هنا .. سجن القوافي !!

[خيال مطير]

غاب الحمـاس بغيبتـك ياأبـن هـذال
ولاعــاد لمتـابـع هــل الحـفـل لازم

شعرك يبن هذال فـي كـل الأحـوال
يـودع فحـول الشعـر يـمـه تــرازم

النـاس مـن غيبتـك صايبهـم ذهــال
من ربع قرن وموقف الشعر حازم

قد كنت موقدهـا مـن الجـال للجـال
وكلـن علـى صوتـك يشـد المحـازم

الحـفـل مايـسـوى ولاربــع مـثـقـال
صار العوض عقب اللواء فالملازم

[خيال مطير]

جتنـي بيـوت المرشـدي طيـب الفـال
مشعل حسين اللي على الطيب جازم

شاعـر وشيـخ(ن) للصعيبـات خيـال
يقـدم نهـار(ن) فـيـه منـكـف وهــازم

نسل الشيوخ اللـي لهـم مجـد وافعـال
اهـل السطـر والعـز وقــت المـكـازم

في شاعر(ن) يفتـل وينقـض وحـلال
وابـيـوت غـيـره عـنـد بيـتـه تـقــازم

خـلـف ولــد هــذال والـحــق يـنـقـال
شيـخ(ن) قصـيـده بالجـزيـل يـتـلازم

يبقـى هـو الاول علـى مـر الاجـيـال
شـاعــر وطـنــأ للمـعـاديـن خــــازم

[خيال مطير]

الله وأكبر قلت شي علـى البـال
ولا مست جرحن في خفوقي ملازم

الشعر من بعده ما يسوى له ريال
حتى ولو راويـه واثـق وحـازم

أتعبت من بعدك شواعير وابطـال
تتعب تشيـل حمولهـا واللـوازم

شعرن يسطر للمواقف والافعـال
من طنخته يمـه حروفـه تعـازم

وياللي نويت الطيب في كل مـوال
ما غير ابو هذال للطيـب عـازم

[خيال مطير]

https://www.youtube.com/watch?v=JIRBiywKGh8
___________________________

[ناصر الهواوي]

اكتفيت من السواليف يامال الغناه
دام عيني ضاميه مالقت مابلَّها

السوالف كثرها مايشدّ الانتباه
سلعةٍ حرمت علينا ولا ننقل لها



بويتات طرت ولا لها مناسبه انا من تالي بس ادور مقاشر... امشي.واطفي النور الظاهر علة البناخي صابتني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
حلوه/ علة البناخي اللي صابتك ؟؟؟؟؟!!!!!!
اول مره ادري اني امشي مطفي النور كان نبهتوني لااطيح بهبو او اصدم هههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ

[ناصر الهواوي]

هبي جنوب ومري اصفر بلدهم=وما في نحرك من افخر الطيب هاتيه
اربع وعشر اليوم فايت وعدهم=واستظهري ما يضمره لو بحثتيه
وقولي يقول النوم وينه بعدهم=ياما قبل لك عذر لو ما عذرتيه
ابراج حظه ما تبدا سعدهم=وبرج الاسد جا ثور ما ادري قلبتيه
سحب الاماني ما يهود رعدهم=وكف المخايل بالوبل ما مليتيه
ونبت الفياض من الضما عود ادهم=وما زم من زملوق بيدك لو يتيه
وقفت وروده حيم ما احدٍ نشدهم=ولا لك نشد وراده ولا نشدتيه

تسليه فقط

[الجووهره]

‏اللـه يمسي طيب القلب بالخير
‏اللـي سلامه يرسله بـ ابتسـامه
‏ان قال أنا طيب ومرتاح . وبخير
‏تبري جروحي من حلاوة سلامه


يسعد مسآكم وكل أوقاتكم

[حمد الحربي]

اكتفيت من السواليف يامال الغناه
دام عيني ضاميه مالقت مابلَّها

السوالف كثرها مايشدّ الانتباه
سلعةٍ حرمت علينا ولا ننقل لها



بويتات طرت ولا لها مناسبه انا من تالي بس ادور مقاشر... امشي.واطفي النور الظاهر علة البناخي صابتني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
حلوه/ علة البناخي اللي صابتك ؟؟؟؟؟!!!!!!
اول مره ادري اني امشي مطفي النور كان نبهتوني لااطيح بهبو او اصدم هههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
انت النور عساك ماتطفي عنا يالامير
هههههههه انت اللي محليها ولاهي علة الشيبان الله يهديينا ويهديهم

[خيال مطير]

ياحمد قلبي علـى الزيـن شفقانـي
من يجيبـه لـي واعطيـه مطلوبـه
ياحمـد وقفـت لـه ميـر خلانـي
مار ابركب موتري واتجـه صوبـه
ياحمـد هاتـوا ليـه علـى شانـي
لين اشوفه شوف واقضب طرف ثوبه
ياحمـد خلـوه عنـدي ليـا جانـي
اتسلـى وانبسـط واللعـب العوبـه
ياعيـون الريـم عليـك ولهـانـي
ليتهـا يامسنـدي لــي مكتـوبـه
ياحمد قلبي علـى الزيـن ضميانـي
ليتنـي اشـرب شرابـه ومشروبـه

[ناصر الهواوي]

مساء الخيرات والمسرات للجميع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
هات لحمد تسليه ياهاجسي لو سمحت=بيتين بيتين لين يقاربن عشره
باللي غيابه مسوي بالمحاديب نحت=ماللقصايد ليا ما جات فيه ثمره
وياحظ بعد المعزه معه وش فيك طحت=وقت معه فات لك ما احسنت تستثمره
حمام ياللي بعد ما طوَّل الصمت نحت=لي النخل كيف لك يصير مستعمره
احزن لحزني وبين فرحتك لافرحت=سود الليال بها فرقٍ عن المقمره
نكتفي بهذا القدر هههههههههههههههه

[خيال مطير]

هههههه هههههههههه صح لسَــــــــــــــــــانك يابو عبيد

واللي غايب درب عمه يدله

[خيال مطير]

هبي جنوب ومري اصفر بلدهم=وما في نحرك من افخر الطيب هاتيه
اربع وعشر اليوم فايت وعدهم=واستظهري ما يضمره لو بحثتيه
وقولي يقول النوم وينه بعدهم=ياما قبل لك عذر لو ما عذرتيه
ابراج حظه ما تبدا سعدهم=وبرج الاسد جا ثور ما ادري قلبتيه
سحب الاماني ما يهود رعدهم=وكف المخايل بالوبل ما مليتيه
ونبت الفياض من الضما عود ادهم=وما زم من زملوق بيدك لو يتيه
وقفت وروده حيم ما احدٍ نشدهم=ولا لك نشد وراده ولا نشدتيه

تسليه فقط

صح لسانك يالامير

[خيال مطير]

أسمع يابوعبيد . ياتحط فيني , قصيدة , احطها وسام ع صدري , ياتشوف شي مايسرك , جاك العلم , تراني خيال وأقشر

[ناصر الهواوي]

ابشر ابشر واعتبرها لك وش المانع وانا قد كتبت الكثير لكن ماحرك ساكن لابالسلب ولا بالموجب ههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
لجت عصافير النخل هيظتني=وقبل تلج الهجس راغب ومهتاظ
والراعبيه بالنواح المتني=ان سجعت غنيت وان ناحت اغتاظ
ولو الليال بغيبها علمتني=ما احدودبت عليه الاضلاع ما فاض
كتمت فيهن حاجةٍ كاتمتني=فيها ابتدتني هي وانا بالخبر راض
بهمسٍ كما طعم العسل خاطبتني=وبافصح منه منطق نواعيس ومراض
لها اندرقت او بهن ادرقتني=واضفت على المشهد غطا ود فضفاض
لاناشت اطرافه بالاشواق متني=يطيح واالا يسحبه عذب الاوماض
اخذت في هالململه معه حتني=واصبح خبر كانا من الفايت الماض

[ناصر الهواوي]

خيال لو ان الاماني مفيده=كثرت من قولة لعله وياليت
عهدٍ مضى لعل ربي يعيده=لكن منهن يااحمر العين مليت
لو طعت ياخيال الاريا السديده=ما شفتني لجل اضعف انسان ذليت

[خيال مطير]

الله الله صح لســــــــــــــانكـ وأعتلا شانك يابو عبيد وبيض الله وجهك يالقرم

[خيال مطير]

باسم الذي يبدا الامور ويعيدي=سوى السما وارسى الاراضي بالاطواد
بذكره نويت الليله ابدا قصيدي=واصدح بتمجيده على روس الاشهاد
ومن بعدها يا مرحبا يالجليدي=تحيةٍ من ذا الى باب بغداد
سكبت فيها كايف الطيب بيدي=وفاحت مباهر كيفها هيل وقناد
للي لجزلات المعاني يجيدي= ويغلق مداخلها على كل نقاد
شورك لمن قلبه بدا يستعيدي=عصرٍ تقافت به ضعونه ولا عاد
دكت هواجيسه وعيت تهيدي=تسري جموع وتسرح الجهمه افراد
منها الحديث وشي منها تليدي=في ذكرياتٍ له مراميس وجداد
نوبٍ اتعرض له بلبه وجيدي=ولها على الخرس النواعيس معواد
يعيش بين الناس كنه وحيدي=عابس وجه ما يبتسم دوب بالكاد
ويقول لو قلبي خلي وبليدي=وش عاد دام الحظ مثبور وش عاد

صح لسانك يابو عبيد ويستاهل شاعرنا الجليدي

[خيال مطير]

من ألارشيف
صوت وصدى بين الصريح وبين الشاعر الكبير/ناصر ابن عبيد الهواوي ارجوا ان تنال استحسانكم
الصـــــــــــــــــــــــوت

..
طال الســكوت ولا عرفــنا دواعيــه = يمضي شهر موحي من الـربع داعِ
أنا الهدوء والصمت مانيــب أدانيــه=خصٍ إلى طــبق بشكل جمــاعــــي
أن كان ما يحكي رفيقــي وأحاكيــه=أخــذ وعـــطا بالــــراي دون النـــزاعِ
ربــك عطــاك لســان وتعطــله ليــه=وأيضاً وهبك أذآن لجـــل الســــماعِ
شف الأصم ما يسمع اللـي ينــاديه=تقـــول يا مسكــــين أذآنـــه وجـــاعِ
والأطرم اللي هرجــته بــس بيــديه=وشلون لــو يلقـــى لســــان يبـــاعِ
لو فــي ملاييــن الجنيــهات يشــريه=ويسلك لجمع المال شتى المساعي
طال الزمن زين التماثيل مــا أوحــيه=حتى المــهاتف صار فيـــه إمتـــناعِ
بالله يـــاجمـــعـان يــوم أنــت تأتيــه = قريب ماتحتـاج نقــل جــــماعـــي
برق ببن سرحـي واللـي حــواليــه =وش سبت سكوته طويـــل الـذراعِ
ان كان دايـــم بالحــرم عــاكــفٍ فــيه = ويوصـــــال التــسبيح دون إنقطاعِ
ويرفـع القــيوم الســـما كل أيـــاديه = تـــــراه للجـــنه دعتــــه الـــدواعِ
وأن كان تسمع بالجبل وقش رجـليه = ويجمع أوراقــــه ويبـــرى اليـــراع ِ
والــيا الــتفــت كن البــنادور عيــنيه = واليا جلس تكــى ومـــد الكــــراع ِ
تـــره مهــمـومٍ بــعلـــمٍ معنـــيـــه = وفيه اشتقى ضاقت عليه الوساع ِ
وضيق الصدر يرفع ضغط قلب راعيه = ويصير ماينـــفع هجـــوم ودفـــاعِ
قهـــوه من النعنـــاع علـــه يهـــديه = والكركديه يخــفـــــض الإرتفــــاعِ
أن كــــان مافـــادن ضـــريه تنـــاديه = له عندانا قدر ومـــكــــانٍ رفــــاعِ
وأنت وســـمـــيك علـــمه لاتخلــيه = أربع ليالـــي كافــــيه كان طــــاعِ

الصــــــــــــــــــــــــدى

حييت ياشعـراّ دعتنـي قوافيـه=وحييت ياصوت الهمـام الشجـاعِ
بحراّ يموج ويتعب اللـي يجاريـه=بالشعر واعلـوم الوفـا والطبـاعِ
حاولت والا من يحـاول يناحيـه=أما غرق والا مع المـوج ضـاعِ
واللي يبي علـى طريقـه يباريـه=يصير مثله حاضـر الحـس واعِ
يسرح مساريحه ويسري مساريـه=يصبح بقاع ويمسي ايضـاّ بقـاعِ
وانا ضروفي مانعتنـي لاخاويـه=بيني وبين ايـام وقتـي صـراعِ
والا القصيد اشتاق واحب اسويـه=الشعر اخوي من النسب والرضاعِ
سيل يجيني يدّحـم مـن مجاريـه=والمد مدي فيـه والصـاع صـاعِ
اليا برق له بـارقّ فـي مناشيـه=يهـل همالـه وينـبـت مــراعِ
حرص على سبكه وجودة معانيـه=وروضه لعكفان الشوارب مشـاعِ
فيما مضى واليوم كثـرة بلاويـه=اصبح طرب والا ضمان اجتمـاعِ
ياناصر اللـي مشغلاتـه مناحيـه=يشعاه من باب الهواجيـس شـاعِ
خلـه بحالـه لاتهّيـض طواريـه=يعيش في الدنيـا كفـاح وقنـاعِ
بعد رست بواخـره فـي موانيـه=عن طيب نفس وعن رضى واقتناعِ
ماله مع التجار سـوقّ يحاضيـه=ولاله ولاله في المجـال الصنـاعِ
ولاهوب شاويـاّ يتابـع مواشيـه=ولاهـوب فــلاحّ بحـقـل زراعِ
شربه من الزمزم وخبـزه تكفيـه=شبعان عزة نفس فـوق الشبـاعِ
في روضة المسجد وفرضه يصليه=اذعـت سـراّ مابغيتـه يــذاعِ
والبحر ياناصر مغـادر شواطيـه=اخذت مجدافـي وطـاوي شـراعِ

[ناصر الهواوي]

الله يرحم ابو فايز رحمة واسعه وجميع المسلمين لله درك ياخيال والله يذكر الجليدي بخير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
خيال وش علمك تثير المواجع=بالذكريات اللي طواها الزمن طي
مافات يالخيال ماهوب راجع=يانفس شيلي ما قويتي وحطي
افهم واذاكر ما مضى لي واراجع=واكشف سجلات الليالي واغطي
ترا الزمن به مسعدات وفواجع=ومن يرفعه له بعد مده يوطي

[خيال مطير]

الله يرحم ابو فايز رحمة واسعه وجميع المسلمين لله درك ياخيال والله يذكر الجليدي بخير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
خيال وش علمك تثير المواجع=بالذكريات اللي طواها الزمن طي
مافات يالخيال ماهوب راجع=يانفس شيلي ما قويتي وحطي
افهم واذاكر ما مضى لي واراجع=واكشف سجلات الليالي واغطي
ترا الزمن به مسعدات وفواجع=ومن يرفعه له بعد مده يوطي

اللهمّ أسكنه فسيح الجنان، واغفر له يا رحمن،
وصح لسانك , يابو عبيد
لاهنت يالامير

[حمد الحربي]

مساء الخير والاحساس والطيبه

ياللي تمنى دنيتك تصبح بخير
احفظ صلاتك كان تبغى الفلاحي

أد الفروض الخمس من غير تأخير
تقضي حياتك كلها بارتياحي

ولايلحقك في والدك أي تقصير
والأم من بره تقلد وشاحي

والجار له حق (ن) وحشمة وتقدير
ومن لايحشم الجار ماهوب صاحي

وترى التواضع يرفع كبير وصغير
والكبر ريشة طايرة بالرياحي

ولاتصحب الأنذال نفاخة الكير
أبعد على اللي ماتعرف السماحي

رافق كريم(ن) مايحسب المخاسير
ماهو من اللي لا أظلم الوقت راحي

على دروب المرجلة دايم يسير
يكره يشوف أهل النفوس الشحاحي

إلى تكلم يدهشك بالتعابير
وترى المراجل للنشاما سلاحي

وصل القرابة كان تبغى التباشير
والنفس تبغي للتروض كفاحي

أطلب من اللي كاسي الريش للطير
إنه يحفظك بالمساء والصباحي

واللي مقدر يارجل رايح يصير
دنياً نعيشه والعمر بترياحي

لصاحبها

[خيال مطير]

صح لسانك ياحمد وصح لسان شاعرها قصيدة معبره
لاهنت يالامير

[خيال مطير]

تسليه

ياللي تفاخر بالمواتر وبالبيت
واعزتيلك كان هذي مراجلك
•••••
بكره ليامنك بقبرك تساويت
هذي وهذي كلبوها ماهيب الك
•••••
منته بماخذ معك لامنك اقفيت
الا عملك اللي يحدد منازلك
•••••
ولا باقيً لك غير سمعتك والصيت
بفعولك اللي عند ربعك تجملك
•••••
وابا انصح الغاوين مادام غنيت
وانا على القيفان يجذبني السلك
•••••
يالادمي مهما وصلت وتعليت
انهايتك للدود بكره بياكلك
•••••
مير اعتذر للناس لامنك اخطيت
وليّن لهم جانبك واحسن تعاملك
•••••
واعرف ترى الايام مهما تهنيت
بالوجه الاخر ف اي لحظه تقابلك
•••••
واخوك لو انك بضفه تذريت
يومين والثالث ماهوب متحملك
•••••
عن فزعة العربان في كل توقيت
يازين فزعة خالقك مالك الملك
•••••
الشاعر/ ماجد النصيف

[ناصر الهواوي]

صحت نقولكم مواعظ رائعه جعلها الله في موازين من اسداها ومن اداها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
سكون ما هب السعف ما يهزه=يكسر جدار الصمت صوت العصافير
وانا ما ارى للصمت لاطال مزه=ولا احد دفع عن ما يقوله دنانير
لاصار عن سو العباره منزه=بخصوص من قاله ولا يلحق الغير
كن الحراب شغاف قلبي تغزه=وتدعي عيوني عابر النوم واينير
ليا ذكر من فايت الوقت حزه=فيها يسير او يجونه مسايير
ناسٍ لهم به قبل صادق معزه=ويلقا مع اغلبهم معزه وتقدير
ولواحدٍ بالقلب لااطروه فزه=وكل المشاعر له على السبَّقْ اتغير
غروٍ قوامه حلو مسبوك رزه=له نرجسياتٍ تجيد التعابير
يغض طرفه من بعينه يخزه=وياما بهن لاسلهمن من محاذير

[ناصر الهواوي]

من دخلتك للسجن ما جاء مسايير=ما ادري سببك او من سبايب كرونا
ولا فيه لحضور الجماعه معايير=نعم بمر غيابهم مررونا
لكن ابا اكتب ما يفل الاسارير=عن رغبتي لو كان ما عبرونا
ياربعنا بحضوركم صار تقصير=لاشك عن نياتكم خبرونا
عيوننا للسجن حول مغاوير=وين البيوت اللي عليها شعونا

[الجووهره]

مسآء الخيرآت والمسرآت
شآعرنا الهوآوي
صح لسآنك ويعطيك العآفيه
ودآم حضورك الجميل وابدآعك

الشآعر حمد الحربي
صح لسآنك ودآم حضورك والدآعك

مستشارنا خيآل
يسلم ذووقك ويعطيك العآفيه
على الاختيار والنقل الرآئع

[الجووهره]

تسآلي القآيله
هههههههههه


ابتسم للـوقت واضحـك للحياه​​
‏​​لا يـروح الـعـمـر في هم ونكد​​
‏​​عيش يومك واحتسب للي وراه​​
‏​​من يعد الوقت يبلـش في العدد

....

حاول توسع خاطرك كل ما ضقت
دام العمر بأحداث الأيام حااافل

تغافل من الهم ، والناس ، والوقت
تسعة أعشار العافيه في التغافل

....


مهما تضـم قلـوب وتفـارق قلوب
إنَ جتك خيره وإن تعـدتك خيره

لاتقتل أحلامك على شي مكتوب
الغصن يبقى حَي لـو طار طيره

...

