خيال مطير]

يا ما حلا يا عبيد في وقت الأسفار

جر الفراش وشب نار المناره

مع دلةٍ تجذا على واهج النار

ونجرٍ إلى حرك تزايد اعباره

والنجر دق وجاذبٍ كل مرار

ما لفه الملفوف من دون جاره

في ربعةٍ ما هيب تحجب عن الجار

لا من خطو اللاش ما شب ناره

وأخير منها ركعتينٍ بالأسحار

لا طاب نوم اللي حياته خساره

تلقاه في يومٍ يضيعن الأفكار

يومٍ على المخلوق ما اطول نهاره

وقم في قصير البيت حشمه ومقدار

لو جار فادمح له عيوبه وداره

ترى النبي وصى على الجار لو جار

خذ الحذر يا عبيد عقب النذاره

ورافق قوي الدين حفاظ الأسرار

ينفعك في يومٍ يجي به كراره

وترى الهوى والغي للشر جرار

ومن داس عار الناس داسوا لعاره

وجنب ردي الخال ما فيه تعبار

ما فيه من فعل المناعير شاره

جنب عنه جعله لقصاف الاعمار

وأحفظ وصاتي يا رفيع المناره

واسلم ودم بالخير يا طير غيمار

وصلوا على المختار ما غار غاره

[خيال مطير]

ياعبيد يا ويلي من الغبن ويلاه

في قصر أبا الجرفان ما حولي انسان

أسكن قديم بناه والشرب من ماه

وهو هماج يكرهه ذيب رغوان

والزرع ظمي وكمل الجم مرواه

وأقوم تالي الليل والفجر ما بان

أركض وأدور درب رزقي ولا ألقاه

زان الطريق لمشي غيري وأنا شان

وا عزتي لمن مثلي كثار شكاياه

أشكي الهموم ولي ثلاثين ديان

وأساحر الديان وأحرص على رضاه

وهو علي يشين القول فتان

أصبحت مملوكه وكسبي تلقاه

ماله بزود هو ومالي بنقصان

يالين جلده لكن القلب ما اقساه

لو تطبخة في حامي الفوح ما لان

إلا القليل اللي عسى الرب يجزاه

عني على فعل الجمالة بالاحسان

وأنا عساي إن ساعد الحظ ما أنساه

وأنا بعون الله مافي نسيان

[خيال مطير]

يا حسين انا عيني سهيرة ما تذوق المنام

يا من يلوم العين بحباب لها غايبين

واظن من مثلي سهريا بوعلي ما يلام

على غزال راح قفوا به أهله كاشتين

امشي وادور خيمته يا حسين بين الخيام

محدٍ ذكرهم لي ولا ادري وين هم نازلين

محد عطاني عن عديل الروح حمض الكلام

لا واعذابي ضاعت افكاري وقلبي حزين

واحترت مدري وين منزال اهل بدر التمام

مدري جنوب اصويحبي والا مع المشملين

ايام غابوا كنهن يا حسين عشرين عام

لا وهني من شافهم في بيتهم راجعين

مطلق المطيري الله يرحمه

[خيال مطير]

يا عبيد من ينشدك عنا

عمال في راس تنوره

من فوق سفنٍ يشيلنا

عمال والنفس مخطوره

شط البحر قبلةٍ عنا

بديار من يلعب الكوره


قل للبني لا تباطنا

نمضّي الحول ونزوره

قل له ترانا تمدنا

كلن يولع بدافوره

[خيال مطير]

من لا يدوس الراي من قبل ما ديس

عليه داسواه العيال القرومي

أشوف عدلات الليالي مقاييس

ولحدن من الدنيا عظامه سلومي

ومن لا يقلط شذرة السيف والكيس

يبدي عليه من الليالي ثلومي

ومن لا خذا الدنيا بميز وتقييس

مثل الذي يسبح بليل يعومي

والقصر ما يصلح على غير تأسيس

ومن لا تعلم ما تسر العلومي

إلى توافق مشور السو وإبليس

تبر منه وعز ربي يدومي

تركي

[خيال مطير]

فكر وناظر يا محمد ترى الحال

نفسي وتاليها مع الله خبرها

العين كن لها عن النوم عذال

تسهر وغادن نومها عن حجرها

والكبد ما تقبل من الحلو فنجال

والمر لو هو عشرق ما نقرها

دنيا هيال ولا لحقنا لها جال

وأزريت أميز سهلها من وعرها

كان أقبلت ياحلو هاك التبهلال

وإن أدبرت سواً على اللي حضرها

ماظن فيها واحدن داله البال

إحفظ لدينك وأنتبه عن خطرها

تراه مثل الفي لابد ينزال

والشمس هي ويا القمر من فكرها

الحق ينكر والتفاخر بالأموال

لاهين في غفلاتهم في دورها

كم فرقت من دولة عاشة أجيال

وإلى ومرها الله عطتهم نحرها

فعال نو الخير لاموه الانذال

كثرت تخاليف العرب في صورها

يالله يا عالم خفيات الاحوال

ياللي ذنوب العبد لاشا غفرها

طالبك أنا الجنة وحسنى بالاعمال

تقدر تفرجها إلى جا قدرها

تركي

[ناصر الهواوي]

شوقي يعاودني على داير الحول
واشعر بتاثيـره ليا طـرو الـعـيد

وازهم هجوس الشعر وانخاه واقول
صنتع معايدتي على كيف ما اريد

انضم فرايدها شغل ناضم اللول
بسلك الحرير يرتب العقد وايجيد

لوصولها للي نبي ما انت مسئوول
لي مدها واجزل لك الشكر وازيد

النت فيها واتس ما احتاج مرسول
عبر الفضا واسايله تطوي البيد

مع البطا عن شوفهم طق بي جول
خلان واخوان وخوات ومواديد

ياجعل ما سووا بهالشهر مقبول
وحرزٍ لهم عن ما تشيب المواليد

ولا خاب احد منهم ولا رد له سول
من الولي عفو ورضا في ضحى العيد

[ناصر الهواوي]

ياصمتي الحكمه فديتك هلا بك=ترحيبةٍ ممزوجه بفرحة العيد
من غيبتي ياسيدي ويش رابك=اعياد والزوار تاتي تراديد
لو شفت بس من امس كم طق بابك=ابـ بواد العتب ما رحت يالغالي بعيد
وفي ددسني ما ظن حضرة جنابك=برمل النقا ما قال بوريها دييد

[ناصر الهواوي]

اهلا يارحيل وحياك الله وعدتي العيد والنهار السعيد وتقبل الله من الجميع صالح العمل
اهلا يالخيال
وحيالله صمتي حكمه
ــــــــــــــــــــــــــــــــــــــــــــــــــ ــــــــــــــ
يا محلل الالوان ابي منك تفسير=عن ما رأت عيني وحرك شجوني
اشعل غطا وردٍ كما شعلة الكير=وسودٍ تحف مدعجات العيوني
ان ناشته باطرافها يلحقه ضير=وخطرٍ على من به يلدن جنوني
ليلي غدا اليل من بعد شفته ءعصير=ولو قلت ما قاسيت به كذبوني
من غير كوكبنا لفت به معاصير= والا لعيني صورته الجنوني

[ناصر الهواوي]

بعض الردود على المعايده
هاني الدهماني
ــــــــــــــــــــــــــــــــــــــــــــــــــ ـــ
يامرحبا ياشاعر ايقول ويطول
يقطّْف الافكار قطف العناقيد

البيت له فكره ومعنى ومدلول
على الجزل دايم هجوسه مواريد

يخاطب بقيفانه قلوب وعقول
وتلامس ابياته شعور الاجاويد

معارفه بالارض بالعرض والطول
صداقةٍ ما جاه منها مناقيد

ناصر ليا عدو صناديد وزحول
ابو عبيد من الرجال الصناديد

حبل الوفا بين المطاليق موصول
عوايد وعرف وسلوم وتقاليد

يالله عساه برحمة الرب مشمول
عفو ورضا من دون شرطٍ ولا قيد

العيد قرب والمعايد له حلول
كل عام وانت بخير يا ناصر عبيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
عبد الله علي السيحاني
يامرحبا برسالةٍ جت على طول
مضمونها للود والعهد تجديد

ياحي ذالمنطق وياحي ذالزول
يابن الرجال الطيبين الصناديد

ياسيفنا اللي للمهمات مسلول
تظهر لنا وتوكد العلم توكيد
ابرك شهر معنى ومبني ومدلول
ورحمة عظيم الملك جتنا تماديد

وامر البنادم عند مولاه مكفول
والصدق ما عن طاعة الله تصاديد

وانته حكيم الراي ما انته بمجهول
ترسم لنا الممشى مرار وتراديد

انتم لشعر النضم قياد وفحول
لكم معه دايم عهود ومواعيد

والخاتمه كني عن الناس معزول
ودي بزودٍ عنك وازريت لا ازيد

[ناصر الهواوي]

ان فرحت بضحكة العين باليوم السعيد
الجفن جت دمعة الضيق فيه وبكته

وان بغى صدري لساعات وسعه يستعيد
فيه طاحت كتمةٍ فيه قبل وتكته

وارتفع منسوب دقات دمي بالوريد
والزمت حلق الفرح كف ضيق وذكته

لو تبي لي يالسبب مثل مالك كنت اريد
ما اوصدت جفواك بابٍ وسيع ولكته

[ناصر الهواوي]

ودي ارقد وعيا النوم يهوى العيون=وان بغا العين بعد محاوله عافته
كنت اظني عليهم قبل ما صار امون=لين سلك المواصل لهلم ولافته
طول يدها لجل عندي تزيد الغبون=لا الحيا ردها والرب ما خافته
اسمك اسمك سما ياراس لا ماتهون=ديدن البيض ما جا حاجةٍ لافته

[الجووهره]

السلام عليكم
ويسعد مسآكم وهلا بالجمييع
وتقبل الله منا ومنكم صالح الاعمال
وكل عآم والجميع بخير
وعسااكم من عواده
وصح لسانك شاعرنا
ولسان الشعراء ويعطيكم العافيه

[ناصر الهواوي]

اهلا بالجميع
ياحيالله الجوهره ومن العايدين الفايزين
وكل عام وانتي ومن يعز عليك بخير وصحه وسلامه
وصح بدنك

ياصباحات الهواء الصلف يلعب بالعسيب
ويسكن بلحظه ليا قلت زاد وكسّْره

مثل ما يُلعب بقلبٍ تعلق في حبيب
كلما قال انفتح باب وصله سكره

خاطره متهشمٍ بين حق وبين ريب
كل ما روق مزاجه بكلمه عكره

ياعيون اللي تلذع على رجوى النصيب
من طلوع الشمس في راس ضلع موكره

كيف يوم العيد تسلى ولك خلٍ كئيب
بصحبة الدب لصحيبه وراك تذكره

[الجووهره]

الله يبقيك ويسلمك شآعرناا
وانت بخير وصحه وسلامه
الله يسعدك ويحفظك
وصح لسآنك ودآم ابدآعك

[ناصر الهواوي]

على خبري بك امس مقفلٍ بابك عليه غبار
ما رادك بعدما قفيت عنك انسٍ ولا جِنَّه

على مكتبك من قل المزاور نشفت الاحبار
وخفيرك ما يعرف شباطها من حموة الكنه

ما بين الحين والحين اتذكر واسنحك سبار
ولك اصغي يمكن اسمع للرواعب داخلك ونه

توقيع حضور فقط

[خيال مطير]

العيد هل ودق في الصدر هوجاس

وطاب القصيد وكل غالي طرالي


وحبيت أهني كل غالي من الناس

وأخص منهو منزله فوق عالي


الصاحب اللي خوته ترفع الراس

يحمية ربي شر سود الليالي

[خيال مطير]

العيد والله شوفتك يا أدعج العين

ماهو بشوف وجيه بعض الجماعة

اللي سوالفهم لها سنين ودنين

فلان جاب بعير وفلان باعه

[خيال مطير]

العيد مايحتاج له كثرة هدوم

يحتاج له وصل وسلام وموده

عايد (بني عمك) وخصص لهم يوم

وباب الزعل والكره والبغض سده

وزور الذي ما يقدر يصوم ويقوم

(الشايب) اللي هدّه الكبر هدّه

وزور (المريض) اللي جفت عينه النوم

اللي قضى دهره طريح المخده

[ناصر الهواوي]

