هنا .. سجن القوافي !!

[خيال مطير]

خيال وش لونك بعد فرحة العيد=الله عليك بكل خيرٍ يعيده
عيدك مبارك يا احمر العين واسعيد=طيب وجعل سنين عمرك مديده
البارح همومي اجمل وتفاريد=عندي اقريبها حضر والبعيده
سريت من داورد يطوي بي البيد=امريكي اشهب لون صاف الحديده
احاذر فلاشات ساهر تراديد=وارد فكري للورى واستعيده
من المذنب اشمل لين اجاوز حمى فيد=واجنب الى اصفر ديرة الترف سيده
الاشقر اللي ما بخده تجاعيد=اشعة القمرا تلامع بجيده
ذكره يشجع للغنا والاناشيد=لو شوفته يالقرم ما هيب اكيده


بخير ياالوجـــــــــــه الصبوح ..درام انت بخير
خيال

[خيال مطير]

http://pbs.twimg.com/media/BOnXGYfCYAEhqey.jpg

https://www.youtube.com/watch?v=d-wxZnfD2vg

عساك طولة العمر ,, يابو بندر

[خيال مطير]

https://www.r111n.com/image.php?u=1440&dateline=1539330622
منوره يالغاليه
فديتك

[ناصر الهواوي]

رايع خالي مشعل الله يحفظه وانت يالخيال رايع باختياراتك
اهلا يالمهره وصح نقلك وعقلك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

‏

يا تكة الصدر قولي وين ضحكي غدا=اللي ظهر من سنون ايعد تكشيره
ان قلت راق المزاج وضغط دمي هدا=قال الجفا يا لهواوي فضها سيره
من له تصيح ايتصيقه عن سماع الندا=ودون الهدف في مسارك صار تدويره
لو جنب ضلع انت لصياحك سمعت الصدا=واليوم تسفه لو انك داخل الديره
‏

[خيال مطير]

صح لسانك يابو عبيد ,,يقول الشاعر حمد السعيد

يا ضيقة الصدر وش باقي على بكره
يا طول الساعتين وطول غربالي
الليل كله وانا فكره وراء فكره
ومن دلة الهم ماهزيت فنجالي
ما كنت اضن الحبيب اليا عشق يكره
الين جربت فرقا اللي شغل بالي
اثر الجفا موت مثل الموت له سكره
يالله لاتقطع الغالي من الغالي
من يوم قفا وانا للموت ابفتكره
والله ليبطي بقلبي منزله خالي
الطير لامن غدا ما عاض به وكره
يقضي وفعله مع المده يورالي
لا صار فعل وغلا بالقلب محتكره
في ضيقته ياخذ الاول مع التالي
كد قالوا الطير يا وفيه يانكره
واقول نكاره العشره بروا حالي
ارجع لموضوعنا السابق على فكره
ماني بانا اللي مفارق بس بلحالي
البعد سم البشر ماني بمبتكره
عزي لمن جرب الفرقا وعزالي
هذا الجفا موت ومثل الموت له سكره
يالله لاتقطع الغالي من الغالي

[رحيل]

اللهم أكتب لنا خيراً ورزقاً وعافية
ودرباً منيراً بطاعتك .


صباح الخيرات

[خيال مطير]

https://www.r111n.com/image.php?u=1672&dateline=1516716336

يلبى هــ العيون
لو انك مجرمهـ

[عبدالله الصقري]

صباح النور و السرور
وحشني جدي
يجعلك بالف عافيه دوم ياجد
_
و هذي تسالي ع الطاير
ههههه الله يسقيها غرفه
هههههههههههههه
ما عاد به حبس


إحســاس بالغـربــه و نشـوة فرح
واحساس امان و ليل مليان خوف

وصدرٍ ٍ لـ ميلاف الـهموم انـشـرح
ماصدّق الـواقـــع وعينــه تشـوف !!!

معـنـــاي ما يستـوعـبــه من جرح
لو يفهمــه ينــلاف بالجــرح لـوف

لو خآضـوا الســالـين بحــر المرح
ما يـجمعــون الـــدرّ من كل جـوف

[خيال مطير]

وانت يالصقري مجرم

[خيال مطير]

محاورة رائعه وجميلة بمعناها وهي بين الشاعرين
تسليه من الخفير , بدون ذكر اسماء

** أبو زيد الغبيوي :

قوم ياتركي واجيب اللي تجيبه ..

وإلعب الطاروق مع عزوة عتيبه ..

والبنادم مايحوش إلا نصيبه ..

مايطير الطير ماكسور الجناح ..........

(( ياصفوف الملاعب يازحول الرجال

عزو الملعبه ويزين موالها ))

(( لو تلفت جنوب ولو تلفت شمال

ماتصفق يمينك غير بشمالها ))

*** تركي 2000 :

كل ليله أقابل عتيبه وأغني ...

وياكثر ماياصل الأجواد مني ...

وأنت يابوزيد رد العلم عني ....

مايطير الطير مكسور الجناح ..............

(( ياصفوف الملاعب ياقروم العيال

هكذا الوقت والدنيا على حالها ))

(( ..... الجمال اللي تشيل الثقال

وأم ظرفين فال الله ولا فالها ))

*** أبو زيد الغبيوي :

من عتيبه يالمطيري شاب راسك ...

مير طعني لاتطول فــــــي حساسك ...

والعتيبي لاوقف فاللــعــب حـاســك ....

مايطير الطير مكسور الجناح...................

(( الجدي في محله مايجيه الزوال

لو قنات الجزيره شوش إرسالها ))

(( عارفين الجمال ولانت ضمن الجمال

أنت تتبع جمالن نعرف أزوالها ))

*** تركي 2000 :

والله إني مالقيت إلا العوافي ..

العرب في ديارها والستر ضافي...

واتمشى وانبسط والجو صافي ...

مايطير الطير مكسور ...............

(( منت ويا السماء والجدي يبن الحلال

وأنت غترتك دوب تسوي إعقالها ))

(( أخر الوقت يابو زيد روح وتعال

وإبن خيمتك فوق وإظبط إظلالها ))

*** أبو زيد الغبيوي :

منت ويا العافيه يابو عطالله ...

فيك من جور الزمن تسعين عله ..

وأبك حنا نعقد الحبل ونحله ...

مايطير الطير ......................

(( عارفين الغروب وعارفين الزوال

دلتك دلتك مشروب فنجالها ))

(( ساكنين القصور اللي تحتها الظلال

واليتيمه عشاها دوب جهالها ))

*** تركي 2000 :

دلتي فنجالها يصعب علاكم ...

عنه يمال الشحم تقصر يداكم ...

إحمد الله قبل لانلعن ثواكم ...


مايطير الطير ......................

(( لاتخيبل ترانا مانحب الخبال

مايعن الكحيله غير خيالها ))

(( وأنت ماجاك غير الفال قبل العقال

والجمل حملته يبرك ويشتالها ))

*** أبو زيد الغبيوي :

البصيص ياتريكي وش جراله ...

نشرب الفنجال ونكب البياله ...

والسلات يروح ويميل عقاله ...

مايطير الطير .......................

(( كيف تجحد عتيبه في قديم الليال

عزوتي عزوتي ماتحصر أفعالها ))

(( ماتخيبلت ياتركي وامشي عدال

والمراجل ماتخضع غير رجالها ))

*** تركي 2000 :

تركي إبن حميد عانه فالمغاره...

والمحيا عان راسه فالزباره ...

غير إبن قشعان وشيوخ الأماره ...

مايطير الطير ............................

(( مالكم فعل معنا في نهار القتال

قدمنا ربعك العتبان يرثالها ))

(( إستحبها على ربعه كريم السبال

ياخي إ ستح على لحيتك وإسبالها ))

*** أبو زيد الغبيوي :

دور الجبريل والجبعاء وغيره ....

والبصيص وين يمان الستيره ...

ياسلاحن مالقيناله ذخيره ....

مايطير الطير ...........................

(( وأبك حنا ترانا مثل صم الجبال

فالجزيره من اللي يجهل إجبالها ))

(( دون ربعي وفي عين المطيري خلال

من لقا حيلتن فالوقت يحتالها ))

*** تركي 2000 :

في علوم الكذب مايلحق مداكم ....

وكذبكم والله إليبطي ماحماكم ....

وأبك حنا منكم إنطلق نساكم ...

مايطير الطير ..........................

(( الله اللي مسلطنا عزيز الجلال

فوقكم والفعول إتعرف فعالها ))

(( سمعتك عندنا والله ماتسوى ريال

مير بعض السوالف مالك ومالها ))

*** أبو زيد العبيوي :

ناصر الشغار وش سوى منول ...

يوم جات العبدليه يالمهول .......

سالفه من ماضي الهجره تقول ......

مايطير الطير ...........

(( مانحلل حلال ولا نحرم حلال

والخلايق ماتجزا غير باعمالها ))

(( ترا ذبحة ياصاحبي راس مال

والبنوك الثريه تحفظ أموالها ))

*** تركي 2000 :

ناصر الشغار حنا ذابحينه ...

والشطيطي ماتفاجر من يمينه ...

غير كون الحرمليه والدفينه ....

مايطير الطير .....................

(( وأبك حنا علاكم مثل وبل الخيال

لاتغر العلوم وتاخذ إ هزالها ))

[خيال مطير]

صح لسانك يالصقري والله اني أحبك

[محمد الـفراج]

السلام عليكم ورحمة الله وبركاته
الله يسعد صباحكم

وكل عام وانتم بخير يا حبايب قلبي

[ناصر الهواوي]

كيفنكم ياهالربع والربايع لعلكم دائما سعداء
اهلا يابو فيصل/قل
(مرقة رقبة بقرة جارتنا احلى من مرقة رقبة بقرتنا)
اهلين حفيدي ازيك هاليومين
اهلا يارحيل
وهلابك يالخيال

‏
مثل حفظ ابو فيصل لهالمعصب الملفوف=انا محتفظ في حب بعض البشر واكثر
لعل القريحه تدعم الهاجس الملقوف=يغوص وعلى الساحل لعذب الدرر ينثر
يغني بها المبسوط وتسلي الملهوف=تضيق على الواشي مع الناس ما يبثر
ليا عز شوفه عنه جا بالمنام طيوف=تخفف هميل الازرق اللي لفقده ثر
على الموق ركِّز في مسار الدموع وشوف=صدودك على وجنة محبيك كيف اثر


‏

[محمد الـفراج]

هذي ما احد يقدر يقولها هههههه

صح لسانكـ يابو عبيد

[عبدالله الصقري]

حياك يالفراج و كل عام و انت بالف خير

و تسلم حبيبي الامير ما حبيت الا من حبك والله
و بالنسبه لجريمتي هي اجمل و احلى جريمه
ههههههههههههههههههه

[ناصر الهواوي]

اتصدقون انه عندي الآن عمال يشتغلون لكن ابا اغني يعني ابا اغني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
‏


عادوا الحجاج مقبولٍ عملهم فرحا=والتعب عنهم بفضل اللي عنوا له راحي
وكل اهل موقع بعودة من لفاهم فرحا=ونايبة حزب الرعد براقها ما لاحي
وباقيٍ منهم اثنين بكل ديره طرحا=وجوهره من حزبها ما هقوتي ترتاحي
والحفيد بساحل ابحر يستفيض الشرحا=عن قسا قلبٍ لقلبه سبب الوحواحي
لا اندمل جرح استفاق من القطيعه جرحا=العبن فيه النواعس لعب لاح املاحي
اما انا من بعد ماشيد بقلبي صرحا=للـ(................)تقول اثريك ما انت بصاحي
قلت من خجه سهم هالرمش كيف بيصحا=او بعد وشلون يهنا فاقدك بمراحي

‏

[ناصر الهواوي]

وسلامتكم

[الجووهره]

هلا بالجميع
ويسعد مساءكم وصباحكم وكل أوقآتكم
وصحت الالسن والاذوآق ودآم حضوركم وابدآعكم

[الجووهره]

هلا بك زعيمنااا. الفرآج
عودا حميدا
وكل عآم وانت بخير وصحه وسلامه
ويانتظار ابدآعك

[الجووهره]

‏ان مارقيت بكف يمناك السحاب
‏محدٍ على متنه يشيلك للسما
،،،،

حاول تميـز فـي طبوعك و تختار
أحلى الطبوع اللي لها قدر وثمن

ثلاث تجعل لك مع الناس مقدار
اسلوبك / وطيبك / والخلق الحسن

،،،،

ما كل غالي بالقصايد نوفيه
بعض الغلا في داخل القلب ذكراه

دايم لكل انسان ميزه تحليه
وانت بعيوني شي مالحق على اقصاه

الله يطول عمر قلبك ويحييه
لشخص يشوفك انت اجمل هداياه

[النجلاء]

صبحكم الله بالخير يالرواسي وعساكم ان شاء الله بخير واحسن حال
ابو فيصل ياهلا ومرحبا بك وكل عام وأنت بخير
ابو عبيد وانت سالم وغانم وصح الله لسانك وخذ راحتك غن في اي وقت تبي تطربنا غناويك وابداعك
خيال انتقاء رائع ومميز كعادتك
الصقري صح لسانك ودام حضورك وابداعك شاعرنا
جوجو منوره يالغاليه وكل عام وانتي بخير وصحه وسلامه وصح ذوقك ياذوق

[عبدالله الصقري]

صباح الورد والياسمين على الناس الحلوين
و والله ياجدي نفسي تجي جـدَّه و باذن الله تجي
و صح لسآنك مدد بلا عدد و صحّ لسآن الجميع و دآم هـ التواجد الجميل
و اخترت لكم اليوم نص لقيته بـ الصدفه يوافق تاريخ اليوم
لكن من سنين يعني في مثل هذا اليوم
و شاركت بها في قطوف فهد عآفت
اتمنى تحوز رضآكم و ترقى الى ذآئقتكم الجميله

___ ___ ___


قوم يـ المنجرح و اسمع وَلَه قلب ٍ شدى
و انتظر . علّ يبرأ سآري الشوق مْهَدي

يا جنـآح ٍ حملني لـ آخــر حــدود المـدى
نبرتك جت على جرحي أنا منين ابتــدي

لآح بـرق ٍ عتيـم الليـل يسبيـه ان بـدى
يرجم الموق و ما طفَّت سعـآيـره بردي

طآل صمتي و نـوره للـديآجيـر اهتـدى
و انطفى بي وانا توِّي أبـ اجمعه بيدي

خآن مطلع صبآح امسي ولا عندي جدا
ما حكم بـ الفـرآق و كلما جيت يغــدي

جيت اضمَّه واصونه عن متآهآت العدا
و اثرني تآيـهٍ واصبح عليَّ المعتــدي

حطّني له مثل يرميه من حين اقتـدى
بسهم يطلقه من قوس العذآب السرمدي

أسأله كيف خليت الـشـرآييـن فـردى
تنزف بـ خآفق ٍ لمّ احتضآري و مولدي

و اسأله كيف لو شوق المحبّين افتدى
و اصطفى صرخة الكتمآن عن همس رعدي

كيف اعوِّض غصني من الدمع عن قطرة ندى
لا اقتلعني من جذور الأمل يأسُ ردي

و كيف مبهم غرآمه يلمع بـ عمر ٍ سدا
لو بلحظه خسرت من الأبو قول ولدي

ليتني طعته وليتك يالحمآم اللي شدى
ترسم الحـآل مرسـآل ٍ يبي رد وعَدي

و سلامتكم

17 ذوالحجَّه 1419 هجري

[ناصر الهواوي]

‏

ودي اغط شوي ولهاجسي قول=الله يهداه بصيف هالعام ثرثار
اذكر (مصرقع)(والاصيله)وارى(مول)= وترجع بي الذكرى الى الخلف واندار
لصيحة منادي قال انا منه مرسول=وانصت لمن من سيدي جاب الاخبار
امثل اني منتبه له ومذهول=بوضع انهزاميه به الفكر محتار
امرٍ محال ونوب ارى العلم معقول=لو حفت ادروب الحقيقه بالاخطار

‏

[عبدالله الدّنّيش]

السلام عليكم جميعا ورحمة الله
وصحت السنتكم على هذه المشاركات الرائعة

^^
من حكاوي الهواوي
صوت الهواوي



‏
مسيت بالخير ياسجن الرواسي وين اهاليك=شفني من الصبح في فيّْ الجداراللي قبالك
من تكت الخلق في ظله واغني لك واراعيك=وارثي لحالي من الضيقه واعود ارثي لحالك
جتنا صلاة الظهر ما شفت احد دوج حواليك=ودعتك الله ابا اغادرك انا مالي ومالك


‏


^^
صداي


‏

هنيّ ذاك الجدار اللي تسلىّ من تساليك = كني بذاك الجدار يْقول دعنى في ظِلالك
ويقول لا لا تقوم وهات سيرة من حكاويك = إذني شنفها الطرب يا شيخ من راهي جِزالك
إلا الرثاء لا تسمّعني طواريقه.. طواريك = أخاف ينهدّ حيلي وآتبعثر في رمالك
إجلس ومني صدى للصوت بالخافي يجاريك = وليا تغنيّت للصدة فحالي مثل حالك
دع عنك لوم المقفي طالما الحاضر يناجيك = وأطلق عنان القصيد لْصاحبٍ ينشد وصالك
هي هكذا دنية المشتاق والعاشق دواليك = مرّة تشوفه على يمناك وأُخرى في شمالك
ومرة يسلّي بقيفانه ومراتٍ يصاليك = حتى على الجمر يتسلّى ولا يخطر ببالك
ياكم شكينا وملّ الصبر وإحنا في حراويك = أقولها له ، ويتندّر يقلي وش جرى لك
وأقول يا ذا الهواوي في الهوى منهو يواسيك = ترى جمال الجمايل يقتبس منها جمالك
وأسمح لي أرفع شكاياتي إلى حضرة معاليك = يمكن تطيب الظروف وتستحي من طيب فالك
‏
وسلامتكم وطاب فألكم

[خيال مطير]

تسليه

ثم امطرت طهر المشاعر في دلال
تغسل هموم الظن من كف الطعون
تروي ظما العطشان بحدود الشمال
وتغرق حدود الشرق من ديم المصون
حتى الغروب اشرق ونوره ما يزال
يعطي جنوبه ضي من نور العيون
المغرمه تمسك عصا سحر الوصال
فارس غلاها لا ابتعد لا ما يخون
عهد ومواثيق ووفا حط الرحال
في قلبها يسكن وغيره يطلعون
تعاهدوا بالصدق في صدق وحلال
حتى آمنوا ان الغلا فن وجنون
قصة غرام اثنين أغرب من خيال
شمس وقمر فوق البشر ما ينزلون
تعودوا ما يعشقون الا المحال
والناس لهم اذواق فيما يعشقون

[خيال مطير]

السلام عليكم جميعا ورحمة الله
وصحت السنتكم على هذه المشاركات الرائعة

^^
من حكاوي الهواوي
صوت الهواوي
مسيت بالخير ياسجن الرواسي وين اهاليك=شفني من الصبح في فيّْ الجداراللي قبالك
من تكت الخلق في ظله واغني لك واراعيك=وارثي لحالي من الضيقه واعود ارثي لحالك
جتنا صلاة الظهر ما شفت احد دوج حواليك=ودعتك الله ابا اغادرك انا مالي ومالك
^^
صداي

هنيّ ذاك الجدار اللي تسلىّ من تساليك = كني بذاك الجدار يْقول دعنى في ظِلالك
ويقول لا لا تقوم وهات سيرة من حكاويك = إذني شنفها الطرب يا شيخ من راهي جِزالك
إلا الرثاء لا تسمّعني طواريقه.. طواريك = أخاف ينهدّ حيلي وآتبعثر في رمالك
إجلس ومني صدى للصوت بالخافي يجاريك = وليا تغنيّت للصدة فحالي مثل حالك
دع عنك لوم المقفي طالما الحاضر يناجيك = وأطلق عنان القصيد لْصاحبٍ ينشد وصالك
هي هكذا دنية المشتاق والعاشق دواليك = مرّة تشوفه على يمناك وأُخرى في شمالك
ومرة يسلّي بقيفانه ومراتٍ يصاليك = حتى على الجمر يتسلّى ولا يخطر ببالك
ياكم شكينا وملّ الصبر وإحنا في حراويك = أقولها له ، ويتندّر يقلي وش جرى لك
وأقول يا ذا الهواوي في الهوى منهو يواسيك = ترى جمال الجمايل يقتبس منها جمالك
وأسمح لي أرفع شكاياتي إلى حضرة معاليك = يمكن تطيب الظروف وتستحي من طيب فالك

