هنا .. سجن القوافي !!

[هزاع محمدالعاصمي]

ياهلا بالملكة وشاعرة نجد منورين المنتجع خلوكم معنا ترى خاطري ضيق
وصح السانك شاعرة نجد ولا نسا المتواجدة الجوهرة كل الشكر وياهلا برحيل
منورة في انتظار المشاركة

[شاعرة نجد]

صح بدنك شاعرنا
وماتضيق من شر ان شاء الله

[رحيل]

وعليكم السلام ارحبي شاعرنتا
منوره وصح لسانتس نجد

وصحت السنتكم جميعًا (:

[رحيل]

هلابك زود هزاع
وسلامة خاطرك من الضيقة

[رحيل]

يالله بنو من الحمة الى الحمة
ترجع عسوس السحابة ماتعدوها

البل شعاها نفيضه وسرحت يمه
وأهل الجهازات والشاصات خموها

تخبطت في غديرة وشرعت جمه
وداجت وطابت خواطرها وردوها

على رهاد" يـجي في نبتـهـا زمه
تحبهـا البـل وتـرغبها وحبوها

لابن جدلان

[هزاع محمدالعاصمي]

من الأرشيف عندي واحد مشغلني كل ما خذيت الجوال ضرب أيدي ههههه
ودي اكتب وماخلاني يالليل مطولك

أنـا شفـت الزمـن قاسـي ونجمـة آفـلٍ فحـدور=ومهما زانـت ايامـة يجـي فـي يــوم يشقيـنـا
وهذي حالة الدنيـا أحـد يشكـي وحـد مسـرور=على ضي الأمـل نمشـي تضيـع ابنـا خطاوينـا
وكــلٍ كـاتـم بـصـدرة يـخــاف يـبـيـن المـسـتـور=نداري وقتـنـا والـجـرح سـاطـي فــي محانيـنـا
نعيش الحزن في قصة معانيها مثـل دستـور=وهمٍ يــذبـــح بـصـمـتــه يـبـعــدنــا ويـدنـيــنــا
زمـــن غـــادر يـوردنــا حـيــاة البـهـذلـة والــبــور=وخلانا عـلــى جـــال الأمـــل نـصـفـق بيـاديـنـا
وأنا اللي حيل متعبني اماني ماتشوف النـور=قتلها صمـتـنـا والـحــزن بـيــن فـــي معانـيـنـا
وعيـنٍ سـامـرت دمـعـه تفيضـهـا بـكـل شـعـور=حرام الـدمــع يجـرحـهـا وتـذبــل مـــع امانـيـنـا
ألا يـاروعــة الـدنـيـا تـعـالـي فهـمـيـنـا الــــدور=تعالي بــس لــو لحـظـة مــع الفـرحـة وخليـنـا
نبي نسعد مـع العالـم وننسـا الغربلـة والجـور=على ضــي الأمــل نبـقـى تشوقـنـا مراسـيـنـا
وحنا في الحقيقة ناس نعيش بعالمٍ محظـور=عن الفرحة عن البسمة على الله من يواسينا
ولكن لو يضيق الوقت يجي بعد الظلام النور=مثل ماشح فـي الاول يجـي فـي يـوم يروينـا

بالتوفيق

[خيال مطير]

انتقل الا رحمة الله اليوم خالي الشيخ الشاعر خالد بن صحن العقيلي المطيري ,
ابوبندر , الله يرحمه ,

[خيال مطير]

دعواتكم

[خيال مطير]

https://www.youtube.com/watch?v=zQw2hoxJpIA

[خيال مطير]

الصلاة بكره في عفيف بعد الظهر

[النجلاء]

انتقل الا رحمة الله اليوم خالي الشيخ الشاعر خالد بن صحن العقيلي المطيري ,
ابوبندر , الله يرحمه ,

عظم الله اجركم ياخيال
والله يرحمه ويسكنه فسيح جناته ان شاء الله
والله يجبر قلب اسرته على فقيدهم يارب

[هزاع محمدالعاصمي]

انتقل الا رحمة الله اليوم خالي الشيخ الشاعر خالد بن صحن العقيلي المطيري ,
ابوبندر , الله يرحمه ,

الله يرحمة ويتجاوز عنه ويسكنة فسيح جناتة
احسن الله عزاكم

[الجووهره]

انتقل الا رحمة الله اليوم خالي الشيخ الشاعر خالد بن صحن العقيلي المطيري ,
ابوبندر , الله يرحمه ,

الله يرحمه ويغفر له وأموآت المسلمين
عظم الله أجركم خيآل وأحسن عزاءكم
وألهمكم الصبر والسلوآن وجمعكم به
في الفردوس الأعلى من الجنآن

[الجووهره]

ضيفنا المبدع هزآع
صح لسآنك على هالروآئع
مبدع في قديمك وجديدك
وسلامتك من الضيقه

شاعرنا الهواوي

صح لسآنك ودآم حضورك وابدآعك

شآعرة نجد

منووره المنتجع وصح لسآنك
ودآم حضورك الجميل يا جميله

الغاليه رحووله
منووره المنتجع
ويسلم ذووقك يا ذووق

نجولتنا الغااليه
منووره المنتجع
ودآم حضورك وتوآجدك الجميل

[عبدالله الصقري]

الله يرحمه ويغفر له وأموآت المسلمين
عظم الله أجركم خيآل وأحسن عزاءكم
وألهمكم الصبر والسلوآن وجمعكم به
في الفردوس الأعلى من الجنآن

[هزاع محمدالعاصمي]

ونستوني وشجعتوني شكلي ابدهر هههههه

ياعل نونٍ في السماء يبهر الحي=يبتل على جو الحبايب هميلة
ويطيب في ليل المسا ماطرا لي= في ليلةٍ مامثلها ألف ليلة
تجلي همومٍ جرحها مابرى ني=هد العظام القاسيات النحيلة
ما فادها طبٍ ولا فادها كي = إلا عبارات الخليل الخليله

يعطيكم العافية

[الجووهره]

‏يا اللہ تصبح گل الأجواد بالخير
‏وتجعل لھم في گل خطوھ سلامه

‏في گل صبح وگل ما غرد الطير
‏نرسل صباح الخير . حب وگرامه



ضيف المنتجع ورواده وزواره
صبآحكم خير وسعآده

[الجووهره]

تسليه صبآحيه
شيله جمييله
بروق الوسم

https://youtu.be/IhVsOH6h2zw

[هزاع محمدالعاصمي]

السلام عليكم ورحمة الله وبركاتة
صباحكم ورد
هنا سوف انثر قصة وأبيات كنا مجموعة في منتدى يضم مجموعة طيبة
وكنا اخوة بماتعنية هذة الكلمة في يوم من الأيام حصل بعض الشيء
بيني وبين مشرف في المنتدى قلت ماوقفت على منتدى امشي وخليهم
كتبت ابيات ونزلتها تدخل الناس الطيبين وانتهت القضية
ورجعت الأمور إلى مجاريها ٠٠٠٠شيء منها يعني الزبدة ولاهي طويلة

ببعد عن الساحة وتقفي ضعوني=وصد عن دنيا القلق ورفع الراس
ساحة تمادت بالجدل والطعوني = ماليبها ياعلها بألف قباس
من داخلي في داخلي ياشجوني=من يوم صار الشعر طبلة ومرواس
وهناك شعارٍ عسى يعذروني = إللي على المعنى كما لمعة الماس
إللي من بنوك الذهب يصرفوني=حلو المعاني بين حكمة ونبراس
ياعونت الله والسهر ياعيوني =مما حصل يأهل الشعر صابني يأس
عفت الشعر ماعادلي يافتوني =من يوم بنك القاف أعلن بالفلاس
ببعد عن الساحة ولاتبحثوني =معادلي في نظم الأ شعار نوماس

بس وسلامتكم جبت الزبدة وانا مستأنس بوجود الجميع
لذالك بفل السبحة هههههههه

[ناصر الهواوي]

الخيال احسن الله لكم ولذويه العزار واعظم لهم الاجر
وتغمد الفقيد برحمته واسكنه فسيح جناته
انا لله وانا اليه راجعون

[ناصر الهواوي]

انحاست افكاري كما انحاس لبنان=شيٍ يوافقني وشيٍ يعارض
بالراس صجه كنك بقلب طهران=يوم ارثعو ببنوكهم والمعارض
من حين قالو داخل الوسم لا لآن=وخواطري ما ادري وراها تمارض
سحب الطواري وبلها هل هتان=واحيان كنه يقرض الكبد قارض
واول بدايتها جفا نجل الاعيان=بلا سبب له عام للهجر فارض

[هزاع محمدالعاصمي]

صحت الالسن والأذواق عساكم على القوة بعدين
لافطور ولا غدى خافوا من الله

ودي اسولفلك عن ايام راحت = ايام حلوه نقضي الليل احباب
فيها المشاعر تتقد مَستراحت = كم فكرةٍ سريتها مابها عتاب
الله على الأيام كيف استباحت = تأخذ ولاتعطي بلاقيس وحساب
رحماك ربي ترحم قلوب ناحت=وتلطف بدمعه من عناء البعد تنساب

كيبوردية على عجل لاتخلو من الشكوى هههه

[ملكة الرواسي]

يعطيكم العافية جميع ولا هنتم

[ناصر الهواوي]

قصيدة العاصمي شعت هجوسي وقلت
يامن لعينن عن حلا النوم اشاحت=مع سهرها عيت اتطبق بالاهداب
ودلة وجد من جمر الاشواق فاحت=ودقات قلبٍ كنها صوت دباب
سبايكه من كثر ما جاه ساحت=من باب يشعاه الهنيدي الى باب
لا اوحى الحمامه فوق الاغصان ناحت=لولا براد الماء به يرش قد ذاب
ونفسٍ عقب فقد الغلا ما استراحت=لو مابها بغريب البين قد شاب
نجد ان بغى يدله بالآاهات باحت=وهو من قبل باسباب الآااهات منصاب
ومن الشليخي صملة الجاش طاحت=بالمفردات اللي تهز اول الالباب
جدار الصبر ينحت زواياه ناحت=واهتز منسوبه وبانت به اعطاب

[الجووهره]

يسعد مسآكم
هزآع ، الهوآوي
صحت الالسن ودآم حضوركم الجميل وابدآعكم
الصقري
هلا بك ودآم حضورك وابدآعك

ملوووكه
هلا بك منوووره
بس وين المشآركآت الجميله
يا جميييييله

[الجووهره]

ذآئقة المسآء

أجمل اللحظآت

https://youtu.be/wKdcLCkVz9w

[ناصر الهواوي]

اهلا ياجواهر ومساك اسعد
العاصمي يقول ما قدرت ادخل
انا ارسلت لنجلاء ورحيل بهالخصوص ولا جاني رد
لذلك كتبت هنا

[هزاع محمدالعاصمي]

انا جيت ياناصر يعطيك العافية وياهلا بالجميع
منورين الله لايخليني منكم ويالبا العرب هههههه

[هزاع محمدالعاصمي]

انا جيت والأمور زانت ياناصر الله يطول عمرك على الطاعة والجميع

يالهواوي زانت أمور مدخالي=ولأمور ميسره بفضل خالقنا
يالله انك خالقي ترحم الحالي=في رجاك ارجوك ربي تجملنا

بحاول أداعب مشاعركم هههههه عطوا الحر فرصة

[ناصر الهواوي]

لي هاهنا وقت اكتب البيت وامحاه=وانشي بدال البيت لك بيت ثاني
اراه ما يوفي وصوفك بفحواه=لوهو قوي ايبين لي به لياني
اللي به ارضى يا اريش العين ما اقواه=وما كان ادون اشوف به لك هواني
هذي ثلاث بيوت مابه مراواه= لكنه متشابهه بالمعاني

[هزاع محمدالعاصمي]

ياهلا بالجميع منورين

ياموجعٍ قلبي بعذبات الألحان= وشلك على قلب المولع تثيرة
ذكرتني خلي واناجد والهان=مشتاق له مشتاق نفحت عبيرة
شكواي لله مرتجي غيره نسان=عبدك رجاك ويمك يحث سيرة
إنك تسهلها على كان من كان =ومفرق الخلان تعلن مشيرة

حلوه تلعن مشيرة هههههه

[الجووهره]

صبآح الخيرآت والمسرآت
وهلا بك زوود هزآع
وصح لسآنك شآعرنا وضيفنا المبدع
ويعطيك العآفيه

[الجووهره]

https://www.r111n.com/t40976.html

https://www.r111n.com/t40977.html


^^^^^
دعوآتكم لوآلد المهره الأصيله
بالرحمه والمغفره

[عبدالله الصقري]

الله يرحمه و يغفر له و يسكنه فسيح جناته يارب
عظم الله أجرنا جميعا هو ينعد والدنا برضه
و احسن الله عزاك يالمهره و انا لله وانا اليه راجعون

[الجووهره]

اليوم برد ومنكسر خآطر الورد
نوبة شـتاء ، و ثلج و بقآيا حـديقـه

ما بان لون الورد في حزة البرد
ضـآعـتُ – ملامـح بهـجته في دقـيقـه

[الجووهره]

هلا بك الصقري
واللهم آميين

[الجووهره]

‏صبرك على الدنيا ولوكنت مهموم
كثر الزعل ماجاب للنفس راحه

تزعل وترضى ،، والقدر شي محتوم
والعبد يلقى ،،،، بالتوكل فلاحه

والله كتب للخلق ،، ماكان مقسوم
ماضاقت الدنيا ،، وفيها مساحه

سامح وبايح ،، واترك الحقد واللوم
خلك كريم وفيك عفو وسماحه

[الجووهره]

آلبرد ما هو | رجفة إيدين | وعظاآم .. !
....آلبرد برد آلروح إذا | غاآب غآليك | ..

[نور]

https://3.top4top.net/p_1420n8sdr0.jpeg (https://up.top4top.net/)


اتفضل كابتشينوووووو ياااستاذ هزاع
مدري مسموح ندخل المشروبات السجن ولا لا

[الناقد/عبدالله الروقي]

انتقل الا رحمة الله اليوم خالي الشيخ الشاعر خالد بن صحن العقيلي المطيري ,
ابوبندر , الله يرحمه ,

رحمه الله وغفر له وأسكنه فسيح جناته
وأحسن الله عزاءك ياخيال !

[ناصر الهواوي]

اللهم ارحمه رحمة واسعه وابدله دارا خير من داره واهلا خير من اهله
واجعله بالفردوس الاعلى واغفر للمسلمين والمسلمات والمؤمنين والمؤمنات الاحياء والاموات
المهره احسن الله لكم العزاء واعظم لكم الاجر والهمكم الصبر
انا لله وانا ايليه راجعون

[ناصر الهواوي]

منورٍ يامنتجعنا بمن فيك=ماء وشذا ورد وعبير وفيافي
لو كنت انا يامنتجعنا ما اخفيك=جوي معك ماهوب بالحيل صافي
لو بالتمني قلت لو بك ترفليك=وابحيرةٍ والورد يملا الضفافي
وللخيل ملزٍ يسوى حواليك=يديره الخيال والجو دافي
وبحدا الزوايا نسمح ويفتح البيك=ولو قال بس بروست نقول كافي
وقهوه تسوى يا اريش العين بيديك=لعلها لادرتها للعوافي
عماسنا يبرا ونشكر معاليك=ومن كل شي يعكر الصفو مافي
ما ادري لويش انشيتها وحصلت هيك=والهجس من لقافته حاس قافي

[ملكة الرواسي]

https://www.r111n.com/t40976.html

https://www.r111n.com/t40977.html


^^^^^
دعوآتكم لوآلد المهره الأصيله
بالرحمه والمغفره



البقاء لله واحسن الله عزاهم وعزاء اخونا خيال
الله يرحمهم ويغفر لهم ويسكنهم فسيح جناتة

[الجووهره]

مسآء الخير والجمممممده
كيفكم مع البرررررررد
اليوم الوضع
متجمد لا تكلمني

هههههههههههه

[عبدالله الصقري]

صباح الخير والرضا من رب العالمين
صحت السنتكم شعارنا الكبار ودام ابداعكم
و جميل كل ما ينقل هنا من الجميلين كافه
حبيت اصبّح
وعندي مشروع في ركن المنتجع ابغى شريك

[عبدالله الصقري]

تسالي الصباح

لا القـلـم يكـتـب ولا الصفـحـه تـشـيـل
والألــــم غــيــر الألــــم غــيــر الألــــم

الألـــــم مــولـــد عـــذابـــات ودلـــيـــل
والألــم صـمـت الـفـرح بالـلـي انـهـدم

والألــم هــو شـرهـة الـشـوق البـخـيـل
بـيـن مـحـروم الـغــلا و قـلـبـن حـــرم

لا غــــدا بــيـــن الأحــبـــه مـسـتـحـيـل
مستحـيـل يطـيـب مــن حــب و غــرم

انـتــي اعـــذب مـــن زلال السلسـبـيـل
زهـر ينبـت فـي الصخـر فـوق القـمـم

جـيـتـي بقـلـبـي غـــلا حــالــي جـلـيــل
وصرت في روضة غلاك احيا العدم

صـــرت بـــارد حـــس متـبـلـد ثـقـيــل
كـنـي الـبـوم او مــن اســراب الـرخـم

صـقـر انــا يــا بـنـت شـايـل هــم فـيـل
و آدمـــي مــــن زود مـافـيــه انــهــزم

ايـــه احـبــك قـــد مـــا دمـعــي يـسـيـل
وانـتــي تمـوتـيـن فـيـنـي حــــب جــــم

مـيــر مـالــي حــــظ اســمــع للهديــــل
او اشـوف الشمـس فـي داجـي الظـلـم

كـالـيـتـيـم الـمـنـفـطـم مــالـــه خــلــيــل
جاهـل لصـوت امـه وغصـب انفـطـم

يكـبـر ووجـــه امـــه وجـيـهـن يـخـيـل
يـحــلــم ويـحــلــم ويـســعــده الـــوهـــم

رغــم فـقــده كـــل غـالــي مـــا يـمـيـل
دايـمــا يـدعــي لــهــم و هــــم الاهــــم

هـــذا هـــو قـلـبـي ولاغــيــرك بــديــل
يـا أحــن الخـلـق و اقـسـى مــن حــرم

الــوفــا انــتــي وقـلـبــك بـــــي نـبــيــل
اصـــدق الـعـالــم و شـيـخــه بـالـكــرم

مـــا بخـلـتـي يـــوم حـتــى المستـحـيـل
جايـدة بـه و شايفـه الممكـن عــدم !!!

