هنا .. سجن القوافي !!

[الجووهره]

‏هبوب الذكريات اللي تهبّ عْصَير بالمشتاق..
‏قبل وقت الغروب وتحرق أعصابه هبايبهاا
‏.
‏تهزّ إغصون قلبي لين منها حتّت الأوراق ..
‏وتمسي تشكي هْجوس الضماير من سبايبهاا
‏.
‏على اللي تلّ قلبي وإرتحل والصبر ماينطاق..
‏وذخر لي ذكرياتٍ فالحشاا شبّت شبايبهاا

أعجبتني ل متنبي نجد

[خيال مطير]

آخر عباراتي وداع ،وآخر مشاويري رحيل
جيتك وبي لفحة ضما واقفيت كبدي ناشفه
اصعب كلام أصعب خبر صرخه عقب صمت طويل
مثل الهدوء اللي سبق لحظة هبوب العاصفه

وأنتي بمتناول يدي ، تبدين مثل المستحيل
في عشرتك صوت العقل يقتل طموح العاطفه
الحب ماهو كل شي إليا وقف حظٍ بخيل
قلوبنا مثل العسل بس الظروف مصالفه

لاللندم ،لاللعتب ، أوشي من هذا القبيل
وانتي ماجا منك خطا حتى تقولي اسفه
من غير ليه ، استسلمي ،واستلهمي صبرٍجميل
ولاتسأليني وش جرى مالك بطول السالفه

قولي لهم ياعزوتي ماعابنا موت النخيل
اللي يوافيها الأجل وتموت لكن واقفه
آخر عباراتي وداع آخر مشاويري رحيل
جيتك وكبدي ناشفه واقفيت كبدي ناشفه



الله يرحم شاعرها

[خيال مطير]

http://www.alriyadh.com/media/article/2013/12/07/img/964573031883.jpg

ياويل حالي شافت العين نوه

تل قلبي برقه اللي بالخيالي

حتى رفيقي اليوم زان جوه

لهب نسناس الهواء من شمالي

جاب الحطب وقام يشب ضوه

يحط معاميله مع صفر الدلالي

وجانا الغيث يتحدر من علوه

كنه الشلال من فوق التلالي

يازين رفقة القروم هل المروه

والله اني بدونهم مسوى لحالي

ولاشافني مشمر قال ياالله قوه

هم عزوتي واخوتهم راس مالي

دروب المراجل مابها ياعسى ولوه

الصدر مستاسع ومن الهم خالي

يطول علينا الوقت ولليلنا توه

وكل منا لااهين بشغله وسالي

دوكم القصايد في وصف الاخوه

من شاعرآ مابه نقاش وجدالي

قصيد جزل المعاني لايمكن يتوه

ولاجاء مجال الشعر قلت هذا مجالي

عبدالرحمن ابراهيم العمريلاوالله

[خيال مطير]

يا عبيد يا وجدي على شاي قبل أمس

شاي مزج يا عبيد بالزعفرانِ

مْصلّحه مركوز الأنهاد بالخمس

راعي ثمانٍ كنّها القحويانِبندر بن سرور

[خيال مطير]

•عودي علي بسرعةٍ تسبق البرق = عودي ترى الفرقى تهدد حياتي
يا منتي من بيض من سمر من زرق= يا رغبتي يا غايتي يا غناتي
امشي من الطايف على وجهه الشرق = ارجو التوجه بأسرع الطايراتي
صحيح من قال العذارى بهن فرق = الاسم واحد مير متخالفاتي
في جرح قبل و زوده بعدكم حرق= واصبحت احسب سيتي واحسناتي
انت درقتيني بدعوى السفر درق=عسى عدو عينج يسوي سواتي
تطرق ضلوعي من سبب بعدكم طرق= القلب يضربهن وهن مقفلاتي
وانوح نوح منوحاتٍ من الورق = لا شفت بعض اثيابج معلقاتي
هذا محل الضحك والمزح والقرق = وهذا محط المعطفه والعباتي
موتي حدث ماهو بذبحٍ ولا غرق =شهيد حب امواجج المرسلاتي


الله يرحم شاعرها

[خيال مطير]

https://lh3.googleusercontent.com/proxy/NTmjWD7cR7QcuycJjDmuezQP5NXdow4x7hhO3EXqvk-57d3hd7StkIlSb16JnaFuk55W2c5d69mj_s7Rz1ZukAMjmsbHi 4GejIRZ

القهوه يابو عبيد . أقرب جاي وخل عنا التميلح

[خيال مطير]

الله من واهجٍ فالصدر عيا يروح
له صلوتن في ضلوعي مثل صلو السمر
ياصدري اللي ليامن ضقت تعجز تبوح
الله يعينك على همٍ معي مستمر

وين انت يااللي لياشفتك تطيب الجروح
انتَ علاج الجروح المزمنه ياقمر
والدلّه اللي تهيل كل يوم وتفوح
عجزت لشرب بفنجالي ولا آكل تمر
قربك وشوفتك والله ياالجناب ياالسموح
هي لذة ايام عمري كان باقي عمر
غيرك يمر بخيالي فتره وثم يروح
وانت تمر بخيالي بس تامر امر

هذال ضاوي العتيبي
http://www.alriyadh.com/media/article/2013/10/28/img/724805925020.jpg

[خيال مطير]

http://www.alriyadh.com/media/article/2013/10/25/img/142504329094.jpg

خذت من روحي لروحي نصايح
ثلاث يرْضَن النفوس الضعافي
جمع الحطب ومْعَلقات الذبايح
وحذف النشاما للغترو الطواقي
بقفرٍ خلا عشبه بالأزهار.. فايح
وغصن الخزامى له بالآخر مواقي


شعر/ خلف بن هذال العتيبي

[خيال مطير]

http://www.alriyadh.com/media/article/2013/11/03/img/911450164058.jpg

حمام ياللّي على مرقاب
ذا النوح يا شين وش بابه
يالوِرق ليتك تشد الباب
ليتك ترى ويش حنابه
ذاك الطرب يا قميري غاب
صرف النبا دار دولابه
تدري يا ورق راسي شاب
كلّه من الغَي وأسبابه

عبدالله بن ربيعة المريدي

[خيال مطير]

http://www.alriyadh.com/media/article/2013/10/30/img/328069831478.jpg

حرثت بالملقاط وأشتبت ..النار
أثر الجمر يبقى بعد موت...ناره
وهذا الذي بالضبط ساقته الاقدار
للطيب اللي مات وأرًث..تجاره
والإ العفن لو طال عمره فهو..عار
يموت حي وتحيي الخلق..عاره
وعلى العموم أشكرك ملقاط الأسرار
ذكرتني ماكنت مسْدل.. ستاره
خطيت لي بيتين بالبيت..تذكار
وأهديتهن بالود لأهل العماره.


نافع مفرح البشري

[خيال مطير]

http://www.alriyadh.com/media/article/2013/10/30/img/160185441324.jpg

ما عرفت انساك.. في ظلّ الحياة
ساريٍ في كل فكري والخفوق
غايبٍ لكن.. مُحاذي الذكريات
كل عام وكل فكره وكل شوق!
هاتني من بين أغصان النبات
هاتني ان ما تّسع منّك عذوق
طيبٍ قلبٍ يُجازي المعضلات
بالعطاء اللي تدفّق بالعروق
بح صوتٍ واستحالت مُعطيات
كانت أوفى لو توفّى للشروق
وين ما ارحل.. ما ألاقي منْك آت
تُدهش أوجُه ملّ منها دمع موق
في سبيل أشياء تُخفى عن أُباة
نستشف الحلم من لمع البروق
من زمان احيا على ذكر الرفات
من قبل فيض السنابل ما تروق
جاع طيرٍ مالقى أية نواة
رغم أن الدرب واضح.. ما يعوق
سلّم الأشواق في أمن وثبات
للذي قد هان عنده مايفوق
من سنا بعض الأماني والأناة
لين يبقى للعذر مغزى وذوق

سارة العتيق

[حمد الخالدي]

صبحكم الله بالخير جميع
لا هنت يا خيال محيي المحل ومبخره ولا هانو رواسينا
تسلاية للسجين كان الله في عونه

..
يا اللي تركت القميري وش تبي بالقطا
ام صتمتك من ردى الاحوال تنعى نعي

صر الفشق وستلم من هاجسٍ ما وطا
غير القفار البعاد وصابر المدعي

لا ابطى علي صاحبي بالوصل أغيض البطا
وإن كان طيب وانا صديت يسعى سعي

دنيا التجارب تعلمنا ولا به خطا
غير الخطا والتمادي به وقل الوعي

وهه

[ناصر الهواوي]

للشعر لون وهالقوافي لها لون=للشاعره نقاط قوه اتعدا
متميزه من قبل والكل يدرون=بابداعها بالشعر قامت تمدا
للمادبه يابنت شاكر وممنون=وللوصف جزل الشكر صار المبدا
يابنت والمنقذ من النون ذالنون=بماقلت ما بيحت للود سدا
بطاروقي اغني مع اللي يغنون=ليا امتد مضمار الغزل واجرهدا
لاهنتي انتي والربع ما يهونون=القاف شاب ابا ارتكي واتغدا
ههههههههههههههههههه

[ناصر الهواوي]

يامرحبا يالخالدي وبماجبت وعليكم السلام
عزا الله ما خلوا لا قميري ولا قطا حتى عصيفيرات الروض محوهن هههههههههههههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
يالشاعر اللي بذكر الصيد صمم غطا
للشرح والا من اجل ابهام ما يدعي

من حسن ذاته على هجراننا ما سطا
حيث انه ايعرف قدره بالقلوب ويعي

ليا عن مهر البيوت الخالدي وامتطا
قلنا لسجعة قوافيه العذاب امتعي

[ناصر الهواوي]

لسان حالك يقول
اقرب تقهو وخل عنا التميلح=انا اشهد انك يا ابيض الوجه (مملوح)
عنهم تنحى بك حظيظٍ اكيلح=ولا احدٍ جزع من ما كتب له على الوح
لو صالحه رافت بحالة مصيلح=ما شافته في سوق (وجداه)مطروح

هههههههههههههههههههه

[حمد الخالدي]

هههههههههه
البقا يا مرحب
الله يعافيك يا ابو عبيد ويسلمك
عز الله ما خلو شي بس لا صرت قادر تأدب أدب (:

[حمد الخالدي]

عندك هذي من مدعين الشعر اللي تغرهم المظاهر ولا يلتفتون للمضمون
وانا رجال ما عندي لا تويتر ولا سناب����واجهتها في احد قروبات الشعر وانتهينا بهالابيات

ما جيت لاجل استشيرك لا ورب العباد
ولا ادور الصيت عندك يا جميله صبر

عندي كنوز القصايد في زمان الكساد
من فضل ربي علي يا شاعره لا فخر

جيت اكشف ابيات شعري وارتجل لك جداد
لأجل القوافي تغنيها لحون البحر

لاجل نتناقش ونقسم حفنة المستفاد
لان النقاش السديد يطور اهل الفكر

ما همني كلمتك لكن فيها سواد
دايم يجي في قلوب اللي تبي تشتهر

ما أظلمك والله عليم بكل ما بالفواد
واللي على نيته يبقى هو المنتصر

[حمد الخالدي]

ومحاولة نظم فصيح
..

الا يا طيور الشعر طيري ورفرفي
وحطي على الغصن الغضي وصفصفي

بيوتً إذا ما مرها الضيف قاصداً
رأى الجود والإحسان دون تكلفِ

ولو جاءها الغر الجهول مجادلاً
تنوء به الأضغاث يوماً ويختفي

[رحيل]

مغرب الخيييرر (:
مساء الخير والأجواء الجميلة

صح لسانتس نجد وتسلمين على الغدا (:
يستاهل سجيننا (:
صح لسانك يابو عبيد ودام هالابداع

الخالدي منور وصححح لسانك
عودا حميدا

[رحيل]

ومحاولة نظم فصيح
..

الا يا طيور الشعر طيري ورفرفي
وحطي على الغصن الغضي وصفصفي

بيوتً إذا ما مرها الضيف قاصداً
رأى الجود والإحسان دون تكلفِ

ولو جاءها الغر الجهول مجادلاً
تنوء به الأضغاث يوماً ويختفي

روووووووووعة

[خيال مطير]

http://www.alriyadh.com/media/article/2013/11/23/img/823696623007.jpg

قل هيه ياراكبين المور
ودوا سلامي ابرقيه
ودوه للصاحب المذكور
ذا لي عنه نصف حوليه
واللي يجيب الخبر مشكور
ويجيب لي منه ماريه
لا اعطيه اجازه ثلاث شهور
مع موتر يضرب الميه
جديد ماوضب الماطور
ماكد خط النعيريه
والله على من يشوف القور
ويشوف حزم الجباليه
ويشوف حزم عليه اقصور
مسوساة ومبنيه



حسن العبري - رحمه الله

[خيال مطير]

(
‏طريت في بالي مع إطلالة العيد
وحلفت لا أكتب لك رسالة جديده
ماللرسايل ذوق من دون تجديد
وماني بمن يأتيه بيت ويعيده
مبروك أوردها من القلب توريد
بإحساس صادق جاريِ في وريده
عيدٍ بلياكم ترى ماهو اسعيد
وكل الليالي في لقاكم سعيده
وعز الوصل بمصافح الايد بالايد
يمحي خطايا الصد لو هي عديده
مادام باقي للتواصل مواعيد
اجي لكم لو المسافة بعيده
الله يديم اعيادكم يا أتلع الجيد
وعسى سنينك بالمسرة مديده






)

[ناصر الهواوي]

نوم الشقي دايم كوابيس وازعاج=وطيفك وحالات القلق مبتداها
سن القلم ما لطخ الطرس بالزاج=الا له اسبابٍ فراقك حداها
وللحديث بقيه

[الجووهره]

يسعد مساكم وصباحكم وكل اوقاتكم
وصحت الالسن والاذوآق
ودآم حضوركم وابدآعكم
هلا بك شاعرنا الخالدي
عودا حميدا
وآخر الغيبات ان شاء الله
وصح لسآنك ودآم ابدآعك

[الجووهره]

تسالي آخر الليل

‏لولا الجمر ما بينت ريحة العود
‏ولولا المواقف ما تبين المعادن.

....
‏- فكو شبابيك الرضا يامبعدين ...
نحتاج شمس الوصل تشرق بيننا.

....

‏تكتـب عيون الشوق والقلب يقرا
‏من غالي الابيات حـس ومشاعر

‏قصايد المشتاق من كل سطرا
‏ويترجم احساس الغلا كل شاعـر

....

‏هذي قوانين الصدف والأماكن
‏وهذي مقادير الزمان وظروفه
‏َتشوف ناس كثار صدفه ولكن
‏اللي تتمنّى شوفته ما تشوفه

[حمد الخالدي]

صبحكم الله بالخير والله يسلمكم من كل شر جميع وصح لسانك يا ابو عبيد هذي مع السلام عليكم اقولها ههههه ما شاء الله
وكلن باسمه لا هنتوا لازلتوا تحييون هالاماكن رغم كثرة وسائل التواصل الإجتماعي وإنتشارها وتنوعها
ويجي اللي مثلي متى ما طنت براسه جا :)
ثم لقى التحايا والبخور والكيف والاستقبال الحسن
اهنيكم

[حمد الخالدي]

نور الكواكب فالفضا بسمة الليل
ونور الكواكب غير نور الإشارة

والشمس نور الصبح وتروح بالليل
هذا وكل كوكب يدور بمساره

وفي محتوى الدله هي البن والهيل
والكهربا شيٍ عليه الإنارة

بالله وش بنقول غير الذي قيل
كسبوا مفاتي الشعر بالعيارة

[ناصر الهواوي]

اهلا بالجميع
الله يحييك يالخالدي في محلك/نيابة عن اهل المحل اقولها وصح لسانك على هاللي اشوفها
تحصيل حاصل ههههههههههههههههههه
ارحبي يالجوهره ربي يحييها وما جابت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
يالخالدي يالقرم وش هالتعاليل=مبنى وفي معناه تحصيل حاصل
غالي حضورك يابن الاجواد بالحيل=اهم شي انك معانا تواصل
تشوف بالبر ابتسامات لليل=مشكاك والا بين نجمين فاصل
قد شفتها ضمت بجمرٍ دحاميل=منضوم در ولا بدا به فواصل
اذكر وافز بذعر واقوم واطيل=فيها النظر واحاول آصل ولا آصل
بالحلم متر وبالحقيقه كذا ميل=منها صواميل المواتر تناصل
انوي السفر واحط بالفكر واشيل=واقول يالقاطع طفح كيلنا/صل

[خيال مطير]

