مشاهدة النسخة كاملة : هنا .. سجن القوافي !!
خيال مطير
19-03-2020, 02:48 AM
كانت نجلاء بنت جميلة جدا وعلى خلق عالي وعندما كبرت كان الخطاب يطرقون بابهم للفوز بها زوجة وعندما تمت الموافقة على العريس المناسب وتم تحديد موعد الزواج مضت نجلاء مع أهلها في الاستعداد لزواج وتجهيز لوازمه وفي تلك الأيام وعند قرب موعد الزواج تعبت نجلاء وطلبت المستشفى وكانت تشكوا من الم في الرأس فأسرعوا بها إلى المستشفي و في المستشفي أدخلت نجلاء مباشرة إلى غرفة العناية المركزة ومنعوا أهلها من رؤيتها حيث إن حالتها كانت خطيرة وسمحوا فقط لوالدها إن يراها لمدة قصيرة..ابتسمت نجلاء ابتسامة ترحيب بوالدها وفي نفس الوقت ابتسامة مودع!! ..وفي اليوم الثاني وفي أثناء الانتظار كان هناك حركة غير طبيعية عند غرفتها في العناية المركزة..فكان الأهل و الأب المكلومين ينتظرون بفارغ الصبر خروج الطبيب من غرفتها ليسألوه عن ما استجد من الوضع المريب !!؟ .. خرج الدكتور وكان وجهه متغير ولا يدل على بشرى خير فقال أبوها ماذا حصل يا دكتور بالله اخبرنا بالله اخبرنا أرجوك يا دكتور طمنا على نجلاء هل هي بخير فرد الدكتور وقال ان لله وإنا إليه راجعون لله ما أخذ ولله ما أعطى فصعق أبوها وقال ماذا ماتت نجلاء ماتت نجلاء فما كان منه الى ان بكاها بهذه المرثية الرائعة :
لعل دنيا غاب عنها قمرها ......... تظلم جوانبها على طـول الايـام
ماينعرف في يومها من شهرها.... واللي يبي لم اليمـن ينحـر الشـام
ولعل عين شح دمعة مطرها ....... عليـك يا نجـلا تعثـر بالاقـدام
غديت مثل ام الحوير قهرها ........ قيدا وهي لحوارهـا تـرزم ارزام
أضيق وأجحد عبرتي في نحرها ... يردنـي عن بكوتِ ديـن الإسلام
عليك ياتومة فؤادي قمرها ........موت على كل المـلا حاكـم عـام
موت تخير وردتي من زهرها...... وهي بقلبي منبته حب واريـام
موت معاليقي بصدري بترها ......حكم من المولى جرت بيه الاقـلام
نوه على نبنوب عودي نذرها ..... عـود تغـرق بالربـى والتـنعـام
تسعة عشر عام لنجلاء عمرها ....ربي على حشمه ومنطـوق وإلهـام
يوم القدر يانور عيني خطفها ........اخفت صواب صابها بالحشا هـام
مايدري الغايب ولا من حضرها... ماغير في وجهه تشـوف التبسـام
طلبت أزوره قالوا الربع زرها .... بس اقصر الجلسه على موجب إلزام
فرحت وقالت ياهلا في سفرها ..... أبوي احبك بـس ماطـاب مـادام
دفنتها عقب استلامي مهرها ...... حكم من الوالي وهـو رب الاحكـام
يومي حفار المقابر شبرها ...... زادت على الحفره بشبرين وإبهام
يا حفرة ضمت خصايل شعرها ..... عسى الحياء يسقيك عام باثر عام
كيف القمر يدفن بلاذي حفرها ..عقب البشاشه والبهـاء تلبـس الخـام
عقب المعزه بين بر وبحرها ...... تدفن بقبر موحش بيـن الارضـام
ودموعي اللي تنطلق من بحرها...تصير فـي خـدي للحـزن مرسـام
أبكي ويبكي والمحاجر سعرها.....مثل الذي مقهور مـن سـود الايـام
وعيني اللي تستلذ لسهرها .......على التـي يبنـي بقلبـي لـه خيـام
أشوفها حولي تقلب صورها........كنه تنادينـي علـى بـر وإكـرام
وقلبي اللي كل ماادله ذكرها......يزيد فـي نجـلاء تخافيـق وإيهـام
للحل ياشمس البنات وقمرها.....صلى عليـك منـزل اقرأ والأنعام
عفيفـة ربـي بدينـه سترهـا .........وثيابهـا مادنستهـن بالاثـام
عساه بالجنه تقطف ثمرها ...... فـي جـاه ربـي للخفيـات عـلام
صلاة ربي كل ماهمل مطرها...وماناحت الورقى على روس الاوجـام
على نبي للشريعه نشرها ........لين إنتشر في نور وزالـن الاوهـام
خيال مطير
19-03-2020, 02:54 AM
https://amrkhaled.net/uploads/old/Large/1202026184317562643040.jpg
خيال مطير
19-03-2020, 03:03 AM
https://www.youtube.com/watch?v=XPabOBVfM1s
الله يرحمه
الجووهره
19-03-2020, 04:19 AM
الله يعطيكم الف عافيه
ووالله يالجوهره تستاهل وسام لتواجدها و مشاركاتها في كل قسم
هي كلمة حق تستاهلها جوهرتنا
تسلم تسلم شآعرنااا
تستآهل الطيب طآل عمرك
الله يسعدك
الجووهره
19-03-2020, 04:23 AM
ويعطيك العافيه خيال
قصه حزينه. وقصيده رآئعه
الله يرحمها ويصبر اهلها.
وجزاك الله خير
على الدعاء
الله يحفظ الجميع
ويكشف الغمه عن هذه الامه
وحلووه الربااابه
يعطيك العافيه
الجووهره
19-03-2020, 04:25 AM
رديه بين الشاعر علي حامد
والشاعر سلطآن الهاجري
من عقب خط السعودي صك بيبانه
https://youtu.be/VxgZlaIOQpk
ناصر الهواوي
19-03-2020, 08:10 AM
صباح الخيرات والمسرات للجميع
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
اهلا يالخيال والجوهره والصقري
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
الهواء ساكن وراكد وما اهتز سعفه=والطيور اليوم لاصواته نغمات غير
شي اعرفه من لحونه وشيٍ ما اعرفه=بمجمل الاحوال هذا يقع وآخر يطير
وقلبي اللي وده ايطير معها اعنفه=وانصحه لكن ما يستمع شور المشير
قلت له من عاف من بعد مااحبك عفه=لو اخوه من الهوامير وابوه الوزير
إي نعم غاده وزينه وبنتٍ مترفه=ولو بغيت اشرح تواصيفها جبت الكثير
هزاع محمدالعاصمي
19-03-2020, 09:36 AM
رد على الأخ والشاعر الهواوي يوم ينشد خيال عني
وكلي شكر وتقدير لجهودكم جميعاً ويعطيكم العافيه
وَصل الخبر والقاف مني على أَف = وش عاد لونكتب تراها عوافي
جتني اعلومك منزوي تطلب أنصاف = وتقول عللني بزين القوافي
تشكي علي من مايس القد غرياف=تقول باب الوصل غطاه سافي
الغالي اللي غاب معاد ينشاف =يمكن ظروفه خلته ما يشافي
صبرٍ جميل وعادة الوقت خطاف = كم واحدٍ قبلك بدى الرجم حافي
من البرد دورلك على بشت والحاف=وتعوذ من بليس ونس المقافي
وخلك على مكة على البيت طواف=وطلب كريم المد الجرحك يشافي
وسلامة الجميع
سلملم
ناصر الهواوي
19-03-2020, 11:51 AM
هديه للسجين من تاج القصيد
تاج القصيد اليوم قررت امرك= واشوف مَن مِن بعد مارحت مروك
واصارحك يالتاج ما احب اغرك=اللي تقافو عنك ما شفتهم جوك
للمنتدا انت الراس لله درك=تحفظ لماهم ودعوبك ومبروك
واليوم ابا اسجل حروفٍ تسرك=بالطقطقه ما سجلت بورقة بوك
ولا تقول لي وش فيك بيحت سرك=انصت وقل لي هات واقول لك دوك
بالفكر شيٍ مستكن وتحرك=ودكت به الذكرى وهو قبل مدكوك
ياقلب وش للي تناساك جرك=وطرت بفضاه بسرع مثل التماهوك
تبع المقفي يالمعنى يضرك=بسرابهم يوم انت ضميان دهووك
كم قلت له عساي ما اذوق حرك=وجزاك عن ما قلت بالهجر حروك
ان طعتني قل كف خيرك وشرك=واصبر وخل اللي بلا ذنب خلوك
ناصر الهواوي
19-03-2020, 12:09 PM
اهلين بالشاعر وبالشعر والقاف=الشيخ وافي والمثل حيل كافي
بالمجمل ارسلها على صيغة اسعاف=وامسيت من حلو البيوت امتعافي
وهو ما درا ان القلب مغرم وميلاف=ولا صدق انه دون سبه ايلافي
وكبرت بعينه واتلفت حجمه اتلاف=اتلاف جرف امعاونيات هافي
ناصر الهواوي
19-03-2020, 12:41 PM
سلام ياعفيف واثنيها لبوابة عفيف=ولمن يجي بوابة الجيران والجيرانيه
ترحيبةٍ دسمه اتصب لمن قراها صب كيف=ابهارها عنبر وهيل وزعفران ايرانيه
عسى القنوف اللي من الصفره لبارقها رفيف=من أطولته الى المطار اتسيِّل الوديانيه
لن اصفره من بد ضلعانه من اول لي وليف=ولو كل ضلعانه نستني ما اهقى ينسانيه
وياجعل واديه المسمى كل ما جيته امريف=وعسى غصون الطلح في واديه دايم دانيه
مربى الرشأ اللي ما أخبر له مع شواردها وصيف=يوم الليالي مسفهله والخواطر هانيه
من قبل طول الوقت يهدي للجفا باسٍ عنيف=وصدق العواطف ما تحول تسلية ورعانيه
لو ان ذات الطوق تنسى السجع بالظل الوريف=ما انسى طعم فنجاله اللي في يده قهوانيه
ياخال مشعل بلغه عني ترا سمعه ضعيف=سلام من قلبه بسود حجارته ولهانيه
والواهس اللي نط بك في قمة الضلع المنيف=تراه مثل الواهس اللي بالشعيب اشقانيه
صدى الشاعر مشعل المرشدي
عليكم السلام يابوعبيد ياعذب النزيف=نزيف نبعك بالجزال النادره دعانيه
اعز صوت افزله واجاوبه واعز ضيف=لوكان ماانت بضيف في بيتك والك مكانيه
يامرحبا ترحيبتً ماهيب باالوزن الخفيف=ترحيبتً من ثقلها تدري بها العربانيه
من كبر قدرك صوت راعيها يضيف ويستضيف=على صدى نجره وريح العود والرسلانيه
حي البناخي والطلب والشعر والطرق النضيف=اللي بعد ماقمت اعيد قرايته سرانيه
على وصوفه يستدير البال ولصدري وحيف=وعلى لحونه يستمد الفكر بالالحانيه
يابوعبيد الضلع مايسمع ولاينظر كفيف=ناديت لين اقفيت عنه وضنتي ماوحانيه
قمت اتمعن فيه واحاكيه باسلوبً طريف=وكني سمعته قال ياوجدي على زمانيه
ايام كنت بعز قدام الدركتر والرصيف=كانو هنا حولي ومن حولي عرب خلانيه
وطرا على وهزني شوقي على الغض العفيف=اللي رحل واقفا وجمرة غيبته تصلانيه
وناديت باعلا الصوت يالاصفر ترى وضعك مخيف=لاكني اوصل سلام ابوعبيد اوصانيه
واقفيت مدري وين اوجه بين ريف وبين طيف=لاكن شعوري يوم اخدمك سرني وارضانيه
خيال مطير
19-03-2020, 01:55 PM
الله الله صح لسانك يابو عبيد
انا متربز , باب السجن بالقفل
خوفاً من كرونا
منهو السجين
لايكون انا ونا مدري
خيال مطير
19-03-2020, 02:00 PM
باسم الذي يبدا الامور ويعيدي=سوى السما وارسى الاراضي بالاطواد
بذكره نويت الليله ابدا قصيدي=واصدح بتمجيده على روس الاشهاد
ومن بعدها يا مرحبا يالجليدي=تحيةٍ من ذا الى باب بغداد
سكبت فيها كايف الطيب بيدي=وفاحت مباهر كيفها هيل وقناد
للي لجزلات المعاني يجيدي= ويغلق مداخلها على كل نقاد
شورك لمن قلبه بدا يستعيدي=عصرٍ تقافت به ضعونه ولا عاد
دكت هواجيسه وعيت تهيدي=تسري جموع وتسرح الجهمه افراد
منها الحديث وشي منها تليدي=في ذكرياتٍ له مراميس وجداد
نوبٍ اتعرض له بلبه وجيدي=ولها على الخرس النواعيس معواد
يعيش بين الناس كنه وحيدي=عابس وجه ما يبتسم دوب بالكاد
ويقول لو قلبي خلي وبليدي=وش عاد دام الحظ مثبور وش عاد
صح لسانك شاعرنا
خيال مطير
19-03-2020, 02:25 PM
تمسو ع / خير
https://www.youtube.com/watch?v=M8o5P6e8wDs
لعيونكم
ناصر الهواوي
19-03-2020, 08:18 PM
تسلم يالخيال وروعه هالشيله
وانت اروع سجين مر على السجن
والله يذكر الجليدي بالخير شاعر حقيقي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
خيال باية صيغه اتحب احاكيك=جوى السجن او وقت ما كنت مفكوك
عيون هجسي دايم امشوشه فيك=حيل امتحير شكلك اقشر ومبروكك
اراك هيك وبكره اتبين لي هيك=والورد ما تصرا شجرته من الشوك
تقديم يالخيال ربي يعافيك=جمعت به مابين صافي ومشروك
هو هكذا هجسي يبدل تماتيك=من دبكت بعلبك الى لعبة الروك
يالولو اللي له تليق المساويك=ياللي محاط بجمرٍ احمر ومشبوك
هو فيه امل للي مودك يلاقيك=والا حصول مهاتفه معك مشكوك
أسعد الله مساكم
صحت ألسنتكم قميعاً
ودام هالحضور والإبداع (:
عبدالله ماتفقد غالي يارب
يسعد.. مساء..العالم.. الراقيه
اللي لهم في القلب قدر ومقام
اللي على.. طهر..النوايا..باقيه
ترقا صداقتهم..معزه...واحترام
(:
عبدالله الدّنّيش
20-03-2020, 01:14 AM
السلام عليكم .. وكلٌ وحاله .. والنظر سلام
هذه تحية لكم يأهل الرواسي في هذه الظروف والله يلطف بالعباد
وبالمناسبة .. هذه التحية كانت مازالت عندنا وعند بعض القبائل وذلك
عندما يلفي قيف على قيف يلقون عليهم بالتحية دون المصافحة
ويكتفون بقولهم و النظر سلام .. وجاء فيروس كرونا وعزز هذه النظرية !
&
والشكر والتقدير والإعجاب للجميع على كل المشاركات والمختارات
والذوائق الرائعة في الإختيار .. وللجميع أجمل التحايا بالنظر ،،
وبالمناسبة :
سلام وأرفع كف من بُعد والنظرة سلام = وكلٌ وحاله وأطلب الله في طيب العفى
يا أهل الرواسي جعلكم دوم في حفظ وْسلام = والله يحفظ مملكتنا وتبقى في رفأ
فيروس فرّق بين جمع الجماعة والإمام = يدسّ خشمه بالخباثة ويسري في خفا
ثقيل طينة دمّ والوزن ما ياصل جرام = والعقل لو نحسب له الوزن من خُفه طفى
حيّرعقول أهل الطبابة وسادات الكلام = ولا لقوا غير إعتزال التجمّع والجفا
يا صبر وجه الأرض يا بو كرونا يا حرام = خرّبت صفو النفس والناس جاهم ما كفى
وأنا أدعي المولى وقولوا معايه يا كرام = يالله تلطف بالبرية وتمنحهم شِفا
يا خالق الجرثوم حُده على حدّ الحسام = وأرحم عبادك من جراثيم تضرب في القفى
من بعد هذا يالرواسي لنا طيب المقام = يطيب نظم القاف من سهل إلى رأس الشَفا
ون غرّد الشاعر يغني مع سجع الحمام = في جو شاعر بالمشاعر وفي حظن الدفأ
والخاطر أطيب من عسل سدر في وادي البشام = ون هز زهر الشوق للخل في باله لفى
يا أهل المناحل لا تصبون للشاعر ملام = عذب القصايد من جنى وردها حب ووفا
^^^
وسلامتكم وعفاكم
الجووهره
20-03-2020, 11:06 AM
السلام عليكم
وطآبت جمعتكم بذكر الله
والصلاة والسلام على رسول الله
اللهم صل وسلم على نبينا محمد
وعلى اله وصحبه أجمعين
الجووهره
20-03-2020, 11:08 AM
وهلا بالجمييع
وصحت الالسن والاذوآق
هلا بك رحووله ويسعد أيآمك
شآعرنا عبد الله الدنيش
هلا بك وصح لسآنك على هالرآئعه
الله يرفع عنا البلاء ويحمينا من الوباء
ويكشف الغمه عن هذه الامه
الجووهره
20-03-2020, 11:09 AM
يارب تقفيل المساجد بالاقطار
ندري بأن ذنوبنا هي سببها
-
يارب لو ذنوبنا كثار وكبار
مايخيب من رحمات جودك طلبها
-
نسترحمك يامالكٍ كل الاقدار
يامفرج هموم العباد وكربها
-
نستغفرك ياربنا وأنت غفار
تعلم هوان نفوسنا مع غلبها
-
اغفر لنا ماكان في سر وجهار
وارحم قلوبٍ زاد فيها تعبها
وعليكم السلام ورحمة الله
الدنيش & جوجو
صح لسانك شاعرنا اللهم آمين
صح ذوقتس جوج امين يارب
اللهم ازل الغمة عن هذه الأمة
وابعد عنا شر الأمراض والأوبئة
واحفظنا بما تحفظ به عبادك الصالحين
الجووهره
21-03-2020, 10:43 AM
صباح الخيرآت والمسرآت
هلا بك رحووله منووره
واللهم آمين يآرب العآلمين
ناصر الهواوي
21-03-2020, 12:11 PM
جل وعلا ماله شريكٍ ولا ند=اللي بكورونا عطى هالبشر درس
بقلوب قادتهم بدا الرعب يشتد=تمرس بطون شعوبهم رهبته مرس
وقواتهم ماهيب تحصى وتنعد=وكلٍ يرا نفسه كما الضيغم الشرس
مابين علماني ومشرك وملحد=عن الهدى عميان وآذانهم خرس
واللي لهم منا محب يتودد=للغرب غرب وكان شرٌق مع الفرس
ناصر الهواوي
21-03-2020, 08:35 PM
ناسك تخلو عنك واصبحت مخلي=للبعبسه ياسجننا بك مواري
الربع كلٍ لك يقول ايش دخلي=مشغول لو انه من الشغل عاري
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
هوج الرياح من الضحى مقلقتنا=يمكن مثيره والمطر في قفاها
واخبارهم وعلومهم مرهقتنا=وعن شرها نطلب من الله عفاها
وبعض البشر في صمتها مزهقتنا=عل الجفا منها يزيله وفاها
ومن هي بدمع فراقها مشرقتنا=انكانها منا تشفى كفاها
سهام الرموش بسطوها مزقتنا=حتى الورود اضحت سبايب حفاها
فيما نقول ان كان ما صدقتنا=الحال واللي حل به ما خفاها
عبدالله الدّنّيش
21-03-2020, 11:51 PM
مسائكم سعيد وسلامة .. والنظر سلام
وشكرا للجميع وصحت أبدانكم
الجوهرة سلمت ذائقتك على هذه الدرر والمجوهرات
رحيل شكرا وسلمت أناملك على التنسيق
الزعيم أبو عبيد يسعد مساك وصح لسانك وطابت هجوسك
ونسأل المولى عز وجل السلامة لجميع خلقه من هذا الفيروس
وغمة وتنجلي بمشيئة الله وإن مع العسر يسر .
حفظ الله الجميع .
عبدالله الدّنّيش
22-03-2020, 12:04 AM
ناسك تخلو عنك واصبحت مخلي=للبعبسه ياسجننا بك مواري
الربع كلٍ لك يقول ايش دخلي=مشغول لو انه من الشغل عاري
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
هوج الرياح من الضحى مقلقتنا=يمكن مثيره والمطر في قفاها
واخبارهم وعلومهم مرهقتنا=وعن شرها نطلب من الله عفاها
وبعض البشر في صمتها مزهقتنا=عل الجفا منها يزيله وفاها
ومن هي بدمع فراقها مشرقتنا=انكانها منا تشفى كفاها
سهام الرموش بسطوها مزقتنا=حتى الورود اضحت سبايب حفاها
فيما نقول ان كان ما صدقتنا=الحال واللي حل به ما خفاها
^^^
صح لسانك أبو عبيد وأزمة وتعدي على خير إن شاء الله
&
خلال الأسبوع الماضي الجو غائم بصفة عامة وأمطار والحمد لله
والضباب غطى المنطقة وجبال السراه وتهب رياح بحرية جنوبية علينا
وتسوقها يم نجد العذية ولضرية نصيب منها بتدبير مسيّرها سبحانه
وطرأ على بالي هالحين بيت دايم السيف حين قال :
يا سحايب سراة أبها تعدي شمال + وأستعيري دموعي سيّلي كل وادي
&&
وهذي مجاراة وأمنية ...
