هنا .. سجن القوافي !!

[خيال مطير]

بالله اجبني لو ليانمت بالحلم=وارسل لي بما يثلج الصدر طيفك
والا على الهاتف ابي حامض العلم=هاذي لك خيارات وانتا بكيفك
ترا السكوت ليا تعدا المدا ظُلم=وانت تعرفني ما احتمل زود حيفك
كثر التغلي ما خبرته لكم سلم=والا مليت ايديك واشهرت سيفك
ذا جد ماهو مشهد مسلسة فيلم=ادهرت بي من عقب ما زان ريفك

[خيال مطير]

الله على اللي خدها نور براق=براق صيفن يشتعل في سحابه
الها من القبله ترانيم عشاق=تعزف بليلن عاشقه ماسرابه
ادلت على قلبن معنا ومشتاق=تجذب معاليق الخفوق برحابه
لين الخفوق من العنا خاطره ضاق=مشتاق للي صار سبت عذابه
ريميتن ماهازها كل تفاق=مسكانها جون حصينن جنابه
تبدي بمشراف الوفاء كل مشراق=مرقابها عالي ولاحدن بدابه
الها فناجيل الوفاء دوم تنساق=من نجد لين الروح يطواء كتابه
هذا الفراق وغير ذا مابه افراق=وعقب صبين مايثمن جوابه
اعلنت حبي وكتسح كل الافاق=والهجر والتزييف سكرت بابه
هواي صادق مسكنه جوف الاعماق=حبن خفوقي للمعالي سرابه
سكت سفر عاشق سرا لليل الاشواق=الصدق دربه والمحبه زهابه

[عبدالله الصقري]

السلام عليكم ورحمةالله وبركاته
صباح الخير
و الحقيقه
لا أجد ما أقول أمام هذا التواجد والإبداع من الكل
و أشكرك اخوي الناقد على اهتمامك - ولو انك رفيق سجني المفقود -
و الشكر موصول اولا لابوعبيد قائم مقام السجن و للكل بلا استثناء


إذا قالوا لمن تهدي صباحك
اقول لقآيد السجن العظيم

محبه صادقه جت من إلهي
و هو باللي يخالجنا عليم

ولا يكمل سوى باهل الرواسي
بلا فيروز .. بلا عبدالحليم
هههههههههه شطحه

ولا يحلى سوى باهل الرواسي
ولا يكمل اذا ماجات ريم

ولا له طعم لولا طبخ مهره
و جود الشامخه وشاهي المقيم

و سلوى القاف و القيفان و اهله
و دله فوحها هب النسيم

و جمره تلتمع في كف غاوي
لها طاري مع الذكرى أليم

سنين تمر لكن كيف ننسى
ترانيم الغلا و تحنان ديم

و صمت الشوق لا خان و فضحنا
و بيَن للصحيح و للسقيم

و همس النار لا سجَت بقلبي
و عاد لحضن دفتره القديم

وسلامتكم ...

[ريم الفلا]

قرارات أداريه , وصلتني اليوم الخميس من الاداره
1
يمنع دخول أي عضوه او , شاعره الدخول السجن الا بعد تفتيش ذاتي من قبل الخفير
2
أعفاء كل من شاعرة نجد وريم الفلاء وناصر عبيد الدخول السجن نظراً لكبر سنهم
3
يمنع منعاَ باتأَ دخول المأكولات السجن أو الشيلات أو المشروبات السجن , الا بعد أذن ألخفير . ودهن سيره ؟
4
سرعة ألقبض ع الناقد , ومحمد الروقي ودخولهم السجن لاتهم عليهم سوابق

5
ممنوع القهوه ,, والشاهي الدخول السجن , خوفاَ على مشاعر السجين


هههه يالله حسن الخاتمة بس
ماعليه دام اتقاعد مع نجد والهواوي انا بخير


ياسجن القوافي علم العود فالنسيان=مضى له شهر وشوي نفسه يصارعها
اشوفه بدا ينسى بعد كان ياما كان =غزاه الكبر وظروف الايام تتبعها
يقولون صابه شي ويقفل البيبان=واذا شاف لمبه قال منهو مولعها ؟
حياته غدت مثل المساجين والسجان=يسامر هموم الليل لا وقت مطلعها
نصيحه نصيحه يالهواوي رفيع الشان=تجدد حياتك قبل تفنى منابعها
كريم العطأ قد قيل يبقى الكريم معان=وانا اشوف شوفك قل والحق مسامعها

تراني أقشر

ههههههههه جازت لي احب كل شي ضد الهواوي
صح لسانك اثرك شاعر

[ريم الفلا]

يقول عبدالله بن طلال,
الله يرحمه و والدينا والمسلمين اجمعين

لا حـــول يـاريــم الـفــلا مـنــك لا حـــول
وش بــــك غـلـطـتـي غـلــطــةٍ مـطـبـعـيّـه

حزب الفلس ماينتصر لو على الحول
مـــــن خـلـقـتــه دايـــــم عــزومـــه رديّـــــه

لــو تنـفـع الطلـيـان مــع راعــي الـفــول
ان كــان جبـنـا لـــه مـــن الـشـبـك مـيّــه

لــكــن نــعــرف الــعــود لـلـشــر مـجـبــول
نــــاكــــر جــمـــيـــل وعــلـــتـــه ســرمـــديـــه

يـكـفـي مـــن الـدكــان كـرتــون مـعـمـول
حــتـــى ولـــــو مــاهـــي سـنــونــه قـــويـــه

ونادوا لـه الهاجـس يـزوره علـى طـول
الــلـــي يـــــدوس الــنـــار والــنـــار حــيّـــه

وقولـوا لشيـبـان الفـلـس راعــي الـمـول
عـــنـــده تـــجـــارب والــتــجـــارب غــنــيّـــه

الـعـشــق للـشـيـبـان مــاهـــوب مـعــقــول
نـتـايـجــه فـــــي كــــــل الاحــــــوال ســـيّـــه

يـاشـيـنــهــا شــيــنـــاه لاقــــــــام بــهـــلـــول
يــــرز عــمـــره فـــــي طــريـــق الـصـبـيّــه


قالت ريم الفلا

البال من ضغط الدوامات مشغووول
و مدحة . سواتي تعتبر عااالمممميه

شفهم بها فرحوا على راس ابو الهول
وناقص يسوّي حفله و مسرحححيه

مدحة عرب و الها مكااانه و مدلووول
حتى ولو هي .... غلطةٍ ( عاااايديه )

و الا الفلس من ماضي الوقت مذلول
يشحذ مدايحنا صباح و عشششييه

و العذر بعض احيان ماهو بمقبوول
لكن يا حزبي ما تحسسب خطططيّه

الاّ صدقه لو كااان من غير مفعووول
حزب الفلس مافيه حسنه و ، سسيّه

يكفي زعيمه ماء و حبةةةة بنادوول
راسه صديــــع و علتّه بااااااطنيّه !

وحزبه على حدّه هذا زبدة القووول
و نجلاء من الذمم الصريح محميّه

لوتنسحب منهم وتبعد عن الضّول
ززادت بحزززبي هيبه و مقدرريه !

قلت

ياكثر ماداامس مكدر ومغلول
من حزبنا خطرٍ عليه المنيه

زعيمهم يشره على الريم وتقول
مشغوله,وتبدي له المعذريه

والحق لو غطوه يظهر على طول
بصماتهم صارت عليهم قضيه

ياربعنا لايقصر الهرج ويطول
عندي لكم يوم اختلفتوا وصيه

ارضوا بحالتكم لو الحال مقبول
المنتصر عون الضعيف وخويه

هَدوا تراها ثورة اعصاب وتزول
وحنا ترانا نرفع المعنويه

الله عطانا وسعة صدور وعقول
ماهمنا طق الدفوف القويه

ننصب ونرفع بين فاعل ومفعول
ونصب هيل الكيف والنار حيه

المنتصر قصرٍ على العز مدهول
وله في سماا الابدااع روحه وجيه



يامال الجنه يابو طلال
ماشاء الله عليك يانجد حفظتي اكثر مني الله يسعدتس

[ريم الفلا]

الله يمسيكم بالخير والرضاء

ويديم حضوركم الجميل

الدنيش صح لسانك ومنور شاعرنا

الصقري صح لسانك حضور جميل شاعرنا

محمد الروقي منور يالشاعر


محمد الفراج منور زعيمنا ومثلك يفقد

الناقد منور وصح بدنك شاركنا شي من ٢٠٠
السجن عادي اي شي

الله يعطيك العافية وفعلاً المشاغل ماتنتهي ومعد نلحق الله يعين

[ريم الفلا]

اعتذر عن الغياب ماهو ودي لكن غصب عني ومتى ماحصل لي اي فرصة اكون معكم لاني ماستغنى عنكم
اخوان واخوات غالين علي




من الارشيف



‏الله يا ما اكبر غلاتك يا شهر { 7 }
فيك ابتدت ذكرياتي واوّل سنيني

لولا المخافه من المولى و ثم البدعه
كان احتفلت بقدومك مع محبيني

‏و اقول للناس مفترقه و مجتمعه
ما اكره احد بينكم قاصي و دانيني

و لا كل الأحيان تلقى الواحد بطبعه
احياناً الضيق يخنقني و يبكيني

ما ودّي بكره احد و الظن متّبعه
لا يدخل الظن ما بينه و ما بيني



يقولون اللي من مواليد شهر ٧ شيبان مقولة متداوله
ههه مدري وش صحتها

[الشامخه]

هلاوالله بالجميع،،
صحت السنتكم ابدعتم كالعاده،،
وصح ذوقك ي جوج واهلين رحيل،،
خيال اثاريك شاعر ي ليتك دايم تقصد،،
اعجبتني ابياتك عزالله انك صدقت بها،،
ريوم ي هلاوغلا والله ارحبي،،
نورتي والله وفاقدينك حيل،،
ههههههههههه من مكذب عليك،،
مواليد شهر 7اجمل والطف مواليد:)
عشاني منهم>>~يشين الثقه الزايده:(

[الشامخه]

مساءكم رضا وراحه من ربٍ رحيم..
‏
فدَتْهُ نفسي .. فما نفسٌ تُشـابِهُهُ
‏ ما مِـثلُهُ بَــشَـرٌ .. والنَّـاسُ أشْبَـاهُ

‏القـلبُ حَنَّ لهُ .. والعــينُ ترقُبُهُ
‏ صَلُّوا عليــهِ .. فقد أوصـاكُمُ اللهُ

‏صلوات الله عليه
،،،،،،،،،،،،،،،
‏يا شاكيَ الهمّ العظيمِ وترتجي
‏لِزوالِ همّك بَلسمًا وعِلاجا
‏.
‏وتَوَدُّ غُفرانَ الذنوبِ جميعها
‏وشفاعةً يومَ اللّقا وحِجاجا
‏.
‏رطّبْ لسانكَ بالصّلاة على النّبي
‏تلقَ السّعادةَ والثوابَ نِتاجا
‏ﷺ

،،،،،،،،،،،،،،،
‏حتى وإن بدَت السماء بعيدةً
‏ إنّ الذي فوق السماء قريبُ
‏فارفع يديك إلى الإله مناجياً
‏ إن الجروح مع الدعاء تطيبُ
‏ماضرنا بعد السماء وإن علت
‏ مادمت يارب السماء قريب ُ
‏
‏ ( الشافعي ، رحمه الله )

،،،،،،،،،،،،
‏كالغَيثِ ذِكْرُكَ يا حَبيبي لمْ يَزَلْ
‏ يَسْقي القلوبَ مَحَبةً ونَعِيمًا

‏ يا سَيّدَ الثقلينِ حُزتَ مَكانةً
‏ ومقامَ عِزٍّ في النُّفوسِ عَظِيمًا

‏ يا مَنْ سَلَكتُمْ نَهْجهُ وَسَبيلهُ
‏ "صَلُّوا عَليهِ وَسَلِّمُوا تَسْلِيمًا

‏{ ﷺ }

[ناصر الهواوي]

السلام عليكم ورحمة الله
وعسى ماهو بزوالكم هالتواجد الغريب العجيب
لو ديت خليتها معكم سهره
من ناحية الاقتراحات والتطوير بدون شك مطلوب ومرغوب
لكن بدون تواجد وحضور وتفاعل لايمكن يصير شي
صراحة قريت كل حرف انكتب واعجبت بما قدمتموه
الروقي هلا فيك بعد طول غيبه وصح لسانك
الناقد هلابك ما احد طلب منك مرابطه اربع وعشرين ساعه قلنا نظره ولو جبر خاطر اقصد لو مره بالاسبوع او مرتين الحكام يكشتون ههههه
اهلا يابو فيصل وين الغنايم
الخيال هلابك هههههههههههههههههههههههه
شاعرتنا العاصفيه لله درك وصح لسانك ورحم الله ابو مشعل رحمه واسعه وعموم المسلمين
اهلا ياريم نفس كلامي للناقد يمشي على الجميع
ارحب يابو عامر وصح لسانك
اهلا برحيل وحييتي يالعاصفيه
مرحبا بالشامخه وصح لسانك ونقلك
مرحبا يالجوه ودمتي وسلمتي
الصقري يابعدي هذا من كرم اخلاقك واصلك يالقرم
وعذرا اذا نسيت احد

[ناصر الهواوي]

خفير السجن من عندكم هالعشي مسجون=اذا السجن خالي حط ريمه بزنزانه
لعل الرواعد لا دروا بالسجين ايجون=وانا عارفٍ لاخير فيهم/للأمانه
وجيبو لها يا اهل المطاعم ثلاث صحون=محشي مع مشاوي طازجه شغل فنانه
وبالثالثه كوبين نعنع مع الليمون=وتفاحه وموزه وكاكا ورمانه

[خيال مطير]

خفير السجن من عندكم هالعشي مسجون=اذا السجن خالي حط ريمه بزنزانه
لعل الرواعد لا دروا بالسجين ايجون=وانا عارفٍ لاخير فيهم/للأمانه
وجيبو لها يا اهل المطاعم ثلاث صحون=محشي مع مشاوي طازجه شغل فنانه
وبالثالثه كوبين نعنع مع الليمون=وتفاحه وموزه وكاكا ورمانه

صح لسانك يابو عبيد
لكن أسمحلي ريمه , ماتدخل الزنزانه الا تحت أشراف طبي , والخفير غير مسؤل عنها
بعد قرارات الادراه أعفاءها من السجن
عندها سكر وظغط وهشاشه في ألعظام
زيــك انت وشاعرة نجد
حطو الروقي محلها ,

[الجووهره]

هلا بالجمييع
وصحت الالسن والاذوآق
ودآم حضوركم الجميل وابدآعكم

شاعرتنا الراعديه ريووم
هلااا بك منورره وصح لسآنك مليون
مبدعه في قديمك والجديد
وصح لسآنك شآعرنا الهوآوي
على الكفآله الرآئعه
ومبرووك الحريه الصقري
ومنوره السجن ريووم وابشري بالتسآلي

[الجووهره]

وأول التسآلي
لشاعرتنا الراعديه ريووم
وللجميييع



اعلمك عن درس ... فن التعامل
واليا فھمت ​الدرس يلزمك .. نقله​

اضحك وغض ​الطرف واصفح وجامل
واعط ​العرب كلن على قد ... عقله

....


العفو في كل حالاته هو الاجمـل
والناس بتموت وبتبقى سوالفهـا

لا جاتك السالفه على كذا محمـل
خذها على النيه الزينه وطوفهـا

......


ما يزعج النفس الا بعد غاليها

ولا يسعد القلب الا شوفة احبابه

.....



مَنْ أَتْعَبَه صـَمْت الجـفَــا لاَ ينَــادِي
أَصْعَب شُعُور" اْن قِيْل صَوْت الغَلا خَاب "
والقَلْب الاَبْـيَـض بالزّمَـان الرّمَــادي
يَشْبَه ضَيــاع الْحَـقّ فِي وَقْت كَــذَّاب

[خيال مطير]

الجو عجعج والعواصيف صلفه=نقول تسكن بعد لحظات واتزيد
وليلي ضوى في خير والنفس حرفه=اريد شي ولا اعرف ويش انا اريد
يالهجس شف لي بالتماثيل صرفه=قبل يجيبن الطواري بي العيد
لاعاد شوفي له ولاعاد عرفه=حيث انه الحقني بصف المقاريد
قال اشرب النعناع وشوي قرفه= نفسيتك ترتاح وجنونك اتهيد
والكركديه اللي قبل يوم خرفه=قوله غشش /شربت ذولي تراديد

[ناصر الهواوي]

طيب يالخفير طيب
ــــــــــــــــــــــــــــــ
كنت ناوي اعلق على كلام ريم ونسيت
تقول يقولون مواليد شهر سبعه شيبان
نعم معهم بعض الحق والسبب قديما ايام التابعيه وقبل شهادات الميلاد اذا اراد احد اضافة ابنه اوبنته قالو متى تاريخ ميلاده
قال ما ادري لكنه بعام كذا سنة الجرب او الغرق او الشبك او او................
يقولون بشهر كم ما يعرف كان فيه امر لتلك الحالات ان يسجل 1/7من عام كذا فهاءولا اكيد شيبان الآن عسانا ما حنا منهم هههههههههههههههه

[ناصر الهواوي]

لو حسيت طعم اسمي بفمك مذاقه مر=اعلك بعده قرنفل ومن بعد ليمونه
يعقم لهاتك ياعسى ما يجيها شر=ويسعد بذكر اسمي ربوعٍ يحبونه
اشوف الوزى واجي لشوفك وانا مضطر=وابا اصد عنكم والاباليس ملعونه
يقولون من لا ضر لا ترتجيه ايسر=ومافات من صبري رجا اللي يقولونه
او قل لي معلق خزن بين الشفا والدر=بجلد ارنبه وانجن لحظة يهزونه

[محمد الروقي]

تقولون سجن المنتدى وجهل السجان
ونا الي غدالي كم سنه ساجنن روحي
اسج القدم ومشي ولا ادري منين وان
وهل ا لدموع الي غدت غاز لجر و حي
يقولون وش جايك وقول البكار اسمان
ا غير نحا هم كن ا ذ ا ني ما تو حي
الا يا وجودي وجد و رع مع ا لورعان
يحس ان ماله فا لعا بيب مصلو حي
تحده عجوز شر في و ليت ا ليتمان
ولدها على كل العابيب مشفوحي

[ناصر الهواوي]

صح لسانك ياراع البل

ياراع النياق ارجوك طالع براع الضان=لو ان التعادل بين الاثنين مرجوحي
الاول يدوهي للاباعر مع الخليان=والآخر يجيب الراعبيات بالنوحي
ليا بركن شباع غنا وهو طربان=وذكر عقب سجه من خذا القلب والروحي
تمالكه يوم احال واحالن النسيان=حوالي ثلاث شهور ما اوحيت له بوحي
هذا لو تمترس في وسط مرتع الغزلان=بيده المقمع ما جفل منه مملوحي
لو شب الفتيل وثوعت بندقه دخان=قال ادنا ضبي قم لاعدمناك مسموحي

[ناصر الهواوي]

هيهات ان عقبت الصيدليه هذي هيهات=لاتطري مشينا حملتي عندها امقيمه
ابا آاااقف على هالباب وابا آخذ الوصفات=وابا ادخل وابا اصرفها لهم وادفع القيمه
اخدم البشر لو مكسبي سيه وحسنات=وآخذ واعطي علومه وانفذ تعاليمه
الا يامليح القد ياسيد الخفرات= ليا شفت من هو ذاب بك خل بك شيمه

[محمد الروقي]

صح لسانك ياراع البل

ياراع النياق ارجوك طالع براع الضان=لو ان التعادل بين الاثنين مرجوحي
الاول يدوهي للاباعر مع الخليان=والآخر يجيب الراعبيات بالنوحي
ليا بركن شباع غنا وهو طربان=وذكر عقب سجه من خذا القلب والروحي
تمالكه يوم احال واحالن النسيان=حوالي ثلاث شهور ما اوحيت له بوحي
هذا لو تمترس في وسط مرتع الغزلان=بيده المقمع ما جفل منه مملوحي
لو شب الفتيل وثوعت بندقه دخان=قال ادنا ضبي قم لاعدمناك مسموحي

صح لساانك يابو عبيد
وفيت وكفيت يسعدلي قلبك

[محمد الروقي]

يابو عبيد الضلوع العوج موجوعه
سود الليالي عن المجمول حدني
الي فرز عن جميع البيض بطبوعه
يقرعله القلب تقل قراعت الشني
انا اشهدنه على قول الحضر روعه
يبرم سلوك الضماير برمت الفني
خطير تجرح خدوده هلت ادموعه
ياحمس روحي عليها حمست البني
يابعد داره وصولي عنه مقطوعه
مالي جد ا غير ارد ا لقا ف وغني
وشلون ابصبر ونفسي تقل منزوعه
نزعت فروخ القطا من قبل يردني
عرضلهن فرخ حرن مهلكه جوعه
لين اعرضن عن نحا الميراد وقفني
كيبورديه

[الجووهره]

شآعرنا الهوآوي
الشاعر محمد الروقي
مبدعين صحت الالسن
ودآم حضوركم الجمييل
ودااام ابداااعكم

الخفير. خيآل
صح لسآنك او يسلم ذووقك
على الابيات الرائعه ودام حضورك وابدآعك

[الجووهره]

يابو عبيد الضلوع العوج موجوعه
سود الليالي عن المجمول حدني
الي فرز عن جميع البيض بطبوعه
يقرعله القلب تقل قراعت الشني
انا اشهدنه على قول الحضر روعه
يبرم سلوك الضماير برمت الفني
خطير تجرح خدوده هلت ادموعه
ياحمس روحي عليها حمست البني
يابعد داره وصولي عنه مقطوعه
مالي جد ا غير ارد ا لقا ف وغني
وشلون ابصبر ونفسي تقل منزوعه
نزعت فروخ القطاء للورد وردني
عرضلهن فرخ حرن مهلكه جوعه
لين اعرضن عن نحا الميراد وقفني
كيبورديه


بما اني حضريه باقول
رووووووعه هههههههه
وصح لسآنك ويعطيك العآفيه

[الجووهره]

تسآلي من الذآئقه
للسجينه الجميله
وللجمييع

ياليتني طيرٍ بلا خيط وسبوق
لامن نوى له ديرةٍ جا هواها
واطير بالجنحان واضفها فوق
وابعد عن هموم الحياة وغثاها
...