روايع يالخيال تسلم وحياك
ــــــــــــــــــــــــــــــــــــــــــــــــــ ــــــــــــــــــــــــ
يسعد مساء من يسعد النفس شوفه
وصباح من نصبح ونمسي بطاريه

بعض الاوادم فقده اكبر حسوفه
ان راح والا جاء فوادك يباريه

مثل القمر كلٍ يحس بكسوفه
وليا اكتمل ما احد بلونه يماريه

وبسس

[ناصر الهواوي]

مممممممممممممم
ياهجس ماهي غريبه نزعة الواهس
ان قلت مشكور وان ما قلت ما لمتك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
عليك الله اصدق بالنوايا وكن صريح=مثل ما انت قبل بما تقرر تصارحني
وترفق بمن قلبه كما تعرفه جريح=وتعرف الذي من غير ما قصد جارحني
برمشٍ يعجز الجفن عن شيله ويطيح=على الورد ويسوي تحالف ويذبحني

[خيال مطير]

ياعيد كيف العيد من دون الأحباب

وَجْدِي عليهم وَجد غالي لِغالي

قلبي على فرقا عزيزين منصاب

فيك الفرح ياعيد ما قد طرالي

ضاقت بي الدنيا ولا طِب ينجاب

والعين تذرف دمعها ما تبالي

ياوِجد من هُو في ذرا الليل مرتاب

يدرا همومه فوق روس الجبالي

ياعيد ليت الموت ماغَيب أقراب

في فقدهم غابت نجوم اللّيالي

يوم أتذكّر جلسةٍ نارها شاب

فيها الكِرام جْلُوس عمّ ٍ وخالي

واليوم سجّل في سجلاّتك غْياب

منهو تظوّا بالثرى والكفالي

ياكم فقدنا في ذرا الوقت أحباب

في كل عيد يْهِل غاب الهلالي


...........................

شعر: ناصر بن مصلح الأحمدي

[خيال مطير]

https://pbs.twimg.com/media/E1sAXVuWQAEkyN7?format=jpg&name=small

[خيال مطير]

عيد الفطر فرحه لكل المسلمين

عقب رمضان وصومنا وقيامنا

امس نتمتّع بالصيام وممسكين

واليوم عيد وحلّ عقب صيامنا

اللي مشينا في ضحاه معايدين

للي بشوفتهم تزين ايامنا

[رحيل]

صحح لسانك يابو عبيد ودام ابداعك

ارحبي جوج وعليكم السلام ورحمة الله
وانتي بخير حبيبتي وصحة وسلامة
عساك من عواده


صح ذوقك خيال

[ناصر الهواوي]

اهلا يارحيل وصح بدنتس
ارحب يالخيال وصح ذوقك
ــــــــــــــــــــــــــــــــــــــــــــــــــ ـــــــــــــــــــــــــ
اعداد ما شفت من نجمه بكبد السما=ساعة تسلقيت انا البارح لوفد الهموم
مثل الجراد ان هما قامت علي اتهما=ماني بواعي ولا عيني تهنت بنوم
يامرحبا فيك ياطيفٍ لحلو اللماء=لو لمة الطيف ما ظنيت تقضي لزوم
انا وحضرتك في هلوضع صرنا كما=من لا قعد نار ومن الغار يزري يقوم
ماني مصدق ولا امكذب صراحه لما=يلقى على مسمعي من تاهيت العلوم
عنك انت بالذات لو صارت حقيقه فما=والله اصدق سوالف مرقبين الرجوم
اللي يقولون عينن ما بكته اتعما=وهالسالفه قلتها انت وقلتها ع العموم
سراب منك وبعد ماشفت ماهو بماء=ان كان اقريت ما قالوا لعلك تدوم

[خيال مطير]

يابو سعد صارت على أخوك غارات
شهرين أقاسي من شديد الغرابيل

سو المرض يحمل على أخوك حملات
ومافي يدي حيله ولافي يدي حيل

والله فزع من فوق سبع السموات
وأنا أحمد الله يوم صارت تساهيل

ماينفع الخايف والأيام عجلات
الخوف ماينفع ولاالقول والقيل

حنا هل العوجا ولابه مراوات
شرب المصايب مثل شرب الفناجيل

لاشك أنا مشغول في كل الأوقات
على الذي حنا بظله رجاجيل

ماني على نفسي كثير الحسافات
لاسلم رأسه روسنا رفاع بالحيل

حامي حمانا بالليال المخيفات
لوصار بالعالم كثير الزلازيل

فخر العروبه بالعدل والمساواة
هذاك هو فيصل ولافيه تشكيل

يشهد له اللي شاهدوا منه ليات
ويشهد له التاريخ جيل بعد جيل



الشاعر فهد بن عبد العزيز طيب الله ثراهـ

https://www.alsh3r.com/files/imgs/200x225/poets/208.png

[خيال مطير]

يلي على وجهي قريتي كل صفحات الشقى

اقري وأنا باكتب قصيدة واشعل الساحة حريق





باقي كثر ما راح واللي راح نصف اللي بقى

وان ما وصلت لغايتي با موت في نصف الطريق





يابنت يوم امطر غلاك بقلب ضيدان وسقى

تدرين وش سبة شقاه وسبة الجرح العميق ؟





شقاه من يمناه واسم الشيخ والنفس امحقى

والجرح منك يا أعذب العذبات يالموت الرقيق





يا بنت ما دام البدو تخلف هقاوي من هقى

وانا بدوي مني يشيل من الزمن ما لا يطيق





ابفتخر حنا بدو نعشق على وضح النقا

حنا بدو فينا الولد للقمة العليا عشيق





حنا بدو فينا الولد لو شاف موته ما أتقى

حنا بدو فينا الولد يرقا ولو ماله رفيق





حنا بدو فينا الولد لا من رقا رقا رقا

الين يوصل غايته لو كان في قمة طويق





يابنت جيتك والثمن عمري ابي ليلة لقا

يما كذا والا بلاش من الصداقة والصديق





وساعة تبسمتي وشفت الجمر والثلج اصدقا

قلت أشهد أن الموت حق وصحت لك صيحة غريق





واعتقت دمعي والزعل والحزن لرضاك أعتقا

وأغفت عيوني في عيونك يا عساها ما تفيق





وامنت باللي سخرك تقرين صفحات الشقا

واشعلت بردي في دفاك وشبت الساحة حريق




الشاعر .. ضيدان بن قضعان

[خيال مطير]

حصري

https://www.youtube.com/watch?v=dDGIjsHTZvw&ab_channel

[ناصر الهواوي]

تسلم يالخيال
ــــــــــــــــــــــــــــــــــــــــــــــــــ ــــــــــــــــــــــــــــ
ابا اسجنك يالخيال واقفل عليك الباب
وابا انطل عليك من الدريشه مفاتيحه

مثل ما حبسني ناعس الطرف بالاهداب
طحت بغبة السلهام والطيحه الطيحه

حاولت النجاة من الغرق باذل الاسباب
اومي للمراكب والحق الصيحه الصيحه

انادي يااااابو غمازتين انقذ ولا اجاب
ولا منه أمل فزعه ولا للرجاء ريحه

باعتا موج شوق اعض راس اصبعي بالناب
ياويحه ياما اقسا قلب هالخشف ياويحه

[خيال مطير]

صح لسانك يابوعبيد

https://www.youtube.com/watch?v=Si91GATGMco&ab_channel

[عبدالله الصقري]

مسا الانوآر و النوار

كل عام و انتم بالف خير و عيدكم مبارك جميعا

و تسالي من إرشيف السجن الى جناح السجين

مع اجمل تحيه



رد قلب ٍ في ديار الحب ضـــاع
يوم ضاع القلب ضيّعت الدليل

الغلا و الحب تشرى .. ماتباع
والوفـا نــادر ومن يصدق قليل

الفراق اكبر مرض بالحب شاع
والدوا لاصرت في حضن الخليل

الرحيل"الموت" والدمعه"متـاع"
لعنبــوه القلب لو يقوى الرحيل

عبدالله الصقري
__________

لاجرا فوق الورق سن اليراع
بوصف نورٍ بين صبح وبين ليل

والخفوق اصبح لدقاته ايقاع
طقطقات الطابعه مع دبك خيل

ذاب ثلج الصمت بين اثنين ماع
بزند طرفٍ قابله طرفٍ كحيل

بين مرحب فيك مع لحظة وداع
قبل عام افنت من الاشواق جيل

ناصر الهواوي


__________________



يـوم صيتـك ذآع سرّ الحب شآع
كلُّهـم يـقرون و في هجسك دليل

الغــلا فَـضَّــآح لا زآد اِلـتـيــــآع
ماعَرَفنا هو خَيـآل أو هو مخيـل

مـا لـوى لــ قلـوبنــا لَـيَّ الـذراع
غير لحظآت الّلقا و سآعة رحيل

وانت قلبك بين هالجرحين ضآع
مثلي و مثـل الكثيـر بـ كـل جيـل

من وَلَهْنـآ مبحــريــن بلا شـرآع
في بحر مجهـول ممكن مستحيل

بين كل انصآت و شوي استمآع
ضآع كل ادرآكنا وصـرنــا نميـل

المحبَّـه صِـدقْ ما خـآلـط خــدآع
كل مخلص فيه مجروح او قتيل

إن صفى كـ الغيث يزهَر كل قآع
و ان جفى ما تثمرعذوق النخيل


عبدالله الصقري

[ناصر الهواوي]

اهلا بالجميع وحياكم مولاكم
ارحب يالصقري وصح لسانك وبدنك
هلابك يالخيال وسلم نقلك
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
اتل المغربل لين اجي ديرته وارد=وآخر تلتي له يوم بي ضاقت الليله
حركته بعد حيل الصبريوم طال انهد=ولا عاد لي فيما يسويه بي حيله
اكتب له رسايل فيهن استفسر ولا رد=من شهرين هذا وضعه وزود الكيله
من ضيق الصدر مابه مجالٍ يحفظ السد=ولا عاد له رجوى لقا وش يخفي له
وانا عنه من يبحث عن الصدق مالي بد=مقر المشاعر لا ضوى الليل يأوي له

[ناصر الهواوي]

مساء الخير رحول وجواهر ويا الخيال=والصقري ومن قالت على صمتها حكمه
ومن ربعنا بالخير يامن غيابه طال=حتى صاب خشم السجن من غيبته زكمه
فقدنا البنات الراسيات وفقدنا عيال=من له رايةٍ بالقمه ومن ورى الاكمه
لهم قدر في صدر الرواسي قوي ما زال=حتى لو على الجبهه كلا المنتدا لكمه

[صمتي حكمه]

هههههع الله يمسيك بالخير يالهواوي والمتواجدين ...
مسا الخير يارجال والّي معك رجال،،،وصمتي عن الرد المشوّه هو الحكمه
انا رجل مثلك م انقصر دوني الفنجال،،، اعرف النوايا البيض والحاجه العكمه
ابا اطوّح الغتره وابا اطوّح المعدال،،،النك ياناصر ماتشوف الطريق اكمه
اقوله وانا والله ماني بضايق بال،،، ولانقص في روحي ولاحملةٍ ركمه

[عبدالله الدّنّيش]

السلام عليكم ورحمة الله وبركاته وأسعد الله مسائكم وصباحكم وجميع أوقاتكم
ومن العايدين الفايزين بعد الزحمة .. وكل عام وأنتم بخير
وشكرا لمشاركاتكم وتفاعلكم جميعا .. ومرحبا بالضيف الكريم/
صمتي حكمة .. وأحسنت وأجزلت في ردك على زعيمنا الهواوي
وصح لسانك ولسانه .. وما عليكم زود الأثنين وأنتما كفو كفو
بالمناسبة .. بهذا المعرف صمتي حكمة كان يكتب معنا عضو في
منتدى قديييييم وما زلت أذكره والله يذكرك بالخير يا ضيفنا الكريم
كنت أنا أكتب تحت معرف ( الهاجس ) عساك تذكرتني !! عفوا سأكتب
لك رسالة خاصة أذا سمحت .. شوقتني لحنين الماضي ..

