اجواء ربيعيه

[ناصر الهواوي]

مرحبا يارواسي نجد والعيد فات=ياعسى كل يوم يمركم يوم عيد
اسف على طول الغياب الذي ليس له مبرر
واليكم هذه الخاطره كتوقيع حضور فقط


الا ياهجوسي خل غيض القصيد ايفيض=عن النازله شم.. والطويله تسلقها
واسرج لي خيول الشعر واستنفر القريض=ولو ان القريحه ما اسعفتني لطلقها
لجل من نباها يبري المدنف المريض= بإذن مودع البسره نواها وفالقها
ليلة سبتنا البارح بداية ليالي بيض=ولهن رابعه عزي لقلبٍ تعلقها
لها في خفوق مودها حب ما يغيض=ولها في شغاف القلب صوره معلقها
سطع نورها والبدر نوره غدا وميض=ضياه اختفا مع نورها جل خالقها
والاجواء ربيعيه جميله بعز القيض=وانوار الكواكب خافته من تألقها
ولو للوقت قيد ايحيره لابغوه ايريض=ساعاته ما راعتني بسرعة تطلقها

[النجلاء]

الله الله
صح الله لسانك يابو عبيد
كما تعودنا من شاعرنا الابداع والامتاع والجمال والكمال بكل ماتفيض به مشاعرك العذبه والراقيه
دام وجودك ورقي حرفك الشامخ
تقديري وتقييمي لسموك
النجلاء

[محمد الروقي]

هلا يالهواوي
ومرحبا من جاب ماغاب
اطرب لحروفك وستغرب بخل الكريم على الي يستاهلون

صح صح صح لسانك لين تقول خلاص

[جولييت]

يعطيـك ـآلـعـآفيـه على طرحك المميز...
دومآ بآنتظاار المزيد من جديدك القآآدم...~~
الك خاالص آحترآمي http://www.jr0o0o.com/vb/images/smilies/25.gifhttp://www.jr0o0o.com/vb/images/smilies/11.gif

[مساعد الجليدي]

الا ياهجوسي خل غيض القصيـد ايفيـض
عــــن الـنـازلــه شــــم.. والـطـويـلـه تسـلـقـهـا
صح السانك ياالهواوي
قصيده كايفه من شاعرٍ عدّا بالنايفه
دمت بهذا التميّز ودمت كما تحب

[سحاب]

صح لسانك ملايين يالهواوي
ابداع يعانق قلوبنا وذائقتنا بجمال حروفك الراقيه
دمت بخير وسعاده دائمه

[عبدالله بن طلال]

صح لسانك يا عذب

يهيضني الشعر الحقيقي معه و أهيض = وبغيت القوافي مير ناصر مغلّقها
هجوسٍ تجي من غيض مدري تجي من فيض = لكن مثل غرشة شهدٍ العود دالقها

[عسولة مكه]

ياسلام عليك ياناصر .... ابدعت وتميزت بصراحه بهذه السطور الراقيه
دمت كما انت فاخر وشامخ ..
تقبل مروري

[ناصر الهواوي]

النجلاء
هلابك واسعدني عبورك للمتصفح وصح بدنك وشكرا على التقييم ودمتي وسلمتي
تحياتي

[ناصر الهواوي]

الغالي محمد الروقي صح بدنك وبيض الله وجهك
إي والله انكم كفوا وتستاهلون وانا والله ما اعرف البخل لكن الجايات تبا ترضيك ان شاء الله

[ناصر الهواوي]

جولييت هلا وغلا ومرورك خاتم جوده يزيد المادة جمالا وتألقا
دمتي وسلمتي

[ناصر الهواوي]

الجليدي مرحبا يالعذب وانت الابداع بحذافيره صح بدنك ودمت وسلمت وبيض الله وجهك

[ناصر الهواوي]

مرحبا بالريم الف
زاد مرور المتصفح روعة وجمالا
شاكرا لك عباراتك الراقيه
دمتي وسلمتي

[ناصر الهواوي]

ابو مشعل هلا وغلا ولاهان راسك وصح بدنك ولسانك
وبيض الله وجهك

[ناصر الهواوي]

مرحبا ياعسولة مكه وغلا
سرني تواجدك وعباراتك الجميله وصح بدنك ودمتي وسلمتي
تحياتي

[أوهــام]

حيّ الحضور وصح لسانكـ مليوون ..

تقديري لكـ ..