ياللي هجوسه للشعر شوقتنا = جاكم ربيع الوسم وأقبل دفاها
سحابة الموسم مضت وأغرقتنا = والغيم غطىّ سهلها لا شَفاها
يا زينها لا حوّمت وأبرقتنا = تشعل سُحبها والمطر ما طفاها
أنوارها تومض لنا وأشعقتنا = تفلق ليالي حالكة من صفاها
وأخيل بارق ناض من منطقتنا = ساري على نجد العذية لفاها
يحمل تباشيره على ذائقتنا = ويا علّ يروي من سحابه شِفاها
ويا زين لا قالوا سحابه سقتنا = الحال يحلا لي ونومي غفاها
^^
وسلامتكم وأحلا أحلام مع الغفوة هه
الجووهره
22-03-2020, 11:51 AM
يسعد مسآء الجمييع
وصح لسآنك شآعرنا الهوآوي
ودآم حضورك وابدآعك.
وانت والموجودين فيكم الخير والبركه
هلا بك شآعرنا الدنيش
وصح لسآنك على الابيآت الرآئعه
والله يهنيكم بالامطآر والاجوآء الرآئعه
والله يرزقنا المطر والخير.
ويحفظ الجميع من البلاء والوبآء
وجميع بلاد المسلميين
ناصر الهواوي
22-03-2020, 11:55 AM
اهلا يابو عامر ابداع للقمه والله يرفع الغمه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
البوارج والفراقط وسفن الطائرات=وإف من خمسة عشر لين جاوزت اربعين
هالجيوش العارمه ما تصدت للهباة=نوع من مليون من جند رب العالمين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
انا بتغريد الطيور اتهيظ=وينجن هاجوسي لسجع الحمامه
لاصرت مستعجل بهن اتريض=واقول ابد قامه ولامن ندامه
لوكنت من فرقا الولايف امريض=ويصيبني حزات ضيق وسئامه
افراق حضا كان بكا حضيض=عن الفوايد راس مال السلامه
ناصر الهواوي
22-03-2020, 11:57 AM
آمين آمين
وهلابك يالجوهره وصح بدنك ولاهنتي ودمتي وسلمتي
ولا نستغني عن مرور البعض لو مر الكرام يونسونا ويكثرونا
الجووهره
22-03-2020, 07:38 PM
هلا بك زود شآعرنااا
وكلامك صحيح
الله يردهم بالسلامه ان شاء الله
ناصر الهواوي
22-03-2020, 09:29 PM
ياحضرة الناقد يقال انك مريض=يالله عسى الاوضاع مو متكرونه
اليوم وضع السجن عود للحضيض=حتى حورنياتنا متحرونه
بردٍ قوي وايامنا بحساب قيض=عقب الثياب البيض صارت فرونه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
الد للفايت بروحي وعيني=وتتوق له كل المشاعر بلا شك
لكن هو وينه وانا اليوم ويني=توي عرفت ان الاماني تغشك
يا انت من هو بالموكد يجيني= مصير ركبي النقيلي يطشك
واللي دخل بالعرض بينك وبيني=لاتحسبه ناصح تراهو يغشك
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
بس وتصبحون على خير
شاعرة نجد
22-03-2020, 10:19 PM
السلام عليكم ورحمة الله
وطاب مساؤكم وصحت السنتكم
الهواوي والدنيش
أبدعتوا وامتعتوا,لاعدمنا حضوركم وفاخر سطوركم شاعرينا
وصحت السنتكم,
ودام التواجد والسلامه والعافيه للجميع,’’
شاعرة نجد
22-03-2020, 11:05 PM
مدري كيف استرسلت يمكن عشان لي كم يوم ماكتبت شعر:smile:
البارحه جيت آخر الليل زايره
ولقيت ابو عامر يدوّن غزايره
بغيت اشارك بس مالي هِوايه
من خاطرٍ سيطر على الصدر جايره
سبة هواجيسٍ سرت بي واحاسيس
تدور في فكري وانا صرت حايره
من ضيقةٍ باتت وزوّد عليها
فـ يروس كورونا والاخبار صايره
تسد نفسي واتوكل على الله
يحفظ جميع المملكه من جوايره
وقريت من فاخر جديد الهواوي
ماجاب في معشوقته من عبايره
وماقال من عذب القصايد وغنى
في منتدانا جعل تبطي ذخايره
يْوسع الخاطر,وينسيه مافيه
ويجدّ ويهجّد معاصير ثايره
وبوح الدنيش اللي تْحوفه حْروفه
لامن برق غيمه وباحت سرايره
غنى لنا من فاخر القاف محراف
يروي كْبودٍ من ضمَى الوجد فايره
وشعارنا الباقين عـ الراس والعين
وكلٍ ظروفه حَسْب الاقدار سايره
والراسيات المبدعات العزيزات
هن ذروة الموقع وشمعة بصايره
عبدالله الصقري
23-03-2020, 04:47 AM
جانا الذي به نستهين
و شآل وآحدنا
في لحظه .. و هدَّ السنين
و مآت صآحبنا
عبدالله الصقري
23-03-2020, 05:07 AM
لولا دما الشعر وين احنا
لا يبَّس البعد لـ ارمآقه
و لولا ظما القآف للمعنى
ما بَلَّت اقلآمي اورآقه
ياليت ما قيل و ما صغنا
يوقي عن شموس حرَّآقه
و الله لـ نرخي مسآمعنا
ولا يصيب الوفا فآقه
هذي علومي وما جبنا
من قلب تتحتحت اورآقه
لا ظل باقي ولا شفنا
غير الجروحآت في بآقه
عبدالله الصقري
23-03-2020, 05:15 AM
ما بآقي الا شوي و اتجنَّن
و افقد صوآبي لين انسى اسمي
ناصر الهواوي
23-03-2020, 11:57 AM
الصقر عسى ما شر افصح يالحفيد اما نعزيك والا نهنيك بوحك في شيٍ ينخاف منه
اهلا بشاعرتنا وصح الله لسانك لعل السلامه والصحه تدوم للجميع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
الله مشوه سمعتك ياكرونا=خليت ميركل غصب للمحجر اتروح
واترمب يطلع كل ليله بلونا=وماكرون في جنبه على شعبه اينوح
والخامني منك انت صابه جنونا= من خارق القدرات للناس مفضوح
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
يالعاصفيه كيف الاوضاع صايره
عنا لك اسبوعين يابنت نايره
وحنا بهالايام فينا تذمر
عقول البشر من هالكرونات طايره
والمومنون اللي على الله توكلوا
وبذل السبب واجب والاقدار صايره
وبالطبع انا في محجري من كذا سنه
نوبٍ يجي زاير ومرات زايره
ان ضقت سلتني حمامه بصوتها
واغنا عصافيرٍ توقع وطايره
وان دندن الجوال ياكن فوعتي
فوعة كسير اتشد فوقه جبايره
اقول يمكن ذاك من هجره ارعوى
وله بان مكسب صدته من خسايره
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
آخر بيتين على شان بيتٍ في قصيدة نجد ههههههههههههههههههههههه
الجووهره
23-03-2020, 04:53 PM
مساء الخير
شآعرنا الهوآوي
شآعرتنا نجد
شآعرنا الصقري
صحت الالسن والاذوآق
ودآم حضوركم الجميل وابدآعكم
الجووهره
23-03-2020, 04:56 PM
يقول البدر
الطيب سلم لنا وآجب ونحري به
واليوم نصف الشهر مافآحت الدله
اليا اعتذرنا عن الضيف ومواجيبه
بيوتنا ماهي أطهر من بيوت الله
ناصر الهواوي
23-03-2020, 07:55 PM
لذا تركت البقا بالبيت مالي به=واقمت بالمزرعه ليته ولعله
اما مسير زنود الحظ تلفيبه=من بعد والا يزاورنا من الشله
الناقد/عبدالله الروقي
24-03-2020, 01:01 AM
السلام عليكم .. وكلٌ وحاله .. والنظر سلام
هذه تحية لكم يأهل الرواسي في هذه الظروف والله يلطف بالعباد
وبالمناسبة .. هذه التحية كانت مازالت عندنا وعند بعض القبائل وذلك
عندما يلفي قيف على قيف يلقون عليهم بالتحية دون المصافحة
ويكتفون بقولهم و النظر سلام .. وجاء فيروس كرونا وعزز هذه النظرية !
&
والشكر والتقدير والإعجاب للجميع على كل المشاركات والمختارات
والذوائق الرائعة في الإختيار .. وللجميع أجمل التحايا بالنظر ،،
وبالمناسبة :
سلام وأرفع كف من بُعد والنظرة سلام = وكلٌ وحاله وأطلب الله في طيب العفى
يا أهل الرواسي جعلكم دوم في حفظ وْسلام = والله يحفظ مملكتنا وتبقى في رفأ
فيروس فرّق بين جمع الجماعة والإمام = يدسّ خشمه بالخباثة ويسري في خفا
ثقيل طينة دمّ والوزن ما ياصل جرام = والعقل لو نحسب له الوزن من خُفه طفى
حيّرعقول أهل الطبابة وسادات الكلام = ولا لقوا غير إعتزال التجمّع والجفا
يا صبر وجه الأرض يا بو كرونا يا حرام = خرّبت صفو النفس والناس جاهم ما كفى
وأنا أدعي المولى وقولوا معايه يا كرام = يالله تلطف بالبرية وتمنحهم شِفا
يا خالق الجرثوم حُده على حدّ الحسام = وأرحم عبادك من جراثيم تضرب في القفى
من بعد هذا يالرواسي لنا طيب المقام = يطيب نظم القاف من سهل إلى رأس الشَفا
ون غرّد الشاعر يغني مع سجع الحمام = في جو شاعر بالمشاعر وفي حظن الدفأ
والخاطر أطيب من عسل سدر في وادي البشام = ون هز زهر الشوق للخل في باله لفى
يا أهل المناحل لا تصبون للشاعر ملام = عذب القصايد من جنى وردها حب ووفا
^^^
وسلامتكم وعفاكم
عليكم السلام ورحمة الله وبركاته
حياك الله ياأبا عامر وصح لسانك وسعدت بمشاهدة مشاركتك في هذا الصرح الجميل!
حمانا الله وإياكم من كل سوء ومكروه
السلام نظر هو عندكم بالجنوب نحن في نجد لم نستعمله إلا هذه السنة
من أجل كورونا هههه
لكن مااتضح لي قيف على قيف ، نستفيد منك؟
والله لايهينك على الأبيات الرائعة وتقبل فائق التقدير،،،
الناقد/عبدالله الروقي
24-03-2020, 01:06 AM
ياحضرة الناقد يقال انك مريض=يالله عسى الاوضاع مو متكرونه
اليوم وضع السجن عود للحضيض=حتى حورنياتنا متحرونه
بردٍ قوي وايامنا بحساب قيض=عقب الثياب البيض صارت فرونه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
الد للفايت بروحي وعيني=وتتوق له كل المشاعر بلا شك
لكن هو وينه وانا اليوم ويني=توي عرفت ان الاماني تغشك
يا انت من هو بالموكد يجيني= مصير ركبي النقيلي يطشك
واللي دخل بالعرض بينك وبيني=لاتحسبه ناصح تراهو يغشك
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
بس وتصبحون على خير
صح لسانك يابو عبيد
عارض صحي سابقا ولله الحمد بخير أبشرك
كيفك ياشايبنا ، وبعد هذا الحجر لعل نرى جميع الأفاضل والفضليات
وتقبلوا فائق التقدير
هزاع محمدالعاصمي
24-03-2020, 06:56 AM
هلا بالجميع ولاهنتوا على التواصل الجميل من الجميع اعجبني قافية البدر والمدونة بأسم الجوهرة اختيار رائع وكذالك مجارات الهواوي وقلت اجاريكم
إللي من الله كريم المد نمشيبه=راضين في دبرتة ماغيره انجله
إلا رفيقٍ بعلم الطيب يحريبه=هذاك له منزلٍ في داخلي حله
ياربعنا منبع الأخلاق والطيبه=ارهوا من الهيل إلا فوحتوا الدله
يعطيكم العافية
الجووهره
24-03-2020, 08:37 AM
يسعد صبآحكم وكل أوقآتكم
شاعرنا الهواوي ، شآعرنا هزآع
صحت الالسن على المجآرآة الرآئعه
ودآم حضوركم وابدآعكم.
شآعرنا النآقد
هلا بك
ودآم حضورك وبانتظار ابدآعك
والله يكشف الغمه عاجلا غير آجل
ويحفظ الجميييع
الجووهره
24-03-2020, 08:45 AM
تسليه
غلآك أكبر
https://youtu.be/WDN8QJqgENo
ناصر الهواوي
24-03-2020, 12:06 PM
اهلا ياحضرة الناقد
ارحبي يالجوهره
اهلا يالعاصمي وصح لسانك
والغياب/بالبيت من سبع الى ست صباحا وش تسوون؟؟ههههههههههههههه
ونسونا وليعلم الجميع ان ما اصابك لم يكن ليخطئك وما اخطأك لم يكن ليصيبك رفعت الاقلام وجفت الصحف
حجر وضجر واتسلى بالنخل والطيور=اوبر قناوته واسمع تغاريدها
يارب انا طالبك تكفي العباد الشرور=من هو يوحدك واللي غيرهم بيدها
ياحضرة الناقد اللي دون اربع سطور=لمستوانا تنازل باربعه زيدها
ويامن نسينا وطاريهم عشاي وفطور=احن ليامنا هذيك واريدها
اشغلت فكري وتفكيري بشتا الاومور=اراجع الفهرسه مرات واعيدها
ولي اتضح حزنها ضعف الفرح والسرور=ومن الغبى الالسنه تلهج بتمجيدها
الوقت يعيد نفسه والليالي تدور=موقولةٍ مبطيه مليت ترديدها
ماراح ما اظن يرجع به تقافا الشهور=سنه تدف السنه مقوطره سيدها
شاعرة نجد
24-03-2020, 10:00 PM
اهلا ياحضرة الناقد
ارحبي يالجوهره
اهلا يالعاصمي وصح لسانك
والغياب/بالبيت من سبع الى ست صباحا وش تسوون؟؟ههههههههههههههه
ونسونا وليعلم الجميع ان ما اصابك لم يكن ليخطئك وما اخطأك لم يكن ليصيبك رفعت الاقلام وجفت الصحف
حجر وضجر واتسلى بالنخل والطيور=اوبر قناوته واسمع تغاريدها
يارب انا طالبك تكفي العباد الشرور=من هو يوحدك واللي غيرهم بيدها
ياحضرة الناقد اللي دون اربع سطور=لمستوانا تنازل باربعه زيدها
ويامن نسينا وطاريهم عشاي وفطور=احن ليامنا هذيك واريدها
اشغلت فكري وتفكيري بشتا الاومور=اراجع الفهرسه مرات واعيدها
ولي اتضح حزنها ضعف الفرح والسرور=ومن الغبى الالسنه تلهج بتمجيدها
الوقت يعيد نفسه والليالي تدور=موقولةٍ مبطيه مليت ترديدها
ماراح ما اظن يرجع به تقافا الشهور=سنه تدف السنه مقوطره سيدها
اشغلت فكري وتفكيري بشتا الاومور=اراجع الفهرسه مرات واعيدها
أبيات في غاية الرووعه والابدااع
ممتعه شاعرنا,صح لساانك وصح لسانك عـ المجاراة,’’
ومساء الخير عـ الجميع
وصحت الالسن والذوائق وطابت اوقاتكم
وداام تواجدكم,’’
ناصر الهواوي
24-03-2020, 10:03 PM
كنت متوقع عكس ما يجري تماما الناس في البيوت وش تعمل خصوصا هواة السهر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
يالجوهره ذالليل انا وانتي حضور=ارا كذا والاسم يمكن معلق
الساعه سبع والناس حضار بالدور=وكبودهم للاستراحه تشلق
هو بس انا بالمزرعه شاعق النور=وقت المسا اغني وصبح اتسلق
ياما من الافكار في راسي اتدور=وافتر باجوا ما مضى لي واحلق
بالصدق انا راضي بوضعي ومسرور=وسع الصدر والصبر فيه اتخلق
وراع الصبر ينول قصده وما جور=واربط رجاي بخالقي واتعلق
ــــــــــــــــــــــــــــــــــــــــــــ
خذ الحكمه
اهلا بالعاصفيه كنت قد كتبت تصبحون على خير ههههههههههههههه
وهالحين ابا اتصبر شوي
شاعرة نجد
24-03-2020, 10:09 PM
الـ هلابك شاعرنا
وصح لسانك على هـ الروائع
شاعرة نجد
24-03-2020, 10:22 PM
الحـروف الابجديه..تبكـي وْتشكـي علـيّـه
مادِري وش هيّض الخاطر..ولاوش فْـ الحروف
تشتكـي نومـه عميقه..والريـاح الموسميّـه
مبْطِيَهْ ماعـاد جابـت لـي مزابير..القنـوف
وان بغيت ألعب هْجيني..وان بغيت السامريّـه
كلها عنـدي تساوا..لا تحدّتنـي الظـروف!!
ناصر الهواوي
24-03-2020, 10:31 PM
صح بدنك شاعرتنا والله يمسيك بالخير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
يانجد يالشاعره ما هيب نجد البلد= العاصفيه تشجيني تماثيلها
يابنت من تفتخر به بنت واخت الولد=لا اقفت طواري قام الفكر يومي لها
وانتي على الشرح والتحليل عندك جلد=لا غنت الراعبيه لك مواويلها
هو من كبر يوم للي فات عيني تلد=والا نداءات وقتٍ فات واصغي لها
شاعرة نجد
24-03-2020, 10:40 PM
صح بدنك شاعرتنا والله يمسيك بالخير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
يانجد يالشاعره ما هيب نجد البلد= العاصفيه تشجيني تماثيلها
يابنت من تفتخر به بنت واخت الولد=لا اقفت طواري قام الفكر يومي لها
وانتي على الشرح والتحليل عندك جلد=لا غنت الراعبيه لك مواويلها
هو من كبر يوم للي فات عيني تلد=والا نداءات وقتٍ فات واصغي لها
الا..الشطر الاخير ههه
صح لسانك ودام ابداعك تبي رد راايق هه
شاعرة نجد
24-03-2020, 11:47 PM
[QUOTE=ناصر الهواوي;600248]صح بدنك شاعرتنا والله يمسيك بالخير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
يانجد يالشاعره ما هيب نجد البلد= العاصفيه تشجيني تماثيلها
يابنت من تفتخر به بنت واخت الولد=لا اقفت طواري قام الفكر يومي لها
وانتي على الشرح والتحليل عندك جلد=لا غنت الراعبيه لك مواويلها
هو من كبر يوم للي فات عيني تلد=والا نداءات وقتٍ فات واصغي لها[/QUOTE
الا نداءات ذكراها بفكرك خلد
عزي لعينك من اللي فات عزي لها
من مابدعت وكتبت وقلت في ما ورد
حالتْك صعبه عسى غاليك ياوي لها
وان كان ابشْرح واحلّل حالتَك فـ استعِد
قلبك مْريّح,,لو السانك يغني لها
يمكنّه اخْضَر ولكن مزح من غير جد
لو تلعب العذب بالقيفان وتشيلها
مـ احب اكتب على حرف واحد
لكن ماخليت لي شي:smile:
عبدالله الدّنّيش
25-03-2020, 01:28 AM
السلام عليكم وصباحكم خير
وعساكم طيبين ومستأنسين
وصحت الستنكم وطابت أبدانكم
والشكر والإعجاب والتقدير للجميع ،،
عبدالله الدّنّيش
25-03-2020, 01:44 AM
مدري كيف استرسلت يمكن عشان لي كم يوم ماكتبت شعر:smile:
البارحه جيت آخر الليل زايره
ولقيت ابو عامر يدوّن غزايره
بغيت اشارك بس مالي هِوايه
من خاطرٍ سيطر على الصدر جايره
سبة هواجيسٍ سرت بي واحاسيس
تدور في فكري وانا صرت حايره
من ضيقةٍ باتت وزوّد عليها
فـ يروس كورونا والاخبار صايره
تسد نفسي واتوكل على الله
يحفظ جميع المملكه من جوايره
وقريت من فاخر جديد الهواوي
ماجاب في معشوقته من عبايره
وماقال من عذب القصايد وغنى
في منتدانا جعل تبطي ذخايره
يْوسع الخاطر,وينسيه مافيه
ويجدّ ويهجّد معاصير ثايره
وبوح الدنيش اللي تْحوفه حْروفه
لامن برق غيمه وباحت سرايره
غنى لنا من فاخر القاف محراف
يروي كْبودٍ من ضمَى الوجد فايره
وشعارنا الباقين عـ الراس والعين
وكلٍ ظروفه حَسْب الاقدار سايره
والراسيات المبدعات العزيزات
هن ذروة الموقع وشمعة بصايره
^^
صح لسانك شاعرتنا نجد وليتك إسترسلت زيادة
وعز الله ما قصرت وما عليك زود وسلمت يمناك
قريتها قبل ليلتين وبدأت في مجاراتها لكن ما سنحت
الفرصة في وقتها وأشوف أبو عبيد جاراها وصح لسانه
وما عليه زود .. ولكن بصراحة أعجبني هذا البحر وما أذكر
أن نظمت عليه سابقا لكنه طاروق قديم فيما أعتقد .