وسلامي لكم وتحية للجميع ،،

[عبدالله الدّنّيش]

مسائكم وصباحكم ورد

^

يا مسا الخير يا روس الرواسي الكرام = وجعلكم يا رواسينا من العايدين
والتحية تعم الكل بأجمل سلام = والتهاني لكم بالورد والياسمين
جيت أعايد ونرجي الخير في كل عام = يا عساكم بخير وعلّكم سالمين
وأدعي الله يقبل شهرنا والصيام = وأرجي الله يكتبنا من الغانمين
هاجسي حن بالداخل وصمتي كلام = ربما هاجسي يحتاج ل مترجمين
وفي خيالي تراود بالصحى والمنام = ليت شعري يبلغ كامنات الضنين
واسري الليل وأمشي تحت جنح الظلام = وأطرق البيت وأمسي في جناح الحنين

^^-^^
ودمتم سالمين

[خيال مطير]

منورين بعد غياب

[خيال مطير]

لن اتطرق لذكر الاسماء لانها كثر ولكنني اوجه لهم هذا النداء العاجل واقول لهم ::::::


بأي شئ نناديكم ..؟



بدموعنا أم أشواقنا ..؟



أم أقلامنا أم مدادها ..؟



هل نناديكم بعدد أيام فرحتنا معكم ..؟



أم بعدد أيام حزننا لفراقكم ..؟



هل نناديكم بكل عطائكم لهذا الصرح ..؟



أم نناديكم بكلماتكم اليتمى..؟



هل نناديكم بأزاهير أقلامكم..؟



هل نناديكم بلوعة القلوب المتلهفة لرؤيتكم..؟



هل نناديكم بصوت يجهش بالبكاء ..؟



أم بصوت يبعث الدفء..؟



بماذا نناديكم ..؟



ألم نكن كل صباح نراكم..؟




وكل مساء نودعكم..؟



ألم تكن ساعة غيابكم عذاب..؟



ألم تكونوا يوماً ما من يحثنا ويجذبنا للمنتدى..؟




ألم تكونوا تعاتبونا إذا كسلنا وفترنا..؟




ألم تكونوا من أعمدة المنتدى ورواده..؟




ثم ماذا ..؟



نصحوا على ظلمة غيابكم أين أنتم أين أختفيتم..؟



ماهو عذركم ماهو سبب غيابكم..؟



من كدر خواطركم..؟



نقول في أنفسنا لو كان عذراً لانتهى ولو كان غضباً لانطفى




عجباً حالكم..!!



هل طرتم في السماء..؟



أم غصتم في الأرض..؟




نعود دوماً لبقايا أثركم نتأمل في كلماتكم فنجدها يتمى ..




ليس لها من مأوى غير حزن الفراق ..




نعود لرسائلكم وضحكاتكم ..



فنعود والدمعة تبلع الحسرة نعود وقد كسرت خواطرنا..



أننا لم نراكم طال الغياب والبعد أهلك ورد الفرح..



فقلنا لأنفسنا لنصرخ بهذا النداء في الأفاق ..



عسى أن يجد منكم جواباً عسى أن نراكم في الأسبوع مرة واحدة..



عسى أن نرى أسماءكم بيننا ولو للحظة فأجيبوا نداء يقطع الأكباد



ويدمي المقل ..



جاوبوا لو عتنا ولهفتنا جاوبوا صدق إخوتنا..



يارب السموات والأرضأ عد لنا أبناء المنتدى



أعد لنا أحبتنا وهم في صحة وعافية ..



ارجو من الله ان تعودو لنا فى صحة وعافية



وارجو ممن غاب عنا وقرا هذا الموضوع ان



يقول لنا سبب الغياب لعل الله يكرمنا




ويقدرنا على اقناعكم بالعودة




http://www9.0zz0.com/2016/08/27/11/393069151.gif

[خيال مطير]

...........................

[ناصر الهواوي]

ههههههههههههههههههههههههه
كفو ولا قلنا فيك قصور ولكن تعودنا ان اغلب الاسماء المستعاره تكون للربايع ومعهن حق في ذلك
ولكن لا ارى مبرر ان الرجل يكتب باسم مستعار الا لسبب وقد يكون هناك اسباب
ع العموم هلابك وصح الله لسانك يبدوا انك متمكن وهذا يسعدنا
ارحب يا ابا عامر وغبت وجبت ولاهنت وصح لسانك
اهلا يالخيال وش هالندآءات المطوله ههههههههههههه
بين صمتي حكمه وهاجس إش باقي تقول
ياهجوس الشعر لو تهت داخل موجهم
السلامه مكسب إن فزت للبر بوصول
ما اهقى نسمة هبوبك تناطح هوجهم
ولها تتمه ان شاء الله

[الجووهره]

يسعد مساكم
ياهلا بالجمييع
شاعرنا الهوآوي
مستشارناا
منوورين ويعطيكم العافيه

شآعرنا الصقري
هلا بك وكل عام وانت بخير وصحه وسلامه
وصح لسانك على الارشيفيات الرآئعه
ولا تقاطع ههههههههه

صمتي حكمه
هلا بك نورت رواسي والسجن
وصح لسانك ودام ابدآعك

شآعرنا الدنيش
هلا بك وكل عام وانت بخير وصحه وسلامه
وصح لسانك ودام حضورك وابدآعك

[الجووهره]

خيآل
يعطيك العافيه على النداء الجميل والمؤثر
لكن. لا حياة لمن تنآدي هههههههههه

[الجووهره]

فاقده شآعرتنا المبدعه نجد
وطلتها الجميله مو عادتهااا يطول غيابها
عسى مانعها خير ان شاء الله

[الجووهره]

صحح لسانك يابو عبيد ودام ابداعك

ارحبي جوج وعليكم السلام ورحمة الله
وانتي بخير حبيبتي وصحة وسلامة
عساك من عواده


صح ذوقك خيال

البقاااا حبيبتي
منووره بالطله الحلوه
بس لا تقاطعين ههههههه

[الجووهره]

بآب الغيآب

جيت من بآب الغيآب وقلت أعايد
خابرك لا مر عيد تحن ليه

مامعي عقب البطا غير القصآيد
لامعي بآقة ورود ولا هديه

جبت لك نزف الهجوس من الفرايد
شرّداً .. تبكي عليهن رآعبيه

كل ما نآحت على خضر الجرآيد
شلت من عوج الحنآيا سآمريه

موحشٍ طرف السهر بيض الوسآيد
خل عنك بخير .. والا ماعليه

مترفٍ بآلك وأنا صدري وقآيد
بالضلوع اللي على خبرك خليه

لا تعذر .. ماعلى وضعي زوآيد
طالعٍ موضوعه أصلاُ من يديّه

كانها فرقا.. وصار الوصل كآيد
مآت قيس وفآرقته العآمريه

لك عليّ .. بمنشي أثقآل الرعآيد
ماتغيرنا .. الليالِ السرمديه

ولا نقول .. الا عليك العيد عآيد
كل عآمٍ والقصآيد لك هديّه

رآقت لي
لشآعرها
محمد عبدالله الخيآري

[خيال مطير]

الغياب


يا حبيبي عطني أسباب الغياب

دام باقي للجفا عندي صبر

شاعرك واقف على باب العتاب

ما قدر في دفتره يكتب شطر

المعاني تحتظر والقاف شاب

واختلط عجز القصايد في الصدر

غيبتك ساقت على القلب العذاب

وأشعلت ليل التوجد والسهر

أنشد النسناس عنك والسحاب

وأنشد الرعاد لا هل المطر

ما خبر للحب عندي غير باب

أنتظرتك جالسن عنده شهر

ألمحك وأعيد وأشوفك سراب

يا ربيع القلب مدري يا دهر

ليه تسعى للتجافي والخراب

وليه تركز رمح بعدك في النحر

وليه تتركني بلا علم وجواب

وليه تدفع خاطري يم الكدر

صرت أهوجس وأعتلي روس الهضاب

وصرت أفضفض للشواطي والبحر

وصرت أشوف الصبح في لون الغراب

وصرت أشوف الكذب في عيون البشر

ابتدى شمع التلاقي في الذواب

واشتكي سور الحدايق للزهر

يا حبيبي فيك يا محلى الخضاب

يا شبيه الريم لا منه حضر

لا تحول بسمتك للفين ناب

ولا تغير نور وجهك يا قمر

تدري أن القلب مدميه الصواب

وتدري أن الشيب في رأسي ظهر

وافتح بوصلك تباشير الكتاب

وارحم اللي يسهرك حتى الفجر

ياتجيه وتسعده عقب الغياب

أو تخلي صورتك فوق القبر
.................................................. ........
ماجد عبدالله المحياني - الخرج

[ناصر الهواوي]

ارحبي يالجوهره وصح بدنك دام حضورك
اهلا يالخيال صح نقلك ودام تواجدك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

بين صمتي حكمه وهاجس اش باقي تقول
ياهجوس الشعر لو تهت داخل موجهم
السلامه مكسب ان فزت للبر بوصول
ما اهقى نسمة هبوبك تناطح هوجهم
يبدو ان الربع بالشعر ياهجسي فحول
وبالادب عراف ما ينخشى من عوجهم
وانت لك يم الرقايق من المعنى ميول
بين نعاس الرموش وحلاوة روجهم
لو تناسيت الذي لك عن محكاه حول
تذكرك في ريحة الورد هبة نوجهم
انت صدرك ضيق والترف من طبعه زعول
حاول اتوطن رحابك لهجمة غوجهم

[عبدالله الدّنّيش]

أرحبوااااااا ويا هلا وغلا
الجوهرة مشكورة ومشكورة على الإختيار كنها من رأس لساني
خيال مشكور على المشاركات والحضور والمناكفات صح ذوقك
الهواوي صح لسانك وتقول وتطول وما عليك زود ..
بديت أجاري لكن جاني أتصال لمشوار على غير ميعاد
وخيرها بغيرها .. وأنت طيب
برجع للأرشيف وأدور ما يسد الفراغ ههه وسلامتكم
^^^
يا بحر شعري سبحت البحر ما كلّ متني = يا كم سبحنا وغنينا ب- ياليل دانه
حتى حِبالي بصوتي بالغنا جرّحتني = أشد وأرخي ولا أسمع غير صحت لسانه
يا مال يا مال حتى في شباكه رمتني = صياد ، مصيود .. يا مال الغنا والميانه
لا غرّدت في مساها بالغناني غوتني = أهيم في كل وادي وأنطلق في عنانه
يا كلما جرجرت موالها لوعتني = وتجرّ قلبي كما فنان يعزف كمانه
مدري على نية الموال وإلا نوتني = لكن شهودي على النيات بصمة بنانه
الهمس ينطق على سمعي ولا كلمتني = على أثير الهواوي ينطلق من مكانه

&&
ونراكم قريبا أن شاء الله

[شاعرة نجد]

السلام عليكم ورحمة الله

تقبل الله طاعتكم وكل عام وانتم بخير
وان شاء الله ماتفقدون غالي
هذا من طيبكم سؤالكم عن الغيّاب
لاعدمنا تواجدكم واخوتكم وحروفكم الممتعه
وصحت السنة مبدعيننا ودامت اقلامهم

وبـ انتظار حضور الجميع
ان شاء الله,’’

[صمتي حكمه]

مساكم الله بالخير جميع والله يسعدكم
ياناصر لاتعسر الوقفه تراني عليمي وانا اخوك ههههههههه
قول صلى الله وسلم على وجه الرسول
في كلا الحالات والطيبين تحوجهم
انته اللي تعطي القافيه ملح وقبول
ياامير الفوج فوجك يباري فوجهم
والاّ حنا نحاول انطول من يقدر يطول
ونلحق الشاعر سرا في معانيه اوجهم
ياحليل اللي ليا عارضه جرة جفول
قرّب عنان الاصايل وشد سروجهم
تعلمون ان السنه كلبوها اربع فصول
مير راعو موسم الصيد واعفو زوجهم
اعلم ان الصيد مايعشقه رجلٍ ملول
واعلم ان اهل الثمار ابخص بمنتوجهم

[صمتي حكمه]