يـالأصـيـلــه لا تـخـافــيــن الأصـــيـــل
دام صــدره يحـتـضـن عـنــك الـسـهـم

عـهــد ربــــي بـيـنـنـا يــــا ام الـشـلـيـل
مــا اخـونـه لــو بــي الـجــرح احـتــدم

ذي لـعـيـنـك قـالــهــا عــابـــر سـبــيــل
عـنــد بـابــك طـــاح و انـشـلــت قــــدم

لوكـتـب مهـمـا كـتـب يـبـقـى الجـمـيـل
مـاكـتـبـه لــروحــك بــدمــه و رســـــم


من الارشيف

[عبدالله الصقري]

باهديك يا جرح الأحاسيس لفظي
(أغليك) ما هي مثلما قيل (لفظـه)

طيفٍ بنوره مطفي ولاجله افضي
أقـولهـا و قلبي على الرب حفظه

إحتـرت مين آزَعِّـلْ ومين أرضي
وانا نبـات ٍ ما سقى الحب أرضـه

الوقت جـوره حـآكـم ٍ لي ويقضي
وآنا رهين الصمت وآطيع فرضه

لاما حَـكَـم بالحق .. ما ردّ بعضي
لاما كفــاه الـظلـــم فيني و برضه

أتْـهَـمْنـي و مـا فــآد ويَّـآه نقضي
حَكَم بـ شرب الهم طوله وعرضه

يـا عـزِّتـي والقلبــــ خلّيــه ملظي
في نغمتـه مأسآتي و منك نبضـه

لا شك انا غلطان محتـاج وعظي
لا صـار حتّى الوقت خالَفْه بعضه

اللي يريب الروح بالسَّآع مقضي
و مصيبتي ما احسنت لله قرضـه

ذي حكمته و المبتلى منه مَرْضي
عقبآه من نوض الأحاسيس يقظه

لولاي اميِّز ما اقتنيتــه و عرضي
ليصيربين الموت والموت غمضه

دام الجـفـــا يفنيني بغـيــر أرضي
ليـه الـوفــا بنيــآن لا بــدّ نقضــه

و الله لـولا هَـبَّـة الريــح لـ اقضي
و اموت مـا لآحت لعينآي ومضـه

و والله لو ما نَصْـدق الحب نمضي
و ان عمَّرَت قفر المساطير نهضه

[عبدالله الصقري]

أقـبــل يــبــي لـلـحــب تـعـريــف مــعــروف
غـيــر الـــذي مـــا يفـهـمـه مـــن حــروفــه

قلت اسأل التذكار عن " دمعة كفوف "
هــلَّــت قــبــل عـامـيــن فـيـهــا وصــوفــه

قـال افهـمـك واحتـاجـك تـوضِّـح حــروف
والاَّ تـمــنِّــيــنــي بــكــلـــمـــه عـــطـــوفــــه

قـلــت الأمـــل مـيـنـاه لـلـغــارق ســيــوف
والـحــب لــــو تــنــوي تـطـوفــه تـطـوفــه

قال استريـح و هـدِّي القلـب مـن خـوف
قــلــت الـعـنــا يــاخـــل بـالـعـيــن شُــوفـــه

قلبك لكلمـة ( حـب ) يبغـي لـه وصـوف
وقلبي على ( الحرفيـن ) طـوَّل وقوفـه

لـولا السهـر مـا بـاتـت جـروحـي وقــوف
ولولاك تهوى البعد مـا اهـوى صنوفـه

و لـولاي مغـرم جـرح مـا قلـت لــك روف
يــــا سلـسـيـبـل ٍ مــــا روتــنــي قـطـوفــه

يـقـول : حِــب وقـلـت مــا غـيـرك آشــوف
ولا بــ قلبـي غيــر حـبــــك يــلـــوفـــه

يامـا سقانـي الشـوق ءآلآم و حـسـوف
واخــاف انــا يـاشــوق تـالــي الحـسـوفـه

قال الهوى ( إحساس و مجرَّد حروف )
نـسـلـى بـجـرحـه ميـر مـا بــه مـروفــه

قـلـت الـهــوى دام استـقـرّيـت بـالـجـوف
امَـا افـهــمــه والا تنـاسـى حـروفـــه

[عبدالله الصقري]

نِـزَفْ قَلبَـه ... وُ غَرَّقنِي بِـ دَمَّـــهْ
وُ صِـرتْ بْـ غُـبِّـتَـهْ أَجْـرَع دِمَـــآهْ

مَتَـآهَــةْ رُوُح مَعسُـوُلَــهْ بِـ سِمَّـهْ
مِـشَـاهَــا مِن سِقَـتْـهْ اَلعَـيـنْ مَـــآهْ

جَـرِيـحَ اَلقَلبْ ذَآبْ وُ صَـآح هَـمَّـهْ
بِـ صَـمْـت ٍ أَشْـعَــلَ اَلليـل وُ دُجَـآهْ

وُ جَفَّ اَلبـوُح بِـ عرُوُقَهْ .. وُ لَمَّهْ
بِـ قَـلْـبِـيْ .. لَآ تَخَـطَّـفْــه اَلوُشَــآهْ

فَلَا بُـوُحَـهْ خَـلَـصْ وُ اِنْزَآحْ غَمَّـهْ
وُ غَـيــرَ اَلـمِلْـحْ مَا ذَآقَتْ شِـفَـــآهْ

هَـدَتْ رُوُحَهْ عَلَى صَدرِيْ وُضَمَّـهْ
وُ هَــيَّـــج كُـلّ مَـا فِـيِـنِـي دِفَــــآهْ

وُ لَـوُ يَـسْـمَــحْ بِـ مَـزَّةْ رِيِقْ فَـمَّـهْ
لِـ يَـنْـسَـى مَـآ زَرَعْــه وُمَـا جَنَــآهْ

نَـعَـمْ وَ اَسْـقِـيِــهْ صَـآفِـيْ كُلّ جَمَّهْ
فَلَآ يَــذْبَــلْ وَلَا يَـشْـكِـيْ ظـمَـــآهْ

ثَـوَآنِـيْ .. كَـآنَـتْ بْـ عُمْـرِيْ مُهِمَّه
وَ لَيِسَتْ شَيّ عَــآبِـــرْ فِي الحَيَــآهْ

قِـطَـفْـتِـكْ مِنْ جِبَـآلَ اَلـ حُبّ قِـمَّــهْ
وُ عِطْرِكْ فِي خَـفَــا رُوُحِيْ شَــذَآهْ

[عبدالله الصقري]

عَـسَــآهَـــا دَوُمْ تِـتْبَـسَّـــمْ فَـرَحْ
وَلَآ تَطْعَـمْ غَصِبْ مِلْـحَ اَلعُـيُـوُنْ

هَذِيِك اَلعَينْ . بُـسْتَــآنْ وُ طَـرَحْ
بَـرَآهِـيِـنَ اَلـمَحَـبَّـهْ وَ اَلشُّجُـوُنْ

نَعَمْ .. لَآ شُفْتَهَــآ قَلْبِي اِنْـشَـرَحْ
وُ طـآب وُ ذَآآبَتْ آهَـآتَـهْ لُحُـوُنْ

[عبدالله الصقري]

أنا ماني بـ محتــاجــك خيـال
أشـوفه بس ما تمْسـكه يـدِّي

أبي من قبلمــا أنطق : تعـال
تجي وتقـول يالملتـاع هـدِّي

أحبّك واعرف انّك لي محـال
وانّك ناويٍ هجري و صـدِّي

و لكنّ الهـوى يا ابن الحلال
يبيِّـح دمعتي من فـوق خدِّي

[هزاع محمدالعاصمي]

ياهلا بالجميع ولاهنتوا على التسالي والتواصل الجميل

انا هنا انطر رجوع الحبايب=وغرد القيفان طربٍ ومشتاق
وردد ألحاني بزين الذوايب=فيها من المعنى كما ومض براق
الغالي إللي التوى بالترايب=كله حلا يعيش في وسط الاعماق
إن قلتلك باتوب مانيب تايب=مامثلها مخلوقةٍ شمس الإشراق
القلب له فدوه وهبته وهايب=ورجي من الله مايجي بعد وفراق

بالتوفيق للجميع

[الجووهره]

هلا بكم
وطابت جمعتكم بذكر الله
والصلاة والسلام على رسول الله
اللهم صل وسلم على نبينا محمد
وعلى اله وصحبه أجمعين

[الجووهره]

وصح لسآنك شآعرنا الصقري
وصح لسآنك ضيفنا وشاعرنا هزآع
ودآم حضوركم الجميل وابدآعكم

وين شآعرنا الهوآوي
شكله كاشت بالبرر
الله يحفظه

[الجووهره]

قَربكْ حكايةْ ( بوح) والصمتْ مغرورْ ! ..
وأنا / أذوب أكثر عليكْ ،، بـ/ .. وجودك ! ..

تعال غابوا .. وينهُم ؟؟ كانوا .. حضور ْ ! ..
ما أشوفهُم .. لا هَبّت .. أنفاس ْ / .. جودك

....

بعض البشر مثل العسل والجواهر
مهما وصفته بالحلا ماله اوصااف
بعض البشر طيبه على الناس ظاهر
مايختفي مثل القمر دوم ينشاف

....
خلّ في صدرك ..على الدنيا قبول

واعرف ان الشمس تشرق لو تغيب
.
وعوّد لسانك : ليا ضاقت .. يقول

الأماني في رجا الله ما تخيب

....

له بين نبض القلب والطرف مسكن
ولـه فـي ثنايـا الـروح طيف وصوره

لـه فـي شعـور الـذات حــب تمكـن
و البــال مــا يرتــاح إلا بـ حضـــوره

[هزاع محمدالعاصمي]

خلجات تونسني وإن شاء الله تونسكم

يانور عيني لك بجوفي مواني=منوين ماودك تشوف وتمقل
ودارك على قلبٍ بوسط المحاني=لاتجرحه بالهون تَرَاه مُثْقَل
مثقل حزين ومن المحبة يعاني=بالهون بالله عامله بالتعقل

بالتوفيق

[ناصر الهواوي]

السلام عليكم واسعد الله اوقاتكم
اهلا يا حفيدي لاتغيب وتهذ علينا ما عندك مره وحده/لكن صح لسانك ولا فض فوك
اهلا بالملكه
مرحبا يالجوهره وما تفقدين غالي بس البارح غيابي
عندنا دوريه(طلعه)(اوكشته)عمرها اكثر من 30عام نقدسها ولا يغيب عنها الا مسافر او ذو عذر
ارحب يابو محمد وصح لسانك
ليش ما تشارك الصقري بالمشاريع يمكن يبي يسوي تلفريك وبحيره في المنتجع هههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ

[ناصر الهواوي]

بعض العرب بالمنتجع مالهم شف=ولولا الحيا منا نطق بتحريمه
ولذاك صار بمن يمره تقشف=يركظ تقول مسويٍ له جريمه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ

[الجووهره]

يسعد مسآكم وصبآحكم

ضيفنا هزآع
صح لسآنك ع الخلجآت الجميله
ويعطيك العآفيه

شآعرنا الهوآوي

هلا بك والله يديم جمعآتكم
ويديم المحبه بينكم ولا يفرقكم
وصح لسآنك ودآم حضورك وابدآعك

[هزاع محمدالعاصمي]

صباح الورد يعطيكم العافية على التواصل شيء مما قلت في الفصيح تسلة للجميع

مِنْكِ القُلـوب كمـا الغُصُـونِ تَراقـصـت=رَقصَ الـحــســانِ تـــرنـــمَ الاجـــفـــانِ
انـــــتِ الـخَـمَـائِــلُ عَــطَـــرَتْ اعـبَـاقــهــا=روضَ الــربــيــعِ الــمــزهـــرِ الــنــشـــوانِ
واغرورقـت عيـنـاي مــن طـيـبِ الــرؤى=والقلبُ صــفـــقَ راقــصـــاً هـيــمــانِ
جُــــــد بــالــوصَــالَ تـلـطُــفــاً وتــرفُــقَــاً=ورحَم مُـحِـبــاً تــــاهَ فــــي الـحِــرمــانِ
الــمُ الـفِـراقُ عـلـى الـقُـلـوبِ اصـابـهـا=مَرضٌ عـــضـــالٌ زادهــــــا خــفَــقَـــانِ

بالتوفيق

[ناصر الهواوي]

اسعد الله اوقات الجميع
صح الله لسانك يالعاصمي الا اني ملاحظ ان بينك وبين همزة الوصل قطيعه ههههههههههههه
اهلا يالجوهره الله يحفظك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
الشاعر اللي من الشعبي يحن الفصيح=تشاوته بينهن اشواقه الطاغيه
طواري الفكر منشحنه وقلبه جريح=واذنه لهمس يراود مسمعه صاغيه
من مابه الهجس لايمرح ولا يستريح=وايات اشاره تخالف رغبته لاغيه
ذلول شعره لساحات الغزل تستبيح=تمسي وتصبح يمس بطانها راغيه

[هزاع محمدالعاصمي]

السلام عليكم ورحمة الله وبركاتة
مساء الخير
شاعرنا الفاضل عبدالله الصقري تفضل للمنتجع وطربنا وكل الشكر لمن شاركونا
وصح السانك ابوعبيد لاهنت على الابيات الجميلة ارحبي رحيل والجوهرة فاقدها


شاعري الصقري بجيبة في مكاني=والعذر منك وبطلبك السموحه
ودي اطلع ضاق صدري ماهناني=قلبي المغرم بدت تنزف جروحه
من سبايب صاحبي الغالي أعاني=من فقدته خاطري قلت مزوحه
والهجوس إللي نساني مابداني=الله اعلم كيف يرجعلي طموحه


بالتوفيق للجميع

[رحيل]

مساء الخيرات والمسرات
لـ احلى شعار واجمل بنات > حاسه اني بصير شاعره بس مدري متى هههههههههههههههههههههههههههههههههههههه

برآآآآآآآآآآآآآآآآآآآآآآآآآآفو عليكم
يعني صحت السنتكم بس هذا بعد التطور (;
هههههههههههههههههههههههههههههه

ناقدنا منور حياك الله وبياك .

خيال عظم الله اجركم واحسن عزاكم

المهره رحم الله والدتك وأسكنها فسيح جناته
وعظم الله اجركِ

ابو عبيد
المعذره توي ادخل المنتدى
ماوصلني منك خاص ارسلت لي هنا والا بتويتر


نظراً لدخول فصل الشتاااء
تدفو زين ودهنو يدياتكم ورجيلاتكم بفازلين هههههههههههههههههههههههههههههههههههههههههههههههههه ههههههههههههههههه

[رحيل]

جانا الشتاء وزانت لنا شبة النار
زانت على جمر السمر قهوة الكيف

[هزاع محمدالعاصمي]

مساء الخيرات والمسرات
لـ احلى شعار واجمل بنات > حاسه اني بصير شاعره بس مدري متى هههههههههههههههههههههههههههههههههههههه

برآآآآآآآآآآآآآآآآآآآآآآآآآآفو عليكم
يعني صحت السنتكم بس هذا بعد التطور (;
هههههههههههههههههههههههههههههه

ناقدنا منور حياك الله وبياك .

خيال عظم الله اجركم واحسن عزاكم

المهره رحم الله والدتك وأسكنها فسيح جناته
وعظم الله اجركِ

ابو عبيد
المعذره توي ادخل المنتدى
ماوصلني منك خاص ارسلت لي هنا والا بتويتر


نظراً لدخول فصل الشتاااء
تدفو زين ودهنو يدياتكم ورجيلاتكم بفازلين هههههههههههههههههههههههههههههههههههههههههههههههههه ههههههههههههههههه

هلا رحيل ليش العنصرية في ذكر الاسماء حسستينا بعد اهميتنا
انا والصقري اهم شي انك رجعتي والحمدلله على السلامة وآخر الغيبات

[هزاع محمدالعاصمي]

بالتوفيق للجميع

نـويـت ارحــل بــلا مـرسـا تعـبـت وشـحــت الايـــام
وعذرك في ثرى صمتي فهمته وانت مـا تـدري
تعـبـت بــلا جــدى اتـبـع مشـاعـر زايـفـه ووهـــام
تحطم مركـب احلامـي علـى جـال الامــل بــدري
وشـوف الوقـت مبعدنـي أمانـي كلبوهـا حطـام
غدت دنـيـاك ياشـاكـي يـشـوب ايامـهـا كـــدري
لـيـالـي كـــان تجمـعـنـا سـعـيـده عــزهــا مــــادام
وهذي حـالــة الـدنـيـا تـجــود وتــرجــع بــغــدري
امانـي كـان يرسمهـا خفوقـي روحهـا الالـهـام
يجود النـبـض بعـروقـه بلحـظـه ينطـفـي مـبـري
قـلـوب احـبـاب يجمعـهـا محـبـه صافـيـه وهـيــام
تموت بـسـاعـة الـفـرقـا وتــتــوارى ولا تــطــري
وحــس بنـاظـري دمـعـه تــوارت ونجـلـت الانـغـام
خلاص الـوقـت بـددهـا وقلـبـي قالـلـي نـســري


مع السلامة

[ناصر الهواوي]

مساكم سعيد والشر عنكم بعيد
اهلا يابو محمد
المنتجع منور بك يالحفيد
هلا يارحيل نعم ارسلت هنا من شان تعثر دخول العاصمي وانحلت المشكله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
تذكرت من عيشني وعاش بالحرفين=وانا ما نسيته كيف قولي تذكرته
بس بذكره الطيب طرالي زمانٍ زين=ما يطري بعد طاريه بعدين وخرته
الى غير رجعه له/ابا اعيش ذا هالحين=وابقرا الكلام اللي لعينيه سطرته
الورقا تنوح لغالي وهم على غصنين=وش حيلة من طوال المسافات ناحرته
تشارك مع الحر القطامي بلون العين=ومع المهره بشعرٍ على الكتف ناثرته
وبالعنق تشبهها مهاةٍ تقود العِين=وخصرٍ نوابي جسمها الترف هاصرته
وانا كنت اظن اني على الصبر قادر لين=ذكراه استباحت ساح فكري وطيرته


اخذت على هالحورنيه عشر دقايق من شان الحفيد ودخوله المنتجع ههههههههههههه

[ناصر الهواوي]

هم تسليه
ــــــــــــــــــــــــــــــــــــــــــ
دع سوالف من يسولف بعد هذا سكت=كل ماهو قايله ما لفت سمع ونظر
واستمع للي هدبهن تشابك لاحكت=خدرٍ تنفع ليا شبهرت فيك وتضر
لوك ما تسمع بهن اقر عذبات النكت=كيف لوهن حول غدران مع روضٍ خضر
غب ليله سحبها هلت الدمع وبكت=ياحفيدي مالها شبه مع بدو وحضر

[عبدالله الصقري]

مساء الخيرات
صح لسانك يا جد و والله مدري وش معني حورنيه ههههههههه>> جدّآوي
لكن تقبّل مني هالمجآرآه و اتمنى تليق و ترقى لذآئقة الجميع

العاصمي كلك ديمة ابداع و يعجز وصفي تجاهك

الجوهره و رحيل و الملكه و نور
دام هالتواجد الجميل و الذآئقه الأجمل
و ان شاء الله ما نسيت احد

=========

يسلمك ربي من صنوف الشقا و البين
و من حلم ٍ يتعّب لو حكيته يوم و فسرته

حفيدك مشى في درب مايدري يوصِّل وين
يظن ان الهنا تآليه لكنَّه حرق كرته

انا ملَّكت له كلي و ملّكني دموع العين
و علمني وش التمليك و وش إنسان قدَّرته

سكن بالغصب في قلبي وورّثني الغياب الشين
نعم بالهجر حسّر قلبي و ما يوم حسّرته

[عبدالله الصقري]

اهاا

الحين انا المنجوع > على وزن مسجون
ههههههههههههههههههه
ليش لا



دام جدي الهواوي حاضر ٍ ما يغيب
السلا و الهنا كله بذا المنتجع

بـ انتقي لي مكان ٍ تحت غصن ٍ رطيب
و ابتعد مدّة ٍ عن صجّة المجتمع

وانت يالعاصمي ظل ٍ يرد اللهيب
عن شموس ٍ يورّدنا ضيآها الوجع

والتسالي الرقيقه و الحضور الأديب
جوهرتنا هي القمري ليا من سجع

يا عسى ليلنا يجمع حبيب و حبيب
لا انطرب من قصيد قلوبنا و انتفع

[عبدالله الصقري]

الحين دوام و الدوام لله وحده

مدري عندكم نت في المنتجع
؟؟؟؟؟؟؟؟

[رحيل]

ابو محمد
لا والله هي عنصريه
لكن انا قلت ابو عبيد
لان الهواوي مرسل لي والرساله وماوصلت

وصحت السنتكم جميعًا
ابو محمد وابو عبيد والصقري (:

[شاعرة نجد]

السلام عليكم ورحمة الله

وصحت الالسن ودام الحضور ,وصحت الذوائق والجو الرائق
ومرحبا بضيف المنتجع,جود بما تجود واثبت الوجود

دام الابداع والمبدعين,’’

[عبدالله الصقري]

هلا و حياك ربي شاعرة نجد و صح بدنك و كلك يارب
وابشري ولا يهمك الله يكتب اللي فيه الخير

[عبدالله الصقري]

رحيل تسلمين وماعليك من العاصمي جالس يدور شكل
هههههههههه

[شاعرة نجد]

ترحيبه بشاعرنا ضيف المنتجع :smile:

مرحبا ياضيفنا فـ المنتجع غن الجديد
واسحب الموال والا بْعَذْب صوتك شلها

غن يـ الشاعر وعطنا ماتريد مْن القصيد
سل روح القاري اللي فيه ضيقه سلها

بـ اتسلا معْك والحاضر يجيب اللي يجيد
قول والا نقل والا يـ المشارك كلها

ياحمامٍ يسجع الصوت من فوق الجريد
نخلةٍ في منتجعنا يافديتك خلها

لاتثير جْروح من مضنونها عنها بعيد
خلها فـ المنتجع تلعب طرب وتْفلها

خلها تسلا ولو ماجت على ماهي تريد
كم وكم ليله تكف دْموعها وتهلها

[عبدالله الصقري]

يا هلا بك يا حمام الدوح يا عذب النشيد
غيمة الاحساس من قلبك لفآني ظلَّها

الغُنا ما له طَعَم لو ما سِمَعه اللي نريد
لا و لا يروي ظمآة كبودنا و يبلَّها

للشعر حزَّآت اشبِّهها بـ شيطان ٍ مريد
تختلط فيها أحاسيس الجوى و نفلَّها

مرة ٍ فيه الفؤاد يعايش المعنى الوليد
و مرة ٍ منه العقل يجفى دروب يدلَّها

بس شعرك دآيماً ألمآس به يزدآن جيد
يا عسى ما تنطفي نآر القصآيد كلَّها

[الجووهره]

