تركي ماطر

يا سلام الله على وجيه الرجال الحيه
عِد ما يقطر من دموع المخايل قاطر

وكثر ما يغفر لمذنب ربنا من سيه
لا اكهب النجم وتوجه له لعفوه ناطر

ريحته عودٍ معتق وبطعم برحيه
يسعد الحضار مضمونه وجوه عاطر

حاجةٍ في خاكري ومقدمتها ذيه
ضيفكم روع هجوسٍ كان قبله شاطر

لو نسيني ما دعاني مزمعٍ للجيه
يوم قيل ان العزيمه لجل (تركي ماطر)

ابن عم وشاعر ودكتور ناره حيه
لرغبتي لو قال تم اتصير جبرة خاطر

قال هجسي لاتعجلني وصبر شويه
جاك علمٍ ياطر الابداع لجله واطر

زاد تشريف اللقا سعدون يالله حيه
الاديب اللي لشوفه يسفهل الخاطر

فرحتين بوقت والفرحه تعد بميه
فضل من جزل العطا ما كنت انا له ناطر

والله ان ليلة مجي اثنينهم عيديه
والخساره كبش ما نرزا بولدها فاطر

الجووهره ,شاعرة نجد معجبون بهذا

الله يصح لسانك شاعرنا
ولاهنت على هـ النص الجزل

دام الابداع,’’

ناصر الهواوي معجب بهذا

هلا بك شاعرتنا ولا عليتس زود وصح بدنتس ومرورتس شرف
لاهنتي ودمتي وسلمتي

شاعرة نجد معجب بهذا

صح لسآنك شآعرنااا
ويعطيك العافيه على هالرآئعه