( شـتـآت أفكــآر ) ..~

[سامي الغنامي]

البقى ي غزلان ..

وصح بدنك ..

وكل الشكر على حضورك الدائم

انقى التحايا لك ...

[سامي الغنامي]

يقولون وش عندك حزين وتحب الليل
وانا اقول لولا الليل كان الصبر بعته

انا اشوف فيه الانس من بعد هد الحيل
شتات النهار اللي جمعني .. وجمعته !!

[غزلان]

الله عليك ياسامي مبدع كعادتك..
وصح لسانك واعتلا شأنك ..
ومافي أحد مايحب هدوء الليل ..
ودي وتقديري ..

[سامي الغنامي]

صح بدنك ي غزلان

والابداع نستمده منك طال عمرك


كل الشكر

[سامي الغنامي]

على قو صبري كل ليله تجي ي بوح
اصارح همومي قبل اصارح جوارحها


كلام الصراحه قبل اقوله شتات يروح
واذا جات للكتمان ماني .. مبايحهاا ..!!

[سامي الغنامي]

خذني بحضنك عن لواهيب شمسي
واطلق سراحي لااظلم الليل وامسى

اشكي من الضيقه على ضيقة امسي
خلت عيوني من عنى الحب عمسى !!

[سامي الغنامي]

درب الغلا بيننا .. ياصاحبي توه
مادام اعرف ال طريقه ماني بتايه

اللي تشوفه مناسب يالغلا سوه
اللي يناسبك م اعرض له ولا جايه

لو شفت قلبي من الضيقه شكى جوه
مال الوسيله مبرر .. غير هالغايه !

وجه الحسد من عرفته شين ومشوه
والعاذل اعرف طموحاته على رايه

[غزلان]

درب الغلا بيننا .. ياصاحبي توه
مادام اعرف ال طريقه ماني بتايه

اللي تشوفه مناسب يالغلا سوه
اللي يناسبك م اعرض له ولا جايه

لو شفت قلبي من الضيقه شكى جوه
مال الوسيله مبرر .. غير هالغايه !

وجه الحسد من عرفته شين ومشوه
والعاذل اعرف طموحاته على رايه

الله الله عليييك يا سامي صح لسانك دائما يروق لي ماتكتب ؛؛ ربي يسعد ايامك ويحقق لك مبتغاك ،، ودي وتقديري ،

[سامي الغنامي]

صح بدنك ي غزلان

وحياك الله في اي وقت ..

ومما يسعدني حضورك ي بعدي ..

كوني ب القرب ..

[سامي الغنامي]

من منطلق حبي لشخصك هو يجوز او لا يجوز
فكرت فيها من زمان بخاطري ثم جزتها ..

مرت سنه فوق السنه والقلب للقلب محجوز
فكرة مفارقنا بعيد ولا اذكر اني هزتها

[سامي الغنامي]

تعلقت شرد الهجوس بحب منسوع الجديل
لو ان ربي ماكتب لي ب الظروف اشوفها ..

مازلت اطالع فالسماء وامزونها واقوم اخيل ..
وادعي كفوفي تشتبك بيدينها ..وكفوفها ..!

[سامي الغنامي]

الصبر صبري .. والعيون عيوني
والحال حالي والتعب من قسمي

ايه اتركوني .. لو تخيب ظنوني
بهرج مع العالم ووضعي رسمي

شريت ناس مع الزمن باعوني ..
وصارت تباريحي تزيد بجسمي ..

[سامي الغنامي]

بلاش ثقل وقول قول الصراحه ..
يعني على هالحال مامن فوايد ..

اما علاقه .. ب التسامح وراحه ...
ونبني عليها سلوم غير وعوايد ..

والا تروح وتختصر لك مساحه ..
واصير عن درب المقفي محايد ..

[سامي الغنامي]

لاوالله الا شاب راسي يابو نوف
وشيبت من قدام عمري .. يشيب

ظروف مرتني ماهيب اية ظروف
اطلع بها مره .. وعشرين اغيب

اشوفها لكن انا ويش ابا اشوف ..
اقول مبعد والحقيقه ..قريب ..!!

ان كان تنشد وانت قصدك من الخوف !
حالي يسرك ومتعافي .. وطيب !!

[سامي الغنامي]

هجوسي كل قاف" لابنيته
تزاحم كلها لامن بديته ..

وبسم الله نبي نبدا القصيده
اطيعه والى من ضقت ارتجيته ..

يشيل الهم والتفكير عني ..
بلاني ب الزمن مدري بليته ..

اليا سجيت ساعه ذكرتني ..
هموم" ترجع اللي قد نسيته

علاقتنا لها مده قديمه ..
تبي تبطي وهمي مامحيته ..

اسولف للزمن واقول حظي
تعيس ويختفي لامن نخيته ..

فقدت انسان غالي في زماني
وفقده هم من مبطي شكيته

تناسينا ولكن .. مانسينا ..!!
سواليفه وضحكاته .. وبيته .. !

مكانه ثم مواقيفه وطيبه ..
ياكم ليل" على همي سريته

لو ان الدمع يرجع من فقدته ..
قضيت العمر كله قد بكيته ..

ولكن دبرة الله في عباده ..
مقادير الزمن مابه ياليته

ابطلب له عسى الرحمه من الله
تجيه وترحمه ... لامن دعيته

ويغفر له ذنوبه كل ابوها ..
عدد مامر ف البال وطريته ..