ياللي على دنياك ضايق ومحزون
فكر معي خل الكدر والكآبه

مادمت في حكم المقادير مرهون
خل الزعل ماجابه الرب جابه

اضحك على دنياك بالعسر والهون
واللي يصيبك صاب غيرك صوابه

ولو البشر ماهم مع الوقت ينسون
ماشفت بين الناس ضحك ودعابه


وبس والله
سلااامتكم

[شاعرة نجد]

السلام عليكم ورحمة الله

وصحت السنتكم شعراؤنا المبدعين
وصح لسانك يـ الهواوي على هـ الدرر الفااخرهـ

وصحت ذائقة المتذوقين ع النقل الممتع
وسلمتم ودمتم,’’

[شاعرة نجد]

https://lh3.googleusercontent.com/proxy/ry0U68HcOJr3ZjQ9mX402-4qj4S4NNY5zGDFTVoP7DanfkZm15u4yOJvmwh5LcdYjfVP_U6g zg2YoCqVigyizp_OqtuBIZ1obr-_3q5sniBbNRMldfe3OVdgf0wJn0LvFZo3cYLKnNA


خلاص لاتسهر معي وانا بعد مـ اسهر معاك
محتاجه الصمت الطويل اللي اخير مْن الكلام

إيوالله انّك غايتي واقصى المُنى ساعة لقاك
لكن حصل مدري غسل سيل الجفَى لون الغرام

حمام ياللي فوق غصن التوت مدري وش شعاك
هيضتني واشجيتني وغنيت مثلك يا حمام

الله عليك اكبر جذبني,يامتّعّبني,غناك
فـ الحَجْر قبل اسمع هديلك في سُبات وفي سلام

مافيّ يديني غير تقليب المواجع والهلاك
اللي يجددها سماع السجع واحلام المنام

[الجووهره]

هلا بك شآعرتنا المبدعه
وصح لسآنك على هالدره الجميله
ودآم حضورك الجميل وابدآعك

[خيال مطير]

https://www.youtube.com/watch?v=AwSOhHIKOQY
_____________________________


خلاص لاتسهر معي وانا بعد مـ اسهر معاك
محتاجه الصمت الطويل اللي اخير مْن الكلام
إيوالله انّك غايتي واقصى المُنى ساعة لقاك
لكن حصل مدري غسل سيل الجفَى لون الغرام

صح لســـــــــــــــــــــــــانك شاعرة نجد

[خيال مطير]

الله من همٍ معي وين ماروح= ماغير أكنّه عن عيون الخليقه
أضحك وأنا مهموم والقلب مجروح= وأدوّر المخراج بأية طريقه
مثلي مثل طيرغدا اليوم مطروح= حطو مسابيقٍ عن الجو تعيقه
وليا كفخ مع غفلة الناس مسموح= حد الحبال اللي برجله عليقه
من عقب ماياتي مع الجو ويروح= مع الفضا الواسع تفاجا بضيقه
البارحه غنيت والصوت مبحوح= جرحي وتر ودموع عيني مسيقه
ياللي نهارالسبت بيدينك تلوح= خليتني بين الوهم والحقيقه
ألين شفت الدمع من عينك سفوح= وخطاك تقصرها ورجلك طليقه
حاولت أقاوم لحظة البعد وأروح = ولايمشي الضميان لاجف ريقه
وقفت قدم الخلق واضح ومفضوح= وأهداب عيني في دموعي غريقه
مقدر أكن جروح قلبي ولابوح= والصدر فيه من اللواهب حريقه
ليت الوداع المر ماكان مشفوح= ووادعه مثل الصديق لصديقه
لكن على الله يازمن كل مانوح= مصيرها تبرى الجروح العميقه

[خيال مطير]

ياهواي وشف بالي ومطلوبي
كل كلمة حب في خاطرك قلها
سولف ولايزعجك منطق اسلوبي
لو علومي كلها خيل البلها
العرب تعرف مزاياي وعيوبي
قبل اسجل في برامج تواصلها
بدويً غترتي والفت ثوبي
بالموديلات الجديده مابدلها
عطني من الود حقي وماجوبي
واكشف اسرار المحبين وازهلها
وان قضى هرج المحبه يامحبوبي
مفردات الحب عدّها من اولها
دور اللي تنبت العشب بدروبي
القلوب الخضر تعرف مداهلها
كل ماحنيّت غنيّت مسحوبي
اعزف لحون الهبايب واموّلها
المحبه حطها دوبك ودوبي
والجفيا لو تجي بيننا شلها
من كثر ماشتقت لعيونك العوبي
خايفً من لحظةٍ ماتحملّها

سداح
https://www.youtube.com/watch?v=RJ1CBh7FqX8

[خيال مطير]

ماهو بوقت الموادع أصبـر شويـه = لاحق على ضيقتي لاحق على أحزاني
مدام أنا أول غـلا لاتقلـب النيـه = يالعنبـو واحـد مايرحـم الثانـي
كل يوم احس إنك أخر مابقي ليـه = وشلون تقوى على الفرقا وتنسانـي
تموت الأحلام والذكرى معك حيـه = شف عاد وشلون لامن طال حرماني
وشفيك ترفض غلاي وشرهة يديـه = ماكنك اللي رقـد ليلـه وصحانـي
أشيل جرحك وأضمـه فـوق مافيـه = هذا إحتضاني لجرحك وين وداني
لاصار ماتفرق الروحـه عـن الجيـه = ماضنتي لو تلـف الكـون تلقانـي

[خيال مطير]

لا يبعد رمش العيون ونظرها=ياللي غلاك اغلا من الشوف للعين
يا دنيتي يا شمسها يا قمرها=ياللي سكن حبك بوسط الشرايين
يا غاية شجون المحب وسمرها=يا وردة فاحت بعشق المحبين
مضمونها وأنتي عرفتي خبرها=من حاجتن بالنفس عنها تصدين
من مدةً وانا انتظر ونتظرها=وفي كل مره في وعدها تمدين
والصبر مليته ونفسي قهرها=والوعد دين ويلزمك توفي الدين
لو تطلبين الروح نرخص قدرها=وانتي على روحي وقلبي تمونين
أنتي غناة الروح وأنتي ثمرها=وانا وفي الحب وانتي تعرفين
روفي بحالي قبل يدني قدرها=ترى الوفاء شرعن بسلم الوفيين

[خيال مطير]

البارحه يا هلي نشفة الاقلامي = اكتب من الشعر لجل عيون ريومه
لعيون بنت(ن) تجلة في نظر سامي = مثل الربيع الذي تجلة غيومه
صديت عنها وعجزة تمشي اقدامي = ناظرت فيها وشفة الارض مقسومه
انا الضحيه ورمش عيونها الرامي = رمة خفوقي بنظرت حب مسمومه
عين(ن) كما البدر نوره نوٌْر الشامي = كل النواظر تناظر فيه مرغومه
نور الثنايا تقول النجم قدامي = ولون الشفايف شفق بالحيل مرسومه
مرسومة(ن) ما رسِمتها يد رسامي = من ربنا الوالي الي فارضن صومه
وصف الحواجب تقول الطير لا حامي = وراس الخشيم افهموا يا ناس زلقومه
وخدودها مثل موج(ن) للبحر طامي = والشعر ملمس حرير وكله نعومه
والعنق جذع اشجره من خير الانعامي = الي يدقق يشاهد رسم بلعومه
والصدر راس الذلول الي بلا خطامي = والخصر من زود نِحله تومي هدومه
جيت اشتكيها لقيت الساني محامي = يعجز عن الهرج فيها ضاعة علومه
العين تبكي عليها بكي الايتامي = يا جعل عين(ن) بكت من عين مرحومه
يا اهل الهوى انصفوا قلب(ن) له اعوامي = وهو جريح الهوى والحب وسلومه
اما اجلبوا لي مداوي جرحي الدامي = ولا اكتبوا فوق قبري نفس مظلومه

[خيال مطير]

عسى المحاني سحاب الصيف رواده = يمطر على صابره ويزيد وباله
يركي عليه المزون ويعلن ارصاده = بامر الله ايصدر الممطور برساله
لين إن ابو حجاب يلقى السيل فبلاده = ويدله البال فالمفلا مع اجماله
ويسيل واد المحاني سيل كالعاده = ويخضر قاع النجيل بخير نزاله
من بعد شفت الدهر متزايد اعناده = حتى العشر ضامن المهشوم بالحاله
يالله طلبناك زيد الخير بزياده = وارسل سحابن نشوف الخير بخياله
يمطر بخير وعسى ماينقصر ماده = ويزيد في كل حين يعود هماله
هذا طلب من ولي الناس ياساده = والله مجيب الدعى للعبد لاقاله
صلو على محمد اللي بالهدى واده = عداد من بالحرم ساعي ومن جاله

[خيال مطير]

ان مت لالالا تقولون مرحوم = مرحوم مبغاها من الناس ياناس
مرحوم ابغاها ممن دام ويدوم = اللي يزيل الهم والغم والباس
يارب لاتبخل علينا بمقسوم = في جنتك نبغى مقاييس قياس
ابليس ماهو عن عبيدك بمحشوم = اللي طلبك وقلتله روح لاباس
طلبك طول العمر ونشوفه ايحوم = بين الخلايق شغلته دوم وسواس
وانا على طاعتك بشري وابا سوم = واسعى للتمجيدك على صحوة الراس
ولاني من الاخطاء والكّسل معصوم = مادامك الرحمن ماني بمحتاس
يالله حققلي مطاليبي اليوم = وارتاح فالدنيا بتكييف من هاس
والاخره مالاحقن شك وهموم = من تحت ضلك ماحدن صار منداس
صلات ربي عد من صام ويصوم = على النبي اللي لعن كل خناس

[خيال مطير]

ياسعود تال الوقت غدار ياسعوِد = بين الرجاء والياس قرب وبعادي
يالصاحب الي في فعايلك محمود = منِّـك تضيَّـا هالبدر لاح بادي
عالي محلك فوق ثابت كماالطود = لك شيمة ٍ كلك وصوف ٍ حمادي
ياسعود ماهو كل الاصحاب عمرود = صاحبك من سنَّدك وقت الشدادي
ان كثر مالك شفـتهم عبد وجنود = ون طاح حظك تسمعك كل رآدي
وقت المصالح جالهم صف وحشود = حتى يقضي حاجته ثم حادي
قوم ٍ على الدنيا لهم بال مضهود = هايم على دنياه مع كل وادي
اللاش يومه خاب مافيه منقود = والي بذر سود ٍ بيجني سوادي
راعي الضغينه جازه إعراض وصدود = ماطاب ليله غربله مع سهادي
مثله كما ميٍِّـت وضاقت به لحود = من ضيق بال وشح نفس ونكادي
آلفرِق كايد بين وضحن عن السود = وبين الردى وساسك حروب وجهادي
الطيب ساسك نابعن منك ممدود = مد الكرام الي بها العز سـادي
مهما مدحت ابقى على قول محدود = كثير رمد وعامر ٍ بالقنــادي
ماهو جزيل الي كتبته ومارود = لولاك تصْـدر به وتروي فوادي

[خيال مطير]

يارصيد الشعر سلملي عليه=واكتب الابيات لامنه قرب
واعترف للحب دامك ترتجيه=دام صوتك واصل العليا شرب
كل شاعر يكتب القصه بيديه=ولايحاول بالكذب مهما لعب
سقتها لجل العتيبي وافتديه=شاعر الاذواق لامنه طرب
ياعديل الروح قربني اليه=خلني اشفي لهيبآ مانهب
قلت فيها بالعجايب ماتفيه=وكل حرف(ن) بالقواعد ماعرب
يكفي انك كاتب الشعر النزيه=ويكفي انك بالفخر صوت الطلب
اسمحولي يوم اقدم مايليه=واسمحولي بالغلط ياذا العرب

[ناصر الهواوي]

صباح الخيرات والمسرات للجميع
اهلا بالجوهره وتساليها القايليه وسلمتي ودمتي
ارحبي ياشاعرتنا المبدعه من تالي القصايد مفزعه بمعناها راقيه بمبناها قاسيه بمحتواها
لله درك وصح لسانك ودمتي وسلمتي
الخيال هالمره جيت كلك صح ذوقك

[ناصر الهواوي]

ياشاعرة نجد خضران القلوب ليا قروا لك قصيد
يرجع بهم للورى ما جد لك وايصفر قلوبها

نوب القصايد اتخفف ما يعانونه ونوبٍ تزيد
وتبذح بمشرط قوافيها لوانه ما اتجه صوبها

باحداث هالوقت قلبٍ يعتبر والقلب الآخر عنيد
به فاهمٍ للحقايق صح واللي شاف مقلوبها

تقديم من ما تيسر للموافق للقصيد الفريد
لمعانقه نسرج مهار البيوت ليا عصت عوبها

ومن بعد ذا ياهجوسي عد بنا للي نبي من جديد
فازت مواعيد عرقوب بثلاث ارباع مكذوبها

يلف حبل الوصل من شان ينقص والمباعد يزيد
ويصنع له معوقات بلا سبب ويسدد دروبها

وبس

[خيال مطير]

صح لسانك يابو عبيد خذ هذي من خيال

أطرق بحور الشعر وأدْرِج خوافيه=وأدوّنه لأهل الأدب والحضاره
وأرمز حروف القاف وأحكم معانيه=ويضيع منهو يدعي بالشطاره
وأن ماحكمة القاف ماني براعيه=ولاني بشاعر دام شعري خساره
يامتابعين الشعر هذي دواعيه=وكل ٍ على شعره يصدر قراره
واليوم أصّدر غاية القصد وأبديه=وأشفّر المعنى وأذيع إختصاره
وأبنسج الموضوع وأنعت مساريه=وأبين أوضاعي بصمت وأوقاره
صبرت مير الصبر جاب المشاريه=ومهما كتمت السد زاد إنفجاره
عزي لقلبٍٍ واهم الضيق حاشيه=لخبط عليه الوقت وأخلف مساره
يسهج عليه الحال جملة مناشيه=ويفوح صدره بين تاره وتاره
وياخذ مع الهاجوس شتا نواحيه=وعقب أنتظام السير بان أنعثاره
مدري وكيف الوضع تبدي مواريه=دام الزمان الشين زاد أنحداره
أمد حبل الوصل والناس تطويه=وأقدم المعروف وألقى أحتقاره
وأبين التقديري والعكس يثنيه=وأخذ تعجّب بالدهر وأندماره
على طريق الحق ما نيب غاويه=من فضل ربي دايماً بالصداره
لكن علي الوقت كثرة حكاويه=وكل ٍ على ما صار ولع شراره
وأصبحت أراجع في وماني وأداريه=ولا شفت شئٍ صار يجلب إثاره
لكن مدام الوضع مقصود تمويه=خل الضعيف يعيش ما من جداره
واليوم هذا العلم جاكم بما فيه=من شاعرن للقاف طاب إختياره
هجس المعني داخل الصدر يزويه=ويبيّن المضمون لأجل إعتباره
وتم الكلام المختصر في مبانيه=ومخـفّـي المقصود داخل عباره

[خيال مطير]

أروح وأرجع ومهما تبعد خطايه=إن رحت وإن جيت جوالي على حاله
أناظر الشاشة أرقب للوصل آيه=لا فيه مس كول ، ولا حتى به رساله
أقول يمكن يمرّه طيف ذكرايه=يمكنّ الأشواق هزّت قلبه الدّاله
يمكن يناظر صوره العام ويّايه=يمكن يحاول ولكن ما تهيّاله
يمكنّه يحنّ ، يمكن للجفا غايه=يمكن ظروفه ، ويمكنّه يورّى له
لكن أشوفه تمادى لما له نهايه=وتمرّ الأيام مانطري على باله
نسّته الأيام ، والأيام نسّايه=وهذي عوايد طروق الحب وأحواله
ومع ذلك ألقى لصدّه عذر وحكايه=وأقول عذره معه مادامه لحاله
ومهما يطول الجفا والصّد والسّايه=مانيب ناسيه دام القلب يبرى له
ولانيب سامع بحبه لوم ووشايه=مهما يقولون فيّ وفيه عذّاله
لي في غرامه قصيدة شعر وروايه=باقي على العهد والحاله هي الحاله
ومن لامني في هواه بذمتي تايه=ماجرّب الحب في الدنيا ولا ناله
ورغم انقطاع الوصل واعداه واعدايه=القلب باقي على رجواه وآماله
باقي لعلّه يغيّر في الجفا رايه=وأجي وألاقي مِنِه مس كول ورساله

[خيال مطير]

مساجله بين الشاعر محمد فراج الغنامي , ويوسف الغنامي

يقول محمد الفراج


قال اللذي في عالي الرجم راقيه = وخيول فكره قدم وصفه سرجها
أرتاح لامني توسقت عاليه = والنفس تنسى همها اللي ولجها
نقيت من حلو المعاني معانيه = والهاجس اللي في ضميري نسجها
طارٍن على قلبي من أحلا طواريه = الديره اللي موحشتني حرجها
قم ياشبيه الذيب مبعد مساريه = اللي يبت الطرقه ليا نهجها
اللي هذيبه فالخلا مايعنيه = ليا نوى صعب المخاطر فلجها
ولّم على اللي نازح البعد يطويه = طوي المحاله للرشا لاعلجها
جيب الشبح صنع اليهودي مسويه = اللي مايعرف كيف يرطن لهجها
صمم ولايبغاله أحدٍ يوفيه = في طرقته نفس الدريول بهجها
نبي نسج الرجل والعمر تاليه = السيب الابيض والمطيح بزلجها
لو كنت أعرف الوقت ماني بغاويه = يضيقبك لو هي وساعٍ فججها
نبي ثلاث أيام كلٍ يسليه = شوف الخباري يوم ربي دلجها
فالموقع اللي لاوصلنا حراويه = شفنا القطا فيها وشفنا درجها
وأرضٍ كساها العشب والخير كاسيه = يشبع جملها عقب يشبع نعجها
وأرتاح يايوسف من اللي مبانيه = أتضيق الخاطر ويبطي فرجها
لو كان لي في ظلم غروٍ مهاويه = اللي عيونه لجل عيني دعجها
اللي هواه بداخل القلب كانيه = وأسمه ليا طروه كبدي رهجها
وأنا عن علوم الحكي دوم أداريه = من خوف هرجة هارجٍ لاهرجها
وختامها ياشاعرٍ في مباديه = جزل القصايد للهزل ماعوجها
ولّّم على اللي نازح البعد يطويه = للديره اللي موحشتني حرجها
ا

الرد

يارجم ياللي دايم أروح وأجيه = وأروض المهره عقب مادرجها
أحضر الهاجوس دايم وألاحيه = في معزلٍ والناس مسمع ضججها
أخذ جزيل الشعر والهزل أخليه = وأثبّت العمدان وأجبر عرجها
يامرحبا بالخط ياحي راعيه = حي البيوت اللي جذبني غنجها
للشاعر اللي ننطرب له ونوحيه = روس الشوارد صيدته مابعجها
يلعب بعسر القاف من حر مافيه=يرهي على الجزله ويرفض حججها
شاعر ولد شاعر وينشي مناشيه= والبرق من قدم الرعود ولججها
شرد الفرايد ماتعدا مراميه = في مخدجة فكره بيوتته خدجها
لاوحيت قافك يامحمد تغنيه = ميزت مابين العقول ورججها
أنت الرفيق اللي بالاثمان نشريه = يامسعف الريجيل ساعة حرجها
صاحبك مدة سجتك ماتكفيه = يوم المطر نصف الميبس عوجها
أنوسع الخاطر بشوفة خباريه = فضل الكريم اللي له الناس وجها
وأنا معك في كل دربٍ تتعطيه= وش لي بدارٍ مابقى الا حدجها
سج القدم والهم يلقى مداويه = يوم المطر حاف الرقاق ودرجها
شوف الربيع اللي نبت بأمر واليه = سر النواظر والخواطر بنجها
صوت أم سالم كل وقتٍ نلاحيه = أخير من بعض الديار وهمجها
والحب ماله خاتمه لو تصافيه = ياكثر ماجر القلوب ولخجها
ومن القدر صاحبك مانته بحاميه = ياكثر مامر الوجيه وسهجها
والبعد لوينجيك ماهو بمنجيه = اما أتصل والا لحقبك مسجها

[خيال مطير]

ياأميرهــ
يا أميره مابقى غير السؤال إلي تثيره=الشوارع والمدينه تسألك كيف الأماره ؟
أمس قبله يا أميره كنتي بحساب الفقيره=وأرتقيتي وأغتنيتي وإنتي ما عندك تجاره !
كيف قولي يا أميره صرتي بحساب الوزيره ؟=فجأه من آخر صفوف الناس صرتي بالصداره !
فجأه أصبحتي شهيره دايره في كل ديره !=تأمرين وتحكمين الشعب في عرف ومهاره
القصايد والمدايح فيك وأشعار كثيره=إللي يمدح في خصالك وإلي يوصف بالصقاره
أشتهرتي بالجمال وملبسك غالي حريره=وأشتهرتي بالتطور والتقدم والحضاره
بعده أصبحتي على كل الوجيه أغلى سفيره=كيف أهلّك الطموح لمنصبك وسط السفاره ؟
الأوادم صابها من وضعك المشبوه حيره=يسألوني ؟ والجواب الحُر تكفيه الإشاره
لا تقولين الحياه بطبعها دايم مثيره=ولا تقولين إن هذا جاك بجهود الشطاره
يا أميره عارفينك لا فطين ولا شطيره=وأدري إنك تتقنين اللعب بأسلوب الإثاره
يعني هذا ناتج التأثير وإعماء البصيره=مثل هذا فعلاً إنك تستحقين الجداره
فعلاً أثبتي كلامك يا أميره يا جديره=مُعجبينك صفقو لرضاك بِاعجاب وحراره
بعد ما صفق لك الجمهور بيحي بالسريره=ليه أصريتي على إنك تطلعين أعلى مناره ؟
شهرتك ما تقنعك لين أنتهيتي مستذيره=خايفه عقب النجاح يكون مردود الخساره ؟
وش يحدك للتعجرف دام للشهره قديره ؟= تقدرين لنيلها لكن ما عندك جساره
يا أميره والبلا هذا الزمان إللي نسيره=يكتب الماضي ولا يمحي من أيامه عباره
لو رجعنا ثم قرينا قصة البنت الصغيره=كان يكفي عن ظلام الليل لا شعشع نهاره
يستثير الخافق إللي لد في عزوة أميره=حينها الدنيا تقوم ولا يهجدها وزاره

[الجووهره]

صح لسآنك شآعرنا الهوآوي

وصح لسآن شآعرنا. محمد الفرآج
وصح لسآن الشآعر يوسف الغنآمي

ويعطيك العآفيه خيآل
على الاختيآر الجميل والنقل المميز

[الجووهره]

أبيآت لا يعرف قآئلها
تصور الحاله العامه للمجتمع
هذه الايام

ياوجودي وجد توفيق الربيعة
‏له ثلاث شهور والوضع متردي

‏باح سده والعرب عيّت تطيعه
‏والكورونا من تعدّي في تعدّي

‏ابتلش فيهم مهابيل صديعة
‏كن واحدهم معه عقل مصدي

‏لانصحهم ضيّقوا فيه الوسيعة
‏محدٍ منهم على الرأي متقدي

‏وإن تركهم كل يوم في فجيعة
من يشيل!ومن يجيب!ومن يودي!

وكان جواب الشاعر عبدالمجيد العُمري:

قولوا للعقال والناس الرفيعة
اقضبوا جهالكم لحد يعدي

ودنا ياناس نرجع للطبيعة
والوقاية ماتبي أخذ وردي

الكورونا ياعرب زادت وجيعه
والمشافي حذرت والأمر جدي

بإذن ربي تنفرج عنا سريعة
بس يزيد الوعي نقبل للتحدي



الله يرفع عنا البلاء والوبآء
ويكشف الغمه وترجع الحياة
الى طبيعتها عاجلا غير آجل
يآآآرب

[الجووهره]

يا ليل لا تجرح شعور .المحبين
‏انا معي ذكرى عمر ...ما نستني

‏شيل الستار وحدث النفس باللين
‏ف القلب والله سالفه ...موجعتني

‏قصة غلا ماهي وهم بين.... قلبين
‏في دايرة سجن الغرام ....اسجنتني

‏يا غاليه ل البعد طعنه ......وسكين
‏في خاصرة وجدي عليك.اطعنتني


محمد فهم

[الجووهره]

يقول بن جدلان
رحمه الله



لابد من عقب المطاريش معواد
ولابد من عقب المواجع عوافي..
.
ولابد من عقب السهر لذة ارقاد
ولابد من عقب الكدر جو صافي


صبآحكم خير وتبآشير
وسعآده لا تنتهي .......

