هنا .. سجن القوافي !!

[رحيل]

هلابتس زود جوج
>> وتروح تجيب القهوة وتجي
هاتي البسبوسة هههههههههه


وانا بعد لطشت لتس ذي
تسلية فجرية هههههههههههههههه








اطنخ تدلل دام انا وانت حيين
تفداك روحي كان روحي تسدك

بلدك قلبي والشوارع شرايين
تمشي مع الشريان من حيث ودك

مره تمشى داخل العين ياعين
ومره تخش الفكر محد(ن يردك

ومره تخيم ف الحشا بين ضلعين
وعلى غدير الود ترشف بيدك

ومره تسرخها على الكبد بثنين
زاحف على كيفك ولا فيه قدك

[الجووهره]

هلا بك وقهوتتس ولطشتس
ويسلم ذووقتس

[ناصر الهواوي]

اهلا بالجميع
الخالدي صح لسانك ولاهان راسك ودام حضورك الراقي
اهلا يالخيال وتسلم على هالسرد الفاخر
اهلا يا رحيل وصح بدنك وذوقك ولاهنتي وسلمتي ودمتي
اهلا يالجوهره وتسلمين ذوق راقي وحضور ارقا
وينك ياحفيدي طمنا عنك ومن يعز عليك
المهره مبطيه وابو عامر والشاعره والشامخه لحدٍ ما

يامرحبا مالعا ورق وعوى ذيبه=صدر الذي من فراقه تظرس ظروسه
تسحن بعضها اشتياق ومنفري جيبه=تقول بين الحنايا الشلف مغروسه
زرع بقلبه فراقه شكه وريبه=عسى مقابيلها ماهي بمنحوسه
ياشيب راسه ورمش العين ياشيبه= نفخة ضغينه وبين اثنين مدسوسه
طلع النخل ياحمد هالعام ياطيبه=والحمد للي سقا من فضله غروسه
ومن بعد قل للخفير يحرك بجيبه=اللي من البعد تسمع صيحة تروسه
ويدور الشاعره مع طولة الغيبه=لوهي من الحزب ماهي عنه محروسه
ما سجنة العاصفيه مره امعيبه=ولا طلعة الجوهره من السجن ميئوسه[

[خيال مطير]

صح لسانك يابو عبيد

يقول الشاعر عبد الله سعود الصقري
......
حيّ الضمير الحي حيوه يا ناس

وهنوه يا هل الطايله في حياته

وعزوا ضمير ميتٍ ما به إحساس

عزوه يا هل المعرفه في مماته

راعي الضمير الحي للناس نبراس

للناس مثل الغيث يروا نباته

الجود به ما جود راسي على ساس

والبر والمعروف رمز حسناته

بالمجتمع في كل الأحول حساس

منهم وفيهم بالفرح وترحاته

ما يترك المضيوم بالظلم محتاس

يهوى على الظالم ابصارم هواته

ولا يترك المحتاج في ضيم الافلاس

يمناه بالماجود تذرف هباته

للناس كل الناس لامس مسّاس

يبذل جهوده والوفا من صفاته

الله هداه وحاز فخرٍ .. ونوماس

بالدّين والدنيا ولا أهمل صلاته

هذي حلاة الرّجل يرفع له الراس

مثل الدليل المهتدي به اسراته

ما هوب ثبرٍ بين الاجواد بسّاس

يفرح ابتشتيت الملا .. والشماته

عن واجبه في كل الأحوال نسّاس

ما يلترزم بالأزمّه كان جاته

راعي الضمير الميت في كل الأجناس

ما ينفع المخلوق تكفي وفاته

راعي الضمير الميت بالشر بسّاس

كل المشاكل .. والبلا من سواته

راعي الضمير الميت هو راس الأنجاس

من عقب جمع الشمل سبب شتاته

حذرا عنه يا ناس وأمثاله خساس

جرثومةٍ بالمجتمع من حتاثه

مثل الربا بالمال بالسحت غمّاس

يذهب ويذهب صاحبه بهفواته

تم النشيد اللي نظمته من الراس

قولٍ صحيح ينقلونه إرواته

وصلاة ربي عد ما بالوطن داس

على النبي ما صف عبد ابصلاته

[خيال مطير]

يقول شاعرنا ناصر عبيد الهواوي


باسم الذي يبدا الامور ويعيدي=سوى السما وارسى الاراضي بالاطواد
بذكره نويت الليله ابدا قصيدي=واصدح بتمجيده على روس الاشهاد
ومن بعدها يا مرحبا يالجليدي=تحيةٍ من ذا الى باب بغداد
سكبت فيها كايف الطيب بيدي=وفاحت مباهر كيفها هيل وقناد
للي لجزلات المعاني يجيدي= ويغلق مداخلها على كل نقاد
شورك لمن قلبه بدا يستعيدي=عصرٍ تقافت به ضعونه ولا عاد
دكت هواجيسه وعيت تهيدي=تسري جموع وتسرح الجهمه افراد
منها الحديث وشي منها تليدي=في ذكرياتٍ له مراميس وجداد
نوبٍ اتعرض له بلبه وجيدي=ولها على الخرس النواعيس معواد
يعيش بين الناس كنه وحيدي=عابس وجه ما يبتسم دوب بالكاد
ويقول لو قلبي خلي وبليدي=وش عاد دام الحظ مثبور وش عاد

[خيال مطير]

من الذاكره
|كلمات:سداح العتيبي|اداء هزاع المطيري


https://www.youtube.com/watch?v=JQ1qDCtWFlc

[خيال مطير]

يقول شاعرنا كاسب الروقي

جيـتـك وانــا مقتـنـع بـالـلـي تقولـيـنـه ..مـغــرم وحـبــك اكـيــد يـرجـعــه ذاتــــه
الا المـفـارق وطــاري البـعـد ياشـيـنـه ..كـلــه ولا لــوعــة الـهـجــران وآهــاتــه
لـكــن عــنــدي طــلــب وابــــي تلـبـيـنـه ..اللـي هجرتيـه قولـي ويــش غلطـاتـه
واذا رجـعـنــا يـصــيــر الــلـــي تـمـنـيـنـه ..والـكــل مـنــا يـجــي ويـعــد خـطـواتـه
مـازلـت احـبــك واحـــب الـلــي تحبـيـنـه .. ياملـهـمـة شـاعــرك يـافـكــرة ابـيـاتــه
لـكــن بـــه شــــي واحــــد ماتعـرفـيـنـه ,,فـــــن الاتـيـكـيــت طـبـقــنــا حــركــاتــه
مـاآكــل الا مـعــي شـوكــه وسكـيـنـه ..اســايــرك يـاحـبـيـب الـقـلــب ومـنــاتــه
ومسلسل اهل الغرام اللي تشوفينه ..صرت اتمتـع بشوفـه واحسـب اوقاتـه
مازلـت كـاسـب هــذاك الـلـي تخبريـنـه .. يرضـيـك لــو كــان مـايـرضـي قنـاعـاتـه
الــحــب ومــواصــل الـعـشــاق يـازيــنــه ..خــصــن لــيــا زاد وامــتـــدت عـلاقــاتــه
ولو حسو أهل الغرام اللي تشوفينـه ,,ســوو لـنـا حلـقـةٍ مــن ضـمـن حلقـاتـه

[خيال مطير]

من شعراء رواسي نجد بين كاسب , ومحمد القسامي


يقول كاسب


سلام يامحمد ياراع الطيب والعقــــــــل الرزين
يوم انت من نسل الرجال اللي عريبن ساسها
قدمـــــي ذلولن تسحب رشاها وفيها رميتين
الاولــــــه مع رجلها والثــــــــــانيه مع راسها

القسامي
ياهلا وغلا ياكاسب
الله الله صح لسانك وأستلم
الفلقه حاصله حاصله
يامرحبا ياكاسب الروقـي يابـو جنـب متيـن ,, يـاذخـر قــوم مـاحـد مـنـكـر لـقــوة بـاسـهـا
لاترمحـك ياصاحبـي خلـك لرمحتهـا فطـيـن .. ياللي رميت الرميه اللي ماعرف نوماسها

كاسب


دام البقابك يالمرحب واستلم والله يعين
مالك ومال الحيه اللي هزهزت باجراسها
خابرك يالعساس لو عسيت ماعسيت زين
من يوم عمت المويه اللي كذبت غطاسها

[خيال مطير]

https://www.youtube.com/watch?v=g7G1nyQlatI
https://www.traidnt.net/vb/images/imgcache/2010/09/animatedhorsegif-15025985-1.gif
خيال

[الجووهره]

يسعد مسآكم
هلا بك خيآل
ويعطيك العافيه على التسالي الرائعه
والنقل الجميل ما قصرت مستشآرنا

شاعرنا الهوآوي
صح لسآنك ودام ابداعك
والله يجيب شاعرة نجد
ويردها بالسلامه ونستمتع بابداعها
وانا استمتع بالحريه ههههههه


الصقري ، هزآع
مفقودين مالهم شوفه
عسى مانعهم خير
ويردهم بالسلامه

نجووله طال غيابها
الله يردها والجميع
بالسلاااااامه

[الجووهره]

وينكم يا الرواسي وين مكتوب الكفاله
مثلكم رمز الكرم وشعركم رمز الجزاله

هههههه
رايكم في محاولتي ؟
يجي مني ؟والا انسى الموضوع
ههههههههههههههه

[الجووهره]

عآم جديد

https://youtu.be/6il1LlFgGFs

[الجووهره]

‏ان كان قلبك من عنا البعد مضغوط
‏قلبي (عليكم) من عنا الشوق مندي!!

شكل شآعرها جوعآن
هههههههههههههه

[الجووهره]

يقول يآسر التويجري



‏عش الحيــاة برغبتك وبمبـــاديك

‏عش منفتح عش منغلق لا تعـاني

‏اللي يحبـــكـ كيف مـاكنت بيجيـك

‏وإن جـاك ما إنت بحاجة لشخص ثـاني

[ناصر الهواوي]

عامٍ جديد يضاف يالترف لعوام
مضت لنا مابين قاعٍ وقمه

ياهل ترا نطلع الى اعلى بهالعام
وان كان ماذا صار فهي المطمه

انظر يمن واتقز بعيونك الشام
انا ليمه وانت وجهتك يمه

ما ادري متى ترفرف لنا بيض الأعلام
ومنا وعنا ينفض الضيق كمه

وسيف الحقيقه يقطع ارقاب الاوهام
وتبرا كبود من الجفا مستسمه
ــــــــــــــــــــــــــــــــــــــــــــــــــ ــــــ
مجرد تسجيل حضور بهالخاطره

[الجووهره]

صح لسآنك شآعرنا
والله يحقق كل أمنياتك
في العآم الجديد وكل عآم
والجميييع

[حمد الخالدي]

لا يا الهواوي ديننا دين الإسلام
اصبر وصابر والحكي في متمه

عامٍ جديد ونظرة الحر قدام
واللي مضى خبرات عمرٍ مهمه

من دونها الواحد يقرّط بالإبهام
ومن دونها يصعب نجاح المهمة

هالعام غير العام بالخاص والعام
حتى بشهر الخير ضيقٍ يعمه

ما كنها جمعه ولا كنه صيام
ومن الاصيل الناس كلن بهمه

لكن يا قرب الفرج يا اللي تنام
سبحانه القيوم لا تجيك غمه

[حمد الخالدي]

وينكم يا الرواسي وين مكتوب الكفاله
مثلكم رمز الكرم وشعركم رمز الجزاله

هههههه
رايكم في محاولتي ؟
يجي مني ؟والا انسى الموضوع
ههههههههههههههه
محاولتك طيبه صح لسانك
بس حاولي تكثرين السماع واكتبيها على لحن وحبذا يكون اللحن سريع

[الجووهره]

لا يا الهواوي ديننا دين الإسلام
اصبر وصابر والحكي في متمه

عامٍ جديد ونظرة الحر قدام
واللي مضى خبرات عمرٍ مهمه

من دونها الواحد يقرّط بالإبهام
ومن دونها يصعب نجاح المهمة

هالعام غير العام بالخاص والعام
حتى بشهر الخير ضيقٍ يعمه

ما كنها جمعه ولا كنه صيام
ومن الاصيل الناس كلن بهمه

لكن يا قرب الفرج يا اللي تنام
سبحانه القيوم لا تجيك غمه

صح لسآنك
ويآرب يكون عامنا الجديد
عام التباشير والفرج والفرح
للجميييع

[الجووهره]

محاولتك طيبه صح لسانك
بس حاولي تكثرين السماع واكتبيها على لحن وحبذا يكون اللحن سريع
تسلم شاعرنا
وطآب حالك وفالك
ومشكور ع النصيحه
باحاول ان شاء الله
الله يسعدك

[حمد الخالدي]

ندااااء لشاعرة نجد
الكلبشات بتصدي وهي ما جت
خيال اسرع

[الجووهره]

ههههه
أجل أنا طلعت براءه
يازين الحريه
وبانتظار السجينه الجميله
والشاعره المبدعه نجد

[الجووهره]

‏إنتِ أجمل يوم بالعام الجديد
‏طلتك ، أناقتك ، رسميتك
‏.
‏كلما صوتك نثر للورد عيد
‏ساقي الوردة تباطا جيتك
‏.
‏في حضورك يورق احساس القصيد
‏ساح توتك وازهرت جوريتك
‏.
‏ياترف بغداد في عصر الرشيد
‏من بخورك تنكشف هويتك
‏.
‏كل عام أرسمك صورة بالوريد
‏آخر إصدار انتحل شخصيتك !

لشاعرها ناصر القزلان

[رحيل]

الله عليك يابو عبيد صح لسانك ولاهنت
درر
صح لسانك يالخالدي مبدع طال عمرك

الثلاث الاخيره بنقلها لتويتر بس افضى لها (؛

صح ذوقك خيال

صح ذوقتس جوجو مبروك الحرية
سمعت بخروجتس سالمة غانمة
من السجن جيت اساعدتس
شيلي قشتس بسرعة ولا تنسين شي هههههههههههههه

و منورة السجن يانجد
خير من اخترت ابو عبيد
مرحباا مليووووون شاعرتنا

[الجووهره]

هلا بك رحووله
أهم شي الشواحن والاسلاك حقتها
لا انسااهااا. كالعاده ههههههه

[الجووهره]

‏.

‏الله يصبّحكم بخير وسعاده
‏والله يجمعنا على العز والطيب ��

صبآح الخير

[الشامخه]

ي الله صبحهم بالخير ..
جمعه مباركه ..شلونكم عساكم طيبين؟..
الهواوي صح لسانك لاعدمنا ابداعك..
حمد الخالدي صح لساانك هههههههه لاتشره علي يومين موجوده..
وعشره مختفيه اتعيجز تجيني فتره م احب اكتب ولاافكر ههههههه يبي لي طب..
خيال ماشاءالله تسالي رايقه صح ذوقك..
جوج صح ذوقك وصح لسانك بعد مبين بتجين اطلق شاعره..
ومبروك الحريه ..وي الله حيي الغايبه شاعرة نجد ارسلو الخفير يكلبشها..
رحوله صح ذوقك ي عسل ودام تواجدك..
دُمتم بخير.
.

[الشامخه]

يقول الشاعر:
‏احد يدور لك خطاء وانت ماخطيت
‏ وأحد يدور لك عذر وانت مخطي

‏يالله عسى الثاني مثل ماتمنيت
‏ تضحك سنينه عكس الأول وتبطي
_____________
احب الرفيق اللي ليا شافني زليت
‏يوضّح خطاي وكلمة الحق ترضيني
‏.
‏صريحٍ بوجهي يحترمني ليا صديت
‏ليا ضاقت الدنيا فزع ما يخليني
__________
يرزقني اللي يرزق الذيب والطير
‏ويكفي عن المدّه قبول السنافي
‏.
‏يكرم وديع المسك عن نافخ الكير
‏لو صار من بين الأوادم تجافي
‏.
‏قولوا له إنا غير وسلومنا غير
‏نثقل ليا خفّت عقول الخفافي
‏.
‏وإن قامت الدنيا عجاج ومعاصير
‏ناقف ولا يصعب علينا .. الوقافي

[رحيل]

صباحكم نووور وسرور وعود وبخور

جوجو الشواحن لا تاخذينها خليها
هي والسماعات ههههههههه

ارحبي شمووووخه منوره يالغاليه
سلامتس تخمتس ام العبيد اجل (؛ هههههههههههه

صح لسانتس وصح ذوقتس يا ذووووق

كتبت وكتبت وحذفني الجوال ): ):
ليني موقعة على حصاة برى المنتدى ههههههههههه

[الشامخه]

ههههههههههه رحوله الله يقلعها من خمه..
هههههههههه لايكون انفقش راسك ..
الله يعينك عليه ويسعدك ي بعدي.

[خيال مطير]

يقول أبو فيصل مدري هو حي ولا ميت , أصلاََ الغنانيم كلهم مجرمين



الليالي وحضي والهموم المقيمه=عودتني على الدنياء وطقاتها
حسبي الله على ليلٍ جذبني نسيمه=لين بيًح خفى روحي ومشهاتها
بين شوقٍ يتيم وبين ذكراً قديمه=حملتني نضر عيني مضراتها
يا زمن ما بقاء للجرح فالقلب قيمه=كان عندك جروحٍ باقيه هاتها
انت منته بخيل ونور عيني كريمه=من كرمها ما عاد اعد غلطاتها
ااه يا ليت روحي من هواها سليمه=كان مونست عقب البعد كوياتها
تحت الاشواق نار وفوق الاحلام ديمه=ولابقى الا تهل العين عبراتها
كن حضي يقول اللي تباها حريمه=حتى لو كان حبك في ملفاتها
عش يتيم الغرام وشوق عينك يتيمه=فاتك الوصل واللي فاتكم فاتها
ولله انك يا حضي مرتكب لك جريمه=ما رحمت الحبايب من معاناتها

[خيال مطير]

https://www.youtube.com/watch?v=HCft0WxgT4E

[خيال مطير]

يقول الشاعر:
‏احد يدور لك خطاء وانت ماخطيت
‏ وأحد يدور لك عذر وانت مخطي

‏يالله عسى الثاني مثل ماتمنيت
‏ تضحك سنينه عكس الأول وتبطي
_____________
احب الرفيق اللي ليا شافني زليت
‏يوضّح خطاي وكلمة الحق ترضيني
‏.
‏صريحٍ بوجهي يحترمني ليا صديت
‏ليا ضاقت الدنيا فزع ما يخليني
__________
يرزقني اللي يرزق الذيب والطير
‏ويكفي عن المدّه قبول السنافي
‏.
‏يكرم وديع المسك عن نافخ الكير
‏لو صار من بين الأوادم تجافي
‏.
‏قولوا له إنا غير وسلومنا غير
‏نثقل ليا خفّت عقول الخفافي
‏.
‏وإن قامت الدنيا عجاج ومعاصير
‏ناقف ولا يصعب علينا .. الوقافي

صح لسانك وصح ذوقك شيختنا

[خيال مطير]

https://www.youtube.com/watch?v=jiGnrRrkejU

[خيال مطير]

https://www.youtube.com/watch?v=QtE64AydCcQ

[الشامخه]

تسلم ي خيال وصح ذوقك الراقي..
شيلة محمد الفراج ورد بن عونن انا من المعجبين بها..
مراا شُكراً ع ذوقك الفخم لاعدمناك.

[رحيل]

ههههههههههه رحوله الله يقلعها من خمه..
هههههههههه لايكون انفقش راسك ..
الله يعينك عليه ويسعدك ي بعدي.