صحت السنتكم مبدعين الله يعطيكم العافيه

[شاعرة نجد]

بصراحه مبدع يـ الهواوي وهيضتني
وانا صار لي فتره ماكتبت شعر :smile:
صح لسانك على هـ الروائع ولسان مبدعنا الدنيش
ولو انه يعتبر من حسابنا يـ الغياب حضوره بـ القطارهـ :smile:


ماغبطت الا الهواوي على عذب القصيد
يوم لامنّه بغىَ جاب ما جاب الحمام

شاعره مثله واغني ولكن مايفيد
دام قافي يبلع الريق في غَسْق الظلام

يخْنقه حبل الطلاسم وَفي رجليه قيد
خوف لايخدش مـ عاليه عشاق الكلام

آهـ لو غنيت وابديت من جِدّ وجديد
لو عَزَف حرفي بما بين قوسين العظام

واستهلت غيمته وامطرت في مايريد
واطرب العشاق وابكَى مساجين الغرام

وغنت الورقا لحسّه على خضر الجريد
ومع خيوط الشمس لجت عصافير الهيام

واسترحت ورحت افضفض مثل ناصر واجيد
فن تصوير المشاعر وسلّم ياسلام,

[رحيل]

الله يصبحكم بالخير والسعادة (:

صح لسانك يابو عبيد مدد بلا عدد

الصقري صح لسانك

صمتي حكمة حياك الله وبياك
منور الرواسي والسجن وصح لسانك مدد


الدنيش
هلا بك وانت بخير وصحة وسلامة
وتقبل الله طاعتك وصح لسانك دائمًا وابداً


صح ذوقتس جوجي ودام حضورتس يابعدي



ارحبي يا نجد منورة يالغالية
وعليكم السلام ورحمة الله وبركاته
منا ومنك صالح الاعمال يارب
وصح لسانتس شاعرتنا

[رحيل]

دام حضورك خيال ودام ابداعك

[ناصر الهواوي]

مرحبا ما جاء لوبل المطر مبطي هطول
قبل ما عاصوف نجم المقيظ ايسوجهم
قبل ريف/ وهالسنين التوالي جت محول
متابعين الطقس ما جت صدوق بروجهم
آااه ياوقتٍ تزين الذراعين الحجول
والضعن لا قاد تهتز فيه حدوجهم
الشبح تغنيك عن نصف مليونه ذلول
الخروج امع السفايف بدال دروجهم
فيك يامن تصخر القاف انا ماني جهول
وماردي هداج ما اشرب غريف هموجهم
وتوبه ههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
مرحبا ياشاعرة نجد ترحيبٍ مديد=ريح كمبودي على جمر من شجرة بشام
لاتغبطين المغني على صدرٍ لهيد=انتي اللي تستحقين بالشعر الوسام
ياعسى مسعاك يقبل ولك عيد سعيد=كم عقد ما تفقيدين التلاوه والصيام
ولها تتمه ان شاء الله زهم علي زاهم هههههههههههه

[صمتي حكمه]

جعل عمرك طويل وصح لسانك ياناصر والشعار
والظاهر الظاهر اني نويت التوبه هههههههه
الله اللي ينشي المزن وتهل الثعول
والبدو صوب الحيا سرّحو خلوجهم
بكره اتشوف البدو في مرابعهم نزول
وَقّلو فوق الدماث الهشاش خروجهم
مثل شعار الجزاله فطينين العقول
لاتحرّك هجسهم ماتضيق فجوجهم
ان تعلّت جت ذهب وان تدنت جات لول
مدركين المعرفه مانمل هروجهم
قدتعلو فوق عيطاً بها صعب النزول
لانوو دربٍ يسر النظر منهوجهم
جعل راسٍ فيه عرف ونعاره مايزول
نكتفي به عاقل الناس عن مرجوجهم

[ناصر الهواوي]

مرحبا ياشاعرة نجد ترحيب مديد=ريح كمبودي على جمر من شجرة بشام
لاتغبطين المغني على الصدر اللهيد=انتي اللي بالشعر تستحقين الوسام
السعي مقبول والعيد باذن الله سعيد=كم عقد ما تفقدين التلاوه والصيام
بالمغيبه ما نرحب ولا والله نريد=كل جمعه يجي من غاب لو مر الكرام

[شاعرة نجد]

تسلم شاعرنا والمرحب باقي
وصح لسانك على هـ الصدى الفاخر

وتسلمين رحيل لاعدمت الترحيب وراعيته
وصح بدنك

ومرحبا شاعرنا الجديد صمتي حكمه,حضور المبدعين مكسب
تقديري,’’

[شاعرة نجد]

https://dibird.com/media/species/6368590031.jpg

أجْهَد التفكير فكري عسى مقسوم خير
رحت مَعْه وجيت ماغيّر مْن الحال شي

ياعذابي كل ماغنت الورقاا عصير
فوق غصنٍ ليّن وتحتها مْن العذب مي

أتسمّع سجعها واسحب الحس القصير
لين مايسمع صدى بوحي الا هو وهي

والمشاعر لـ تنادت معَ الارسال غير
يجذب الاحساس حسّ الغلا لـ صار حي

والبعيد اللي معه لوتحديت الكثير
راحت الايام تطوي جديد العمر طي

هيه ياشمس,الغروب ان تأخر وش يصير
يافديتك كم يسوّي هوى ذالوقت في!

[خيال مطير]

https://www.khaat.net/contents/articlesm/8.jpg

قصيدة يسرح بي التفكير
الشاعر عبدالقادر الذوباني



يسرح بي التفكير لا مني نظرت لزينها
ويسج عقلي كنه المسجون لامنه هرب

وتستقر الروح لا لمست يديني ايدينها
تشرق بي الدنيا فرح والحزن في لحظة غرب

عشت الحنان بصدرها شفت الامان بعينها
الّثم شفاها كني العطشان لا منه شرب

اذكر حياتي قبلها متغربلة يا شينها
مثل الفقير اللي عن اوطانه يسافر واغترب

تجلس بجنبي ثم اهوجس من حنيني وينها
هذا وهي جنبي واذا غابت تولتني الكرب

اعيش ولا اموت فيها واسمعوا ثنتينها
هي الوحيدة اللي عشقت بجد من بين العرب

[خيال مطير]

https://dibird.com/media/species/6368590031.jpg

أجْهَد التفكير فكري عسى مقسوم خير
رحت مَعْه وجيت ماغيّر مْن الحال شي

ياعذابي كل ماغنت الورقاا عصير
فوق غصنٍ ليّن وتحتها مْن العذب مي

أتسمّع سجعها واسحب الحس القصير
لين مايسمع صدى بوحي الا هو وهي

والمشاعر لـ تنادت معَ الارسال غير
يجذب الاحساس حسّ الغلا لـ صار حي

والبعيد اللي معه لوتحديت الكثير
راحت الايام تطوي جديد العمر طي

هيه ياشمس,الغروب ان تأخر وش يصير
يافديتك كم يسوّي هوى ذالوقت في!




صح لسانك مليون يالفخامه


شاعرتنا شاعرة نجد

[خيال مطير]

https://www.alriyadh.com/media/article/2012/03/08/img/554776361971.jpg

يقول الشاعر ، سعد بن جدلان : الله يرحمه
.....................................

يا أهل القصيد مراسلين الجرايد

[تكفون ] صونوا كلمة الشعر[ تكفون]

خلوه يلقى من وراها فوايد

فيدوا وخلوا غيركم يستفيدون

لا تعرّضون نفوسكم للنقايد

الرابح اللي من غثا الناس مصيون

واليا بغيتوا نادرات القصايد

صيتوا لشعار الأدب وش يقولون

ومن قصيدة طويلة لنايف العتيبي يقول :

أقول ناولني من الكيف فنجال

معاد صدري يحتمل كثرة غبون

يقول ابن جدلان من عرض ماقال

(تكفون ) صونوا كلمة الشعر (تكفون)

وانا بقول اليوم عن كل الاقوال

هذا الصحيح وقولوا اللي تقولون

[خيال مطير]

https://scontent.fruh4-2.fna.fbcdn.net/v/t1.18169-9/14606409_681208435359881_8778286083022513013_n.jpg ?_nc_cat=105&ccb=1-3&_nc_sid=973b4a&_nc_ohc=Li5Y-EG4BYYAX8NkQTH&_nc_ht=scontent.fruh4-2.fna&oh=759e2d5b4b92ef60f04f615dd70b76b4&oe=60D23D34



اللّــــه ياني في غيابك تحريت
أثر المفارق صعب ماهو شويه

عقبك مشاويري من البيت للبيت
أخــاف لادقيت ماني هنيه

البارحه مابين يمكن وياليت
وابليس يتركني ويرجع عليّــــه

فكرت..لو طول غيابك ولا جيت
يعني كذا..روحه ومن غير جيه

خانتني الدمعه وطاحت وصديت
يلعـــن ابو التفكــــير يذبح خويه

[خيال مطير]

يا عبيد قيّس ما على الروح ضُمَّان

.......................



يا رازق اللي في رجاك يتحرى

من مد جودك يا وسيع المحاريف

ما دون ربك واحداً لك يسرا

للرب حكمٍ للمعاني وتصريف

ثم ينتقل إلى الوصية:

اخشع تواضع لا تكبَّر تزرّى

ما شفت ميلات الليالي مراديف؟!

اجهد بدينك واتّبع لا تغرى

لو أمهلت لابد رحلة وتخفيف

وقوله في وصية أخرى لابنه عبيد:

يا عبيد قيّس ما على الروح ضُمَّان

رزقك مع اجلك حط في طلح قرطاس

ما خُطْ لك ما فات شوفاً بالاعيان

وبعض الاوادم ما معه مَيْز وقياس

لا حاسد يمنع ولا يرزق انسان

الا بتدبير الصمد والي الناس

ومن أبيات أخرى عن الدنيا:

ما اظن فيها واحد داله البال

واحفظ لدينك وانتبه عن خطرها

تراه مثل الفَيْ لابد ينزال

والشمس هي وايا القمر من فكرها

الحق ينكر والتفاخر بالاموال

لاهين في غفلاتهم في دْوَرْها


تركي بن حميد الفارس الشاعر

[ناصر الهواوي]

لله درك شاعرتنا كم انتي مبدعه صح الله لسانك
ارحب يالخيال وصح نقلك وسلم ذوقك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
نعم من يغرد خارج السرب ما ينلام=ومن داخله غرد بما فيه ما الومه
ما صدقت انا البارح بعد ما ذكرت انام=ايلين السما اهوت للمغيب اكثر نجومه
تمرجح بي الذكرى من ادنى اليمن للشام=ولا به سجل الا انفتح واعلن علومه
بس الدايم الله والبشر ما من احدٍ دام=ايامٍ بها فكري سرا الليل مرحومه
حشا ما نعيته بس لي بالحكي مرام=تشبه بمن ينعى ولا هي من سلومه

[ناصر الهواوي]

يالخيال واللي يفلق الحب والنوى=ويعلم ما نريد نقول لو ما نطقنابه
مدبر امور الكون كله وما حوى=ارسل للرسول الروح بالوحي واسرا به
ان الصدر من ما فيه للصبر ما قوى=خمس اسداس نكتمها وبه سدس بحنا به
وما للي يقول انك تصنع كذا لوى=وما للي يقول اشرح لنا ما جرى جابه
الا ان الصدر به ذيب من شهور ما عوى=وهالايام من كثر العوى ما اختفا نابه
راسه صار به من كثر ما لج به خوى=واصبح يذبحه راع الضواين بمشعابه

[ناصر الهواوي]

يالشاعر اللي ما يبينا نعرفه= من ما عطاك الله عطنا ومسموح
عن من نعس واقف بلا نوم طرفه=يجرح به الخافق وياسر به الروح
جورجي جنيه يزاد بالسوق صرفه=يدفع به الراغب مصاريه ويروح

[صمتي حكمه]

يالشاعر اللي صوبي آدار حرفه
عينه تخيل اخيالٍ ابروقه اتلوح
على مفالي زملكم ضاح رفه
واللي يحبون الحياء جوله اسروح
تارد على جال الغدير وتغرفه
وانا ماودي عن قراهيده اروح
امّا بدعت القاف في وصف ترفه
والاّ بدعته في حدث فيه مصلوح
ادلي بعرفي والمناحر وعرفه
ونظامي الدايم تعاليل ومزوح