على كل حال هذي مجاراة إلى أن غررزت هههه
^
للشعر قافاتٍ تعلي عمايره=والبيت يبني ساسها من شطايره
والشاعرة شادت معانيه وأمعنت = وطال مبناها وبانت منايره
ذي شاعرتنا صحح الله لسانها = أبياتها للشعر حاكت حرايره
مدري تلوم النفس وإلا تلومنا = وإلا على الفيروس لامت ضرايره
والمشتكى لله يا دافع البلا = أهلِك لنا الفيروس وأقطع دوايره
وخل الهواوي ينتج التمر والرطب = لعل شهر الصوم تحلى فطايره
وليا كتب شعره في الصبح والضحى = نعرف طواريقه ونعرف خبايره
واليا كتب بالليل في حموة السهر = يهيم هاجوسه ويفتل ظفايره
وأسري معه وأضيع في ظلمة الدجى = وموتري غرّز وبنشر توايره
^
هههه هات العفريته ههه
عبدالله الدّنّيش
25-03-2020, 02:07 AM
عليكم السلام ورحمة الله وبركاته
حياك الله ياأبا عامر وصح لسانك وسعدت بمشاهدة مشاركتك في هذا الصرح الجميل!
حمانا الله وإياكم من كل سوء ومكروه
السلام نظر هو عندكم بالجنوب نحن في نجد لم نستعمله إلا هذه السنة
من أجل كورونا هههه
لكن مااتضح لي قيف على قيف ، نستفيد منك؟
والله لايهينك على الأبيات الرائعة وتقبل فائق التقدير،،،
^^
أهلا وسهلا ومرحبا بناقد الغايب الحاضر وعز الله أن لك فقده
وسلامات أبو محمد وما تشوف شر والحمد لله ع السلامة
وصح لسانك وما عليك زود .. ههه أشوى يوم أنك نقلت القصيدة
ما نقدتها فنيا أو نشت عن مدفونها .. علما أننا نطمع ونطمح في
نظرتك النقدية الأدبية ولو باللفتة السريعة لعلمنا أن وقتك لا يسمح .
&
إستيضاحك طال عمرك والحاضرين عن كلمة ( قَيْفْ ) هي كلمة دارجة
عندنا في المنطقة ويمكن في أغلب مناطق الجنوب ، وكلمة قيف
تطلق على مجموعة الوفد لحضور مناسبة زواج أو عزاء أو صلح ألخ
من قبيلة إلى قبيلة أو حتى من قرية لقرية .. ولا أدري عن أصلها
في العربية ولكنها توحي عند إستخدامها بصيغة مبالغة للوفد أو
أهالي القبيلة .. وبعض شعراء المناسبات المشهورين بمقابلة وفود
القبائل ويكون للشعر مجاله سواء بالعرضة أو النظم .. يطلق عليه
( شاعر قيف ) أي شاعر قبيلة .
أتمنى أن أوضحت بعض ما تريد .. وسلامتك أبو محمد
عبدالله الدّنّيش
25-03-2020, 02:38 AM
كنت متوقع عكس ما يجري تماما الناس في البيوت وش تعمل خصوصا هواة السهر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
يالجوهره ذالليل انا وانتي حضور=ارا كذا والاسم يمكن معلق
الساعه سبع والناس حضار بالدور=وكبودهم للاستراحه تشلق
هو بس انا بالمزرعه شاعق النور=وقت المسا اغني وصبح اتسلق
ياما من الافكار في راسي اتدور=وافتر باجوا ما مضى لي واحلق
بالصدق انا راضي بوضعي ومسرور=وسع الصدر والصبر فيه اتخلق
وراع الصبر ينول قصده وما جور=واربط رجاي بخالقي واتعلق
ــــــــــــــــــــــــــــــــــــــــــــ
خذ الحكمه
اهلا بالعاصفيه كنت قد كتبت تصبحون على خير ههههههههههههههه
وهالحين ابا اتصبر شوي
^^
خذوا الحكمة من فاه الهواوي هههه
&
^^
طال السهر والحال طايع ومجبور = والرمش للنوم الطبيعى تملق
حتى الخروج أصبح جريمة ومحذور = والصبح من حب السهارى تفلق
لأ بو كرونا كركبت كل دستور = كلن على حاله ببيته تغلق
والشكوى لله
عبدالله الدّنّيش
25-03-2020, 02:43 AM
الحـروف الابجديه..تبكـي وْتشكـي علـيّـه
مادِري وش هيّض الخاطر..ولاوش فْـ الحروف
تشتكـي نومـه عميقه..والريـاح الموسميّـه
مبْطِيَهْ ماعـاد جابـت لـي مزابير..القنـوف
وان بغيت ألعب هْجيني..وان بغيت السامريّـه
كلها عنـدي تساوا..لا تحدّتنـي الظـروف!!
^^
صح لسانك شاعرتنا نجد .. ما عاد به جديد إلا مجاراتك والهواوي
&
ألعبي يا شاعرتنا وإطربي نجد العذيه = العبي بالسامري وإلا الهجيني يالهنوف
والله إنك لا كتبتي بالحروف الأبجديه = ترسمين الطيف بالألوان وعيوني تشوف
خاطر الأشواق يدفعني وفي عيني سريه = والحروف الأبجدية ما تجي حسب الشفوف
^^
وسلامتكم جميعا ونوم العوافي
ناصر الهواوي
25-03-2020, 10:55 AM
ياسلام ياسلام
شاعرة نجد وابو عامر مدرستا ابداع
من حسن حظي اني اخذت معهما كورس لعلي اصل قريبا من مستواهما لذلك انا اقحمهما في مجاريات لاستفيد
صح لسانك شاعرتنا ابدعتي وامتعتي
صح لسانك يابو عامر رائع دائما لكن لاترجي برمضان هذا تمر جديد الا اذا تهامه تختلف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
يهز الهواء خضر الجريد الضحى بشويش=رقص عاشقه للرقص طقو وكسلانه
العارف بها يقول وش بك وليه وليش=ماذا رقصك اللي نعرفه منك يافلانه
مدخل لجل موجة هاجسي جابها تشويش=لان القريحه مع هالاوضاع تعبانه
الا ياعيون اللي كفخ للمطير بريش=بعد طالع البرق الملابيد باعيانه
لازم تعتبرني كاينن حي يبي ايعيش=عطاك او نهبت منضمه عندك امانه
اسيرك به احتسب الاجر لا يجيبك طيش=والا اطلق سراحه لي بسيته واحسانه
الجووهره
25-03-2020, 04:30 PM
مساء الجزآله والابدآع
شآعرنا الهوآوي
شآعرنا الدنيش
شآعرتنا نجد
ابدآع وإمتآع
ما شاء الله عليكم
الله لا يضركم
صحت الالسن
ودآم حضوركم وابدآعكم
ناصر الهواوي
25-03-2020, 09:44 PM
يالجوهره هاتي جديد التسالي
شوفي هالامه يطلقون المساجين
حسنة كرونا من لقاح الليالي
ياكم بهالمولود فرحو مساكين
بالمزرعه بالحجر طوعي لحالي
صعب لكن عودت نفسي من سنين
في وحدتي من خلقتي ما ابالي
وافرح ليا شفت المسايير لافين
وقت الضحى والورق طربه تلالي
وعلى الفراق اتنوح من حين لا حين
وان عن لي مافات ياهملالي
واعادت الذكرى غوالي وغالين
يصلى الصدر من لاهب الشوق صالي
وتهل دمعة عين لا استذكرت عين
عبدالله الدّنّيش
26-03-2020, 01:35 AM
ياسلام ياسلام
شاعرة نجد وابو عامر مدرستا ابداع
من حسن حظي اني اخذت معهما كورس لعلي اصل قريبا من مستواهما لذلك انا اقحمهما في مجاريات لاستفيد
صح لسانك شاعرتنا ابدعتي وامتعتي
صح لسانك يابو عامر رائع دائما لكن لاترجي برمضان هذا تمر جديد الا اذا تهامه تختلف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
يهز الهواء خضر الجريد الضحى بشويش=رقص عاشقه للرقص طقو وكسلانه
العارف بها يقول وش بك وليه وليش=ماذا رقصك اللي نعرفه منك يافلانه
مدخل لجل موجة هاجسي جابها تشويش=لان القريحه مع هالاوضاع تعبانه
الا ياعيون اللي كفخ للمطير بريش=بعد طالع البرق الملابيد باعيانه
لازم تعتبرني كاينن حي يبي ايعيش=عطاك او نهبت منضمه عندك امانه
اسيرك به احتسب الاجر لا يجيبك طيش=والا اطلق سراحه لي بسيته واحسانه
^^
صح لسانك أبو عبيد وما عليك زود
قال كورس قال .. التواضع زين ، لكن أنت كرستنا وعلمتنا
وأسمع خيال يقول .. أنت كبيرهم الذي علمهم ... الشعر هه
والله يا بو عبيد ما نلحق مداك وأنت الزعيم والمعلم وصح لسانك
والنظر سلاااام
سلامي عليكم هيل من نقطة التفتيش = سلامي على سجن القوافي وسجانه
وقف لي وقال أنت ، أنت عبدالله الدنيش = وقلت الله الله ، قال وقّف بزنزانه
ترى المشي والتجوال ممنوع بأمر الجيش = علامك تخطي الحذر في وقت سريانه
وقلت أنت لو تقفل ، ترى قافلة بالشيش = وقال أيش تقصد ، وأرتفع صوت ونانه
وخذني على سجن القوافي وبالكلبيش = وقال إنثبر في حِجر يا دان يا دانه
كرونا إستحلت كوكب الأرض كيف تعيش = وقلت الله اللي والي الخلق سبحانه
^^
والله يجيرنا وأياكم وسلامتكم
عبدالله الدّنّيش
26-03-2020, 01:44 AM
من الأرشيف
الهواوي
الهاجس الله بعون قليبه اللي ينفرس فرس=خريج معهد/الا وين استقر من الاوائل
عنده ثقافة بني الاصفر وفن الهند والفرس=ما اركم خيال وتزبر غير لبروقه يخايل
اجراب وجده من الاشواق اظنه منترس ترس=يطرب لريمٍ جنوبيه وينظر يم حايل
من السراوات ما يملا عيونه لابس الورس=لوهو مدير اختبار الزين ما ينجح قلايل
^^
قلت :-
منكم خذينا دروس الشتل والتوبير والغرس = وأيضا فنون الكتابة والقصايد والرسايل
يا هاجسي قم وجار القافية بالحيل وإلا إرس = هذا الهواوي معلمنا جمل وأبو الجمايل
العشق فينا يسيرنا كما تعشيقة الترس = قيره تماتيك .. لكن نضبطه عند البدايل
والإختبارات نجريها وتُعلن ليلة العرس = ودّك تشوف النتايج مير أنا ما ني بقايل !!
^^
وبمناسبة التوبير .. النخيل عندي محمل ما شاء الله القديم والجديد الذي
عن طريقك يا بو عبيد وأتوقع ما يزين إلا بعد الحج إن شاء الله كما هو الحال
لديكم .. وربنا كريم ،،
عبدالله الدّنّيش
26-03-2020, 01:49 AM
من الأرشيق القديم أيضا ..
^^
شاعرة نجد
الحر زااد وتوّنا بـ اول الصيف = هيا نسافر لـ الديار البرادي
اللي عليها الغيم دايم مراديف = هتانه الوداان ينعش فوادي
يطيب فيه البال مع فايح الكيف= غمام واستجمام في جو هادي
فـ دْيار لاتَكْرَم ولاتكْرم الضيف= ياجعلها فدوهـ لـ اصالة بْلادي
تشدني فيها الطبيعه على الكيف= فيها براد الجو غاية مْرادي
^
قلت :-
القاف كايف صاغته شاعرة قيف = قافٍ يهوجس بالغناء كل شادي
من حبكة المعنى وحسن التواصيف = أسرجت خيلي وأمتطيت الجوادي
ناوي على الترحال يم المصاييف = وأطلق عنان الشعر في كل وادي
وأهوم في وديانها والمشاريف = وأنسى لهيب الحر وأعيش عادي
في ديرةٍ فيها قلوب المواليف = لهيبها يبرد بشبك الأيادي
^-^
وتصبحون على خير وسلامة ،،
ناصر الهواوي
26-03-2020, 10:49 AM
لله درك يابو عامر ماشاء الله عليكم انتم تحتفظون بكل شي وانا اللي ضيعت كل شي ههههههههه
رائع استرجاع القديم حتى لوهو قريب من الذاكره
ــــــــــــــــــــــــــــــــــــــــــــــــــ ــــــــــــــــ
راكب اللي يقطع الدرب في وقتٍ وجيز=الف ميل بست ساعات عده جايزه
مال جامه عند ستين والميه وزيز=صانعه تاج الفخر بالصناعه حايزه
ما اشتغل صيني بصنعه ولاحتى انجليز=وسط برلين الخواجه ربط ركايزه
من يشوفه قال سواق ذا ما فيه ميز=المسافه كل لحظه عنه متمايزه
ابي لاجا بلمعنى من اشواقه فزيز=يدرك بلمس اصبعه زره اللي عايزه
وللكلام تتمه
الجووهره
26-03-2020, 02:57 PM
يالجوهره هاتي جديد التسالي
شوفي هالامه يطلقون المساجين
حسنة كرونا من لقاح الليالي
ياكم بهالمولود فرحو مساكين
بالمزرعه بالحجر طوعي لحالي
صعب لكن عودت نفسي من سنين
في وحدتي من خلقتي ما ابالي
وافرح ليا شفت المسايير لافين
وقت الضحى والورق طربه تلالي
وعلى الفراق اتنوح من حين لا حين
وان عن لي مافات ياهملالي
واعادت الذكرى غوالي وغالين
يصلى الصدر من لاهب الشوق صالي
وتهل دمعة عين لا استذكرت عين
هلا بك شآعرناا
وصح لسآنك ملايين
واكرر ليتني شآعره
ولكن العين بصيره واليد قصيره
هههههه
وابشر بالتسآلي من الذآئقه
الجووهره
26-03-2020, 02:57 PM
وهلا بك شآعرنا الدنيش
وصح لسآنك على هالروآئع
وحسب ما فهمت انك سجنت نفسك
نورت السجن وابشر بالتسآلي
الجووهره
26-03-2020, 04:57 PM
تسآلي العصريه
الله خلقنا ألوان و أوزان واشكال
مثل المعـادن لكـن نفـوس وعقـول
اللي يشيـل بعينـه الناس ينشـال
واللي عيونه تجهل الناس مجهول
....
يا صاحبي طالت علي المسافه
كل ما نشدتكـ قلت لي الدرب قدام
وعدكـ مثل باكر أحبه وأخافه
ولا ينقضي باكر على طول الأيام
ما اقول ضاع العمر عندكـ حسافه
انت الدقايق عشتها .. وانت الاعوام
....
المشكله لاصار ... في خاطرك شي ْ
...... ودّك تقوله.. ومنتْ ... عارف ... تقوله ..!!
من يأسك تحاول عَبثْ تلّمسْ الضيْ
...... وتخبّي أحساس .. الخفوقْ ..... وميوله
....
لاضاق صدرك بين هم وحاجه
لا تبدي اسرارك على غير موثوق
ولو كل من يمرض عرفنا علاجه
ماضاعت الدنيا ولا مات مخلوق
الجووهره
26-03-2020, 05:49 PM
شيله رووووعه
وأدآء أروووع
يامحمد خل جرحي
https://youtu.be/4L-7D-ZoEAQ
هزاع محمدالعاصمي
26-03-2020, 10:39 PM
شيء من الشعر للسجين إن وجد ولكم أيضاً جميعاً وكل الشكر للجميع على جهودهم النيرة والمتواصلة عمار ياسجن القوافي
ألا ياوقت هونك لاتهد الحيل مابة حيل=اشوفك ترغب بتعذيب ناسٍ مالها حيله
ولا ياطاري الفرقا علينا لاتزود الميل= علينا وقتنا جاير رجيت الرب تعديله
أنا همي علي كايد توارد مثل لطم السيل=مكن بقصى الحشا معادلي قدره ولاحيله
نهاري في الشقا شارد عشقت الحزن والتخميل=وليلي في رجاء برقٍ توارى في مخايله
أنا برقب فرج ربي عليه العدل والتسهيل=الا يالله ياوالي رجاك العبد تسهيله
وبس ....أحلام سعيدة
الجووهره
26-03-2020, 10:46 PM
هلا بك شآعرنا هزآع
وصح لسآنك على الابيآت الرآئعه
ودآم حضورك الجميل وابدآعك
هزاع محمدالعاصمي
26-03-2020, 11:09 PM
شيء من الماضي ........
