ديوان الشاعر الكبير. رشيد الزلامي . رحمه الله بواسع رحمته

[سهم روق]

احبتي
اخواني
اخواتي
الطاقم الإداري
اعضاء وزوار
السلام عليكم ورحمة الله
في هذا المساء يوم الثلاثاء الموافق 8/3/1436هـ
ومن محافظة عفيف
ومني انا الملقب بــ( سهم روق)
اتشرف وبكل فخر واعتزاز .أن اضع هنا وبين ايديكم وعلى صفحات رواسي نجد الادبيه
ان اضع حروف على تلك الاسطر
نبذه عن شاعر رحل وترك الحزن في قلوبنا
شاعرٌ خلد الشعر على الصفحات شاعرٌ برز بشعره وتحدي الصعاب
شاعر له الكثير من الشعر والمحاورات
انه الشاعر
رشيد الزلامي
انه فخر الشعر وفخر لقبايل الخليج عامه
وقبيلة عتيبه خاصه
وجمهوره
يسعدني ويشرفني وافتخر بذالك
ان اقدم نبذه عن حياة الشاعر الراحل
رشيد الزلامي
واقدم قصائده لكي يخلدها الزمن على الصفحات
يتبع....

[سهم روق]

http://im72.gulfup.com/vvrw3y.png
الاسم..رشيد بن زيد بن مسيند الزلامي العتيبي
ولد بالحجاز لعام 1926
إلتحق الشاعر رشيد الزلامي بالجيش الكويتي
لديه خمسة أبناء هم (جميل، بندر، فهد، تركي، فيصل)
شارك الزلامي في تقييم شعراء المحاورة من خلال عمله في البرنامج الشعري المعروف "شاعر المعنى" برفقة محمد السناني وسلطان الهاجري.

وتفوق "الزلامي" في شعر النظم، ولقيت الكثير من أبياته الإعجاب، وتناقلها متذوقو الشعر الشعبي.
ويعتبر "الزلامي" من عمالقة شعر المحاورة في المملكة ودول الخليج خلال الـ 50 عامًا الماضية.
وقد شارك الشاعر رشيد في العديد من المحافل مثل المغترة والجنادرية وغيرها

اعتزل الشاعر الكبير رشيد الزلامي، شعر المحاورة، بتاريخ (13 صفر 1435 بعد سنوات قضاها في ميدان "شعر القلطة"، الذي يحظى بجماهيريةٍ كبيرة، ولقي هذا القرار حزناً كبيراً؛ لكون "الزلامي" أحد رواد هذا الفن الشعري، الذي برز من خلاله شعراء عمالقة.

وقال نجل "الزلامي" في حسابه على "تويتر": "بشكل رسمي، يعلن والدي اعتزاله شعر المحاورة، على وجه الخصوص، دون باقي أغراض الشعر".

وحمل وسم "اعتزال_الشاعر_رشيد_الزلامي"، مشاركات شعراء ومثقفين ومهتمين بالأدب، أعربوا عن حزنهم بعد أن فقد شعر المحاورة بريقه في السنوات الأخيرة برحيل الشاعر فيص الرياحي، واعتزال بعض الأسماء عن خوض غمار هذا الغرض الشعري، واليوم سقط عموده وأحد أركانه باعتزال "الزلامي".

[سهم روق]

7 ربيع الأول 1436-2014-12-2903:30 PM

خدم الموروث الشعبي لأكثر من 50 عاماً



وفاة الشاعر المعروف رشيد الزلامي



http://cdn.sabq.org/files/news-image/368406.jpg?649152
‏‫عبدالله البرقاوي- سبق- الرياض: انتقل إلى رحمة الله تعالى، ظهر اليوم، الشاعر المعروف رشيد الزلامي، بعد معاناته من وعكة صحية تعرض لها قبل نحو أسبوعين، أدخل على أثرها مستشفى بريدة المركزي، ثم نُقل لأحد مستشفيات محافظة جدة قبل أن يوافيه الأجل اليوم.

[سهم روق]

في يـوم مـن الأيـام كـان الشاعر رشيد الزلامي رحمه الله

هو مع عدد من زملائه في ساعات العمل بالجيش الكويتي وكان رشيد الزلامي علـى مكتبـه

ويتصفح مجلة على غلافها صورة الملك فهد بن عبدالعزيز عندما كان أميراً

وكان زميله الكويتي ينتظر أن ينتهي رشيد الزلامي من تصفح المجلة ليقرأها

وأطـال رشيـد تمعنـه لصـورة الأمـيـر فـهـد بــن عبدالعـزيـز

و قال له زميله باللهجـة العاميـة ( ماشبعـت مـن شـو فتـك لمعزبـك)

فغضب رشيد الزلامي وأدخل المجلة بـدرج الطاولـة وقـال بـرد قاسـي

مـافـيـه مـجـلـة

فـقــال زمـيـلـه هــــذه الابــيــات


حنا بدارٍ مدلهة صدر من ضـاق
بلّـغ سلامـي للزلامـي و قلّـه
ياعابد الصورة على بيض الأوراق
دارك عرفناهـا وعلتـك عـلـه
إن كان حبه محرق ٍ قلبك إحـراق
شد الرحـال ودرب عمـك تدلـه






فــــرد عـلـيــه رشــيـــد الــزلامـــي قــايـــلا


أنتم بدارٍ مدلهة صدر من ضاق
وانا اتخيّل صورته بالمجلة

ماتعرفونه يارديين الأعماق
هذا الفهد ذخر الفهد في محله

اللي لياشطت ونشفنّ الأرياق
أنا وأنت ومعزبك تحت ظله

وحنّا سعوديين ياطاق طرباق
أحرار ماعشنا بعيشة مذله
رجالنا لو هو على مكسر الساق
حب الكرم والوفا عادة له

وأهل الحسد ماهم على باب الأرزاق
رزقي على اللي كوّن الكون كله

[سهم روق]

البارحه والناس غافيـن وهجـوع
جتنـي هجوسـي ورداً سارياتـي
والليل طال وخط الارسال مقطـوع
ياليل ياطولك متى الصبـح ياتـي
قزرت ساعاتك على ثومـة الكـوع
مالـي نديـم الا الثـلاث الخواتـي
صفر الدلال اللي بها الهيل مشموع
باشكـال وارناقـا معـه لايقاتـي
واصبحت من كثر الهواجيس مفجوع
وافكـار قلبـي شـرداً سارحاتـي
ياسائلاً تسأل ترى الصوت مسموع
وما نشر بالصفحه قريتـه بذاتـي
سويت لي مشروع من غير مشروع
والزمتنـي بالـرد دون شهـواتـي
اكيد عندك يا فتى الجود موضـوع
والا مسوي بـك زمانـك سواتـي
مسقيك من علقات الايـام قرطـوع
وتسمع صراعي فيـه ومغامراتـي
فان كان هذا الامر بالشكل والنـوع
خـل الامـر لمكـون الكاينـاتـي
ساير زمانك كان لك قلب وضلـوع
وارج الفـرج بايامـك المقبلاتـي
وان كان ما طاعتك خلك لها طـوع
ما انته بضاربها برمـح الزناتـي
اما سوالـك مـا جوابـه بممنـوع
ولو للحيـاه اسرارهـا الخافياتـي
اجاوبك لو ما معي منـك منفـوع
تحب تعرف كيـف قصـة حياتـي
حياة ذيباً عايـش الفقـر والجـوع
ليلـه يبـات وليلـة مـا يبـاتـي
اعيش عيشة ذيب والراس مرفـوع
وان قلّ مالي عـزّ نفسـي غناتـي