[خيال مطير]

صباحك نرجس وعنبر، يالجوهرهـ صح لسانك وصح ذوقك الراقيــ

[خيال مطير]

تقول شاعرة نجد أول يدياتها في ألمنتدى

سامريني يانجووم الليل أنا ما ابي القمـر=القمر ماله أمان يغيـب ويخلـي خويـه
يانجووم الليل مَعْك ايطيب وقتي والسمـر=مابعد غبتي ولا ليله وأنـا طبعـي وفيـه
بلغي شوقي ترى قلبي على حـر الجمـر=لا يَحَسْب إني بعد فرقاه في عيشه هنيـه
وبلغيه إني علـى فرقـاه دمعـي ينهمـر=كل حلمي والأماني والأمل..يرجـع عليـه
علميه وخبريـه البيـت عقبـه ماعمـر=العمار بْحضرته لاعاد لـي والفـيّ فيّـه
وعلميه بْحالي اللي فـي غيابـه مندمـر=وكيف أقضّي في غيابه..ذا الليالِ السرمديه
وعلميه إن الغياب المر..لوطـول العمـر=بانتظر يرجع علي..لو فالحشا مليون كيّه
وعلميه الامـر لله مافـي إيدينـي أمـر=وعلميه أنه ولو غايب معي مادمت حيـه

[ناصر الهواوي]

ياسلام ياسلام البارحه حصريه عليك يالخيال والجوهره الله يسلمكم ويحفظكم ما قصرتوا
وصحت السنة الشعراء وصح لسان شاعرة نجد وصح ذوق اصحاب الذوق الرفيع
ولي عوده ان شاء الله

[ناصر الهواوي]

شاء الله وعدنا
اليوم وامس وقبله بيوم لك ماخذ علي=ماني على بعضي ولا ادري وش الاسبابيه
اجلس لحالي وارقب الوضع وافكر ملي=واعيد ذاكرتي واراجع بنود حسابيه
ليت النتايج لا تجي لا علي ولا إلي=لو مكسبي من راس مالي ما اريد مرابيه
يالراسيات ويالرواسي ياربعي يا هلي=هو به بصيص لنار الآامال والا خابيه
لمن هو اصبح مقصده بالجفا واضح جلي=حتى عباراته من العام صارت نابيه
وامسيت اغبط من الغرابيل من قلبه خلي=ومن ضيقتي تضيق فيني وساع ثيابيه

[مهرة يام]

السلام عليكم
مسالخير والسرور يالرواسي
كيفكم واخباركم واعذروني علي القصور والله مشغوله شوي وان شالله تزين الامور واتواجد معاكم
صحت الالسن والاذواق
دام حضوركم وابداعكم

[مهرة يام]

زارني جملة بيوتٍ في منامي صافحني
جابهن طيف المنام وهاجس اشعاري دعاني
والقوافي كم وكم داعبتهن وداعبني
اشتري وأبيع فيهن بعد ما ربي عطاني
والهجوس اللي تزاحم تجبر الشاعر يغني

[مهرة يام]

وليل الشقا يرسم بداية نهاياتي
حضنت الهموم وشالها الخاطر الولهان
وكثر الهموم تزيد جرحي ولوعاتي
وانا قصتي قصه طويله بلا عنوان
ولا واعذابي كل ما اذكر بداياتي
بديت ودخلت الحب من واسع البيبان
بعد ما دفعني شوقي بموجه العاتي
وسقت الخطا والشوق لأهل الهوى ميدان

[مهرة يام]

تزلزل بي اشواقي كما ثاير البركان
وأعود على ذكراي وألملم اشتاتي
وأنا وين احصل من يعوضني الحرمان
كفايه عذاب.. وهم.. وجروح.. وآهاتي
طوينا الرجا بالياس في صفحة النسيان
وتبقى السراير خافيه بين كلماتي

[خيال مطير]

صح لسانك يابو عبيد . واحذر من اسواق العثيم . , الفرع الثاني عليه اشاعات من احد العماله مصاب بكرونا /, ارحبي يامهرة منوره وصح ذوقك .

[خيال مطير]

فنجال غيرك لو يجي قلت له بس = ولا أنت لو قهويت ماقلت كافي
يامولعي بالدس في قلبي إندس = وأرمس بهمسات الغلا لاتجافي
نس بوفاك ونسنس بعطر لانس = أفز له لو في حلى النوم غافي
وأرس بحلاك ولا رسى عاشقك رس = رسه وقل من راس وافي لوافي
حس وتحسس شاعر مابعد حس = إلا بحسك باااااح سد وخوافي
من واهسه هس وحنينه معك هس = يتلي غلاك ونيته عد صافي
عل وعسى عسيت عساس لك عس = ياكل خير وخير بالستر ضافي
وإن كانها بالدس تكفيك قل يس = وأنا علي أسريك بالدس حافي

محمد القسامي

[ناصر الهواوي]

ابشرك مانيب راعي اسواق تسعة اعشار وقتي فلاح
قد قالي احد اصدقاي لو سيمت المزرعه مليون تبيع؟؟
قلت هذا في جلسة الضحي وين قيمة المساء والسهره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
اهلا بالمهره العاصفيه ومعذوره لو ما ودنا بالغيبات الطويله وصح ذوقك
اهلا يالخيال وصح نقلك وصح لسان القسامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
الله عليك كرونيا ويش سويت=مابه طريق الا بحجرك قطعته
اول ليا لي عنّْ طاريه وامسيت=أمر علي القلب اسافر وطعته
ركبت في كشن الونيت وتساويت=ودقيت سلفه ولمرادي نزعته
واليوم ماتجدي لعله وياليت=البيرق الابيض بيدي رفعته

[خيال مطير]

صح لسانك يابوعبيد .

خذ هي القصيده تسليه

[خيال مطير]

عزاه ياقلبن من الحب محـــــــــــروق =جفت جروحه والهنوف أنقضتــــــها
اصبح من الراحه معذب ومســـــروق = راحته بيدين الهنوف وخــــــــــذتها
متولعن باللي بها الحسن والــــذوق = اللي تواصيف المها من صفـــــتها
زين الوصايف ساقته بالهوى ســـوق =وصابت معاليق الحشاء واعطبـتها
حبه تغلغل داخل الجسم بعــــــــروق =ذيك العروق اللي لجسمي غذتها
بنتن غلاها منزله عالين فــــــــــــــوق =وأسكنتها تحت الجفون وغطــــتها
اليا ذكرت اسمه جذب قلبي الشـوق =ورجلي تسابقني لظل أشجــرتها
يسرقني التفكير بالـــــــــود برفـــوق =ودايم خيالي ساكنن منطقـــــتها
وحطيت للونات بالصدر صنـــــــــــدوق =والعين ملت دمعتن بهـــــــــــذلتها
صبرت صبر ايوب وطاق مطبــــــــــوق =والله مدري وش بعـــــــــد تالــيتها
ياللي تقول ان كل مطرود ملـحـــــوق =العمر راح وما قطفت اثمـــــــرتها
قدره وحظي ساقني بالهواء ســــوق =وقفت وانا عيني تهــــــل أعبـرتها

سعد الشقحاء


صح لسان ناقلها وشاعرها

[خيال مطير]

https://upload.wikimedia.org/wikipedia/commons/thumb/5/5b/Falco_biarmicus_001.jpg/221px-Falco_biarmicus_001.jpg
شاعرة نجد
قااالوا إن الطير مسكين..وابن آدم قـوي=قلت لا في ذمتي !!! إن الانسااان الضعيف
يكفي إن الطير عايش..علـى مايهتـوي=ماحسب هـم المفارق..ولابعـد الوليـف
ويكفي إن الطير..يطوي مساافااته طـوي=لابغى مشهـاة نفسه..لجنحااانـه رفيـف
لاطرالـه حاجـةٍ رااح..مـادوّر خــوي=مايفكـر بالمؤونه..ولاقـرص الرغيـف
مرّ يوصل للخضيرااا..ومـراات ايهـوي=قلبه امن الهم..ومْصاارع الدنيـا نظيـف
ليتني والطيـر يـا ابومشاري..نستـوي=ليتلي مثلـه جناحين..بالريـش الخفيـف
أدري ان بعض التمناي..يكوينـي كـوي=وادري إن الوقت..ياناظري جـدا مخيـف
وادري إن الشعر لامن بدا..يضوي ضوي=والمعاني جوهر الشعر والمقصد شريـف
يانسيم الليل جانـي معـك صـوتٍ قـوي=قامت حْرووف القصايد على حسّه زفيـف
والأسد يـزأر يقولون..والذيـب ايعـوي=والحمامه..حسّها حطّـه المولى..رهيـف

[سلطان الغبيوي]

السلام عليكم ورحمة الله وبركاته
صحت السنت الجميع ودام تواجدكم
اما بخصوص ابو عبيد
١- ما الومك في المزرعة لو ترفض فيها الاثمان الباهضة(الله من حيٍ مُلهِم نزلها هههه)
٢- واول مره ارى ابو عبيد يستسلم (وش حصل في الايام ياجدي)
دااااااااااااااام توااااااااااااااجد الجميييييييييييييييع
تحياااااااااااااااااااااااااااااااااااااتي

[شاعرة نجد]

مساء الخير يـ الرواسي
وعليكم السلام شاعرنا وعودا حميدا

وصح لسانك يـ الهواوي على هـ الروائع والابدااع
وداام حضورك شاعرنا

وتسلم خيال على النقل,من ذوقك
ولاهنت على هـ الدرر وصحت السنة المبدعين

تقديري,’’

[شاعرة نجد]

ياشاعرة نجد خضران القلوب ليا قروا لك قصيد
يرجع بهم للورى ما جد لك وايصفر قلوبها

نوب القصايد اتخفف ما يعانونه ونوبٍ تزيد
وتبذح بمشرط قوافيها لوانه ما اتجه صوبها

باحداث هالوقت قلبٍ يعتبر والقلب الآخر عنيد
به فاهمٍ للحقايق صح واللي شاف مقلوبها

تقديم من ما تيسر للموافق للقصيد الفريد
لمعانقه نسرج مهار البيوت ليا عصت عوبها

ومن بعد ذا ياهجوسي عد بنا للي نبي من جديد
فازت مواعيد عرقوب بثلاث ارباع مكذوبها

يلف حبل الوصل من شان ينقص والمباعد يزيد
ويصنع له معوقات بلا سبب ويسدد دروبها

وبس

يا شاعر المجد كان الشّعْر مايجري بدم الوريد
لامن لعب شاعره وابدع لمن يسمع بمسحوبها

واستمتع ومتّع وجاب الجديد اللي يزيد ويفيد
وهيّض هل الذايقه من عذب قيفانه وغنوا بها

فلا يغني مع الشعار يسبح فــ البحر مايجيد
فن السباحه ولايفْرق شروق الشمس وغْروبها

وان كان هيض غزيري هاجسك ياجعل عمرك مديد
ياما تهيّضت من روعة مواويلك ومكتوبها

وانا سجينه ورى جدران وابواب ومقابض حديد
والحجر طوّل ورحلات الاجازه ضاع مندوبها

والشعر منفس ليا صكت على الخاطر يجيد ويعيد
ترسم به الشاعره وتصوّر الاحداث بـ اسلوبها

[خيال مطير]

يا شاعر المجد كان الشّعْر مايجري بدم الوريد
لامن لعب شاعره وابدع لمن يسمع بمسحوبها

واستمتع ومتّع وجاب الجديد اللي يزيد ويفيد
وهيّض هل الذايقه من عذب قيفانه وغنوا بها

فلا يغني مع الشعار يسبح فــ البحر مايجيد
فن السباحه ولايفْرق شروق الشمس وغْروبها

وان كان هيض غزيري هاجسك ياجعل عمرك مديد
ياما تهيّضت من روعة مواويلك ومكتوبها

وانا سجينه ورى جدران وابواب ومقابض حديد
والحجر طوّل ورحلات الاجازه ضاع مندوبها

والشعر منفس ليا صكت على الخاطر يجيد ويعيد
ترسم به الشاعره وتصوّر الاحداث بـ اسلوبها




صح لسانك شاعرتنا

[خيال مطير]

سر يا قلم واكتب قوافي عجيبه = عن ما يدور بخافقي من عذابا
وانشد مع اهل العرف من هو طبيبه = ان كان تنفع للقلوب الطبابا
وعطني علاجي قبل غيرك يجيبه = واسعد خفوقٍ من زمانه مصابا
لا يا زمن صار الوفاء بك مصيبه = من يوفي بوقته يذوق العذابا
ومن ينقض عهوده يصير اله هيبه = ولا الوفي يصير دايم مهابا
الخاين الغدار ماخِذ نصيبه = وفي كل يوم ايجيه مية كتابا
وتلقى العرب في كل بيت تحكيبه = بالطيب يذكر لو فعله ما طابا
ولا الوفي صار الوفاء راس عيبه = وعليه في دنياه حظر اقترابا
لو هو صغير العمر يبين شيبه = يشيب راسه لو عمره شبابا
واسباب شيبه في هذا الوقت طيبه = من كثر طيبه زاد همه وشابا
وقتٍ رديٍ فيه مظلوم ذيبه = وتنبح على روس الطوال الكلابا
ناقص عقل من صار كلبه حبيبه = والله ما يلقى منه لو شرابا
ولو دارة الايام دوره رهيبه = والله ليغدي في زمانه حِطابا
وانه ما يلقى له ذرى يلتوي به = ويصير لسيوف النشاما جرابا


/ سامي الرقيب

[ناصر الهواوي]

هذا واللي فلق البحر عن موسى الابداع بعينه لله درك شاعرتنا وحفظك وفرج عن الامه الغمه
صح الله لسانك حتى ترضين
اهلايالخيال وصح نقلك
ارحب يابو زياد ودمت وسلمت ولكن ماهكذا تورد يازيد الابل
نبي مشاركات طازجه وتفاعل يحفز

[ناصر الهواوي]

تلاعب جرايد هالبواسق مع النساس=على اشعة الشمس ان بدت له يداعبها
تمرجح عليها الورق واتحرك الاحساس= يتل العروق النابضه نوح راعبها
بلا دمع ما ادري حزنها ذا على ايا ساس=من تنوح له من قبل ساعه يلاعبها
اجل وش يقول اللي تقفا رجاه الياس=غربان الشقا يقزيه بالليل ناعبها
خبر من يبي ما جابه مدور وعساس=ينشر بالجرايد والركايب متعبها
نوامي حشاه من العطش بعدهم يباس=وعينه ليا جت حزت النوم ترعبها

[ناصر الهواوي]

قولوا لسلطان يدعي للجبال السود عقب الرياض
ويشرك عريق الدسم بدعاه من عقب انحجاره

ليا اذن العصر صلى وارتكا عند الحليله وفاض
وعدا بروس الطعوس بموتره باعلى زباره

ضيقاته اللي يحس ابها من اول باديه بانقراض
ويرقا براس النقا وقت المسا ويشب ناره

ياطيب عينه محلل للسياسه خمن والا افتراض
امير حكمه وراي وعرف لو ماحاز اماره

معه بعض حق فيما حلله مالي عليه اعتراض
لكن انا مستحيل استسلم وفي يمناي طاره

[الجووهره]

مساء الخير والشعر
والجزآله والابدآع
شآعرنا الهوآوي
شآعرتنا المبدعه نجد
صحت الالسن ودآم حضوركم وابدآعكم
الشآعر سلطآن الغبيوي
هلابك نورت بعد الغيبه
ودآم حضورك بس وين ابدآعك
هههههههه

خيآل
هلا بك ويعطيك العآفيه
ويسلم ذوووقك

[ناصر الهواوي]

مساء الخير وادري ليش انا كنت بك فرحان=لهذا الحضور اللي يونس بعد وحشه
اقصد جوهرتنا يا عساها تعيش ازمان=بخير وحياةٍ طيبه ما بها ربشه
وخيالنا اللي ليله يسرمد القيفان=عسى ما يصيبه دايم مفارق القفشه
اما الشاعره غنوا لها دان ليلي دان=لماهي تجيبه شوشة العود منفشه
تعيده قوافيها الى كان ياما كان=يرثع به صَعَبْ ذكراه وايطيح مع عفشه
هذا لان ولريم الفلا بعد غابت لان=بعدها مدونة الشعر حيل منخفشه
لها منزله بالمنتدا عالية مكان=بقلوب الجميع/وكان ذا سر معك افشه

[خيال مطير]

صح لســــــــــــــــــــــــــــَــــــــــــانك ><: يابوعبيد وصح لســــــــــــانك يالجوهره وصح ذوقك الرفيــــــععً

[خيال مطير]

سـلام الله سلاماًفيـه كـل الـود والتقديـر=
=سلاماُ يشمل المشرف مع الاعضاءوالـزوار
سلاماُ لاهل الطاله هل الجزلات مابـه غيـر=
=هل الطيبه هل الحكمه هل الالغازوالاشعـار
رجالاً تنطق الحكمه مثـل مايكتـب التعبيـر=
=نسميهم رجال اهل الوفاء والطرح والافكار
اذا تبغـا العلـوم الطيبـه وتزيـد بتنويـر=
=ابدلك على من هو تسميـه الصديـق البـار
هذا قولي واظن القول مايحتاج لـه تفسيـر=
=رواسي نجد مابه عن رواسي نجد فيـه اخيـار
مادام اني اشوف المنتدى فالشعر دوم بخيـر=
=واكرر كلمتي واقولهـا دوم الكبـار كبـار
يقوله شاعراً توه بدا والعذر فـي التقصيـر=
=اقوله والرجال الوفيه تقبـل لـي الاعـذار

[خيال مطير]

كل ماشفت الدروب تحدني يم البعاد = قمت الهّي خاطري عنها ولو مالي مفر
قايد ركاب المواصل بالمسامه والشداد = يمكن الله يجلي الظلمه عن انوار السفر
اتصبر واتصبر والصبر بالحيل زاد = فالكتيبه مستلم واشكي على الظابط خفر
يامعالي الباشه الله يحرمك حلو الرقاد = دام نوم العافيه مبطي عن عيوني نفر
ويش اسوي في حبيبٍ هاجدٍ قلبي هجاد = دربه اقشر لابغيته كله اشواك وحفر
لا نوا هجري ولاهو حبني مثل العباد = بالمحبه والوصل من عام الاول قد كفر
طالبك ياظابط الله لا يدلك للرشاد = لو انا داري بك انك منت ناشد للظفر
لكن ان كانك صدفته خبره علمٍ وكاد = صاحبك شد الرحال وعانق دروب السفر
لك سنه وانته معرض صاحبك خشم الزناد = من صفر يالمفتري واليوم حنا في صفر
له سنه يرقب وصالك مير قله ويش فاد = لاذنوبه زادت بوصلك والا الذنب انغفر
له سنه يحرث ويزرع والحصاد اقشر حصاد = طر جيبه لو درا ماسلمك قلبٍ عفر

نايف

[خيال مطير]

من الذاكرهــــــــ
https://www.youtube.com/watch?v=_xGtOVmTFOE
______________

[ناصر الهواوي]

مساء الخير ع الجميع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
خفير السجن هل باقيٍ بالسجن سجين=والا حربي وقد قيل مدينته وراه
هرب مع ظلام الليل وقت الخفر نيمين=من الجوع والا منك والا بعد وش جاه
لكن صر بداله بالسجن يا احمر العينين=عانه من عجلته تاركٍ بالسجن عباه
تلهلم عن النامس بها والظروف اتزين=عرب من ايلاحيهم يبي ينبحث خفاه

[الجووهره]

يسعد مسآكم
صح لسآنك شآعرنا الهوآوي
ويسلم ذوقك خيآل
ودآم حضوركم وابدآعكم
ونورت السجن خيآل
وابشر بالتسآلي

[خيال مطير]

مساء الخير ع الجميع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
خفير السجن هل باقيٍ بالسجن سجين=والا حربي وقد قيل مدينته وراه
هرب مع ظلام الليل وقت الخفر نيمين=من الجوع والا منك والا بعد وش جاه
لكن صر بداله بالسجن يا احمر العينين=عانه من عجلته تاركٍ بالسجن عباه
تلهلم عن النامس بها والظروف اتزين=عرب من ايلاحيهم يبي ينبحث خفاه
(صح لسانك يابو عبيد , أنا وأن دخلتت السجن من يمسك خفير علي , شف لي وجهن حسن . يمسك خفاره علي

[خيال مطير]

https://www.youtube.com/watch?v=7IlqDudEpjU
__________________________________

[مهرة يام]

صباح الورد
صحت الالسن والاذوااق
دام الحضور والجزاله
لاهنتو

[ناصر الهواوي]

ابد حنا ما متعلقٍ بنا احد اللي حنا متعلقين به قطع ازرته ورمى ثوبه واللي فيه متعلق
هههههههههههههههههههههههه
اهلا يالخيال الجوهره هي الخفير عليك لين تسنع لنا الحربي وش سالفته يحضر لين نقول ما يغيب
ويغيب لين نقول ما يحضر هههههههههههههههه
ارحبي يالجوهره وصح بدنك
اهلا يالمهره السؤوال عنا وصحت السنتكم شي جميل تشكرين عليه لكن ما يكفي ههههههه
تقطع حلقي من الضحك الله المستعان
ــــــــــــــــــــــــــــــــــــــــــــــــــ ـــــــــــــــــــــــــــــــــ
ياطير ياللي غريبه نغمتك بالنخل=اطرب لصوتك واحاول شوفتك ما قويت
لايصير بك مثل بعض الناس شح وبخل=عطنا من احلى لحونك واعذبه لا استويت
تراي عن ما يصير ان صار مالي دخل=خلك بعال الجريد ان كان ناوي تبيت
العام بين الضلوع العوج لصٍ دخل=وسرق مفاتيح قلبي وسكنه ما دريت
حتى بدا بالمشاعر وبشعوري خلل=والشوق قام يحداني له وفيه ابتليت
حبه حلو بس ينخل لب مخي نخل=ومن دون بالسوق اسومه باعني واشتريت
لو يشخلون الاطبا دم قلبي شخل=بمشخالة الطب يلقون الغلا كمبليت
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
وش تبي يالخيال غير هالتسلايه الرايعه؟!!!!ههههههههههههه