[الجووهره]

صبـاحكم خيـر ومحبـه وتقديـر
‏وعفــوٍ من الرحــمن جل جلاله

‏اللــه يسـوق لكم جمـيل التباشير
‏والنصــر والتمكيـن في كل حاله

‏حبيت اصبحكم يالاصحاب بالخير
‏ومن نور شمس الصبح اسجل رساله


يسعد صبآح الجميع
وصحت الالسن جميعاا
ابدعتوو يعطيكم العآفيه
ودآم حضوركم الجميل وابداعكم

[الجووهره]

يقول

‏من لايودك صادقٍ لا تودّه
‏ومن لايداري خاطرك لاتداريه

‏القلب يجفل من وجيهٍ مصدّه
‏وانا اشهد ان القلب دليل راعيه

‏وسيلٍ جرى عن مدرجه لاتحدّه
‏جنب وخل السيل يضرب مجاريه

‏ومافات من دنياك صعبٍ مردّه
‏خذلك من الماضي عباره وتوجيه

[ناصر الهواوي]

صح لسانك يالذيب ودام حضورك ولاهنت
ارحبي يالجوهره وسلم ذوقتس ودام تواجدك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
ها يا عصافير النخل لا تلجن=ملتج انا فكري ولا احب الازعاج
سبوري اللي له سرن منه ما جن=وطيفٍ يسليني له ليال ماداج
وتومي لغفواتي عيوني وهجن=بين الجفن والجفن يلتمن احراج
لولا الفلق والناس يمديني انجن=تصافق براسي من ايام الامواج

[صمتي حكمه]

سجن القوافي تفتح ابوابه اللمس
وسجينه الّي فيه مادونه اقفال
كنه متاكي له على مرتبة جمس
يجيب من جزل المعاني والامثال
واتلا العهد بالّي يغنون فيه امس
اوحيت ناصر بذني إيجر موال
ماودنا جو السجن ينقلب عمس
مدو لشعاره من الهيل فنجال

[ناصر الهواوي]

يامرحبابك ما اختفت واشرقت شمس
ومالاح براق الحيا العام بخيال
ترحيبٍ احلى من امحاكا الغلا همس
وازكا من عطوره تضوع من الشال
سجيننا مكار وعيونه الهمس
ياكبر غلطة من يسميه خيال
يامن سكوته حكمه ويبعد الرمس
محماس قهوتنا على الجمر ما زال
لكن وين اللي يبي طارد العمس
يبون موكا لو على 7 ريال
الله على اللي فتحة الباب باللمس
وسلفه كذلك لا اشتغل يشرح البال
منوة مودٍ له عن مودهم خمس
قبل رمضان وانتصف شهر شوال
ان هاتفوه وعاتبوه انحمس حمس
واليوم اجيز وشغل الجيب بالحال
عنده خبر ومجهزٍ ما يبيه امس
وجاوب سيور الجيب في شيل موال
ما طاوع اللي قال له مرنا وامس
الا بديرة من على خدها خال

[الجووهره]

مساء الخيرآت والمسرات
والبقاا شآعرنا الهوآوي
وصح لسآنك ودآم ابدآعك

وصح لسآنك صمتي حكمه
ودآم حضورك وابدآعك

[الجووهره]

‏لابد من عقب المطاريش معواد
‏ولابد من عقب المواجع عوافي

‏ولابد من عقب السهر لذة ارقاد
‏ولابد من عقب الكدر جو صافي

،،،،،

‏نمسي على حال ونصبح على حال
‏يومن لنا .. واليوم الآخـــر .. علينا
‏ٰ
‏يومن سلا خاطر .. ويومن غثا بال
‏طبــــــع الزمان ... وحكمة الله فينا

،،،

‏على الأمــل نزرع بساتين الاحلام
‏عل المزون تمرها في وعدها

‏تروي عروق ً غرهــا صيف الاوهام
‏لولا الأمل ماتت ضمى في مهدها

،،،

‏شرب على غير الظما يجرح الحشا
‏وقرب على غير المودة لاش

‏محبته أحلى من الما على الظما
‏والذ من مطعوم كل معاش

‏وأحلى من اللي ينقر الطير راسها
‏ينوشها بين الجريد نواش


وبس والله سلااامتكم

[خيال مطير]

الله الله شاعرنا أبو عبيد صح لســـــــــــــــــانك وبيض الله وجهك
صح لســـــــــــــــانك يالجوهرهـ . وصح ذوقك ألعاليــ
صح لسانك . شاعرنا . صمتي حكمه . ثم صح لسانك . حضور فخم . يالامير

[خيال مطير]

https://www.youtube.com/watch?v=UN2rzHzQDkw&ab_channel

[الجووهره]

اسعد الله ظهيرتكم وجميع أوقآتكم
وطآبت جمعتكم بذكر الله
والصلاة والسلام على رسول الله

اللهم صلّ وسلّم على نبينا محمد
وعلى آله وصحبه أجمعيين

[ناصر الهواوي]

اللهم صل وسلم على سيدنا محمد
بصراحه ما قصرتوا وصحت السنتكم واذواقكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ
ظهرية الجمعه وصلى الله على طه النبي=ما ناحت الورقا وما غنت على حدب الجريد
حضوركم يا ربعنا رايع وهذا اللي نبي=الله يسعدكم ويحفظكم بهاليوم السعيد
طرا فبالي ما طرا وابليس خاسي ويهبي=حاولت عنه احيِّد افكاري وانا راسي عنيد
واللي علي اطراه بالجوال جت صورة ضبي=نابي ردف هافي بطن خادر نظر مع طول جيد
اللي بعث به يعرف اني منتبه ماني غبي=يقول هو يشبه لهذا قلت اجل /علمٍ اكيد

[عبدالله الصقري]

مساء الورد و الياسمين
صحّت ألسنكم جميعا و طابت ارواحكم
و جمعه مباركه ع الجميع بإذن الله تعالى

[عبدالله الصقري]

لن اتطرق لذكر الاسماء لانها كثر ولكنني اوجه لهم هذا النداء العاجل واقول لهم ::::::


بأي شئ نناديكم ..؟



بدموعنا أم أشواقنا ..؟



أم أقلامنا أم مدادها ..؟



هل نناديكم بعدد أيام فرحتنا معكم ..؟



أم بعدد أيام حزننا لفراقكم ..؟



هل نناديكم بكل عطائكم لهذا الصرح ..؟



أم نناديكم بكلماتكم اليتمى..؟



هل نناديكم بأزاهير أقلامكم..؟



هل نناديكم بلوعة القلوب المتلهفة لرؤيتكم..؟



هل نناديكم بصوت يجهش بالبكاء ..؟



أم بصوت يبعث الدفء..؟



بماذا نناديكم ..؟



ألم نكن كل صباح نراكم..؟




وكل مساء نودعكم..؟



ألم تكن ساعة غيابكم عذاب..؟



ألم تكونوا يوماً ما من يحثنا ويجذبنا للمنتدى..؟




ألم تكونوا تعاتبونا إذا كسلنا وفترنا..؟




ألم تكونوا من أعمدة المنتدى ورواده..؟




ثم ماذا ..؟



نصحوا على ظلمة غيابكم أين أنتم أين أختفيتم..؟



ماهو عذركم ماهو سبب غيابكم..؟



من كدر خواطركم..؟



نقول في أنفسنا لو كان عذراً لانتهى ولو كان غضباً لانطفى




عجباً حالكم..!!



هل طرتم في السماء..؟



أم غصتم في الأرض..؟




نعود دوماً لبقايا أثركم نتأمل في كلماتكم فنجدها يتمى ..




ليس لها من مأوى غير حزن الفراق ..




نعود لرسائلكم وضحكاتكم ..



فنعود والدمعة تبلع الحسرة نعود وقد كسرت خواطرنا..



أننا لم نراكم طال الغياب والبعد أهلك ورد الفرح..



فقلنا لأنفسنا لنصرخ بهذا النداء في الأفاق ..



عسى أن يجد منكم جواباً عسى أن نراكم في الأسبوع مرة واحدة..



عسى أن نرى أسماءكم بيننا ولو للحظة فأجيبوا نداء يقطع الأكباد



ويدمي المقل ..



جاوبوا لو عتنا ولهفتنا جاوبوا صدق إخوتنا..



يارب السموات والأرضأ عد لنا أبناء المنتدى



أعد لنا أحبتنا وهم في صحة وعافية ..



ارجو من الله ان تعودو لنا فى صحة وعافية



وارجو ممن غاب عنا وقرا هذا الموضوع ان



يقول لنا سبب الغياب لعل الله يكرمنا




ويقدرنا على اقناعكم بالعودة




http://www9.0zz0.com/2016/08/27/11/393069151.gif






الله على روعاتك يالأمير
أقسم برب الكون
إن هالمنشور يقض مضجع كل عين ٍ تغمِّض على همها
و ما قد هزّ قلبي ولا وقَّف شعر راسي شي مثله ابد
و كنَّك قاصدني ضمن اللي قاصدهم ههههههههههه
و الصدق يا حبيب قلبي
الله لا يحرمنا من هالجمعه الحلوه
و اقسم بالله ما يبعدني ولا يفرقني عنكم غير أمره الشديد القوي
متأكّد ان كل واحد له نظره في هالغياب
لكن الأكيد اللي يشهد به رب السموات السبع
إنه غصب
و انه شي يقهرني و يأثر فيني
خصوصا لما البعض يظن فيني أو يلومني أو يعتب علي دون علم بي
و والله العظيم ان هالمكان بيتي
و اهله أهلي مهما اختلف الوقت و مهما اجبرتنا الظروف
و اقسم بالله العلي العظيم انكم جميعا عيني و قلبي و كلي
حتى انا مزعلني هالقصور اللاإرادي
لكن دامه لا إرادي أكيييييد جبري
و عن هالشي لو يجي بكره ما ينتهي حديث ولا يرتاح بال
فقط حبيت أشكرك و اقبِّل جبينك إنت و الجميع
و اتواجد لجل عيونكم حتى لو عيني ما غفت
باللي الله يقدّرني عليه
و بكل مفيد و جزل
و بكل حب و رضا
ربي يسعد لي قلبك دنيا و آخره
و يسعد الجميع حآضرهم و غآيبهم
و مهما قلت
لن أكتفي
و لن تترجم أحرفي ما جآس بنفسي التوَّآقة لكم
دمتم جميعا بكل خير و محبه
و لكم جل تقديري و فآآآآئق احترامي
مع أرق و اجمل تحيه

[عبدالله الدّنّيش]

السلام عليكم ويا سلااااام عليكم
صحت ألسنتكم وذوائقكم وطابت أبدانكم
أبداع وإمتاع .. ما شاء الله عليكم ،،
نرحب بعودة شاعرتنا العزيزة نجد ، كما تفضلت الحضور بالقطارة
وبعض احيان نسترق النظر من بعييييد .. وعذرا ع القصور ،،
&
شاعرنا صمتي حكمة .. ما شاء الله عليك أبدعت وأمتعت
وناطحت الرأس الكبيرة ونجحت .. وصح لسانك ولسانه ،،

تحية وتقدير للجميع ،،

[عبدالله الدّنّيش]

اللهم صل وسلم على سيدنا محمد
بصراحه ما قصرتوا وصحت السنتكم واذواقكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ
ظهرية الجمعه وصلى الله على طه النبي=ما ناحت الورقا وما غنت على حدب الجريد
حضوركم يا ربعنا رايع وهذا اللي نبي=الله يسعدكم ويحفظكم بهاليوم السعيد
طرا فبالي ما طرا وابليس خاسي ويهبي=حاولت عنه احيِّد افكاري وانا راسي عنيد
واللي علي اطراه بالجوال جت صورة ضبي=نابي ردف هافي بطن خادر نظر مع طول جيد
اللي بعث به يعرف اني منتبه ماني غبي=يقول هو يشبه لهذا قلت اجل /علمٍ اكيد
^^^^^
اللهم صل وسلم على محمد وآله وصحبه
&
يا سلام يا بو عبيد ما قصرت وما قصر اللي دزها لك مع القايلة ههه
شحنت فينا شريحة الخيال ... صح لسانك ..
&

