محمد الغنامي
08-03-2015, 02:33 PM
السلام عليكم ورحمة الله وبركاته
اسعد الله جميع اوقاتكم بالخير والمسرات
طبعا انا ماعندي مقدمات في موضوعي اللي اطرحه لكم اليوم
وهذي قصه حقيقيه صارت علي قبل يومين
نبداء القصه
.............................................
نزلت في بيت جديد مستاجره طبعا ماهو ملك وعزموني جيراني رفضت عزايمهم
كلهم غير واحد ماشاورني ذبحها وعلمني الله يجزاه خير
المهم اني عزمت الربع كلهم جمعتهم ماتركت غير الاموات هههههههه
رحت للسوق واشتريت خروفين (طليين ) قبل العزيمه بيومين
انا مستاجر بيت عباره عن دور واحد ارضي وعندي (الله يكرمكم) دورات مياه للرجال خاصه بالحوش
فيها ثلاث مغاسل ومرفق كامل
جربتها وحصلتها خربانه كلها وكلمت السباك واوعدني يوم العزيمه العصر لانه يوم جمعه
قلت اوكي مافيه مشكله
وكنت ناوي اسوي اضافت لمبات للحوش لان الربع كثيرين والمجلس مايشيلهم
وعندي دورات المياه خربانه الاناره فيها
المهم السباك جاني الساعه 2.30 الظهر
وجلست انا وياه لين بعد العصر ركبت بزابيز مويه جديه وزبطنا السباكه كلها كلفت (500) ريال
انتظرت الكهربائي ماجاني ورحت للمحل ولا حصلته قالو انه مشغول شوي ويجي
قلت خلوه يجيني في البيت ضروري قالو خلاص
ارسلت ولد اخوي بالسياره قلت رح اخذ الذبايح للمسلخ وهات الفرشات من المحل نبي نفرش الحوش
راح وبعد نص ساعه كلمني قال ياعمي مافيه سلاخين في الديره كلها
عندنا تقريبا خمسه محلات للسلاخه
وكلهم يوم الجمعه مسافرين لمكه من زين الحظ
قلت رح لفلان رح لهذاك رح لهذاك .. قال مافيه احد ابد
قلت تعال تعال بسرعه
جاني وركبت اسوق السياره ( السياره جيب بترول بابين ) وحاط الخرفان وراء هههههههههه
واتطمر الارصفه واخذ الديوار بالعكس
وافرفر على المسالخ كلها ماحصلت احد
الساعه الحين 6 قبل المغرب بنص ساعه تقريبا
واروح لمسلخ ومطبخ يماني حضرمي يعرفني معرفه خاصه واسال عنه قالو في الرياض
واطلب اللي في المحل قال انا يدي مقطوعه ولا اقدر اصلخ ولا اطبخ ابد لا تحاول
واتصل على اليماني صاحب المحل واطلبه يكلم لي اللي مقطوعه يده
المهم كلمه وقدر عليه بعد طلبه
قال اليماني انا ما اقدر اصلخ الاثنين قلت انا اساعدك فيها
المهم وانا انزل الطليان واذبح الاول واتركه واذبح الثاني وراه على طول ههههههههههه
باقي 10 دقايق عن المغرب الحين
وانا ابي الكهربائي ماجاني
المهم قلت اصلخ لين اجيك وانا انحاش من عنده ههههههه
واروح اتصل على الكهربائي الثاني ويادوب حصلته
قال بعد المغرب اجيك
ويجيني عقب المغرب ويخلص اللمبات ويجهزها قبل العشاء
ونروح نجيب الذبايح مع صلاة العشاء وحنا مركبينها في القدر فالبيت ... طبعا هب علينا برييييد .
شبينا عليه القز لاخر درجه ههههههههه
المهم يوم دقت الساعه 10 بالليل وعشانا جاهز وتعشو الريجيل
اللي فاقع مرارتي ماهو الكهربائي اللي ماجاء
ولاهوب الصلاخين اللي ماهم فيه كلهم
.
اللي رفع ضغطي
يوم جو الريجيل يشكرون وانا اجي اصب الماء من المغاسل واحصله مغلق
واشغل الدينمو واحصله ان الخزان مافيه مويه هههههههه
ويغسلون الريجيل يدينهم في الحوش ههههه
والـ (500) اللي سويت بها المغاسل طيب راحت خساره ههههههههه
,,,,,,,,,,,,,,,,,,,,,,,,,,,,,,,,
هذي قصتي
امل ان تنال الاعجاب
ودمتو بخير
محمد الغنامي
اسعد الله جميع اوقاتكم بالخير والمسرات
طبعا انا ماعندي مقدمات في موضوعي اللي اطرحه لكم اليوم
وهذي قصه حقيقيه صارت علي قبل يومين
نبداء القصه
.............................................