-

توسَد الغيم ، يا احساسي النادر
‏مكانك آلغيم دون آلغيم لاترضى .
....



كسر الجناح اكبر مصيبه على الطير
وعلى البشر ... ياقو كسر الخواطر

....

‏بعض الشجر لو يبطي الغيم ما أسقاه
‏يموت راس الغصن ... والجذع نابت

‏مثل الكفوو ... صلف الزمن لو تحداه
‏تشوف حاله شين ... والطيب ثابت

[خيال مطير]

تسليه
قصيدة هايف بن نعيم المطيري

https://66.media.tumblr.com/tumblr_m0rllrxzC61rqa1l4o2_500.jpg

يا هيه يا هل السبرمان المظلّي
شكلين لا بسود ولا بحمر اللــــــون
شكله رهيب وما قفه مستقلي
متخيرينه من يجي نص مليـــــــــون
مدبح مثل خربٍ وقف مستذلي
جوه القنوص وطالع الصقر بعيون
ينزل إلا طقه تراخي وذلي
والموت في كف اشقر الريش مضمون
عبارتين وكامل الوصف فلّي
شد الخواجه والكفرات بيلون
متانته بالكاندس ايت مللي
والحجم تسعميه من النوع نشلون
حجم المكينه زايدٍ ومتعلي
أربع مياته .. زايد اربع وخمسون
قيره ثلاث تروس والرابع اللي
مفهوق قيره في يمين الدركسون
ماطِقّ بالهوبات رمان بللي
ولا هرّبت صوفه ولا صوت بنيون
وقفت أطالع منظره جايزن لي
ضحكت في حال .. وفي حال مغبـــــون
واثر الظبا من داخله ينظرن لي
آنا أتفرج والعذارى يشوفــــــــــــــون
تباينن بكفوفهن وكتبن لي
(هاو أر يو؟) .. وكتبهم يوم يقــــــــــرون
تكفون يا ذول الظبا وضّحن لي
(هاو آريو) .. وشهو؟ .. وش تقولــــــون؟
قالوا ورآك لكتبنا ما تحلي
نرطـن رطينة ما نباههم يعرفـــــــون
وأقول يا سيد الظبا ما حصلي
شهادتك علــيا وأنا كتبـــــــــــــي آدون
خلو الكتابة بالعيون ارمزن لي
والله اعلم .. عن منطق الأعين الخــــون
عين ترمّز لي .. وعين تحلّي
ما فيه داعي هرجنا رمز بعيــــــــون
بالله يا سيد الرعابيب قلّي
وين البلاد اللي بها اهلك يحلّون؟
تفضلن يا شاطرات أوصفن لي
الحي.. والشارع..ورقم التلفـــــــــــون
قولوا بوصفه يا حبايــب ندلّي
نمرّكم يا زين .. ولا, تمـــــــــــــــرّون


أربع مياته .. زايد اربع وخمسون > يعني 454

[الجووهره]

من مدلي من طارف الورد ورده
اهديت له من غالي الورد بستان
ومن صب لي فنجال طيبه ومده
صبيت له دله.... بدل كل فنجان

صبآآآحكم ورررد

[ريم الفلا]

هلاوالله بالجميع،،
صحت السنتكم ابدعتم كالعاده،،
وصح ذوقك ي جوج واهلين رحيل،،
خيال اثاريك شاعر ي ليتك دايم تقصد،،
اعجبتني ابياتك عزالله انك صدقت بها،،
ريوم ي هلاوغلا والله ارحبي،،
نورتي والله وفاقدينك حيل،،
ههههههههههه من مكذب عليك،،
مواليد شهر 7اجمل والطف مواليد:)
عشاني منهم>>~يشين الثقه الزايده:(

ههههه يازينك ياشموخة الا يازين الثقة الزايدة
ويازينك منهم لبى قلبتس ولاهنتي

طيب يالخفير طيب
ــــــــــــــــــــــــــــــ
كنت ناوي اعلق على كلام ريم ونسيت
تقول يقولون مواليد شهر سبعه شيبان
نعم معهم بعض الحق والسبب قديما ايام التابعيه وقبل شهادات الميلاد اذا اراد احد اضافة ابنه اوبنته قالو متى تاريخ ميلاده
قال ما ادري لكنه بعام كذا سنة الجرب او الغرق او الشبك او او................
يقولون بشهر كم ما يعرف كان فيه امر لتلك الحالات ان يسجل 1/7من عام كذا فهاءولا اكيد شيبان الآن عسانا ما حنا منهم هههههههههههههههه

هههه اي والله سنة كذا وسنة كذا
انت سنة كم يالهواوي هههه
لاهنت على المعلومة شاعرنا

[ريم الفلا]

ياروعتكم ويازينكم كل أبيكم

وصح لسانك يالروقي
وصح لسانك يالهواوي

الجوهرة / خيال

لاهنتوا على الذائقة
خيال زودنا قصايد في الهواوي



الهواوي لاشافني سجني
بس انا مكلفه الروقي بالسجن لاني خارج نطاق التغطية
ومعفية حسب القرارات هههه

[ناصر الهواوي]

صح لسانك يالروقي
اهلا يالجوهره

احال وانكف من المحوال في طوعه=ما ادري طراله حسين الدل وانجني
قال الوطا ادهر ماعاد يسد جربوعه=واللي لفو يذكرون ذبابه يغني
العشب كبر القشع والارض مرجوعه=والبل ليا روحت من طيب تستني
يجي بمن قلبه اخضر لا ذكر فوعه=ولا يرعوي لو نصحته هنه وهني
قبلك يابن روق كبد العود ملطوعه=ليا تذكرت اعض الاصبع بسني
من غادةٍ نادره بالوصف مربوعه=كما جرس ياسر بصدري لها دني
تقول وصلي لمن عندي لحس كوعه= وكان انت ما تقدر تسويه رح عني

[ناصر الهواوي]

اهلا ياريم ومرحبا
وش تبين بتاريخ ميلاد بغيت ارسل لك على الخاص صورة البطاقه هههههههههههههههه
والله كبير شوي يابنت العم لكن ابشرك
ان قلبي شباب وجسمي شباب وكذلك فكري من فضل الله ما اكره احد الا اني بعد ربعي الله يرحمهم اللي فارقوني صرت احب الوحده بالمزرعه انا وجنيتي على راي الربع هههههههههههههههههههههه
اتسلى معكم بلمنتدا الرايع بس اشوف الامور بينا بين

[محمد الروقي]

تقول وصلي لمن عندي لحس كوعهوكان انـت مـا تقـدر تسويـه رح عنـي

البيت بعاليه عن اربعين قصيدة للروقي هههه صح لسااانك لين تقول كفايه

[محمد الروقي]

صح كلك ياريم عساك ماتغيبين من شر
واصلي تراني احب الكثره سمعتيني لا تغيبين

[محمد الروقي]

[quote=الجووهره;575178]بما اني حضريه باقول
رووووووعه هههههههه
وصح لسآنك ويعطيك العآفيه[/quot
الله لا يخلينا من تواجدك ياحزريه
وصح كلك عن كل باس يام قلب الماس

[محمد الروقي]

صحت السنتكم جميع
مروري وشرطتي وكل تقديري

[ناصر الهواوي]

اثر راع النياق العفر افندي=وما عنده حشا ماهوب عندي
بهرني يوم برقت بكلامه=وسكتت من الخجل لا آخذ ولا ادي
كلامه هاي هاي الله يحفظه=حريص ولا ترك همسه تعدي
سويكت ما نبس في بنت شفه=يشد امع الرخا وارخي وشدي
احسبه من هوى الخفرات خالي=ولو مرت لميسه به يصدي
ياما تحت السواهي من دواهي=اثر قلبه اسبي من عصر جدي
عتلتي في يدي باقلع فسايل=يمين يسار ما ادري ويش ابدي

[خيال مطير]

اثر راع النياق العفر افندي=وما عنده حشا ماهوب عندي
بهرني يوم برقت بكلامه=وسكتت من الخجل لا آخذ ولا ادي
كلامه هاي هاي الله يحفظه=حريص ولا ترك همسه تعدي
سويكت ما نبس في بنت شفه=يشد امع الرخا وارخي وشدي
احسبه من هوى الخفرات خالي=ولو مرت لميسه به يصدي
ياما تحت السواهي من دواهي=اثر قلبه اسبي من عصر جدي
عتلتي في يدي باقلع فسايل=يمين يسار ما ادري ويش ابدي


صح لســــــــــــــــــــــــــــــــــــــــــانك يابوعبيد

[نور]

تبي تعرف اللي مع الوقت مايروح
‏اهل الوفا لاهل الوفا دوم .. يوفون
‏وتبي تعرف اللي مع الوقت مفضوح
‏اهل المصالح لاقضوها .. يروحون

[الشامخه]

‏⁧‫#ابن_دغيثر_vs_الدبوس‬⁩

‏بشر ( عتيبه )بفوزن يستحقونه
‏ونصرن مؤزر وميقافن يجملنا

‏جوايز الفوز للعتبان مضمونه
‏كن المزاين ليا جينا مزاينـآ”""

[نور]

مساااء الخير للجميع

[ناصر الهواوي]

هههههههههههههههههههههههههه
اهلا يانور نورتي الحته لو مسيتي بالخير قبل البيتين واللون الاحمر كان افضل/مجرد وجهة نظر
الخيال صحيت كلك
الشامخه تسلمين والمزاين مزاينا مافيه شك ههههههههههههههه
ــــــــــــــــــــــــــــــــــــــــــــــــــ ــــــــــــــــــــــــ

على الهون لاتلعب بطلع النخل يالريح=عسى من ومر هوج الهبايب يسكنها
قلنا الظهر قلنا العصر قلنا المسا تطيح=ولازال السعف شيلة تصبر يهيجنها
الا واهني اللي جليسٍ لها ومريح=ليامن صفق باب الهوى جاء يطمنها
على قولة ابن سرور ما فيه هبة ريح=دبل كبدها شوفه وعينه تعاينها
ياويح القلوب الخضر لاسلهمة ياويح=خطاة الهنوف برمشٍ يغطي وجنها
ابن الباديه لو شافها ما بده يطيح=ويعذر بوضحه لو تبخص مفاتنها

[ناصر الهواوي]

شوفوا هل التجديد عنا غدو وين؟=ارباب الاريا سادة الاقتراحات
اتلا العهد فيهم عشيه مقفين=راحت بهم لقف الطواري ولا جات
وحنا نردد عين ياليل ياعين=ونرسم من اجزال التماثيل لوحات
العاصفيه وين؟ريم الفلا وين=والناقد وصالح وخيال سفوات
والشيخ ابن صقري ما بيَّن لهالحين=وان قلت ابو بندر فهيهات هيهات
نبي الكلام الحلو والمنطق الزين=لو التواصل عبر موجة عربسات
هجن الشعر ما ادري اتبرك بنا وين=واهس هجوس القاف من فعلهم مات

[محمد الروقي]

اثر راع النياق العفر افندي=وما عنده حشا ماهوب عندي
بهرني يوم برقت بكلامه=وسكتت من الخجل لا آخذ ولا ادي
كلامه هاي هاي الله يحفظه=حريص ولا ترك همسه تعدي
سويكت ما نبس في بنت شفه=يشد امع الرخا وارخي وشدي
احسبه من هوى الخفرات خالي=ولو مرت لميسه به يصدي
ياما تحت السواهي من دواهي=اثر قلبه اسبي من عصر جدي
عتلتي في يدي باقلع فسايل=يمين يسار ما ادري ويش ابدي


‏
انا ودي ولاكن كيف ودي= اخاف الحق يلزم لو اصدي
علومك ياكبير القوم زانه=سلام الله عليك وهاك ردي
اجازه معي قلي ويش اسوي=ونا ودي وودي ثم ودي
يعود الي الزمان الي مضالي=مع الي لشقر القذله تكدي
غنو ج و ا ه تكفا يا لهو ا وي=تحد ا با لحلا لكل ا متحدي
صغير ة سن يا و يلي عليها = ولا عنها على القلب امتبدي
بها شي عجيب لو عر فته = خليط العود مع عنبر وندي
وبها وصف وتدري كيف؟ وصفه=مصايب لا تلوم الي متردي
و بها غنج وطبع يا حليله = ليا قفت تبيح كل سدي
طلبتك يالهواوي بس كافي=بعد ذكرتها وصلت حدي
‏

[مهرة يام]

السلام عليكم
مساء الورد
صحت الالسن والاذواق
لاهنتوا

[شاعرة نجد]

شوفوا هل التجديد عنا غدو وين؟=ارباب الاريا سادة الاقتراحات
اتلا العهد فيهم عشيه مقفين=راحت بهم لقف الطواري ولا جات
وحنا نردد عين ياليل ياعين=ونرسم من اجزال التماثيل لوحات
العاصفيه وين؟ريم الفلا وين=والناقد وصالح وخيال سفوات
والشيخ ابن صقري ما بيَّن لهالحين=وان قلت ابو بندر فهيهات هيهات
نبي الكلام الحلو والمنطق الزين=لو التواصل عبر موجة عربسات
هجن الشعر ما ادري اتبرك بنا وين=واهس هجوس القاف من فعلهم مات


على عجله:smile:

الربع موجودين لكن مْهدّين
والناس يالشاعر طبايع وعادات

أحزابنا حنا نْعَرفهم مْن سْنين
ذا طبعهم غيّاب في كل الاوقات

ياما كتبنا من جديد ودواوين
بموضوعنا هذا جزيلات الابيات

ماردّهم يالقرم صوت المغنين
كلٍ على فاله والايام عجلات

واما انا وريم الفلا فيه,حيين
تشهد لنا فالسجن صفحات صفحات

بالله رح وانشد عموم المساجين
كم قاف شعرٍ غنته نجد بالذات

[الجووهره]

يامسآء الخير من بعد السلآم
ويا مسآء الذوق ي أهلا هلاا
يامسآء الورد للنآس الكرآم
يامسآء الشوق وحروف الغلاا

مسآء الخير والورد وكل شي حلوو
وصحت الالسن شعرآء وشآعرآت ومتذوقين
ودآم حضووركم وابدآآعكم

ومبرووك الفوز والمركز الأول
شموووخه والجمييع

[عبدالله الدّنّيش]

السلام عليكم ودام حضوركم

‏

والمعذرة يالربع وأنتم سلاطين = حضوركم وافي ومنا تحيات
يا ليت نعرف دربكم والعناوين = والله لنعطيكم من الورد باقات
وتستأهلون الكأس مال المزايين = وعشرين وضحا للهواوي منقّات
‏
وسلامتكم وصحت السنتكم جميع

[الجووهره]

تسآلي منتصف الليل


بعض البشر يعجبك حتى احترامه
وتحب فيه .. اجمل صفاته ..وَ ترتاح
ان غاب .. تشفق .. في لقاه .. وسلامــه
واليا حضر همک من القلب .. ينـزاح

...

العمر مرّه والقلوب البيض ماتبغي دليل
والناس لاطابت نواياها تطيب حظوظها

،...


هذي هي الدنيا .. نصيب ومقادير
وبعقل من يعرف مداها .. قصيره

كـم غلفت بالشوك .. ورد المشاوير
وكم كفنت بالجرح .. قصه مثيره
....

حلو الكلام يثبته حلو الأفعال
ولّا الكلام الزين .. كلّ ٍ يقوله
ما كل مايطري على البال ينقال
الصمت في بعض المواقف بطوله

....

‏مدري السهر بلوى وفيه إبتلينا

‏وإلا ظلام الليل حنا " عشقناه

[خيال مطير]

يامسآء الخير من بعد السلآم
ويا مسآء الذوق ي أهلا هلاا
يامسآء الورد للنآس الكرآم
يامسآء الشوق وحروف الغلاا

مسآء الخير والورد وكل شي حلوو
وصحت الالسن شعرآء وشآعرآت ومتذوقين
ودآم حضووركم وابدآآعكم

ومبرووك الفوز والمركز الأول
شموووخه والجمييع

المركز الاول وشو

[خيال مطير]

السلام عليكم ودام حضوركم
والمعذرة يالربع وأنتم سلاطين = حضوركم وافي ومنا تحيات
يا ليت نعرف دربكم والعناوين = والله لنعطيكم من الورد باقات
وتستأهلون الكأس مال المزايين = وعشرين وضحا للهواوي منقّات


وسلامتكم وصحت السنتكم جميع


صح لسانك

[خيال مطير]

يالخفير اللي على سجن القوافي=فك باب السجن والمسجون فكه
جيبك اللي له ثمان ليال طافي=شغله من شرق ثم ناحر لمكه
واخذ معك من الكلبشات النضافي=واحضر اللي كل يوم يشوح سكه
شاعرٍ شعره ماجاء فيه اختلافي=اشهد ان البيت لالزمه يحكه
نوب اقول بخير طيب ومتعافي=ونوب اشوف الضيق في صدره يدكه
ماشكالي يومها شهبٍ عجافي=وهالحينه عنده من السمن عكه
وكان في قلبه دواسيس وخوافي=وش بلاه يحدهم ماعنده اكه
وان بلاه الله بمزيونٍ وجافي=علموه يدز لي رقمه ونكه

[خيال مطير]

الاول : اهلال عايض دغيثر العتيبي
2 : دبوس مبارك عبدالله الدبوس
3: فهد عبدالله الشريع
4: محمد ناصر حسن العجمي
5: غازي صالح العتيبي
6 : محمد فواز الويط
7: فايز حمدان السبيعي
8 : سعود فالح السبيعي

حراميه ألعتبان

[عبدالله الدّنّيش]

الليلة بالصدفة لقيت فلاش ميموري قديم وذكريات أصحاب وشعراء
في منتدى .. أسمه ضي الحروف لصاحبه الأستاذ جبران العتيبي
( المنتدى ألغاه منذ فترة طويلة) وأنشغلت بالقراءة وسأنقل
قصيدة ومجاراة مع الشاعر / سهيل الله يذكره بالخير والجميع ،،

يقول سهيل ويشكي الحال لأبن عمه مقدام

‏
ذكر الله أول ونبدأ به وواجبنا= ذكر الله أبدى من الكاتب ومكتوبه
تبنا يمقدام من طرد الهوى تبنا= ما باقي الا نقول ونعلن التوبه
رحنا وجينا وشرقنا وغربنا= وأقدامنا حفيت من الحب ودروبه
قلي يمقدام يابن العم وش جبنا=يالله تسامح سهيل وتغفر ذنوبه
والرب من فوقنا دايم مراقبنا=وذنوبنا في الصحايف دوم مكتوبه
عبلة وليلى ومي وهند مع لبنى=في حبهم يا صحيبي أكبر أكذوبه
أحدٍ مصدق وأحد يمكن يكذبنا= يقول هذا سهيل ونعرف أسلوبه
دون الثريا ركز ساقه وحاربنا=لو تاب يمكن جلكسي تاب محبوبه
واليوم مهموم ما فادت تجاربنا=دوبه درى الشاعر العذري بعذروبه
ما غرنا في الزمان إلا مواهبنا= والله ما حققت لسهيل مطلوبه
إلى متى لين ما تنزل حواجبنا= ما نتعظ والمصايب أكبر أعقوبه
يالله لك الحمد دسمنا شواربنا=كل توضي بماه وينفخ ذروبه
وختامها يالله تحقق مطالبنا= ترفق بعبدك سهيل وتستر عيوبه
وآخر كلامٍ نقوله بعدما تبنا= ذكرالله أبدى من الكاتب ومكتوبه


‏
قلت /
‏

جتني هجوسن على طرقٍ تلاعِبنا = والهاجس اللي طرقها الحين/ يا دوبه
‏

‏
طرقٍ على شيلة المَغْنَى تناسبنا = "من بادي الوقت" وأصحابي تغنوا به
ما أمداني أقرأ القصيد اللي تجاذِبنا = إلا وهاضت شجون الشعر بعذوبه
قريتها وأثرها من شعر شايبنا = اللي حكاها وحاك الحرف بعجوبه
يا هي قصيدة غزل هبت هبايبنا = وإلا قصيدهْ ، رثاها الحظ في ثوبه
القاف والقافية والقصد والمبنى = حبكة معاني حبكها سهيل بسلوبه
يا شيخ " مقدام" وش حيلة معزبنا = يندب حظوظه وصار الشعر مندوبه
هذا سهيل أبن عمك من حبايبنا = "عرقوب" منّاه حتى طاح عرقوبه
عشق الثريا حلالٍ في مذاهبنا = غير ان طرد الثريا يفقده صوبه
أسأل مجرب وقد شابت ذوايبنا = أيام في غلبها وأيام مغلوبه
يا ما على بحرها عامت قواربنا = والبحرلا هاج موجه فاض منسوبه
لا هبت أرياحها وأنسامها طبنا = يشتاق بحّارها للبحر وأركوبه
يا هي على بعدها دايم تقرّبنا = وليا ابتعدنا دموع الشوق مسكوبه
ي/سهيل بستودعك ربي ليا غبنا = أبن الملوّح قضى عمره بلا توبه


‏
^^
عسى تناسب ذائقتكم وسلامتكم

[خيال مطير]

^^

وانت ســــــــــــــــــــالمم وغانمم ,,
صح الله السنتكم جميع
مجاراة جميله
وابيات لاتخلو
من الجزاله
لاهنت يالا مير ع نقلها
تحياتي لشخصك

[رحيل]

عطر الله صباحكم بسعادة تمحو اﻻحزان
و يقين يزيد اﻻيمان
و صحة وعافية باﻻبدان (:


صحت السنتكم جميعاً
مبدعين والله العظيم (:

