شاعره نجد ضيفتنا في قوافينا الشعريه [الأرشيف]

مشاهدة النسخة كاملة : شاعره نجد ضيفتنا في قوافينا الشعريه

مهرة يام

15-02-2015, 07:20 PM

عضو في ضيافة قوافيَناالشعريه )

.. مسـآء الشعر..

وَ أعذب القصيد ..

احاسيس دافئـه
تجبرنا على الاصغاء
تزخر بكثير من عذوبه
لتحاكي مشاعرنا
ولنعيش طقوسها
بتفاصيلها
وتناقضاتها
لنبحر معها حد الغرق
احاسيس يترجمها
نبض قصيـــدة..!!
من هنا
وفي كل مرهـ
سنكون في ضيافـة عضو
سنبحر معه لننتشي عذب المشاعر وأروعــهآ
ونستمتع بعذب ذائقته الشعريـة
ليقوم بدورهـ وبعد انتهائه
باختيار عضو اخر يكمل رحلتنا تلك
و يمتعنا بروعـة اجاباته على الاسئلـة التاليه..

1- متى كانت بدايتك الشعريه ؟!!

2- ماهي علاقتك بالشعر ؟!!

3- من هو شاعرك المفضل ؟!!

4 _ ماذا يعني لك شعر الغزل ؟!!

5- قصيده تهديها لشخص معين ؟ !!

6 - هل لديك اجواء معينه لكتابة القصيده ؟ !!

7 - هل قصائدك من الواقع أم من وحي الخيال ؟ !!

8 - هل شاعريتك وراثه آم انها موهبه ؟ !!
555555555555555ق5
9- اعضاء في رواسي نجد تثق في ذائقتهم الشعرية ؟!!

10- بيت شعر يحضرك دائما ؟!!

11- قصيده تعدها من اروع القصائـد بالنسبه لك ؟!!

12- قصيده تتمنى لو كنت اللي كاتبها ؟!!

13- قصيده اثرت عليك في مضمونها ومنهو شاعرها ؟!!

14 - امتعنا بقصيدة على ذوقك ؟!!

- لك مساحه بلآ حدود وحرية بلا قيود

وَ أخيراً .. من تريد أن يكون ضيفاً في قوآفينا ؟

اتمنى ان ينال اعجابكم
المهره الاصيله

النجلاء

15-02-2015, 09:12 PM

يعطيك العافيه يالمهره
وشاعرة نجد شاعره كبيره ويشرفنا استضافتها والاستمتاع
بحضورها
في انتضار شاعرتنا الراقيه

حمد اليامي

22-06-2015, 01:16 AM

يعطيك العافيه
على الموضوع تحياتي لك
حمد اليامي

هزاع محمدالعاصمي

08-01-2016, 06:41 PM

الله يحيها وفي انتظارها
والشكر موصل للاخت اللمهرة الاصيلة على الموضوع الجميل
يعطيكم العافية

شاعرة نجد

16-01-2016, 08:16 PM

السلام عليكم ورحمة الله

مساكم الله بالخير وطابت اوقاتكم

وشكرا جزيلا يـ المهره الاصيله عـ الاستضافه
واعتذر عـ الغياب اولاً
وثانياً,العتب على النظر مـ انتبهت للموضوع

وتسلمين يـ النجلاء,والشرف لي
ولاهنت هزاع العاصمي والله يبقيك

تقديري للجميع,’’

شاعرة نجد

16-01-2016, 09:33 PM

1- متى كانت بدايتك الشعريه ؟!!

وانا فـ الصف الثاني متوسط

2- ماهي علاقتك بالشعر ؟!!

غلاي وهواي وكلي الشعر ولا اقول=الا الحمد للي جل شانه وهَبْني اياهـ

3- من هو شاعرك المفضل ؟!!

سداح العتيبي

4 _ ماذا يعني لك شعر الغزل ؟!!

شعر الغزل عذب ومن أروع الشعر

5- قصيده تهديها لشخص معين ؟ !!

أشكي عليك الحال ياعالم الحال=في مرقدي،في مقعدي،في صلاتي
صدري مغلف دااخله كنّها جْبال=أسرار مايدري بها لو خواتي
ودي افضفضها وانا دمت بـ احتال=فـ .الصبر غاية مطلبي وامنياتي
أحتاج فـ الدنيا العجيبه سعة بال=عشان اعرْف اعيش باقي حياتي
في خاطري ياما وياما ولا زال=أشياا واشياا ساكنه وسط ذاتي
مستوطنتني والسماا كله خْيال=يرعد ويبرق من جميع الجهاتي

6 - هل لديك اجواء معينه لكتابة القصيده ؟ !!

