مجاراتي لسامي الغنامي

الشاعر
سامي الغنامي

ي محمد الفراج يوم الطلب لي=ابيك ترسل مطلبي من طلب له
ماشكي على مفهوم من لاقرب لي=ولا ابوح للي خاطري ماقرب له
وانته ولد عمي حزامي وحبلي=يوم ان بعض الناس مقطوع حبله
اشكي من الضيقه على قلب مبلي=والهم حاوطني وقلبي نشب له
ب اسباب من سافر وخلى التعب لي=واقفى وانا شلت الدعاء والعتب له
من فيض قلبه كل ليله سكب لي=وانا دموعي كلها تنسكب له
قال الوداع وصار همي حطب لي=وانا رميت ضلوع صدري حطب له
مابي وداعه يوم ضيقي طرب لي=وابا الفرح والتمشيه هي طرب له
واختامها مدري وش اللي كتب ليي=لكن ياجعل العافيهه تنكتب له

الشاعر
محمد الفراج

البارحه ذيب النشاماقنب لي=من عقب ماروح مع الود شبله
يشكي ومن جمر المحبه سحب لي=لين احرق الضلع الموالي بنبله
يحب واهل الحب قبله وقبلي=قد دقو اجراس المحبه وطبله
احدٍ فرح ويقول ربي وهب لي=واحدٍ ما حصل فيه غير التعب له
والمستريح اللي لاهاته وجب لي=وقلبه عن العشاق قفل صطبله
ريح يابن عمي وخل التعب لي=اللي مثل شرواك صدق نحسب له
درب المهالك لجل عينك رغب لي=ومن لايجيه العز قام وركب له
ابا ابذل المجهود كانه لعب لي=حضي بجيب الزين والعود وابله
وختامها قافٍ بنيته على اب لي=ماعقبه ألا تلبس الزين دبله