يا نغمة القيفان شوشي في هجوسي والعبي = وحاكي الشاعر بردية على وزن القصيد
كانك ضميتي للنظايم من عروقي فأشربي = وغردي بالسجع والنغمة على حبل الوريد
وليا حبكت القاف من صدري فهزي وإطربي = خلي حروف الشعر تصهل للقريّب والبعيد
لالي بصوتك من على برج الخليفة في دبي = وفي ساحة ( العنوان ) حطيها رحالك للنشيد
شوف الظبي والعين بالأوصاف غاية مطلبي = يا ذالهواوي هيّض أحلام القريحة من جديد

^-^
علمي وسلامتكم

[ناصر الهواوي]

ياملهمة هجس الكلام العذب فزي واقربي
من يوم ابو عامر زهم للورق في عذب النشيد
شيطان شعري عانِق الموكب ولو تحبي حبي
لاتلتفت للهمه الكسلى ولا الحظ القريد
وش تنتظر مادام قلبك وخذ من صدرك سبي
ولاعاد غير الوجد والاشواق به بقيت رصيد
غيرك ليا ضاقوا تنصوا للخليج اليعربي
وهواك نجدي من نقا رمله الى مذروب حيد
تركظ وراهم وتخمع تعبان وتقوم تعدي
على الشقا مع دربهم شجعك شيطانٍ مريد
ان طعت شوري فاعلم انه ما يبيك اللي تبي
باعك ودز إخلاء طرف مختوم مع ساع البريد

[خيال مطير]

ياملهمة فكري بترتيب الاشعار

منك استمد أجمل بيوت القصيدة

مادمت هايم فيك مانيب محتار

اليا نويت اطلع بفكرة جديدة

عندك بساتين المعاني وانا اختار

والشارد ابحث عنه عندك واصيده

الله يفكك من صواديف الاقدار

وانتي فرح قلبي .. وشوقه .. وعيده

ما اهتم الى من صار في قلبك اسرار

فن القرايه في نواعسك اجيده

اقرى علومك كلها سر واجهار

وادري بك من اسنين مهره عنيده

انتي هواي .. وفيك ما اطيع الاشوار

واشتاق لك يااللي قريبه بعيده

في قربك الجنه .. وفي بعدك النار

ودرس المحبه من غلاك استفيده

واعطيك عشق بدون حدٍٍ ومعيار

وازيد في قلبي لعينك رصيده

وابيات شعري لجلك اطوال واقصار

اشوفهن بالزين بيت القصيده

[خيال مطير]

https://www.alriyadh.com/media/thumb/9f/82/330_46646d9bbd.jpg

خفي على قلبي تراكي ذبحتيه

خفي عليه اشوي لو بس ساعه

من بين كل الناس قلبي خذيتيه

وأصبح معك يابنت مثل الوداعه

تكفين دامنك خذيتيه ضميه

على الهجر ماعاد فيه استطاعه

وإن كان ماتقوين للضم خليه

خليه للمجهول يبدى ضياعه

هذي ثلاث اسنين والصدر مخليه

وبكفك المنقوش تم انتزاعه

وأصبح محله جرح ماحدٍٍ يداويه

لامرني طيفك يزيد التياعه

كني يتيمٍٍ ما لقى من يراعيه

ضيق به الكون الفسيح اتساعه

لااظلم سواد الليل كثرة بلاويه

زودٍٍ على ظلم القريب القطاعه

رسم الجفاء في الوجه بانت مواريه

وعلى الجفاء ما عاد عندي مناعه

روفي بقلبي دام قلبي خذيتيه

وأصبح معك يا بنت مثل الوداعه

مركب غلانا في رصيفك برسيه

وبكسر مجاديفه وبطوي شراعه

وباجيك كني طفلٍٍ فاتحلك إيديه

خوفه من المجهول زاد ارتياعه
.................................................. .....
نشمي بن مقعد العتيبي

[خيال مطير]

https://www.alriyadh.com/media/thumb/f9/47/330_514d1667db.jpg

القلب فيه من الوفا لك ..والالهام

مايُجزيء انّك تكترث بالسجيّه

الروح تضمر في وسطها ..الاحلام

واهداب هذا الليل تسهر ..بضيّه

واقف يهزّه خافقه بس منضام

خايف يخطّي وما يلاقي التحيّه

ملّ المسافه وطولها مُنْذْ ..أعوام

لكن شعوره مسرفٍ بالعطيّه

مجنون من سرْب المشاعر بالاقلام

فوق الحنين اللّي امتلا به .. شويّه

يااعذب ترانيم الامل .. رغم الاوهام

رقّة خياله فاتنه ..مخمليّه!

شفت المطر لااستلهم الزرع .. بلثام

يسكن بعدها جوع تلّ .. ورعيّه

مافيه عابر اكتفت منْه الايام

إلاّ وفرّت منْه معنى المزيّه

يرويه اصرار المحبّه بالاقدام

حتى يزول احساس ذنب الخطيّه

دام العطا منبوذ من زمرة اقوام

فجّ الجفا بصدورهم والأذيّه

بلل بداية خطوته حب .. بالمام

يكبر مع الأعوام..والأبجديّه

معْه النوادر .. والسوالف .. والانغام

بالذاكره تُنعش بقايا خفيّه !
...........................................
سارة العتيق

[الجووهره]

يسعد مسآكم
شآعرنا الهوآوي
شآعرنا الدنيش
شآعرنا الصقري

منوورين ويعطيكم العافيه
وصحت الالسن ودآم حصوركم وابدآعكم

[خيال مطير]

الجوهرة لعيونها يرقى الشعر فوق السنام

من فكر انه يشتهر يكتب شعر لعيونها

حتى يعرف ان الشعر ما هو مثل كل الكلام

حتى يعرف ان الشعر بالضبط هو مجنونها

عيونها بلحالها تحكي لك انواع الغرام

عيونها قصة غرامي والشقا مضمونها

من تلتفت له يعتبر نفسه على صدره وسام

ومن تلتفت له بالغلا ما له مجال يخونها

ومن تلمحه يسهر لياليه الشقية ما ينام

ما تعرفه لكن يموت بحبها وطعونها

قولوا لها ما اقدر اوصّل لها غير السلام

اخاف اوصّل رغبة في البال تقصر دونها

- فلاح السبيعي

[خيال مطير]

يانـاصـر بــن عبـيـد مــالاح بـــرراق .. ســلامٍ احــلا مــن غـبـوق المبـاكـيـر
ياللي على الطـولات والطيـب سبـاق ...اقـبـل ســلام مـــود مـاغــرد الـطـيـر
والسجن بالقيفـان لـه شـرط وابنـاق .. وانـا سجيـن ال حـب سـيـد الغنـاديـر
ماهو بسجن القاف سجني بالاعماق .. مرمس وله بالقلـب وررد ومصاديـر
رمسه بقى مابيـن رمشـي والاحـداق ..وونيت يابـو عبيـد مـن لاهـب الكيـر
يالشاعـر اللـي يـمـك تـلـف الاعـنـاق ..ولبـت لـك البـاب الرجـال المشاهـيـر
واعووود للموضوع والسجن مالاق ..الا لمـن هـو صخـر الـقـاف تصخـيـر
ادخل ياناصر واحكـم البـاب باغـلاق ..وهات البيوت اللي تهيض الشواعير
...

[ناصر الهواوي]

ابا ادخل السجن واغني لهن لا شبهرن بي وابات
وانا من العام حوله ما ابتعد رغم انها بايته
لكن يقولون كان السوق ما طاعك طعه ذا ثبات
وسلم له امرك بلاش هياط ومهايته
يامن له اتفز طفقات المشاعر للجفا بان آيات
والوصل من قبل مده مالمحت آيته
لاتترك الامر يالمجمول في مضمار خذها وهات
هذا نضام اقتصادي بالقدم شايته
ان كان في روض صدرك ما زرعنا من كذا عام مات
لاتحسب الشجره اللي عندنا مايته
ــــــــــــــــــــــــــــــــــــــــــــــــــ ـ
دققو بها عسى ماهي حورنيه////////اليوم الهواجيس صايله مع الحر هههههههههههههههه
ما اعجبتني بس ما نيب حاذفها

[الجووهره]

يسعد مسآكم

هلا بك خيالنااا
ويعطيك العآفيه
ويسلم ذوووقك ودآم حضورك وابدآعك

شآعرنا الهوآوي
هلا بك وصح لسآنك
ولا تحذفهاا كل اللي يجي منك خير وبركه
ودام حضورك وابدآعك

[شاعرة نجد]

مساء الخير

وصحت السنتكم مبدعين الرواسي
على هـ الدرر العذبه والممتعه ودام الحضور
وصحت الذوائق والنقل الرائق

وسلمتم ودمتم,’,

[شاعرة نجد]

زملاء حرفي شعراؤنا المبدعين
لقيت هـ المجاراة بمحفظتي وللاسف مسجلتها بدون اسم
ياليت اذا لاحد فيكم يتذكر عشان اسجلها باسمه
أنا كتبت معاكم ومع بعض الشعراء بالمنتديات الاخرى
لكن انقطعت..
اتوقع من منتدى السلاطين بس لمن مـ ادري,ياترى الهواوي والا ابن طلال الله يرحمه او من!!

يـاشـاعـرتـنـا كـــــل مـــــا يــركـــد الـــشـــوق
واشــــــوف وضـــعـــي حــالــتــه مـســتــقــره

واطـمــع بــيــومٍ فــيــه ابــــا اهــيــد واروق
لــــو اذكــــر انــــي رقــــت بـالـعـمـر مــــره

تـنـشـي مخـايـيـلـك بــهــا رعــــد وابــــروق
بـــــقـــــافٍ يـــزلـــزنــــي كـــــفـــــا الله شـــــــــــره

لــه ينفـتـح بـــي عـــرق وايـقـفـل عـــروق
يـنـبــض لــــه الـتـاجــي والأبــهـــر يــجـــره

ويــهــج بــــابٍ لــــه كــــذا عــــام مـغــلــوق
ويـــــمـــــه مـــــوشـــــر ذكـــريـــاتــــي يـــــفــــــره

ويطري عليِ حلو النبا صافي الموق
ويـــبــــوح مــكــنـــون الــضــمــايــر بــــســــره
.............
تنشيء مخاييلي وتمطر بطاروق
يسر من يسمع صداه ويضره

تسوقه بجوي رياح الشقى سوق
تشكي الجوارح في سمااه وتشره

مرٍّ يجي من خاافي الرووح له ذوق
ومرٍّ يذوّب صادق الشوق حره

وان هيضك يالشاعر العذب مسبوق
لله در الشعر لله دره

كم شاقني شعرٍ تغنيه من فوق
هاام السحاب بكل صوتٍ تجره

مغرم وقلبك من هوى الترف محروق
حرٍّ طليق وتلعب أبيات حره,

[ناصر الهواوي]

اهلابشاعرة نجد وصح لساننتس
بالصراحه ما اجزم انها لي ولكن فيها مفردات انا استخدمها دائما والله اعلم
والخيال خبير بالبحث يمكن يفيدنا
ويمكن يكون لبن طلال رحمه الله

[ناصر الهواوي]

لو ما لويت العنق تنظر خلافك=يجيك قافٍ للورا غصب يلويك
ذا ماحدث لي يوم انا شفت قافك=لو ما جزمت اني بقافي مجاريك
نسناس ذكرى لافها الوقت لافك=لوف الهواء لغصون شجرة مساويك
اقصدك ياقلبٍ موهقك عافك=اصبر ودورات الليالي دواليك
من قال مزح برزح ذا القطر طافك=لا تصدق المكار ناوي يدهويك
يفصِّل من الياس قدك لحافك=عن الرجا لامر وده يغطيك
يامدبرٍ خلقك بنونك وكافك=حقق رجا متعلقٍ بك وراجيك
يصد عن من لد فيه ويخافك=يامن مقاليد المقادير بيديك

[ناصر الهواوي]