لا ابشرتس جت سلامات ههههههههههههه
هههههههه بس طارت الكتابة ):
ويسعدك حبيبتي شمووووختنا
وصح الذوق والاختيار ..،

وصحح ذوقك خيالوه

[شاعرة نجد]

السلام عليكم ورحمة الله

وصحت الالسن والذوائق
وطاب المساء ودام الابداع والاخوهـ الاعزاء
وشكرا لمن افتقدني,ماتفقدون غالي
.................
سويتها ياحضرة الزعيم وسجنتني,يعين الله
صبحني الخفير وطلبته اصلي الجمعه ببيتي,وجيتكم مع هـ القايله:smile:

[خيال مطير]

https://encrypted-tbn0.gstatic.com/images?q=tbn%3AANd9GcRygAgWuYPZYdMvMwFzmEp_tsUHK09 hOFafDQ&usqp=CAU

اللهم لك ألحمد ....؟

[حمد الخالدي]

لا تلوم الوقت لوم الناس لا صرت انت لايم
والله ان فيهم وفيهم والمشاكل داخليه

لوم نفسٍ في عماها والضمير الحي نايم
طول بنومه ولا صحاه ابو نفسٍ شقيه

خل همك يسرح بنفسك ولا يغريه حايم
والله ان النفس وسع الكون لا صارت رضيه

وانتبه من كلمتك لا قلتها للناس دايم
كم كلمة طيبة من لفظها صارت خطيه

حظ منهو عن جدالٍ يتلف الأعصاب صايم
وحظ من يضحك طرب ماهوب من شر البليه

وذعذعي لي يا هبايب نجد جعل الحظ قايم
والله اني عشت ما احب الكبر والعنصريه

مير لي قلبٍ ولو جار الزمن في نجد هايم
حبها يملا العروق وزينها ما شفت زيه

[خيال مطير]

https://www.r111n.com/image.php?u=243&dateline=1544955836

يلبى عيونك > انتي تعالي أدخلي السجن ويكون خير < الله يعيني ع ألمصاريف

[خيال مطير]

صح لسَــــــــــــــــــانك ياحمد وبيض الله وجهك , بس لاتقاشر عودنا , تراك حطمت مشاعره

[حمد الخالدي]

يا مرحبا بشاعره الله اكبر وين لقيتها يا خفير هههههه
كلبشها كلبشها وانتبه تهج :)

[شاعرة نجد]

المرحب باقي شاعرنا
وصح لسانك على هـ العذبه
مبدددع ياحمد,’’

[خيال مطير]

يا مرحبا بشاعره الله اكبر وين لقيتها يا خفير هههههه
كلبشها كلبشها وانتبه تهج :)
أزهلها ماصدقت ع الله انها جت , يولد هذي محد يفرط فيها , بس فكني من ألعود . ابو عبيد , اليوم انا ذكيت حاشي لعيون ؛/, نجد .

[شاعرة نجد]

صح لسانك يـ الهواوي,مجاراة على عجل
والخير فـ الجايات

يامرحبا بـ الخفير الفين ترحيبه
اللي على الجيب جاني تضوي كْبوسه

لـ أمر الزعيم المكرّم مدري الشيبه
سمعاً وطاعه لو الاحوال محيوسه

لْـ صوت النداا جيت ولْسرعة مناديبه
عـ السجن واشباح قضبانه وكابوسه

مـ عاد تفرق معي وش جبت مـ اجيبه
وفي روعة الجو والا صالي شْموسه

وياهاجس الشعر طابت لك مشاريبه
لو طال صمتي حروف الكتب مدروسه

هات القصيد الجديد وجيد ترتيبه
على اللحن غن مسحوبه ومنكوسه

[خيال مطير]

صح لسانك يـ الهواوي,مجاراة على عجل
والخير فـ الجايات

يامرحبا بـ الخفير الفين ترحيبه
اللي على الجيب جاني تضوي كْبوسه

لـ أمر الزعيم المكرّم مدري الشيبه
سمعاً وطاعه لو الاحوال محيوسه

لْـ صوت النداا جيت ولْسرعة مناديبه
عـ السجن واشباح قضبانه وكابوسه

مـ عاد تفرق معي وش جبت مـ اجيبه
وفي روعة الجو والا صالي شْموسه

وياهاجس الشعر طابت لك مشاريبه
لو طال صمتي حروف الكتب مدروسه

هات القصيد الجديد وجيد ترتيبه
على اللحن غن مسحوبه ومنكوسه



صح لسانك يالاميره .. والله مدري وش اقول . الهام هام والهامه هامه , تحياتي أميره . ثم صح لســــــــــــــــــــــــــ‘ نك /:. حتى ترضين ,, يلبى عيونك

[خيال مطير]

أرحبي يآفتنـة العيـن أرحبـي
ومرحبا يآ أغلا الخلآيـق كلّهـا

يآجمآل الكون يآشبـه الظبـي
تذبح العآلـم ولآ تفطـن لهـآ

وانت زينک سآبيٍ عقلي سبـي

أتبعک والـرّوح تتبـع ظلّهـا

وانت يآفتنـة حيآتـي مكسبـي
لک حيآتـي كلهـا واحتلّهـا

كل مآ حآولت أجي لک واقربي
تبتعد والـرّوح مـعک تتلّهـا

كل مآ قفّيت جيت إنت تحبـي
كم وكم قلت لک نفسک قل لها

خبلـةٍ قامـت بقلبـي تلعبـي
والمصيبـة جآيـزٍ لـي خبلهـا

الجمـآل الفآرسـي والمغربـي
الله أكبـر مجتمـع فـي دلّهـا

وش تجي عجرم و ريما مكتبـي !
مآ اخبر بآلزيـن زيـنٍ قبلهـا

العيون السّـود مـوتٍ يرعبـي
نآعسـآتٍ فاتنـاتٍ نجلـهـا

لا نظرني ترتعـد منـه ركبـي
رمش عينه خطّ ربّـي كحلهـا

عيـن حـرٍّ بآلهـداد مجرّبـي
صيدته لا هدّ مـآ يمهـل لّهـا

أذكر الله ثـم أصلّـي عالنبـي
يوم شفت أمواج شعـره هلّهـا

لا عطتني وجه قالت : وش تبي ؟
قلت : كبدي من ظمآها بلّهـا

لا يغـرک لـو أفتّـل بشنبـي
والله إنـي رايـحٍ فـي رجلهـا

بنت عز وبنـت شيـخٍ يعربـي
والزمآن الشين مـآ قـد ذلّهـا

وابن زايد فـارسٍ مـآ يغلبـي
مير هذي عآجـزٍ فـي حلّهـا

[الجووهره]

يسعد مساكم جميع
وصحت الالسن والاذوآق
ودآم حضوركم وابدآعكم

هلا بك شآعرتنا المبدعه
وتقبل الله طآعتك
وصح لسآنك
وابشري بالتسآلي

[الجووهره]

وذعذعي لي يا هبايب نجد جعل الحظ قايم
والله اني عشت ما احب الكبر والعنصريه

مير لي قلبٍ ولو جار الزمن في نجد هايم
حبها يملا العروق وزينها ما شفت زيه

صدقت والله في نجد
لبى نجد وأهلها ومن سكنهااا
صح لسآنك شآعرناا مبدع كالعاده
دام حضورك وابدآعك

وبعد اذنك تم لطشها
للمدوونه ههههههه

[الجووهره]

هزآع ، الصقري
وينكم. مختفين
مايصير يا أهل السجن
يرجع واحد يغيب اثنين
هههههه

[رحيل]

يسعد مساكم بالقصايد والأبيات
واجمل حروف الشعر وأجمل قوافي

والورد والنرجس من القلب باقات
من قلب صافي للقلوب الصوافي

✄╌╌╌╌╌╌╌╌╌╌╌╌╌╌╌

مساكم سعيد والشر عنكم بعيد (:

صح لسانك احمد

منورة شاعرتنا وصح لسانكِ

صح ذوقك خيال

منورة جوجو

اليوم وين ابو عبيد ماله حس

[الجووهره]

أحمد مين
هههههههه
ادري غلطه كيبورديه
هههههههههههه
والنور نورك يابعدهم

[عبدالله الدّنّيش]

السلام عليكم وأهلا بالجميع
وكل عام وأنتم بخير وصحة وعافية
وما شاء الله ع الحضور منورين ، وصحت السنة الجميع
ويا مرحبا بالسجينة نجد .. كان عهدي بالخالدي
وإقامة سعيدة وحياة مديدة
والتحايا للجميع ،،،،

[عبدالله الدّنّيش]

تحية وتهنئة للجميع
^_^
مع طلة العام جيت أرفع تحياتي = على الرواسي سلام الله ومرضاته
وأزور سجن القوافي وأبعث آهاتي = وأتذكر الشعر والشٌّعار وأبياته
على مدار السنين أحلى مزاراتي = أسوح ما بين سلواته وقافاته
شعر الربايع وربعي فيه سلواتي = وأحيان أهوجس وتغريني مجاراته
شعر الهواوي عميق وموجه العاتي = غُبة بحوره تجرك في محيطاته
والخالدي نجم عالي بالسماواتي = ليا نثر ضو قافه في مساحاته
وهزاع ننطر حضوره بالسويعاتي = يبهرك سبكه وحبكاته ومعناته
والشعر له ذوق والخفة وشرباتي = من يد عبدالله الصقري بشرباته
وخيال شاعر بذوقه والحكاياتي = أقشر ولكن تحبه من حكاياته
والشاعرة نجد تحكيها الرواياتي = أميرة الشعر وأيضا من علاماته
والجوهره شاعرة بالذوق يا غاتي = الورد في ذوقها تعجبك نفحاته
والمستشارة رحيل أدوارها تأتي = لها هواية بطاروقه وشيلاته
والشامخة تنسخ القيفان بالشاتي = لها إختيارات تغمزها بشفراته
ومهرة اليام تكتب بعض الأبياتي = ترسم حروفه وتظهرها بلوحاته
والعذر منى لكم يا سيد ساداتي = لوني تعديت وإلا نْسيت ساداته
يا إخوة الشعر وأيضا يا أُخياتي = هذا شعور الأخو وأزكى تحياته
وارجو لكم عام عائم بالمسراتي = وكل عامٍ وأنتم في مسراته

^^
وسلامتكم

[ناصر الهواوي]

السجن فيه الشاعره من نهار امس=وجابت وبل مزنه ضحى يوم شامس
لابرق لاح ولا سمِع للرعد حس=الا الرواسي بالقصايد تهامس
الخالدي باعمق غبب للدرر عس=ويصحي لقاف الشامخات امتعامس
والجوهر هي ساس هالسجن والـ إس=وخيالنا الحارس بعيد المرامس
ورحيل تنشد عن غيابي وترمس=بغيابها وورودها يوم خامس
وبعض الربايع والربع مالهم جس=غيابهم يقزي كما اقزاي نامس

[عبدالله الدّنّيش]

السجن فيه الشاعره من نهار امس=وجابت وبل مزنه ضحى يوم شامس
لابرق لاح ولا سمِع للرعد حس=الا الرواسي بالقصايد تهامس
الخالدي باعمق غبب للدرر عس=ويصحي لقاف الشامخات امتعامس
والجوهر هي ساس هالسجن والـ إس=وخيالنا الحارس بعيد المرامس
ورحيل تنشد عن غيابي وترمس=بغيابها وورودها يوم خامس
وبعض الربايع والربع مالهم جس=غيابهم يقزي كما اقزاي نامس

^^
صح لسانك ابو عبيد
هاذاني جيت هههه
يا مرحبا وأصافح الخمس بالخمس = يا شيخ ناصر هات خشمك يلامس
ولا تلبس الكمام وإلا تقل طس = لأابو كورونا خلت الجو دامس
ودي نصافكم ونجلس على طعس = ونشرب قهاويكم وماي الترامس
وهات هرج الشعر جملة ولا تدس = ولا تجاوبني وهرجك طلامس
وعدتني من عام الأول على عرس = وأحترت وأعيون المواعد تعامس

[شاعرة نجد]

الله الله على الابدااع والمبدعين
وصحت السنتكم جميع وصحت ابدانكم والنور نوركم

وصح لسانك يـ الدنيش على هـ المعلقه الشامله والجزله
وسلمتم ودمتم,’’

[شاعرة نجد]

دندنة آخر الليل

https://encrypted-tbn0.gstatic.com/images?q=tbn%3AANd9GcTUGLVcUurmDLBiqWI0qcpRZyJpWSK KtGQfhw&usqp=CAU


ياسمو المشاعر ناشد الليل قلّه
ليش يجلب همومي كل مـ اسدل ظلامه

ليش قلبي ليا ذعذع نسيمه يتله
وليش عيني ياعيني تسهره ماتنامه

فيه قدره عجيبه تذهل الكون كله
يشعل الشوق والمشتاق يرفع غرامه

يستثير ويثير وكل كوكب محله
من بعيد لْبعيد بْهيبته واحترامه

وان تهيّض جزيل الشعر والقاف شله
مايبي لـ سرى الهاجوس غير السلامه!

[عبدالله الدّنّيش]

الله الله على الابدااع والمبدعين
وصحت السنتكم جميع وصحت ابدانكم والنور نوركم

وصح لسانك يـ الدنيش على هـ المعلقه الشامله والجزله
وسلمتم ودمتم,’’
^^
مرحبا شاعرتنا وصح بدنك وكل عام وأنت بخير
وشكرا على إعجابك وهذا أقل ما يقال عن مجموعتنا الرواسية
وصحت السنة الجميع ،،

[شاعرة نجد]

وأنت بخير شاعرنا
والشكر والتقدير لك,’’

[عبدالله الدّنّيش]

دندنة آخر الليل

https://encrypted-tbn0.gstatic.com/images?q=tbn%3aand9gctuglvcuurmdlbiqwi0qcprzyjpwsk ktgqfhw&usqp=cau


ياسمو المشاعر ناشد الليل قلّه
ليش يجلب همومي كل مـ اسدل ظلامه

ليش قلبي ليا ذعذع نسيمه يتله
وليش عيني ياعيني تسهره ماتنامه

فيه قدره عجيبه تذهل الكون كله
يشعل الشوق والمشتاق يرفع غرامه

يستثير ويثير وكل كوكب محله
من بعيد لْبعيد بْهيبته واحترامه

وان تهيّض جزيل الشعر والقاف شله
مايبي لـ سرى الهاجوس غير السلامه!
^^
دندنة آخر ذوق .. سلمت شاعرتنا على هذه الرائعة
وصح لسانك

[عبدالله الدّنّيش]

من سوالف الهواوي
^
لو تكرمت يالتفكير عِد بي ورا=ولاتمادا ليا دقيت ريوس كثير
ودي اقارن الماضي بحاضر وارا=حجم ماصار فيما فات واللي يصير
وتنشره لجل يدري بالوضع من قرا=ويصبح بكل خطوه له خطاها بصير
ماهقيت ان احد بالسوق باع وشرا=مثل سومي وبيعي فيه دون استشير
لين هد اقتصادي والرصيد انهرا=انهيارٍ حدث بالمعنويه خطير
^^
قلت
^
جيت أسيّر على النادي وليلي سرا = وشفت ما ريّض الهاجس وحثّ المسير
قاف وقّف على جفني وعاف الكرا = وقال جار الهواوي قبل نومٍ قرير
قلت يا قاف يا كم بحت محدن درا = والهواوي على ذا الحال صبح وعصير
لكن الشوق فينا مثل دمٍ جرى = ون هبطنا لسوق الشعر نشري حرير
يالهواوي عسى الأوضاع تغدي ثرى= تنبت أحباب خطوتهم علينا تسير

[الجووهره]

الله الله
على الابدآع والجزآله
شآعرنا الدنيش
هلا بك
وصح لسآنك وتسلم
على القصيده الرائعه والوافيه
ماقصرت يعطيك العافيه
ودام حضورك وابدآعك

شاعرنا الهوآوي
صح لسانك ودآم حضورك وابدآعك

السجينه شاعرتنا المبدعه
دندنه رآئعه ومعزوفه جميله
صح لسانك ودام ابداعك

[الشامخه]

صبحتو بالخيرات والمسرات يارب..
شلون كلن ب اسمه..
ي الله حي نجوده من ملفاها ل ملقاها..
ارحبي تراخيب المطر نورتي ي بعدي..
صح لساانك وسلمت يمينك اشتقنا لابياتك..
ي الله حي الدنيش ارحب تراحيب المطر..
نورت رواسينا والسجن..صح لسانك وسلمت يمينك..
وتسلم ع هالتحايا ..دام وجودك..
الهواوي ي الله حييه صح لسانك واعتلا شانك ..
وسلمت يمينك دايم مُبدع..
الخالدي منور ارحب وصح لسانك ..
وسلمت يمينك..
خيال منور وصح ذوقك مبدع لاعدمناك..
جوج منوره ي عسل وصح ذوقك ودام وجودك..
رحوله منوره ي بعدي وصح ذوقك لاعدمناك..
دام تواجد الجميع يارب وعقبال الغايبين.

[الشامخه]

هذا فطور نجوده والزوار..اقلطو واعذرونا ع قل الكلافه..
https://www.sayidaty.net/sites/default/files/styles/800x510/public/2017/10/15/2987271-1814411539.jpg

[خيال مطير]

(صح لسانك شاعرتنا نجد . ابو عامر ابو عبيد الجوهره الصقري , بيض الله وجييهكم , البارح . طقني هاجوس الموادع , بس قلبي كسرني)

[خيال مطير]

https://www.youtube.com/watch?v=7auTbrF6QFE

[خيال مطير]

حبني حب السلوم اGوليه
حب أمك حب وحده من خـــواتك
حبني حب الشرف والغايريه
حبنــي وأنا أتذرا فـــي عباتك
حبني حب عنزه للوايليه
وحب عــذرا تنتخي بك يوم جاتك
حبني وأبشر بأنثى عسوجيه
ماتهاب الموت ما تخلف وصــاتك
حبني حبن يفوق الشاعريه
خلني أقــرب من أنفاسك لــذاتك
معك أنا مهره مثل شوح العبيه
وغيرك مـن الناس ما تعشق مهاتك
أسعفيني يا الحـروف اGبجديه
كيف أعددها مزاياك وصفــــاتك
أن زعلت وغرت وأسرجت المطيه
ومن نشدني مــا حلفت أb بحياتك
يا شبيه الحـر يازبن الونيه
منهو اللي يقدر يســـوي سواتك
أن هويتك ماهـو ذنب وb خطيه
وأقصى أحــbمي أكون أأأم لبناتك
أيه أأأحبك حب ليلى العامريه
وحب أبن زيدون مـا يعادل غbتك

[خيال مطير]

قالوا طمـوح ؟ وقلـت مـا يطمحونـي
أهـل النمـايـم والــردا واللكـاعـه
قالوا جموح ؟وقلـت شوفـوا أضعونـي
صفـر ومغاتـيـر ٍبعـالـي رفـاعـه
قالـوا تحبيـن الغـزل ؟قلـت لـونـي
ماهـو بعيـب ولا شريتـه بضـاعـه
قالوا وش أعذب طـرق سيداللحونـي ؟
قلـت الهلالـي أنطـرب لأستمـاعـه
قالـوا أجـدودك ؟قلـت لا تنشـدونـي
اهل الكـرم وأهـل الصخـا والبتاعـه
قالـوا جريـه ؟قلـت والحـق دونـي
علـى النقـا ماهـو حديـث الدناعـه
قالـوا أبـوك ؟وقلـت قـرة أعيونـي
لـولا وجـوده مـا كتبـت أبـراعـه
قالوا أخـوك ؟وقلـت قرمـن حنونـي
اليا أنتخابـي فـي حضـور الجماعـه
قالوا سعدك ؟وقلـت شـوف المزونـي
في خايعن قفـرن مـن النـاس ساعـه
قالـوا تحبيـن الهـدد ؟قلـت كـونـي
اليا قلـب ثـم حـام بأقصـى أرتفاعـه
قالـوا حبيبـك؟ قـلـت لا تعذلـونـي
يفـداه قلبـن لاعـه البـعـد لاعــه
قالـوا يحبـك ؟قلـت مثلـه يمـونـي
قلبـي وعقلـي فـي أيدينـه وداعــه
قالـوأ أميـر؟ وقلـت لا تحرجـونـي
شيـخ ٍ بطبعـه ولا أمـل أستمـاعـه
قالـوا يحبـك ؟قلـت هـذا جنـونـي
يدري وانا أدري . . . طاري البعد راعه
والله ما أرخص صاحبـي لـو جفونـي
كـل القرايـب والأهــل والجمـاعـه

[خيال مطير]

https://www.youtube.com/watch?v=XBXgrR1yNjc

(شاعرنا عوض أهداء للسجينه . لبى قلبها)

تراني أقشر[

[رحيل]

ظهر الخير (:
جوجو ههههههههههههههههه
مرتين مهب مره هالغلطة ):

صحح لسانتس نجد
مقطوعة رائعة ودندنة جميلة


الدنيش
بيض الله وجهك
وصح لسانك على هالمعلقه الجزلة
وافية وانت وافي

ابو عبيد صح لسانك شاعرنا

ارحبي شموختنا صح الذوق يا ذوق

خيالوه صح ذوقك

[الجووهره]

عصر الخير
<< ماتقلد أحد
ههههههه
وياهلا بالجمييع
منووووورين
شموخه يعطيك العافيه
وتسلم يدينك ع الفطور
ويسلم ذوقك الجميل ياجميله

خفيرنا خيال
يا هلا بك ولا تطري الودآع
ههههههه
كلنا نقرر نوادع ونتعوذ من ابليس
ونغير رآينااا
كلام الليل يمحيه النهار
هههههههه

ويعطيك العافيه على التسالي
ودآم حضورك وابداعك

[ناصر الهواوي]

الله يمسيكم بخير وسعاده=وصحه وحفظ ويجتمع شمل الاحباب
ويبقى الحضور بسجن الابداع عاده=ومن يدخله ما هج لو يفتح الباب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
اهلا يابو عامر وصح لسانك ولاهنت والله يسهل الاومور
اهلا بالسجينه ولذا فعلنا كذا صح لسانك مليارات على روعة هالابيات
اهلا يالجوهره يسلم ذوقتس ويدوم حضورتس
اهلا يالشامخه صح لسانتس ونقلتس ودام تواجدك
اهلا يالخيال يالارمص وشو هاجوس الوداع لعلك تودع كل شر
اهلا يارحيل وصح بدنك لعلنا ما نفقدك ولا نسأل عنك
تنشدو عن المهره مالها حس ولا رس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
اجل ما دريت اني لطار الوداع ارتاع=لو ان المودع لا رفيقي ولا عاني
تلوعت من هالكلمه وضقت منها باع=ما احب اسمعه ينقال عندي ولا اداني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
تسليه للسجينه والزوار
دق سلفه مع سطوع الشفق بعد المغيب
وخل وجهة موترك لا تحرك للجنوب

ادري انه لابي ايفيد قراي وطبيب
ولا عزيمة زيت سمسم ولا تنفع حبوب

والسبب في علتي عارفه ردوة نصيب
ابعدتني وابعدت عني الغض اللعوب

ياعسى رجواي في (مي) دايم ما تخيب
وياعسى ظني بمستقبلي معها كذوب

حيث قلبي حل به بعدها شكه وريب
وشكله استيقن بعد طول غيبه ما تؤوب

[ناصر الهواوي]

امر وآقف واقدم رجل واسحب رجل واعود
مع دربي اللي معه لي سوقة الاقدام عاده

من البطا ما اتوقع من معه بالبيت موجود
ولا لي بما يحرجه ويزعل المجمول راده

[الجووهره]

هلا بك شآعرنا
وصح لسآنك ودآم ابدآعك


تسليه للسجينه الجميله
والجميييع



‏الجناب الدمث والوجه الحياوي
‏والكـلام الـذرب والنفـس النقيـه
‏.
‏والعقل والدين والكف الرهاوي
‏سبع .. تفرض لك حضور وقابليـه

....
‏..

