ابيك يالحسيني وتنحاش

[ناصر الهواوي]

جديده اليكموها


البارحه برق وعاوصيف ورشاش=وغبار عاصوفه هجد عقب رشه
وابيك ياقيس الحسيني وتنحاش=وتبطي وتاتينا بعلم وتطشه
ياقيس من له خدٍ ابيض من الشاش=بالرمش معلوقي من القلب حشه
كما يحش الزرع لايبس حشاش=وحبه لو الشريان ضيق يدشه
ليا شبح بالدعج من بعد الارماش=عين اشقرٍ مهوي على فرخ بشه
يجزع من البرقع خديده ليا ناش= حمر الوجان اللي كما لمس مِشه
ياقيس لاشفته غدت صملة الجاش=وراسي يجي شعره من الرعب كشه
ومن العرق يضفي على وجهي اطشاش=راهي ومنديلي عجز لا يمشه
ياقيس عرمش حالي الهجر عرماش=ولاباقي الا نابضي وسط جشه
ولو حلها مليون ياقيس بالكاش=كان اعتبرها صفقةٍ حيل هشه
لكن دونه روس فيها السطر طاش=من خوفهم كم روس غيري امرشه
فيك احتزم ياقيس والا بعد ماش=مركب نجاة او من تشبث يقشه

[النجلاء]

آلله آلله ياسلام عليك ياشاعرنا
صح الله لسانك مليار في مليار في مليار
كايفه ونايفه وجزله يابو عبيد
لاعدمنا قصائدك الراقيه ومشاعرك العذبه
تقديري وتقييمي لسموك
النجلاء

[عبدالرحمن الميموني]

اشهد بالله انك جزل

ما شاء الله عليك وصح لسانك

[~ألٌوتُيْنَِ~]

http://www.hawahome.com/vb/nupload/74260_1206392928.gif

[أوهــام]

صح لسانك ،،وسلم احساسك ع الرائعه ،،
تقديري لك ،،

[جولييت]

سلمت يمينك
ويعطيك العافيه..

تحيتي لك