[خيال مطير]

صح لسانك يابو عبيد ؛/ مااقصرت , بس الجوهره مابيها خفيره علي , جاك العلم

[خيال مطير]

أبي الياميه , تفطرني وتغديني , صحيح أنها مجرمه آ بس طبيخه / جاك ألعلم

[خيال مطير]

ياضلوعي هجدي قلب يصيـح = لايبيح بي مـع العالـم خفـاه
الهوا سلمه صريح مع صريـح = ماهو إحساس نسي قلبـه وراه
والمحبه موضع الوضع الصحيح = ماهو شويق يجيه اللـي بغـاه
ياضلوعي لو يصيح ولو يطيح = ماله إلا عشقه اللي قـد زهـاه
مسألة راحه مع إحساس المريح = بين راحة من معـي ولا معـاه
الغلا مكسب نصيح له نصيـح = هو بلا قلب تعشـم فـي بـلاه

[خيال مطير]

البارحه وأسمع قصيد المغنين=اللي على الجوال بان إنتشاره
أبيات شعر ٍ رددوها المساكين=من شاعر ٍ فوقه تطاير غباره
ينظم على طرق اللحين للموالين=وهذا على عوده وهذا بطاره
ليته نظم قافه رموز وعناوين=وأمبين أسمه كان فيها شطاره
لكن ْ تعالي يالمعاني وهالحين=الوضع حامي ما يبْ الإستشاره
جات القوافي تـطـّـبخ بالشرايين=والقلب زود تحتهن الحراره
فوح الضماير ما يبرد على هوين=يما ثبوت الفعل وألا دماره
تعال يا وجه الردى متجه وين=يا مغنين بالقاف لأجل الإثاره
ظلمت قومن فعلهم بالميادين=يشهد لهم تاريخ نجد إبجداره
قوم ٍ على الطاله كعام المعادين=والمعجزات إثبات فعل ونداره
قوم ٍ لنا بالوقت بيرق شجيعين=لأنته ولا غيرك يلوث شعاره
أقولها منطق وفعل ٍ وتدوين=ما هو كلام ضعيف خلف الستاره
حنا عيال مطير حنا هل الدين=وحنا رجال العز وأهل الصداره
وحنا هل الوقفات يوم الأكاوين=تدري وغيرك داري ٍ عن دياره
لا ثارت الهيجا فجرنا البراكين=نارد على حوض المنايا سطاره
أصغر شبل فينا يدك الضلاعين=وأكبر حكيم مطير منه الإشاره
وألا انت ويش انته مع اللي وفيين=مثلك يدوب إنه يقود حماره
وأكرمكم الله يالرجال العزيزين=عن كلمتي لكنّ لأجل إحتقاره
خبل ٍ تولج وأنطلق حول بابين=ما يدري إنه غاشم ٍ بإنحداره
يبذخ لسانه دون منطق وتثمين=يا للعجب وش دافعه وإنفجاره
هو يحسب إنه غانم ٍ نظم بيتين=يومه يردد بين تاره وتاره
الهرج ما حرر كثيره فلسطين=والفعل يبطي ما خذ الشين ثاره
والرجل لا منه خطى للقوانين=ما عاد تشعق بالمواقف ناره
اليا نطق بالهرج وسط الدواوين=تحسب عليه بكل صده وغاره
مي بركه دمحت ثلاث ٍ وثنتين=وحده هي اللي تلحقه بإنعثاره
والرجل لا منه تولج على الشين=ماله مع الأجواد عز اوقاره
مي مثل اللابه ولا أقول قولين=دوبه يمثل حالته بإعتباره
قلته وابن مطير فعل وبراهين=ما نتبع الخايب عسا بإنثباره
قوم ٍ لنا منهج ومبدا وتقنين=باللي لنا واللي علينا قراره
أفعولنا تذكر من أدهور وأسنين=وفعل القبايل شامخ ٍ كالمناره
وكل القبايل بالمواقف سديدين=والظلم شين ولا نقرّب جواره
ما يجحد أفعول الرجال الميامين=الا الضعيف إليا أختلف عن مساره
تم الكلام وقافي العلم حرفين=عسا لها في وسط قلبك شراره
لتعنّي إركابك هقاوي وتوهين=وأختر يمين الضلع والا يساره
مالك ومال النجم خلك على الطين=وأترك طويل الهرج واترك قصاره

[ناصر الهواوي]

بس انا و38 واير !!عجبي
صح بدنك ونقلك يالخيال يوم رفضت الجوهره ضاقت وغابت واليامي ما حضرت هههههه
ــــــــــــــــــــــــــــــــــــــــــــــــــ ــــــــــــــــــــــــ
اووووووف اوووووووف
طفقات الطواري وافقت هاجسٍ ملقوف=تجره بلا تفكير للشعر ويغامر
لو عنده ركاده كب بعض الاومور اتطوف=لاهو خالد الفيصل ولاهو كما السامر
هجوس ابدويٍ يحسب ان فيه عنهم نوف=بعد صار قلبه في وهوم الهوى عامر
تخيل وفي فكره كبر حب هند ونوف=من محض الخيال بوصف معشوقه يغامر
حتى صار يهوى لاسمع صوت دون الشوف=ويسرج لقيفان الغزل مهره الضامر
بمن لاعطاه الضو الاخضر غدا مشغوغ=من جرف لعدامه دون ما فكر ايطامر

[خيال مطير]

طفقات الطواري وافقت هاجسٍ ملقوف=تجره بلا تفكير للشعر ويغامر
لو عنده ركاده كب بعض الاومور اتطوف=لاهو خالد الفيصل ولاهو كما السامر
هجوس ابدويٍ يحسب ان فيه عنهم نوف=بعد صار قلبه في وهوم الهوى عامر
تخيل وفي فكره كبر حب هند ونوف=من محض الخيال بوصف معشوقه يغامر
حتى صار يهوى لاسمع صوت دون الشوف=ويسرج لقيفان الغزل مهره الضامر
بمن لاعطاه الضو الاخضر غدا مشغوغ=من جرف لعدامه دون ما فكر ايطامر

صح لســـــــــــــــــــــــــــــــــــــ)×، نك / يابو عبيد وبيض الله وجهك

[خيال مطير]

ياما حلا ياسعود في وقت الامطار=صوت الرعد والبرق يلعج بنوره
مع مهرتن فازت على كل الامهار=من شوفها قلبي تزايد سروره
عين الوحش والفعل فعله ليا طار=نسل العديم اللي جنينا طيوره
في مهرتي ياسعود غنيت الاشعار=اسمع صهيل الطرس وانشر سطوره
رحنا وجينا من بعيدات الامصار =والكون خضنا في مغبة بحوره
مثل الكحيله نادرن ما بعد صار=مع حضر والا بدو ترعى قفوره
وختامها صلو على نورالاخيار=عد الجراد اليا ارتفع مع نشوره

[خيال مطير]

خالي عطاك أم العيون الكحيله

https://www.traidnt.net/vb/images/imgcache/2008/11/FhtftT-9645484-1.jpg



كان هناك شاعر عمره 16 سنه ..

فقال الأب لإبنه ابو 16 سنه خالك راح يجي اليوووم ..

و نذبح له تيـس .. !!

فأنشـد الولد و قال لوالده : -

يا بـوي ذبـح الـتـيـس للـضـيـف مـنـقـود
مـــادام خـــــرفــان الــمـعــزب كــثــيــره[


فـاضـطـر الأب ان يـنـزل عـنـد رغـبـة أبـنـه واسـتـحــى أن يـكـون ابـنـه أكـرم مــنـه, فـذبـح لـ ضـيـفـه خـروفـآ ,
وأعـطـاه جـمـلآ هــديــه

هـنـا الأب شـعـر أنـه فـعـل شــيـئـآ كـبـيـرآ , فـقـال لأبـنــه مـتـبـاهــآ بـمـا فـعـلـه إزاء خـالـه

يـا ورع خــالك زارنــا واللــه عـطــاه
عـطـيـتـه حـرٍ مــن الأحــرار أصيله

لـكـن الـغـلام الـنـادر أجـاب والـده يـقـول :_

كـانـك عـطـيــتـه هــرش مـوذيــك بــرغــاه
خــالــي عــطـاك ام الـعـيـون الـكـحـيـلـه

وغـلـب الابـن أبـيــه بـالـكـرم والـفـصـاحـــه

[خيال مطير]

ودي بمهره قلبها حيص مليص = محدٍ قبل سامي مجود رسنها
تطوي نفود الكون من دون تقليص = ويصير قلبي فالنهايه وطنها
يلي تقول اني ماني شاعر بخيص = ما كل من يهوى بنيه حظنها
العشق طبعي للبدو بدون تخصيص = خصوص في دنيا تزايد فتنها
واحمل لجل حب الغنادير ترخيص = من مملكه بالشوق قلبي سكنها
ومن دولةٍ بالحب تملا النواقيص = همس العيون ايسدنا عن رطنها
يرقص لها قلبي ليا اشتاق ترقيص = رقص الحمامه لا رقصة في غصنها
ويسلا بها الخاطر وما الخاطر رخيص = وتسعد بها عيني ويبرد جفنها
لكن انا ذيبٍ ولاني ولد نيص = اطرد ورى بنتٍ تجر بكفنها
انا بدويٍ ما عشقة الحباليص = عشقي بدويه ما اقدر اوصف حسنها
وبنات هذا الوقت يبغن تمحيص = حواء في تال الوقت زايد عفنها
تلقى الشعر مقصوص للكتف تقصيص = تحسب حلاها لا تزايد مِجنها
بين المشاغل لجل حمره وتنميص = ولا عاد تلبس ما يغطي بطنها
يعني بصراحه السالفه بكل تلخيص = بعض البنات اليوم ودك دفنها
مرجوجةٍ ما عاد تقبل لترصيص = وجنوطها مضروبةٍ صد عنها
والبعض تفداهن منقية العيص = ومن الجواهر ما يساوي وزنها

سامي الرقيب

[ناصر الهواوي]

اهلا ياخيالنا السجين الخفير الراويه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
ياحسين من مضى الشتاء يصبر الصيف=مابه سفر ياحسين للهند ممنوع
ازعجتني ياحسين ماهي على الكيف=تقضي هنا شهرين غصبٍ بلا طوع
الاف كيلوات من دونها ونيف=وانا على ميه من الحجر ملطوع
شفت الوزا ياحسين والقهر والحيف=حذفة عصا واهون منه حبة الكوع
ياحسين معها لابسات النفانيف= مثل النجوم ليا بدا البدر بطلوع

[خيال مطير]

ارم النعل لمغيزل العين ياحسين * واقطع لها من ردن ثوبك ليانه
ياحسين والله مالها سبت رجلين * ياحسين شيب باالضمير اهكعانه
جنب حفاة القاع واتبع بها اللين * واقصر خطا رجليك وامش مشيانه
وان شلتها يا حسين ترى ما بها شين* حيث الخوي يا حسين مثل الأمانه
مايستشك ياحسين كود الرديين * ولاترى الطيب وسيعً بطانه

[خيال مطير]

https://www.youtube.com/watch?v=whBYIhtWSFg
______________________________

[خيال مطير]

العرف عرفٍ سيسه لي عود=بين الجدي واسهيل منزاله
والشعر همال المزون السود=اعجبك في طرقه ومواله
لاجيت اصوغه جاكما العنقود=اهديه للي جا على فاله
حي الله اللي مايحب الزود=امحفظٍ قفله على ماله
غنى طرب هثم ساق الذود=سوات راعيٍ نكس عقاله
هب الشعر هبت عليه النود=من يوم حظه ماتهياله
البندق اللي في يد النمرود=مشتالها ويعقد حباله
النار تقبس من قديح زنود=والعبد يجزا بتالي اعماله
لاجاب لامكسب ولامن فود=ياحالته مابعدها حاله
ماحصل الا دخله المحدود=لا ياكله ويجوع عياله
ياكثر مايطري على المظهود=لاكن سفه الجاهل اشواله

[خيال مطير]

ياحسين من مضى الشتاء يصبر الصيف=مابه سفر ياحسين للهند ممنوع
ازعجتني ياحسين ماهي على الكيف=تقضي هنا شهرين غصبٍ بلا طوع
الاف كيلوات من دونها ونيف=وانا على ميه من الحجر ملطوع
شفت الوزا ياحسين والقهر والحيف=حذفة عصا واهون منه حبة الكوع
ياحسين معها لابسات النفانيف= مثل النجوم ليا بدا البدر بطلوع
صح لسانك يابوعبيد

[خيال مطير]

نصايح الشيبـان وقفـه وتقديـر=واللي سمعها طاب حضه وفالـه
شاف السعد في حالته دون تبرير=وتباركـة دنيـاه والزيـن جالـه
ياصاحبي خذها نصيحه من اصغير=توه بدى بالشعـر يـوم احتلالـه
طاغي بحب الناس والشر مايصير=محدآ بغى فعل الدنـس والخبالـه
جازم وانا خالـد احـب التباشيـر=ماهمني هـرج الغلـط والحثالـه
تفكير غيرته وش القـول يامنيـر=تداولت من هاجس الشعر حالـه
شكواك من غير الولي خالق الطير=تحسب بذل النفس قـدم اكتمالـه
ابياتي الاولـى تسمـى تياسيـر=وأبياتـي الاخـر تسمـى زمالـه
أكون صادق باقي العمر بالخيـر=وإلا اموت وموتـي فـي ضلالـه
حسبتها دام الفكـر يقـدر يغيـر=على عروق الـدم فجـر حلالـه
حل الحلا في حلو ياسيـد الخيـر=دامك تعرف تزل حلـو الجمالـه

[ناصر الهواوي]

احوالنا يالسجن من دون في دون=بقيت انا والجوهره والخفيري
ذولا فخر واثنينهم ما يهونون=تجدر بنعم وهو بذلك جديري
واللي نبي يالسجن عيوا يردون=لا اميرةٍ ردت ولا عاد اميري
صُم وبُكم للصوت ماعاد يوحون=وكلٍ يرى السفهان ما فيه ضيري
الله على اللي لامسكت الدركسون=اسرع من اللي شلعت للمغيري
شبح يصخرها مع الجو دندون=من الخوف قلبه غاسلينه بفيري
ليا همزته دق سلفه على الهون=همس السكرتيره تكلم وزيري
لااقفا النهار وخيم الليل بسكون=والليل ونجومه لوجدي مثيري
وتاقت عيون الشوق لمشاهد عيون=حركت ويله والمقدر يصيري
ونصيت منهم بي من اول يهلون=لا امراوي بعزمي ولا مستشيري
ولاجيتهم في كيفهم ماسوون=فوق الشداد بكفي سبوق طيري

[خيال مطير]

احوالنا يالسجن من دون في دون=بقيت انا والجوهره والخفيري
ذولا فخر واثنينهم ما يهونون=تجدر بنعم وهو بذلك جديري
واللي نبي يالسجن عيوا يردون=لا اميرةٍ ردت ولا عاد اميري
صُم وبُكم للصوت ماعاد يوحون=وكلٍ يرى السفهان ما فيه ضيري
الله على اللي لامسكت الدركسون=اسرع من اللي شلعت للمغيري
شبح يصخرها مع الجو دندون=من الخوف قلبه غاسلينه بفيري
ليا همزته دق سلفه على الهون=همس السكرتيره تكلم وزيري
لااقفا النهار وخيم اللي بسكون=والليل ونجومه لوجدي مثيري
وتاقت عيون الشوق لمشاهد عيون=حركت ويله والمقدر يصيري
ونصيت منهم بي من اول يهلون=لا امراوي بعزمي ولا مستشيري
ولاجيتهم في كيفهم ماسوون=فوق الشداد بكفي سبوق طيري


صح لسَــــــــــــــــــــــــانكـ يابوعبيد وبيض الله وجهك . ثم صح لسانك حتى ترضى
من راح من كيفه وكيفه يوديه
خله على كيفه وكيفه يجيبه
واللي يصد وهاقي اني بناديه
أقطع لساني لو لساني يحكيبه

[خيال مطير]

مانطرد المقفي ولا نتبع خطاه
حتى ولو هو من خيار القرابه !
من راح قلنا روحة مقيط ورشاه
واللي يجينا بالوفاء مرحبا به !

[خيال مطير]

https://www.youtube.com/watch?v=dK88mHnOTiA
_____________

[ناصر الهواوي]

اهلا يالخيال وتسلم على التفاعل الرايع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
كل الكلام الذي قلته جميل وصحيح=لاشك ياقل يالخيال من طاقه
يطفِّش اللي خفوقه يالمهندس جريح=يحاول الصبر حين تفتش اوراقه
ليا تذكر زمانٍ فات عده يصيح=بعض المواقف بلا ادنى شك يشتاقه
بمنطق آخر وبالمعنى الدقيق الصريح=لي باغلب اللي فقدنا ياولد فاقه
ميلاف قلبي ولا في كل مابه يبيح=لكن برجفه خطيرٍ يفتق رواقه
ماجفت امواق عيني والصدر له فحيح=والفكر باعتى الطواري ضاقت آفاقه

[خيال مطير]

حرصتك يابو عبيد من السوق اللي قلته لك

بينما سجلت حالة واحدة في : العقيق والقرى وبلجرشي ودومة الجندل وميقوع وطبرجل وخيبر ومهد الذهب والأسياح والبدائع والقوارة وضرية ونمرة والمويه والسحن وأم الدوام وتثليث[/color
[COLOR="Navy"]
[COLOR="Indigo"]ضريه اصابه واحده[/COLOR
الرياض 1658 –

[ناصر الهواوي]

بالخير يادارٍ من الناس خاليه=من بعد ما كانت مقامات عاليه
ثقلت عقول الربع والا تنسكو=والا نفوس الناس للبعض قاليه
الحاجه اللي صعب تدرك وتحتوى=رضا الناس لوهي غايةٍ حيل غاليه
ومن بعد ياخيالها طش سرجها=ماللفرس وانا بالاسراج ماليه
ماعاد به خيل بالاصهال مشجيه=والهجس من هو له يسوي تساليه
رح للنخل بكره عن(غبير)رشها=وان عاد احد صح لي بقولك تعاليه

[خيال مطير]

اهلا يالخيال وتسلم على التفاعل الرايع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
كل الكلام الذي قلته جميل وصحيح=لاشك ياقل يالخيال من طاقه
يطفِّش اللي خفوقه يالمهندس جريح=يحاول الصبر حين تفتش اوراقه
ليا تذكر زمانٍ فات عده يصيح=بعض المواقف بلا ادنى شك يشتاقه
بمنطق آخر وبالمعنى الدقيق الصريح=لي باغلب اللي فقدنا ياولد فاقه
ميلاف قلبي ولا في كل مابه يبيح=لكن برجفه خطيرٍ يفتق رواقه
ماجفت امواق عيني والصدر له فحيح=والفكر باعتى الطواري ضاقت آفاقه

صح لسانك يابو عبيد

[حمد الحربي]

صبحكم الله بالخير

[ناصر الهواوي]

اهلا ياخيال
ارحب ياحمد وصبحتوا بالخير
ــــــــــــــــــــــــــــــــــــــــــــــــــ ـــــــــــــــــــــــــــــــــ
ياطير ياللي بالخضيراء تساويت=وبسطت جنحانك وتنظر عيونك
ليتك تطيع وتنزل شوي ياليت=وتاخذ رساله معك والله بعونك
ورف بجناحك واجنب ان ما توانيت=لين اصفر الديره تخليه دونك
وسمراء يمينه في جنوبيها بيت=اهل كرم لو جيتهم يكرمونك
ومد الرساله في يمينه ووفيت=وخلك نبيه ليا بغو يامرونك
وبرجعتك جب لي خبرهم وكفيت=مجمل وتفصيله ماهو من شؤونك
وان كان ما نفذت ما اطلب وذليت=عسى ملقف هالقنص يذبحونك

[ناصر الهواوي]

يالخال وين الربع والا الربايع=من قبل جمعه ما علينا حدٍ مَر
انا وخيالوه زبن الودايع=احلى حلا وان قلت له مر جاء مُر
والجوهره وحضور هالبنت رايع=رغم السكوت الا انها دايم اتمر
وللحديث تتمه ان شاء الله

[حمد الحربي]

ارحب يابو عبيد والله يجعل ايامك كلها طيبه والغايب عذره معه لو ودنا بحضور الجميع لكن لعل المانع خير

..