خلييييييييييييي
السهلي يقول
داويةٍ به يهرف الذيب وايقيف=حيفانةٍ منها اصبح الذيب حافي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
وانا اقول
ــــــــــــــــــــــــــــــــــــــ
ضيعة جدا مابين مزحك وجدك=عن نهجك الاول تبين تحاديك
كم مرةٍ حاولت ياهوه اردك=واومي لك بورد المحبه واناديك
واقضب تلابيب الغلا بك واشدك=وتفكهن بيديني وتنفض ايديك
ولسان حالك قال لي رح ماودك=ما اظن بعد اللي مضى منك يمديك
وبس ههههههه

[ناصر الهواوي]

وش السالفه
كأن لم يكن بين الحجون الى الصفا=== انيس ولم يسمر بمكة سامر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
من حق الجريد اللدن يلعب مع النسناس
وتداعب سعفه الخضر هبة نسانيسه
تراقص طرب معه الرواعب بلا مرواس
على ايقاعهن فك المعنى محابيسه
همومٍ بعد ما حركوها عثت بالراس
زياده على ما فيه تحيي مداريسه
يعصر له من الحنضل ليا قال ابا اشرب كاس
ويغز السهر بالجفن الاقشر دبابيسه
بعد دندنت للهجر بعد الوصال اجراس
يابيس النهار اللي به اوحاه يابيسه
على ذاك حده حاسد وواشي وبلاس
وعلى ذبحة المعصوم شالته اباليسه

[خيال مطير]

رديه بين الشاعره هيا الغبيويه الروقيه وابن سبيل

هيا الغبيوي العتيبي الملقبة بفتاة الوشم شاعره معروفه من زمن طويل في مجال الشعر ومن أشهر شاعرات الجزيرة العربية

إليكم هذه الردية الجميلة والجزلة بين الشاعرة فتاة الوشم والشاعر المعروف محمد بن سبيل وهو حفيد الشاعر العملاق
عبدالله بن سبيل رحمه الله

تقول الشاعرة فتاة الوشم (هيا الغبيوي الروقي) عن الزمن الذي تغير


تـل قلـبـي تــل ركــب المهمهـيـه
يوم خف الشيل وشنونه طووهـا
في لهيب القيظ صبحه مع عشيه
بالمطـارق والعراقـيـب الهـدوهـا
والمـوارد خـوف والـدار اجنبـيـه
والدروب العوج معهـا سخروهـا
ما طرقهن فـي قديـم الوقـت فيـه
بالمغـازي والمناكـيـف اتعبـوهـا
منوتي ريحـة هـوى نجـد النقيـه
فـي خـلاًًََ منـه الجـوازي جفلوهـا
ما حلا مـن عقـب مزنـه عقربيـه
جـرة العسـاس فيهـا مــا لقـوهـا
شيدو بيت الشعـر بـأرضً عذيـه
شـف بالـي ربعتـه يـوم ارفعوهـا
طوقـه نـبـت الخـزامـا والنصـيـه
في رياض بالجوايـل مـا رعوهـا
وانزلـوه الـلـي يمانيـهـم سخـيـه
وعلقوا ضـو المنـاره واشعلوهـا
واحتمـا محماسهـم بأغـلا شريـه
والدلال الصفر بالصالي شووهـا
وقـدمـو فنجالـهـا مـثـل الـهـديـه
بعد ما بالهيـل الاخضـر بهروهـا
دق نجـرً يجـذب السـاري عـويـه
مـا تـوزو بالمطـابـخ وطحنـوهـا
يوم جيبت مثـل مجهـول الهويـه
مـا تسـر ونارهـا مــا شاهـدوهـا
دلـــة لـــو قـلـطـت بالـطـوفـريـه
اتساوي اللي على الملـه جذوهـا
تجمـع الظفـران ورجـال الحميـه
والسوالـيـف القديـمـه حـدثـوهـا
في البطوله والخـوي ويـا خويـه
مـن عهـود جدودهـم مـا زيفوهـا
يـامـحـمـد يــازبــون الـدوبـلـيــه
عيني اللـي لمـة البـدو احرقوهـا
مشغليـن البـال والعيـن الشجـيـه
ليت نفسـي بالوعـر مـا علقوهـا
للبيـوت السمـر عـنـدي جاذبـيـه
ليتني سجيـت مـع نـاس نسوهـا
اه وعــــزاه دام الــــروح حــيــه
مــن طـبـوعً للقـبـايـل سيـبـوهـا
بدلـوهـا بطـبـع مــا لــه قابـلـيـه
واستـعـار ولهـجـة مــا علمـوهـا
راحت الشيمات يا محمد ضحيـه

والتقالـيـد العريـقـه مــا بـغـوهـا




فرد الشاعر محمد بن سبيل




فـز قلبـي مـن وصـول الخـط لـيـه
فـــزت امً فـــي ولـدهــا بـشـروهـا
غـايـب عـنـهـا ولا لـــه مـقـدريـه
منشغـل منـه المعازيـب حرمـوهـا
مرحبـا ترحيبـة النـفـس الرضـيـه
بالرساله واهلها ومـن احضروهـا
يـا فتـاة الـوشـم لــك مـنـي تحـيـه
شاعـرة نجـد العـوارف رشحـوهـا
تشتكيـن الشـوق للماضـي علـيـه
منـوتـك شـوفـة بـيـوت شـيـدوهـا
شـوفــت الـحــوال بـديــار خـلـيـه
خلفـهـم بـاقـي دبشـهـم عقـبـوهـا
بيـتـهـم بالـقـيـظ تـســداه بـدويــه
وانهتـه قبـل المخايـل وشكـروهـا
والحنـيـن لـذيــك الايـــام الهـنـيـه
يـوم اهـل نجـد العمايـر مـا بنوهـا
لا يزيـد الـشـوق وتـزيـد الشكـيـه
البـيـوت السـمـر اهلـهـا بيـعـوهـا
العراوي صـار مـن عقـب المطيـه
مركب البـدوان وجمـوس شروهـا
وبعـد مــا كـانـو يـربـون الرعـيـه
الـذبـيـحـه لا بـغـوهــا دوروهـــــا
ما جعل روحي على حوض المنيه
غـيـر تـذكــاري طـبــوعً بـدلـوهـا
لا طرت لـي عيشـة البـدو الحليـه
والحيـاة اللـي بعضهـم سمجـوهـا
جـظ قلـبـي جـظـة مضـيـع خـويـه
فــي ديــار مقـفـره مــا سنـعـوهـا
وزادت اشواقـي وحسراتـي خفيـه
للسنيـن اللـي جـدودي عاصروهـا
مـا حــلا صـيـد الضـبـا بالبندقـيـه
لين حدوها علـى الخيـل و رموهـا
وما حـلا بالبـر عـزف السمسميـه
والربابه في يدين اللـي اعشقوهـا
مـا تقهـوو مـن قـهـوة الزمزمـيـه
دلــة الـرسـلان سـاعــة بـهـروهـا
واختـلاف الـوقـت نعتـبـره زريــه
عيشة الماضي بكوا مـن جربوهـا
هــذه الدنـيـا عـلـى العـالـم جـريـه
هـي تجاهدهـم واهلـهـا جاهـدوهـا
واسلمـي يـا بنـت حاميـن الونـيـه
ما بدت شمس النهـار و طالعوهـا

[رحيل]

الله يصبحكم بالخير وراحة البال
شلونكم عساكم طيبين

صحت السنتكم ودام ابداعكم (:

[ناصر الهواوي]

اهلا بالجميع ومساكم سعيد والشر عنكم بعيد
الخيال ورحيل هلا بطلتكم
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
احب اقول ولا اعرف ويش ابا اقول=اشوف هجسي يبخل بمفرداته
من كثرة غياب الربع صابه ذهول=ووسايله ما اظنهن منجداته
كافح كما كافح مع الدهر ابالهول=سنين جرد وماهي مبيداته

[ناصر الهواوي]

يالله الخيره على غمى الشايب هههههههههههههه
ــــــــــــــــــــــــــــــــــــــــــــــــــ ــــــــــــــــــــــ
يقولون لا كثرت عليك الطواري نم=وليا منها كثرت انا كيف ابا انامي
وانا اقول ياقلبي عن اللي يغثك شم=قبل لا يجي بالضغط منها اتسونامي
اتقرقع به الدقات من قو ضغط الدم=مثل قرقعة جيب الخفير اول العامي
يوم اني ليا قلت اسجن فلان رده سم=الجزلين من حربي وغامد وغنامي

[عبدالله الدّنّيش]

السلام عليكم وطابت أوقاتكم
وصحت السنتكم وأصطحت أبدانكم
ويا سلااااام عليكم ،،،

[عبدالله الدّنّيش]

يالله الخيره على غمى الشايب هههههههههههههه
ــــــــــــــــــــــــــــــــــــــــــــــــــ ــــــــــــــــــــــ
يقولون لا كثرت عليك الطواري نم=وليا منها كثرت انا كيف ابا انامي
وانا اقول ياقلبي عن اللي يغثك شم=قبل لا يجي بالضغط منها اتسونامي
اتقرقع به الدقات من قو ضغط الدم=مثل قرقعة جيب الخفير اول العامي
يوم اني ليا قلت اسجن فلان رده سم=الجزلين من حربي وغامد وغنامي

^^^
معك حق .. ولك الحق وما يلحق .. وصح لسانك أبو عبيد وما تشوف لا هم ولا غم
&

عسى شيخنا يا ربعنا ما يجيه الغم = ولا يشكي الغثة ويسعد بالأحلامي
معه حق لو ترفع ضغوطه ويشكي الهم = وأنا أصادق الدعوى وبصمة بالإبهامي
غياب الحبايب يفقد الكيف له والكم = وشوفة حضور الربع يروى بها الضامي
عسى من توده يالهواوي يقلك تم = ويبدي على المشراف من دون كمامي
وأنا جيت أبسلم وأباقولها بالفم = سلامي عليكم بالإشارة والأقلامي
^^
وسلامتكم

[عبدالله الدّنّيش]

سوالف آخر ليل ... والهواوي في سابع نومهههه

^-^
صبوا لكيفه دلة البن بالهيل = ياصاحبي يا كيف حالي وحالك
يا زين جلسات السهر بآخر الليل = ويا زينها أبيات الشعر في وصالك
مرة نفعّلها ومرات بالشيل = ومرة نغنيها على طرق سالِك
في حضرتك تنساق كل المواويل = والصوت يتردد صدى من جمالك
والصمت بعض أحيان يقطع لي الحيل = ينهد حالي كيف يطري ببالك
وأجر حبل الصبر وأعطي تعاليل = يا عل نغمة تنطلق من سؤآلك
والوصل حكمة فيه بعض التفاصيل = والإذن تنصت لا طرقها إتصالك
^^
وصباحكم خير

[خيال مطير]

https://www.youtube.com/watch?v=GDltasZs9Pw&ab_channel

[ناصر الهواوي]

اهلا ياابا عامر وطال عمرك ولاهان راسك مجاراه فاخره بالحيل صح لسانك
واللي بعدها اروع وهذي عوايدك
اهلا يالخيال وصح ذوقك ودام حضورك
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
ماجور ياقلبٍ بدربه محابيل=من قبل عام العام وضعه كذلك
دارب على كثر الغثا والبهاذيل=قريد حظ وليل امانيه حالك
ليا بقي على وصول المدا ميل=يقال قف وارجع ويمشي بدالك
في ماقفه تذبل ورود الاكاليل=يقضي حنق لو ما لنفسه تمالك
ويذكر طلاسم صاغها بالتماثيل=هجس المعاني يقتبس من خيالك
عذبٍ طعمها مثل وبل الهماليل=واحيان تطعمها كما الشري ذلك
وعودا على الدله وسوق الفناجيل=وسم كرم راعيه ماهو بهالك
تبقى نعم له في علوم الرجاجيل=عسى نعم بالصدق فالي وفالك

[ناصر الهواوي]

اسجعي ياعذبة الصوت ابا اطرب مع غناك
خلي الضيقه ليا اوحيت حسك تختفي
مفرغٍ صك النخل لك بطلعه ويهناك
وما يطير بالنخل خادمٍ بك يحتفي
الجريد يضلل الماء واقلي من عناك
لاتنوحين اسمعيني هديلك واتحفي
وبس هههههه

