مرت سنه

[عبدالله بن طلال]

كل عام وانتم بخير

وشكرا للأخ هزاع العاصمي على دعوتي لهذا الصرح الراقي بأهله ومحبيه

( مرّت سنه .. )

ارجو ان تنال اعجابكم

http://www.up.al-wjd.net/uploads/files/domain-27b99147e5.mp3

القصيده كتابيه :




مرّت سنه والقلب (مِحْرِمْ وصَايـم) = يِخيلْ بَرْقْ الوصـل حولِـك ويمّـكْ
أحيان جـوّه عَـجّ واحيـان غايـم = وحاديه وقته عـن مواريـد جمّـكْ
ميّت على شوفـك ومغـرم وهايـم = ودّه بقربـك ، و إيتمنّـى يضمّـك
وإن طعتنـي دامـه يـردّ النسايـم = (إلحق عليه) ان كان وضعه يهمـكْ؟
ما عاد يسمع فيـك ناصـح ولايِـم = اهـل الـدوادي و الكـلامْ المنَمّـكْ
انـا و عذّالـي مـا غيـر إنتزايـم = ولا أسمح لأحد منهم بكلمـه يذمّـكْ
وان قلت دلّونـي علـى حـلّ دايـم = قالوا لي: (إنسه والعوض بنت عمّكْ)
متى على الله يصبـح الحـظ قايـم = بقـدرة كريـم انـه عليّـه يلمّـكْ
بأمره .. يسوقك من يسوق الغمايـم = من بعد مانبدي على أبـوك وأمّـكْ
بالمال , وإن عيّوا , حَذفْنا العَمايـم = تجي معي لازمـك بأطـراف كِمّـكْ
نفـرح بجمعـة شملنـا و إنتلايـم = وننسى العذاب وكـل همّـي وهمّـك
كنّي بيوم (النصْرْ) وأنت (الغنايـم) = لاصِرت في بيتي .. بلحْمِك ودمّـك

ودمتم بخير

[محمد الروقي]

صح لسانك وبض الله وجهك

والله شكلك متأثر بهزاع وطريقة نظمه ماشا الله

تقديري لك وحيااااااااك ربي

[ارجوان الحب]

واااااااااااااااااااااااااااااو خوووقاااقيهـ

ي الذيب

لا عدمنا هــ الا بداع ي رب

مروري وكل اعجابي

<<رجـــــــــونــــــهــ^.^

[فاتن القحطاني]

صح لسانك ولاهنت
وحياك الله ولاهان من دعاك وجابك

[محمد الغنامي]

عبد الله بن طلال

صح لسانك وعلا شانك

جزله بمعنى الكلمه

ولاهي غريبه من شاعر جزل

حياك الله وحياء من دعاك

الف لاهنت

تحياتي

[نبض الوفاء]

عبد الله بن طلال
صح قلبك ولسانك يالغلا قصيدة جميلة جداً
جزل ي النشمي,, والله يحيك ويحيي من دعاك
لروووحك قبائل الورد التبوووكي

[عشقي وهم]

صح لسآنك وآعتلى شآنك

قصيده جزله وشآعر جزل

لآهنت ... ~

[هزاع محمدالعاصمي]

هلا والله يحيك واسعدنا كثيراً انضمامك معنا اخي الكريم
واشكر لك قبول الدعوه اما من حيث القصيدة فلا غير الابداع اجده هنا قصيدة سمعتها وقرائتها
من قبل وشهادتي في مثل شخصكم مجروحه لما يربطني معك من اخوة صادقه اهلاً وسهلاً بالشعر واهله
ودمت في حفظ الله

[دموع تجرح]

رااااااااائع يالشاعر
صح لسااااانك ملايييييين