وسلامتكم وطاب فألكم


وانت سالم وغانــــم
صح لسانك

[خيال مطير]

http://www.mekshat.com/pix/upload05/images223/mk15179_kkf.jpg
البارحه ياحسين مركاي كوعي
من العشا الين اذن الفجر يا حسين
ما غير اسلي خاطري بالدموعي
مثل الذي من يقضي الدين بالدين
وكل السبب طيري حسين الطبوعي
النادر اللي شوفته تطرب العين
اللي ليا مني نهمته فزوعي
مثل الشجاع الي نهموه القريبين
قمت اتذكر تلته لطلوعي
بخدن قنصنا فيه حروة اسبوعين
مدري ثمان ايام معهن اسبوعي
لا شك كنهن يا ابن الاجواد يومين
وفي تالي المقناص يوم الربوعي
اتلى العهد به راح يلوي الجناحين
اقفى وراء خرب ٍ مصقر جزوعي
متذير ٍ واردفت من عقبه طيرين
وسقنا معاهن وسط خد منوعي
اقف ٍ شمال ومبعدات عن العين

[خيال مطير]

https://words0.com/wp-content/uploads/2019/01/%D9%83%D9%84%D9%85%D8%A7%D8%AA-%D8%A7%D9%84%D9%84%D9%87-%D9%8A%D8%A7%D8%AE%D8%B0%D9%86%D9%8A-%D9%85%D8%B9%D8%A7%D9%83-%D8%B4%D8%B1%D9%8A%D8%A7.jpg

من غير مطلع للقصيد الله ياخذني معاك
من وين ماودك نروح ووين ماودك تبي

انت المواصل والرضى وانا اللي ادور رضاك
وانت الحياة اللي ابيها قبل لا احبك وابي

عايش معك بشعور ما عشته ولا اظن ايخفاك
كل الكلام اللي بعيني يسبي شعوري سبي

ولا عاد تسألني تحب كل يوم يتزايد غلاك
كل يوم اسافر بك غلا من مشرقي لمغربي
أفهم عشان اعيش واموت برضى قلبٍٍ فداك
انا وقلبي غير قلبك يا بعدهم ما نبي

خايف من الدنيا عليك ومالي بالدنيا سواك
ليت التعب لو جاك جاني واتحلواه إتعبي

من قلت لي وصلك من الأحلام حققته وجاك
وياك ما عندي سوى أبشر وآمر وشتبي

اللي يعرفك مايبي غيرك ولا يترك هواك
واللي يحبك لو عشق غيرك فهو فعلاً غبي

[عبدالله الصقري]

روعاتك يالامير

[عبدالله الصقري]

صباحكم رضا من رب العالمين

لاعدمنا هالجمعه يارب
صحت الالسن والقلوب
وتحياتي

[محمد الـفراج]

حياك يالفراج و كل عام و انت بالف خير

و تسلم حبيبي الامير ما حبيت الا من حبك والله
و بالنسبه لجريمتي هي اجمل و احلى جريمه
ههههههههههههههههههه

الله يباركـ فيكـ ياعبدالله


جريمتكـ ما ادري وشهي لاكن ما دامها احلى جريمه كثر منها
هههههههههه

[محمد الـفراج]

هلا بك زعيمنااا. الفرآج
عودا حميدا
وكل عآم وانت بخير وصحه وسلامه
ويانتظار ابدآعك

يباركـ فيكـ يا جوهرتنا
وانتي بخير وصحه وسلامه

اصلن الابداع ما يجي لين اشوف شوشتكـ المنفوشه
هههههههه

[رحيل]

السلام عليكم مساء الخير والعافية
وشلونكم شخباركم
الفراج عوداً حميداً منور المنتدى شاعرنا

صح السنتكم جميعاً

[ناصر الهواوي]

‏

هو الابداع وينه يابو فيصل=ان شفت اشعل حرير اوشفت شوشه
نعد اللي بصفحتنا نحصل=وغيره يا بطل ربشه ودوشه
اليا مريت شارك لا تنصل=كلام ابلاش جيبك لاتنوشه



‏

[عبدالله الصقري]

الله يباركـ فيكـ ياعبدالله


جريمتكـ ما ادري وشهي لاكن ما دامها احلى جريمه كثر منها
هههههههههه


جريمتي !!!؟ نبض غآدر فجَّر ظلوعي
نآدر .. و يتوآرثونه ،، و صعب يتكرّر

تخيَّل تعيش حآذر من ضيا شموعي
و اجي بـ كلّي مولَّع و الفؤآد اخضر

من صآدق الديم سآل زلآل ينبوعي
من ربنا شهد حآلي و حآلي المنظر

شربت لي منه جغمه ضيَّعت كوعي
مآ عدت من بوعي اعرفها لو اتفكَّر

الله قسم لي نهر و اخضرَّت زروعي
لكن حظي ’ مثل وجه الحسود اغبر

لو قآضي المحكمه بـ يحل موضوعي
ما شهَّر بـ مولد هلآل الفرح من مر

مالي بـ حكمه إذا ما سد لي جوعي
ما هو كرم هو نصيب الرب و مقدَّر

مقسومي ورزقي ولو كان ممنوعي
مادآم مقسوم بـاسعى له لو اتكسر

و الله يسامحك يـ القآضي و لك طوعي
مير آمر القلب وان طآآعك تظل اقشر

--------------------------------

وسلامة و سلآمة الحآضرين
.
وين القضيَّه؟
وين التسالي والغدا
سجنك يا جد عامر
ههههههههه

[عبدالله الصقري]

ابو فيصل أو الشخص المبجل
حَزيبي الرآعدي لا لا تنوشه

كفوك العد من عدوك فطحل
نعم . و بـ جنبك الغيمه عطوشه

و خوفي يصبح السجن المعطَّل
غوانتانامو بكل ما تحوشه

[عبدالله الصقري]

هههههههههههههههههههههههه

[عبدالله الصقري]

تدري

[عبدالله الصقري]

ربع ساعه بليز جست امينيت
ومالك الا اللي اقدر عليه
.ع فكره
ابحر لي عنها من عهد عبدالمجيد الله يرحمه

[عبدالله الصقري]

أعترف لك يـ الدروب الطايله
يالثقيله حملك أتعب عايلي

لا نهايـه .. لا محطّــه دايله
وان تفرّعتي تزيد مسايلي

مــاتنــولين الـذي بك نايله
من سلكتك والعقل بي مايلي

من طعنتيني وقلتي حايله
ما انتهيتك ما سمعت القايلي

ما قضى نحبك عصور ٍ زايله
ما بدى من حاضر ٍ لك زايلي

بالنسب كنّك من ءآصل وايله
لابتي و فيـهــا أعـزّ خلايلي

ياالنجــوم اللي بـ عزّ القايله
وش تبين بـ حالي المتهايلي

السراب اللي كفوفـه طايله
لو صبرنــا ما يطـولـه طايلي

أكتب ومقصودي اللي شايله
و آتعـذّر كان قـصـّــر صــايلي

الطريق اللي بـ رغبه جاي له
مادريت انـّه بـ رعبه جـاي لي

مــا تـوجّـزت بــ قصيــد ٍ قايله
جف معناي و خــذآه السايلي

لي مصـابيح الليــالي مـايـلـه
مير منزالي جـفـــاه الخـايلي

[عبدالله الصقري]

https://www.facebook.com/sqrjdh/videos/2000199596714363/

[ناصر الهواوي]

‏

زاد حبي لسجن الرواسي زاد=صار لي خوان واخوات واحفادي
وابن صقري هنا سيد الاحفاد=كلما زدت له الغنا زادي
وجدي قلبٍ عنه من يوده حاد=وجد صدام بيدين الاوغادي
يوم طالع بمركوزة الاعواد=وبعد ما فارقه حكم بغدادي
مثل وجده لمزمومة الانهاد=وجدي اقشر ماهو عادي
قالوا اصبر ولمفارقه تعتاد=حادرٍ قول هالشرذمه وادي
عنه صبري تعدا حدود الماد=,,,,,,,,,,,,,,,,,وين الاجوادي


‏

[محمد الروقي]

‏

اكفخ الريش ياطير للميكار=ماكرك في طويل النبا الزامي

خل لين الهبايب تهب اعصار=عانق الصلف دام الهواء حامي

اترك الارض مادام ثار غبار=قل هذا الطعس والرجم قدااامي

مابه الا القرانس وعش احرار=وعطر ورد الجنوب وهوا الشامي

رف ريشك وقدمك تلاقي خار=خابرك فرخ قرناس وقطامي

‏

[الجووهره]

‏

هو الابداع وينه يابو فيصل=ان شفت اشعل حرير اوشفت شوشه
نعد اللي بصفحتنا نحصل=وغيره يا بطل ربشه ودوشه
اليا مريت شارك لا تنصل=كلام ابلاش جيبك لاتنوشه



‏

صح لسآنك شآعرنا
واسمع الكلام زعيمنااا
ههههههه

[الجووهره]

وهلا بالجميع كلن باسمه
وصحت الالسن والاذوآق
ودآم حضوركم الجميل وابدآعكم

[محمد الـفراج]

السلام عليكم مساء الخير والعافية
وشلونكم شخباركم
الفراج عوداً حميداً منور المنتدى شاعرنا

صح السنتكم جميعاً

عليكم السلام

يالله حي مديرتنا
النور نوركـ لبى والله هالحضور

[الجووهره]

يباركـ فيكـ يا جوهرتنا
وانتي بخير وصحه وسلامه

اصلن الابداع ما يجي لين اشوف شوشتكـ المنفوشه
هههههههه


ههههههههه
هالجديله الحلوه وتقول شوشه
ومنفووشه بعد. هههههه
الله يسامحك زعيمنااا
ههههههههه

[محمد الـفراج]

‏

هو الابداع وينه يابو فيصل=ان شفت اشعل حرير اوشفت شوشه
نعد اللي بصفحتنا نحصل=وغيره يا بطل ربشه ودوشه
اليا مريت شارك لا تنصل=كلام ابلاش جيبك لاتنوشه



‏



الله الله

ههههههههه

اسمع يالعود اتركـ المسلمين في حالهم
هي شوشتكـ والا شوشت الجوهره هههههههههههه

[محمد الـفراج]

ههههههههه
هالجديله الحلوه وتقول شوشه
ومنفووشه بعد. هههههه
الله يسامحك زعيمنااا
ههههههههه

ههههههههه

اسكتي انا ما اباهم يسبونكـ تراهم كلهم يعطون عين
هههههههه

[الجووهره]

حآول تنآسى ضيقتك كل مآضقت
دآم آلعمر بـ آحدآث آلآيآم حآفل
تغآفل من آلهم و آلنآس وآلوقت
تسعة آعشآر آلعآفيه فـ التغافل

...
ياخذهم الوقت وماياخذهم الطاري
يبقى لهم فالاماكن ضحكه و سيره

...

أحلى لقى لا صار من دون ميعآد ..
صدفه كذا / مثل السماء يوم ترعد

رشة مطر : ودك بهـا دوم تنعآد ..
آحيت جفاف الأرض من دون موعد

،،

الليـل سّكه من حنـين وتناهيـد
وأشواق تعزف نايھآ بـ آلمحانيّ

وشريط ذكرى للقى ، والمواعيد
وأحسآس شعر ضحكتين وأماني

[خيال مطير]

تسليه
من ديوان الشاعر الكبير فيصل العدواني

الجمس خله وريحنا يا بو جميشان
والفرت هذا قديم ومنتهي دوره
الدعوه ماهي بكشته في هوا الصمان
ونعس قاع من الهتان ممطوره
مادام حنا بديار الغرب يا بليهان
والديره اللي نبيها باخر الكوره
عنها تحدينا بحور وسلسة وديان
وجبال ماهي برفعة اطويق وصخوره
حزم شناطك وسم بسم الله الرحمن
نركب مع اللي صداها يتلي الصوره
ماهي بايرباص ولاهي من وارد اليابان
من ديره علوم الغي مشهوره
كنكورد صنع البريسي فرانس ابن متران
صفوة نتاج المسيح وقايد الثوره
ماهي بكبيرة والا ياقلها البيبان
واح د واحدتميز لون بلوره
هيكل مهندس تضم اجنوبه الجنحان
والبوز طلقة فداوي رز شرشوره
تصميم منهو ترك بصمه على الاذهان
ماهي تريله ابو معطش وزموره
اليا استعدت تبي تقلع يجيها جنان
فوق المدرج عسا ماهي بمسحوره
ثم كفخها عسا من جابه النيران
يبغى غصبها يزيد وشد ماطوره
فزت وطرت في بالي فزعة العجمان
ينصون منهو تعزوا ضايق طوره
ثم تعلت وقلبك لامس المصران
والا تعدوا اقول شلون محظوره
والله ياسيتك لو ان ماثبته فنان
تهوى وكنك نزلت بوسط دحدوره
ثم استدارت ومالت ميلة الميزان
من فوق ديره ابو لحيه وباكوره
يتلها اللي ابد مارافق البدوان
ولاسرح يتبع الراعي ومقهوره
اسمه مركب واكيد ان ماخذه مجان
مجهول ساسه وامه بس مذكوره
اشقر وراسه بشادي دلة الرسلان
تكرم عساها ماتدني يم حنجوره
ابيض بشدة بياضه تجهر العميان
فوقه رشاش النمش متعنق زوره
خطت عروقه مثل كراسة استبيان
بدين ورع لغف لستاذ طبشوره
لاشفت شكله ابد ياخوك جنتل مان
بس المصيبه لامرك صابتك دوره
لكن شهاده يذا الكابتن نعم بطران
حنكه وخبرة وله بالجو منظوره
عدا المحيط وبلاد الترك والاسبان
والشرق الاقصى والادنى شاقح سوره
يالله وقلب المعنى هزه التحنان
يم الكويت وعساها دوم معموره
ديره رجال تعز وتكرم الضيفان
وشلون وهي تقاصر شعب اخو نوره
يالله عسى من بغانا بشر للبهتان
وترد عنا نوايا الخبث مدحوره
عجل علينا تأخرنا يابو جميشان
و الفرت خله وجمسك منتهي دوره

[شاعرة نجد]

السلام عليكم ورحمة الله

وكل عام وانتم بخير
وتقبل الله حجكم وطاعتكم
وصحت السنتكم ودمتم ودام ابداعكم وحضوركم الممتع

تقديري للجميع,’’

[شاعرة نجد]

إعتذاار عن الغياب,’

نبتدي بالسلام الجَزْل قبل الكلام
يا رواسي عساكم كل عامٍ بخير

غبت عنكم واتابعكم بكل اهتمام
وان مـ اشارك معاكم كان وقتي قصير

كنت في ديرةٍ مابين مي وغمام
صنع ربي وكن العشب فيها حصير

عقبها في فيافي نجدنا ياسلام
فـ المزارع ترد الروح جلسة عْصير

لين غنّى على خضر الجريد الحمام
تل قلبي قسم لولا ضلوعي يطير

والقريحه ولو تبطي على مايرام
يْجرها للقصيد العذب سلك الحرير

[خيال مطير]

السلام عليكم ورحمة الله

وكل عام وانتم بخير
وتقبل الله حجكم وطاعتكم
وصحت السنتكم ودمتم ودام ابداعكم وحضوركم الممتع

تقديري للجميع,’’

وعليكم الســــــــــــــــــــــــــــــــل أأأمم منورهـ شاعرتنا
https://i.ytimg.com/vi/YmUfaxk-NNM/hqdefault.jpg

[شاعرة نجد]

الله يسلمك
والنور نورك مستشارنا
تقديري,’’

[الجووهره]

وعليكم السلام ورحمة الله وبركاته
هلا بك شآعرتنا المبدعه نجد
والحمد لله على السلامه
نورتي بعد الغيبه وعودا حميدا
وصح لسآنك على الابيآت الرآئعه
ودآم حضورك الجميل وابدآعك

[ناصر الهواوي]

اهلا يالجوهره وصح ذوقك ودام حضورك
اهل يالخيال وتسلم على التواجد والمشاركات الرائعه
وعليكم السلام ورحمة الله وبركاته يا شاعرة نجد والحمد لله على السلامه
‏

مرحبا ما هما بالوسم وبل الغمام=نايبا عن كبير القوم ويا الصغير
عوداً احمد وموصول الشكر للدوام=ردكم غصب والا الكل وده ينير
ياحلو نجد لولا القايله والعسام=كلما صنقرت جا للجخادب صرير
يومي سهيل للوسمي يقول الهمام=بامر رزاق ما يزحف وماهو يطير
عاصفيه لك التقدير والاحترام=وراعديه عسى المانع لها كل خير

‏

[ناصر الهواوي]

محمد الروقي هلا بك وصح لسانك ولي رجعه على هالعذبه ان شاء الله
تحياتي

[النجلاء]

صبحكم الله بالخير يالرواسي
صح الله لسانك يابو عبيد
ابو فيصل منور المكان بحضورك
الروقي صح الله لسانك مدد
الصقري صح الله لسانك ملايين
شاعرة نجد ياهلا ومرحبا والحمد لله ع السلامه وصح الله لسانك على هالرائعه
خيال لاهنت على التسالي الرائعه
جوجو ذوق ياذوق دمتي ودام حضورك الجميل

[شاعرة نجد]

اهلا يالجوهره وصح ذوقك ودام حضورك
اهل يالخيال وتسلم على التواجد والمشاركات الرائعه
وعليكم السلام ورحمة الله وبركاته يا شاعرة نجد والحمد لله على السلامه
مرحبا ما هما بالوسم وبل الغمام=نايبا عن كبير القوم ويا الصغير
عوداً احمد وموصول الشكر للدوام=ردكم غصب والا الكل وده ينير
ياحلو نجد لولا القايله والعسام=كلما صنقرت جا للجخادب صرير
يومي سهيل للوسمي يقول الهمام=بامر رزاق ما يزحف وماهو يطير
عاصفيه لك التقدير والاحترام=وراعديه عسى المانع لها كل خير

الله يسلمك شاعرنا
والمرحب باقي لاهنت ولاعدمنا تواجدك
وصح لسانك على هـ المجاراة الكايفه,والتقدير والاحترام لك

والله يرد شاعرتنا بالسلامه
وجميع الغائبين,’’

[شاعرة نجد]

الجوهره,النجلاء
لاعدمت الترحيب والحضور المميز
والله يسلمكن من كل شر,وصحت ابدانكن

شكري وتقديري,’’

[شاعرة نجد]

https://encrypted-tbn0.gstatic.com/images?q=tbn:ANd9GcT4GiWM4k8z7kwo6Zg6zCSKU6DVe4D6U V40zsVjQQAgaLccs87K

لا لاتعيد الذكريات القديمه
بالله عليك اللي مضى خله يْروح

مافات مات وغيره الله يديمه
أنا سمحت مْن الجفَى وانت مسموح

مابيننا لاهنت غير الحشيمه
والا الغلا حِشت عْروقه من الروح

حشيتها بيديك والله ظليمه
واودعت قلب المخلصه مَعْك مجروح

لين ارتوت من سيل هجرك وغيمه
عافت وشافت مالها منك مصلوح

[خيال مطير]

https://tse1.mm.bing.net/th?id=OIP.PxEBicz8pWTayn931MKPzQHaJC&pid=Api&P=0&w=300&h=300
سقى الله يوم كنت اضحكـ وبالي مستريح البال!
ضحوكٍـ ماعرفت الحزن وش معناهـ وش قدرهـ؟
وكبرت وكبرت احلامي وصارت قصةالترحال
اماني في مهب الريح وحلـمٍ ماكتمـل بـدرهـ..

