ردا على من ظلم نفسه وظلم قبيلة مطير ,, عبدالرحمن الميموني

[عبدالرحمن الميموني]

السلام عليكم ورحمة الله وبركاته


أخوني هذا القصيده ردأ على الشاعر اللذي ظلم نفسه


وظلم قبيلة مطير , أصدر قبل فتره قصيره


ابيات وأنتشرت مغناه ,, ويقول


ما عاد فالمطران مذهب ولا دين ... وأخطو دروب المرجله والنعاره

,,,



وهذا ردي عليه




البارحه وأسمع قصيد المغنين=اللي على الجوال بان إنتشاره

أبيات شعر ٍ رددوها المساكين=من شاعر ٍ فوقه تطاير غباره

ينظم على طرق اللحين للموالين=وهذا على عوده وهذا بطاره

ليته نظم قافه رموز وعناوين=وأمبين أسمه كان فيها شطاره

لكن ْ تعالي يالمعاني وهالحين=الوضع حامي ما يبْ الإستشاره

جات القوافي تـطـّـبخ بالشرايين=والقلب زود تحتهن الحراره

فوح الضماير ما يبرد على هوين=يما ثبوت الفعل وألا دماره

تعال يا وجه الردى متجه وين=يا مغنين بالقاف لأجل الإثاره

ظلمت قومن فعلهم بالميادين=يشهد لهم تاريخ نجد إبجداره

قوم ٍ على الطاله كعام المعادين=والمعجزات إثبات فعل ونداره

قوم ٍ لنا بالوقت بيرق شجيعين=لأنته ولا غيرك يلوث شعاره

أقولها منطق وفعل ٍ وتدوين=ما هو كلام ضعيف خلف الستاره

حنا عيال مطير حنا هل الدين=وحنا رجال العز وأهل الصداره

وحنا هل الوقفات يوم الأكاوين=تدري وغيرك داري ٍ عن دياره

لا ثارت الهيجا فجرنا البراكين=نارد على حوض المنايا سطاره

أصغر شبل فينا يدك الضلاعين=وأكبر حكيم مطير منه الإشاره

وألا انت ويش انته مع اللي وفيين=مثلك يدوب إنه يقود حماره

وأكرمكم الله يالرجال العزيزين=عن كلمتي لكنّ لأجل إحتقاره

خبل ٍ تولج وأنطلق حول بابين=ما يدري إنه غاشم ٍ بإنحداره

يبذخ لسانه دون منطق وتثمين=يا للعجب وش دافعه وإنفجاره

هو يحسب إنه غانم ٍ نظم بيتين=يومه يردد بين تاره وتاره

الهرج ما حرر كثيره فلسطين=والفعل يبطي ما خذ الشين ثاره

والرجل لا منه خطى للقوانين=ما عاد تشعق بالمواقف ناره

اليا نطق بالهرج وسط الدواوين=تحسب عليه بكل صده وغاره

مي بركه دمحت ثلاث ٍ وثنتين=وحده هي اللي تلحقه بإنعثاره

والرجل لا منه تولج على الشين=ماله مع الأجواد عز اوقاره

مي مثل اللابه ولا أقول قولين=دوبه يمثل حالته بإعتباره

قلته وابن مطير فعل وبراهين=ما نتبع الخايب عسا بإنثباره

قوم ٍ لنا منهج ومبدا وتقنين=باللي لنا واللي علينا قراره

أفعولنا تذكر من أدهور وأسنين=وفعل القبايل شامخ ٍ كالمناره

وكل القبايل بالمواقف سديدين=والظلم شين ولا نقرّب جواره

ما يجحد أفعول الرجال الميامين=الا الضعيف إليا أختلف عن مساره

تم الكلام وقافي العلم حرفين=عسا لها في وسط قلبك شراره

لتعنّي إركابك هقاوي وتوهين=وأختر يمين الضلع والا يساره

مالك ومال النجم خلك على الطين=وأترك طويل الهرج واترك قصاره
,,,,,,,,,

ولكم تقديري أخوك

عبدالرحمن الميموني


,,

[حور]

صح لسانك الميموني
ومليار ونعم في حمران النواظر ولا تسد
وفعل مطير وطيبهم معروف ماينحجب
دام عزكم ودام قلمك بكل خير

حـــُور !

[محمد الروقي]

والنعم

والكلام مايودي ولا يجيب ولا ينقص

حق قبيله مهما قال الشاعر ومطير قبيلة لها

مهابه ومعزه ان رضي ون غضي وصح لساانك لين ترضا

[الفهد]

صح لسانك

لا هنت

ما يسب القبائل الا الضعيف

تحياتي

[بنت العود]

صح لسااانك
قصيده بمنتهى الروعه وقبيله مطير قبليه لها اسمها وافعالها اللي تنذكر بكل مكان
تسلم كلك على القصيده الرائعه والله يكثر من امثالك يااخوي

[الأصيلة بنت أبوها]

ونعم وسبعة انعام فيك ياعبدالرحمن الميمونى انت وقبيلتك
قصيدة جزلة جزلة ولاهى مستغربة من وااهج الشوق
صح الله لسااانك مدد لاعدد
كفيت ووفيت

[محمد القسامي]

وكل القبايل بالمواقـف سديديـن = والظلم شين ولا نقـرّب جـواره
ما يجحد أفعول الرجال المياميـن = الا الضعيف إليا أختلف عن مساره

عبدالرحمن الميموني
بيض الله وجهك وسود الله وجه من يتلحق القبايل
وافيه وافيه
ولا أزيد غير والنعم بحمران النواضر
صح لسانك وكلك
ودام هالكينون بكل خير وموده

[نوف]

صح لسانك ولا هنت والنعم منك ومن المطير والكل يشهد لها

[خالد الغنامي]

عبدالرحمن ..


يا حي القصيد الذرب وراعيه...


صح لسانك ولا هان راسك وسبعة انعام بك وبلابتك...

[ود الغنامي]

صح لسانك وتسلم يمناك
الجاهل محد يواخذه مهما قال
بس لك حق الدفاع عن قبيلتك مطير
الذى تشتهر بالشجاعه والكرم والطيب والعلوم الغانمه
ومن ينكر فعول مطير عز الله ظلم نفسه
ونعم فيك وفي قبيلتك
تحياتي لك
وايدك على الحميا في القبيله
اخوك
ود الغنامي

[يوسف عبدالله الغنامي]

صح لسانك وعلا شانك

مطير قبيله عزيزه ولايضرها كلام نكره
قبيله يشهد لها القاصي والداني وممن يسب القبايل فلا فيه خير وأنا أخوك

[السيــ عمهوج ـف]

صح لسانك وبيض الله وجهك

كفيت ووفيت