اللهم ارحم ابي رحمة واسعه ..
وارحم جميع موتى المسلمين ..

[غزلان]

هجوسي كل قاف" لابنيته
تزاحم كلها لامن بديته ..

وبسم الله نبي نبدا القصيده
اطيعه والى من ضقت ارتجيته ..

يشيل الهم والتفكير عني ..
بلاني ب الزمن مدري بليته ..

اليا سجيت ساعه ذكرتني ..
هموم" ترجع اللي قد نسيته

علاقتنا لها مده قديمه ..
تبي تبطي وهمي مامحيته ..

اسولف للزمن واقول حظي
تعيس ويختفي لامن نخيته ..

فقدت انسان غالي في زماني
وفقده هم من مبطي شكيته

تناسينا ولكن .. مانسينا ..!!
سواليفه وضحكاته .. وبيته .. !

مكانه ثم مواقيفه وطيبه ..
ياكم ليل" على همي سريته

لو ان الدمع يرجع من فقدته ..
قضيت العمر كله قد بكيته ..

ولكن دبرة الله في عباده ..
مقادير الزمن مابه ياليته

ابطلب له عسى الرحمه من الله
تجيه وترحمه ... لامن دعيته

ويغفر له ذنوبه كل ابوها ..
عدد مامر ف البال وطريته ..


اللهم ارحم ابي رحمة واسعه ..
وارحم جميع موتى المسلمين ..





الله عليك يا سامي صح لسانك ابيات رائعه ..
والله يرحمه ويتغمده بواسع مغفرته..

[النجلاء]

صح الله لسانك ياسامي
لو دريت هذه ابياتك مامريت ولا قريتها ياسامي
الله يرحم والدك بواسع رحمته ويسكنه فسيح جناته يارب
ويرحم اموآت المسلمين اجمعين
تقديري لسموك
النجلاء

[سمو الحرف]

صح بوحك يا سامى

الله يرحمه واموت المسلمين ..

[سامي الغنامي]

غزلان

صح بدنك ي بعدي ..

وجزاك الله خير ..

ولاهنتي على المرور ..

:

النجلاء

صح بدنك ي بعدي ..

وجزاك الله خيير على الدعوه ..

ولاهنتي ع المرور ..


:

سمو

صح بدنك ..

وجزاك الله خير ..

ولاهنت ع المرور ..

[سامي الغنامي]

يعني عشان انّا غلابا مساكين
والا عشان انّا نعاف القطاعه ..

بيت" تردد في خيالي من سنين
قناعته ي كبرها من قناعه ..

الوصل رمز" للغلا والمحبين
والصد والهجران ماهي شجاعه

[سامي الغنامي]

صاحبي ماكل حاجه تعجبه وتشدّه
ضايقً خلقه علي وراضي ومترددّ ..

اعرفه واعرف شعوره لو يخفّي سدّه
واتغاضى يوم اشوفه ب الكلام يردد !

واعرفه واعرف كرم نفسه واعرف لمده ؟
مايكثّر بالهـروج .. وللـ غرام يحـددّ !!


كل ماكلّمته بموضوع يوصــل حــدّه !
تعترض له كل .. رميه طارفه ويسددّ

اتجنّب ضيقته .. واقـول بالـك هـدّه !
كل هرجي مايجيبه ب العيون يصدد '

بعترف لك لوّ قلبي ي الغلا .. ماودّه
سمّح الله درب قلبك ي الغلا وارددّ !!

وجمّل الله حال خلّك يوم كنت تحدّه !
صار قربك مايناسب والعلوم ترددٍ !!

لعنبو عم الغرام .. ولا يســامح جدّه !
ولعنبو حبً يجي من واحدً مــتــرددّ !!

[سامي الغنامي]

خل عنك الكذب يامال السلامه !
لاتسولف تحسبني لك مغفل ..

كل هرجه منك تاصلها ملامه !!
اترك علومك ترا هاذي تطفل

احترم راع المكانه مع مقامه .. !!
جعل مالك نوع ف الديره وقفل


يدبل الكبد ~`

[سامي الغنامي]

راحت تردد مع الابيات وتغنّي
ياجعلني فدوةً ل( ..!!..)وغناها

ابيات شعري لها ب الفكر ساقنّي
لاجرّت الصوت قمت اناظر شفاها ..

[سامي الغنامي]

يامعشر هجوسي بطيب افعالك !!
شوشن معاها لااقبلت ثم غنن ..

ي المترفه يازين .. كل خصالك ..!
طفتي على جيلك ومنك انجنن !!

ادعي عسى المولى يطيّب حالك
ويلين .. قلبك ي الغلا .. ويحنن !

اذوب لا قالت ابيك .. لـ لحـالك !
واموت لا قالت تراك .. تـ جنن !

[حمد اليامي]

مبدع ياشاعرنا والله انها رهيبه
صح لسانك وسلمت يمينك
تقبل مروري

[سامي الغنامي]

حـمـد ...

مرحبا بك ملايين ..

وصح بدنك .. طال عمرك

ولاهنت ي الامير .. على الحضور

[سامي الغنامي]

‏حاولت اجاريك في سلهامة عيونك ..
لكن حضك معي ي خلّ ماوفّى ..

اللي بقوله ظنوني تشبه ظنونك ..
شكراً على الجرح ماجوبي معه كفىّ

[سامي الغنامي]

‏مغترب فكري وانا بين ربعي واهلي
واغترابه .. سبّب هموم مافيها بركه !!