[سهم روق]

الله على اللي شوحتـه تقطـع الـدار
يوصل غريب الـدار ديـرة ربوعـه
أبيـه والله ميـر مغليـن الاسـعـار
والبنك ماادلـه ولااعـرف فروعـه
وذي حالـة الدنيـا لهـا ادوار وادوار
يومـن تواصلنـا ويومـن قطوعـه
وكـل البشـر فيهـم فقـارا وتجـار
ونفوس تتحمـل والاخـرى جزوعـه
وحتى بنـوك النقـد تعجـز وتنهـار
ماهوب انا عجزي بعـاد(ن) رموعـه
بس المهـم ودون توضيـح الاسـرار
وضعي ووضع الجيب شكله ونوعـه
شريت لي جيب(ن)عسى ابـوه للنـار
بانـت عذاريبـه مـن اول اسبوعـه
مزعج مع الصحراء ومزعج مع القار
ومـن يركبـه لازم يسكـر سموعـه
مثل الشبـح ماينقصـه غيـر طيـار
شكلـه وتصميمـه وممشـاه روعـه
من خف دمـه مابقـى فيـه مسمـار
ولايركبـون عيـال الانـذال نوعـه
مايركبـون الا سفـاري وفكـسـار
آخر زمان(ن) جعـل بقعـا تصوعـه
خلا رجـال المرجلـه مالهـم كـار
الذيـخ لـو يبكـي مسحنـا دموعـه
الذيـخ يشبـع فالفضايـل والاسـوار
والذيـب مايـدرى بفقـره وجوعـه
وقت(ن) يخلي صاحي الفكـر يحتـار
ويشوف من هول الدهـر مايروعـه
تلقى الفقير وفزعتـه خمسـة انفـار
وتلقى الغني كـل الجماعـه فزوعـه
ياعاشق الدنيـا تـرى مالهـا جـار
كما واحد(ن) في حبها طـار شوعـه
اليوم تضحك لـه وتعطيـه الانـذار
وبكـره تلحويهـا محانـي ضلوعـه
خلك علـى صكـات الايـام صبـار
ويوم(ن) يفوتـك لاتمنـى رجوعـه
اقفى على مافيه مـن خيـر واشـرار
نجم(ن) هوى مايندرى عـن طلوعـه
وماهي على كيفـك تمنـى وتختـار
ابعد على المخلوق مـن حـب كوعـه
يخبرك من ذاق المتاعـب والامـرار
وحـاول ولاجالـه زمانـه بطوعـه
ومرت به الدنيا على بعض الاقطـار
في رحلة(ن) ماغيرت مـن طبوعـه
والله ماواطـن عيشـة الـذل والعـار
مـادام لـي شيمـه ونفـس قنوعـه
وقرش(ن) عزيز افضل من الفين دينار
من مصدر(ن) للذل يعلـن خضوعـه
ولو الوساده من صلافيـح الاحجـار
للراس اخير مـن التـرف والميوعـه

[سهم روق]

البارحه يوم الثريا تويقي
يوم كلٍ في لذيذ الكرى راق
وقفت لين الشوف جاله بريقي
مثل السراب اللي على البعد لهاق
أخيل برق صوب واد العقيقي
ماشفت مثله يفضح الليل براق
عساه يسقي دار ذاك الفريقي
لو رغبتي ما عاد باقٍ لها باق
وذيك الديره ماني عليها شفيقي
تطيب منها النفس وتضيق الاخلاق
قزرت عمري في بحرها غريقي
متحمل ٍ كل المتاعب والارهاق
لين انكشف وجه العدو والصديقي
والرفقه اللي حبلها رمث ودقاق
ولا كلفت نفسٍ بما لا تطيقي
تبينت لي كنها شمس الإشراق
وانا ليا شفت الجفا من رفيقي
وصار الامل حبر ٍ على بيض الاوراق
قابلت غلطاته بوجهٍ طليقي
ونظرت له نظرة محب ٍ ومشتاق
أعطيه حتى من منامه يفيقي
لا كلمته سمّعت ولا خاطرٍ ضاق
حتى يعرف اني رفيقٍ حقيقي
وليا انحرف ماهو على باب الارزاق
يروح في دربه وانا في طريقي
من خلقت الدنيا بها جمع وافراق
علي بيبان الفرج ما تضيقي
أسوقها في كل ديره وتنساق
وابعد عن اللي رفقته ما تليقي
ماني على جنبه معلّق بمعلاق
ياكثر مالي في الدير من صديقي
لا بارت العمله وشحّن الاسواق
صداقةٍ تبنا بساس ٍ وثيقي
لا عقربٍ تلدغ ولا موس حلاق

[سهم روق]

ياهـن ابـن هـن مــاوالله ارداك
ومااردى نصيب اللي يسوي سواتـك
ومااردى نصيب اللي من البعد ينصاك
يبا العشا ويشوف بعـض احركاتـك
تحلق الشـارب مـن الديـن يـاذاك
ودك تخـدع المومنيـن بصـلاتـك
لكـن وش تكسـب بدينـك ودنيـاك
لا صار ترك الواجبه مـن صفاتـك
لا صار ضيـف الله تلقيـه علبـاك
باقي علومـك خشهـا فـي عباتـك
الجـود مافقّـرك والبخـل مااغنـاك
ولا تحسب انك مت من موت شاتـك
الخاتمه مـن يـوم هـاذي سوايـاك
بالله لا تعـطـي عتـابـه بنـاتـك
تكثر بنا الرديـان مثلـك وشـرواك
وتـروح تشمتنـا الرجـال بشماتـك

[سهم روق]

قصيدة : أليا جهلت انشد

أليا جهلت انشد ترى مابها عيب
لا تنخدع للجهل وأنت السبايـب

عيب الفتى مافية شك ولاريــب
ترك الفروض وقطع وصل القرايب

والعيب ترك ملازمات المواجيب
وتبع الردى ومجالسة كل خايب

فالتجربة برهان مافية تكذيــب
واليا جهلت انشد من القوم شايب

ولا قول يوجد شايب يعلم الغيب
الغيب يعلم به مدير الهبايــب

لاشك يوجد شايب له تجاريــب
ومن الدهر شاف الفكر والعجايب

بيض النواصي جبهته كلها شيب
من كثر ما مرت علية المصايب

قد صارع الدنيا على الخبث والطيب
فالغوص وإلا فوق روس النجايـب

[سهم روق]