محشوم ياشعري عن الظلم والزور

اشطح ولكن في حدود الامانه

لوحدك الجاهل ترى منت معذور

خلك عن الزلات عندك حصانه

امشي على وضح النقا واعشق النور

ولاسج رجلي في دروب الخيانه

ادري بانه يلحق ابن ادم قصور

ولاحدٍ كمل يا كود من جل شانه

لكن على ماقيل لوكنت مجبور

خل العمى يبصر ويسمع بذانه

خله تجي صدمة شعارات وشعور

ويقولها التاريخ باصدق بيانه

والا القصايد دربها كان محضور

ياكثر نكبات الفتى من لسانه

سطر تخاريفه بالاوراق مكسور

وعلى المنابر عاش شاعر زمانه

عالم غريب مسيّره ألف دستور

والرابح اللي فيه خاسر رهانه

حطولهم وزن وعبارات وبحور

في عصرهم كلن شهر عن سنانه

ناسٍ بلا قاضي ولا تقبل الشور

والنقد يعني من شروط الاهانه

تاريخ لوانه محقق ومخبور

حطولهم بالكذب ارقى مكانه

يوم الحياة احزاب وايامها جور

ماحصلوا في ذيك الايام خانه

واليوم عوّد تايه الراي مقهور

يجلب مهازيله ويذبح سمانه

من عقب فات الدور بسنين وعصور

غنى على الماضي بجرة كمانه

ياهيه وينك يوم ذاكر ومذكور

مالك ببحر اهل المواقيف دانه

لوكان لك صيت ومكانه ومشهور

شهرة ابو فرّاس وابو سفانه

في وقت يكشف كل خافي ومستور

وراع الكيان نقّدره من كيانه

وان كان طاب الصوت هيجنت مسرور

مادام ماتت بالعقول الرزانه

قلبٍ خضر والعاشق انسان مامور

ياخذ من احزانه ويعطي حنانه

والعمر يمضي والمقادير بالدور

نفسٍ خذت حقه ونفسٍ مدانه

واللي رجا الجنه يبي يرجي الحور

واللي طغى يلقى التعب والمهانه

احدٍ غدا للهم والحزن ماسور

واحدٍ طلب ربه خفى واستعانه

وبين البشر تبقى علاقات وجسور

مادام ماشاب العلاقه لعانه

والطيب مابين المخاليق مشكور

لو جار وقتك واستحال امتحانه

والعمر ليته شعر واعجاب جمهور

مار البلا قبر وممات وديانه

لاصرت في قبرٍ به العبد محشور

ماينفعك فعل الذكا والشطانه

احدٍ خسر واحدٍ على الذنب مغفور

والرابح اللي عز دينه وصانه

والا القصايد لو تخليك مشهور

ما تنفعك قدام من جل شانه

[حمد الخالدي]

ههههههههههه عز الله تحصيل حاصل بس لها مغزى يختزل في آخر بيت وصح لسانك يا ابو عبيد الله يبقيك ويبقي من تنوب عنهم والله يديم التواصل

[حمد الخالدي]

يا ابو عبيد الوضع ما فيه تفصيل
ومثلك يحدد وجهته لين ياصل

ارمي خبل ينظم قصيد المهابل
صدره فضيحة وآخر العجز ماصل

اما يشد ولا يجي ينطح السيل
والا الحصى يطحن عظام المفاصل

ويا ليل خبر صاحبٍ يازن الكيل
عن ما جرا بك قول له ويش حاصل

سرك دفين وسكتك تهلك الخيل
وابو عبيد ابدع بقافٍ على آصل


وبس خخخخخخخخخ

[رحيل]

اسعد الله مساكم بكل خير (:

ابو عبيد و الخالدي
الله الله
على هالإبداع والجمال وهالدررر

ارجع واقول ليتني شاعره واشارك ههههههههههههههههههههههههههههههههههههههههه
هههههههههههههه


صححح ذوقتس جوووج
وصح ذوقك خيال

[ناصر الهواوي]

ههههههههههههههههههههه
إي نعم واضح واضح لله درك وصح الله لسانك ولاهنت ودمت وسلمت
الخالدي لو سيرت على ديرتنا ومزرعتنا بارك الله فيها بزيارتك ولقيت لك اخوٍ يفرح بالمسايير
ارحبي يالجوهره وصح ذوقتس ودام تواجدك
اهلا يالخيال جميل جدا لكن معلقات تبي سعة صدر
ارحبي يا رحيل

[ناصر الهواوي]

تمنى رحيل اتصير بالشعر بيطاره=وانا اقول من يهتم فيما يرومه صار
اجل ما تشوفين الظبا تبرم الطاره=وقبل التجارب نعتبرهن وحوش قفار
انتي حاولي واخطي خطاويك في إطاره=ومحال الفشل مادام به صمصمه واصرار
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
تغريده مع العصافير
.....................................
لصوتك صدى يالطاير اللي تغني فوق =عسيب النخل والماء تحت والرطب فوقك
اطرب له وانا صاحي ولو كنت نيم افوق=ما ناسب لذوقي يالمغني سوى ذوقك
طواري ترج الفكر وتشب نار الشوق=ليا شلت بسويعات الاصيل طاروقك
ميزه بك تجلى ما ترد حاجرٍ مطروق=ولا تشتري كل المفاليس من سوقك
عذبات الطلاسم من سنه بابها مغلوق=لعل وعسى نفتح بهن صعب مغلوقك

[مهرة يام]

السلام عليكم ورحمه الله وبركاته
مساء الورد والسرور
كيفكم يالرواسي اشتقت لكم والله
صح الالسن والاذواق جميعا
دام ابداعكم وتواجدكم

[الجووهره]

ياهلا بالجميع
ويسعد مسآكم
الهوآوي ، الخآلدي
صحت الالسن ودآم ابدآعكم يامبدعين
خيآل
يعطيك العآفيه
بس حاول تختصر حنا في وقت السرعه
نمر ونقرا ع السريع هههههه
رحووله
هلا بك منووه يا مزيونه

مهرة يآم
هلا بك منوره بعد الغيبه
وعودا حميدا

[حمد الخالدي]

الله يبارك فيك ويرفع قدرك مبركة بأهلها و ما في هذي شك اخو وعزيز وابرك حزة نشوفك فيها ونجتمع صح الله لسانك يالهواوي
خيال ..الجوهرة..رحيل..مهرة
صحت الابدان وسلمة الأذواق وعساكم على القوة

[رحيل]

مساء الخيرات
عصرية ممتعة وسعيدة (؛






صح لسانك يا شاعرنا
ابداع غير مستغرب

لو تشوف يابو عبيد محاولاتي البائسةهههههههههههههه
ههههههههههههههههههههههههههه ):

يقولك رحم الله امرئ عرف قدر نفسه
الشعر موهبة يعطيها الله من يشاء

منور ي الخالدي
وين المشاركه اليوم (:

ارحبي ارحببيببييييي جوجو
عاكسه نورتس يا بعدي


مهرة يااام
منوره وعودا حميدا

[مهرة يام]

لو قيل لي ان القمر ياطا على متون النجوم
والشمس لا جا الليل ترخى جوانحها و تنوم
وان الغيوم قلب على الصحرا حنون
اصدق وما اصدق تجيه
اللي على خده يده
واللي الامل باسمه نده
قم تأمل بالوجيه
موعدك يمكن تجيه

[مهرة يام]

كنت احسب اني عرفت الحب قبل اعرفك
وعشقت قبل اعشقك واشتقت قبل التقيك
وكنت احسب اني لقيت احباب قبل اوصلك
واثري توهمت في غيرك وانا كنت ابيك
تعال نعطش وتشربني وانا اشربك
تعال قبل الوعد اجلس معي نحتريك
تعال شفني وانا استناك كم اشبهك
يطري علي الف راي و راي واحتار فيك
اجي مكان الوعد والا اسبقه انطرك

[حمد الخالدي]

يا الربع من عين لي النجلا وجاب
علومها يرفق سبب لغيابها

اربع شهورٍ تختفي خلف السحاب
وابطى سناها ما التقى بهضابها

والدار بأركانه عزيزين الجناب
ناسٍ تلقى بالبخور اصحابها

اقلط تفضل مرحبا بك لين شاب
رد الكلام المفترض بأسبابها

ناصر عقيد الشعر في سجن الشباب
يرسم نخيل المزرعة وترابها

والجوهرة بنت الرواسي ما تغاب
سجن الرواسي صار مثل كتابها

وخيّال يتحفنا بصفحات الكتاب
يملا البحر والبر باللي جابها

والا رحيل الشاعره تحسب حساب
لا من نوت تكتب تجس اعصابها

ولا من قصورٍ بالبقيه مير طاب
جو السجون ومن مشى بأسيابها

لكن نرجع يا الربع نبغى جواب
وش بالاميره طولت بإضرابها؟

[حمد الخالدي]

https://youtu.be/MZ6-CGJzTT8

[الجووهره]

يا الربع من عين لي النجلا وجاب
علومها يرفق سبب لغيابها

اربع شهورٍ تختفي خلف السحاب
وابطى سناها ما التقى بهضابها

والدار بأركانه عزيزين الجناب
ناسٍ تلقى بالبخور اصحابها

اقلط تفضل مرحبا بك لين شاب
رد الكلام المفترض بأسبابها

ناصر عقيد الشعر في سجن الشباب
يرسم نخيل المزرعة وترابها

والجوهرة بنت الرواسي ما تغاب
سجن الرواسي صار مثل كتابها

وخيّال يتحفنا بصفحات الكتاب
يملا البحر والبر باللي جابها

والا رحيل الشاعره تحسب حساب
لا من نوت تكتب تجس اعصابها

ولا من قصورٍ بالبقيه مير طاب
جو السجون ومن مشى بأسيابها

لكن نرجع يا الربع نبغى جواب
وش بالاميره طولت بإضرابها؟

صح لسآنك مليووون
وصدقت شآعرنااا
النجلا. طآل غيآبهااا
غيآب غريب ؟ مو عآدتها
اشتقناا لهااا كثييير
ان شاء الله تكون بخير
الله يردهاا والجميع بالسلامه

[الجووهره]

https://youtu.be/mz6-cgjztt8


هههههههههه
يازينه الشايب ظايق صدره على سعيد

[ناصر الهواوي]

كم عن مديرتنا سألنا لاجواب=تك الصدر والخلق طول غيابها
ندعي منشي غيمها مذر التراب=انلا شر بغياب الاميره صابها
وريم الفلا راحت مواعدها سراب=وعرقوب هو صاير قريب اقرابها
والشامخه كان الاسم هذا صواب=منها الرجاوي قد قفلنا بابها
والناقد اللي خلَّص وطش الكتاب=صدقته ضاعت في كثير كذابها

[ناصر الهواوي]

وش علمها المهره علينا تغلا=تغيب حتى يغلب الياس واتجي
مافات مات وخلنا عيال هلا=ما اتغايب الحجه ولا يغيب حجي
على كذا نبصم بالابهام والا=حنقول يارجلي هنا لا تسجي
ههههههههههههههههههالا=كعكعكعكعكعه ثم هجي

[حمد الخالدي]

هههههههههههههههههههههههه
ما فات مات وخلنا عيال هلا
انا اشهد خخخخخخ

[الجووهره]

هههههههههه
الهوآوي قَلَب لبنآني
ههههههههه
صح لسآنك شآعرنا
الله يسعدك
والجمييع

[الجووهره]

بيت اعجبني لطشته ع السريع

‏امد لك حبّل الوصل وانت ترخيه
‏الفرق واضح بين هاوي ، وعايف .

وهو صادق صح لسآنه

[الجووهره]

‏(لاتحاول إبهار احد .. القبول من الله ) ..

يقول الشاعر سلطآن بن بتلاء

عباره تجعلني كل يوم أؤمن بنظرية التلقي اللي قلت فيها يوماً :

‏القبول من الله ليامن وهبك بركتْه
‏للصدور اقفال يفتحها عطا ربّاني

‏ممكن انك تسمع من اثنين نفس النكته
‏تضحك من الاول ، ولاتضحك من الثاني !

[الجووهره]

‏غضِبَ احد العشاق على حبيبته وقال :

‏ماحْبك وملّيت منّك وْلاَ ابغاك
‏واللي مضى بيني وبينك نسيته

‏*فتداركَ قلبه الموقف واكملَ قائلاً :

‏هذا الكلام اللي لو آموت ما جاك
‏ مني ولو ماتو قهر ما .. حكيته



اللي يحب بصدق مايكره

[مهرة يام]

وش علمها المهره علينا تغلا=تغيب حتى يغلب الياس واتجي
مافات مات وخلنا عيال هلا=ما اتغايب الحجه ولا يغيب حجي
على كذا نبصم بالابهام والا=حنقول يارجلي هنا لا تسجي
ههههههههههههههههههالا=كعكعكعكعكعه ثم هجي

هههههههههههههههههههههههههه لاوالله موتغلي ياابو عبيد
اشغال والله بهالدنيا الله يعينا عليها
ابشر مايتكرر الغياب

[شاعرة نجد]

للشعر لون وهالقوافي لها لون=للشاعره نقاط قوه اتعدا
متميزه من قبل والكل يدرون=بابداعها بالشعر قامت تمدا
للمادبه يابنت شاكر وممنون=وللوصف جزل الشكر صار المبدا
يابنت والمنقذ من النون ذالنون=بماقلت ما بيحت للود سدا
بطاروقي اغني مع اللي يغنون=ليا امتد مضمار الغزل واجرهدا
لاهنتي انتي والربع ما يهونون=القاف شاب ابا ارتكي واتغدا
ههههههههههههههههههه

السلام عليكم ورحمة الله

وصحت السنتكم ودام ابداعكم وطابت اوقاتكم
وصح لسانك يـ الهواوي
مجاراة فاخره وابداع غني عن الاشاده

وسلمتم ودمتم,’’

[شاعرة نجد]

يا الربع من عين لي النجلا وجاب
علومها يرفق سبب لغيابها

اربع شهورٍ تختفي خلف السحاب
وابطى سناها ما التقى بهضابها

والدار بأركانه عزيزين الجناب
ناسٍ تلقى بالبخور اصحابها

اقلط تفضل مرحبا بك لين شاب
رد الكلام المفترض بأسبابها

ناصر عقيد الشعر في سجن الشباب
يرسم نخيل المزرعة وترابها

والجوهرة بنت الرواسي ما تغاب
سجن الرواسي صار مثل كتابها

وخيّال يتحفنا بصفحات الكتاب
يملا البحر والبر باللي جابها

والا رحيل الشاعره تحسب حساب
لا من نوت تكتب تجس اعصابها

ولا من قصورٍ بالبقيه مير طاب
جو السجون ومن مشى بأسيابها

لكن نرجع يا الربع نبغى جواب
وش بالاميره طولت بإضرابها؟

الله
الله الله

نص جماعي فااخر,صح لسانك يـ الخالدي
عز الله ماقصرت,والله يرد لنا نجلانا بالسلامه
وجميع الغياب وتستعيد رواسينا حياتها من جديد

وصح لسانك يـ الهواوي ع المجاراة او التكمله الممتعه
وكلنا امل يرجع الجميع بالسلامه وترجع ريم الفلا شاعرتنا ومبدعتنا

لاهنتوا على هـ الابدااع,’’

[حمد الخالدي]

ارحبي يا شاعره
صح الله بدنك وخلك حول العود نتناوب عليه تراه يبي اللي يجاريه نوبة ويحارشه نوبه خخخخخ

[شاعرة نجد]

تسليه من الجديد


ياهبوب الجنوب أروي حنين القلوب
وامسحي دمعة الحسناا من عيونها

كم زعجها وهجها من بعيد الدروب
لين هلت وجابت كل مخزونها

في مسار الغيوب وكل شي مْحسوب
خوفها من هوى ليلى ومجنونها

والامل فوق كفٍّ راحته من ثقوب
وثقل حمل الاماني كسر مْتونها

الله أكبر على نسج الخيال الكذوب
كيف يوعد غلا العشاق ويخونها

ياعسى الوارده تسبق شعاع الغروب
وياعسى الصادره تمشي على هونها

وياعسى ماجرى تكفير بعض الذنوب
ويرحم الشاعره ويكون في عونها

[شاعرة نجد]

تبقى يـ الشاعر وتسلم عـ الترحيب
والعود ع قولتك يبي من يكفله ويحط مكانه شاعر مبدع مثله
وبكره يصير خير ان شاء الله:smile:

[حمد الخالدي]

السكوت احيان خير من الكلام
والكلام احيان خير من السكوت

كل موقف يختلف فيه النظام
وكل كلمه تشترط مقدار صوت

[الجووهره]

ياهلا بك شآعرتنا المبدعه
نورتي وصح لسآنك ودآم ابدآعك

صح لسآنك الخآلدي
واستعد للسجن شكل شاعرة نجد
ناويه عليك نيه بس اصبر شويه
هههههههههههه

[الجووهره]

‏حبوا من تحبـون .. من غير تقصيـر
‏واعطو بلا منه .. وعيشوا بلا غياب

‏وان شحت الافراح فاستبشروا خير
‏ما صك باب .. الا فتح غيـره ابواب

[حمد الخالدي]

هههههههه هلا بالجوهرة صح الله بدنك
لا هين شاعرة ما هقيت تسويها لا تظلمينها :)

[ناصر الهواوي]

ياصباح النور والسرور ومساء الخير والحبور ع الجميع
إي نعم ياحمد احب آخذ واعطي مع الجميع واستفيد من روعة ابداع المبدعين لعلي اصير افضل من رحيل بالشعر اللي ما تحاول
اهلا يالجوهره اشوف قلبك صايرٍ خضر هالايام وهذا احسن لجل ما ابقى انا الوحيد بهالمضمار
هلا بك شاعرتنا وصح لسانك وبدنك رائعه هالجديده بس ابا اقاضيك عن الهبوب الجنوبيه ههههههههه
اهلا يالمهره الله لايشغلنا الا بطاعته وسلمتي ودمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
لو شاعرة نجد تنوي سجنة الخالدي=قرار صايب وابا امسي للكفاله شكور
وابا اكتب من التسالي كل رايع لدي=وعشاه حاشي ومن نسل الشياه الفطور
عن ما يحبه من رقاق الكلام احتدي=وشلي بمن يكسي كتوفه بشقر الشعور
اللي تباها بقد وخد واجمل بدي=طرقاً من الزين حايسها الكبر والغرور
والعين عين اشقرٍ لا هِد ماهو ردي=برق الحباري ليا رفرف قواها تخور
حد المهند توسط ورد جوري ندي=وياه ما انتا بحاجة لا اظلم الليل نور

[خيال مطير]

https://www.youtube.com/watch?v=QaWDb--AQUk

[خيال مطير]

أرحب يالخالدي . نسيت أني خفير ألسجن . لاتنسى تدهن سيري , جاك ألعلم ,

[خيال مطير]

(أدخل ألسجن , لايجيك علم .