لاتناقش .. صاحبك خل جرحه ي علي
ويش اسوي في نقاشك وانا اصلاً م املكه

[سامي الغنامي]

‏ماكل حاجه من يدينك .. تجي زينه !!
من بعد ماشفت شيً ماعجب عيني !!

اخذي جسد عاشقك ثم شوفي بعينه !!
كل الدروب الجميله بينك .. وبيني !!

):

[سامي الغنامي]

‏من واقع وتجربة حرمان !
غنيت شعري .. وغنّاني !

وشلون ياعالم النسيان !
اجيك واعيش وحداني ..

من سالفة طيشنا ندمان ..
اشقيت قلبي .. وعنّاني !!

[سامي الغنامي]

‏سهرت ليلي وضيقي جيت مزتمّه !!
ياوجه ذ الليل .. ريحّني من همومي

اشد عزمي واقول الهمه الهمّه !!
واثرك تحدا على الضيقه من هدومي !

[سامي الغنامي]

‏ياطريق المتاهه ويش وضع الطريق
من سألناه .. عْنك يصد والا سكت !!

مشكلتنا نجامل لين صرنا نضيق
من مجامل بعضنا والحظوظ بركت !!

[سامي الغنامي]

‏افرحي يَ ام العيون الناعس الذبلانه
القصايد في حلا وجهك وفي منطوقك

الصفات اللي تخلّي وجنتك خجلانه !
والله انّي وافيً معها بكل حقوقك ..!!

[غزلان]

‏افرحي يَ ام العيون الناعس الذبلانه
القصايد في حلا وجهك وفي منطوقك

الصفات اللي تخلّي وجنتك خجلانه !
والله انّي وافيً معها بكل حقوقك ..!!

الله الله صح لسانك ابداع ،، ودي لبوحك العذب

[سامي الغنامي]

غزلان

مرحبا بك .. ملايين

صح بدنك ..

ولاهنتي على الحضور ..

[سامي الغنامي]

كل حلمً .. لاحلمته .. ماتحقق !!
يارداة الحظ .. ياكبر المصيبه ..

من رحيله شفت انا الموت المحقق !
انكسرت .. وطحت من قو الغليبه ؟

[مـهـا]

ابداع يا سامي استمتعت كثير بقراءة افكارك المشتته رغم اني اراها افكار ممتعة و جميلة.. صح لسانك.. اسمح لي بتواجدي بمتصفحك المميز .. دمت بكل خير وسعادة..

[سامي الغنامي]

مها ..

مرحبا بكك .. ي بعدي

وصح بدنك ..


كل الشكر لك ع الحضور ..

لاهنتي ..

[سامي الغنامي]

الشعر ماله في حنايا غيرها ضل ومكان
لو اني اخاطب جميع الناس حسب عقولها !!

معها لقيت الشوق كله والمحبه والامان !!
عن شمس خلان الكلام ونطقها وفعولها ؟

اهديتها شعري وحبي وانطلق كل العنان ..
ب اوصافها ماكل شخصً يفتخر مع زولها

عندي لها كلمة غلا قد تعّبتني من زمان
في كل مره لانويت اقولها .... ماقولها !!

احسد عليها .. ثوبها واحسد عليها ذالمكان
واحسد عليها المدرسه وابوابها وفصولها !!

[غزلان]

الله الله عليك صح لساااااانك روعه ،،

[سامي الغنامي]

غزلان ..

صح بدنك ..

والروعه تكتمل بتواجدك ..

كل الشكر .. على الحضور

لاعدمتك ..

[سامي الغنامي]

انتي اصلاً غير عندي ولا مثلك شبيه
ادعي الله يرزقك ب الغناه الضافيه

اجمل اشعاري معك يوم غيرك م ابيه
يوم بعض الشعر .. ماغير وزن وقافيه

استحليتي خفوقي وغيرك هام فيه
واتجّه صوبك نواياه جداً صافيه ..

كنت ضايع قبل اشوفك مع السكّات تيه
ومن لقيتك لقيت العمر خير وعافيه ...

لاتخليني وحيد ولا تقابلني وجيه ..
الليالي مظلمه والشوارع .. طافيه

اسمعي زبدة كلامي ومن عقلً نبيه
وافيه ي روح روحي وقلبي وافيه ..

[نور]

حروف ساحرة .......... :clap2:


حروف اتمنى ألا تنتهي وأن أقرأ لها دائما :book:


تقبل أرق التحايا كرقتك .:pepsi:.

[سامي الغنامي]

غصة حنين ..

حياك .. ي بعدي

ومرحبا بك ف اي وقت ..

كل الشكر .. لك

[غزلان]

صح لسانك واعتلا شانك ابيات في قمه الروعه ؛ ودي وتقديري يالغلا .

[سامي الغنامي]

مرحبا بك ي غزلان ..

وصح بدنك ي بعدي ..


كل الشكر ع الحضور الفخم ..

لاعدمتك

[سامي الغنامي]

ساقني للضيق هجسي وخلاني وحيد
انكساري عظيم ..* وهامتي عاليه

كان صبري جميل وكان .. همّي بعيد
وكانت ظنون صدري كلها ساليه ..

مع صباحي بدونك ماش مامن جديد
ليت عيني من دموع الوله خاليه ..

من عرفتك حلفت ان ما بالكون غيد ..
حاليه ي سكُر الوقت والله حاليه ..

