تعال يالخالدي

[سعيدغالب الحارثي]

تعال يالخالدي من شان علمٍ خطير=واشواف إبه مشكله وانته ترا المشكله
ودك تروم الفضاء لكن عاجز تطير=وعليك حذرٍ مسجل وانت ماتجهله
واسبابه انك على الشيبان دايم تثير =ولا ودي الفت نظر عقال وتحلله
ومدري وش اللي حصلك وانت تذكر بخير=ويم العواده علومك ماهي مسهله
وبغيت انبهك لاتوقع بحوسة مرير=ومن واجبي النصح لاتنشب في المعضله
وليا تماديت دورنا بربعك شوير=عشان مانصل الشره ولا نشغله
وليا طلبت العذر جاك الجواب اليسير=وقلنا خطا اجمال والرجال عرفه اعمله
والسالفه حلها عندك وراسك بصير=ودور على حلها وليا لقيته قله

[حمد الخالدي]

صح الله لسانك مليووون يا ابو تركي..

انه لشرف لي مجاراة شاعر واستاذ ومعلم بحجمك يا الامير..

واعذرنا على القصور يا قرم..

كل الاحترام..والتقدير..





يا مرحبا بالامير اللي نده..للأمير = اللي شهد له بطيب الراس والمرجله
دامي كسبت الرجال الوافيه يا خبير = وش حاجتي بالفضاء..ﻻ تكبر المسأله
يا الحارثي لو تدوج في خفايا الضمير = ماني بمخبرك..مير العود ما نزعله
لا صار من خيرة الاخيار..وشيخ..وكبير = ما نقبل القول به..بالزيف والمهزله
مير التعاليل تبهجنا صباح..وعصير = ومن سالم الناس ما يسلم من المنحله
والخالدي ما يبي تنبيه مثل الضرير = اللي ليا جاه علم يضيع مستقبله
آسج رجلي واخيل مزون فيها النمير = وﻻني بناسي حساب ايامي المقبله
ويا الحارثي ﻻ تسل السيف لوه شطير = وﻻ تدفن القنبله..وتموت بالقنبله
خابرك شاعر على حسن النوايا سفير = والشعر مثل البحر وامواجكم تفتله

[النجلاء]

صح لسانك يابو تركي

وصح لسانك يالخالدي

مجاراه رائعه من شعراء جزلين وممتعين

دام الابداع والوجودا لمشرف

تقديري لكم

النجلاء

[محمد الروقي]

ما اجزل من الصوت الا الصدى

صحة السنتكم جميع .,., من هنا اسجل اعجابي

وشكري لحضوركم الراقي

[ناصر الهواوي]

ابو تركي وابو خالد علمان من اعلام الشعر
صوت وصدى رائعين بمعنى الكلمه
صحت السنتكم ولااهانت روسكم يالعواده

[جولييت]

يسلم لنا احساسك الراقي ياآخي
لاتحرمنا جديدك الشيق
دمت بخير وسعاده

[أوهــام]

أبدعتوا وصح ألسنتكم شعراءنا ،،
تقديري لكم ،،

[سعيدغالب الحارثي]

وافي ياابوخالد وراعي الاوله

ورد جزل من جزل وصح

لسانك مليووووون ولايسدوووون

وكفيت وفيت والشك زايل وانت

تعرف طبيعتي مشاكس لمثلك وشواك

والنوايا نضيفه ياالامير وتقبل تحيتي

وــتقــــــــــــــديــــــــــــــــــــــري

[سعيدغالب الحارثي]

الاخوان الاعزا والخوات لكم شكري وتقديري

على ردوكم الجميله ومن طيبكم ووفاكم

واجمل التحايا لكل واحد منكم ولاخلا ولاعدم

وتحيتي للجميع

[حمد الخالدي]

وافي ياابوخالد وراعي الاوله

ورد جزل من جزل وصح

لسانك مليووووون ولايسدوووون

وكفيت وفيت والشك زايل وانت

تعرف طبيعتي مشاكس لمثلك وشواك

والنوايا نضيفه ياالامير وتقبل تحيتي

وــتقــــــــــــــديــــــــــــــــــــــري
ما عليك زود يا ابو تركي..

وصح لسانك وبدنك يا قرم..

استاذ قدير..وأخ كبير..وﻻ بها كلام يا الذيب..

خابرين طبعك وحبك للمزح والفكاهه يا وافي..وﻻ تدخل الشكات غير الرديين..

وعسى الله يخارجنا من مشاكساتك ههههههه

تقديري لسموك..

[حمد الخالدي]

صحت ابدانكم جميع..واحد واحد..

وبيض الله وجيهكم على تواجدكم..

وكان لي شرف مجاراة الاستاذ ابو تركي..

ﻻ خلا وﻻ عدم..

[~ألٌوتُيْنَِ~]

كل الشكر والامتنان على روعهـ بوحـكـ ..
وروعهـ مانــثرت .. وجماليهـ طرحكـ ..
دائما متميز في الانتقاء
سلمت يالغالي على روعه طرحك
نترقب المزيد من جديدك الرائع
دمت ودام لنا روعه مواضيعك