إهداء للشيخ / ناصر الهواوي

[محمد بن عمار]

السلام عليكم

وشئ ٍ أكيد ٍ في دروب الهوى مسبوق
سبقني الهواوي لاعج الشوق قد ذاقه

الإهداء لرأس السنام
أبو عبيد لاعدمته

أنا كم شكيت الوجد من حرّ نار الشوق
ولكن صروف ،، الدهر ، للخلق سبّاقه

شكيت المفارق من سبب صدّة المعشوق
ذبحني بهجره ،، والحكي ، صار بشفاقه

وعندي خبر،، إن الهوى كاتبه من فوق
إله ٍ ،، كتب آجال ،، خلقه ، مع أرزاقه

ترى اللي مثل شرواه له مركز ٍ مرموق
عزيز ٍ ، وهرجه ،، لا نطق ،، كله لباقه

بنى له بجوفي ،، منزل ٍ بالحشى مطقوق
ضلوعي كما الأطناب وصدري له رواقه

ذبحني ،، حسين الدلّ ، بأخلاقه اللي ذوق
وعين ٍ وسيعه ،، صفت رموشها ، دقاقه

إلى من خزرني أرعد القلب وناض بروق
خطف ناظري، ، من صفحة الخد ، برّاقه

وحالي برت ، واللي بقا دم وسط عروق
غدت مثل غصن ٍ مورق ٍ نشفت أوراقه

ولاعاد دون الموت إلى صرت أنا مخنوق
سوى الكف أداري به ، عن الحلق خنّاقه

طلبته ، على وضح النقاء كلمة ٍ برفوق
يبيّن خطاي ،، أو يرحم القلب ، بإعتاقه

أنا دايم أخشى ،، هرجة العاذل المطفوق
ومثله ..!! صديق المصلحة . أحذر نفاقه

وشئ ٍ أكيد ٍ ،، في دروب الهوى مسبوق
سبقني الهواوي .! لاعج الشوق قد ذاقه

عسى مزنة ٍ تسري تكاشف رعد وبروق
مراويح ،، ذعذاع الهوى ...! نوّها ساقه

تعل الشعيب ، وينبت الزرع ، والزملوق
وتسقي الديار،، وخالق الطير ،، رزّاقه

وهذا سلامي له عسى الله يجيب اوفوق
تحية ،، محب ٍ قالها ،، له ، من أعماقه

تحيتي وتقديري
محمد بن عمار

[النجلاء]

الله الله
صح الله لسانك يابن عمار
كايفه ونايفه وجزله ولاهي غريبه على شاعرنا هذه الجماليه
دمت ودام مداد قلمك الراقي
تحياتي لك
النجلاء

[محمد الروقي]

وفيت وكفيت ومدحت وسميت وعنزت على جزل
وصح لسانك لين تقول خلاص ونت لا تقولها خلني ارددها

[ابوفارس]

صح لسانك يابن عمار
شاعر مميز تجيد صياغة مفرداتك بكل حرفنه
دمت بود وتقدير

[سحاب]

صح لسانك ملايين
شاعر مميز تروق لي قصائدك الراقيه
دمت بخير وسعاده دائمه

[مناهل]

صح لسانك مليون
احساس يلامس الوجدان
لروحك عبق الياسمين