لا

7 - هل قصائدك من الواقع أم من وحي الخيال ؟ !!

معظم قصائدي من الواقع

8 - هل شاعريتك وراثه آم انها موهبه ؟ !!

أبوي شاعر والله اللي وهبني=وأنـا كسبـت الموهبـه والوراثـه

9- اعضاء في رواسي نجد تثق في ذائقتهم الشعرية ؟!!

أعضاء رواسي نجد كلهم مبدعين وذائقتهم فاخرهـ
وتعجبني ذائقة الراائعه ,النجلاء,

10- بيت شعر يحضرك دائما ؟!!

غيب القدر من فضل ربي علينا=لو يدري الانسان بالغيب ماناام

11- قصيده تعدها من اروع القصائـد بالنسبه لك ؟!!

القصائد الراائعه كثيير

12ـ قصيده تتمنى لو كنت اللي كاتبها ؟!!

للشعراء المبدعين قصائد مميزه وفااخرهـ
لكن ماعمري قريت قصيده وتمنيت انها لي

13- قصيده اثرت عليك في مضمونها ومنهو شاعرها ؟!!

مـ أقدر أحدد..
المرثيه تؤثر والوجدانيه تؤثر و و

14 - امتعنا بقصيدة على ذوقك ؟!!

مـ ادري تبين من الساحه والا من قصيدي
عـ العموم اتمنى تعجبكم هذه الابيات من قولي وليس من منقولي

طـلاســم حْـروفــي تـمـتـثـل لانـزفـهــا الــبــوح=أوسّــــع بــهــا صــــدري ولاهــيـــب مـفـهـومــه
عليـهـا غـشـاوه لــو كتبـهـا الـقـلـم بُـوضُــوح=تــــوارد مــــن الـخــاطــر ولاتـظــهــر عْـلــومــه
تسابق مع عْروقي علـى الخافـق المجـروح=تـثـيــر الـشـجــن وتــحــرك الــجـــو وغـيــومــه
تْداعـب رنيـن الحـس مـع صوتـي المبـحـوح=وتْلاعب غموض النفـس لـو كـان محرومـه
ورى سْتار صدري من صداها بنيت صْروح=تـطــارد مـعــه ورْمـــوز الاحــبــاب مـحـكـومـه
عـلـى نغـمـة العـشـاق لـــو مـالـهـا مـصـلـوح=تـهــاب الـحــروف مْـــن المـتـاهـات والـلـومـه
تْـقــدّم بـعــد ماتـسـتـوي مـــن بــخــار الــفــوح=عــلــى يْــديــن راعـيـهــا لــذيــذه ومـهـضـومـه
عسى ياعسى يفهم على الرمـز والمنضـوح=وأنــــا غـامـضــه والــحــر مـايـنـكــر سْـلــومــه
تـقـالـيـد وحــــده والـمـواقــف تــجــي وتْـــــروح=والانـفـاس مـهـمـا يـنــزف الـحــرف مكـتـومـه
مــعــانــي هــدفــهــا لامــســتّـــر ولامــفــضـــوح=عـلـيــهــا عــلامــاتــي جـــديــــده ومــرســومـــه

- لك مساحه بلآ حدود وحرية بلا قيود

طبعا هـ الشطر مكمل للسؤال,لكن حبيت يكون له اجابه خاصه

حريتي هي وينها حريتي=قسم بربي كلها قيد وقيود
شوفي حْروف الشعر من سريّتي=يخنق مخارجها غموضي والحدود

شكري وتقديري لكِ وللجميع,’’

مهرة يام

17-01-2016, 01:08 AM

ياسلام عليك ياشاعره نجد
حوار شعري ممتع وجميل
استمتعنا فيه معاك يالغلا
يعطيك العافيه
دمتي بخير وسعاده

هزاع محمدالعاصمي

17-01-2016, 09:00 AM

يعطيك العافية شاعرتنا المتألقة
ولا اخفيك انني سعدت من خلال مروري من هنا
دمتي بخير

النجلاء

17-01-2016, 09:03 AM

ياهلا والله بشاعرتنا المبدعه
ماشاء الله عليك حضور ملكي و اجابات رائعه وممتعه
اشكرك شاعرتنا على اطرائك وهذه من ذوقك لاخلا ولاعدم
لاتحرمينا وجودك الذي يسعدنا ويشرفنا
تقدير لسموك
النجلاء