لي عوده

[خيال مطير]

يابو عبيد الحربي اللي من منحاش من السجن .. حضر , طلعني من السجن , ,واكفت , الحربي . ونا من عندي بشدد الحراسه . عليه

[خيال مطير]

القاف يطرب وعندي تصدح اطيوره=عطنا بياله من البراد ياغبري
أتخيل إني بأرض(ن)تو ممطوره=الجو مغري ونسمات الهوا تغري
وصفيت جيش المعاني معلن الثوره=الراس يقدح ولمداده حضر شعري
يامحمد حسين قلبي حب مغروره=تقول فالزين مابه من وصل قدري
بشكي عليك الهوى والحب وشعوره=والجادل وحالي أللي فالهوا مبري
تدري علوم الهوى للناس مخبوره=خبيت حب الهنوف وأنكشف سري
وبعض السوالف عن العذال محظوره=وأللي مايدري ينام مع العرب بدري
كل ماسمعت الأماكن من ابونوره=تطري على خاطري وأقول ياقهري
فالقلب أتخيّله بالصوت والصوره=في وسط قلبي رماني حبها العذري
دبلت حبه وثريته وبالفوره=ثم بعت كل البشر وأحساسها أشري
هو مالك القلب واضع كل دستوره=وظيفته فالفؤاد الريس الفخري
حبي وحبه على ماقيل أسطوره=لكن تغير وأصبح وضعنا مزري
قفا وخلا زوايا القلب مهجوره=ودي أنا أنساه لكن ياعرب أزري
كلن يشوف المحبه حسب منظوره=الحب نزف المشاعر والغلا يجري
فالقلب لكن حظوظ القلب معثوره=حسبي عليها وحسبي كل ماتطري
الحب مثل البحر و الشوق بابوره=بس المواني بعيده وأنقضا صبري

[خيال مطير]

محلاك يا كاسة الشاهي = لا جت من ايدين مزيونه
ما مدها واحد(ن) فاهي = ما ودك اتلد فسنونه
يمدها لك وهو لاهي = يعرك عماش(ن) غشا عيونه
تقول علقم على شفاهي = تهون لو طعم ليمونه
ولا جتك من ذيب(ن) اتباهي = وتقول مدتك ممنونه
الله هو الآمر الناهي = وكل(ن) يغني بمضنونه

[الجووهره]

احوالنا يالسجن من دون في دون=بقيت انا والجوهره والخفيري
ذولا فخر واثنينهم ما يهونون=تجدر بنعم وهو بذلك جديري
واللي نبي يالسجن عيوا يردون=لا اميرةٍ ردت ولا عاد اميري
صُم وبُكم للصوت ماعاد يوحون=وكلٍ يرى السفهان ما فيه ضيري
الله على اللي لامسكت الدركسون=اسرع من اللي شلعت للمغيري
شبح يصخرها مع الجو دندون=من الخوف قلبه غاسلينه بفيري
ليا همزته دق سلفه على الهون=همس السكرتيره تكلم وزيري
لااقفا النهار وخيم الليل بسكون=والليل ونجومه لوجدي مثيري
وتاقت عيون الشوق لمشاهد عيون=حركت ويله والمقدر يصيري
ونصيت منهم بي من اول يهلون=لا امراوي بعزمي ولا مستشيري
ولاجيتهم في كيفهم ماسوون=فوق الشداد بكفي سبوق طيري



صح لسآنك شآعرنا
وفينا الخير والبركه هههههه
والغآيبين الله يردهم بالسلامه

[الجووهره]

ويعطيك العآفيه خيآل
ويسلم ذووقك
دآم حضووورك

وهلا بك حمد الحربي
ودآم حضوورك
وبانتظار ابدآعك

[الجووهره]

‏اعمارنا مثل الحطب في طرف نار
‏شي احترق واللي بقى جايه الدور

‏وارزاقنا مثل السحايب والامطار
‏اللي مهو مقسوم ماهو بممطور
،،،،
القلوب اسرار والدنيا عبر
‏والعمـر لـو طـال تاليه الرحيل

‏والخواطر كسرها ماله جبر
‏لو يعيد الوقت ماضيه الجميل
...
‏ليت ما في العمر تلويحه كفوف
‏لا فراق .. و لا وداع .. و لا سفر
‏‌
‏و ليت ما يعوق الوصل أية ظروف
‏لا مسافه .. لا اختلاف .. و لا عذر..

[خيال مطير]

أرحبي يالجوهره منوره السجن

[خيال مطير]

بعد إعلان إصابة زوجته بكورونا.. الشاعر سليمان المانع يصدم متابعيه بصورة له داخل المستشفى دعواتكم له بالشفاء

https://al-marsd.com/wp-content/uploads/2020/06/4444-5.jpg?v=1592362741
يقول في احد قصايده
بسمة نظر


.
شايف دها حوا المعتق على اصـول
خـلانـي أصــل للسـحـاب وحـذفـنـي
لـدت وهـدت لـيـن حسيتـهـا تـقـول
شفتـك وهديـت الخطـاوي وشفـنـي
وانـا خويـك قلـت مـاهـوب معـقـول
نسيت ورضيـت وقتهـا مـن يصفـي
عاتبت نفسي بيـن واعـي ومذهـول
ورميت لك في بحر هالسـود سفنـي
كم كنت قاتل قلت كم صـرت مقتـول
من صوبـت صـدر الحنيـن ونزفنـي
وشكبر عذري فرحتي بس انا احول
بقيت الأول وانـت سـاذج يـا جفنـي
تغـيـرت مـاهـو دلــع بـنـت زعــول
تبـي بـعـد عـمـر طـويـل تعسـفـنـي
دوب أتلاحق واصلق القـوم بالقـول
معيوفـة تـوحــي الانـظــار عـفـنـي
أنـا اقترفـت الذنـب الاول ومسـؤول
لا والهوى صـادف جهـل واقترفنـي
العود انا الطفل وعلى خبرها لغـول
الـعـود انــا مـاكــل بـنــت تعـزفـنـي
الريـح انـا ماعانـد الريـح غـرمـول
بـارجـع بـكـل أشيـاءهـا تكتشـفـنـي
باسهر علـى العنـاب واسهـر اللـول
وابــرد ونـفـس أنفاسـهـا تلحـفـنـي
بس اعترف في عظمة لساني اقـول
لـهـا عـلـي وحــده والايـــام تـفـنـي
غنج وجرجرني وسايسـت مشغـول
برمـش يقـول ايـاك الأخـر وخفـنـي
بسمة نظر مني وصدت علـى طـول
مـاكـنـهــا بــنـــت الـح...تـعـرفـنـي

[ناصر الهواوي]

رايعه وصح لسانه وصح نقلك والله يشفيه ويشفي زوجته ومرضى المسلمين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
ياعهد كم دونك من اشهب شهر هل=لاوالله الا كم سنه دون عهدك
كم ياعهد قلت لزمنا تمهل=وكم ساعةٍ طالت ولا تم وعدك
وش سوت الايام بالطرف الاشهل=لمت عليك او هي اتركتك لوحدك
ان كان ما جازت لك التسميه هل؟=نرجع على الواد المسمى ودعدك
للسيل طلحٍ كان ملفا ومنهل=ايام رده قوله ابشر بسعدك
قبل يجي باحلى المشاعر ترهل=وللعاطفه ينقال مرفوض وفدك

[ناصر الهواوي]

عليك الله اكبر من فعولك بنا تنقال=وكم مقلبٍ فينا مع الوقت سويته
على ما تقوله كم بَنا من يبيك آمال=وتفيا بها من حر شوقه وخليته
ماتمشي سواليفك وعذرك على بنقال=ترا ديرته حذفة عصا واتعرف بيته

[خيال مطير]

رايعه وصح لسانه وصح نقلك والله يشفيه ويشفي زوجته ومرضى المسلمين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
ياعهد كم دونك من اشهب شهر هل=لاوالله الا كم سنه دون عهدك
كم ياعهد قلت لزمنا تمهل=وكم ساعةٍ طالت ولا تم وعدك
وش سوت الايام بالطرف الاشهل=لمت عليك او هي اتركتك لوحدك
ان كان ما جازت لك التسميه هل؟=نرجع على الواد المسمى ودعدك
للسيل طلحٍ كان ملفا ومنهل=ايام رده قوله ابشر بسعدك
قبل يجي باحلى المشاعر ترهل=وللعاطفه ينقال مرفوض وفدك
صح لسانك يالغالي , وبيض الله وجهك

[خيال مطير]

عليك الله اكبر من فعولك بنا تنقال=وكم مقلبٍ فينا مع الوقت سويته
على ما تقوله كم بَنا من يبيك آمال=وتفيا بها من حر شوقه وخليته
ماتمشي سواليفك وعذرك على بنقال=ترا ديرته حذفة عصا واتعرف بيته

فكنا من الوساويس , يالامير . خلك ع وضحى ألنقا ,

صح لسانك

[خيال مطير]

(يا معدي المرقاب والقلب مشتاق=ارقه ومعْك معذب القلب يرقا)
فى راسه الشاهق من الشعر برّاق=خلاّ القمم من جزل الاشعار غرقا
وعلى المعنى ينسكب عذب رقراق=وتزهى سماه برونق الود زرقا
لي عام يالمرقاب والبال ماذاق= الا رماح الصد فالبال زرقا
من قو ما فالقلب من لوعة افراق= ناحت شرايينه على كل طرقا
ومن كثر ما فالعين من شوق حراق=اول ظحايا العين الاهداب حرقا
ومن كبر ما فالراس من وجد سراق= يسرحبي الهوجاس غرب وشرقا
وشلون بنسى من له العقل منساق= مسلوب اراده والاحاسيس سرقا
والطيف نبعه بالشرايين دفاق =والفكر طاير وجهته دار طرقا
انساه في حالة نسى الصبح الاشراق=او روق تنسى حزة الضيق برقا
برقاك ملهوف لهنا البال تواق= من العنا في خافقي نوح ورقا
وفي سفحك النايف عسى تخضر اوراق= قلبٍ غزاه الموت من ضيم فرقا

[خيال مطير]

ياصاحبي مــاصارمن يمي قصور..=جيتك غلا..للــود مهـدي وشاري..
ومشيت لك بخطاي راضي ومسرور..=لآخر حدود الصبر..رغم إنكساري..
لنفسي عليه حق..واشبعتك غرور..=لاني أحبك وانت بالحب داري..
إن رحت مقفي قلت مانته بمعذور..=وان جيت مقبل صرت لك نهرجاري..
وش ذنب ساري مالقى للقمر نور؟=وحوله نجومٍ يرقبنه سواري..
إن لد فيهن مات بالغبن مقهور..=ماوده يخون العهد..بالغداري..
وان صدعنهن صار للشوق مأسور..=لانه بشر..لازم يناظر اجباري..
وأنت تعرفنا فيك مانسمع الشور..=شمعة محبتنا..عليها نـــداري!!
أرفق على قلب"من الهجر مكسور..=كنه مريض"في عيادة طواري..
ماحد سأل عنه ولاجاله يزور..=منسي!!ولاله عند الاحباب طاري..
أكثر من يزوره ممرض ودكتور..=واقرب قريبٍ له بهجره يماري..
لاهو بحي ولاسكن مع هل الدور..=والحال من كثر التفاكير باري..
إن أتصلت أقول ياخل مشكور..=وان زدت صد أصبحت للهجرضاري..
لكن ترى الايام ياخلي تدور..=ولافيه وقت إلاتجي له ذواري..
واقبل سلام"جاك من قلب [مذعور]=مافيه ليل...إلا أقتفاه النهاري..

[ناصر الهواوي]

ارحب يالخيال
ـــــــــــــــــــــــــــــــــــ
هز الجرايد يانسيم الهواء الطلق=ومع هزها تهتز كل المشاعر
لاجيت من يمة بلد زينة الخلق=تبرد بجوف اللي يلامسك ساعر
له كم شهر محتار وخويطره غلق=من خوف فقده يذعر القلب ذاعر
وكبده تشلق من رهاف الجفا شلق=وسهل الدروب لما يسره تواعر

[خيال مطير]

5 حالات في كلاً من الجفر – المندق – المذنب – ضرية – أحد رفيدة – تبالة – مليجة – الدلم – ساجر – البدع .

[ناصر الهواوي]

انت وش جاك على حالات كرونا
ــــــــــــــــــــــــــــــــــــــــــــــــــ ـــــــــــــــــــــــــ
خيال وين اومورنا تتجه له=تفاءلك يالذيب والا تشاءمك
البيت ياخيالنا شدوا اهله=وانت تعرف ما اريد ماني معلمك
لكن نبي ناخذ بالايام مهله=ونكتب وداعيه وربي يسلمك
لو انها ماهي على القلب سهله=وايضا لها تاثير ولفعلها سمك

[خيال مطير]

طيب ومستحقاتي وحقوقي ورواتبي ,.. ماستلمتها , أراجع من ..لاتروح يابو عبيد وتخليني لاحالي

[خيال مطير]

الــزيــت يـاصـاحـبـي مــــن دون تـكـريــره=يشـيـل فــي داخـلـه اصـنـاف وقـيـاسـي
وحـنـا بـشـر مــن كبـيـر الـقــوم لصـغـيـره=منـا مـن يطيـح ومنـا اللـي جبـل راســي
يـاشـيـنـهـا لا طـلــبــك الــحـــر تـحــريــره=طــاح بدغالـيـس دنـيــآ طبـعـهـا قـاســي
العـلـم واضـــح لـنــا ومـكـسـور تشـفـيـره=امـا تطـاوع هـواي او ذوق مـن كـاسـي
لا صـــــار مـايـنـفــع الــعـــداد تـصـفــيــره=خـلاص انـا منـه راضـي اعـلـن افـلاسـي
والــجــرح يـلــزمــك يـادكــتــور تـطـهـيــره=مـن قـبـل ماتكـتـب الوصـفـه بقرطـاسـي
يـالـيــت يـنـفــع واقـــــول دواه تـخــديــره=يمكـن يجيـز العـذر لــو قـيـل لــه نـاسـي
وانـــا عـلـشـان نـفـسـي تـكــرم الـديــره=امشي على الدين وارفع بالنسب راسي
والا انـــت ياصـاحـبـي يـاطـيـب الـسـيــره=يفـوق وصفـك قصيد(ن)عانـق احساسـي
ماانـتـه مــن الـلـي يـمـد لضيـفـه الـبـيـره=ولا انته من اللـي يصـك البـاب محتاسـي
مــن روس قـوم(ن)خـذوا بالعـلـم تفكـيـره=والــروس مــن فــوق والاقــدام تنـداسـي
تـسـتـاهـل الـطـيــب يـاذيـبــه ويـاطــيــره=ياللـي تـحـوف المـراجـل دوم عسـاسـي
يـاجـعـل مـــن حـاكـلـك بـالـشـر تـدبـيــره=يـبـلاه ربــي مـــرض ويـــذوق ويـقـاسـي
اقـولــهــا والــحـــراره يــلــعــب امــبــيــره=لا عـــودت للـعـلـوم الــعــرق دســاســي
الله يـجـيــب الــوكـــاد ويـبــعــد الـحــيــره=ويرتـاح قلب(ن)تعـب مـن كثـر هوجاسـي

[ناصر الهواوي]

اللهم اصلي على محمد
اول مره ادخل بالجمعه
ــــــــــــــــــــــــــــــــــــــــــــــــــ ـــــــــــــــــــــــــــ
انصت ياخيال لطيور النخل وش تقول=تسبح الله ولا نفقه تسابيحها
خيال ياما بفكر مكلمك من ذهول=من مده نفوسنا ما ذعذعت ريحها
الهجس مطفوق والهمه دخلها خمول=وكبد القريحه تعورها تقاريحها
بالصبر نلقا لصعبات المشاكل حلول=الوسم يمكن يبكر ويحيا شيحها
وصلاة ربي على طه النبي الرسول=عدد مساريح هالخلق ومراويحها

[خيال مطير]

عليه افضل الصلاة واتم التسليم
صح لسانك شاعرنا
في ظل هذهِ الجائحه لنا اربع شهور , يعني في بيوتنا . اين أختفو الشعراء والاعضاء والمدراء . ليش هجرو المنتدى , مالهم عذر ,

[خيال مطير]

أكتب رساله على الجوال وأرسلـي
لامن قريت الرساله ينشرح بالـي
مافيه غيرك يعرف الوضع ياخلـي
وأرتاح لامن وصلني منك مرسالي
هاذي ثلاثة ليالـي مالهـا حلـي
مسجون بالسجن ذقت المر والحالي

[مهرة يام]

آه يا قلبي من الشوق واللوعات آه
الجروح اللي تتالت خفوقي ملها
كيف اعذل القلب عن نيته واخلف نحاه
القلوب الى انتحت غصب وش نعمل لها!
يا شقا قلب تبلاه شوقه وابتلاه
كل ما يسلى تجيه الهموم بحلها
الحبيب اللي تغيب ولا أدري وش بلاه!
حيلة المشتاق زرق الدموع يهلها
واعنا قلب تعذب بحبه واعناه
تمضي أيام السنه ما صفت له كلها

[ناصر الهواوي]

اهلا يالخيال
ارحبي يالمهره والتسالي الرايعه
ارحبي يالجوهره الحاضره الغايبه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
على ايقاع دقاتٍ تهز النحايف هز=عواتي عواصف تلعب بلدن الاغصاني
يلجلج صداهن بينهن والخفوق يفز=لذكرى تردد بين شوقي ووجداني
برياضٍ مريفه عيش من كان فيها عز=تجر ام سالم فوقها الصبح الالحاني
معا من يديمه مثل منتوج دود القز=من انعم قماشٍ يصنعه معمل الماني
عيون العديم اللي على وكرها ترتز=هدب رمشهن يضفي على حمر الاوجاني
عليها براس الرمح كبد الغريم اتغز=ومجروح روح يكابد الشوق ويعاني
ليا راح مقفي عن بلدهم تقول ايكز=وليا اقبل مطيح شهاب مرسل لشيطاني

[خيال مطير]

أن كان ناقصك شي ياصاحبي قلي
غالي ومثلك ترى يرخصله الغالـي
يفداك ماتطلبه وأفـداك أنـا كلـي
لعيونك السود أسوق العمر والمالي
أن جيتني قمت أرحب فيك وهلـي
وأن رحت عني مكانك عندنا عالي

[شاعرة نجد]

السلام عليكم ورحمة الله
واسعد الله اوقاتكم رواسينا وطاب صباحكم

وصحت السنة المبدعين وذائقة المتذوقين
دمتم ودام الابدااع,’’

[شاعرة نجد]

اهلا يالخيال
ارحبي يالمهره والتسالي الرايعه
ارحبي يالجوهره الحاضره الغايبه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
على ايقاع دقاتٍ تهز النحايف هز=عواتي عواصف تلعب بلدن الاغصاني
يلجلج صداهن بينهن والخفوق يفز=لذكرى تردد بين شوقي ووجداني
برياضٍ مريفه عيش من كان فيها عز=تجر ام سالم فوقها الصبح الالحاني
معا من يديمه مثل منتوج دود القز=من انعم قماشٍ يصنعه معمل الماني
عيون العديم اللي على وكرها ترتز=هدب رمشهن يضفي على حمر الاوجاني
عليها براس الرمح كبد الغريم اتغز=ومجروح روح يكابد الشوق ويعاني
ليا راح مقفي عن بلدهم تقول ايكز=وليا اقبل مطيح شهاب مرسل لشيطاني

=تجر ام سالم فوقها الصبح الالحاني

الله
الله الله
أبيات رووعه من روائعك شاعرنا
وقمة الابدااع وكـ العاده قافيه مميزه وحضور فااخر
صح لسانك,’’

[شاعرة نجد]

هذا واللي فلق البحر عن موسى الابداع بعينه لله درك شاعرتنا وحفظك وفرج عن الامه الغمه
صح الله لسانك حتى ترضين
اهلايالخيال وصح نقلك
ارحب يابو زياد ودمت وسلمت ولكن ماهكذا تورد يازيد الابل
نبي مشاركات طازجه وتفاعل يحفز

صح بدنك شاعرنا الجزل
وتسلم على التشجيع,لاعدمنا تواجدك طال عمرك
واسمح لي بنقل ابياتك في ركني

شكري وتقديري

[شاعرة نجد]

تسليه للسجين,,

غرد ورد الصوت لاجاك صوتي
لو كان تغريدي على الصمت ياطير

بالله أمانه رد لي قبل موتي
مدري وش اللي صابني ياعسى خير

ماعاد لي حتى بنومي وقوتي
غرد,عسى ألقى مع صدى الصوت تبرير

[شاعرة نجد]

ياحبيبي لاتعذّر بكورونا
والظروف وسكروا دونك الجمرك

غامر وقل فيه ناس يْتحرونا
جات حزة وش تبينه وتحت أمرك

[خيال مطير]

الله الله صح لسانك شاعرتنا , تغطسينن تغطسين . ثم تجين , ماتدرين اني لي 5 أيام في السجن . لاأكل ولاشرب , ألحربي أنحاش , وابو عبيد حطني مكانه , أكفليني شاعرتنا , وراي ورعان أكد عليهم . ,, عجلي علاناااا

[خيال مطير]

صاحبي جيتك وانا ماني بعاذر = مير اخذ كل الأمور بواقعيه
لك بجدّ وصدق وضحة المشاعر=والصراحه تكشف اوضاعٍ خفيه
والله اني صادقٍ لك وانت خابر= يوم اقول الروح لعيونك هديه
انت تنهى النفس يالغالي وتامر=لو تضوّيها على حوض المنيه
لو تحط بخافقي سهم و خناجر=قلت كثـّـر لو مضاربها قويه
بس هي ترضيك ؟ قل .. حاضر بحاضر=لا تروح وخاطرك ضايق عليه
تدري اني من ثلاث سنين صابر=ما رويتك لكن عروقي نديه
التسامح سيمتي وانته تكابر=وان جذبتك ما قوتك الجاذبيه
يابشر عمر الفتى مره وعابر=لا تمادى فكـّــــر بحل القضيه
يوم كلن نام انا تميت ساهر=قمت افكر والقضيه سرمديه
لو تجي وتشوفني ويش انت خاسر=خل اقل حاجه بقلبك مقدريـّـه
شف جريح ٍ غاص غبات المخاطر=واشتكى نارك وهي بالفعل حيه
قلبي اللي لك طلع مني مهاجر=وروحي اللي من غلاااااك امست غنيه
لا تعذبها .. وطبع الحب جاير=ليه تقسي والمشاعر عاطفيه
إرحم اللي في طلب قربك مثابر=ماتخلى عنك وعزومه جديه
ياعساه بنظرتك ماهوب صاغر=يوم ترضى ما احسب لكل البريه
غير هرجك تنقفل كل الحناجر=ومن سواك الهرج ماله قابليه
حلمي بدنياااااااااي قربك وانت هاجر=طالبك لا تجزي الاحسان سيه
ودي اصبر .. بس اناماني بقادر=الله اكبر صرت في حبك ضحيه