ليتني نومك عشان اصير جداً سعيد
واحضنك عن كل جمره بعينك صاليه

ايه احبك دام جسمي على نبض الوريد
طالعه من نبع قلبي ل قلبك جاليه ..

مانسيتك ولا بنساك .. هو هذا الاكيد
لو تروح ضلوع صدري طحين وباليه ..

الهميني عدد ماقلت لك هل من مزيد ؟
واذكريني عدد هالناس ماهي ساليه

[غزلان]

الله الله صح لسانك جد روووعه سلمت الانامل .. ودي وتقديري ..

[سامي الغنامي]

غزلان ...

مرحبا بك ..

صح بدنك .. والروعه تكمن في حضورك دائما"

كل الشكر .. لك

[سامي الغنامي]

جيبو لي حبوب راسي يابعد راسي
ذبحني الهم والتفكير .. وصداعي

من جور هم السنين وحظي القاسي
ومعامل الناس واحزاني مع اوجاعي

اما قفلت الجهاز .. وصرت متناسي
والا كرهت البشر ثم شانت اطباعي

[سامي الغنامي]

‏في شوفتك فرحه وفي غيبتك ضيق
وانا مابين الضيق ... والفرح اعاني !

الاوله .. تأثـيـرها ب المـعـالـيـق
والثانيه لاجـات ... تعـقـد لـسـانـي !

[سامي الغنامي]

الهجوس اللي رمتني في حريقه !
اشغلتني من مواني .. في مواني

عقب صدري كان .. للواقع حديقه
صرت انا المجني عليه .. وصار جاني

ياحبيب الروح ما اتحمل .. دقيقه !
غيبتك واحسب لها .. كل الثواني

الاشاعه ماتشبّه .. ب الحقيقه !
من سألني قلت صافي لي زماني

مادروا عن قصة .. الهم وصديقه !
واحدً مبسوط .. والثاني يعانــي

وانت رفقه لافقد قلـبي رفيـقه !
وانت كلي لك .. ب حبي وامتناني

في غـيـابك .. مالقى قلبي طريقه
راح عمري وانتظر بك .. عمر ثاني !

[حمد اليامي]

ماأجمل تلك المشاعر التي
خطها لنا قلمكِ الجميل هنا
لقد كتبتِ وابدعتِ
كم كانت كلماتكِ رائعه في معانيها
فكم استمتعت بشعرك الجميل
بين سحر حروفكِ التي
ليس لها مثيل

[سامي الغنامي]

اررحب ي حمد تراحيب المطر


كل الشكر لك ي بعدي على الحضور الطيب

لاهنت

[سامي الغنامي]

ليل الطرب ماهوب مثل الهواجيس
وتيرته .. ي قوها .. من وتيره ..!!

يفرحك لين انك تعوذ من ابليس !
وان واجهك مجنون لاتستشيره !

[سامي الغنامي]

ياهاجس الليل فيض الشعر سراني
لـ اشعاري اللي من البارح .. تراودني


احاول انسى بيوت الشعر والحاني ..
لكنها .. فوق قمّتها .. تعـانـدنــي !


موضوع صدري طويل وحرّك اشجاني
وان جيت ببديه .. عيى لا يراددني

اشوف نصف البشر يامر وينهاني ..
والنصف الاخر على مبداي .. يحسدني

[النجلاء]

الله الله
صح الله لسانك ياسامي
مدونه رائعه وجزله بكل ماتعنيه كلمة رآئعه
تصفحت واستمتعت بجمال احساسك ومشاعرك العذبه
تقديري لك
النجلاء

[سامي الغنامي]

مرحبا مليون ي نجلا ...

صح بدنك ي بعدي

والمدونه تزداد روعه بحضورك ..

يعطيك العافيه على الحضور الطيّب

[سامي الغنامي]

مابه جديد الا بخير وطيب
والحمد لله والثناء والمنه ..

واللي بغاني ف الوجود قريب
مادمت حيً له مااخيب ظنّه

[سامي الغنامي]

تباعد اجسادنا .. مايعني الفرقا
وقلوبنا مع بعض فالوقت ملتزمه

لاصارت عيوننا .. من ضيقنا غرقا
تبي تمر الهبوب .. وتاخذ الازمه !

[سامي الغنامي]

اهديت من غالي الابيات شيً يليق
لكنّ حكم الظروف سيوف وتسلّها

رميتها فالطريق وذاب منها الطريق
ماعاد عندي هدايا خلصت كلها ..

[سامي الغنامي]

على الصبر عشنا ماحسبنا حساب الوقت !
لو نفوسنا .. في تالي الوقت مظطربه !

اضايق عيوني .. بس للناس ماضايقت !
واجاوب حمام الورق .. لامرني سربه !


وانا كل مافكرت .. فالناس ماوايقت !
اداري على احساسي قبل نفسي الذربه

[سامي الغنامي]

ياصبر ماعندي صبر .. !
انا نفذ .. صبري معااك

من يشبر الدنيا شبر ..
بيموت والسبه .. هلاك !

مابين كفينك .. قبر !
وفي ضيقتي مالي سواك

المنكسر .. ماله جبر .. !
والضيق ي صدري فداك

[سامي الغنامي]

ي الله ي ذكرى المراسيل ي الله
تغطي مرارتها على وقتها الحالي !