وصحت أذواق البنات الجميلات

وصح ذوقك يالخفير

[رحيل]

فيك الرجاوي يا إلهي ما تخيب
أنت الستر يا خالقي وأنت الذرا

إغفر ذنوبي كلها عن ظهر غيب
أنا ، وأبي ، وأمي وكل اللي قرأ

[ناصر الهواوي]

صباح الخير والعافيه والسعاده ع الجميع
نجد صدقتي ولكن حبيت ما اترك احد عسى ولعل ههههههههههههههههه
ابو عامر صح لسانك ولسان صاحبك ولاهنت
خيال صح الله نقلك ولسانك يالذيب
اهلا بالمهره والجوهره ورحيل
احسن مافي وقتنا هذا ان الحكمه ولله الحمد ظهر لها فينا بوادر هههههههههههههههههههه

[ناصر الهواوي]

ابو عامر وشاعرة نجد صحت السنتكم يالعاصفيين على هالمجاريات الكايفه النايفه وهذا طبعكم وحنا من ربعكم ههههههههههههههههه
خلاص يالروقي ماعاد اتعرضك زين اللي نبهتني والا انا ثقيل طينه هههههههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ


دخلت مشروعٍ ولاني بقده=نصفه طلبته صاحب الملك واعطاه
بموافقه حطيت يدي بيده=وماطا قدم رجلي على نفس ماطاه
ووقع على عقد الشراكه وشده=وحط السجل بوسط صدره وغطاه
وفرحت انا بالمكسب اللي يمده=واسرجت حرذوني ومهره تمطاه
تتوق له عيني وقلبي يوده=ولو غاب يومين المشاعر تباطاه
وسجيت في ريف المسرات مده=وعجبت من قلبي على الحب ما اسطاه
وبديت انا اسمع في محكاه حِده=وبدال باقة ورد لي مد الارطاه
دريت بالمشوار جا فيه رده=ومن ما يسوي معي بانت لي أخطاه
ولا عاد اميز بين مزحه وجده=ولو يفرش بدربي لي لورد ما اطاه

[الجووهره]

يسعد مسآكم وكل أوقآتكم
وصحت السنكم ودآم حضوركم وابدآعكم

تسلية الظهريه

بدون مجآملآت

لولا التجارب ما نمى بعقولنا فهم الحياة

ولا تقدمنا واخذنا العلم من منتوجها

لكن عطتنا درسها وافي بدون مجاملات

حتى نميز بين عدلات العلوم وعوجها

ناخذ فوايد وقتنا في حكمه وصبر وثبات

ونحقق المقصود وارض الله وساع فجوجها

ما نلتفت لأهل الخطا وأهل المجادل والشمات

ناس تحذي خيلها وتشدها بسروجها

يا كثر ما نسمع بترويج الهروج الضايعات

من عالمٍ ضاعت مراجلها بكثر هروجها

تلقى مجالسهم تردد بين ود وبين هات

ما عاد تفرق مزعج الحضار من مزعوجها

علومهم تفرعت وأفكارهم راحت شتات

وعلى متابع غرة الاجواد ويش يحوجها

مجالس الغيبه تصنف من كبار المهلكات

وأكثر عباد الله يجي ساحتها ويدوجها

هو ما درى انه ما جنى غيرالذنوب الطايلات

وبكره يبين فالج الاخصام من مفلوجها

من يعتبر يلزم طريق أهل العقول الصاحيات

ولا تزلزله الرياح العاتيات وهوجها

يطلب وليه باغتنام الباقيات الصالحات

ويصعد على القمه وينزل عاليات بروجها

والخاتمة يا الله يا ربي من النار النجات

وعسى جنان الخلد تجعلنا مع أول فوجها


صح لسآن شآعرها

أحمد سعود الحمد

[الجووهره]

تسلية العصريه هههههه
شيلة ودي أختم جوآزي

https://www.youtube.com/watch?v=i18t3_qJMu0

[رحيل]

عصر الخير (:

صح لسانك يا ابو عبيد


صح ذوقتس جوجو

[رحيل]

تسليه خلوني ارتاح

بصوت خالد الحربي

https://g.top4top.net/m_1171dglf41.mp3

[ناصر الهواوي]

عجبني مردك بس وش قلت له يازول=تكلم من البحر الحمر عنك عازلها
لاوالله ما الومك لومعاها الكلام ايطول=خذ راحتك كلمه ودك اتقولها قلها
اانا اللي بعد ما صار /ايقال لي ياحول=كفانا الولي شر الليال وتحولها
ثقيل الخطا بالمشي واقف وانا مذهول=انشد نفسي بنفسي واجاوب واجادلها
نعم شايف وعايف واجامل مع المجمول=ابدا جملة معاتب ولا اطيق اكملها
وتصير العباره ناقصه مالها مدلول=واقول آسف انا اخطيت وارجع واعدلها
يبهرني بحمرة خاتمٍ فيه صفة لول=وهمساتٍ بها تحكي عيونه واحللها
كلامه قليل ودوم مبني على المجهول=لكن مثل طعم الشهد منتج معاملها

[شاعرة نجد]

مساء الخير

صح لسانك يـ الدنيش ولسان الشاعر
وتسلم ولاهنت,مجاراة فااخره وابدااع ممتع

وصح لسانك يـ الهواوي
ودام ابداعك المميز وحضورك الفاخر

وصحت الالسن والذوائق
لاعدمنا الجميع,,’

[شاعرة نجد]

تسلية العصريه هههههه
شيلة ودي أختم جوآزي

https://www.youtube.com/watch?v=i18t3_qjmu0

الله الله
صح لسان الشاعر
وصح صوت الرزيني,ابداع فـ ابدااع
أعجبتني شعر وشيله,راايقه وفاايقه

لاعدمنا ذوقك الجوهره,’’

[عبدالله الصقري]

شوفوا هل التجديد عنا غدو وين؟=ارباب الاريا سادة الاقتراحات
اتلا العهد فيهم عشيه مقفين=راحت بهم لقف الطواري ولا جات
وحنا نردد عين ياليل ياعين=ونرسم من اجزال التماثيل لوحات
العاصفيه وين؟ريم الفلا وين=والناقد وصالح وخيال سفوات
والشيخ ابن صقري ما بيَّن لهالحين=وان قلت ابو بندر فهيهات هيهات
نبي الكلام الحلو والمنطق الزين=لو التواصل عبر موجة عربسات
هجن الشعر ما ادري اتبرك بنا وين=واهس هجوس القاف من فعلهم مات














مساء النور و السرور أحبّتي في مديرية السجون

صح لسانك هواوينا و صح لسان شاعرة نجد

و صحت ألسن الجميع بلا استثنآء




جنبك ترانا يا أعز المحبين
حتى و لو تحكم ظروف الدوامات

ما نبتعد و نظل دايم قريبين
لايشغلك كم حيّ فينا و كم مات

و المعذره .. حتى قضيّة فلسطين
صارت قضيّه بدون أيَّة ملفات

و اجمل تحيّه..فسق و تشويه ما زِين
و ابسط عبارة ود تحتاج شيكات

فيني قهر ليلين بـ آلآم عامين
باسباب من قوله يفوق اي طعنات

بادرت له بالطيب لاجل احشمه لين
فت الحجر صبري على الضيم بـ سكات

إذا علىّ .. بـ آقولها للفطينين
اللي لهم بالعرف صولآت و جولآت

نشب فـ حلقي حرف مر العناوين
شربت فوقه زمزم و زاد الآهآت

لقيت بعدي عن كثير الميادين
أخير من دمع ٍ يجي بـ طي بسمات

اللي مربينا سلآطين في الدين
ما يرتجون الا من الرب مرضآت

هذا و حنا وسط حارة شياطين
المملكه تسمع بها و الفتوات

ما هو تفاخر بالهمل و الدشيرين
لكن مجرد تذكره للـمروَّآت

اللي يظن الطيب راعيه مسكين
مسكين و عيونه لغيره له مرآت

يشوف فيها نفسه بـ جآل مخطين
لكن يكآبر بـ احترامات و شطحآت

مجنون ما ردَّه سوى جدآر برلين
هدّوه .. لكنه يشوفه كما فات

من عادتي لا صرت مع ناس غالين
أجي بـ كلي .. و للمخاليق زلَّآت

لو هو قصاصي ما جحدت البراهين
و مصيبه ان مر الزلل ذا سلامات

جيت بشجن ما جيت به قبل هالحين
شي ٍ مفيد و شي من جود حسرآت

أدمح خطا و اخطي واسامح ولا ادين
الا لربي المعتلي للسموآت

بعض النصايح عيب .. و مضمونها يهين
كن التقي فيها ملآك و له ءآيآت

الطيب حرفه للرجال الميامين
اللي نباياهم عيون المسرات

فيهم حشيمه كل ما دونها يشين
فيهم يبان الصدق من صدق نيَّآت

منهم تعلّمنا ننقّي التلاوين
و وجوهنا تشرق بما تشرق الذات

و ختامها حنا هنا اليوم حيين
والآخره تحتاج دعوه للاموآت

[شاعرة نجد]

غن ياصوت القصيد وهات من عذب الجديد
خاطري طاب وتهنَّى يم سمعت العذب غنَّى

شاعره واحب فن الشعر واللعب الفريد
من بعيد الناس والا لوحصل فينا ومنا

مارويت ولو رويت اقوول ياهل من مزيد
هيّضوا قلبي وانا بـ اهيّض القلب المعنَّى

والله ان الشعر في دمي يسير مْعْ الوريد
وان تضايق خاطري غنيت قافي وارجهنّى

ماغبطت الا الحمام اللي على خضر الجريد
مع نسيم الصبح لامن مالَ به غنَّى وتهنَّى

[شاعرة نجد]

فيك الرجاوي يا إلهي ما تخيب
أنت الستر يا خالقي وأنت الذرا

إغفر ذنوبي كلها عن ظهر غيب
أنا ، وأبي ، وأمي وكل اللي قرأ

اللهم آمين

بيتين من ذهب,صح لسان شاعرها
ذائقه رووعه يارحيل
تسلمين,’’

[شاعرة نجد]

مساء النور عبدالله الصقري
وصح بدنك وصح لسانك ودام حضورك شاعرنا,’’

[عبدالله الصقري]

حياك شاعرتنا القديره

و مسائك رضا من رب العالمين

[الجووهره]

هلا بالجمييع
ويسعد مسآكم وكل أوقآتكم
شاعرنا الهواوي صح لسانك ودآم حضورك
الجميله رحوله هلا بك وتسلمين ويسلم ذووقك
شاعرتنا المبدعه نجد صح لسآنك مليوون
وتسلميين وما عليك زوود وكلك ذوووق
عبدالله الصقري. هلابك وصح لسآنك ودآم حضورك

[عبدالله الصقري]

صح بدنك يالجوهره و سلمك ربي

من المسجون الحين؟

[خيال مطير]

تسليه

ما جيـت أدور للتعـب والطلايـب=ولا نويت الغـدر وبليـس ملعـون
أرفع مقامي فـوق كـل النشايـب=ودور العليا وشيـد لهـا حصـون
وجر صوتي لو بدى الشوق غايـب=وجاوب الورقا على الغصن بلحـون
طبعي كذى ماحب شـب الحرايـب=جوي كذى وهل المعاريف يـدرون
قدري بنيتة فـوق شـم السحايـب=نوض البروق اللي تعلت على الكون
ولو قالو انك طبت باقـول طايـب=لون قلبي بين الأضـلاع مطعـون
عزاه ياقلـبٍٍ مـن الجـرح ذايـب=في داخلة سهم المواليـف مسنـون
جرحي نزف بين الضلوع العطايـب=وبيحت من خافي الحشا كل مكنـون
دنيا العجب لو شفت منها العجايـب=اصبر على القسمة ولا تقول مغبون
دنيا غدت مابين مخطـي وصايـب=يالله دخيلك قلـت الجهـد والعـون
والمشكلة لا جـات بليـا سبايـب=تحس في قلبك لضا لهـم مشحـون
والوصل شين ما يجـي بالغصايـب=ون قلتلي طالبك ما نيـب ممنـون
وش ينفعك قلبٍ من الوصل هايـب=جفـت ينابيعـة ولا علـه مـزون
واللي بقولـه كلنـا عيـال شايـب=زودٍ عليها مثل شرواك ما يهـون
أخوان في كـل المحـن والنوايـب=ون جيتني أمرك ميسر ومضمـون


شاعرنا الكبير هزاع العاصمي > >> https://www.r111n.com/image.php?u=278&dateline=1446629510

[عبدالله الصقري]

تسلم يالأمير على هالنقل الجميل
وصح لسان مبدعنا العاصمي ملاييين

[خيال مطير]

تسلم يالأمير على هالنقل الجميل
وصح لسان مبدعنا العاصمي ملاييين

سلمك ربي

[خيال مطير]

من روائع شعراءنا القدام في هذا الصرح الشاعر المبدع مساعد الجليدي
> يقوووووول
ذعذع نسيم الشرق والجو غايم=ودك السحـاب وقـام وبله يرشّا
الله وكـبـر ياهـبـوب النسـايم=جوّ ٍ لطيف وينعـش اللّي تمشّا
كـنه ربـيعٍ باالسـنين الـقدايم=وقتٍ مضى بيع الربا ماتـفـشّا
كـنّا صـغـار ولاعـلينا عـمـايـم=والبنت عشر اسنينها ماتغشّا
يوم الرجـل متحيزمٍ باللّزايـم=لامن طـراله مـاطـرا ماتـعـشّا
امّا جـهـم قـنّاص والاّ مهـايـم=في جادله مفتون والقـلب هـشّا
لذّه حياته مع افـجـوج الخرايم=من فوق عرماسٍ بعيدة معـشّا
قبل امتداد العولـمه والظـلايم=مافـيه بيـن الناس نـمّه وغـشّا
ياليـت للنّمام تعـطى قـسـايم=من شان بعروض البشر مايحشّا

[خيال مطير]

شيلة للشاعر مساعد الجليدي

https://www.youtube.com/watch?v=5xX7TkGORnU

[عبدالله الدّنّيش]

السلام عليكم وفجركم خير وبركة وصباح رباح
وصحت السنتكم جميع وطابت أبدانكم

إبداعات ومجاريات أكثر من رائعة
دام إبداعكم

[عبدالله الدّنّيش]

غن ياصوت القصيد وهات من عذب الجديد
خاطري طاب وتهنَّى يم سمعت العذب غنَّى

شاعره واحب فن الشعر واللعب الفريد
من بعيد الناس والا لوحصل فينا ومنا

مارويت ولو رويت اقوول ياهل من مزيد
هيّضوا قلبي وانا بـ اهيّض القلب المعنَّى

والله ان الشعر في دمي يسير مْعْ الوريد
وان تضايق خاطري غنيت قافي وارجهنّى

ماغبطت الا الحمام اللي على خضر الجريد
مع نسيم الصبح لامن مالَ به غنَّى وتهنَّى


^^
يا سلام عليك شاعرتنا وصح لسانك على هالإبداع
وماشاء الله على عاصفتنا في غدوها ورواحها
وسبحان فالق الإصباح وحافظ الأرواح
مع هالفجرية طاب لي أشدي بهذا الصدى
لأبيات شاعرة حزبنا ونمتدح عاصفتنا هههه

^_^

إنفلق صبح المشاعر كنه الكف المحنىّ
وأنفلق صدر المعنى للمجارا والنشيد

زهزهي يا نجد يا قلب الوطن حنا وحنّا
حزبنا حاضر في الميقاف ما فينا شريد

عاصفتنا تهرف القيفان من صافي شجنا
فوق هام السحب والغيمة نمطّرها قصيد

نشعل البارق وهزم الرعد للأسماع دنا
دندنة ترجف صواعقها بصجات الحديد

والقوافي تشتغب بالغطرفة والهجس رنا
والمراقب ينتظرها من بعيد إلى بعيد

سوجعي باللحن يالورقا وغنيّ كل فنا
أروي أرض الذائقة والمزرعة وأبو عبيد!!

^^
وسلامتكم وطابت ذائقتكم

[ناصر الهواوي]

ياصباح البرد والورد
اهلا بالجميع الصقري هلابك وصح لسانك وفكرك
الشاعره نجد هلابك ودام تواجدك وصح الله لسانك
ابو عامر مرحبا بك وصح بدنك ولسانك
اهلا بالجوهره
اهلا يارحيل
الصقري يسأل عن السجين
سجنت ريم وعطتنا اشكل لكن نبي نجيبها مغلولة اليديد مقيدت الرجلين ان شاء الله والبركه بهالخفير الاثول هههههههههههه
اهلا بخيال مطير وما جاب دور ريم وهاتها
ــــــــــــــــــــــــــــــــــــــــــــــــــ ـــــــــــــــــ

وين انت يالخيال لاتبدي ولا ظني تعيد=دور لنا ريم الفلا يالقرم سرعه وهاتها
سول لها شيطانها عن منهج الشله تحيد=جبها غصيبه بالكلبشه لو تعض لسانها
ماعندنا للي يعاند غير قاسية الحديد=كلبش يديها وبالحبال الناعمه كرعانها
مادام(1/7) إلها يعتبر ذا يوم عيد=سلم على ريم الفلا والرحمه لجدانها
انا بلشت بهالنخل اغرس واشيف بالجريد=واجاوب الورق الرواعب لاسمعت الحانها

[محمد الروقي]

يالله صباح الخير مغير انا ونت
كثر الملل بين علاك وعليه

ياعودنا ياطيب الساس كيف انت
نومت رواسي يشهد الله خطيه

[ناصر الهواوي]

يامحمد الروقي هلا فيك لاهنت=لك عندنا حشمه ولك مقدريه
عن عشره اكفِّي لامني تبينت=والعاصفيه وانت بحساب ميه
والهاجس ليا حركت هجسه البنت=شرواك ينطح من سوانا سريه
هههههههههههههههههههههههه

[ناصر الهواوي]

ياصاحبي لي ثلاث ليال مستني=بيض الصعو يذكر ولاقط احد شافه
سمعتك وجيت يمك كلي الا اني=لقيت ما قلت ماشافه ولا حافه
بتمويه الالفاظ اثرك البارع الفني=اتكبر السالفه لو علمها تافه
اوعاد عرقوب تكفى خفها عني=لاصار مافيك لي رحمه ولا رافه
قالوا بالامثال وافقت اطبقه شني=لكن واحد طفش من واحد ولافه

[محمد الروقي]

ههههههههههههههه اما حركت هاجسه بنت
ياويل قلبي يالهواوووووي ترا قلبي مدنا مارفرفبه هههه

[ناصر الهواوي]

ماغير انا وانت به يامحمد الروقي=ابا اشتغل بالنخل مير الحق نياقك
واصدري اللي من المجمول مطروقي=طرقك ليا ضقت من مسؤول لاوراقك
اهيف حشا بينهن بالملح مرموقي=مافيه شيٍ تشوفه منه ما شاقك
انا ليا شفت زوله صرت مطفوقي=مره نخيته وقلت ارجوك باخلاقك
قال ابشر اب(.....)وقلت من فوقي=عساك سالم وجعلي ما ابكي فراقك

[ملكة الرواسي]

يسعد مسائكم جميع
لا هنتم مبدعيين الرواسي

[الجووهره]

يامسآء الخير ياكل الأحبه ....
ويامسآء الطيب والورد وعبيره
المشآعر كلها ورد ومحبه ....
وانتم احسآس الغلا من كل ديره


مسآء الورررد والمحبه والغلااا
وصحت الالسن شعرآء وشآعرآت
ومتذوقين ودآم حضوركم الجميل وابدآعكم

[محمد الروقي]

ماغير انا وانت به يامحمد الروقي=ابا اشتغل بالنخل مير الحق نياقك
واصدري اللي من المجمول مطروقي=طرقك ليا ضقت من مسؤول لاوراقك
اهيف حشا بينهن بالملح مرموقي=مافيه شيٍ تشوفه منه ما شاقك
انا ليا شفت زوله صرت مطفوقي=مره نخيته وقلت ارجوك باخلاقك
قال ابشر اب(.....)وقلت من فوقي=عساك سالم وجعلي ما ابكي فراقك

الله يعينك وذوقك خالف ال ذوقي
انا و ر ا شول و نت مر بع سا قك
ياعو د يا لي معد ن قمة ا لطوقي
تخيل يوم العرب هجاع براقك
لو شفت بعيونك الثنتين معشوقي
معاد يلحق على الثنتين ملحاقك
نب زما في ذواري رطب زملوقي
لو يلتفتلك تحلحل ربط مسباقك
يابعد شوقك ووصفه عن حلا شوقي
دلوع غنوج لو قابلك ماطاقك

××××××××× يابو عبيد استسلم تووووووووبه ههههه

[محمد الروقي]

ومساكم عود,,, وخير فوق الموجود
جميع

[ناصر الهواوي]

بقي اربعه ويزل نصف الشهر ذا=يعني نصف ولى وبه نصف باقي
وانا على دربك امريض اتحذا=وانت اتعرفني ما اتحذا نياقي
عطني من اللي طاب عندك ولذا=ويبين لك نوع الطلب بالسياقي
برمشك من السفهان منه اتوذا=لو الجواب الرفض باسلوب راقي
هبه حسنه طبٍ لكبدٍ تهذا=بمشرط جفا جا من سموك إلحاقي
واعرف ترا كثر التغلي يبذا=ويشب نيران العتب والشقاقي

[محمد الروقي]

صحة السنتكم جميع
ودمتم بسعاااده جميع

[شاعرة نجد]

مساء الخير

صحت السنتكم شعراؤنا المبدعين
الهواوي والروقي,لاعدمنا حضوركم وشعركم وشعوركم

وصحت الذوائق ودام الابداع والامتاع,’’

[شاعرة نجد]

^^
يا سلام عليك شاعرتنا وصح لسانك على هالإبداع
وماشاء الله على عاصفتنا في غدوها ورواحها
وسبحان فالق الإصباح وحافظ الأرواح
مع هالفجرية طاب لي أشدي بهذا الصدى
لأبيات شاعرة حزبنا ونمتدح عاصفتنا هههه

^_^

إنفلق صبح المشاعر كنه الكف المحنىّ
وأنفلق صدر المعنى للمجارا والنشيد

زهزهي يا نجد يا قلب الوطن حنا وحنّا
حزبنا حاضر في الميقاف ما فينا شريد

عاصفتنا تهرف القيفان من صافي شجنا
فوق هام السحب والغيمة نمطّرها قصيد

نشعل البارق وهزم الرعد للأسماع دنا
دندنة ترجف صواعقها بصجات الحديد

والقوافي تشتغب بالغطرفة والهجس رنا
والمراقب ينتظرها من بعيد إلى بعيد

سوجعي باللحن يالورقا وغنيّ كل فنا
أروي أرض الذائقة والمزرعة وأبو عبيد!!