مساكم هيل وقصيد بيتان لم يحالفهما الحظ ليكونا قصيده*وهنا يطيب لهما مصافحتكم
ومجاراة اخوي هزاع العاصمي
*بليا ذنبْ عاتبني وقابل لهفتي بعناد
وكفّن جثة جنونك وبعثر ضيقتك فيني
أنا أصلا معك دائم أجدد للوجع ميعاد*
عشان اسرق شقى عمرك وتأخذ أجمل سنيني
شظايا
اشكر للاخت الشاعره هذه الابيات الموجه لي وستلمي الرد
الا ياحبي الصادق رسمتك اجمل الاعياد
هلابك نسمةٍ حلوه تعطر باقي سنيني
على ماتشتهي شفني كتبتك في الهوى ميلاد
مع نبضي بوسط القلب تجري في شرايني
ومثلك صار لي فرحه جميلة عانقت الأمجاد
الا ياروعة ايامي غديت احلى عناويني
حرام الوقت يبعدنا ونعلن في هوانا حداد
ابيك بقلبك الطاهر تجمعني وتدنيني
اجمل وارق تحية
اخوكم العاصمي
عبدالله الدّنّيش
27-03-2020, 01:40 AM
لله درك يابو عامر ماشاء الله عليكم انتم تحتفظون بكل شي وانا اللي ضيعت كل شي ههههههههه
رائع استرجاع القديم حتى لوهو قريب من الذاكره
ــــــــــــــــــــــــــــــــــــــــــــــــــ ــــــــــــــــ
راكب اللي يقطع الدرب في وقتٍ وجيز=الف ميل بست ساعات عده جايزه
مال جامه عند ستين والميه وزيز=صانعه تاج الفخر بالصناعه حايزه
ما اشتغل صيني بصنعه ولاحتى انجليز=وسط برلين الخواجه ربط ركايزه
من يشوفه قال سواق ذا ما فيه ميز=المسافه كل لحظه عنه متمايزه
ابي لاجا بلمعنى من اشواقه فزيز=يدرك بلمس اصبعه زره اللي عايزه
وللكلام تتمه
^^
سلمت ودمت أبو عبيد وما عليك زود .. وأحتفظت ببعض المشاركات
هنا وفي السلاطين .. لكن للأسف ليس كلها .. وفيك البركة
وصح لسانك على هذه المقزقزة وتستأهل القز لكن الوقت ههه
وخيرها بغيرها ،،
عبدالله الدّنّيش
27-03-2020, 01:49 AM
وهلا بك شآعرنا الدنيش
وصح لسآنك على هالروآئع
وحسب ما فهمت انك سجنت نفسك
نورت السجن وابشر بالتسآلي
^^
صح بدنك جوهرتنا الغالية وشكرا لك ولجمال ذائقتك الشاعرية
&
هههه توقعت واللي خلقك أنك ستفسرين أبياتي كما فهمتي
لكن أبو عبيد الله يهديه أنشبنا في قافية أجبرتنا على ذكر الكلبيش
والقارعة ( القافية ) كما يقولون ما ترحم .. ولكن إبشري سترين النزيل
في مشاركتي القادمة وعساه يفزع لي هههه ..>>>
عبدالله الدّنّيش
27-03-2020, 02:07 AM
شيء من الشعر للسجين إن وجد ولكم أيضاً جميعاً وكل الشكر للجميع على جهودهم النيرة والمتواصلة عمار ياسجن القوافي
ألا ياوقت هونك لاتهد الحيل مابة حيل=اشوفك ترغب بتعذيب ناسٍ مالها حيله
ولا ياطاري الفرقا علينا لاتزود الميل= علينا وقتنا جاير رجيت الرب تعديله
أنا همي علي كايد توارد مثل لطم السيل=مكن بقصى الحشا معادلي قدره ولاحيله
نهاري في الشقا شارد عشقت الحزن والتخميل=وليلي في رجاء برقٍ توارى في مخايله
أنا برقب فرج ربي عليه العدل والتسهيل=الا يالله ياوالي رجاك العبد تسهيله
وبس ....أحلام سعيدة
^^^
صح لسانك شاعرنا هزاع وسلمت ودمت .. وتفضل ولن نجد أفضل منك
^^
هلا يالعاصمي عد الحروف ب مُحكم التنزيل = وعد القطر من غيمٍ ترازم وأنهمل سيله
لك الترحيب منا والقصايد حافلة بالشيل = وتبشر بالدسم والطيب والفنجال مع هيله
تراني عازمك في سجن قاف الشعر يا الحلحيل = وخذ يومين وأتحفنا بقاف الشعر والشيله
ولا تطريك فرقا والزيارة يومها والليل = نزورك والتسالي والطرب وأسمع ل (أبو قْذيله )
ترى سجن القوافي بالضيافة كنه الهوتيل = نجومه خمس والمقهى به الشاهي ونرجيله
ليا طبيت فأتخير وخذ لك من جموح الخيل = وهجسي في توال الليل يسري راكبٍ خيله
^
وحياك مولاك أبو محمد وإقامة سعيدة ،،
هزاع محمدالعاصمي
27-03-2020, 06:45 AM
هلا بك شآعرنا هزآع
وصح لسآنك على الابيآت الرآئعه
ودآم حضورك الجميل وابدآعك
صح بدنك وكل الشكر والله يحيك كلي سعادة بما نثرتي من ثناء من خلال ردك الله يعطيك العافيه وبالتوفيق ومدام سجني الأخ والشاعر المميز عبدالله الدنيش أكيد راح اقول شيء في هل مرور
هزاع محمدالعاصمي
27-03-2020, 06:54 AM
يعطيك العافية شاعرنا عبدالله الدنيش مميز وصح
السانك على المجاراة وفقت إلى الخير والسجن جميل بوجودك
ووجود المتألقة الجوهرة ووجود اخونا الكبير في قدرة الهواوي
وأشوف معنا مهرة يام حيتي وياهلا ومرحبا وكذلك الأخ والشاعر حمد الخالدي الله يحيك شاعرنا
ولا ننسى اخونا وشاعرناعبدالله الصقري لما يتحفنا من جمال والله يجملنا معكم
هزاع محمدالعاصمي
27-03-2020, 10:18 AM
ابيات جاءت وكتبت كما هي والسجين لاتنسونه
من الوناسة والسوالف وهبت الريح
طلبت ربي يجلي الكره في الناس=ونصير اسرة جمعنا حب ووصال
ونغرد الاشعار ويجود الإحساس=بحلى المعاني من على كل ماطال
يامنبع الأشواق سكناك بالرأس =في داخلي يامنبع الحب تختال
ياروعة المعني ويا لمعة الماس= در السحاب اللي على القاع همال
ماغيرك احدٍ داخلي وسط الأنفاس=ولاغيرك احدٍ يالغلا يشرح البال
بالتوفيق للجميع
الجووهره
27-03-2020, 02:24 PM
يسعد مسآكم
وطآبت جمعتكم بذكر الله
والصلاة والسلام على رسول الله
اللهم صل وسلم على نبينا محمد
وعلى آله وصحبه أجمعين
الجووهره
27-03-2020, 02:26 PM
وهلا بالشعرآء الجزلين والمبدعين
شآعرنا الدنيش
صح لسآنك مليوون
والله يبشرك بالجنه وكل خير يآرب
شآعرنا هزآع
صح لسآنك مليوون
ونورت السجن وابشر بالتسآلي
الجووهره
27-03-2020, 03:19 PM
تسآلي لشآعرنا هزآع
والجميييع
يارب يسرهاا /على كل :ضايق
وارفع ستار الهم عن كل :محزون !
لو كان في درب السعااده :عوايق
تهؤن :مع رحمتك يا خالق الكون
....
نعيش ف الدنيا العريضه ونحلم
ويمكن نحب اشياء وفيها مضرّه
يارب وانت الي عن الغيب تعلم
أكتب لنا اللـي فـيه ،خير ومسره
....
تجي نقطف من الدنيا لنا باقه ؟
نجمعها بـ ايادينا .,
نغلفها بـ أمانينا ,.
وننثرها على / رسمة خطاوينا ؟!
تجي نقطف لنا [ غيمه ]
لجل تمطر علينا ديـم ؟
إذا مره عطشنا حيييل
و تعبنا - ودنا نروى ؟!
....
يهون طول الشوق مادمت سالم
مهما بعدنا صدى صوتك يرجعنا
تسرح طيوفك في عالمي الحالم..
وتصحى الحقايق في غيابك تلوعنا
ولا زلت أغلى الناس والله العالم
ولازلت أدعي ربي إنه ما يفرقنا
ناصر الهواوي
27-03-2020, 09:34 PM
اهلا بالجميع ومساكم سعيد والشر عنكم بعيد
اشوف الخالدي يوق مع خلول الباب(كانت البيبان تصنع من خشب الاثل ويصير بين اللوح واللوح فتحات يسمونها خلول)لمن يجهل ذلك ههههههههههههههه
العاصمي ابدعت وانت كذلك وابشر بالتسالي والعلوم الغانمه
يهلابك ياجوهرة السجن للحضور المستمر والتفاعل الرائع صراحه اقوله بلا مجامله
اهلا يابو عامر وصح لسانك وصح اختيارك
ناصر الهواوي
27-03-2020, 09:55 PM
راع السراه اللي سجن راعي الخرج=انعم بذا ساجن وفي ذاك مسجون
ياهجس لحصان الشعر ولم السرج=ومر الغلا واكون شاكر وممنون
لي هاتها على ما ابي روضه بمرج=او مثل غيدا تسحر برمش وعيون
اهون عليك ان شيت من سحبة الدرج=ومغرور اصير ان قلت الابداع مضمون
مره وقل مليت قول انتظر وارج=وان كان قصده ذبحتي قل له اتمون
قل العذول وشامتي زادو الهرج=قالوا من فلانه ترا ذاك مطعون
للرمح زرج ورمش الاعيان كم زرج=ومعهن سنان الرمح لو يقتل ايهون
بذيك السنه شفتك وانا ما اعرف البرج=اكيد برج الثور ما عندي ظنون
ناصر الهواوي
27-03-2020, 10:04 PM
يالخالدي وين انت انا جاني النوم=ساعة حجر يالذيب ما به مقانيص
من جا بعد غيبه يجي معه بعلوم=من حمضها تحس بالاذن تقريص
بدفع زكاة اللي عطا الرب ملزوم=ربع العشر يدفع ولا فيه تحويص
الجووهره
27-03-2020, 10:07 PM
هلا بك زووود شآعرناااا
وصح لسآنك. وتسلم على الاطرآء
الله يحفظك ويسعدك
الجووهره
27-03-2020, 10:08 PM
تسليه
للسجين والجميع
ياذيب ياللي بالحنايا لك قنيب
الله يرحم شآعرها مسآعد الرشيدي
وأموآت المسلميين
https://youtu.be/tWWVzjdl8aA
سلطان الغبيوي
27-03-2020, 10:20 PM
السلام عليكن ورحمة الله وبركاته
مساكم حب وود وتقدير ايه الفضلاء
لا عرف كيف اعتذر عن الغياب المتكرر الطويل ولكن ما استطيع قوله اني والله خير شاهد
انا لكم مكانة وتقدير لايوصف واتمنى اتىن تحفظوا لنا ذلك في حضورنا وغيابنا
واخص بذلك شايبنا وملهمنا ومعلمنا في جميع الامور الطيبة ابو عبيد
والله على ما اقول شهيد
سلطان الغبيوي
27-03-2020, 10:23 PM
وهذه مشاركة بسيطة ولعل الحجر الصحي اجبرنا نعيد ترتيب بعض الاوراق بشكل عااام ونعود للشعر
يا منفلت عقب (الحجر)ربك يعين
الله يعينك كل مـ اصبحت وامسيت
مثلك مـ يسلم والله اعلم من امرين
وفي الحالتين الحظ ماظني بخيت
اما قحص فوق المرة والوراعين
ثم ثار كنّ اللي مثوّر دناميت
ولّا حداه الوقت والواقع الشين
يغسّل القدحان ويكنّس البيت
شاعرة نجد
28-03-2020, 12:10 AM
مساء الخير يـ الرواسي
وصح لسانك يـ الدنيش ولاهنت على المجاراة الاولى والثانيه
ولاعدمنا حضورك وابداعك الفاخر
وصح لسانك يـ الهواوي
ودام تواجدك وتشجيعك ومجارياتك المميزه
وزي ماقال الدنيش نتعلم منك واستاذنا طال عمرك
وصح لسانك يـ العاصمي
ومرحبابك في سجن القوافي وابشر بالتسالي
لاعدمنا الجميع
وابداع المبدعات وحضورهن الممتع
تقديري,’’
شاعرة نجد
28-03-2020, 12:14 AM
عليكم السلام ورحمة الله
وحياك الله شاعرنا سلطان
وعودا حميدا
وصح لسانك على هـ الفكاهيه الرااائعه,’’
شاعرة نجد
28-03-2020, 12:39 AM
تسليه,,
أنا الاسيـره لـ هاجوسٍ طوانـي طـوي
أنسى معه واقعي واعيـش وهـم الخيـال
لامن سرى بي سمعت اصـوات تـدوي دوي
مدري على الارض والا فوق رووس الجبال
واشتدّ خوفي وانا ماخـذت جنبـي خـوي
ياويل هجسي من الله ماعطانـي مجـال!!
^^^
ياقلم بـ املي عليك مْن الخواطر
واكتب المطلوب مع حفظ الحقوق
راعني واسهر معي لو جبر خاطر
راعني والمحبره دم الخفوق
خاطري اكتب شعر وابليس شاطر
حالفٍ مـ انام لاوقت الشروق
الجووهره
28-03-2020, 06:32 AM
صبآحكم جميل
كجمآل أروآحكم وابدآعكم
وهلا بك سلطآن الغبيوي
وعودا حميدا وصح لسآنك
على الابيآت الفكاهيه الجميله
وهلا بك شآعرتنا المبدعه نجد
نورتي السجن وصح لسآنك مليوون
ودآم حضورك الجميل وابدآعك
الجووهره
28-03-2020, 06:32 AM
قصه جميله
من وآتسي الجمييل
هههههه
https://youtu.be/D_4-gwp5loo
ناصر الهواوي
28-03-2020, 11:38 AM
ارحب يابو زياد وما فيه عيب شغل البيت بل من السنه معاونة اهل البيت
وصح لسانك
اهلا بشاعرتنا وصح الله لسانك ودام تواجدك
اهلا بالجوهره وما جابت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
إي والله رجيت البشر ياكرون رج=ما خليت لا عامل نظافه ولاحاكم
بوريس جانسون كلٍ عنه يوم جيته هج=خليتوه بالمكتب يصيح وينخاكم
غشا كل دوله مثل ضلعٍ غشاه العج=وكلٍ يقول لجاره كرونيا جاكم
نعم كارثه لاشك فيه حسنه تبهج=بعد صابكم رعبه رجعتوا لمولاكم
ولنا عاد من هو قبل جية كرونا هج=بعد ياسنا جيتو غصيبه وشفناكم
وتبين لنا من هو عقب ما تورط دج=وعن ما خفا بالعالم الغربي انباكم
ناصر الهواوي
28-03-2020, 12:06 PM
على الهون ياهجوج الهبايب بلدنات الجريد=وش ذنب العسيب اللي غبرته سببكن ثايره
نبي نشتكي للي بحرفين يفعل ما يريد=مدير الفلك كل المخاليق بامره سايره
شوي اركدن عل الطيور لمساكنها تعيد=اللي مخمره بالحوض تطلع وتاقع طايره
تجر الرواعب صوتٍ يذكِّر بنغمة فريد=وتغرد عصافير النخل قبل كانت نايره
الجووهره
28-03-2020, 12:42 PM
يا حظنا بك يالجواز السعودي
وياكبر فخر الشعب في مملكتنا
يوم الدول قالت ذي أقصى جهودي
المملكة في كل دولة حمتنا ❤️❤️
صح لسآآنه
^^^^^
بيتين قالها أحد الطلبه السعوديين
بعد ان عاد وكثير من المبتعثين
من لندن الى دبي وتم تأمين الاقامه
لهم من قبل السفاره السعوديه
في أفخم الفنادق في دبي
اللهم احفظ مملكتنا وولاة أمورنا
من كل شر واكشف الغمه عاجلا غير آجل
الجووهره
28-03-2020, 01:05 PM
أبيآت رآئعه بالشعر الفصيح
تصف حآل الريآض هذه الايام
يحزّ في خاطري مرآكِ خاليةً
من المحبين لا صوتٌ ولا أثرُ
وأنتِ أنتِ التي لم ترقدي أبداً
يختالُ فوق ليالي أُنسكِ القمرُ
ما بالُكِ اليومَ أمسيتِ بلا سَمَرٍ
رهينةَ الحجرِ لا حسٌّ ولا خبرُ
لا بأس لا بأس يا أرضَ الرياضِ غداً
يجلو الإلهُ الأذى والداءُ ينحسرُ
د . لميآء العقيل
هزاع محمدالعاصمي
28-03-2020, 02:02 PM
لافضت افواهكم اجد الجمال في مشاركاتكم وهنا شيء من الفصيح ومما قلت وتعود بي الذكريات أنام احسن هههههه
ياطفلة حوت الربيع بخدها =هل تكسبين بوصلنا احسانا
مالت إليا بقدها واتوردت =خجلاً وراحت تنثُرُ الألحانا
بنتُ الطبيعةِ قد سمت في حبِها=لاتهتوي حُباً بلا عُنوانا
قلت الهوى شيءٌ ترعرعَ داخلي=مالي سواكم في الهوى اوطنا
طرزتُ حُبَكِ في الضلوعِ قصيدتاً=أمست تغني لحنها الرُكبانا
لهفي لِقلبي كم يحنُ لفقدها =أمسى يُكابدُ حُزنُهُ ألوانا
عبث الزمانُ وبعثرت أحلامُنا = ليتَ الزمانَ بوصلِها أهدانا
هي قصةٌ ماتت وغابَ زمانُها=دُفنت ومالي في الهوى سلطانا
بالتوفيق
سلطان الغبيوي
28-03-2020, 05:25 PM
عليكم السلام ورحمة الله
وحياك الله شاعرنا سلطان
وعودا حميدا
وصح لسانك على هـ الفكاهيه الرااائعه,’’
ابقاك الله ياشاعرتنا
وصح بدنك
سلطان الغبيوي
28-03-2020, 05:27 PM
صبآحكم جميل
كجمآل أروآحكم وابدآعكم
وهلا بك سلطآن الغبيوي
وعودا حميدا وصح لسآنك
على الابيآت الفكاهيه الجميله
وهلا بك شآعرتنا المبدعه نجد
نورتي السجن وصح لسآنك مليوون
ودآم حضورك الجميل وابدآعك
اهلا الجوهرة
وصح بدنك
وادام الله تواجدكم
سلطان الغبيوي
28-03-2020, 05:34 PM
ارحب يابو زياد وما فيه عيب شغل البيت بل من السنه معاونة اهل البيت
وصح لسانك
اهلا بشاعرتنا وصح الله لسانك ودام تواجدك
اهلا بالجوهره وما جابت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
إي والله رجيت البشر ياكرون رج=ما خليت لا عامل نظافه ولاحاكم
بوريس جانسون كلٍ عنه يوم جيته هج=خليتوه بالمكتب يصيح وينخاكم
غشا كل دوله مثل ضلعٍ غشاه العج=وكلٍ يقول لجاره كرونيا جاكم
نعم كارثه لاشك فيه حسنه تبهج=بعد صابكم رعبه رجعتوا لمولاكم
ولنا عاد من هو قبل جية كرونا هج=بعد ياسنا جيتو غصيبه وشفناكم
وتبين لنا من هو عقب ما تورط دج=وعن ما خفا بالعالم الغربي انباكم
يامرحبا يابو عبيد يالله حية
حنا دارين يالعمدة مير لايسمعنك بعض الربايع يتورسلن الريجيل هههههه
الجووهره
28-03-2020, 07:33 PM
ضاق صدرك يا نجد وضاق صدري
ما خبرتك مظلمة.. يا أجمل مدينة
ما عرفتك خالية في كل عمري
وما يهون بخاطري تمسي حزينة
يا نجد العز .. لو طوّلت صبري
الفرج بعد الصبر شرع وسكينة
لا تخافين الحزن لو طال .. يسري
ولا تهابين انتي في أيدي امينة ��
مساكم سعيد والشر عنكم بعيد > اخذتها من الهواوي (:
شلونكم ياربعنا
عساكم بخير
وطيبيين
وصحت ألسنة المبدعين (:
فقدنا شخص تكثر فالدروب أشباهه
كن وجهه .. في وجيه العابرين يوزع
،،،،
الستر نعمه من الله والهدى ربانّي "
جعل نفسي لـ الدروب الصالحه منتحيه
والله ان نفسي من قصوري ومن شيطاني
من كثر تفريطها .. يا خالقي مستحيه
ناصر الهواوي
28-03-2020, 09:42 PM
اهلا يارحيل يمكن استحليتي الغياب وحياك مولاك
اهلا يالجوهره
ومرحبا يالعاصمي وصح لسانك
وارحب يا ابا زياد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
قاف الغزل يوم روعك الكرونا وغبت=ما يشيل راسك سوى اللي من قبل ركبه
من خوف والا مثل ربعك بغيبه رغبت=تعال واللي بخرجك من جديدك جبه
اما نصفق ليا شفناه وانقول اصبت=والا نقول اعثري واليوم تكفى احجبه
طرا وقررت اسافر يم داره وهبت=نقاط تفتيشهم ماهي بي مرحبه
تعبت ذلول الاماني منه وانا تعبت=بعرقوب بعض الاوادم شكلها معجبه
وبس
الجووهره
28-03-2020, 09:55 PM
مسآئك أسعد رحووله
والجمييييع
هلا بك منوره
ويعطيك العافيه ع التسالي
ويسلم ذووقك يا ذووق
وهلا بك الغبيوي
ودآم حضورك وبانتظار ابدآعك
شآعرنا هزآع
صح لسآنك مبدع بكل حالاتك
نبطي وفصيح يعطيك العآفيه
شاعرنا الهوآوي
صح لسآنك ودآم حضورك وابدآعك
محمد الغنامي
28-03-2020, 10:21 PM
السلام عليكم
اسعد الله جميع اوقاتكم بكل خير
وش حالكم يالربع عساكم بخير جميعاً
عسى الكورونا حولاكم ولاهي علاكم هههههه
الجووهره
28-03-2020, 10:30 PM
وعليكم السلام
يسعد أياامك مديرنااا
نوورت وعودا حميدااا
الكروونا الله يبعدهاا عنااا
ويحفظ الجميييع
محمد الغنامي
28-03-2020, 10:44 PM
ياشمـعة الدار مدري شـمعـة الحاره
غيابك اشعل غروب الشمس قنديله
الليل يفضح شروق الشمس لاسراره
ولايحفظ الدمع عقب الجفن منديله
العـذر ماهـوب عـذر ان دام تكـراره
ماعاد يقنع ولا الالباب تصغي له
مهرة يام
29-03-2020, 12:36 AM
السلام عليكم ورحمه الله وبركاته
اسعدالله صباحكم بكل خير
كيفكم يااهل الرواسي والسجن
صحت الالسن والاذواق
دام الحضور والابداع
مهرة يام
29-03-2020, 12:38 AM
ياللي وطـن قلبـي تحـت عـرش ايـاديك
يفداك منـهو ذم طيفـك وخانـك
ادري ولا حاجـه من اعـداي تخفـيك
لاكـن تتغـاضى وتعـلو بشـانك
ياللـي قهـرت البعـض مـن صـرت اغلـيك
يبقـى مكانـك فـي ضلـوعي مكـانـك
شافـوني احبـك وضـايقتهـم فيـك
مدري انـا لـيـه الـعـداوه عـشـانـك
لا تنـشـغل بالـلـي يـذمون طـاريـك
مهرة يام
29-03-2020, 12:40 AM
يا مقصر العمر لا ترجع على شاني
طاريك روح و ضيع بالهوى صيته
أبشرك ..بادي أتعلق بأحد ثاني
بادي أحبه ..واشيد بالصدر بيته!