[حمد الخالدي]

ياصباح النور والسرور ومساء الخير والحبور ع الجميع
إي نعم ياحمد احب آخذ واعطي مع الجميع واستفيد من روعة ابداع المبدعين لعلي اصير افضل من رحيل بالشعر اللي ما تحاول
اهلا يالجوهره اشوف قلبك صايرٍ خضر هالايام وهذا احسن لجل ما ابقى انا الوحيد بهالمضمار
هلا بك شاعرتنا وصح لسانك وبدنك رائعه هالجديده بس ابا اقاضيك عن الهبوب الجنوبيه ههههههههه
اهلا يالمهره الله لايشغلنا الا بطاعته وسلمتي ودمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
لو شاعرة نجد تنوي سجنة الخالدي=قرار صايب وابا امسي للكفاله شكور
وابا اكتب من التسالي كل رايع لدي=وعشاه حاشي ومن نسل الشياه الفطور
عن ما يحبه من رقاق الكلام احتدي=وشلي بمن يكسي كتوفه بشقر الشعور
اللي تباها بقد وخد واجمل بدي=طرقاً من الزين حايسها الكبر والغرور
والعين عين اشقرٍ لا هِد ماهو ردي=برق الحباري ليا رفرف قواها تخور
حد المهند توسط ورد جوري ندي=وياه ما انتا بحاجة لا اظلم الليل نور

هههههههههه
هذي ما شاء الله ابد مهيب مؤامرة

وين اللي يبي يحتدي يا ابو عبيد بالشطر الثاني خربتها ما اتظرت البيت الثاني حتى خخخخخ

[حمد الخالدي]

الله يقويك لا يا قدوة المقتدي
ويعيننا في سجون القيض عقب البخور

يا ابو عبيد انتبه لشعورنا يا بعدي
قلوبنا صايمه من دون ذاك السحور

القلب لو ينفتح له باب راح يعدي
ما يوقفه غير ما وصفت بين الشطور

ما حلى مقاصدك يا اللي فاهمٍ مقصدي
ما عندك الا المواجه ما تلف وتدور

ههههههههه وبس

[رحيل]

اسعد الله مساكم بكل خير وعافية

ياماشاء الله ياماشاء الله (:

ما ننحرم هالحضور
و هالابداع والتألق والتميز

[رحيل]

يا الربع من عين لي النجلا وجاب
علومها يرفق سبب لغيابها

اربع شهورٍ تختفي خلف السحاب
وابطى سناها ما التقى بهضابها

والدار بأركانه عزيزين الجناب
ناسٍ تلقى بالبخور اصحابها

اقلط تفضل مرحبا بك لين شاب
رد الكلام المفترض بأسبابها

ناصر عقيد الشعر في سجن الشباب
يرسم نخيل المزرعة وترابها

والجوهرة بنت الرواسي ما تغاب
سجن الرواسي صار مثل كتابها

وخيّال يتحفنا بصفحات الكتاب
يملا البحر والبر باللي جابها

والا رحيل الشاعره تحسب حساب
لا من نوت تكتب تجس اعصابها

ولا من قصورٍ بالبقيه مير طاب
جو السجون ومن مشى بأسيابها

لكن نرجع يا الربع نبغى جواب
وش بالاميره طولت بإضرابها؟
صح لسانك مليوون ولا يسدون
ان شاء الله خير و الله يطمنا عنها يارب


{والا رحيل الشاعره تحسب حساب
لا من نوت تكتب تجس اعصابها}
هههههههههههههههههههههههههههههههههههههههه

[رحيل]

لعلي اصير افضل من رحيل بالشعر اللي ما تحاول
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ


هههههههههههههههههههههههههههههههههههههههه عشان ماشفت المحاولات ولا ما تقول كذا
تقول تكفين لاعاد تحاولين (:

صح لسانك شاعرنا ودام هالابداع

[رحيل]

ارحبي يانجد صح لسانتس يالغاليه
جوجو صح ذوقتس يا ذوق
وصح الذوق مهووره

[ناصر الهواوي]

قلب المعنى عن اللي وده ءبه امحدي=ما عنده لدخلة المضمار كلمة مرور
لو له سمح من يوده جاه يعدي عدي=ما يمنعه عنه لا غبه ولا طول سور

[حمد الخالدي]

ههههههههه الواحد ما يدري وش يقول لكن

ياما فقدنا والليالي والايام
تشهد على فرقا عزيزٍ وغالي

أيام تمضي كنها شهور وأعوام
وضاق الفضا وأغديت صدر الشمالي

عشنا وشفنا والدهر كنه أحلام
فالامس حالي ما يشابه لحالي

الله يثبتنا على دين الإسلام
والا العمر وإن طال خلفه زوالي

[شاعرة نجد]

الـ هلا والغلا بكم جميع
والنور نوركم وصحت ابدانكم

وصح لسانك يـ الهواوي على هـ الروائع
وابشر بالكفاله,من البارح ناويه عـ الخالدي بس كان الوقت متأخر

وصح بدنك حمد ولاهنت على هـ الابداع
وصحت الذوائق ودام الحضور الراائق

وسلمتم ودمتم,’’

[شاعرة نجد]

جهز فْراشك حمد واقبل على سجن البديع
هات ماجاب الحمام اللي على الاغصان غنّى

اسجع بْعذب اللحون اللي على بدعك تطيع
وابشر ابشر بالتسالي والحلا وُهيلٍ وبنّى

خلَّ ناصر يطلع وُياخذ مع الفج الوسيع
ويَحْمد الله يوم جت له مثل ماوَد وُتمنى

يشتري فالمزرعه من كل ما طاب ويبيع
ويتمتّع عقب سجنه فـ البراد ويرجهنّى

مابقى الا عدة ايامٍ بسيطه يـ الشجيع
ويطلع سْهيل ويسيل السيل ويطيب المعنّى

والله الله بالتسالي والامل فيكم جميع
أطربوا المسجون جودوا بالكرم منا ومنا

[الجووهره]

ياهلا بالجميع
وصحت الالسن يامبدعين
الهوآوي ، الخآلدي ، شآعرة نجد
ودآم حضوركم وابدآعكم
وهلا بك رحوله
منوره يا الغآليه
صح لسآنك شآعرتنا المبدعه
على الكفآله الوآفيه والرآئعه
ومبرووك الحريه شآعرنا الهوآوي
ونورت السجن شآعرنا الخآلدي
وابشر بالتسآلي

[عبدالله الدّنّيش]

ماشاء الله تبارك الله .. هالحين شعرنا أن ما عاد به حجر
والله يجيركم من كرونا ويعافي من صابته .. أجر وعافية وكسب مناعههه
&
السلام عليكم وأسعد الله أوقاتكم وريّح بالكم
أشوف المنتدى مدّهر ما شاء الله ويا مرحبا بالجميع
أبو عبيد لا عاد تتشائم من الغيابات تراها فترات ركووود ثم صعووود
وأهلا الجميع وصحت السنتكم وطابت أبدانكم ونفسياتكم
ومبروك الإقامة الجبرية يالخالدي وابشر بالتسالي يالغالي
وصح لسان شاعرتنا نجد اللي جعلتك في البديع عشان تبدع ههه
وسلاااااامتكم

[حمد الخالدي]

يا مرحب فيكم وعليكم السلام
صحت الالسن والابدان ولا هنتوا
وصملتي وسجنتيني ما عليه .. مردودالك فالافراح :)

[عبدالله الدّنّيش]

يا حييييهم ..

يا حيّ ذات الشعور اللي كساها الشعور = عِداد ما تسدل القيفان في شِعرها
دَلالها جوف صدري مثل دلة تفور = يا حلو فوحة شذاها والحلى مُرها
زايد غلاها وحره فيه شرح الصدور= تشرح وتروي وتبرِد كبد من حرها
وأنا من أيام مالي في المواقع ظهور = واليوم لأجل الرواسي جيت وأمرها
وانشر سلامي عليكم هيل وقت الحضور = وفي غيابي تحز النفس وأسرها
ياهل الرواسي عساكم دوم بأحلى سرور = وأقرا القصايد لكم باللحن وأجرها
نادي الرواسي يناديكم ولا به قصور = حضوركم شمعته بالليل وأنوارها
^^
ودمتم سالمين وحاضرين

[خيال مطير]

جهز فْراشك حمد واقبل على سجن البديع
هات ماجاب الحمام اللي على الاغصان غنّى

اسجع بْعذب اللحون اللي على بدعك تطيع
وابشر ابشر بالتسالي والحلا وُهيلٍ وبنّى

خلَّ ناصر يطلع وُياخذ مع الفج الوسيع
ويَحْمد الله يوم جت له مثل ماوَد وُتمنى

يشتري فالمزرعه من كل ما طاب ويبيع
ويتمتّع عقب سجنه فـ البراد ويرجهنّى

مابقى الا عدة ايامٍ بسيطه يـ الشجيع
ويطلع سْهيل ويسيل السيل ويطيب المعنّى

والله الله بالتسالي والامل فيكم جميع
أطربوا المسجون جودوا بالكرم منا ومنا


أسمعي ياشاعرة نجد . أول شي صح لسانك . والثانيه ألسجن له قوانين , بعد كرونا . مافيه تسالي ومافيه زيارات . ومافيه قصايد , المسجون . حده 72 ساعه . اذا محد كفله ولا يكفل نفسه بقصيده ويطلع , ويدفع فاتورة الكهرب .. ويدهن سير الخفير . جاك العلم

[حمد الخالدي]

هههههههه تستاهل دهنة السير يا خيال

[الجووهره]

وأول تسليه لشاعرنا الخالدي

والجمييع


‏ يمر الوله وأسايره لـ آخر المشوار
‏ولا احاتي إليا طال وياه ترحالي

‏على البال لك سجة ولك سيرة وتذكار
‏اضيعك بالواقع وألاقيك في بالي

....

‏ارقىٰ سما ياقلب لايهزمك ضيق
‏خلك على ماقيل فوق السحاٰيب

....

‏لو خسرت الأمس كمل من جديد
‏الـعـوض قدام .. و الماضـي فدى

....

‏اثر الهوى بحراً.. بليا سواحل
‏لو للبحر..سفن..وقوارب.. ومينا

‏من نلتقي به يصبح الصبح راحل
‏والى رحل نقول باكر يجينا..!

‏نعيش لحظات الفراق ب مراحل
‏ونقول للآيـــام وش صار فينا..


الابيآت الأخيره
لشآعرها عبدالله العضيآني

[الجووهره]

هلا بك شآعرنا الدنيشً
وعودا حميدا
وصح لسآنك على هالرآئعه

الخفير والسجين
منوووورين.

[خيال مطير]

الشاعر الاسطوره شايف الخالدي
أهداء للسجين .

http://alkhaldy.blogspot.com/

[ناصر الهواوي]

اهلا بالجميع وصباحكم طاعه وخير ومحبه وعافيه
العاصفيه مشكوره على الكفاله وزين سويتي وصح لسانك ولا فض فوك
ابو عامر حياك مولاك بعد ما فقدناك وصح لسانك وسلمت يمناك
ارحب ياحمد بمعتقل الابطال ومقر روائع الامثال وانفق ينفق عليك هههههههههههههه
اهلا يارحيل اتمنى ان تكون التسالي للخالدي من محاولاتك الشعريه مهما كانت فانا واثق انك شاعره
بل مبدعه
ارحبي يالجوهره ودام هالتواجد والابداع الواجد
اهلا يالخفير واركد لا تنير وابشر بالدنانير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
على المعتقل ياحارس السجن كن حريص=صك النافذه لا يطلع سهيل وايشوفه
غير زيت جيبه والكفارات بالترصيص=مشاعر هل المقناص لا بان معروفه
سادات الولع فيهم مجنه بلا تخصيص=واحدهم يموت من القهر لو هي اتطوفه
ذا تقديم وبصدري لشعر الغزل وصيص=لهجسي غريزه دبة الدهر مالوفه
سبب حاجبٍ ماجاه شقره ولا تنميص=ادقيق خطيط النون بالعكس ملفوفه
على خدرةٍ للموت برموشها بصيص=شقيٍ عشقها والسبب عين ملقوفه
من النظره الاولى تركز بلا تحويص=وليا اغضت غصب لوهي بهالخرس مشغوفه
ما بين الفواد وبينها مشكلٍ عويص=لقضاة الهوى من عدة اعوام معروفه

[ناصر الهواوي]

من رق التسالي كل غالي علينا لا يضيق
ما احد يرغب بخشن العباره على ترقيقها

شف اشلون ابو هنود يفرح بكلمة ياصديق
وكلمة خادمه لوقيلت لخادمتك اتضيقها

وبه من كلامك فيه لا رق واتقنته يليق
وبه ناس خشنات القوافي تسيل ريقها

عسى كل من غاب بسباته لذكر الله يفيق
في حزة سعه من قبل حزه صعيب ايطيقها

[شاعرة نجد]

صحت ابدانكم وصحت السنتكم
ودام الحضور والمبدعين

ومرحبا يـ الدنيش
وعودا حميدا,آخر الغيبات ان شاء الله
والحمد لله ع السلامه,كل مـ طال غياب أحد من رواسينا
قلنا يالله سلم يالله سلم,لايكون رااح من صيد كورونا,:smile:
نسأل الله أن يكفينا واياكم شر هذا الوباء والمسلمين اجمعين

وصح لسانك على هـ الدرر العذبه شاعرنا المبدع
لاهنتوا جميع,’’

[شاعرة نجد]

تسليه لـ السجين والمتابعين...

ياهجوسي تولّم لاح برق القصيد
بين ذيك الغيوم اللي سرت في سماها

من قفص صدري المكتوم هات الجديد
لو عيوني يسيل السيل من حر ماها

موج شعري تلاطم من هواي الشديد
واستثار المشاعر واشتكت من ضماها

كل مـ ارشّ وهج الشوق ناره تزيد
واحرقت روحي الا كان ربي حماها

[شاعرة نجد]

من الذكريات الممتعه والرهيبه
والموثرهـ والحزينه

عبدالله بن طلال

لا حـــول يـاريــم الـفــلا مـنــك لا حـــول
وش بــــك غـلـطـتـي غـلــطــةٍ مـطـبـعـيّـه

حزب الفلس ماينتصر لو على الحول
مـــــن خـلـقـتــه دايـــــم عــزومـــه رديّـــــه

لــو تنـفـع الطلـيـان مــع راعــي الـفــول
ان كــان جبـنـا لـــه مـــن الـشـبـك مـيّــه

لــكــن نــعــرف الــعــود لـلـشــر مـجـبــول
نــــاكــــر جــمـــيـــل وعــلـــتـــه ســرمـــديـــه

يـكـفـي مـــن الـدكــان كـرتــون مـعـمـول
حــتـــى ولـــــو مــاهـــي سـنــونــه قـــويـــه

ونادوا لـه الهاجـس يـزوره علـى طـول
الــلـــي يـــــدوس الــنـــار والــنـــار حــيّـــه

وقولـوا لشيـبـان الفـلـس راعــي الـمـول
عـــنـــده تـــجـــارب والــتــجـــارب غــنــيّـــه

الـعـشــق للـشـيـبـان مــاهـــوب مـعــقــول
نـتـايـجــه فـــــي كــــــل الاحــــــوال ســـيّـــه

يـاشـيـنــهــا شــيــنـــاه لاقــــــــام بــهـــلـــول
يــــرز عــمـــره فـــــي طــريـــق الـصـبـيّــه

..........................
ريم الفلا

البال من ضغط الدوامات مشغووول
و مدحة . سواتي تعتبر عااالمممميه

شفهم بها فرحوا على راس ابو الهول
وناقص يسوّي حفله و مسرحححيه

مدحة عرب و الها مكااانه و مدلووول
حتى ولو هي .... غلطةٍ ( عاااايديه )

و الا الفلس من ماضي الوقت مذلول
يشحذ مدايحنا صباح و عشششييه

و العذر بعض احيان ماهو بمقبوول
لكن يا حزبي ما تحسسب خطططيّه

الاّ صدقه لو كااان من غير مفعووول
حزب الفلس مافيه حسنه و ، سسيّه

يكفي زعيمه ماء و حبةةةة بنادوول
راسه صديــــع و علتّه بااااااطنيّه !

وحزبه على حدّه هذا زبدة القووول
و نجلاء من الذمم الصريح محميّه

لوتنسحب منهم وتبعد عن الضّول
ززادت بحزززبي هيبه و مقدرريه !

