مداعبه

[عبدالله بن طلال]

مداعبه بيني وبين الشاعر القدير / كديميس السيحاني

الصوت منّي :

ياتل قلبي هالمساء ياكديميس = تل الرشا لحبات دلوٍ يمسّه
على هنوفٍ عنقها عنق لاميس = والخصر لامنه هزع فيه هسّه
جتني مع الصفره على صحوة ابليس = وتبسّمت وابليس ملعون رِسّه
جمالها طاغي بكل المقاييس = اللي تبيّن غير شيءٍ تدسّه
وجدي عليها وجد من فارق الديس = يبا الحليب ومنحرم لا يلسّه


والصدى من ابو منصور :


يا اللي شكيت من الهوى والنسايس = منظر غروب لكل نبضٌ يجسّه
ارسلها اخو مره بقرب الغطاليس = وقلبك خضر والترف جايك يعسّه
حذراك لا تجرفك كثر الوساويس = جنّية الصفره تمثّل ببسّه
اما التوجد حلم مدري كوابيس = ديسٌ خفي يا بعد عنّك مرسّه
من فارقه يشرب حليب الجواميس = لا منكسر عظمه ولا منه خِسّه


وسلامتكم :bike:

[النجلاء]

ابو مشعل
صح الله لسانك وصح لسان الشاعر كديميس
صوت وصدا رائعين من شعراء الجزاله والابداع
لاهنت وبيض الله وجهك
تقديري لسموك
النجلاء

[جولييت]

تسسّلم الأيآدي المخمليه ,


لِ روعـة مآجلبتْ ,


بِ إنتظآر جديدك آلعذب وآلمميز ,

[عبدالله بن طلال]

النجلاء

جولييت

مشكورات على التواجد الزاكي ولاهنتن

تحياتي

[محمد الغنامي]

هههههههههههه

ابك كديميس حي للحين ههههههههه

صحت السنتكم ياجزلين

صوت وصدى رائعين

دمتو بخير

[عبدالله بن طلال]

صح بدنك يامحمد ولاهنت ابد

تقبل تحياتي

[سحاب]

صح لسانك عبدالله بن طلال
ابدعتو صوت وصدا
متصفح رائع ومشوق
دمت بخير وسعاده دائمه

[محمد الروقي]

صدى وصوت
وصح لسانك ولسااانه لين ترضون
ونا والله ماضحكني منه غير عذره لروقه 4 بيوت

دمت جزل يابو مشعل

[عـشـق]

صح لسانك مدد شاعرنا عبدالله بن طلال
وصح لسان الشاعر كديميس السيحاني
امتعتونا وابدعتوا ..
دمتم بكل خير