تعال وأسمع كلمتي لو تكرمت

[عبدالرحمن الميموني]

صباح خاطف بالمحبه ....
لكم هذه المتواضعه للتواصل وارجوا ان تحوز على رضاكم ..
..............




تعال وأسمع كلمتي لو تكرمت=مدام في قطع المواصيل ناوي
وشلون في حبك معي ما تعلمت=وانّتْ اتعرف قلبي من الشوق راوي
بالله وشعندك كذا فيني اجرمت=واتعبتني من سبعة اعوام غاوي
ولعتني بالحب والشوق واغرمت=قلب النداوي لين ضاع النداوي
واثرْكْ بالخدعه ليا جيت سلمت=تظهر محبه وانت تخف البلاوي
حسبي عليك انكان فيني تجهمت = وعلقتني ما بين وصل وجفاوي
ما هزك احساسي وانا بالوله عمت = وأشقيت عمري لأجل شوفك فداوي
وأثر الحصيله في لقاك ان تبسمت = ما من فوايد لا غدى القلب خاوي
يا عملت المفلس ويا نبرة الصمت =يا وسعت الضايق و شوف العماوي
يمفجرن صدري بعد طولت الكمت = لا وحسافه فيك قلب الهواوي
الباب دونك مغلقه لا بعد صمت = عن الهواء كله ودرب الشقاوي
خلاص عن حبك وشرواك انا شمت = مقفي وهذا مابه القلب حاوي


لكم الود والإحترام .
عبدالرحمن الميموني

[أوهــام]

صح لسانك قصيده رائعه ،،
تقديري لك ،،

[محمد الروقي]

روووعه

وفيها بيتين تمنيت انني قلتها

يسعد قلبك وصح لسانك اشهد انك جزل

[النجلاء]

النداوي

صح الله لسانك مليون ولا يكفون

ابدعت وامتعت جزله من شاعر جزل وعذب

تقديري وتقييمي لسموك

النجلاء

[~ألٌوتُيْنَِ~]

دام التألق ... ودام عطاء نبضك
كل الشكر لهذا الإبداع
لك مني كل التقدير ...!!
وبآنتظار روائع جديدك بكل شوق...!
ارق التحآيآ لك
ودي وعبق وردي