>>>>>>>>>>>>>>>>>>>
أنا

ياكثر ماداامس مكدر ومغلول
من حزبنا خطر عليه المنيه

زعيمهم يشره على الريم وتقول
مشغوله,وتبدي له المعذريه

والحق لو غطوه يظهر على طول
بصماتهم صارت عليهم قضيه

ياربعنا لايقصر الهرج ويطول
عندي لكم يوم اختلفتوا وصيه

ارضوا بحالتكم لو الحال مقبول
المنتصر عون الضعيف وخويه

هدوا تراها ثورة اعصاب وتزول
وحنا ترانا نرفع المعنويه

الله عطانا وسعة صدور وعقول
ماهمنا طق الدفوف القويه

ننصب ونرفع بين فاعل ومفعول
ونصب هيل الكيف والنار حيه

المنتصر قصر على العز مدهول
وله في سماا الابدااع روحه وجيه

الله يرحم شاعرنا الخلوق عبدالله بن طلال
ويرد لنا شاعرتنا الاديبه ريم الفلا بـ السلامه

[الجووهره]

هلابالجميع
صح لسآنك شاعرنا الهوآوي
وصح لسآنك شآعرتنا المبدعه
والله يرحم ابو طلال واموات المسلمين
ويرد ريم الفلا والجميع بالسلاااامه

خيال
هلا بك ويعطيك العآفيه

[هزاع محمدالعاصمي]

آمين الله يرحمة ويتجاوز عنه ونعم الرجل
اكثر من اخ دمث الأخلاق وجميل التواصل شخص بالفعل يفتقد الله يرحمة والله يمسيكم بالخير صحت الالسن والأذواق وعساكم على القوة....بالتوفيق

[ناصر الهواوي]

لله درك يانجد فعلا ذكريات لهامفعولها الله يرحم ابو مشعل رحمه واسعه وجميع المسلمين
والله يطمنا على ريم الفلا ومن غاب ويردهم لنا
اهلا يالعاصمي وراك تقدم رجل وتوخر رجل اقلط حنا ربعك الاولين هههههههههههههه
اهلا يالجوهره وصح بدنك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
خيال وين السجين اللي تسلمته=فتشت بالسجن ما شفته بزنزانه
جاب الدهن مال سيرك يوم علمته=واخذت رشوه وصرت بموقع خيانه
ياهجس من مايناسب ويش ولمته=في ذكر من لاتعوز الكحله اعيانه
مهللات اربعه ما قط كلمته=ولا دندن الهيس جوالي بعنوانه
الا الهبوب ان لفا منه وتعلمته=واثر الهواء به صقه ما تسمع اذانه
القلب قبل الوداع ايليه سلمته=ولا رجعه لي بعد قفا ولا اهانه

[الجووهره]

هلا بك شآعرنا هزآع
ومساء النور والسرور
بس وين التسالي والابدآع

وهلا بك زود شآعرنا الهوآوي
وصح لسآنك ودآم حضورك وابدآعك

[الجووهره]

تمضي سنين العمرويغيب من غاب
‏والآدمي حاله بالأيام خافي

‏أبواب تقفل والولي يفتح أبواب
‏وأمراض تنزل والكريم المعافي

‏دنياتشّدأعصاب وتريح أعصاب
‏والعمرمايبقى على الدوم صافي

‏ناسٍ تمنى النوم وتقفّل أهداب
والهم يعصف به عصف السوآفي

وناسٍ تنام الليل كله بلا حسآب
القلب سآلي والفكر ياعوافي

الدكتور. تركي السكرآن

[حمد الخالدي]

الله يرحم ابو مشعل ويغفر له شهادة حق كان اول الداعمين لي والموجهين واستاذي الاول بديت انظم البيوت وكان المدقق غفر الله له

..

ما شاء الله تبارك الله مجتمعين ومدهرين لا إله إلا الله كل هذا عشاني انسجنت والله فيكم الخير هههههههه
صحت السنكم من العود للدنيش للشاعرة وسلمت ذوايقكم يا الجوهرة ويا خيال وليتكم سجنتوني في غير وقت لكن يالله..
تقدمت شاعرة بالقرار والا هو متفقٌ عليه من قبل الكونقرس منذ مبطي

[حمد الخالدي]

تذكرت يوم إن الليالي عليك عجاف
وانا ما تركتك بين الايام وحداني

اداريك بالكلمه واللحن عليك القاف
واصب المسامع وانت من همك تعاني

ظروف الزمن سهله وأنا لا لفت ما اخاف
بفضل الولي وأنت أول شهود الأعياني

ولكنها تكشف لنا واقع الميقاف
من اللي يعزك صدق ومن له هدف ثاني

تغافلت عنك وقلت يمكن مشى ما شاف
ومره ورا مره واشوفك تعداني

ترى النفس حره والثمان إن لفت تنعاف
بعد عشرةٍ داجت بها كل الألواني

عيونك تدلك وأنت ما تجهل الاصناف
وعقلك عطاك ابسط تفاسير برهاني

أرشيفية..

[هزاع محمدالعاصمي]

سلام عليكم صباح الخير
هذي التسالي ابشري شيء من الفصيح

هَاجَ النسيم ُ بِعَبِرٍ ابكاكَ
فاستمطرت من وجدِهِ عيناكَ
ما إن ذكرتَ الدار حتى أسبلت
واسترسلت من فيضهِ جفناكَ
وتألقت لغةُ القصيدِ وجاوبت
وستلهمت مُقَلٌ تهيمُ رُبَاكَ
ياهجسي أنتِ المرادُ وغايتي
كملي وكم ياهاجسِ احياكَ
كُلي من الاشواقِ صباً هائماً
أرنو إليك مشاعرِ تحياكَ
يارقةَ الإحساسِ في همساتةِ
سرُ الجمالِ معطراً بشذاكَ
يزهوا بِك الشعرُ الشجيُ فيرتقي
شعرٌ يداعبُ مهجتي فَحَواكَ
للهِ درُكَ من حبيبٍ باذخٍ
طارت بخبار الندى نجواكَ
هي موطني اكرم به من موطنٍ
العمرُ دونكِ والفؤاد فِدَكَ

وسلامة قلوبكم

[خيال مطير]

^

ونت سالم وغانم يابومحمد وصح لسانك مليون ولا يسدون

[خيال مطير]

صح لسانك يابو عبيد وصح لسانك ياحمد وبيض الله وجيييهكم .

[خيال مطير]

https://www.r111n.com/t27082.html


https://www.r111n.com/t28591.html

https://www.r111n.com/t28731.html

الله يرحمك برحمته يابو مشعل

[رحيل]

اسعد الله جميع اوقاتكم بكل خير وعافية
يا هلا ومرحبا بالجميع (:


صح لسانتس شاعرتنااا
كفالة وافية من شاعرة وافية

ابو عبيد مبرووك الحرية شاعرنا

نووورت السجن ي الخالدي
ابشر بالتسالي (:

هلابتس زود جوجو النور نورتس يابعدي

الدنيش
وعليكم السلام ورحمة الله
عوداً حميداً
صح لساانك ودام ابداعك

يقول ابو عبيد
(اهلا يارحيل اتمنى ان تكون
التسالي للخالدي من محاولاتك الشعريه
مهما كانت فانا واثق انك شاعره
بل مبدعه)
الله يرفع قدرك في الدارين شاعرنا .
لا حرام يجتمع عليه ضيمين
ضيم السجن وضيم محاولاتي 🤭*

وصح لسانك شاعرنا دائماً وابداً

صح لسانتس نجد
يرحم ابو مشعل ويسكنه فيسح جنات وجميع موتى المسلمين
ويرد لنا شاعرتنا بالسلامة

منور ابو محمد
وصح لسااانك




وصحت السنتكم جميعآ ي مبدعين
(:

[الجووهره]

صباح الخيرات والمسرآت
هلا بالسجين وصح لسآنك ودآم ابدآعك

شآعرنا هزآع هلا بك
والله يبشرك بالجنه وكل خير يآرب
وصح لسآنك مبدع بكل أحوالك
فصيح ونبطي يعطيك العآفيه

خيآل ، رحووله
منوورين ودآم حضوركم وابدآعكم

شاعرنا الصقري مفقود
عسا مانعه خير ان شاءالله

[الشامخه]

نبطي عن اصحابنا الغالين عدة شهور
‏و ظروف الايام حدتنا عن شفوفنا
‏.
‏فالمعذره يالنشاما كان مني قصور
‏والكفو ما نتركه لو شانت ظروفنا..

___________
السلام عليكم ي صباح النور والسرور..
ي الله انك تبقي وتطول ب عمر اخونا العود..
م يحيي هالسجن غيره ولايهونون الباقين..
شلونك عساك طيب؟..
وي مرحبا ب شاعرتنا نجوده ..
صح لساانك ي نور هالمنتدى..
وي الله حي خفيرنا الغالي ..
م يحلى سجننا بدونن كلابشه وازعاجه لسجانه..
وي الله حي سجيننا حمد..
نورت السجن..وي الله انك تحيي هزاع..
منورنا ..وي الله تحيي جوج صاحبة اطيب قلب..
وي الله تحيي رحوله اللي م يحلى هالمنتدى بدونها..
شلونكم كلكم عساكم بخير وصحه وعافييه..
عبدالله الصقري والغايبين فاقدينهم..
..
والله يرحم طلال ابو مشعل ويغفر له ..
جعل قبره في نور وبراد واتساع ياارب..
دُمتم بخير يارب.

[الشامخه]

تسلية للسجين..
رغم الظروف اللي تمرنا عايشين
‏و الوقت يمشي ما يطالع فايته
‏.
‏ممتع شعور الصبر بكل الحالتين
‏يعلمك كل شي بيوصل غايته
‏.
‏نتصنع الضحكه وحنا ساكتين
‏فالساكتين أشياء ماهي ساكته

______________
ينفع الانتظار ولا يفيد الأمل
‏مدام عمر البشاير .. غايبٍ نورها

‏مشيت من شوقي وعبرت كل السبل
‏في ليلةٍ كالحه .. وجارح شعورها

__________
اﻟﻠﻲ يقوﻝ الشوﻕ ماهوﺏ غلاب
‏ﺍنـا ﺷﻬـﺪ اﻧـﮫ ما ﻳﻘوﻝ االحقيقه
‏.
‏ما ﻳﺪﺭﻱ اﻥ اﻟﺸوﻕ ﺗﺮﺧﺺ له اﺭقاﺏ
‏واﻧﮫ ﻋﻠﻰ ﻗﻠـﺐ اااﻟﻤﻮﻟـﻊ حريقه

________
خذني على قدّ الغلا والإهتمام
‏نظراتنا وقلوبنا : متئآلفه ،
‏ٰ
‏لاتلومني لاشفتك وضاع الكلام
‏نظرة عيونك سالفتها سالفه

_______
بين إمتعاضات الظروف وصلفها
‏لا تركن أحزانك على كف لومك
‏.
‏.
‏الصبح شمسه تفهق الغيم شفها
‏والعمر مره عيشه وعيش يومك

[ناصر الهواوي]

ترحيبيه بالشامخه بعد هالغيبه الطويله اهم شي انها بخير وعافيه وتتطمنا عليها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
يامرحبا عدة انواع السمك فالبحور
وما صافحت من كفوف احبابنا كفوفنا

وما بالوطا من شجر ما بالجبل من صخور
بالشامخه ضيف والا ربة ضيوفنا

يقال من هو حضر ما غاب جد معذور
اهم هاجه نشوفه زين ويشوفنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
واحد من معارفي يقول ليش ما تكتب يالتويتر حتى تشتهر يفكر ان ابحث عن الشهره
انا اتسلى مع الغالين هنا وبس
كتبت اليوم بتوتر
حلا بس انا ما ادري متى شفت هالكلمه ووين
حقيقه بشخص او شفتها فوق تغليفة حلا

وهلا كلمةٍ ضخمه وتنقال تحمل معنيين
اسمع بندر بن سرور وش قال عن كلمة هلا

وبلى هي نعم عنها تجي في وصل والا لبين
وآخر كلمه ان حلت بقلبين هي راس البلى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
ابن سرور رحمه الله يقول
وقولة هلا من لا يودك مهونه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
ياقلب كم قلبٍ عن الحب تايب=شف كم حمد يوعز وينصحك ما تبت
ما خط لك شارب وهالحين شايب=كم يوم احد بك مر ويجره السبت
صحيح ما بالحب ذم ومعايب=لكن منه ياضايع الراي وش جبت
قال اسكت اسكت لا تجيب المصايب=ماهبت انا كان انت من غبها هبت
لو شاف من ينصح طوال الذوايب=وجيد الفريد اللي يرتع مع الخبت
وعيون وكريه بروس الذنايب=ووردٍ بتربة مرمره نابتٍ نبت
وجمر وبرد /بارز صدر /بطن غايب=لقبالته فزيت بقفايته ذبت
ان كان قال المعذره يالقرايب=اخطيت انا والليله اشوفك اصبت

[رحيل]

وعليكم السلام ورحمة الله
ارحبي شموخه
ويـا هلا ويـا مرحبا مليون ترحيب
الله يحلي ايامتس ويسعد قلبتس يالغالية
تو مانور السجن والسجون المجاورة (:
———————————————-
مساكم الله بالسعادة والفرح (:

ابو عبيد صح لسانك الشاعرنا
ونبي حسابك بتويتر (:

هلابتس زود جوجو

[الجووهره]

ل شمووختنا الغاليه

أشوف الورد بقدومك تنفس وانتعش وأزهر
أشوف ..الدآر . بحضورك تغنت كل جدرآنه ...


مرحباااااا ألف
وهلا مليوون
أختنا الغآليه شمووخه
نورتي بعد الغيبه وعودا حميدا
وآخر الغيبات ان شاء الله
وحشتينااااااا. أوووي ههههههههه
ويسلم ذوقك ع التسآلي الجميله
وصح لسانك شاعرنا الهواوي
على الترحيبيه الرائعه وتستآهل شمووخه
وهلا بك رحووله منوووره يا الغآليه

[الجووهره]

للسجين والجميع
تسآلي العصريه




العمر مرّة والقلوب البيض ما تبغي دليل ..
والناس لا طابت نواياها تطيب حظوظها

...


الحياه دروب واختار ،، الطريق
اللي ما يحدك على الضيقه ابد

صير مثل البحر من خارج انيق
وداخلك عالم ما يدري بّه احد

،،،


خل في صدرك على الدنيا قبول
واعرِف ان الشمس تشرق لو تغيب

وعوّد لسانك ليا ضاقت .. يقول
الأماني في رجى الله ما تخيب..

...

من لا يحس بقيمتك وأنت موجود
ما هو بناشد عنك لا صرت غايب
-
حاول تفرق بيض الأيام والسود
يا قلب ما كل الحبايب .. حبايب
-
اللي يبيك يجيك لو دونك قيود
يكسر على شانك خشوم الصعايب
-
واللي يبي فرقاك لو دربك ورود
ما جاك لو إنك من أدنى القرايب

....


مَحْدٍ يِحبَكْ ويِتَمَنآكْ و يِغِيبْ
حتَى لَو ظُرُوفَه علَىَ طُولْ صَصعْبَه !

لَوْ إنْ قلْبَه عَآشْ حُبِكْ بِلآ رِيبْ
بِ يِقَآوِمْ ظُرُوفَه لآجْلْ حُبْ قلبَه


وبس والله
سلاااامتكم

[رحيل]

عصرية الشوق ماخلت طبايعها !
مع كل فنجال قهوة جابت أخبارك هههههه
عصر الخييررر (:

ارحبي يا جوجو صح ذوقتس يا ذوق
وانتي سالمه يا بعدي (:

[رحيل]

ليت من يدري بحبه وياثق من غلاه
لا سعى فـ جروح قلبي سعى فـ اعلاجها

واحدً ربي من الزين والقبله عطاه
يستلم عرش المحبه ويلبس تاجها

مثل مايحتاج الانسان لـ الماء فـ الحياه
الدروب اللي تودي عليه .. احتاجها


،،،،،،،،،، ،،،،،،،، ،،،،،،،، ،،،،،،،،

عودتك اني في رضاي وفي زعلي
انت المبدى دون كيف و دون ليه

اقول آسف لجل ما تزعل علي
وانا ماني ب اسف انا يؤسف عليه

يؤسف عليه ):

[عبدالله الصقري]

مسا الخيرات و الجو الحلو

صحت السنتكم وجميعا و سلمت قلوبكم و ارواحكم

حبيت ع الطآير أمر
و اسجّل حضوري

و آهفهفه بآقي الجمر
و يشعلل شعوري

*****

تسليه

https://youtu.be/S8UzkzuueDM

[الجووهره]

هلا بك رحوله
مبدعه في اختيارك كالعاده
يعطيك العافيه ويسلم ذوقك

هلا بك شاعرنا الصقري
ومسآء الأنوآر
ويعطيك العافيه على التسليه
ابو نايف عشق لا ينتهي لكل الأجيآل

[الشامخه]

ترحيبيه بالشامخه بعد هالغيبه الطويله اهم شي انها بخير وعافيه وتتطمنا عليها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
يامرحبا عدة انواع السمك فالبحور
وما صافحت من كفوف احبابنا كفوفنا

وما بالوطا من شجر ما بالجبل من صخور
بالشامخه ضيف والا ربة ضيوفنا

يقال من هو حضر ما غاب جد معذور
اهم هاجه نشوفه زين ويشوفنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
واحد من معارفي يقول ليش ما تكتب يالتويتر حتى تشتهر يفكر ان ابحث عن الشهره
انا اتسلى مع الغالين هنا وبس
كتبت اليوم بتوتر
حلا بس انا ما ادري متى شفت هالكلمه ووين
حقيقه بشخص او شفتها فوق تغليفة حلا

وهلا كلمةٍ ضخمه وتنقال تحمل معنيين
اسمع بندر بن سرور وش قال عن كلمة هلا

وبلى هي نعم عنها تجي في وصل والا لبين
وآخر كلمه ان حلت بقلبين هي راس البلى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
ابن سرور رحمه الله يقول
وقولة هلا من لا يودك مهونه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
ياقلب كم قلبٍ عن الحب تايب=شف كم حمد يوعز وينصحك ما تبت
ما خط لك شارب وهالحين شايب=كم يوم احد بك مر ويجره السبت
صحيح ما بالحب ذم ومعايب=لكن منه ياضايع الراي وش جبت
قال اسكت اسكت لا تجيب المصايب=ماهبت انا كان انت من غبها هبت
لو شاف من ينصح طوال الذوايب=وجيد الفريد اللي يرتع مع الخبت
وعيون وكريه بروس الذنايب=ووردٍ بتربة مرمره نابتٍ نبت
وجمر وبرد /بارز صدر /بطن غايب=لقبالته فزيت بقفايته ذبت
ان كان قال المعذره يالقرايب=اخطيت انا والليله اشوفك اصبت




ي عسى المرحب يبقى..
صح لسانك واعتلى شانك لاعدمناك..
اشتقنا للشعرك العذب..
تسلم يمينك والله يديم ابداعك.

