آخر 10 مشاركات |
|
رواسي المواضيع العامه كل مايتعلق بالراي والراي الاخر |
انشر الموضوع |
|
أدوات الموضوع | انواع عرض الموضوع |
20-03-2011, 01:19 AM | #1 |
*(مشرفة سابقة)*
|
كَلِمَـاتٌ مَسـرُوقَةٌ مِنْ دَفتَـرِ طِفـلٍ
السَبــْــتْ :
فَتَحتْ عُيونِـيْ ، أدَوِرْ عَنْ [ نُـورْ ] قَالوَا لِيْ : غَمّـضْ ، وَغَمضْتْ بَعَدهَـا مَا شِفتْ { لـا أبيَـضْ وَلـا أسْـوَدْ } ! ******************** الا حَــــدْ : كِنتْ أسمَعهُـمْ يَقـُولُونْ : يَاحمَـارْ ، يَا حَيوَان ، يَا ثَـور ، يَا بَقَـرَةْ ، يَا لَوحْ ، يَا جِدَارْ تَوَقعْتْ إنِيْ فِيْ [ حَدِيقَـةْ حَيوَانَاتْ ] فَتَحتْ عُيـونِيْ أبغَىْ أشُوفْ هَـ { الحَيوَانَاتْ } قَالوُا لِيْ : { مَا يَصلَحْ تَشُوفْ ، قِلَـةْ أدَبْ } سَألتَهُم : طَيبْ .. [ فِيْ عَصفُـورْ ] ؟؟ صَرخُوا فِيْ وَجهِيْ : [ أنطَـمْ وَغَمَضْ ] . ******************** الاثنَيــــنْ : سَمَحُوا لِيْ أشُوفْ التَلفَـزيُونْ كِنتْ بَرُوحِـيْ مَنسَجِمْ مَـعَ أفلـامْ كَرتُونْ دَخَلتْ أُمِيْ ، وَكَانْ أبُو عَائِلة آدمَـزْ ( يَبـُوسْ ) أُمَهُمْ رَكَضَتْ أمِيْ وَغَيـرَتْ القَنـَاةْ وَصَرَخَتْ بِـ أعلَىْ صَوتَهَا [عَيبْ عَليكْ قَاعِدْ تَشُوفْ قِلـةْ أدَبْ ] { نَاظَرتَهَا بِكُلِ بَـرَاءَةْ } وَأنَا مستَغرِبْ مِنْ تَصرفهَا : طَيبْ وَشْ صَارْ ! أبُوهُمْ يَبُـوسْ أُمُهُـمْ ! صَرَخَتْ بَوجهِـيْ وَهِيَ مُعصَبَـةْ [ التَبـويِسْ قِلَـة حَيَاء ] بَعدهَا بِـ أُسبـُوعْ ، شِفتْ أُمِيْ تَسَلِمْ عَلىْ أمْ الجِيرَانْ وَ{ تَبوسَهْا } قِلتْ وَأنَا كِليْ أسَىً : [ مَامَا ، التَبوِيسْ قِلةْ حَيَاءْ ] ! ******************** الثُلاثـَــاءْ : كَانُوا بَنَاتْ خاَلَتِـيْ عِندَنَا ، وَكِنتْ الوَلَد الوَحِيدْ الليْ يَلعَبْ مَعهُمْ وَأبُـويْ بَسْ يَبحلِقْ عُيونَه فِينِيْ وَينْ مَا رِحتْ وَوَينْ مَاجِيتْ بَعد مَا رَاحَوا بَنَاتْ خَالتِيْ ، نَادَانِيْ أبُويْ وَقَالْ : { عَيبْ الوَاحِدْ يَجلِسْ مَـعَ بَنَاتْ ، قِلةْ أدَبْ ] بَعَدهَا بَكَمْ يَـومْ ، كَانْ أبُويْ جَالِسْ مَـعَ عَمَـاتِيْ بَرُوحَـهْ نَاظَرتَـه بِـ طَرَفْ عَينْ وَأنَا حَاقِـدْ عَليهِ وَقِلتْ لَه :{ بَابَا اللِيْ يَجلِسْ مَـعَ بَنَاتْ قَلِيلْ أدَبْ } ******************** الاربِعَــــاءْ : كِنتْ أسمَعهُـمْ بَعدْ يَقُولُونْ [ جَيـمْ كَارِيْ فَاسِـدْ ] ، فَـ كَرَهتَـه مِنْ قَلبْ وَكَانُوا يَشُوفُـونْ أفلـامَهْ ، وَيَضحَكُـونْ سَألتَهُمْ : لَيشْ تَضحَكُونْ ، مَا تَقُولونُ عَنُـوْ فَاسِدْ ؟ قَالُوا : وَرَا مَا تَنطَمْ وَتَسكِتْ ! ******************** الخَمِيــــسْ : كِنتْ جَالِسْ مَعَ أبُويْ ، قَالْ لِيْ ذَاكَرتْ دَرُوسَـكْ ؟ قُولْ الصَرَاحَـةً ، لـا تَكذِبْ ، الكَذِبْ حَرَامْ ، وَالليْ يَكذِبْ يَدَخِلْ النَـارْ وَفَجأةْ يِرنْ التِلِيفُـونْ قَالْ أبـويْ رِدْ ، وَإذا لَقيتَهَ عَمكْ ، قِلْ أبـوِيْ نَاِيـمْ رَدِيتْ وَبِكِلْ بِرَاءَةْ : [ هَلـا عِميْ ، أبوِيْ يَقُولْ لِكْ أنَهْ نَايِمْ ] وَينْه أبُــوكْ ؟ أبُــوِيْ هِنَا جَنبِيْ { بَعدْ المُكَالَمَـةْ } عَصَبْ عَليْ أبُـوِيْ ، يَالَوحْ مَاتَفهَـمْ ؟ قِلتْ بَابَاْ [ أنَا مَا أبغَىْ أدخِلْ النَارْ ] ******************** الجُمعَــــةْ : اسَمَعهُمْ يَقُولُونْ : أنْ اللِيْ يَطَوَلْ فِيْ المُكَالَمَـةْ [ يَغازِلْ ] وَاللِيْ يَروُحْ السُـوقْ بَكَثرَةْ [ يَغازِلْ ] وَاللِيْ يَعـرِفْ الـإنتَرنِتْ [ يَغازِلْ ] وَأنَا مَا أعرِفْ مَعنَىْ [ يَغَازِلْ ] !! وَأُمِـيْ تَطَّوَلْ عَلىْ التِلِفُـونْ ، وَتَـروحْ السُوقْ كِلْ يَومْ ، وَتِدخِلْ الـإنتَرنِتْ كِلْ يَومْ رَحِتْ لِـ بَابَاْ وَأنَا أصِيــحْ : بَابَا إلحَـــــــــــــقْ ، { أُمِيْ تَـغَازِلْ } |
|
21-03-2011, 12:16 AM | #3 |
|
روح الورد
الصراحه هذي التصرفات تصرفات ناس يسمعون بالتربيه السنعه ويبون يربون عيالهم ولايعرفون لان تصرفاتهم هم بأنفسهم غلط أكيد هم يخافو على عيالهم من الضياع بس التربيه لها أسلوب ومتى تعاقب الولد على خطااه ومتى تنصحه أهم شي انك ماتسوي أخطاء أمامه وانت تنصحه عنها مثل الكذب وغره وفيه نقطه مهمه ابي اوضحها . تنبيه الاطفال لإشياء الطفل اصلا ما يدري وش هي مثل يوم تقولين البوس الطفل عنده ان التبويس شي عادي لأنه طفل والكل يبي يبوسه هذب اخطاء يقع فيها الاباء بدون قصد هذا ماحبيت ان اعلق عليه بصفتي اب وأحاول تربيت ابنائي بشكل صحيح لك مني كل الاحترم والتقدير |
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
هديه الجمعه | إحساس رايق | المنبر | 9 | 04-01-2012 08:04 PM |
الأعمال التي يعادل ثوابها ثواب الحج | فاتن القحطاني | المنبر | 8 | 27-10-2011 08:21 PM |
[ مُرّ مِنْ هُنَا ... وَهَذَا الْأَثَرُ ... ] | عشقي وهم | رواسي المواضيع العامه | 5 | 04-10-2011 02:03 AM |
مِنْ آَدَابِ الْحَيَاةِ ،! | سعد الروقي | رواسي المواضيع العامه | 7 | 24-03-2011 02:22 PM |
سر حذف ياء الأفعال والأسماء الأصلية في الرسم القرآني | شمس الوداع | المنبر | 9 | 13-02-2011 08:25 AM |