ادردش مع العالم .. وانا داخلي عزاه
يشوفونها .. وازريت لا اغيض عذالي

جذبني سواد الليل .. للضيق والويلاه
وانا ادري .. عن العالم بعضهم مثل حالي

[سامي الغنامي]

‏انا من الناس ي ربي لك المنه
شلت القناعه وحفظ اسراري لنفسي

قولو ل من راح ماني ناشدن عنه
بعض المخاليق صايبهم مرض نفسي

[سامي الغنامي]

تماديت في صرفي للاشواق ب الاسراف
واثر كل غلطة شوق للشخص محسوبه

على كثر م اعطيته لقيت الغلا ماشاف !
يدور عذر .. لـ بعاد خلـه / ومحبـوبـه !

وانا مارضيت آعيش بـ الظلم والاجحاف
بعد كنت وافي له .. ومعطيه ماجوبـه !

هقيته خوي الدرب لوّه زماني زاف !
واثر زيف محبوبي يغطّي وملعوبه !

عجزت اتغاضى عن فعوله وقمت اخاف !
وتجنّبت دربه .. يوم لي بان مطلوبهه

يقولون .. درب الحب كلّه نقاء وانصاف !
وانا اقول .. شمسه غايبه عنّي ومحجوبه

تركته لوجه الله .. قبل قلبي الشّفــاف !
مراح القطا .. لا خمه الوقت ب سبوقه*

[سامي الغنامي]

انا ظروفي تحدتني على شانك
وانا تحديتها .. مانيب ضامنها

لاتزعلك كلمتي وتجرح اوجانك
شوارع الحب ماتزعج مداينها !

مابي ولا كلمة تطلع من لسانك
خلك على زين لين الله يزينها !

[سامي الغنامي]

جددت جرح الخفووق الداله الناسي !
ماعاد ينفع معاه .. الخيط والابره

ذوقتني كاسك .. ولا ذقت من كاسي
كابرت لكن .. غزاني هم ي كبرره !

[سامي الغنامي]

ي سلام الله على .. قلبك وقلبي !
من تعارف بعضهم في وقت ضايع

واحد إيجابي .. وواحد دوم سلبي !
والطمايع .. مالهم فيها طمايع !

[سامي الغنامي]

مستسغر الناس لا يفقه ولا يفهم .. !
هو يحسب انه شرا على الدنيا ومالكها !

ي ربي اسألك في بلوى تزاقفهم .. !
نوعيته .. ف البلد تضرب سبايكها ؟

[سامي الغنامي]

انا همومي تزاحم بين حدب الضلوع !
حاولت فيها .. ولكن مامشت وارفضت


عزي لمن .. ذاقها في وقت مابه سنوع
يبطي بها والليالي .. تقفي بما مضت !

[سامي الغنامي]

انا مع الفقد من صغري ولا هو جديد !
واكبر دليل ان قلبي مافقد غير ابوي !

ماشفت وقتي يصارعني ويلقى حديد
يعني تبي تروح ماردك لو انك اخوي ؟

[سامي الغنامي]

ي بوح صدري عليك الناس ولهانه !
عندك جماهير .. يغلونك على شاني

البعض منهم يخونه دايم لسسانه
وانا عن الناس اعبر دوم بلساني !

[سامي الغنامي]

انا ليا جيت لازمني موقع حضور
وحق الضيافه مواريها عظيمه

الله يعز المرور وينفع بهالمرور
مامرهم غير شايل لي قسيمه ..

[سامي الغنامي]

كثثير الجروح الساكنه مالها تبرير !
تبين على شكلي وتنطق .. علامتها

من ايقول بعض جروحنا مالها تأثير
ابعطيه منها ويتذوق .. مرارتها !

[سامي الغنامي]

قد قيل لي ضايق ووش فيك مهموم !
قلت .. الهنا عن درب قلبي .. تسيب

شفت الزقاره .. نفعها نفع .. مسموم !
اكنها في .. داخلي لين .. اغيب !

[سامي الغنامي]

مزاجي السيئ ملخبط شكلي !
لاتسألوني ي عرب .. وشلوني

لا نومتي نومه ولا اكل اكلي !
حسبي على وقتي جلس بعيوني !

[سامي الغنامي]

ملامحي شاحبه .. والضيق يلعب بي !
والهاجس المر .. ماتنفع معه .. مره

ماعاد .. تفرق معي في .. مدحي وسبي
دام الزمن .. يتبع المهموم .. ب الجره

[سامي الغنامي]

ماعلموك ان الزمن طبعه شحيح !
يعطيك حاجه لا زعل .. يرتدهاا !

مابي من الدنيا سوى القلب المريح !
اخير من صرف الفلوس .. وعدها

[سامي الغنامي]

اسباب حبي لها باقول مجهوله
فطره من الله كذا لو اني اخفيها

لا تسألوني علام الروح مشغوله
مافيه ساعه تجي مامر طاريها

[سامي الغنامي]

اشربيني ي بعد كوني دوا لـ اوجاعك
واتركي همّ .. الجروح المبطيه وانسيها

ايه انا المحبوب .. واحبك بكل اطباعك
وايه انا علاج الجروح اللي يبي يداويها

[سامي الغنامي]

داريت نفسه قبل لااداري احساسي
لأني احبه وحبه .. مالكً جوفي !

لقيت فيه الهنى .. عن وقتي القاسي
وان راح قولو له اني فاقدن شوفي !