قصيدة : دنيا العنا

قالـوا تعلمـت قلـت عنـاد وفـراسـه
أصارع النفس والدنيـا واصارعــهـا

ودرست في مدرسة من شيّبـت راسـه
دنيا العنا اللـي قضيفـاتٍ مطامعـهـا

تلميذهـا دايــمٍ تكـتـب بقرطـاسـه
وتعطيـه جملـة دروسٍ مايضيّعــهـا

والله عطانـا نظـر وقلـوب حسـاسـه
ناخذ علوم المعرفـه مـن مراجعــهـا

ونسايـر الوقـت ونقيـسـه بمقيـاسـه
ونوجـه النفـس بالواقـع ونقـنعـهـا

وترى حيات الفتـى مهمـا قـوا باسـه
محفوفـةٍ بالخطـر والمـوت تابعـهـا

من مبتدا العمـر حتـى يلفـظ انفاسـه
يمـر فـي مرحلـه تكثـر زوابعـهـا

أول حيـات الفتـى مشـوار واعساسـه
مسافةٍ فـي عجـاج العمـر يقطعـهـا

وثاني حيات الفتـى تدريـب ودراسـه
تصعب ظروف الحياه وينشغل معـهـا

وثالث حياة الفتى يرجـع علـى ساسـه
النقطـه اللـي بـدا منهـا يراجعـهـا

يرجع لسـن الهـرم ويضيّـع الطاسـه
ويزحف مع الأرض ويخطــط شوارعها

وليـا تلاقـت متونـه وارتخـى راسـه
ضاعت جميع العلــوم اللـي مجمّعهـا

[سهم روق]

الزلامي كيف رمح الهوى صابه
والهوى ماصابنامن على اولنـا
ياهل البيت الخضرسكرو بابـه
سكروبيبانكـم ياعـرب عنـا
وامسكواورع الهوى اللي بلشنابه
كـل ماجينامـن الـزام قابلنـا
هزرمش العين والاضحك نابـه
ضحكـة ٍمنهاالنجـوم يتهاونـا
امسكوه ببيتكـم قبـل نبلابـه
وأن طلع لاتامنون العتـب منـا
لايكلمناولايطـلـع الـجـابـه
لوصبـاح الخيركنـه يلعـنـا
مايخاف الله ولايرحم اصحابـه
جاهـلا ًبعيونـه السوديفتـنـا
اتمناحـرب مـدفـع ودبـابـه
والعيـون السودعنّـا يصدنـا
بس ياهل الورع متنامن اسبابه
مايردالمـوت لاانتـم ولاحنـا
ورعكم يلعـب ودنيـاه لعابـه
مـادرى انـا قدلعبناوهـونـا
مالقينافي طريق الهـوى ثابـه
زتنافي بحرالاهـوال واهملنـا
ودنابيت الهوى نقطـع اطنابـه
ونطلب الوالي عسى العفويشملنا

[سهم روق]

الوقـت يامقـسـى عـنـاه وعـذابـه
حطاب ليـل ولـه معاويـن وفـزوع
احد (ن) منـه يمكـن يعالـج صوابـه
واحد (ن) يموت بعلته مـوت جربـوع
يروح مثـل مقـاط محـد (ن) درابـه
لاحبـل يرقـى ولاصـوت مسمـوع
بغـى يجيـب رشـاه ورشـاه جابـه
من عالي الشفه علـى ضربـه الكـوع
هـذاه مقـاط اللـى ارشـاه التـوابـه
واصبح مثل للناس في كـل موضـوع
قصـه مقـاط وقصـتـى ماتشـابـه
اسباب وقت وكـل قصـه لهـا نـوع
مقـاط صفـى فـي زمانـه حسـابـه
وانا بلشت في وقت طامـع ومطمـوع
كم واحـد (ن) وقـت اللـزوم تهقابـه
واليـا نصيتـه غيـر الطبـع بطبـوع
والصاحب اللى صحبته ضحـك نابـه
يبينى ابقى لـه علـى الـدوم مـزروع
ان شـاف وجهـي قـال يامرحبـابـه
وان غبت ينسانى على راس الاسبـوع
واليـا نسانـى منهـو حظـره جنابـه
انساه واجعـل دونـه الخـط مقطـوع
وعيب (ن) عليـه كـان طقيـت بابـه
لونى امسي بالخـلا ميـت (ن) جـوع
مـن خلقـه الدنيـا تجـوع الذيـابـه
بس المهـم تعيـش والـراس مرفـوع
وتكسب بعـز النفـس قـدر ورحابـه
وتمشى على خط (ن) سليم (ن) ومشروع

[سهم روق]

ياموزع النعم خل النعم لاصحابـه
ماينعطـي غيـر للـي يستحقونـه
النعم ينعطـي لرجـلٍ فاتـحٍ بابـه
للضيف وليا بغوه بحـال يلقونـه
اللي بوقت اللزوم يبيـن مضرابـه
سيـف تحـده لزومـه مايحدونـه
والاالردي لاتقول ونعم يظرى بـه
يرهي على نعم وهوه قاصر ٍ دونه
ليا قلت له نعم قـام يفتـل أشنابـه
يحسبك صادق ما يدري نعم وشلونه
يطمع بشيٍ يموت الخبل مـا جابـه
ثم قال أنا جبت نعم اللـي يقولونـه
بعض البشر يحلمون احلام كذابـه
ومن لاعرف قدر نفسه عدّ طبلونه
يجيك مسرع مايدري ويش يبلابـه
من قلة العرف ما يمشي علىهونـه
اما على الاقربين اشتـال مشعابـه
والابعرض المقفي سـلّ مسنونـه
تناول الغايبين و كثـروا أحزابـه
اللي علـى قلـة الخيـره يدفونـه
واهل العقول سكتوا ماقالوا الجابـه
لا ينقصونـه بشـي ولا يزيدونـه
قالوا هذا فيه عاهـة وابتلشنـا بـه
والا هذا فيه شـي ٍ مـا يعرفونـه
وخلوه يسرح ويمرح خاب من جابه
ما نومس اللي من الصغر يترجونه

[سهم روق]

البخـل طبـع مستحيـل عـلاجـة
والجود طب لكل الأمراض وعـلاج
جيت الرفيق اللـي بشـوش حجاجـة
اللي بحـزات الرخـاء مثـل هـداج
قال العلـوم وقلـت طـلاب حاجـة
حاجة يسر ماهي تكاليـف واحـراج
ان كلفـت يكفـي العـذر والمواجـه
وان كان جت من يسر صاحبك محتاج
واومى براسـه مثـل راس الدجاجـة
وهز المتون وراح وجهه كما الصاج
واقفيت مـن عنـده مطفـي سراجـه
ولي حاجة ماعطيتهـا كـل هـراج
عرض العلوم لغيـر اهلهـا سماجـة
والصاحب الطيب له الـدرب ينعـاج
وكم ضيقـة ياتـي بعدهـا انفراجـة
ياليت كـل اصحابنـا مثـل سهـاج
الصاحـب اللـي مايعكـر مزاجـة
ولا حطلـه كثـر المعاذيـر منهـاج
ولا الردي صيـده يضيـع بعجاجـة
ماتسبقه في سرعـة الـروغ ميـراج

