منيره

[عبدالله بن طلال]

تواصليه


اختفت شمس المرام وبانت التكشيره = وانتهى حلم الغرام وطارت العصفوره
ضاع مني شيء غالي ما يعوّض غيره = وراح مني حاجةٍ كانت معي ميسوره
ولّ ياحلمٍ يراودني على تفسيره = في طرف سبورته يعطيني الطبشوره
والله إنّي مابغيت افضّ لأجله سيره = مير ابا افضفض بشعري وأمسح السبوره
والسبب كلّه منيره يا فديت منيره = طفلةٍ في جامعة نوره فدتها نوره
توها بالمستوى الثاني يادوب صغيره = بس/تعطيني وانا في سن ابوها/ دوره!
كم عطيت الداير الشرقي مية تدويره = لأجل اقابلها على المخرج وهي مذعوره
ودّها في شوفتي ، وإتموت فيني غِيره = و من بعيد إتلوح يمناها وهي مستوره
لعنبو حظّي متى ؟ يكفخ بريشه طيره؟ = و ألتقي معها قبل راسي يضيّع طوره

[محمد الروقي]

صباحك خير

جزل ومتغطرسه وخيالها شاعر

صح لسانك لين ترضى وتسجيل الاعجاب المستمر

[محمد الغنامي]

عبد الله طلال

صح لسانك وعلا شانك

جزله بمعنى الكلمه وليس غريب على شاعر جزل

قصيده متكامله بصورها الجماليه العذبه

لاهنت وسجل مروري واعجابي

تحياتي لك

[نبض الوفاء]

عبد الله بن طلال
صح لسانك وقلبك وروحك ع هذي القصيدة
حروف رائعة, وهمسات اروع. رائع بكل ماتعنية الكلمة
رسمت لنا لوحة من الخيال لايتقنها لا نبضك, قلم لة سحر ياخذنا ابعد من الخيال
وكم ينثر قلمك بكل جمال, شكراً اعلقها ع كل حرفٍ هني
دمت ودام وجودك الرائع والرقي,,, انتظر جديدك بشووووووق
تحية مليئة بعطر الورد
http://www.zilfawi.com/vb/imgcache/84707.imgcache.gif

[الوفاء طبـ ع ـي]

سلمتِ وصح نبضك
حروف عذبه
سلمت اناملك
وصح لسانك
لرووحك عبير الورد
الزمرد خجله من احرفك

[الأصيلة بنت أبوها]

لله درررررررك يالقرم

[عبد العزيز فهد العصيمي]

صـح آلسـآنك يـآشآعر

مبدع والله يعينك على الزحمـآت والجـآمعـآت ههههههههـ

دمـت بود وتقبل مروري المتوآضع

[عبدالله بن طلال]

صباحك خير

جزل ومتغطرسه وخيالها شاعر

صح لسانك لين ترضى وتسجيل الاعجاب المستمر

صباح النور والسرور يا محمد

صح بدنك ومشكور على الحظور العطر والاشاده الغاليه

دمت بود وخير

[أوهــام]

لعنبو حظّـي متـى ؟ يكفـخ بريشـه طيـره؟ و ألتقـي معهـا قبـل راســي يضـيّـع طــوره

الله يزينها..
قصيده رائعه وصح لسانك و علا شأنكـ

[هزاع محمدالعاصمي]

الشاعر المبدع ....عبدالله بن طلال
قصيدة سمعتها منك وها انا اقرائها هنا جميله ومن الوزن الثقيل
لا عدمناك وصح السانك اسعدني المرور من خلال متصفحك لما يحوي من جمال
اجمل وارق تحيه

[عبدالله بن طلال]

محمد الغنامي

صح بدنك ومشكور على التواجد العذب والاطراء الجميل

لا عدمناك يالقرم

تحياتي لك

[مرهف الاحساس]

عبدالله بن طلال


رائع وجزل ومميز كما عهدتك دائمااااااااااااااااااااااااا



محبكم مرهف الاحساس

[عبدالله بن طلال]

مراقبتنا القديره/ نبض الوفاء

صح بدنك ومشكوره على الاشراقه الجميله والمرور العطر

دمتي بود وخير