[الشامخه]

رحوله مرحبابك مليون ي بعدي..
صح ذوقك الرائع دائماً ولاعدمنا ابداعك ووجودك..
جوج صح لسانك وذوق ي نور العين..
ي جعل المرحب يبقى لاعدمتك..
تسلم يدينك ودام ابداعك ووجودك..
الصقري ي الله تحييه من ملفاه ل ملقاه..
صح ذوقكك ودام وجودك.

[الشامخه]

عشاءالسجين والزوار واعذرونا ع التأخير

https://img1cdn.haraj.com.sa/userfiles30/2016-09-25/57e82c015518b.jpg

الشاي بعد العشا:
https://baytonia.com/media/catalog/product/cache/d20b6b0ca8ddf3a4415aa050c49f7dad/D/A/DA-TEA001-1_2.jpg

[الشامخه]

طايره من الفرحه وتنطنط بالسجن..
اخيراً عرفت تنزل صور اجل ابشرو بالخير..
عزالله لاطلع مساجينكم دبب م يطلعون مع الباب..
وسع بابك ي الخفير:)

[الجووهره]

هههههههههههه
دووم الفرحه شموووخه
كيف عرفتي علميني هههههه
علمتني رحوله زمان ونسيت ههههههه
ويعطيك العافيه ع العشاء يستاهل شاعرنا الخالدي
أحلى عشاء وأحلى شاهي وتسلم الايآدي

[الجووهره]

تسليه ع الطاير

‏نمسي على حآلٍ ونصبح على حآل
‏يـوم لـنـآ و آلـيـوم الآخــر عـلـيـنـآ
‏.
‏يـومٍ ســلى آلـخآطر ويـوم غثآ بآل
‏طـبع آلـزمـان و حـكمـة اللّه فـيـنآ.

[الشامخه]

ابشري جوج..
اختاري الصوره اللي تبينها من قوقل..
انسخي الرابط..اضغطي ع حق الصور..
اللي هنا بمكان الكتابه هنا فيه اختيار ..
يجيك انسخ الرابط انسخيه بس امسحي الكلمه ذي..
https لانها تتكرر وم تزبط الصوره..اتمنى فهمتيني:)

[ناصر الهواوي]

ابا انام لكن ليه مريت من جنب السجن
خفيره مطنش بالخفاره ولا عنده سجين

ذكرته وانا لوني نسيت الغلا مخطور اجن
وانا خالطن حبه بدمي ايلين اصبح عجين

لاتسرج وانا نعسان للشعر ياهجسي هجن
وبكره بعون الله ماخليته الليله يجين

[الجووهره]

الله يبشرك بالجنه
وكل خير يآرب
الف شكر شمووخه
ماقصرتي حبيبتي
يعطيك العافيه


صح لسآنك شآعرنا الهوآوي
ونوم العوآفي وأحلام سعيده


يقول

‏لاتاخذ الدنيا على محمل الجـد
‏أضحك لها لـو تبكي الناس منهـا

‏لأيامها لـو طالت أيامها حـد
‏تاقف عليه و ينقلب لك صحنهـا

‏نايف صقر

[الشامخه]

جوج تسلمين ي عيني..
وصح ذوقكك ي ذوق ودام تواجدك..
الهواوي صح لسانك ونوم العوافي..
______________تسلية اخر الليل_______
هيَ الليالي غيرت طبٓع الأحباب
‏وإلا البلا بـ أحبابنا ، يا ليالي ؟
_______________
لا تغرك وحدتي ، والليل ساكن
‏الزحام بـ ذكرياتك : يـ الحبيب

‏والله إن العمر بعدك حيل داكن
‏موجعه ذكراك .. وغيابك كئيب

‏مرني مشتاق لك مازلت ساكن
‏مستحيل آحب بعدك لو أشيب

‏ماوحشتك؟ روح وأسأل هالأماكن
‏كل ما مريتها كني " غريب "

‏إنت : أول شخص حبيته ولكن
‏كنت : آخر من توقعته .. يغيب :)

[الجووهره]

دائما مبدعه شموخه في اختيارك
يعطيك العافيه ويسلم ذوقك


لطشه منتصف الليل

‏أحسب عمار الدار يازيد جدران
‏و أثر عمار الدار يازيد أهلها

‏هم والله الأركان ماهي بالأركان
‏لكنها تخفى على من جهلها

‏السديري

[حمد الخالدي]

صبحكم الله بالخير جميع وصح الله لسانك يا شيبه ما شاء الله لا قوة إلا بالله
لا هنتي الجوهره على التسالي واستقبال الزوار
و خيال هنت اثمرت فيك دهنة السير خخخخخ كفو
ورحيل انا مطلبي من مطلب ابو عبيد ورينا تجاربك
الشامخه لا هنتي على العشاء فكيتينا من هنقر ستيشن
الصقري لا هنت على ابو نايف وذكرياته قديمه
توني اقضب الارض واتواسى يا الربع والعود اللهم عافنا ضو (:

..


فالرياض وخاطري به يا حمد حاجات واجد
والهجوس اللي براسي ما تروح ولا توقف

والامن في كل وجهه والتباعد فالمساجد
والبشر غير البشر لا وا عنا قلبٍ تشقف

قمة الضوضاء ماقد جيت لي في سوق هاجد
وإن بديت آصف شعوري قالوا يا جاهل تثقف

والحظيظ اللي لها عنها وهو راكع وساجد
وأبعد الوسواس والتفكير بعلوم الملقف


طبعاً حمد ولد عمي..

[ناصر الهواوي]

ياصباح الخيرات والسعاده والمسرات
اهلا بالجميع وصحت الالسن والابدان
صح لسانك يالخالدي وصح لطش اللطاشه ونقل النقاله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
اعترفت بدهنتك ياحمد سير الخفير=وانت تعرف حكمة الشرع والرشوه حرام
بالسجن يالخالدي ما مكثت الا اليسير=وعودكم في سجن من سلهمت عشرين عام
من الجنوب ان هب نسناس يعتبره بشير=ويكتفي لاهب به عن شرابه والطعام

[رحيل]

صبح صبح
صباحكم سعادة وسكر زيادة
صحت ألسنتكم يا مبدعين
وصحت اذواق البنات الحلوات

شووخ
ي عيوني انتي تسلمين الله يسعدتس
النور نورتس جوووجوو

الفطور المتاخر
بس عاد مدلعيننكم اليوم فطور متعوب عليه (:

https://h.top4top.io/p_1689y566s0.jpeg (https://top4top.io/)
هههههههههههههههنه

[رحيل]

الشايب ابو حجان معقده تقول جني
اشهب تسنه طالع من رماده
شايب ومقترن حجان واتقول جني
اشهب الوجه كنه طالعٍ من رماده

اذا شفته تنحاش تقول ابعد عني
الله يسامح من سماك ابن عباده
من يشوفه يقول ارجوك رح غور عني
سامح الله من سماك يابن عباده
[|انا

─────┄┄
قولي لرسام الكلام الفني
الرسم عنده فن ولا عاده

ماهو على فكري لاهو ضني
حطي عليه امن الحلي اقلاده
[|الشاعر

─────┄┄
بعض الصور ماتنرسم اخذ العلم مني
ماني شاعرة اقول فيك بيت ي حماده
بعض الصور ما تلون جاكم العلم مني
واليوم انا شاعره هجيتكم ياحماده

مارديت الا من حروف احزنني
وبطلع نابغه يا صاحب السعاده
سبة حروفك اللي شفتهن واحزنني
صرت انا نابغه واصبحت صاحب سعاده
[|انا

─────┄┄
انا اسد وشلون يالقناص تبتأمني
ابعد عن الضرغام والسنونه الحداده

امزح مع الطيب لو نه صغير سني
وكبر مثل سميتها ياهيه يا شداده
[|الشاعر

─────┄┄
القناص مايخافك يَ غضنفر من سنيني
الاسد خلعنا انيابه كالعاده
اشهد اني ما خشيتك يالغضنفر من سنيني
قلعة سنون الاسد لا كشرن لي قبل عاده


وحنا للطيب نهدي ورد وبساتيني
والكرم فينا وراثة وحب وعاده
نهدي الطيب لطيبه باق ورد وياسميني
والكرم والطيب فينا انت ما تاصل لماده
[|انا

─────┄┄

البداية ضاعت اللي انا رديت عليها << رديت عليها يعنني شاعره ههههههههههههههههههههههههههههههههههه
ترى شداده يعني رحيل ):

[هزاع محمدالعاصمي]

السلام عليكم ورحمة الله وبركاتة
صباح النور والله يحي الجميع منورين ومدهرين عيني عليكم باردة مشاركة وتسلية للسجين والجميع

الا ياوقت هونك لاتهديد الحيل مابة حيل=اشوفك ترغب بتعذيب ناسٍ مالهاحيلة
ولا ياطاري الفرقا علينا لاتزود الميل=علينا وقتنا جاير رجيت الرب تعديلة
أنا همي علي كايد توارد مثل لطم السيل=مكن بقصى الحشا معادلي قدرة ولاحيلة
نهاري في الشقا شارد عشقت الحزن والتخميل=وليلي في رجاء برقٍ توارا في مخايلة
زماني طول الهجران بلا سبة ولا تعليل =عجزت ألقا من العربان من يأوي وبشكيلة
أنا برقب فرج ربي عليه العدل والتسهيل =الا يالله ياوالي رجاك العبد تسهيلة

بالتوفيق

[ناصر الهواوي]

صح الله لسانك يابو محمد ولافض فوك/مجاراة ع الطاير
الا ياوقت تعَبت العرب في كثر حط وشيل=تحملها حمولٍ جايره ما تقدر اتشيله
شف الشيخ الشليخي ليله البارح غدا اطول ليل=يصد عن الهموم وتاقف بدربه وتومي له
كلامه من وضوحه لا يبي شرحٍ ولا تعليل=على فرقا الغلا بلبله ما تاقف مواويل
طرا له خشف ريمٍ وجنته تقول فيها نيل=سهيف خد رايع من هبوب الصيف تاويله
تمادا بالصدود وشاف من يرجي وصاله ويل=من الهوجاس بهر دلته سكر نسا هيله
وانا وشلون الومه قد طفح بي من جفاهن كيل=وكم غيري وغيره من جفاهن قد طفح كيله

[ناصر الهواوي]

الله اكبر يوم زار محمد الغنامي=السجن والخالدي مسجون ما دري به
شاعر وبيطار يطرب لاحسن الانغامي=والله ان زيارته هالعصر فيها ريبه
ويمكن السجن بحضور الذيب حظه قامي=يسمع المسجون هالطاروق ويغني به
كان ابو بندر لقا شخصٍ مقامه سامي=لايصد ولا يرد وواجب يهلي به

[هزاع محمدالعاصمي]

السلام عليكم ورحمة الله وبركاتة
مساء السعادة والسرور والورد المنثور ثلاث
ابيات للتسلية والباقي على شاعرنا ناصر الهواوي ههههه

يطري علي في حزة الشوق طاري=وعيش ذكرى حبنا اول العام
وستجدي الأشواق وجيك ساري= أنا بقربك داخلي كله الهام
حرام يالمحبوب تبيع شاري = ماتدري إنه حرم بشرع الاسلام

بالتوفيق للجميع

[الجووهره]

هلا بالجميع
وصحت الالسن والاذوآق ودام الحضور الجميل والابدآع
منور مديرنااا تحت. خلينا نشوفك فوق هههههه
رحووله
يعطيك العافيه ع الفطور المتأخر.
يعني تبون تقهروني انتي وشموخه بالصور
تذكرت البنوته الدبدوبه اللي تقول
خلي جواهر تنقهر هههههههه

[الجووهره]

الشايب ابو حجان معقده تقول جني
اشهب تسنه طالع من رماده
شايب ومقترن حجان واتقول جني
اشهب الوجه كنه طالعٍ من رماده

اذا شفته تنحاش تقول ابعد عني
الله يسامح من سماك ابن عباده
من يشوفه يقول ارجوك رح غور عني
سامح الله من سماك يابن عباده
[|انا

─────┄┄
قولي لرسام الكلام الفني
الرسم عنده فن ولا عاده

ماهو على فكري لاهو ضني
حطي عليه امن الحلي اقلاده
[|الشاعر

─────┄┄
بعض الصور ماتنرسم اخذ العلم مني
ماني شاعرة اقول فيك بيت ي حماده
بعض الصور ما تلون جاكم العلم مني
واليوم انا شاعره هجيتكم ياحماده

مارديت الا من حروف احزنني
وبطلع نابغه يا صاحب السعاده
سبة حروفك اللي شفتهن واحزنني
صرت انا نابغه واصبحت صاحب سعاده
[|انا

─────┄┄
انا اسد وشلون يالقناص تبتأمني
ابعد عن الضرغام والسنونه الحداده

امزح مع الطيب لو نه صغير سني
وكبر مثل سميتها ياهيه يا شداده
[|الشاعر

─────┄┄
القناص مايخافك يَ غضنفر من سنيني
الاسد خلعنا انيابه كالعاده
اشهد اني ما خشيتك يالغضنفر من سنيني
قلعة سنون الاسد لا كشرن لي قبل عاده


وحنا للطيب نهدي ورد وبساتيني
والكرم فينا وراثة وحب وعاده
نهدي الطيب لطيبه باق ورد وياسميني
والكرم والطيب فينا انت ما تاصل لماده
[|انا

─────┄┄

البداية ضاعت اللي انا رديت عليها << رديت عليها يعنني شاعره ههههههههههههههههههههههههههههههههههه
ترى شداده يعني رحيل ):

ماشاء الله
صح لسآنك رحوله
وصح لسآن الشآعر
وطلعتي شآعره من ورآنا
صح لسآنك وعقبآآلي ههههههه

[الشامخه]

ي هلاوالله ب رحوله تسلم يدينك ع الفطور __
وصح لسانكك وذوقكك ي بعدي..
ي الله حي هزاع منور وصح لسانك..
الهواوي الله الله ع هالابداع صح لسانك..
وتسلم يمينك لاعدمناك..
ههههههههه جوج تخيلت شكل البنت الله يسعدها..
ان شاءالله تتعلمين ي بعدي ..
وكمان عقبالي اكون شاعره يارب..
الغنامي ي الله حييه من ملفاه ل ملقاه..
من طول الغيبات جاب الغنايم ارحب وهات الغنايم.