‏حــنـا نــريـد ويـفـعـل الله مـايـريد
‏جـمله تـّريح الـنفس فـي مـنطوقها

‏لاتـرهـق افـكـارك ولاتـسـرح بـعـيد
‏الـشـمس تـفـضح مـاخفا بـشروقها

‏ازرع بوقتك طيب وانت المستفيد
‏الـطـيب شـجره مـاتموت اعـروقها

....

‏يالله عسى هالليل يصبح على خير
‏وكـل الأمـور اللي على البال تفـرج
‏،
‏وتشرق لنا شمس الفجر بالتباشير
‏ونلقى لنا من ضيقة الصدر مخرج

[الجووهره]

وكسر للروتين
نضحك شوي

‏قالوا ممنوع الجوال داخل المدرسه
اليوم المدرسه داخل الجوال ��

‏الدنيا دوراه ����

‏ههههههههههههه

[شاعرة نجد]

صباح الخير

وصح لسانك يـ الدنيش,لاعدمنا الحضور الفااخر
وصح لسانك يـ الهواوي,لاعدمنا ابداعك العذب

ولاعدمت الراسيات الممتعات والنقل الفاخر
وتسلم خيال على هـ الشيلات الرائعه والدرر
وفديتك يـ الشامخه فطور كايف ونايف وكرم حاتمي

شكرا للجميع,’’

[شاعرة نجد]

بصراحه عندي ظروف هـ الايام مكدره مزاجي ومالي خاطر اكتب شعر
رغم اني متابعتكم لكن البركه فـ الهواوي
قريت أمره بسجني ودخلت وصارت خيره ان شاء الله
كتبت وبـ اكتب لين اختار السجين البديل:smile:

أنا مانويت اكتب من الشعر لو بيتين
ولكن تسلط ناصر الجزل واشجاني

سجنّي بزنزانه على بابها قفلين
بسجن انفرادي جاب حسي و وجداني

وتهيضت لين الليل عندي غدا ليلين
أجيب الجديد مْن الطفش وانشد الحاني

واغني بـ ما في خاطري والصّبر ياعين
مُعاناة مشتاقه لها طابعٍ ثاني

جديد القصيد العذب بين الخفوق وبين
رموز الطلاسم تحت ظرف يْتحداني

وانا لاسمعت اللي يغني ولَحْنَه زين
يثير العواطف لين يفضحني لْساني

عليك الله اكبر ياهجوسي سريت لْوين
على الهون مع بُعد المسافه على شاني

[عبدالله الدّنّيش]

السلام عليكم أجمعين وصباحكم فل و ياسمين
وصحت أبدانكم والسنتكم وأذواقكم
وصباح خاص للسجينة وصح بدنك ولا عدمنا حضورك الوارف

[شاعرة نجد]

عليك السلام ورحمة الله

وصباح النور والسرور
شكري وتقديري,’

[عبدالله الدّنّيش]

بصراحه عندي ظروف هـ الايام مكدره مزاجي ومالي خاطر اكتب شعر
رغم اني متابعتكم لكن البركه فـ الهواوي
قريت أمره بسجني ودخلت وصارت خيره ان شاء الله
كتبت وبـ اكتب لين اختار السجين البديل:smile:

أنا مانويت اكتب من الشعر لو بيتين
ولكن تسلط ناصر الجزل واشجاني

سجنّي بزنزانه على بابها قفلين
بسجن انفرادي جاب حسي و وجداني

وتهيضت لين الليل عندي غدا ليلين
أجيب الجديد مْن الطفش وانشد الحاني

واغني بـ ما في خاطري والصّبر ياعين
مُعاناة مشتاقه لها طابعٍ ثاني

جديد القصيد العذب بين الخفوق وبين
رموز الطلاسم تحت ظرف يْتحداني

وانا لاسمعت اللي يغني ولَحْنَه زين
يثير العواطف لين يفضحني لْساني

عليك الله اكبر ياهجوسي سريت لْوين
على الهون مع بُعد المسافه على شاني




^^
يا سلام يا شاعرتنا وصح لسانك
وعسى ما بأس وسلامة الخواطر
وهكذا الحياة ظروف وعساها تروف
ولن نستغني عن تواجدك الطيب في سجن القوافي
بين الإخوة والأخوات الإعزاء ،،

[عبدالله الدّنّيش]

من سواليف الهواوي
^^
يـاعــل مـابــاس يـاعــذب الـنـبـا يــاعــل مــابــاس=منطقـك يحـي رجـا والصمـت مـنـك يـعـز يـاسـه
احـذر تـقـوي منـاعـات الـحـزن والـوجـد والـيـاس = صبيت لـه مـن عصيـر الهجـر ليـن اترعـت كاسـه
يعيـش عزلـه رهيبـه بعدكـم مـع كـثـرة الـنـاس = صـارت عيونـه حرامـي محـتـرف تـسـرق نعـاسـه
الله على اللي تميز بينهن في قطع الارماس = جي إم سـي مـن بـلاد ترمـب مظبـوطٍ مقاسـه
عليه ابـا اجيـه واعطيـه الخبـر مـن راس للـراس = حتى يعرف إس ما جاني منه ويعرف اساسـه

^^
قلت

يا حيّ بيت القصيد ومن بنى قافه على ساس = وحي لي من سكن بيته وروّاده وناسه
شيّدت بيتك ورنّات القوافي مثل الأجراس = تطرق مسامع هواجسنا وترفع من حماسه
البال محيوس والقلب إحتسى والفكر محتاس = حتى الهواجيس حساسة و حاستها حياسه
يا كيف نقدر على رنة قوافيها بالإحساس = والصوت دونه جدار الصمت ما ياصل حواسه
يا ليت تعطيه نغمة من تلاحيني بقرطاس = والشاعر اللي كما شرواك يفهم بالفراسه
^^

[عبدالله الدّنّيش]

امر وآقف واقدم رجل واسحب رجل واعود
مع دربي اللي معه لي سوقة الاقدام عاده

من البطا ما اتوقع من معه بالبيت موجود
ولا لي بما يحرجه ويزعل المجمول راده
^^
طيب يالهواوي طيب
^^
يا هجس مهما قسينا يلتوينا ليّن العود= يهّيض الشعر ويحرك ينابيع السعاده
دربك خضر والقليب أخضر وعودك لان يا عَود = حث القدم وأنتعش وتعيش في عمرك زياده
^_^

[خيال مطير]

صح لسان شاعرها


ي محمد الفراج يوم الطلب لي
ابيك ترسل مطلبي من طلب له

ماشكي على مفهوم من لاقرب لي
ولا ابوح للي خاطري ماقرب له

وانته ولد عمي حزامي وحبلي
يوم ان بعض الناس مقطوع حبله

اشكي من الضيقه على قلب مبلي
والهم حاوطني وقلبي نشب له ..

ب اسباب من سافر وخلى التعب لي
واقفى وانا شلت الدعاء والعتب له

من فيض قلبه كل ليله سكب لي ..
وانا دموعي كلها ... تنسكب له

قال الوداع وصار همي حطب لي
وانا رميت ضلوع صدري حطب له

مابي وداعه يوم ضيقي طرب لي ..
وابا الفرح .. والتمشيه هي طرب له

واختامها .. مدري وش اللي كتب لي ..
لكن ياجعل العافيهه .. تنكتب له

[خيال مطير]

رد محمد الفراج

البارحه ذيب النشاماقنب لي=من عقب ماروح مع الود شبله
يشكي ومن جمر المحبه سحب لي=لين احرق الضلع الموالي بنبله
يحب واهل الحب قبله وقبلي=قد دقو اجراس المحبه وطبله
احدٍ فرح ويقول ربي وهب لي=واحدٍ ما حصل فيه غير التعب له
والمستريح اللي لاهاته وجب لي=وقلبه عن العشاق قفل صطبله
ريح يابن عمي وخل التعب لي=اللي مثل شرواك صدق نحسب له
درب المهالك لجل عينك رغب لي=ومن لايجيه العز قام وركب له
ابا ابذل المجهود كانه لعب لي=حضي بجيب الزين والعود وابله
وختامها قافٍ بنيته على اب لي=ماعقبه ألا تلبس الزين دبله

[خيال مطير]

يقول سامي لمحمد الغنامي والله اعلم

ياولد عمي محمد عسى عمرك طويل
جعل راسك فوق طوله يطول ولا يطال

جيت ابنشد يامحمد وابي منك الدليل
خابرك رجل" فيهم" ولا ماعندك محال

صار همي كبير وصار حالي نحيل !
وصار بيني وبين النوم شبه انحلال

وين ابلقى علاجي وسط صبر" جميل !
كل ماقلت هانت .. قال مابه مجال ؟

من فراق الولايف .. مالقينا حصيل ..
غير شمس المفارق عقب برد وضلال

بعد ماكان صدري لو تعب له مقيل !!
صار ينكر جميلي .. فيه ياهملال ..

المحبه صعيبه .. والجوارح تميل .. ؟
للقلوب الجميله والحسن والجمال !!

[رحيل]

يسعد صباح الوفا والطيب والحشمه
صبح (ن)تسمى به النوار و الكادي

حبيت اصبح عليكم كل (ن) ب اسمه
ياللي صباحي معاكم ما هو ب عادي

صباح الحير والفل والياسمين (:


صحت ألسنتكم شعار مبدعين كلكم (:
ابو عبيد ، الدنيش ، نجد


وصحت الأذواق جوجو
خيال


جوجوو هههههههههههههه



سلامتك شاعرتنا الله يبعد الضيق عنا وعنكم
تقهوي وعدلي راستس يا بعدهم

https://i.top4top.io/p_1696paxhm0.gif (https://top4top.io/)

https://j.top4top.io/p_169670oe11.jpeg (https://top4top.io/)

[رحيل]

https://twitter.com/r111n_511/status/1297435987858137088?s=20

[رحيل]

https://twitter.com/r111n_511/
https://twitter.com/r111n_511/status/1297432104746328064?s=20

[ناصر الهواوي]

نعم صعب يشكي من يكابد عنا سجنين
هالسجن ازهليه ودوري حل للثاني

هذا معنوي مفتاح لقفاله القافين
وانتي في هذاك ابخص وله حل وجداني

ولا انتي بوحدك فيه ياما اكثر الشاكين
هذا فيه شايش راس والآخر يعاني

انا في زنازينه تكلبشت منذ سنين
تغربت باسبابه وانا اعيش باوطاني

تخالط به دموع اللقا مع دموع البين
ويرقص على نغمة مغنيه شيطاني

دخلته وانا بالعمر ما تم لي عشرين
وياليتني ما جيت بهوه ولا جاني

[ناصر الهواوي]

الله اكبر يابو عامر ليا زان اللحن=وشلت موالك مع الدرب والموتر جديد
ما نقرت لسلفه الا وصدرك منشحن=لك طرا شخصٍ تحبه ومشوارك بعيد
المشاعر تسبقه شوق وفوادك يحن=وهو تجاوز حد ساهر ويطلبك المزيد
من فراقه كن بالجفن ملحٍ منسحن=تلهج بذكر اسمه الحلو مع نبض الوريد
ما نصيته جس للنبض والا ممتحن=له بتحقيقه ورفضه لما له جيت اريد
عنده ليا جيت نسمات شوقي طرحن=الهدف ضحكه وكلمة هلا ما ابغى مزيد

[ناصر الهواوي]

ياحمد يالخالدي او ياحمد ياخالي=شفتكم قبل الظهر ما احدٍ نبس في كلمه
وجيت قبل العصر اعقب لو مكاني خالي=ذا همز لعجاب والآخر سكت وش علمه
ياحمد وياحمد يابري منهم حالي=ما صدق علمه لنا من شان اصدق حلمه
قال شفتك بالحلم واقف هني قبالي=قلت وش عندي اتدور قلت ادور سلمه
طعم مر ولا يزيله غير طعم الحالي=وقمت لو الضيف طيف وراح وانهى فلمه

[شاعرة نجد]

^^
يا سلام يا شاعرتنا وصح لسانك
وعسى ما بأس وسلامة الخواطر
وهكذا الحياة ظروف وعساها تروف
ولن نستغني عن تواجدك الطيب في سجن القوافي
بين الإخوة والأخوات الإعزاء ،،


مساء الخير ع الجميع

وصح بدنك شاعرنا وماترى بأس وتسلم
والرواسي فوق رااسي انا بعد مـ استغني عنها منتجعي وسلوتي
مسألة وقت بس ,,,
وفعلا هـ كذا ظروف الحياة الله يعين

وصح لسانك على هـ الدرر العذبه والابدااع
لاهنت شاعرنا,’’

[شاعرة نجد]

تسلم ذائقتك خيال على هـ الروائع
وتسلمين رحيل لاعدمتك على هـ القهوه الكايفه والبرحي الفاخر

وصح لسانك يـ الهواوي
أبدعت وامتعت لاعدمنا بوحك المميز

وتقديري للجميع وسلمتم ودمتم,’’

[حمد الخالدي]

يا الهواوي لا تعاتب قلب ماهو خالي
ليلنا مظلم وباب اللوم زاده ظلمه

حظ منهو عن بلاوي هالليالي سالي
للنخل شد الرحال ويدهر مع زلمه

من حلا بيوته نهاه الطب ياكل حالي
شيد بيوته على المشهى وسد الثلمه

وبس قافك خخخخخخخ

[شاعرة نجد]

https://www.alnaked-aliraqi.net/files/2020/02/%D8%AD%D9%85%D8%A7%D9%85%D8%A9-%D8%B3%D8%AC%D9%86-300x149.jpg



تعال فك الكلبشه من يديني تعال
عجّل علي لاتأخر ياسمو الخفير

صحيح طابت لي الجلسه هُنا بس طال
الوقت من مرّت الورقاا عليّه عْصير

غنت على النافذه لحنٍ يهز الجبال
سجعٍ على مثل حالي لاسمعته خطير

بعده نويت الخروج وطاب لي لَـ احْتفال
بْحضرة جناب الحمامه ياعسى ماتطير

بـ انزل معاها الحديقه وان حصل لي مجال
غنيت معها على نفس اللحن والمصير

واسْجِن مكاني مليك الشعر راع الجزال
الشاعر(الهاجس)المعروف,بحره غزير

خله يغني جديده من يَـ لال ويَـ لال
ويبشر بعذب التسالي من جدير ومثير

[الجووهره]

ياصبآح الخير
والابدآع والجزآله
الهوآوي ، الخآلدي ، شآعرة نجد
صحت الالسن ودآم حضوركم وابدآعكم

رحووله منووره
ويسعد أيآمك ودووم الضحكه الحلوه
ويعطيك العافيه وتسلم
يدينك ع القهوه الكايفه

خفيرنا خيال
يعطيك العافيه على التسالي الرائعه
والنقل الموفق. ويسلم ذووقك

[الجووهره]

ومبرووك الحريه شاعرتنا
وصح لسانك ع الكفاله الرائعه
ومنور الزنزانه شاعرنا الدنيش
وابشر بالتسآلي

[خيال مطير]

https://www.alnaked-aliraqi.net/files/2020/02/%d8%ad%d9%85%d8%a7%d9%85%d8%a9-%d8%b3%d8%ac%d9%86-300x149.jpg



تعال فك الكلبشه من يديني تعال
عجّل علي لاتأخر ياسمو الخفير

صحيح طابت لي الجلسه هُنا بس طال
الوقت من مرّت الورقاا عليّه عْصير

غنت على النافذه لحنٍ يهز الجبال
سجعٍ على مثل حالي لاسمعته خطير

بعده نويت الخروج وطاب لي لَـ احْتفال
بْحضرة جناب الحمامه ياعسى ماتطير

بـ انزل معاها الحديقه وان حصل لي مجال
غنيت معها على نفس اللحن والمصير

واسْجِن مكاني مليك الشعر راع الجزال
الشاعر(الهاجس)المعروف,بحره غزير

خله يغني جديده من يَـ لال ويَـ لال
ويبشر بعذب التسالي من جدير ومثير



صح لســــــــــــــــــــــــــــــــــانك شاعرتنا ,وبيض الله وجهك يالاميرهـ

[خيال مطير]

صح لسانك ابو عبيد . وصح لسانك حمودي , وصح ذوقك ياجهير

[خيال مطير]

ارحب يالسجين , اهداء خاص

https://www.youtube.com/watch?v=aAeEF5IVvtU

[خيال مطير]

يقول خيال مطير

يـاخـالــق الــدنــيـا ويامــشرع الــدين =
=يــالله يــالــمعــبود يــاذا الـجلالــه

يـــالله يـــاسامــع دعـــاة الـمساكـــين =
=ويــانــاصر الــمظـلوم مـما جراله

مابي مرض ولا هـمني كـثرة الـدين =
=ولا هــمني مــن هـو يـفاخـر بماله

مدام انــا يــارب ضـمن الــمصلـين =
=وامــشي بــنية صـدق مـاهي حياله

طاعتك ياربي على العسر والليــن =
=يــالله ســاعــدني وزدهـــا كــماله

اللي حـصلـي حـاصلـن للــنبيـين=
=اكـثر ولــكن ويــن حـــالـي وحـاله

كــلام ظـلماً مـثل طعـن السكاكين =
=لكــن يــاربــي تـــعجــــل زوالــــه

الناس تضحك وسط ورد وبساتين=
=وانا عــلــي الــظــلم دارت حـبـالـه

اسـج عنهم بـس مدري على وين =
=اســتـــغـفر الله مـابــقلــبي ظــلالــه

انا عــلي ذنــوب مـن عدة سنين =
=والذنب يــضعفني ولا اقـوى احتماله

ابطلب اللي مايرد الـمزابــيــن =
=اللــي لـيــا ضاقــت عـلـيـك تـعـناله

اسالك بسمك ياللهي من الحين =
=انــك تــزيل الــظــلم عـنــي ازالــه

بكره عن الدنـيــا تــرانا مـقــفـين =
=ولــحداً بــاخذ غـير صفـحة عـماله

ان كان كله خير زينً عـلى زين =
=وان كــان كــله ظــلم واعــزتــالـه

والله مــاتــوجد بــكــل القوانين =
=ان شــخص يــظلم فــي مـدينه لحاله

والله ثم والله مــاتــبرد الــعين=
=حتـى يــزول الــظلم واهــل الـجهاله

ولا بد كل الحق لابــده يـبين =
=الله ذكـــر أيـــــه عــلــيــه ودلالــــــه

[خيال مطير]