[خيال مطير]

https://www.youtube.com/watch?time_continue=168&v=gj_S5hJ_26c

https://www.youtube.com/watch?v=gj_S5hJ_26c

[عبدالله الصقري]

صباح الخير أحبتي
و على راسكم جدي
و كل عام وانتي بألف خير شاعرتنا نجد
و صح لسآن الجميع و دآم جمعكم الجميل
و دمتم بكل خير و محبَّه
ولكم كل تقديري و احترامي

[خيال مطير]

تسليه , لشـــــــــــاعره نجديه تقول الشاعرهـ النجديه


لا باس يالمحبوب روحي تفدّاك
لا باس يامضنون عيني حبيبي
ياعلّ ربي ياهوى البال ياقاك
من كل شر وكل جرحٍ عطيبي
ياليتني خذت المرض عنك ماجاك
وتصير من بدّ الخلايق طبيبي
ترى حياتي ماتهنّا بلياك
ليتك دوام من عند عيني قريبي
ياليتني نسمة صباحٍ بدنياك
الثم جبينك عقب طول المغيبي
أو ليتني طيفٍ يزورك بممساك
وأشاهدك واقول يانفس طيبي
بالحيل أحبك و أعشقك واتمناك
يشهد على ما اقول دمعٍ سكيبي
انا دخيلك لا تطوّل بفرقاك
رد لعيوني نومها اللي حريبي

[خيال مطير]

محاورة بين عبدالله العير المطيري ,, وبين نواف العازمي

نواف العازمي
سلام رديّه تذر الكحل بعيون الحسد
تلفي مجال اللي يحاولها ولاهو حولها
السبت قدام الاحد واللي ورى السبت الاحد
اقولها واللي معه فكرٍ سليم يقولها

عبدالله العير المطيري
يامرحبا ياسعود يوم انك تغني مع سعد
اهل العقول البيض مدري وش دخل بعقولها
تراك يانواف ابن منور غريب (إ)عن البلد
والمقفليّه عند رجالٍ يحفظ قفولها

نواف العازمي
دام البقاء بسعود خيّال الجهام المعتمد
ما اقولها لأهل الطبول اللي تدق طبولها
استغفر الله يوم قلت ام الولد جابت ولد
يوم انها قامت تشيل الجمر وسط حثولها

عبدالله العير المطيري
إليا قنب سرحان في الظلماء ورد والا شرد
والصايحه تنخى وكل الناس مالدولها
عين المهلهل عقب اخوه كليب والفها الرمد
والناس قامت يم .... حروثها تعن خيولها

نواف العازمي
انا ادري انك علةٍ صرمى ولاادري وش بعد
المشكله حلياك حلياها وزولك زولها
ترعد وتبرق سالفتكم جعل مافيها برد
يالله عساها المزنه اللي ماتسيل سيولها

عبدالله العير المطيري
ابن الحلال اللي حرث عنها تورط وانقرد
انته تحاليها وانا حملتها بحمولها
الله واكبر يالعوازم ياقويين الجهد
ان كان فيكم خير سربتنا الصباح اقفوا لها

نواف العازمي
إن جيت مازاد العدد وان رحت ماتنقص عدد
تبغى الصحيح اضحك على ناسٍ خفاف عقولها
عزالله انك فارسٍ قطاع لو ماترتعد
والا العوازم خابرين فعولكم وفعولها

عبدالله العير المطيري
أنا ليا جيت اخزي الشيطان والواقف قعد
والا انت ابو جره مايعروف ثومها من فولها
فعلت لك فعله ولاحصلّت منها الا النكد
يوم العرب هجت وكبت قشها ونعولها

[ناصر الهواوي]

ياصباح تغريدات العصافير العذبه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

‏
اغفل وسج ولا تمعن بما قيل=لقيت انا الراحه بغفله وسجه
قرقع ليا جال الفكر بالفناجيل=وخل انشغالك بالمعاميل حجه
والليل هو راس العنا احرص من الليل=والذاكره باب الشقا لا تهجه
اساور وزاهي زمام وخلاخيل=لك يعرضن من وين عينك توجه
ومدعجاتٍ ما يبن سهجة الميل=في بحرها ياكم غرق وسط لجه
ومهفهفٍ تهبه النود وايميل=وبرد بورد احلى عسل ما تمجه
قاف ونضمه الهجس لجل التعاليل=لو كنت ابي عن هالتناتيف هجه


‏

[النجلاء]

صح الله لسانك يابو عبيد مبدع دومآ وابدآ لاعدمناك
شاعرة نجد صح الله لسانك مبدعه وشهادتي فيك مجروحه شاعرتنا
خيال لاهنت على الحضور الفاخر

[شاعرة نجد]

صباح الخير أحبتي
و على راسكم جدي
و كل عام وانتي بألف خير شاعرتنا نجد
و صح لسآن الجميع و دآم جمعكم الجميل
و دمتم بكل خير و محبَّه
ولكم كل تقديري و احترامي


وأنت بخير شاعرنا
وصح بدنك وصح لسانك على هـ الروائع


والتقدير لك,’’

[ناصر الهواوي]

‏
هي همةٍ بك او هوايه تمارسها=تكتيك ياهجسي او ما تفعل سياسه
اعني ما اقوله وتفهم لا تحدسها=ادق ما بالهرم مهما ارتفع راسه
عزي لروحٍ سموم الو جد حايسها=بـ لده وصده وهي من قبل منحاسه
لاجيت ابا ادله تصور لي نواعسها=ووردٍ غطته الرموش وضاعت الطاسه
وملعساتٍ تعالى اللي ملعسها=بالقرمزي لا تبسم مثل الألماسه
ماهيب الاوضاع قدك لا تقايسها=حجمك تغير مقاسه جدد لباسه
العام ناسٍ تراك انك منومسها=البعض منهم يعدك سبة افلاسه

‏

[النجلاء]

الله الله ياسلام عليك و صح لسانك مافيك حيله يابو عبيد
اجزلة وابدعت شاعرنا المتألق

[رحيل]

السلام عليكم ورحمة الله
اسعد الله مساكم بكل خير

صحت السنتكم جميعاً (:

نجد منورة شاعرتنا عودناً حميداً

[ناصر الهواوي]

اهلا يالنجلاء وصح بدنك ولاهنتي
اهلا يارحيل وعليكم السلام ورحمة الله وبركاته
ارحبي يانجد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
‏

ياكثر الاقوال لكن فعلها وين راح=ما ادري علام البشر ما تحتمي قولها
ماعاد به شي يفرق جدها والمزاح=اللي نشوفه يخالف كل مدلولها
وجه الصدق من كثر كذب المخاليق طاح=ماعاد هو في حراويها ولا حولها
ياهاجس الشعر عود لوصف سيد الملاح=خل ابترامك من اخمصها الى لولها
ماردك عِدٍ روي مشربك قطر قراح=لاتكتم الكلمه بصدر الحيا قولها
درهم على ماتبيه وقف بحد المباح=بساحة اغليك متّْر عرضها طولها
‏

[عبدالله الصقري]

اهلا يالنجلاء وصح بدنك ولاهنتي
اهلا يارحيل وعليكم السلام ورحمة الله وبركاته
ارحبي يانجد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
ياكثر الاقوال لكن فعلها وين راح=ما ادري علام البشر ما تحتمي قولها
ماعاد به شي يفرق جدها والمزاح=اللي نشوفه يخالف كل مدلولها
وجه الصدق من كثر كذب المخاليق طاح=ماعاد هو في حراويها ولا حولها
ياهاجس الشعر عود لوصف سيد الملاح=خل ابترامك من اخمصها الى لولها
ماردك عِدٍ روي مشربك قطر قراح=لاتكتم الكلمه بصدر الحيا قولها
درهم على ماتبيه وقف بحد المباح=بساحة اغليك متّْر عرضها طولها

.
.

صح لسآنك ملايين و اسعد الله صباحكم جميعا

و شي على الطاير يا جد لعيونك


صباح الافراح يا مزعج كنين الجرآح
ديمـه من الشعـر ما يتـوقَّـف هطولها

فيها من الرَّآح مايطفي لظى قلب فآح
هنيّ خضر القلـوب بـ طيف مجدولها

لاهلَّت الحب ذآب القلب والثلج سآح
و على شفـآه الغرآم يسيل معسولها

______

وسلآمتكم

[الجووهره]

صباح الخير والنور والنوير
وصحت الالسن والاذوآق
ودآم حضوركم الجميل وابدآعكم

[خيال مطير]

أمل الوجار وخلوا الباب مفتـوح .. خوف المسير يستحي مـا ينـادي
نبغي الى جاء نازح الدار ملفـوح .. وشاف البيوت مصككة جاك بادي
يقلط لديوان به الصدر مشـروح .. ورزقه على رازق ضعاف الجرادي
يا نمر ما في صكت الباب مصلوح .. ولا هي بلنا يـا مضنـة فـوادي
تصلح لمخلوق يبي يستر الـروح .. ناشي عليها معتمدهـا اعتمـادي
يا نمر لو المرجله سدو مسـدوح .. كـل نقزهـا حـر ولا بـرادي
لكنها من دونها المـر مطـروح .. وارض تبي من بذر فعلك سمـادي
رجال تقصيره مع الناس مسموح .. لا حيث ماله في القديمة شـدادي
ورجال تقصيره مع الناس مفضوح .. وكل يقول النار ترث الرمـادي ​


محمد بن شلاّح المطيري الله يرحمه

[ناصر الهواوي]

‏
احس انا مع حفيدي لاحضر بارتياح=الذايقه معه تاصل كل مامولها
لو مشرط القاف يبذح ما اندمل من جراح=وايتك حلق الوناسه نوب وايغولها
بتلة اخطام ذاكرتي نحو عصر راح=يسابق الخيل ذاك الوقت مشلولها
وقتٍ حمامه يغني ما يعرف النواح=واليوم لو ناح ما ينلام من هولها
ياملهم الشعر كان الصدر فيه انشراح=امد المشاعر بعد ما اوحوه فاعو لها
هي هي(.....)فداها لابسات الوشاح=لو مالفاني بما يرضين مرسولها


‏

[ناصر الهواوي]

‏
ارحب يانسيم الليل ترحيب وبل مزون=على شان ما شفتك قبل قلت ارحب بك
لجيتك سجن القاف انا شاكر وممنون=اتحفنا بماجودك نحييك وانحبك

‏

[محمد الروقي]

اهلا يالنجلاء وصح بدنك ولاهنتي
اهلا يارحيل وعليكم السلام ورحمة الله وبركاته
ارحبي يانجد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
‏

ياكثر الاقوال لكن فعلها وين راح=ما ادري علام البشر ما تحتمي قولها
ماعاد به شي يفرق جدها والمزاح=اللي نشوفه يخالف كل مدلولها
وجه الصدق من كثر كذب المخاليق طاح=ماعاد هو في حراويها ولا حولها
ياهاجس الشعر عود لوصف سيد الملاح=خل ابترامك من اخمصها الى لولها
ماردك عِدٍ روي مشربك قطر قراح=لاتكتم الكلمه بصدر الحيا قولها
درهم على ماتبيه وقف بحد المباح=بساحة اغليك متّْر عرضها طولها
‏



‏
انته تعرف العلوم وخل علمك صحاح= هات الحقوق وتعال وهات مكفولها
لا تحسبنا على غفله ترا البرق لاح = صيفية ماتشوف الما مع ثعولها
ارفع ايدينك معي نقول يالله الصلاح=اقولها والعرب يدرون وتقولها
عود على الصيد ياناصر وما راح راح =ونته دليله تدل اقدامك اسهولها
وفطن ترا البن ياناصر من النار فاح=ونته قريب تدير الدله وحولها
انكا ن علمي يزلك طالبين السماح=سجل دليل الجريمه ضد مجهولها
يسعد مساكم جميع
طرق اعجبني يالهواوي وقلت اجاريه يوم مريت عجل
‏

[خيال مطير]

اهلا يالنجلاء وصح بدنك ولاهنتي
اهلا يارحيل وعليكم السلام ورحمة الله وبركاته
ارحبي يانجد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
ياكثر الاقوال لكن فعلها وين راح=ما ادري علام البشر ما تحتمي قولها
ماعاد به شي يفرق جدها والمزاح=اللي نشوفه يخالف كل مدلولها
وجه الصدق من كثر كذب المخاليق طاح=ماعاد هو في حراويها ولا حولها
ياهاجس الشعر عود لوصف سيد الملاح=خل ابترامك من اخمصها الى لولها
ماردك عِدٍ روي مشربك قطر قراح=لاتكتم الكلمه بصدر الحيا قولها
درهم على ماتبيه وقف بحد المباح=بساحة اغليك متّْر عرضها طولها
صح لسانك يالامير

[خيال مطير]

تسليه
الشاعر فواز العتيبي وقصيدة الضيق
https://alabda3.com/wp-content/uploads/2018/04/IMG_9968.jpg
يابو فهد يوم الشعر لاح تبريق
اسمع حقايق جرح كله عطايب
يقوله اللي شال صدره من الضيق
لين امتلا واذرف همومه سحايب
اغيب في واقع من الهم وافيق
من يوم كنت صغير ماله طبايب
اونست من مر الزمن نشفة الريق
من حيث مالقي نشايب نشايب
لين الفرح عود مثل صبة ابريق
كنه ابتسامة ضيق في فم شايب
بدال لم الشمل رحنا تفاريق
نامنك يالدنيا وجيتي نهايب
ï»»اقبل جديد الوقت قلنا توافيق
واثر الطمع في مقبل الحظ خايب
اهداف عمري راحت بدون تحقيق
مثل الضرير اللي هقا شوف غايب
قدشلت من حمل الزمن فوق ماطيق
واخفيت دمعي عن عيون القرايب
من ذلة ان الهرج يصبح تï»»فيق
دامن هالدنيا نوايب نوايب.ط
ماخنت رفقه يوم لبدن وï»»ابيق
من حطني في كف طيب ورحايب
واخذت من نسل الرجال المطاليق
شورة لبيب وحكمة انسان صايب
ورافقت ناسا” في زماني صناديق
والصبر جاني من إللهي وهايب
ماابحث خفاء من غلق الفم تغليق
وï»»قد نشدت اللي لفاء ويش جايب
ياكود شخصا” يفتح الصدر واويق
واللقئ من انكال الليالي عجايب
ناسا” تخفي ضيقها بالمعاليق
والبعض باصغر هم يبكي نحايب
ماعاد ابي من دنيتي اي تشويق
ياكود صحبة كل من كان تايب
وصلوا علئ المرسول سيدالمخاليق
عد المطر واعداد هب الهبايب

[شاعرة نجد]

صحت السنتكم شعراؤنا المبدعين
ودام حضور الجميع المميز.,,

[خيال مطير]

صحت السنتكم شعراؤنا المبدعين
ودام حضور الجميع المميز.,,

أقوووووول شاعرتنا
لاتنسين فطري الورعان

[شاعرة نجد]

يستثير النسيم العذب حس الشعور
لين صمت القريحه يستبيحه جديده

يانسيم المساا لاجبت عطر الزهور
بين جوري ويشموم وروايع فريده

فالحديقه يطيب الليل واسري وازور
مع هجوسي ديارٍ عن دياري بعيده

واتعلّل على كيفي واعوُد بسرور
مع خيالي واسامر مَن خفوقي يريده

للظلام ونجوم الليل مُتعه ودور
من صوَرْه العجيبه ماتجيبه قصيده

[خيال مطير]

يستثير النسيم العذب حس الشعور
لين صمت القريحه يستبيحه جديده

يانسيم المساا لاجبت عطر الزهور
بين جوري ويشموم وروايع فريده

فالحديقه يطيب الليل واسري وازور
مع هجوسي ديارٍ عن دياري بعيده

واتعلّل على كيفي واعوُد بسرور
مع خيالي واسامر مَن خفوقي يريده

للظلام ونجوم الليل مُتعه ودور
من صوَرْه العجيبه ماتجيبه قصيده


صح لســــــــــــــــــــأنك
ي الهامه
تحياتي لشخصك
الراقي
http://forum.mn66.com/imgcache2/910908.gif

[شاعرة نجد]

^
^
صح بدنك خيال
والتحيه لك,’’

[رحيل]

صباح الخير
والليرات (:
صحت السنتكم جميعاً

[ناصر الهواوي]

اهلا يالروقي وصح لسانك
اهلا بشاعرتنا وصح لسانك على هالعذبه
اهلاياخيال ولاهنت ودام حضورك
حيا الله رحيل وصباحك اسعد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

‏
يامرحبا عِد ما ابترمت بنجد الرياح=وما حنت إبها على طول المدا شولها
ترحيبةٍ عطرها من خام عنبر صراح=من مفصد العرق ماقطر بمحلولها
ماهيب يامسندي لاق الصياح اب صياح=ما افطرت يمكن معازيبي كلت فولها
ولوزاد وبل المطر فجوج داري فياح=تضيع بعبالها في ساعة هطولها
وانا اخفض ليا لزمني حق لكم الجناح=جب بينه تثبت اللي تطلب ونولها

‏

[عبدالله الصقري]

صباح الموج و الغيم و النخل
هههههههههههههه
يسعد ربنا صباحكم الجميل
وصح لسان الجميع و دآم هالتواجد الرائع

رحيل
الامير
الدنيش
الروقي
نجد
الجوهره
النجلاء
المهره
وسامحوني لو نسيت احد
أمَّا جدي للحين و هالقافيه تلعب بالقريحه فينا كلنا

________________

سرت بي ابياتك اللي ينكأنَ الجرآح
بلا هدى وان جنى الجآني لمحصولها

حدتني فـ بحرها أغرق مكلل وشآح
رمتني بكل معناها و مدلولها

يا جد هدّي شوي و خل عنك المزآح
العشق .. فضَّآح للعلَّه و معلولها

كفآك يالآعب ٍ بالقلب لعب الرياح
نبآك فيه المنايا طرف مكحولها

فيه الصبر و الصفا و الضيق و الإنشرآح
فيه العتب و الرضا و ْآهآت مقتولها

فيه الحشيمه و فيه انفآس اجمل صبآح
و اعز ما ينقري منها و من حولها

هذي صبآحآتنا ويَّآك دآيم قرآح
صفت من الرب عذبه و عذب منهولها

يا رب منك الرضا مطلوبنا و الصلآح
رفعت بالدين نآس و نآس بعقولها

لكن من يتقيك ينول كل النجآح
في دنيته و آخرته بعرضها و طولها

[خيال مطير]

صباح الموج و الغيم و النخل
هههههههههههههه
يسعد ربنا صباحكم الجميل
وصح لسان الجميع و دآم هالتواجد الرائع

رحيل
الامير
الدنيش
الروقي
نجد
الجوهره
النجلاء
المهره
وسامحوني لو نسيت احد
أمَّا جدي للحين و هالقافيه تلعب بالقريحه فينا كلنا

________________

سرت بي ابياتك اللي ينكأنَ الجرآح
بلا هدى وان جنى الجآني لمحصولها

حدتني فـ بحرها أغرق مكلل وشآح
رمتني بكل معناها و مدلولها

يا جد هدّي شوي و خل عنك المزآح
العشق .. فضَّآح للعلَّه و معلولها

كفآك يالآعب ٍ بالقلب لعب الرياح
نبآك فيه المنايا طرف مكحولها

فيه الصبر و الصفا و الضيق و الإنشرآح
فيه العتب و الرضا و ْآهآت مقتولها

فيه الحشيمه و فيه انفآس اجمل صبآح
و اعز ما ينقري منها و من حولها

هذي صبآحآتنا ويَّآك دآيم قرآح
صفت من الرب عذبه و عذب منهولها

يا رب منك الرضا مطلوبنا و الصلآح
رفعت بالدين نآس و نآس بعقولها

لكن من يتقيك ينول كل النجآح
في دنيته و آخرته بعرضها و طولها



صح لسانك

[خيال مطير]

ياوردةٍ فاحـــت مع ليلـــة الســـبت
ترجــم غلاها قلبــي اللي لقاها
من مبسمٍ يجلي الندى من على النبت
كنه شعاع الشمــس في مبــتداها
ذاب الندى في ريقــها مــثل ماذبت
وعطرٍ تبعـثر من نسايم شــذاها
إن لمها قلبي نطــق يافهد طــبت
وطابت جروحك والله اللي براها
لاعــاد بي همٍ ولاعــاد بي كبت
دام المها الوردة وحضـني دفاها
فلعيونها ورموشها طحت وانصبت
ولبروق عاتقــها جذبنــي سناها
أرجي مطرها ياعسـا كل ماغـبت
تبرى جروحي كل ماقبل عزاها
ذيك الفتاه اللي لفت ليلة الســـبت
واستثمرت فكري بزاهي حلاها

[خيال مطير]

https://www.youtube.com/watch?time_continue=4&v=ff4jyfeVRIU

https://www.youtube.com/watch?v=ff4jyfeVRIU

[ملكة الرواسي]

يسعد مساء الجميع

يعطيكم العافية ولا هنتم جميع

.

