قصيده للشاعر الرائع متعب التركي أعجبتني ونقلتها لكم

حسي بلوعات الليالي والاحـــزان = بعدين حسي بالهوى لابغيـــــــتي
وش به يهمك لو يقولون زعــــلان = لو فيك ذره من غلا ماجفيــــــتي
ياللي تقولين الخطا زلت لــسان = في زحمة الايام ليه اختفيـــــتي
خطاي وان جه مدري الذنب وش كان = ليه انتهى ذاك الغلا وانتهيـــتي
وقفت في وجه الزمن قدر الامـكان = وانتي جنح فيك الخيال وغفيـــتي
غلطان انا في كل الاحوال غلـطان = اسرجت لك خيل القصيد وسريــــتي
جيتي وقلت الجرح يوم اقبلت هان = وانتي على الجرح القديم ارتكيتي
قلتي لي ان الحب لابد ينــــصان =واليوم ماكنك دقايق هــــــويتي
شافوك حساد الهوى شوف الاعيــان = يومك على رجم القصايد رقيــــتي
مابان شي ولا بقا شي مابـــــان = بس انتي اللي غافله مادريــــتي
العام لك طاري بقلبي ولك شــان = واليوم احس بغلطتي لاطريــــــتي
وان قدر المولى وعشتي بحرمــان = ومن حر لوعات التجافي بكيــــتي
تذكري قلبن له سنين شفقـــــان = شوفي بحقه ياكثر ماخطيـــــــتي
كل القصيد اللي اقوله على شـان = تهزك الذكرى عقب مانسيـــــــتي

يوسف

تسلم يمينك لهذا المنقول العذب

وصح لسان شاعره

لا تحرمنا جديدك

يوسف مشكور على النقل الرائع


متعب التركي المطيري ...

اسطوره شعريه نادره وان شاء الله راح نصخصص له له ديوان كامل في المنتدى

والله يوفق الجميع....

صح لسانك وصح لسان الشاعر متعب التركي

الله يعطيك العافيه على النقل الجميل

تحياتي

مشكوووووووووووور اخوي يوسف على القصيده

~*¤ô§ô¤*~

تسلم يمناك اخوي على هذا المنقول الرائع تقبل مروري

~*¤ô§ô¤*~

يعطيك العافيه نقل مميز
لشاعر رائع

تقبل مروري

سلمت والله على النقل الطيب

وصح لسااااان شاعرها تقبل تقديري


مع تحياااااااااااتي