كف يا دمع الغياب أنجرح خد الوصال=مل عينن(يا محمد)كثر مدفوقها
كف يا صوت الغياب لا تنادي له تعال=لا اشتهى شوفي فرجله يعرف يسوقها
(يا محمد)من رحل عندي أكثر من سؤال=ليه عينن ذرفتّ له تمنى شوقها؟
ليه نجمه ما سطع في سما سود الليال؟=وليه شمسه(يا محمد)جفت بشروقها؟
ليه يحرمني أبوسه فخده من شمال؟=وليه يحرمني شفاته وأنا أبغى أذوقها؟
(يا محمد)كان شوفه على حذف العقال؟=فصاحبي عند المواقف يجيب حقوقها
بنت ناسن ينذكر صيتهم بين الرجال=العرب من صيتهم ما تفك حلوقها
طفلة في عمرها كنّها ريم الغزال=لا لبست سلسالها في نحرها يلوقها
جمعت كل الحلا وجمعت معه الدلال=مايعه في مشيها والسهم في موقها
مشيها مشيت غنج مايعة بنت الحلال=مشيها مشي الظبي لا مشت برفوقها
وردةٍ قامت تينّع على جال الظلال=سعد من هو(يا محمد)يشم عروقها
كاملة والكامل أللي عليه الاتكال=خصها الله عن بنات العرب بفروقها
خصها الله بالدلع وخصها الله بالجمال=ما لمحت عيني سواها ولا مخلوقها
لولا خوفي من إله الملا رب الجلال=لا أعبده وأبوس أرضن توطآ فوقها
لا تلوموني بها لو يجي عقلي هبال=فاتنة والله بلاني وأنا معشوقها
ليتها بس أتكرم عليّه باتصال=وينبسط قلبن من البعد قام يتوقها


سيف

[خيال مطير]

https://www.youtube.com/watch?v=In8UpNrysAM

[رحيل]

مع إشراقة الصباح الجميل
ومع نسيم الهواء العليل

اقوووووول
صبحكم الله بكل ماهو جميل (:

الهواوي 0الخالدي 0 نجد
صحت السنتكم ودام حضوركم وابداعكم

جوجوو . خيالوه
صحت الاذواق

نجد مبـروك الحرية
كفيتي ووفيتي وما قصرتي شاعرتنا
وصح لسانتس عاى الكفالة الرائعة

منور السحن يالدنيش
بانتظار حظورك وعذب شعرك وشعورك (:

[رحيل]

تسلية
‏


نسيم الجنوب ان كان لك رجعةٍ لسهيل=وتحن إلديارٍ نسمتك ذعذعت منها
انا انام بدري طالبك لا تجي بالليل=يمكن معك لاهبيت احصل خبر عنها
عن ذيك الديار اللي بها من نبي نزيل=لعل الخيال اللي زما فوق يغشنها
ونصبح ومن جا من جهتها يعد السيل=يمده الى رمحات والنير وايمنها
واشمل به الى ان قال واد الجرير ايسيل=وطخفه يقول ان الخيال امتحظنها
وانا اهم شي انشد عنه ديرة الجميل=لو قل الوفا واوعاد عرقوب ديدنها

‏
‏

من اروقة السجن
لله درك يارحيل هلى هالتسليه وما طرحتيه بالتويتر

[ناصر الهواوي]

لي عوده بعد قليل ان شاء الله

[حمد الخالدي]

يقول خيال مطير

يـاخـالــق الــدنــيـا ويامــشرع الــدين =
=يــالله يــالــمعــبود يــاذا الـجلالــه

يـــالله يـــاسامــع دعـــاة الـمساكـــين =
=ويــانــاصر الــمظـلوم مـما جراله

مابي مرض ولا هـمني كـثرة الـدين =
=ولا هــمني مــن هـو يـفاخـر بماله

مدام انــا يــارب ضـمن الــمصلـين =
=وامــشي بــنية صـدق مـاهي حياله

طاعتك ياربي على العسر والليــن =
=يــالله ســاعــدني وزدهـــا كــماله

اللي حـصلـي حـاصلـن للــنبيـين=
=اكـثر ولــكن ويــن حـــالـي وحـاله

كــلام ظـلماً مـثل طعـن السكاكين =
=لكــن يــاربــي تـــعجــــل زوالــــه

الناس تضحك وسط ورد وبساتين=
=وانا عــلــي الــظــلم دارت حـبـالـه

اسـج عنهم بـس مدري على وين =
=اســتـــغـفر الله مـابــقلــبي ظــلالــه

انا عــلي ذنــوب مـن عدة سنين =
=والذنب يــضعفني ولا اقـوى احتماله

ابطلب اللي مايرد الـمزابــيــن =
=اللــي لـيــا ضاقــت عـلـيـك تـعـناله

اسالك بسمك ياللهي من الحين =
=انــك تــزيل الــظــلم عـنــي ازالــه

بكره عن الدنـيــا تــرانا مـقــفـين =
=ولــحداً بــاخذ غـير صفـحة عـماله

ان كان كله خير زينً عـلى زين =
=وان كــان كــله ظــلم واعــزتــالـه

والله مــاتــوجد بــكــل القوانين =
=ان شــخص يــظلم فــي مـدينه لحاله

والله ثم والله مــاتــبرد الــعين=
=حتـى يــزول الــظلم واهــل الـجهاله

ولا بد كل الحق لابــده يـبين =
=الله ذكـــر أيـــــه عــلــيــه ودلالــــــه




ما شاء الله تبارك الله صح الله لسانك يا خيال أبدعت

[ناصر الهواوي]

مساء الخير والصحه والعافيه
اهلابالجميع
هلابك يالخالدي وبمجاراتك الكايفه النايفه
مبروك الحريه يالعاصفيه واختيار موفق وصح لسانك كفاله فاخره وهلابك يابو عامر
اهلا يالخيال وصح لسانك وبدنك
اهلا يارحيل تسالي حلوه وتواجد احلى ومشكوره على الطرح في التويتر انا ادخله يوم واتركه شهر
ابا انزل حسابي بس ليا استمريت بالكتابه فيه
اارحبي يالجوهره
وحييتي يالشامخه
وينك يالحفيد ويالخال ويالمهره ويالغياب مرونا لو مجامل

[ناصر الهواوي]

تسلايه للجميع
اليوم خمسه من شهر واحد من العام الجديد
وعامٍ مضى باثني عشر شهرٍ تكامل عدها

ارجو لعل اعمار من معنا على الطاعه مديد
وكلٍ يحقق رغبةٍ يسعى لها ويودها

يارب طهر هالصدور من الضغاين يامجيد
وفراغها امله باليقين ولا تبيح سدها

مني خذ الحكمه وياهجس الشعر حيثك تجيد
النضم ونصابه تكامل جب زكاته وادها

للمستحق بعين مريوشه وقد وطول جيد
وانعم مناديله على الاطلاق يوذي خدها

ياويلك من الخالدي يالهجس يزجرك وتعيد
لقاف الغزل واتعن مهرتك وعليه اتردها

قال السبايب عينك الطفقه وشيطانك مريد
وجنيتك بالمزرعه دايم تشوح بيدها

معذور لو شببت بالي للحلا شيخ وعميد
مهما تبالغ في تواصيفه ارى انه قدها

[خيال مطير]

تسلايه للجميع
اليوم خمسه من شهر واحد من العام الجديد
وعامٍ مضى باثني عشر شهرٍ تكامل عدها

ارجو لعل اعمار من معنا على الطاعه مديد
وكلٍ يحقق رغبةٍ يسعى لها ويودها

يارب طهر هالصدور من الضغاين يامجيد
وفراغها امله باليقين ولا تبيح سدها

مني خذ الحكمه وياهجس الشعر حيثك تجيد
النضم ونصابه تكامل جب زكاته وادها

للمستحق بعين مريوشه وقد وطول جيد
وانعم مناديله على الاطلاق يوذي خدها

ياويلك من الخالدي يالهجس يزجرك وتعيد
لقاف الغزل واتعن مهرتك وعليه اتردها

قال السبايب عينك الطفقه وشيطانك مريد
وجنيتك بالمزرعه دايم تشوح بيدها

معذور لو شببت بالي للحلا شيخ وعميد
مهما تبالغ في تواصيفه ارى انه قدها








صح لسانك يابو عبيد اليوم 5 من شهر 1 انهزم الهلال فيها ؟

[خيال مطير]

ابوعبيد ألسجين هذا ماياكل عشيتنا .,., أنا وش اسوي فيه[

[خيال مطير]

https://www.youtube.com/watch?v=jozVo_OqMJQ
https://www.traidnt.net/vb/images/imgcache/2010/09/animatedhorsegif-15025985-1.gif
خيال

[الجووهره]

يسعد مسآكم وكل أوقآتكم
وهلا بكم ويعطيكم العافيه
الهوآوي ، الخآلدي
صحت الالسن ودآم ابدآعكم وحضوركم

خيآل
مبدع ماشاء الله عليك
طلعت شاعر من ورآنا هههههه
صح لسانك ويسلم ذوقك
ودآم حضورك وابدآعك

رحووله
منووره يا الغاليه
ودآم حضورك وابدآعكً

وبانتظار الابدآع والجزاله
من السجين الدنيش.
شكله مايدري انه مسجون
الخفير اتصل عليه وجيبه
ههههههههه

[الجووهره]

تسليه لشآعرنا
والجمييع

‏دوام حالك مستحيل..
‏ولا شي في الدنيا يدوم..
‏هي كذا الدنيا تسير..
‏متغيّره أحوالها.

‏إذا أقبلت مثل العروس..
‏تزيّنت باحلى الهدوم..
‏وإذا أدبرت مثل العجوز..
‏تقبّعت بِسمالها.

‏إحذر تزايد بالأمل.
‏ينهار في لحظه ويوم..
‏ياما نفوسٍ(ن) ترتجي..
‏تبخّرت آمالها.

‏ ⁧‫#فهد‬⁩ الشلال الفضلي

[الجووهره]

‏بعض البشر يعجبك حتى احترامه

‏وتحب فيه اجمل صفاته وترتاح

‏ان غاب تشفق في لقاه وسلامه

‏واليا حضر همك من القلب ينزاح

[ناصر الهواوي]

تسليه نعسان

ياسيد الهوى ما عاد لي في هواكم شف
بعد عكرت صفو النسايم عواصيفه

ونبع الغلا اللي سلسبيله نروده جف
ضماي المشاعر صدرت حيم وامعيفه

رطيب النبا في تالي الوقت كنه حف
بنت الشفه اللي من حرير اصبحت ليفه

اللي ثقل بالميزان من قبل عندك خف
امنة من سبيته دون حق اصبحت خيفه

معك مستقيم بخط سيره حشا مالف
كبرك بعد طاطا في خضوعه شهر سيفه

لعل الغلا اللي به تغلي وكبر ايهف
مهف المسمى اللي بحبله غدا جيفه

[شاعرة نجد]

^
^
لعل الغلا اللي به تغلي وكبر ايهف
مهف المسمى اللي بحبله غدا جيفه

الله الله هههه
صح لسانك يـ الهواوي على هـ النص الغاضب والابدااع
حضور ممتع وهطول مستمر

لاعدمنا المبدعين,’’

[شاعرة نجد]

وين السجين يـ حضرة الخفير؟
ان ماجبته تفضل مكانه,عاد هذي شغلتك وشف شغلك

جااك العلم,’’

[شاعرة نجد]

ياخفير السّجْن وين اللي سجنّاه امس وينه ؟
ليش سجن القاف والابداع والامتاع فاضي !

روح جيبه لو بجيبه والكلبشه في يدينه
حطه بْزنزانته ماله على السّجْن اعتراضي

ويتغنّى من جديد العذب والله لايهينه
يِطرب ويَطْرب ويلعب بالشعَر حاضر وماضي

ويبشر بعذب التسالي والكرم من زايرينه
كل ماهيّض بَموااله على فاله وهاضي

[عبدالله الدّنّيش]

هههه هذا اللي ما كنت متوقعههه
السلام عليكم ورحمة الله وبركاته وأزكى تحياته
وصحت السنتكم وطابت أبدانكم وزانت علومكم
يا شاعرتنا ما نقول غير سمعا وطاعة يا فندم هه
اليومين اللي راحت كنت متجول ورحال ما بين السراة
وتهامة إلى الساحل وجدة .. والعلوم طيبة والحمد لله
غير إني ما فتحت الموقع .. وعموما تشرفت وتشربكت بسجنكم
وكان الله بالعوووون ،، ودام تواجدكم حتى لوغبت ..

[عبدالله الدّنّيش]

https://www.alnaked-aliraqi.net/files/2020/02/%d8%ad%d9%85%d8%a7%d9%85%d8%a9-%d8%b3%d8%ac%d9%86-300x149.jpg



تعال فك الكلبشه من يديني تعال
عجّل علي لاتأخر ياسمو الخفير

صحيح طابت لي الجلسه هُنا بس طال
الوقت من مرّت الورقاا عليّه عْصير

غنت على النافذه لحنٍ يهز الجبال
سجعٍ على مثل حالي لاسمعته خطير

بعده نويت الخروج وطاب لي لَـ احْتفال
بْحضرة جناب الحمامه ياعسى ماتطير

بـ انزل معاها الحديقه وان حصل لي مجال
غنيت معها على نفس اللحن والمصير

واسْجِن مكاني مليك الشعر راع الجزال
الشاعر(الهاجس)المعروف,بحره غزير

خله يغني جديده من يَـ لال ويَـ لال
ويبشر بعذب التسالي من جدير ومثير



^^^
يا صح لسانك شاعرتنا وعساك سالمة

الله يسامحك ويسلمك في كل حال = يا شاعرتنا سجنتيني وحالي مرير
تعبت من سفرة البارح وشد الرحال = مشوار في خاطري والبعد ما هو قصير
وصلت جدة وأنا برتاح بعض الليال = وأعدها سجن وأنتم في زوايا الضمير
الجو ساخن ويحمل في نسيمه دلال = لكن كما قال بعض الناس لي جدة غير

^-^
جدة غير

[عبدالله الدّنّيش]

ابو عبيد .. صح لسانك على هذه القصائد ذات الموائد
الجوهرة سلمت على هذه الإختيارات والذوق العالي
خيال .. ما عليك زود يا أحمر العين وشكرا ع الشيلة
وصح لسانك يا شاعر الغفلة
وتقول ما تدري وش تعشينا .. هنا يا واد ما نأكل إلا
ناجل وقمبري طازة وصيادية .. وتعال أنت ونعشيك هه
رحيل عساك سالمة يالغانمة يا مديرتنا وأبلتنا هه
والشكر يعم الجميع ،،

[عبدالله الدّنّيش]

تسلايه للجميع
اليوم خمسه من شهر واحد من العام الجديد
وعامٍ مضى باثني عشر شهرٍ تكامل عدها

ارجو لعل اعمار من معنا على الطاعه مديد
وكلٍ يحقق رغبةٍ يسعى لها ويودها

يارب طهر هالصدور من الضغاين يامجيد
وفراغها امله باليقين ولا تبيح سدها

مني خذ الحكمه وياهجس الشعر حيثك تجيد
النضم ونصابه تكامل جب زكاته وادها

للمستحق بعين مريوشه وقد وطول جيد
وانعم مناديله على الاطلاق يوذي خدها

ياويلك من الخالدي يالهجس يزجرك وتعيد
لقاف الغزل واتعن مهرتك وعليه اتردها

قال السبايب عينك الطفقه وشيطانك مريد
وجنيتك بالمزرعه دايم تشوح بيدها

معذور لو شببت بالي للحلا شيخ وعميد
مهما تبالغ في تواصيفه ارى انه قدها


م




^^
صح لسانك ابو عبيد

عامٍ مضى وعامٍ أتى ويا سُرعها يا بو عبيد = أعمار يفنيها الزمن مهما تطاول مدها
عمر البنادم في سجل اللوح من قبل الوليد= اللي كتب لها سهلها واللي يكابد كدها
أنا أريد ، وأنته تريد ، والله يفعل ما يريد = يارب سهّل كل خطوة والمتاعب صدها
قريت هجسك يالهواوي راعي النظم الفريد = وجيت أجاري بعض ما نوهت لي وأردها
ريوشة العينين تجري مثل دمٍ بالوريد = والشعر في قلبي يراودها ويخطب ودها

^^^
وسلامتك

[عبدالله الدّنّيش]

ياخفير السّجْن وين اللي سجنّاه امس وينه ؟
ليش سجن القاف والابداع والامتاع فاضي !

روح جيبه لو بجيبه والكلبشه في يدينه
حطه بْزنزانته ماله على السّجْن اعتراضي

ويتغنّى من جديد العذب والله لايهينه
يِطرب ويَطْرب ويلعب بالشعَر حاضر وماضي

ويبشر بعذب التسالي والكرم من زايرينه
كل ماهيّض بَموااله على فاله وهاضي



^^^
صح لسانك شاعرتنا ما أنتِ سهله وخطييييرة ههه
^-^
^^
أبشريبي جيت وأغطي مكانك يا سجينه = لويكون السجن في الحاير وموقعه الرياضي
والله إني ما أتخبى والعمر يحسب سنينه = جيت منساق الطلب في سجنها وأحمل مقاضي
من يجاوب للطلب في الحال كان الله عوينه = يحتسي من كيفكم فنجالها والبال راضي
يا نجود الكيف طاب الشعر لي وأسمع دنينه = ودي أوكل محامي وأرتجي للحب قاضي
^^
وسلامتك والجميع
وأعذرونا لو تأخرنا في الردود
وأنت يا خيال إذا خلصت من النوبة أمسك محلي لا تروح البيت
جاك العلم ،،،

[رحيل]

صبحكم الله بالعافية
والستر الجميل


صح لسانك ولا عدمنا وجودك
يابو عبيد
والعفو طال عمرك ماسوينا الا الواجب (:

الدنيش
صح لسانك على هـ الروائع
حضور فخم ماشاء الله
الله يقوووويك
ابله ومدريه مره وحده ههههههههههه
تسلم تسلم

نجد
صح لسااااااااااااانتس
شاعرتنا ودام ابداعتس

ارحبي جوووج تسالي من الدرجة الممتازة (:

خيال صح الذووق والاختيار


القهوة طال عمرك (:
http://www.hayah.cc/forum/hayahimgcache/1/58107hayah.jpg[]

[ناصر الهواوي]

اهلا يابو عامر وصح الله لسانك ولاهان راسك الله لا يضرك مبدع كما عهدناك
اهلا بشاعرتنا صح لسانك وبدنك ولاهنتي ودمتي وسلمتي ومن العمالقه تعلمنا انتي والغامدي وشعارنا اللي غابوا عن سابق اصرار وتعمد هههههههههههههههه
ارحبي يا رحيل وصح بدنك وذوقك وماسويته من طيبك الله يحفظك
اهلا بالجوهره وحضورها الدائم والفاخر وتساليها الرائعه الله يديمها لنا هنا ركن ومرتكز ويمتعها بالصحه والعافيه
ارحب يالخيال وصح لسانك وبدنك وذوقك الكايف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
ياصباح الهواء اللي للنخل طق طاره
لين دك المنصه رقص يلفح جريده

لهبته من جنوب اليوم سقت البشاره
يالله انك كما اعدت الهبيب تعيده

لاتضايقت تليت المغربل لداره
توسعة صدر لو ماشي منه استفيده

مع ظروف الحجر فرضت علينا انحجاره
هبت الريح فيمالا يريد ونريده

[ناصر الهواوي]

ياحسين ما الومك على هالهواجيس
ولو طار بك للهند ياحسين طاري

من شهر تلعب بك هموم ووساويس
وعيونك القشرا تهل العباري

طع شور صاحب تجربه والعن ابليس
اللي تبي يبون منك المصاري

ياحسين لو جيت اهلك فارغ الكيس
ما رحبوا في رجعتك وانت داري
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
انا امس وقبل قبل امس والبارحه واليوم
فليت الشريط اللي رجع بي الى الماضي
حشا مانسيت السالفه والعلوم علوم
ولا الوم العيون القشر لو دمعها فاضي
لو اصبحت من مجراه ارى بالخدود وسوم
ولو اونست فوق الكبد من حرها لاظي

[ناصر الهواوي]

ياذاك اللي هجوسي صار بيطار القصايد فيه=تشوفه منجرح ما صرت بدوى الجرح بيطاري
سألك بكل اداة للتسائل مثل كيف وليه=ولا اجبته ولا للي يهمه عندكم طاري
وللحديت تتمه ان شاء الله

[الجووهره]

ياهلا بالشعرآء المبدعين
الهوآوي ،شآعرة نجد ، الدنيش
صحت الالسن ودآم حضوركم وابدآعكم

رحوله منووره
ودام حضورك وابداعك
وتسلم دياتك ع القهوه

[الجووهره]

يسعد صباح الجميع
تسليه لشاعرنا الدنيش
والجميع




اقبل علينا عآم ثنين وأربعين

يالله عسآه من السنين السعيده


فاتت سنين العمر والنآس لاهييين

والعمر يطوى مثل طي الجريده


سود الليالي غيبت نآس غآليين

قفت بهم غصب علينا فقيده


وكم من خطآيا سجلت بالدواوين

في عآمنا الفآيت ذنوب عديده


يارب عفوك مالنا غيرك معين

واكتب لنا يآرب عيشه سعيده

[الجووهره]

للأمانه غيرت في الشطر الاول ^^^^
كان
أقبل علينا عام ثمآن وثلاثين

[رحيل]

يسعد صباح الوفا والطيب والحشمه
صبحٍ تسمى به النوار و الكادي

حبيت اصبح عليكم كلٍ باسمه
ياللي صباحي معاكم ما هو بعادي

(:

صبحكم الله بكل خير
ونهاركم سعيد والشر عنكم بعيدد

ابو عبيد الله يرفع قدرك ويحفظك طال عمرك
شوكورن على رفع المعنويات (:

صح لسانك مبدع ومتفرد شاعرنا



ارحبي جوج . صبحها بالخير
وصح لسانتس وذوقتس

[رحيل]

حسين علامه يابو عبيد ههههههههههههه

واحد صبيه بغى ينتحر
يرسل دراهم على خطيبته وتزوجت وخلته
يقول يبكي مثل الورع
الله يعوضه
يمكن يبتسي على فلوسه ههههههههههههه
هههههه

ذكرتني ابياتك بالشيلة ذي

https://m.youtube.com/watch?v=PZcIiCYGHlI

[رحيل]

تفضلوو قهوة الضحى
(:

https://l.top4top.io/p_1699xlpwk0.jpeg (https://top4top.io/)


https://a.top4top.io/p_1699ak7911.jpeg (https://top4top.io/)https://b.top4top.io/p_1699c83qd2.jpeg (https://top4top.io/)

[رحيل]

مسا*روعة*القيفان*تقفـى*صبـاح*الخيـر
ومسا*الخير*ياقلبٍ*مـن*اللهفـه*يعانـي

بعد*شفت*حلو*البوح*مع*روعة*التصوير
هجـوس*القوافـي*قبـل*اناديـه*نادانـي

وتذكرت*من*ما*للعطاوي*جـرى*وايصيـر
بـعــد*جـابـنـي*يـمــه*خـيـالــي*وودانــــي

ان*القلـب*مــازال*بيمـيـن*العـنـود*اسـيـر
ليلى*هي*وهو*قيس*الملوح*وعاداني

ما*احد*شارني*وانا*حشا*مانويـت*اشيـر
لكـن*لا*تخلـي*وصـل*مدعـوج*الاعيـانـي


تسليه من اروقة السجن
من ابيات ابو عبيد

[ناصر الهواوي]

هلابتس زود يارحيل وتسلمين
حسين هذا عندي له سنين هندي وهالايام يقول لي عبيد انه يبكي ويقول ان زوجته حذفت عياله على امه وقالت لا اشبطك ولا اعبطك يقول عبيد قلت له عند هنديه بس ماهيب بالحيل ابا ازوجها لك
يقول قال مافيه مشكل لو هندوسيه هههههههههههههههههههههه

[ناصر الهواوي]

‏
ياشين طول الصبر عن من توده=واشين منه لا صار صابر بلياك
بمعنى ان مابه شوق يمك يحده=وذا يعني انك كنت ساري بعمياك
ساذج وحبل الوصل يمه تمده=متشبثٍ به واطلق الحبل واغداك
بيحت سدك له ولا باح سده=وتجيه كلك شوق واقفى وخلاك
عيون حرٍ فرعوه إلمهده=تطري علي لاشفتها سود عيناك
وجيد الخشيف اللي سمع له موده=ومثل البرد تجلا بعودٍ من الراك
صدك رماني بين ضيقٍ وشِده=بالكذب اعذل القلب عنِّك وانا اباك

‏
‏

[رحيل]

البقى ابو عبيد

اخذت فلوسه
يوم شبعت راحت وخلته هههههههههه
وهو وافق على طول ):
بعذره والله يباا يقهرها ههههههههههه
ههههههه


صح لسانك شاعرنا ودام إبداعك

________________________________

تسلية مسائية

تدري ان همي مثل همك وحالي حالك
وانك سلوة خاطري وأغلى بشر في عيني

لا تحاول تختبر صبري بكثر اهمالك
والله اني ما اشري الا واحدٍ شاريني



‏- - - - - -*ೃ༄


كان ماتقدر ع جسر المواصل ترقى
ابتعد واختار من بين الحلول أبسطها

لاتجي بـ الوسط مابين الوصل والفرقى
هذي اللي يعتبر شر الأمور أوسطها !


‏- - - - - -*ೃ

لا تخليني على دربك .. وداعه
القلوب العاشقه ماهيب صلبه

ودي بوصلك لو إنه .. ربع ساعه
طالبك لو كان مافي الوصل طلبه

راضيٍ في كل شي إلا .. القطاعه
لا تقاطع واحد " قطعت قلبه

(:

[الجووهره]

صبآح الخير بتوقيتي
ههههه
هلا بك رحوله منوره
فاتتني القهوه والحلا
والعلوم الزينه
كله من النوم هههههه
ويعطيك العافيه
على التسالي الجميله ياجميله

ابو عبيد الله يعين حسين
ويعوضه خير.
بس طلع مثلها قليل خاتمه
وافق يتزوج ههههههه
وصح لسانك ودام حضورك وابداعك

[الجووهره]

حلوه الشيله رحوله
وحلوين البنوتآت
الله يحفظهم

[خيال مطير]

يقول شاعرنا خالد العتيبي



نصايح الشيبـان وقفـه وتقديـر=واللي سمعها طاب حضه وفالـه
شاف السعد في حالته دون تبرير=وتباركـة دنيـاه والزيـن جالـه
ياصاحبي خذها نصيحه من اصغير=توه بدى بالشعـر يـوم احتلالـه
طاغي بحب الناس والشر مايصير=محدآ بغى فعل الدنـس والخبالـه
جازم وانا خالـد احـب التباشيـر=ماهمني هـرج الغلـط والحثالـه
تفكير غيرته وش القـول يامنيـر=تداولت من هاجس الشعر حالـه
شكواك من غير الولي خالق الطير=تحسب بذل النفس قـدم اكتمالـه
ابياتي الاولـى تسمـى تياسيـر=وأبياتـي الاخـر تسمـى زمالـه
أكون صادق باقي العمر بالخيـر=وإلا اموت وموتـي فـي ضلالـه
حسبتها دام الفكـر يقـدر يغيـر=على عروق الـدم فجـر حلالـه
حل الحلا في حلو ياسيـد الخيـر=دامك تعرف تزل حلـو الجمالـه

[خيال مطير]

https://i.pinimg.com/280x280_RS/22/b5/02/22b502635721fb1db86ce6f052008a11.jpg

ياذيب يلي فوق عالي المراقيب=يلي مكانك دايمن فالصدارة
شديتني بعواك للبوح ياذيب=وريّحت قلبن كان عايش بناره
لا واهنيك ماتعرف التعاجيب؟=تسهر وصدرك مايعرف المرارة
ماتعرف المنقود وماتعرف العيب=وماذقت طعم المنذلة والحقارة؟
مامر بك مامر بي وجاب لي الشيب=ألين شيّب عارضي وبغزارة؟
مادري شوصفلك ولكنّه صعيب=(العيب فاز فبعضنا وبجدارة)
الجار يلمح حال جاره مصاعيب=ومايسعفه وماكنه بجنب دارة
نسى الذي وصاه جبريل بالغيب؟=ألين ظن أنه وريثن لجاره
عيب البشر والوقت خالي عذاريب=وكل ماخذينا نقول هذي العبارة
(أنه تغيّر ماتغيّر أكاذيب)=وأللي تغيّر من سكن في مدارة
وترى القدر بيرن كثير المشاريب=مرة قراحن نشربه ودبج تارة
والعمر فرصة والمواقف تجاريب=والتجربة يافايدة ياخسارة
أما أستفد من دنيتك وأكسب الطيب=ولاأنهزم وتعيش عيشة قذارة
ولا جيت تاخذلك من العالم صحيب=فكر قبل كل شي واخذ أستشارة
خاو الرجال أللي تسوق التراحيب=أللي تعز الضيف تكرم وقارة
وأترك قليل الخاتمة جعله يخيب=أللي الردا والضعف دايم شعاره
بعض الأوادم مايودي ولا يجيب=وبعض الرجال فـمعرفتهم تجارة
وياذيب كف عواك برتاح ياذيب=أن كنت تفهمني بمعنى الاشارة

[خيال مطير]

https://i.pinimg.com/280x280_RS/22/b5/02/22b502635721fb1db86ce6f052008a11.jpg




يقول الشاعر عبدالله بن عمارة:

الذيب ماهرول عبث والطق في الميت حرام

والحـــــــر تكفيـه الإشــــــــــــاره لابغيـت تعامـلـه

أنا ما أسج الرجل للي يرتخي وقـت الزحـام

أسجــــــــــهـا للـي عــــــــــــلـومـه طيّـبــــــــه وأزامـلـه

[ناصر الهواوي]

خيال ذيب الصدر ما اقزاك بعواه=ويحك لو انك يوم توحيه لمته
ياشيب عيني يا احمر العين شيباه=من وضعه اللي لي سنه ما فهمته
شده بحبل اسر الحبايب وخلاه=وبغير شرع اهل المحبه ءحكمته
بشرعة حمورابي القديم المسماه=وإبـ..ميسمٍ في وسم اهلها وسمته
منها حمل مالا يطيقه ويقواه=ينوض بس بكف صبرك دقمته
بنتٍ لعرقوق او هي ادنا دناياه=لو وعد من مية وعد ما لزمته
ما اذكر جمال الا بها من مزاياه=ولا نوم ماجابه لها طيف نمته
اواه يالخيال من بعدها اواه=لو قربها يشرى بمليون سمته

[خيال مطير]

https://i.pinimg.com/280x280_RS/22/b5/02/22b502635721fb1db86ce6f052008a11.jpg


خــاويـت نــاس مـاتـعـرف المــواجـيـب

وصــرة الـخـوي الـلـي يــوجـب خـويــة

جازونـي بالشيـنة وانا جازي بالطـيــب

لـــي نـيــة وحـــدة ولـهــم الـــف نــيــة

صـــارة سوالفـنـاكـمـا قــصـــة كــيــب

جــبــن ونــذالــة مــــع اعــــزوم رديــــة

صـدام راح وشعـبة اصبح ب بـو غـريـب

ســبــة خـيــانــة شـــرذمــة جــاونـيــة

وانــا سـبـب هـمـي جــروح معـاطـيـب

مـــن خــوة لــــي مـايـعــرف الـحـمـيـة

يـاذيـب جــر الـصـوت طـالـبـك يـاذيـب

جــــرة وانـــــا ويـــــاك بـــرض خـلــيــة

يــاذيـب رافـقـنــي وخــل الـتـعـاجـيـب

مـال العجـب يـاذيـب فالشـمـس فـيـة

ياذيـب حالـي سـل مــن هالعـاذاريـب

مـــن هـالـزمـن يـاذيـب جـتـنـي اذيـــة

يـاذيـب مــال الطـيـب زاد ومـشـاريـب

المـصـلـحـة يــاذيـــب مــنـــي وعـلـيــة

يــاذيــب هـالــخــوة تـجـيـنــا بـتـرتـيـب

تخـطـيـط واضـــح جـــاي مــيــة بـمـيـة

يــاذيـب مـابـة صـــدق كـلــة الاعـيــب

ماتـصـدق الـخـوة ولـــو هـــي شـويـة

وصـار الفـخر ياذيـب في فعلة الـعيـب

كــلــة تـفـاخــر بـالـخـطـاء والـخـطـيــة

مـعــاد بـاقــي غـيــر خــوتــك يــاذيـب

خـــلـــك خــــوي مـايــخــلـي خـــويــة


راااقةة
خيال ْ


https://r111n.com/t32772.html

[خيال مطير]

خيال ذيب الصدر ما اقزاك بعواه=ويحك لو انك يوم توحيه لمته
ياشيب عيني يا احمر العين شيباه=من وضعه اللي لي سنه ما فهمته
شده بحبل اسر الحبايب وخلاه=وبغير شرع اهل المحبه ءحكمته
بشرعة حمورابي القديم المسماه=وإبـ..ميسمٍ في وسم اهلها وسمته
منها حمل مالا يطيقه ويقواه=ينوض بس بكف صبرك دقمته
بنتٍ لعرقوق او هي ادنا دناياه=لو وعد من مية وعد ما لزمته
ما اذكر جمال الا بها من مزاياه=ولا نوم ماجابه لها طيف نمته
اواه يالخيال من بعدها اواه=لو قربها يشرى بمليون سمته

صح لسانك وبيض الله وجهك ابو عبيد

[الجووهره]

يعطيك العافيه خيال
على التسآلي الرآئعه




‏لا تعاتب من تحبه على قل اهتمام
‏ العتب ماعقبه إلا اهتمام مجامله

،،،
‏بينك وبين اللي تعزه وتغليه
‏اترك مساحة تقبل الجزر والمد

‏حبل الوصل لاتقطعه بالمشاريه
‏ترى العتب يثر على صافي الود

،،،،

‏فكوا شبابيك الرضا يامبعدين
‏نحتاج شمس الوصل تشرق بيننا

،،،


‏حتى لو الموت ياخذ طيب السيرة
‏ما يقدر الموت ياخذ سيرة الطيّب

[الجووهره]

وصح لسآنك شآعرنا
ودآم حضورك وابدآعك

[خيال مطير]

لولاك صدقني ولـولاك لـولاك=ماسهرت عيوني تحرى وصالك
هل تعلم اني اعشقـك واتمنـاك؟=وهل تعلم اني صرت كلي حلالك ؟
اقسم قسم منوين ماوجـه القـاك=ماكنـي الا ياحبيبـي ظـلالـك
امر تدلل وابك اخذهاك وفـداك=ناسي على دنياي خـذ مابدالـك
تعال راح اليـل وانـا تحـراك=تعال سامر بالهوى من صفالـك
تعال جاوب صوت مجروح ناداك=تعال داوه منجـرح واشتكالك
تعال وسقه يالغضي من شفايـاك=تعال سامر طرفه اللـي بكالـك
غنيتلك قافـن طرقتـه علـى اك=ابى اسئلك واجاوبك في سؤالـك
هل تعلم اني اعشقـك واتمنـاك=وهل تعلم اني صرت كلي حلالك
وجاوبك لولاك لـولاك لـولاك=ماسهرت اعيوني تحرا وصالـك

[خيال مطير]

https://play-lh.googleusercontent.com/q09mlmVY1wM7GsupGUpdaQ4MqAJ-z4ohibzVeoEZ-qQRI_2sj0bNgYx8yAo86jZlEQ=s180-rw


قالو عن الطير


شاعر يقول :

ياطير لاتنشد عن الحال ياطير

شايب وتو العمر فاول شبابه

اكتب صباح الخير والا مسا الخير

صبحي وليلي في عيوني تشابه

ويقول الشاعر:

ياطير ماشفت لي شخصٍ تمنيته

ماشفت زوله ولاوقعت في داره

مافيه غيرك يجيب العلم لاجيته

الله عطاك الجناح وبيدك إطياره

و الشاعر الآخر يقول :

ياطير ياطير (ياطير السعد) ياللي ترف الجناح

لا واهنيك ليا ضاقت عليك الأرض خليتها

وإن رحت وإن جيت ياطير السعد تسبق هبوب الرياح

وأظن مافيه ديره فوق وجه الأرض ماجيتها

ويقول الشاعر :

ياطير تكفخ ماتبي كف راعيك

وقبل امس تكفخ للعلا فوق كفه

لي صاحبن ياطير يشبه مواريك

اليا نفر ما ينعرف وين شفه

لومنت طير انشهد انه بناخيك

ولو هو طير قضيت عمرك بصفه

ويقول الشاعر الآخر :

الا ياطير خبرني وش اللي صار للأحباب

ترى قلبي كثر همّه سبايب غيبة احبابي

الا ياطير ماعندك خبر عن عودة الغياب؟؟

ولا تقدر تطمني تجيب علوم غيابي؟؟

ابي ياطير لامر بسماك من الطيور اسراب

ابيك تعانق اسرابٍ تجي من بعدها اسرابي

[حمد الخالدي]

خيال ذيب الصدر ما اقزاك بعواه=ويحك لو انك يوم توحيه لمته
ياشيب عيني يا احمر العين شيباه=من وضعه اللي لي سنه ما فهمته
شده بحبل اسر الحبايب وخلاه=وبغير شرع اهل المحبه ءحكمته
بشرعة حمورابي القديم المسماه=وإبـ..ميسمٍ في وسم اهلها وسمته
منها حمل مالا يطيقه ويقواه=ينوض بس بكف صبرك دقمته
بنتٍ لعرقوق او هي ادنا دناياه=لو وعد من مية وعد ما لزمته
ما اذكر جمال الا بها من مزاياه=ولا نوم ماجابه لها طيف نمته
اواه يالخيال من بعدها اواه=لو قربها يشرى بمليون سمته

ما شاء الله يا زين قيفانك يا شايبنا
صح لسانك وعساك على القوة ودي اجاريك بس الجدول منحاس وقافك عقده هههههه

[رحيل]

صباحكم سعادة

صح لسانك ابو عبيد دام هالإبداع

هلابتس زود جوجو من ذوقتس
وصح ذوقتس يا ذووق

صح ذوقك خيال

[رحيل]

https://www.r111n.com/showthread.php?p=604203#post604203

[ناصر الهواوي]

صباح الخير للجميع
ارحب يالخالدي وصح بدنك ولاهنت
اهلا يا رحيل وصح بدنك ولاعدمنا حضورك الجميل
اهلا يالجوهره وصح نقلك وبدنك الله يحفظك
مرحبا يالخيال الغريب اني اسند عليك ولا ترد
ياخي تواضع وانزل لمستواي لاتسفهني هههههههههههههه

يامرحبا يالشيخ ياريف من جاه=اكيد للمقناص وضعك حسمته
حشا تعسرك سبكة البيت وابناه=يالخالدي لو ردت تبنيه اقمته
حتى يساوي للجدي وايتعداه=يقول راع الشام ذا مبني إمّْته
تلميذكم من مبتدا الفه الى ياه=خذ دورةٍ مع نجد وانحل صمته
ياوجد حاله يا ابيض الوجه وجداه=وجد اليتيم وعمةٍ له اكتمته
عينه تتوق لشوف زوله ولاماه=ارثه ابـ...بيت ان كانها ما رحمته
ههههههههههههههههههههههه
لاوالله ماهو عقده

[حمد الخالدي]

والله ان القاف هين مير بالي به بلاوي
بين جده والرياض وجائحة تدعى كورونا

كنت ناوي مير جانا الوقت وأثره كان ناوي
والجماعه من دخول النجم راحوا و اتركونا

والرسايل ما توقف والسوالف عند راوي
احمد الله من بعد كبس القميري ما نسونا

هم دعونا وكم رجالٍ ينَّشدني..تخواي؟
دعوة قرومٍ تمنيت إنهم له ما دعونا

هيضوا قلب المولع والهواوي صار كاوي
لا تتطبب بي وانا قلبي مع اللي غادرونا

بي طبيعة لا بغيت الصيد ماني ذيب عاوي
صيدتي حق العشا لو يزعلون اللي احترونا

ويا الهواوي مثلك يقدر هوا قلب الهواوي
نرمي طيور لعشانا لين ننسى من رمونا

[خيال مطير]

صح لسانك ياحمد وبيض الله وجهك

[خيال مطير]

[IMG]https://i.imgur.com/OXzyS5w.jpg[/IMG
[COLOR="DarkRed"]
يومٍ كلٍ حط له حزب واختار... والله عليم بنيته واختياره
ماني وانا بن روق هايب ومحتار... ادق خشم اللي براسه نعاره

فوق الكحيله في يدي سيف بتار... راع الجهام الغاليه وابو ساره

مير اطلب الله فالسلامه ياشعار... الراس صلب وقام يطبخ سطاره
احزابكم لو يمها ألد الانظار... راحت كما الضبان حول الجحاره[/COLOR

الطير حوران

[خيال مطير]

صارت ضحية حزبنا البنت غزلان=ابو عبيد يعرف وش هالنمونه
يحطها قدامنا بكل ميدان=من شان تسلم لاتكسر قرونه
عودٍ محنك واشهد انه كحيلان=حذفٍ وراه وحذف يالربع دونه
وانا ما ابا اكسر قرونه على شان=ينهار حزبه ثم تشتت ضعونه
يقسى علاهم قلبي شوي ثم لان=مدري ولاكن فيه فالحزب بونه
من شان لانزعل حبايب وخلان=نقدر نعيشهم بعيشة مهونه

[خيال مطير]

ياشوق روحي عليك اليوم ولهانه
ارحم خفوقٍ بعد ماصام فطرته
••••
لج الخفوق وتنكر شوف خلانه
وخطاي يامنوتي فيكم تكابرته
•••••
عساك عقب الرضا تنهض بجنحانه
من ماضي الوقت والاقدار عاثرته
•••••
نذر إن روحي على شوفتك ضميانه
ولو تطلب العمر فدوه ماتكاثرته
•••••
الشاعرة: رواسي بنت الهيلا

[الجووهره]

ياهلا بالجميع
الهوآوي ، الخآلدي
خيآل ، رحووله
منوورين ويعطيكم العافيه
صحت الالسن والاذوآق
ودآم حضوركم وابدآعكم