[سهم روق]

اكتب ويكتبلي وانا اقول حتى ايش
حبراً على قرطاس ماهوب كافـي
والوضع ماهو قابـلاً للمطاريـش
يا امير بشرنـي عساهـا عوافـي
سجيت يوم غصون قلبي مواريـش
واليوم يا فرز الوغى شـاب قافـي
وعروق قلبي يالسديري معاطيـش
امشي وانا مقفي واعايـن خلافـي
رافقت حجاج الهنـود الدراويـش
وسريت مسرى الذيب رجلي وحافي
وطال المسير وصار بالجو تشويش
متى على الله يصبح الجوّ صافـي
شياّ يخدش ثومة القلـب تخديـش
وسره يعود الى القلـوب النظافـي
يكفيك لايـح كلمتـي دون تفتيـش
وعندك خبر ما قال صقر النصافي
مادام انا قلبي جزوعـا ليـا نيـش
حساس من كلمه سريـع العيافـي
ارضاً خلا لو مابها لقمـة العيـش
اخير مـن رزق عليـه اختلافـي
والرمز يكفي الحر والخاتمه ويـش
اقبل تحياتـي وانـا شـاب قافـي

[سهم روق]

يا ونتي يا ما بصدري من الضيـق
من حسة لا جت بداخـل ضميـري
كنيتهـا فـي مغلقـات الصنـاديـق
لين انكسر منها الضليـع القصيـري
قالوا قدرت الصبر ما فيـه تبريـق
قلت اه من يقدر على الصبر غيـري
مير انتهى واليا انكفى الميّ ما حيـق
سود الليالي عرقلـت خـط سيـري
والله لو اشرب ماي سحب غداريـق
ما ظنتـي يبـرد ظمـاي الغديـري
ولو اشرب الذوب المصفّى على الريق
زاد السعير اللـي بكبـدي سعيـري
خط لفانـي حـرّق القلـب تحريـق
امحق بشـاره جبتهـا يـا بشيـري
انا على عهـدٍ واظـنّ العهـد بيـق
اخر زمان وكـل شـيء يصيـري
راحوا هل النمات مثـل الزواريـق
يسعـون عدوانـي بقرقـا عشيـري
الله يجازي مـن سعـى بالتفاريـق
عن جنـة الفـردوس بالزمهريـري
يا راكب اللي مع خطـاة الطواريـق
ينـوز نـوز الجافـل المستذيـري
مـن وارده مالوعـوه السـواويـق
ولا داج للعبـري وشـال الاجيـري
اخـر طـراز مغلـق الفـن تغليـق
اسبق من الاصوات عبـر الاثيـري
هـافٍ يهيـف بمجرهـد الرقاريـق
يطوي الفيافي طي سلـك الحريـري
عجل ليا دنَّـي وعجـل ليـا سيـق
والطير مـا يمديـه قدمـه يطيـري
عليـه منـدوب ليـا نشـف الريـق
قرم ليـا سـال العـرق بالنظيـري
داس الخطر من دون عهد ومواثيـق
يوم ان ولد الـلاش فكـره يحيـري
خذلي كتاب منسـق القيـل تنسيـق
مكتوم مـا يقـراه غيـر السديـري
محمـد الاحمـد مهـدي الصعافيـق
ليا عدوا اهل الطيب قاضي واميـري
وان حلّـق الدخـان بالجـو تحليـق
اميـر فـي قـود السرايـا خبيـري
وان صار بالجرعات كنّه وتشريـق
قاضي يحل العسـر حـلاً يسيـري
وان جو وبيبـان المنـازل مغاليـق
ريفـاً لهشّـال الخـلا والقصيـري
وسلم عليه وشلـق الهـرج تشليـق
واشرح له الموضوع حالي خطيـري
يعطيك راياً مـا عطـوه المطافيـق
وانا بلشت ومـن بلـش يستشيـري
وتراي بادي لك على الرجم ومويـق
عطشان شفقـان لشـوف السديـري

[سهم روق]

الله مـن قلـب بـه النـار تشتـب
هبـت وشبـت واستمـرت شبوبـه
قلـبٍ غـدى للهم مـا رد ومشـرب
وما ضاع من هم العرب راح صوبه
همٍ على ربـع وهـمٍ علـى غبـب
اليـوم والساعـه همومـه تلـوبـه
والله من عينآ تصب العبر صبصـب
القليـب اللـي تـدالـج غـروبـه
يا عبيد انا ما نيب ضبٍ ولد ضـب
يصبر لمـا يسمـع وينفـخ ذروبـه
انـا عتيبـيـآ عـريـبٍ مـعـرب
لي ما قفٍ كل الجميـع شهـدو بـه
من سب داري قلتله كـب ثـم كـب
وارخصت روحي دون داري جلوبه
لـو أنسجـن بسبابـهـا واتـعـذب
صبرت من شـان الوطـن للعقوبـه
والسجن ما هو عيب شـئ مجـرب
يعلـم المسجـون مـا هـي ذنوبـه
يلومنـي خبـلٍ إلا مــا تـغـرب
ينسى الوطن خسروا هله يوم جو بـه
فوده مع الضفـران صفـر مكعـب
فطيس قلـب و لـذة النـوم دوبـه
وانـا علـى كـل الجنـوب اتقلـب
ما ذقت حلو النوم يـوم اهتنـوا بـه
اقنب قنيب الذيب فـي راس مرقـب
من حر ما به قـام ينهـش جنوبـه
يحينـي الغربـي عصيـر إلاهـب
وريح الديار الطاهـره فـي هبوبـه
ريحة هواها مكسبـي يـوم نكسـب
اخير من ريـح البحـر والرطوبـه
عسى السحاب اللي من العصر ينصب
هلـت هماليلـه وهبـت انصـوبـه
يسقى وطن راعي العقـال المقصـب
نجد العزيز وغـرب نجـد وجنوبـه
ياديرتي مـا تقبـل الشتـم والسـب
يـا منبـع الإسـلام دار العروبـه
يفوز مذهبهـا علـى كـل مذهـب
وعلـى مقلبـت المذاهـب عقوبـه
يحكم بشرع الله وبالسيـف الأرقـب
ولا شق فيها طالـب الحـق ثوبـه

[سهم روق]