[خيال مطير]

http://www.jana.ps/uploads/articles/99c7aadf99097aaf5a5a85d98cb15ed8.jpg

هويت الشعر من صغري هويتـه=وبغيت أجحد غلاه ومـا قويتـه
عشيرٍ صار عشقه غصب عنـي=مع العربان..بـان وُذاع صيتـه
أشوف الشعر روحي واكسجينـي=واشوف الشعر نبعـي لاضميتـه
واشوف الشعر هو دقـات قلبـي=تـروق وتنتظـم لامـن قريتـه
واشوف الشعر هو منفس همومي=وجليس الأنـس لامنّـي دعيتـه
وصديقٍ من عرفتـه ماهجرنـي=يجـي وقـت الشدايـد لابغيتـه
يواسي حزني ويمسـح دْموعـي=ويشـرح خاطـري لازان بيتـه
يشاركني الفرح في كـل ساعـه=يذكّرنـي حضـوره مانسيـتـه
يجينـي مندفـع لازاد شـوقـي=وعلى حسّ الغلا والـود جيتـه
يعبّر عن شعـوري فـي طلاقـه=يقول اللـي أبـي لـو ماحكيتـه
فديته شعـري وجملـة حْروفـي=غلاي وذاتـي وعمـري فديتـه

شاعرة نجد

[ناصر الهواوي]

ارحبي ياشاعرتنا وصح لسانك ولا فض فوكي وحنا العواصف ما بيننا استيذان كلنا نمون على بعض بحدود الحزب ههههههههههه
ارحب يالخيال وصح لحفيدي ما شيف عسى مابه باس والغامدي كذلك ونجلاء طمنونا عنها والجوهره وراها صامته
اما الناقد ارتاع من كورونا يحسب انه ينتقل عبر الانترنت اما الشقاوي تنسك
الغنانيم طوينا دونهم الرجاء ما يبون لنا لفقه
ريم الفلا ما ندري عن مآااالها لعلها بخير
كذلك الشامخه وغرها كان ماهناك تكرار نرجون ان يكونون بخير وعافيه

[خيال مطير]

ارحبي ياشاعرتنا وصح لسانك ولا فض فوكي وحنا العواصف ما بيننا استيذان كلنا نمون على بعض بحدود الحزب ههههههههههه
ارحب يالخيال وصح لحفيدي ما شيف عسى مابه باس والغامدي كذلك ونجلاء طمنونا عنها والجوهره وراها صامته
اما الناقد ارتاع من كورونا يحسب انه ينتقل عبر الانترنت اما الشقاوي تنسك
الغنانيم طوينا دونهم الرجاء ما يبون لنا لفقه
ريم الفلا ما ندري عن مآااالها لعلها بخير
كذلك الشامخه وغرها كان ماهناك تكرار نرجون ان يكونون بخير وعافيه
أبشركم كلهم فيهم كرونا , 2 منهم متعافين و5 في حاله حرجه 3 وفيات الله لايبلانا

[ناصر الهواوي]

ياخالنا وش بك علينا تمردت=ما اشعرت حارسنا ولا من كفاله
وسجنت عنك الحارس الاقشر وعدت=وخليت بالسجن المغربل لحاله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ
كيف اتحسب وانا مضطر لكن بلاش=وانا اجزع ليا جزع من بطة الشوكه
لاوالله اصبر وفي يهب ما ارضا يناش=الانفعالات ابد ماهيب مبروكه
يمكن يجي بعد حالات الخمول انتعاش=وتقول الايام ما اخذته منك دوكه
ويعل عطش الفياض من التواصل رشاش=وتصبح بحلو الزهر والنبت مشبوكه
وتنفل اسارير صبٍ صار فيها انكماش=وتجي بيوت القصايد معه محبوكه

[خيال مطير]

https://www.youtube.com/watch?v=az0Jbsz_cbY

[ناصر الهواوي]

سلام ياصوت رفرفة السعف لا هبه الريح
وسلام ياصمته اللي قبل هالنسمه تهبه

اشيل واحط ابي تعليلهاواقوم واطيح
حيث انها اشجت هجوسي للغنا من غير سبه

الله على هالنخل والورق كم سبب تباريح
والمشكله رغم ما منهن يصير الكل احبه

ياويح من هو فقد همسه وضحك وغمز ياويح
بطفلٍ فقد للحنان ومصدره دايم ايشبه

لو ليموا له قراقيع وحلاو مطنب ايصيح
ولا يعلم بما يبيه ويقلقه ياكود ربه

[الجووهره]

هلا بالجميع
شآعرنا الهوآوي صح لسآنك
ودآم حضورك وابدآعك
شآعرتنا المبدعه نجد
هلا بك نورتي وصح لسآنك
ودآم حضورك وابدآعك
مهووره
هلا بك منوره
ويسلم ذووقك
السجين خيآل
كيفك مع السجن
وفال الله ولا فآلك
وان شآء الله يكونون بخير

الصقري ، هزآع
وينكم عسا مآنعكم خير.

[الجووهره]

نجووله
ياطيب القلب وينك ؟؟
افتقدنآك كثييير
عساك بخير
طمنينا عليك يالغاليه

رحووله. ، شمووخه
طآل غيآبكم
عسآكم بخير
طلو علينا وطمنونا عليكم


الله يحفظ الجميع
ويردهم بالسلامه

[الجووهره]

ل رواسي نجد

ليت الزمن يرجع و ليت الليّالي تعود
‏مـا كانت الذكريـات تعذّب أصحابها ..!

[شاعرة نجد]

صحت أبدانكم
ولاعدمت ابداعكم وحضوركم
وصح لسانك يـ الهواوي ولاهنت شاعرنا

وتسلم خيال على هـ الصوره ونقل القصيده,من ذوقك يـ النشمي
بس من وين جبتها؟والله اني ناسيتها

وصباح الخير ع الجميع,’’

[شاعرة نجد]

الله الله صح لسانك شاعرتنا , تغطسينن تغطسين . ثم تجين , ماتدرين اني لي 5 أيام في السجن . لاأكل ولاشرب , ألحربي أنحاش , وابو عبيد حطني مكانه , أكفليني شاعرتنا , وراي ورعان أكد عليهم . ,, عجلي علاناااا

أبشر مستشارنا

ياخيال مطير بالخير واسمع للاخير
الحجر فكوه ابشّرك من ست الصباح

وجيت أفك أسْرك واصبّحْك يالنشمي بخير
رح لبزرانك وعجل عليهم بالمراح

شل فراشك لو فراشك مطرز بالحرير
مانبي عقبك ولاشي ياطير الفلاح

واعتبرني في مكانك اسيره بعد اسير
لين ربي ينشي الغيم وتْهَجْد الرياح

بس أنا بـ انصحك واعْتبْرك اخوي الصغير
لاتقول الحجر فكوه وتفل الجناح

دام فيروس الكورونا بـ ذالوضع الخطير
منتشر والطب للحين ما جاب اللقاح

فـ الحجر ماغيره الحجر لو مهما يصير
بعد حفظ الله ولاغير حفظ الله سلاح

[الجووهره]

صبآح النور والسرور
وصح لسآنك شآعرتنا
على الكفآله الرآئعه
ومبروك الحريه خيآل
ونورتي السجن شآعرتنا
وابشري بالتسآلي

[عبدالله الدّنّيش]

السلام عليكم وأسعد الله أوقاتكم وأحلامكم
وصحت السنتكم وأبدانكم وذوائقكم
وشكرا لمن إفتقد أو سأل وأبشركم الأحوال طيبة وبخير والحمد لله
ويا خيال تفائل بالخير .. كلنا بخير .. ودامك بخير فحنا بخير ههه
غلبت عبد العالي في إحصائيتك هههههه
تحياتي للجميع ،،،،،

[عبدالله الدّنّيش]

سلام ياصوت رفرفة السعف لا هبه الريح
وسلام ياصمته اللي قبل هالنسمه تهبه

اشيل واحط ابي تعليلهاواقوم واطيح
حيث انها اشجت هجوسي للغنا من غير سبه

الله على هالنخل والورق كم سبب تباريح
والمشكله رغم ما منهن يصير الكل احبه

ياويح من هو فقد همسه وضحك وغمز ياويح
بطفلٍ فقد للحنان ومصدره دايم ايشبه

لو ليموا له قراقيع وحلاو مطنب ايصيح
ولا يعلم بما يبيه ويقلقه ياكود ربه

صح لسانك ابو عبيد .. تطربنا دائما ونحاول نحاكيك ...
^
يا صوت شل الغناوي بالصدى عبر المروايح
وأنشد طروق الهواوي بالهوى والبحر غُبه

بحر الهوى ما يخوضه بالغنى غير الصواديح
اللي لهم قلب يخفقها بمجداف المحبه

ون تاه ينظر لنجم الليل وعْيونه قواديح
لا بد ما تبرق النجمة ويتهدّى لدربه

وليا تعثّر وطاح الحظ وأفكاره مجاريح
يضرب فجوج الثرى وألحاضها والحظ ضربه

ما عاد بشرح خواطر خافية بالسد وأبيح
والنيل مهما بنوا من سدّ له يعرف مصبه

وسلامتكم ،،،

[عبدالله الدّنّيش]

أبشر مستشارنا

ياخيال مطير بالخير واسمع للاخير
الحجر فكوه ابشّرك من ست الصباح

وجيت أفك أسْرك واصبّحْك يالنشمي بخير
رح لبزرانك وعجل عليهم بالمراح

شل فراشك لو فراشك مطرز بالحرير
مانبي عقبك ولاشي ياطير الفلاح

واعتبرني في مكانك اسيره بعد اسير
لين ربي ينشي الغيم وتْهَجْد الرياح

بس أنا بـ انصحك واعْتبْرك اخوي الصغير
لاتقول الحجر فكوه وتفل الجناح

دام فيروس الكورونا بـ ذالوضع الخطير
منتشر والطب للحين ما جاب اللقاح

فـ الحجر ماغيره الحجر لو مهما يصير
بعد حفظ الله ولاغير حفظ الله سلاح


^^^
هلا وغلا باشاعرتنا نجد وصح لسانك
وما قصرت على هذه التضحية وتحرير الأسير الغفير
(( عقمي المحل قبل الدخول )) خيال مشتبة فيههههه
وشكرا على هذه الأبيات الرائعة والمعبرة
ولك وللجميع التحية والتقدير ..وأقول مختصرا..
^
دعوتي بالخير للربع بالثلث الأخير
مسهم بالخير يالله وأكسبهم رباح

وأبشرو أتبشروا خير جاكم يا مطير
ولدكم خيال جاكم ومطلوق السراح
والكفالة جات من بنت في رتبة وزير


حررت خيال من سجن من عقب الكفاح

ثم ضحّت وأسجنت نفسها بنت الأمير
يا لها من فادية مستحقة للوشاح

مرحبا يا شاعرة نجد ما هل الغزير
وعدد ما فتّح الورد في الوادي وفاح

حظنا في مقدمك يا عزيزتنا وفير
وأقبلي جد المشاعر وشيئ من المزاح

وشكرا .. وصباحكم فل فائح ،،

[خيال مطير]

أبشر مستشارنا

ياخيال مطير بالخير واسمع للاخير
الحجر فكوه ابشّرك من ست الصباح

وجيت أفك أسْرك واصبّحْك يالنشمي بخير
رح لبزرانك وعجل عليهم بالمراح

شل فراشك لو فراشك مطرز بالحرير
مانبي عقبك ولاشي ياطير الفلاح

واعتبرني في مكانك اسيره بعد اسير
لين ربي ينشي الغيم وتْهَجْد الرياح

بس أنا بـ انصحك واعْتبْرك اخوي الصغير
لاتقول الحجر فكوه وتفل الجناح

دام فيروس الكورونا بـ ذالوضع الخطير
منتشر والطب للحين ما جاب اللقاح

فـ الحجر ماغيره الحجر لو مهما يصير
بعد حفظ الله ولاغير حفظ الله سلاح



صح لســــــــــــــــــانك شاعرتنا وبيض اللَّه وجهك يالفخامه . ومشكورهـ
ع الكفالة الكايده ,
صح لسانك أبو عبيد
وصح لسانك يالجوهرهـ وصح ذوقك

[خيال مطير]

السلام عليكم وأسعد الله أوقاتكم وأحلامكم
وصحت السنتكم وأبدانكم وذوائقكم
وشكرا لمن إفتقد أو سأل وأبشركم الأحوال طيبة وبخير والحمد لله
ويا خيال تفائل بالخير .. كلنا بخير .. ودامك بخير فحنا بخير ههه
غلبت عبد العالي في إحصائيتك هههههه
تحياتي للجميع ،،،،،

ارحب منور السجن شاعرنا , لو تفائلت بخير , ماشفت أحد ههههههههه

[خيال مطير]

يازين ألحريه زيناهـ . طلعت ولقيت الشمس كاسفه . بروح لفوال الطايف

[خيال مطير]

يالله يلي ماش غيرك رجيته = يالواحد الي ترزق الحوت والطير
يا عالمٍ بالسر لو هو خفيته = يا مقدر الارزاق للخلق تقدير
ما اطلبك يالله رد امرٍ قضيته = الطف بحال الي همومه مناعير
من زود مابي كل بيتٍ بنيته = ارجع وادور له مع الناس تفسير
حتى الحبيب الي بقلبي هويته = اليوم اشوفه مبعدٍ عني عصير
يا ويل حالي يوم شفته دعيته = وقف وناظرني بنظراة تصغير
وحتى الرفيق الي بدمي فديته = اليوم قفى مثل ما تقفي العير
والصاحب الي يوم ضاقة نصيته = قفل وسكر دوني الباب تسكير
دنيا رمتني بالقشر ما بغيته = دارة وظلت فوق راسي دواوير
يا ذيب يلي كل رجمٍ بديته = اقنب وجر عواك يالله عسى خير
من لا يضيفني على زاد بيته = ما جايني منه حسين التباشير
لو كان بين الناس قد شاع صيته = مشيي معه يعد ظمن المخاسير
من باعني يبطي وانا ما شريته = و تاقف العالم من اجله طوابير
ومن هو شكاني حالفٍ ما شكيته = الا لربٍ عالم بقاعة البير
ومن هو نساني حالفٍ ما نسيته = ماني من الي يحمل الجرح ويغير
صحيح اسامح بس جرحٍ لقيته = لا يمكن انه يرحل بيوم ويطير
ودام الجروح قصاص هذي عطيته = مسموح مبغى منه حق ومعاذير
عزيز نفس وكل بيتٍ قريته = قصدي اعبر عن النفس تعبير

[خيال مطير]

جبت المشاعر كلبوها من أقصـاي=هذي مشاعـر خاطـري ياوليفـي
عانيت من دربك وأنا رايحن جاي=أقضي على دربك شتايه وصيفـي
أعزفلك ألحان المشاعر على الناي=سيفونة ألحانـي ونظمـي وكيفـي
داخل ضلوعي من يسوي سوايـاي=وحدك ترى ظلي وشمسي و طيفي
لغبت لحظه بخاطري تسمع بكـاي=مجنون حبك صار عقلـي خفيفـي
أغرق بحبك وأنت شاطي ومنجاي=وأمدلـك يـد المواصـل لهيـفـي
دوك الحنان اللي صفالـك بيمنـاي=وأنت مخدوم ومهتني وسط ريفـي
أنت الغلا وأنت الفرح وأنت ملهاي=وأنت الحزن وأنت العنا وأنت زيفي
عطيتني ثـوب المحبـه لفرقـاي=ثوبـن ملطـخ بالدمـا والنزيفـي
ياويل حالي ليـه ماتسمـع نـداي=هذا حدود الصوت وأخر رصيفـي
أشكي علـى ربـي ولله مشكـاي=عله يـرد أغمـاد قلبـي لسيفـي

[ناصر الهواوي]

السلام عليكم ورحمة الله ومبروك فك الحجر لكن فعل الاسباب لا ينافي التوكل فهو مطلوب شرعا
اهلا بشاعرتنا وصح لسانك وزين سويتي مروات وشهامات عاصفيه عاده لنا الايثار ههههههه
وابشري بالتسالي
الخيال لا تفاول على ربعنا تبتلى ومبروكه الحريات وصح نقلك
اهلا يابو عامر وصح لسانك وبدنك ولا تطولون الغيبات اقل ما فيها نتطمن على بعضنا
اهلا يالجوهره زين اللي تكلمتي بعد صمت مطبق ماهوب امطبق ههههههههههههه

[ناصر الهواوي]

انا اقول لو للسجن في هالنهار لسان=من سداح صار اشعر وعبدالله النايف
لان السجينه فيه بيطارة القيفان=بزنزانةٍ حلت بها استارها فايف
شهاميةٍ منها فدت فارس المطران=بعد ما نخاها بالسجن قال انا خايف
(لو انه كماها شهم جاب اطيب القعدان)=لكن المدايح فيه من هرجنا الزايف
بعدهاهجوس الشعر يامحرك الوجدان=نبي للسجينه تسليه قافها كايف
نبيها تجي تشبه لمدعوجة الاعيان=لمن يمها باب الغلا دايم امسايف
لمنطوقها لذه يداوى به المرضان=لعوب بدماثة خلق ما مثلها شايف
على شوفها عيني شفوقه وانا ولهان=ووسط الحشا ضميا نواميه ومهايف
لرضاها لو اتقول انقل طويق كله هان=من فراقها قلب الشقا لايفه لايف

[الجووهره]

مساء الخير والجزاله والابدآع
منووورين جميعااا
وصحت الالسن والاذوآق
ودآم حضوركم وابدآعكم

وهلا بك شاعرنا الدنيش نوورت
وصح لسآنك ودآم حضورك وابدآعك

[شاعرة نجد]

صباح الخير

وصحت ابدانكم وصحت السنتكم
لاعدمت حضور الجميع,’’

[شاعرة نجد]

^^^
هلا وغلا باشاعرتنا نجد وصح لسانك
وما قصرت على هذه التضحية وتحرير الأسير الغفير
(( عقمي المحل قبل الدخول )) خيال مشتبة فيههههه
وشكرا على هذه الأبيات الرائعة والمعبرة
ولك وللجميع التحية والتقدير ..وأقول مختصرا..
^
دعوتي بالخير للربع بالثلث الأخير
مسهم بالخير يالله وأكسبهم رباح

وأبشرو أتبشروا خير جاكم يا مطير
ولدكم خيال جاكم ومطلوق السراح
والكفالة جات من بنت في رتبة وزير


حررت خيال من سجن من عقب الكفاح

ثم ضحّت وأسجنت نفسها بنت الأمير
يا لها من فادية مستحقة للوشاح

مرحبا يا شاعرة نجد ما هل الغزير
وعدد ما فتّح الورد في الوادي وفاح

حظنا في مقدمك يا عزيزتنا وفير
وأقبلي جد المشاعر وشيئ من المزاح

وشكرا .. وصباحكم فل فائح ،،

الـ هلا والـ غلابك
ومرحبا شاعرنا وعودا حميدا
وصح لسانك على هـ المجاراة الفاااخره والابدااع

تقديري,’’

[شاعرة نجد]

انا اقول لو للسجن في هالنهار لسان=من سداح صار اشعر وعبدالله النايف
لان السجينه فيه بيطارة القيفان=بزنزانةٍ حلت بها استارها فايف
شهاميةٍ منها فدت فارس المطران=بعد ما نخاها بالسجن قال انا خايف
(لو انه كماها شهم جاب اطيب القعدان)=لكن المدايح فيه من هرجنا الزايف
بعدهاهجوس الشعر يامحرك الوجدان=نبي للسجينه تسليه قافها كايف
نبيها تجي تشبه لمدعوجة الاعيان=لمن يمها باب الغلا دايم امسايف
لمنطوقها لذه يداوى به المرضان=لعوب بدماثة خلق ما مثلها شايف
على شوفها عيني شفوقه وانا ولهان=ووسط الحشا ضميا نواميه ومهايف
لرضاها لو اتقول انقل طويق كله هان=من فراقها قلب الشقا لايفه لايف

الله
الله الله
وين تروح من ناصر الهواوي هامة الشعر ماعليه زود
الله يصح لسانك شاعرنا
وتسلم على هـ التسليه الفاخره والابدااع

لي عوده ان شاء الله,’’

[شاعرة نجد]

راح الدنيش وقبله الريم رااحت
واليوم عاد وياعساها تعودي

ريم الفلا وان كان جتنا وزاحت
غمّة غيابٍ في سمانا تسودي

يامرحبا عْداد مـ الورق ناحت
بالشاعر اللي بعذب شعره يجودي

وناصر ليا هز القريحه وباحت
من فيض مكنونه وخافي السدودي

هيض هجوسي والمعاليق لاحت
لصوته على موده,وانا ليّ مودي

زنزانتي بـ ازكى العطورات فاحت
بـ احلا التسالي كل ساعه بْزودي

نبي تسالي من سمعْها استباحت
مشاعره وبْلا قيود وحدودي

الشعر معْه الناس قامت وطاحت
شيٍ يفيد وشي مامنْه فودي

[خيال مطير]

وناصر ليا هز القريحه وباحت
من فيض مكنونه وخافي السدودي
صح لسانك شاعرتنا .. هيه هيه . أرفقي على العود .. ترا قلبه رهيف , على طاري ترا باقيلك 24 ساعه في السجن , اذا محد كفلكِ اكفلي نفسك بأ بيات واطلعي .