بادي أعيشه غلا من كل وجداني
بادي أسميه ..كل اللي تسميته!
بادي أخليه الأول ..ماهو الثاني!
بادي أشوف بقصيدتي يبتدي بيته..
بادي أخليه ..يعشقني ويهواني
الجووهره
29-03-2020, 09:09 AM
صبآح الخيرآت والمسرآت
وصحت الالسن والاذوآق
وهلا بك مهوره منووره
يسعد آيآمك والجمييع
ويسلم ذوقك ياذووق
ناصر الهواوي
29-03-2020, 12:40 PM
صباح الخيرات والمسرات
اهلا يابو بندر وصح لسانك الا ابشرك ما درينا عنها والحمد لله الا انه حشر بعض البشر وشفناهم
الله يكفي المسلمين شرها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
ياشمعة المنطقه بل نجد ودياره=حاولت واحتلت مافادت معك حيله
خلف الوعد دون سبه يعتبر باره=وسبيك فواد المشقى يعتبر غِيله
من قبلي بن عوض الله بيح اسراره=عليه من هجر مثلك بانت الميله
فرض كرونا عليه الحجر في داره=وراح ايتغنى ويسمعنا مواويله
وبعب راع الطواري تلعب الفاره=وان شاف طاري مجنب عنه يومي له
مهرة يام
29-03-2020, 01:25 PM
هلابك يالجوهره والنور نورك يالغلا
هلا بالهواوي صح لسانك ملايين
محمد الغنامي
29-03-2020, 07:33 PM
هلا والله يابو عبيد وصح لسانك وبدنك
والكرونا الحمد الله ماجات لديارنا وعسى الله يجلاها عن المسلمين ويكفينا شرها
الجوهره هلابك زود ومنوره طال عمرك
مهرة يام ياهلا والله ودام حضورك
محمد الغنامي
29-03-2020, 07:36 PM
(,,,,,) عقب العرس ماعاد تنشاف
اثر الربايع لا اعرسن يختفني
هههههههههههههههههههههههه دعابه دعابه
محمد الغنامي
29-03-2020, 07:46 PM
العود لو يغسل بفيري وصابون
ولا زمانه فالزمان المولي
اللي بعمره من كرونا يموتون
ماينفعه ترياق عشرين ملي
ههههههههههههههههههههههههههه دعابه دعابه
الجووهره
29-03-2020, 07:47 PM
ههههههههههه
صح لسانك مديرناااا
محمد الغنامي
29-03-2020, 07:50 PM
هههههههههههه صح بدنك
الجووهره
29-03-2020, 07:51 PM
^^^^^
ردي ع الدعابه الاولى.
والدعابه الثانيه
حرآم عليك ههه
بعد عمر طويل
ان شاء الله
الجووهره
29-03-2020, 07:52 PM
وهلا بك ويسعد مساك
ومسآء الجميييع
سلطان الغبيوي
29-03-2020, 08:26 PM
اهلا يارحيل يمكن استحليتي الغياب وحياك مولاك
اهلا يالجوهره
ومرحبا يالعاصمي وصح لسانك
وارحب يا ابا زياد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
قاف الغزل يوم روعك الكرونا وغبت=ما يشيل راسك سوى اللي من قبل ركبه
من خوف والا مثل ربعك بغيبه رغبت=تعال واللي بخرجك من جديدك جبه
اما نصفق ليا شفناه وانقول اصبت=والا نقول اعثري واليوم تكفى احجبه
طرا وقررت اسافر يم داره وهبت=نقاط تفتيشهم ماهي بي مرحبه
تعبت ذلول الاماني منه وانا تعبت=بعرقوب بعض الاوادم شكلها معجبه
وبس
كان الرمي يمي وكان يم غير تراني اسد هههههههههه
جيش الكرونا وصل وانته يا ناصر ما تبت=في كل ليلةتقلّد بالقصيد ارقبة
قدّام يوم الاحد فـ ايام الاسبوع سبت=من لا حسب له، مثل من طاح له فـ عتبة
والعلم بيد الله اللي عنده العلم ثبت=رب العجم والعرب عارب ومستعربة
وانا ليا طابوا الغالين يالعود طبت=وان زارني حرفهم بالازرق اطيبه
ودي وودي ل جا من يمهم ريح نبت=والوقت مايعطي الرجال مايرغبه
تحياتي وتقديري
محمد الغنامي
29-03-2020, 08:38 PM
الله الله
صح لسانك يابو زياد مبدع كالعاده
الجوهره الله يسعد مساك وجميع اوقاتك
الجووهره
29-03-2020, 08:39 PM
أجاملك في كل شي إلا الشعور
واسايرك بـ كل شي ، إلا الغياب
،،،،،
آلعآفيه و آلدين سآس آلغنآيم
وآغلى كنوز آلآرض كنز آلقنآعه
....
ليت الهوى . . كله وصٌال وتلاقي
وليت الحبَايب تجي عند طاريها
....
لا تصادق بخيل ولا تخاوي زعول
ولا تجادل سفيه ولا تعاند خبل ؟
التزم بالنزاهه . . واحترام العقول
وكان هبت عليك الريح : خلك جبل
،،،
وختامها نصيحه من بن جدلان
الله يرحمه
" أحذر تعاشر راعي القلب الحسود
اللي ضرره أقرب لك من المنفعه
الجووهره
29-03-2020, 08:42 PM
وهلا بك شآعرنا الغبيوي
وصح لسآنك على المجآرآة الرآئعه
ودآم حضورك وابدآعك
سلطان الغبيوي
29-03-2020, 09:39 PM
الله الله
صح لسانك يابو زياد مبدع كالعاده
الجوهره الله يسعد مساك وجميع اوقاتك
صح بدنك يابو بندر والابداع مرورط واطائك الطيب
سلطان الغبيوي
29-03-2020, 09:40 PM
صح بدنك يالجوهرة والرائع مرورك
الناقد/عبدالله الروقي
29-03-2020, 09:42 PM
ماشاء الله على الإبداع والحضور الفخم وصحت ألسنتكم !
مرحبا ياشيخ سلطان وعودًا حميدا وصح لسانك
وصح لسانك يابو بندر ومنور السجن يالحصان وصح لسانك على الهجومية هههه
ناصر الهواوي
29-03-2020, 09:48 PM
اهلا يالجوهره ومرحبا يالمهره
وحيالله ابو بندر وصح الله لسانك وبدنك
ارحب يابو زياد وصح الله لسانك على المجاراة الكايفه النايفه
ارحب يالناقد
وينك ياحفيدي مافيه حضر تدخل الرواسي وطمنا عليك وعلى من تعز
مبطين ما سمعنا صوتك
لا والحقت ميعادها اتعود باخلاف=عود تصرفها مجرد تمني
وقت التصرف كيف ماودها طاف=فيما استجد ادعو لها بالتهني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
الاجل يامحمد مع مصرف الكون=لا احد ايتقدم له ولا يستزلي
واعوذ بالله منه وابليس ملعون=والله لعيش من العمر ما كتب لي
لاتحسب الديتول واقي ومامون=شف جونسون داخل بويته مولي
ناصر الهواوي
29-03-2020, 09:58 PM
إيه يالناقد حشر ربعك كرونا=وانت وش بك ما حشرك اللي حشرهم
ملوا جلوس البيوت وشاركونا=عقب كبرٍ صابهم ربي صخرهم
لاغرو هم ربعنا قد زاملونا=قبل مده والتسا عنا خبرهم
سلطان الغبيوي
29-03-2020, 10:01 PM
ياشمـعة الدار مدري شـمعـة الحاره
غيابك اشعل غروب الشمس قنديله
الليل يفضح شروق الشمس لاسراره
ولايحفظ الدمع عقب الجفن منديله
العـذر ماهـوب عـذر ان دام تكـراره
ماعاد يقنع ولا الالباب تصغي له
صح لسانك يابو بندر حضور راقي
سلطان الغبيوي
29-03-2020, 10:03 PM
العود لو يغسل بفيري وصابون
ولا زمانه فالزمان المولي
اللي بعمره من كرونا يموتون
ماينفعه ترياق عشرين ملي
ههههههههههههههههههههههههههه دعابه دعابه
ههههههههههههههههههههههه
سلطان الغبيوي
29-03-2020, 10:05 PM
ماشاء الله على الإبداع والحضور الفخم وصحت ألسنتكم !
مرحبا ياشيخ سلطان وعودًا حميدا وصح لسانك
وصح لسانك يابو بندر ومنور السجن يالحصان وصح لسانك على الهجومية هههه
مرحبا ناقدنا
وصح بدنك طال عمر
كرونا الله يكفينا شرها سوّت فينا خير
سلطان الغبيوي
29-03-2020, 10:08 PM
اهلا يالجوهره ومرحبا يالمهره
وحيالله ابو بندر وصح الله لسانك وبدنك
ارحب يابو زياد وصح الله لسانك على المجاراة الكايفه النايفه
ارحب يالناقد
وينك ياحفيدي مافيه حضر تدخل الرواسي وطمنا عليك وعلى من تعز
مبطين ما سمعنا صوتك
لا والحقت ميعادها اتعود باخلاف=عود تصرفها مجرد تمني
وقت التصرف كيف ماودها طاف=فيما استجد ادعو لها بالتهني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
الاجل يامحمد مع مصرف الكون=لا احد ايتقدم له ولا يستزلي
واعوذ بالله منه وابليس ملعون=والله لعيش من العمر ما كتب لي
لاتحسب الديتول واقي ومامون=شف جونسون داخل بويته مولي
صح بدنك استاذنا الكبير وملهمنا
محمد الغنامي
29-03-2020, 10:15 PM
هههههههههه صحت ابدانكم جميع
الهواوي صح لسانك وانا تراني ما اقصد عود معين هههههههههههههه بيت عام للعويد
الناقد ارحب تراحيب المطر عساه حشرك اللي حشرنا ههههههههههههه على ماقال ابو عبيد
ناصر الهواوي
29-03-2020, 10:17 PM
سمعت انك مترجم يامحمد والعلوم علوم=سنون المشط لو كسرتها فالمشط وش يعني
بحلم او علم شفته بالمقاله ظاهر ومرسوم=وانا فسرت حلمي ظاهريه واجهله ضمني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
وانا ودي بتحريك الشقاوي بس فيني نوم=بتوسيعي لصدري بالحجر فالبيت لايمني
الجووهره
29-03-2020, 10:18 PM
مساء الابدآع والجزآله
وصحت السن الجمييع
هلا. بك نآقدناااا
عودا حميدا
وهذي من ايجابيات الحجر المنزلي
شفناكم اليوم
مديرنااا وناقدناااا
ههههههه
الجووهره
29-03-2020, 10:19 PM
وصح لسآنك شاعرنا الهواوي
ونوووم العوآفي وأحلام سعيده
سلطان الغبيوي
29-03-2020, 10:30 PM
سمعت انك مترجم يامحمد والعلوم علوم=سنون المشط لو كسرتها فالمشط وش يعني
بحلم او علم شفته بالمقاله ظاهر ومرسوم=وانا فسرت حلمي ظاهريه واجهله ضمني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
وانا ودي بتحريك الشقاوي بس فيني نوم=بتوسيعي لصدري بالحجر فالبيت لايمني
امش هههههههه
هذا والله الليل
صح لسانك
والله يعينك يامحمد ع التفسير
ملكة الرواسي
29-03-2020, 11:33 PM
مساء الخير
عساكم بخير جميع
يعطيكم العافية لا هنتم جميع
الناقد/عبدالله الروقي
30-03-2020, 12:52 AM
إيه يالناقد حشر ربعك كرونا=وانت وش بك ما حشرك اللي حشرهم
ملوا جلوس البيوت وشاركونا=عقب كبرٍ صابهم ربي صخرهم
لاغرو هم ربعنا قد زاملونا=قبل مده والتسا عنا خبرهم
صح لسانك وبنانك
أنا بالنسبة لي الحمد لله أسكن المكتبة وتسكنني من فترة
والحظر لم يغير في حياتي شيء، فقط عندي اختبار بعد عشرة أيام
ومقلقنا شوي وماصدر شيء إلى الآن على قولة القائل:لامقيد ولامفكوك
——————-
أرحب يابو بندر هههه أنا ماعندي مشكلة في الحظر
لكن واجهت بعض العوائق والنتيجة أبشرك تعلمت عدة مهن أولها فن الحلاقة المشوهةهههه
عبدالله الدّنّيش
30-03-2020, 03:30 AM
يا سلاااام يا سلاااااام .. والنظر سلااام
صحت السنتكم جميعا وحماكم الله من كورونا
&
وشكرا لشاعرنا هزاع لقبول الدعوة وصح لسانك وطابت إقامتك
وما قصرت بيض الله وجهك ،،
الهواوي كالعادة يالزعيم صح لسانك وما عليك زود
شارعتنا نجد صح لسانك وبدنك ودام إبداعك
الجوهرة صح بدنك ودام حضورك ونثر جواهر الشعر
مهرة يام هلا ومرحبا وشكرا لحضورك وسكب ذائقتك
رحيل هلا بعد الغياب .. وننتظر المزيد زادك مولاك من فضله .
المكلة هلا بمروك وتشجيعك ،،
&&
والترحيب الخاص بالضيوف الغائبين
شاعرنا سلطان الغبيوي وصح لسانك ودام تواجدك
محمد الغنامي تراحيب المطر يا رجل وين دنياك وصح لسانك
الناقد عبدالله .. كثر الأعذار وتكرارها ما عاد لها معنى كما قال
أبو محمد وصح لسانه جابها من قاصرها هههه
وشكرا كورونا .. هذه من إيجابياتها جابتكم ... وسلامتكم ،،
عبدالله الدّنّيش
30-03-2020, 03:41 AM
ههههه
حثني بيت للشاعر سلطان اللي ذكر فيه غسيل المواعين
ومهنة الناقد الفنية .. والتي سنمارسها كلها والبركة في
العمة كورونا .. لا بارك الله فيها ،،سوّت لي لخبطة كمن دخل
المطبخ ولخبط وطلعت كبسة معغوسة .. المهم إقبلوها بعلاتها
وسلامتكم من الكركرونا يعني كركركركركر ههه
^^
سبحان من خوّف عباده بفيروس = حتى النظر ما يكشفه من دقاقه
غزى بنادم والمضارب على الروس = والأدمي ما عنده إلا الكمامه
ما هاب م أمريكا ولا قوة الروس = ولا جيوش الأرض وإلا نظامه
والصين مع قواتهم حاسهم حوس = وإيران فيها ( قم ) راحت قمامه
والناس من شهرين عاشت بكابوس = حتى المساجد ماتقوم الإقامه
الحل ضايع حيل والحال ميئوس = والمختبر والعلم ضاعت علامه
والعلم عند اللي خلقنا ، ومدروس = سبحانه الوالي بمحكم كلامه
عليه فوضنا أمر غايب ومحسوس = وليا توكلنا بلغنا مرامه
والشر بعض أحيان بالخير مدسوس = عسى يكون الخير في طي خامه
واللي يقول إنه في البيت محبوس = يا فرحة أهله مثل صيد الحمامه
صادوه في بيته معزز ومحروس = وينعم ويتنعّم مثيل النعامه
قم يا حبيبي سو شاهي ومكبوس = وأغسل قدور الطبخ يا بو دلامه
تقوله اللي قلبها دوم مفحوس = ما أشوفه إلا غير لا جا منامه
وبعض العرب ناقد ولا يمسك الموس = خلووه يتعلم فنون الحلاقه
يا ذي الكرونا هلوسة قافتي هوس = أثارني لخبطت قاقه ومامه
^^
وخليكم بالبيت . ولا أحد يسأل جيت وإلا ما جيت
ناصر الهواوي
30-03-2020, 12:16 PM
اهلا ياملكتنا وعساك بخير وعافيه ولا تقاطعينا بالحيل اقل ما فيها نتطمن على بعضنا
ارحب يابو عامر وصح الله لسانك على الرائعه الكورونيه الله يرفع البلا عن المسلمين
انتم في البيوت وانا اجي البيت الصباح والظهر واطلع المزرعه قبل بداية الحجز والطلعه الطلعه
واقص فسايل واغرس جعلتها شغلتي هلايام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
ياعبيد والحمد لله لا ضيوف ولا مسايير=الكيف ماله مزاج اتقابل الدله لحالك
ولا وقفةٍ مع امام بمسجد الحاره ولا غير=حتى الزيارات ممنوعه الى عمك وخالك
لاوهنيك برفراف الجناح اليوم يالطير=تومي براهي جناحك كلما طاري طرالك
ودي واشوف الشقاوي يمي عيونه مطايير=يقول وين العقل تراني من اصغر عيالك
هو عاقل ولا تعرض بالحياه الـ لاهب الكير=............................................ ..................ومالك هههههه
عبدالله الصقري
30-03-2020, 03:16 PM
مسا الخيرات جميعا
وصحّت الألسن و سلمت القلوب
جميل هذا التواجد أدآمه الله
والنت مقطوع يا جدي يادوب
بين العمل و اعمال ما تنتهي
و اطلآل ديره أصبحت خآويه
و كملوها
خيال مطير
30-03-2020, 05:48 PM
ههههه
حثني بيت للشاعر سلطان اللي ذكر فيه غسيل المواعين
ومهنة الناقد الفنية .. والتي سنمارسها كلها والبركة في
العمة كورونا .. لا بارك الله فيها ،،سوّت لي لخبطة كمن دخل
المطبخ ولخبط وطلعت كبسة معغوسة .. المهم إقبلوها بعلاتها
وسلامتكم من الكركرونا يعني كركركركركر ههه
^^
سبحان من خوّف عباده بفيروس = حتى النظر ما يكشفه من دقاقه
غزى بنادم والمضارب على الروس = والأدمي ما عنده إلا الكمامه
ما هاب م أمريكا ولا قوة الروس = ولا جيوش الأرض وإلا نظامه
والصين مع قواتهم حاسهم حوس = وإيران فيها ( قم ) راحت قمامه
والناس من شهرين عاشت بكابوس = حتى المساجد ماتقوم الإقامه
الحل ضايع حيل والحال ميئوس = والمختبر والعلم ضاعت علامه
والعلم عند اللي خلقنا ، ومدروس = سبحانه الوالي بمحكم كلامه
عليه فوضنا أمر غايب ومحسوس = وليا توكلنا بلغنا مرامه
والشر بعض أحيان بالخير مدسوس = عسى يكون الخير في طي خامه
واللي يقول إنه في البيت محبوس = يا فرحة أهله مثل صيد الحمامه
صادوه في بيته معزز ومحروس = وينعم ويتنعّم مثيل النعامه
قم يا حبيبي سو شاهي ومكبوس = وأغسل قدور الطبخ يا بو دلامه
تقوله اللي قلبها دوم مفحوس = ما أشوفه إلا غير لا جا منامه
وبعض العرب ناقد ولا يمسك الموس = خلووه يتعلم فنون الحلاقه
يا ذي الكرونا هلوسة قافتي هوس = أثارني لخبطت قاقه ومامه
^^
وخليكم بالبيت . ولا أحد يسأل جيت وإلا ما جيت
صح لسَـــــــــــــــــــــــــــــــانك يالامير
خيال مطير
30-03-2020, 06:24 PM
سبحان من خوّف عباده بفيروس = حتى النظر ما يكشفه من دقاقه
غزى بنادم والمضارب على الروس = والأدمي ما عنده إلا الكمامه
ما هاب م أمريكا ولا قوة الروس = ولا جيوش الأرض وإلا نظامه
والصين مع قواتهم حاسهم حوس = وإيران فيها ( قم ) راحت قمامه
والناس من شهرين عاشت بكابوس = حتى المساجد ماتقوم الإقامه
الحل ضايع حيل والحال ميئوس = والمختبر والعلم ضاعت علامه
والعلم عند اللي خلقنا ، ومدروس = سبحانه الوالي بمحكم كلامه
عليه فوضنا أمر غايب ومحسوس = وليا توكلنا بلغنا مرامه
والشر بعض أحيان بالخير مدسوس = عسى يكون الخير في طي خامه
واللي يقول إنه في البيت محبوس = يا فرحة أهله مثل صيد الحمامه
صادوه في بيته معزز ومحروس = وينعم ويتنعّم مثيل النعامه
قم يا حبيبي سو شاهي ومكبوس = وأغسل قدور الطبخ يا بو دلامه
تقوله اللي قلبها دوم مفحوس = ما أشوفه إلا غير لا جا منامه
وبعض العرب ناقد ولا يمسك الموس = خلووه يتعلم فنون الحلاقه
يا ذي الكرونا هلوسة قافتي هوس = أثارني لخبطت قاقه ومامه
خيال مطير
30-03-2020, 06:25 PM
تم ألحفظ
خيال مطير
30-03-2020, 06:52 PM
https://www.r111n.com/t41195.html
سلطان الغبيوي
30-03-2020, 07:04 PM
مساء الخيرات
اهلاً بالجميع
مرحبا يا الدنيش ودام تواجدك وصح لسانك
تحياتي
سلطان الغبيوي
30-03-2020, 07:07 PM
اهلا ياملكتنا وعساك بخير وعافيه ولا تقاطعينا بالحيل اقل ما فيها نتطمن على بعضنا
ارحب يابو عامر وصح الله لسانك على الرائعه الكورونيه الله يرفع البلا عن المسلمين
انتم في البيوت وانا اجي البيت الصباح والظهر واطلع المزرعه قبل بداية الحجز والطلعه الطلعه
واقص فسايل واغرس جعلتها شغلتي هلايام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
ياعبيد والحمد لله لا ضيوف ولا مسايير=الكيف ماله مزاج اتقابل الدله لحالك
ولا وقفةٍ مع امام بمسجد الحاره ولا غير=حتى الزيارات ممنوعه الى عمك وخالك
لاوهنيك برفراف الجناح اليوم يالطير=تومي براهي جناحك كلما طاري طرالك
ودي واشوف الشقاوي يمي عيونه مطايير=يقول وين العقل تراني من اصغر عيالك
هو عاقل ولا تعرض بالحياه الـ لاهب الكير=............................................ ..................ومالك هههههه
ههههههههههههههههههههه
صح كلك
لا ماعليك انت، جار المزرعة هضبٍ مزابير=تدوج فالمزرعة واتعسّ فالهضبة ظلالك
ما اشكل علاك النظام الا على قطع المشاوير=وابرك لك، ارتح ووفر صحّتك واحفظ حلالك
وانا ياخوي الكبير ان صار لك عثرات فالسير=لاقام كبر العمر يعثرك في بعض المسالك
حقٍ عليّه ياخوي ابرّ بك وادوّر الخير=واعدّل اشماغك البسّام واعدّل عقالك
وان متت ابدعي لك المعبود في حسن التدابير=وانه يعوّضني بعودٍ يهيّضنا بدالك
خيال مطير
30-03-2020, 07:18 PM
هيه .. هيه .. تراني . خفير ألسجن ....... يولد .. مالي طاري
خيال مطير
30-03-2020, 07:44 PM
أعقلو . لاعقلكم كلكم
جاكم العلم
خيال مطير
30-03-2020, 07:47 PM
صدق سملنق
خيال مطير
30-03-2020, 07:51 PM
بقول الشاعر
ابدا بذكر اللي عليم بالافلاك
الواحد اللي رحمته ما نستني
سبحانه اللي مالك الملك ملاك
جزل العطا واليا عطا الخير يغني
هات القلم بكتب عن احساس وادراك
عن حاجة في خاطري ضايقتني
يابوفهيد اللوم للقوم فككاك
وغيرك ترى لو لامني ما فختني
قالو يقول اللي على الطيب شرواك
من صاحب طبعه على الغير يثني
مخطي وانا مخطيت في ما تهياك
حاولت الملمها وما طاوعتني
طاشت وصرت اجري على مثل الأشواك
واستوقدت نار المعاني وجتني
وازريت اداري بين ذولا وذولاك
ولقيت في درب المسافير متني
واقول انا للي يقولون خلاك
الدرب سلك وخطوتي سابقتني
العلم جاك وياصلك ويتعداك
ما اغير اطباعي ولو عاتبتن
خيال مطير
30-03-2020, 07:54 PM
مل قلب ٍ كل ما غنى المغني
دق هاجوسه وزادت به همومه
والسبب كله وليف ٍ غاب عني
صاحب ٍ فالقلب صاطيت ٍ سهومه
صاحب ٍ زينه بهالدنيا فتني
غاب عني وارمست حتى علومه
والله اني من فراقه والله اني
ساهر ٍ فالليل واراعي نجومه
طول ليلي ساهر ٍ وحدي واوني
والهموم تقول فالصدر معزومه
لا بغيت النوم جني وازعجني
وطير ٍ عن جفني النعسان نومه
ولا بغيت ادله هجوسي ذكرني
ثم خذا فكري مع التفكير حومه
ثم ذكرت ايامي اللي خالفني
يوم كان العز كاسينا هدومه
يوم بالزين والوصل متهني
ما دريت ان الزمن عجل ٍ هجومه
ويا وليفي بنشدك وش جاك مني
الجفا والصد قلي وش لزومه
ما حصل مني خطا واخلفت ظني
الغلا بعته كذا بأخس سومه
روح جعلك من غيابك ما تثني
كيف اخيل البرق لا قفت غيومه
خيال مطير
30-03-2020, 08:13 PM
منوره يالجوهره
فديتك
خيال مطير
30-03-2020, 08:17 PM
https://www.r111n.com/image.php?u=1847&dateline=1536791446
أرحب
خيال مطير
30-03-2020, 08:31 PM
وانت يابو عبيد . يابو عايض ,,
أعقل لاجي أعقلك
ع كثر مانثرت,
ألخيال
ماله طاري
خيال مطير
30-03-2020, 08:43 PM
https://www.youtube.com/watch?v=eSwF6L3YxPA
الجووهره
30-03-2020, 08:53 PM
يامسآء الخير يا كل الأحبه
ويامسآء الطيب والورد وعبيره
المشآعر كلها ورد ومحبه
وانتم احسآس الغلاا من كل ديره
سلطان الغبيوي
30-03-2020, 08:55 PM
https://www.r111n.com/image.php?u=1847&dateline=1536791446
أرحب
البقاء ياخيال
الجووهره
30-03-2020, 08:57 PM
وصحت الالسن
شاعرنا الهوآوي
شآعرناا الغبيوي
وهلا بك شآعرنا الصقري
والله يعينك على الدوآم
ودام تواجدك وحضوورك
ويعطيك العاافيه
خياااال
وتسلم والنور نورك
الجووهره
30-03-2020, 09:07 PM
صاحبي وانت عابر لو يطول الطريق
ساير ايام عمرك ، لو تجي باندفـاع
وابتسم قدّ ماتقدر ، ولا تستضيـق
الزمن ، ضحكتين ودمعتين ووداع
...
