رثاء الشيخ / محمد بن عبدالله العريفي....... رحمه الله

[نديم المجره]

عـمـود بـيـتٍ هده الوقـت وافـناه = وحنا عـقب فرقاه ذقنا الـملـيـلـه

مرحوم ياعــــودٍ بعرعر دفـــنــاه = عسى الولى ينشي عليه المخيله

وعسى الحيا طول الدهر مايتعداه = وتصبح ربوع القبر مثل الخميله

ابوسعـد تعـطي الجـزيلات يـمناه = كريم سبلا عـزوت اللي يجي لـه

عودٍ بوقت الضيق سمحٍ محيــاه = راعي العلوم الطيبات الجزيـلـــه

مثل الجـبل لضامنا الدهـر ننصاه = وعند الضما نلقاه مثل الثـمـيـلـه

يالله عسى من وحشة القبر تاقاه = وتجعـل لحد قـبره جـنانٍ ظـليلــه

وبالمغـفره والعـفـو يارب تجـزاه = ويارب تدمـح زلـتـه والخـمـيـلـه

وحنا نتعزا عن عزا اللى فـقـدناه = في عـز ابوخـالد سنينٍ طـويـلـه

عبدالله ابن مساعد الله يرعــــــاه = الحـاكـم اللي مالـقـيـنـا مـثـيـلــه

كل الخصال الطـيـبـه من مزايــاه = وكل المراجل ضفها في شـليـله

عزالله انه هـقـوت اللي تـهـقــواه = ربيع في وقت السنين المحـيـله

مادام راسه حي فالـيـتـم نـنـســاه = فيه العوض لو الفـقـيـده جـليله

ويارب تلهمنا الصبر عـقب فرقاه = وتعين ابوماجد لشيل الـثـقـيـلـه

احمد بن عبدالرحمن العريفي
(نديم المجره)

[~ألٌوتُيْنَِ~]

يعطيك العافية
سلمت يداككك
وديhttp://vb.tgareed.com/images/smilies/26.gif

[محمد الروقي]

الله يرحمه ويسكنه الجنه
ويجزاك خير وصح قلبك وصح لسااانك على هالفاخره
خلك قريب يانديم المجره بيوتك تروق لي ياجزل

[النجلاء]

الله يرحمه بواسع رحمته ان شاء الله
وصح الله لسانك شاعرنا ودام ابداعك ورقي قلمك الفاخر
دمت ودام تميزك
تقديري لك
النجلاء

[سحاب]

صح لسانك يانديم المجره
قصيده جميله وجزله من ابداع شاعر
دمت بخير وسعاده دائمه

[أوهــام]

الله يرحمه ..

صح لسانكـ ع الابيات الرائعه ..

تقديري لكـ ..

[احلام]

الله يرحمه ..

صح لسانكـ ع الابيات الرائعه ..

تقديري لكـ ..