هلا بالجميييع.
ويسعد صبآحكم وكل أوقآتكم

شآعرنا الهوآوي

صح لسآنك ودآم حضورك وابدآعك

شآعرنا هزآع

صح لسآنك مبدع بكل حالاتك شعبي وفصيح
وما تفقد غآلي يآرب
هالويكند كآن مزحووم شوي

الجميله رحووله

هلاا بك منووره المنتجع
ودآم حضورك الجميل
بس وين التسآلي الجميله

شآعرنا الصقري
صح لسآنك ومنوور المنتجع
وبانتظآر ابدااااعك

شآعرتنا المبدعه نجد
هلااا بك منووره المنتجع
وصح لسآنك ع الترحيبيه الرآئعه
ودآم حضورك الجميل وابدآعك

[عبدالله الصقري]

حياك ربي يالجوهره
الله الله باللطش من تويتر لا اوصيك
هههههههههههههههههه

[الجووهره]

الله يسلمك ويبقيك الصقري
وابشر الله يخلي قوقل وتويتر
هههههههههههه

[الجووهره]

وأول التسآلي التويتريه الملطوشه
ههههههه


‏يدها تضم الورد والورد مذهُول
‏الله يعين الورد في كف يدها

،،،،

‏2012: ماعلمك صوت المطر كيف احتريك
ولا المطر ماجاب لي طاري ابد؟
‏
‏2019: كم علمك صوت المطر تحترينه
كأنه يقول ان آخر الشوق مخلوف❤️

‏⁧‫#فهد_المساعد‬⁩

،،،،،،


‏وصاله مثل ريح الثرا اللي عليه رشاش
‏وريح النفل عقب المطر في البسّاتيني

،،،،

‏الليل لامن نمت.. يشكي من البرد
‏احس حتى نجومه تقول مسكين
‏والورد يوم أقول تصبح على ورد
‏احس حتى غصونه تقول آمين

‏ ⁧‫#فهد_المساعد‬⁩

[ناصر الهواوي]

صحت الالسن والاذواق ودام الحضور
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
حييت منجوعٍ على وزن مسجون= بمعناه والا بالحروف اختلافي
ترا الحورنيه قوافي على الهون=بكم ادرجه عن مستوى الجزل هافي
تجي كذا من غير تخطيط واتكون=يقول راع الصنف هذي عوافي
تلعب بها غره ووجنات وعيون=ومنطق حلا عذب وعن الزاد كافي
حرفين بالف وكاف حدن يكفون=لو سمعهن شايبك مابه خلافي
تهجهن عساك يالقرم ما اتهون=مادمت في هالمنتجع تو لافي

[عبدالله الصقري]

أشوى مهي من مفردة جن و جنون
أحسبتها جنّيِّتك للقوآفي

ما دامها سلوى و تغفى بها جفون
بـ اجرَّها ويّآي تحت اللحافي

[عبدالله الصقري]

تسالي
من الإرشيف


الزمن ميقات .. و الأفعال منّا
والقدر ياخذ نصيبه .. و راضيين

المصيبه لو على بعض نتجنّى
ثم نقول احنا لبعضنا عاشقين

كم تمنيت اسمع النبض المغنّى
لو شوي ونبض قلبي تسمعين

نتهم لا من تبهذلنا زمننا !!
نرتمي في حضن لومه طايعين

وش بيدّي ؟ والقلوب امست وطننا
دمّنا فيها و نرحل ميتين

آآآآه يا ويل الفؤآد اللي تمنّى
يرتعش من صوتك و يغفى سنين

ما تهنى لو هو بحبّك تهنّى
ما جحد جودك كثر ما تبخلين

إن زعلت اجني زعلك و سوء ظنّا
و ان سكتّ يموت في جوفي حنين

أقطف هموم الغلا من كل فنّا
و اسقي عروق المحبّه بـ الأنين

و البس ثياب الأسيَّه و آتونّا
يمكن القى للفرح ثوب ٍ يزين

من دما الأقلآم لي كف ٍ تحنا
و لي خفوق ٍ من ظنا شوقه سجين

والختام افعال كل الوقت منّا
لا فؤآدك حس و لا عقلي رزين

[الجووهره]

يسعد مسآكم
وصحت الالسن ودآم حضوركم وابدآعكم


تسآلي هلاااليهً
هههههه

‏الزعامة والبطولة .. للهلال
‏عادة الأزرق .. محد غيره زعيم

‏ماهي لـ اوراوا ولا فيها مجال
‏والهلال اف كل حالاته .. عظيم ��

،،،

برقٍ على اليابان ونشوفه بنجد..
‏وحنا على حروة رجاه وهطوله..

‏ياهلال زد لامجادك الماضية مجد..
‏وأمطر علينا الكاس وأغلى بطولة

،،،،

‏اليوم يومك يالزعيم الهلالي
‏مجدك يرفرف بالسما من يطوله ؟

‏عالي وتبقى كل الأوقات عالي
‏ومافيه غيرك يستحق البطوله ��

وبالتوفيييق للزعيييم

[الجووهره]

ومبروووووووووك البطوووووله

ما يجيبهاااا الا هلاااالهااااا

[عبدالله الصقري]

يستاهل والف مبروك

[عبدالله الصقري]

البواب غايب بعذره
باقفل الباب
والزياره ممنوعه لين اصحى
تمسون على خير

[عبدالله الصقري]

وياليت اصحى على قهوه تركي و باشاميل
هههههههههههههههههههههه

[الجووهره]

الله يبآرك فيك الصقري
وتستااااهل الطييب

وتستاهل أحلى قهوه تركي
بس مع الاسف م عرف انزل صور من الجوآل
لما ادخل من اللاب ابشر بكل أنوآع القهوه

ههههههه

[الجووهره]

‏بالشعر اسلي خاطري بعض الاوقات
‏عـن الـزمـان بـزحـمـتـه وانـفـتـاحـه
‏•
‏اصرف هواجس خاطري بين الابيات
‏والقى عـلى صـدر القوافي مسـاحـه

‏لـلـه در الـشـعــر مـــالــه جـــوازات
‏كـل الـمـواني في بـحـوره مــتـاحـه

[ناصر الهواوي]

اسعفيني حمامه بحتة نوح=دام عني من اشتاق له ناحي
نوبي اليوم عن حلقي المبحوح=لكثرة نداي واوماي وصياحي
استزيدي من الاجر بالمجروح= ابحثي عن من يداوي جراحي
وش تشوفين في وجهي المرشوح=مقابلك كل وقتي وانا صاحي
24ساعه اجي واروح=ومن له اشقى مبسط ومرتاحي

[رحيل]

يسعد مساااااااااااااااااكم
صح لسانك ابو عبيد
صح لسانك ي الصقري
ابو محمد ماله حس اليوم
ارحبي يا نجد صح لسااانتس
صح ذوووقك جوج


ومبرووووووووووووووووووووووووووووووووووووووووووووك يازعماء

[الجووهره]

صح لسآنك الهوآوي
ودآم حضورك وابدآعك

هلا بك رحووووله
منوووره والله يبآرك فيك
نيااااابة عن كل الزعمآء
هزآع مفقود اليووم
عسا المآنع خير ان شاء الله
يمكن مشغول يحتفل بفوز الزعيم
هههههه

[رحيل]

هلابتس زووود جوجي

اي تسني اشوفه يقطع الكيكه الزرقاء (:
هههههههههههههههههههههههههههههههههههههههههاااي
ابو محمد جيب الكيكه هنا نشاركك الفرحه



:::::::::::::::::::::::::::::::::::::::::::::::::: :::::::::::::::::::::::::::::::::::


يا روح من شبّ من روحك قناديله
لله شكري على وجهك وعرفاني

انا لوجهك وحزني له وضحكي له
ولرضاك طول العمر كان الله احياني


؛؛؛

بين المطر والارض عشق وسواليف
فاضت من اشواقه عيون السحابه

مثل الوصل لاقلّ بين المواليف
يظهر جفافه فـالشعر والكتابه


تسليه (:

[ناصر الهواوي]

فقط طقطقه
يالربع غشنات المطر تنعش الروح=لو رش من تشتاق له ما غشنها
والدله اللي فوق جمر الغضا اتفوح=دله على جمر الجفا احر منها
وقلب الشقى ما لد في كل منصوح=وتحت قدم حبه جروحه دفنها
خله يون بكسر خاطر ومجروح=ونشوة غلاه اليوم يدفع ثمنها

[عبدالله الصقري]

طَقطَق هواوينا و سَطّر على اللوح
ابيات ناخذ بعض الافكار منها

نمشي على دربه لو التسليه نوح
النوح يطرد علة النفس عنها

بالامنيات يدآعب الخاطر البوح
والذكريات يفكها من سجنها

الفكر خيل الروح وان جاك بـ جموح
يدوس قلب ما يجوّد رسنها

[عبدالله الصقري]

مسا الأنوار يا نجد البراد
من البحر الذي له جو حر

ابو عبيد
صح لسانك جدي العزيز و دام ابداعك
دايم تنبش الروح نبش لين تظهر الدفين

الجوهره .. رحيل
صحت الابدان و سلمت القلوب يارب
جميل كل ما تبثونه هنا
و الأجمل تواجدكم اللي دمه خفيف و حالي

[عبدالله الصقري]

ابهديك الغلا باقه
و قارورة عطر من شعر

******

انا ما اشوف الا بك
لأنّك انتي عيوني

*******

جيت لك بالكف ورده
و بالخفا بستآن ورد

تستحقين الموده
دون عن 2000 فرد

******

أحلى صباح اللي به اشرآق وجهك
يمحي ديـاجي الروح و يبـدِّد الغيم

*****

سريت بالشوق فـ غيآبك
في وآدي ٍ موحش المسرا

قصدي إذا جيت بـ اَعتآبَك
الهـم في نـآظـري تقـرا

يا قلب لا عاش نَهَّآبك
لا غَرَّبَك و انت له تـدرا

إن كان بالوقت ما جابك
يا حسبي الله وش يجرى

*****

كل يوم آقدِّم لقلبك بيآن
عن ظما قلبي و مشآعر مرهفه

إنتي بـ ظلمة حيآتي شمعدآن
أو كما شمس النهآر المشرفه

و انتي اَعذب اسم ينطقه اللسآن
و اصدق احسآس اعرفه و ما أعرفه

[ناصر الهواوي]

يامن من اول كنت للجرح بلسم=اليوم ليش اتسممه وامس مبريه
وكنت النسيم/ليا اختنق بك تنسم=وكنت السراج اللي ينور غداريه
ادرك فواد اللي من اجلك تقسم=بين التعشم والرجا والمشاريه
ذنبه فقط انه بوجهك توسم=رحمه وحنيه وماكان يدريه
انك تنقط له بكاس العسل سم=وقرارك انك لو جزع ما اتداريه

[نور]

ابـتسم حــتى لـو تقـسى الظـروف
‏من سحاب الكون ما ضاقت سـما
‏كـم كفيـفٍ قـلبه المبصـر يـشوف
‏و كـم بصيـرٍ قـلبـه الميـت عــمى

[ناصر الهواوي]

ورا المنتجع خالي ولا اشوف له رواد=سقا الله زمانن قلت ياكثر رواده
حتى لو بقي باسمٍ قديم وحلو وش عاد=مادام البشر بالمنتجع ما لهم راده
انا البارحه في واد والفكر راح بواد=وسجات فكري هالسنه صايره عاده
ليا هاد هم شوي جت له هموم امداد=على الذاكره مشكوره اتجند امداده

[ناصر الهواوي]

اهلا يانور وصح ذوقك ودام حضورك يالعاصفيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
ورقا النخل لاشلت انا الصوت ردي=لو كان ردك بالجناحين تصفيق
ما اكذبك انا لو قلت ودي وودي=ونشف ورا ودي بك وودي الريق
صحيح ما بيني وبينك تحدي=واللي حصل يالراعبه قُل توفيق
وش به رجع كفي بعد مد يدي=الا لما قال ابن جدلان تحقيق

[نور]

يسلمووووووووو يازعيم
وصح لسانك

[شاعرة نجد]

يا هلا بك يا حمام الدوح يا عذب النشيد
غيمة الاحساس من قلبك لفآني ظلَّها

الغُنا ما له طَعَم لو ما سِمَعه اللي نريد
لا و لا يروي ظمآة كبودنا و يبلَّها

للشعر حزَّآت اشبِّهها بـ شيطان ٍ مريد
تختلط فيها أحاسيس الجوى و نفلَّها

مرة ٍ فيه الفؤاد يعايش المعنى الوليد
و مرة ٍ منه العقل يجفى دروب يدلَّها

بس شعرك دآيماً ألمآس به يزدآن جيد
يا عسى ما تنطفي نآر القصآيد كلَّها

مساء الخير رواسينا
وصحت الالسن وطابت الذوائق ودام التواجد

وصح لسانك يـ الصقري
مجاراة فاخره وحضور ممتع

لاهنت وسلمت ودمت,’’

[شاعرة نجد]

http://www3.0zz0.com/2010/11/28/21/804013249.jpg


ياليل الشتا يامنوة العشق والعشاق
يطيب السمر والشعْر والضو مشبوبه

بدايه من الثلثين لـَ طلعة الاشراق
سوالف وكل ومايجود بْه محبوبه

سوالف عذيه تروي الهايم المشتاق
لذيذه بكاسين المودين مسكوبه

وسوالف عن الدنيا وعن لوعة الَفْراق
على خاطر العمسان لا جات محسوبه

على ذمة الارسال تجري مع الآفاق
تجيني منَه وتروح مني انا صوبه

وليلي طويل وهاجس الشعر لامن راق
يسلي ولكن يكشف السر عذروبه

[الجووهره]

مسآء وصبآح الخيير
يا وجيييه الخييير

هلا بك زوود رحووله
ويسلم الذووق يا ذووق

شعراؤنا المبدعين
الجد. والحفييد ههههههه
صحت الالسن ودآم حضوركم وابدآعكم

نووور

منووووره ويسلم الذووووق
ياذووووووق

شآعرتنا المبدعه نجد
صح لسآنك مليوون
ودآم حضورك وابدآعك
يا مبددددددعه


ومآزآل هزآع مفقووود
في المنتجع عسا المانع خير
والله يرده بالسلاامه

[عبدالله الصقري]

السلام عليكمو رحمة الله و بركاته

ابو عبيد
صح لسنك و دام عزك يارب

شاعرة نجد
صح بدنك و سلمت روحك و صح لساانك ملايين

الجوهره .. رحيل .. نور

صحَّت ذآئقتكم الجميله
و دام تواجدكم العطر

توي مداوم
نسيت نظارة القراءه و بلشت
هههههههههه
و شويات يروق الجو
و لي عوده باذن الله

تحياتي و تقديري

[هزاع محمدالعاصمي]

كلام في قمة الروعه

نحن في زمن ننتظر المحترم لكي يخطيء ..
حتي نثبت للناس أنه ليس محترما

بعض الناس كالعطر المقلد .. قد تعجبك رائحته ..
لكنه لا يدوم طويلا .. وبعض الناس كالأوطان فراقهم غربة .. وبعض الناس كالأرواح فراقهم ممات .. وآخرون كالأمراض فراقهم حياة

لن يخرج من البرتقالة.. سوي عصيرها مهما ضغطت عليها ..
وكذلك الإنسان .. لن يخرج منه عند الأزمات إلا ما تربي عليه

المتسامحون يتغافلون كثيرا .. ويمررون كثيرا ..
ويغفرون كثيرا .. ولكنهم إن رحلوا لا يعودون "أبدا"

من لديه صديق يملأ حياته بالسعادة والفرح فليحتفظ به .. فالحياة لم تعد كما كانت، فالأوفياء رحلوا وحافظي الأسرار قلوا .. والحاسدين كثروا

الأمس عبرة.. واليوم خبرة.. وغدا تصحيح خطوة.. وهذا حال الدنيا...
جعلنا الله و اياكم كالغيث أينما وقع نفع..
هئنا عدت ناصحاً لا شاعراً وكل الشكر لمن سألوا عني
صباحكم ورد ورضا من ربٍ رحيم
��������������������

[عبدالله الصقري]

http://www3.0zz0.com/2010/11/28/21/804013249.jpg


ياليل الشتا يامنوة العشق والعشاق
يطيب السمر والشعْر والضو مشبوبه

بدايه من الثلثين لـَ طلعة الاشراق
سوالف وكل ومايجود بْه محبوبه

سوالف عذيه تروي الهايم المشتاق
لذيذه بكاسين المودين مسكوبه

وسوالف عن الدنيا وعن لوعة الَفْراق
على خاطر العمسان لا جات محسوبه

على ذمة الارسال تجري مع الآفاق
تجيني منَه وتروح مني انا صوبه

وليلي طويل وهاجس الشعر لامن راق
يسلي ولكن يكشف السر عذروبه

-----------

صح لسانك و دآم عزك شآعرتنا القديره

أتمنى هـ المجآرآه ترتقى لذآئقتكم
الصدق حاس ان البحر غير !! مدري و الله لكن هذا اللي قدَّرني الله عليه

.. ملاحظه..
يمكن تستغربون لو تدرون اني ما اعرف وشهي بحور الشعر و اوزانه و تفاعيله و تقطيعه
حتى في الموسيقى والله ما اعرف لا دو ولا ري و لا مقامات هههههههههههههههههههه
بس والله هذا الصدق و ما ترونه اجتهاد شخصي و قريحه تجي و تروح و الحمدلله على فضله

_________________________________



هلا بالشعور اللي تدفَّق عذب رقرآق
جدآول عسل فيه الشّفاء لنفس مكروبه

ورودك شذآها ينعش الروح و لها نشتآق
و معنآك زآد المنظر الآسر لنا عذوبه

هلا بك عدد نبض الغرآم و حربة الأشوآق
نعم شاقني نزف الفؤآد و حآلي اسلوبه

قريته و شَعَّ الدر منه و ضَجَّت الأعمآق
مقآبيس نور اللؤلؤ اللي بـ المهد دوبه

يهل المطر و يذوِّق المَحَّآر طعم عنآق
حَضَن قطرة ٍ منْه وعطى الغوَّآص مطلوبه

ألا يا قصيد الحب نوضك للخفا سرَّآق
لك اشرآق جرح و همس دمع و حبر مكتوبه

تسَلَّط على المكنون و لأمرك غصب ننسآق
نطآرد منآنا في حيآة ٍ صآرت اعجوبه

بها الليل ما هو ليل و بها الصبح دون اشرآق
بها الصدق و الإخلآص أكبر و اعظم اكذوبه

تبدَّل سَنا ذيك السنين بـ مصلحه و نفآق
و شعب ٍ بدون اخلاق ما يبني ولا طوبه

و ما دآم صآر السم قهوتنا نبي التريآق
نموت و نورِّث طيبنا لـ شعوب منكوبه

و صلُّوا على المبعوث فينا رحمة ٍ و اِشفآق
هدى المسلمين و ضَوُّ بآرئهم و محبوبه

و سلآآآآآمة الجميييييع

[عبدالله الصقري]

صباح الخير و السرور ياهزّآع
يسعدك ربي و كلآم في الصميم لأولي الألبآب
تحياتي لسموك الكريم

[ناصر الهواوي]

ان من البيان لسحرا/العاصمي
صحت الالسن والاذواق والافكار دام الحضور من الجميع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
استمري هواجيس الفكر للابد=ما اتوقع ترين الشمس لك باديه
هكذا بعض حالات البشر في كبد=لا انتشو من فرح حاستهم العاديه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
ركود الجريد ايدل بانه هناك سكون=لاورقا تمرجح به ولانسمه اتهزه
وانا اللي بذيك وذاك من خلقتي مفتون=ارتاح لنواح الورق والنود انا اعزه
يحزن صوتها سالين ويسلي المحزون=صدري تشرحه ذعذاعة النود واتحزه
من هذا وذيك اتتوق عيني لخرس عيون=وعيونٍ تراها غيرهن مالهن مزه
بكلبشات عكش رموشهن لي سنه مسجون=وقتٍ لو يقرقع حارسه بابه اكزه

[عبدالله الدّنّيش]

السلام عليكم وأسعد الله أجوائكم الشتوية
وملئها بالدفيْ والسعادة .
وشكرا لكل مشاركاتكم الدافئة والرائعة
&
ناقدنا الكريم عبد\الله الرقي شفت لك مشاركة قل فترة وشكرا
لترحيبك ونحن أيضا نرحب بك ونسعد بمشاهدة تواجدك بارك الله فيك
&
الجميع دون تخصيص لكم كل الإعجاب والشكر والتقدير والإحترام ،،

