عبدالله بن طلال
10-04-2015, 08:53 PM
مجاراه جديده
والذي لايعرف ( ضلع ذريّع ) يبحث عنه وعن قصته في قوقل
ريم الفلا :
يا ظلع علمني عن اسطورة الداب = هي كذب والا صادقه يا ذريّع
عدّيت قدامك على كل مرقاب = وعجزت لا اعدّيك ماهو تمييّع
لكن دابك سيرته عند الاجناب = كم واحد (ن) يهرج بها لين ضييّع
انا :
القوم شافوا ما عن الدحل مجناب = ووردوا هل العليا برمحٍ رفيّع
بموت (الحنيني) صار (محجوم) الاسباب = قامت رواصيد الافاعي تفيّع
مار احسبي للظلع يابنتي إحساب = له قصّةٍ وسط المكاتب إتبيّع
ريم لفلا :
كم قصةٍ حازت من الناس الاعجاب = وهي من سوالف من يقود التشيّع
يا زين نيات البدو روس الانساب = راحوا قبل وقت الزمان المسيّـع
اليوم حتى الشر ما بين الاقراب = و اسبابها نعرة مهبّل و صيّع
انا :
بعض القصص للناس تروى وتنجاب = ويطرب لها القلب الذكي والطبيّع
منها قصص طَرفه مع السّمع تنساب = مثل انسياب الماء بجوف السليّع
ومنها قصص تشلع من البيت الاطناب = ارنب خلا تنفج ولا تنتريّع
ناصر الهواوي :
لو الجبل يالربع موحيكم اجاب=وقال اسمعي يارابعه مع اربيِّع
دابي اسطوره ضمن اساطير الارهاب=وقد جمعوا سلمى وظلمى اجميِّع
بسلمى لهن فتكٍ بعكفان الاشناب=وفيهن يصدق من فواده وجيِّع
وذريع لبرقا من سنين (مرقاب)=ومرقاب حرب اظن راس النويِّع
ومرقابتس الكوده بحزات الانشاب=وجمران لك مرقاب ماهو (ذريِّع)
منطوق هجس لبدع الامثال ما هاب=واسع خياله حيل ماهو وسيِّع
والذي لايعرف ( ضلع ذريّع ) يبحث عنه وعن قصته في قوقل
ريم الفلا :
يا ظلع علمني عن اسطورة الداب = هي كذب والا صادقه يا ذريّع
عدّيت قدامك على كل مرقاب = وعجزت لا اعدّيك ماهو تمييّع
لكن دابك سيرته عند الاجناب = كم واحد (ن) يهرج بها لين ضييّع
انا :
القوم شافوا ما عن الدحل مجناب = ووردوا هل العليا برمحٍ رفيّع
بموت (الحنيني) صار (محجوم) الاسباب = قامت رواصيد الافاعي تفيّع
مار احسبي للظلع يابنتي إحساب = له قصّةٍ وسط المكاتب إتبيّع
ريم لفلا :
كم قصةٍ حازت من الناس الاعجاب = وهي من سوالف من يقود التشيّع
يا زين نيات البدو روس الانساب = راحوا قبل وقت الزمان المسيّـع
اليوم حتى الشر ما بين الاقراب = و اسبابها نعرة مهبّل و صيّع
انا :
بعض القصص للناس تروى وتنجاب = ويطرب لها القلب الذكي والطبيّع
منها قصص طَرفه مع السّمع تنساب = مثل انسياب الماء بجوف السليّع
ومنها قصص تشلع من البيت الاطناب = ارنب خلا تنفج ولا تنتريّع
ناصر الهواوي :
لو الجبل يالربع موحيكم اجاب=وقال اسمعي يارابعه مع اربيِّع
دابي اسطوره ضمن اساطير الارهاب=وقد جمعوا سلمى وظلمى اجميِّع
بسلمى لهن فتكٍ بعكفان الاشناب=وفيهن يصدق من فواده وجيِّع
وذريع لبرقا من سنين (مرقاب)=ومرقاب حرب اظن راس النويِّع
ومرقابتس الكوده بحزات الانشاب=وجمران لك مرقاب ماهو (ذريِّع)
منطوق هجس لبدع الامثال ما هاب=واسع خياله حيل ماهو وسيِّع