ذهيبه

[عبدالله بن طلال]

بيتين كيبورديه للمجاراه


دام العطاوي فاقدٍ له ذهيبه = وانا فقدت اذهيبه من اول العام
كلاً حصل له في زمانه مصيبه = والرابح اللي ما شكى ضيم الايام
ملزومٍ اصبر علّ ربي يجيبه = وش مربحي لو اشتكي لبن غنام؟

[النجلاء]

صح الله لسانك يابو مشعل
الله يستر منكم كلكم مضيعين حلالكم هههههههه
في انتضار المجاراهـ

[مهرة يام]

صح لسانك
ابيات روعه وجميله المعاني
بانتظار ابداعك الشيق
يعطيك العافيه

[محمد الغنامي]

بيتين كيبورديه للمجاراه


دام العطاوي فاقدٍ له ذهيبه = وانا فقدت اذهيبه من اول العام
كلاً حصل له في زمانه مصيبه = والرابح اللي ما شكى ضيم الايام
ملزومٍ اصبر علّ ربي يجيبه = وش مربحي لو اشتكي لبن غنام؟



مجاراه على الطاير

والعذر والسموحه يابو مشعل هههههههههههه


الوقت قاسي والليالي عصيبه=واللي تصيبه يقضي العمر ماقام
والوقت بين بأبو عشرين شيبه=ماهوب عودٍ رفعت عنه الاقلام
يوم انحنى جانا يحث النجيبه=هذرا وراسه ممتلي كله اوهام
ساعه يقول انه مضيع حبيبه =وساعه يقول ان اليمن يمة الشام
والوضع كله فيه شكٍ وريبه=يالله وانا داخل عليك من الاثام

[النجلاء]

صح الله لسانك يابو بندر
مجارآه رائعه بدون شك ابدعتو وامتعتونا
لاهنتو على تواجدكم وتفاعلكم

[محمد الروقي]

صحة السنتكم
والله انها جازتلي مير الواهس يالجزلين له ايام مدحدر

[سهم روق]

عبدالله بن طلال
محمد الغنامي
هنا اقف وقفت احترام
لروعة الاحرف والمجاراه
بدايه رائعه من شاعر رائع
ورد جميل من شاعر جزل
اهنئكم على الموهبه الجميله
احترامي