[الجووهره]

خيآلووووه
يقوم عليك حق
وين حزب الرعد

محمد الفرآج
سلطان الغبيوي
ملكة الروآسي
وأنا.
اعوذ بالله من كلمة أنا
والباقين نسيتهم هههههه

[خيال مطير]

جهيروووووووووووه انتي ليش ماتعقلين انتي ورحيلوووووووووووه ,, ولا لازم خيالوووووووه يعلمكم الكلام

[خيال مطير]

ياطير شلوى خذ نصيحت صحيبك

تقريب خمس ابيات جله وترتيب

يا شايب الرحمن ياكثر شيبك

قلبك شباب ورأسك أبيض من الشيب

قام إيتبين للمزايين عيبك

لو أنت طلق حجاج مابك عذاريب

عيبك كبر سنك معرقل نصيبك

ما يقبلنك لو نصبت الرعابيب

اللي صغير سنها وش تبي بك

تبغى ولد مزيون وانته تقل ذيب

الله يخلي لك رضيعة نسيبك

اللي ترحب بك الياجيت ترحيب

طع شورها وأحفظ افلوسك بجيبك

مالك بناسٍ تمنحك بالمطاليب

يفرض عليك أشروط من غير طيبك

ويعذبونك بالطلابات تعذيب

وأليا انتهيت وسلّموا لك حبيبك

وتم الفرح واستقبلوك المعازيب

يومين والثالث يسرب سريبك

وتقوم كرعانك تطق العراقيب

عوّد على الملك القديم وقليبك

عساك تقنع عقب فتل الأشانيب

[خيال مطير]

يا شيخ أنا أول لاعتزيت أعتزيبك

واليوم ابأجنب نصايحك تجنيب

اللي مضى في كل عام اقتدي بك

وعقب الكلام اللي حصل صابني ريب

حطمتني وأنا امدحك لا حكي بك

وتضحك عليّ يوم انا رحت خطيب

ولو شفت ما شفنا شقيت جيبك

يا شيخ صوّبني عطيب الأصاويب

أصابني رمحٍ عسى ما يصيبك

خج الضلوع وذوّب القلب تذويب

شفت أدمي لو شفت زوله أغدي بك

وخلاك تلعى في طوال المراقيب

وخلاني اسمع يا المطوع نحيبك

تحلج وتفتح للقريحة هناديب

سرح الجوازي ما يلايم عزيبك

جسمك نحيف ولك متونٍ محاديب

[خيال مطير]

كان الاستدلال بثورة العشق والهيام يدفع بعض شعراء نجد لإقحام "المطوع" في قصائدهم وأشعارهم وعشقهم وغرامهم، بل أنهم كانوا يستدلون بجمال هذه الفتاة أو تلك ويزعمون أن من يراها لا يستطيع الصمود أمام جمالها الباهر حتى ولو كان مطوع القرية، ولذا كان "المطوع" يُقحم في قصص الغرام كمثال يعتدى به وبزهده وورعه عن ويلات الغرام ومصارع العشق والهيام.ويُذكر أنه قبل قرن من الزمان أراد الشاعر الكفيف "محمد بن فهّاد" أن يسعى لتزويج ابنة أحد أصحابه، حيث خشي والدها أن يطول بها العمر دون أن تتزوج، وكان اسمها "سارة" ولم تكن ذات جمال، وهو ما دعى هذا الشاعر أن يراهن صاحبه على تزويج ابنته، مقابل أن يعطيه والدها نخلتين من نخيله، فوافق الأب على الرهان وانطلق الشاعر يتغزل ب"ساره" وهو يقول:



هيض ابن فهّاد في تالي نهاره

ألف قافٍ من ضميره مدرجاتي

يا وجودي وجد مكسور الجبارة

ساهرن تسعين ليلة ما يباتي

عقب ما هو تاجرٍ راعي عماره

صار فلاحٍ أموره هيناتي

كن في عينه من الفرقا شراره

أو مخاليب الوحوش الكاسراتي

صاحبي بالوقف مدهاله وداره

ما سكن في ثرمدا والا مراتي

ولعتني بالهوى والحب ساره

دلّهتني عن غنادير البناتي

المطوع لو يشوف خديد ساره

..... ... وعجّل بالصلاتي

[خيال مطير]

http://f.top4top.net/p_333z06j20.jpg

بـخيل الـمشاعر فـي بـحر عـلتّه طـاحي
غـرق فـي الـهوى حـتى تـلاشت تعابيره

ولا هـــو اذا شـفـته بـمـجنونٍ أو صـاحـي
وصـعبن عـلى راعي القناعات .. تطويره

ولــه فــي قـنـاعاته مـخـاسير واربـاحـي
يـسافربدون احـساس مـن ديـره الـديره

مـع الـخيل يـاشقرا..فيذا الـكون طواحي
رفــيـق الــرّدى يــردي خـويـه بـتـسييره

تـقـشّع ظــلام الـلّـيل والـصبح وضّـاحي
وروحـي طـواها الـهم والـضيق والحيره

عـلـى فراااق خـلـي قـلبي الـيوم نـوّاحي
تـصـدّع جــدار الـوصـل يـاكيف تـجبيره

الا يـالليالي الـلّي مـضت.. وين لفراحي!
ووين الحنين اللي رحل! صعب تدويره!

أغـمـض عـيـوني واتـرك الـفكر سـواحي
واعـانق حـروف الـشعر واقـصد اغاديره

أحـاول آسـلّي الـنّفس وآضـمد إجـراحي
حبيبي... عسى الله لي يعجل بتسخيره
؛
ريوف القوافي



http://e.top4top.net/p_21189b80.gif

[الجووهره]

جهيروووووووووووه انتي ليش ماتعقلين انتي ورحيلوووووووووووه ,, ولا لازم خيالوووووووه يعلمكم الكلام

ههههههههههه
اذا عقلت عقلنااا
هههههه
الله يسعدك خيالووه

[الجووهره]

ويعطيك العآفيه على التسالي الجميله
والله يذكر الشاعره ريوف بالخير
ويردهاا والجمييع بالسلاامه

[ناصر الهواوي]

اشهد انه لو تميلح مثل ما قال اقشر=ورغم ما به من مثالب كلنا باغينه
لاتهبينا وحنا ما نويناك الشر=ما كتبته قبل يمحى يالذكي قارينه
لاانت لامشمش ولا احد قال لوز مقشر=من نوامي مضغةٍ مخلوقةٍ من طينه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
مساكم الله بالخير جميعا سيداتي وسادتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
ترضي وتزعل ليه واتروح واترد=علاقةٍ تشبه لدلوة ذباذب
افرد رشاها يوم وردو على عد=لا الجال راحت له ولا كف جاذب
بين الصدق والكذب والمزح والجد=جا للحقايق بين الاربع تجاذب
النفس ماهي تلعه وللصبر حد=ومنك اليقين اصبح كما الظن كاذب
يوم ان حبل الوصل يالترف ممتد=وخيل الغلا مني لساحك تهاذب
ارخي ليا شديت وليا ارتخى اشد=واهمومجت من هالتغلي معاذب

[ناصر الهواوي]

صوموا عاشوراء غدا يكفر السنه اللي قبله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
ياخفير السجن تكفى فك من به وادخل
مكيفاته بارده والصبح اظنك صايم

ما بخلنا بالتسالي وانتبه لاتبخل
بالتسالي والادب مطلوب مثلك دايم

قالو الغربال ما يصلح يعير منخل
لاتغيب مثل من غابو وحظك قايم

[الجووهره]

https://www.r111n.com/t41293.html


^^^^^
ديوآن الشآعر
حمد الخآلدي

[الجووهره]

مساء النور والسرور شآعرنا
وجزاك الله خير على التذكير
وتقبل الله منا ومنكم صالح الاعمال

وصح لسآنك ودآم ابدآعك
ومبروك الحريه للمسجون غيابي ههههه
ومنور السجن مستشارنا وخفيرنااا.
وابشر بالتسآلي

[شاعرة نجد]

السلام عليكم ورحمة الله

واسعد الله صباحكم وطابت اوقاتكم
وصحت السنة الشعراء المبدعين وصحت ذائقة المتذوقين

وسلمتم ودمتم,’’

[شاعرة نجد]

صباح الخير للجميع
ارحب يالخالدي وصح بدنك ولاهنت
اهلا يا رحيل وصح بدنك ولاعدمنا حضورك الجميل
اهلا يالجوهره وصح نقلك وبدنك الله يحفظك
مرحبا يالخيال الغريب اني اسند عليك ولا ترد
ياخي تواضع وانزل لمستواي لاتسفهني هههههههههههههه

يامرحبا يالشيخ ياريف من جاه=اكيد للمقناص وضعك حسمته
حشا تعسرك سبكة البيت وابناه=يالخالدي لو ردت تبنيه اقمته
حتى يساوي للجدي وايتعداه=يقول راع الشام ذا مبني إمّْته
تلميذكم من مبتدا الفه الى ياه=خذ دورةٍ مع نجد وانحل صمته
ياوجد حاله يا ابيض الوجه وجداه=وجد اليتيم وعمةٍ له اكتمته
عينه تتوق لشوف زوله ولاماه=ارثه ابـ...بيت ان كانها ما رحمته
ههههههههههههههههههههههه
لاوالله ماهو عقده

صح لسانك شاعرنا المبدع
النص موجه للخالدي لكن فيه بيت شدني
وانا مبطيه ماجاريت:smile:
.....................
تلميذكم من مبتدا الفه الى ياه
خذ دورةٍ مع نجد وانحل صمته
......................

يازين قافٍ جاب ناصر وغناه
زعيمنا واستاذنا لاعدمته

حنا انتعلم من قصيده ومعناه
كم قاف هيّضني غْناه وُنظمته

لـ جر مواله وحنا سمعناه
بيتٍ تغنيته وبيتٍ كتمته

ماجبت ماجاب المولع من اقصاه
مهما بنيت البيت والا هدمته

ياكبرها ياسيّد الشعر كبراه
دوره معي؟ وشلون شعرك ظلمته

مهما تواضع,سادة الشعر تقراه
تلميذتك,لو عذب شعري حكمته,

[خيال مطير]

أصدر رئيس هيئة تقويم التعليم والتدريب الدكتور حسام زمان، توجيهاً بالسماح لمنسوبات الهيئة اللاتي لديهن أبناء في المرحلة الابتدائية بالخروج المبكر، وذلك عند الساعة الثانية ظهراً لمدة 7 أسابيع.
ويسري تنفيذ التوجيه الجديد بدايةً من 30 أغسطس الجاري وحتى نهاية دوام 15 أكتوبر المقبل.

[خيال مطير]

(لاتنسوني بالغداء وقهوتي المغرب )

[خيال مطير]

صح لسانك شاعرة نجد , يستاهل العود

[خيال مطير]

الونين استغفر الله كنـه الذيـب يعـوي=والجروح المزمنه كنها طـاويٍ طـواه
اه والبـارح وقلبـي وماآذبـا مجـذوي=اه ماجابـت نتيجـه ماقـلـت2000 اه
ياجماعـة خيـر بالله مـدري يـاذوي=من فقد ركعه وسلم تجوز اله الصـلاه
ايه عارف منهجي ربمابليسـي غـوي=بس مدري شتلته مـن ذكـا والا غبـاه
كانها زود الذكـا قلـت تسلـم ياقـوي=وكانها زود الغبا ليت زرعـه ماجنـاه
من خمور الشعر ياناس فكري مرتـوي=لاسكر والا التفـت يـم حذافـت قفـاه
واثقٍ فـي هاجسـي مايلـك ويلتـوي=والبحر يبطون سباحتـه تلحـق مـداه
المـزون الغـر رعادهـا يـدوي دوي=والتفـاوت جا نتيجـة تعاليـق الـقـراه
اخذها او ردهـا منـت قايـد بهلـوي=منت مروي ياولد من شكالك من ضماه

[خيال مطير]

يابو بدر وسط الضماير لواهيـب=حزنٍ على فرقى كريـم السجايـا
قالوا غدر به في ديار الأجانيـب=وش حل قتلـه دام مالـه زرايـا !
إن كان صدقه في فواصل عذاريب=في شرع حاقد كل قولـه خطايـا
ذيبٍ شمخ في عاليات المراقيـب=ماهو من إللي ينهشـون البقايـا
طلال نادر فوق عـال الشخانيـب=كم خرب من مخلاب كفه شظايـا
من لابةٍ سقم المعـادي محاريـب=أرداهـم إللـي مايهـاب المنايـا
شمّر هل الطولات وأهل المواجيب=يشهد لهم بالكـون كـل البرايـا
يالضيغمي لامن عوى الذيب للذيب=ياعزوتي تر كـل شمّـر طنايـا
شمّر صغيره مع شبابه مع الشيب=توحـدوا بقلوبهـم مـع رثـايـا
وكل القبايل تنكر الفعـل وتعيـب=والحضر والبدوان وأهل القرايـا
إن غاب أبو نواف ذكراه ماتغيب=في كل حرفٍ من قصيـده هدايـا
بس العزى بالشبل نواف وآهيـب=يكمل مسيـرة والـده بالسوايـا
الله يرحم والـدك عالـم الغيـب=وإقبل عزى قلبٍ كوتـه الخفايـا
قلته وكل إنسان خطاي ومصيـب=وإن زل حرفي صـادقٍ بالنوايـا
وصلاة ربي عد رمش المهاديـب=ورمل النفود وعد حصو الشغايـا
على نبيٍ سنتـه تجلـي الريـب=إللي على قبـره ظـلال وذرايـا
والمعذره يابو بدر راعي الطيـب=وأقبل سلامي كان تسمـع ندايـا




سطام الشمري

[خيال مطير]

https://s3-eu-west-1.amazonaws.com/img4.haraj.com.sa/cache4/675x900-1_-KTEY-7y4795b6d.jpg

وين غداكم جهير تعالي ذكي الخروف

[ناصر الهواوي]

لشاعرةنجد التماثيل مهداه=لو للشكر ما احرزت ما كنت رمته
لا مفرداته عند سبكه ومغزاه=وبمجاريتها كل نابي ادهمته
بابداعها اللي صاحب الصنف يشعاه=ويقول مثل السبك ذا ما علمته
در البكر يوم إبهلت ماهو سياه=بتفكيري اللي في معانيه ادمته
تستاهل التكريم والفخر والجاه=على استكر (تستاهلينه) رقمته

[خيال مطير]

https://www.youtube.com/watch?v=MPclQrb6NBk

[خيال مطير]

ألوان شعبيّة».. مرثية في الشاعر حجي خلف سالم الحربي رحمه الله

http://watanmedia.seyasi.com/resources/media/images/2019/5/615832_e.png




كتب السيد صياح ابوشيبة عضو مجلس الأمه الأسبق هذه القصيدة في رثاء الشاعر حجي سالم الحربي، والذي كانت له المشاراكات الفعالة في برامج ديوانية شعراء النبط وكان أحد اعضاء الديوانية.

ياحيف والله يامحمد تأخرت.
أسبوع طاف ولا علمت بوفاته.
مأخفي عليك الأمر منّك تكدرت.
مأنته بعارف والدك وش غلاته.
صديق عمر وأنت بالغيب ماصرت.
قليل مثله من يسوي سواته.
إلى بغيته سار من وين ماسرت.
ولو تطلبه يعطيك حتى عباته.
ولا تسأله وش باع أو كم وفرّت.
إكرام ضيفه مكسبه مع غناته.
الله يبيحه والعفو كان قصرت.
والله يرجّح كفته وحسناته.
عساه في يمناه من يأخذ الكرت
الله يكتب من جهنم نجاته.
حجي خلف ياما مع قافه ابحرت.
يأخذني الطاروق في مفرداته.
ينقى الكلام وينظمه فيهن احترت.
جزل المعاني منهجه في حياته.
والحق صار ولوبكيت وتأثرت.
العاطفة تحضر بلحظة مماته.
ماجور يامحمد كثر ماتصبرت.
يحسن عزاك وياجرك في وفاته.

صياح ابوشيبة

[خيال مطير]

وينكم يومين ماطب فمي الزاد وين التسالي . يامجرمين

على راسكم ابو عبيد طلعوني من سجنكم اليوم عاشورا بروح

[خيال مطير]

يامل قلباً كل ما التم لشفاق = من عام الأول به تداكوك وخفوق
كنه مع الدلال يجلب بالأسواق=وعامين عنده معزل الوسط ماسوم
يجاهد جنوداً في سواهج الأطراد= يكشف له أسرارٍ كتمها بصندوق
يا علك تذكار الأحباب واشتاق =بالك وطاه بخاطره طاري الشوق
دنيت لي من غالي بن مالاق= بالكف ناقيها على العرش منسوق
أحمس ثلاث يانديمي على ساق = ريحه على الغضى يغضمه سوق
وياك والنيةٍ وبالك والأحراق=واصحى تصير بحمسه البن مطفوق
إلى أصفر لونه ثم بشت بالأعراق= صفري تقل ياقوت يطرب لها الموق
وعطات بريحٍ فاخراً فاضحاً شاق= ريحه تقل عنبر بالأنفاس منشوق

[خيال مطير]

https://www.r111n.com/showthread.php?t=37410&highlight=%CE%ED%C7%E1+%E3%D8%ED%D1

[ناصر الهواوي]

يالاقشر حنا ساجنينك لجل مكيفات السجن بارده بفرضياتنا انك صايم عاشوراء
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
مع غيبة الشمس يالمسجون جاك الفطور
وشافك تفصفص وريحة شيشتك طايره

لو رشوا السجن من بعدك بشتا العطور
مازالت امع الرطوبه عجته ثايره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
عاد انا ابا آصل البيت يمكن يجينا مسايير ولين ارجع
حاول يالخيال تلقا مساجلات ثنتين بيني وبين زيد ابن راجح الله يذكره بالخير
مطلع قصيده لزيد
ياهاجسي او ياملهمي خل القلم يرعف ارعاف

[خيال مطير]

بعض العرب في لسانه دايماٍ حكه=حتى لو المفرده من ماس مسبوكه
وكرم حزيب الرعد في مجمله هكه=مجالس الربع من شهرين مصكوكه
سليقٍ ابيض عليه انصب من عكه=ولاكبشكم والرقبه بمقط متكوكه
كرمتك تشبه لسودا وجه دلمكه=ما تنقبل لو انجملها اب / باروكه
صنك لو اوراقك من السبع للإكه=يهزمك حكمي لو الاوراق مفروكه
زكيت هجسك بعسر القافيه زكه=واطربت هجسي بما هو يعشقه دوكه
ما انفوسكم عن ملاحا العود منفكه=حتى التهامي يخلي فكة الحوكه

[خيال مطير]

لعل الاومور يديرها مدرج الافلاك=وتحوَّل الى الحسنه بعد عودت سيه
كنا سمن ممزوج بعسل قبل انا وياك=عسى ما حصل مني خطا واخلف النيه
قبل جمعتين وطايرك يدّْرج بحماك=يغرد وتسجع له على الغصن قمريه
يفل الجناح من الفرح من هنا لهناك=هاني في رحيق الورد فله وجوريه
واليوم الضعيف كاسرٍ خاطره شرواك=يبي خدمتك لو يشتغل خارج الهيه
دع عنك الغزل ياهاجسي والتفت لعداك=نهر الخالد اصبح والملاحه جنوبيه
خذ مني وعطني واطلب اللي تبيه وهاك= اليامي وشيخه مع صدود السعوديه
وحزيب الرواسي كن فيهم تعب وارباك=عليهم تكود الروحه وتصعب الجيه
وانت المنتصر من قلت واحزابهم تفداك=اكو مصعرين .الروس. اكو .وانجظ الكيه

[خيال مطير]

هزاع العاصمي صح بدنك يابو محمد . وابرك الساعات اللي يتحرك فيها واهسك المتجمد هههه
ومبروك انظام صدود لحزبك الموقر (نهر الخالد)
الهواوي صح بدنك وصح لسانك على هالفاخره
محمد الروقي صح بدنك ولاهنت .
كديميس السيحاني . مرحبا مليون شرفت الرواسي بطلتك . وشرفت سجن القوافي بحضورك . عجل علينا هات الناقد وتعال نبي نشويكم هنا على نار هاديه ههههههههه

من الذاكره

[خيال مطير]

ياهل السجن بالله وش علوم السجين=وفرق سجن الرواسي عن زنازينها
ليا قريت القصيد اقول يالله اتعين=انخزل بين لبتها وهدب عينها
كلما جا لبو بندر سببها حنين=لجت ضلوع سامي في تلاحينها
اتوجس خبر ما بين حينن وحين=واتصفح سجلات وعناوينها
ابتهج لاحوت علمٍ عن الربع زين=واتحاشا الجمل واقول قارينها
كان قلبك من اولت امس عنده رهين=عندها الروح من عقدين ناسينها
عل قاس الشتا بالقيض بكره يلين=ويتبدل قسا الايام في لينها