قالوا تعلمـت قلـت عنـاد وفراسـة
أعاند النفـس والدنيـا وأصارعهـا
ودرست في مدرسة من شيبت راسـه
دنيا العنا اللي قصيفـات مطامعهـا
تلميذهـا دايـم تكتـب بقرطـاسـه
وتعطيه جملة دروس مـا يضيعهـا
والله عطانا نظر وشعـور حساسـة
ناخذ علوم المعرفـة مـن مراجعهـا
ونساير الوقـت ونقيسـه بمقياسـه
ونمشي مع النفس بالواقـع ونقنعهـا
وترى حياة الفتى مهما قـوى باسـه
محفوفة بالخطـر والمـوت تابعهـا
من مبتدى العمر لاما يلفـظ أنفاسـه
يمر فـي مرحلـة تكثـر زوابعهـا
أول حياة الفتـى تدريـب ودراسـة
تكثر ظروف الحياة وينشغل iiمعهـا
وثاني حياة الفتى مشـوار وعساسـة
مسيرة في عجـاج الوقـت يقطعهـا
وآخر حياة الفتى يرجع على ساسـه
النقطة اللـي بـدا منهـا يراجعهـا
يرجع لسن الهرم ويضيـع الطاسـة
ويمشي مع الأرض ويخطط شوارعها
والا تلاقت متونه وارتخـى راسـة
ضاعت جميع العلوم اللـي يجمعهـا

[سهم روق]

ألا يـا الله إن طالـبـك طاعـتـك ورضــاك
وعـلـم لـيـا ذكــروا أهـــل الـخـيـر نـذكـربـه
أنا في رجاء عطفك وأنا ملتجي لحماك
تـفـرج هـمـوم الـقـلـب يـــا فـــارج الـكـربـه
ليا نسنس الغربي وحرك غصون الـراك
وتلاحى الحمام وعالي الصوت يجهربه
أجـاوب حمـام الــورق يالايـمـي عـسـاك
يـحـدك زمـانـك يــم مــن لا تـبـغـي قـربــه
ذلـيـل لـيـا جـيـتـه وحـيــداً تـعــد إخـطــاك
خـجـول وقـلـبـك وهـــاج الـثــار تسـعـربـه
ألا يــا حـمـام الــورق هيـضـنـي بـغـنـاك
مـــع الــهــم والـغـربــال والـبـعــد والـغـربــة
ألا يا حمام الورق مـا شفـت وإلا جـاك
تـــــرى يـنــفــع الـمــهــوم عــلـــم يـشــربــه
عن الدار وأهل الدار والسـر مـا يخفـاك
غــريــب تــــولاه الــزمــان وقــلــع شــربـــه
من أول يجـوز العـذر للـي يـروح هنـاك
وأنـا الـيـوم مـالـي عــذر ويــش أتعـذربـه
مسكهـا حكيـم الـرأي وإن دارت الأفــلاك
وقـاد السفينـة وأشـرق النـور مـع دربــه

[سهم روق]

ياصاحبي درب العلا عسر بالحيل
ودونه مسافه جرهديه وجردى
وقدمك لعكفان الشوارب مداهيل
قطاعة الفرجه على كل سردى
وان كان ماتقدر دروب الرجاجيل
عود وتلقى واحد منك واردى

[سهم روق]

لا يا طيور (ن) على رجم الهوى طيري
خلـيـنـي أبـــدي بـصـوتــي فــــي نـهـابـيـره
أمشـي مشـاويـر مــا تحـسـب مشـاويـري
وأطـرد ورى الحـب ليـن أقـفـت مظاهـيـره
تـعـبــت وأتـعـبــت مــــع دربــــه مــداويــري
نــبـــا نـــــرده وأثـــــر مـــــا حـولــنــا ديـــــره

[سهم روق]

بالحلم دكتورٍ وبالعزم فولاذ
موج البحور العايمه ما يطمك
ومن يلتجي لحماك يرهي بالانقاذ
منفذٍ للمرجلة راس كمك
منته ينبع في صقاعقب رذراذ
هداج تيما اللي غزير مجمك
والله يا سلمان ماجيت شحاذ
لكن مما حسني جيت يمك
أعرفك من روس الرياجيل الافذاذ
الطيب يظهر في تحاليل دمك

[سهم روق]

يــانــجــد حـــبـــك هــــــو شـــرابــــي وزادي
شــيــن بـقـلـبـي كــونـــه خــالـــق الــكـــون
لاعـــــــدت الــبــلـــدان هــــــــذي بــــــــلادي
اقـولــهــا مـــــن كــــــل قــلــبــي ومــمــنــون
متـمـكـن ن حـــب الـوطــن مـــن فــــوادي
وحــب الـوطــن سـنــه عـلــى مايـقـولـون
مـــــن طــبـــق الـســنــه لـــــه الله هـــــادي
ومــن خـالـف الـسـنـه مـنـافـق ومـلـعـون
يـامـنــكــر ن دارك عــلــيـــك الـــســــوادي
يـــوم الــكــرام لــحــق الاوطــــان يــوفــون
هـــــذي وطـــــن صـفـوةجـمـيـع الـعــبــادي
وبعده وطن قومن على النهج يمشون
دار الــســـعـــود مــنــزحــيــن الاعـــــــــادي
الـلــي لـهــا عــرضــن مــنــزّه ومـصـيــون
تــلــبــس بـهـيـبـتـهــم ثــيــابـــن جـــــــدادي
غصبـاً علـى الحـسـاد والـلـي يحـسـدون
دارن مــضــى فـيــهــا خــيـــار الـمــبــادي
ودسـتـورهـا الـقــران عــــن كــــل قــانــون
دارن لــصــوت الــحـــق فـيــهــا مــنـــادي
ومـنـهــا وفـيـهــا قـبـلــه الــلــي يـصــلــون
وعـنـدي هـواهــا ريـــح مـســك وزبـــادي
وجـبـالـهــا عــنـــدي بـسـاتـيــن وعـــيـــون

[سهم روق]

الـبـارحــه والــنــاس غـافــيــن وهــجـــوع
جــتــنــي هــجــوســي ورداً ســاريــاتـــي
واللـيـل طــال وخــط الارســال مـقـطـوع
يالـيـل يـاطـولـك مـتــى الـصـبـح يـاتــي
قــزرت ساعـاتـك عـلـى ثـومــة الـكــوع
مــالـــي نــديـــم الا الــثـــلاث الـخــواتــي
صفر الدلال اللي بها الهيل مشمـوع
بــاشــكــال وارنـــاقـــا مـــعــــه لايــقــاتـــي
واصبحت من كثر الهواجيس مفجوع
وافـــكـــار قــلــبــي شــــــرداً ســارحــاتـــي
ياسائلاً تسـأل تـرى الصـوت مسمـوع
ومــا نـشـر بالصـفـحـه قـريـتـه بـذاتــي
سويت لي مشروع من غير مشـروع
والـزمــتــنــي بـــالــــرد دون شــهـــواتـــي
اكيـد عنـدك يـا فتـى الـجـود مـوضـوع
والا مــســـوي بـــــك زمــانـــك ســواتـــي
مسقـيـك مــن علـقـات الايــام قـرطــوع
وتـسـمـع صــراعــي فــيــه ومـغـامـراتـي
فـان كـان هـذا الامـر بالشكـل والـنـوع
خــــــل الامـــــــر لــمــكـــون الـكـايـنــاتــي
سايـر زمانـك كـان لـك قـلـب وضـلـوع
وارج الـــفــــرج بــايــامـــك الـمـقـبــلاتــي
وان كـان مـا طاعتـك خلـك لهـا طــوع
مـــا انـتــه بضـاربـهـا بـرمــح الـزنـاتــي
امــــا ســوالـــك مـــــا جــوابـــه بـمـمـنــوع
ولـــــو لـلـحـيــاه اســرارهـــا الـخـافـيـاتــي
اجـاوبـك لــو مــا مـعــي مـنــك مـنـفـوع
تـحــب تـعــرف كـيــف قــصــة حـيـاتــي
حـيــاة ذيـبــاً عـايــش الـفـقـر والــجــوع
لــيــلــه يـــبـــات ولــيــلــة مــــــا يــبــاتـــي
اعيـش عيشـة ذيــب والــراس مـرفـوع
وان قــلّ مـالــي عـــزّ نـفـسـي غـنـاتـي