الايام تمضي في عجل والزمان يدور
ومن يضمن الليله مايضمن لنا بكره
مادام الليالي مدرسه والصدور قبور
فلا بأس لو نلزم على النفس ماتكره
....
لآ تشتگي والزمن مآيسترك جرحه
والبآب معنآھ في ..قفلھ ومفتآحه
لولآ الحزن مآعرفنآ... قيمة الفرحة
ولولآ التعب مآا عرفنآ قيمة الرآحة
الجووهره
30-03-2020, 09:37 PM
قريباااا
ستعود الحيآة
باذن الله
https://youtu.be/i_Lv3xc-o-4
هزاع محمدالعاصمي
30-03-2020, 09:46 PM
مساء الخير وحيالله الجميع والمسجون هارب ههههه
القلب شكلة نوى الهجران=معادلة في الهوى رده
أعلن التوبة بلى رجعان= ومن الهوى يبغي الصده
كله مشاكل وزود جنان = و مصايبٍ مالها عده
ياورد ياخوي يارمان = قلب العناء باح لك سده
قلب المولع بقا سهران= والدمع يجري على خده
والقلب يشكي من الاحزان=وقال الهوى لعنبوه جده
يارب تجبر عزا الخلان = في غاليٍ ضاع به مده
بتوب برضي عظيم الشان= وقلب العناء قال ماوده
بالتوفيق
ناصر الهواوي
30-03-2020, 09:52 PM
مساء الورد
ابدا بخيال/ انت ينطبق عليك قول حجاب
حاكيناك ولا رديت ام صل والا دعنا/ وبعدين منين لفت بك لك مده مختفي
اهلا ياحفيدي الله يعينكم ويذهب الباس
اهلا يابو زياد وصح لسانك على هالحلوه
اهلا يالجوهره وتسلمين على هالتسالي
السجين ما شيف من دخلته السجن ونجد مالها جس هالايام والنجلاء ما عيناها من مبطي
الله يردهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
اليوم بالنافوخ احس بنغاميش=ويطري علي من العشيه طواري
يسج بي من باب حايل الى بيش=ما ادري ورا زند الهواجيس واري
واحاول اسوي للافكار تنطيش=كني عن الموضوع مانيب داري
وتردني للمشكله ما اعرف ليش=لوحة غلا فيها اتجاهٍ اجباري
ياقلب ما طاوعت من ينصحك ليش=بتصرفك انا اعتبرك انتحاري
يقال راس الضبي ما به عراميش=وتقول هرجك ذا من الصدق عاري
الجووهره
30-03-2020, 10:01 PM
هلا بكم
شآعرنا هزآع
شآعرنا الهوآوي
وصحت الالسن
ودآم حضوركم وابدآعكم
ناصر الهواوي
30-03-2020, 10:03 PM
وش فيك يالعاصمي طفشان=ايام واتزول هالشده
ويكيف العاشق الولهان= والسالفه هاته ووده
امزوح وامداعبة وجدان=تروح بالفكر واترده
وعلمت انا فارس المطران=قلت البطل عندك وغده
وجاني النوم وتصبحون على خير
هزاع محمدالعاصمي
30-03-2020, 11:26 PM
وش فيك يالعاصمي طفشان=ايام واتزول هالشده
ويكيف العاشق الولهان= والسالفه هاته ووده
امزوح وامداعبة وجدان=تروح بالفكر واترده
وعلمت انا فارس المطران=قلت البطل عندك وغده
وجاني النوم وتصبحون على خير
مساء رايق بوجود الجميع
حيوا جوابٍ علي ماهان = الناصر القرم بارده
بالحيل ياصاحبي والهان=ماحب أنا البعد والصده
خلي هجرني وشانه شان= مايرحم القلب ويوده
وانا برجا فارس المطران= هو محزمي ساعة الشده
بالتوفيق
الجووهره
30-03-2020, 11:29 PM
هزآع ، الهوآوي
ابداااااااع
ماشاء الله عليكم
صحت الالسن ودام حضوركم وابداعكم
هزاع محمدالعاصمي
30-03-2020, 11:40 PM
شكري وتقديري للجميع
الله القادر يعدل كل مايل = ورجاء بالله يعدل كل ميله
لاتهمك شمسها ولا القوايل= الصعب دايم يوردك الجميله
ولوتشوف من الزمن كثر الهوايل=الصبر عند الولي أكبر فضيله
اجمل تحية
هزاع محمدالعاصمي
30-03-2020, 11:53 PM
شيء من الغزل ويعطيكم العافية
ياصاحبي جرح الزمن صار معتاد=الموت جرحك مقدر أقول عادي
لجله مسبب داخلي هم وسهاد=وأنا على وصلك من سنين بادي
مافيني أتحمل عنا الوقت وبعاد=معاد أطيق الليل لوكان هادي
غديت انا وياك للهم ميعاد = من سبتك ذقت الألم يا ودادي
اجروحك اللي بيحت قدم وجداد=ماتنتهي دايم جروحك اجدادي
البقية بالعدد القادم
دمتم بكل خير
عبدالله الدّنّيش
31-03-2020, 02:53 AM
يا سلام عليكم كلكم وصحت السنتكم وأبدانكم وطابت ذوائقكم
مرحبا خيال وصح بدنك وين كان محجور عليك .. شكرا على روائعك
والشكر للكل والتحية صباحية ،،
عبدالله الدّنّيش
31-03-2020, 03:01 AM
تسلية للسجين المحجور والمأجور
والخاطر مكسور من هالحجر
والتنفس ضايق من تحت الكمام
وما لنا إلا العبور عبر السطور
وهذي سطور على بحر المكسور
&
ياليل هوّن على هزاع = يجرّ صوته على الكسره
مكسور خاطر وهو ملتاع = من مغرب الليل إلى فجره
يقول جرح الهوى لذّاع = أحرّ من لذعة الجمره
والجرح جدد لي الأوجاع = والصدر ضايق من الزفره
من عام الأول وحالي ضاع = وأنا أنتظر فيزة السفره
يا زين الإعلان بالإقلاع = ويا زينها ساعة النفره
أطير في جو ماله قاع = وأرسل غرامي مع النظره
وأهبط على ساحة الإمتاع = وأكفّن الهم في حفره
هزاع قلي يخو من طاع = طعني على هذي الفكره
وارافقك يا طويل الباع = ونسكب الشعر في سهره
^-^
وسلامتك والناظرين ،،
خيال مطير
31-03-2020, 03:46 AM
تسلية للسجين المحجور والمأجور
والخاطر مكسور من هالحجر
والتنفس ضايق من تحت الكمام
وما لنا إلا العبور عبر السطور
وهذي سطور على بحر المكسور
&
ياليل هوّن على هزاع = يجرّ صوته على الكسره
مكسور خاطر وهو ملتاع = من مغرب الليل إلى فجره
يقول جرح الهوى لذّاع = أحرّ من لذعة الجمره
والجرح جدد لي الأوجاع = والصدر ضايق من الزفره
من عام الأول وحالي ضاع = وأنا أنتظر فيزة السفره
يا زين الإعلان بالإقلاع = ويا زينها ساعة النفره
أطير في جو ماله قاع = وأرسل غرامي مع النظره
وأهبط على ساحة الإمتاع = وأكفّن الهم في حفره
هزاع قلي يخو من طاع = طعني على هذي الفكره
وارافقك يا طويل الباع = ونسكب الشعر في سهره
^-^
وسلامتك والناظرين ،،
وانت سالم وغانمم
صح
لسانك ثم صح لسانك
يالامير
وبيض الله وجهك
خيال مطير
31-03-2020, 03:47 AM
تراني أقشر
ياعلي واقلبي من الموت خايف=ماله عني ياعلي لو صحت واوميت
اثر العجايز ماعليهن حسايف=ياعلـي انـا لاول شبـابي تمنيــت
وين الثمان اللي من اول رهايف=وين القرون اللي عـن الوجه كفيت
لابــد ماتنهج علــوم طـرايف=الا ولاكـني علـى الــدار مــريت
صح لسانها
خيال مطير
31-03-2020, 03:49 AM
ياعبيد راع الجوف سوى الاشده=واقــرد عينه ويــن ودك تغزيه
ياعبيد راع الجوف راعي مكده=لو حارب البدوان ماتت سوانيه
خيال مطير
31-03-2020, 03:50 AM
ياراكب الثنتين وصـف المحالي=مدن من النقره الحايل محيلات
عرماستين امصفيــات الجمالي=عليهن اللي يسهر العين مابات
قل لبنات لابسين الدروع الثقالي=بـنــات زبــن هـيل الرديــات
عز الله انــي ماقضــيت الحوالي=قولـو لهـن ياراكبين المشيحات
بلشت واستبلشت مــني الحالي=ياروزهم روز الهضاب الثقيلات
خيال مطير
31-03-2020, 03:51 AM
ياعبيد (ناهي ) من اطيور الفلاحي=شفي الى انه جاك زعلان ترضيه
يستاهل هجمــة ملــي المراحــي=وقبــا قحوم دب الايام تتلـيه
خيال مطير
31-03-2020, 04:06 AM
صباح الخير ياريم الفلا والقلب لك مشتاق
صباح الورد والجوري صباحك دايمٍ راقي
تذكرت العهود اللي مضت ياسيرة العشاق
تذكرتك بعد غاب القمر والشمس بإشراقي
أنا قلبي بحر والحب موجٍ مايضيق .. آفاق
ودمي حبر للذكرى يسطر بيض الاوراقي
وحبك في خفوقي كالفضاء للعاصفه ما ضاق
وحبي في خفوقك لو ذبل .. فالحب لك باقي
ابشكي لك واببكي لك .. فراقك صار ماينطاق
وأنا لك وأنت لي ماسمح خروجك خارج نطاقي
بكيت وهلت (أ)دموعي كفاية ياغلاي (أ)فراق
دموعي شمعةٍ ذابت .. تعودتي على فراقي !
ابتطمن عليك القلب بعدك يالغلا ما راق
خفوقي يرتجف رجف الرعود ولمع براقي
ليا من مرني طيفك اجي صوبك واحث الساق
وفجأة يختفي كنه سرابٍ .. عثّر الساقي
نقشت اسمك على قلبي قبل لاتعرف الأوراق
ملكتي قلبي اصبح لك وحتى تفنى الأعناقي
انا في بحرك الهادئ اسير الحب والأشواق
وتلعبي على ماتشتهي لأمواج الأشواقي
وفكري ياوليفي لإتجاهك دايمٍ ينساق
وفي لمح البصر واسرع تجاه الريم لحاقي
أحبك وأعشقك وأهواك أحبك حب (م)الأعماق
ويجري في شراييني مع دمي وبأعماقي
https://www.alsh3r.com/files/imgs/200x225/logo/nlogo.png
ناصر الهواوي
31-03-2020, 11:21 AM
الله يصبح الجميع بالصحه والعافيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
مع الهواء خضر الجرايد تمايل=وانا لذاك العصر ياهاجسي ملت
بالذاكره كم له رسوم ودايل=عين الوحش والخد ومشابه الصلت
وتنوش زاميِّ الردوف الجدايل=وقل لاتقبلته على الله توكلت
حصري عليه الملح والزين هايل=من العزاير منه ياما تحملت
البخل عيبٍ فيه ما من نوايل=ولاهو خلي من الكرم لو تأملت
في همسته بلسم كبودٍ علايل=ويجلى عماسك لو بشوفه تكحلت
تقطعت عنه السبل والوسايل=لو قلت به ديون ما كنني قلت
الجووهره
31-03-2020, 12:14 PM
مسآء الخير
شآعرنا هزآع
صح لسآنك ودآم حضورك وابدآعك
وبانتظار العدد القآدم
ههههههه
شآعرنا الهوآوي
صح لسآنك ودآم حضورك وابدآعك
خيال مطير
31-03-2020, 12:17 PM
صح الله السنتكم جميع
قال طبيب فرنسي يدعى باتريك بيلو ، إن فيروس كورونا المستجد يمكنه البقاء على شعر اللحية أو الشارب لمدة عدة ساعات بعد العطس أو السعال، وعليه فإنه ينصح بحلق الوجه كلية.
وأوضح في مقابلة أجرتها قناة بي أف أم الفرنسية ، أن اللحية قد تتحول الى ملاذ آمن للبكتيريا والفيروسات إذا لم يتم غسلها بالماء والصابون بشكل منتظم.
كما أن الشعر يدفع إلى لمس الوجه وحكه وهو ما لا تنصح به الأطباء حاليا ، بحسب وكالة مونت كارلو الدولية .
هذه النصائح لم تمنع شخصيات عامة من الإبقاء على الشارب واللحية، مثل رئيس الوزراء الفرنسي إدوار فيليب ولا حتى عالم الفايروسات ديدييه راؤولت الذي اشتهر هذه الأيام بترويجه لدواء قد يشفي من الكوفية-١٩. وفي كلا الحالتين تترجم اللحية جانبا من شخصية الرجلين.
قد لا يجد الملتحون، الجالسون في بيوتهم التزاما بالحجر الصحيح، مبررًا لحلق اللحية لكنها باتت ضرورية لدى المرضى والطواقم الطبية في المستشفيات لأسباب صحية واضحة وكذلك للتمكن من ارتداء الكمامة بشكل مناسب للحيلولة دون تسرب الفيروس إلى الأنف والفم.