^^
وسلامتكم وطابت ذائقتكم

تسلم وتدووم شاعرنا
وصح بدنك وصح لسانك على هـ الصدى الفااخر
لكن ليش قلبت القافيه, :smile:

لاعدمنا ابداعك وحرفك المميز
تقديري,’’

[شاعرة نجد]

بلاش نكشف خافي الروح ونـروح
نــطـــرد ورى الاحـــــلام مـاعـبّـرتـنــا

نرهق مشاعرنا على غير مصلوح
واســــرارنــــا واعــــذارنـــــا كــبّــرتــنـــا

نرجي تزين وجاير الوقت مفضوح
يجـتـاحـنـا لــــو قـســوتــه صـبّـرتـنــا

ليت الوصل دايم ميسّـر ومسمـوح
ولــيـــت الـلــيــال بـغـيـبـهـا خـبّـرتـنــا

[الجووهره]

شاعرنا الهوآوي
شآعرتنا المبدعه نجد
الشآعر محمد الروقي
ما شآء الله على الابدآع والجزآله
صحت الالسن ودآم حضوركم الجميل وابدآعكم

[خيال مطير]

بقي اربعه ويزل نصف الشهر ذا=يعني نصف ولى وبه نصف باقي
وانا على دربك امريض اتحذا=وانت اتعرفني ما اتحذا نياقي
عطني من اللي طاب عندك ولذا=ويبين لك نوع الطلب بالسياقي
برمشك من السفهان منه اتوذا=لو الجواب الرفض باسلوب راقي
هبه حسنه طبٍ لكبدٍ تهذا=بمشرط جفا جا من سموك إلحاقي
واعرف ترا كثر التغلي يبذا=ويشب نيران العتب والشقاقي


صح لسانك يابو عبيد .

[عبدالله الصقري]

صباح الخيرو النور و السرور

صحت الألسن والقلوب ودام هالتواجد الجميل

لكن للآن اقول
من المسجون؟؟؟؟؟؟؟

[عبدالله الدّنّيش]

صباحكم سلام وخير من العزيز العلام
ودام إبداعكم وصحت السنتكم
وماشاء الله علينا يا رواد سجن الرواسي
&
ثلاثة آلاف صفحة فوقها ميتين
ديوان سجن الرواسي والعدد في مزيد

فيه القصايد من الشّعار والناقلين
وفيه باقات مختارات شعرٍ فريد

وصحت ألسنة الشعار وأصحاب الذوائق الممتعة ،،

[خيال مطير]

صوت وصدى ,, محمد . وناصر

صوت الشاعر العلم محمد الروقي

وين الهواوي غايب وقت وش فيه https://www.r111n.com/images/toolbox/text.gif الـيـه بمـثـلـه يـاهــل الـجــود حـاجــه
رجـــال ذرب لـســان والـرجــل نغـلـيـه https://www.r111n.com/images/toolbox/text.gif لاصـان نفسـه عــن دروب السمـاجـه
والشور زيـن ولا ش منهـا مشاريـه https://www.r111n.com/images/toolbox/text.gif الفـكـر اخـذلـه فالهـجـوس ادراجـــه
وضـربـت راي بـــراي وزريـــت اقـديــه https://www.r111n.com/images/toolbox/text.gif الـحـلـو خـالــط يـالـهـواوي هـمـاجـه
والقلـب فيـه وفيـه وعـجـز مـداويـه https://www.r111n.com/images/toolbox/text.gif مايـصـلـح التلـحـيـم كـســر الـزجـاجــه
وزريت لا القـا شيـخ صـادق ويرقيـه https://www.r111n.com/images/toolbox/text.gif ولـيــا عـطـانـي مانـفـعـنـي عــلاجــه
والوقت شين وضحكتي من بلاويـه https://www.r111n.com/images/toolbox/text.gif ولالـي علـى مـد الضعيـف انفـراجـه
الراي لو ماجا من ابن{ن} على ابيه https://www.r111n.com/images/toolbox/text.gif طـيــب وعـــارف بالـصـواديـف نـاجــه
قـلـه رقـيـت الــي ينـومـس معـديـه https://www.r111n.com/images/toolbox/text.gif رجـــــم تـهـيـضـنـي ذواري عــجــاجــه
لـلـحــر بــانــت فـالـمـطـفـه مــواريـــه https://www.r111n.com/images/toolbox/text.gif قــيــف عـسـيــر مـاتـجـيـه الـدجـاجــه
وجـــــر مــوالـــي وعـــيـــده وغــنــيــه https://www.r111n.com/images/toolbox/text.gif لـي مـع قصـيـد الغانـجـات اندمـاجـه
مـاردهـا يـاكـود فـــي بـكــرة الـتـيـه https://www.r111n.com/images/toolbox/text.gif وشــره لـيــا جـــاء للـبـيـوت انـزلاجــه
يانـاصـر ادرج فـكــر رايـــك وعطـنـيـه https://www.r111n.com/images/toolbox/text.gif مالـي بعـد شورتـك فالـشـور حـاجـه

اعذوني على التاخير وسامحوني عن التقصير وتقبلوها كما جاءت لاني لست بمستوى محمد

يــاراكــب الــلــي تــــو راعــيــه شــاريــه .. مـالـه شـهـر مــن يــوم فــارق كـراجـه
مــن قيمـتـه يـاقـل مــن هـــو يـراعـيـه .. ماقـيـل كــم انـقـول بــه فــي حـراجــه
عـلــيــه قـــــرمٍ بــالــغــداري امــســريــه .. حـــــر وشــجـــاع ولا يــحـــب الـلـجــاجــه
يلفـي علـى اللـي غايـر الجـرح موذيـه .. حـتــى يــجــي بـيـنــه وبـيـنــه مــواجــه
يـامـرحـبــا بـــــه جــعـــل ربـــــه يـحـيـيــه .. ترحيـبـةٍ فــي طـعـم منـقـى سـفـاجـه
الـلـي شـعـا هجـسـي بـروعـة معانـيـه .. وجــــاء للـمـثـايـل بـالـقـريـحـه رواجـــــه
وحاولت اجيب من اعذب الشعر اجاريه .. ولـه هجـرس هجوسـي وولـع سراجـه
وهجسي عجل بس اردعه عن تماديـه .. واقــــدا مــســاره لا يـجـيــه انـعـواجــه
ابــيــه يــــدرك حــاجــة الــقــرم وابــيــه ,, يـصـيـر حـــول الــرجــم دايــــم مــداجــه
يـشـوفـه بقـيـفـه ومـــا قـــال يـوحـيـه .. ولـــيـــا عــرفــنــا داه جــبــنــا عـــلاجــــه
يمكـن نعـرف اسـوة خبـر عـن حـراويـه .. ويـصـيـر لــركــاب الــفــزوع انـسـهـاجـه
مــــادام مــــا بــيِّــن لــنــا مــــا يـخـفـيـه .. حــلٍ عـلـى العمـيـا يـجـي بــه مـجـاجـه
لـكــن قـــل المـطـلـوب واقـــول لـبـيـه .. وحـمـاي انــا قـولـي وفعـلـي سيـاجـه
وختـمـتـهـا بــازكــى الـتـحـيـات لـلـبـيـه .. عــســى مــــردي مــــا يـعـكــر مــزاجـــه

تسليه من ألخفير , خيال ~

[عبدالله الدّنّيش]

تسلم وتدووم شاعرنا
وصح بدنك وصح لسانك على هـ الصدى الفااخر
لكن ليش قلبت القافيه, :smile:

لاعدمنا ابداعك وحرفك المميز
تقديري,’’
^^
سلمت ودمت شاعرتنا وصح كلك ولا عدمنا تواجدك الكريم
ليش .. !؟ كنت متوقع هذا الإستفسار أو الإستنكار ههه
السبب من وجهة نظري أن لكل شاعر إيقاع موسيقي أو جرس
موسيقي .. مدري وش يسموه النقاد .. يقع عند تلحين البيت
ليس للوزن فحسب وإنما لإحداث أثر موسيقي للكلمات والقوافي
ورأيت أن أبدل القافية بين الصدر والعجر لأن (النون المشددة) رأيت
أنها تناسب قافية الصدر والقافية ذات المد تناسب الشطر الآخر
وذلك إجتهاد خاص وحسب تلحيني للبيت .. علما بأن البيت قد يتفق
مع عدة الحان وقد يناسب بعضها .. وحسب تلحين كل شاعر لقصيدته.
&
وبالمناسبة أتعب وأتأخر بعض الأحيان في نظم القصيدة إذا لم
أكوّن جو خاص للقصيدة بما فيها معايشة لحن موسيقي معيّن
يتناسب مع الموضوع وفي هذا الشأن أذكر أني كتبت قصيدة
من أيام منتدى السلاطين بحث عنها وسأوردها هنا عسى أن
تروق للجميع :-
يا أجمل إحساس يا هاجس بيوت القصيد =أنت القصيدة وأنا السبّاح في بحرها
أبحر على صدرها وأفلّ حِبر الوريد = وأعانق الحرف حتى يرتوي ثغرها
أوقّف القاف حتى يستقيم النشيد =وأروّض العجز حتى ينشرح صدرها
وأسج فكري لها وأشرح على ما تريد = وأداعب الهجس حتى يستوي شِعرها
أشيلها وأرفع الحاني وصوتي يعيد = وأركّب القاف ع القيفان في سطرها
وأنشد هجوسي تولفها لمعنى فريد = وأغوص في عمق معناها إلى قعرها
وأضمها في ضميري وأحتويها بقيد = وألمّها وأحتوي معناي في سرها
ون راق جوّ القصيدة كان هيضي يزيد = وأحيان أركّز هيوض الشعر في خصرها
قصيدتي تأخذ الهاجس ويبقى وحيد = إلاّ معاها على المَدة وفي جزرها
قصيدتي غنوتي لو صرت عنها بعيد = أنشي لها حقل وردي وأنتشي عطرها

^_^ ودمتم سالمين غانمين ^-^

[عبدالله الصقري]

صح لسان الجميع
ودام ابداعكم
تحياتي و تقديري

[الشامخه]

السلام عليكم ورحمة الله وبركاته..
صباحكم سعاده ورضا وخير ان شاءالله،،
اعتذر ع الانقطاع كان عندي اختبار،،
والحمامي هذي معاقبتني الله يكفيكم شرها،،
جوج الراعديه بعد عمري والله م قصرتي،،
دوم متواجده ومبيضه الوجه الله يسعدك،،
صح ذوقك ابدعتي كعادتك،،
ريومه ي هلاوغلا والله نورتي السجن ي بعدهم كلهم،،؟
عبدالله الصقري صح لسانك ومجاراه وافيه،،
وم قصرت كعادتك ي الراعدي ومبروك خروجك من السجن،،
الروقي والهواوي ونجد،،
صحت السنتكم ابدعتم كالعاده،،
ماشاءالله كلمت ابداع م توفيكم،،
خيال صح لسانك وذوقك خفيرنا الراقي،،
مهوره وملوكه ارحبن منورات السجن ي هلاوغلا،،
رحوله ابدعتي ي بعدهم صح ذوقك،،
الدنيش صح لسانك واعتلا شانك ابدعت،،
وي رب م اكون نسيت احد،،
دُمتم ودام هالتواجد وهالابداع ي رب.

[الشامخه]

تسليه:
‏.

‏الصبح بعد الليل .. أصدق مواساه
‏كنه يقول لكل ضايق .. بتفرج

‏مع كل صبح آقومه .. الحمدلله
‏اللي جعل من ضيقة الليل مخْرج

‏.
،،،،،،،،،،،،،،
‏بعض العرب ..مثل الحمام الزاجل
‏مـهـمّـتـه.. ودّ الـعــلـوم وجـبـهـا
‏.
‏أسرع شوي ..من البريد العاجـل
‏وأخبث من الشيطان ..لا راح بها
‏.
‏ودك على جبهته يكتب ..عاجل وعلى قفاه اردى العرب واكذبها

،،،،،،،،،،،
‏ما يلتفت كل لحظه صوب جواله
‏إلا كثير الظنون اللي فقد غالي
‏.
‏وإليا غفى له شوي وفز من حاله
‏أول كلامٍ يقوله وين جوالي؟

[عبدالله الصقري]

الله يصبحك يالشامخه بالف خير
و صح لسانك و بدنك وفالك التوفيق يارب

[الشامخه]

وصباحك يارب،،
تسلم ويوفقك ربي ويسعدك .،
دُمت بخير.

[ناصر الهواوي]

يقولون ابن صقري طبيب استشاري بالغرام=وله عيادةٍ لاجيت اراجع وايلاها مغلقه
على صورةٍ له شفت الاعلان بيتينٍ تمام=وابا اراجعه لو المشاوير جدا مرهقه
ابعرض له اوراقي عليها رتوشٍ من كلام=واشاعة فوادٍ به جروحٍ قديمه مقلقه
ردود الاطبا كلهم ما بذا الخفاق الام=واللي منهم يجامل كتب لي حبوبٍ يورقه
وبقى الحل عند اللي يهاوون لابست الزمام=لهم خبرةٍ في داي ماهيب طقه والحقه

[محمد الروقي]

تسليه:
‏.

‏الصبح بعد الليل .. أصدق مواساه
‏كنه يقول لكل ضايق .. بتفرج

‏مع كل صبح آقومه .. الحمدلله
‏اللي جعل من ضيقة الليل مخْرج

‏.
،،،،،،،،،،،،،،
‏بعض العرب ..مثل الحمام الزاجل
‏مـهـمّـتـه.. ودّ الـعــلـوم وجـبـهـا
‏.
‏أسرع شوي ..من البريد العاجـل
‏وأخبث من الشيطان ..لا راح بها
‏.
‏ودك على جبهته يكتب ..عاجل وعلى قفاه اردى العرب واكذبها

،،،،،،،،،،،
‏ما يلتفت كل لحظه صوب جواله
‏إلا كثير الظنون اللي فقد غالي
‏.
‏وإليا غفى له شوي وفز من حاله
‏أول كلامٍ يقوله وين جوالي؟

يازين طرقك يالاجوديه
صح لسااانك

[رحيل]

عصر الخير
صحت السنتكم شعرانا (:

وصحت الاذواق

نجد
الذوق منبعك الله يسعدك شاعرتنا

وسلامتك شموخه اجر وعافيه يارب
وبالتوفيق في الاختبارات

[رحيل]

اتركوني كل ما غبت ولا تنشدون
ماني بـ برق عيون العباد تخايله

ودي ادفن جرتي واتقي عن العيون
الله الباقي ونفس البنادم .. زايله

والله لا صدري شمالي ولا هم يحزنون
حتى لو ما شفتو دموع عيني سايله

كل يوم اظن لي ظن وتخيب الظنون
وانا كتفي تعب من جور حمل شايله

اعجبتني ☺️

[الشامخه]

الهواوي صح لسانك كلمت ابداع قليله بحقك،،
الروقي تسلم ربي يسعدك،،
الزين منبعك والله وهذا من طيب اصلك،،
صح بدنك ،،
رحوله ي بعدهم الله يسلمك،،
اميين يارب وويوفقك ربي ويسعدك،،
صح ذوقك ي ذوق راقت لي جداً..
دُمتم بحفظ ربي ورعايته.

[محمد الروقي]

اتركوني كل ما غبت ولا تنشدون
ماني بـ برق عيون العباد تخايله

ودي ادفن جرتي واتقي عن العيون
الله الباقي ونفس البنادم .. زايله

والله لا صدري شمالي ولا هم يحزنون
حتى لو ما شفتو دموع عيني سايله

كل يوم اظن لي ظن وتخيب الظنون
وانا كتفي تعب من جور حمل شايله

اعجبتني ☺️

نقل مميز يارحيل ولك بيتين عن الغياب
والطيبه يسعدنا وجودها بينا ونتي طيبه وغاليه

[عبدالله الصقري]

صح لسانك ياناصر
لكنهم غشوك
أو عشان الصوره
ههههههههههههههه
المشكله مااعرف اجاري بحرك اللي كاتب عليه

لكن خذ هذي

موعدك يوم الخميس بعد الدوام
فحص شامل و المغذي نعلقه

ربما ما نلتقي غير الزكام
ربما حلقك به اللي يشرقه

والعلاج اللي يبي يفيدك تمام
عندي و يبعد بلاك و يفهقه

والعياده مغلقه من كم عام
أتلفت عقب السيول المغرقه

وانت لامن جيت ياعالي المقام
يبتهج بك كل اهل المنطقه

لك جزيلات المفاطيح احترام
و للسان اللي يسرك منطقه

وان بغيت الفله و كاس المدام
باكتب علاجك على خد ورقه

جرعتين ترجعك 20 عام
لو يذير الريم منك تسبقه

لا حلالٍ فيه ولا خالط حرام
ما هو مثل الإكسيلين بملعقه

صبه بفنجال واشرب منه خام
وادعي لدكتورك الله يوفقه

في بحور الحب قلبك مستهام
مير جَمَّعنا ولا بنفارقه

و سلامتك والسموحه ههههههههههههههههههههه

[محمد الروقي]

يارحيل اخذي كلامي وشوفي وش يبون
شوفتك بالمنتدى مثل شمس القايله

نورها يكفي ويدفابها الي يبردون
ونتي الي يارحيل ابحضورك هايله

[ناصر الهواوي]

الهواء ساكنه والجو هادي جميل=تنصت شوي ما تسمع سوى وشوشه
لامصادرواظن الصوت ميزات ليل=تقل تاكل شبس بطاطس مقروشه
من سطوع القمر ذكرت خدٍ اسيل=خد من حالتي كانت به منعوشه
واكتب بخطٍ اسود مثل ذاك الجديل=ذيل جونٍ لصوت الفارس مشوشه

[محمد الروقي]

صحة السنتكم جميع
وصح لسان ناصر والصقري على المجاريات

[عبدالله الصقري]

صح بدنك وكلك اخوي محمد

[الجووهره]

يسعد مسآكم
وصحت الالسن والاذوآق
ودآم حضوركم الجميل وابدآعك
وصح لسآنك محمد الروقي
وتستآآهل الغاليه رحوووله
شمووخه
هلا بك منوره وسلامتك ما تشوفي شر
وبالتوفيق لك في اختبآرآتك وكل أمور حيآتك

والجمييع ويعطييكم العآآآفيه

[الجووهره]

تسآلي مسآئيه
من الذآئقه ..

في ملامحها تفاصيل الغرام
صمتها شوق واحاسيس وغزل
جت تصب النور في وجه الظلام
تهدي الخفاق لحظات الامل
.....

‏إقطف أمل دنياك وابعد عن الياس
وأضحك وعيش وتالي العمر بايد

مهما تسوي طيب ماترضي الناس
من خلقة الدنيا رضى الناس كايد

....


عطني من بحور الهوى قارب الشوق
وأبشر بمجداف ( الغلا ) في بحوري !

....


‏فيك العطور تغار من نفحة العود
وأنته جمالك سحر ومشاهدك ويل​


تدري وش الآبداع نظراتك السود
تجمع بريق الصبح مع ظلمة الليل

[شاعرة نجد]

^^
سلمت ودمت شاعرتنا وصح كلك ولا عدمنا تواجدك الكريم
ليش .. !؟ كنت متوقع هذا الإستفسار أو الإستنكار ههه
السبب من وجهة نظري أن لكل شاعر إيقاع موسيقي أو جرس
موسيقي .. مدري وش يسموه النقاد .. يقع عند تلحين البيت
ليس للوزن فحسب وإنما لإحداث أثر موسيقي للكلمات والقوافي
ورأيت أن أبدل القافية بين الصدر والعجر لأن (النون المشددة) رأيت
أنها تناسب قافية الصدر والقافية ذات المد تناسب الشطر الآخر
وذلك إجتهاد خاص وحسب تلحيني للبيت .. علما بأن البيت قد يتفق
مع عدة الحان وقد يناسب بعضها .. وحسب تلحين كل شاعر لقصيدته.
&
وبالمناسبة أتعب وأتأخر بعض الأحيان في نظم القصيدة إذا لم
أكوّن جو خاص للقصيدة بما فيها معايشة لحن موسيقي معيّن
يتناسب مع الموضوع وفي هذا الشأن أذكر أني كتبت قصيدة
من أيام منتدى السلاطين بحث عنها وسأوردها هنا عسى أن
تروق للجميع :-
يا أجمل إحساس يا هاجس بيوت القصيد =أنت القصيدة وأنا السبّاح في بحرها
أبحر على صدرها وأفلّ حِبر الوريد = وأعانق الحرف حتى يرتوي ثغرها
أوقّف القاف حتى يستقيم النشيد =وأروّض العجز حتى ينشرح صدرها
وأسج فكري لها وأشرح على ما تريد = وأداعب الهجس حتى يستوي شِعرها
أشيلها وأرفع الحاني وصوتي يعيد = وأركّب القاف ع القيفان في سطرها
وأنشد هجوسي تولفها لمعنى فريد = وأغوص في عمق معناها إلى قعرها
وأضمها في ضميري وأحتويها بقيد = وألمّها وأحتوي معناي في سرها
ون راق جوّ القصيدة كان هيضي يزيد = وأحيان أركّز هيوض الشعر في خصرها
قصيدتي تأخذ الهاجس ويبقى وحيد = إلاّ معاها على المَدة وفي جزرها
قصيدتي غنوتي لو صرت عنها بعيد = أنشي لها حقل وردي وأنتشي عطرها

^_^ ودمتم سالمين غانمين ^-^

ورأيت أن أبدل القافية بين الصدر والعجر لأن (النون المشددة) رأيت
أنها تناسب قافية الصدر والقافية ذات المد تناسب الشطر الآخر

لذلك سألت..
لاني على يقين انه لك غايه فـ التبديل
ومنك استفيد شاعرنا المبدع

وتسلم وصح بدنك
وصح لسانك على هـ الراائعه والعذبه
والابداع المميز

تقديري,’’

[شاعرة نجد]

يقولون ابن صقري طبيب استشاري بالغرام=وله عيادةٍ لاجيت اراجع وايلاها مغلقه
على صورةٍ له شفت الاعلان بيتينٍ تمام=وابا اراجعه لو المشاوير جدا مرهقه
ابعرض له اوراقي عليها رتوشٍ من كلام=واشاعة فوادٍ به جروحٍ قديمه مقلقه
ردود الاطبا كلهم ما بذا الخفاق الام=واللي منهم يجامل كتب لي حبوبٍ يورقه
وبقى الحل عند اللي يهاوون لابست الزمام=لهم خبرةٍ في داي ماهيب طقه والحقه


طقه والحقه, مبدع شاعرنا
وصح لسانك على هـ العذبه

تقديري,’’

[عبدالله الصقري]

مساكم الله بكل خير و عافيه

و صحت الألسن والأبدان


و ذي تسالي

للمسجون اللي ماتبون تعلموني منهو







روَّحت ادوِّر على الفرحـه
في عين انســـــــان لاقيتـه

رجعت و بـخــافقي جرحـه
مـايـنـفـع الطب .. حبّيتـــــه


..