[خيال مطير]

http://www.alriyadh.com/media/article/2010/04/23/img/378253257138.jpg

[خيال مطير]

أفطري شاعرتنا وسامحينا ع ألقصور

https://d2s63a22uzwg40.cloudfront.net/PE/2011/12/20/06/hwamlcom_1297272433_727-1.jpg

[خيال مطير]

حنا كذا عشنا وحنا كذا نشيب = حرار قوم ولانعرف الخدايع
مانمنع الطيب عن مواصل الطيب = عاداتنا الرفقه وحلو الطبايع
ولا نلحق الخيب ولو ضنه يخيب = هذي مبادينا بليا ضوايع
نعطي ولو حدر عطانا مع شعيب = ولا قد حسبنا حسبة للطمايع
نفقد بشر والواقع أصل وتجاريب = والوقت ينبي عن خفي الصنايع
نمشي ولا أحد (ن) له علينا مطاليب = ومن فضل ربي حافضين الودايع
حنا كذا عشنا زمان التعاجيب = حرار قوم ماعرفنا الهزايع

خيال

[خيال مطير]

كيف تستغرب خيانة صاحبك لو كنت غايب . دام خلك خان أهله بأول الوقـت وعملهـا
ياخويي لاتضايـق دام حبـك صـار عايـب .خلهـا فـي لحظـة الايـام وتبـرك جملهــا
ماوحيت الهرج خلك تسعد بحلـو النهايـب . في حرام الحل ولا في حـلال الوقـت قلهـا
كم نصحتك لاتطيع النفس وتزود السبايـب . ماأخـذ النصـح يالله قابـل المـر بــحللها
سمنـي جاهـل مأكـد لاتخليهـا شـوايـب . شفت حظك تحت رجل الوقـت والله مأملهـا
خلها ترجع وانا من عقب رديت الركايـب . ساق رجلي حزن قلبك ياعميل الخيـر إلهـا
راح تفكيري على حل المشاكـل والنشايـب . والحروف اللي اصخر قافهـا ردت جملهـا
خلها روحه بـلا رده وصوتـك دوم غايـب .ماتمنيت الرحيل اللي مميت(ن) في عملهـا

[ناصر الهواوي]

لله درك شاعرتنا العاصفيه ابدعتي وامتعتي وصح لسانك ولا فض فوكي
وصباح الخير للجميع
وهاي تسليه بلا قيود وحدودي ههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
بسمة فرح عهدي بها عام الاول=من الصفر والا البيض لي عنهن اعوام
قبل المشاعر عن نحاها تحول=لقصص غراميات تعرض بالافلام
تركض بها بالسوق باعه تجول=يروج لها منتج ومخرج ورسام
حرفين حرفين فقط ما اتأول=حصري معانيها لها ايقاع وانغام
ليا استباحت ما استباحت اتطول=سلطانها يرغم هل القسوه ارغام
ماهي سواليف بمجالس اتقول=سولف بها من حبه اضغاث واحلام
يالورق خل النوح واسجع ومول=وسع صدر جارٍ من الوجد منضام
بصحرا الاماني تاه والصبر طول=تخيلاته صارت اشباح وازلام
تقول من بسطة هلا ما تمول=تجارها بعد الغلا صاروا اخصام
هالحين يجي السوق تقل امتسول=مكسور خاطر وان كره مجلسه قام

[ناصر الهواوي]

يالجوهره من يومهم فكوا الحجر
من مايروق لذايقتكم عطينا

الاسم انا اشوفه معلق من الفجر
ومازال رغم انا ذهبنا وجينا

اما من الحكمه بها تكسبين اجر
والا من اللي يطرب وتطربينا

(مجرد مداعبه لمراقبتنا الجوهره)

[ناصر الهواوي]

ب

[الجووهره]

ياهلا بك شآعرنا
وصح لسآنك مليوون
وأعيد وأزيد
ياليتني شآعره
بس كلمة ياليت ما عمرت بيت
هههههههههههههه
وابشر ابشر بالتسالي

[الجووهره]

من لا يحس بقيمتك وأنت موجود
ما هو بناشد عنك لا صرت غايب
-
حاول تفرق بيض الأيام والسود
يا قلب ما كل الحبايب .. حبايب
-
اللي يبيك يجيك لو دونك قيود
يكسر على شانك خشوم الصعايب
-
واللي يبي فرقاك لو دربك ورود
ما جاك لو إنك من أدنى القرايب

،،،،

السيل يبقا له على القاع مجرى
ويبقا لك التذكار لو كنت فارقت ..؟

أشوف لك من وين مارحت ذكرى
ولاشفتها صديت عنها ودنقت .؟

ماكل جرحٍ لاخذا ايام يبرى
بعض الجروح يزيد شره مع الوقت

،،،،،


كسر الجناح اكبر مصيبه على الطير
وعلى البشر ... ياقو كسر الخواطر

،،،


الحب نبضة قلب ~ في صدر إنسـآن ..
تجي من الله / مـالها اي تفسييير ..

ما تنحصر بأشخاص ولا بلدآن ~ !
هي نوع وآحد | لكن اشكآلها غير .

[شاعرة نجد]

انا اقول لو للسجن في هالنهار لسان=من سداح صار اشعر وعبدالله النايف
لان السجينه فيه بيطارة القيفان=بزنزانةٍ حلت بها استارها فايف
شهاميةٍ منها فدت فارس المطران=بعد ما نخاها بالسجن قال انا خايف
(لو انه كماها شهم جاب اطيب القعدان)=لكن المدايح فيه من هرجنا الزايف
بعدهاهجوس الشعر يامحرك الوجدان=نبي للسجينه تسليه قافها كايف
نبيها تجي تشبه لمدعوجة الاعيان=لمن يمها باب الغلا دايم امسايف
لمنطوقها لذه يداوى به المرضان=لعوب بدماثة خلق ما مثلها شايف
على شوفها عيني شفوقه وانا ولهان=ووسط الحشا ضميا نواميه ومهايف
لرضاها لو اتقول انقل طويق كله هان=من فراقها قلب الشقا لايفه لايف

وانا اقول صح لْسانه الشاعر البطران
جزيل القصايد لا لعب طرقها نايف

بحوره غزيره مثري السجن بـ الالحان
يبيها طرب والا ليا حافه الحايف

وانا من زهمني يبشر بْعزه وُما كان
يبي من جزيل الكايف الهادف الرايف

بَعَدها هجوسك كل ماجبت يالفنان
قصيده,حَرَف مضمونها قلبك الهايف

وانا بـ انصحك وان كان تسمع من العربان
نصيحه,توكل واخْذ كم يوم فـ الطايف

بْجوٍّ برادٍ شوفته تطرب العمسان
ربوع الشفا والاّ الهدا وسطحها النايف

وتغن وتمن وهات مافات يـ كحيلان
من المخلص الحبّوب والمجرم العايف

جديد القصيد وماخفَى فـ الضمير وبان
تسالي من اللي فات آو الحاضر الكايف

[شاعرة نجد]

وناصر ليا هز القريحه وباحت
من فيض مكنونه وخافي السدودي
صح لسانك شاعرتنا .. هيه هيه . أرفقي على العود .. ترا قلبه رهيف , على طاري ترا باقيلك 24 ساعه في السجن , اذا محد كفلكِ اكفلي نفسك بأ بيات واطلعي .

صح بدنك خفيرنا
لاعادي مبسوطه فـ السجن مافرقت زي الحجر تعودت
وخايفه من كورونا مابي اطلع ههه

لاهنت,’’

[شاعرة نجد]

أفطري شاعرتنا وسامحينا ع ألقصور

https://d2s63a22uzwg40.cloudfront.net/pe/2011/12/20/06/hwamlcom_1297272433_727-1.jpg

الله يديم النعمه يـ خيال في هـ الحر؟
كثر الله خيرك

وتسلم على هـ التسالي الممتعه,’’

[شاعرة نجد]

لله درك شاعرتنا العاصفيه ابدعتي وامتعتي وصح لسانك ولا فض فوكي
وصباح الخير للجميع
وهاي تسليه بلا قيود وحدودي ههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
بسمة فرح عهدي بها عام الاول=من الصفر والا البيض لي عنهن اعوام
قبل المشاعر عن نحاها تحول=لقصص غراميات تعرض بالافلام
تركض بها بالسوق باعه تجول=يروج لها منتج ومخرج ورسام
حرفين حرفين فقط ما اتأول=حصري معانيها لها ايقاع وانغام
ليا استباحت ما استباحت اتطول=سلطانها يرغم هل القسوه ارغام
ماهي سواليف بمجالس اتقول=سولف بها من حبه اضغاث واحلام
يالورق خل النوح واسجع ومول=وسع صدر جارٍ من الوجد منضام
بصحرا الاماني تاه والصبر طول=تخيلاته صارت اشباح وازلام
تقول من بسطة هلا ما تمول=تجارها بعد الغلا صاروا اخصام
هالحين يجي السوق تقل امتسول=مكسور خاطر وان كره مجلسه قام

الله الله
صح لسانك شاعرنا وصح بدنك
ولاهنت على هـ التسليه العذبه

تقديري,’’

[خيال مطير]

هذا غداكِ اليوم شاعرتنا وسامحينا ع القصور
https://encrypted-tbn0.gstatic.com/images?q=tbn%3AANd9GcRf-r-eCsBnWMqpkgmiDcTksTLIHABSa4YcySfaQC9goMUQSZkO&usqp=CAU

[ناصر الهواوي]

اهلا يالجوهره وسلمتي ودمتي وما قصرتي الله يحفظك بحفظه
اهلا بشاعرتنا وصح الله لسانك والله نصيحه طيبه لكن مثل ما قلتي
ذبحنا الخوف من كرونا الله يكفي المسلمين شره
ارحب يالخيال وابوك الجفر هذا يسوى الاف بس ما يغلا على العاصفيه
الله يحفظها والله ونستنا وشجعتنا وكثرتنا بعد ما خلونا هههههههههههه

وصحة بدن للي لنا قال صح لسان=على الله توكلنا لماهو لنا شايف
زميلة قصيد اعدها من اصغر الاخوان=وقيفانها لو طرت ماني لها طايف
تغرف من بحر/لا بل تصوغه من الصوان=تتعب ناقد الابيات لو جالها حايف
الا يالحمام اللي تلاعا على الاغصان=اسكت ما بقى بالقلب هالوقت حسايف
ادمنت القصيد بشاشة اللابتب ادمان=انتن والنخل والطير والجمس ولايف
شحنتن فضا صدرٍ وهو من قبل مشحان=ارهق واتعب الاقدام بصعوده النايف
يصيح بعلا صوته ليا رفرفت جنحان=عقابٍ شلع من ماكرٍ تحته مهايف

[ناصر الهواوي]

انشد عن حفيدٍ لي تغيب ولاشفناه=له حول الشهر بالسجن ما قص له جره
وعن ريم الفلا بالمنزل اللي طويق اخفاه=شرقيه/عسى ماهي بكوفيد منضره
وصيحو لنجلا حيل واومو لها بعباه=ما جانا خبر عن حال نجول بالمره
وغزلان والكنقه على اقصا الندا وادناه=وعسى الشامخه ماهي على البعد مضطره

[ناصر الهواوي]

ادعوا لنا يامحرمين القصايد=ترا دعا الغايب لمن غاب مقبول
لو انكم من مخلفين الوعايد=ثلث الثلاث تحققونه على طول
عن ساحنا لا تعملون اوف سايد=بعض الحضور من الثقيلين معقول
ماهو لنا طرد المقفي عوايد=بس الصدر مازال بالود ماهول
هالقاف جنب لابسات القلايد= لمن لهم راي ومواقيف وعقول

[ناصر الهواوي]

البارحه ما فارق البال همه=والفكر من كثر الهواجيس مشغول
وشيٍ اتبعثره الطواري والمه=متوجسٍ من ثورة الشوق واقول
بكره تسلم لك رسايل مهمه=والصبر زين وكل شده به اتزول
واللي وصل بصعوده لراس قمه=لو طال فيها مقعده يلزم انزول
ولو طاب لك بالورد لونه وشمه=لازم ينوشه من بطا عرضه ذبول
مجرد خاطره

[شاعرة نجد]

الله يصح لسانك يـ الهواوي ويصح بدنك
وتسلم عـ المجاراة الفاخره مبدع شاعرنا وتغرف من بحر ماشاء الله عليك
وتسلم عـ الدرر العذبه والتسالي الممتعه

لاهنت خيال وكثر خيرك
ماقصرت يـ النشمي,’’

[شاعرة نجد]

راسيات الرواسي وين ذاك الحضور
يـ خواتي وغناتي طال بي لـ انتظار

جاا خيال بْغداي وجاب لي الفطور
كَثر خيره عريب الجد نسل الحرار

دامَها الله نعمه ماحصل من قصور
شربة الماا تَكَفّيني بطول النهار

عجلن بالتسالي والسعَد والسرور
بغاية الشوق عودن يوم فك الحصار

[شاعرة نجد]

دندنة آخر الليل

ودي و ودي ماحصل ربع ودي
عليك ربي العَوَض فـ المقابيل

وصَلْت ياحكم المقادير حدي
مـ عاد باقي فيّ قوه ولاحيل

يـ امنيات الروح والبوح عِدي
كم كم وطال الصبر مامن محاصيل

وش كنت اشوف الكون مافيه قدي
أثر الغلا يثّر على العقل بالحيل

يـ النجمه اللي فووق جيبي وُّدي
سهره معك تروي العطش لـ اظلم الليل

ليتك علي لابحت سدي تردي
والله لـ اشرح لك جميع التفاصيل

ياشين نفسي بس ماهو بْيدي
لاعفت مـ اقبل لو من الكيف والهيل

ياما وياما قلت بكره تعدي
وعدت ولكن باقي تْحط وتشيل

فـ القلب لو مابان للناس سدي
على حسابي لين ولاّبي السيل!

[حمد الحربي]

ياللي لفيتوا للسجينه تزورون
تباعدوا مترين... مترين صافي

وتنقبوا بالماسك اللي تخبرون
عسى الاله يمدكم بالتعافي

ياربعنا بالامر لا تستهينون
العله اللي جاتنا ماتشافي

[ناصر الهواوي]

فالقلب لو ما باح للناس سدي
على حسابي لين ولى بي السيل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
لله درك ياشاعرة نجد وصح لسانك حد الرضا
وصح بدنك ولاهنتي ولعل الندا يسمع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
ياذا العسيب اللي تلوى تلوي=راوي بفضل الله وتلعب بك النود
ارفق بورقاً صوتها بك يدوي=اتفضل ليونك على قسوة العود
لوهي تعكر بعض الاحيان جوي=بنوحها وانا على طول موجود
بالمزرعه/حظي كذا ويش اسوي=لو رحت للديره لها لازم اعود
باسباب من نوه عطا غير نوي=بلا سبب والغى مواثيق وعهود
على سموه كنت من قبل اخوي=في مشتلٍ يزخر بازاهير وورود
اسعد برفقة حضرته وامتقوي=على الوفا والصدق ومزارق الجود
واليوم حظي من طرفهم مهوي=ولانيب الاول هكذا ديدن السود
سرحان منها طول ليله ايعوي=من فقد ولف وجوع ملوي وملهود

[ناصر الهواوي]

ارحب ياحمد وصح لسانك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
على الله توكلنا وبذل السبب مطلوب=وسجن البديع محصنينه بذكر الله
ترا اسمك مع انتربول ياخالنا مطلوب=اثر طمرتك للسور كانت من الذله
لكن ياحمد مافيك تهرب من المكتوب=ان ما جاك ما قُدِر فلابد تاصله
لوفاد الحذر ما سقت رجلي بنفسي صوب=(.....)لجل تفتح ضميري وتحتله
بخرساً علاها قوس نون اسودٍ مقلوب=وسكبة قوام اتجلله قذلةٍ هله
تعاسل نباها همس من طبعها لعوب=هنوفٍ من اوحاها تضاحك يجي كله
تكفي ههههههههههههه

[خيال مطير]

[ .. (صح الله الســـــــــــــــــــــنتكم جميعَ , أمسك الحربي يابو عبيد خلني احط الكلبشه في يدينه ..
لاينحاش . وطلع شاعرتنا ..)

[خيال مطير]

أيام وأترك لك حصيري ومركاي = والدله اللي خشرتك دوم فيها
وأستودعك وأودعك وأوقف خطاي = عن رحلة كنت أرتجي وأحتريها
وأترك لك أبيات تعيشك ذكراي = فيها معاني كنت أنا مشتهيها
تكفيك ياواقع صدم رغبة رضاي = ذكرى صريحه جاملي وأذكريها

[خيال مطير]

تبي الصراحه يابعد كل مخلوق=أنك على قلبي أعز الخلايق
والا العرب عندي ترى كرت محروق=لافايده منه ليا صرت ضايق
حبك على قلبي مصدق وموثوق=ماهو مزور عندنا له وثايق
لامن نويت أجيك في عيني الشوق=تسوى جميع اللي مع الناس رايق
بعض البشر لاجاك في زين منطوق=مثل عليك وقال كل الطرايق
لاتتبعه دامه عن الناس مفروق=مايجتمع كذب الحكي بالحقايق
خذها ختام وكل مطرود محلوق=أنك على قلبي أعز الخلايق

[خيال مطير]

أرفع لك البيضا ( وفا ) وين ماكنت= وأسوق لك جزل القصيد النقاوي
لآهنت ثم لآهنت لآهنت لآهنت = ياصامل الهقوات زبن الجـــــلاوي
أحد بنا جدره من رخام وأسمنت = وأنا بنيته بالفخر يوم أخــــــــاوي
خاويتك بسلم الرجــــال وتمكنت = من مكسب يبحث وراه الغنــاوي
الطيب وعلوم المراجــل وأنا وأنت = نبقى على مر الزمن بالتساوي

[الجووهره]

يسعد مسآكم يا أهل السجن
وصحت الالسن والاذوآق
ودآم حضوركم وابداعكم

[ناصر الهواوي]

ارحب يالخيال الاوله من قايلها؟ رايعه
اهلا يالجوهره والله يسعد جميع اوقاتك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
خيال كم فيكم كتبنا قصايد=ولابه قصيده منك جانا لها رد
هو من عيا والا انت مانته برايد=بُطول ما ميزت مزحك من الجد
ما شفت يا احمر عين منكم فوايد=ورغم انك الاقشر تراني لك مود

[ناصر الهواوي]

اخاف اسجنه يطمر من السور ينكسر=وما تفكنا لو انكسر من حرب
والشاعره بالسجن ما تكتبه يسر=يجي قافها احلى من لذيذ الشرب
وليا بغيت اسجن حداكم ماهو عسر=اهون علي من خطوتين بدرب

[الجووهره]

صح لسآنك شآعرنا الهوآوي

تسليه للسجينه الجميله
والجميييع

الشوق وآضح

https://youtu.be/tfOeZLZV79w

[حمد الحربي]

ارحب ياحمد وصح لسانك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
على الله توكلنا وبذل السبب مطلوب=وسجن البديع محصنينه بذكر الله
ترا اسمك مع انتربول ياخالنا مطلوب=اثر طمرتك للسور كانت من الذله
لكن ياحمد مافيك تهرب من المكتوب=ان ما جاك ما قُدِر فلابد تاصله
لوفاد الحذر ما سقت رجلي بنفسي صوب=(.....)لجل تفتح ضميري وتحتله
بخرساً علاها قوس نون اسودٍ مقلوب=وسكبة قوام اتجلله قذلةٍ هله
تعاسل نباها همس من طبعها لعوب=هنوفٍ من اوحاها تضاحك يجي كله
تكفي ههههههههههههه



ههههههههه ابدعت الله يبيض وجهك مالي غنى عنكم
صح بدنك يالبناخي

[شاعرة نجد]

فالقلب لو ما باح للناس سدي
على حسابي لين ولى بي السيل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
لله درك ياشاعرة نجد وصح لسانك حد الرضا
وصح بدنك ولاهنتي ولعل الندا يسمع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
ياذا العسيب اللي تلوى تلوي=راوي بفضل الله وتلعب بك النود
ارفق بورقاً صوتها بك يدوي=اتفضل ليونك على قسوة العود
لوهي تعكر بعض الاحيان جوي=بنوحها وانا على طول موجود
بالمزرعه/حظي كذا ويش اسوي=لو رحت للديره لها لازم اعود
باسباب من نوه عطا غير نوي=بلا سبب والغى مواثيق وعهود
على سموه كنت من قبل اخوي=في مشتلٍ يزخر بازاهير وورود
اسعد برفقة حضرته وامتقوي=على الوفا والصدق ومزارق الجود
واليوم حظي من طرفهم مهوي=ولانيب الاول هكذا ديدن السود
سرحان منها طول ليله ايعوي=من فقد ولف وجوع ملوي وملهود

تصحيح بطريقه راائعه,شكرا شاعرنا
واتعلم منك استاذي

وصح لسانك على هـ العذبه والابدااع
تقديري,’’

[شاعرة نجد]

الهواوي,خيال,حمد,الجوهره
صحت ابدانكم وصحت السنتكم ولاعدمت تواجدكم وتساليكم الممتعه

دمتم وسلمتم,’’

[شاعرة نجد]

صح لسآنك شآعرنا الهوآوي

تسليه للسجينه الجميله
والجميييع

الشوق وآضح

https://youtu.be/tfoezlzv79w

الله الله,
ياحلوها من شيله وقافيه ولحن وانشاد,رووعه
صح لسان الشاعر,
وصح صوت حسين منشد مبدع

لاهنتي جواهرنا,’’

[شاعرة نجد]

ذَبلَت أوراق غصني من سمووم الفرااق
آآه يالوعة الفرقى وياشينها

كل ماقلت طاب الكييف والجو رااق
ياعذااب الروااقه ويني وُّينها

وكل ماضاق صدري شان حتى المذاق
والعيون السهيره ربك يعينها

[شاعرة نجد]

اعذروني,سجينه تجيب من الجديد والقديم


تهمني ويهمني مايجي منك
حتى ولو كابرت بيني وبينك

أجحد علامات المحبه,واراهنْك
لو غبت مهما غبت مـ اقول وينك

وأنا بعيد وعايشه في مواطنْك
قلبي وفكري كلهم عايشينك

لابارك الله في جفى وقتنا الضنك
جبااار,لوترفع لسيفه يدينك

لاناشدٍ عني ولاناشدٍ عنك
وأنا ضحيّه وأنتظر لـ اجل عينك

[خيال مطير]

صح لسانك شاعرنا , تراني شاعر بس ع قشاره ... صح لسانك شاعرتنا ,شاعرةـ نجد , وأميرة نجد .. صح لسانك يالجوهره وصح لسان شاعرها . ومنشدها صاحب الصوت ألعذب ..وصح ذوقك أميرتنا ..