[سهم روق]

رحلة مع الايام




رحــلـــة مـــــع الايـــــام صــولـــة وجــولـــه


نـزعـة شـبـاب وكمـلـت عـمــر مـخـلـوق


بــديــتــهــا وانـــــــــا بــــســـــن الــطــفــولـــة


والـيـوم رســم الشيبفـالـراس مــن فــوق


حـاولــت احــقــق شــــي مــانــي بـحـولــه


ولاشــــفــــت لــلــدنــيــا حــــــــلاوة ولاذوق


مـاهــوبــانــا الـلـيـقــلــت كـــلــــن يــقــولـــه


كـم عاقـلـن قلـبـه مــن الـدهـر مـحـروق


ركــــض مــــع الـدنــيــا وتـعــبــت ذلــولـــه


ومثلي على درب الخطر ساقها سوق


والـــيـــوم جـــالـــس والـــذلـــول مـعـقــولــه


وايـا انتبـه غنـى مــن الشـعـر طــاروق

[سهم روق]

يــاغــارس الـشـجــره بــيــدك الـكـريـمـه
هــذا دلـيــل إخـلاصـكـم ســـر واجـهــار


مـاهـي غريـبـه بــك شهـامـه وشـيـمـه
وأبوك قبلك قد غرس خيـر الاشجـار


عبـدالـعـزيـز الــلــي فـعــولــه عـظـيـمــه
الـلـي جــلا عـنــا صـــدا الـــذل والـعــار


وجـعــل لــنــا مـابـيــن الأقــطــار قـيـمــه
مكـانـتـن نـفـخـر بـهــا بــيــن الأقــطــار


لــــــولاه مــاذقــنـــا الامـــــــان ونـعــيــمــه
رحـنــا شـرايــد لـلـفـتـن مــثــل مــاصــار


ولــولاه ســـوى الـجـهـل فـيـنـا جـريـمـه
ولـــولاه ضـعـنـا بــيــن مــاكــر وغــــدار


قـبـلـه نـعـانــي مــــن حـيـاتــن سـقـيـمـه
ونهيـم بالصـحـرا عـلـى عـشـرة أنـفـار


نـاهــب ومـنـهـوبـن ونــصــر وهـزيـمــه
ولا نسمع المذن على وقت الاسحار


ولانـعـرف الـلـي نـاخـذه مــن وسـيـمـه
ألا إن شيمنـا تمنـع الضيـف والـجـار


هـــذا حـصــل يـــوم السـنـيـن القـديـمـه
يــــوم الـجـهــل يلـعـبـنـا شــتــى الادوار


والـــيــــوم يــاخــيـــال شـــقــــرا وريـــمــــه
نـــــزل شـــــدادك وادع لـلــوالــد الــبـــار


أدعـــــوا لـبـوتــركــي قــــــوي الـعـزيــمــه
عـسـاه مايـعـرض عـلـى واهــج الـنـار


الــلـــي رسـمــهــا خـطــتــن مـسـتـقـيـمـه
وساروا على نهجـه بعيديـن الانظـار


آل السـعـود اهـــل الـنـفـوس الكـريـمـه
هــم درع نـجـد ونـجـد لـهـل الـوفـا دار


لاوالله الــلــي نــجـــد مــاهـــي عـقـيـمــه
يـانـجـد يــاديــرة هــــل الـمـجــد والــكــار


دمـتـي لـنــا مـــن كـــل شـــرن سلـيـمـه
فـي ضـل أبوفيصـل عزيزيـن واحــرار


وعـبـدالله الـلـي لـــه مـواقــف عظـيـمـه
ولــي عـهــد اللممـلـكـه واف الاشـبــار

[سهم روق]

طـبـايـع الـنــاس مـــن يــقــدر يـبـدلـهـا
واهنـي منـهـو مــن الدنـيـا بــرد هـمـه
ماأكثـرعـلـوم الـبـشـر لـوجـيــت أحللها
أعــقــول متـخـالـفـه واجــســام مـلـتـمـه
أشخـاص تربـط كرمهـا فـي مشاكلهـا
والخير موجـود والمنـدي علـى الذمـه
لاشفت بـذلات بعـض النـاس يبذلهـا
مـاهـيــب لله ولاتــبــذل عــلــى الـيــمــه
إيــورطـــه بـالـعـزيـمـه لـــيـــن يـاكـلــهــا
وتنكب البشت واصبـح سارحـن يمـه
قـال أعطنـي موجـز الأخبـار وازهلـهـا
صاحبك صاحب يصر العلم في كمه
مـايـدري إنـــه ضـلــم نـفـسـه وحمـلـهـا
وضـرّب مسمـار حامـي ماطـلـع دمــه
واعـمـالــه الــلــي يـقـدمـهــا يـحـصـلـهـا
فـــي يــــوم مايـنـفـعـه خــالــه ولاعــمــه

[سهم روق]

سلامـي علـى الشيخـه بـعـد كـثـرة الأخـتـام
بـعــد كــــل واحــــد شــــال خـتـمــه وزوزابــــه
شـيــوخ الـربـيـع الـلــي بـعــد بـــدت الأنـعــام
وراع الـغــنــم نــــــزل صـمـيــلــه ومـشـعــابــه
وقـــال أتـقــدم واسـبــق الـنــاس مـــن قــــدام
أجــيــب الـخــتــم لـــــو مـامــعــي مـاتـعـشـابـه
ترا الشيخ من جـده يخلـي الجمـوع أقسـام
لـيــا شـــن غـاراتــن عـلــى الـقــوم يـدعـابـه
وترا الشيخ من جده ليا حضروا الأخصام
يـــفـــرّج لــربــعــه يــــــوم مـاتـطــلــع الــجــابــه
وترا الشيخ من جاره من الوقت ماينضـام
وترا الشيخ من يفتح لضيـف العشـا بابـه
كــريــم لــيــا قــالــوا يــجــي فـالـرجــال إكـــــرام
حـلـيـمـن لــيــا مـاغـثــرب الــدهــر مـشــرابــه
كفـا مامـضـى فــي مـاضـي الـوقـت والأيــام
زمانـن شـيـوخ الـيـوم سلـمـوا مــن أسبـابـه
تـصـارع بــه العـالـم ومــن طــاح بــه مـاقـام
ومــــن يــذكـــر الــجـــد الـعــريــب يـتـعـزوابــه
مضى وانتهى في عهد أبو تركي الضرغام
أســــد الأســــود مـحـطــم الــشــرك واحــزابــه
جـمـع شملـهـا مــن بــاب جــده لـيـا الـدمـام
وزار الـــحــــرم قــبـــلـــة نــبـــيـــه وصــــلاّبــــه
عـسـى الله يضللـنـا تـحــت رايـــة الإســـلام
وحـــكـــم الــســعــود أنــلــوذبــه وان تـــذرابـــه