[ملكة الرواسي]

مَهِمآ ! تَبَآعدِنَآ تَرَىَ | ( الّوِدْ ) | مَوجَودَ
. . ................ مَآينزعَـهِ مَن خَآفَقيْ آيَ طآرِيْ , !
فِيْ عينَيْ اليمنىٌ لَگ الشَوقٌ ممَدودَ ,،
.......... وِفيْ عينِيْ اليسَرى وَجودَگ | ( إَجبَآرِيْ ) |

[شاعرة نجد]

مساء الخير
وصحت الالسن والذوائق الممتعه

داام الابدااع,’’

[النجلاء]

يسعد مساكم شعرائنا المبدعين
وصحت الاذواق والتسالي الرائعه

مبدعين رواسينا لاعدمنا وجودكم المشرف

[النجلاء]

https://www.r111n.com/showthread.php?p=585982#post585982


تهنئه للغاليه رحيل بمناسبة توليها منصب الاداره العليا لشبكة رواسي نجد الادبيه
الف مبروك وصلتي ونلتي تستحقين الاداره بكل جداره

[خيال مطير]

تسليه ,, وين المساجين السجن فاضي يابوعبيد شف لنا وحده من الحلوات اسجنها
راحت فلوسنا في ضحايا العيد والمدارس ع الابواب , تدري يابو عبيد اسجن المديره الجديده لعلها , < تشرهــ >ـ الخفير براتبين ,,,

يقول الشاعر هلال المطيري


بشاير الايام في حكمة الغيب
يامن يبشر مسهر العين بنعاس
مادت هيال ولا مكنت المقاضيب
يارب عطفك لايضيقن الانفاس
اخطيت قالوا لي وقالوا لي مصيب
وليت المصيب عن الخطى قال لاباس
عامين ماسمع للسوالف ولا اجيب
لاسرني حظ ولا مل عساس
غديت مابين الوعد والمناديب
لا عاذر(ن) نفسي ولا لايم الناس
كن النصيحه من كبار العذاريب
لوقالها الطيب من الراس للراس
كن النوايا شرها له مخاليب
تجرح صدور(ن) خيرها ماله قياس
الصدق كلمه ماتبي منك ترتيب
وتموت لامن قيلت على ميت احساس
طويل بالك تختصره المطاليب
وش كبر همك لاصبح الضحك مقياس
اما يخفف وقع الحال تكذيب
والا نوقف لباب الاحلام حراس

[خيال مطير]

يالله ياخـــالق اراضـــين وابحـــار **** الواحد المعـــبود رازق عبــــيده

الخـالـق الغـفـار عــلام الاســرار **** وفــرق شـعـوب الارض فــي كــل يـــده

وابــدي واسـولـف مــن عذيـبـات الاشـعـار **** ابـيـات شـعـر والمعـانـي وكـيـده

اشـري وابيـع واعـرف كـيـف بخـتـار **** واخـتـار مــن جــزل البـيـوت الفـريـده

وذ كـرتـراث وعــز وامـجـاد وافـخـار **** قـبـائـل تـومــن بـديــن وعـقـيـده

وحنـا حمـاة الــدار مــن كــل غــدار **** ومــا همـنـا بطـشـه وخبـثـه وكـيـده

قبـائـل مالحقنـاهـم اوعـــار **** وعـشـنـا بـهــذي الـــدار عـيـشـه رغـيــده

والحـمـد لله نحـمـده ســر واجـهـار **** شـعـب تكـاتـف مــن سـنـيـن مـديــده

ودون الوطـن جـيـش عـلـى كــل معـبـار **** لارفــرف البـيـرق ونــادى عقـيـده

بـشـرق الـبـلاد وغربـهـا دوم حـضـار **** وارض الشـمـال الـلـي نـفـوده مـديــده

وارض الجـنـوب الـلـي تخيـضـر بالاشـجـار **** جـزيـرة فيـهـا القبـايـل عـديــده

ارض بـهـا قحـطـان وافـيـن الاشـبـار **** ويـاعــز مـنـهـم بالـشـدايـد بـسـيـده

واذكــر عتيـبـه يــوم للطـيـب مـغـوار **** لا ثــارت الهيـجـا وقــرب ضـديــده

وشمـر هـل الطـولات والجـود مـقـدار **** اهــل الـكـرم واهــل الفـعـول الحمـيـده

وقـوم اعنـزه مـرويـن الاخـصـام الامــرار **** اولاد وايــل مــن عـصـور عهـيـده

ومطيـر قـوم تـكـرم الضـيـف لا زرار **** ويـاويـل خـصـم فــي حـراهـم وعـيـده

واذكــر قبيـلـة حــرب يانـعـم الاخـيـار **** وتاريخـهـم يحـكـي سـطـور مجـيـده

وسبيـع نعـم القـوم ووجيـه الاسـفـار **** **ــن الدخـيـل لـيـا **ــن مــن طـريـده

واذكــر قبيـلـة يــام والطـيـب يـنـدار **** اهــل الـعـلـوم الـوافـيـه والـرشـيـده

ثــم الـدواسـر تجـعـل الخـصـم منـهـار **** عـيـال زايــد عــز منـهـم سنـيـده

ثـم السهـول اللـي لهـا الطيـب مــدرار **** وعــن منـهـج الـعـادات مـاهـي محـيـده

ثــم اذكــر العجـمـان حمـايـة الـجـار **** والمرجـلـه والـجــاه فـيـهـم عـتـيـده

[محمد الـفراج]

الله يسعد مساكم

وصحت السنتكم جميعاً

ودام وجودكم

[ملكة الرواسي]

صباحكم جوري
يعطيكم العافية

مبروك رحوله بالتوفيق غلاي

[ملكة الرواسي]

مابنكســـــــر صـــابــــــر لــو فـــــــرصتي تمضــــــي..

والحـــــــظ لـــو عــــــاثـــــر بصنــــــع انـــا حظــــــــي

لــو تنتثـــــر أحــــــلامـــــي أبـــــرجـــــــــع أرتبّهـــــــا

لـــــوتصعـــــــب أيــامـــــي بعيـــــش ومــاأحسبهـــــــا

[ناصر الهواوي]

والله انتم شعار ياحزب الرعد ما انتم بسهلين ههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
يامرحبا ياهلا يالمعصب الصامت=لو شطفه امقصبه من هو يحاكيها
انطق لو ان الليال لغيرنا دامت=ما غيبت شمسها سادات اهاليها
قبل امس وامس العيون الرمد مانامت=ذكرى شعتها ولا ادري وش امطريها
اقول في خاطري عن ذكرها شامت=وازريت اقادي سنعها من تلويها
ياذيك لا تفرحين بهجري الشامت=لو بالمجامل عن الشمات غطيها
خيالنا وش علام اقيامتك قامت=من هي من الراعديات انت تعنيها
تنسكت ريم قدها حجت وصامت=وطول المغيبه ما اظنه من مباديها
سيارتك بالرياض عصير لاحامت=انشد على ريم دورها وعطنيها
لا استسلمت بالسجن يومين واقامت=واقرت بحزبنا وامضت باياديها
لاتنظر بلايمة هالحزب لو لامت=قول وفعل حزبنا قبل امتعديها

[خيال مطير]

https://www.r111n.com/image.php?u=1653&dateline=1566675906
يلبى هــ ألعيون
ابك ابك ابك ابك ابك

[خيال مطير]

والله انتم شعار ياحزب الرعد ما انتم بسهلين ههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
يامرحبا ياهلا يالمعصب الصامت=لو شطفه امقصبه من هو يحاكيها
انطق لو ان الليال لغيرنا دامت=ما غيبت شمسها سادات اهاليها
قبل امس وامس العيون الرمد مانامت=ذكرى شعتها ولا ادري وش امطريها
اقول في خاطري عن ذكرها شامت=وازريت اقادي سنعها من تلويها
ياذيك لا تفرحين بهجري الشامت=لو بالمجامل عن الشمات غطيها
خيالنا وش علام اقيامتك قامت=من هي من الراعديات انت تعنيها
تنسكت ريم قدها حجت وصامت=وطول المغيبه ما اظنه من مباديها
سيارتك بالرياض عصير لاحامت=انشد على ريم دورها وعطنيها
لا استسلمت بالسجن يومين واقامت=واقرت بحزبنا وامضت باياديها
لاتنظر بلايمة هالحزب لو لامت=قول وفعل حزبنا قبل امتعديها

صح لسانك

يالامير لاخلى ولاعدمم

[محمد الروقي]

مبروك يارحيل تستاهلين
وقدها وقدود

[محمد الروقي]

صحة السنتكم جميع
جزالة ماهي غريبه على بحور الشعر

متابع

[شاعرة نجد]

https://www.eroshen.com/up2/uploads/1448022744671.jpg
شعاني حمامٍ فوق خضر الجريد ينوح
شعاه الوله مدري شعاني وهو سالم

خضار المزارع مع هواها يرد الروح
وكدّر مزاجي حسبي الله على الظالم

عليه الله أكبر لامسامح ولامبيوح
يبكي عيونٍ دمعها دايمٍ والم

[محمد الروقي]

https://www.eroshen.com/up2/uploads/1448022744671.jpg
شعاني حمامٍ فوق خضر الجريد ينوح
شعاه الوله مدري شعاني وهو سالم

خضار المزارع مع هواها يرد الروح
وكدّر مزاجي حسبي الله على الظالم

عليه الله أكبر لامسامح ولامبيوح
يبكي عيونٍ دمعها دايمٍ والم

تروح العلوم ايسار ولا يمين تروح
تبين الجروح الخافيه والله العالم
شعاك انتي انتي يالخويه حمام الدوح
ونا فالفيفاي لا مزاور ولا مكالم
قطع حبل وصله لا مبايح ولا مسموح
ولاهي غريبه في زمنا من العالم
الجريح

حركتي هجوسي ياخوية السنين
وكل عام ونتي بخير وعافيه

[خيال مطير]

http://www.alriyadh.com/media/article/2008/01/21/img/221665.jpg
يا حمام على الغابة ينوح
ساجع بالطرب لا واهنيه
قلت حيه ولا كنه بيوحي
مر عجل ولا سلم عليه
يا عسى السيل دايم ما يروح
ما يفارق جفار الصالحيه
حيث ينصاه خطوات الطموح
كل بيضا هنوف عسوجيه
تنقض الراس لاجت بتروح
وتنكسه لية من فوق ليه
نقضت راسها ودها تروح
قلبها مشتغل يبي خويه
يا شريفه متى ودك نروح
يم ديرة هلك يالعوسجيه
قالت اصبر يطيبن الجروح
شهر وعشر ودنوالي مطيه
كن في ضامري قدر يفوح
أو غروب توامى في ركيه
روح روحي بغت روحي تروحي
يوم قيل الغظي فيه جدريه
جعل زمل يبي خلي يروح
ينكسر في شعيب الصالحيه
قلت ياذا الحمام اللي تنوح
جارك الله عن الرامي نجيه

[عبدالله الصقري]

يا سلام على هالجو المنعنش
صح لسانك ياجدي وصح لسانك يالروقي
و دام تواجدك و ابدآعك يا نجد
و خيال انت لحالك موسوعه أدبيه فذه
و الجوهره تظل ملح المكان و رحيل نبضه
و كل من حضر او شارك له كل الشكر
والله يعقل الغايبين بكل خير سالمين غانمين
دمتم بكل خير و محبه
و تحياتي للجميع

[رحيل]

يسعد لي صباحكم ال السجن اخباركم علومكم (:
لا خلا ولا عدم نجوله
الله يبارك فيك ي روحي ..الف شكر لك

الله يبارك فيك محمد الروقي تستاهل الطيب


وصحت السنتكم جميعاً

[رحيل]

https://2.top4top.net/p_1332xe9xy0.jpeg (https://up.top4top.net/)

[عبدالله الصقري]

يا ضيّ قلبي و يا مشعل بذاتي ظنون
يا نازع ٍ من بلابلنا رقيق الشجن

ساعة تغرّد تصير اْظلوع قلبي غصون
دنى عليها هجير الفكر حتى قضن

صحيح ما كل ما يخطر يسمّى شجون
لكن أكيد انّ صدق الحبّ لاهله كفن

هي كلمةٍ جت من اعماقي و حسّي لحون
شهد بها من تعلّق مثلي و ما ضمن

و انا على حسّ رجواي انتظر يا حنون
معي من الشّوق غير الّلي تشوفه علن

[ناصر الهواوي]

يامساء الخير ع الجميع
صحت الالسن ودام الحضور والتفاعل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ

‏
بالله وش بك يالهواء هالمسا صلف=وش هيجك تلعب بخضر الجرايد
تشبه مزاج الهايم الفاقد الولف=اللي ما ظنه بعد فرقاه عايد
وشلون يقبل بالعهد منه والحلف=وهو خابرٍ خلف الوعد له عوايد
الله على اللي باصبعك دقة السلف=اللي يقرب نازحاتٍ بعايد
ما تسمع بمكينته طقة البلف=مادار ويله قبل يوم المعايد
ابي عليه اقطع مدى خايع كلف= صحراء حتايفها اتبيد الجدايد
باصل عليه اللي ليا قلت قال الف=وش ريضك مادمت للوصل رايد

‏

[عبدالله الصقري]

صح لسانك و مساء الخير

[ناصر الهواوي]

الله يمسيك بالخير يابو محمد وصح لسانك ولاهان راسك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
اسسسسسسسسسمع
اووووووووووووووووووووووووف=اوووووووووووووووووووووو وووووف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
‏
الاواهني الورق يلعي بدون دموع=يبكي عين من جنبه وهو ما ذرف دمعه
ينوح لحماماتٍ على الباسقات اوقوع=ما يبغى الشتات ويدعي الورق للجمعه
يشد انتباه اللي بفقد الغلا مفجوع=له شهرين لاصوره ولاصوت له سمعه
اقريب سكن ماكنه الا ورا ميقوع=لكن في طريق الوصل الآفات مجتمعه
وعزاه ياقلبٍ على شوفته مطبوع=كلمه وابتسامه ماله بغيرهن طمعه
إي والله انا اضمى ضحكته ولنباه اجوع=لانه لعيني لا اظلمت دنيتي شمعه
انا اشوف رجعة ما مضى مثل حب الكوع=حقيقه ماهيب الغاز تنحل بالرمعه

‏

[ناصر الهواوي]

‏

ابا انام وبصدري تراقص سويليفات=وانا ما اقدر ارقد لين للربع اسولفها
تذكرت من بعد العشا لي زمانٍ فات=له نقشه بذاكرتي وبالقلب اغلفها
لوحه تحتوي عين وجبين ازهر وشفات=ونفسٍ لجلها مالا تطيقه مكلفها
ماحبيت ابالغ بس ياروعة الصفات=لو اكتب معلقتين ما طقت اوصفها
وللحديث بقيه
‏

[خيال مطير]

الله يمسيك بالخير يابو محمد وصح لسانك ولاهان راسك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
اسسسسسسسسسمع
اووووووووووووووووووووووووف=اوووووووووووووووووووووو وووووف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
الاواهني الورق يلعي بدون دموع=يبكي عين من جنبه وهو ما ذرف دمعه
ينوح لحماماتٍ على الباسقات اوقوع=ما يبغى الشتات ويدعي الورق للجمعه
يشد انتباه اللي بفقد الغلا مفجوع=له شهرين لاصوره ولاصوت له سمعه
اقريب سكن ماكنه الا ورا ميقوع=لكن في طريق الوصل الآفات مجتمعه
وعزاه ياقلبٍ على شوفته مطبوع=كلمه وابتسامه ماله بغيرهن طمعه
إي والله انا اضمى ضحكته ولنباه اجوع=لانه لعيني لا اظلمت دنيتي شمعه
انا اشوف رجعة ما مضى مثل حب الكوع=حقيقه ماهيب الغاز تنحل بالرمعه

صح لسانك يالامير

[خيال مطير]

ابا انام وبصدري تراقص سويليفات=وانا ما اقدر ارقد لين للربع اسولفها
تذكرت من بعد العشا لي زمانٍ فات=له نقشه بذاكرتي وبالقلب اغلفها
لوحه تحتوي عين وجبين ازهر وشفات=ونفسٍ لجلها مالا تطيقه مكلفها
ماحبيت ابالغ بس ياروعة الصفات=لو اكتب معلقتين ما طقت اوصفها
وللحديث بقيه

صح لسانك يالامير

[خيال مطير]

تسليه
منقوووووووول مما راق لي


حبيبي نام ياعمري على صدري وصارحني
وفض الصمت باحساسك وخل الحب لي يجري
وفضفض لي بعد عمري وعاتبني وفهمني
أنا أطري على بالك كثر ما أنته علي تطري؟!
تعال أقرب من أحضاني ترى خدك مواعدني
يبي يلامس شغف روحي ويقطف بوحي من شعري
تعال أنثر هنا ليلك وخل ويلك يولعني
أنا أحبك وأبي قربك.. ترى مني قضى صبري
أنا نبضك زهر أرضك وأنت؟! ايه تملكني
بنحل خصرك ..جمر ثغرك وزود بلونك الخمري
تتوهني .. تغرقني.. ومن بردك تدثرني
وتبكي لي وتشكي لي وله قلبك ومن سحري
أبي دموعك مع أنفاسك بصدق الود تحرقني
وأبي عطرك مع سحرك وآهك بالحشا تسري
أبي همسك يبعثرني غلا ولمسك يلملمني
وأبي عيونك من عيوني تذوب من الولع كثري
وأبي عهدك مع وعدك وأبي كلك تسلمني
أبي أيدك تسافر بي وزهر قدك يلحفني
وأهيم بعالمك عاشق جنوني أنت .. وانت بي تدري
تشوف الجمر بعيوني؟! تشوف الشوق جنني؟!
أجل تدري مثل ما أدري بأنك حلمي يابدري
حبيبي قوم وصارحني عن احساسك وعلمني .

[رحيل]

https://www.r111n.com/t40785.html

[رحيل]

اسعد الله مساكم بكل خير
صحت ألسنتكم ودام هالابداع (:

[شاعرة نجد]

تروح العلوم ايسار ولا يمين تروح
تبين الجروح الخافيه والله العالم
شعاك انتي انتي يالخويه حمام الدوح
ونا فالفيفاي لا مزاور ولا مكالم
قطع حبل وصله لا مبايح ولا مسموح
ولاهي غريبه في زمنا من العالم
الجريح

حركتي هجوسي ياخوية السنين
وكل عام ونتي بخير وعافيه

الله الله
صح لسانك يـ ابن الباديه,زميل حرفي واخوي الذرب ونعم الخوهـ
وتسلم ولاعدمنا حضورك ومرورك
مجاراة عذبه وابدااع مميز,

وأنت بخير وصحه وسلام ذالعام وكل عام,’’

[شاعرة نجد]

https://2.top4top.net/p_1332xe9xy0.jpeg (https://up.top4top.net/)

ياعيني عـ الابدااع
تسلم يدينك رحيل ولاعدمنا روائع تصاميمك الفااخرهـ

شكرا جزيلا,’’

[شاعرة نجد]

https://i.ytimg.com/vi/AvFgkYQIot0/hqdefault.jpg

مع جاري الارسال مسيت بالخير
يالغايب اللي طال عني غيابه

أرسلت لك مع صادق الحدس والطير
شوق وغلا وسووؤال ماجاا جوابه

مـ عاد هي قصة حظوظ ومقادير
والا كذاا لاجابه الله جابه

لا والله الا تكتكه والمخاسير
ما زااد فيها ما حسبنا حسابه

أما كذا والا بلاش المعاذير
ما بالتواصل ياغلاتي طلابه

[شاعرة نجد]

في أمان الله يـ اغلا من خلق ربي علي
لو تغيب الدهْر كله انتظر ساعة حضورك

للظروف احكام وانت ادرَى بحالي من هلي
لامتى الترحال وانت تزورني والا ازورك

ياوليفي لو قسمت وقلت لك ما عاد لي
فـ التشتت أي طاقه كيف وش بيكون دورك

[خيال مطير]

http://nicee.cc/wp-content/uploads/2017/07/3266-9.jpg

هلا وغلا بك لو مع الحلم مريت..
لو زار طيفك ناظري يوم صدفه..
ياواحد فوق الأماني تعليت..
قدرك بقلبي ياحبيبي تعرفه..
لولاك في دنيا البشر ماتهنيت..
الناس في كفه وحبك بكفه..