[عبدالله الدّنّيش]

مع دلوك الشمس ...
^^
سرت بي سواليف الشتا سريَة الأحلام = تدغدغ مشاعر هاجسي دغدغة بالهمس
وترسل عليه الوحي بالشعر والإلهام = ويقرأ حروف الشوق ويحسها باللمس
ويشرق نهاره وإنتظار الغسق لو عام = ويحلم ويرقب ليلها من دلوك الشمس
ألا يا دلوك الشمس هات الشفق هندام = وخذ من شفاه الزين لونك قبيل الطمس
وبث الدفأ من جمرة الخد ف الأجسام = وجسّد حدود الخصر وأضمها بالخمس
وخذني مع كأس الهوى نشرب الأوهام = نحلق على جوّ الفرح ما نشوف العمس
نغني سوالفنا ونرقص على الأنغام = وفي يومنا التالي نحاكي ليالي الأمس
ليالي الشتاء في وصفها تعجز الأقلام = ليا شعللت قلبين في جوها من حمس

^-^
ودمتم دافيين

[عبدالله الصقري]

ياهلا والله ومليون مرحبا والف صح الله لسانك يارب

ابو عبيد صح لسانك ولافض فوك

ومساء الخير ع الجميع

[ناصر الهواوي]

اهلا يابو عامر وصح لسانك
هلا مرحبا يالغامدي ما نشا غمام=ندزه عبر(واصل) او ياصلك مع سمس
ما يلحق هجوسك لوم والقاف ما ينلام=سمان القوافي بالعذوبه دمسها دمس
نبش له جروحٍ قد برت مالهن ايلام=كأنه يقول لهاجسي مع طواريك امس
اعد فكرك المرهق الى سالف الايام=لذاك الزمان اغمس خيالك بوحله غمس
على شاشته يمكن تشاهد حلق وزمام=تحيي ذكرياتٍ قد رمسها زمانك رمس

[ناصر الهواوي]

اعذب بيت
ليزيد بن معاويه
وامطرت لؤلوا من نرجسٍ وسقت وردا وعضت على العناب بالبرد
افخر بيت
يمكن لجرير/ما ادي
اذا بلغ الفطام لنا رضيع= تخر له الجبابر ساجدينا
نبي اصدق بيت واكذب بيت

[ناصر الهواوي]

إييييييييه إيييييييييييييييه
ياصباح الاجواء الرائعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
اصبح منتجع ربعي على طمة المرحوم=من البارحه مافيه زاير ولا ساكن
صحيح ان ليل الامس يشبه لليل اليوم=ياللهول حتى لون سوره غدا داكن
تصاوى على شرفات سوره فروخ البوم=بقافي بغيت اصيح في جمعهن لكن
قالن لي تمهل لاتجي كنك المنجوم=قل لذياب صدرك قبلنا خُفَن اعواكن
واليا اصلحت وضعك في تصرفك مالك لوم=تستقبلك ساحات ومحلات وآماكن
اثرني بلشت وشلت فوق الهموم هموم=لكن ودي اكسب ودكن واسلم ادعاكن
اقلن صواكن صوتكن عندنا مشؤوم=تبليت فيكن ياعسى الله يبلاكن

[عبدالله الدّنّيش]

السلام عليكم .. ومسائكم لبنة بالعسل عشان ترفع سعرات الحرارة
الهواوي يصيح ويقول حال المنتجع يفجع .. ومعاه حق ونستأهل النقّ
وصح لسانك أبو عبيد ع المجاراة والبدع والإبداع .. والمنتجعين هاجعين
وراجعين .. والشكر للكل والتحية للجميع ,,

[عبدالله الدّنّيش]

الهجوس ع المنكوس ..
^_^

أشوف الهواوي يطرق اللحن بالمنكوس = ويصفق بكفينه ويخبط على رأسه
ويشكي من الوحدة ومن حظه المنحوس = على صدة المقفين ما يقتوي بأسه
ويقضي نهاره بين زجل الحمام يحوس = وكلما تذكر تغدي الحال منحاسه
وعسى من يلومك يشتكي قرصة الناموس = ويبكي وعينه دمعها يملي الطاسه
ترى فرقة الأحباب مثل الذي محبوس = من الشهق يتعب كلما يطرد أنفاسه
وأنا يا محاكيك أخبرك تخبر المتعوس = ليا ألتم متعوس الرجأ بانت أتعاسه
من العام قبل العام عيني على المحروس = وأنا أشرب مرير الصبر والمر من كأسه
ليا شفت زوله دق في قلبي الناقوس = تقول إن ( بق بن ) حط في قلبي أجراسه
^^
وسلامتكم

[ناصر الهواوي]

يالله العقلان عليك هههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
عسىى الموانع خير يا اهل الرواسي=ماكو مريض ولا عزيزٍ لكم مات
ضاعت سواليف الضحى والاماسي=لاحكايةٍ حلوه ولا سجل ابيات
قفت اقفاي دلالنا والتباسي=راحت مع الاسم المولي ولا جات
عِد بي لها يالهجس وابليس خاسي=وخذ من بنات الفكر ما يعجب وهات
عذب البيوت اللي تداحم براسي=فيمن طعم همسه كما طعم كت كات
بسودٍ مراضٍ كن فيهن نعاسي=يضفي على الوجنه هدبهن وخدرات
ان كان بهن اغضت يجيبي عماسي=واقرا بهن لاطالعت بي حكايات
مشروع ودٍ صار فيه اندراسي=قالوا يعود/وقلت هيهات هيهات
قالو ملكت الصبر لك قلب قاسي=ما احد سمع لك بعد فرقاه ونات
وانا اكتم اوجاعي ولاني بناسي=عنهم وابرِّد حر صدري بعبرات

[ناصر الهواوي]

هلا مرحبا يا راعي الطيب والناموس=على هالجزال اللي تدهمر كما الماسه
نعم جبتها يالغامدي تشبه العروس=تحيرت القبها اب بوسي ومياسه
لكن ما انتعس حظي وكاس الامل متروس=بقوة رجاه بما يبي غالبٍ ياسه
يعكر سويعات السعاده شوية حوس=وخضر القلوب اتكون بالحيل حساسه
ما بين الموادع واللقا مثل حد الموس=على شفرته يفرق يقينه ووسواسه
اتا هكذا الموضوع عفوي ماهو مدروس=ماعودت هجسي لابغى شي لدراسه

[عبدالله الدّنّيش]

يا صح لسانك وبدنك أبو عبيد

^^
بالصبر تقوى يا شديد المِراسي = يا كم لبقعا تضرب الرأس صكات
أصبر ويا تيك الفرج في تكاسي = ترى العِجل ما صاد روس الحجيلات
يا صاحب الدفتر وراع الدواسي = هات العلوم وهاك ما يكتب الذات
يا بحر ما تفتيك كثر المراسي = يا شاعرن يغرف ويرسل بموجات
هات السوالف مثل حد المواسي = وخلنا نقطع طويل المسافات
وهات البيوت اللي بهجس النواسي = لعلها تقنع قلوب البنيات
يا ذا الهواوي صدتني بالحواسي = وكويت قلبي بالشعر خمس كيات
وأنا بهذا المنتجع بين ناسي = أحباب وألا الصدق .. أخوان وأخوات
^^

[عبدالله الصقري]

سلام عليكم


عذري ما في نت في العمل

اداوم من الان الى 8ص

ارجع واخش هنا ما القى احد
انام واصحى زي الحين متاخر
هذا للتوضيح و سلامتكم

[شاعرة نجد]

مساء الخير رواسينا

وصحت السنتكم شعراؤنا المبدعين,الهواوي والدنيش
وتسلمون على هـ الدرر العذبه والمجاريات الممتعه

ضاعت سواليف الضحى والاماسي=لاحكايةٍ حلوه ولا سجل ابيات

يجيب الله مطر شاعرنا,نعود ونجود

وأنا بهذا المنتجع بين ناسي = أحباب وألا الصدق .. أخوان وأخوات

فعلا اخوان واخوات شاعرنا,منتجع روعه ومشاركات ممتعه
حتى لو غبنا نعود لمجلس الشعر الفاخر

وصح لسانك يـ الصقري ولاهنت على المجاراة الفاخره

لاعدمنا الجميع
وداام الابدااع والمبدعين,’’

[شاعرة نجد]

مشاركه بين المساء والصباح:smile:

محتاجه أرتاح من همي وغربالي
تعبت اضمّد جرووح الرووح واخفيها

دايم وانا اللي على بالي,على بالي
حتى صلاتي وربي زارني فيها

قسم من الشوق بان النقص في حالي
فتره وطالت علي مـ احتلت اعديها

كنت احْسَبَنْها تزول وصبرنا طالي
والنفس تبغَى هواها,الموت قافيها

واعد الايام واتْسَلاّ مع السالي
بـ ابيات شعري واسجلها واغنيها

أجحد واكابر واغني لال يالالي
واشب ناري من ضلوعي واطفيها

واصور احداث عمري وانطر التالي
يمكن تعود البواخر لَـ مراسيها

[خيال مطير]

أدخل على الله وأسلم الأمر تسليـم
أستغفـره وأستذكـره وأستميحـه
وضح النوايا والمسـاري مجاهيـم
والحلم غالـي والليالـي شحيحـه
سـادت مفاهيـم وبـادت مفاهيـم
ويح الزمن يابنت الأجـواد ويحـه
خلي علـوم ممسسيـن المرازيـم
واخذي علوم مصمصمين القريحه
حنا سلايل عبـس يامذيـر الريـم
حنـا مقابيـس الوغـى يامليحـه
حنا سلايل قاسـم الخيـل ودليـم
وزعاتنـا يـوم المكايـد رجيحـه
بدو حفايا مـا انصفتنـا المقاسيـم
وبصدورنا عـزٍ تطـارخ فحيحـه
نرعى رفيف البرق في ساقة الغيم
ومن يستبيح حدودنـا مـا نبيحـه
وليا ترع في هرجته دفش وبهيـم
خطو الهبود الي تكابـر فطيحـه
عن ساقط الهرجه نطق الملاطيـم
ومن طاح فيها مارحمنـا مطيحـه
نكبر عن الطفسه ونجزع من الضيم
ونموت ما ناطا شليـل الفضيحـه
نزوم زومات الرجـال المحاشيـم
ونهد هـدات النمـور الجريحـه
ربـع علـى در المنايـا مفاطيـم
من هازنا زاغت عجوزه تصيحـه
أليـا تغشلينـا عسيـر الشغاميـم
لومك على الي ما يبرهن مديحـه
وان لولشـن محشمـات الملاثيـم
والموت حثرب بالحناجر ضبيحـه
جينا من اقصانا سحـاب مراديـم
كل يذكي حروتـه عـن نطيحـه
يازيـن دح قفوشنـا لـه ترانيـم
والعج واقف والفعايـل صريحـه
كان المنايا سوقهـا مابعـد سيـم
والخوف برك بالقلـوب الكسيحـه
حنـا زباينهـا علـي المـلازيـم
علـم يقريـه النصيـح لنصيحـه
واللي بنـا بيتـه نبيـه ابراهيـم
إنا طريـق المستميـت لضريحـه
بني رشيد إن عتـم الجـو تعتيـم
ما للـردى فينـا ملامـح وليحـه
اجسر من الرعاد واكرم من الديـم
سمر الجباه اهـل الوجيـه الفليـحه
خوينـا نقريـه عـزه وتحشـيـم
دخيلنا دونه عن المـوت صيحـه
يابنـت ماحنـا فقـارى معاديـم
لو ما سكنـا بالقصـور الفسيحـه
تجار لو ما حاشت يدينـا ملاليـم
ومن الغنـاه نفوسنـا مستريحـه
مانستضيق اليـا لفونـا معازيـم
للضيف لو نذبـح حدينـا ذبيحـه
دايـم يدينـا للعطايـا موالـيـم
لاخانت الفزعـه وجيـه كليحـه
طال القريض ومقبـل الودومقيـم
والبـال عييـا طارقـه لايريحـه
أقولها وأبصم على القول تبصيـم
والعلم بين زايفـه مـن صحيحـه
ماهو قصور بالحرار الصماصيـم
كل بدرب العز قـد هـب ريحـه
مدحي لربعـي مايـذم الأكاريـم
ولايستشـك الا خبيـث الشريحـه
والحق واضح للرجـال المفاهيـم
والحقد يخرث بالنفـوس القبيحـه
والشر من جيت معزي وهـو نيـم
واليوم وحده والشريعـه سميحـه

مساعد الرشيدي

[الجووهره]

صباح الخير والجزاله والابدآع
شعراؤنا الهوآوي ، الدنيش
شآعرتنا نجد
ابدااااع وامتااااع صحت الالسن
ودآم حضوركم الجميل وابدآعكم

شاعرنا الصقري
هلا بك والله يعينك
الدوام يهون عند انقطاع النت
ههههههه
وبانتظااار ابداااعك.

خيآل مطير
هلا بك ويعطيك العافيه
على اختيارك الجميل

والله يرحم مساعد الرشيدي
وأمواات المسلميين

[الجووهره]

ياصبآح الخير وهبآت النسيم
وياصبآح النور ونقول السلآم
السعاده رزق والمعطي كريم
أسعد الله قلب من رد السلآم

صبآحكم خير وسعآده

[ناصر الهواوي]

صباح ومساء الخير ع الجميع
اهلا يابو عامر وصح لسانك وبدنك
مرحبا ياشاعرة نجد وصح الله لسانك وبدنك
اهلا يالجوهره وصح بدنك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،
ياشاعرة نجد بين الليل واللآلي=تظهر معاناة قلبٍ كان يخفيها
ويبين مافي زوايا خافقه كالي=ويبصم بالاقرار لوهو قبل يخفيها
اشجا الهجوس القصيد وجر موالي=ورد القريحه بعد ما كان معفيها
قافك على فالك وقافي على فالي=لو القصيده تشابه في قوافيها
كم فات ما شفت له زيله من هلالي=الله على ما(بني)سوت يحافيها

[عبدالله الصقري]

يا مسا الانوار والله
صحت ألسنتكم هواوينا و نجد
و الجوهره حقها الزعامه اكيد

و قبل اروح العمل اخترت هالأبيات من ارشيفي و هي قصيده طويييييييله
ههههههههههههههه اختزلت المناسب منها للنشر
مع أجمل و أرق تحيه


1000000 كلمه اَجَمِّعها
من قلبك الصافي و قلبي

لاجل اِن حَضَرتي أَرَتِّبها
و آخطَّها بصدرك العذبي

واقسى شظاياك بـ اكتبها
دم يوصف اِعلانِك لْ حُبِّي

لو هي جريمه أَبَـ اَنْسِبْهَا
للوقت و اقدآر من ربِّي

بـ آخذ يمينك اَحبحبها
و اَغْرَقْ بَهَا دون ما آخَبِّي

يا أجمل الريم و اعذبها
لولآك ما يِـنْـلِـقِـى طِـبَّي

و عيونك .. اللي أعذِّبها
بالدمع .. في غيبتي وقربي

ظِلِّي بْـ هَدَبْها و حاجبها
من صآآآدق دْمُوُعَهَا شُـربـي

هي دمعة ٍ لو أحاربها
خسرآن مع جيشي لـ حربي

نِعـمَه من الله ... عَجآيبْهَا
زآدت بمفتونها الكربي

ما غيري انسان شاربها
حتَّى الذي مْحَـلَّلَه ربِّي

سَآعَهْ وتنبض عَقآربها
في معصم الغير من قلبي

بالأمس عذرا ترايبها
واليوم للثاني اِتْرَبِّي

صابتني بـ حب صايبها
مو ذَنْبَهَا تحبّ و مُو ذَنْبي

هذي الحياه و غرايبها
يا كم سَبَوُهَا و كم تَسْبي

كم جآذَبتني و اَجآذبها
و البير قد جف من جلبي

لين استقى الروح جالبها
حتى نبت داخله عشبي

عطر المحبَّه هبايبها
مااستغربه ما أقول اِشْ بِي

لو لحَّفَتْني ذوآيبهـا
ما يصبح الشرق ذا غربي

ما الومها .. بجد حآببها
و تحبِّني وذا سبب غلبي

ما هي حلالي و خاطبها
ياليتها طير في سربي

ياليت نومي بجانبها
و يتوه في حضنها دربي

الباقي ما يصلح
هههههههههههههههه

وسلامتكم و انشاء الله ان لقيت شبكه منا والا منا تواصلت معكم
وان تأخرت جهزوا الفطور لين اجي

استودعم من لاتضيع ودآئعه

[عبدالله الصقري]

لقيت لكم ذي بعد
لي صديق غالي وكتب لي يقول

أشغلت كل الحوآس الخمس
لين اصبح البال متوتّر
ياليت ترجع ليالي الأمس
نقطف من الورد و نبعثر

فيصل عسيري
____

رديت عليه

الود في وقتنا به طمس
و الدم في العِرق متخثر
لو يرجع امس و ليالي الأمس
ما كان لليوم متعثر

12 صفر 1424هجري

[الجووهره]

‏عيش الحياة ولا تبالي بما فات
‏الي مضى ماضي ولا له إعـاده

‏وأستقبل المقبل بخير وسهالات
‏ترى التفاؤل من أساس السعاده


صبآح الأمل والتفآؤل
والسعآده

وصحت الالسن الهوآوي والصقري
ودام حضوركم الجميل وابدآعكم

[عبدالله الصقري]

ههههههههههههههههههههههههههههههههه

طيب

[خيال مطير]

يالخفير اللي على سجن القوافي=فك باب السجن والمسجون فكه
جيبك اللي له ثمان ليال طافي=شغله من شرق ثم ناحر لمكه
واخذ معك من الكلبشات النضافي=واحضر اللي كل يوم يشوح سكه
شاعرٍ شعره ماجاء فيه اختلافي=اشهد ان البيت لالزمه يحكه
نوب اقول بخير طيب ومتعافي=ونوب اشوف الضيق في صدره يدكه
ماشكالي يومها شهبٍ عجافي=وهالحينه عنده من السمن عكه
وكان في قلبه دواسيس وخوافي=وش بلاه يحدهم ماعنده اكه
وان بلاه الله بمزيونٍ وجافي=علموه يدز لي رقمه ونكه

[خيال مطير]

ياهجوسي دندني والجو صافي=لايصيبك ف الزمن ريبه وشكّه ..
العبي من طنختك والثوب ضافي=يوم جاء المرسول قدمي ثم فكّه
جايبه قرمً مع العالم سنافي=الجليدي باب طيبه مايصكّه
من محمد جاني المكتوب وافي=جعل صدره ماتجيه اليوم تكّه
يطلب بسجني وانا عندي عوافي=لو سجنه للمشاعر فيه ضكّه
مير ابرمي ماحصل قدمي خلافي=لو ضلوعي فوقها هم بلكّه
واعترف له ب الامر لو كان خافي=من ضميرً نوب خماته تفكّه
والسلام اعداد من كبر وطافي=لجل دينه زار طيبه بعد مكّه

[خيال مطير]

يانديبي وانت للسجه تحرا= شغل اللي يطربك صوت اشتغاله
جمسً احمر بدي من داخل وبرا= كل شي فيه من شد الوكاله
هو مجري واحدً ماقد تجرا= وهو خويك ل ارتخاء حبل الزماله
نحرّه قرمً على الطاله مضرا= طيب راسه يرفعه ماهوب عاله
قل ﻻبو بندر ترا صدري تفرا= فرّته دنياه من فر المحاله
من حبيبً عن حبيبه قد تبرا= كل يوم يجيب له هرجه وقاله
قام يخلف في طبوعه ويتزرا= واعتبر ماراح من حالي حلاله
فرحتي به مثل عودً عند عرا= جاه سيلً يتلطم جاله بجاله
كل لحظه طيفه الطيب يمرا= ودي اقدم له واجي له واعناله
والسلام ختام والوقفه على الرا= والضمير يخف ربي ماجرى له

[خيال مطير]

https://www.youtube.com/watch?v=Hseu2nzD0f8

[ناصر الهواوي]

المتواجدون........................................ .انا فقط
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
سل نفسك بالقوافي لاتسلي غيرك=كان بك ضيقة صدر يالقرم غيرك سالي
امس في جو انتظر واتشوف رفرف طيرك=وصرت مع من ينتظر طلة مذنب هالي
قل لذات الطوق فكيني وكثَّر خيرك=ليش تقليب المواجع جعل مالك والي
كان ظنك بي كذلك مخطيٍ تقديرك=ما خطر في بالك ابدا ماخطر في بالي
كنت من فرط الثقه بك لانويت اشيرك=واكتشفت اني محدر لي شعيبٍ خالي

[عبدالله الصقري]