قد ماهي عايدي .. تبقى قويَّـه
مــا لهــا داعـي و لا تنعـــدّ شي

أنت حرّ .. وما سلبنا لك هويَّه
و منت مثبتها بـ طعنك قلب حي

الخوي في وقتنـا يجرح خويَّـه
دون ما يشعـر و زاد الجهل كي

المحبَّــه حكمهـا جــايــر عليَّـه
بين صدق حقوقها ودروب غي

..


اللي ظلمني صــاين ٍ فيني اهـمـــــل
والملحمه بفصول تُدفَن بـ تــابـــوت

يُـدفَـن فـ بَحــر ٍ يَـدفِـن الحلم الاجمل
بَدَّل بيــاض اللـؤلـؤ بـْـ دَمّ يــاقـــوت

لَمحَـه يخلّي حـاجـر الشّــوف يَدمَـل
وشعــاد لو صافحت بالعين مكبـوت

..

حلمت بـ عقربه تدبي بـ جنبي
لهـا رجول ام أربـع واربـعيــن

لها لون الذهب والســــمِ بمبي
و مـدري جن كـانت أو هجين

و باتت لين حل الصبـح قربـي
وانا بــ آيــآت خالقـنــا حصين

وقلت: الله على ماشفت حسبي
يجنبني عن الـشــــر و يعـيـن

كفاني سـمــهـم بـ زلآل شربي
نعم واعمى عيـون الحاسـدين

..


العَنَا مَوجُود واَشْقَـاني وصَــالَـه
والهَنَـا مَفقُــوُد واَلمَعنَـى الثّمِيـن

لَامنِي من يعتِبـر حِـسّــي هَبَـالَـه!
لَـو يِحِسّ الّلي فِـ ذَاتِي مَــا يِهِين

فِينِي التَّعبِيــر لَـه نَهْج و دَلَالَـــه
فِيه سَلوَى و فِيِه عِبْـرَه للـفطِين

هُو أَعَـزّ بْدَاخِلِي . وهُوَ الِّرسَالَه
لَو أَمُــوُتْ يظَلّ بين اَلعَــالَـمِـيــن


..


هَمَس قلبك لقلبي بالوداد
و شفت بنآظرعْيونك دليل

و ليت الهمس للقلبين فاد
و لا بات الغلا دمعه تسيل

أنا آحبِّك وحبِّي فيك زاد
و من حبِّك غدا قلبي عليل

أخاف آصآرحك واجني البعاد
و اخاف ان ما تصارحنا تميل

من الحيره لهيب القلب قاد
ومن صمتي سهرت بلا خليل

..

يا عل قلبِ سهرت بروضة همومـه
يصادف الفرحه ليا طــابت السمـره

المشكله يشرب من اجراحه سمومه
و اذا نهيتـه يعـــاف لــفذّة التـمــره

..

جَنيت مِن اَلأَدِيـمْ جْـرَامْ فضَّهْ
وُ لَامونِي عَليه وُ حَاسَـدونِي

وُ قَالَـوا مَا بَنيت اَليَـوم قُضَّهْ
وُ مِن عُقب اَلمُوَافَا عَزَّرونِي

أَلَا يَا متعبي بَـالطَّـرْفْ غُضَّهْ
تَــرَى عُــذَّالْ قَلبي سَهَّـرونِي

يِقُوُلُون اَلهَوَى لِي زَانْ حَظَّهْ
وُ هُم مَا جَرَّبَوا مَرَّهْ طُعُوُنِي

_________________

[خيال مطير]

مساكم الله بكل خير و عافيه

و صحت الألسن والأبدان


و ذي تسالي

للمسجون اللي ماتبون تعلموني منهو







روَّحت ادوِّر على الفرحـه
في عين انســـــــان لاقيتـه

رجعت و بـخــافقي جرحـه
مـايـنـفـع الطب .. حبّيتـــــه


..


قد ماهي عايدي .. تبقى قويَّـه
مــا لهــا داعـي و لا تنعـــدّ شي

أنت حرّ .. وما سلبنا لك هويَّه
و منت مثبتها بـ طعنك قلب حي

الخوي في وقتنـا يجرح خويَّـه
دون ما يشعـر و زاد الجهل كي

المحبَّــه حكمهـا جــايــر عليَّـه
بين صدق حقوقها ودروب غي

..


اللي ظلمني صــاين ٍ فيني اهـمـــــل
والملحمه بفصول تُدفَن بـ تــابـــوت

يُـدفَـن فـ بَحــر ٍ يَـدفِـن الحلم الاجمل
بَدَّل بيــاض اللـؤلـؤ بـْـ دَمّ يــاقـــوت

لَمحَـه يخلّي حـاجـر الشّــوف يَدمَـل
وشعــاد لو صافحت بالعين مكبـوت

..

حلمت بـ عقربه تدبي بـ جنبي
لهـا رجول ام أربـع واربـعيــن

لها لون الذهب والســــمِ بمبي
و مـدري جن كـانت أو هجين

و باتت لين حل الصبـح قربـي
وانا بــ آيــآت خالقـنــا حصين

وقلت: الله على ماشفت حسبي
يجنبني عن الـشــــر و يعـيـن

كفاني سـمــهـم بـ زلآل شربي
نعم واعمى عيـون الحاسـدين

..


العَنَا مَوجُود واَشْقَـاني وصَــالَـه
والهَنَـا مَفقُــوُد واَلمَعنَـى الثّمِيـن

لَامنِي من يعتِبـر حِـسّــي هَبَـالَـه!
لَـو يِحِسّ الّلي فِـ ذَاتِي مَــا يِهِين

فِينِي التَّعبِيــر لَـه نَهْج و دَلَالَـــه
فِيه سَلوَى و فِيِه عِبْـرَه للـفطِين

هُو أَعَـزّ بْدَاخِلِي . وهُوَ الِّرسَالَه
لَو أَمُــوُتْ يظَلّ بين اَلعَــالَـمِـيــن


..


هَمَس قلبك لقلبي بالوداد
و شفت بنآظرعْيونك دليل

و ليت الهمس للقلبين فاد
و لا بات الغلا دمعه تسيل

أنا آحبِّك وحبِّي فيك زاد
و من حبِّك غدا قلبي عليل

أخاف آصآرحك واجني البعاد
و اخاف ان ما تصارحنا تميل

من الحيره لهيب القلب قاد
ومن صمتي سهرت بلا خليل

..

يا عل قلبِ سهرت بروضة همومـه
يصادف الفرحه ليا طــابت السمـره

المشكله يشرب من اجراحه سمومه
و اذا نهيتـه يعـــاف لــفذّة التـمــره

..

جَنيت مِن اَلأَدِيـمْ جْـرَامْ فضَّهْ
وُ لَامونِي عَليه وُ حَاسَـدونِي

وُ قَالَـوا مَا بَنيت اَليَـوم قُضَّهْ
وُ مِن عُقب اَلمُوَافَا عَزَّرونِي

أَلَا يَا متعبي بَـالطَّـرْفْ غُضَّهْ
تَــرَى عُــذَّالْ قَلبي سَهَّـرونِي

يِقُوُلُون اَلهَوَى لِي زَانْ حَظَّهْ
وُ هُم مَا جَرَّبَوا مَرَّهْ طُعُوُنِي

_________________

صح لسانك يالصقري , بنسبه لي كخفير , معاد أعرف شي , اول اليل تدخل السجن , حرمه , ومع الصبح تنقلب رجال ,, تبي الصراحه يالصقري ,
هذولي ماعندهم الا ألضعوي , ع راسهم أبو عبيد , ,العاصفه لنا فيها ؟ 5 سنين ماشفنا شي ,,

[شاعرة نجد]

كيبوردية آخر ليل:smile:
وصح لسانك يـ الهواوي على هـ الروائع العذبه

يـ الله عسى فـ غْياب الاحزاب خيرهـ
أشوف شاعرنا طوَى عنهم الياس

مـ عاد طرّاهم ولاجاب سيره
لو ان طاريهم على العين والراس

وغنّى لنا من عذب صادق ضميره
غرام وهْيام ومواويل واحساس

شعرٍ يشوق الناس من كل ديره
عذب وذهب ومرصع بْـ لول والماس

أبرك من الحرب الضروس المريره
اللي انْتحاشاها وتشهد لنا الناس

لين الرعد ماعاد حدد مصيره
تقطعت عنْه الوسايل والانفاس

رفع ايديه وكف شره وخيره
مستسلم وقلنا مسافير لاباس

[خيال مطير]

شاعرة نجد ,, الروقي ابو عبيد ,, ريم الفلا ,, ترانا في شهر رجب ,
سوووو عيد ميلاد , وارفعو اوراقكم لمصلحة المعاشات ,والتقاعد , للتامنيات الاجتماعيه ,
يقول مساعد الله يرحمه

ياذيب ياللي بالحنايـا لـك قنيـب
أتلفتنـي بعـواك يامـال التـلـف
دور لجوعك رجم ولهمـي شعيـب
ودور لعيني نـوم لوكانـه سلـف
من بارحة لأولى وأنا أودي وأجيب
طواري منها شعـر راسـي وقـف
تزاحم الضيقات بالصـدر الرحيـب
نفتح ملـف الهـم ونقفـل ملـف
يالله بجاهك من تريديـة النصيـب
وبحماك يالله من مقاشير الصـدف
نشيب ورموش الليالـي ماتشيـب
ونعف وصـدوف الليالـي ماتعـف
وكم خاب ظني وكنت أظنه مايخيب
وكم باروا الأصحاب فينـا للأسـف
وكم صالفت بقعا عساهـا للذهيـب
وفي عـز شدتهـا قلبناهـا تـرف
نقدم على رقـي المنابـر مانهيـب
إن جات وإلا ماعلى الدنيـا حسـف
نحيا حياة أحرار راضين النصيـب
ونمووووت ماتاطى لنا الدنيا طرف
ونقصر خطاوينا عن الدرب المعيب
وبالماقف اللي يبهج الخاطر نقـف
ونطيب لو عيـت ليالينـا تطيـب
فضل من اللي جمٌل الحـال ولطـف
غصب على الوجه الكريه المستريب
وغصب عن الرديان من شق وطرف

[خيال مطير]

كيبوردية آخر ليل:smile:
وصح لسانك يـ الهواوي على هـ الروائع العذبه

يـ الله عسى فـ غْياب الاحزاب خيرهـ
أشوف شاعرنا طوَى عنهم الياس

مـ عاد طرّاهم ولاجاب سيره
لو ان طاريهم على العين والراس

وغنّى لنا من عذب صادق ضميره
غرام وهْيام ومواويل واحساس

شعرٍ يشوق الناس من كل ديره
عذب وذهب ومرصع بْـ لول والماس

أبرك من الحرب الضروس المريره
اللي انْتحاشاها وتشهد لنا الناس

لين الرعد ماعاد حدد مصيره
تقطعت عنْه الوسايل والانفاس

رفع ايديه وكف شره وخيره
مستسلم وقلنا مسافير لاباس




صح لسانك ,,
لكن أخر الليل , حنا ماتعشينا ,

[خيال مطير]

صح لسانك ,,

[خيال مطير]

https://pbs.twimg.com/media/D1ua0HwWkAAuvbV.jpg

[خيال مطير]

https://pbs.twimg.com/media/D1lUwUmWkAEkuwK.jpg

[خيال مطير]

https://www.youtube.com/watch?time_continue=46&v=n8luZqBx-nU

https://www.youtube.com/watch?v=n8luZqBx-nU

[ناصر الهواوي]

يالله صبح الجميع بالخير
الصقري يابعدي انا قلت لك بابيات سابقه ان السجينه ريم الفلا وعطتنا اشكل وانا اشوف ان معها حق شافت حزيبكم وكأنه ملح وذاب في الماء وصح الله لسانك وتسلم ع الحضور و الابداع
شاعرة نجد هلابك وصح الله لسانك وبدنك
اهلا يالخيال ياكثر هرجك بدون زبده لكن انت ملح الحته ما فيه شك
الجوهره ارحب والله يحفظك

[الشامخه]

صباح الخيرات،،
جوج الله يسلمك ،،
اميين يارب وياااك،،
صح ذوقك ي عسل،،،
الصقري ،،الروقي،،نجد،،الهواوي،،
صحت السنتكم ابدعتم كعادتكم،،
خيال صح ذوقك ي ذوق،،
الهواوي لاوالله كانه ملح وذاب،،
ع كبري انا وجوج والصقري ،،
م تشوفنا شكل النظر ماش عندك،،
م الومك والله من السكر،،
قص لك نظاره ي وخيي.

[خيال مطير]

يالله صبح الجميع بالخير
الصقري يابعدي انا قلت لك بابيات سابقه ان السجينه ريم الفلا وعطتنا اشكل وانا اشوف ان معها حق شافت حزيبكم وكأنه ملح وذاب في الماء وصح الله لسانك وتسلم ع الحضور و الابداع
شاعرة نجد هلابك وصح الله لسانك وبدنك
اهلا يالخيال ياكثر هرجك بدون زبده لكن انت ملح الحته ما فيه شك
الجوهره ارحب والله يحفظك

هرجي بدون زبده , يالعود المملوح , هرجي ينشرى , باغلى الاثمان , ونا خيال ,
الله يرحم عايض , برحمته
الله يخلي لك . عمشاء
هيه هيه هيه لاتنسى الزرع اشتر من الشجر جاك الموسم , ولا تعال مزرعتي في وثيلان , ولي مزرعه في ربيق والربقيه , يالحضري عليك بزرع ,ملوخية - فاصوليا خضراء - باذنجان- طماطم – كوسة – فلفل. - - جرجير - نعناع - كزبره - بقدونس - خيار- - ملفوف باميا
أبعد عن
– الثوم – البصل – السبانخ – الفجل– الخس
بعدين لاتقاشرني
تراني قاص جرتك
جاك العلم
حط حيلك فابن الباديه ,
اللي علمك تسوق الوايت ههههههههه ههههههههه ههه

[عبدالله الصقري]

ههههههههه
فالك ياناصر مع الصبح
كفو يالشامخه
و صح لسانك شاعرة نجد و الجوهره
دام ابداعكم وحضوركم الراقي
و يسعدك ربي اميرنا خيال ولاهان الجميع
وصبحكم ربي بكل خير وعافيه

[خيال مطير]

ههههههههه
فالك ياناصر مع الصبح
كفو يالشامخه
و صح لسانك شاعرة نجد و الجوهره
دام ابداعكم وحضوركم الراقي
و يسعدك ربي اميرنا خيال ولاهان الجميع
وصبحكم ربي بكل خير وعافيه

فكني من العود المجرم , يالصقري
ترا ماني فاضي مشغوووووووووول اليوم مع المزاين , اليوم عرض وبداء العرض ,وفي الليل بمعرض الكتاب

يا الله يالمعبود يا والي الأقدارانت الذي مدات جودك لطيفه ‏
أنت الذي تعلم خفيات الأسرار = معيش الخلند اللي عيونه كفيفه ‏
يا رب يا رحمن عاون هل الكار = وافرج لشدات عليهم كليفه ‏
اللي مجالسهم بها بن وأبهار = ونجر يصوت للهواشل رجيفه ‏
اللي صيانيهم وسيعات واكبار = ومفطحات الحيل للضيف ضيفه ‏
تقليطهم للضيف قعدان وأبكار = وحيل الغنم وقت السنين الحفيفه
يا مزنة غراء من الوبل مبدار = برقه جذبني من بعيد رفيفه ‏
هلت من القبلة هماليل الأمطار = من سيلها الوادي غداله وحيفه ‏
تنزل على الوديان من ديم مدرار = وتصبح بها ريضان ربعي مريفه ‏
صبح المطر فاحت بها ريح الأزهار = وتخالف النوار مثل القطيفه ‏
ترعابها قطعاننا سر وأجهار = تقطف زهر مرباعها مع مصيفه ‏
قطعاننا ما ترتع بدمنة الدار = ترعى زماليق الفياض النضيفة ‏
ترعى بحد السيف قصاف الأعمار = في ضل مروين السيوف الرهيفه ‏
في ضفة الله ثم جبر وجبار = خيالة يوم الملاقا عنيفه ‏
ترعى من البكري الى خشم سنّار = ما حده الوادي لرجم الحتيفه ‏
تسمن بها من العرا من الذود معطار = غبوقة الخطار عجل عطيفه ‏
يبني عليها بنيت اللبن لجدار = عقب الضعف صارت ردوم منيفه ‏
أن سوهجوا عنها معاميس الأبصار = حنا نرد اللي يبيها نكيفه ‏
ما هي سوالف مسرد عقب ما نار = مع العرب يشبه لخطو الهديفه ‏
ومن لا صبر ما حاش بالفود دينار = تصبح أحواله عند ربعه كسيفه ‏
خطو الولد مثل البليهي الى ثار = زود على حمله نقل حمل أليفه ‏
وخطو الولد مثل النداوي الى طار = صيده سمين ولا يصيد الضعيفه ‏
وخطو الولد فعله على العيب والعار = صفرٍ على عود تضبه كتيفه ‏
وخطو الولد كوبان ما يقرب الحار = لا نافع نفسه ولا منه خيفه
حنا كما مشخص عن الصرف ما بار = بالوزن نرجح بالدراهم خفيفه
وحنا لك الله ما نخفي سنا النار = ولا ننزل ألا بالديار المخيفه
ودار بها الحقران ما هي لنا دار = وش عاد لو فيها وناسه و كيفه
وحنا لك الله من بعيدين الاخبار = والنفس مانلحق هواها حسيفه
حلوين للصاحب وللخصم جنزار = عن جارنا ما قط نخفي الطريفه
نرفى خماله رفيت العش بالغار = ونودع له النفس القويه لطيفه
والجار له قيمة وحشمة وتعبار = وجارتنا عن كل عايز عفيفه
مازارهن من يبغي الحيف زوار = الى ولا عنهن ندس الغريفه
والجار مانذكر خماله ولو جار = ولا ننهره بالقول لو بان حيفه
نبغي أن كانه بدل الدار بديار = وقام أيتذكر ما حصل من حليفه ‏
يعد ما شافت عيونه وما صار = والكل في جاره يعد الوصيفة ‏
جار على جاره بختري ونوار = وجار على جاره صفاة محيفه ‏
و الطيب نوهاته صعيبات وأعسار = مبطي لدسمين الشوارب وضيفه ‏
ولا بد ما تذهب تواريخ وأذكار = والطيب يشرى بالعمار القصيفه ‏
وصلاة ربي عد ما اخضّر الأشجار = على الرسول اللي علومه شريفه

[ناصر الهواوي]

ههههههههههههههههههههههههه افا وش هالجوم المحموم يابقايا الرعد
ــــــــــــــــــــــــــــــــــــــــــــــــــ ــــــــــــــــــــــــــــــــــ
حتيش ياحزب الرعد حتيش=اليوم اشوف بروسكم ريشه
نعدكم سي عقب كنتو شيش=ضعيفين وشين هالعيشه
اعرف بيشه حق واسمع بيش=ولقيت بيش ادون من بيشه
نديمكم وش به يسب وليش=ما قط فيكم شفت هالطيشه
يالشامخه وش بك يادب الهيش=وخفيرنا اللي ماله كريشه
ساداتكم منا غدو طشيش=وريم الفلا بالفكر تشويشه

[الشامخه]

ههههههههههههههههههه
اهبب ي الشايب اجل بقايا الرعد ودبٍ هيش،،
عزالله افلحت ههههههههههههه،،
انتظر الصقري يرد عليك

[ناصر الهواوي]

وش عاد لو انك بقولك تحلويت=ما دام ما حليت واقعك مره
تقول ابا اصارحك واقول ياليت=ابي الحقيقه منك لو كان مره
ياما طلبت الصدق منك وترجيت=وصبرت في رجوى ركابك تمره
وعلى وهج نار الحشا تصلق الزيت=ودك به اللاهب صدودك يوره
بعد المسره منك شفني توذيت=شين الوذا لاجاك بعد المسره

[الشامخه]

كفوك الطيب الصقري،،
خيالوه عليك بهالشايب عطه دواه،،
وصح ذوقك ابدعت،،
اعجبني شعرك ننتظرك تكتب منجديد:)