[الجووهره]

https://youtu.be/oQHzzbSycYg
جبت لكم البنوته
رحمت جواهر
هههههههههههه
ماشاء الله. الله يحفظها

[الشامخه]

هذا عشاكم الليله بمناسبة رجوع الغنامي..
اعرفه يحب هالبوفيه..
https://ramallah.news/thumb.php?src=uploads//images/b4444a7b4570ac9e2897fdaa3334f9af.jpg&w=780&h=450
https://i.saudi-arabia.zafaf.net/gallery/37815/preview_hlfoisnvwhbozsjvoyplsorfw.jpg
المقبلات:)
https://www.alkhafji.news/wp-content/uploads/8R1A3159-%D9%86%D8%B3%D8%AE-680x453.jpg

[الجووهره]

هلا بك شمووخه
وماجبتي. ويعطيك العافيه
ع العشا الفاخر ويستاهل مديرنا
وكثر الله خيرك. من يد مانعدمهااا

[الجووهره]

‏روحي وانا من يمكم بقفل الباب
‏ماعاد ابفتح من جهتكم دريشه

‏مادام جت منكم بلا عذر واسباب
‏جيتي ورحتي مثل دعم المعيشه

‏هاذي نتاج الحب للناس الاقراب
‏كنك تبيع التمر في سوق بيشه

أعجبتني نقلتها لكم لشاعرها
حسين بن خشمان العضيآني

[الجووهره]

تسليه من الفصيح

‏ازرعْ ورُودَكَ فِي دَارٍ حَللْتَ بِهَا
‏حتَّى يَشمَّ عَبِيرَ الوَردِ مَنْ زَارَا

‏أغْلى الكُنُوزِ وَراءَ المَرءِ يَترُكُها
‏ريحٌ تَطِيبُ إذا مَا فَارقَ الدَّارا

[ناصر الهواوي]

الشامخه وين الغنامي اللي بذرتي من شانه كل هالتبذير بس الاسم
اهلا يالجوهره صح ذوقك
اهلا يابو محمد
ابا امر على الابيات

[ناصر الهواوي]

ابو محمد لازم نسوي بينك وبين همزة الوصل مصالحه ما تكتبها ابدا انا ملاحظ هذا من زمان
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
مر الزمن شيٍ مقدر وجاري
ذالجد والباقي وساويس واوهام

واثره قطوع ولا يرد اعتباري
للي قعد يرجي وصاله ولا قام

طبع الغواني ما اختلف وانت داري
معهن قليِّل ربح شاري وسوام

واستثني اللي جعله بحفظ باري
صاحب تخصص يحكم الصنعه احكام

[خيال مطير]

يقول الشاعر/
يا قبر قلي عن زمــــان اﻹقامـــــة
كم عام يقدر ينتقل منـك راعـــــيك
ودي توضح لي شروط السلامـــة
من ضمتك من ظلمتـــك من بلاويك

رد القبر /
يا ذيب من ينشد يثمـــن كلامـــــه
راجع خطياتك و راجع حسانيـــك
تبقى بجوفي لين يــوم القيـــــامة
محدن يجي عندك و لا يتصل فيك

رد الشاعر /
و إن كانت اﻷعمال خامة و خامـــة
منها ذهب صافي و منها سراميك
ممكن تفيد المعـــــذرة و النـــــدامة
بعد نزولي بالكفن في ضواحيــك

رد القبر /
فوقك ليا جات النصايب علامـــة
ثنتين توضع عند راسك و رجليك
ما عاد ينفعـك العتــب و الملامـــــة
من حين روحك ترتفع عند باريك

رد الشاعر/
يا قبر ما دورت منــك الكرامـــة
أرجو عفو ربي و لاني براجيك
اللي بديه اﻷمر ماسك زمامــه
رب الملوك و رب كـل المماليـــــك

رد القبر/
يا ذيب في هذا التحدي غشامــة
بلا عمل ما هو مناسب تحديـــــك
أوصيك عهد الله صون التـــزامة
مني و من بعدي من النار ينجيك

رد الشاعر/
يا قبر زودت المخـــاوف جسامـــــة
زدني نصايح نافعة قبل ما أجيـــك
أخاف أجي لك فوق ظهري غرامة
و تسديدها ما يقبل الدفع بالشــيك

رد القبر /
إقرأ كتاب الله و أفهــــم نظامـــــة
و تلقى الذي يعني لغيرك و يعنيـــك
و أختار ما يعنيك و أمسك خطامـــة
ما دمت حي خطام اﻷعمال بيديك

[الجووهره]

صح لسإنك شآعرنا الهوآوي
ويعطيك العافيه خيآل ويسلم ذوقك
محاوره رآئعه ومؤثره. الله يرحمنا برحمته
ويرزقنا حسن الخآتمه.

[حمد الخالدي]

صبحكم الله بالخير جميع وصحت الألسن والأذواق كلو نفر كويس والله :)

..

يا هاجسي جو السما صافي وعيني فالنجوم
كني حبيبٍ ينتظر عقب البطا نظرة حبيب

قلبه كلاه الشوق ولا ينفع مع المشتاق نوم
روحه على حد الأمل تاقف وهي مثل الغريب

اللي لفا في ديرةٍ كانت تصافحها الغيوم
لكنها صارت شعيب ولا مشى سيل الشعيب

لا يا حمد قرب عسى ايامك تفارقها الهموم
لا يا سميي يا حمد وين النصيب اللي يصيب

دربي بعيد ولا بغيت الوم ما ادري مين الوم
تجمعت تفرقت واللي نشوفه راس ذيب

حبل الصبر ما يفلته لا يا حمد غير الرخوم
نصبر ونطلب رحمة الرحمن ويصيب النصيب

[حمد الخالدي]

الله اكبر يوم زار محمد الغنامي=السجن والخالدي مسجون ما دري به
شاعر وبيطار يطرب لاحسن الانغامي=والله ان زيارته هالعصر فيها ريبه
ويمكن السجن بحضور الذيب حظه قامي=يسمع المسجون هالطاروق ويغني به
كان ابو بندر لقا شخصٍ مقامه سامي=لايصد ولا يرد وواجب يهلي به

الله أكبر يا الهواوي كلشٍ قدامي
ماني مغفل ولا درويش ولاني شيبه

جَية محمد عزيزه وين مشط الرامي
الفشق شعال لا تنسى و ولم طيبه

مرحبا به عد قطفاتٍ لتوتٍ شامي
وعد ما ناصر عطى وادخل يده في جيبه

ان بغيت الحق طرقك يا الهواوي طامي
يطرب الهاجس ولا يبلش مع التركيبه

[رحيل]

أسعد الله صباحكم بالخير والمسرات
صحت السنتكم شعارنا (:

صحت اذواق البنات الجميلات
جوجو شمووخه ..

شوكورن ابو عبيد على الاضافة
اللي بدون تعليق هههههههههه

ماشاء الله
صح لسآنك رحوله
وصح لسآن الشآعر
وطلعتي شآعره من ورآنا
صح لسآنك وعقبآآلي ههههههه
صح بدنتس جوجو
اي هين شاعرة هههههههههههههههههههه

[رحيل]

https://youtu.be/oqhzzbsycyg
جبت لكم البنوته
رحمت جواهر
هههههههههههه
ماشاء الله. الله يحفظها

هههههههههههههه بسم الله على قلبها تموت ضحك
كل دبدوبه دمها خفيف ومملوحه هههههههههههههههه
الله يحفظها

[هزاع محمدالعاصمي]

ابو محمد لازم نسوي بينك وبين همزة الوصل مصالحه ما تكتبها ابدا انا ملاحظ هذا من زمان
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
مر الزمن شيٍ مقدر وجاري
ذالجد والباقي وساويس واوهام

واثره قطوع ولا يرد اعتباري
للي قعد يرجي وصاله ولا قام

طبع الغواني ما اختلف وانت داري
معهن قليِّل ربح شاري وسوام

واستثني اللي جعله بحفظ باري
صاحب تخصص يحكم الصنعه احكام

وعليكم السلام ورحمة الله وبركاتة
مساء الخير
عطنا أمثلة لاتخلينا عائمين ثم نخليك أنت وسجنك ههههه
واللي ناوية يصحح من خطأ صاحبة يرسل على الخاص مو يفرد عضلاته هنا
وسلامتك

[خيال مطير]

لا يبعد رمش العيون ونظرها=ياللي غلاك اغلا من الشوف للعين

يا دنيتي يا شمسها يا قمرها=ياللي سكن حبك بوسط الشرايين

يا غاية شجون المحب وسمرها=يا وردة فاحت بعشق المحبين

مضمونها وأنتي عرفتي خبرها=من حاجتن بالنفس عنها تصدين

من مدةً وانا انتظر ونتظرها=وفي كل مره في وعدها تمدين

والصبر مليته ونفسي قهرها=والوعد دين ويلزمك توفي الدين

لو تطلبين الروح نرخص قدرها=وانتي على روحي وقلبي تمونين

أنتي غناة الروح وأنتي ثمرها=وانا وفي الحب وانتي تعرفين

روفي بحالي قبل يدني قدرها=ترى الوفاء شرعن بسلم الوفيين

[الجووهره]

رووعه القصيده
مين شاعرها خيال؟؟
ويعطيك العافيه على نقلها

[الجووهره]

وعليكم السلام ورحمة الله وبركاتة
مساء الخير
عطنا أمثلة لاتخلينا عائمين ثم نخليك أنت وسجنك ههههه
واللي ناوية يصحح من خطأ صاحبة يرسل على الخاص مو يفرد عضلاته هنا
وسلامتك

وسع صدرك هزآع
ولا تخلي السجن
من كثرهم المتواجدين
ما صدقنا ينتعش ويطلع من غرفة الانعاش
ههههههههه

[حمد الخالدي]

وعليكم السلام ورحمة الله وبركاتة
مساء الخير
عطنا أمثلة لاتخلينا عائمين ثم نخليك أنت وسجنك ههههه
واللي ناوية يصحح من خطأ صاحبة يرسل على الخاص مو يفرد عضلاته هنا
وسلامتك


ههههههه
لا حول ولا قوة الا بالله
يا هزاع ارفق احيان يكون التصرف ما يقصد به هدف معين
فكاهة ربما كسر حواجز بعدين انت ما قد تعاملت مع شيبان
طبيعي جدا يعطيك ايها في عينك قدام اي احد هههه
والجوهرة ما قصرت قالة الزبده

[خيال مطير]

شكل قصيدتي ماعجبتكم .. انتبهو من ألاقشر لايثور عليكم

[خيال مطير]

يا أميره مابقى غير السؤال إلي تثيره=الشوارع والمدينه تسألك كيف الأماره ؟
أمس قبله يا أميره كنتي بحساب الفقيره=وأرتقيتي وأغتنيتي وإنتي ما عندك تجاره !
كيف قولي يا أميره صرتي بحساب الوزيره ؟=فجأه من آخر صفوف الناس صرتي بالصداره !
فجأه أصبحتي شهيره دايره في كل ديره !=تأمرين وتحكمين الشعب في عرف ومهاره
القصايد والمدايح فيك وأشعار كثيره=إللي يمدح في خصالك وإلي يوصف بالصقاره
أشتهرتي بالجمال وملبسك غالي حريره=وأشتهرتي بالتطور والتقدم والحضاره
بعده أصبحتي على كل الوجيه أغلى سفيره=كيف أهلّك الطموح لمنصبك وسط السفاره ؟
الأوادم صابها من وضعك المشبوه حيره=يسألوني ؟ والجواب الحُر تكفيه الإشاره
لا تقولين الحياه بطبعها دايم مثيره=ولا تقولين إن هذا جاك بجهود الشطاره
يا أميره عارفينك لا فطين ولا شطيره=وأدري إنك تتقنين اللعب بأسلوب الإثاره
يعني هذا ناتج التأثير وإعماء البصيره=مثل هذا فعلاً إنك تستحقين الجداره
فعلاً أثبتي كلامك يا أميره يا جديره=مُعجبينك صفقو لرضاك بِاعجاب وحراره
بعد ما صفق لك الجمهور بيحي بالسريره=ليه أصريتي على إنك تطلعين أعلى مناره
شهرتك ما تقنعك لين أنتهيتي مستذيره=خايفه عقب النجاح يكون مردود الخساره ؟
وش يحدك للتعجرف دام للشهره قديره ؟= تقدرين لنيلها لكن ما عندك جساره
يا أميره والبلا هذا الزمان إللي نسيره=يكتب الماضي ولا يمحي من أيامه عباره
لو رجعنا ثم قرينا قصة البنت الصغيره=كان يكفي عن ظلام الليل لا شعشع نهاره
يستثير الخافق إللي لد في عزوة أميره=حينها الدنيا تقوم ولا يهجدها وزاره

[خيال مطير]

https://www.youtube.com/watch?v=WUFHTc19hAA

[محمد الغنامي]

السلام عليكم
اسعد الله جميع اوقاتكم بكل خير
صحت الالسن جميع شعراء وشاعرات ومتذوقين ومتذوقات
الله يبقي من رحب وهلا ويعافي الجميع
الشامخه كثر خيرك وماقصرتي
رايتك بيضاء دائما

[خيال مطير]

https://d2halst20r4hcy.cloudfront.net/wallpapers2/041/625/521/920/original/avatar.jpg

[خيال مطير]

https://www.youtube.com/watch?v=HB5pBiqETpE

[عبدالله الصقري]

صحت الألسن و الذآئقه و دآم هالتوآجد الجميل

و مبروك شموخ على الصور
غلقتي اللي في النت كله
أحلى عوده
ههههههههههههههههههه
و هلا بمديرنا الغنامي منوووووووور

[خيال مطير]

مرحبا بك. يابو بندر بين زهور الأبداع ورحيق الأخوة وشهد المحبه. منور مديرنا الغايب الحاضر

[عبدالله الصقري]

تسالي بالفصيح



https://www.r111n.com/t41281.html

مع أرق تحيَّه

[خيال مطير]

https://cdn.al-ain.com/lg/images/2018/1/18/78-130312-coffee-authentic-arabic-tradition-2.jpeg
القهوة يالسجين ولاتسى تدهن السير عشان خليك تروح تشوف ورعانك

[خيال مطير]

https://pbs.twimg.com/media/BI7jVa6CYAITVAq.jpg

اذا كنت تستخدم الجوال أضغط ع الصوره

[حمد الخالدي]

هههههه والله خفيركم ذا ذمته لك عليها عيني عينك يطلب دهنة السير...ما امداني دهنت سيرك

[ناصر الهواوي]

له له يابو محمد كثرة التشره والشكه من علامات التقدم بالسن
والله ما قصدي لا نقد ولا استعراض عضلات بس لاحظت ان ما تكتب همزات وصل لبعض الكلمات
ولا اعرف السبب ولا انا شاوي وفلاح ويني وين ارباب اللغه
ومن ناحية السجن اللي من الجميع مايدخل الا مجامله لي تراه بحل مني الا الابد
اما انا مادام به لو زول ما رايح اتركه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
الخالدي صح لسانك ولاهن انا اقصد ان الغنامي ما درا انك المسجون فلا رحب ولا جاب تسليه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
وبعدين ياربايعنا ويا ربعنا انا هذريت لا عاد تشرهون علي اذا شفتو خطا

[الجووهره]

هلا بالجميع منووورين
كلن باسمه
خيآل
الحق عليك ما وضحت ان القصيده لك
وانت مبدع بكل حالاتك
شعرا ونقلا.
صح لسآنك ويسلم ذووقك

مديرناا الغنآمي
هلا بك منوور ونطمع بالمزيد
من حضوورك وابداااعك.

الهوآوي وهزآع
الله لا يجيب الزعل
ولابد من المناوشات الوديه
بين الاخوان والله يديم المحبه
بين الجمييع.

[ناصر الهواوي]

الظاهر ان الخالدي استمرأ السجن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ(صعبتين) تكملة السطر
ايييه يالورقا معي جري الصوت=ياطول ما جريت انا معك صوتك
تغانميها فرصة العمر لاتفوت=من بعد طول العمر موتي وموتك
هاتيه محزونٍ كما صوت بخوت=بمشاركة وجدان ترفع بخوتك
كلمه بلا مقصود به شاتني شوت=وقال اغتنم حظك معي لا يفوتك
هو اي حظ اللي مغثر ومكبوت=لاصار عندك ما يزن زر كوتك
سن القلم لا ارعف بحبره على النوت=يكتب خلاص احرقت لآخر كروتك
واصبح هو الشامت وصرت انت مشموت=ومن الغريب انك تفدي شموتك

[الجووهره]

الخآلدي
كيفك مع السجن
ويازينهم الشيبان وذباتهم
ههههههههه

تسليه ع الطاير

‏عز نفسك تجدها ياعزيز المقام
‏وارفع الراس كنك فوق هام الثريا
‏وان تقابل عدوك سابقه بالسلام
‏الصبر والاجر ماكل يوم إيتهيا


‏جوهرة الشعر

طبعا مو أنا
أنا جوهرة اللطش
هههههههههه

[ناصر الهواوي]

تكفى ياحارس سجننا فك بابه=وازهم حمد قل له من العود مكفول
النجم اكيد انه محسب حسابه=وليا بدا له معه ما ينفع القول
والجوهره بدال حضرة جنابه=بقسم النسا جبها وعنها انت مسؤول

[الشامخه]

هلاوالله ب الغنامي نورت السجن والمنتدى..
الهواوي صح لسانك واعتلا شانك..
كفاله وافيه ومهوب غريب الطيب من راعي الطيب..
والله حي جوهرتنا نورتي السجن..
الليله لنا سهرة شاي وسوالف ..
وصح ذوقك ي عسل..
الخالدي صح لسانك ابدعت..
ومبروكك الحُريه ..وي الله حي الصقري منورنا..
وننتظر جديدك..
رحوله منوره وصح ذوقك ي ذوق..
هزاع منور ي الله حيه..
خفيرنا صح ذوقك دايماً مبدع ف اختيارك..
دام تواحد الجميع.

[الجووهره]

يالله مسا خير
وصرت انا المسجونه
ماعليه السجن للقدعآت
هههههههه
وصح لسآنك الهوآوي
ومبروك الحريه الخآلدي
ومنوره السجن يا أنا ههههه
والله الله بالتسآلي

منووره شمووخه
يازينك وسوالفك
بانتظارك ومري رحوله
جيبيها معك
ولا تنسون السمآعه أهم شي
السهره صبآحي شاي وسوالف وشيلات
ههههههههه

[الجووهره]

شيله ترحيبيه
لشموخه ورحوله
وتسليه للجمييع

https://youtu.be/1jD3P6EmTv8

[الجووهره]

بانتظار البنات
واتصفح تويتر
وانسخ والصق لكم
ممايعجبني



‏العمر وقفات والدنيا دروس وعبر
‏والعاقل اللي عرف الايام وحمولها

‏من جادل الجاهلين يضيع له في بحر
‏فلا تخاطب الناس الا بمستوى عقولها

‏ثنتين خذها معك يا من يهمك لامر
‏وصى عليها الحكيم لطيب مفعولها

‏لا تمدح العود لين يحط فوق الجمر
‏ولا تمدح الناس حتى تظهر فعولها .