[سهم روق]

يـامــيــر يــارمـــز الـــشـــرف والــكــرامــه
يافزعـة المضيـوم فـي ساعـة الضيـق
يــامــن رقـــــا بـالـمـجــد قــمـــة سـنــامــه
فـــــــواز زيـــــــزوم الــعــيـــال الـطــالــيــق
مـــن لابــتــن يـثـنــون دون الـجـهـامـه
ويـفـرقـون جـمــوع الاضــــداد تـفـريــق
دولـــة هـــل الـعـوجـا وروس الـزعـامــه
جمـال التخـوت اللـي تشيـل المعالـيـق
يلجـي لهـم مــن شــان وقـتـه وضـامـه
ولحقـه مــن الايــام بـعـض الملاحـيـق
أشـكـي لـكـم جفـنـن جــزا عــن مـنـامـه
واشـكـي لـكـم هـمـن لـجــا بالصـنـاديـق
واشـكــي لــكــم حــالــن تــدانــا حـطـامــه
هـيـمـن عـلـيــه الــهــم مـافـيــه تـبـريــق
عـلــى عـشـيــرن تـلـنــي فــــي غــرامــه
تــــل الــحــرار ألمـبـهـمـات الـمـسـابـيـق
أسـهـر عـلـيـه الـلـيـل داجـــي ضـلامــه
وابـــدع عـلـيـه مـعـوشـرات الـطـواريــق
والــيـــا طـــــرا شــوفـــه ولــــــذة كـــلامـــه
سـوالـفـن تـسـلـب قـلــوب العـشـاشـيـق
بــتــلـــت قـايــمــتــن عــــلــــي الــقــيــامــه
والا إني أسبح فـي بحـورن غواريـق
مثـل المـريـض الـلـي طويـلـن سقـامـه
يغمـى عليـه بسكـرت الـمـوت ويفـيـق
هـــذا سـبــب مـــن تـلـنـي فـــي غـرامــه
تــــل الــحــرار ألمـبـهـمـات الـمـسـابـيـق
لايـاعـيـون الـلــي جـفــل مـــن تـهـامــه
يـسـمـع لـرعـيــان الـجـحــادر نـتـاغـيـق
عـيــن الـغــزال الــلــي بــذيــك الـعـدامــه
مـالــه حـلـي(ن)مـع جـمـيـع المخـالـيـق
ألا الــــغـــــزال بــنــظــرتـــه واغــتــنـــامـــه
والعين عيـن اللـي بـروس الشواهيـق
عـيــن الـعـديـم الـلــي بـراســه شـهـامـه
أشقر عريض الصدر زين المفاهيق
عـلــيــه مــــــن دم الــحــبــاري عـــلامـــه
مـــن د بـرقــآ طـقـهـا الـعـصـر بلـحـيـق
تـبــا الـسـلامــه مــــار مــامــن ســلامــه
عنهـا السلامـه بعـد عسفـان لطـويـق
تـلــحــفــت جـنـحـانــهــا مـــــــع مــقــامـــه
وحـول عليهـا بيـن صيحـه وتصفـيـق
قــــد عـلـمــوه الــعـــام طـــــرد الـحـمـامــه
ولاشافـهـا ألا يـابـس الـحـلـق والـريــق
هــــذا ومــــن يـلـحــق مـحــبــن مــلامـــه
تجـري بـه الدنـيـا عـلـى غـيـر توفـيـق

[سهم روق]

مرثيـة الشاعر رشيد الزلامي في الامير محمد الأحمد السديري

اليوم ياعين الشقا ليـش تبكيـن = يبكي الحزين وعبرته وش تفيـده
والله ما ألومـك لوبقيتـي تهليـن =دمـعً يـداوي الحـزن ولايزيـده
هذا القضاء والقدر مافيـه تظنيـن= يطوي من التاريخ صفحه جديـده
صفحة شرف هزت قلوب الملايين= توجد بها كـل الصفـات الحميـده
صفحة شرف حنا لهـا مستحقيـن= تبقـى لنـا والله فعـل مايريـده
راضين بامر مكون الكون راضين =حيث انـه المالـك وحنـا عبيـده
كم راحلً من بين قومـن مقيميـن =ومع دورة الايـام شـدوا شديـده
هذا الصحيح انا على الدرب ماشين= ولا وكـاد انـا فقـدنـا فقـيـده
شخصية تعرف على العسر واللين= سجل لها الماضي مواقف عديـده
في صالح الدنيا وفي صالح الديـن= ونفس تموت بمثل هـذا شهيـده
وابوزيد حبه في قلـوب المحبيـن= بقلوب كل الناس ضخـمً رصيـده
مرحوم ياريف الضعاف المساكيـن =زومان شيـال الحمـول المكيـده
ريف الضيوف اللي من البعد لافين= وعز الصديق وضد منهو ضديـده
العام ياعين الشقـا وش تخبريـن = أبعث له أسراري من أرض بعيـده
واشكي له الغربه وبعـد المحبيـن= وظروف عشت ابها حياةً زهيـده
مشاكـلً تكـوي كبـود البعاريـن= يذوب منها القلب لو هـو حديـده
ويرد لـي رد الرجـال الحكيميـن= ويحل موضوعي ببيـت القصيـده
وكنا على عهد الوفا منه مرهيـن = وحل القضاء المحتوم دون الوعيده
اليوم ياعين الشقا ليـش تبكيـن= محمد رحل مع درب خالد عضيـده
ندعوا لهم دعـوة حجيـج ملبيـن= بجنة عدن لاهل الصفات الحميـده
واليوم ياشعر النبط عنك عازيـن= عفناك لـو عشنـا حيـاة مديـده
اختل وزنك مابقـا لـك موازيـن =تراك طيرن طايرن مـن جريـده
يالله ياقابـل صـلاة المصلـيـن = وفي قدرتك تحيا العظـام الهميـده
تجعل لهم عن واهج النار تاميـن = وتجبر عزانا في النفوس الشديـده

[سهم روق]