[عبدالله الصقري]

وش ارد
؟؟؟
مافيه حيله

[خيال مطير]

ههههههههههههههههههههههههه افا وش هالجوم المحموم يابقايا الرعد
ــــــــــــــــــــــــــــــــــــــــــــــــــ ــــــــــــــــــــــــــــــــــ
حتيش ياحزب الرعد حتيش=اليوم اشوف بروسكم ريشه
نعدكم سي عقب كنتو شيش=ضعيفين وشين هالعيشه
اعرف بيشه حق واسمع بيش=ولقيت بيش ادون من بيشه
نديمكم وش به يسب وليش=ما قط فيكم شفت هالطيشه
يالشامخه وش بك يادب الهيش=وخفيرنا اللي ماله كريشه
ساداتكم منا غدو طشيش=وريم الفلا بالفكر تشويشه

انصحك يالعود لاتكثر الملح ع العيش , وخل بيشه لو ماوراها عيشه
طبعي ونا خفير ماحب التفتيش , يقولون لاتفتش العود ابو كريشه
قلت هذا شاعرنا أبو الريش ,, قالو طلع الريمه وحط العود في خيشه

[رحيل]

يارحيل اخذي كلامي وشوفي وش يبون
شوفتك بالمنتدى مثل شمس القايله

نورها يكفي ويدفابها الي يبردون
ونتي الي يارحيل ابحضورك هايله

تسسسلم الله يرفع قدرك
وصح لسانك

[رحيل]

واسعد الله مساكم
وصحت السنتكم جميعاً

[ناصر الهواوي]

مساكم اسعد وعيشكم ارغد والشر عنكم ابعد وسحابكم ارعد ههههههههههههههههههههههههههههههههه
ابو محمد لا يوهقونك انت لاحظ ما قلت شي الا بعد ما قالوا والا نا حبوب ومسالم وبراءه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ

يالباركر تف حبرك في خدود الورق=مادام ماللأمل في من نبيهم بريق
اظن كرتي معه من قبل وقت احترق=ويزيف العذر بظروفه وبعد الطريق
وانا ماحطيتها لي عذر ساعة سرق=مابين حدب الضلوع وزهر غصنٍ وريق
ماجاء على بالي وباله قبل نفترق=وجفنه بدمعه ليا اطرينا المفارق غريق
هو يعقل بعز برد شباط ينزل عرق=وبالقيض من دون ماعله به ايجف ريق
مابين ذاك الزمان ووقتنا ذا فرق=ما ارخصت دمعي لشخصه/لجل ودٍ عريق

[ناصر الهواوي]

الله يغربل شيطانك وين جريتني بخثاريقك لهذي ههههههههههههههههه

خيال لا رشت قراك الرشاريش=ولا فكتك سفو العجاج الدريشه
ولا ادعي على عرقوبك بعضة حنيش=ولا ودي رويسك يلهلم بخيشه
ان كانك الخيال ياضيعة الجيش=وان مستشار اكيد الاعضا خريشه
من سب حبك واستلم هالنقاريش=بقاف الغزل ذالحين وصلت فيشه
لذكر الغلا بالراس احس بنغاميش=وجهزت طرسي مع دواتي وريشه
وكتبت في لولو ثمانٍ مباهيش=وعيون شقرا تو طرحت وحيشه
وعنق الغزال اللي عيونه مشاويش=بجيبٍ بسد الطعس يسمع وشيشه
وتلمس علاوي الردف شقرٍ عكاريش=ورمشٍ يدز إللين القلب جيشه
اهيف بطن تنوي به الورق تعشيش=تقول له يومين ما ذاق عيشه

[شاعرة نجد]

مساء الخير

وطابت اوقاتكم وصحت السنتكم
ولاعدمنا النقل والذوائق الممتعه والحضور

دمتم,’’

[مهرة يام]

مسالخير
صحت الالسن والاذواق
دام الحضور والابداع
كفو ياابوعبيد عليك فيهم الرواعد البقايا خاصه خيال والصقري وشموخه هههههههههههههه
لاترحمهم

[مهرة يام]

ودّنا بالطيب بس الدهر جحّاد طيب

كل ماتخلص مع الناس كنك تغشهـا


يدك لامدت وفا لاتحرى وش تجيب

كان جاتك سالمه حب يدك وخشهـا


كل ماشـبـيت نار المحّبه مع حبيب

قام يسحب فـي مشاهيبهـا ويرشهـا


كل ماواجهت لك في الزمن وجه غريب

مثل ما قـــال المثل دام تمشي مشها

[مهرة يام]

كثر ماحن قلبي للونيـس وكثـر مـا درهمـت"

"فجر صدري حنينـي واتعـب الاقـدام درهامـي


عيون الصد وعيون التجافي حول مهما اكرمـت"

"تشـوف المجتهـد كسـلان والبنـاي هدامـي


مدام ان جانبك شام لجنابي وانت عنـي شمـت"

"كثر خيـرك وانـا مانيـب لاجايـع ولاضامـي


اشوف انه علي واجـب ليـا مريتكـم سلمـت"

"مرور اكرام تربطـه الكرامـه عنـد الاكرامـي

[الجووهره]

صبآآح الوررد للجمييع
وصحت الالسن والاذوآق
ودآم حضوركم وابدآعكم

تسآلي آخر الليل

‏مكارم الناس بالاخلاق .. مذكوره
‏وبيض النوايا .. تبيض وجه راعيها
‏.
‏والكلمه الصادقه ! ماهيب مستوره
‏من بين الاجواد ماتقصر مساعيها

....


‏لامرك الشوق سلم يابخيل الشعور
‏الناس لـ الناس والدنيا على حالها
‏
‏لولا نسيم الهبايب ماتميل الزهور
‏عليك عذب القوافي جاري ارسالها

.....


خل الأمل ينبت ولا تدفن الورد
حلو الأماني تعطي الناس راحه

تراك لولا الصيف ما تعشق البرد
ولولا الأمل ضاقت عليك المساحه

....


يا مداد العمر يكفينا ملام ..!
الأمل فينا عن اللي منـْك قوت ..!

لو امانينا تحقق بـ الكلام ..!
ما يتوه الصوت في ليل السكوت ..!

رحْ لـ صدق قْلوبنا يمكن تنام ..!
بالوفا والصَبر ودْمووع القنوت ..!

حتَى تعْرف كيف يمكن للحطام ..!
بالأمل يرسْم لناا صورة بهووت ..!

بسَ ما لـ أحلامنا طاري سلام ..!
شوقها يذْبـل وموعدهااا يفوت ..!

كل ما نحلم ولو بسْ بـ الكلام ..!
مشكلتنا أحلامنا دااايم تموووت

[عبدالله الصقري]

صباح الخير والنور

اجل صرنا الحين
فلول
ههههههههههه
الله يعين
المهم صح لسان الكل واحلى صباح لكم

[ناصر الهواوي]

صحيح
مرور اكرام تربطه الكرامه عند الأكرامي..................رحم الله ابن جدلان وجميع المسلمين والمسلمات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
اليوم يالورق ليش النوح قزيت جار= ان كان ذي جيرتك ما احدٍ يوصي بها
هيجت صدرٍ عليه الوقت من قبل جار=مافيه كافيه حالة ضيق راضي بها
مثل الذي من غثا الرمضا بنار استجار=نفسه بعد سمعتك جابت محاضيبها
ياجارتي بيني وبينك ما احب الشجار=ما تنبش الجرح ما اقبلها ولا ليبها
ارمي ورا كل داعي حزن سبعة حجار=سليني برايع السجع وتسليبها
خلي ضغوطي تدمدم لا يصير انفجار=والصبح ما جبتي من الالحان ابا اجيبها

[رحيل]

اسعد الله مساكم
مع هالظهيرة المشمسة

تسن الصيف جانا
جانا بسرعه ماشبعنا من البرد ):


صح لسااانك ابو عبيد

جوجو مهوره اذواقكن لا توصف (:

[خيال مطير]

بدّ يت ذكر الله على كل مجهاه
ذكره ربيع ٍ لي وقلبي يشوقه
يقولها من قال فالرجم مبداه
فأصفر عفيف موايق ٍ في وسوقه
ياراكب اللي يوم أحلّي حلاياه
علاه من دشنه خفيف معلوقه
قربه وهبّالي وشرفا ومدلاه
وعلاه خطو المنسمح مايعوقه
مربّع ٍ في نجد وإن طال مرعاه
يم الطرودي في عثاعث عروقه
وإليا بدا رجم ٍ والآخر تعد ّا ه
رو ّح يدّور يم الأسياح روقه
تقول ظربه فالمصاقيل بيداه
ضرب ابردي ّ ٍ والذواري تسوقه
دربه على الصّمان والدرب يقداه
جنّب عن الحزم الوعر مع طروقه
ملفاك ابن جبعان حاذور تنساه
باشر بخط ّ ٍ كاتبه لاتعوقه
قلّه كتابك ياأدغم الوجه قد جاه
وأودع صناديق الضماير حروقه
حنّا بنجد اللي وساع ٍ نحاياه
وأرزاقنا فوق النّضا مع فتوقه

لـ زيد بن زايد العضياني العتيبي،

[ناصر الهواوي]

يالله مساء خير لاشر فيه ع الجميع
اهلا يارحيل وصح بدنك
الخيال حيه وما جاب
ــــــــــــــــــــــــــــــــــــــــــــــــــ ـــــــــ
(وين الملايين)

وين الرواعد تلاشوا والحضور اسكتوا=لعل ما باس يكمن من ورا هالسكوت
اللي لفو عودو بعدين من حيث اتوا=وصار السجيين وزواويره بليا كروت
انا اشهد ان العواصف بالمقام اثبتوا=ومن وقف بدربهم شاتوه بالقاف شوت
ما لدوا بعاذلين ولا بقوم اشمتوا=شعارهم ما خبى للحزب من عام صوت

[الجووهره]

يسعد مسآكم
وخميسكم وكل أوقآتكم

تسآلي خميسيه ههههه

ودّي أسافر للسماء وأحضن الغَيْم
وأدفن أحاسيّس التعب في سحابه
،،،،


الصمت عن بعض الحكي دفعة بلا
لاتعترض لـ.الصادره والوارده

وان كان خفّاقك من الضيقه غلا !!
عرّض ضلوعك لـ.الهبوب البارده

......


‏تموت بداخلي خيبه مشاريهي على الأحباب
‏ولا شافوا سوى الوجه السموح وبسمه محيّا ..

.....


‏ألآخـَلآقُ نعِمْـِة،،، لآ عطاها ٱللّه لمخلوق ،،!
ويابخت مَنِ يگسِب غِـَلآ الناس باخلاقه ..!!

[عبدالله الصقري]

ابلشت الرواعد ياناصر
وينهم وينهم
لا ركبت نظاره
ولا تبي اصلا تشوف
ماغير احبسوه فكوه
ههههههههههه
يالله صباح الخير يالله





أبـ اشغلكم شوي بـ أمر تآفه
لعلّي منكم افهم و آتعلم

أبي من كل منهو قال شاعر
يسطّر كل جرح ٍ به تألّم

عسى من صخَّر القيفآن مدرك
يصح لسآنه و لو ما تكلَّم

يبلِّغ من جهل كرمآت دينه
بما شآفه و ما عنها يُعلَّم

لـ جيل ٍ صآر في قلب الثقافه
بلا نجمة هدى أو أي مَعلَم

ترى نظم القصآيد له تَوَجُه
بها الغآنم بها من شذ و اجرم

بها من كان في قوله هدآيه
قرآها كآفر ٍ بالله و أسلم

بها الكذَّآب تنبت من عروقه
طلايع وجد منها العين تكرم

عيون الحب هي دآيم مُحِبَّه
ولو بالدمع هي دايم تظَلَّم

نبي من شعرنا معناً يحرِّك
بحور ٍ رآكده في ليل ٍ اعتم

يقلِّب ما بها يجرف ضَحَلها
يرد ل جآلها قمرا و مغرم


و سلامتكم
مع احلى صباح الخير

[ريم الفلا]

الله يمسيكم بالخير كله

شحالكم كل أبيكمم

حبيت اسلم واشوف جديدكم وحالكم ماحب اقطعكم
ولا ماش وقت للكتابة اعذروني والله شوي مضغوطة

[شاعرة نجد]

مرحبا ريم
ومساك سعيد
وزان حالك شاعرتنا وتسلمين

ومساء الخير ع الجميع
وصحت الالسن وداام الابدااع والامتاع

تقديري,’’

[شاعرة نجد]

يسعد مسآكم
وخميسكم وكل أوقآتكم

تسآلي خميسيه ههههه

ودّي أسافر للسماء وأحضن الغَيْم
وأدفن أحاسيّس التعب في سحابه
،،،،


الصمت عن بعض الحكي دفعة بلا
لاتعترض لـ.الصادره والوارده

وان كان خفّاقك من الضيقه غلا !!
عرّض ضلوعك لـ.الهبوب البارده

......


‏تموت بداخلي خيبه مشاريهي على الأحباب
‏ولا شافوا سوى الوجه السموح وبسمه محيّا ..

.....


‏ألآخـَلآقُ نعِمْـِة،،، لآ عطاها ٱللّه لمخلوق ،،!
ويابخت مَنِ يگسِب غِـَلآ الناس باخلاقه ..!!

‏ألآخـَلآقُ نعِمْـِة،،، لآ عطاها ٱللّه المخلوق ،،!
ويابخت مَنِ يگسِب غِـَلآ الناس باخلاقه ..!!

هذا البيت لي يـ الجوهره
شكرا جزيلا عـ النقل وسعيده انه طاب لذائقتك

لاعدمنا منقولك,’’

[عبدالله الدّنّيش]

السلام عليكم وطابت نهاية أسبوعكم ودام حضوركم

وصحت السنتكم وتعافت أبدانكم ..

شاعرة نجد صح بدنك وشكرا لقبول الملاحظة وما عليك زود

الجميع شكرا للمشاركات الثرية والممتعه ،،

[عبدالله الدّنّيش]

والسلام عليكم يا رواد السجن بعد الغياب ولكم الحق ومايلحق ههه
^_^
‏

يا سلامي عليكم هيل يا سجن القوافي= هيل مصبوب في فنجال من صُفر الدِلالي
نحمد الواحد المعبود والدنيا عوافي = وعِلمنا خير يا أصحاب الرواسي والمعالي
جيت أسلّم وأعلّم وأعتذر من قلب صافي = وأشكر اللي سأل عن غيبتي ماض الليالي
يا عساكم بخير وحالكم ما به خلافي = والله إني ليا غبت أغترب ويضيق حالي
ودي إسري مع الهاجس وطاروقي وقافي = وأحبُك البيت للمعشوق من نسج الخيالي
لا سرينا وهُمنا في متاهات الفيافي = يلتبسني خيال الشعر وأشوفه قبالي
ليت يقبِل ويقبَل ضِيفتي في جوّ دافي = يمتلي بالسهر والذوق وأنواع التسالي
وأشعل الجمر وأصب القهاوي للسنافي = والسوالف على ما كان في باله وبالي
‏
**
ودمتم سالمين ،،،

[شاعرة نجد]

https://encrypted-tbn0.gstatic.com/images?q=tbn:ANd9GcQ5-OeE916_Im6KEMOOugF7IX3TZwaSBrMUCHfOo9ORYqphQlx0kg

برّدي فووح صدري ياهبوب الجنوب
وأسعفيني وهبي وهج صـدري يفـوح

اجبري الخاطر المكسور وقت الغروب
يوم غنى الحمام وزاد نزف الجروح

ياكبر دور سجعه في حنين القلوب
كان طربان والا فوق غصنه ينوح

لاسمعته قسم بالله روحي تذوب
فوق جمر الغلا من سمر نار الطموح

نوب عيني على القمه واكابر ونوب
أعترف يـ الغلا وُمابَعْدها الروح روح

[شاعرة نجد]

وعليكم السلام شاعرنا

ومن حضر وجاب,ماغاب ههه
صح لسانك,’’

[عبدالله الدّنّيش]

صح بدنك شاعرتنا وعساك سالمة وغانمة
والحمد لله السلامة والحضور .. نورت السجن
كنت متوقع الليلة ما به حدا .. الريم تعتذر
والزعيم عازم أو معزوم .. والبقية مكنودين هههه

[الجووهره]

هلا بالجميييع
وصحت الالسن والأذوآق
ودآم حضوركم الجميل وابدآعكم

الشاعر عبد الله الدنيش
هلا بك بعد الغيبه وصح لسآنك ودآم حضورك وابدآعك

شآعرتنا ريم الفلا
هلا بك نورتي والله يسلمك من كل شر
وأهم شي انك بخير الله يسعدك ويحفظك

[الجووهره]

‏ألآخـَلآقُ نعِمْـِة،،، لآ عطاها ٱللّه المخلوق ،،!
ويابخت مَنِ يگسِب غِـَلآ الناس باخلاقه ..!!

هذا البيت لي يـ الجوهره
شكرا جزيلا عـ النقل وسعيده انه طاب لذائقتك

لاعدمنا منقولك,’’


شآعرتنا المبدعه نجد
صح لسآنك مليووون
بيت عن قصيييده
وانا يسعدني أكثر ان اختيآري وذوقي
يكون من شعرك الجزل
ربي يحفظك ويسعدك

[الجووهره]

تسآلي آخر الليل



أشتاق له كثر أشتياق (الجد) لعناق (الحفيد)
وأتحمله كثر أحتمال ( السد ) موج ٍ يدفعه

وأحتاج له كثر أحتياج القلب دايم للوريد
وأنفعه مثل العشير اللــي عشيره ينفعه

،،،،

خذ من الصمت مايكفي لـ سجن الكلام
.. .. .. ..ولاتسولف على حزنك .. ودمعك بخيل !

.. اول الحب : لهفه , وانتظار , وغرام
.. .. .. .. وآخر الحب :"غصّه" وإنكسار ورحيل

.....

ياقلب لا ساقك زمانك على " الهم "
غاير جروحك لا تبيح .. { خفاها } ..!

مصيرهآ .. مع مر الأيام .." تلتئم "
وإلا تموت ... ويحسن الـلـِْـــِْہَْ عزاها.

.....



أنــتبه : معاي ، للبيـت الأخــير
أسمعــه منـي و لآني عآيـده

مآيقدر قيمّه العآفيه الآ المريض
ومآيقدر قيمه الغآلي إلآ فـآقـده

[رحيل]

صباح الخير ياوجيه الخير (:

ابو عبيد صح لسانك
الصقري صح لسانك

نجد صح لسانتس شآعرتنا
ريم زان حالتس وطاب فالتس (:

الدنيش
ماغاب من جا
وصح لسانك ودام حضورك

جوجي صح ذوقتس ياذوق
مهوره دام تواجدتس

[رحيل]

خذنا الهواء غفله على الدرب الطويل
اللي نحل حالك ، و حالي انحله

من ليلة الصدفه الا ليل الرحيل
كم من عمر عشناه مدري نرحله

مابين ليل ، وبين ليل ، وبين ليل
ومن مرحله ، لي مرحله ، لي مرحله

ايلين رحنا كل واحد في سبيل
ماهو بودك ترحله ، ولا ارحله

[ناصر الهواوي]

السلام عليكم ورحمة الله وبركاته
وصلت الشرقيه بيوم ورجعت ولله الحمد
اهلا بالجميع وصحت السنتكم واذواقكم وافكاركم الجميله
اعجبني واطربني ما قريت وودي اجاري كل واحد لكن الواهس فاتر بالحيل
رحيل صح بدنك
الصقري صح لسانك
ريم الله لايشغلنا الا بطاعته
ابو عامر هلابك وصح لسانك
شاعرة نجد صح الله لسانك
اهلا يالجوهره وتسلمين حضورا وتفاعلا
بصراحه والكلام للجمع المشغول هل يعقل ان الانسان مشغول 24ساعه؟!
انا عندي عمار ودبش ومزرعه ومشوار الزامي320 كلم اسبوعيا وعندي فراغ مخيف و(.....) هههههههههههههههههههههه

ياباهي الطله وياحلو النبا= يارايع الاخلاق يالعذب العفيف
لا اتقول لي شبيك لبيك اش تبا=انت اتعرفني خل مكرك ع الخفيف
ما اظنك اول من تصابا للصبا=ولا اظني اول من تلاعب به وليف
ارفق على حالك ترا مابي غبا=بجمجمتي عقلٍ رجح باصفر عفيف
من هوطمع في حنية الراس يهبا=ما يخضع الا لله الفرد اللطيف

[ناصر الهواوي]

اذا فهمتك قلت
لان كلمة تافه تعارض ما تطلبه/لعلي ماهمت قصدك

هلا يامرحب بمن جاب قافه=وقدم له ووطا له وسلم
تراحيب المطر لاهل وبله=وماحرفٍ به الشاعر تكلم
وما تطلب عظيمٍ ليس تافه=كتاب انزل على افضل معلم
من الله به اتى خير الملائك=على جبريل انا اصلي واسلم
ومزايا الدين الاسلامي كثيره=على نهجٍ سوي ماهومثلم
انقى واتقى الملل رمز العداله=هي اقرب ادرب للجنه واسلم

[ناصر الهواوي]

مرحباب قد وجب رد السلام ولو ذبحنا جمل ماهو بكافي=عد مالاح براق الخيال وما بدا نجم وارقب من هلالي
والتحيه بها ورد المصيف وتشدي اوجان مرخيت الغدافي=الهنوف اللعوب الغشمريه من تعلق بها ماهو بسالي
من حضر قيل ما غاب وهلابه والمعاتب على من لا يشافي=قلب بعض البشر ميلاف خٍلقه/ لا افتقد قال انا وشبي لحالي
تكفيك يابو عامر والسموحه اذن

[رحيل]

ابو عبيد
وعليكم السلام ورحمة الله وبركاته
الحمدلله على السلامه
وصح لسانك

[عيون الصقر]

سلام عليكم اسعد الله جميع اوقاتكم

وانا مار بالاقسام لقيت السجن .. الله يستر
وش اللي صاير ترا توي جديد ولادري شلون اطلع