،،،،

يقول أردنا ازآلة جدآر منزلنا
فتضرر جدآر جآرنا من الهدم
فأرسلت له معتذرا لكنه رد علي بهذه الأبيآت

عدّل وبدّل واهدم اجدآر بجدآر
ووسّع مكآن الضيف منّا ومنّا

كلّي فدآكم ياطويلين الأعمآر
لكن طلبتك .. لا تشدّون عنّاا


ما أجملها من قلوب نقيه سليمه

[خيال مطير]

تكفى ياحارس سجننا فك بابه=وازهم حمد قل له من العود مكفول
النجم اكيد انه محسب حسابه=وليا بدا له معه ما ينفع القول
والجوهره بدال حضرة جنابه=بقسم النسا جبها وعنها انت مسؤول

ماني فاك بابه لين يدهن سيري . وبعدين ماعندنا قسم نساء , عندنا قسم للبسسسه .. جاك العلم . جهير شرفي السجن . وانتبهي من الخفير تالي الليل , يمكن أبليس ينغزه جاك العلم

[خيال مطير]

يقول الحر الاشقر


*

الحـال وضع االحال الأول.. ولازال = من عـــــــــام نفس الحــــــــال وأسوا زياده
ياما صبرت وطــال صبر العـنا طال = ولا عـــــــــــاد لي بالصبر حيل وجلاده
واللي محيرني كذا .. وأشغل البال = يوم التقي به وأعجــــــــــــــز اعلن وداده
وأرجع على وضع الشــــــــقاء باري الحال =اللـه و أكــــبر ياحظـوظ القراده
الشمس من لون الشفق دمها ســـــــــــال =والليل معتم .. والسهر فيــه عاده
عجزت أعدل فالموازين مامال= وأتعبت حــــــالي فوق جهد أجتهاده
أخذت أنا وأيـــاه والعمر رحال=حتى الأمال البيض خاوت سواده
فيها خجل من ربها يوم تختال = جمال ومحياوعقل وركاده
ريمية عن جملة الريم لاجال = رووس العدام ألها عن أرض الحماده
تفرق عن الترفات في كل الأجيال = رحمن كملها جمال ورياده
يافال مرباع الغـــــــــــلا .. فال وعقال = جــيتك حــقيقة رجــــــــل .. ذاق النكــاده
ياللي غديت بعالمي مضرب أمثال = حكمك يليق وطاعتي لك سياده
ياللي عليك أســــــــــمى مواثيق الأمال = ياتاج ســــــــــــــــاس الحب مدري بلاده
ودام الحمول أركت على متن رجال =ببقى على خبرك قوي الإراده
في لحـــــــــظة تربش من الهول عقــال= وانا على امال الرجـــــــــــــــاء من عناده
يامن لك أوضـــاعي ترى اليوم تنقــــــال = والصدق لي مخرج وفاء من قياده
جيتك وأنا كلي رجــــاء حلم ووصــــــال = وصمتي ورد حوض المنيه بلاده

[خيال مطير]

http://www.wadifatima.net/up/do.php?img=17335



جهير شوفي جهزت لك غرفتك >

[خيال مطير]

مِل قلبٍ همه اليوم يبرم به = مثل حوتٍ يبترم بين الامواجي
ما بقى به دم وهمومه السبه = ناشفٍ دمه وهو حي وش راجي
يا همومٍ صار قلبي لها حَلبه = شكلة من دونك ضلوعي سياجي
ارحلي عن قلب من لا لقى طِبه = وارحمي قلبٍ ما ينفع به علاجي
كل ما ابعد هم جاء هم واقتبه = له ثمان سنين ما جاء له افراجي
وجد روحي وجد طفل امه تحبه = تاه عنها في مِنى وسط حجاجي
وجاه رجلٍ ما يخاف الولي ربه = اجنبيٍ طامع انه له سراجي
اخذه بحظنه وقرب منه لعبه = لجل يسلا خاطره ما يبى ازعاجي
امه تناديه ومضيعه دربه = في مِنى وهو تحت ظِل الابراجي
جالسٍ فالظٍل ويناظر القٍبه = يفتكر وشلون ما به تعواجي
ما درى ان امه من البعد منكبه = ساهره بالليل وتصيح وتناجي
قفوا الحجاج وابليس غادر به = فوق رحله رايحه ساحِل العاجي
وجنسوه بدار باهل الردى خصبه = ما وصلها ابوه جالب له نعاجي
لا بكى سالة دموعه ليا الركبه = بين منزاله وحظن امه افواجي
ما نطق يا كود يمه ويا يبه = عايشٍ من غير سنه ومنهاجي
وامه المسكينه احوالها صعبه = وسط مشفى شهار تبحث فالادراجي
وبعد عشر سنين قالوا نساوم به = وعرضوا بيعه على كل دواجي
واشترى راسه يهودي وغرربه = ولا هقية انه من اديانهم ناجي
انحرف عن دين الاسلام وش ذنبه = وامه اضحة سالفة كل هراجي
وقلبي المسكين من يجعله لِبه = من ثمان سنين للهم وهاجي
لا سلا يومين همه تلاعبه = لعبة المزمار في صرح ديباجي
يالله انك ترحم الي غدى قلبه = من همه مثل هرشٍ ليا هاجي
واطف نارٍ داخل القلب مشتبه = احرقة قلب المعنى ليا الصاجي



/ سامي الرقيب

[خيال مطير]

بانتظار البنات
واتصفح تويتر
وانسخ والصق لكم
ممايعجبني



‏العمر وقفات والدنيا دروس وعبر
‏والعاقل اللي عرف الايام وحمولها

‏من جادل الجاهلين يضيع له في بحر
‏فلا تخاطب الناس الا بمستوى عقولها

‏ثنتين خذها معك يا من يهمك لامر
‏وصى عليها الحكيم لطيب مفعولها

‏لا تمدح العود لين يحط فوق الجمر
‏ولا تمدح الناس حتى تظهر فعولها .

،،،،

يقول أردنا ازآلة جدآر منزلنا
فتضرر جدآر جآرنا من الهدم
فأرسلت له معتذرا لكنه رد علي بهذه الأبيآت

عدّل وبدّل واهدم اجدآر بجدآر
ووسّع مكآن الضيف منّا ومنّا

كلّي فدآكم ياطويلين الأعمآر
لكن طلبتك .. لا تشدّون عنّاا


ما أجملها من قلوب نقيه سليمه

صح لسانك يالجوهره وصح ذوقك الراقي

[الجووهره]

تسلم ياخفيير
وماعليك زود
ويسلم ذوقك على التسالي الرآئعه
اووماا الغرفه شي ثااني
شكلها غرفة جدتك الله يرحمهااا

ههههههههههههه

[الشامخه]

ي الله حي خيال صح ذوقك..
هههههه جوج احمدي ربك الخفير مدلعك غيرك يرقد ع الارض..
جوج صح ذوقك ي عسل والمهلي م يولي..
هذا الشاي والمكسرات..
https://encrypted-tbn0.gstatic.com/images?q=tbn%3AANd9GcQneVRLe2yvLqndQKX3z0woIhV86uo cU0qR6g&usqp=CAU
https://i1.wp.com/rjeem.com/wp-content/uploads/2015/09/333333310.jpg?fit=2000%2C1123&ssl=1
وهذي السماعات كم جوج عندنا:)
https://www.mymart.com.sa/image/cache/catalog/product/4855-1200x1200.jpg

[الجووهره]

هلا باللي له الخافق يهلي
من الفرحه وروحي به تهلي
هلا بها وماجابت
تو ما نورت الزنزانه وزانت السهره
والسوالف والعلوم الزينه

ارحبي على قولتكم
هههههههههه

[الشامخه]

ي هلافيييك جوج..
مرحبابك الف >>~مشغله شيلة جوج الاهداء..
وتناقز اول مرا احد يهديها شيله ..الله يجبر بخاطرك جوج

_____رحوله خامده فاتتها هالاجواء

[الجووهره]

هلا بك زوودشمووخه
تستاهلين أحلى الشيلات والله
رحوله خلاص بطلت السهر
من يوم ودعت العزوبيه ههههههه
الله يوفقها ويسعدها

[الشامخه]

تستاهلين الطيب ي عيني..
هههههههه الله يسعدها ويهنيها..
اجل بتصبحك بالفطور :)نتحادب عليك انا وياها

[الجووهره]

يافديتكم والله
ماتقصرون حبيبآتي
لا خلا ولا عدم


يقول محمد بن فطيس


‏أروح لمكان خابره.. خابره ياتيه
‏أسوق القدم صوبه وهي مالها حاجه،

[الجووهره]

يسعد صباح اللي من النوم صاحين
‏اللي لهم بالصدر حشمه وقيمه
‏واللي بعد ........ في لذة النوم باقين
‏اصحوا ترى الصبح المبكر غنيمه

[رحيل]

صباحكم سعيد ويومكم اسعد

صح الله لسانك يا ابو عبيد
كفاله كايفه وخير من اخترت (:
نورتي السجن جوجو

ومبروك الحريه الخالدي كانت ايام جميله هههههههه

منور ابو بندر نورت السجن
السجون المجاورة
وهذا ترحيب فيك :2guns:

[رحيل]

اي والله فاتني ):
يسعد لي جوتسن يازينه زيناه هههههههههههههههههههههههههههرحوله رويقده يا ويحي ويحاه من مغرب تسنها دجاجه ههههههههههههههه
‏
ياا بآيع الورد عطني للغلا ورده
ورده تناسب جمال وذووق جوجي وشموخه 🌺🍃

تفضلو الفطور على شرررف جوجو

https://d.top4top.io/p_1691dfc2m0.jpeg (https://top4top.io/)

[رحيل]

مرحبا يا غادةٍ تفرق عن أية غاده
مرحبا يالفارقه يالنادره من ندّر

،،،،،،،،،،،،،، ،،،،،،،،،،،،،، ،،،،،،،،،،،،،،

أقبلت تقل تاطا من غنجها قطن
إتهزّع تهزّاع الحمام إن مشى

،،،،،،،،،،،،،، ،،،،،،،،،،،،،، ،،،،،،،،،،،،،،

في طرف خدك مراويـح السحابه
مال وصف الناس في غيثك جدى

وفي مقيل الرمش ميدان الحرابه
بين بطش شيوخ وسيوف اعقدى

،،،،،،،،،،،،،، ..................... ،،،،،،،،،،،،،،

اوصافها تشبه اوصاف الغزال اللعوب
لو ماهي بتجفل اليا شافت ظلالها

اهداء لست جوج (؛

[الشامخه]

ي الله انك تسعد صباحهن ..
صح ذوقك ي جوج دايماً تبهريني ب ابداعك..
ي الله حي رحوله وحي الصباح اللي جابها..
هاتي فطورتس بنتخاشر فيه جوج رقدت وهيه تحتريتس..
بنشيل لها لاصحت تدفيه وتفطر..
وتسلمين ع الورد الورد م يجيب الا ورد..
وتستاهل جوج الاهداء والترحيب وصح ذوقك.

[الشامخه]

تسليه لجوج والزوار..

مع كل طلة شمس ..دعوة تأمُل
‏إستشعر ان اليوم أفضل من الأمس

‏لولا التفاؤل والصبر .. والتحمُل
‏راحت معاك احلام عمرك ورى الشمس*

‏______________
‏عط عمركَ الراحه وريح وأستريح
‏لاتـقترب لليّ يثير ، البلبله

‏ولا تكن مع البشر جداً صريح
‏بعض البشر حتىَ الصراحه تزعله

‏الكذبّ ساس المشكله ماهو الصحيح
‏الحين صار الصدق ساس المَشكله :)

_____________
‏" يا رب و الدنيا متاع و تمنّي
‏لاهي ادور في حياتي حياتي
‏-
‏يا رب و ارزقني على طيب ظني
‏و تقبل دعائي و تقبل صلاتي "

__________
الخوُي اللي يَنصحك لا تمَله
‏هوُ راس مالك فـ الليَال المعاسِير

‏و اللِي يخاف العيب و يراقب الله
‏أحرص على خوُته كانك تبي الخِير

[رحيل]

ارحببببي ارحبي شمخمخ
وصباحتس اسعد واجمل يالاميرة
صباح الفل والكادي جعله بالف عافيه ع قلبتس لبي قلبتس
نبااا نخلي لها عصير اعرفها مسويه دايت هههههههههههه
https://m.youtube.com/watch?v=Bv5DNHdL-pw

الشيله اهدا لتسن ههههههههههههههه
هههههههههههههه

[ناصر الهواوي]

ابدا الخفير من هالناحيه مامون وانا الضامن بس لو يعقل شوي ههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
سهره بسماعه ودنبك وشيلات=ونفض الكشش بالحيل ثور عجاجه
حفله مهيبه خصصت للبنيات=من الرقص سور السجن قرقع سياجه
الشامخة مديرة الحفل بالذات=ظنيتها من ما لبسته خواجه
وما صدقت رحيل صوت الغنا جات=بالبيت ما التفتت الى ايات حاجه
وخفيرهن واقف سرى الليل ما بات=يرجي لو يحصل لجوعه دجاجه

[خيال مطير]

https://encrypted-tbn0.gstatic.com/images?q=tbn%3AANd9GcSgKybioiFA1GbdkQ6B94gwQ-8gEEhiufkSeg&usqp=CAU

الغداء الغداء ياجهير لاتاكلين كله خلي لكِ عشاء منه غيرك مالقاه واحمدِ ربك ,

[خيال مطير]

وهذا شنبو تغسلين شوشتك , تراه زين للقمل

https://encrypted-tbn0.gstatic.com/images?q=tbn%3AANd9GcQ8EQVgGNfY4USYGBIYfU7-wSoTuTFqT5mLug&usqp=CAU

[خيال مطير]

جاك العلم يا

https://encrypted-tbn0.gstatic.com/images?q=tbn%3AANd9GcSxeBYNavxNsCJn4UiGIbgOjAmqRxM KckGkHA&usqp=CAU

[خيال مطير]

https://www.youtube.com/watch?v=0Ct-SRbyN8s

[الجووهره]

صبآح الخير بتوقيتي
ههههههه
كله من السهره الصباحي ههههه
وياجعلكم تسلموون يالغاليات
شمووخه ورحووله
على الفطور والتسآلي
فديتكم يا الغوآلي

والله يعافيك خفيرنا
على الغدا والتسآلي
والشامبوو هههههههه

رحووله اشوفك تعززين للمتينات ههههه
كله من كورونا. ههههه
أكل ونوم لا نروح ولا نجي
حتى النادي نخاف نروح له

[الجووهره]

وصح لسآنك شآعرنا الهوآوي
ودآم حضورك وابدآعك

[خيال مطير]

جوجو القهوه

https://encrypted-tbn0.gstatic.com/images?q=tbn%3AANd9GcSj1hP8DbYA0SbG9eqK-dlVWNfNfOI1bDbcIw&usqp=CAU

[خيال مطير]

الطيب ما يحصر بهذا وهاذاه =ولاهو بحصراً للعقول الحكيمه
الطيب ضلع ومن بغا الضلع يرقاه =ولا يطلعه ياكود راع العزيمه
واللي يروم الطيب يتعب ويلقاه =مادام يمشي مشيتاً مستقيمه
وليا شهد لرجل رجلاً من اعداه = اللي تقول انه خصيم لخصيمه
شهد بقولت نعم والطيب يزهاه=وانه جمع كل الصفات السليمه
هذا ورد للعد واقطن على ماه =الطيب عــــد ووردته مستديمه

[خيال مطير]

https://www.youtube.com/watch?v=uRmzw0wfVL4
______________________________

[الجووهره]

‏تسلية المغربيه

الهرج مفتاح الصدورالمغاليق
‏يبدي سرايرهاويشرح غرضها

‏كم كلمة يطلق رسنهامن الضيق
‏يندم على مفعولهااللي لفظها

‏وكلامك المسترسل بدون تنسيق
‏اماطرح قيمتك والانهضها

‏يحتاج لك فلترلقولك وتدقيق
‏والطائشة في الهرج لاتعترضها

‏يالله في طيب العمل والتوافيق
‏وترفع مقام نفوسناوتحفظها


لشآعرها خيآل
من تويتر
ما ادري عاد خيالنا
او خيال ثاني هههههه

[الجووهره]

يسعد مسآكم
ويين ويين
ويييين الملابين

وين الزوار والشعآر
السجن اليوم صخه
على قولة اخوانا الكويتين
ههههههه

[الجووهره]

جوجو القهوه

https://encrypted-tbn0.gstatic.com/images?q=tbn%3aand9gcsj1hp8dbya0sbg9eqk-dlvwnfnfoi1bdbciw&usqp=cau

تسلم على القهوه خيال
غريبه جوجو منك ؟ العاده جهير
ههههههههه
الله يسعدك خفيرنااا

[الجووهره]

ويعطيك العافيه
على التسآلي الرائعه
وتسلم ع الشيله الجميله
ويسلم ذووووقك

[الجووهره]

من الذآئقه

https://youtu.be/Qb_IPfX7lEI

[ناصر الهواوي]

الله يمسيكم بالخير
اهلا يالخيال والله بار بالجوهره تسالي وغدا وقهوه
والخالدي ما عتبت على بابه ههههههههههههه
اهلا يالجوهره شكلك ماشاء الله مبسوطه بالمعتقل الجميل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
الليله اللي ساد صوت الغرانيق
غطا على عصفورها والحمامه

في مجلسي عييت لا اركد ولا اليق
من ضيقةٍ بالصدر ما ادري علامه

حسب المثل تفتحن المغاليق
والصبر عندي وصل ذروة سنامه

ما دار في خلدي ابد انه يطيق
يصمل شهر واثنين ما جا سلامه

ما ادري متى مشاعره لجلي اتفيق
ومشاعري عيت اتنزل مقامه

اثر الجفا لاطوَّل ينشف الريق
وقلب العليل اثره يزود سقامه
وبس

[الجووهره]

هلا بك زووود شآعرنا
وصح لسآنك ودام ابداعك

ايه الخفير رآضي علي
هههههه
ماقصر الله يسعده
ولا يهونون الجميع
والحبس صار حبسين ههه
حبس كورونا وحبس السجن
تعودنااا ع الحبسه هههههه

[الجووهره]

يقول



أفز له فزة " المحتاج لـ المعطي "
‏وأفقده لا غاب فقد الحي للميّـت

أبدع الشآعر في التشبيه
تشبيه بليغ. صح لسآنه

[الشامخه]

تسلميين ي رحوله ع الشيله ..
لاعدمناك ي بعدي..وصح ذوقك ودام وجودك اللي يسعدنا..
الهواوي ي الله حييه تحية المطر..
صح لسانكك ودام ابداعك..ههههههه خواجه فطستني ضحك الله يسعدك..
خفيرنا غش م يصير كذا بشتكيك ع الهواوي..
لازم تعدل بيننا >>~هههههه
مير تستاهل جوج هالدلع..
جوج ي زيينك انتي وذوقك صح ذوقك ي بعدي..
نسينا نعشيك ي اوخيتي ابشري دقايق واجهز لك..
هالزلطه اللي تبرد ع تسبدك دامك مسويه دايت..