[خيال مطير]

أبو عبيد , أطرح خالك تلقاه يافي الحره الغربيه .. والا الشرقيه ياخوفي لايكون من الحناكيه ولا الصويدره .. , لاتفاهم معـك أنت وخالك , ودخله ألسجن , ألسجن أمتلأ قراطيس , ودفاتر , من شاعرتنا , لاتاكل ولاتشرب , حتى جبت لها زيت زيتون , مقري فيه ,, ورفضت

[خيال مطير]

جهير تم لطش الشيله عن أذنك

[خيال مطير]

https://www.youtube.com/watch?v=EGcOAla-BC8
__________________

[ناصر الهواوي]

ليا كفلت الشاعره يا احمر العين=من لي بمثل الاوله والاخيره
جواهرٍ تجيبها ما ادري منين=مهديات اعصاب ما ادري ذخيره
اسبوع لو نسجنك ما نعرفك وين=ددسنك لاهجيت يوحش شخيره
لاشك حط الجوهره فيه يومين=يمكن لها بالسجن يومين خيره
تنقل لنا والا من البدع بيتين=والجوهره عندي بمنزلة اميره
لانها انموذج حضور الوفيين=تصلح لهم في مجتمعنا سفيره
والا انت اقيشر من رموز الوذيين=باب السجن ما عاد يسكت صريره

[خيال مطير]

صح لسانك

[خيال مطير]

مصيبه أذا مجنون ؛/ قابل مجنون

[خيال مطير]

تراه أذن

[ناصر الهواوي]

ول يا حظٍ ليا قلت فرفش وانتعش=ومن عجب مسيت جسمي ومنه الراس شاش
وانتفخ من كبر عَوَّد لوضعه وانخفش=وان نشدته وش معك صار قال الوضع مااااش
مالما صابه عياده ولا يوجد ورش=ولاش حل الا اركنه مع سكاريب القراش
كان ماله فزعةٍ جات من خادر رمش=اسودٍ يضفي على وجنته فيه انعكاش
محمله لو عاش يومين محدودب نعش= والحنوط وخامٍ يلف به يبذل بلاش

ملاحظه
شاعرتنا والله ما قصدت التصحيح ولكن اشوفها صح كذا اوكذا ههههههههههههههههه

[الجووهره]

هلا بكم أهل السجن
يالله مسا خير
صحيت من النوم لقيتني مسجوونه
هههههههههه
وصح لسآنك شاعرنا الهوآوي
وتسلم على الابيات الرآئعه
وماعليك زود طآل عمرك.
بس عاد يوم فكو الحظر وزانت العلوم
سجنتووني هههههههه

خيآل
الطش. وخذ راحتك
حلالك مستشارنا

[الجووهره]

شآعرتنا المبدعه نجد
صح لسانك جزاله وابداع.
ماشاء الله عليك
ومبرووك الحريه
ومنوره السجن يا أنا

[الجووهره]

أبيآت أعجبتني
وتم اللطش من تويتر

‏[ بعضُ البَشر للجرح، بَلسَمٌ وتضميد
‏وبعضُ البَشر للقلب، هو مَصدَرُ الجرح
‏ناس تجيب (العيد) وناسٍ كما (العيد)
‏(العيد واحد)لكن الفرق بالشرح ].

ناصر بن صالح العقيّل

[الجووهره]

‏القلوب إن ماوفت لأحبابها ماهي قلُوب
‏ والعشرة اللي ماترد الروح ما نسعى لها

....

المنجرح عايش زمان الرتابه
‏كل شي مطفي فيه ما عانق الروح

‏ ينحر همومه في سيوف الكتابة
‏وبان الشعور المندفن داخل البوح

‏حتى امطرتها من شعوره سحابه
‏خلت ورق شكواه ينبت على الدوح

.....


. ‏وعلى صديقك خفف ملاحظاتك !
‏مافيه من بين البشر كامل خصال
‏ٰ
‏كن للخوي مثل الشجر في ثباتك
‏إن مالقى عندك ثمر حصل ظلال


وبس والله
سلاااامتكم

[الجووهره]

‏مساء الخير في لوحة رسمها بالغلا فنان،
تزينها ورود الفل وللغالين نهديها ....

مسآء الخير للغآليين
الحآضرين والغآيبين

[ناصر الهواوي]

ماعليش يالجوهره ودنا نستانس مع ذوقك والملطوشات هههههههههه
والله يمسيك بالخير والعافيه
الخيال ما فيه مصيبه مجنون ومجنون=مجنونين هههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
بعض الحكي لو حلوي اطعم مرارته=وبه هرج لوما حلوي يجيك سكره
وبعض المجالس ما استريح لزيارته=اشوف بعض وجيه به واتذكره
ونوبٍ توديني لوازم لحارته=واقول ليت الطرق عنها مسكره
لانها ترفع بجسمي حرارته=لاجيتها حتى مزاجي تعكره
لو تجهله خيال عينيه امارته=عين اجبليه فوق حيدٍ موكره
والجيد جيد اللي بواريد ذارته=شذا فياض امطارها جت مبكره
البدر له داره تشابه لدارته=بس القمر ماله خصايل اممكره
من الهجس قيفان الغزل رهن اشارته=آسف لتقصيره معه واتشكره

[الجووهره]

صح لسآنك شآعرنا
ودووم الوونآسه يآرب


‏أقدار ما ندري على وين تجري
‏لكن عساها بكل الأحوال خيّره

،،،،
‏ٱبٺسم للمساء لو ٺقسىٰ الظروف
‏ من سحاب الڪون مَ ضاقٺ سماء!

....

‏ان شانت الدنيا تري العمر مقسوم
‏محدن حياته جت علي ما يريدهـ

‏الحزن مهما طال لايمكن يدوم
‏بعض التجارب في حياتك مفيدهـ

‏وان كنت من عذبات الايام محروم
‏منت الوحيد اللى ظروفه عنيدهـ

[الجووهره]

نجووله ،رحووله ،، شمووخه ، ملووكه ، مهووره
عبدالله الصقري ، هزآع العآصمي

وينكم. صآبتكم عدوى الغيآب ههه
عسا مانعكم خير وتردون بالسلامه
ان شاء الله

[الجووهره]

بيتين جميله لابن فطيس
والرد أجمل ..

البآرحه قمت أطلب الله وصليت
واحترت وش اقول له لا طلبته
عندي عيآل وعآفيه وامتلك بيت
والخير وآجد واستحيت وحمدته

ورد أجمل من الشآعر فهد النمآصي بالأبيآت

صليت يا ابن فطيس لكنك أخطيت
والنآس تنقد كل شي ذكرته
المآل والدنيا والامجآد والصيت
من فضل ربك كل شي وجدته
ليتك طلبت الجنه اللي تنآسيت
أبرك من اللي بالقصيده سردته

[الجووهره]

يسعد صبآحكم
وطآبت جمعتكم بذكر الله
والصلاة والسلام على رسول الله

اللهم صلّ وسلّم على نبينا محمد
وعلى آله وصحبه أجمعين

[الجووهره]

يسعد مسآكم
وينكم يا رفآق السجن
الهوآوي ،شآعرة نجد ، خيآل
هزآع ، الصقري

أما الباقين تعودنا على غيآبهم
الله يردهم بالسلاااامه

مجآرآة قصيدة رآجح المغيري

اليتم يتم الأدب



الشاعر : راجح المغيري
.

١ اليتم يتم الأدب والموت موت الضمير
والحب حب المعالي باختلافاتها

٢ والجرح جرح المشاعر من لسان الحقير
والصوم صوم الجوارح عن شهواتها

٣ والبخل بخل الغني والجود جود الفقير
والبعد بعد النظر ماهي مسافاتها

٤ والعز عز التقى والصبر صبر الضرير
والذل ذل المعاصي واقترافاتها

٥ والقتل قتل الأمل في نفس من هو جدير
آمال روحه خذوها عن طموحاتها

٦ والنور نور القلوب اللي تعرف المصير
القايمة بالفروض الخمس فاوقاتها

٧ والحكم حكم الإمام العادل المستنير
والظلم ظلم الفتى روحه بزلاتها

٨ والمجد مجد الشجاع اللي يقود المسير
والجهل جهل الحياة ونبل غاياتها

٩ والفخر فخر التقرب للعلي القدير
ماهوب فخر القبايل وانقساماتها

١٠ والعلم علم ابن باز الالمعي الخبير
الى ابرم المسأله قفل نزاعاتها

١١ والحمدلله فاهل العلم جمع غفير
تجاوزوا حد الافلاك ومداراتها

١٢ والشعر شعر الحكيم اللى مداده مثير
تعجبك فكرة بيوته وابتكاراتها

١٣ والغدر غدر الوطن لو ماعطاك الكثير
وشلون لا أكرمك في شتى مجالاتها

١٤ والعطف عطف الكبير ليا لقى له صغير
والضبط ضبط المشاعر وانفعالاتها

١٥ والحر حر المفارق خل حر الهجير
.والضيق ضيق الصدور لقل طاعاتها

١٦ والفوز والله نجاتك من عذاب السعير
لا تحسب الفوز في الدنيا ولذاتها

[الجووهره]

قصيدة حسن عامر
.
٠١ راجح بنى له بيوتن مثل بحر وفير
يجيد غالي القصيد وينظم ابياتها

٠٢ احاول امشى معه والقاف نظمه يسير
واجيب جزل المعاني في اضافاتها

٠٣ رغم أن ما مثله الا البحتري او جرير
لاقال عصم البيوت اختار جزلاتها

٠٤ شاعر وصيته مع الشعار مثل المدير
قصايد الشعر تضرب له تحياتها

٠٥ سلاسة النابغه عنده وحكمة زهير
وبيات شعره تعم الأرض برواتها

٠٦ والكفر كفر النعم والسفه سفه الكبير
والصدق صدقك مع نفسك وكبواتها

٠٧ والظلم ظلم الأهل ماشي لمثله نظير
والكبت كبت النفوس وكبح رغباتها

٠٨ والقطع قطع الرحم والشور شور المشير
والوصل وصل القرايب رغم قطعاتها

٠٩ واليأس يأس النفوس بيوم كشف المصير
العين من حزنها تنهلّ عبراتها

٠١٠ والهتك هتك الستر عن كل سر خطير
وتتبع الناس ولاّ كشف عوراتها

٠١١ والكسر كسر الخواطر مال كسره جبير
والطعن طعن اللسان وقبح هفواتها

٠١٢وترى الوفاء هو وفاءك بالأجر للأجير
وايفاءك الوعد قبل تطوف ساعاتها

٠١٣وعلم السياسه وفن الرد عند الجبير
يفحم كبار السياسه في سياساتها

٠١٤ أي والله أن الملك سلمان عنده وزير
عادل يضد الخصوم ويعرف اسكاتها

٠١٥ والله يرحم سعود الفيصلي الأمير
حتى عداه اشهدت له باعترافاتها

٠١٦ وصلاة ربي على الهادي البشير النذير
محمد اللى رقى السبع وسماواتها

[غمام]

وأغرب تفاصيل الحنين أشواقنا هذي ضياع !
‏فكره تحيد المنتصف رغم المشاعر والسنين !
‏كنت الصغير اللي بكفه امنياته ، والشراع
‏من غربته متن السفينه انكسر للعابرين !

يسعد أيامكم

[حمد الحربي]

لولاتنا سمعٍ وطوع امتثلنا
ماهيب بذله لا ورب السماوات

ربٍ على نوط الشجاعه جبلنا
وبلادنا نفديه بالمال والذات

والتهمه اللي جردت من عملنا
تبطل ليا مادعموها بالإثبات

..

صبحكم الله بالخير

[حمد الحربي]

ياللي تحسب ان الهوا صكة بلوت
وادناة زلات الغلا سجلتها

من صاحبك ماتجعل الزله تفوت
والمشكله لأقصى مدى وصلتها

دايم نظامك باللعب من دون صوت
وان كان بك ريحة زعل عجلتها

الله يهديه متعصب باللعب ذا ههههههههههه

[ناصر الهواوي]

السلام عليكم وصباحكم سعيد والشر عنكم بعيد
الله يهديك يالجوهره انا الموجود على طول بس البارح عندي مسايير
صح ذوقك وما تفقدين عزيز
اهلا ياحمد وصح لسانك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
اليوم كن الجو ماهوب مثل امس=بالامس بارد والضحى اليوم دافي
بانت بوادر حموته طلعة الشمس=تحس فيها لو تمشيت حافي
راحوا وانا اصبح خاطري بعدهم عمس=وماغاب من هم اصبح اليوم لافي
اقفوا على آخر ما انتجه مصنع الجمس=وعكر بعد حرك علي كل صافي
افرك بعد ما راحو الخمس بالخمس=وفي مجلسي بيحت ما كان خافي
مره علن واومي باليدين وبهمس=من نفسي لنفسي عتاب وقوافي
انا اشهد انه يوم راح ابعد الرمس=ورعٍ يلاعب طارته وامتعافي

[ناصر الهواوي]

ارحبي ياغمام حياك مولاك في سجن الرواسي
وصح لسانك بوح ولا اروع
اعجبت بالبيتين وقلت
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
به حاجةٍ ماهيب لا تهدى ولا ظني تباع=تنبت وتربتهاشغاف القلب والبذار عين
لو من طرف ثاني تحصل قابيله وانطباع=عاشت وعاشوا في كنف فية نواميها سنين

[الجووهره]

هلا بالجميع
شاعرنا الهواوي
هلا بك وصح لسانك وغيابك يوم كثيير
وجعله بيت عآمر بوجودك طال عمرك


الشاعر حمد الحربي
صح لسآنك ودآم ابدآعك

شآعرتنا غمآم

هلا بك ملااااايين
نورتي بعد الغيبه
صح لسآنك مليوون
وآخر الغيبآت ان شاء الله

[غمام]

ارحبي ياغمام حياك مولاك في سجن الرواسي
وصح لسانك بوح ولا اروع
اعجبت بالبيتين وقلت
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
به حاجةٍ ماهيب لا تهدى ولا ظني تباع=تنبت وتربتهاشغاف القلب والبذار عين
لو من طرف ثاني تحصل قابيله وانطباع=عاشت وعاشوا في كنف فية نواميها سنين

البقا شاعرنا الهواوي
وجعل ربي يسلمك ويحييك
وصح لسانك مدد مانجي الا من بعدك

[ناصر الهواوي]

اهلايالجوهره ومسيتي بالخير
صح بدنك ياغمام وهلابك وماتكفينا الويقه والانقلابه ودنا بمن يكثرنا
عسى الخفير ما تكرون له يومين ما شيف هههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
خفيرنا له ليالي وين غيباته=قبل امس وامس ونهار اليوم ما بيَّن
اقشر وحنا نحبه من حسن ذاته=ما ودنا نفصل الماخوذ ونعين
ما ودنا في قطع مرزق وريعاته=ومع قشر طبعه اخفيِّف دم وحنين

[الجووهره]

صح لسآنك شآعرنا
وصدقت في وصف خيآل
أقشرر بس خفيف دم وحنين
ههههههههه

عسا مانعه خير ان شاء الله
ويرجع بالسلااامه

[الجووهره]

يقوول

من بغا درب الوصل
‏ما تعذر بالظروف


وأنا أقول
من بغى درب الروآسي
ماتعذر بالظرووف

ههههههههههههه

[غمام]

هلا بالجميع
شاعرنا الهواوي
هلا بك وصح لسانك وغيابك يوم كثيير
وجعله بيت عآمر بوجودك طال عمرك


الشاعر حمد الحربي
صح لسآنك ودآم ابدآعك

شآعرتنا غمآم

هلا بك ملااااايين
نورتي بعد الغيبه
صح لسآنك مليوون
وآخر الغيبآت ان شاء الله

هلا بك زوود واكثر
نورك يابعدي
وصح بدنك ودام عطائك

[ناصر الهواوي]

صباح الخيرات للجميع
إي والله صدقتي يالجوهره
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
يالجوهره وان دبلك السجن صيحي لي=والا الطشي لك قصيده واكفلي ذاتك
ادفع طواري زمانٍ راح واتجيلي=ماعاد ابي يازمن حزنك ولذاتك
ياقلب في وحوحاتك وش اتوحيلي=الله بعونك جميع اللي تبي فاتك
ان قلت اشوف الغلا من بعد يوميلي=اقول خيالك اللي زاد هقواتك
ماعاد يومك بيوم وليلك بليلي=ما احس احد يالمغربل في معاناتك
ما به رسايل ولا جابت مراسيلي=ردت فعل من سمع وجدك ووناتك
خل اذنك الراشده ياقلب تصغيلي=وش عاد ترجي بعد ما احياك واماتك
الا الشقى والتوجد والغرابيلي=والشوق لازاد فيك اتزود لوعاتك

[شاعرة نجد]

السلام عليكم ورحمة الله

وصحت الالسن والذوائق والحضور الفائق
وتسلم خيال لاهنت زهمت الهواوي يكفلني وماقصر,بيض الله وجهك و وجهه
صح لسانك يـ الزعيم كفاله كايفه ونايفه وعوايدك يـ النشمي

ومرحبا الف جواهرنا ومراقبتنا منوره ياعذبة الذوق
وابشري بالتسالي

والله يرد الغائبين سالمين غانمين ,’’

[شاعرة نجد]

تسـليه..

صدق المشاعر يجهد الروح بـ اجرام
ويجتاح دقات الخفوق اجتياحي

يانور صبحي صار لي عدة أيام
لا طاب لي ليلي ولا اشرق صباحي

طلاسم المكتوب,تظهر بالاحلام
بيني وبينك,غايتي وانشراحي

شيٍ كشفته لك على روس الأقلام
وشيٍ مغطيةٍ عليه بْوشاحي

[شاعرة نجد]

يـ جواهر تسلَّي من جديد القصيد
واسمعيني وغني مـ اعجبك ياجواهر

صيفنا هـ السنه ماجاا على مانريد
والفرج من عليم الغيب باطن وظاهر

ننتظر والاجازه عمرها مايزيد
عن شهورٍ قليل,تْمر والحر قاهر

ياوجودي على ذاك المكان البعيد
أسري الليل واطوي الخط لو عد ساهر

وانتعش فـ البراد وفـ المطر واستعيد
مانسيته على الرذراذ في جو زاهر

بالزهور وشذاها والجمال الفريد
فـ الطبيعه مُنايه,لا المدن والمظاهر

[الجووهره]

الله الله ع الابداع والجزاله
شآعرتنا مبدعه دآئما
صح لسآنك مليوون
وتسلمين ويعطيك العافيه
على التسآلي الرآئعه
دآم وحودك وابدآعك

وصح لسآنك شآعرنا الهوآوي
ودآم حضوورك وابدااعك

والله يرد خيآل
والغآيبين بالسلاامه

[الجووهره]

قصيدة محمد الهوشآن في زوجته
الله يديم عليهم السعآده ويسعد الجميع

https://youtu.be/FhYJFY28nM4

[الجووهره]

يـ جواهر تسلَّي من جديد القصيد
واسمعيني وغني مـ اعجبك ياجواهر

صيفنا هـ السنه ماجاا على مانريد
والفرج من عليم الغيب باطن وظاهر

ننتظر والاجازه عمرها مايزيد
عن شهورٍ قليل,تْمر والحر قاهر

ياوجودي على ذاك المكان البعيد
أسري الليل واطوي الخط لو عد ساهر

وانتعش فـ البراد وفـ المطر واستعيد
مانسيته على الرذراذ في جو زاهر

بالزهور وشذاها والجمال الفريد
فـ الطبيعه مُنايه,لا المدن والمظاهر





مرحبا بالكتآب اللي لفى بالبريد
من عزيزٍ كلامه دوم جزلٍ و فاخر

السنه هذي اقفت عند عمر ويزيد
روحت والحصيله بين صبرٍ وصابر

السفر فيه حظر وشف قلبي بعيد
شف قلبي ديار جوها دوم ماطر

لكن الصبر زين ولو يطول ويزيد
كل علمٍ عسير يصير بالصبر ياسر

بكره الجو يصفى و نوصل اللي نريد
بين روحه وجيه ينشرح كل خاطر


وسلااامتكم

صح لسآني وش رايكم
شآعره والا مو شآعره
ههههههههه
أمزح أمزح
صح لسآن شآعرها
أخوي الله يحفظه
ويقول لكم
الرد على عجل
والمعذره على القصور

[هزاع محمدالعاصمي]

السلام عليكم وشلونكم يأهل السجن صحت الالسن والأذواق وعساكم على القوة حبيت اسلم وسأل عن الأحوال إن شاء الله تكونوا جميعاً بخير مشاركة إن شاء الله تعجبكم

يازين وش روعة زماني بَلياك=أنت الحياة وخافقي في كفوفك
وأنت الغرام وروعة الحب وياك=في ليلي الثاير أسامر طيوفك
وفرحة زماني كلها من سواياك=ياكيف أبنسى فرحتي في حلوفك
ودي بقربك وأتفهم خفاياك = في خافقي ليا الهبايب تلوفك
في داخلي دايم أعدد مزاياك =وفكري توقف في مراحل صروفك

وبس مع سلامة الجميع
والبقية يأتي لا حقاً بإذن الله
بالتوفيق

[ناصر الهواوي]

شاعرة نجد هلابك وصح لسانك وبدنك
اهلا يالجوهره وصح لسان اخوك مبدع للغايه وصح لسانك وذوقك
ارحب يالعاصمي وينك ياراجل وحشتنا وصح لسانك خلك حولنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
القيض نوخ ركابه ما ينوي رحيل=واليوم والا تبيعه تطلع الجوزاء
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
الا يالنسيم اللي من الشرق لك ذعذاع=وش اللي معك جبته لنا يوم مريته
له انصيح من وقتٍ طويل ويطق اصباع=ياليته يعرف لويش ندعيه ياليته
نحبه لحسن الخلق ولروعة الابداع=مع اني ومن نزل هالايات ما ريته
كذا نجد كم قافٍ ابعثته لريمه داع=صدوق المشاعر باخلص الود بانيته
نبيها لعسرات الطلاسم تجي رماع=بعدها القرايح لا نشيطه ولا ميته
الا يا رسيل الشعر كان لبريدك ساع=ابحث عن رحيل من ايمن الهضب لحويته
واذا انه على ابحر للمهمات فل شراع=انشد عن حفيدٍ لي بها ذايعٍ صيته
وغزلان عنها القيض ولى مع المرباع=هي حيه ونرجي او نهمرع على الميته
اما اللي باعالي نجد بالمنزل الرفاع= بصيص الامل فيهم من الصوم طفيته