[خيال مطير]

جيت من ضلع المعاني من حلاة الشّعر باقــة
ساقني بوح المودّة وانتشــى حــرف القصيـــدة
اسمعوا هـــرج الــــوكاد الّلي تعـــاديه الحماقــة
جبتها فـي بيــــت شعــــرٍ للعقــــول المستجيدة
مانفع بيــت مشــــرّع مــــرتخي بليــــا رواقـه
الهبـوب الـيا تثنّت شالتـــه شيــــل الجـــريـــدة

هماليل

يازين خـذني عن ذرى الشـوق مشوار
في صحبـة اصنــاف الغــــرام القـويّه

عــرّج بروحــي في غياهيــبك اسـرار
واسـعـف خـفـوقـي لمســةٍ مخـملــيّه

الشـوق خـلّـف فـي معاليقــي اضــرار
ياكيــف وإن كانــت سـهامــه خـفـيّـه

على حصــون القـلب دكّـيت الاسـوارّ
لجّــيت ضــلع الوجـــد فـي مقـــدريّه

وانا مــعــك بالحـــبّ فكّـــيت الازرار
علـى حـــروف النبض منـك ابجـــديّه


هماليل

[خيال مطير]

سجين الرواسي شف سجين الكلبشه دوك=من الجوع مع هالبرد بالسجن مانامي
ان كان الرصيد اصفار يالذيب دوك البوك=بخشم الريال ابطش بتجار الاغنامي
عطنا الكبش عش العاصمي وانت ولد ابوك=حزب العاصفه ما حاش نجلاء وغنامي
انا امس اعتبرته راكبٍ فالبحر سنبوك=وليومه دخلت السجن ولياه قدامي

ابو عبيد

[ناصر الهواوي]

لله درك يالخيال على هالذكريات الحلوه الأخاذه دائما الماضي يكون حديثه ذو شجون
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
الد بعيون الذاكره للورى واشوف=ما عفا عليه الوقت موجود قدامي
الفكر الذكي مابه صغيره عليه اتطوف=ويرا ان وقفته مع كل مافاته الزامي
وتهل الجفون لدمعها مثل وبل قنوف=رذاريذ بابرد ليلهٍ من شتا العامي
ينادي على مجهول في خاطره معروف=مقيمٍ عليه بمحكمة وينك محامي
خفوقه نصب للادعا هاجسٍ ملقوف=يلهم للقوافي من بحر شوقه الهامي
وبس

[خيال مطير]

لله درك يالخيال على هالذكريات الحلوه الأخاذه دائما الماضي يكون حديثه ذو شجون
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
الد بعيون الذاكره للورى واشوف=ما عفا عليه الوقت موجود قدامي
الفكر الذكي مابه صغيره عليه اتطوف=ويرا ان وقفته مع كل مافاته الزامي
وتهل الجفون لدمعها مثل وبل قنوف=رذاريذ بابرد ليلهٍ من شتا العامي
ينادي على مجهول في خاطره معروف=مقيمٍ عليه بمحكمة وينك محامي
خفوقه نصب للادعا هاجسٍ ملقوف=يلهم للقوافي من بحر شوقه الهامي
وبس

صج لسانك يابو عبيد

[خيال مطير]

كيف تستغرب خيانة صاحبك لو كنت غايب ... دام خلك خان أهله بأول الوقـت وعملهـا

ياخويي لاتضايـق دام حبـك صـار عايـب ... خلهـا فـي لحظـة الايـام وتبـرك جملهــا

ماوحيت الهرج خلك تسعد بحلـو النهايـب ... في حرام الحل ولا في حـلال الوقـت قلهـا

كم نصحتك لاتطيع النفس وتزود السبايـب ... ماأخـذ النصـح يالله قابـل المـر بــحللها

سمنـي جاهـل مأكـد لاتخليهـا شـوايـب ... شفت حظك تحت رجل الوقـت والله مأملهـا

خلها ترجع وانا من عقب رديت الركايـب ... ساق رجلي حزن قلبك ياعميل الخيـر إلهـا

راح تفكيري على حل المشاكـل والنشايـب ... والحروف اللي اصخر قافهـا ردت جملهـا

خلها روحه بـلا رده وصوتـك دوم غايـب ... ماتمنيت الرحيل اللي مميت(ن) في عملهـا

[خيال مطير]

سجين ويسلي نفسه بس مالقى معروف , لاتسالي ولاشي .مجرمين أهل السجن


من أهم ما يؤثر في الشعر هو الزمان والمكان والبيئة، وتربة حجازية الجغرافيا ونجدية الديمغرافيا من حيث لهجة أهلها وعاداتهم وموروثهم الشعبي، وهي كذلك واحة نخيل ومسكونة من أيام العماليق كما تذكر المراجع، الأمر الذي جعلها دائماً بين هجمات الطامعين واستماتت المدافعين، وتجلى ذلك في معركة (ريحان التاريخية الشهيرة) كل ذلك انعكس على الشعر عبر أزمنة مختلفة. فكان السائد هو شعر (العرضة)، ولأنه يأخذ طابع التحدي نجده ينعت الأشياء بأسمائها المعنوية من باب بث الحماسة. حيث يقول عن تربة (دجنه) وهي من أسمائها، ويقول عن النخيل (الغرس أو غرسنا) وعن القوم (ظهور السواني).

وبرز في هذا المجال كل من الشاعر عبدالله العسيس، خاتم بن رسا، حباب الساهري، حسين بن مذكر الجنيبي)، وآخر من سار على نهجهم الشاعر الكبير (عماش بن عامر) رحمه الله.

وفي مجال النظم برز في ذلك الزمن الشاعر (عايد الهذيلي البقمي) صاحب القهوة المعروف، والذي يقول:

عند الهذيلي دلة عجرفيه

فنجالها يسوى ثلاثين فنجال

واللي مكذبني يسير عليه

مادام راسي حي ماغطه الجال

وكذلك الشاعر (سالم بن سليم) صاحب النصيحة المشهورة:

يا مصلح ان كان ربي مك بمالي

خلك كما عيلمٍ تشرب ضواميها

الطيبه تجعلك عند العرب غالي

أيحشمك واحدٍ يسمع بطاريها

وكذلك الشاعر(ناهض بن سحمي القرف) والذي يقول:

يالله ياللي تعلم الشر والخير

أغفر ذنوبي ياعزيز الجلالي

يا فاطري كانك تبين المحادير

ماجتلي الدنيا على شف بالي

كما نجد أيضاً (سفر الخيال، وزايد بن زعكان الرحماني، وعايض بن هديان السمي، وطايل الزبني، وجمعان بن قتمه) وآخرين،

وبعد أن توحدت أجزاء الجزيرة العربية وانصهرت في كيان سياسي واحد وساد الاستقرار اقتصر الشعر على النظم في أغراضه المعروفة وشعر المحاورة بأسلوب التورية والفتل والنقض، ومن شعراء النظم المعاصرين الشاعر الكبير (زيد بن راجح، وسعد بن عنيزان، وعبدالله بن صميم، ومشخص بن دحيم)،

ومن شعر زيد بن راجح:

ياعالم الخافيه يافارج الضيقه

ياللي لوجهك يصوم العبد ويصلي

محتاج فزعتك عبدس ناشف ريقه

والحل عندك وغيرك مامعه حلي

وله مساجلات كثيرة مع عبدالله بن عون، وعبدالرحمن العطاوي، وخضير البراق، وغيرهم،

ومن شعراء المحاورة المعاصرين في تربة الشاعر الكبير محمد بن جرشان، وعاضه بن الحميدي، وفريج بن حسين، ومفرس بن فارس، وسعود الكريزي، وزياد الغرمول.

وقد اشتهر محمد بن جرشان بمحاوراته مع كبار شعراء هذا الفن من أمثال (أحمد الناصر، ومستور العصيمي، ومطلق الثبيتي، وصياف الحربي، وفهد المحيشير، وخلف بن هذال، والمعنى البقمي).

أما الشعراء الشباب في تربة هم أكثر من أن أحصيهم كما أن من ذكرت على سبيل المثال

وليس الحصر، وهناك شعراء سبق أن تطرقت لهم ولا أريد أن أكرر ما قلت، أما الشاعرات فيحتجنا وقفة أخرى.

[خيال مطير]

هذا اللي انا قدرت عليه يابو عبيد / أتمنى موضوعي ينال اعجابك , ونا كفلت نفسي وطلعت , شفلك أقرب عجوز . ولا شايب دخله ألسجن , جاك العلم , ياعود ضريه هههههه هههه ههههه انحاش المطيري , بطلنا خفاره , خفير بدون راتب , ونسو ان فيه ضرايب ,

[خيال مطير]

ليا غاب زولك واتصالك من انشد عنك

سوال ٍ جوابه كنت اظنه على بالك

تبيني مع أهل الديره أقول من عينك

وانشد عن اخبارك وانشد عن احوالك

أخذت الغياب بدون سابق خبر ديدنك

ولاخلت براقك ولا شفت همالك

بعد صار قلبي مسكنه فأيسرك وأيمنك

تغيبت عن دارك وقفلت جوالك

متى تسمح الفرصه وترجع على موطنك

ترى الأرض وقلوب المحبين تضمالك

بغيتك قريّب عن هموم الزمان ازبنك

ولا أحتاج فى جاهك ولا أحتاج من مالك

ابي همسة مثل الدواء فى النهار الضنك

من بعيد مالامست ثوبك ولا شالك

عليك الدروب مقفله جوهره في بنك

وحراس قدامك وحراس تبرالك

تجمّع جمال الخلق والخُلق في معدنك

تفردت عن غيرك ولا تشبه أمثالك

عليك الله انك لا تخليني انشد عنك

تراني تعبت وخل علمي على بالك

زيد بن راجح البقمي

[خيال مطير]

لاتيشيل في خاطرك يالعود مني بشي . أنا علمتهم أني , أقشر , ومرجوج مثل بندر بن سرور الله يرحمه .. بس الزين مايكمل حلاتهـ . الا بوجودك يالامير ’ ياشاعرنا الكبير , بوجودك حنا ولاكنا ×،, أحتراميـ لسموك الراقي

[رحيل]

دام المساء في حضوري شي ثاني
أنا حضرت و اسعد الله مساكم (:

> > الثقة ماشية مليوووون ههههههههههه

صح لسانك ابو عبيد
وصح لسانك بالخالدي
صح لسانتس نجد
صح ذوقتس جوج

صح ذوقك خيالوه ):

[ناصر الهواوي]

انهزم خيال اشوفه غز ساقه هارب=تاركٍ حزمة مفاتيحه على البوابه
ليه عجلت النكوفه (رحم) ابو هالشارب=كل ما عندك لنا جبته بساعه يابه
ياخفير السجن اشوف فيوز عقلك ضارب=الكفاله يابعد من غاب بايا جابه
ــــــــــــــــــــــــــــــــــــــــــــــــــ ـــــــــــــــــــــــــــ
وابا اروح اتعشا معزوم ولي ان شاء الله عوده

[ناصر الهواوي]

شف شعرها الاشقر اللي كاسيٍ هالغارب=مثل ذيل المهره اللي شعشعت لحرابه
ودوك رمش النرجسيه حين سلهم قارب=نصف وجنتهاولا يخطي القلب مضرابه
وسلامة الجميع
توقيع حضور

[خيال مطير]

الصوت منّي موجّه لناصر الهواوي العتيبي ..

ارجوا ان تنال رضاكم

الرنج والميراج!!!


سلامي سلامٍ ناعمٍ كنه الديباج = على اللي عن الطالات ماتقصر اشبوره
على المزحمي ناصر على مسندي هدّاج = ابن روق والتاريخ يشهد على دوره
يابو عبيد لا تذخر بجودك على المحتاج = الاضلاع محتله والأحوال مستوره
على ثومة القلب الخضر يلعب الطرباج = وعلى الخد مزنن يلتعج ما طفا نوره
وانا صابني في تالي الوقت نوع اخلاج = خلاج الحنون اللي على الفقد مجبوره
ابي رفقة اللي رفقته للصحيب علاج = رفيقن ليا مني زهمته خبط زَوره
الاقي لياشفته لكل الكروب إفراج = و اماشيه و اسمع هرجته و استمع شوره
مثل واحدٍ شرواك له سيره ومنهاج! = شبيهك وطبق الاصل والصوت والصوره!
انا ما اعرف امثّل ولا ادري عن الاخراج = ليا جاني الهاجوس وفيّت مقدوره
ما اعرف اهل المكياج ولاّ هل الدبلاج = ادبلج حسب عرفي والاجواد مشكوره
ابا انخاك تفزع لي على الرنج والميراج = وبفزعتك تصبح كل الامور ميسوره
تراني نخيتك والنخاوي لها منهاج = ومنهجك يا ناصر مورّخ بسبوره
رساله تخصّك ما يسولف بها الهرّاج = والاصحاب فرحانه والاعداء مقهوره

وهذه مجارات ناصر الهواوي!!!

هلا عد مالاح ال بروق الحيا وهاج=وعدد ما قرا القاري من الذكر من سوره
عسى الهجس يملي ما بغيته بدون ازعاج=ولا يترك خويه هالمساء عقب جا دوره
والعل القلم يصبغ بياض الورق بالزاج=وياليت القريحة تصخر القاف مشكوره
نسيم الصبا ذعذع وريح الخزامى فاج=من الشرق روضٍ غاشنه فتّق زهوره
زمرد وياقوت وذهب في خزينه عاج=دزوها هديه لي من الشيخ مذخوره
استقصا عددها واغلق الباب بالمزلاج=وقال ادخل لو ان الباب رزته مكسوره
وحاولت ادرجها الهوينا حسب ما احتاج=ما اوطيها الحفى والبكر ما ينكسر كوره
ما ظنيت انا بيني وبينك عتب واحراج=لويش الضباب اللي يضلل على الصوره
علينا نسج الرجل لا وافقت مسهاج=والمذهب حشا يلقى الذهيبه بلا دوره
ونجرب حلول ومثل ماقالوا الهراج= ان ما عشرت ما ضرها شعيل في زوره
ونبا نبذل المجهود ونحاول المخراج=وراها وراها سعي لو لفت الكوره
وانت اوط وتثيقل والولي بيده الافراج=ولا ينلام عودك لا بذل معك ميسوره
انهيت القصيدة عقب ما انتفخت الاوداج=مجهود المقل وسيرة النقد محضوره


منهو يابو عبيد هذا الشاعر

[خيال مطير]

عبدالله بن طلال


يا زيد بن راجح!!!

يازيد ابن راجح تحيّه من الجوف = انقى من الحب النقي والمودّه

تبرق على نجران والعالم تشوف = وترعد على الدمّام و اتسيل جدّه

ضبابها يجتاح عرعر مع الجوف = وهتانها يمطر على نجد مدّه

ياشيخ .. حنّا ما بلانا من الخوف = كل البلا من بايعين الأشدّه

احلامنا ضاعت على سوف ما سوف! = مابين ابو كرشه ومنفوخ غدّه!

واجيبونا ماعاد تومن من الحوف = ومانعرف المبغض من اللي نودّه؟

ما عاد نلقى بعض الايام مصروف = من سبّة اللي ما يحيط اسم جدّه

فارٍ تجنّس يقرض القطن والصوف = لارحنبو من بادله بالمودّه

ما اقول غير الاصل له دور معروف = و لابد للغلطان ياقف بحدّه

وتفنى الليال وتالي الكدّ مخلوف = جعل الحصيل اللي فقدنا نردّه


وهذا صداه الجزل وصح لسانه دوووم : !!!

من نجد ذعذع تالي عصيـر هفهـوف = يـا حلـو ذعذاعـه ويـا حلـو نـدّه

فزيـت لـه فـزة كريـم ٍ ومضيـوف = تقـري تراحيبـه لهـم قبـل مــدّه

يا بن طلال الوقت سجـات وصـدوف = يبنـي مـن الاحـلام قصـر ويهـدّه

والناس كل ٍ عنـده همـوم وظـروف = تعيـش والدنيـا سهـالـه وشــدّه

واللي يسوي في هل الطيـب معـروف = مـا ضـاع معروفـه ولا خـاب كـدّه

مير أنت خلك سيف في خزنة سيـوف = في نجد مـن عرجـا لمركـز مصـدّه

لـون شفـك عندنـا وافـق شفـوف = ريع الجهـل لـو ينفتـح مـن يسـدّه

والناس تحت الله مساكيـن وضعـوف = وكـل ٍ مثـل مــا قـيـل ودّه وودّه

وكانك تبي من كتف زومان غضـروف = غيـرك يبـي زومـان كلـه بـبـدّه

واللي عن أخطاء الناس ماهوب مكلوف= = قولـه تمعـن فيـه وافهـم مــردّه

[خيال مطير]

الله من قلب سطى فيه هاجوس
زاد العنا به يوم حالي سطابه
مكن صوابه دون دقات وجروس
واحتل دار مبطي ما هقابه
وأنا أدري إن الوقت تجريب ودروس
ونوع البشر فالطيب مثل السحابه
أحدن تمرك غيمته كنها شموس
وأحدن غمامه مير ما حدن درابه
أحدن سحابه رش هتان بطعوس
وأحدن تمري رشته في ترابه
أحدن مناقيعه مثل محكر رسوس
وأحدن يقشوع أرضها والشعابه
أحدن مثل مزن به السيل محسوس
وأحدن يضك الاوديه غزر ما به
هذا وانا ماني على الناس جاسوس
لكن فعول الناس ماهي تشابه
قلته ولا ودي على قولي فلوس
ولا اعد نفسي فاهمن بالكتابه
أوجزت موضوعي والاكثار منكوس
كثر الكلام يعيب من هو حكابه
وصلاة ربي ما ضرب قمع نادوس
وإعداد صيدن حايم في هضابه
على محمد سيرته خير محروس
نبينا المختار ربي هدابه

[خيال مطير]

طيري غدا


طيري غدا ياحمود والقلب راجيه
أقفى بعد ماصاد برقى الجناحي


ياحمود عيني تالي الليل تبــكيـــه
عفت الهنا والزاد عفت المراحي


يا طير قلبي لاتزيد الــــــبلا فيـــه
يكفيه مابه من هموم وجراحي


قامت خفايا الروح دايم تــــناجيه
والقلب ماذاق الهنا وستراحــي


ياحمود طيري لابرق الريش غاديه
لاوا خويه يوم ياحمود راحــــي


يا شيخ والله ما يعوض الثمن فيه
اللي يجيب الخرب لاوحى صياحي


ما فيه طير ٍ يا رفــيقي يساويــه
أقفى وقفت به هبوب الرياحـــي


لا شفت وكره قام فكري ينــاجيه
وارفع بعالي الصوت والدمع ساحي


ويا حمود لو كثرت علىّ المشاريه
في طيري اللي شفت منه الفلاحي


بادرج بدمع العـين وأومـي وأنـاديه
يا جعل دربه لي وعـوده سماحـي

[عبدالله الصقري]

هذا اللي انا قدرت عليه يابو عبيد / أتمنى موضوعي ينال اعجابك , ونا كفلت نفسي وطلعت , شفلك أقرب عجوز . ولا شايب دخله ألسجن , جاك العلم , ياعود ضريه هههههه هههه ههههه انحاش المطيري , بطلنا خفاره , خفير بدون راتب , ونسو ان فيه ضرايب ,


لا والله المهستر
هههههههههههههههههههههههههههههههاااااااااااااااي

يسعد لي صباحكم جميعا
و صحت السنتكم و اذواقكم و تواجدكم
و سامحوني ترىمهما ابطي مالي غنى عنكم


..