مسا الخير

منت لحالك يا جدو
قلبي معك
انا اللي طفشت لحالي
والحين مداوم و صدفه لقيت شبكه
وانت الظاهر لانمت ما تسجل خروج
لأني القاك متواجد دايم ولا ترد الا ثاني يوم

[عبدالله الصقري]

توقعت مع هالجو نسمر سوا و نلعب بلوت و نحيي هالمكان بالجمعه الطيبه
لكن حظي كذا من ايام السجن

[عبدالله الصقري]

لي عوده باذن الله

[الجووهره]

ههههههههههههههههههههههههههههههههه

طيب

ههههههههههه
دوووم الضحكه الصقري
وخلي الموضوع بينااا ههههه
الله يسعدك

[الجووهره]

وصبآح الخيرآت
والشيلاااات

https://youtu.be/7HFcB233Kno

[الجووهره]

من لايودك صادقٍ لا تودّه
ومن لايداري خاطرك لاتداريه
القلب يجفل من وجيهٍ مصدّه
وانا اشهد ان القلب دليل راعيه
وسيلٍ جرى عن مدرجه لاتحدّه
جنب وخل السيل يضرب مجاريه
ومافات من دنياك صعبٍ مردّه
خذلك من الماضي عباره وتوجيه

[ناصر الهواوي]

صباح الاجواء الرائعه
انا لي 3سنوات ما سجلت خروج لاني ادخل كم مره في ال 24ساعه(عاطلٍ باطل هههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
شهر ثلاثه فات واليوم ثالث=من اربعه وافكاري براسي اتعيث
لامن مراسيلٍ ولامن تحادث=رغم ان صوتك يعتبر عندنا غيث
يمين ماني فيه يالزين حانث=وانا ما اجامل مثل حضرتك من حيث
انك بقلبي من كذا عام لابث=واني جعلته قسمك من المواريث

[ناصر الهواوي]

حييت بالمنتجع يوم السبت ياعديم=لعل جيتك له ياضيفنا دايمه
وتصير للحارس اللي عند بابه نديم=يوم ان بعض البشر عن صحبته شايمه
خضر الجرايد يداعبها ضحي النسيم=ياليتها من جنوب اتهب نسايمه
حيث ان قلبي بذعذاع الجنوبي يهيم=ومن يعرف السر به ما يلحقه لايمه
قلب العنى صار له فقد الولايف غريم=ونفسه عن اللي سواهم من قبل صايمه
ليا فقد من يوده صار كنه يتيم=وتخور لوهو بطل لاغاب عزايمه

[عبدالله الصقري]

صباح الاجواء الرائعه
انا لي 3سنوات ما سجلت خروج لاني ادخل كم مره في ال 24ساعه(عاطلٍ باطل هههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
شهر ثلاثه فات واليوم ثالث=من اربعه وافكاري براسي اتعيث
لامن مراسيلٍ ولامن تحادث=رغم ان صوتك يعتبر عندنا غيث
يمين ماني فيه يالزين حانث=وانا ما اجامل مثل حضرتك من حيث
انك بقلبي من كذا عام لابث=واني جعلته قسمك من المواريث


ما ردني عنّك سوى جور حادث
فيني مواريه و اصاباته تعيث

ماهو بـ حادث سير للنار نافث
هو شي أدهى من تغاريز تثليث

اسقيت لي فيما مضى كلب لاهث عزكم الله
لكن عقر كفي على شاطي الليث

في فكه السم المنقع يثارث
ناب الشبث و قفار صارت محاريث

فيه افتكر لا صار للحِيل فارث
يطش دمها و ان تجانب لها يميث

[ناصر الهواوي]

الله الله يالحفيد ولا غرابه طالع على جدك هههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
اووووووووووووووووف= اوووووووووووووووف
طفشت ابا آخذ لي مع الخط مشوار=واشيل لي موال في صوت عالي
وابوح فيما اخفيه ما ابقي اسرار=حال الوليف ليا فقد شوف غالي
لي كم شهر يلعب بمخباتي الفار=ولاعنده احصل جواب إلسؤالي
يقول لي حاول تجنب هالافكار=هذي وساوس/ قلت عزي لحالي
واخذت لي مده بهالوضع محتار=حتى بوجه الماء اليماني بدالي
وماكان عنده سر لي قاله اجهار=وخسرت شيٍ ما يثمن بمالي
والصدر ضاق وشبت بوسطه النار=ومعه من اول كان صدري شمالي
توضيح
اذا شك احد بربحه او خسارته في اي موضوع
وثبت له ما يكره يقال شاف سهيل بالماء وهو النجم اليماني
وشوف سهيل بالماء طريقه فلكيه عند اهل نجد ويمكن عند غيرهم
كانوا للتاكد من طلوع الثريا او سهيل
يملون طشت بالماء ويضعونه في غرفه بحيث الضحى تسطع عليه اشعةالشمس
وتنعكس صورة الثريا على شكل نقط على سقف الغرفه وقد ادركت ذلك قديما

[خيال مطير]

والى مضى خمس وعشرين ليله

يطلع لك المرزم كقلب الذيب

والى مضى خمس وعشرين ليله

يطلع سهيل مكذب الحسيب

والى مضى خمس وعشرين ليله

تلقا الجوازي طردهن تعيب

تلقى الجوازي ما تناظر مقيله

ليله نهار وتجتلد وتليب

والى مضى خمس وعشرين ليله

لا تامن الما صيبه صبيب

[خيال مطير]

سهيل نجمه قد له أيام شفناه
واقفى سموم القيظ وأقبل براده
راعي الولع يفرح ليا حل طرياه
تمضي لياليّه سرور وسعاده

[ناصر الهواوي]

خيال من قوقل سحبت الخلاوي=وجريت لك شاعر سرى يمدح سهيل
ومن شان ذا لك يابطل طيب جاوي=مع دلة الرسلان وقنادها هيل
خيال ذيب الصدر من جوع عاوي=جيعان ود وهو يقلط على حيل
حبل الوصل لاويه هالوقت لاوي=تحط به نكبات الايام واتشيل
راع الهوى سكَّن هبوب الهواوي=بقطع اتصالاته معه والمراسيل
جتك ارتجاليه وقل ويش ناوي=معك سعه من نهر دجله الى النيل
ههههههههههههههه=ههههههههههههههههه

[شاعرة نجد]

صباح ومساء الخير ع الجميع
اهلا يابو عامر وصح لسانك وبدنك
مرحبا ياشاعرة نجد وصح الله لسانك وبدنك
اهلا يالجوهره وصح بدنك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،
ياشاعرة نجد بين الليل واللآلي=تظهر معاناة قلبٍ كان يخفيها
ويبين مافي زوايا خافقه كالي=ويبصم بالاقرار لوهو قبل يخفيها
اشجا الهجوس القصيد وجر موالي=ورد القريحه بعد ما كان معفيها
قافك على فالك وقافي على فالي=لو القصيده تشابه في قوافيها
كم فات ما شفت له زيله من هلالي=الله على ما(بني)سوت يحافيها



قافك على فالك وقافي على فالي=لو القصيده تشابه في قوافيها

الله الله يـ الهواوي
أما هـ البيت مسكّتتت,صح لسانك
مجاراة رائعه وحضور اروع

لكن المفردتين اللي فالعجز,البيت الاول والبيت الثاني متكرره
وحنا في هـ القسم نكتب بطلاقه وبدون تدقيق يعني عادي هه
بس انت قدوتنا وتقبل تنبيهنا ومنك نستفيد يـ ابوعبيد :smile:

[شاعرة نجد]

مشاركه في منتجعنا اللي جمعنا

يرقص على حس المشاعر هجوسي
تاخذ طيوره في سماا الفكر دوره

مشكور لامن راح بي عن طقوسي
وادْخَل على قلب الشقيه سروره

أسرح معه وامرح وافصّل واقوسي
والبس وانا فـ الْوان ذوقي فخوره

مع هاجسي لو كان غير مْحسوسي
جوله على جسر الخيال مْحكوره

ياما سرحت وطال بي الجلوسي
فكري شرد,ولابقَى غير صوره

خذيت من رحلة حياتي دْروسي
تفيد والا ماتفيد,,مْعذوره

[عبدالله الصقري]

يا مسا الأنوار والنوّار

وصحت الألسن و ادام الله هالجمعه الطيبه

و لي عوده باذن الله بس يخف ضغط العمل

تحياتي للجميع

[عبدالله الصقري]

مشاركه في منتجعنا اللي جمعنا
شاعرة نجد


يرقص على حس المشاعر هجوسي
تاخذ طيوره في سماا الفكر دوره

مشكور لامن راح بي عن طقوسي
وادْخَل على قلب الشقيه سروره

أسرح معه وامرح وافصّل واقوسي
والبس وانا فـ الْوان ذوقي فخوره

مع هاجسي لو كان غير مْحسوسي
جوله على جسر الخيال مْحكوره

ياما سرحت وطال بي الجلوسي
فكري شرد,ولابقَى غير صوره

خذيت من رحلة حياتي دْروسي
تفيد والا ماتفيد,,مْعذوره


______________________


إملي بعذبآت القصآيد كؤوسي
من كل معنى جزل في كل صوره

بنات فكري شرَّعن لي عروسي
و ازفّها في موكب ٍ فآض نوره

في طيَّها مجنى حلايا غروسي
و عذوقها حسّ الفؤآد و شعوره

قصيد حر و ما شريته بـ فلوسي
من ربّنا يشهد بما في سطوره

عشقت نوَّه يوم عآنَق يبوسي
ربيع دآيم و الشذا من زهوره

لا صرت متضآيق يبدِّل عبوسي
بـ اشرآق نبضه وابتسامة مشوره

يا عينها بشفآك للحرف بوسي
عسآه يتبآرك بها في حضوره

[عبدالله الصقري]

تسالي


مايهمّني شْـ ودَّها نفسي
النفس بالسوء أمَّـــــاره

إن طعتها داربي الكرسي
و انعـدّ من نـاس غـدَّاره

إنتي غلاي وضيا شمسي
يا حب يكويني بــ نــــاره

لولاك ما غـاب هم امسي
يشهــد لي الليل واسرآره

----

حنين القلب .. معناه الغيــاب
لـ فـكــر ٍ لا قسى قلبي حضـر

معـاه اظمتني وعـودالسـراب
وضيّعـت البصيــره و البصـر

ينــادمني مثل كـاس الشـراب
و يحكي لي مواجـيـع البشــر

يـذكّـر بالعـبـر اهـل الصــواب
و من يستغـفــر المولى غـفـر

ألا ليت الغـنيمـه و المـصــاب
تـذكّــر من تـغــشـِّــاهـــم غرر

و ليت النّــور يفهـم ليه غـاب
ومن بعــد السّـكـر تأتي الفكـر

إرم ذات العـمـــاد من العــذاب
بعد شوف العيــان امست أثــر

أنا ما انـكــرت ربي و الكتـاب
ولا خـطّـيـت آيــــه بـالصخـــر

ولاني بـالّـذي لا اقفيت عـــاب
و لا من قــاده الشـوك لـ زهــر

بــلاي مـن الــذي لا حــنّ ذاب
و صـبّ آلآمــه بصـدري نهــر

هـذاك القلب ما يحسب حساب
سـوى لعهـــوده ولو ما انتصر

دعــاه الحبــــ و لبّـاه و أجـاب
وعــانـق بيض صفحـاتي مطر

فــؤادٍ مـع هـمـالـيـل السحــاب
غـمــرني بالأمــل ثـم انهـمـــر

روى بالـدّم صحــرا الإغتـراب
ولـيـت الغــرس جـانـا بالثمـــر

ألا يـا خــــافـق ٍ ذاق العـقـــاب
من اقـــدار ابــن آدم لا مـفــــر

إذا جافـاك مـيـثـــاق الصحــاب
خــــذ الـمـيـثــــاق للي به أمــر

وقــل يا الله لـك عـبــدك أنـــاب
و تـعــرف بعـدهـا ويش الخبـر

وتعرف من يُهـــاب ومن يَهاب
وتلمس وصلـه بـ نصف العشر

إذا شـــآب الطفـل قبل الشّبــاب
تـراهــا من نـواقـيــس الخطــر

واذا المجــروح بالأوهـام طـاب
بقى تـحـت امــر خـلاّق البشــر

لـيــوم ٍ سُمّيَ بـ يـوم الحســـاب
إذا بــه نــاسـي ٍ لـلـمـسـتــقــــر

[عبدالله الصقري]

يا نجم يالّلي رعاك الشوف دون المجرّه
سـريـت عنّي و انا عـيني لـ ضـيّـك رقيبــه

تركـتـني في دجـى ليـل ٍ بلاني بـ شــرّه
غريب واصدق معاني الحب صارت غريبه

حـرام و اللّه يا مـن صـرت للعـيـن قــرّه
تـخـلّـي الّلي بــدا فـي حبّـكم يـنـتـهـي بـــه

ياليت قـلبـك يحـسّ بـْ لوعتي بس مــرّه
و يروف بالّلي جنى دون المصيبه مصيبه

بدايتك لمتني في من خذا القلب و غـرّه
واخـذت قلبي و معه الـرّوح راحت سليبـه

يا معـذّبي وان خذيت البـال يهنـاك فَـرَّه
لكـن بـربّـك مثل مآ اخـذت بـالـي تـجـيـبــه

ماني بْـ طير ٍ يجاذب ماه من قـآع جـرّه
نعم شربت الغـلا والـسّـيـل مشـدي نحيبــه

ولاني الّلي لـبـس ثـوب ٍ توَهَّـم و زرّه
ولا شفـع لي سوى صبـر ٍ لـراسي يشيبـه

المشكلـه ما حد ٍ لو يشتكي القلب حـرّه
يكـفّ دمـع ٍ من اسبـاب الشـمـاتــه يذيـبـه

على حبيب ٍ غـدى بين المحـانـي مقـرّه
ياليت يـدري بـلاه الـوقـت كيف التهي بــه

ما اقول غاب و جحد للطّيب مثقـال ذرّه
لكـن أقـول الأصيــل يبـان حــزّة مـغـيـبـــه

أنا ادري انّ الكلام الّلي خفى ما يـغــرّه
و عارف انّ الغلا الفيّاض عيب الحكي بـه

ألاحظ الخوف بعيــونــه بـ حلوه و مـرّه
وانا أبـد ما طلبت مْن الهــوى ما يـعـيـبــه

إذا على الحب دسّـيتـه بـ قلبي و صَـــرَّه
واذا على القُـرب في ليـل الجفـا ملتقي بـه

و اقـول واللّه تـرى ما حــدّ قلبي و طَـرَّه
سوى شعـور ٍعجزت اعرف خباله و طيبه

يا نـاس خـلاَّني الغـرقــان لـكـن فِـ بَــرَّه
وين النّجـاه و بَحَـرْهْ الّلي يطبّ يغَـدي بــه

وان جيت للحقّ ماعندي سبب و آتشـرّه
لـكـن خـوفـي عليـه يـزيــد فـيـنـي لهـيـبـه

أبيه يسعـــد بدنيــاه و يـلاقـي المـســـرّه
حتَّى و لـو مـا بقى غير الحيــاة الرهيبـــه

إذا هـنــانــا على كَـفَّ الـمــأآسـي مـبـرَّه
ما بالحزن مـا يجـرّحنـا سـوى انّـه غليبـه

و اذا قَـلَـقْـنــا على منهو عشقنـاه ضـرّه
أبـ ابتـعـــد قـبـل مـا قـلـبـي يهينـه حبيبــه

[عبدالله الصقري]

أسيرَك يَا بَحَر؟ وَالَّا أسيرَ الّليل ؟ مَدرِي
غرامك ما هـو الاّ غـبِّـةِ تَحوِي ظَلَامِي

أنَاظِر يا بَحَر موجَك وفِيه آشُوُف بَحرِي
يعُـوُمَك مَا يَبي غيرَك أحَد يَفهَم كَلامي

حَسَبتَك يَا بَحَر إنسآن قَدرَه فوق قَدْري
أثَاري ذِمّتَك دايم تِخُونْ ... و مَا تلامي

اَبـ اَسأل يا بَحَردَام اَنتْ بـ اَلغَـرقَـآن تَدري
حَياتَه وشْهِي اِلاَّ قَطْرةٍ مِنِّك!؟ و ظَامِي !!

سَرَقتَه يَا بَحَر منهو بـ ذِيِك اَلفُلْك يَسرِي
جذَبْتَـه مَا طَرَى في نِيِّيِتَك غير اَلعَدَامِي

يمِينَك يَا بَحَرمَركِبْ قِدِيمَ اَلخَير .. مَذْرِي
حَلاَ بِـ المِلْح ويسَآرَك بَهَا مِجدَاف دَامِي

و عينَك يَا بَحَر سِر ٍعَلى مَرفَــآه جَهْرِي
تنَاظِرنِي و تِنكِرنِي و هِي تَدري عَلامي

و قَلبك يا بَحَرتَجرِي دِمَآه بـ جَال صَدرِي
و مِنْ يَروَاك اِلاَّ قَلبِي و مَنْ فِيِك عَامِي

أَمَـآنَــــه يَـا بَحَر مَآ دَآمَنَـا جِينَــآك نَجرِي
تِسُـرَّ اَروَاحَنَا ؟ واَلاَّ عَلى خُبْري حَرَامِي

بِـ رَبَّـك يَا بَحَر لاَ بَــآتْ فِي ظَلْمَآك قَبْرِي
تَرَفَّق لَو أحِبّ يِكُوُن فِي جَوُفِـك مَنَـامِي


----------

يمِينَك يَا بَحَرمَركِبْ قِدِيمَ اَلخَير .. مَذْرِي
( حَلاَ بِـ المِلْح )ويسَآرَك بَهَا مِجدَاف دَامِي
بمعنى أصابه الصَدَأ و أصل البيت حلآه الملح
والمقصود مركب صيد غارق .. وهوشاهد على نعمة البحر والرزق
تَرَفَّق لَو أحِبّ يِكُوُن فِي جَوُفِـك مَنَـامِي
كناية عن حكم الغريق أنه شهيد
فالكل يتمنى الشهاده

[عبدالله الصقري]

بـلاني ربّي احمـل هـمّ غيري
وفيني ما حد ٍ حسّ و درى

و بكفوفي دِمَلْتْ جروح طيري
و طار وجرح قلبي ما برى

الا وشلون اضيِّـع خـط سـيـري
و ادلّ السَّاهر دروب الكرى !

و ليلي .. في دجـآه اغتال نيري
بعد ما ولَّـعَ الشّوف السَّــرا

إذا تطمس كـفـوف الشَّــر خيري
فلا غير الوفـــا حلّ و طرى

بذَلْت الـرُّوح لاجل يعيش غـيـري
فـ تعبيـري و انا تحت الثرى

[ناصر الهواوي]

هههههههههه
ايه معك حق ياالشاعره ما اخذت بالي منها لاني اكتبها طقطقه ولا اراجعها وخيرها بغيرها كما يقولون
وصح الله لسانك وبدنك
اهلا يالصقري وصح الله لسانك واوجز شوي هههههههههههه

[عبدالله الصقري]

صح بدنك جدي


ابشر

[الناقد/عبدالله الروقي]

السلام عليكم وأسعد الله أجوائكم الشتوية
وملئها بالدفيْ والسعادة .
وشكرا لكل مشاركاتكم الدافئة والرائعة
&
ناقدنا الكريم عبد\الله الرقي شفت لك مشاركة قل فترة وشكرا
لترحيبك ونحن أيضا نرحب بك ونسعد بمشاهدة تواجدك بارك الله فيك
&
الجميع دون تخصيص لكم كل الإعجاب والشكر والتقدير والإحترام ،،

عليكم السلام ورحمة الله
بارك الله فيك ياأبا عامر وحياك الله وبياك أيها النبيل
نقول إن شاء الله، تقريبًا أسبوعين وأنتهي من عملٍ عندي ونتطلع لرؤيتك.