[رحيل]

الله يسلمك ويسعدك شاعرتنا الأنيقة
الإبداع منبعك ياغالية

وصح لسانك مدد

[الجووهره]

يسعد صبآحكم
وصحت الالسن والاذوآق
ودآم حضوركم الجميل وابدآعكم


رحووله
الف الف الف مبرووك الادآره
والفستآن الاحمر تستآهليييين
وعقبآآل الفستآن الأبيض
هههههههههههه

[ملكة الرواسي]

صباح الورد
لا هنتم جميع وعساكم على القوه


.
غريبه حيل هالدنيا تفرقنا بدون شعوور ..
ولاترحم ولاتعطف ولاتقدر صداقتنا..
صحيح ان الزمن دوار وايام الزمان تدور..
صحيح ان الوداع صعب وهو اعظم مصايبنا.

[رحيل]

الله يبارك فيك جوجو
وعقبالك يارب فى القريب العاجل (:

منوره ملوكه

[عبدالله الصقري]

https://www.r111n.com/picture.php?albumid=101&pictureid=464

[ناصر الهواوي]

ياسلام عليكم ودام حضوركم الرائع
وصحت الالسن والاذواق
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

‏

لوتاخرت بالنومه دقايق=لجل ما شفت ما يحسب سهر
رايقه نجد وابن الابن رايق=من سمو مفردتهم منبهر
والمديره على الساحه اتوايق=سجننا من حماسه مدهر
لكنقه وجوهرتنا السجن لايق=مادخل فيه احد منذو شهر
وين حزب الرعد راحو بنايق=لازعيمه ولا الناقد ظهر
ما لماء هالحزيب الهرم حايق=من بقي منه مات من القهر
وفخر هالعاصفه صدق وحقايق=محتفظ بالسياده من دهر
من الرواعد مكلبش لي شقايق=لكل وحده كلبشتنا مهر
‏

[خيال مطير]

الجار جار ولا عن الجار مذخور …..ولا خير في جارٍ قصر حق جاره
الجار حقه عند الأجواد مشهور …..طيب الكلام وحشمته واعتباره
الجار جار ومكرم الجار ماجور ….. بالدين والدنيا كسبها تجاره
الجار حقه عند الاسلام منشور ….. واوصى عليه المصطفى باختياره
الجار جار ولو مشى الجار بالجور …..احفظ وقارك لا عثر في وقاره
اصبر وخلك مع هل الخير مستور ….. لابد ما يرحل وتنسى جواره
ياتي بداله جار بالخير مذكور ….. تفرح بقربه لا لصق لك جداره
جار مع الجيران بالراي والشور ….. ما يختلف لا قرروا في قراره
ما يستمع لهروج نسوان وبزور ….. للطايله سباق راعي خياره
جارٍ على الحاره كما شامخ السور ….. في خدمة الجيران ليله نهاره
لا شك يانازل من الدور بالدور ….. انشد عن الجيران واشتر خياره

[خيال مطير]

ياسلام عليكم ودام حضوركم الرائع
وصحت الالسن والاذواق
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
لوتاخرت بالنومه دقايق=لجل ما شفت ما يحسب سهر
رايقه نجد وابن الابن رايق=من سمو مفردتهم منبهر
والمديره على الساحه اتوايق=سجننا من حماسه مدهر
لكنقه وجوهرتنا السجن لايق=مادخل فيه احد منذو شهر
وين حزب الرعد راحو بنايق=لازعيمه ولا الناقد ظهر
ما لماء هالحزيب الهرم حايق=من بقي منه مات من القهر
وفخر هالعاصفه صدق وحقايق=محتفظ بالسياده من دهر
من الرواعد مكلبش لي شقايق=لكل وحده كلبشتنا مهر

ماعندك احد , انا كل يوم اتحرى سجين ماشفت احد ,
تدري ابا أولع في السجن وشب فيه
صح لسانك يابو عبيد

[عبدالله الصقري]

الحين رؤية2020
حريه
ليه السجون
بس يا جد احلى الكلبشات اللي جبتها اليوم


هذي كلبشات الشرف
و بلا مفاتيح مغلوقه

تدمي فؤآدك بالترف
يسعى لها القلب و تشوقه

ما هي كلبشات القرف
لو هي بالاعمال مقطوفه

----------------------
لو باكملها ما ارد الا بعد كم يوم
ههههههههههههههههههههههههههه
لكن خذها زي ما جت

يا ليتني دآآآآآآآآيم مكلبش
مسجون به في سجن جدِّي

واللي رمش بالغرام اربش
كل البشر مير جا حدِّي


هههههههههههههههههههه

[رحيل]

اللهم جمل صباحنا بعفوك وتوفيقك

اسعد الله صباحكم بكل خير

صح لسانك يابو عبيد
منورات السجن الراعديات هههههههههه
الصقري صح لسانك

[الجووهره]

صباااكم ورررررد
منوووورين. جميعا
وصحت الالسن والاذواق
ودام حضوركم وابداعكم

ومنوورين السجن يا أنا وملوووكه
هههههههههه

[الجووهره]

تسليه صباحيه
لي أنا وملووكه
والجميييع


زارتني الذكرى مع طيف الأحباب
نارٍ... توا قد..ضوها .....من لهبها

بسمه أمل تبعثرت وسط الاجناب
يوم القدر... كل.. ما.. محاها.. كتبها

أنا اشهد إن الوجد والشوق غلاب
كم واحدٍ. شاف العنا.. من.. سببها

نبنى الامانى واصلنا حفنه تراب
وكلٍ. يموت..وغايته.. ما تربـــــها

أغراب عشنا وانتهى وقتنا أغراب
فرحه عمر.. ما نعرف اللي نهــــبها

لو خاب ظن الصدق بالشوق لو خاب
ماضنتى.. نفسٍ .. تجازا.... تعبها

لوالغلا.. يا مشغل القلب... بسباب
ماآ لامتك... عيننٍ...تتنهد عتبـــها

ما تابس الكلمة على شفة عتاب
لين ..الدموع ...اتزيد ..موجة طربها

يوم الوفا.... فى غيمه العشق قد ذاب
ويخيل.. براق الحيا ... من قربها

فى ظل عينك تنتحى لوعة اغراب
ياسعد .....من هو .. بالتلاقي كسبها

ويوم العزاوى تنتخى دم الاقراب
اشوف نفسى فى .. مثانى.... هدبها

الوقت طال ولاهب الوجد منساب
والشوق نار... ولهفتي ...لك... حطبها

[ناصر الهواوي]

يسعد هالصباح يا احلى من التفاح
خيال لو تشب بالسجن تركنا لك المنتدا
لان السجن هو المتنفس اللي نفرفش فيه
اهلا يالصقري وصح لسانك
اهلا يالجوهره وماعليش السجن للجدعات
حطيت ملوكه معك لجل ما يضيق صدرك لاني عارفٍ حزبك هب بلا لب
اهلا بمديرتنا وين ربعنا وربايعنا راحوا قلنا اداره جديده تعني نفس جديد وهمه جديده
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
‏

اللي بسجن البديع يدورن الخفير=من سكر الباب ما شافن محيا البطل
لا رغبه بشوفته اكيد فرقاه اخير=لكن يبنه يجيب من البقاله بصل
ما يعتبر حزبهن قمحه ولاهو شعير=ولا قمةٍ تعتبر مزبن ولاهو سهل
احنهن من شقى هالحزب عانن كثير=الخير مقطوع عنهن والعنى متصل

‏

[محمد الروقي]

الي سجنكن غشيم ولا يعرف الوصول
لو المفاتيح معيه عفوكن مكرمه

الزين فيكن وطرف المترفات الخجول
والزين مرغوب جعل العين ماتعدمه

قافي لمدح الحلا والملح طلق وميول
والطيب الطيب الي مايزل اقدمه

ادرا الخويه عن الزله وشذب الخبول
والي رداه ابرفيقة خوته نعدمه

رحيل حطي مكيف وفرشي بالزلول
يقولها الي خبر سجن البنات اصدمه

[عبدالله الصقري]

صباحكم أكاليل من ورد
جدي و محمد الروقي
صح لسانكم و دام ابداعكم
و للأمير باقات من ورد
و دام التواجد و الحضور الجميل من الراعديات المحابيس
ههههههههههههههههههههه
الله يسعد صباح الجميع
تحياتي و تقديري

[ناصر الهواوي]

‏

ذا راعي الذود اخبره عاطفي الميول=وابداع هجسه على ماهو يبيه اخدمه
يرمس ويرمز وانا اجهل بعض ماهو يقول=لو طال شبلي ما اظنه ياصل المردمه
انا سجنت الربايع من غياب الزحول=ما ابي السجن يقرط ابهامه من اجل اندمه
وين التسالي لهن ياطيبين الدلول=وين العشاء والغدا للبيض من قدمه
اما بفزعتك للترفات شد الرحول=وليا فعلت الذي لك لام فيهن لمه

‏

[شاعرة نجد]

https://www.r111n.com/picture.php?albumid=101&pictureid=464

رووعه شاعرنا صح لسانك,’’

[شاعرة نجد]

ياسلام عليكم ودام حضوركم الرائع
وصحت الالسن والاذواق
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

‏

لوتاخرت بالنومه دقايق=لجل ما شفت ما يحسب سهر
رايقه نجد وابن الابن رايق=من سمو مفردتهم منبهر
والمديره على الساحه اتوايق=سجننا من حماسه مدهر
لكنقه وجوهرتنا السجن لايق=مادخل فيه احد منذو شهر
وين حزب الرعد راحو بنايق=لازعيمه ولا الناقد ظهر
ما لماء هالحزيب الهرم حايق=من بقي منه مات من القهر
وفخر هالعاصفه صدق وحقايق=محتفظ بالسياده من دهر
من الرواعد مكلبش لي شقايق=لكل وحده كلبشتنا مهر
‏

صح لسانك يـ الهواوي
والله انك ابدعت وامتعت,لاعدمنا تواجدك
ونعم مـ اخترت,ويبشرن سجيناتنا الكريمات بالتسالي

تقديري,’’

[عبدالله الصقري]

صح بدنك يا نجد و سلمك ربي
و مسائك ورد عاطر

[خيال مطير]

يسعد هالصباح يا احلى من التفاح
خيال لو تشب بالسجن تركنا لك المنتدا
لان السجن هو المتنفس اللي نفرفش فيه
اهلا يالصقري وصح لسانك
اهلا يالجوهره وماعليش السجن للجدعات
حطيت ملوكه معك لجل ما يضيق صدرك لاني عارفٍ حزبك هب بلا لب
اهلا بمديرتنا وين ربعنا وربايعنا راحوا قلنا اداره جديده تعني نفس جديد وهمه جديده
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
اللي بسجن البديع يدورن الخفير=من سكر الباب ما شافن محيا البطل
لا رغبه بشوفته اكيد فرقاه اخير=لكن يبنه يجيب من البقاله بصل
ما يعتبر حزبهن قمحه ولاهو شعير=ولا قمةٍ تعتبر مزبن ولاهو سهل
احنهن من شقى هالحزب عانن كثير=الخير مقطوع عنهن والعنى متصل

صح لسانك يابو عبيد
مدام فيه مساجين
ماقول شي
اهم شي راتب الخفير يمشي من غير البدلات والعلوات

[شاعرة نجد]

https://media-cdn.tripadvisor.com/media/photo-s/08/25/97/86/mosaic-mediterranean.jpg

:smile:
هذا غداكن عزيزاتي وعذراً على
تقصيري ان كانني قصرت يـ الغاليات

العاصفه كلها تقدير,حب,وُّلاء
تساعد المضطهد وتْقوم بالواجبات

[شاعرة نجد]

تســليه..

في غاية الشوق لـ شاعرتنا الراعديه ريم
أتمنى تكون بخير وترجع بـ السلامه


يالراعديات جودن بالرسايل لريم
تفزع لِكن ياعسى من بعد طول الغياب

رااحت تحج وعسى الله يقبل انّه كريم
والكل عوّد وهي ماللمنادي جواب

يمكن ليامن زهمتن عنصرية حريم
تجي لنا كلها ويطيح عنها العتاب

[خيال مطير]

تسليه من الخفير للمساجين
واهل الســــــــــــــــــجن ,, يقول احمد الناصر الله يرحمه


ما كل قلب يدرك اللي تمناه
الحبل ما هو للمحبين مفلوت
انا ليا شاهدت غرة محياه
والله ما اغبط اللي مصيفه في بيروت!
لو نجتمع ليل ونهار بمضماه
في ظل غار، احسن من وتيل مريوت!
والا بقطعن من الخلا ما حدن جاه
غير الجوازي ما بها ازوال وبيوت
هذا هوى القلب وغرامه بدنياه
بخدودها وعيونها سحر ما روت
فيها الجمال اللي قليلة حلاياه
كنه عليها نازل بالبراشوت!
والله ما تصلح حياتي بلياه
لو لحدوني جعلهم في براهوت
وان مت بأسبابه يجازيه مولاه
بس امزعوا لي عند بيته بتابوت!

[خيال مطير]

https://media-cdn.tripadvisor.com/media/photo-s/08/25/97/86/mosaic-mediterranean.jpg

:smile:
هذا غداكن عزيزاتي وعذراً على
تقصيري ان كانني قصرت يـ الغاليات

العاصفه كلها تقدير,حب,وُّلاء
تساعد المضطهد وتْقوم بالواجبات



وغـــــــــــــــــــــــــــدا ألخفير وينه تضحكون علانا ولا ويش ’

[عبدالله الصقري]

هههههههههههههه

صح لسانك والله يا نجد
و مشكوره ما قصرتي بالغدا



سبقتيني

[خيال مطير]

هههههههههههههه

صح لسانك والله يا نجد
و مشكوره ما قصرتي بالغدا



سبقتيني

تعال عندي يابو محمد باب الخفير مفتوح

[النجلاء]

صح الله لسانك يابو عبيد ولا عدمنا ابداعك
محمد الروقي صح الله لسانك شاعرنا المبدع
الصقري صح الله لسانك ملايين
شاعرة نجد صح الله لسانك وتسلم يمينك على غداء السجينات
خيال حضورك جميل ومميز وابشر بالغداء كل مشروك مبروك اقلط ويا خواتك وتغد جعله بالعافيه
الجوهره والملكه منورات السجن يالغاليات وابشرو بالخير

[ملكة الرواسي]

يسعد مسائكم جميع
لا هنتم وعساكم على القوة

[خيال مطير]

صح الله لسانك يابو عبيد ولا عدمنا ابداعك
محمد الروقي صح الله لسانك شاعرنا المبدع
الصقري صح الله لسانك ملايين
شاعرة نجد صح الله لسانك وتسلم يمينك على غداء السجينات
خيال حضورك جميل ومميز وابشر بالغداء كل مشروك مبروك اقلط ويا خواتك وتغد جعله بالعافيه
الجوهره والملكه منورات السجن يالغاليات وابشرو بالخير

بيض الله وجهك يالاميرهـ انتي راعية الأوله
نفسي اكل من يدينك نجوله متى تدخلين السجن
لاوصيكِ بورعاني

[عبدالله الصقري]

صح بدنك يالنجلا و دام حضورك الجميل
و تسلم ياخيال و الله يجعله عامر بس مدري كيف يجي لك نفس في السجن
اما انا غدا مديرتنا اللي عيت عنه الملكه للحين مشبعني الحمدلله

[ناصر الهواوي]

يالله مساء خير لاشر فيه
لله درك يالعاصفيه وصح لسانك وبدنك
اهلا بالخفير والحفيد
مرحبا يالنجلاء وصح بدنك ودام حضورك
يسعد مساء المعتقلات
ــــــــــــــــــــــــــــــــــــــــــــــــــ ــــــــــــــــــــــــــ
‏
خير السلف وينه ياخير الخلف راح=بعد تقاعد ودنا في علومه
ترك متابعة الاقاويل وارتاح=وعلى ماسوى والله اني ما الومه
لكن نبي منه السواليف وامزاح=وعذب القوافي لا بدا في رجومه
يشجي هجوسه كل ما راعبي ناح=ويهتاظ للشعر ويجيب امعدومه
ليا تراكا عصر واوما بمسباح=وطرا عليه الولف يابعد نومه


‏

[ناصر الهواوي]

تسالي للراعديات
ــــــــــــــــــــــــــــــــــــــــــــــــ
‏
يسعد مسا دارك وطيفك وطاريك=ويسعد مسا الذكرى لفكري تجيبك
حتى لو انه ما يفارق حراويك=يراقب لظاهرك وايجس غيبك
يصبح على ذكرك ويمسي يناديك=مافي سلوكه ماحصل مايريبك
دام الخفوق العام اخذته باياديك=ومفتاح صدره بعد قفل بجيبك
لايشين ظنك به وتفسد هقاويك=وتبهت من ايودك وتظلم نصيبك
راجع قرارك زين ربك يعافيك=والظن حذرا لا تحطه نديبك


‏

[محمد الروقي]

صح بدنك يالصقري
اسعدني مرورك

[محمد الروقي]

صح بدنك يانجلاء والابداع وجودك

ومشكوره على المجامله ,,,,مفارقني الابداع

[الجووهره]

يسعد مساكم وصبآحكم
وصحت الالسن شعرآء وشآعرات رواسي
ودآم حضوركم الجميل وابداعكم

وتسلمييين شاعرة نجد وتسلم الايادي
على الغدآء وعلى الكرم العاصفي

[الجووهره]

ملووكه منووووره
وليه مستعجله
شكل ما تدري انها مسجوونه
هههههه

[الجووهره]

من لايودك صادقٍ لا تودّه
ومن لايداري خاطرك لاتداريه
القلب يجفل من وجيهٍ مصدّه
وانا اشهد ان القلب دليل راعيه
وسيلٍ جرى عن مدرجه لاتحدّه
جنب وخل السيل يضرب مجاريه
ومافات من دنياك صعبٍ مردّه
خذلك من الماضي عباره وتوجيه
،،،،

اجمل ابياتي : على عشقك ، تطوف !
حطها داخل . . . فؤادك سطر ، سطر

بـاختصار أصدق شعوري في حروف
كـل اول حرف بـ اول كل : ( شـطـر )​

......