الله عـــلــــى الـــلــــي شــوحــتـــه تــقـــطـــع الــــــــدار
يـــــوصـــــل غـــــريـــــب الــــــــــدار ديــــــــــرة ربـــــوعــــــه
أبـــــــيــــــــه والله مـــــــيــــــــر مــــغــــلــــيــــن الاســــــــعــــــــار
والـــبـــنـــك مـــــــــا أدلـــــــــه ولا اعـــــــــرف فـــــروعـــــه
وذي حــــــالـــــــة الــــدنــــيـــــا لــــــهـــــــا ادوار وادوار
يــــــــومــــــــن تــــواصــــلــــنــــا ويــــــــومــــــــن قـــــطــــــوعــــــه
وكــــــــــــل الــــبــــشــــر فــــيــــهـــــم فــــــقـــــــارا وتــــــجـــــــار
ونـــــفــــــوس تـــتـــحـــمـــل والأخــــــــــــرى جــــــزوعــــــه
وحـــــتـــــى بـــــنـــــوك الـــنـــقــــد تـــعـــجــــز وتـــنــــهــــار
مـــا هـــوب انــــا عــجــزي بــعــاد (ن) رمــوعــه
بـــــــــس الـــمـــهــــم ودون تـــوضـــيــــح الاســــــــــرار
وضــعـــي ووضـــــع الـجــيــب شـكــلــه ونــوعـــه
شـريـت لــي جـيـب (ن) عـســى ابـــوه لـلـنـار
بـــــــانـــــــت عــــذاريـــــبـــــه مــــــــــــــن اول اســــبـــــوعـــــه
مـزعــج مـــع الـصـحـراء ومـزعــج مـــع الـقــار
ومـــــــــــــن يــــركـــــبـــــه لازم يــــســـــكـــــر ســــمـــــوعـــــه
مـــثــــل الــشــبـــح مـــــــا يـنــقــصــه غــــيــــر طــــيــــار
شــــكــــلـــــه وتــصـــمـــيـــمـــه ومــــمـــــشـــــاه روعــــــــــــــه
مـــــن خـــــف دمــــــه مــــــا بـــقـــى فـــيـــه مــســمــار
ولا يــــركـــــبـــــون عـــــــيـــــــال الانــــــــــــــذال نـــــــوعــــــــه
مــــــــــــــا يــــركـــــبـــــون الا ســـــــفـــــــاري وفـــــكـــــســـــار
آخــــــر زمـــــــان (ن) جـــعــــل بــقــعـــا تــصــوعـــه
خــــــــلا رجــــــــال الــمــرجــلـــه مـــــــــا لــــهـــــم كـــــــــار
الــــــذيــــــخ لــــــــــــو يــــبــــكــــي مـــســـحـــنــــا دمــــــوعـــــــه
الــــــذيـــــــخ يــــشــــبـــــع فــالــفـــضـــايـــل والاســـــــــــــوار
والــــــذيــــــب مــــــــــــا يــــــــــــدري بــــفــــقـــــره وجــــــوعـــــــه
وقـــت (ن) يـخـلـي صـاحــي الـفـكـر يـحـتـار
ويــشـــوف مـــــن هــــــول الـــدهـــر مــــــا يـــروعـــه
تــلـــقـــى الــفــقــيـــر وفـــزعـــتـــه خـــمـــســـة أنــــفـــــار
وتــلـــقـــى الــغـــنـــي كــــــــل الــجــمــاعــة فــــزوعـــــه
يـــــــــا عــــاشـــــق الـــدنـــيـــا تـــــــــرى مـــالـــهـــا جـــــــــار
كــمــا واحــــد (ن) فــــي حـبـهــا طــــار شــوعـــه
الــــيــــوم تـــضـــحـــك لـــــــــه وتــعــطــيـــه الانـــــــــذار
وبـــــــكـــــــره تــلـــحـــويـــهـــا مـــــحـــــانـــــي ضـــــلـــــوعـــــه
خــــلـــــك عــــلـــــى صـــــكـــــات الايــــــــــام صـــــبـــــار
ويــــــــــوم (ن) يـــفـــوتــــك لا تـــمــــنــــى رجـــــوعــــــه
اقــفــى عــلــى مــــا فــيـــه مـــــن خــيـــر واشـــــرار
نــجــم (ن) هــــوى مــــا يــنــدرى عــــن طـلــوعــه
ومــــــا هــــــي عـــلـــى كــيــفــك تــمــنـــى وتــخــتـــار
ابــعـــد عــلـــى الـمـخـلــوق مـــــن حــــــب كـــوعـــه
يـــخـــبـــرك مـــــــــن ذاق الــمــتــاعـــب والامـــــــــرار
وحــــــــــــــاول ولا جـــــــالـــــــه زمـــــــانــــــــه بـــــطـــــوعـــــه
ومـــرت بــــه الـدنـيــا عــلــى بــعــض الاقــطــار
فــــي رحــلــة (ن) مــــا غــيـــرت مـــــن طـبــوعــه
والله مـــــــــا واطـــــــــن عـــيـــشـــة الـــــــــذل والــــعـــــار
مـــــــــــا دام لــــــــــــي شــــيــــمــــة ونــــــفــــــس قــــنــــوعــــه
وقرش (ن) عزيز افضل من الفين دينار
مــــــــــن مـــــصـــــدر لـــــلـــــذل يـــعـــلــــن خـــضـــوعــــه
ولــــــو الـــوســـادة مــــــن صــلافــيــح الاحـــجـــار
لــــلــــراس أخــــيـــــر مـــــــــن الــــتـــــرف والــمــيــوعـــه

[سهم روق]

أقوى قصائد رشيد الزلامي ( أيـام الـكـويـت )


http://www.youtube.com/watch?v=0DQYNAWzAnY

[سهم روق]

قصة الشاعر رشيد الزلامي بالكويت

http://www.youtube.com/watch?v=XCvX5C_7L7A

[سهم روق]

رشيد الزلامي والشاعر محمد السديري أداء سلطان الغبيوي

http://www.youtube.com/watch?v=URb8iodrkSA

[سهم روق]

رشيد الزلامي " اعيش عيشً ذيب في خشم حره "

http://www.youtube.com/watch?v=edoeQvtuSPA#t=30

[سهم روق]

قصيدة الوقت رشيد الزلامي

http://www.youtube.com/watch?v=KcxODGyG1FM

[سهم روق]

الشاعر رشيد الزلامي يامعالج الجرح
http://www.youtube.com/watch?v=ytVpj1tFebo

[سهم روق]

الرفيق - قصيدة حكمة للشاعر / رشيد الزلامي
http://www.youtube.com/watch?v=rnzLrI04MH0

[سهم روق]

ردية بين الشاعر رشيد الزلامي و الشاعر عبدالرحمن بن بديع الشهراني

http://www.youtube.com/watch?v=ygOiPvbyeXY#t=131

[سهم روق]

قصيدة ياهل البيت الحجر سكرو بابه
http://www.youtube.com/watch?v=ZXkak9P_7AM#t=74

[سهم روق]

http://www.youtube.com/watch?v=8qIdStrKysE

[ملكة الرواسي]

ما أجمل نبض قلبك وتطريز قلمك
حروف نثرتها شفتاك وخطتها أناملك
فلحنتها سطورك وغناها متصفحك
وبثتها مشاعرك فاستقبلتها قلوبنا
وتراقصت لها مشاعرنا وسعدنا بحضورنا
واستمتعنا بعزفك الراقي