ياصـيـدلـي كـثــر حــبــوب الـبـنــدول

[مساعد الجليدي]

من خلال تصفحي لملتقى القوافي
اعجبتني قصيدة اخونا فايز البشري

ياصـيـدلـي كـثــر حــبــوب الـبـنــدول
:::::::::::::::مــن تـالـي الايــام بـالــراس صـالــب
اسمع واشوف وكثرة الهرج معسول
:::::::::::::::وكــم حــق راح ولاذكـرلــه مـطـالـب
يمـدح بهـا فاسـد ويثنـا علـى اخبـول
:::::::::::::::وعـلـى الخـيـال يفـصـلـون الـقـوالـب
لـنـاس غـايـات ومـزاجـات وعـقــول
:::::::::::::::ولالــي بمـغـلـوب ٍ ولالـــي بـغـالـب
كـم راس فالضيقـات يصيـر مشـلـول
:::::::::::::::عـن السنـع يضـرب طريـق المثـالـب
مانـي مـن الــي لابـلـش قــال يـحـول
:::::::::::::::لـسـبـع نـــاب ولـلـجــوارح مـخـالــب
ولاجـبـت لـي بيـت ٍبمعـنـاه مـفـتـول
:::::::::::::::مـاورد المـوجـب عـلـى خــط سـالـب
مـانـي مقاطـرهـا كــما دقــت اطـبــول
:::::::::::::::يالي تشوف الديـس شوف المحالب

فايز موسى البشري





وهذه مجاراتي المتواضعه ارجوان تنال
اعجابكم

هذا الصحيـح وكـل ماقـلـت معـقـول
:::::::::::::::والماء ركـوده من نصـيب الطحـالب
والـوقـت غـيّـب له صـناديد وزحـول
:::::::::::::::مجهـودهــم يـفـتـح قــوي الـلّـوالـب
دنـيا كـفـا الله شــرّها هـولـها هــول
:::::::::::::::يـامـا بغـيـب احـثـولـها مـن مـقـالـب
باسواقها نمشي مع العرض والطول
:::::::::::::::ناسٍ تـكــسّـب واكـثر الـناس جـالـب
والذيـب جايع مالـقى عـظـم هـرمـول
:::::::::::::::فـريسـته تـسـبـق عـليـهـا الثـعــالـب
والكـل لاهـي باالمعـيـشـه ومشـغـول
:::::::::::::::والــعــلـم يــبـغـالـه معــلّـم وطـالــب
ون قلت ون ماقلت ونجيت اباقول
:::::::::::::::مع صـك معـسر ماتـجـيب المطالـب
والصبـر مـر وغـيـب الايّام مجـهــول
:::::::::::::::وامـر الله الوالي عـلى الناس غـالـب

التوقيع مساعد الجليدي

[النجلاء]

صح الله لسانك يامساعد
وصح الله لسان الشاعر فايز البشري
صوت وصدا رائعين ولايستغرب على شعراء الجزاله الابداع هذه الدرر
تقديري لسموك
النجلاء

من هذه المنبر اوجه دعوتي لشاعر فايز البشر
واتمنى ان شاء الله أن تاصله دعوتي

[سهم روق]

مساعد
ابداع رسمته هنا وتألق توهج بعذب الكلام

أسرتـــنا بـعزفك الـساحر

ولحنك المثير الذي تنساب منه الروعة والإبهار

مقطوعة متوهجة أبدعت في نسجها

اتمنى لك مزيداً من الإبداع والتألق

لك خالص تقديري واحترامي .

[محمد الروقي]

عسى ماباس الغياب يامساعد
جيت وجبت الجزايل ياجزل ,’, وصح لسانك لين ترضى
سجل اعجابي وتقديري والمتابعه الي تشرفني

[ابوفارس]

صح لسانك شاعرنا الرائع مساعد
صوت وصدا في قمة الروعه
دمت بود وتقدير

[عبدالله بن طلال]

صح لسانك يا مساعد على المجاراه الرائعه جدا

وصح لسان البشري على الابداع المميز

تقبل تحياتي والـ 5 نجوم للصوت وللصدى

[سحاب]

صح لسانك ملايين ياشاعرنا الرائع
مجارة ممتعه لشاعرين عمالقه
دمت بخير وسعاده دائمه

[مساعد الجليدي]

عظيم الإمتنان لكل إسم اضاء بتواجده
وبإمضائة حرووفه متصفحي
الف عبارة شكرلروعة تواصلكم
تقديري لكم جميعاً