حلق لحيتك يابو عبيد . خلك أملط وحلق شنبك
الجووهره
31-03-2020, 12:33 PM
هههههههه
والله مشكله هالمعلوومه
صعب تطبيقهاااا
الجووهره
31-03-2020, 12:34 PM
تسليه ونصيحه
ثنتين لو مهـما حصل لا تجي فيك
كـره الـرفيق .. وحـب مـن لا يـودك
والثالثة كانـك تبي النـاس تعطيك
مكانتك .. فاعرف مع الناس حدك
هزاع محمدالعاصمي
31-03-2020, 01:21 PM
مساء الخير على عجله والقصد التواصل معكم لاتقولون سجين وهارب هههههههههه
ياظريف القد يالطرف الخجول=شوف حبك وسط قلبي انتشا
خلك بوصلي على طول مهبول = قلبي بحبك تمادى وحتشا
المشاعر في هوى مثلك تجول =حالي بعدك بربي ما رتشا
وبس
دمتم بخير
ناصر الهواوي
31-03-2020, 02:16 PM
الله يغربلك ياخيال ما فيك فود=الناس متقدمه بس انت ترجع ورا
بسرع تقنع لما قالوا خوان القرود=وشيبت ما اقنعك مالك قال خير الورا
مقبول انا من قبل ما اتخالط البيض سود=ومومن بما قدر الباري علي وجرا
والا انت دبه وبك كحه ويمكن تزود=لو الكرونا تصيبك جيب ابوك انفرا ههههههه
خيال مطير
31-03-2020, 02:59 PM
الله يغربلك ياخيال ما فيك فود=الناس متقدمه بس انت ترجع ورا
بسرع تقنع لما قالوا خوان القرود=وشيبت ما اقنعك مالك قال خير الورا
مقبول انا من قبل ما اتخالط البيض سود=ومومن بما قدر الباري علي وجرا
والا انت دبه وبك كحه ويمكن تزود=لو الكرونا تصيبك جيب ابوك انفرا ههههههه
ههههههههه هههههههههه هههههههه
صح لسانك يابو عبيد
أنا أدور ألاجر
تقبل ألنصيحه , أقبلها
أنا أقووووول أحلق لحيتك
والله محد درا عنك
خيال مطير
31-03-2020, 03:10 PM
مع الهواء خضر الجرايد تمايل
وانا لذاك العصر ياهاجسي ملت
بالذاكره كم له رسوم ودايل
عين الوحش والخد ومشابه الصلت
وتنوش زاميِّ الردوف الجدايل
وقل لاتقبلته على الله توكلت
حصري عليه الملح والزين هايل
من العزاير منه ياما تحملت
البخل عيبٍ فيه ما من نوايل
ولاهو خلي من الكرم لو تأملت
في همسته بلسم كبودٍ علايل
ويجلى عماسك لو بشوفه تكحلت
تقطعت عنه السبل والوسايل
لو قلت به ديون ما كنني قلت
صح لسانك يابو عبيد ,,
خيال مطير
31-03-2020, 03:38 PM
القلب شكلة نوى الهجران=معادلة في الهوى رده
أعلن التوبة بلى رجعان= ومن الهوى يبغي الصده
كله مشاكل وزود جنان = و مصايبٍ مالها عده
ياورد ياخوي يارمان = قلب العناء باح لك سده
قلب المولع بقا سهران= والدمع يجري على خده
والقلب يشكي من الاحزان=وقال الهوى لعنبوه جده
يارب تجبر عزا الخلان = في غاليٍ ضاع به مده
بتوب برضي عظيم الشان= وقلب العناء قال ماوده
أعقل أعقل يابو محمد وصح لسانك
ياليل هوّن على هزاع = يجرّ صوته على الكسره
مكسور خاطر وهو ملتاع = من مغرب الليل إلى فجره
يقول جرح الهوى لذّاع = أحرّ من لذعة الجمره
والجرح جدد لي الأوجاع = والصدر ضايق من الزفره
من عام الأول وحالي ضاع = وأنا أنتظر فيزة السفره
يا زين الإعلان بالإقلاع = ويا زينها ساعة النفره
أطير في جو ماله قاع = وأرسل غرامي مع النظره
وأهبط على ساحة الإمتاع = وأكفّن الهم في حفره
هزاع قلي يخو من طاع = طعني على هذي الفكره
وارافقك يا طويل الباع = ونسكب الشعر في سهره
صح لسانك عبودي
خيال مطير
31-03-2020, 03:54 PM
عاجل اليوم
أعلن المتحدث الرسمي لوزارة الصحة الدكتور محمد العبدالعالي عن تسجيل 110 حالات جديدة مصابة بفيروس كورونا، بالمملكة مشيراً إلى أن 108 حالات كانت بسبب المخالطة.
كما أعلن العبدالعالي عن تسجيل حالتين وفاة جديدة بفايروس كورونا بالمملكة.
وأضاف العبدالعالي: تم شفاء 50 حالة من فيروس كورونا لتصل حالات التعافي إلى 165 .
وأوضح أن إجمالي حالات الإصابة بفايروس كورونا بالمملكة 1563 حالة، من بينها 31 حالة حرجة ، بينما وصل عدد الحالات المصابة بفيروس كورونا في العالم 801 ألف وعدد المتوفين 38 ألف حالة .
سلطان الغبيوي
31-03-2020, 03:54 PM
السلام عليكم
صحت ابدانكم فيما سبق
ــــــــــــــــــــــــــــــــــــــــــــــــــ ــــــــــــــــــــــــــــــــ
ابو عبيد صح لسانك ولا تميل واجد هههههههههههههه
العاصمي صح لسانك مبدع
خيال صح نشاطك
الجميع من الاخوات لاهنتوا
والليلة موعدنااااااااااا
تحياتي وتقديري
خيال مطير
31-03-2020, 04:36 PM
السلام عليكم
صحت ابدانكم فيما سبق
ــــــــــــــــــــــــــــــــــــــــــــــــــ ــــــــــــــــــــــــــــــــ
ابو عبيد صح لسانك ولا تميل واجد هههههههههههههه
العاصمي صح لسانك مبدع
خيال صح نشاطك
الجميع من الاخوات لاهنتوا
والليلة موعدنااااااااااا
تحياتي وتقديري
الله يحفظك . وين ماكنت , منور .. منتدانا يالغالي
وتراك معذور
الله يحيييك ويبقيك
خيال مطير
31-03-2020, 04:38 PM
الله يحفظك . وين ماكنت , منور .. منتدانا يالغالي
وتراك معذور
الله يحيييك ويبقيك
لاتنسى موعدنا الليله
ناصر الهواوي
31-03-2020, 09:18 PM
هلا مرحبا بك يالغبيوي بلا معياد=على ويش يارجال ذالليل تو عدنا
لو اميل انا ما اطيح لي قاعده واوتاد=مجرد ما ناصل راس مقاوسنا عدنا
قل لي ما تشا والقاه لااصبحت يابو زياد=ان ما زاد عن ما تطلبه ما اهقاه ادنا
حنا ساده وسلم الهوى شدنا باسياد=وليا مادة ارض الغي من فوقها مدنا
ولا كل مسرع مرك منويٍ بابعاد=ولا كل متودد لمن يعشقه يدنا
خذ الحكمه من افواه المجانين واحذر عاد=تسولف بجد بقافك ولا تعاندنا
انا اتعب بتقطيع الفسايل كما المعتاد=لو انك اقريب قلت سير وساعدنا
ههههههههههههههههههه=ههههههههههههههههههه
ناصر الهواوي
31-03-2020, 09:20 PM
ارحب يالخيال وصح بدنك ولاهنت انت شمعة السجن اللي ما شبوا فتيلتها هههههههههههه
امزح
ناصر الهواوي
31-03-2020, 09:32 PM
اهلا يالجوهره وصح بدنك
ارحب يابو محمد وصح الله لسانك
.................................................. ...
حيل الله اقوى ههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
خيال قل للشقاوي كان بعدي لفا=طبعه يحب السهر وانا ما احب السهر
ان كان ما قلت يابو زياد لك ما كفا=انطرني الصبح وانا واردٍ لي نهر
وختامها ياعرب صلوا على المصطفى=اعداد ما لف عقرب ساعتي في دهر
مجرد خاتمه
وتصبحون على خير وحفظ من الباري
محمد الغنامي
31-03-2020, 10:34 PM
السلام عليكم ورحمة الله وبركاته
الله يسعد مساكم بكل خير
شعراء وشاعرات متذوقين ومتذوقات
صحت الالسن والاذوااق والحضور الجميل
العاصمي والهواوي والدنيش وسلطان وخيال والصقري والجوهره والمهره
واعتذر ان سقط اسم احد بغير قصد
مبدعين مبدعين ولاهو غريب عليكم هذا شي مخبور فيكم
بس السجين منهو يالربع
خيال مطير
31-03-2020, 11:54 PM
السلام عليكم ورحمة الله وبركاته
الله يسعد مساكم بكل خير
شعراء وشاعرات متذوقين ومتذوقات
صحت الالسن والاذوااق والحضور الجميل
العاصمي والهواوي والدنيش وسلطان وخيال والصقري والجوهره والمهره
واعتذر ان سقط اسم احد بغير قصد
مبدعين مبدعين ولاهو غريب عليكم هذا شي مخبور فيكم
بس السجين منهو يالربع
أرحب أرحب يابو بندر , منور يالامير , ألسجن مافيه أحد , كان هزاع فيه , واطلقنا صراحه ,
المهم
اليوم انا نظفت السجن انا والورعان , جبت فليــــــــــــت , وديتول , وحطيت فيه برميل ديزل , وقفلته ,
جاك العلم
وابشرك يابو بندر , أبو عبيد حلق لحيته وشاربه , خوفاً من كرونا الله لايبلانا
ههههههههه ههههههه
خيال مطير
01-04-2020, 12:02 AM
اهلا يالجوهره وصح بدنك
ارحب يابو محمد وصح الله لسانك
.................................................. ...
حيل الله اقوى ههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
خيال قل للشقاوي كان بعدي لفا=طبعه يحب السهر وانا ما احب السهر
ان كان ما قلت يابو زياد لك ما كفا=انطرني الصبح وانا واردٍ لي نهر
وختامها ياعرب صلوا على المصطفى=اعداد ما لف عقرب ساعتي في دهر
مجرد خاتمه
وتصبحون على خير وحفظ من الباري
تلقى خير يالغالي
وصح لسانك يالامير
محمد الغنامي
01-04-2020, 12:20 AM
هههههههههههه ارحب ارحب ياخيال
وش حالك عساك بخير وش حال ورعانك
بشرني عساك ماعاد تروح للمزرعه وزيت الزيتون ماعاد تمرخ به هههههههههههههههه
خيال مطير
01-04-2020, 05:58 AM
هههههههههههه ارحب ارحب ياخيال
وش حالك عساك بخير وش حال ورعانك
بشرني عساك ماعاد تروح للمزرعه وزيت الزيتون ماعاد تمرخ به هههههههههههههههه
بخير يوجه ألخير ,, أبد لاروح .. ولاأجي . المنافذ كلها مسكره ,
وزيت الزيتون الاصلي , ماعاد تلقاه ,
عندي زيت مغشوش , كل ماتمرختبه .. حطيت حرتي , في ابو عبيد , مدري كيف متحملني ههههههه
https://www.youtube.com/watch?v=Hseu2nzD0f8
خيال مطير
01-04-2020, 06:04 AM
صباح يبتدي منك
لأنك نسمته اللي تسود
صباح يحتويه الكون
لأنك فيه انت موجود
صباحك أضحوكة طفل استقبلها بجنون الحب
صباحك اشتياق العاشقين وصبر المغرمين
صباحك حب برائحة الياسمين
صباحك إني أحبك أحبك أكررها بالملايين
عساك بخير
جيت أصبحك بالخير
ياخير هالدنيا ومنبع حلاها
يافخرها يافرحها والتباشير عساك بخير
خيال مطير
01-04-2020, 06:09 AM
https://www.youtube.com/watch?v=bZFsqqwWvyU
ناصر الهواوي
01-04-2020, 10:57 AM
اهلا يابو بندر وصح بدنك خيالنا ماهو بسهل صاير يتهجم ويجيب علوم مبر سنعه عندي وانا ابو هندي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
خيالنا يابو بندر صايرٍ فيه طيش=من جية كرونيا يلوي علي خشته
كنت احسب انه براءه واثر قلبه غشيش=عنه اتغافل واثر سماحتي غشته
هالاجودي نابتٍ له تالي الوقت ريش=وبالريش يبي المطير ويابعد نشته
هذا اللقب كيف اجازه للخفير الدويش=وهو فارسٍ كم يده من فارسٍ طشته
ومن بعدها الله على اللي لشتغاله نشيش=وارد حفيزه غطا طل البحر رشته
ابي ليا جا براسي قول وش به وليش=مطلوبي اللي لها دزيت ما مشته
ينتل بي للبلد هذاك كنه خريش=الهيعله للعشا توحيه مع دشته
اما حصل مع عصير التوت وجبة جريش=والا رجع يشكي من الجوع ما عشته
ناصر الهواوي
01-04-2020, 11:16 AM
مداعبه وتسليه للسجين
السجن فيه الشليخي ما انطلق له سراح=محكوم بالجرم عشر ايام كيف اطلقه
وانا اتحرا البيوت النادرات القراح=تصبح وتمسي بجو احلامه محلقه
يشكي ورودٍ مسببةٍ بقلبه جراح=ويبكي على اللي بنشاب الرمش علقه
يبي المراح وكرونا ما ترك له مراح=وقلبه سيوف الغرام بحدها اتشلقه
ياما نصحته لكن العاصمي ما استراح=يقول سمعي عن اللي ينصح امغلقه
خيال مطير
01-04-2020, 04:00 PM
اهلا يابو بندر وصح بدنك خيالنا ماهو بسهل صاير يتهجم ويجيب علوم مبر سنعه عندي وانا ابو هندي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
خيالنا يابو بندر صايرٍ فيه طيش=من جية كرونيا يلوي علي خشته
كنت احسب انه براءه واثر قلبه غشيش=عنه اتغافل واثر سماحتي غشته
هالاجودي نابتٍ له تالي الوقت ريش=وبالريش يبي المطير ويابعد نشته
هذا اللقب كيف اجازه للخفير الدويش=وهو فارسٍ كم يده من فارسٍ طشته
ومن بعدها الله على اللي لشتغاله نشيش=وارد حفيزه غطا طل البحر رشته
ابي ليا جا براسي قول وش به وليش=مطلوبي اللي لها دزيت ما مشته
ينتل بي للبلد هذاك كنه خريش=الهيعله للعشا توحيه مع دشته
اما حصل مع عصير التوت وجبة جريش=والا رجع يشكي من الجوع ما عشته
صح لسانك يابو عبيد ..
وانا والله ودي , تشوف الرد من أبو بندر
أنا ردي أقشر ومشغول
شوي بالليل , أبي اتمرخ بزيت الزيتون , ولي معك علم
جاك ألعلم
خيال مطير
01-04-2020, 04:03 PM
وردوا لخضر النمش بالكون دوشاني
وخلي الجنايز خلاف الذود مرجوده
وخلي على ساقة الخلفات عبطاني
الذيب ياكل ثنايا الديد وخدوده
خيال ~
هذا اللقب كيف اجازه للخفير الدويش=وهو فارسٍ كم يده من فارسٍ طشته
خيال مطير
01-04-2020, 04:10 PM
والله مدري يابوعبيد , انت من يوم حلقت لحيتك وشاربك , ذاااااااال .من كرونا وانت متغير
علينا
أعقل أعقل
تراني أقشر ,
جاك العلم
https://www.youtube.com/watch?v=kJjAxZ079vk
خيال مطير
01-04-2020, 04:14 PM
الشوق في قلب الهواوي غريـزه
صبّح على قلبي .. وبـ الحب مسّه
شعوري بـ فقدان حاجه .. عزيزه
هذا الشعور الي .. ما ودي احسه
خيال مطير
01-04-2020, 04:19 PM
يقول ابو عبيد
احاول انسى ما مضى دون جدوى=الا اذكر اللي فات والحاضر انساه
من طيب حظ او صار بالحظ ردوى=والا العقل طاوع هوى القلب واغداه
حمام ياللي لك بالاغصان شدوى=اللي بقى من صبر نوحك تمالاه
بالله اجب يالورق هالنوح عدوى=ووش لو سمحت علاقة النوح بالآااااه
مالي جرى لعيونه السود فدوى=ولو مارضي به باقي العمر يفداه
خيال مطير
01-04-2020, 04:23 PM
ويقول أيضاً
,,,,,,,,,,,,,,,,,,,,,,, في العدد القادم
الناقد/عبدالله الروقي
01-04-2020, 04:37 PM
^^
أهلا وسهلا ومرحبا بناقد الغايب الحاضر وعز الله أن لك فقده
وسلامات أبو محمد وما تشوف شر والحمد لله ع السلامة
وصح لسانك وما عليك زود .. ههه أشوى يوم أنك نقلت القصيدة
ما نقدتها فنيا أو نشت عن مدفونها .. علما أننا نطمع ونطمح في
نظرتك النقدية الأدبية ولو باللفتة السريعة لعلمنا أن وقتك لا يسمح .
&
إستيضاحك طال عمرك والحاضرين عن كلمة ( قَيْفْ ) هي كلمة دارجة
عندنا في المنطقة ويمكن في أغلب مناطق الجنوب ، وكلمة قيف
تطلق على مجموعة الوفد لحضور مناسبة زواج أو عزاء أو صلح ألخ
من قبيلة إلى قبيلة أو حتى من قرية لقرية .. ولا أدري عن أصلها
في العربية ولكنها توحي عند إستخدامها بصيغة مبالغة للوفد أو
أهالي القبيلة .. وبعض شعراء المناسبات المشهورين بمقابلة وفود
القبائل ويكون للشعر مجاله سواء بالعرضة أو النظم .. يطلق عليه
( شاعر قيف ) أي شاعر قبيلة .
أتمنى أن أوضحت بعض ما تريد .. وسلامتك أبو محمد
الله يسلمك ياأبا عامر ويبارك فيك
تو شفت هالرسالةالجميلة وجزاك الله خير على التوضيح الجميل
والله يسلمك ويعافيك
خيال مطير
01-04-2020, 04:45 PM
الله يسلمك ياأبا عامر ويبارك فيك
تو شفت هالرسالةالجميلة وجزاك الله خير على التوضيح الجميل
والله يسلمك ويعافيك
يارساله عزيزه ودي اقراها ...بس يالاسف خانتني اعصابي
صارلي مدت وانا اتحراها.... من وليف عليه القلب منصابي
هو كتبها وعنونها وقراها ....وانتظرني شهر ما رد من مابي
واعتبرني مقصر يوم وداها ...مادرى اني حرقت الخط من مابي
لا قريته لواني نثرت ماها.... قالت الخط مرسول من احبابي
خلها تمشي الدنيا بمجراها ... لا يجي جرح ينقذ جرح معطابي
الناقد/عبدالله الروقي
01-04-2020, 04:49 PM
ههههه
حثني بيت للشاعر سلطان اللي ذكر فيه غسيل المواعين
ومهنة الناقد الفنية .. والتي سنمارسها كلها والبركة في
العمة كورونا .. لا بارك الله فيها ،،سوّت لي لخبطة كمن دخل
المطبخ ولخبط وطلعت كبسة معغوسة .. المهم إقبلوها بعلاتها
وسلامتكم من الكركرونا يعني كركركركركر ههه
^^
سبحان من خوّف عباده بفيروس = حتى النظر ما يكشفه من دقاقه
غزى بنادم والمضارب على الروس = والأدمي ما عنده إلا الكمامه
ما هاب م أمريكا ولا قوة الروس = ولا جيوش الأرض وإلا نظامه
والصين مع قواتهم حاسهم حوس = وإيران فيها ( قم ) راحت قمامه
والناس من شهرين عاشت بكابوس = حتى المساجد ماتقوم الإقامه
الحل ضايع حيل والحال ميئوس = والمختبر والعلم ضاعت علامه
والعلم عند اللي خلقنا ، ومدروس = سبحانه الوالي بمحكم كلامه
عليه فوضنا أمر غايب ومحسوس = وليا توكلنا بلغنا مرامه
والشر بعض أحيان بالخير مدسوس = عسى يكون الخير في طي خامه
واللي يقول إنه في البيت محبوس = يا فرحة أهله مثل صيد الحمامه
صادوه في بيته معزز ومحروس = وينعم ويتنعّم مثيل النعامه
قم يا حبيبي سو شاهي ومكبوس = وأغسل قدور الطبخ يا بو دلامه
تقوله اللي قلبها دوم مفحوس = ما أشوفه إلا غير لا جا منامه
وبعض العرب ناقد ولا يمسك الموس = خلووه يتعلم فنون الحلاقه
يا ذي الكرونا هلوسة قافتي هوس = أثارني لخبطت قاقه ومامه
^^
وخليكم بالبيت . ولا أحد يسأل جيت وإلا ما جيت
هههه صح لسانك يابو عامر رائعة من روائعك
خيال مطير
01-04-2020, 04:51 PM
طاروق رائع بين الشاعر هداج والشاعر وهاج
هداج:
ي سلام الله سلامً كنه البشت الحساوي
مايجي فوق المتون القاصرات ولاتحتها
دارت الدنيا على وهاج من كل النحاوي
والله اعلم في النجوم المرقبه ويش اخرتها
وهاج:
مرحبا ترحيبةً لاحت كما البرق السناوي
والبروق اللي تشوق العين يالله ببركتها
دارت الدنيا وانا والياس في ضل الرجاوي
وانت في ضل الغصون اللي تشبّعك ثمرتها
هداج:
ماني بناشدك عن ناتج حسابك كم يساوي
من تعرض للجيوش الجايشه ذاق غبرتها
في زمانً فيه بنت ادم وحوى ماتحاوي
جا ولدها مع طريق بقيق ينقل سالفتها
وهاج:
العطاوي يسرج المهره لجل مبسم مضاوي
بس انا اسرجها ليا بانت من العين اعبرتها
السوالف قالها الفقري ع لسان الغناوي
الصحافه داولتها والايادي بهرتها
هداج:
انت مثل العين تحت الرمش مانته بالعطاوي
العطاوي لاغزوه القوم يلعن طايفتها
مصدر الفتوى على الاجرام لايصدر فتاوي
فتوة الاجرام نعرف متجهها من جهتها
وهاج:
الغزاوي ماكسبتوا منها غير البلاوي
لا تعيد الذكريات اللي تغثك ذاكرتها
كل سيف املح يوردنا ع العد الرهاوي
لاتصدق ترجمة ناسً تضرك ترجمتها
هداج:
علقو صفحة جروح العام في كف المداوي
لين يعطيكم ختوم المحكمه ي خاتمتها
الشواويه تشد اعصابها من شاه شاوي
لو بني مره تشب النار تبطي ماشوتها
وهاج:
ينقل الراوي سواليفه حسب منقول راوي
السنً لامن بدت زرق السوالف مانهتها
ياعتيبه ما جهلنا في المقيم وفي الجلاوي
كل ديره تسمع العالم دوادي شايعتها
الناقد/عبدالله الروقي
01-04-2020, 04:56 PM
ههههههههههههههههههههه
صح كلك
لا ماعليك انت جار المزرعة هضبٍ مزابير=تدوج فالمزرعة واتعسّ فالهضبة ظلالك
ما اشكل علاك النظام الا على قطع المشاوير=وابرك لك، ارتح ووفر صحّتك واحفظ حلالك
وانا ياخوي الكبير ان صار لك عثرات فالسير=لاقام كبر العمر يعثرك في بعض المسالك
حقٍ عليّه ياخوي ابرّ بك وادوّر الخير=واعدّل اشماغك البسّام واعدّل عقالك
وان مت ابدعي لك المعبود في حسن التدابير=وانه يعوّضني بعودٍ يهيّضنا بدالك
صح لسانك ياسلطان على الرائعة
فكاهية جميلة
إن شاء الله يعافيكم الله كلكم من كورونا
خيال مطير
01-04-2020, 04:57 PM
أرحب أرحب يالناقد
خيال مطير
01-04-2020, 04:59 PM
يا ناقد الشاعر تمهّل على الهون
قدامك طويق الشعر ما قويته
والنقد له مبدا وقيمة وقانون
وإن كان جاني من خبير ارتضيته
ما هو كلامٍ قلت والناس يحكون
في نقدك اللي دون معنى حكيته
تعال يمّي قول ما هم يقولون
عشان افيدك يوم علمك لقيته
والنفع متبادل بلا شك وظنون
كم واحدٍ جاني بحاجة وجيته
بس البلا من كل حاسد ومغبون
اللي تبلّاني وأنا ما بليته
أحدٍ يشجعني على كل مضمون
وأحدٍ يهدّم حلم مبطي بنيته
أرقى مع اللي للشواهيق يرقون
والدرب مهما كان عسرٍ مشيته
وأطلب من الله دايم المد والعون
ولا فيه من خلق الله اللي رجيته
الناقد/عبدالله الروقي
01-04-2020, 05:03 PM
هلا مرحبا بك يالغبيوي بلا معياد=على ويش يارجال ذالليل تو عدنا
لو اميل انا ما اطيح لي قاعده واوتاد=مجرد ما ناصل راس مقاوسنا عدنا
قل لي ما تشا والقاه لااصبحت يابو زياد=ان ما زاد عن ما تطلبه ما اهقاه ادنا
حنا ساده وسلم الهوى شدنا باسياد=وليا مادة ارض الغي من فوقها مدنا
ولا كل مسرع مرك منويٍ بابعاد=ولا كل متودد لمن يعشقه يدنا
خذ الحكمه من افواه المجانين واحذر عاد=تسولف بجد بقافك ولا تعاندنا
انا اتعب بتقطيع الفسايل كما المعتاد=لو انك اقريب قلت سير وساعدنا
ههههههههههههههههههه=ههههههههههههههههههه
لو انك اقريب قلت سير وساعدنا
هههه صح لسانك يامبدع
الناقد/عبدالله الروقي
01-04-2020, 05:10 PM
أرحب أرحب يابو بندر , منور يالامير , ألسجن مافيه أحد , كان هزاع فيه , واطلقنا صراحه ,
المهم
اليوم انا نظفت السجن انا والورعان , جبت فليــــــــــــت , وديتول , وحطيت فيه برميل ديزل , وقفلته ,
جاك العلم
وابشرك يابو بندر , أبو عبيد حلق لحيته وشاربه , خوفاً من كرونا الله لايبلانا
ههههههههه ههههههه
خيال حياك الله يارائع وصح لسانك على مشاركاتك السابقة!