[سامي الغنامي]

مواجعنا القديمه لو اسولف في سنه وشوي
قليل ابها الكلام .. وجرحها من ميسم حامي

ليامن جيت ابفرح قال همّي ي عميلي عي !
انا سامي / انا سامي / انا سامي / انا سامي

[سامي الغنامي]

وشلون اسولف .. مع العالم واراضيهم !
وانا مع الفقد .. من ديره الى .. ديره

قولو لي اهل .. المحـبـه وين اراضيـهم
وازورهـم .. ب السنه لو كان تصبيـره

[سامي الغنامي]

السهـر عـاده ولاهـو بأي عاده
عادةً عايشتها طول السنـين !

كل ماهوجست ضميت الوساده !
ماحب اكون في .. عيني حزين

[صـدووودٓ]

الله الله
صح لسانك
ويعطيك العاافيةة
ع كلماااتك الذوووق
لاتحرمناا من ابداع قلمك
تقبل مروري هنا
صدود

[سامي الغنامي]

صدود ..


مرحبا بك ي بعدي ..

وحياك الله ..

وكل الشكر لك على الحضور الطيب

[سامي الغنامي]

علمي كل البنات اللي تجيهم غيره !
منك لاشافوك عندي والشعور موجه

ان سامي مانوى فيهم ولا له سيره ..
لو تجن جنونهم .. والا تجيهم رجه

[سامي الغنامي]

من دونها الليل واقف ياثقل دمه !
اشوف الافكار تدرجني طواريها

اطالع الوقت فالجوال واضمه ~
واقول يالله عسى عيني ماتبكيها

من بعدها الصدر ضايق ياكبر همه
ثلاث ساعات جابت لي بلاويها ..

مرات اجر اللحن واخطيه واخمه
ومرات .. اسج القدم وادري معنيها

مخلص لها ب الغرام وذمتي ذمه ..
ماهي مجرد قصيده يوم اغنيها

قولو لها عاشقك لايطيح بمطمه ..
من ضيقته طش شرطانه واغانيها


والليل من بعدها .. بيّن ثقل دمه !
اسامر .. الشوق واسولف لـ طاريهـا

[سامي الغنامي]

خليتني للهبوب اروح معها واجي
طاير من الشوق والفرحه جناح المطير

غيرت ﻹجلك طموحاتي معا منهجي
ومواصلك معتمد .. دايم ألين الاخير

[سامي الغنامي]

دام الابداع حبله في يدينك رخو !
افلته خل عنك القول والمصطلح

انت غالي علي وفي مقام الاخو !
لكن الشعر عندك يالاخو ماصلح

[سامي الغنامي]

الهم اعدّه رفيق ودايم متكّي ؟
كم ليلةً جات سامرني وسامرته

اشوف كوعه على المعلوق متركّي
مَ اذكر مع الوقت في لحظه تعذرّته

[سامي الغنامي]

انا اشكر الوقت يوم الوقت جازاني
فالمده الوافيه من راحة كفوفه

ليه السهر بان فيني واعمس اعياني ؟
مفروض ماتسألوني دامي اشوفه

ماطير النوم من عيني وخلاني ..
الا الحبيب العجيب وندرة وصوفه

[سامي الغنامي]

عاتبيني واستلذي في عتابي
كان يرضيك المعاتب عاتبيني

*

الهوى دربي وباب الحب بابي !
والسنين علومها بيني وبيني

[غزلان]

صح الله لسانك ي سامي ؛؛ ابيات في قمه الروعه ؛؛ دمت ودام لنا شتات بووحك العذب ،، ودي وتقديري ،،

[سامي الغنامي]

غزلان ..

مرحبا بك .. ملايين

وصح الله بدنك ي بعدي ..

والروعه تكمن في حضور سموك هنا ..

كل الشكر لك ي انيقه على الحضور ..

[سامي الغنامي]

‏وش علاجي لاخوى راسي عليك !
وانت دلّة عمري .. اللي ماقضت

اعتبر نفسي .. معك منّك والييك !
لاترجّعني .. على همومً مضـت

[سامي الغنامي]

‏لولا الظروف وشوفته كان انا تبت !
مير البلا المحبوب .. وثّق قيادي

لقيت فيه الفضفضه عن سما الكبت !
وانا معه مبسوط .. والوقت بادي

[سامي الغنامي]

شلني من القاع لغيوم السماء الزرقاء !
واحفظ حقوق الغلا ب الصوت والصوره

ماكنت خايف علي الا مّن .. الفرقاء
وشلون ابنهي .. بشيً م انتهى دوره !

[سامي الغنامي]

محتاج لي نوم يشفي مجمل جراحي
ثلاثة ايام .. ياعيوني طغى .. همّــك


تعبت من سهرتي.. دايم وانا صاحـي !
يَ ذالسهـر فكني مطلوب من سـمــّك

[سامي الغنامي]

خليت كل الناس واقبلت لك ود
جيتك لإني فيك حصلت ودّي ..

شوفتك عندي تغني الروح وتسدّ
تروي ضماي .. ولا تبيّح بـ سـدّي

انا اتحدا بك .. جميع البشر ضد !
كل الهموم .. وكل من كان ضدّي

الله ياكثر .. الطواري مع الود !
ودي معك وان قلت ودي وودّي !

[سامي الغنامي]

رجّعتني للقصيد وقسوة حروفه !
واشوف راسي منه زادت معاناته

عامين مرت علي ماكنت انا اشوفه
ماكنت ادوّر عليه .. ولا على ابياته

واليوم شفني .. طريح بضربة سيوفه
وشلون ابنسى القساوه من محطات

[غزلان]

صح لسانك ي مبددددع ،،

[سامي الغنامي]

مرحبا بك ي غزلان ..

