الهاف

[ناصر الهواوي]

مقطوعه جازت لي لعلها تجوز


اجل ليش انا شاريك يالنوكي (الكشاف)؟=اما دن والا صعت في وجهك الحيطه
بشرعي جزا من لا يدندن لي الاتلاف=قبلك من جلكسي كم تكبدت توريطه
صوته ما اسمعه واللي زهم فيه ماينشاف=وابي فيك عن تعقيد الـ .إس .فور. تبسيطه
كم صوتٍ اعزه من سبب هالجلكسي طاف=من ماء هالصطل جازيت خشمه بتصعيطه
وتعزويت فيك بساعة الضيق ابيك اسعاف=ابا اسمع سواليفٍ غثا صدري اتميطه
حكيه مثل طعم الشهد لوطال ما ينعاف=عنه لي ثلاث ايام واتقول ما احيطه
شف بكم يشرى يالمصرقع قديم الهاف=وشف احدث موديل وكم حصل فيه تعفيطه

[النجلاء]

صح الله لسانك يابو عبيد
واكيد بتجوز لنا بدون شك طال عمرك
دام ابداعك وفخامة وجزالة حضورك المميز
تقديري لسموك
النجلاء

[مهرة يام]

صح لسانك يالهواوي
ابيات روعه وجزله ههههههه
مبدع الله لايضرك
تقبل مروري واحترامي لشخصك
دمت بحفظ الله
المهره الاصيله

[روابي]

الهواوي

اهنيك على الذوق

إبداع في الطرح وروعة في الإنتقاء

مشكوووور

[ابوفارس]

صح لسانك يالشاعر ناصر الهواوي
جزل وقصايدك دوماً رائعه وتروق لي
دمت بود وتقدير

[مناهل]

الشاعر ناصر الهواوي
لله دركــ يالجزل,, قصيدة في قمة الجمال والروعة
والصمت في الجمال أجمل.. راقت لي كثير
دمت كما انت
شلالاً من التميز والابداع والذووق ورقي الحروف

[غزلان]

الله الله عليك صح لسانك ابيات في قمه الروعه ؛؛ ودي وتقديري لبوحك العذب

[محمد الروقي]

لك عندي دادسن وفيها شاحن نوكيها
بس ناقصها كبوت وبابين والقزازه الي قدام غير صالحه
ههههه
الهواوي لك جل التقدير وصح كلك لين تراضاء
على هالفكاهيه الراقيه

[سحاب]

صح لسانك شاعرنا
جزاله وامتاع وفخامه اثراء شعري مميز
دمت بخير وسعاده دائمه

[شاعرة نجد]

صح لسانك يـ الهواوي
وتسلم على هـ الممتعه

تقديري,’’