محمد الغنامي

17-01-2016, 02:07 PM

مرحبا ومسهلا
بشاعرة نجد
كنا ننتظر هذا التألق بشغف
فحضورك مميز واجاباتك كانت في قمة الروعه
صح لسانك ودام تواجدك
دمتي بخير

روابي

17-01-2016, 03:56 PM

حوار وإجابات ممتعه

شاعرة نجد

شكراً على الطرح الممتع والرائع

الله يوفقك
http://dskayakent.dagschool.com/_http_schools/1721/dskayakent/admin/ckfinder/core/connector/php/connector.phpfck_user_files/images/0_7c6b7_ea92caf6_L.jpg

ناصر الهواوي

17-01-2016, 09:34 PM

قضينا مع عذوبة الشعر برهه
تسلمين ياشاعرة نجد
ابداع وسلاسة اسلوب في الاجابات
تحياتي

ابوفارس

19-01-2016, 01:26 PM

الشاعره المتألقه والنجمه الساطعه في سماء رواسي نجد
ابدعتي بحضورك واجاباتك الراقيه لاتحرمينا هذه الابداع والنجوميه
كوني بالقرب دائماً ودمتي بخير وسعاده دائمه

شاعرة نجد

28-01-2016, 09:26 PM

ياسلام عليك ياشاعره نجد
حوار شعري ممتع وجميل
استمتعنا فيه معاك يالغلا
يعطيك العافيه
دمتي بخير وسعاده

تسلمين وتدومين يـ المهره
وعافاك الله

تقديري,’’

شاعرة نجد

28-01-2016, 09:30 PM

يعطيك العافية شاعرتنا المتألقة
ولا اخفيك انني سعدت من خلال مروري من هنا
دمتي بخير

عافاك شاعرنا
والسعيد انا بمرورك الكريم

تقديري,’’

شاعرة نجد

28-01-2016, 10:03 PM

شاعرة نجد

28-01-2016, 10:05 PM

مرحبا ومسهلا
بشاعرة نجد
كنا ننتظر هذا التألق بشغف
فحضورك مميز واجاباتك كانت في قمة الروعه
صح لسانك ودام تواجدك
دمتي بخير

تبقا شاعرنا
وصح بدنك وتسلم وتدووم

تقديري,’’

شاعرة نجد

28-01-2016, 10:06 PM

شاعرة نجد

28-01-2016, 10:07 PM

قضينا مع عذوبة الشعر برهه
تسلمين ياشاعرة نجد
ابداع وسلاسة اسلوب في الاجابات
تحياتي

الله يسلمك شاعرنا
والابدااع حضورك لاهنت

تقديري,’’

شاعرة نجد

28-01-2016, 10:09 PM

الشاعره المتألقه والنجمه الساطعه في سماء رواسي نجد
ابدعتي بحضورك واجاباتك الراقيه لاتحرمينا هذه الابداع والنجوميه
كوني بالقرب دائماً ودمتي بخير وسعاده دائمه

تسلم وتدووم
وشكرا عـ المرور الكريم

تقديري,’’

غنجَ

28-01-2016, 10:30 PM

صح السانك ياشاعرة نجد
ضيفه من الوزن الثقيل
واحبهآ في الله والله.. "

المهره دائماً تحملينا لرقيَ ي راقيه.. ♥

شاعرة نجد

03-02-2016, 02:37 PM

صح السانك ياشاعرة نجد
ضيفه من الوزن الثقيل
واحبهآ في الله والله.. "

المهره دائماً تحملينا لرقيَ ي راقيه.. ♥

الله يحبك والقلوب على بعضها فديتك
وتسلمين لاعدمتك وصح بدنك

شكري وتقديري,’’

عايض العتيبي

18-04-2016, 04:04 PM

مقابله رااائعه جداً استمتعنا بها
صح لساااانك ياشاعرة نجد
وشكراً لك يالمهره على الاستضافه
تقبلي مروري وتحياتي

عازف الشوق

18-04-2016, 06:00 PM

مقابله راااائعه مع شاعره مبدعه ومتميزه
كل التقدير لها ول صاحبه الموضوع

ملكة الرواسي

19-04-2016, 12:50 AM

يعطيك العافية المهرة
سعدنا بتواجدها المتميز
.