بيـــرق الاحــزان

[علي العصيمي]

تعبت اكذب على نفسي واجامل والعذاب الوان = تعبت اتصنع الضحكه وامش بكفي دمعاتي
غديت لغربتي ديره علمها بيرق الاحزان = يرف اليا قرب فرحي لجل ينهي مسراتي
حياتي كلها شعري وشعري للحزن عنوان = وعنواني تعب دربي وبسمه تكره شفاتي
اسولف واخفي العبره واضيع بعالم الكتمان = وانا وان جيت ابي اضحك عذابي يجرح لهاتي
تصور صرت اشوف اني بقايا في جسد انسان = ادور للحياه مرسى لجل انهي محطاتي
اناظر للبشر حولي احد يضحك واحد فرحان =وانا مجبور اسايرهم لجل اخفي عذابااتي
انا قصه يبعثرها زمن ما يأتمن خوان=وابي لو يوم بس واحد احاول اجمع شتاتي
حبيبي العذر منك وابسكت واخفي الحرمان =اخاف دموعي تخذلني واكسر عزتي وذاتي


وســــلامتكم
اخووكم اوراق شـــاعر
بقـــــلمي
مـــن ارشيفي

[محمد الروقي]

صح صح صح سانك لين تقول خلاص
سجل المرور والتقدير وكل الشكر والاعجاب بهالجزله

[الأصيلة بنت أبوها]

ساقف واصفق لك على هالجززززززله
فالله دررررررك يالقرم

[نبض الوفاء]

الشاعر علي العصيمي
لا جــديد سوى الابدآآع الا متناهــــي, كلمات جزلة وراآآقية جداً
تناغمت ع اعزوفة الحزن الكبير,, كلمات نسجت بماء الذهب , اتمنى لك
حياة خالية من كل الأحزان.. وان تعيش بحياة بعيد عن مايكدر صفوك
صح لسانك ملايين . وقلمي يقف عاجزاً حائراً امام شموخ سموك
دمت شلالاً من الابدآآع لا ينتهي يالنشمي... انتظر جديدك المميز
تحية مملوؤة بالود والتقدير لك

[طلال الحارثي]

عــلــي آلــعصيــمــي


صـح لســآنك أخـوي ..قصيده في غـآية الجمـآل وأبيـآت شعريه متنـآغمه مع بعضها البعض..أتمنى أن تتحفنا بكم هـآئل من قصـآئدك مستقبلآآ


تحيــآتي لك

[أوهــام]

اناظـر للبشـر حولـي احـد يضحـك واحـد فـرحـان****** وانـــا مـجـبــور اسـايـرهــم لــجــل اخــفــي عـذابـااتــي

صح لسانك ..وصح بوحك ع الجزله ..

[شاعرة نجد]

صح لسانك

ولاهنت على هـ الفاخره

تقديري,’’

[علي العصيمي]

يامرحباابك يالغالي محمدالرووفي

لاهنت علي التواصل الكريم
وصح الله بدنك


دمت سالم غانم
ولا خلا ولا عدم

[علي العصيمي]

ياهلا وغلا بشاعرتنا الاصيله بنت ابوها

اقف احتراما لهذا الاطراء الراقي والكريم

وبيض الله هالوجه على هذ التواصل الجميل


دمتي لحفظ الرحمن

[زهرة توليب]

علي العصيمي
طرح رآئع وجميل راق لي اختيارك
سرني المرور بمتصفحك المميز
يعطيك الف عافية
ونتتظر جديدك
ودي لك

[عبد العزيز فهد العصيمي]

صح السانك ياعلي وبيض الله وجهك

سجل اعجابي

[علي العصيمي]

نبض الوفاء...
اقف احترامااا لكرم هذا الاطراء الراقي الجميل
وبيض الله هالوجه على هذا التواصل الكريم
صح الله بدنج


دمتي شامخه وسالمه

[علي العصيمي]

طلال الحارثي

نورت ,,, متصفحي
وشرفتني بحضورك

صح الله بدنك
ولاخلا ولاعدم
وابشر باللي طلبته وعساني اكوون عند حسن ظنك

دمت بحفظ الرحمن

[علي العصيمي]

اوهـــــام
صح بدنج
يسعدني دايم هالمرور العطر
الله لا بخليني منه


دمتي سالمه غاااانمه

[علي العصيمي]

صح لسانك
صح بدنــــج
ولاهنت على هـ الفاخره
ولا انتي ,,,ياكريمة الاصل
تقديري,’’
كل الشكر والاحترام لشخصك الكريم

[علي العصيمي]

طيـــور الجنه

الرائع والجميل هو هالتواصل الكريم الذي اسعد به كثير
ويشرفني متابعتج لي


لكي مني اجمل التحايااااا

[علي العصيمي]

صح السانك ياعلي وبيض الله وجهك
صح بدنك ,,,,, و وجهك ابيض
سجل اعجابي
اتشرف يالغالي

دمت سالم غااانم