صوت و صدى

[عبدالله بن طلال]

ارشيفيه للتواصل ::

الصوت من بغداد الرشيد .. من سموالاميره جوزاء ( غرنوق شمر )






جوزاء :

لا جاتك الدعوه الكريمه من اهل طيـبٍ كـرام = لبي الندا واحزم متاع الشوق واقطع كـل بيـد
وابعث لهم قبل الوصول أزكى تحيـه والسـلام = ممزوجةٍ بالحب واسماهم تـردد فـي الوريـد
واختار من معجم شعورك أنفس وأسمى الكلام = واكتب قصيدٍ ما انكتب قبله ولا بعـده قصيـد
وانقش من احساسك درر تيجان واجعلها وسامْ = لاهل الكرم والطيب والشيمه هل الوصف الحميدْ
لأبناء(( روق)) من تسامى قدرها لاعلى مقـامْ = المجـد والتاريـخ والعفـة وتحريـر العبيـد
في مركب الأحلام سافر شوق واربط عالحـزام = واشمخ كما أهل الشموخ وخليَ المطمح بعيـدْ
دام القصايد جمّعتنـا حـب واشـواق وغـرام = يا مرحبا بالشعر واهله والمشاعـر والنشيـدْ




الصدى من الرياض :


يامرحبا بأهل السموّ اللي لهم كل احترام = افعالهم تذكر بعصرٍ فات والعصر الجديد
وهلا بعزوة ربعها..لا صار بالدعوى زحام = هلا بقدوة جيلها ..بالفكر والراي السديد
هلا ببنت اهل السيوف ..اللي تظيم ولا تظام = هلا بغرنوق الوفا ..من وسط بغداد الرشيد
من عزوةٍ في شرع اهاليها الكرم ساس النظام = يامرحبا (يالحاتميه) يا مبيّحة الرصيد
اسعد سلاطين الشعر باللي لفونا من شمام = يامرحبا ترحيبةٍ تقول لك : هل من مزيد؟
جيتي وحييتي ودمتي وإرتكي فوق السنام = البيت بيتك والأخوّه تجري بدم الوريد
جودي بحرفك .. وامتعينا واستمري للأمام = شرواك نشري رفقته ..وتشريفتك عن يوم عيد

[النجلاء]

صح الله لسانك يابو مشعـل
وصح لسان الشاعره غرنوق شمر
صوت وصدا رائعين من شعراء الجزاله والابداع
لاهنت شاعرنا على هالمشاركه العذبه ودام لنا وجودك الراقي والمشرف
تقديري لسموك
النجلاء

[محمد الروقي]

صح لسانك ولسانها
ولا هي غريبه عليك الرد الوافي لك الاعجاب وجل التقدير

[هزاع محمدالعاصمي]

صح السانك اخي وشاعرنا المميز ....عبدالله وصح السان الشاعره
ثنائي جميل اتسم بقوة الشعر وجزيل المعنى دمتم ودام نفسكم اجمل وارق تحيه

[سحاب]

صح لسانك شاعرنا عبدالله بن طلال
صوت وصدى بقمة الروعه والجزاله
استمتعت بصفحتك الراقيه
دمت بخير وسعاده دائمه

[محمد الغنامي]

صوت وصدى رائعين

صحت السنتكم جميعاً

مروري وتقديري

[ابوفارس]

صح لسانك ملايين شاعرنا
صوت وصدا بقمة الروعه متصفح يستحق المتابعه والشكر والتقدير
دمت بود ومحبه