ان طارت.. طيور السما بأرزاقها
ارزاقنا ..من عند ربي ما تطير

النفس ...يكفل ( رزقها ) خلاقها
واللي كتبه الله علئ خلقه يصير

،،،،،

[خيال مطير]

مسكينه الزهرانيه أول مره تدخل السجن
أبرك ساعه

[خيال مطير]

اشتاق له .. ويبادل الشوق صدّه
حسبي على طبعه.. صعيب عناده
أغليه .. واغلي فيه مزحه.. وجدّه
ولالي هدف ياغير ابغى وداده
ابي الغلا والشوق ليه يمدّه
واشاركة كل الشقا والسعاده
غلاه عندي زايد(ن) فوق حدّه
وغلاي كنت ابغاه عنده زياده
منه النفس.. والاكسجين استمدّه
ولالي على فرقاه صبر وجلاده
اللي بنيتة ... لاتحاول تهدّه
خلة لقلب مهتنا في رقااااده
من لايودك بالغلا..... لاتودّه
مغرور عنده بالمشاعر بلاده
سالتني أعطيك عمري..وأمدّه
انا عطيتك عمر ... وانت الاباده
والقلب من صدري جفاكم يشدّه
حسبي عليك الله... وآلي عباده
العمر عندي وااصلا كل حده
والروح فاااضت.تحتضر للشهاده

[خيال مطير]

قصيدة أنا الأصيله بنت الأصول
https://www.alsh3r.com/assets/imgs/200x225/poets/3204-a73d362d-0029-4bf1-aa8d-f505073a60c1.png

الشاعر هـ دعاء شهاب



أنا الأصيله بنت الأصول
بنت الأكارم بنت الأكابر
عطانى ربى فى وجهى القبول
تواضعى شيمتى ابد ما أكابر
جدى الكبير كان امير فى أسطنبول
يحكم بالعدل دوم على الظلم جائر
والدى علمنى انى اكون صادقه فى القول
عطانى حكمه أفرق بين كل طيب وماكر
يرحمك ربى يابوى وتكون جار الرسول
وفى الفردوس تكون بمكان العلى ظافر
أمى ترى فيها معانى الطيبه والحسن والقبول
قلبها نور ينور قلبى الشاكر
أخواتى ثلاثه قلبهم عن الشر معزول
ترانى أختهم الوحيده يحبونى حب ماهر
بسمتى لا تفارق وجهى بسمتى تطول
لما أكلم الطيبين أصحاب القلب الشاكر
خفة دمى وضحكتى تعطى امل موصول
ترانى محبوبه بين البشر واضحك حتى الحجر الساهر
ترى فينى معانى الوناسه والطيبه والعقل المسئول
طباعى طباع الفروسيه عندى شهامة ذاكر
قلبى كبير كبر العالم والاربع فصول
شمسى تشرق فى سما كل قلب حائر
دينى لنفسى ما أفرض على احد القول
الدين أخلاق وأنا خلوقه ومجامله وكريمه كرم ماهر
انا شاعره اكتب بقلبى وقلمى المحمول
حقيقة انسانيتى اللى تطغى على كل خاطر
دعاء شهاب أسمى اللى يحفظه كثيرين من أصحاب القبول
يعرفونى شاعره تكتب اللى يجول بكل خاطر
انا احب كل البشر وحبيبى هو الحبيب المجهول
ماأعرف لا شكله ولا بلده ولكن اعرف انه المكتوب الشاكر
ما يهم طوله ولا شكله ولكن الاهم طبعه الحمول
يكون انسان الطيبه أصله وبجمال اخلاقه ظافر
اعرف انه موجود بين البشروشخص بالخير مسئول
صقر يحلق فى سما كوكبى وخيل ينور دربى شاعر
التقينا قبل ما نلتقى بقلوب صافيه صفاء القول
واثقه بالذى خلقنا لما فى يوم نلتقى
فى ارض الورد الساهر راح يقول انت الاصيله بنت الاصول
بنت الاكارم بنت الاكابر
عطاكى ربك فى وجهك القبول
تواضعك شيمتك ابد ما تكابر
الله لايعطي الظالم عافيه هههههههههههه

[عبدالله الصقري]

الله الله يالامير
و صح لسان حبَّاس الروآعد
هههههههههههههه
مدري الحين أمر العمده اجيب كفاله
؟؟؟؟
تبون تطلعون الحين و نحبسه ؟؟
ههههههههههههههههههه

[رحيل]

الله لا يصبحكم الا بالخير (:

ابو عبيد صح لسانك ودام ابداعك شاعرنا
ونقول القادم اجمل باذن الله (:

الروقي محمد صح لسانك
ابشر راعي الزل بيجي بكرة الصبح (: و حتى البوية نبي نغيرها

نجد الله لا يحرمنا هالحضور الجميل والراقي
تسلم يمينتس على الغدا يستاهلون السجينات هههههه
وصح لسانتس شآعرتنا

الصقري صح لسانك ودام تواجدك

نجولتنا منورة السجن ي غالية

السجينات شلون السجن معكم
انا لو منكم اجلس بعد الدلع ذا كله ههههههههههه

خيال رثعت فيهم ): ههههههههه
وصح ذوقك

[عبدالله الصقري]

الجوهره ما همها في السجون
قد حب معصمها كلبشات جدّي

المشكله فـ أمّ الصور و العيون
ما تحتمل ذاك السرير المصدّي

تدمى يديها لو تغسل الصحون
وشلون لو صرصار جاها معدّي

كينقه تظن العاصفه يفرجون
عنها و حدَّتنا نخوض التحدّي

العصر تتدلل و هم يشتوون
تبي الكباب تقول بدي و بدّي

و الحين لو جر الأمير اللحون
و السجن ماله اي بابٍ يرَدّي

يا جد تكفى طالبك لو أمون
تطلق حمام الحزب و شوي هدّي

اسبوع و هم للجمعه يخططون
اول اجازه نجيب مين و نودّي

لاما خطر في بالهم يرقدون
في حر خلا كل وجنه تندّي

هذي الكفآله كاش لو تقبلون
والامر بعد الله بـ يدَّك يـ جدي



لا افرجت عنهم نفكر من يجي محلهم

[رحيل]

اهل الهوى حياتهم صدق قشرا
رافقتهم وانشهد اني تتربقت

محدن خبر له قلب بالمال يشرا
قلب نضيف وماتعذب مع الوقت

بيت يلاععبني مع كل مسسراا
اردده ياصاحبي كل ماشتققت

لاتنشغغل فيني انا بحالي ادررى
قلبٍ تعلق فيك ينسى مع الوقت

━━━━༻❁༺━━━━

الحب حاجة والمحاتاة حاجات
شعور والله مدري شلون كنه

وحبيبي إللي كنت محتاجه أوقات
هذا وانا إللي صرت مجروح منه

أحنه من دموع عينه ليا جات
حتى وهي في وقت الأفراح أحنه

وأغليه وأحبه وأداريه بسكات
ولا ودي أن الناس يدرون عنه

━━━━༻❁༺━━━━

والله انه ماكذب راعي الشطر الفريد
مرني وانا اتفكر بـ قلبي وش دهاه

جعل منتوا بـ العوض فيه لو انه بعيد
كنه يدري بـ ان حالي براه اللي براه

مانسيته ود قلبي قديمه والجديد
لو يطول الوقت معلوق قلبي مانساه

هب يابعض الطواري ويابعض القصيد
كل ماهبت على القلب جاب اللي وراه


زيارة لـ السجينات وتسلية (:

[رحيل]

هههههههههههههههههه اسجنوو الصقري
صح لسانك كفالة رائعة والراعديات يستاهلون

[عبدالله الصقري]

يستاهلك الطيب

ترى حذفت كم بيت
هههههههههه
يا ويلي من الملكه

[ملكة الرواسي]

الجوهره ما همها في السجون
قد حب معصمها كلبشات جدّي

المشكله فـ أمّ الصور و العيون
ما تحتمل ذاك السرير المصدّي

تدمى يديها لو تغسل الصحون
وشلون لو صرصار جاها معدّي

كينقه تظن العاصفه يفرجون
عنها و حدَّتنا نخوض التحدّي

العصر تتدلل و هم يشتوون
تبي الكباب تقول بدي و بدّي

و الحين لو جر الأمير اللحون
و السجن ماله اي بابٍ يرَدّي

يا جد تكفى طالبك لو أمون
تطلق حمام الحزب و شوي هدّي

اسبوع و هم للجمعه يخططون
اول اجازه نجيب مين و نودّي

لاما خطر في بالهم يرقدون
في حر خلا كل وجنه تندّي

هذي الكفآله كاش لو تقبلون
والامر بعد الله بـ يدَّك يـ جدي



لا افرجت عنهم نفكر من يجي محلهم



مسهم بالخير جميع
لا هنتم وعساكم على القوة

عبد الله صح لسانك كفيت ووفيت بيض الله وجهك

[الجووهره]

الله يسعد مسا الكل بالخير
من غربي هالكون ل شرقي مدآره

انتم مسآكم خير ووجوهكم خير
والله يسعد كل غآلي بدآره ،،،،


وصحت الالسن والاذوآق
ودآم حضوركم الجميل
ومشكور الصقري ع الكفاله
وش قالو لك أنا خريجة سجوووون
هههههههههه
امزح دوعابه
يعطيك العااافيه

[الجووهره]

والف مبروك الصقري الرقآبه
والبشت الجديد هههه
تستآهل كل خير
وبالتوفييق لك

[عبدالله الصقري]

سلمتم و دمتم و فك الله حبسكم
والله يبارك فيك و يسلمك
البشت هو شرف معرفتكم كلكم حاضركم وغايبكم
"
تحياتي و تقديري

[رحيل]

عصر الخير (:



الصقري
الف الف مبروك البشت
تستاهل كل خير .

ومبرووووووك الحرية بنات

[عبدالله الصقري]

اقول يازين الفوطه ههههههههههههههه
يباركك ربي و انتي الخير و البركه

[خيال مطير]

مبروك يالامير

[خيال مطير]

تسليه من الخفير يقول الشاعر

هلا باللي تعكس السين وتخليه حرف الشين
هـلا بش كل ما صوت لشـ الغربي وهلابش
احبش المهم اني فدا هالعيـن
دخيل امش وابوش انش تضميني مع احبابش
اثر بعض الحكي يحلا وفي لسان الجنوبي زين
انا حبيت حرف الشين واغليته على حسابش
تراني من عرفت انش تحبين القصيد الزيــن
وانا ودي اصير الشاعر اللي ياصل اعجابش
يقال انش جميله ماختلف في هالكلام اثنيــن
اقول انش عظيمه والشعر فز وتغنى بـــش
اقول انش طلوع الصبح ولا للقمر شكـلين
سؤالي بس في اي كوكب تسكن اقرابـش؟
انا من شافتش عيني وانا مدري اروح لمـين؟
وكاد اني تهجيت الحروف وهمت في كتابش

[الجووهره]

سلاااااام عليكم

مين السجيين ؟

[الجووهره]

االنفوس الوآفيهْ رغمْ المصـاعِب ماتميل
والشمس كِثر السحبْ مآيغطي نورهـا..

،،،

لو كل ما نبغى يجينا على الكيف
ما صار فينا إنسان ضايق من الهمّ

بس الحياة هموم صـدر وتكاليف
مع فرحةٍ تجلي عن الضايق الغمّ

أحدٍ بنى مجمل حياته على الكيف
وأحد مضـيِّع كل عمره على الكمّ

،،،
اذا نشدوك النآس احرص على الميم
ما شفت ،ما قلت ، ما سويت ،ما ادري

[خيال مطير]

سلاااااام عليكم

مين السجيين ؟

ألظاهر انها الملكة
أسمع شخيرها

[عبدالله الصقري]

ههههههههههه

ياصباح العبير والمسك المعتَّق يا خيال
الله يبارك فيك ويسعدك دنيا و اخره

[عبدالله الصقري]

يالجوهره ياصباح الخير
أشكرك و سلمتي و دمتي

قلبك هو النور والنوير
عن غرفة العود ما تبتي

!!؟؟

[خيال مطير]

تسليه

القصة أن عتيبي من نجد تعطلت سيارتهم في (كرى) ومعاه عائلته , فأخذهم الشاب / بندر بن جزاءالشريف للبيت وذبح لهم وعشاهم , وامسوا عنده وفطرهم .
وعند عودتهم للديار , ارسلت الشاعرة / ساره العتيبي بقصيدة
وطلبت الرد .
والقصيدة تقول...

من ديرة العتبان لديار الاشراف..
ساقتني الدنيا على غير ميعاد
اسمن ع مسمى شريفين واشراف..
قبيلتن تسلسلت فخر وامجاد..
توارثو شجعانهاورث الاسلاف..
الساده اللي سيدت كل الاسياد..
كتبت مماينبض القلب في قاف..
من بدع راسي ماتسلفتها اقصاد..
في مدحهم ما اهتز قلبي ولاخاف..
ومن لامني عساه صيده وينصاد..
حاشا وكلا ننطق الحق بغلاف..
هاك الخبر ياللي عن العلم نشاد
ثالث نهار الصوم ناوين الانكاف..
ناوين نجد اللي لها الروح تنقاد..
وجرت علينا قدرة الله بالايقاف.. .
بين الجبال السود مصدر وميراد.
تحت لهيب الشمس والدرب محراف.
وطلعه كرى ماحولها رايدن راد.
والطيبه يسبق لها نسل الاشراف.
.وقفه بطل،،حطه لك حزام وشداد..
ابشر بسعدك لادخل قلبك ارجاف..
امن وامان ومستظل بيت الاجواد..
ياعل راسن عقبه ذخر وخلاف..
في جنه الفردوس له خير مقعاد..
النادر اللي بالوفا ماله اوصاف..
ولا له حلي الا على وصف الاجداد..
يمنًى كريمه للمواجيب ميلاف..
لو العرب تندى كرم. بالكرم زاد
بيت الكرم والجود. والعز ينشاف..
مايجهله ياكود غاوي وحساد..
ياللي حداك الضيم وسنينك عجاف..
سند وتلقى العز في كل مسناد..
تلقون(بندر) طيب الذكر ماهاف
.والحر دايم ماكره فوق معتاد..
يامن يوصله سلامي والاعراف..
تحيتن ممزوجه بعنبر وكاد ،،
واهله وكل اللي يسمون الاشراف..
ورد الثناء واجب ولاعنه مسناد..
ياعل يومن فيه عتبان واشراف..
تجمعوا بالخير بالخير ينعاد..
في نجد حياكم عسى نجد تنضاف
فيكم فخرها ياعريبين الاجداد..

بقلم / ساره العتيبي


يا مرحبا ترحيبة القاف بالقاف
بعتيبه الهيلا عريبين الأجداد
من الحجاز اللي بها ديار الاشراف
لنجد العذيه والسلاطين الأسياد
فينا الكرم والجودمن عصرالأسلاف
متوارثين الطيب يابنت الاجواد
وفينا الشجاعه لارتجف كل خواف
يشهد لنا التاريخ والكل شهاد
مانرتضي في حقناربع وانصاف
مانرتضي غيرالوفاء طيب وعناد
الله خلقنا نحتمي كل ميقاف
وللخير والمعروف والطيب رواد
ونغوص غبات البحرلجل الأصداف
والاوله نبذل لها أموال واجساد
اشراف مافينا رديين وضعاف
الله هو اللي عزنا رغم الأحقاد
الاد جودي لابتي قوم عُراف
كسابة الناموس من عهد الأجداد
والحر بندر يرتقي كل مشراف
ضاري على قنص الثمينه وصياد
الله يجيره من مقادير الأصداف
والله يحفظه من حسد كل حساد
بندر جزاء شبل الهواشم والاشراف
فعله ينومسنا على روس الاشهاد
وأنتم عتيبه مالكم ند وأوصاف
الا الجبال الراسيه مثل الأوتاد
لطامة العائل وللصاحب لحاف
وذباحة الحائل تبلون الأكباد
افعالكم تُسمع وبالعين تنشاف
وتاريخكم معروف هجري وميلاد
وكل القبايل فالجزيره والأطراف
والنعم كلٍ له بطولات وأمجاد
قلته وانابن حسين بالشعروالقاف
ابو مهند كان للعلم نشاد
الله يديم الود عتبان واشراف
وجعل الجمايل بينا دوم تنعاد
وختامها صلو عدد كل من طاف
على النبي اللي له القلب ينقاد

الشاعر/ محمد بن حسين الجودي الشريف

[ناصر الهواوي]

‏
انا السجين اللي له سنين بالحبس=وش عاد لو ردوه بالسجن ليله
الليل مظلم والضوا بالضحى غبس=والناس واجد والمعاوش قليله
ارضى لو انه جاء مصابيب مع دبس=والبن ما اروحته ولا فاح هيله
ولا اوحيت من حلو النبا بالشفي نبس=يمكن يقول اذلف يتسعين نيله


‏

[الجووهره]

هبت ريآح الشوق من روض الأحبآب
واهتز غصن القلب من طيب ريحه
سلآم يااللي زادني شوق واعجآب
ويامرحبا باهل النوآيا الصريحه


سلاااام عليكم يا اهل السجن
شاعرنا الهوآوي
صح لسآنك ودام حضورك وابداعك
ومنووور السجن دايما شاعرنا
الله يحفظك ويديم وجودك
شاعرنا الصقري
صح لسانك والله يمسيك بالنور والسرور
ودام حضوورك وابداعك.

خيال

يسلم ذووقك على التسالي الرائعه
ودام حضورك وابداعك

[ناصر الهواوي]

‏

ياعاشق المهره مساء الخير كيفك؟=من فضلك اتحف سجننا يوم مريت


‏

[الجووهره]

صح لسآنك شآعرنااا



تسالي ل شاعرنااا
وللجميييع

على النقا نبقى و لو عاقنا عوق
و يبقى آلوفا ، منا و فينآ و إلينا
و وجيهنآ بيضا و هآماتنآ فوق
آن ضاقت آلدنيا م ضآقت علينا

....

ياجمال الصمت في عز الكلام
وياجمال الكلمة اللي فالصميم *
إن لزمت الصمت ماتلقى ملام
وإن حكيت المختصر وضعك سليم ...

.....


يا معدي المرقاب خله لمشتاق
حول و خل مولع القلب يرقا

ياليت ربي ما خلق حب وفراق
والا خلق حب على غير فرقا

.....

ترى القصيد العذب تطرب له الناس
مثل الهبوب البارده تنعش الروح

لا طرز المعنى تعابير واحساس
يبطي صداها بين عاشق ومجروح

[عبدالله الصقري]

صباح الخير و النور و السرور
وصح لسانك يا جد و تراني ما حبستك
خيال و الجوهره
دام عطاؤكم اللامتناهي و تواجدكم الجميل

.......

