يارجم

[عبدالله محمد العصيمي]

للتواصل أتمنى لها القبول
.
.
.
.
.
.

عديت في رجمٍ عسيره مراقيه=في مهمهٍ قفرٍ به الذيب عاوى
ماطبه اللي يخلفنه هقاويه=ماطبه الا مخلفين الهقاوي
ماكل قرمٍ يوصلنه خطاويه=قو الصمايل يدفعن الخطاوي
من ضيقة اللي مدلهمه لياليه=عنّا القدم في راس رجمٍ خلاوي
قام يتوجد من عنا حر مافيه=قلبه طواه من الصواديف طاوي
عزاه يومنه على المر حاديه=غدر الزمان وقاهرات البلاوي
ياهيه لاتلحق عذابي مشاريه=درب الهوى يصعب على كل قاوي
كني صويبٍ مالقى من يداويه=جر الونين وخالفته الرجاوي
كله سبايب من جفاني وانا ارجيه=بعد الله اللي عالمٍ بالشكاوي
غروٍ وصوفه كامله يوم احليه=عنق المها وعيون حرٍ نداوي
رعبوب غضٍ ترف سبحان باريه=ممشوق طول وبرق خده سناوي
والخشم سيف ٍ سله القرم بيديه=من فوق شقراً ماتجي بالمناوي
والشعر ليلٍ منسدل فوق كتفيه=اسود كما ذيل العبيه رهاوي
الموت مشي صويحبي يوم اناديه=يقبل مقابيل السعد للشقاوي
غيره يابو سلطان لو حل مابيه=يحرم عليه لابسات الغطاوي
.
.
.
.
.
.

[الجوهره]

غروٍ وصوفه كامله يـوم احليـه
عنق المها وعيون حـرٍ نـداوي
رعبوب غضٍ ترف سبحان باريه
ممشوق طول وبرق خده سناوي
والخشم سيف ٍ سله القرم بيديـه
من فوق شقراً ماتجي بالمنـاوي

فاس الحرف

يسعدني أول من يرد علي هذه الباذخه الفاتنه

حضور مختلف مزدوج الجمال من شاعر مختلف طحطوح

يجبرك على التصفيق

سجل إعجابي بكل ماتكتب

دام تواصلك

احترامي .


الجواهر

[منور العوني]

ياهيه لاتلحـق عذابـي مشاريـه
درب الهوى يصعب على كل قاوي
كني صويبٍ مالقى مـن يداويـه
جر الونيـن وخالفتـه الرجـاوي




صح لسااانك يالعصيمي

قصيده في غاية الروعه

[الفهد]

عبدالله محمد العصيمي

صح لسانك ملايين على هذه القصيده الرائعه

شاعر متمكن واتشرف بقراءة قصائدك دائما
ارجوا قبول مروري السريع ولي عوده

الفهد،،،

[خالد العتيبي]

صح لسانك لين ترضا ياطويل العمر



بيض الله وجهك

[نايف العصيمي]

.,, عبداللة ,,.

صح لساانك مليون

ويشهد الله انك كايف وقصيدتك كايفه

ما اقدر اقول الا سجل اعجابي بكل ماتعنيه الكلمة

بيض الله وجهك ولاهنت ولاعدمناا ابداااعاااتك

..,, تحياتي ,,.................... .

[خالد الغنامي]

العصيمي....


حي الله القصيد الذرب وراعية...

صح لسانك مليون لا يسدون...

ومافيك حيله ...


[[تقديري واحترامي]]

[محمد القسامي]

عديت في رجمٍ عسيـره مراقيـه
في مهمهٍ قفرٍ به الذيـب عـاوى
ماطبـه اللـي يخلفنـه هقاويـه
ماطبـه الا مخلفيـن الهـقـاوي
ماكـل قـرمٍ يوصلنـه خطاويـه
قو الصمايـل يدفعـن الخطـاوي

ياسلام ياسلام
ياهلا بالشعر وراعيه
عذوبه جزاله وصف
ماخليت شي ياعبدالله
صح كلك وصح كينونك العذب
ودام هالبوح بكل خير وموده

[سعد الشقحاء]

صح لسانك
واعتلا شانك

[محمد الروقي]

صح لساانك يالعصيمي عدد شعر راسك

سجل اعجابي بهذه الفاتنه

تقديري لك

[مرهف الاحساس]

عبدالله العصيمي


صح لسانك


رائعه وجزله من شاعر ارووع ومميز دائمااااااا




مرهف الاحساس

[السيــ عمهوج ـف]

صح لسانك وعتلا شأنك

جزله من رأس رجال جزل وشامخ

بيض الله وجهك

وسجل أعجابي بعذوبة قصائدك

[هزاع محمدالعاصمي]

للتواصل أتمنى لها القبول
.
.
.
.
.
.

عديت في رجمٍ عسيره مراقيه=في مهمهٍ قفرٍ به الذيب عاوى
ماطبه اللي يخلفنه هقاويه=ماطبه الا مخلفين الهقاوي
ماكل قرمٍ يوصلنه خطاويه=قو الصمايل يدفعن الخطاوي
من ضيقة اللي مدلهمه لياليه=عنّا القدم في راس رجمٍ خلاوي
قام يتوجد من عنا حر مافيه=قلبه طواه من الصواديف طاوي
عزاه يومنه على المر حاديه=غدر الزمان وقاهرات البلاوي
ياهيه لاتلحق عذابي مشاريه=درب الهوى يصعب على كل قاوي
كني صويبٍ مالقى من يداويه=جر الونين وخالفته الرجاوي
كله سبايب من جفاني وانا ارجيه=بعد الله اللي عالمٍ بالشكاوي
غروٍ وصوفه كامله يوم احليه=عنق المها وعيون حرٍ نداوي
رعبوب غضٍ ترف سبحان باريه=ممشوق طول وبرق خده سناوي
والخشم سيف ٍ سله القرم بيديه=من فوق شقراً ماتجي بالمناوي
والشعر ليلٍ منسدل فوق كتفيه=اسود كما ذيل العبيه رهاوي
الموت مشي صويحبي يوم اناديه=يقبل مقابيل السعد للشقاوي
غيره يابو سلطان لو حل مابيه=يحرم عليه لابسات الغطاوي
.
.
.
.
.
.

الشاعر المتألق ...........محمد العصيمي
قصيدة ترد الروح وتروي الذائقه بلاشك مبدع اخي الكريم
صح السانك وبدنك وكلك ارويتني هذا الصباح شعراً دمت بخير
اجمل تحيه