وصح بدنك .. ي بعدي

شكرا لك ..

[سامي الغنامي]

كملي مشوار عمرك معي لاترحلين !
لاتخلين الليالي .. تزّود ترحتي

كنت ضايع قبل اشوفك ولعبه للسنين
ويوم شفتك راح ضيقي وجتني فرحتي

[سامي الغنامي]

كل حاجه في خفوقي لك تبيّن !
م اقدر اخفيها بتظهرها عيوني

الوله في غيبتك ماهو بــ هيّن !
والمحبه فيك زادت بي جنوني

[سامي الغنامي]

تقاسمت انا وياك فالدور والاخراج !
لك الامر والتعديل والنهي والسلطه

مشاهد حياتي كلبوها .. معك مونتاج
تحّكم بها .. من دون ربكه ولا غلطه

[سامي الغنامي]

الا يالهجوس الساميه وارتقي للعز
ليا صرت انا موجود م انتي بـ معتازه

عليك الضمير .. يحن ويتوق لك ويفزّ
ترا جيّتك فرحه .. وقربك هو انجازه

[سامي الغنامي]

ياللي من هروجك تبيّن .. خوافيـك
حلقك على ذم .. الاوادم تـحـمـى

احترت فـ اسمك يالعوج ويش اسميّك
جنسك مع ... الاجناس ماينتسـمى

[سامي الغنامي]

يامالك الملك مالك غير ملكك مليك
ياغافر الذنب ياربي ولا احدن سواك

ياللي عبادك تضيق وكلها .. ترتجيك
تغفر لنا ذنوبنا وتعيذناا من .. الهلاك

[سامي الغنامي]

وش علاج الحب قلي ياحمد
المحبه مالها وقت ومدا


مادريت انه طويلً بالامد
لين شفته في معاليقي بدا

[سامي الغنامي]

لاتردد يابعد عمري .. وقرب
اندفع لي دام عقلي مندفع لك

الاوادم ودها .. فينا تخرب
مير تبطي كل ابوها ترتفع لك

انت غالي في عيوني لو تجرب
شوفها .. ياكبر فرحتها ب فعلك

[سامي الغنامي]

ياضميري لاتهوجس ليا جالك مجال
خل عيني لاتقرّب .. على مضمونـها

الليالي .. تخفي اسرار لو طـال الجدال
كم صدورً .. كل همً فضح .. مكنونها

كنت عايش بين الاحلام في رجوى وامال
لين صرت اقول للناس انا .. مفتونـهـا

بعد كنت وكانت علوم .. ياحظي تعال
يمكن حظوظ المخاليق .. مع مجنونها

ماخطر في بالي اليوم الا هـ السؤال !
من يجيب اخبارها اليوم هي وشلونها

[سامي الغنامي]

على التعب شلت الزعل
من غير كيف وغير ليه

يمكن عقل يمكن جهل
كلً يشوف اللي عليه

اللي طرى لي ماوصل
قلبي فقد ضمة يديه

[محمد الغنامي]

السلام عليكم ورحمة الله وبركاته
اخي العزيز / سامي الغنامي
اسعدك الله دنيا واخره وابعد عنا وعنك مايعكر صفوك
مدونه جميله جداً طاب لي المكوث بها بضع دقائق
سلمت يداك ودام نبض قلبك الجميل
مرور وتقدير

[سامي الغنامي]

محمد الغنامي


ارحب تراحيب المطر

وجزاك الله خير .. ي بعدي ويعطيك على قد نيتك

ومما يسعدني مرورك .. ي الذيب

لاهنت لاهنت

[سامي الغنامي]

فكرت فالدنيا وكثر الهواجيس !
ولقيت مالي في هواها تجاره

غير النكد والضيق من ضحكة ابليس
والهم ياخذني ل تاره .. وتاره

قررت .. اعيش بغير ضيق ووساويس
واسجد لربي .. في سجود استخاره

[سامي الغنامي]

‏عليه العيون دموعها دايماً سكّاب !
تناسى شوي ويرجع الهم ب اقصاها

فقدته ثمان سنين ياوحشة الغيّاب !
عليها عشر .. والنفس طاحت ببلواها

[سامي الغنامي]

‏شعر الغزل شي من مبطي تطرقته !
لو ان فيه التعب مبطي مخاويني

وقتي معه دوم مايقصر على وقته
ماشفت احد كثر وقفاته يراعيني !

[سامي الغنامي]

‏لاصرت طيّب قلب ولسانك نظيف !
قام يتهاون .. فيك حتى الإمّعه

ولاصرت قاسي قلب قالو يالطيف
هذا الحبيب ولازمً نمشي معه !