[خيال مطير]

تسليه من الخيال

بداية القصة عن رجل من البادية اسمه حمدان وهو رجل هواوي ما يشوف بنت الا يتغزل فيها ومشهور بذلك، وسمعت به امرأة صاحبة مقالب قالت في نفسها لابد ان اذهب لهذا الشايب وامزح معه واشوف ردة فعله كيف تكون، توجهت اليه والقت عليه السلام.. كيف حالك ياشايب.. رد السلام وفجأة عطته ظهرها ومشت دون استئذان ولا شيء فغضب الشايب من فعلها ولكنه نظم فيها أبيات يستعطفها ويقول انها ذكرته الماضي واذا ما عطته وجه فإنه سوف يلحق بأخيه حمود اللي في قبره نتيجة الهوى فقال:

يابنت خوذي خاطري وارحميني
لا تجرحين العود بعيونك السود
غضي نظرك وغطي الوجنتيني
لعل يوم جدد الجرح ما يعود
يوم انتهى مع مرمسات السنيني
جتني صواديفه على غير مقصود
باول شهر عشره نهار الثنيني
حمدان مروا به على جناز حمود

البنت كانت تقصد من استفزازه انها تجاريه في الشعر وترد عليه والمسكين لا يعلم انها شاعرة (ما خذ راحته في التغزل) ردت عليه وقالت:

ياشايب الرحمن وينك وويني
عزي لحالك قدمك الباب مسدود
قلبك عطوف وجاه قلب متيني
والبنت ما تشفق على مغازل العود
حبل الرجا مقطوع بينك وبيني
مثل الغليث اللي رعا قلبه الدود
اقفى شبابك والعرب مقبليني
ياعود ما يرجع من العمر مفقود

حطمته عندما قالت له انك عود وان الشباب ما يرجع وان ما فيه امل تعطيه وجه.. احس انه تورط فكتب عدداً من الابيات يقول لها انه لا يرغب بالتغزل:

يابنت صدي بالعيون الظليلة
لا صد عنك الله نهار القيامة
مالي ومالك يالفروع الطويلة
لوفيك من رسم البداوة علامة
يابنت مالي بالثمانين حيلة
اهدف كما تهدف على البير قامة
اقفى شبابي والدهر شفت ميله
يالله حسن الخاتمة والسلامة
اعطيك موجز والبضاعة قليلة
واخذت لك من صافي الماء سنامه


راحت الايام والشايب يفكر في قولها كيف (اعطي شايب وجه) بعد فترة مر بها الطريق عليه وردت عليه السلام واستفزته وراحت وتركته وقال ليه ما ابين لها انها بتشيب مثلي واني رجل طيب وان الناس لن يتنساني ومعروف بالكرم واني ما ابي منها غير التحية والترحيب، يقول حمدان:

يابنت ماجاك الكبر والخشونة
وعادت شباب اليوم يجفل من الشيب
ياسرع ما وبلك تمزع مزونة
يالفاتنة يا ام الثمان الرعابيب
يابنت ما بيني وبينك مهونة
كلمة شرف نبي تحية وترحيب
الله من عود ثقيلة طنونه
ينصاه راع المشكلة والمواجيب
على الكرم والدين نفسه حنونة
تلقاه بالاجواد شرق وتغاريب

جهز الابيات وارسلها مع عجوز ووعد العجوز بهدية اذا وصلت الرسالة للبنت، راحت العجوز واعطت البنت الابيات وشافتها البنت.. وقفلت على العجوز في غرفه وقالت مثل ما جيتِ بابياته لا ترجعين الا بعدما انظم ابياتي رداً عليه وردت البنت اقوى من الاولى واكثر تحطيما للشايب ولم ترحمه حتى لو حاول يستعطف.

تقول البنت:

العود عود وطايحات سنونه
من كثر ما يرقد على جرة الذيب
عود مهرقل والعرب ما يبونه
ياعود مالك في طويل المراقيب
اقفى شباب العود راحت حتونه
مثل اليتيم اللي بكا ما له مجيب
جداه ينثر دمعة من عيونه
غريق موج ما لقا له مقاضيب

[خيال مطير]

يقول الشاعر : حمد السعيد


دخيل الغلا اللي راح واللي وقف مرتاب
بسميه عشق وانت مدري وش تسميه
ودخيل العيون اللي عليها الحلا جذاب
تشوف الولع فيهن ولا تدري اش تاليه
ودخيل المكان اللي جمعنا ولا هو اعجاب
اذا لي معزه طاري البعد لاتطريه
لو تشوف وضعي عند ماتلتقي الاهداب
لك الله لو لك نية بالجفا تلغيه
انا وانت غايب كن وسط العيون تراب
تنام الخلايق والا انا النوم مالي فيه
ذبحني غلاك اللي سرى مثل سم الداب
طفح بالعروق وكل ماوافقه ينهيه
بقى قلبي اللي ماذبحته وهو منصاب
انا ادري تبي تستوطنه يومك تخليه
سكنته وهوعمره قفل بالوجيه الباب
انا اعرف قلبي لا عشق لارحم واليه
يجي كله من اقصاه ويحب باستغراب
وفى فيه ماهو مع بشرليتك تداريه
ترفق على قلبن تلوع بك ولاتاب
تعذب ولامنه نوى البعد مايمديه
تمكنت به حيث الولع مثل غرس الناب
مصيبتك تدري بس ليه المفارق ليه
ودخيل الجمال اللي تلافت له الارقاب
وانا اللي لفتني زينك وجيتك مباريه
تمعنت فيك وجيت هايب وانا ماهاب
ولااقفيت عنك الاوانا هالغلا معطيه
عليك العيون اللي لهن فعل غزوعقاب
ضعيفات خلق بس ياويل من تنويه
ولك نور وجهن ك لك بالنجوم انساب
وليل عجزمن طوله الكف لا يسريه
ولك مبسم ماكنه الاشفق الغياب
حمار من الله جمر من ولعه ناسيه
عبث وانت مقبل تستفز وتثيراعصاب
تبي تلفت الانظار مناك الى منيه
وعبث وانت مقفي تاخذ وتكسر الالباب
عبث جاهل توه مشى فبيت من يغليه
دخيلك على بعضك ولاهي بدعوى عتاب
تعيد النظر في البعد من قبل لاتبديه
عليك الله اكبر وانت حكمك شريعة غاب
تجي بالطعون وتجرح الخافق وتدميه
وانا اموت فيك وصال واموت فيك غياب
وهي موتة وحده مع فارق التشبيه
ومن قال مابه موت في الحب قل كذاب
جميل وبثينه ماذبحهم مرض ياهيه
احبك ومن حبك خسرت اغلب الاصحاب
اذا عاتبوني فيك وعتابهم مابيه
احبك ولاتسال حبيبي عن الاسباب
انا لو اعرف اسباب حبك قدرت انهيه
الا يامعرض رجل مغليك للمرقاب
اثر بالطوال تفرج الهم ياراعيه
انابسالك هو صحيح الهوى غلاب
انا بنصح اللي مثل شرواي لايمشيه
من لايحسب بالهوى للفراق حساب
لك الله ماغنى سلامه يبي يغنيه
مثل هل دمعي وانت رايح وطرق حجاب
ومثل مارمى عبدالحليم الزهر يرميه
واذا فيه بكتاب النحو للفراق اعراب
فهو فعل مطلق بالبشر والجفاماضيه
الا ليت ربي ماخلق في الغرام غياب
واذا فيه فرقى طاري الحب لانطريه

[ناصر الهواوي]

هههههههههههههههههه
الله يخزي ابليسك يالخيال/وصلت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
خيال لو انه بالامكان اوريك=اني بسوق ارحب مقدر ومرغوب
من وين جبت السالفه تبت ايديك=ما انتب على التحطيم ياشين مغصوب
ضع صورتك مع صورتي وامتحديك=ما اتلد ابد في صورتك كل نبنوب
انا هواوي وانت ما احدٍ مهاويك=من تحتك بساط المحبين مسحوب
وافهم ترا من سبك اكيد يغليك=لكن كرشتك لجل عن طبعك اتوب

[خيال مطير]

هههههههههههههههههه
الله يخزي ابليسك يالخيال/وصلت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
خيال لو انه بالامكان اوريك=اني بسوق ارحب مقدر ومرغوب
من وين جبت السالفه تبت ايديك=ما انتب على التحطيم ياشين مغصوب
ضع صورتك مع صورتي وامتحديك=ما اتلد ابد في صورتك كل نبنوب
انا هواوي وانت ما احدٍ مهاويك=من تحتك بساط المحبين مسحوب
وافهم ترا من سبك اكيد يغليك=لكن كرشتك لجل عن طبعك اتوب

................

[ناصر الهواوي]

طول المسافه لو انه فوق تسعين ميل=اكيد قرب القلوب ايقصر اميالها
اقول للنفس يانفساه صبرُ جميل=وتقول انا افهمك لو غيرك حدٍ قالها
فرقا الولايف بليا اسباب شرُ وبيل=اعيت بحكمة هل الحكمه وجهالها

[ناصر الهواوي]

ههههههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
كل ما قلت ابا اقفِّل واروح=اعترض لي مزوح وردني
نوب ورقا على نخله تنوح=نوحها لاسمعته هدني
ونوب يزعجني الصوت ال...وح=لا انبرا للحصاه يشدني/هههه
ونوب يطري لي الوجه السموح=ملهمي بالقريض يمدني

[سوار]

كل غيمة لو توّدك في مطرها
ما شكيت الياس والخطوة نديّة




سوار

[عبدالله الصقري]

الغيوم تصيب يآبسها و خضرها
و الأمل بـ الله و البسمه هديّه

يا هلا بك عدما شعشع قمرها
في مكان ٍ عنَّه العالم خليّه

كان له شبك ٍ تشابك مع شجرها
و الهوآوي يفك ذي و يجيب ذيَّه

ما بقى في الكون وحده ما أسرها
والخفير يطيع اوآمره العليَّه

يرقب الزنزآنه و يشعل سهرها
بـ الربابه و الوَنَس و الشاذليَّه

و السجين يسآمره يجلب دررها
من حَقوق الشعر أنفآس ٍ عذيَّه

و التسآلي الجاريه مجرى نهرها
من جبال المعرفه عذبه نقيَّه

حوله الغالين يتمتّع نظرها
بالحكم و التجربه و النرجسيَّه

يقتطف قآريه من حآلي ثمرها
دون أي مجامله أو عنصريّه

فيه ناس ٍ ما بعد جانا خبرها
جعلهم بالخير و العيشه الهنيَّه

نفتقدهم فقدة العين لنظرها
ذي علومي مع سلآمي والتحيَّه

[عبدالله الصقري]

وينكم محد لفى يصبّح عليّه
تاركيني لا رفيق و لا خوي

اندمت من كثرما أكتب يديّه
أشهد ان الصد تأثيره قوي

[عبدالله الصقري]

كنت اقول الجو يجمعنا سويَّه
تحت زخَّآت المطر شآي و شَوي

المسا جا و انتظاري من العشيّه
و الطفش خيَّم و يطويني طوي

[عبدالله الصقري]

وين جدي وابتسامته النديه
تشرح الصدر و بـ طلَّتْه ارتوي

و الخفير اللي أبد ماشفت زيَّه
عند باب المنتجع يعوي عوي

[عبدالله الصقري]

وينها ذيك التسآلي الجوهريَّه
و المدآد العآصمي عذب الرَّوي

لو أنادي كل ٍ بـ أصل الهويَّه
يحضر البعض و بَعَضهم ينزوي

[سوار]

الغيوم تصيب يآبسها و خضرها
و الأمل بـ الله و البسمه هديّه

يا هلا بك عدما شعشع قمرها
في مكان ٍ عنَّه العالم خليّه

كان له شبك ٍ تشابك مع شجرها
و الهوآوي يفك ذي و يجيب ذيَّه

ما بقى في الكون وحده ما أسرها
والخفير يطيع اوآمره العليَّه

يرقب الزنزآنه و يشعل سهرها
بـ الربابه و الوَنَس و الشاذليَّه

و السجين يسآمره يجلب دررها
من حَقوق الشعر أنفآس ٍ عذيَّه

و التسآلي الجاريه مجرى نهرها
من جبال المعرفه عذبه نقيَّه

حوله الغالين يتمتّع نظرها
بالحكم و التجربه و النرجسيَّه

يقتطف قآريه من حآلي ثمرها
دون أي مجامله أو عنصريّه

فيه ناس ٍ ما بعد جانا خبرها
جعلهم بالخير و العيشه الهنيَّه

نفتقدهم فقدة العين لنظرها
ذي علومي مع سلآمي والتحيَّه

صح لسانك عبدالله وشكرا على الترحيب الوافي واللمحة الشعرية الجميلة عن السجن ...ستكون لنا وقفة هنا إن شاء الله

[عبدالله الصقري]

المحبَّه شي من ربي عطيّه
و اشتياقي للغلا يكوي كوي

[ناصر الهواوي]

ياصباح الخير والاجواء النديه=طوح الموال والمخرج ملي
جيت اريد سوار لجل الاوليه=واوقفتني شرهتك والله ولي
انت باحلى منتجع والنار حيه=شف وش الاوضاع فيه وردلي
ساميه غابت ولا داجت سميه=وقالن لرحيل يابنت ارحلي
وكن ماللعاصمي رغبه ونيه=للمجي والقصور اصبح جلي

[عبدالله الصقري]

صح بدنك سوار وسلمك ربي
و حياك بيننا انور بك المكان و زان بحضورك الجميل
و باذن الله يروق لك هالمكان و بانتظار ابداعك
تحياتي و تقديري

[ناصر الهواوي]

اهلا ياسوار الذهب او الفضه شرفت المنتجع ونورته
ولي عوده
كنت اريد اناغم ما دونه ولقيت الحفيد قام بالواجب وازود ههههههههههه
لي عوده ان شاء الله

[عبدالله الصقري]

ياصباح الخير والاجواء النديه=طوح الموال والمخرج ملي
جيت اريد سوار لجل الاوليه=واوقفتني شرهتك والله ولي
انت باحلى منتجع والنار حيه=شف وش الاوضاع فيه وردلي
ساميه غابت ولا داجت سميه=وقالن لرحيل يابنت ارحلي
وكن ماللعاصمي رغبه ونيه=للمجي والقصور اصبح جلي


ياهلا حياك يا قايد سريه
كلما اوعز شب نار ٍ تصطلي

فيه للموقع مع الغيره حميَّه
منزله و اكيد ايضا منزلي

عنه غابوا والغياب ولو شويّه
يكسر الفرحه بمن معهم سلي

باختصرها و استقي من سم حيَّه
لين تأثير المفآرَق ينجلي

سمّها طب القلوب المبتليَّه
لين ما ورد افتقآدي يذبلي

قلتها واقصد بها هذا و ذيَّه
لا أبي اسأل و ابد لا تسألي

[سوار]

اهلا ياسوار الذهب او الفضه شرفت المنتجع ونورته
ولي عوده
كنت اريد اناغم ما دونه ولقيت الحفيد قام بالواجب وازود ههههههههههه
لي عوده ان شاء الله

ولي الشرف بالتواجد معكم .. الله يسعدك ويبقيك

[ملكة الرواسي]

مساء الإبداع والمبدعين





.
ماهي غريبه يبين الحزن في لحني
تمرني آهتين وتشتعل فيني
لا من زعل قلبك وعيّا يصالحني
ومن غربتي قمت أسألني : انا ويني!!
واللي يكدّرك لايمكن يفرّحني
والا عساها توّقف فيني سنيني


ذائقة...

[عبدالله الصقري]

لم تُهجر صفحات جميله مثل هذه
؟؟؟
https://www.r111n.com/showthread.php?p=593537#post593537

[رحيل]

مساء البرد (:

ريح الحطب و البرد مع شبة النار
تجلي عن الخاطر هموم كثيرة


صحت السنتكم جميعًا
حتى ترضون ودام هالابداع (:

[ناصر الهواوي]

نحرته سهيل اليماني وشوت=ولا وقَفْ الا يوم جاء بين بابين
صبرت لين ذيابة الصدر عوت=وياسي غلب رجواي وايقنت بالبين
ورفعت له صيحة توجد ودوت=همزة وصل دونتها بين قلبين
منها شرايين المغثر تلوت= بالاورده/عاده بسلم المحبين
مابينهم صكات بقعا اتموت=ومخراجهم محصور مابين دربين
تكسر خواطر دالهه لو تقوت=والا تودعهم بقسم المصابين

[شاعرة نجد]

مساء الخير

صح لسانك يـ الهواوي
ولاهنت على هـ الدرر الممتعه

وصح لسانك يـ الصقري,حضور ملكي وابدااع فااخر
ولاهنت عـ المجاراة الكايفه

ولاعدمنا ذوائق المتذوقين واختياراتهم الراائعه

دام الابدااع والمبدعين,’’

[شاعرة نجد]

من مذكرتي....

الله يرحم ابن طلال
أخ وعزيز وزميل حرف,الطيّب وان رحل,لن ترحل ذكراهـ
اللهم ارحم والديّ وارحمه والمسلمين اجمعين

يقول....

ياريـم وش رايــك بـحـزب المفالـيـس
راكــبــهــم الـشـيــطــان - والامــــــر لله

والعـود راسـه كـبـر تمـثـال رمسـيـس
مـن ماضـي الازمــان - والامــر لله

والـشـاعــره تـلـعــب عـلـيـنـا مــراويـــس
قـامــت تـجــر الــحــان - والامــــر لله

زانت لهم من عقب غيبة كديميس
والــنــاقـــد الــبـــطـــران - والامــــــــر لله

ياحـزبـهـم مـنـتــب بـعـيــد الـمـرامـيـس
مـــن حـزبـنـا خـســران - والامـــر لله

يـاريــم سـوقــي طـــاردات التعـامـيـس
مــــن دلــــة الــرســلان - والامــــر لله

وقـولـي لـهـم فـكـو قـيـود المحابـيـس
عـــن طـيـرنـا شــقــران - والامــــر لله

وهاتو لنا شاعر وشايـب برنسيـس
نـاصـر ولـــد سـيـحـان - والامـــر لله

خـلـوه يقـعـد فــي جـنـاح المـلاحـيـس
حـتــى يـجـيـه إجـنــان - والامــــر لله

قلت

ياحزب دامس ياحزيب المتاعيس
ترقص على الطيران,والامر لله

ياطيب حظك لو تعوّذ من ابليس
لاتنطح الطوفان,والامر لله

حنا عليكم كاسبين النواميس
تشهد لنا العربان,والامر لله

وحنا الجبال الراسيه والقراطيس
طارت بلا جنحان,والامر لله

ابداعنا ماله حدود ومقاييس
فضلٍ من الرحمن,والامر لله

لاتزهم الناقد وتنخاا كديميس
غابوا بلا عنوان,والامر لله

وكثرت عليك من الهموم الهواجيس
ومن القهر حيران,والامر لله

خلاص من كثر الحكي والدنافيس
ياداامس التعبان,والامر لله

يكفيك لاهبت عليه النسانيس
تسمع صدى القيفان,والامر لله

[شاعرة نجد]

على طاري ريم

شاعرتنا المبدعه ان كنتي من متابعين الرواسي
فنحن من هذه النافذه نتمنى عودتك مهما كانت الظروف
التواصل مطلوب ولو مرور للاطمئنان عليك

عودي شاعرتنا ولو لم تجودي
نحن بـ انتظارك:7:

[شاعرة نجد]

من مذكرتي...

