والله {اني منشغل} للخلق دايم حجـه

[حاوي الطيب]

بسم الله الرحمن الرحيم

ابتديت بحامي البيت الحرم واركانـه فارض الأركان خمسه خامستها الحجه
الله اللي نرتجي عطفه ونرج احسانـه خالق عباده ومحصيهم ياموسع فجـه
الله اكبر كيف يقطع الاخـو بخوانـه الله اكبر يازمـان العولمـه والدجـه
فيه خلق الله شقيـه بالخنـا شبعانـه بين دش وغش طارو في عسام العجه
كيف مايساْل صغير السن عن صدقانه لاهي بدنياه سارح في ربوع الضجـه
عزوتي يامحتمين البوش يوم اكوانـه فالقدايم بالاصايـل بالوغـا معتلجـه
الوصل بين القرايـب مقفلـه بيبانـه والله {اني منشغل} للخلق دايم حجـه
المكارم من صفات المسلـم وعنوانـه كل مؤمن يتبع لدرب الرسول ونهجه
انظرو فالوضع قولي زبدتـه نيشانـه بعد ماتاخذ هجوسي بالمثايـل سجـه
واختم القاله واصلى عد نوض امزانه وعدما تذري الذواري في قدوم العجه

أخوكم / حاوي الطيب

[سامي الغنامي]

صح لسسسآنك لين ترضى ..
وبيض الله وجهك ..

أحترآمي لك ..

[نبض الوفاء]

حاوي الطيب
صح صح لسانك وقلبك وعلى شانك,,,,
قصيدة رائعة جداً اهنيك عليها يالغلا,,,,,,,,
تحياتي لسموك

[محمد الروقي]

صح لسنك الى رضاك

كاااايفه يالذيب كاايفه
تقبل مروري وتسجيل الاعجاب

[محمد الغنامي]

حاوي الطيب

صح لسانك ولاهنت جزله من شاعر جزل

تقبل مروري وتحياتي

[حاوي الطيب]

بيض الله وجيهكم شاكر ومقدر لكم

[الأصيلة بنت أبوها]

حاوي الطيب
اسم على مسمى
لا شلت اناملك على هالابدااااااااع
ونتطلع لجديدك دائما

[زهرة توليب]

حاوي الطيب
ابيات رااائعه
لامست الوجدان والاحساس
دوما تتفرد بكل ماهو مميز
الله يعطيك العافيه
لاعدمنا جديدك الراقي
خالص شكري وامتناني
ارق التحايا