أفا يابو عبيد أنت حالقٍ لحيتك وشاربك؟هههه
أما ادحض الشبهة أو تحمل مايجيك
خيال مطير
01-04-2020, 05:16 PM
خيال حياك الله يارائع وصح لسانك على مشاركاتك السابقة!
أفا يابو عبيد أنت حالقٍ لحيتك وشاربك؟هههه
أما ادحض الشبهة أو تحمل مايجيك
شوف عيني يالناقد اللي يبي ياكلها الدود ,, حلق لحيته وشنبه , ووصاني , يقول ياخيال , لاحد يدري , طلع كنه . شمس نصري الدين الله يرحمه هههه ههههه
ناصر الهواوي
01-04-2020, 05:24 PM
يصير خير بكره ان شاء الله
هزاع محمدالعاصمي
01-04-2020, 05:27 PM
وش فيك يالعاصمي طفشان=ايام واتزول هالشده
ويكيف العاشق الولهان= والسالفه هاته ووده
امزوح وامداعبة وجدان=تروح بالفكر واترده
وعلمت انا فارس المطران=قلت البطل عندك وغده
وجاني النوم وتصبحون على خير
مساء رايق بوجود الجميع
حيوا جوابٍ علي ماهان = الناصر القرم بارده
بالحيل ياصاحبي والهان=ماحب أنا البعد والصده
خلي هجرني وشانه شان= مايرحم القلب ويوده
وانا برجا فارس المطران= هو محزمي ساعة الشده
بالتوفيق
ودي يشوفها خيال
خيال مطير
01-04-2020, 05:31 PM
يصير خير بكره ان شاء الله
أبو عبيد . تعال تعال , أنا ماقلت شي , أنا من اليوم أمدحك ,
بس ألناقد , مهو مظبوط .. يجيب شي أنا ماقلته ههههههه هههه
خيال مطير
01-04-2020, 05:36 PM
مساء رايق بوجود الجميع
حيوا جوابٍ علي ماهان = الناصر القرم بارده
بالحيل ياصاحبي والهان=ماحب أنا البعد والصده
خلي هجرني وشانه شان= مايرحم القلب ويوده
وانا برجا فارس المطران= هو محزمي ساعة الشده
بالتوفيق
ودي يشوفها خيال
ههههههههههه ههههههههه
أبشر بسعدك
وصح لسانك ,يالامير
سلطان الغبيوي
01-04-2020, 06:48 PM
هلا مرحبا بك يالغبيوي بلا معياد=على ويش يارجال ذالليل تو عدنا
لو اميل انا ما اطيح لي قاعده واوتاد=مجرد ما ناصل راس مقاوسنا عدنا
قل لي ما تشا والقاه لااصبحت يابو زياد=ان ما زاد عن ما تطلبه ما اهقاه ادنا
حنا ساده وسلم الهوى شدنا باسياد=وليا مادة ارض الغي من فوقها مدنا
ولا كل مسرع مرك منويٍ بابعاد=ولا كل متودد لمن يعشقه يدنا
خذ الحكمه من افواه المجانين واحذر عاد=تسولف بجد بقافك ولا تعاندنا
انا اتعب بتقطيع الفسايل كما المعتاد=لو انك اقريب قلت سير وساعدنا
ههههههههههههههههههه=ههههههههههههههههههه
ههههههههههههههههههههههههههههههه
صح كلك ودي اوعدك اني ما عاد اتعرضك في حدود الوزن والقافية لكن ما اضمن قريحتي ههههه
والبيت الاخير شوقني وخلاني اكتفي به رغم خطورته هههههههههههههههه
تحياتي واشواقي يا هاك الديار واهلها
خيال مطير
01-04-2020, 09:14 PM
https://www.youtube.com/watch?v=smuFfKUoQTY
خيال مطير
02-04-2020, 12:48 AM
https://pbs.twimg.com/media/BlxYAOrIIAAjBBq?format=jpg&name=medium
اه لو اعرف باقيها
ويرحم شاعرها
خيال مطير
02-04-2020, 12:57 AM
https://www.youtube.com/watch?v=yIUTIkCMLKE
شمال غرب عفيف , بس وين مثلثه عنه
الجووهره
02-04-2020, 01:29 AM
يسعد صبآحكم وكل أوقآتكم
وصحت الالسن والاذوآق
ودآم حضوركم الجميل وابدآعكم
الجووهره
02-04-2020, 01:45 AM
تسآلي آخر الليل
عسى الله يجيب الخير ويحقق الامال
مدام السنين بحكمة رضاه ملحوقه .
....
قالـوا سـهر ، قلـت السهر مـبتلينا
قالو قهر، قلت القهر في المعاليق
قالوا بكى، قلـت البكـي ما بكينا
الا مـن الاشواق والبعد والضـيق
....
ما بقى لي من احبابي سوا الذكريات ،
ليت بعض ... الليالي : ( طولت بالها ) !
....
الضيقه الي وافقت / يوم فرقاك ؟
منها دريت اني ماعمري تضايقت
حفظت اماناتك وطيفك , وذكراك
الـي تسـليني ... ليّـا مني اشتقـت
ان كنت مستغرب عشان اتحـراك
حتى انا مستغرب , شلون فارقت !
وكانك تحس اني مع الوقت بنساك
انا احس انك .. بترّجع مع الوقت
وبس والله
سلااامتكم
خيال مطير
02-04-2020, 01:55 AM
تسآلي آخر الليل
كتبت من جـزل البيـوت البديعـه=اجمل معاني نابعه مـن أحساسـي
نقيتها عـن كـل كلمـه وضيعـه=بنات فكري جابـن اللـي براسـي
شاعر ومتمكـن واحـب الطليعـه=وللمرجله عندي طموح وحماسـي
طيبـي ورثتـه ماخذيتـه وديعـه=من ابوي واعمامي وجدي وساسـي
اخذت حـب النـاس فينـي طبيعـه=ارضي محبيني وربعـي وناسـي
واصبر ولو صبري عجزة استطيعه=لو شفت بالدنيا همـوم ومآسـي
يابنت أنا رجل ماأحـب الهزيعـه=ولآ نزلت صكـات الآيـام راسـي
ياهيه يـاراع العيـون الوسيعـه=ياابو شعر خمري على المتن كاسي
ياجوهره وسط الحصـون المنيعـه=معدن ذهب ماهو بمعـدن نحاسـي
حبك حكم قلبـي ونفسـي مطيعـه=عزالله أن حكمك على القلب قاسـي
وداعتك كانـك تحفـظ الوديعـه=تكفى قبـل لاينقطـع منـك ياسـي
قلب صفالـك بـا الغـلا لاتبيعـه=وهو أعتبرك بدنيته شـئ أساسـي
خيال مطير
02-04-2020, 03:04 AM
قصة القصيدة
انه كان لإبراهيم بن منصور الكنعاني - من شعراء عنيزة - سامرته مشهورة، وفيها من عجيب المعاني الكثير.. فمعشوقته كانت تهوى رجلاً آخر بدو أنه كان قد خطبها ثم تركها، وشاعرنا معلق بها وهي تدعوه للانتظار حتى يطيب جرح الحب الأول! هكذا بكل صراحة!.. ثم تصاب بالجداري.. وهو من أكثر الأمراض عدوى.. كما أنه يقبح الوجه الجميل بما يترك من آثار بعد البرء.. هذا إذا برئ صاحبه في ذلك الزمن الذي لم يكن فيه طب صحيح ولا تقدم علمي . ومع ذلك يزداد الشاعر تعلقاً بها:
يقول شاعرنا.. ويشترط للفهم ان تكون ملما بلغة الاولين
يا حمام على الغابة ينوح
ساجع بالطرب لا واهنيه
قلت حيه ولا كنه بيوحي
مر عجل ولا سلم عليه
يا عسى السيل دايم ما يروح
ما يفارق جفار الصالحيه
حيث ينصاه خطوات الطموح
كل بيضا هنوف عسوجيه
تنقض الراس لاجت بتروح
وتنكسه لية من فوق ليه
نقضت راسها ودها تروح
قلبها مشتغل يبي خويه
يا شريفه متى ودك نروح
يم ديرة هلك يالعوسجيه
قالت اصبر يطيبن الجروح
شهر وعشر ودنوالي مطيه
كن في ضامري قدر يفوح
أو غروب توامى في ركيه
بروح روحي بغت روحي تروحي
يوم قيل الغظي فيه جدريه
جعل زمل يبي خلي يروح
ينكسر في شعيب الصالحيه
قلت ياذا الحمام اللي تنوح
جارك الله عن الرامي نجيه
منقووووووووول
خيال مطير
02-04-2020, 03:14 AM
تكفى ياعبيد
https://www.youtube.com/watch?v=KwfeTwMdsV0
_____________ خيال ____________
ناصر الهواوي
02-04-2020, 11:03 AM
ياصباح العسل بالقشطه
مثلثه وانت طالع من عفيف للحجاز بعد كم كيلو تشوفها وانت مع الخط على يمينك غرب عفيف الى الشمال شوي
وحياك يالخيال
اهلا يابو زياد وتراك مبقا قل ما تشاء
(قل ما تشاء) ذكرتني
ب قل ما تشاء ودع مقالة حاسدٍ
ليس الحسود على الهوى بمساعدي
فاذا صفالك في زمانك واحد
فالناس تضرب في حديدٍ باردي
اهلا يالجوهره
صح الله لسانك يالعاصمي على هالعذبه
ناصر الهواوي
02-04-2020, 11:26 AM
ما تذعذع ساكنه والطير جوه رايق=والجريده راكده وتهزها المطفوقه
في تلذع بالها مشغول بس اتوايق=وجارها في صوتها المحزون ماله طوقه
وانت والقصد انت ياللي من سباتك فايق=لا تطفشني بقول السالفه ملحوقه
كل دربٍ لي تيسر به تسوي عايق=لا تزودها معي والطير افك سبوقه
الجووهره
02-04-2020, 12:19 PM
ليت الصباح اللي مضى يرجع اليوم
مشتاق للصبح ..اللطيف وجماله
كنّا بخير ونعمه .. ونبعد الحوم
والحين ..كلٍ ماتخطى .. رحاله
اللهم ارفع البلاء واحفظنا من الوبآء
واكشف الغمه عاجلا غير آجل
هزاع محمدالعاصمي
02-04-2020, 01:15 PM
خلو السوالف نبي قصيد الله يعطيكم العافية
كل السيوف ترنحت محزونة=ذكرت زماناً لاح في النسيانِ
تبكي زماناً للعروبةِ ساطعاً= فيهِ العدوا يفر في خذلانِ
أمم العزيمةِ أنكرت وتخاذلت= صاروا هبائاً مثلما الكثبانِ
يا أمةَ الإسلام هبوا للعلا=إن الشهادة مطلب الشجعانِ
وسلامة الجميع
خيال مطير
02-04-2020, 02:03 PM
صح لسانك . يابوعبيد . وصح لسانك يالجوهره وذوقك الراقي . وصح لسانك يابو محمد وأنت ســــــــــــــااالم وغانم
خيال مطير
02-04-2020, 02:14 PM
تسليه
انا بدوي
بعاداتي ودمي بدوي
وأنا الكرم
والفزعة والنخوه
تعرفني ماهاب القوي
الصحراء تشهد لي وهي اوفى خوي
والليل ونجومه مع ذاك القمر وذيب يعوي
انا بدوي
انا الهوى انا المطر
والبرق مع صوت الرعد
الكلمة تعنيلي وعد
لاقلتلها وفيت ماخنت العهد
انا بدوي
ومعنى البدو
معناها كلمة قادرة
معناها لرمل حاره
معناها شيمة ومرجله
واليوم عمله نادره
هذي معاني البدو
علوم سافره
انا بدوي بيتي شعر
وارضي ربيع
والسيف ابوي
والدله امي والضعن
انا بدوي
وراعي غنم
وراعي ابل
وراعي اصايل شوفهن عمريبدا لو رحن
انا بدوي
انا التراث
انا بدوي
انا الشعر
انا القصيد اللي على لساني سحر
انا بدوي
تاريح ماحده نظر
انا الفقير
انا الغني
بالنفس وعلومي تسر
انا الذي لاصاحت الحرمه
انا عقلي يثور
وصبري ماضن ينتظر
انا الطفل لاصاح قلبي ينفطر
انا بدوي
انا لاسكت وراح مني حق مااقدر اعيش
انا انفجر
وانا الليالي لاضامني في ليل الشتاء وطخيت راس
وش عيشتي وابقى واعيش
وانا بدوي
موتي شرف مابي حياة الذل لحظة تستمر
انا بدوي
انــــــــا بدوي
ناصر الهواوي
02-04-2020, 02:18 PM
ماعاد ابالي بخياله ولا ناقد=ولا ابن عوض الله وابو فيصل وسفواته
اكتب بيوتٍ تلافاني وانا راقد=سمع المومل تجي من فوق هقواته
ما ضاع ما انشد عنه وايجي بدل فاقد=يطرب له المهتوي للقاف ورواته
خيال مطير
02-04-2020, 02:30 PM
في صفحة تراث الجزيرة يوم الجمعة 5/10/1420ه اورد احد القراء وهو سعود بن شنار السهلي قصة ومعها بيتان فقط وذكر بانها لحويدي وهو من قبيلة عتيبة حسب ما رواه له احد كبار السن وهذه المعلومة غير صحيحة,, فالبيتان من قصيدة سوف اوردها لكم وهي للشاعر المعروف حويدي العاصمي القحطاني قالها في رثاء زوجته نيله وعلى الاخ سعود السهلي ان يتحرى الدقة في ايراده اي معلومة ويعتمد في روايته على ثقة الراوي وعدم نسب الشيء لغير أهله.
القصيدة قالها الشاعر حويدي بن معيقل العاصمي القحطاني في رثاء زوجته نيله:
يا موت ما تاخذ من الهوج والعوج
لو كان زينات حلاهن قليلة
والله لو بركب ذلولي وبادوج
ما عاد بلقا في العرب مثل نيله
خيال مطير
02-04-2020, 02:31 PM
ماعاد ابالي بخياله ولا ناقد=ولا ابن عوض الله وابو فيصل وسفواته
اكتب بيوتٍ تلافاني وانا راقد=سمع المومل تجي من فوق هقواته
ما ضاع ما انشد عنه وايجي بدل فاقد=يطرب له المهتوي للقاف ورواته
صح لسانك يالامير .
خيال مطير
02-04-2020, 02:38 PM
أَلا يا عُقابَ الوَكرِ وَكرِ ضَريَّةٍ
سُقيتِ الغَوادي مِن عُقابٍ عَلى وَكرِ
أَبيني لَنا لا زالَ ريشُكِ ناعِماً
وَلا زِلتِ في صَيدٍ مُخَضَّبَةَ الظُفرِ
أَبيني لَنا قَد طالَ ما قَد تَرَكتِنا
بِعَمياءَ لا نَدري أَنُصبِحُ أَم نَسري
وَقَفتُ عَلى مُرّانَ أَنشُدُ ناقَتي
وَما هَلَكَت لي مِن قُلوصٍ وَلا بَكرِ
وَما أَنشُدُ البُعرانَ إِلّا صَبابَةً
بِواضِحَةِ الخَدَّينِ طَيِّبَةِ النَشرِ
مُفَلَّجَةِ الأَنيابِ لَو أَنَّ ريقَها
يُداوى بِهِ المَوتى لَقاموا مِنَ القَبرِ
إِذا ذُكِرَت لَيلى أُسَرُّ بِذِكرِها
كَما اِنتَفَضَ العُصفورُ مِن بَلَلِ القَطرِ
فَقالَ جَميعُ الناسِ لَمّا نَشَدتُها
بَلى وَفَريقٌ قالَ وَاللَهِ ما نَدري
تَداوَيتُ مِن لَيلى بِلَيلى عَنِ الهَوى
كَما يَتَداوى شارِبُ الخَمرِ بِالخَمرِ
أَلا زَعَمَت لَيلى بِأَن لا أُحِبُّها
بَلى وَاللَيالي العَشرِ وَالشَفعِ وَالوَترِ
بَلى وَالَّذي لا يَعلَمُ الغَيبَ غَيرُهُ
بِقُدرَتِهِ تَجري السَفائِنُ في البَحرِ
بَلى وَالَّذي نادى مِنَ الطورِ عَبدَهُ
وَعَظَّمَ أَيامَ الذَبيحَةِ وَالنَحرِ
لَقَد فُضِّلَت لَيلى عَلى الناسِ مِثلَ ما
عَلى أَلفِ شَهرٍ فُضِّلَت لَيلَةُ القَدرِ
مدري كيف جااات
خيال مطير
02-04-2020, 02:45 PM
https://lh3.googleusercontent.com/proxy/l7UbfyEUvawYAZec2hTrxA81-Mg-CqHPvTioiRbSYMnGOj1MotHROtPPeao2OX0YWR5IWrI9WfKUnS 9klQqc5bkxyjKq2YpQXcv2aiuigpZ6AjgC_sUGrPo3Fw
_________ ___________
vBulletin® v3.8.7, Copyright ©2000-2024, TranZ by Almuhajir