أنا
أحــيــان ماتـاسـعـنـي الارض واحــيـــان
يضيق بـي الكـون مـن ضيـق صـدري

ليت الحمام اللي على الغصن طربان
سـجـعـه يهيضـنـي,عـن الـحــال يـــدري

وياليت لـي مثلـه مـن الريـش جنحـان
وأطـيـر لامــن شعـشـع الـصـبـح بـــدري

الهواوي

يـــــاذا الـحــمــام الــلـــي تــلاعـــا بــالالــحــان
تــلــعــي ولــــــه والا بــــــك الـــنـــوح فِـــطــــري

لـيــا اسـفـهــل الــبــال لــــه جــبــت الاحــــزان
ما ادري وش اسباب الشقى فيك ما ادري

مـشـرطــك جـريـتــه عــلــى جـــــرح وجــعـــان
وفــطـــرت فــيـــه الـمـنــدمــل مـــنـــه فَـــطْـــري

تـــــــوه مـــــــوادع لـــــــه حــبــايـــب وخــــــــلان
مـنـهـم بـقــى لــــه طــيــف غــفــوه وعــطــري

[عبدالله الصقري]

شاعرة نجد
صح بدنك وسلمك ربي ومشكوره على
هالتواجد الجميل وصح لسانك ولا فض فوك مبدعه وشهادتي فيك مجروحه
رحيل حمدالله ع السلامه و صح بدنك
جدي صح لسانك دوم
مفروض قبلهم ارد عليك لكن حسب
الرويا السيدات اولا هههههههه
دمتم جميعا بكل خير و عافيه
ولكم اجمل التحيات والتقدير

[الجووهره]

ياصبآح الورد .. وأنفآس الخزآمى
والعطر والشوق واحسآسك وذوقه
وياصبآح الشوق لامنه تزآمى
في خفوق اللي مكآنك في خفوقه


يسعد صباحكم وكل أوقآتكم
وصحت الالسن كلن باسمه
ودآم حضوركم وابدآعكم

والله يرحم ابو طلال ويغفر له وأموآت المسلمين

وهلا بك سوآر نورتي رواسي والمنتجع
وصح لسآنك وبانتظار المزيد من ابدآعك

رحووله الجميله
هلا بك منوره يا القاطعه ههههه
وآخر الغيبات ان شاء الله
ويسلم ذووقك

[ناصر الهواوي]

اهلا بالجميع
الصقري لاهنت
الملكه هلابك
الجوهره حياك مولاك
ارحبي يارحيل
صراحه حضوركم وتفاعلكم يثلج الصدر دام ودمتم بخير وعافيه وسعاده دايمه
شاعرة نجد صح الله لسانك بصراحه ابكيتيني الله يرحم ابا مشعل دائما الماضي له تاثير على النفس واضم صوتي لصوتك بنداءك ريم
مبدعه ياشاعرتنا دائما ولاهنتي والله يرحم والدينا والديك وعامة المسلمين

[ناصر الهواوي]

لو حاولنا تناسي ما مضى ماكان بالامكان=لابد ايمر فينا ما يرجعنا لماضينا
تعرض الذاكره ماصار في ماضيك مهما كان=تغشن بوبل بكيتنا وضحكتنا مآءقينا
رجعت امع القوافي رجعةٍ مكتملة الاركان=كأن اللي فقدنا جالسٍ معنا يحاكينا
عسى من فارق الدنيا له بجنة عدن مسكان=ومن هو عايش وفي عافيه ليته يوافينا

[ناصر الهواوي]

يالعاصمي وش فيك صامت لاتهد ولا ترد=والا سكوتك كالسكون اللي قُبيل العاصفه
والا من يحرك شجونك ياولد عاصم شرد=واعيت هجوسك غيبته ما عاد يقدر ياصفه

[رحيل]

عصر الخير (:

الله يسلمك عبدالله
هلابك زود جوجو

هلابك اكثر ابو عبيد وصح لسااانك

مداهيل البدو شوفها للضمير إعلاج
عليها السلام وصادق الود ما أمله

[عبدالله الصقري]

مساء الخير ووالمسرات
و صحت الألسن و الابدان و دام هالتواجد الجميل
والليله باذن واحد أحد أحد اشوف احط مين مكاني
والله يا جد ان السجن احلى من المنتجع
أقلها كنا نشوف قهوه و عيشه و صخب جميل للكلبشات
المنتجع كان فكره راودتنا كلنا
جربناها
و مدري عاد
تشاوروا و ان حبيتوا نعود للغرفه القديمه يصير اكفل نفسي و احبسك
هههههههههههههههههههههههههههههههههههه

لي عوده بـ إذن الله

[الجووهره]

مسآء الغلا والشوق وموآصل الغآلين
مساء يرد الروح.. ويحيي مشآعرها

يسعد مسآكم روآد المنتجع
وصح لسآنك الهوآوي
ودآم حضورك الجميل وابدآعك
هلا بك رحووله
ويسلم ذووقك ياذووق

وهلا بك الصقري
والعذر والسموحه منك شآعرنا
دخولي من الجوال ما اقدر انزل صور
تستاهل أحلى قهوه وأحلى عيششه ههههه

[عبدالله الصقري]

ربي يسعدك وجودك يكفي والله
تسلمي جوهرتنا

[ناصر الهواوي]

يامساء الورد والبرد للجميع
ــــــــــــــــــــــــــــــــــــــــــــــــــ ــــــــــــــــــــــــ
مساء الورد والبرد الخفيَّف ونسمة نود=ليا ذعذعت ريا الجنوبي تنسمنا
تعم الغياب اللي جفونا ومن موجود=نسانيسها تقول ربي يسلمنا
هجوس القوافي هاتها لي بادب وركود=عن مادون صح لسان من قالها شمنا
ابيها كما طرقاً طويلة قوام وخود=بها اكثر مزايا اللي لوصفه تولمنا
تعود بذاكرتي لها سالفه وردود=ويحك العشم لمصافحه راحة اليمنى
ركبي القوافي لاتباطا تسوقه جود=برايع معانيها برينا مراسمنا
لوقتٍ تمالت ريف روضه ليالي سود= ما كنا قعدنا في فياضه ولا قمنا
ولاكنا قطفنا بالخمايل زهر وورود=ولا قلنا لمن حاضر ورا الوقت داهمنا
وبس

[مهرة يام]

السلام عليكم ورحمه الله وبركاته
اسعدالله ايامكم ولياليكم جميعا
اخباركم
صحت الالسن والاذواق
دام الحضور والابداع

[خيال مطير]

السلام عليكم ورحمه الله وبركاته
اسعدالله ايامكم ولياليكم جميعا
اخباركم
صحت الالسن والاذواق
دام الحضور والابداع

وايامك يالاميرهه
وعليكم الســــــــــــــــــــــــــــــــــــــ لآأإ مم

[خيال مطير]

يقوووووووول شاعرنا الكبير هزاع العاصمي أبو محمد ,عساه طولة العمر هذهِ ألأبيات

ماذا يضيركِ لوعَبرتِي إلى دَمي
كي تَقرئيني مرةً من داخِلي
وستعلمينَ بأنني لا أنطفي
في العشقِ إلا وحترقتُ بِكاملي
عِشقي جنونٌ لايطيقُ تعقُلاً
والعشقُ ليسَ سوى جُنُونُ عاقَلي
طالت مسافاتي فكوني واحةً
في صدرِها ألحاني أريجُ قوافلي
كُوني محطاتي التي أرتحلت معي
أنا لستُ اكثر من قطارٍ رَاحِلي
كُوني توارِيخي لكي تستوعِبي
حجمَ التمزُقَ في جراحِ مَراحلي
جوعُ الخريفِ أنا فكوني غيمةً
تَرمي حقائبَها بِحقلٍ ذابِلي
ياشهرزادُ اما لديكِ إجابةٌ
مات السؤالُ على شفاهِ تَسَائُلي
رُدي إليّ الوهمَ قولِي كلمةً
شفتاكِ يابُستان ماذا حاولي؟
وإذا وجدتِ البوحَ فيكِ بِلافمٍ
ثُوري على الصمتِ العقيمِ وناضِلي
الديكُ أوشكَ أن يصيحَ ولم تزل
مأسَتُنا جرحٌ بغيرِ سواحُلي
وقضيَةُ الاشواق مازالت كما
كانت شروخاً في جدارٍ مائلي
لم يبقى إلا أن تنامِي في يدي
كمحارةٍ أوترحلي عن ساحِلي

[خيال مطير]

قصيدة منقوله أعجبتني

مات الوفا مات الامل مات الاحساس
ماتت اماني ضايعة في يديني
عشت الغريب اللي فقد عز مجلاس
عشت اليتيم اللي فقد كل زيني
معها جعلت الحلم عقد من الماس
ابغى احقق واقعي ساعديني
الى متى وانا انتظر لوعة الياس
واشرب فناجيل الضما ياحنيني
بنيت حبي لك ساس على ساس
الى متى وانتي بذا تجهليني
اخلفت لي ذاك الغلا قلت لا باس
بعطيك ماتبغى ولو شوف عيني
شربت مر الكاس واسقيتني كاس
مدري جهل والا انك ازريت فيني
ياما سقيتني خافق الحب باتعاس
ياما انتثر دمعي حسبتك تبيني
عطيتني باعطيك مر قوي باس
هذا وفا وذات بينك وبيني
ان كان صرتي فانا اسعد الناس
وان كان لا بالله ضاعت سنيني
صبري تعب اشرف على اخر قياس
بالله حني بشوفتي وارحميني

[ناصر الهواوي]

ارحبي يالمهره وحياك مولاك بعد الغيبه وعليكم السلام ورحمة الله/اولا
اهلا يالخيال اخبارك ايه ياولا ههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــشطحه
ضلال الشجر بدري تشوفه خطوطٍ سود=مع اشراقة اللي جل من هو مسويها
ليا بان حاجبها وانا دايما موجود=تذكرت من يسعد هجوسي بطاريها
الا ان الجبين ليا بدا به ملاحه زود=ولا اشوف فيما اشوف شيٍ يحاليها
عليها الملامه بدلت طبعها المعهود=لحاجات يمكن لو تأنت تلافيها

[ناصر الهواوي]

حفيدي ياليت اللي مضى من زمان ايعود=وياليت الاماكن يوم تحكي واحاكيها
ابا اسأل بويت ايمر به حظي المقرود=لعل البواقي منه تعلن خوافيها
ركونه وبابه والدرايش عليها شهود=بصماته عليها لو نفضنا سوافيها
نعم ودي اقف وانشده والوقوف ايكود=عيوني ليا وقفت هلت عباريها
وتطيش المشاعر ويحصل بالعظام ابرود=ويسري علي ان جيت ابا انام ساريها

[ناصر الهواوي]

مممممممممممممممممممم
ــــــــــــــــــــــــــــــــــــــــــــــــــ ـــــــــــــــــــــــــــــــــــ
وين ديرتك من غيبتك ما جاء خبر=لا مبشر ولا جانا معزي وفاه
والرجاء قل والياس المهبا كبر=وسل سيفه على عنق الصبر من خباه
والقصيد اتعب اقلامي وقضى الحبر=اسقي اوراق شوقي لك بصب الدواه
احمض العلم اضل ارجيك والا انثبر=وانت حر وتصرف كل شخص بهواه

[مهرة يام]

لا قلت احبك احبك كنها دندنه
او كنها وردةٍ مابين اصابع جنين
يا اجمل الناس لك بين الملا هيمنه
كثير غيرك ولكن مين مثلك و وين
يا عاذلي خذ عيوني يمكن تثمنه
تشوف عيبه وانا اشوفه ملاك حسين
امس افترقنا وانا احسب مرت اول سنه
يا طولها ليلة الفرقا سنة للحزين

[مهرة يام]

جتني وشافتها عيون حايرات
ذا شعاع الشمس او هذا سناها
ضاعوا اللي جوا معاها مسيرات
واقبلت تمشي تقل محدٍ معاها
ياسنا الفضه وياجيد المهات
ياشذى نبت الخزامى في وطاها
قلت كن بوجنتك زهر النبات
قال ان الرمش يجرح لي صفاها
تجرح الظلما عيون ناعسات
سلهمت وأغضت تغطرس في بهاها
حققوا بالشوف في لون الشفاة
هو خذا منها الشفق والا عطاها

[خيال مطير]

تسليه > يقووووووووووووووول الشاعر ناصر محمد السياري

من شم ريح العشب زين النواوير
يطري عليه اللي مضى من شبابه
وشوف الخيول المسرجة والمظاهير
يجض قلبه ويتزايد عذابه
قبايل تشبه لابانات والنير
بين الكرم هو والظفر والحبابه
ياصبرهم وقت السنين المعاسير
من سمع له سر سكت ما حكي به
اقولها تعبير يا أهل التفاكير
عن شيء مضى شفناه لا واسفابه
يازين شب النار قدم المسايير
في وسط قفر علته السحابه
والشعر يعرض للرجال المناعير
من قال له قول على النار جابه
في بيت قرم ما يهاب المخاسير
لا علق الهرفي وشمر ثيابه
بيت الشعر ملفى الوجيه المسافير
بيت تثبت في حباله قطابه
ذولا مسانيد وذولا محادير
ومن قال ابا امشي زودواله زهابه
هذا الكرم.. ما هو نفاق وتبذير
الفرق واضح ما يصير متشابه

[خيال مطير]

يا حمامة غريبة عند باب السلام
شفت رسم الهوى باطراف جنحانها
ذكرتني طواريق الهوى والغرام
حارت الرجل بالمسعى على شانها
رسمها رسم نجد اللي سقاه الغمام
ياعرب كنّ زهر الورد باوجانها
ليتني طفت معها بالحرم والمقام
أفهق الناس عنها وارفع اردانها
عقبها العين ما ذاقت لذيذ المنام
من يلوم العيون بشوف خلابها
أتنشد ولا جاني وكيد العلام
عسكر القلب عقبه مات سلطانها

https://www.youtube.com/watch?v=4wvHB74-uik

من أشعارهـ رحمه الله

قصيدة له عن اسبانيا لو اطلع عليها الأسبان لقدموا له جائزة كبرى، ففي تلك القصيدة ينتقد بعض البلاد التي زارها ويثني على أسبانيا ثناء يدركه القارئ من القصيدة التي لا تستدعي الايضاح والشرح للمباشرة التي عليها ولمفرداتها السهلة، واليكم القصيدة:


بأسبانيا ياما نظرنا من الزين
وين انت يا اللي توعجة شبابه
يسجع لها طير الهوى بالجناحين
ويشوف شيء عندهم ما هقا به
أوقف على الشارع ضحى يوم الاثنين
تشوف زين ما يعدد حسابه
أشكال واجناس كما شرد العين
هاك الخشوف اللي طوال رقابه
الا ومع هذا من الغدر امينين
نزيلهم كنه من اقرب قرابة
يظهر من الغرفة ويرجع بعد حين
والله فلا تلمس مخابي ثيابه
سيراتهم حلوة وهم مثل حلوين
لا تسمع الشحذة ولا به نهابة
بالخصلتين الطيبة مستبدين
يقوله الشاعر بمثني جوابه
والثانية يا اللي تعرف القوانين
تلقى الزبيدي في محير السحابة
بيض مصاليع لها مستضيحين
والزين توه ظاهر من ترابه
قلته وانا مقفي مع اللي مقفين
مير البلا من حب شي حكى به
فان كنت انا مخطى ترى الناس مخطين
خطا البنادم زايد عن صوابه
ولا عاد لي في تبع الاقصا والادنين
هيدوك يا اللي توعجة شبابه











الشاعر المشهور عبدالله بن عبدالرحمن بن عبد الله بن عثمان بن لويحان العنقري (1308-1402هـ)
رحمه الله

[ناصر الهواوي]

صباح البرد وهبوب الجنوب مع انها صلفه شوي لكن بدون غبار
اهلا بالجميع
المهره والخيال تسلمون على اثراء الحته بهالروائع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
يشدني هز الهوى للجرايد=واحلى موسيقا تسمع اذني حفيفه
وهجسي ليا اوحاها يجيب الفرايد=وينقاد قاف لقافٍ آخر بكيفه
له مع ذعاذيع الجنوبي عوايد=هي ملهمة شعره وعيده وريفه
للمفرده تفتح وساع البنايد=حتى تجي مثل العنود الظريفه
تشبه لمن بالقلب له شوق زايد=اللي من اول به رياضه امريفه
اللي بلبتها تذوب القلايد=لا تشتكي سمنه ولاهي نحيفه
للبرتقاله هي تقول اوف سايد=وتصلح فتاة الترك معها وصيفه

[ناصر الهواوي]

تحاتسوا يالصامتون
ــــــــــــــــــــــــــــــــــــــــــــــــــ ـــــــــــ
ترا الحكي مجاني مايوخذ عليه نقود=ولو زاد ما تدفع ضريبات اضافيه
وحكمه مباح ليا تباعد عن المنقود=واحياناً يخفف حر ضيقات مخفيه

[عبدالله الدّنّيش]

على عجل .. مشاوير جدة ما خلصت ..
وأسعد الله جميع أوقاتكم
وصحت السنتكم جميعا على روائعكم
أبو محمد ناقدنا / عبدالله الروقي .. أعانك الله ووفقك وحقق أمانيك
وكلل مسعاك بالنجاح والتوفيق ونتطلع لرؤيتكم في ديارنا هذه السنة
وحياك الله .. وعليك بأبي عبيد لا يكثر من مواعيد عرقوب ،،

^^
هزني الشوق لإبي الطوق .. فتدحرجت من أسفل إلا فوق هه
وتلعثمت وقلت ..
مساء الورد والكادي وجاوي ودهن العود = وذعذاع نسمة صبح وسمي جنوبيه
وتحمل سحايب دون برّاق وإلا رْعود = هماليلها هتان في كل عصريه
وتنبت زهور العشب وأوراقها وورود = ويخضرّ عود البان وألأرض مرويه
وننصب خيام الشوق في برها الممدود = ونقدح هجوس الشعر من نارنا الحيه
ونتخّيل الماضي بفارس معاه نْجود= وأغاني سميرة ، يوه والعين موليه
وهذا بعض ما جبت والجود م الماجود = وعند الهواوي كل ذوق الهواويه
..
وسلامتكم ونراكم على خير

[ملكة الرواسي]

مساء الخير
يعطيكم العافية ولا هنتم جميع

[عبدالله الصقري]

القديره مهرة يام
هلا و مرحبا و حياك ربي
تو ما نوَّر المكان

الدنيش حياك ربي و حي ما جبت و دايم تغيب و تجيب الثمين

و للجميع اجمل و أرق التحايا

[عبدالله الصقري]

حفيدي ياليت اللي مضى من زمان ايعود
وياليت الاماكن يوم تحكي واحاكيها

ابا اسأل بويت ايمر به حظي المقرود
لعل البواقي منه تعلن خوافيها

ركونه وبابه والدرايش عليها شهود
بصماته عليها لو نفضنا سوافيها

نعم ودي اقف وانشده والوقوف ايكود
عيوني ليا وقفت هلت عباريها

وتطيش المشاعر ويحصل بالعظام ابرود
ويسري علي ان جيت ابا انام ساريها




ألا يالعنبوه اللي رماك بـ شاطي المنقود
و خلا العين تفضح ما كنيته في عبآريها

مكانك دوم بـ الأعمآق مهما يخلفون عهود
و حنا قرّة عيونك و حنا من سكن فيها

ليا جافاك راعي الود جآفيه و نجافى زود
و بسمآتك حرام لـ عين ما تلقى الرضا فيها

ترى لو تنتظر جافيك تجفاك العيون السود
توآيق ودّها لو لمحة ٍ منَّك تشافيها

نعم ياشمعة الآمآل و يا نور الليال السود
تظل انت العزيز و رفقتك محد ٍ يخليها

ترى الغآلين من حولك يفنّدهم مدآد الجود
ليا من فاض بك كيل الغلا بآنت خوآفيها

و بانت علّة المتعلعلين و غيبة الموجود
و زآنت لك طروق الشعر في الخفرا و طاريها

نعم و ختامها صلوا على المرسول من معبود
و يكفي ما ظهر مني سبب أبيآت اجآريها

[ناصر الهواوي]

اقول الله اكبر يابو عامر ولامن زود=عليكـ/ونقول احسنت ميه على ميه
نعم جبتها تشبه تغطرف نعيم العود=معها دش قلبي داخل اجوا غراميه
هذا ديدنه من قبلها طبعه المعهود=يدندن ليا خايل له بروق وسميه
يحرك هجوسٍ طفق ويجاوبه ويجود=بقافٍ يشوق في تواصيف نشميه

[ناصر الهواوي]

هلا بالحفيد اللي اللي لياقلت له مردود=على طول من ما يسر الله يجاريها
بصدى محرقٍ للصوت في روعته ويزود=بيوته جواهر ربح من كان شاريها
سقا دارها نوٍ نشا لج فيه رعود=يدوم المطر حتى تملا خباريها
على ما حصل لي من جفاها وخلف وعود=وتغلي فقع كبدي ولا زلت اداريها

[نور]

أناااااااااااجيت
ادري بتقولون احلى جية
ههههههههههه

[ناصر الهواوي]

دام انك الكنقه وحنا تحت ملكك حاشيه=قولي لامرتي على هالشعب تكفين اي شي
من هالجديده صابت عيون المولع غاشيه=ماعاد يعرف يوم بانت لا صباح ولا عشي
تشبه لمزنه قابلت للشمس بدري ناشيه=ياويلها وش سوت بمن شافها ما تختشي
مداعبه لملكتنا الغاليه لجل تشارك لو باليسير ههههههههههههه

[ناصر الهواوي]

الليله ما اترك منكم احد
يانور جيتي وقلنا مرحبابك جيتك عيد=لكن وش اللي لنا يانور جايبته يدينك
قلتي وقلنا ومردود الكلام لعلمك اكيد=هاتي تسالي لمن في منتجعك وشاكرينك

[نور]

......
انا الحاضر اللي مانسى شي من ماضيك
‏وانا الصابر اللي لو يشين الزمن ما شنت
‏ٓ
‏لو ان السعاده تنهدا .. و الله ان اهديك
‏مع ان السعاده ماعرف منها غير انت..