[الشامخه]

هذا العشاء لعيون جوهرتنا..
https://i0.wp.com/www.rjeem.com/wp-content/uploads/2015/12/00000000000000000000000-298.jpg?resize=660%2C330
https://www.hiamag.com/sites/default/files/styles/ph2_960_600/public/recipe/6064601-498597172.jpg
وهذا عشاء خفيرنا لاننساه..
https://www.albayan.ae/polopoly_fs/1.3936997.1597510565!/image/image.jpg_gen/derivatives/original_640/image.jpg

[الجووهره]

هلا وغلا
وصينية حلا
بشموووخه الغاليه
وتستاهلين الطيب حبيبتي
وتسلمين وتسلم الايادي
على العشا اللذيذ والخفيف
جا في وقته من يد مانعدمهااا

[الشامخه]

هلافيك زود وجعل المهلي دوم بالوجود..
الله يسلمك وجعله بالعافيه ي بعدي..

________تسليه______
يقول بن جدلان رحمة الله عليه:
‏ٰ
‏الله يقطع الحاجة ومشيٍ بلا مشهاه
‏والله يقطع اللي كـل من قاربه ملّه
‏ٰ
‏والله يقطع اللي لا بغيناه مانلقاه
‏والله يقطع اللي لا صفى ماصفى كلّه
____________
أهل الدراهم تعشق الشاهي المر
‏عشان دنياها حلاها زيادة
‏اما الطفارى تدبغ الكاس سكر
‏تبي تخفف به مرار النكادة
_______
من عطاني قَدري أعطيه إحترامي
‏ومن تجاهلني تجاهلته وطفته!

‏ومن يدوّر قربي أعطيه إهتمامي
‏ومن يقفّي عنّي أهملته وعفته

‏والمكان الي ينزل من مقامي
‏تنكسر رجلي ليا جيته وحفته..
__________
الكريم اليا عطا شي مايلحق عطاه
‏راهياً جوده ومرهي على الطيب ارهواه
‏والبخيل ان كان قهواك مره فالحياه
‏كل يوم يقول سويت لفلان اقهوه
______
صح لسانه الله يرحمه

[حمد الخالدي]

صبحتوا بالخير يا وجوه الخير وصح لسانك يا عود انا اشهد هالخفير ما جاني منه الا دهنة السير ودرب الرشاوي وريش النعام والعيشه راحت للجوهره..لولا لطف ربي ثم تساليكم وعشيات الشامخه كان اكلت هوا لكن الله فوق :(
..

بالسجن يا الجوهره والخفير اللي يقول
يا دهينه لا يكتك من الغربي نسيم

العشا والم من العصر وتدق الطبول
يا هل السجن اقلطوا واقضبوا خط القصيم

قبل كم يوم سجنوني على وقت النزول
اصطبرت وكني معقلٍ رجلي بسيم

بين هم العارض وسجنكم يا اهل العقول
والله ان بالقلب عبره على خد اليتيم

مير خيال افترى واجترى يومه يجول
اشهد انه يندهن سيره ووضعه سليم

كل شي يجمركه من عطايا هالزحول
مير وضعه مختلف يوم جا سجن الحريم

دلته ما فارقت يده وعلومه تطول
والفناجيل ابيض من النجف لا يا كريم

مير تستاهل جهير عسى الشده تزول
والملامة تتجه يا الهواوي للحكيم

[الجووهره]

ههههههههههه
صح لسآنك وخيال كربم وانا استآهل
ههههههههه
وتستآهل الطيب شآعرنا

[الجووهره]

تسالي لي وللجميع



‏واهـني الـطيـر خــفــاق الجنــاح
‏لاتضـايق بالفـضاء يكفــخ جناحه

‏مـــاوراه الا انتـظــاره للـــصبــاح
‏يحتري نور الصبح يطلق سراحه

‏⁧،،،،،،

‏سقى الله ليآل في خيالي تقول احلام
‏تغيب وتجيب الذاكره مامضى منها

‏وانا لو نسّيت اللي مضى لي مع الايام
‏ياكيف القلوب تسج ياصاحبي عنها

،،،،

‏جعل من صابه من الدنيا هموم
‏يرزقه ربي .. ويسعد خاطره

وسلاامتكم

[حمد الخالدي]

https://youtu.be/nXPm5VVK0_k


..

الله يرحمه يا عنك إني احبه واحب صوته ولحونه



.

https://youtu.be/KbUc1WYNQUc

[الجووهره]

الله يرحمه وأموات المسلمين
ويعطيك العافيه الخالدي
ويسلم ذوقك


ويسعد صبآحك وصبآح الجمييع

[الجووهره]

وجهزت فطوري
القريب يقلط
ههههه

https://l.top4top.io/p_16922zr4p0.jpeg (https://top4top.io/)

[رحيل]

مساء الخير
قايلة ممعته على الجميع (:


صحت الآسنة والاذواق (:
جوجو
وشلونتس بشريني عنتس مع السجن
مبسوطه اصلا واضح هههههههههههههههههه
ههههههههه
ابدا الخفير من هالناحيه مامون وانا الضامن بس لو يعقل شوي ههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
سهره بسماعه ودنبك وشيلات=ونفض الكشش بالحيل ثور عجاجه
حفله مهيبه خصصت للبنيات=من الرقص سور السجن قرقع سياجه
الشامخة مديرة الحفل بالذات=ظنيتها من ما لبسته خواجه
وما صدقت رحيل صوت الغنا جات=بالبيت ما التفتت الى ايات حاجه
وخفيرهن واقف سرى الليل ما بات=يرجي لو يحصل لجوعه دجاجه

صح لسانك ابو عبيد
الكشش هههههههههههههههههههه
قصدك نسف
نسف الجدايل (:

[ناصر الهواوي]

الله من فكرٍ تحوسه طواريه=حوس القطا وان حل وسطه قطامي
وعينٍ همل مخزونها عند طاريه=وقلبٍ معه عن كل نصح امتعامي
وكبدٍ يشذبها الجفا في شباريه=ويركي عليها بعدهم صيخ حامي
ياطول ليل الشوق ياويح ساريه=حتى نعاسه سرق كنه حرامي

[خيال مطير]

صحت الالسن والاذواق .

[خيال مطير]

https://al-marsd.com/wp-content/uploads/2020/08/62100100222333595-123.jpg?v=1597840787

اهل ضريه . ياكم نصحتكم , علتكم في العثيم الجديد, أبو عبيد . انتبه لنفسك

ضريه 9

[الجووهره]

مسآء الخيرات والمسرآت
وهلا بالجمييع
رحوله منووره وين التسآلي
عطينا من أشعآرك الجميله

شاعرنا الهواوي
صح لسآنك ودآم حضورك وابدآعك

مستشآرنا
هلا بك ويعطيك العافيه
على احصائية الصحه
والحمد لله الديره موب معهم ههه
عقبال الجميع. الله يرفع الوباء
عاجلا غير آجل ويرحم المتوفين
ويشفي المصآبين

[خيال مطير]

من الذاكره

https://www.youtube.com/watch?v=wA1uLrQ3flA

________ محمد فراج الغنامي ____________

[خيال مطير]

من الذاكره

https://www.youtube.com/watch?v=KiyrEInDPio

[خيال مطير]

من الذاكره

https://www.youtube.com/watch?v=_oHrqV0gXgE

[خيال مطير]

مرت سنة - كلمات الشاعر عبدالله بن طلال رحمة اللة

https://www.youtube.com/watch?v=0DvScBICI2k

[خيال مطير]

لاتقولون مانعرفه

https://www.r111n.com/image.php?u=642&dateline=1472928804

[الجووهره]

ياهلا بك خفيرنااا
ويعطيك العافيه على الشيلات
وصح لسآن شآعرنا محمد الفرآج
والله يرده ل رواسي بالسلاااامه

والله يرحم ابو طلال وأموآت المسلمين


ومين صاحب الصوره ؟

[خيال مطير]

https://www.r111n.com/image.php?u=642&dateline=1472928804

[]صاحب الصوره شاعرنا ابراهيم القرني

وعوض الرويلي
وكاسب الروقي
وانتظرو
ماهو من زمنا الجميل

[خيال مطير]

تعالي هنا جهير

https://www.r111n.com/t33982.html

شكل الذاكره ضعيفه عندك

[خيال مطير]

عبد الناصر من شعراء رواسي

شلنا موضوع الجبل

[خيال مطير]

يقول شاعرنا عبد الناصر



الله يسامح غيابك كيف دمرني = والله يسامحك قبل يسامح غيابك
ياما على ديرتك هالحب يأمرني = لو أن دربي صعيب يهون لحسابك
ماني بلاقيك بس الشوق سيرني =أجيك ساري الين أوقف على بابك
لوشفت شوقي قسم بالله تعذرني =والله غيابك لعب بالحيل فــ أحبابك
جبرك ظرفك تخليني وتهجرني =وإلا أنت خوفك علي حتى من أقرابك
لك ذكرياتٍ عليها الشوق يجبرني =في كل ذكرى تمر أموت وأحيابك
غايب وأشوفك تجي يمي وتسهرني =أتخيلك وأبتسم وأحضنك وشقابك
أقعد أسولف وأقول البعد بعثرني =محتاج لك والله اللى برحمته جابك
أقراء رسايلك في غيابك وتقهرني =فيها الحزن والفرح والشوق وعتابك
أول رساله وصلتني منك تشكرني =على أهتمامٍ لمسته زود إعجابك
في وقتها فرحتي بالحيل تغمرني =نسيت حزني وهمٍ راح بـأسبابك
وأخر رساله بظرف البعد تخبرني =تحلف لي أن الدمع ما فارق أهدابك
تقول عذراً على الفرقى وقدرني =والله يهنيك في دنياك وأصحابك
كانت رسالتك فيها اللي يدمرني =أدري بأن الجرح ما كان في حسابك
جيت أتصل بك وخفت الدمع يكسرني =ما أبي تشيل الحزن يكفيك ماصابك
أكتب لك وساعة الفرقى تحاصرني =من سرعها زحمة الأفكار تتشابك
والله أحبك عسى ربي يصبرني =ومهما تسافر بكون أقرب من ثيابك
هذي أمانه معك بالخير تذكرني =يمكن بعدها تموت ولا أعرف ترابك
بعيش عمري لحالي وأنت خابرني =ياما كتبت أوعدك ماأنساك في كتابك
وينك . علامك . رحلت ولا تناظرني =من عقب شوفك وشرح الحال بغيابك
أثره خياله خذاني بعيد وسهرني =نفس الشكل والملامح والوعد حابك
الله يسامح غرامه كيف دمرني =ناظر ياقلبي حبيبك ويش سوابك

[خيال مطير]

من الذاكره

https://www.youtube.com/watch?v=CG_Gz3tkc8U

[الجووهره]

يعطيك العافيه خيال
ع المعلومات عن الجبل
بس شكلك مضييع هههههه
الموضوع مكانه غير. والا ؟؟

ومين عبد الناصر ؟؟
صح لسآنه

[خيال مطير]

يعطيك العافيه خيال
ع المعلومات عن الجبل
بس شكلك مضييع هههههه
الموضوع مكانه غير. والا ؟؟

ومين عبد الناصر ؟؟
صح لسآنه


عبد الناصر من شعراء رواسي

شلنا موضوع الجبل

[خيال مطير]

https://www.youtube.com/watch?v=plf45kApgaw

[حمد الخالدي]

الجوهره فالسجن والعود ما ادري به
فالمزرعه مدهر ويحسب فلوسه

يرقب نهار الصرام ويفرك الشيبه
ناوي زبونٍ يجي يشريه في روسه

اريح لعماله اللي نفضوا جيبه
بين النخل يبذرون احواضها كوسه

والشامخه طفرت ما بالخبر ريبه
عشت وغدت وتالي شهرنا حوسه

والا رحيل سرحت بالبيت وتركيبه
خلك ورا العود يا ما فادت دروسه

وخيال للسجن فاضي كلش يجيبه
جاب النوادر وجاب اليوم بسبوسه

واخر كلمي كلامٍ كنت ابا ابدي به
عزاه يا الجوهره فالسجن محبوسه

[الجووهره]

اي والله محبوووسه
ومسويه اليوم بسبوسه
هههههههههه
صح لسآنك شاعرنا

[حمد الخالدي]

ههههههههههههه

صح بدنتس

[الجووهره]

‏1442/1/1

اللهم اجعلها سنة خير علينا وعليكم
و المسلمين اجمعين

[الجووهره]

عام جديد وحبه اكثر من العام
وعام مضى واستقبل العام حبه

ماهو بيوم بس في كل الايام
حبه بقلبي كل يوم احتفل به

لان الحشام كبار بعيون الحشام
ولان الوفا ما ننثني دون دربه

قلبي يبادله المحبه ولو نام
يصحى يحبه دون حاجت منبه

والله لاحبه دامني حي مادام
حلفت له بيمين ربي وربه

صرحن بقلبي ع الوفا ثابتن قام
ما ينثني للعاصفه لو تهبه

[رحيل]

يسعد صباح اللي من الصبح صاحي
ويسعد صباح اللي مواصل ولا نام

بعض العرب لا قام ينعش صباحي
وبعض العرب ليته > من النوم ماقام

انا توي صآحيه شملتني هههه هههههههههه


>> تفتح الباب تدخل بشويش
جوجوو تشخر هههههههههههههههههه
هههههههههههه
جوجووو صباحتس سكر منثورررر ههههههه
هي جوجو قومي جوج بسولف معتس
<< جوجو تقول بناااام وش جابتس هالحزه
و خير ي تغطي راسها بالمخده ههههههههههههههه




والا رحيل سرحت بالبيت وتركيبه
خلك ورا العود يا ما فادت دروسه


ههههههههههههههههههههه
لا تبي تفيييد ان شاء الله (:

[رحيل]

‏1442/1/1

اللهم اجعلها سنة خير علينا وعليكم
و المسلمين اجمعين

آميييييين

[رحيل]

يابو ضحكةٍ فيها من الحب عمرين
أغيض بها سود الأيام وأتباهى


،،،،،،،،،،،،،،،،،،،،،، ،،،،،،،،،،،،،،،،،،

لو تلبس الكمام .. بالحسن مفضوح
نصف الحلا في نظرتك سجن و افراج

لو ينوخذ منك انت مسحة من الروح
كان اصرفوا روحك على العالم علاج

[رحيل]

ياخشير الروح .. لا تخلف سنعنا
والدهر .. يحكم مناخك معْ مناخي

فالمحبه .. كم حصدت وكم زرعنا ؟
و تحسب ان التين عيدان المراخي

منت ابن عمٍ لنا في مجتمعنا
غير انا اشوفك ولد عم وبناخي

و لنت قررت الوداع ولنت معنا
كيف تبغانا نسوي معك ياخي

[الجووهره]

هلا رحووله
صباحك بسبوسه
اللي سويتها اليوم
وشمها الخآلدي
هههههههههههه
تأخرتي علي ونمت
هههههههه
وهلا بك نورتي
ويسلم ذوقك ع التسالي
الذووق ياذوووق

[الجووهره]

لطشة الفجريه
ههههههه


‏أدبح الليل وأقبل فجر عامٍ جديد
‏ياكريم إجعله عام السعد والأمان

‏عبدك يريد وأنت الفاعل لماتريد
‏نلتجي فيك وأنت القادر المُستعان

‏الحميدي الحربي