[سامي الغنامي]

‏حطيت لك مركاز .. وسط المعاليق
واصبحت تامر .. في خفوقي وتنها

مطلوب منك ان جاتني حزة الضيق
ضم الضلوع .. الهايمه واحتضــنـها

[سامي الغنامي]

‏لو شفت فعل الشوق من بين الاهداب
يمديك تعرف حالتي .. وش نكدها

عطيتك اللي ماعطو مثله احباب !
قدّمت لك عيني عطا وش بعدها

[سامي الغنامي]

‏من باب حب القلوب البيض يابو مزاج
اضيق من ضيقتك وان وصلت لـ حدّها

لاتبتلش في لسانك .. ياطليق الحجاج
الكلمه اللي تخـجّـــل .. دايماً بـدّهــا

[سامي الغنامي]

‏ياليل العنا خليت صدر المتيم غلق !
تروّح عنه بعض الهواجيس وتروده

عجز يقَنع انسجته لامر النسيم الطلق
وعجز لايشوف الوقت ويلامس وروده

[سامي الغنامي]

‏لاتخلّي بينكم .. صحبه وخوّه !
عالج جروحك تراهم يمرضونك

دمعك اللي تنثره من غير قوّه !
لاتزيده تحترق منّه .. عيونك

[سامي الغنامي]

‏ياعظيم الشوق ساعاتك عظيمه
لو يشوفك خالي القلب .. يتندّم

جيّتك عندي لها معنى وقيـمـه
وان رحلت يضيق كوني واتهدّم

[سامي الغنامي]

‏ياصباحي يادواي ويامسائي
ياضماد القلب ياشربه وقوته

قول رايك فالقصيد اللا نهائي !
من طرب شاعرك لاغنى بيوته

[سامي الغنامي]

‏حبيت اهنيه في تفكيره الصاحي
ماشال هم الزمان الشين وجراحه

يقول لي ليه ماترقد .. وترتاحي ؟
واقول احب السهر دام السهر راحه

[سامي الغنامي]

‏ياضيقة الصدر مالي عن همومك مفر
اصد عنها وانا من جيتي ادري بها

محتاج لي صدق من ضيقي لرحلة سفر
تشفي جروحً قديمه صرت اهذري بها

[سامي الغنامي]

‏في كلامي لاتفكّر ولا يصيبك ذهول
الظروف افطن لها .. والدروب تدلّها

لاتحدثني عن اشياء ماترضي العقول
ماتعاف النفس شيً وهو خيرً لها !

[سامي الغنامي]

‏خل الليالي تروح بجرحها الدامي !
بنسى كوايا مياسمها .. / وبنساها

مانيب مهتم للفايت / من ايامي !
لا صارت همومها ابشع من سواياها

[سامي الغنامي]

‏يابعد من قال انا للبيت شاعر
اعترافك بالصراحه / مايهيّب

اكذب بكل شي الا المشاعر !
المشاعر كذبها ماهوب طيّب

[محمد الغنامي]

الله الله ياسامي
صح لسااانك يالمبدع
سجل المرور والاعجاب
دمت بخير وسعاده

[سامي الغنامي]

اررحب ي ابو بندر تراحيب المطر

وصح الله بدنك .. ي الامير

ومرورك واعجابك .. فخر لاعدمتك

لاهنت

[سامي الغنامي]

‏خل عنك اهل الحكا واهل المغازل
واسمع اللي نظرته عزّت عيونه

خذني الحلم الجميل ولا تنازل
لو جموع الناس من دونك ودونه

[سامي الغنامي]

‏من مفارق عيونه مااهتنيت المنام
كل ماقلت هانت .. قال ليلك طويل

كان وضعه تمام .. وكان وضعي تمام
حسبي الله على الفرقا .. / ونعم الوكيل

[سامي الغنامي]

‏كنت اعتبر حبك لحاله عن الناس
وادور الفرصه معك واختلقها

واليوم لاتطمع ترا مابه احساس
جمّع همومك .. للمفارق وسقها

[سامي الغنامي]

‏مانسيتك من عبث والا تغلّي !
اسأل الايام / قلبي وش حصلّه

مابقى لي ب المحبه ربع ملّي !
يعني الحب القديم ( انزاح كلّه ) !

[سامي الغنامي]

‏العلاقه دون شكّه وريبه .. ماتبور
وقتها لاصار بالصدق صدقّني مدي

استغلّ بما بقى من محطّات الشعور
قبل اطيّر راية الحب من راحة يدي

[سامي الغنامي]

‏عجزت لـ القى حيله لـ قلّ الاسناع
لا جيتها منّا .. تجي غصب منّا

ارفعك يامال الغنيمه عن القاع ؟
مير انت عظمك للمطيح يتثنّى

[سامي الغنامي]

‏لاتعجّل والتجارب تعلّمك الحياه
لين تبقى مثل منهم يروحون ويجون

من لبَس ثوب المداين يبي ثوب الغناه
ومن فقد لذّة منامه يبي نوم العيون

[سامي الغنامي]

‏ارسلت لك من بدع( الابيات موال )
ياللي غلاك بداخل / عروقي يجول

مضمونه ان الحب ..( مازال مازال )
مصروف لك في شيك والرقم مجهول

[سامي الغنامي]

‏تعّبت حالي بين احبك واداريك
واهدّي الاوضاع .. وانت اتقوّى

قدّمت لك نفسي عطا بين اياديك
وسويت فيني .. شي ماينتسّوى !

[سامي الغنامي]

‏شعري معي مازال والدرب مازال
ومرسى همومي بين راسي ومتني

غنيت لي في وجه الايام موال
انا وحيد ووحدتي موجعتني

[سامي الغنامي]

‏انا الصبور اللي حذف صدره الياس
احب فعل الطيب .. مابغى اتردى

والكلمه اللي تعترضني من الناس
احطها تحت // القدم .. واتعدى

[خيال مطير]

لاهنت , ياأمير

راقت لي كل حرف بنيته

احترامي لسَموك

خيال ..~

[سامي الغنامي]

خيال مطيير ..


يامرحبا بك .. ملييوون ي بعدي

وكل الشكر لك ع الحضور ..

لاهنت