[عبدالله الصقري]

تسلم ياجد و و يسلم منطوقك

حياك الله يا نور
ياللي ما غبتي الا يوم جا دوري
كنك ناويه تحرميني القهوه و العلوم الطيبه
شكرا و الله لا يحدنا الا لوجهه
عموما منوره المكان و هلا بك

و البقيه الظاهر للآن رقود
أو أجوآؤهم خالفت اجوائنا

عموما حبيت قبل اداوم أمر و اسلم
و دام جدي موجود و حسّه عامر بالمكان
عسى الدنيا و من فيها فداه

[ناصر الهواوي]

اهلا يانور وصح نقلك ولاهنتي
اهلا يالصقري وحياك مولاك ويفداك اللاش
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
مرت بي الذكرى على اطلال ورسوم=ولي جددت ذكره وانا ما نسيته
قالت تعرفه قلت معلوم معلوم=سمه؟وعنها اسم الحبيب كنيته
واذكت مشاعر واحرمت عيني النوم=لذيك العيون اللي بها اسمي قريته
يابيت وش ذنبك مكسر ومهدوم=هدمك من لا يعرف من انت بيته
لو دري قال اثبت معزز ومحشوم=واطفا معداته وعاد بونيته
يابيت خلي وين من كان بك يوم=اقشر نهارٍ جيت لك ما لقيته
وللحديث بقيه ههههههههههههههههه

[الجووهره]

سلام عليكم
كيف حآلكم ياأهل المنتجع
وصحت الالسن والاذوآق
ودآم حضوركم وابدآعكم

منوووورين جميعاااا


مقادير الزمن كم تحكم العالم بدون سلاح
ولكن الله اللي خلق ٍ خلقه وراعيها
ولو انه يحسب للخساير مازرع فلاح
ماغير الله هو اللي يحرم العالم ويعطيها

.....


‏ان مارقيت بكف يمناك السحاب
‏محدٍ على متنه يشيلك للسما ..

....



حاول تميـز فـي طبوعك و تختار
أحلى الطبوع اللي لها قدر وثمن

ثلاث تجعل لك مع الناس مقدار
اسلوبك / وطيبك / والخلق الحسن
....

تصافحك عيني .. وانا كفي اعمى
................مالي جدا إلآ : نظرة الموق للموق

ياما شربتك شوف من خوف / لآ أظمى
.................وياما الوله للوصل يبّس بي عروق ..

[الجووهره]

يابآيعٍ ورد المحبه والاشوآق
عطني من الجوري وكآدي وفله
حتى صبآحي يليق بكل الاذوآق
لياقلت صبآح الورد ما احدٍ يملّه

صبآحكم جوري وكآدي
وفل وياسمين ��

[ناصر الهواوي]

مظلوم يابيت الغلا وانت مظلوم=بفقدي له وفقدك لمن قد حويته
جيتك بليلةمنتصف شهر معزوم=ولولا القراده ناصحي ما عصيته
ولو ان حظي به رجا غطني نوم=ولو ما انسدَح رقدت شرقي حويته
وختامها يابيت انا منه مكلوم=منجض كوي وبشوفتي لك كويته
ومن زيَّن ادنا هالسماوات بنجوم=ان الصبر عن سيدك ما قويته

[رحيل]

سلام عليكم
كيف الحال عساكم بخير ياأهل السجن
اقصد المنتجع (:
صحت السنتكم جميعًا وصحت الاذواق

ودام هالحضور يارب
المعذره على قل التواجد
التمسوا لـ خيكم العذر (:

[ناصر الهواوي]

وين الحمام اللي يونس هديله=ويضيِّق الملتاع لالج بالنوح
وياطيف خله لو تزوره بليله=لو لحظةٍ مع غفوة العين وتروح
بعد الولي من غيركم يشتكي له=من هو وقع في ساحة الشوق مجروح
صبره تمادا لين بيَّح حفيله=واليوم جد الجد ما عاده مزوح

[ناصر الهواوي]

اهلا يارحيل وياكثر الاخوان والاخوات اللي نلتمس لهم الاعذار ههههههههههههههههههه
لكن كل غايب وعذره معه كما يقال

[عبدالله الصقري]

السلام عليكم و رحمة الله و بركاته
و مساؤكم رضا من رب العالمين
أخباركم و عاملين ايه
وش هالركود والا البرد أثَّر عليكم
و لمتى أجلس هنا لحالي لا أنيس ولا ونيس
شكلي باقفل منتجعكم ذا واللي يجي الله يعينه يطب من فوق السور
ههههههههه

[عبدالله الصقري]

وين الحمام اللي يونس هديله
ويضيِّق الملتاع لالج بالنوح

وياطيف خله لو تزوره بليله
لو لحظةٍ مع غفوة العين وتروح

بعد الولي من غيركم يشتكي له
من هو وقع في ساحة الشوق مجروح

صبره تمادا لين بيَّح حفيله
واليوم جد الجد ما عاده مزوح




طار الحمآم و كب روحي عليله
و تبدَّل العش الهني هم و جروح

من بعده الخآفق مضيّع سبيله
و السر ما بين المخآليق مفضوح

لا يا نديم القلب ويش الوسيله
عجزت ادآوي علَّة القلب والروح

يا وينها ذيك الليالي الجميله
اللي مضت ما بين ممنوع و مسموح

وش الغلا دآم الفرآق الحصيله
وش الوفا لو ما لخلَّآنك تبوح

وش الفرح لا شال رآعي الجديله
لا غآب دون انذآر و اردآك مذبوح

[ناصر الهواوي]

يالمنتجع ياشين حالة نزيلك=صاير يساومنا على صكة الباب
اصبر علينا شوي حنا نجي لك=معنا رجا من يرجي العون ما خاب
حفيد لا ترجف علينا بخيلك=ربعك ترا مناب يالصقري اغراب
وان كان هجر الولف بيح حفيلك=اصبر وتفرج من لدن رب الارباب
من فقد يوم ازعجتنا ياحليلك=وش قولنا واللي نبي كم شهر غاب
مع ليلنا نقول ياقصر ليلك=تتعب لقطعه بالسهر خيل وركاب

[عبدالله الصقري]

يالمنتجع ياشين حالة نزيلك
صاير يساومنا على صكة الباب

اصبر علينا شوي حنا نجي لك
معنا رجا من يرجي العون ما خاب

حفيد لا ترجف علينا بخيلك
ربعك ترا مناب يالصقري اغراب

وان كان هجر الولف بيح حفيلك
اصبر وتفرج من لدن رب الارباب

من فقد يوم ازعجتنا ياحليلك
وش قولنا واللي نبي كم شهر غاب

مع ليلنا نقول ياقصر ليلك
تتعب لقطعه بالسهر خيل وركاب





يا جد انا داخل عيوني اشيلك
انت الأهل و انت الرفآقه و الاحبآب

ما هو بـ فقدة ليل وما أشتكي لك
مشكآي مما فيني لـ ربّ الاربآب

لا صار حتى الخيل عيَّت تشيلك
و اقرب محبّينك غدوا عنّك اجناب

ياليت عينك شآهدت مقصدي لك
يوم القصايد ضوَّ قمراك و شهاب

معاني ٍ فيها دخيلي دخيلك
و منآظر ٍ تشبه مقابيس شباب

فيها تواصيف الدلال و عميلك
فيها سلا الروح و علامات و اسباب

[ناصر الهواوي]

من القديم

Bleas Waer is yeu عسى ماحصل باس=ان كان مامن باس اناNo BroPlem
ليا هب من يمة بلد زيد نسناس=اقول للنسناس لاعدت سلم
عليه لو اني منه طاوي الياس=وان عدت لي من ديرة الترف علم
باخبار من لجله خضع قاسي الراس=يوم انت علمته بماذا تكلم
ابو ثمانن لاابتسم كنها الماس=والخد من لمس الحرير ايتألم
جيد الخشيف اللي يرتع بالاطعاس=وعين اشقرٍ يبي الهدد وامتولم
ضافي هدبهن سود خدَّر ونعاس=ليا لد بي وانا خطيب اتبلم
وقل له حدوني ما اقدر اجيك الانجاس=والا جدار الصبر عنك امتثلم
ولولا الحيا من خالق الجن والناس=وعليك اداري. ما خشيت المهلم
لجي وابادلك العتب راس من راس=وانا لها وانت تعرفني معلم

[ناصر الهواوي]

صح الله لسانك ولاهنت ودام حضورك يالذيب

[خيال مطير]

https://pbs.twimg.com/media/EA1g55VXsAMgYhf.jpg

https://www.youtube.com/watch?v=JsNqKH8OYUE
______________________________

[خيال مطير]

اجمل ماقيل عن الذيب

http://goodmorning1.com/wp-content/uploads/2018/03/318.jpeg


يا ذيب وان جتك الغنم في مفاليك
فإكمن ليـن إن الرعايـا تعـداك
من أولٍ يا ذيب تفـرس بأياديـك
واليوم جاء ذيبٍ عن الفرس عداك






وقال الشريف عبد المعين:









الذيب ذيب وعضة الذيب تشفيه
والكلب كلب وعضته في القرابه







وقال أحد الشعراء:









الحر الاشقر برقعوه السلاطين
وذيب الغداري كسر الوقت نابه







وقال شالح بن هدلان القحطاني يرثي ابنه ذيب:









يا ذيب أنا بأوصيك لاتأكل الذيب
كم ليلةٍ عشاك عقب المجاعه
كم ليلةٍ عشاك حرش العراقيب
وكم شيخ قومٍ كزّته لك ذراعه




وقال الشاعر محسن الرقعي:









حنا بريه باللقاء نشبع الذيـب
فى ساعةٍ تنسى العذارى حياها
فى ساعةٍ وإن فرعن الرعابيب
نروي حرابٍ والمعادي شكاها






وقال ناصر بن بويتل الفراعنة السبيعي:









يالذيب عان محمد اجه ويعشيك
سود الجنادع في مطاوي برحنا







وقال عيد بن سمير الحربي:









يا ذيب هجرس والمراقيب وفها
تالي الدهر حقك غدابه ضراوي







وقال رشيد الزلامي:









وأقنب قنيب الذيب في رأس مرقب
من حر مابه قام ينهش جنوبـه







وقال دبيان بن عساف السبيعي:









يا نديبي على منسوعة الغارب
فج الأزغان ما فيها شواذيبي
ما تداني عصا ركابهـا دارب
زين مرواحها تهذل كما الذيبي







وقال الشاعر خلف بن هذال العتيبي:









يا ذيب لاتجـذب علـي الذيابـه
حول وأنا بأبدي على الرجم يا ذيب
يا ذيب أنا لـي وقفـةٍ وانقلابـه
رجلي مضريّها بروس المراقيـب
الذيب خاوى من عصور الصحابه
له خوةٍ تصدق مع أهل المواجيب
بديت أنا في رأس رجـمٍ عوابـه
وأبكي بدمعٍ غرّق الكـم والجيـب







وقال نايف صقر العتيبي:









الذيب ياما بات فـي صـدر رجـال
علـى دروب متعبـيـن المطـيـه
عقب اذبحه جوعه على روس الاقذال
وجر العوا في كـل صـوب ونحيـه





وقال أحدهم:









يا ذيب ياللي تالي الليل عويـت
ثلاث عوياتٍ على ساق وصلاب
سايلك بالله عقبها ويش سويت
يوم الثريا راوست والقمر غاب





وقال أحدهم معاتبا الذيب:









الله يلوم الذيب ما كب شاتي
وراه ما دوّر له خمعٍ تنصاه






وقالت البنت:









يا ذيب ياللي جر صوت عوى بـه
مدري طرب وألا من الجوع يا ذيب
يا ذيب لا تقهرك عنهـا المهابـه
يا مجفّل الغزلان حنـا المعازيـب
البوش كلـه يـم خشـم اللهابـه
في فيضة السرداح والبل عوازيب






وقالت زوجة زريب الجذع ترثيه:








يا ذيب ياللي في علو المضابيع
يا خي خل زريب ريف الهشالي

[عبدالله الصقري]

يسلمك ربي
ولااااااازم اكتب انقلش
ههههههههههههههههههههه

[ناصر الهواوي]

صباح البرد والورد للجميع
اهلا يالخيال البارحه ليلتك مع الذيب ياذيب
اهلا يالصقري
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
ليا اصبحت يالصقري من السجن خذ قشك=اذا تزعم انك كنت في منتجع مغشوش
ترا العاصمي بالتسميه يالبطل غشك=باشجارٍ زرعها يوم هو منسجن بالحوش
هات الكنقه إلسجن القصايد بليا شك=لقسم النساء قدامها عنبره مفروش
وقل العود بالزنزانه من الضجر طشك=لابالرجل قيد ولابه بمعصمك كلبوش
وياهجس في عشك ولا واحد اينشك=الا من فواد معلمك عندهم ملطوش
يازرع الغلا بالقلب من بالجفا حشك=تراه الذي لك عام من ديمته مرشوش
تساما بك ويومك تساميت به طشك=يعني تعتبر من ذمته لك شهر مكروش

[عبدالله الصقري]

ههههههههههههههههههههههههههه

الله يسعد مساك و يجمل حالك

و صح لسااااانك ملايييييين

و يااااااااااااااااااااازين الحاره والله
بشر من كل صنف و شكل و لون و عمر
و مدارسنا كل الطلبه بنين و بنات لحد الثانوي على رجولهم و دربهم كللللللللللهم من عند باب بيتي
شبعت سلام و كيف الحال
و كحلت عيني بالزين كله
ههههههههههههههه

[ناصر الهواوي]

ههههههههههه اعط الطريق حقه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
خيال وحشنا بذكر الذيابه=ياليت يوم/يروع الذيب خيال
بكبخه ولا ودي يعضه بنابه=اخاف لو عضه يجي قلبه خبال
هذي مداعبتي لحضرة جنابه=كم قمت له بمداعبه بس ماقال
ومن بعد ذا ياللي تجيد الربابه=جر الوتر وليا عوت شيل موال
خفف على قلب شبا الرمش صابه=قدر على جرحه بلا شلف وانبال
طرف الهنوف اللي بسهمه سطابه=وراحت تظاحك من مطيحه وتختال
لاصاح قالت صه ماهي طلابه=لا تحسب ان مغازلي لعبة عيال
باتعبك لين ايطش ابو زيد كابه=وليا نجحت اوميت لك في طرف شال
وصبرت واجتزت الدروس وعذابه=وياليتني رسبت في كل الاحوال
نبات روض وجاه صيف وغدابه=وقعدت في رمضاه حافي ولا ازال

[ناصر الهواوي]

[color="قديمه


لاوالذي ماله شريكٍ ولا ند= بحرفين كاف ونون ما اراد كاني
مالي عن اللي مشغلٍ خاطري بد= لو ينزل الجدي بمكان اليماني
اروح له واقبل على البيت وارد= لي شيمةٍ عن الهوان اتحداني
العام يوم ان الغلا منه من جد=وما قال ماله فيه تاويل ثاني
وانا انهمر له وبل غيمه بلا حد=ومقابله لو طال حسبة ثواني
واليوم اشوف اللي بناه بيده هد=مجبور ولا هادمه جد عاني
حسبي على ورق النخل بيح السد=بكثر الونين ويدري اني ما اداني













[/color]

[خيال مطير]

يوم غبت من الرياض وجيت بين أحضان جدة
ذيك يبكي برها. والثانية يضحك بحرها
غبت عني يا حبيبي في ليال العيد مده
كل ليلة عن شهر. وأضرب ليالك في شهرها
راح من عندي وأنا خايف. وهو ماهوب وده
والعواصف فوق جده سيلها يسبق مطرها
لو ما خاف من العذول ونظره الحساد ضده
كان أقيم بجنب أقامتها. وأسافر مع سفرها
الحزين اللي بكا قلبه عليك وباح سده
أنت تدري فيه حيل. وحالته عندك خبرها
من مطار العاصمة عوّد ودمعه فوق خده
كن دمعه يغسل جفونه قبل جيّت سهرها
تحرجه نظرات خلق الله ولو بالغ بصده
تلتفت فيه البشر لو كان جنّب عن نحرها
في خياله طفله تلتف بأحلام المودة
وإن تفاجت تختفي باكفوفها ولاّ شعرها
أنت أصغر بنت حبت. وأنت أكبر مستبده
وأنت أقرب من عيوني. وأنت أبعد من نظرها
يا حفيد اللي لهم عادات. فوق الخيل رده
يوم كانت تركض الصفراء وجدك في ظهرها
ليت أبويه توم أبوه وجدي المرحوم جده
مثل ما قال المثل دارٍ بناها من حجرها
بالوفا قدي. وأنا في معطيات الحب قده
احتريها إن أقبلت. وأن وقفّت اقتصيت أثرها
وأهني اللي تملك حبلها والكف شده
أشهد أنه في نعيم. ولا نقص ماله مهرها
إن كسبها ألحظ وألاّ العقل ناقف عند حده
رافعه فوق السماء قبل أًفه بأنه قمرها

خالد البقمي

[سوار]

يـــا ألــــذّ الّلـــي تمنيّــــت ، وتعسّــــر !
يا أيسر من حظوظي البيض الغشيشة


جيتنـــي ذاك الـــــوديع الّلــــي تنسّــــر
شايلٍ من فـــوق باسك ألـــف ريشـــة !


سوار

[عبدالله الصقري]

تسالي للملكه
- هذا ان قدرتوا تدخلونها منتجعكم -
هههههههههههههههههه

تتحطَّم الموجه على الصخر يـ سعود
لا مآتت الموجه ولا هَزَّت الصخر

وان مآتت الموجه مية موجه تعود
تلثم جبين الصَّخْر و تعآنقه دهْر

و انا ترى قلبي من الهم مرصود
رصد المواني للمواخير في البحر

يسري على هونه وهو حيل مطرود
بين العنا والهم والمد والجزر

يـ سعود ليت القلب لا عآنق النّود
يبهج قلوب ٍ ملَّت معآنق الصبر

او يعزف لحون الليالي بلا عود
لين يتَرَنَّم عاشق السر بـ الجهر

ينخى عيون الصدق لـ مْشآهَد الجود
في بآحة الخالق و ينسيهم الزهر

و ان جاذَبَتْه الريح أو غاب موجود
لا هزّته موجه و لا مآت بـ القهر

له آآهة ٍ ترميني لـ وقت مفقود
من يوم فرقآه ارتحل داخل الصدر

وقت ٍ تمنيت المحبَّه به تجود
واقفى بـ غمضة عين محسوبه بـ شهر

ما مثلي الا من نخر جسمه الدود
أو مرتجي شخص موارينه القبر

باب الرجا ما له سوى حي معبود
ربَّ الليآل العشر و الشفع و الوتر

يحلف بها ما هو بـ حلفآن موجود
حلفآن منزلها على وافي النذر

عهده قبل نولد خذاه و له شهود
و الخير فطرتنا و له بآقي الأمر

لو يرسل الطوفآن ما تردَّه سدود
و بـ امره أمآن الفلك من غبَّة الغدر

لولاه ما كان المدى واسع حدود
لولاه ما داوى كسير العظم جبر

من الارشيف

[عبدالله الصقري]

يـــا ألــــذّ الّلـــي تمنيّــــت ، وتعسّــــر !
يا أيسر من حظوظي البيض الغشيشة


جيتنـــي ذاك الـــــوديع الّلــــي تنسّــــر
شايلٍ من فـــوق باسك ألـــف ريشـــة !


سوار


يا بحر و ان هجت موجاتك تكسّر
هي ميآه ٍ تروي صخور ٍ عطيشه

كل عقل بكيفه لما خُطّ فسّر
بين ما غذّى الفكر او ما يطيشه

[ناصر الهواوي]

صباح ومساء الخير
اهلا يالصقري وصح الله لسانك
مرحبا ياسوار وصح لسانك ولا فض فوك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
وين جالية الصدا عن كبودٍ صاديه=والصدا لو زاد وابطا يقص اقسا حديد
رد ياراع المدينه على اهل الباديه=ياعسى عمر الوفا بينه وبينك مديد
لو ندا صيِّح ولا اوحت صياحه ناديه=يمكن يعوده قديمه ويطلع له جديد
آاه من ورقا على غصن سدره شاديه=رايها اللي دلها الغصن ما اظنه سديد
بروحها في ساعة الحوم اكيد مفاديه=لمي افكارٍ لجارك من انواحك بديد
وكل يوم بهالسويعات صيري هاديه=ماء العيون احس له بعد ما نحتي نديد

[ناصر الهواوي]

ادع ماغاب من طاري يجي=وكل همٍ بقلبك لا يغيب
وفلي اوتار قلبي وانسجي=من صنوف التغلي مايطيب
وعني خيول هجرك واسرجي=ماترين انه لحزني يجيب
كان منهجك يشبه منهجي=بس من كم شهر صاير عجيب
كنت ادور لفعلك مخرجي=بحسن نيه يبي عذر لحبيب
لاتعجل/وصبر/وتفرجي=من مواعيد عرقوب وتخيب
الوساوس براسي ترهجي=زودت خاطري شكه وريب