احد المحمدين يقرب ابيه في موضوع

[ود الغنامي]

السلام عليكم ورحمة الله وبركاته
والله اني شاعر مبتدى بس ابى ابذل المجهود
والله يعيني على مناطح الجبال
صح ان شرهتي كبيره بس وش اسوى ابي العب مع عمالقة شعر
على القل استفيد منهم

بسم الله ابدا
خــــــــــــــــــــــــلــــــــــــوووووووووووو ووووووووهــــــــــــــــــــــا



مرحبا في منتدى العتبان=قربولى شاعر الروقه
ابتدينا والحصان احصان=من عقب مازان طاروقه

الرجاء ان تقيموني بعد انتها المحاوره اني اصلح للمحاوره او لا

[محمد القسامي]

هلا ياود وجاك واحد من المحمدين


مرحبا بالشاعر الطربان = عد مزن لاحت بروقه
الهدف خله على النيشان = كان تبغى صيدك تذوقه

[ود الغنامي]

الله يحيي محمد القسامي
احسف على التأخر واللى اني انشغلت اشوى
خلــــــــــــــــــــــــــــــوووووووووووووها


البقاء ياراعي القيفان=جيت باالمعني ومنطوقه
في الرسايل تخطى العنوان=جاتني عجله ومطفوقه

[محمد القسامي]

كل حجه مالها برهان = مبتديها ضاعت حقوقه
وانت بين خاطرك زعلان = جايب لك علم(ن) تسوقه

[ود الغنامي]

خلـــــــــــــــــــــــــــــــوووووووهـــــــــ ــــــا


احمد الله ماني بخسران=دام شفت الطير بسبوقه
عاذرينه صاحبي غلطان=والعتب في عينه وموقه

[محمد القسامي]

من مشى خطوه على الكيعان = مر وقته لازم يذوقه
وانت حر(ن) وأسمك السلطان = تستر اللي بانت شقوقه

صح لسانك ياود وبيض الله وجهك على هالطاروق
والنهايه عندك يالذيب

[ود الغنامي]

بيض الله وجهك يامحمد القسامي
ومعذور وانا اخوك
وان شاء الله الجايات اكثر
يابعدى والله اني مستاني على اللعب معك
بس مدام تباني انهيها بخلي النهايه على ردك ذا
تقبل تحياتي اخوك
ود الغنامي

[إبراهيم صبحي العضيله]

صـــــــــــــح السنتكم


الله يعطيكم العافيه


تحياتي

[عناوين الشموخ]

صح السنتكم شاعرانا

ويعطيكم العافيه ماقصرتم

تقبلو مروري

[محمد القسامي]

بيض الله وجهك يامحمد القسامي
ومعذور وانا اخوك
وان شاء الله الجايات اكثر
يابعدى والله اني مستاني على اللعب معك
بس مدام تباني انهيها بخلي النهايه على ردك ذا
تقبل تحياتي اخوك
ود الغنامي

تسلم ياود وبيض الله وجهك وأنا ماودي
تنقطع المحاوره وهذا مقصودي
صح لسانك ولاهنت وتشرفت باللعب معك