احد من اهل المكان هنا يوصني اقرب طريق لنجاه😂

[ناصر الهواوي]

رحيل الله يسلمك وصح بدنك ولا هنتي
ارحب/ي ياعيون الصقر في سجن الرواسي وشلون دخلت ؟اجل مالقيت الخفير ترا كرعانه سود طوال ودقيقات تقل كرعان نعامه
ــــــــــــــــــــــــــــــــــــــــــــــــــ ـــــــــــــــــــــــــــ

هلا مرحبا واهلين بك ياعيون الحر=لو ان الخفيرالقاك بالغيهب اقدابك
لولا من يشابهكن من عيون كلٍ حر=وبلى كل قلب اخضر تراهو من اسبابك
ترميه بسهم من رمشك الحلو لاناحر=ولا اظن يبرا جرح سهمٍ من اهدابك
لو انه بعز البرد صدره يجي به حر=وعين الصقر ما تمتلك رمش متشابك
عطنا من بديعك بالقصيد الرقاق ابحر=يمكن قام حظ السجن يوم الولي جابك
بعض هالقوافي لا تمعنت به يسحر=وبعضها ليا اوحيته خطر تنطل ثيابك

[الجووهره]

يسعد مسآكم وكل أوقآتكم
شاعرنا الهوآوي
صح لسآنك والحمد لله على السلامه
ودآم حضورك الجميل وابدآعك

الجميله رحووله
هلا بك منووره ويسلم ذوقك
ودام حضورك الجميل

عيون الصقر

هلا بك نورت رواسي والسجن
وبانتظآر ابدآعك

ونظام السجن
كان فيه أحزاب. هههه
وصارت حزبين فقط
حزب العآصفه ، وحزب الرعد
يتم سجن واحد من الحزب من قبل الحزب الثاني
ويضل بالسجن لايقل عن 72. ساعه
ويبدع بالقصيد والبقيه يسلونه بابيات شعر
وقهوه وغدا وعشا لما يكفله أحد من حزبه او يكفل نفسه
ويسجن غيره من الحزب الثاني وهكذا
وبس ان شاء الله وفقت في الشرح
لو ترجع للصفحات السابقه للموضوع تعرف أكثر

[ناصر الهواوي]

الا صتس وش لك بهبوب الجنوب هذي لي من زمان هههههههههههههههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ

صوب مقصود نجد ووجهتي غير صوب=بس ابا اجاري البوح المعسل اب بوح
اشهد ان الهجوس لمثل هذا طروب=وإن سمع صوت ورق وشاف برقٍ يلوح
عن ذكر ما مضى ماللمشقا هروب=وين عن مثل مايوحيه يقدر يروح
بس مشكلته الغيره لذيك الهبوب=كان له سالفه معها وتبغى شروح
كلما نسنست تطري عليه اللعوب=وكان هبت بقوه شاحت الفكر شوح

[ناصر الهواوي]

يامرحبا يالجوهره يا مساء الخير=با اقولها كلمه وهاتي غطاها
انتي حكمتي بالذكوره على الطير=فيك الفراسه واصله منتهاها

[شاعرة نجد]

الا صتس وش لك بهبوب الجنوب هذي لي من زمان هههههههههههههههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ

صوب مقصود نجد ووجهتي غير صوب=بس ابا اجاري البوح المعسل اب بوح
اشهد ان الهجوس لمثل هذا طروب=وإن سمع صوت ورق وشاف برقٍ يلوح
عن ذكر ما مضى ماللمشقا هروب=وين عن مثل مايوحيه يقدر يروح
بس مشكلته الغيره لذيك الهبوب=كان له سالفه معها وتبغى شروح
كلما نسنست تطري عليه اللعوب=وكان هبت بقوه شاحت الفكر شوح


=وكان هبت بقوه شاحت الفكر شوح

الله الله
صح لسانك يـ الهواوي
مبدع وغني عن شهادتي,مجاراة ولا اروع

الهبوب والحمام والبحر والليل,هذي لي من زمان والى الآن:smile:
والظاهر شكلها فارضه نفسها على معظم الشعراء,

دام حضورك شاعرنا,’’

[شاعرة نجد]

تسليه من ارشيفي,,


صار الودااع اللـي بلا سابـق إنـذار=وأنا أنتظر في شـوق ساعـة رجوعـه
سر ياقلم واكتب على الركـن ماصـار=بـــدد مـواجــع ضيـقـتـي فــــي ربــوعــه
عجـل علـى ماصاغـه الفـكـر واخـتـار=سجـل جديـد القـاف واشـعـل شمـوعـه
فـي خاطـري زحمـة هواجيـس وافـكـار=وأنـــا ومـايـفـرض غـمـوضــي قـنـوعــه
يلـوفـنـي مـــن لاهـــب الـصـيـف تـيــار=وأضمى على سجع الحمامه واجوعه
تجيبـنـي وأكـتـب مـــن الـوجــد تـذكــار=فــــريــــد لاهــــــــز الـمـشـاعـر,بْـنــوعــه
تذكاار,قاسمـتـه عـلـى حـفـظ الأســرار=لو كان فيها مـن جفـى الوقـت لوعـه
مـن ضيّـع الفرصـه وكثّـر فـ .الاعــذار=مــاعــاد عـيّـنـهـا ولــــو حــــب كــوعــه
يـامـا تهـيّـت فـــوق حـشـمـه ومـقــدار=واللـيـل مـــن عـــذب التعـالـيـل روعـــه
ليـن انتهـت والمنتـظـر عـبـر الاقـمـار=لهيـب شوقـه مــاات داخــل ضلـوعـه,

[عيون الصقر]

اسعد الله صباحكم بكل خير
الله يبقيكم جميع على هذا الترحيب

بالنسبه للاحزاب .. ليس لي بهم علاقه
انا لحالـــي دولـــةٍ مستقــله
خلو تحزبكم لكم يأهل الاحزاب
😅😅👋🏻

كذا اسلم من السجن 😜

[عيون الصقر]

رحيل الله يسلمك وصح بدنك ولا هنتي
ارحب/ي ياعيون الصقر في سجن الرواسي وشلون دخلت ؟اجل مالقيت الخفير ترا كرعانه سود طوال ودقيقات تقل كرعان نعامه
ــــــــــــــــــــــــــــــــــــــــــــــــــ ـــــــــــــــــــــــــــ

هلا مرحبا واهلين بك ياعيون الحر=لو ان الخفيرالقاك بالغيهب اقدابك
لولا من يشابهكن من عيون كلٍ حر=وبلى كل قلب اخضر تراهو من اسبابك
ترميه بسهم من رمشك الحلو لاناحر=ولا اظن يبرا جرح سهمٍ من اهدابك
لو انه بعز البرد صدره يجي به حر=وعين الصقر ما تمتلك رمش متشابك
عطنا من بديعك بالقصيد الرقاق ابحر=يمكن قام حظ السجن يوم الولي جابك
بعض هالقوافي لا تمعنت به يسحر=وبعضها ليا اوحيته خطر تنطل ثيابك


الله عليك ابداع وتألق لله درك
ولي عوده باذن الله

[عيون الصقر]

ااهـ من حزني ، ولهفـاتي ، وغلــي
ااهـ من ضيق الفضى رغم اتساعه

حطني في وجه ابووك امن التغـلي
لايجي كســرن ماتضهــره الاشاعه

ومد لي خطوة ، وصل واجيك كلي
الجفى بــابٍ من ابوااب القطاعه

تراي عليمي اعذروني

[ملكة الرواسي]

صباح الإبداااع والمبدعييين
يعطيكم العافية ولا هنتم جميع

[ناصر الهواوي]

ياليتني عليمي مثل عيون الصقر هلابك ياعيون الصقر وصح الله لسانك بيتين عن قصيده
اهلا بشاعرة نجد الابداع للمجارا والمجاري مقتدي وصح لسانك وبدنك وخلاص صلحه الهبوب للجميع لكن الجهه حصريه هههههههههههههههههههه
اهلا بالملكه ولك وحشه انتي تقيسين على الغياب بس ما تصملين مثلهم ههههههههههههههه
ارحبي يالجةهره ومرحبا بالعاصفيه رحيل وصح بدنكن وسلمتن ودمتن
فاقدين المهره وريم والشامخهه والباقين طبيعي غيابهم والعقلان على الله

[ملكة الرواسي]

ههههههههههههههههه هلا فيك شاعرنا

موجوده بس ما احد راضي يعلمني الشعر علشان اجاريكم
هههههههههههه

[ناصر الهواوي]

خفير السجن وين انت ما بنت كم من يوم=عسى غيبتك يالقرم غيبه طبيعيه
اذا جيت من سوق ارحبوا جب حبل مبروم=اظن انتهت عطلتك شبه الاسبوعيه
وجب المستقل العصر في موترك محزوم=عاشق/سمعه لاهنت شيله اقلاعيه
عيون الصقر تفدا عيونه عيون البوم=ان كانه عليمي شعر انا بالشعر عيه
هذا امر اعتقال وعودتك للغزل ملزوم=ياهجسي غصب والا تعود طواعيه
لفا طيف من لا عاد اشوفه بحلو النوم=وانا اقول ياحيه وياحي راعيه
مضى وقت في حكمه وانا اصيح له مظلوم=واشكي بالوسايل كل مريء وسمعيه
الد إلزمانٍ فات واقول يامرحوم=ودخلت اب بحر تفرج بمركب شراعيه
امواج البحر هاجت وما بينهن لاهوم=ودكت بي هموم ومشاكل جماعيه

[الناقد/عبدالله الروقي]

صح لسانك يابو عبيد ،وأحسن الله عزاك في جدة عيالك الله يغفر لها ويرحمها!
هلا ياريم أبشري إن شاء الله وأتحفينا بجديدك يالقرمة!
الجوهرة متوهجة ماشاء الله،لاهنتي على الحضور الفاخر وتشكرين عليه
خيال منور حياك الله
الصقري يسعد مساءك يالقرم
أبو عامر طبت مساءً يالحصان
مصممتنا رحيل الله لايهينك على التوهج يارائعة
الشامخة الله يعافيك على التفاعل الطيب

[الناقد/عبدالله الروقي]

أبو فيصل وين الناس أتحفنا من الإبداعات
صالح العازمي مالقيت له جره،أشغلتك الدنيا يابو مرزوق لكن هيّف جاي الله يثيبك!
محمد الروقي أتحفنا بإبداعك يالقرم

[رحيل]

مساء الخير

ابو عبيد صح لسانك شاعرنا

نجد صح الله لسانتس ي شاعرتنا

جوجو صح ذوقتس يا ذوق


الصقر منور المنتدى والسجن
واقامه سعيده


ناقدنا حياك منور طال عمرك
عوداً حميداً


ملوكه منوره السجن ياغاليه

[رحيل]

ابو عبيد
احسن الله عزاكم

[عيون الصقر]

مرحبا فيكم جميعاً وصحت الالسن

< حاقد عليهم يقول من ضيف الى السجن 😂😂🤛🏻

[مهرة يام]

مساء الخير
صحت الالسن والاذواق
مبدعين لاهنتوا
ماتفقد غالي ياابوعبيد
هلا بالناقد منور السجن بعد غيبه
هلا بعيون الصقر نورت السجن والمنتدى
هلا بشاعره نجد منوره بعد غياب
هلا بالريم منوره

[رحيل]

مساء النور والسرور مهوره


الصقر
لزوم الضيافه����
ونتمنى لك قضى اجمل الأوقات بسجننآ

[مهرة يام]

زاومنـي الهاجـوس ملعـون أبـو الأهـل
يقـول البـيـوت العـصـم وإياك و إياها
لا عيّنت كلمة قلت يضـرب بهـا المثـل
لقـيـنـا وراهــا كـلـمة كـّنـهــا إيــاهــا
ما تنجح مدارس فلسفـة علـم فـي جهل
والعربان ما كلٍ يقـدر يكسـب رضاهـا
يحاول قـدر الإمكـان يعنـي علـى الأقـل
يدخل في مفاهيم العرب يكسب اصغاها

[مهرة يام]

"اشـب النـار قـدام العـرب واشيـد اخيامـي
نهاري حر شمسه يستحي منها لسـان الشمـت"
"وليلي ترقب نجومـه ملامـة كـل مـن لامـي
على ضو الكلام اللي كشف عنا ستـار الصمـت"
"عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـت"
"واثر ما انت بورايه في الطريق ولانـت قدامـي
مصيبه لاتدنت قيمتك فـي عيـن مـن قيمـت"

[ناصر الهواوي]

السلام عليكم والبدايه بالناقد
اولا جزاك الله خير
ثانيا تكلم وتعاتب الاخرين بوجه طلق كنك مشرقنا بالقصيد وبالمشاركات
رحيل صح بدنك وجزاك الله خير
اهلا ياعيونه ما سجناك الا من غلاك لان دخولك السجن يعرفك بالناس وتقديرهم لك بالتسالي والكيف وغيره ويجعلك تندمج معنا بسرعه كان ما اندمجت الى هالحين ههههههههههههههههههههههه
اهلا يالمهره وحياك
ملكتنا هلا فيك والشعر مو معجزه بس ما شفنا لك ولا تجربه حتى نساعدك بالتصويب والنقد ونقول هذا جميل ولو كان هذا كذا افضل
وهنا يتعلم من اراد التعلم

[ناصر الهواوي]

اول تسليه للسجين والزوار
ــــــــــــــــــــــــــــــــــــــــــــــــــ ـــــــــــ

ان هب لي من يمة سهيل نسناس=تفز له كل المشاعر بفوعه
تقول فوعة من على الكوبرا داس=انا فرح والا فزيزه بروعه
وافكري اللي له سبوعين منحاس=وقلبٍ تقل صكات بقعا تلوعه
قالو ماباس وقلت وش غير هالباس=ضمية وريد وللمعاليق جوعه
ياجمر قل لي كيف ضميت الألماس=ولا صار فيهن من تلظيك موعه
صفحة قمر تزينها عيون قرناس=نصف الشهر عقب ارتفع من طلوعه
والعنق عنق اللي ترتع بالأطعاس=صوت لتفق بالرمي فجر سموعه
ليا اعترض لو ترسمه كله اقواس=وان راح والا اقبل مزاياه روعه

[الشامخه]

السلام عليكم،،
ماشاءالله وش هالابداع غايبتن يومين مدري ثلاثه،،
تسني غايبتن سنتين مدري ثلاث،،
وش هالزين ابداع وشين م يوصف،،
صحت السنتكم ،،
اعذروني وادري م لي عذر،،
مير والله مادري وش جابهم الضيوف هاليومين،،
منول م نشوفهم غير بالعطل ،،
الله يزيدهم،،
الهواوي م تفقد غالي الله يسعدك ،،
وعظم الله اجركم والله يرحم موتانا وموتى المسلمين،،
عيون الصقر ارحب منور،،
لي عودهه م اشوف الدرب بروح اخمد،،
وابشرو بالتسالي والعلم الزين ان شاءالله،،
دُمتم بصحه وعافيه يارب.

[عبدالله الصقري]

مساكم الله باف خير و عافيه

أبو عبيد عظم الله اجرك واحسن عزاك والله يحعلها في جنة الخلد امين

[عبدالله الصقري]

صحت الألسن جميعا و دام هالتواجد و العطاء

عيون الصقر منور يا عيوني
هههههههههههههه
ذكرتني يوم جيتهم بالفوط و الحلاوه
وقلت مالي حزب انا لحالي
هههههههههههههههههه
صح لسانك ملايين ولايكفون
وحياك الله بيينا اخ و عزيز و غالي
ولك كل ودي وتقديري و احترامي

[ملكة الرواسي]

مساء الخير
لا هنتم جميع
الهواوي عظم الله اجركم والله يرحم امواتنا واموات المسلمين

[ناصر الهواوي]

جزاكم الله خيرا ولا اراكم مكروها ابدا
ــــــــــــــــــــــــــــــــــــــــــــــــــ

ياخفير السجن سوق الغنم خله يسار=وعان سوق الحشو خيال عن يدك اليمين
وهات لباني لا مفرود واكبر من حوار=شطه يشادي لردف الغلا كايف سمين
وهات رسلانٍ تلاعج وزودها بهار=صبته تشبه خضابٍ على راحة حنين
والقدوع خلاصٍ اشقر تقول لسان نار=بالحلاوه مثل...../........ ياسمين
والفواكه والحلا معهن انواع الخضار=طبخ ماهر لا يحوسه حسن والا حسين

[عيون الصقر]

خفير السجن وين انت ما بنت كم من يوم=عسى غيبتك يالقرم غيبه طبيعيه
اذا جيت من سوق ارحبوا جب حبل مبروم=اظن انتهت عطلتك شبه الاسبوعيه
وجب المستقل العصر في موترك محزوم=عاشق/سمعه لاهنت شيله اقلاعيه
عيون الصقر تفدا عيونه عيون البوم=ان كانه عليمي شعر انا بالشعر عيه
هذا امر اعتقال وعودتك للغزل ملزوم=ياهجسي غصب والا تعود طواعيه
لفا طيف من لا عاد اشوفه بحلو النوم=وانا اقول ياحيه وياحي راعيه
مضى وقت في حكمه وانا اصيح له مظلوم=واشكي بالوسايل كل مريء وسمعيه
الد إلزمانٍ فات واقول يامرحوم=ودخلت اب بحر تفرج بمركب شراعيه
امواج البحر هاجت وما بينهن لاهوم=ودكت بي هموم ومشاكل جماعيه


خفيــر السجـن مـادام جا فالعـلوم علمــوم
اخــذ راحتــــك لا تستمــع فــي دعـــاويه

خذ الامــر مني والأمــر جـــاك بــ المرســوم
اجازتــك .! زود فووقهــا اسبـــوع ذرعيـــه

انا لي حظــور اب موكـب شيـوخ يا شغمــوم
لا تسعــى سوات اللـي مـا تشكــر مساعِيّــه

اضن الهــواوي مـا درى ان في سمـاه نجوم
ولٰـو إيّتْضــاحــك بالسنــــون الصنــاعيـــه

انا جيـت ضيــف مقــدر وغــالي اومعـــزوم
وقلـوب العـرب في ،طـاري الحــب مثعيـــه

علامــك علينــا يالهــواوي عســاك القـــوم
تطـرقـــت بـــاب ادراااه الخّطُــ ـر معيـــه

شعاني هـوى الغربي وانا التــايه المصدوم
علـــى ذكـــريـاتن ،، حطمتــــها الوداعيـــه

تهــادت مثل شمس الغروب وقفاها اغيوم
مطــرها دمــوع الوجـــد ... من كـــل نوعيـــه

فقـدت القــواام اللى عليـه الصــدر مزموم
وخصرن نحيــل ،،وسلهمــــــة عيـــــن راعيـــه





اعذروني ليه ساعه ادور طريق السجن مالقيته 😅[/left]

[عيون الصقر]

ممكن سؤاال سدح نفسه

شالسالفه ياهل الدار

[ملكة الرواسي]

ممكن سؤاال سدح نفسه



شالسالفه ياهل الدار



سالفة شنو شاعرنا >>> جايه عرض هههههههه

[الجووهره]

هلا بكم ويسعد مساكم وصبآحكم وكل أوقآتكم

شاعرنا الهوآوي
عظم الله أجركم وأحسن عزاءكم
الله يرحمها ويغفر لها وأموآت المسلميين

[الجووهره]

وهلا بالجميييع منووورين

نآئبنا النآقد
هلا بك وعودا حميدا

الشاعر عيون الصقر
مبدع ما شاء الله وصح لسآنك مليون
وعلى هالابدآع مددو له بالسجن هههههه

وصحت الالسن والاذوآق جميعااا
ويعطيكم العآآفيه

[الجووهره]

يامرحبا يالجوهره يا مساء الخير=با اقولها كلمه وهاتي غطاها
انتي حكمتي بالذكوره على الطير=فيك الفراسه واصله منتهاها

تسلم شآعرنا وصح لسآنك مليوون
تمنيت اني شآعره وأرد عليك
كنت باستعين بصديق هههه
اقصد أخوي. بس مو فآضي لي
اذا صرت شاعره رديت عليك ان شآء الله

ههههههههههه

[رحيل]

⇣
مساءالخير لكم
ولرائحة القهوة ولهدوء المساء (:

ابو عبيد صح لسانك
وكثر الله خيرك وانعم الله عليك (:

ياهلا وغلا شمىخه منوره وعودًا حميدًا

الصقري حياك الله
وين التسالي للضيف (:

صح لسانك عيون الصقر
مجاراته رائعه

[رحيل]

ارحبي جوجو مساء النور والسرور (:

[الجووهره]

البقااا رحوووله وصبآح النور لك
وللجمييييع

تسآلي للسجين والجمييع

ما بعد عسر الزمان الا تياسيره
لو سود الايام تفجعنا حقايقها

بنسوقها في رجا اللي مالنا غيره
خلاق النفس وكافلها ورازقها

....



مــاكل مـــا تلقـــاه عينـك تمنـــــاه
بعض الأمـــاني تنصدم بالحقـــايـق*

ولا كل شيّ في الحياة انتحداه
الأقدار .. تحكمنا بحكـم الوثايـق

ولو كان كل اللـــي بغيناه نلقــــاه
ما شفت فالـــدنيا حــــزين و ضايق

....


جدف بـ مجداف الامل و اقتل الياس
و افتح على روض الاماني دريشه

عيش الحياه بحُب و اخلاص و احساس
كم عمر غير العمر هذا بـ تعيشه؟!؟

....



الجبال الرآسيه فالمواقف ماتميل
لويميل الدهر مامال غير ظلالها

...