القريحه ميّته بعد الكورونا
لا بغيت اكتب لكم طاح القلم

نستحق اللوم ممن عاتبونا
لومهم فقد وغلا وهذا الأهم



بس و سلامتكم جميعا

[ناصر الهواوي]

ياصباح الخير ودهنة السير وهدة الطير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
ارحب يالخيال وما قصرت الصوت حسب ظني لمحمد بن عوض الله/ابو بندر
اهلا يالحفيد وكرونا كفانا الله شرها (علة الرخوم)استعن بالله عليها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ
مرحبا ما استخدم الرسام لونا=وطرطش اللوحه بريشته ورسم
مثل ما دون بكراسة فلونا=وما نطق جوالها باحلى نغم
بالحفيد وربعنا اللي هملونا=وجه سجن ابداعهم منهم وجم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
بعد هالثلاثه يالحفيد ادخل ادخل هون=بسجن القصيد اللي تلاشوا مريدينه
ابا اسمعك لون من الطواريق واسمع لون=نضمته لعينيها وكثروا مغنينه
ورا من نبيهم عندنا بالبلد ينحون=فقدناه مده وين ربعه مودينه
ادرهم على درب مشوا به كما المجنون=خطا فعلتي لكن انا اشوفها مصيبه
اقفوا بالمعنى بين نحر وسحر مرهون=وانا ما اعرف لو طولوا وش تسوي به
شِلعته برمس بهمس هالقرمزي وعيون=و جيدٍ لمعته صاف الذهب تقدر اتذيبه
انا كيف الوم حجاب في عصر نجدي فون=والا الوم ابو هذال ساعة عوى ذيبه
يقولون هونها حسب طاقتك وتهون=وخلي الفواد ينمق الحكي ياطيبه

[ناصر الهواوي]

انزل اشوف مشاهدين المواضيع=وبالغالب القاني لوحدي مشاهد
ياهوه لا تتركني لحالي اضيع=ارتاع ليله غبتها وانت شاهد
لمشتريك بماملك تقدر اتبيع؟؟!!=لو في نعم جابتك خنت المعاهد
تسليه للحفيد

[خيال مطير]

https://www.youtube.com/watch?v=E6Q-vaybclU

[ناصر الهواوي]

احيه يالبرد مع حامي لهيب السموم
تصيبني قشعريره لا اطرو الساميه

ينلام من لي على ذكر الغزيل يلوم
لو كل ما حشت منها اوعاد واوهاميه

عن غيرها ياخفير السجن انا ازمعت اصوم
ايهامها بالغلا لي خفف آلاميه

الف وميمٍ ولام ابـ...بابه اقعد واقوم
ويبدو لي اني ابـ..بابه خابت آماليه

مع الف ليله وليه الف يومٍ ويوم
مالليالي بحالاتي وانا ماليه
مجرد هواجيس

[الجووهره]

يسعد مسآكم
وصحت الالسن والاذوآق
ودآم حضوركم وابدآعكم

ومبروك الحريه للسجين الهآرب خيال
ومين السجين ؟؟

[الجووهره]

تسآلي للسجين
والجمييع

يقول دآيم السيف

‏يموت الشجر واقف وظل الشجر ما مات
‏رياح الدهر تصرخ وهي تجرح جنوبه

‏لك الله شجر للموت ماترخي الهامات
‏بقت وقفتك يارافع الراس مهيوبه

‏شجوني لها مع وقفتك يا شجر وقفات
‏عيون النظرة مع نظرة الفكر مصحوبه

‏شموخ الشجر عبره لمن يفهم الشارات
‏والإنسان في غفلة و الأيام محسوبه

[الجووهره]

https://l.top4top.io/p_1704m0rjd0.jpeg (https://top4top.io/)


‏اقرب مسافه وصل (بينك وبيني)
‏واشوفها : (بيني وبينك) بعيده
‏.
‏تدرين "ابيك" // وادري انك "تبيني"
‏والكل منا عزة النفس ،،، قيده
‏.
‏وش رايك اصارحْك // وتصارحيني
‏ونعيش لحظات الغرام السعيده
‏.
‏تراني اشوفك تشوفين عيني
‏واسوي اني منتبه للجريده :)

[الجووهره]

‏لاغاب عنك اللي غيابه مصيبه
‏وطالت به الغيبه ولاجابه الشوق

‏ما فيه داعي تنشده عن مغيبه
‏ماغاب عنك الا وهو منك مسروق

‏خله يكمل غيبته وش تبي به
‏لا تلحقه لو كل مطرود ملحوق

‏ترى المحبه ما تجي ب الغصيبّه
‏لو السما تطبق على الارض من فوق

[الجووهره]

‏مافيه مثل العافية سـتر وغـناة
‏إن جات للمسلم .. تراها كافية

‏كم واحدٍ يطلب ملذات الـحياة
‏وإذا مرض مايطلب إلا الـعافية

[الجووهره]

‏لا جفاك النـوم والعالـم رقـود
‏وأمتلاء صـدرك من الهم وغثـاه
‏،
‏فـرّغ همـوم الليالي بـ السجـود
‏وأطلب اللي ما يخيّب من دعـاه

[حمد الخالدي]

https://www.youtube.com/watch?v=e6q-vaybclu

أذانه النجدي شجي
حدا خوالي برمج أذانه على التايمر فمسجد المزرعه
الله يغفر له و يرحمه ويسكنه فسيح جناته وموتى المسلمين

[حمد الخالدي]

السجن سجانه اصبح مذن ولا ندري
الله يسدد خطاه ويسعده ويديمه

والهواوي نام باسباب الطواري بدري
بعد ما مل الأمل طالت به التسليمه

والذوايق والتسالي وسعت لي صدري
فالصدارة يا جهير وأمطري يا غيمه

وإن نشدتي منهو المسجون قلت الصقري
ما بعد شرف وناصر خطط لتسميمه :)

[رحيل]

يسعد مساء ناس علينا عزيزين
قبل اللسان القلب ساق التحيه

مكانهم عندي على الرأس والعين
واحبهم في الله ومن طيب نيه

مساء العود والمسك (:

صح الله لسانك ابو عبيد مبدع دائماً
وابداً

الخالدي صح لسانك
الصقري صح لسانك ومنور المعتقل

خيال
يعطيك العافيه ماقصرت > الحمدلله انك طلعت ههههههه

جوج صح دوقتس على هالروائع
والصور (؛

[خيال مطير]

أرفع لك البيضا ( وفا ) وين ماكنت= وأسوق لك جزل القصيد النقاوي
لآهنت ثم لآهنت لآهنت لآهنت = ياصامل الهقوات زبن الجـــــلاوي
أحد بنا جدره من رخام وأسمنت = وأنا بنيته بالفخر يوم أخــــــــاوي
خاويتك بسلم الرجــــال وتمكنت = من مكسب يبحث وراه الغنــاوي
الطيب وعلوم المراجــل وأنا وأنت = نبقى على مر الزمن بالتساوي

[خيال مطير]

السجن سجانه اصبح مذن ولا ندري
الله يسدد خطاه ويسعده ويديمه

والهواوي نام باسباب الطواري بدري
بعد ما مل الأمل طالت به التسليمه

والذوايق والتسالي وسعت لي صدري
فالصدارة يا جهير وأمطري يا غيمه

وإن نشدتي منهو المسجون قلت الصقري
ما بعد شرف وناصر خطط لتسميمه :)

Sh Lsank Hmd (صح لسانك حمد)

[خيال مطير]

جبت المشاعر كلبوها من أقصـاي=هذي مشاعـر خاطـري ياوليفـي
عانيت من دربك وأنا رايحن جاي=أقضي على دربك شتايه وصيفـي
أعزفلك ألحان المشاعر على الناي=سيفونة ألحانـي ونظمـي وكيفـي
داخل ضلوعي من يسوي سوايـاي=وحدك ترى ظلي وشمسي و طيفي
لغبت لحظه بخاطري تسمع بكـاي=مجنون حبك صار عقلـي خفيفـي
أغرق بحبك وأنت شاطي ومنجاي=وأمدلـك يـد المواصـل لهيـفـي
دوك الحنان اللي صفالـك بيمنـاي=وأنت مخدوم ومهتني وسط ريفـي
أنت الغلا وأنت الفرح وأنت ملهاي=وأنت الحزن وأنت العنا وأنت زيفي
عطيتني ثـوب المحبـه لفرقـاي=ثوبـن ملطـخ بالدمـا والنزيفـي
ياويل حالي ليـه ماتسمـع نـداي=هذا حدود الصوت وأخر رصيفـي
أشكي علـى ربـي ولله مشكـاي=عله يـرد أغمـاد قلبـي لسيفـي

[خيال مطير]

ان مت لالالا تقولون مرحوم = مرحوم مبغاها من الناس ياناس
مرحوم ابغاها ممن دام ويدوم = اللي يزيل الهم والغم والباس
يارب لاتبخل علينا بمقسوم = في جنتك نبغى مقاييس قياس
ابليس ماهو عن عبيدك بمحشوم = اللي طلبك وقلتله روح لاباس
طلبك طول العمر ونشوفه ايحوم = بين الخلايق شغلته دوم وسواس
وانا على طاعتك بشري وابا سوم = واسعى للتمجيدك على صحوة الراس
ولاني من الاخطاء والكّسل معصوم = مادامك الرحمن ماني بمحتاس
يالله حققلي مطاليبي اليوم = وارتاح فالدنيا بتكييف من هاس
والاخره مالاحقن شك وهموم = من تحت ضلك ماحدن صار منداس
صلات ربي عد من صام ويصوم = على النبي اللي لعن كل خناس

غازي العتيبي

[خيال مطير]

https://www.r111n.com/f117-2.html

[رحيل]

https://twitter.com/r111n_511/status/1300771160905469955?s=20

https://twitter.com/r111n_511/status/1300771627194515457?s=20

https://twitter.com/r111n_511/status/1300774267441811461?s=20

[الجووهره]

مغرب الخير
ههههههه
ماتقلد أحد
ويسعد أيآمك رحوله والجمييع
وتسلميين أهم شي الصور
هههههههه
ويعطيك العآفيه على نقل القصائد
الى حساب روآسي


وهلا بك شآعرنا الخالدي
وصح لسآنك ودآم حضورك وابدآعك
أجل السجين الصقري. يعطيك العافيه

ويعطيك العآفيه خيال على التسآلي الرائعه
و التفاعل بالعربي والانجلش المعرب
هههههههه

وين شآعرنا الهوآوي
عسا مانعه خير ان شاء الله

[الجووهره]

يقول شآعر الوطن
خلف بن هذآل

يانجد جعل مروّح الغيث يسقيك

يعل ريضانك ويسقي ضماياك

يا نجد حبيناك من حب راعيك

اللي بنى مجدك وصانك وسوّاك

[الجووهره]

ومنور السجن الصقري
وابشر بالتسآلي

[خيال مطير]

إصابة الشاعر عبدالله بن عون وزوجته وعدد من أفراد أسرته بـ كورونا

[حمد الخالدي]

احمد الله وأشكره مير الوطن يا كبره
حجرنا خلص وصاير مثل ابن بطوطه

كل يوم بديرةٍ لا يا لطيف الدبره
أتقهوى مير ما به دلةٍ مضبوطه

القلم من فضل ربي ما نقص من حبره
مير الأخضر عاقب الطرقي وهو بخطوطه

الهواوي في صرامه يشتغل بالخبره
يامر الهندي بحلمه ما يهوز بسوطه

طربلوا حيضانكم حذرا تمر الإبره
والله يجيب العميل المقتصد بشروطه

الهواوي خابر ذراعه وخابر شبره
هالليالي كلها للمزرعه مسفوطه

ومن يشكك في كلامي ياخذ من الصبره
قبل ما ياصل ضرية عن طريق الحوطه

:)

[حمد الخالدي]

إصابة الشاعر عبدالله بن عون وزوجته وعدد من أفراد أسرته بـ كورونا

الله يشفيهم وكل مريض

[حمد الخالدي]

يا الربع صحت السنكم وذوايقكم وطابت كل اموركم وسلمت أبدانكم
اقرا كلامكم كله من معزتكم وما يحتاج
مير اعذروني..يمكن نوبة ما ارد عليكم اما انسى او ما انتبه او عجز واكتفي بالاعجابات صح بدنك صح لسانك وندور خخخخخ عجاز وإن شديت حيلي عساي اكتب بيتين :)

[ناصر الهواوي]

مساكم فل وريحان وكادي
ابدا ما قصرت وودنا بسم الابن ع شان نخاطبك به وصح لسانك ودام حضورك
اهلا يارحيل وبارك الله فيك وبجهودك الطيبه
اهلا يالجوهره ودم حضورك
ارحب يا خيال ماقصرت ابدا وسلمت ودمت

[حمد الخالدي]

مساك فل 95 خخخخخخ
هلا بك ابو عبيد الله يجمل حالك وصح الله بدنك
الابن ما بعد جت امه مير ابو عبدالعزيز ابو خالد كلها سيان عندي :)

[ناصر الهواوي]

مرحبا ياغور شاعر مع صعوبة سبره
قمة الابداع والامتاع معطا نوطه

الخواطر بالتوسع يالبطل منجبره
ماوصل حده نكس ضده بكل شروطه

بالاوامر هالليالي خافضين النبره
وش نسوي لجل ينجح شتلنا للقوطه

والتمر ما كيسوا للكنز حط بقبره
شي في علبه وشي ابـ..باغةٍ مربوطه

المعنى ياحمد به لين وانت تخبره
وكل ما اوموا له بملواح انطلق شبوطه

ما كسب رغم التجارب في مساره خبره
من خزن له خزن ساحر ما تفك خيوطه

ياحمد بعض الجسوم اتقول كله هبره
منزوي وسطه وفوقه واسفله مضغوطه

ما يشاف بلبته والجيد صافي تبره
والكعوب امع الزنود من الترف ممروطه

[عبدالله الصقري]

السلام عليكم
اجل كل من سير انحبس
هههههههههه
صح السنتكم وذوائقكم جميعا

يا مسا الأنوار و النسناس جاكم بحري
يستشفه ساكن الفله و ساكن خيمه

ممطر ٍ بالحب منبت في الرواسي زهري
من حقوق الوسم يسقيها الغلا من ديمه

لا تمهزا بالمرض ما هو لرخوم و خكري
شاهد الآلآف ماتوا من بعد تسميمه

الله يكافيك شره .. ولو بجسمك يسري
كان ما شفنا لزولك من قبل ترميمه

و احمد اللي منه عافاني و كلل صبري
بالفرج و اغدق علي برحمته و تنعيمه

ردني لاهلي بعد ما جهزوا لي قبري
حالتي خطره و صدري زفره و تكتيمه

النَفَس بالأجهزه .. و الزاد ليّ ِ يفري
للجسد واصبحت كالمشلول ماله قيمه


و سلامتكم

[محمد الغنامي]

السلام عليكم ورحمة الله وبركاته
اسعد الله مساكم بكل خير يالرواسي الاعزاء
صحت الالسن جميع وصحت الاذواق
ودي اشاركم بس الجعبه منشقه هههههههههههههههههههه
ماعاد تلزم لو شطر ولاتجيب ولاتودي
مير الله يزينها

[عبدالله الصقري]

امين يارب
وحياك ربي ملاييين
وجودك يكفي يا عسل
تحياتي لسموك

[الجووهره]

يسعد مساكم وصبآحكم وكل أوقآتكم
منورين جميعااا ودآم حضوركم وابدآعكم

الهوآوي ، الخآلدي
صحت الالسن على هالابدآع والجزآله

خيآل

هلا بك والله يشفيهم ويشفي كل مريض

الصقري
منور الزنزانه
وصح لسآنك على هالرآئعه
والحمد لله على سلآمتك
والله يشفي كل مريض

محمد الغنآمي
هلا بك مديرنااا
منور بعد الغيبه
وسلامة جعبتك ههههه
الله يزينهااا ونشوف ابدآعك

[خيال مطير]

السلام عليكم ورحمة الله وبركاته
اسعد الله مساكم بكل خير يالرواسي الاعزاء
صحت الالسن جميع وصحت الاذواق
ودي اشاركم بس الجعبه منشقه هههههههههههههههههههه
ماعاد تلزم لو شطر ولاتجيب ولاتودي
مير الله يزينها

عليك بزيت الزيتون .

[خيال مطير]

Sht Al'alsn Wladhwaq (صحت ألألسن ولاذواق)

[خيال مطير]

. يقوووووووول شاعرنا الهواوي

باسم الذي يبدا اbمور ويعيدي=سوى السما وارسى اbراضي باbطواد
بذكره نويت الليله ابدا قصيدي=واصدح بتمجيده على روس اbشهاد
ومن بعدها يا مرحبا يالجليدي=تحيةٍ من ذا الى باب بغداد
سكبت فيها كايف الطيب بيدي=وفاحت مباهر كيفها هيل وقناد
للي لجزbت المعاني يجيدي= ويغلق مداخلها على كل نقاد
شورك لمن قلبه بدا يستعيدي=عصرٍ تقافت به ضعونه وb عاد
دكت هواجيسه وعيت تهيدي=تسري جموع وتسرح الجهمه افراد
منها الحديث وشي منها تليدي=في ذكرياتٍ له مراميس وجداد
نوبٍ اتعرض له بلبه وجيدي=ولها على الخرس النواعيس معواد
يعيش بين الناس كنه وحيدي=عابس وجه ما يبتسم دوب بالكاد
ويقول لو قلبي خلي وبليدي=وش عاد دام الحظ مثبور وش عاد

.................................................. .....................................
ا ياهل الكويت الله يسعد مساكم=ويجعل لياليكم مسرات وافراح
تحية بالطيب تدهن لحاكم=واخص غالينا العزيز ابو جراح
عزالله ان القلب يبغى لقاكم=لو شافكم يمكن يهود ويرتاح
اهضابنا تشكي تزايد جفاكم=وواد الرشا من هجركم عيشه اتراح
والنير لولا البعد يمديه جاكم=وعسعس لديرتكم يطري لمرواح
ووسط يبيكم والغرابه تباكم =حتى النضيم ليا اطروا السالفه صاح
هضاب القليب دموعها من غلاكم=بالليل تذرفها وتهمل بالاصباح
وانا اتفكر وش هو اللي دهاكم=رحنا ضحيه بين سارق ومزاح
فينا السبب والا السبايب بلاكم=متى القطيعه يافتى الجود تنزاح
ضاقو حبايبكم وفرحو عداكم=ياحيلة الله وين قول النبي راح
هل ربكم للفعل هذا دعاكم=وشلون يوم العرض ترجون الارباح
اسالكم باللي لدينه هداكم=تراي اخو مخلص ومشفق ونصاح
عدوكم لاتتبعونه خطاكم=وابغو رضا اللي مد موسى بالالواح

[الجووهره]

يعطيك العافيه خيآل
ويسلم ذووقك


تسآلي للسجين الصقري
والجميييع

تسآلي آخر الليل


‏إذا انشدوك الناس فاحرص على الميم
‏ما شفت.. ما سوّيت.. ما قلت.. مدري!
،،،،
‏اللي مضى لك أمس مايرجع اليوم
‏وأرزاق بكره ماتجي قبل بكره

.،،،،
‏إحذر تغش الناس لو كان غشوك
‏غادر بصمت وخل خاطرك صافي

‏و الدرب خله سمح لا تزرعه شوك
‏يمكن يجي لك يوم وتمر حافي

،،،،

‏كثر الحكـي ما فيـه غيــر المضرّه
‏والصمت به حكمه وهيبه ومقـدار
‏
‏ما يندم العاقل على الصمت مرّه
‏ويندم على كثر الحكي عدّة أمرار

،،،،

[الجووهره]

‏صـباح المحبّه والرضا والأمل والنور
‏بعـــزّة جـلال اللــي رفَعْــها وطَمّنْها

‏بشاير صلاة الفجر فالخاطر المسرور
‏مــن الله مفـاتيح السـعاده ومَكْمَنْها

[ناصر الهواوي]

صباح الخير ع الجميع
لا يالصقري انا ما استهزي بالمرض لكن احمسكم على الصبر والتحمل والرضا ونحمد الله على سلامة السالمين وعافية المعافين
وصح الله لسانك واعتبر الزنزانه منتجع للنقاهه فقط ههههههههههههههه
اهلا بالخيال والخوات
ارحب يابو بندر والجعبه تصنع للسهام من الجلد وتخرز
شف قبل اربع صفحات تقريبا صوت وصداه مني هل الصوت لك؟ تراه قديم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ

‏
وش بشيخ القوم يزعم جعبته منشقه= وهو من اول ما يشيل الجعبه المشقوقه
ليش يحرمنا البيوت اللي تقاطر رقه=بالأنيق اللي كما طعم العسل منطوقه
صدته عنا بدون اسباب موووو من حقه=ولو يهمهم همهمه نقول يسلم بوقه
قلتها تقديم يمكن فيه تحدث طقه=وتلذعه وتسير قيفان الغزل بعروقه
ومن بعد ذا ياهجوس الشعر عرقي سقه=جب عديمه في وصوف الغاده المرموقه
شِقْ من قلبي مصيف وصار مشتا شقه=عام كامل في تجاويفه قدمها اتسوقه
وكان ما جاني منه من علم جا من صدقه=يابو بندر يا عصابة جبهتي/ياااابوقه

‏
‏

[ناصر الهواوي]

جميله ورايعه هالتسالي يالجوهره وحضورك اروع واجمل الله يجمل حالك
ذكرتني (الميم) في بيت يقول/ليا نشدني واحدٍ قلت مدري= حيث ان في ما ادري تضيع البصاير
منقول
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ

‏

قالوا علامك منكتم؟ قلت ما ادري=وضيق الصدر وش سببه؟ قلت مكتوم
وش للبشر فيني وفي ضيق صدري=طبع الفضولي يشمت الناس وايلوم
نسمة هواء من يمة سهيل بدري=هبت وفي احيت علامات ورسوم
لمن خف في ميزانه اليوم قدري=برغبته والا بضغطٍ من القوم
عين اجبليٍٍ عاث في جول كدري=له ذابحٍ ما يخطي القلب مسموم
انخاه لايهدر شقا عمر هدري=وعلى جدار ايوووووه لا ينعق البوم

‏
‏