كيف انت يا منوِّر غريفتك ممسي
جيت اتطمن جايب ٍ لك عصير

تعال نسمر لين ما تطيب نفسي
و تطيب نفسك و يتسلى الخفير

[رحيل]

الأرواح الجميلة
لا تمل ولا تثقل على الروح
وتهديك السعادة بأبسط السبل
ولا تنتظر مقابل

صباح الخير

صح لسانك ي الهواوي
ومنور السجن شاعرنا

الصقري صح لسانك

صح ذوقتس جوج من يومك مبدعة

صح ذوقك خيال

[خيال مطير]

https://www.r111n.com/t40810.html

[خيال مطير]

البارحـة مـا ذاقـت النــوم عينــي=هــمّ بتنجيــم بفـكــر بهـوجــاس
وأصبحت من غبّ السهـروالونينـي=جسـم برمّـة مجـرم!!عنـدحبّـاس
صبرت ليـن الصبـر بيّــح كنينـي=ولا شفت لي من جملة الصبرنومـاس
شابت عوارض لحيتـي قبـل حينـي=وقنعت من عقب الفوايـد بالإفـلاس
دنيــاك هــذي تفجــع الغـافـليـنـي=تـرفع ذنب وتطمّــن المتــن!!والـراس
تبدّلـت هـرج العـرب بالرطينـي=وقامت تجنّس لي على سبعـة أجنـاس
رخص الحصان ورخصـوا الطيبينـي=وغلي الحمار وما إشتبه له من النـاس
وقام الـردي يدحـم بجنـب المتينـي=وابن الحموله قام يمشي مـع السـاس
وقـلّ الرفيـق وقلّـوا الغانميـنـي=وكثر الحسد وأهل النمايم والأنجـاس
وشان الزمان وشان وجـه الضمينـي=وتغيّـرت كـل الطبايـع والألبـاس
والمال صـار مـع المـره والدوينـي=والطيب راح وقطّعت عنـه الأرمـاس
وخليت كفـوف مدلّهيـن الحزينـي=واللي تورثّهم شعـر سـاق حسـاس
والذيب جـاع وكـل ثـور بدينـي=والحر برقع وأبـرق الريـش فـرّاس
وذلّ الجسور وكـلّ.حـد السنيني=وتكشيف عرض الناس هو سهمة الناس
والمرجلـة نسخت مع المارتيني=وتعوّضوا عنهـا بخوصـه ومكنـاس
وصار الردي يحشم.مـع الحاضرينـي=والراس ديس وخدّم الحر أبا الحـاس
وصار الصديق هـو العـدو البطينـي=يشرف عليك ويصبح الصبح بـلاّس
وطرد الهـوى بختـوا بـه المفلسينـي=شرّابـة المصفـاه طبّاخـة الـفـاس
وختـام قيـلــي أيهـا السـامعيـنـي=صلـوا على المختار مـا هـل رجّـاس
والآل والأصحـاب والتابعيـنـي=عد النبات وعد حصحاص الأطعـاس

الشاعر/ سليمان بن ناصر بن سليمان آل شريم

[ناصر الهواوي]

‏

مساء الخير من قابع بزنزانة الابداع=ليا قرقع السجان بالباب له فزه
ماهو خوف يبي الشاذليه يبا المقداع=لكن الكرم قواعده حيل مهتزه
مخيف السكون وله بقلب النزيل ايقاع=له كفٍ يزيح النوم بالبقس وايدزه
عن الجفن لو بينه وبين النعاس انزاع=حتى صارت الغفوه معه ما لها حزه
الا ياعيون اللي بعد فرعوا به فاع=وله سطوةٍ من خوفها تخمر الوزه
ابدعتي بكسرة خاطر المستهام ابداع=وهو في طرفكم طامعٍ قبل في عزه

‏

[خيال مطير]

مساء الخير من قابع بزنزانة الابداع=ليا قرقع السجان بالباب له فزه
ماهو خوف يبي الشاذليه يبا المقداع=لكن الكرم قواعده حيل مهتزه
مخيف السكون وله بقلب النزيل ايقاع=له كفٍ يزيح النوم بالبقس وايدزه
عن الجفن لو بينه وبين النعاس انزاع=حتى صارت الغفوه معه ما لها حزه
الا ياعيون اللي بعد فرعوا به فاع=وله سطوةٍ من خوفها تخمر الوزه
ابدعتي بكسرة خاطر المستهام ابداع=وهو في طرفكم طامعٍ قبل في عزه
الله الله صح لسانك يابو عبيد

[خيال مطير]

تسليه


تجـرح بساتيـن الخـدود النديـه
واغضت وشفت بعينهـا الحزن حزنيـن
وصاحت على الفرقا انـا مـو قويـه
وجاوبتها ارجـوك تكفيـن تكفيـن
والله دمعك يشعـل النار فـيّـه
وقالـت تعاهدني عـهـاد المحبـيـن
الله يخـون اللـي يخـون بخويّـه
قلـت ابشري واللـي خلقـك لاتظنيـن
حرااااام ماغيرك عشقـت آدمـيـه
وقصّت شعرها قلت انـا وش تسويـن
قالـت ابـي مـن غرتي لـك هديـه
ونادتنـي الغربه علـى الهـم والبيـن
احسّـب الأيـااااام روحـه وجيّـه
وفي كـل ليله ترتسـم بيـن رمشيـن
خيالهابيـن الـرمـوش الشقـيـه
غربة سنه فـي ذمتـي غربـة سنيـن
متى علـى الله يلتقـي الحـي حيـه
خلاص هانت مابقـى غيـر يومـيـن
خـلااااااااص قفّت غربـةٍ جرهديـه
ورجعت شوقي في خفوقي براكيـن
ورجعـت انـا كلـي لها جاذبـيـه
وسألت ما ردّوا وانا اصيح هي وين
وكلٍ نثر مـن داخـل العيـن مَيّـه
وفـي معمعـة حزني تلقيـت رمحيـن
قالـوا توفـت غافلتـهـا المنـيـه
وفـي غرغرتها ماذكرت غيرحرفيـن
تشهـدت بسـمـك شـفـاه الـيـه
وتزاحمـت فـي داخلي ألـف سكـيـن
والحزن يطويـنـي ثمانيـن طـيّـه
صدمه وجابتنـي علىالارض نصفـيـن
وشلـون راحـت دون ذنـب وخطيـه
تكفون دلـونـي علىالقبر هالحـيـن
مـاعـااااد فيـنـي للصبر مقـدريـه
ووقفـت اطالـع قبرها بيـن نصبـيـن
وجلست اضـم اغلـى النصايـب عليّـه
واصيح وش بك يا غلا مـا ترديـن
اشتقـت همس إشفاهك النرجسـيـه
وش فيك جيت من السفر مـا تهليـن
ماهي بلك عـاده ولا انتـي رديـه
وحاولت في لحظة جنون اجـرح الديـن
وازيـح تـربـة قبرهـا فـي يـديّـه
وبالغصب شالوني حشـا تقـل مسكيـن
واصـرخ بهم والله والله حـيّـه
اقفت وتاهـت بـي جميع العنـاويـن
والحـزن يلعب داخلـي سامـريـه
ورجعت لـدروب الشقـا قبـل عاميـن
مدري مـن اللـي صـار فينـا ضحيـه

[خيال مطير]

ياذيب
يا رَبْعَنَا يَاللي على الفطّر الشيب =عز الله أنه ضاع منكم وداعه
رحْتواعلى الطّوْعات مثل العياشيب = وجيتوا وخلّيتوا لقلْبي بضاعه
خليتوا النّادر بدار الأجانيب =وضاقت بي الآفاق عقب إتساعه
تكدرن لي صافيات المشاريب =وبالعون شفت الذل عقب الشجاعه
يا ذيب أنا بوصيك لا تاكل الذيب =كم ليلةٍ عشـّـاك عقب المجاعه
كم ليلةٍ عشـّـاك حِرش العراقيب =وكم شيخ قوم ٍ كزته لك ذراعه
كفه بعدوانه شنيع المضاريب =ويسقي عدوه بالوغى سِم ساعه
ويضحك ليا صَكّت عليه المغاليب =ويلكد على جمع العدو باندفاعه
وبيته لجيرانه يشيّـد على الطيب =و للضيف يبني في طويل الرفاعه
جرحي عطيب ولا بقى لي مقاضيب =وأفخت حبل الوصل عقب إنقطاعه
كني بعد فقده بحامي اللواهيب =وكني غريب الدار مالي جماعه
من عقب ذيب الخيل عِرج ٍ مهاليب =ياهل الرمك ما عاد فيهن طماعه
قالوا تطيب وقلت : وش لون أبا طيب =وطلبت من عند الكريم الشفاعه

هو الفارس شالح بن حطاب بن هدلان
نشأ شالح بين أفراد قبيلة الخنافرة التي هي من قبيلة آل محمد القحطانية

[عبدالله الصقري]

صح لسانك خيال عالنقل الجميل
......

مزعليني فيك يا جد
لا قهوه لاشاهي لا عيشه
والله مالهم حق
رح بيتكم وعيِّن خير
تم اطلاق سراحك من حفيدك
و باحبس نفسي عشانك تستاهل


مسا الأنوار و البسمه
على الإبدآع في سجنه

على حاكم سكن قسمه
و قال الهدنه الهدنه

محب ٍ بآت في العتمه
و ضوَّا العتمه بـ لحنه

نحل حب الغضي جسمه
و غرَّق دمعه الوجنه

ينآجي للغلا بـ اسمه
و كم وصَّف لنا حسنه

حروفه بالغزل طعمه
ينسِّيك الظّما عدنه

و قلبه ممتلي رحمه
و فآرس كم خشوا طعنه

تعلَّى نوره النجمه
لأآلئ نور متَّزنه

و انا قلبي يبي قَسمه
من البِر و يجي ضمنه

أبـ اطلق راعي الحشمه
نعم لاجلي سكن سجنه

بدآله بـ اسكن العتمه
عشاي حلاوه و جبنه

[خيال مطير]

البارحة بالنجوم شفت لـي قصيـد
معاني جميلة سبحان اللـي وهبهـا
قصيـده كاملـه ماعليهـا مناقيـد
سلمت يمين اللي بالحقيقـة كتبهـا
مشكور منهو عرضها مشكور أكيد
بس ليت القصيده لراعيها نسبهـا
لأن القصيـده مثـل طفلـة وليـد
أبوها واحد وماكل العـرب عربهـا
ليته ماجلس في قديم القصيد يصيد
كنه صيادٍ وبندقـه بإيـده قضبهـا
لاقرى القصيده فـز منـه الوريـد
أخذ مايبي وباقي المعانـي شطبهـا
لاخلى القصيد مثل ماكاتبـه يريـد
بدل معاني وأحاسيس الشاعر قلبها
وصدق الكذبه وقام ينشر بالجريـد
ورز صورته جنب القصيد ونصبها
لوسألته مجلة الفواصل والا مواعيد
عن قصة القصيدة وشهـو سببهـا
قال هذي جروحي من زمان ٍ بعيـد
أخفيها بصدري سبحان اللي جلبها
يظن نفسه الملتاع طـلال الرشيـد
الي بقافه ساحـة الشعـر ألهبهـا
وهو ماحصل شِعر نجاح المساعيـد
الي بقافها أتعب الشعـر وأتعبهـا
ياخوي لو داري عنك راعي القصيد
كان قصايده عن عيونـك حجبهـا
إفهمنـي فديتـك مافينـي أعـيـد


للشاعرة السعودية / بنت السالم

[ناصر الهواوي]

وش هالقصيده يالخيال الله يجزا من سرقها خير ههههههههههههههههه
اهلا يا ابا محمد ومشكور ع الكفاله

[ناصر الهواوي]

‏

اصبر وقل للهم عني تقلع=وارم الطواري لاتحوسك بمقلاع
وان شفت لك طيرٍ كفخ ثم شلع=ومن مابك من الضيق قلبك معه فاع
وقدح بصدرك زندهجره وولع=اصبر صبر ايوب ماللجزع داع
لو كل عضوٍ فيك لجله تخلع=تخلع افراد الرواسي على القاع
قل للمشاعر يوم قامت تدلع=وتحولك لانصاف واسداس وارباع
لا اتقوم في ريق الحسايف تبلع=سلامتك من مكسبك راس الاطماع

‏

[شاعرة نجد]

السلام عليكم ورحمة الله

كيفكم رواسينا
وصحت السنتكم وطابت ذوائقكم

وسلمتم ودمتم,’’

[شاعرة نجد]

لاهنتوا على هـ الحضور وروعة السطور
لكن شكلكم خالفتوا انظمة السجن,
اشوف كم سجين وسجينه دخلوا وطلعوا خلال يومين مدري ثلاثه!
اقل مده للسجين ثلاث ايام!!
يستمتع ويمتع:smile:

[شاعرة نجد]

اصبر وقل للهم عني تقلع=وارم الطواري لاتحوسك بمقلاع
وان شفت لك طيرٍ كفخ ثم شلع=ومن مابك من الضيق قلبك معه فاع
وقدح بصدرك زندهجره وولع=اصبر صبر ايوب ماللجزع داع
لو كل عضوٍ فيك لجله تخلع=تخلع افراد الرواسي على القاع
قل للمشاعر يوم قامت تدلع=وتحولك لانصاف واسداس وارباع
لا اتقوم في ريق الحسايف تبلع=سلامتك من مكسبك راس الاطماع

=تخلع افراد الرواسي على القاع

الله الله هههه
صح لسانك يالعاصفي,’’

[شاعرة نجد]

http://img.jetbitts.com/screensavers/down/nature/nightstars_1qwyi1nm.gif

يانجوم الليل ياليتني نجمه معاك
فـ السما وابْعد عن الارض واهْل الارض مرهـ

واتغنّى من قصيدي وياعيني فداك
السهر لو ماتنامين ما للناس جرهـ

بـ اسحب الموال ماهمني هذا وذاك
كوكبي وحدي ولابه ولاحيٍ يمرهـ

واعطني يـ هاجس الشعر من مـ الله عطاك
هات ماعندك ولاتدّخر مثقال ذرهـ

فضفض المكنون مـ عاد فيني من نهاك
بـ اتلقّى ماتدره على صوتي واجرهـ

وياهواي وناظري شوف نجمي في سماك
من بعيد وياله البُعد يا لله درهـ

[ناصر الهواوي]

اهلا ياشاعرتنا اي انضمه تتحدثين عنها ودنا بها لكن هيهات ههههههههههههه
صح الله لسانك وبدنك على هالفاخره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
‏
كان لك ياسجننا من قبل لون وطعم=انتهت مدة صلاحيتك والا وراك
كان ربعك جددوا نكهتك قلنا نعم=وكان عرج وضلَّع اكيد واروك بثراك
نعتبر من فيك اخو واخت وانكل ثم عم=وصار في موجاتهم ما اعرف ليه انفراك
ولي بمن هم هاهنا ياسجن فخر وعشم=ياعسانا نسعد بعز موقعك وعساك

‏

[عبدالله الصقري]

يا مسا الانوار والله

صحت السنتكم و سلم نبضكم

الا ماجبتوا لي قهوه
ولا للخفير حس
هي كذا تسوي المدارس
هههههههههههههه


أشِّر يبو عبيد و ابشر بالذي ودَّك
معاك باللي عليه الطيبين تَمُّوا

فلا تفكِّر تحط ايدك على خدَّك
لوهم فسجنك نسوني وفيك مـ اهتموا

وسلامتك عيا يجي غير هالبيتين شي

[عبدالله الصقري]

شاعرة نجد
الله يعطيك الف عافيه على الدرر المتألّقه
تحياتي و تقديري

[عبدالله الصقري]

وين التسالي و العشا

[الجووهره]

سلاااااام عليكم
ويسعد مسآكم وكل أوقآتكم
شاعرنا الهواوي
صح لسآنك على الابيات الرائعه
والبركه فيك وفي الموجودين
والله يرد الغآيبين بالسلامه
ويسعدك ويسعد الجميع

شاعرنا الصقري
صح لسآنك ومنور الزنزآنه
واعذرنا على القصور بدآية دوآمآت ومشغوولين ههههه

شآعرة نجد

هلا بك شآعرتنا المبدعه
وصح لسآنك ع الابيآت الرآئعه
وأنا معك في عدم مخالفة أنظمة السجن
ع الأقل يومين ثلاثه للسجين

[الجووهره]

وأول التسآلي للسجين الصقري
وللجميييع

عآم جديد

عام جديد وحبه اكثر من العام
وعام مضى واستقبل العام حبه
ماهو بيوم بس في كل الايام
حبه بقلبي كل يوم احتفل به
لان الحشام كبار بعيون الحشام
ولان الوفا ما ننثني دون دربه
قلبي يبادله المحبه ولو نام
يصحى يحبه دون حاجت منبه
والله لاحبه دامني حي مادام
حلفت له بيمين ربي وربه
صرحن بقلبي ع الوفا ثابتن قام
ما ينثني للعاصفه لو تهبه

[الجووهره]

https://www.youtube.com/watch?v=NeTPrXyhRVU&list=RDNeTPrXyhRVU&start_radio=1

[النجلاء]

السلام عليكم وصبحكم الله بالخير يارواسينا
صح الله لسانك يابو عبيد والبركه فيك وفي المتواجدين تكفون وتوفون والغايبين بيجون ان شاء الله الناس اكثرهم مسافر لكن الحين بيردون للمدارس
الصقري لاهنت على الحضور الجميل وصح الله لسانك
شاعرة نجد ياهلابك وصح لسانك ودام ابداعك يالغاليه
خيال لاهنت على هالتسالي
جوجو منوره ياقمر

[عبدالله الدّنّيش]

السلام عليكم ورحمة الله وبركاته
وكل عام وأنتم بخير
ويا مرحبا بالجميع .. وتسلمون على هالمشاركات
وصحت السنتكم وطابت أوقاتكم ولكم الإعجاب وأجمل الترحاب

^^
تسليمة ...
‏
يالرواسي كل عامٍ وحضرتكم بخير=وأسعد الله عامكم عام 41

جيت أحييكم ودعوات بالثلث الأخير=ون تأخرنا فمعذور والله المعين

الرواسي فوق رأسي مديره والخفير=وجملة الأعضاء وروادها والسامعين

وأرسل الترحيب باللي حضر عبر الأثير=يا رواسي نجد هلي بنا والحاضرين

جاك نجم سهيل والسيل والفصل المطير=والسماء يا أهل القصايد تسر الناظرين
‏


^^
ودام سروركم

[عبدالله الصقري]

صح لسانك يالدنيش و منور السجن
وكل عام وانت بالف صحه وسلامه

وشكرا للراعديات اللي يظنون القصيد يشبع
ذبحني الجوع والنامس
لا خفير ولا يحزنون

[النجلاء]

وعليكم السلام
ياهلا والله بالدنيش وكل عام وانت بخير ان شاء الله وصح الله لسانك ملايين شاعرنا

[خيال مطير]

السلام عليكم ورحمة الله وبركاته
وكل عام وأنتم بخير
ويا مرحبا بالجميع .. وتسلمون على هالمشاركات
وصحت السنتكم وطابت أوقاتكم ولكم الإعجاب وأجمل الترحاب

^^
تسليمة ...

يالرواسي كل عامٍ وحضرتكم بخير
وأسعد الله عامكم عام 41

جيت أحييكم ودعوات بالثلث الأخير
ون تأخرنا فمعذور والله المعين

الرواسي فوق رأسي مديره والخفير
وجملة الأعضاء وروادها والسامعين

وأرسل الترحيب باللي حضر عبر الأثير
يا رواسي نجد هلي بنا والحاضرين

جاك نجم سهيل والسيل والفصل المطير
والسماء يا أهل القصايد تسر الناظرين
^^
ودام سروركم

ونت بخير وصحه وعافيه
صح لسانك شاعرنا وبيض الله وجهك

[رحيل]

ابو عبيد صح لسانك شاعرنا
وانت والحاضرين الخير والبركة
والله يرد الغايبين لبيتهم الثاني (:

الصقري صح لسانك ومنوره السجن

نجد منورة يالغالية وصح لسانتس

الدنيش
وعليكم السلام ورحمة الله وبركاته
صح لسانك
وكل سنه وانتم طيبين ومعانا موجودين (:

النجلاء ما ننحوم التواجد حبيبتي
جوج صح ذوقتس يا ذووووق

خيال صح ذوقك الجميل

[الجووهره]

مسآءالخير
وعليكم السلام شاعرنا الدنيش
وهلا بك وكل عام وانت بخير وصحه وسلامه
والجميييع وصح لسآنك على الابيآت الرآئعه
ونطمع في المزيد من التوآجد والابدآع شآعرنا

وهلا بكم يا اهل السجن
منووووورين جمييييعا
ودآم حضوركم وابدآعكم

[ناصر الهواوي]

‏
حقيقه وصلت لداركم مع غروب الشمس=وبذلت السبب عل وعسى بالبلاد امسي
ابطيت ادرج والصدر ضايق وراسي عمس=شفت سهيل بالماء/عشرتي عودت خمسي
وانكفت مهزوم اصفق بخمس اليمين الخمس=ما بالراس من حب السطر انحمس حمسي
اشقاني لهيب الشوق واشقيت معي الجمس=اللي لا نخيته للسفر يقلع الرمسي
مع خنة سيوره لااشتغل كني اوحي همس=لمن صورته بالقلب ما تقبل الطمسي

‏

[عبدالله الصقري]

أقول طلعوووووووووووني

ههههههههههههههه

[الجووهره]

سلااام عليكم
صح لسآنك شاعرنا الهواوي
وماكوو طلعه الصقري
نظام السجن يومين ثلاثه
ههههههههه

[خيال مطير]

تسليه

http://alyamamahonline.com/repo/images/2572/2019829173747771.jpg

في هيبته في شموخه كنه معزي
ملامح العود نفس الصوت والصوره
حنكه سياسه فراسه جده تهزي
في راسه اللي رغم صغره له حضوره
فيه الدها والصرامه هامة العزي
في مدرسة صامل السطوه خذا دوره
درس علوم السياسه والهدف رزي
وسياسة العود ابوه ورايه وشوره
حتى تعلا المنابر واتعب اللزي
في وسط ميدان طيبٍ ثبت جسوره
حرٍ اليا اهوا يجز بمخلبه جزي
كم واحدٍ من قوي عزمه بجد زوره
ومن رؤية المملكه كم واحدٍ فزي
فرحٍ برؤية وطن من درعه وسوره
اعطى طموح الشباب وهيبة معزي
له نظرةٍ جعلها ماتقصر شبوره
مستقبل بلادي اللي عزها عزي
اشرق برؤية وطن ماينطفي نوره
حر شهر للملا ماهوب متوزي
ورؤية وطن واضحه من راس اخو نوره