طريت في بالـي وفجـأه تبسمت ؛؛
وغمَّضت مـن لـذّة خيالك عيـوني ؛؛

الليل والذكرى وطاريك والصمت ؛؛
هالأربعه في غيبتك سامرونـي .!؟

[عيون الصقر]

الله عليك الجوهره روائع تستحق الاشاده

وذايقه فذه لله درك

[عيون الصقر]

سالفة شنو شاعرنا >>> جايه عرض هههههههه

جايه تستهبل علي 👌🏻 تقولون السجين اكل شارب لين يطلع

حتى مويه مافيه 😅😅🤛🏻

[عيون الصقر]

وهلا بالجميييع منووورين

نآئبنا النآقد
هلا بك وعودا حميدا

الشاعر عيون الصقر
مبدع ما شاء الله وصح لسآنك مليون
وعلى هالابدآع مددو له بالسجن هههههه

وصحت الالسن والاذوآق جميعااا
ويعطيكم العآآفيه

صح نبضك وشكراً على الاطراء
حضور رايق لو سملمتي من التوصيه

وخري لا اخذفك بالبراد 😅😅

[عيون الصقر]

⇣
مساءالخير لكم
ولرائحة القهوة ولهدوء المساء (:

ابو عبيد صح لسانك
وكثر الله خيرك وانعم الله عليك (:

ياهلا وغلا شمىخه منوره وعودًا حميدًا

الصقري حياك الله
وين التسالي للضيف (:

صح لسانك عيون الصقر
مجاراته رائعه

يازينك يا رحيل ومساك سعاده

صح نبضك وشاكر مرورك الرايع

[عيون الصقر]

الّكْ في صدري مشاريه وابعيني دموع
ومنك في قلبي جروحٍ تجيب اللي وراه

لاتلوم اللي همومه تجي من كل نوع
ولاتزود في عتـابه ولا تبحـث خفــااه
‏
والله ان الفقــد ناره تلــوع الصـدر لوع
‏والموادع جرحه اشنع وجفني ما عفااه

‏والسبايـب كيتينـن لجت بين الضلووع
‏اخلفتنـي عن مسـاري وضــاع الاتجــاه

[عيون الصقر]

يطلع بشوييييييش دون احد يشوفه وينام برا

ويقفل السجن ��

[ناصر الهواوي]

لله درك ياعيون الصقر مبدع الله لا يضرك بس ما ادي وش حدك على الاسم المستعار
اهلا يالجوهر وجزاك الله خير
ارحبي يارحيل
اهلا يالمهره
ملكتنا حياك مولاك

تريح بزنزانتك يالشاعر الشغموم=والموكب على فاله والأبواش مرعيه
بخلوتك ياتي للطواري عليك هجوم=اصل الذكريات ومعهن احداث فرعيه
ما بدعي على حضرة سموك بقوم وسوم=كذا دايم اخلاقي ماهيب اصطناعيه
تبا القوم تاخذ هالمغربل ياعيب الشوم=ماهذي مروه لك ولاهي بشرعيه
ومادامك دخلت السجن فخلافنا محسوم=لاودٍ فسد منها ولاهي وداعيه

[عبدالله الصقري]

يسعد صباحك ابوعبيد
ويسعد صباح السجن و اهله

[ناصر الهواوي]

كلما ما قلت ابا اطوي هالملف اللي تعبني سنين=جد ميعاد يوحي لي بامل واوعادهم كاذبه
مير ابا احط حد لهالشقا وانهي سبب هالحنين=وان نجحت بقراري يالصقر سويت لك مادبه

[ناصر الهواوي]

هلا ياصباح الخير ياحضرة الصقري=تراحيب وبلٍ هله الغيم همالي
ننشد يالبطل عن سادة حزيبك الفقري=يتكون صدري كلما جو على بالي
من اسبوع انقّْل ترمسي فيه ماء مقري=ابا ارشكم به كل حرمه ورجالي

[الجووهره]

يسعد مسآكم وكل أوقآتكم
عيون الصقر
تسلم وصح لسآنك
ومشكور على الاطرآء
وماعليك زود وكلك ذووق

شاعرنا الهوآوي

صح لسآنك ودآم حضورك وابدآعك
وحزبناا حتى وهم غايبين مرعبينكم ههههه

عبد الله الصقري
هلا بك ويسعد أيآمك ودام حضورك وابداعك
وبانتظار ردك على الهوآوي هههه

[الجووهره]

تسآلي للسجين والجمييع


كل ذكـرى ما تجيب إﻻ الحنين
شـوق عيني قـاع و الغايب سما
وين دربه يا دروب الغانمين
السماء تمطر و أنا فيني ظما

....

يبقى الأمل موجود لو شحت سنين
وتبقى الأماني حلم نجهل قدرهـآ ..!

....


ناموا وخبّوا أسراركم بـ الوسايد
وإذا صحيتوا صبّحوها بـ أماني

الليل يفتح لـ المواجع قصايد
والصبح يعزف لـ التفاؤل أغاني !

بس مو الحين. تووو النآس
ههههههه

[رحيل]

مساء الخير والاحساس والطيبه
مساءٍ مايليق الا بآل الرواسي


صح لسانك يابو عبيد

وصح لسان السجين الهارب

الصقري حياك الله

صح ذوقتس يالجوهره

[الناقد/عبدالله الروقي]

تقول لسان نار!
ياسلام يابو عبيد صح لسانك على الإبداع في السجن بدون مجاملة!
وبالنسبة للربع حتى ولو انشغلت نشجعهم على الحضور الله يثيبك،أجل خلاص لاعاد تجون هههه

عيون الصقر عز الله إنك أبدعت، وإعادة تدوير لكلام أبو عبيد ليش هالجمال خلف اسم مستعار!

الربع جميعا يسعد صباحكم بكل خير

[ناصر الهواوي]

ياصباح الإشطه بالفراوله
اهلا بالجميع
ــــــــــــــــــــــــــــــــــــــــــــــــــ ــــــــــــــ

السماء زرقا وللعصفور لجه=ورغم زين الجو ما اوحيت الحمايم
وبي طواري ما اعرف وين اتوجه=منذهل مابين صحو وبين نايم
وكل طاري لارفضته جاب حجه=وشاهده في ما ادعا حاضر وقايم
ودي آخذ وسط دار الترف سجه=يوم ذعذع من جهة داره نسايم
لو لصدري باب للنسناس اهجه=كل ما جت من جنوب ايهج دايم
صار في راسي بعد ماغاب رجه=وبان في وجهي بعد فقده علايم
كل مابي قال رح وإجه وترجه=قلت راسي عن خضوع الذل شايم

[ناصر الهواوي]

(امنا قبل النفاس امصفَرَه وجاها النفاس وزادها تصفير) حكمة اليوم هههههههههههههههههههههههه

قبل سنين اوحي قصيد ام كلثوم=ومنهن قصيده هالليالي طرت لي
سمعتها لحسين/لي قال معلوم=بابا با اسافر زوجتي صفرت لي
للصبر حد ولا اقدر ابقى هنا دوم=كان الجوازات الضحى ختمت لي
ماذقت بابا من شهر لذة التوم=وفكري يراوح بين نقضٍ وفتلي
بالمزرعه ما عاد ابا اشري ولا اسوم=لو قلت لا ياحسين/قررت قتلي
بعد سمعته قلت ياحسين محشوم=وبابشر شتلت الختم لحسين شتلي

[الشامخه]

اسعدالله مساءكم ،،
جوج صح ذوقك،،
رحيل والصقري ارحبو،،
الهواوي وعيون الصقر ،،
صحت السنتكم واعتلا شانكم،،
ابدعتم لله دركم،،
الناقد مرحبا مليار نورت،،

[شاعرة نجد]

مساء الخير

وصحت الالسن والذوائق
وصح لسان زعيمنا ودام ابداعه الممطر

لاعدمنا حضوركم وروائع سطوركم,’’

[عبدالله الدّنّيش]

السلام عليكم أجمعين وطابت لياليكم وأماسيكم بكل خير
أبو عبيد مساء هناء .. وللصبر حدود كما قالت السيدة رحمها الله
ومعاك حق بس هناك فرق بين التصفير بالصفارة .. وصفارة اللون ههه
وصح لسانك على كل ما تقدم وتأخر .. ما فيك حيلة قواك الله ،،

الناقد عبدالله شرفت ولا كلفت وحياك الله أبو محمد ولا زود على رأي
الهواوي ههه .

عيون الصقر حللت أهلا ووطأت سهلا .. ومرحبا بك ... وبالمناسبة
لقد سبق وأن أقترحت هنا أن يبدّل إسم سجن القوافي إلى مثلا..
ديوان أو مجلس القوافي أو منتجع الشعراء .. وبدل سجين يكون ضيفا
وعسى أن يتم تداول هذا الإقتراح .. والخفير ممكن يعترض ، لكن يا خفير
أبشر بالترقية والبدلات .. وتكون وظيفتك بمسمى المضيّف أو مدير المتجع


الجميع صحت السنتكم على روائعكم ودمتم رائعين ،،

[شاعرة نجد]

https://i.ytimg.com/vi/ww4boUJ8XVc/hqdefault.jpg


يازينها لاجت على هام السحاب
حلّق بَها فـ آفاقها سواقها

وتهيّض الخاطر وجو الشعر طاب
والعين شوف الغيم تحتي شاقها

إيه السفر ننسى الكدر والاكتئاب
والروح للغالي تزيد اشواقها

اسبوع كافي ماحسبنا له حْساب
فرصه ثمينه وين حظي ساقها

وياللعجب صار العتب ملحٍ وذاب
والشمس لو غابت يعود اشراقها

[الشامخه]

تسليه للسجين والجميع:
‏من يتبع النآس دون إدراك ودرآيه ..
‏يلقى عواقب (تهبـآده) ودرعمته ..
،،،،،،،،،،،،،،،،

‏ما ربطت أمال عمري .. بـ المقفّي
‏من يجي كيفه و من يقفي بـ كيفه

‏الخطا ما هو على كيفي . ! و شفّي
‏الخطا !. . من بيننا جا بـ النصيفه

‏عن مشاريه الغلا . . ! مدّيت كفّي
‏ولا لحق قلبي من الهقوات خِيفه

‏صاحبك ..! لو كان عذره ما يكفّي
‏لا توريه الجفا . . ! ! برده و صيفه

‏⁧‫#نواف_المطيري‬⁩

،،،،،،،،،،،،،،
‏•

‏**

‏خلك من اللي . . !! لسانه ما ستر عيبه
‏مسكين .. يدبغ هزيل الهرج .. و يهبده

‏يرتاح . . لا شاف رضوه ..! من معازيبه
‏كنه خِلق للرخيص يهيم . . ! ! و يعبده

‏و إن جيت يمه بـ حاجة .. لك فرا جيبه
‏يجزع من الضيق .. كنك طالب ٍ كبده

‏**

‏⁧‫#نواف_المطيري‬⁩‏

[شاعرة نجد]

‏من يتبع النآس دون إدراك ودرآيه ..
‏يلقى عواقب (تهبـآده) ودرعمته ..


ياروعة البيت يـ الشامخه
بين الحكمه والفكاهه هههه
صحت ذائقتك ملياار

وصح لسان المطيري
واشكرك على كتابة اسم الشاعر
بصراحه يؤسفني نقل البعض لكثير من القصائد
الجزله واهمال كتابة شاعرها,


تقديري لك,’’

[عبدالله الدّنّيش]

https://i.ytimg.com/vi/ww4bouj8xvc/hqdefault.jpg


يازينها لاجت على هام السحاب
حلّق بَها فـ آفاقها سواقها

وتهيّض الخاطر وجو الشعر طاب
والعين شوف الغيم تحتي شاقها

إيه السفر ننسى الكدر والاكتئاب
والروح للغالي تزيد اشواقها

اسبوع كافي ماحسبنا له حْساب
فرصه ثمينه وين حظي ساقها

وياللعجب صار العتب ملحٍ وذاب
والشمس لو غابت يعود اشراقها

^^
يا سلااام صح لسانك شاعرتنا نجد على هذه العذبة
والمعبرة بالحرف والصورة ... وللحقيقة لقد أثرت وهيضت
رغبة السفر وبالذات هذه الأيام وهي أيام مفضلة للفسحة
والسفر قبل الزحمة .. ،،

صح لسانك ودام شعرك وشعورك الطيب ،،

[شاعرة نجد]

صح بدنك شاعرنا الدنيش
وتسلم وتدووم,’’

[عبدالله الدّنّيش]

مرحباب قد وجب رد السلام ولو ذبحنا جمل ماهو بكافي=عد مالاح براق الخيال وما بدا نجم وارقب من هلالي
والتحيه بها ورد المصيف وتشدي اوجان مرخيت الغدافي=الهنوف اللعوب الغشمريه من تعلق بها ماهو بسالي
من حضر قيل ما غاب وهلابه والمعاتب على من لا يشافي=قلب بعض البشر ميلاف خٍلقه/ لا افتقد قال انا وشبي لحالي
تكفيك يابو عامر والسموحه اذن




صح لسانك أبو عبيد على هالمجاراة العاجلة .. وأعتقد أن السرعة
جعلت قدمك تزحف أكثر من اللازم وصح لسانك ...
وجدت في المحفوظات لدي ومن أيام السلاطين أبيات لك على نفس
الطاروق .. وسأوردها هنا للذكرى ،،
^^
قال الهواي

‏
ياغـلا الـروح وش حـل الحـدم لازاد بـالـروح = والسبب من بروحي من غـلا فاديـت روحـه
كلمـا جيـت انـا ابــاروح يـمـه قــال ابــا اروح = وطالت المسأله لي ما حصـل جيـه وروحـه
ليـا تنهـت قـال العلـم ويــش وقـلـت مـجـروح = ونتي ذي اتخفـف ضغـط مـن زادت جروحـه
وجعل فيها لصدرٍ منحشي سلوه عن البوح = وقطـع خـطٍ علـى العـذال لا تفـرح اب بوحـه

‏
^^
قلت :

‏
الهواوي نكأ جرحٍ قديمْ وصار مفتوح = حسبي الله على جرحٍ يجدد لي قروحه
الهوى دب في عرقي وأنا ما أشوف مصلوح = غير شوقٍ حرق دمي، وصدري زاد فوحه
من زمانٍ مضى يا صاحبي والقلب مذبوح = ما طلب بالقصاص ويعطي الجاني سموحه
حسبهْ الله ، يقتل عاشقه .. ويقول مسموح = طول عمره فداوي غير ما حقق طموحه

‏
&&&&&&&&&&&
وبالمناسبة وأيام السلاطين ....
ووجدت قصيدة لشاعرتنا نجد ومجاراة منى ..

قالت شاعرة نجد


‏
الله عـلـى ذا السـحـاب وبـرقــه الـســاري = سـرَى خفوقـي عـلـي مــع نــوض بـراقـه
على سناا البرق ثارت موجـة اشعـاري = مدري سرَى الحرف والا هاجسي ساقه
النـاس نـامـت وانــا راحــت بــي افـكـاري = تـطـرد هـجـوسٍ ســـرى والـنـفـس تـواقــه
وان اسهب القاف لازم يكشف اسراري = بـعـض القـوافـي عـلــى الاســـرار بـواقــه
قـامـت تـلاعـب طــرب وارسالـهـا جــاري = لْـ.صوت الرعد جاوبت ولْهَـه ومشتاقـه
رنـيـنـهـا فــيــه مــــن نـغـمــات الاوتــــاري = وفيـهـا مــن الــورد والــوان الـزهـر بـاقـه
سلمـتـهـا الـــروح واستـوقـفـت مـشــواري = ياروعـة القـاف لامـن جــا عـلـى فـاقـه!

‏
^^
قلت :


‏
يا رايع القاف أبستأذنك وآجاري = وأجري مع القاف والساري وطرّاقه
ليا طريت السحاب الغُّر بالطاري = يخضرّ عُود الأراك وتنبت أوراقه
والبيد تفتح ذراعيها للأمطاري = والبرّ يهدي نواويره لعشاقه
وأرض القريحة تهيّضها بالأزهاري = والقاف ينفح شذاه ويرسل أشواقه
والشاعر اللي لهبات الهوى ضاري = مثل الجمل لا هدر صوته مع الناقه
يا قاف حلمك علىّ لا تسبر أغواري = وأشفق على هاجسي لا تبحث أعماقه
أخاف تنكأ جروحٍ تحتها ناري= وتشتعل جذوةٍ مالي بها طاقه

‏

^^
والله يذكر تلك الأيام وصاحب المنتدى بالخير والرحمة ،،

[شاعرة نجد]

صح لسانك شاعرنا
ولاهنت على حفظ المجاراة والنقل
لكن بصراحه وكأني اسمعها لاول مره:smile:
رغم انه لي معك ومع بعض شعراء السلاطين
مجاريات كثييير محتفظه فيها

لاهنت,’’

[محمد الروقي]

تتسليه فوريه

تعال لا يكثر عليه تغليك
............تراك عندي يا اكحل العين غالي
مافي عيوني يالغضي من يحاليك
............. ولا غبت يامجحود عن هجس بالي
انكان غنج{ن}منك كمل مشاهيك
................مرك على اقلوب المحبين حالي
ونكان عند{ن} منك ربك يجازيك
.................. نهار تحشر بالعمل والسؤالي
وقول حاجه وحده بينه فيك
.....................نراك كامل من بالجمال الخيالي
والكامل الله جعل ربك يعافيك
....................ترا الذنوب الها لك الله توالي
سلم وجامل لو بكلمة يحييك
..................... الوقت يمشي والعمر للزوالي
وكفر ذنوبك وستمح عن دعاويك
..............رفعت طرف برقع نشوف الجمالي
زكاة زينن يستحقه مهاويك
................. ان كان خبري فيك ياهملالي

[الشامخه]

من ابدااعات الفراج ورد الشاعر الكبير عبدالله بن عون،،
https://m.youtube.com/watch?v=7eoYhWo3YLs

https://m.youtube.com/watch?v=jiGnrRrkejU

[شاعرة نجد]

صح لسان شاعرنا المبدع,الفراج
وصح لسان بن عون,ابدااع فـ ابدااع,صوت وصدى

لاعدمنا منقولك وذائقتك الممتعه يـ الشامخه
ودي وتقديري,’’

[محمد الروقي]

نقل كايف وغنين عن التعريف
وتسلمين على الذوق الرفيع

[عبدالله الدّنّيش]

صح لسانك شاعرنا
ولاهنت على حفظ المجاراة والنقل
لكن بصراحه وكأني اسمعها لاول مره:smile:
رغم انه لي معك ومع بعض شعراء السلاطين
مجاريات كثييير محتفظه فيها

لاهنت,’’

^^
صح بدنك شاعرتنا .. والله يسمّعك خير
يمكن كنتِ غائبة وقتها .. ويمكن مدري ..!!
ع العموم تشرفت بمجاراتها وصح لسانك دوم ،،

[عبدالله الدّنّيش]

تتسليه فوريه

تعال لا يكثر عليه تغليك
............تراك عندي يا اكحل العين غالي
مافي عيوني يالغضي من يحاليك
............. ولا غبت يامجحود عن هجس بالي
انكان غنج{ن}منك كمل مشاهيك
................مرك على اقلوب المحبين حالي
ونكان عند{ن} منك ربك يجازيك
.................. نهار تحشر بالعمل والسؤالي
وقول حاجه وحده بينه فيك
.....................نراك كامل من نواح الجمالي
والكامل الله جعل ربك يعافيك
....................ترا الذنزب الها لك الله توالي
سلم وجامل لو بكلمة يحييك
..................... الوقت يمشي والعمر للزوالي
وكفر ذنوبك وستمح عن دعاويك
..............رفعت طرف برقع نشوف الجمالي
زكاة زينن يستحقه مهاويك
................. ان كان خبري فيك ياهملالي

^^
صح لسانك يا محمد
جزل ورائع ... البيت ألأخير رهييييب يا هملالي
صح لساااانك ،،

[شاعرة نجد]

^
لاعدمنا ابداعك شاعرنا
ومجارياتك وتشجيعك وحضورك الفاخر
تقديري,’’

[عبدالله الدّنّيش]

يا ذا الهواوي وين دنياك هههه
^_^
تووووها :
‏
تو إستوى يا هاجسي حبْك الأشعار = والليل يحلي فيه نظم القصايد
الليل للشّعار ملهم للأفكار = والليل يضوي العابرة والشرايد
يسري خيال الشعر في الجوّ طيار = والقاف يقلعها وفي الجو قايد
والليل يستعرض نجومه والأقمار = كنه بملهى والطرب فيه سايد
يا حلو طقس الليل في بعض الأمصار = تسهر وتنسى همها والعوايد
يا ذا الهواوي صحبتك تنعش أسفار = هاتك نسافر وأجن سبع الفوايد

‏
..
قل تم ،،

[محمد الروقي]

تكفا ابا اروح معكم
سواق طياره بس والله ماقول شي

صح لساااانك لين ترضاء ايه هذا العلم ههههه

[محمد الروقي]

شاعرة نجد
لا عدمت راسك عساني ما افقده يالطاهره
وجودك هو الي مشجعنا ترا انتي والجزلين والجزلات

[عبدالله الدّنّيش]

تكفا ابا اروح معكم
سواق طياره بس والله ماقول شي

صح لساااانك لين ترضاء ايه هذا العلم ههههه

^^
إقنع الهواوي بس .. ونتشرف والله لو حصل موافقة من الزعيم
يازين الرفقة الطيبة مثلك وشرواك يا محمد ،،

[شاعرة نجد]

يا ذا الهواوي وين دنياك هههه
^_^
تووووها :
تو إستوى يا هاجسي حبْك الأشعار = والليل يحلي فيه نظم القصايد
الليل للشّعار ملهم للأفكار = والليل يضوي العابرة والشرايد
يسري خيال الشعر في الجوّ طيار = والقاف يقلعها وفي الجو قايد
والليل يستعرض نجومه والأقمار = كنه بملهى والطرب فيه سايد
يا حلو طقس الليل في بعض الأمصار = تسهر وتنسى همها والعوايد
يا ذا الهواوي صحبتك تنعش أسفار = هاتك نسافر وأجن سبع الفوايد
..
قل تم ،،

شكلي فعلا هيضت الدنيش للسفر ههه
الله ييسر لكم السفره الممتعه