نزلت في بيت جديد مستاجره طبعا ماهو ملك وعزموني جيراني رفضت عزايمهم
كلهم غير واحد ماشاورني ذبحها وعلمني الله يجزاه خير
المهم اني عزمت الربع كلهم جمعتهم ماتركت غير الاموات هههههههه
رحت للسوق واشتريت خروفين (طليين ) قبل العزيمه بيومين
انا مستاجر بيت عباره عن دور واحد ارضي وعندي (الله يكرمكم) دورات مياه للرجال خاصه بالحوش
فيها ثلاث مغاسل ومرفق كامل
جربتها وحصلتها خربانه كلها وكلمت السباك واوعدني يوم العزيمه العصر لانه يوم جمعه
قلت اوكي مافيه مشكله
وكنت ناوي اسوي اضافت لمبات للحوش لان الربع كثيرين والمجلس مايشيلهم
وعندي دورات المياه خربانه الاناره فيها
المهم السباك جاني الساعه 2.30 الظهر
وجلست انا وياه لين بعد العصر ركبت بزابيز مويه جديه وزبطنا السباكه كلها كلفت (500) ريال
انتظرت الكهربائي ماجاني ورحت للمحل ولا حصلته قالو انه مشغول شوي ويجي
قلت خلوه يجيني في البيت ضروري قالو خلاص
ارسلت ولد اخوي بالسياره قلت رح اخذ الذبايح للمسلخ وهات الفرشات من المحل نبي نفرش الحوش
راح وبعد نص ساعه كلمني قال ياعمي مافيه سلاخين في الديره كلها
عندنا تقريبا خمسه محلات للسلاخه
وكلهم يوم الجمعه مسافرين لمكه من زين الحظ
قلت رح لفلان رح لهذاك رح لهذاك .. قال مافيه احد ابد
قلت تعال تعال بسرعه
جاني وركبت اسوق السياره ( السياره جيب بترول بابين ) وحاط الخرفان وراء هههههههههه
واتطمر الارصفه واخذ الديوار بالعكس
وافرفر على المسالخ كلها ماحصلت احد
الساعه الحين 6 قبل المغرب بنص ساعه تقريبا
واروح لمسلخ ومطبخ يماني حضرمي يعرفني معرفه خاصه واسال عنه قالو في الرياض
واطلب اللي في المحل قال انا يدي مقطوعه ولا اقدر اصلخ ولا اطبخ ابد لا تحاول
واتصل على اليماني صاحب المحل واطلبه يكلم لي اللي مقطوعه يده
المهم كلمه وقدر عليه بعد طلبه
قال اليماني انا ما اقدر اصلخ الاثنين قلت انا اساعدك فيها
المهم وانا انزل الطليان واذبح الاول واتركه واذبح الثاني وراه على طول ههههههههههه
باقي 10 دقايق عن المغرب الحين
وانا ابي الكهربائي ماجاني
المهم قلت اصلخ لين اجيك وانا انحاش من عنده ههههههه
واروح اتصل على الكهربائي الثاني ويادوب حصلته
قال بعد المغرب اجيك
ويجيني عقب المغرب ويخلص اللمبات ويجهزها قبل العشاء
ونروح نجيب الذبايح مع صلاة العشاء وحنا مركبينها في القدر فالبيت ... طبعا هب علينا برييييد .
شبينا عليه القز لاخر درجه ههههههههه
المهم يوم دقت الساعه 10 بالليل وعشانا جاهز وتعشو الريجيل
اللي فاقع مرارتي ماهو الكهربائي اللي ماجاء
ولاهوب الصلاخين اللي ماهم فيه كلهم
.
اللي رفع ضغطي
يوم جو الريجيل يشكرون وانا اجي اصب الماء من المغاسل واحصله مغلق
واشغل الدينمو واحصله ان الخزان مافيه مويه هههههههه
ويغسلون الريجيل يدينهم في الحوش ههههه
والـ (500) اللي سويت بها المغاسل طيب راحت خساره ههههههههه
,,,,,,,,,,,,,,,,,,,,,,,,,,,,,,,,
هذي قصتي
امل ان تنال الاعجاب
ودمتو بخير
محمد الغنامي