مبارك بن محمد ال عمار الدوسري

[خيال مطير]

http://alyamamahonline.com/repo/images/2568/201972414245142.jpg

انفكت السبحة وضاع الخرز ضاع
وبغيت ألمه يا سليمان وازريت
صار الذهب قصدير والورد نعناع
أنكرت ريحه مختلف يوم شميت
الباب طايـح والمسامير خلاّع
والحَبّ فيه السوس والفار في البيت
أمسيت أكيل الراي بالمد والصاع
قست الأمور وعفتها ما توريت
لا فاقد الحيلة ولا قاصر الباع
ويا الله يامولاي فيك استغريت
الذيب رزقه في مبادين الأرواع
وانا برزقي في زماني تعنيت
وانا مربّى من زمانـي ومطواع
ربتني الأيام حتى تربيت

هو الشاعر بديوي بن جبران بن جبر بن هنيدي بن جبـر بن صـالح بن محمد بن مسفر الوقداني السعدي العتيبي. ولد سنة 1244هـ بـ وادي نخب بالطائف (ويسمى وادي النمل) من بادية الحجاز، ولقب بشاعر الحجاز

[خيال مطير]

http://alyamamahonline.com/repo/images/2567/201971891512658.jpg

الله لَحَدْ ياما غزينا وجينا
وياما ركبنا حَاميات المشاويح
وياما على أكوارهن اعتلينا
وياما ركبناها عصيرٍ مراويح
وياما تعاطت بالهنادي يدينا
وياما تقاسمنا حلال المصاليح
وَرَاك تزهد يا أريش العين فينا
تقول خيّال الحضر زين تصفيح
الطيب ماهو بس للظاعنينا
إمقسمٍ بين الوجيه المفاليح
البدو واللي بالقرى نازلينا
كل عطاه الله من هبة الريح
يا زين يوم انك تبيح الكنينا
خليت جفن العين نومه شلافيح
يوم الفضول بحلتك شارعينا
بالشلف ينحونك سوات الزنانيح
يوم انجمر رمحي جذبت السنينا
وخليت عنك الخيل صمٍ مدابيح
هيا عطينا الحق هيا عطينا
وإن ما عطيتيناه والله لا صيح
أصيح صيحة من غداله جنينا
وإلا خلوجٍ ضيعوها السراريح
يا عود ريحانٍ بعرض البطينا
ومنين ما هب الهوا فاح له ريح
لا خوخ لا رمان ولا هو بتينا
ولا مشمش البصرة ولا بالتفافيح
وخدٍ كما قرطاسةٍ في يمينا
وعيون نجل للمشقا ذوابيح
صخفٍ بلطف بانهزاع بلينا
يا غصن موزن هزعه ناسم الريح

الشاعر الأمير بداح العنقري أمير ثرمدا

[عبدالله الصقري]

طيب يالجوهره يجي لك يوم
ههههههههههههههه

و جزيل الشكر ياخيال على ما تجلب لنا من درر الاولين و الاخرين

و جدي ماله حس و لا طاري من سرى بالجمس

المهم جالس اهوجس لحالي
و طرت لي هالأبيات
______________________________

( وحيد ) ماتعني ( لحالي
ألمح ظلالي سؤال
و ساهرٍ في ليل بالي
ملتهي ... ملهي
و نبضي مغترب
في عين غالي )
.. ( تعني )
انّي رامي ٍ بيـدينكم
قلبٍ عنيـد
و بـ صراحه
تعني اجرح
كل شريان و وريـــد
إيه يا جرح ٍ طرقته
تايهٍ يمّك طريق
يالصديق اللي صدقته
كيف لا خانك صديق
كيف لا صارت عيونك
تنطمس بالنور طمس
و كيف لا بشّرك باكر
بالرمس في جوف الامس !؟
فلا تصوغ لناظرك عقدٍ فريد
و لاتقول اسبق عذابي و انتحر
لا ما يفيد
وما يسمّى كل غرقان ٍ شهيد
..

[رحيل]

اللهم بك أصبحنا وعليك توكلنا

صباح الخيرات

[رحيل]

خبروني ياهل الدار وش بـه من جديد
لي شهر لا زول شفته و لا صـوتٍ حكا ​

الحمـام يجر صوته على خضـر الجريد
والحزين ان سمع صوته تهيّض واشتكا

//

[رحيل]

يالله يا معطي العطايا مراديف
ياللي ما تلحق مد جودك بمنه

ترزقني الخيره وزين التصاريف
ورضاك يوم رضاك مفتاح جنه

[عبدالله الصقري]

صباح الورد و الكادي

[ناصر الهواوي]

يازقينكم زقيناه
ــــــــــــــــــــــــــــــــــــــــــــــــ
‏
اقول والا بلاش اقول يكفيني=ما قلته اول وعن ما في ما اكفاني
ياتكة الصدر منك ويا سهر عيني=يعني تبي العين لجل عيونك اتعاني
وش فيك ساكت واناالمنكوب وش فيني==ارتاع لامن طيفك نوب وافاني
الهم لااقفى يدز اخوه وايجيني=وانتا ولا مسج من غيبتك ما جاني
لايصير طاري على بالك اتخليني=وان كان ذا صار انا المذنب وانا الجاني

‏

[عبدالله الصقري]

صح لسانك يبو عبيد
و مسائك ورد و جوري

[عبدالله الصقري]

تسالي

توك على بالي و فيك احلم
ويلآه صرت احلم و انا صاحي

حلم ٍ يعذّبني و أتألَّم
و حلم ٍ أحسه قمَّة افرآحي

__________________________

العقل ما يحتاج له ربع ساعه
في ثانيه تلقاه بالحب مسحور

أمَّا القلوب تفيض طيب وشفاعه
لكنها في الحب خفقـآت من نور

________________________________


جيتك أبـ ارسم شمعة آمآل .. احترقت
من قبل ما الكبريت يشغب شاعله

ياليتني الشمعه .. لو اني سنين ذبت
ما بين قلب ٍ يشتعل .. و مشآعله

____________________________

العذآب .. إن جَدَّد عهوداللظى
كيف تتخيَّل وفآه لـ قلب طآب

يا عذآبي آآه من قلب ٍ حظى
بالوفا من هآجر ٍ إسمه عذآب

كنّ قلبي هالرمآد من الغضى
حين شىآلته النسآيم لين غآب

_____________________________


أَخَـــذ تَفكِيرِي بْـ شُــوُفِــك مَــدَى أَبَعَــدْ مِن اَلتَّفكِيــر
وصَـل بِي لِاِشتِيَـآقْ اَدمَى فُؤآدِي وَاَتعَبْ اِحسَـــآسِيْ

أَحَــآوِلْ أَلـتِـهِـــي وَ اَسْـلَـى وُ لَكِنْ لله اَلـتَّــدبِــيِـــــر
بَـلآنِي بِـ اِنْـشِغَــآلِـيِ بِـكْ وَ اَنَـا بَين اَهْلي وُ نَــآسِيْ

حَـضَــر تَـهْـذِيِبــكْ وُ ذَوُقِـكْ وَ بَيَّنْ بُـعــدِكْ اَلتَّـأثِـيِــر
وُ فِعلاً يِنْفِـقِــد صَــآفِــي النّــوَايَـــا دُرَّ اَلاَلــمَـــآسِيْ

____________________________________



مايهمّني شْـ ودَّها نفسي
النفس بالسوء أمَّـــــاره

إن طعتها داربي الكرسي
و انعـدّ من نـاس غـدَّاره

إنتي غلاي وضيا شمسي
يا حب يكويني بــ نــــاره

لولاك ما غـاب هم امسي
يشهــد لي الليل واسرآره

___________________________

ما كنت اكآبر في محبَّتنا
وشلون ابـ اتكبَّر بتاليها

ترى الأسآسي في علآقتنا
إنّ الله اللي لمّنا فيه

_________________________

يا منادمن في تالي الليل سبَّع
نادمتها لاجلك و هليت دمعه

دمعن ليا من شافه سهيل يجزع
حتى القلم مشغول وياك سجعه

أتذكَّرك في كل ديره و مرتع
وكم مرةٍ أنوي لـ يَمَّتْك طلعه

مير الظروف القاسيه عنك تمنع
والا على لقياك للروح طمعه

دامك عرفت اللي دعاني بتنزع
جرح المعاني بين صفحه و صفعه

مما تشوف عيوني آنوح و اقنع
و ليا بغيت الدين ما طلت ركعه

أشوفك بديجور هالليل تشفع
بعيد لكن منك بالعين لمعه

و اشوف لي خلان للضيم تخضع
يبوني اخضع مير ما اطيق شرعه

أغيب والقاني على همي ارجع
على زمانن صعب ملّيت طبعه

باظلاعنا رمضاه تآآسَمْ و تطبع
و اقفى براد الليل بقفاي ربعه

و الوسم بالقاصين شفناه رتَّع
ما نتبعه ما يجهد البال تَبْعَـه

مضى علينا وقت بالقيض نشبع
و شرابنا من اللآل ما جف نبعه

لون الممات مبدِّدٍ زيف مدمع
و الشاهد اللي معتلي فوق سبعه

ما دام كلٍ صار للشر يجمع
مالي مع اللي يجحد الخير جَمعه

ومالي بالارض البور وان جيت ابازرع
زرعت حي الرمل واغليت طلعه

من لا يميِّز حاجته قبل يدفع
تلاه عوزن ليت يقوى لدفعه

قضيت عمري بين مفزوع و افزع
و اعدمني الوسواس ما نلت فزعه

و اصيح من علمن بغيناه ينفع
ما فادنا والجهل عَيَّنت نفعه

العاقل بهالوقت يا ناس يوجع
و ان راح للدكتور .. من غير رجعه

والله لو الجلمود يسمع لـ يسمع
من خافقي ونَّات ٍ تشقّ سمعه

فيها شكيت الجدي لنجوم سبَّع
حين الغرق ياليل باسباب دمعه

[النجلاء]

يالله انك تمسيهم بالخير والنور والسرور
صح الله لسانك يابو عبيد
وصح لسانك يالصقري
خيال يعطيك العافيه على التسالي الرائعه
جوجو ورحوله لاعدمنا اجمل وارق وجود يالغاليات

[النجلاء]

تسليه
جيـت المكـان اللي بدا حبنـا فيـه

وأمطـرته عيونـي بدمع الحنينـي

وشكيت له قسوتـك وإنكـار ما فيـه

يوم العهـد ويديك تحضـن يدينـي

تعتب علي معـذور بس الزعل ليـه

وأنا اعتـرفت بغلطتـي لك بحينـي

لو قبـلك أحدٍ قال حبيـت قلت إيـه

شف كيف حبك قادر يسـوي فينـي

هذا الدليـل السـاطع اللي لك أبديـه

إنـك تحكـم القلـب حكـمٍ متينـي

إلـى متـى نـاوي فـؤادي تعنيـه

تحرم عيونـي منك ياشـوف عينـي

عمري بلا قربك و شوفتـك ما أبيـه

من دونـك الدنيـا مـلل يا ضنينـي

[عبدالله الصقري]

تسلمي يالنجلا و مسائك ورد

[محمد الروقي]

صحة السنتكم
شعراء النخبه ماهي غريبه الجزاله
استمتعت بكل حرف جل التقدير والاحترام

[عبدالله الصقري]

ياهلا والله و غلا
منووووور يالروقي
صح بدنك و سلَّمك ربي
و لك جل الود و فآئق التقدير و الاحترام

[عبدالله الصقري]

ماش والله
رقووووووووووووووووووووووووود
ما هي عوايدكم
و لكن عزاي ان القمر لازم يغيب
و الشمس لا بد ما تشرق


صباحكم أنا ههههههههههههههههههههههههه

و هذي من الايام الحلوه لقيتها في إرشيفي
قلت نتسلى سوا
مدري والله من اكلم الحين
لكن للعموم الف تحيه
و للهواوي 10000000000000000000000000000
و لعيونه انشر و اتمنى تليق بذآئقته العذبه

حـآولـت ادآري كل نظـرآت شوقي
لين اْفْهَمَت مقصود عيني الخلآيق

و حآولت ياما تلمس ايديك عوقي
لا اَحيَتني كفـوفـك ولا فـآق فـآيـق

كآنك بـ طريا الشـوق زَيَّفْت روقي
أنـا بـ عـيـن الحب شفت الحقـآيـق

لو صرت رآضي منك يا خل بوقي
فيني صدى جرح ٍ من سنين ذآيق

منه المشـآعـر لا هَـدَت هـل موقي
و مـن ءآهتي بكّيت كل الـرفـآيــق

لـيـتـك تـحـنّ القـلب يـآ كـل ذوقـي
و تطوي بـ شفـآيفـك النديَّه وثآيق


من الإرشيف
14 محرم 1420 هجري

[عبدالله الصقري]

اليوم غلاق 3 ايام حبس

هل من كفيل
ههههههههههههههههههه

[خيال مطير]

صح لسانك يابو محمد
انا كفيلك اسر لاهلك ,
بس شوفو لي الروقي وهاتوه ترا دايم ينحاش من السجن

[خيال مطير]

تسليه
لغة القصيدة تفيد أنها من قصائد مطلع القرن الرابع عشر الهجري بحرها شيباني حجازي رددها الشعراء والرواة ونالت قسطاً وافراً من التشطير والمجاريات في سبك البحر؛ اختلف الكثير على نسبتها لشاعر بعينه وجاء الأستاذ السناني بمعلومة مفادها أنها للشاعر ابن عساف الجهني، وقالوا اسمه مرزوق.. وأوردوا شيئاً من شعره. لغته مخالفة للغة القصيدة بكل الأحوال.. وقال أهل نجد أنها للشاعر عبدالعزيز بن ناصر آل الشيخ، وتردد ذلك كثيراً.. وقبل ما يقارب نصف قرن سألت شعراء ذلك الزمان من كبار السن وكانوا يقولون إنها شعر حجازي منهم من يقول إنها لشاعر شريف ومنهم من يقول إنها لشاعر عتيبي.. ولغة القصيدة لا تخرج من مدار الأشراف أو العتبان. شاعر هذه القصيدة مقل وراحلة لغتها لم تردد.. ومع احترامي لكل الآراء إلا أن النص لغته حجازية صرفة وثقافتها بين القبيلتين وقد تعلق بترديدها السمار مثلما تعلقوا بقصائد الشريف وبديوي.. لذلك ذاعت شهرة القصيدة في كل زمان.. ومكان لأنها تحاكي واقع مكة والحجاز في مطلع القرن بذكر (المحمل) توقفوا عند ذلك كثيراً وكذلك الرمز في الاسم والمناجاة دلائل تؤكد ما ذهبنا إليه.. أما إيراده (ثلاب) عندما تكون القراءة لحساب الجمل يكون حساب الثاء 500 واللام 30 وألف واحد والباء اثنين يكون المجموع أحد عشر.. والقصيدة أيضاً أحد عشر بيتاً وما غير ذلك فلا .. هذا والله أعلم

سلام سلام يا جرة قدم ثلاب سلام
سلام لو كان جّره ما تردّين السلامي
سلام يا محمل اقبل ببنداره وخدّام
تفداه نمر السرايا من سروق ومن حرامي
يا مل عين تلد خلافها والدرب قدّام
ان كان تمّت على ذا الحال يا ما أطول سقامي
ويا مل قلبٍ من الفرقا يحن ويرزم ارزام
ارزام خلجٍ طلوع سهيل يوم القيظ حامي
يسقيك يا الديرة اللي ما بعد جيتك من العام
واليوم مرّت بي الغربة وابا أرد السلامي
قلت اقهر الزمل اوادع قال هيّا الدرب قدّام
الله لا يرحم الجمّال مدهون الرسامي
ان مت يا هلي تراني عند ابو خمسة عشر عام
اركى على الكبد حد ما توقيه العظامي
انوح عامين وأسلا يوم وابكي عشرة ايام
مليت لو محزمي زين البوازم واللزامي
يا من سميّه يجي بين الليال وبين الأيام
بقفاية الليل واقبال النهار من الاسامي
والاسم الاخر يذكر بالمدينة بندر الشام
ما بين جدة ومكة ما يجي درب المظامي
يا ليتني وياك يا ثلاب لاما لو مية عام
لو كان بالقبر عظمانك تلا يمها عظامي

[خيال مطير]

http://alyamamahonline.com/repo/images/2562/2019612114538532.jpg


أسامر صبور السمر والسامر يجر الويل
سمرت أسامر وسمري سمر لأجلي وهو داري
سري واستيسر الساير بسير الهم والتعليل
يسير السير لا سارت سيوره دوم بمكاري
عيونه عينت أعيان معينه بلا تبديل
عنينا من عيونه من عناها عميت أبصاري
خلا خيله خلال خلني خلوه يا أهل القيل
خلاه الخالي خبوتا خيالة كبس وأتواري
دوى دام ودامة دم قلبي ما يبي تعديل
دواير دمرت دارات دارت وسط مضماري
حكمني حكم حاكم واحكمه بالرمح ويا الخيل
حكمها واحتكمها واحتكرها بايع وشاري
جبرني جبر مجبورٍ جبره الشين والتمطيل
جبر جبره وجبره ما جبر والشعر ما باري
جميلاً جمله جلا جلاله جمله تجميل
جماله جامعٍ جملة جمال جميع الاقطاري
هواه أهواه هو الي هواه أقبله تقبيل
هويته ما اهتنيته لو هويت الذكر والطاري
عجل دامني عجلا على شوفك بلا تمهيل
تعجل وأعجل وعجل وخاف الواحد الباري
بحر ببحر بحور بحرها ما هوب نصف ميل
بحرها نبحره بحراب للكتاب والقاري
صبرنا صبر صبار صبر لا صار هم ويل
صبور صابر والدين خلا العبد صباري
زلازل زولها ما زال يزلزل فالحشا ومهيل
تزلزل واستزل وزان للمقرود مكساري
تقول القول قايل قال ونحافظ على التقليل
قليل قل قلة خير دامه زين مصداري
قدم تقدم قدمها قدمها للعز والتفضيل
قدي قدامها لو قدمها الأمواس وشفاري
تقفل قفل قلبي قفلتين وحكم التقفيل
قفلني قافل قفله يمين الدرب ويساري
نهبنا نهب نهاب يمش الخد بالمنديل
تهايتنا نهايب نهتني بالذل والعاري
تسيد يداً سيده يسوق الشرق للتنخيل
سيادة سيده سايد علينا دايم زاري
كفاهم كافي البيت الحرم من راكبين الفيل
كفاية كافي كفوفٍ تبهذل عود واصغاري
جميعٍ جمعنا جميعٍ يوفي حقنا بالكيل
جميعٍ نجتمع جمع ونكره كل الأشراري
يقوله قايلٍ قال الحقايق ما يبي تطويل
سلامي عد من صلى وزار البيت زواري
على من اعتلا واعلا وعلا شعر عالي حيل
سلام محترم ما يعجب الا زحول واكباري

فهد ناصر عبدالله الشبوي القحطاني

[عبدالله الصقري]

الله يسعدك يالأمير
قول آآآآميييييييييييييين

[عبدالله الصقري]

تعال وصلني ما معي جمس
هههههههههههههههههههههههههههههههههههههههههههههههههه ههههههههههههههههههههههههههههههههههههه

[عبدالله الصقري]

تدري ي خيال
لو في المنتدى 2 منك
كانت الدنيا بخير
انت لحالك مغرقها خير
كيف لو لك توأم
؟؟؟؟؟؟؟؟؟؟؟؟
والله احبك
ههههههههههههههههههههههههههههههههه

يسعدك ربي و صباحك أكاليل ورد