[ناصر الهواوي]

يازقينهم زقيناه ههههههههههههههه من الماضي
اسعد الله مساء من هاهنا
ومن تغيب نقول اسعد مساك

[الجووهره]

السلام عليكم
وياسلاااام عليكم
كما قال شاعرنا الدنيش ههههه
مبدعين صحت الالسن جميعااا
ودام حضوركم وابداعكم


وهلا بك رحوووله
ويسعد أياامك
وينك صايره بخيله
وين المشاركات الجميله ياجميله

[الجووهره]

يقوول

من لا يحس بقيمتك وأنت موجود
ما هو بناشد عنك لا صرت غايب
-
حاول تفرق بيض الأيام والسود
يا قلب ما كل الحبايب .. حبايب
-
اللي يبيك يجيك لو دونك قيود
يكسر على شانك خشوم الصعايب
-
واللي يبي فرقاك لو دربك ورود
ما جاك لو إنك من أدنى القرايب

[شاعرة نجد]

السلام عليكم ورحمة الله

الله يصح لسانك شاعرنا الهواوي
مبدع وغني عن شهادتي ولاعدمنا عذب قافك
وصح لسانك يـ الدنيش شاعرنا المميز

ودام حضوركم مستشارنا وراسياتنا المبدعات
تقديري للجميع,’’

[شاعرة نجد]

للابيات مناسبه
أختي لها استراحه بربوع نجد وطلعت لها
واليوم الثاني جاهم عج وصار الجو سيء ورجعت بيتها
المهم انا صورت فطوري عـ البحر وكان الموج رايق والجو روعه
وشافت سناباتي وراسلتني تسب نجد وتتمنى البحر..:smile:
قلت
كان بحْر الخليج يْشوق عينك زراقه
شوق عيني خضار المزرعه فـ النفود

يشرح الخاطر الموج ان هدر واصطفاقه
بس عندي هوا نجد العذيه يزود

بالغلا والربوع الكايفه والرفاقه
والمزارع ولمة ناسنا يـ العنود

لو على الشاطي افطر في هدووء ورواقه
وارسل سْناب من اروع صور فـ الوجود

واتسلا بَعَد مـ الشوق طوّل فراقه
وارسل ابيات شعري كل ماهب نود

مر توصل وتروى عْروق قلبي لباقه
ومر صوتي علي مع كل موجه يعود

وان خضعت لْظروفي وان خذتني حماقه
أشرب مْن البَحَر والا انتحر دون فود..!

[ناصر الهواوي]

فزعه مع شاعرة ونجد او بالاصح مع صحاري نجد على شواطي الخليج/والمخاطب العنود ان كان اسم اختها اواسم اختارته
ــــــــــــــــــــــــــــــــــــــــــــــــــ ــــــــــــــــــــــــ
كان لك ياهجوس الشعر بالشعر فاقه=عبر شاشة رواسي دز ما به تجود
كملت شاعرتنا بس هاذي لحاقه=ندعم لرايها الصادق وتقنع عنود
ان نجد العذي مافي نجومه بهاقه=لاضوى ليل نجد ونسنسة فيه نود
وسامر نجومه اللي له بجديه علاقه=يشمل ونوب لسهيل اليماني يعود
دار مهره ومهر وسيفٍ اجرب وناقه=ودار ورد وبرد لو ما نبت به ورود
بشطكم يزعج النورس بكثرة نعاقه=كلما يصطفق موجه صياحه يزود

[الجووهره]

مساء الابدآع والجزآله
وهلا بك شآعرتنا نجد
نورتي بعد الغيبه
وصح لسانك وصح لسان شاعرنا الهواوي
ولبى نجد واهلها ومن سكنها.
يازينها وحرها وسمومها وغبارها
ياليتني شاعره بس ههههههه

[الجووهره]

مشاركه من الذآئقه
في نجد العذيه


يانجد جعل مروّح الغيث يسقيك
يعلّ ريانك ويسقي ضمايـاك .
يانجد قلبي ينفـعه يوم يطريـك
الله يلوم اللي يلومه ليـا أطراك
...... .
أنا من نجد يكفيني هواها

ويبري لوعتي شربي لماها .

،،،،،

يانجد لو كل العرب منك ملت ..
ما مل من نجد العذيّه ولا اتوب

[شاعرة نجد]

فزعه مع شاعرة ونجد او بالاصح مع صحاري نجد على شواطي الخليج/والمخاطب العنود ان كان اسم اختها اواسم اختارته
ــــــــــــــــــــــــــــــــــــــــــــــــــ ــــــــــــــــــــــــ
كان لك ياهجوس الشعر بالشعر فاقه=عبر شاشة رواسي دز ما به تجود
كملت شاعرتنا بس هاذي لحاقه=ندعم لرايها الصادق وتقنع عنود
ان نجد العذي مافي نجومه بهاقه=لاضوى ليل نجد ونسنسة فيه نود
وسامر نجومه اللي له بجديه علاقه=يشمل ونوب لسهيل اليماني يعود
دار مهره ومهر وسيفٍ اجرب وناقه=ودار ورد وبرد لو ما نبت به ورود
بشطكم يزعج النورس بكثرة نعاقه=كلما يصطفق موجه صياحه يزود

كفو يـ شاعرنا
فزاع وماهر ومبدع واكثر
وعز الله اني نسختها وارسلتها لها ههه
واستمتعت بمجاراتك الكايفه النايفه

الله يصح لسانك,’’

[شاعرة نجد]

https://lh3.googleusercontent.com/proxy/HBuCFNPyOpdeW2ph5A_PCMnv3wQXgmxTwV3sNE_HcyGZswT0k6 Asiah-NEGHMhccpW8zktgsuM749-dVtxlNPHFFfxRmctbz2GPf_aOH5aiKzAt49Ub1pMMgGa_YMXJF 7HQhJESqfCO8UvyLGQ

نمت وُحَلمت وقمت ماحولي الا
شالي وجوالي لْحالي وعودت

أنام واحاول عساي ولعلا
أقطع طويل الليل لو ما تعودت

على فرااقه,لين قمت اتسلا
بـ ابيات شعرٍ في بناها تجيودت

وارسلتها عبر البريد اتغلا
واشره ولو طعت اعذب الشعر زودت,

[ناصر الهواوي]

مساء الخير ع الجميع
اغلب الخيوط يكون مفتول من اسلاك كل سل يسمى فتله
وهنا حبل اوخيط الحماس كذلك الا ان يحدث تقطع في بعض سلوكه او فتلاته
فتاتي شاعرة نجد او صمتي حكمه او اي شاعر وشاعر ويرمم تلك الفتلات بابيات
لتستمر ما شاء الله ان تستمر لذا خلوا عيونكم على هالفتلات كلما شفتوا فيه ترهل رمموه
ههههههههههههههههههههههههههههههههههههههههههه
صح لسانتس شاعرتنا ولاهان راستس ومبدعه لا تعني شي في حقك بدون مجامله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
تمطرخ على كيفك تمايل مع النسناس=ياخضر العسيب يشدك الجذع بالليفي
وقل لارفعت الصوت لك بالغنا لاباس=طرب هاجسي واحب اغني على كيفي
لولك عين قلت اليوم اظنه دخلك نعاس=ولو لك قلب قلت اظنتك فرقا المواليفي
مثل صاحبك لا ناح فيك الحمام انحاس=وليا اطروه هلتها عيونه ذواريفي
يجيبه قلق من ما يعاني وفيه عماس=ما ينفع معه رقيه ولا يطرده كيفي

[خيال مطير]

حكيم الشعر (ردا ً على قصيدة شاعرنا الكريم موسى أبو مشهور الصائغ




جزل ياشاعرن مايكتب الا الجزل ويسوقه
تعــــمقت بـــحروفه والمــــعــاني ساقها بـابــداع

جميلات المعــــاني دلت بفنه و مــنطوقه
قصـــيدة وافــــيه جــــل القوافي جابها بــيراع

تحياتي لمنظومه ومـــكتوبه و طــــاروقه
مثل انور لمــحسوب الدرر والشعر نورشــعاع

عذوبات القصايد تحت كفه جات مسيوقه
نعم شاعر درر والقاف عنــده ينثرة بااطباع

سلام لاانورالسيفي بفكرة تجيه مدفوقه
و هو قد الكلام وشاعريه برقها لـــماع

عسى ردك يجينا دون احراجات مسبوقه
على رسلك على مهلك ترى نبض القصيد اقناع

الشاعر موسى أبو مشهور الصائغ

هلابك عد مازار المضمر عزبه لنوقه
وعدد ماشارفت شمس الدنا من نايف المطلاع

حكيم الشعر وافانا هناه وزارنا ذوقه
ولامس نبض تحضن له جميل الروح والاضلاع

ابو مشهور من اسمك خذينا للندى شوقه
ورود الطيب والنقوة ودافي حسك الفواع

سلامي يوصلك عاني يملكه السنا طوقه
مشاعر جنة الخافق وديدن من سما لاقاع

مدحت الشعر وأركانه وسال الدمع من موقه
شويعر توه بعمره ينادم فالسما مرباع

تشيله همة الوافي وينحر للوطن عوقه
يدوس الصعب من شانه ويرخص في فداه اوضاع

أنور السيفي

[خيال مطير]

http://www.alsultanah.com/vb/image.php?u=3196&dateline=1420144738

ويــــش عذره غاب من قسوة ظروفه
ويش عذره كيف يكتبها اعذروني
القلــــم ماعـــاده يـــــلامــس كـــفوفه
والمدامع عيت تــــفارق عــيوني

كيف اشوفه كيف اشوفه وين اشوفه
يااهل المعروف تكفوا ساعدوني
واحدن ماخذ عــيوني مـــــن وصوفه
الحلا والملح هو ســــبة جنوني


انسحبت مــــــن القصيد ومن حروفه
من سببها ليتكم بس تعـــــذروني
الغياب اللــــــي انكتب منها الهنوفه
ياهل الشعر النبط لا تــــسالوني

من مجرد شفت انـــا نقشت كـــــفوفه
ضاعت الحيله ولك الله ضيعوني

[خيال مطير]

https://www.youtube.com/watch?v=aY0_D9Gh0nY&ab_channel









https://www.youtube.com/watch?v=V7-Q5J7e_m0&ab_channel

[الجووهره]

هلا بالجميع
وصحت الالسن والاذوآق
ودآم الحضور والابدآع

[الجووهره]

‏يطرق فيافي نجد نسناسها الحار..
‏وأقول : نسنس بانسيم البرادي
‏.
‏أدري هواها حارّ لكن غلا الدار ..
‏مستوطن الخافق ويغلب مرادي

[ناصر الهواوي]

اهلا يالجوهره وصح نقلك ودام حضورك
اهلا يالخيال ذوق رايع وحضور جميل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
يقول من هو خاطره بعدهم ضيق=ما وصل حد الكسر لكن قريِّب
وهو يومن ان الامر حظ وتوافيق=ليا حضر هذاك هذا تغيب
شيٍ يتك الخلق وينشف الريق=ووبل المحاجر يجي هتان صيب
طقت الفراق اشهر وانا كنت ماطيق=وقو التحمل زين والصبر طيب
اغفي رجا طيفه بي ايلم وافيق=لكل ما امَّلت نومي مخيب

[الجووهره]

هلا بك زود شاعرناا
ويسعد مسآك والجميع
وصح لسآنك ودآم حضورك وابدآعك



نصيحه جدلآنيه

يقول بن جدلان

لا ضآق صدرك والليالي تحدتك
اصبر عليها والصبر زين لو طآل

لا تنحني للوقت وتروح هيبتك
وتموت بالحسره ولو كنت رجآل

واحذر تدور عند الاندآل حاجتك
لا تقضي الحآجه ولا تستر الحآل

واحذر تبين لاقرب النآس شدتك
لو تزعله لحظه حكت فيك الأجيآل

وان صرت ضيف الناس لا تطول مدتك
غالي تجي .. وتروح ياطيب الفآل

وان كآن همك بالزمن بس لقمتك
الفول بريالين .. والخبز بريآل

الله يرحمه
واموات المسلمين