ابرك ليله

البارح عندنا الناقد والشقاوي وشيبانهم/امتداد دوريه بيننا سويت هالبويتات كمشاركه بالامسيه الشعريه
علها تروق لكم

بسم الذي ماله شريكٍ ولا ند=جل وعلا شان الكريم الجوادي
يالهجس من ما يسر الله لنا جد=خل المقوَّل جب بيوتٍ جدادي
ياصل لها نقد النواقد ويرتد=رتب حروف القاف فكرٍ سدادي
نقد الفلوس اللي بصراف تنعد=ايداع دوله في رصيدٍ سيادي
تشدي لغيداً عرسها ليلة الغد=من عصر تزهم ناقشات الايادي
الليله ابرك ليل بالعمر واسعد=نعدها ثالث ليال العيادي
يامرحبا ترحيبةٍ ريحها ند=وعنبر وكمبودي امعتق وكادي
للي نوده ساقها خاطر امود=يقول شوف الربع غاية مرادي
لضيوف ضيف الله مع الطيب تنمد=لشرح الصدر مفعولها غير عادي
شروى الرجال اللي ليا وصلت الجد=يشفون غل الكبد علمٍ وكادي
مكرمين ضيوف ومنزحة ضد= ليا زلزل الميدان دبك العوادي
خيلٍ تهد حصون من صبحت هد= شهب المهار الصافنات الجيادي
وشَف الشباب لبيتٍ بعرضها لد= واشوف بعيون العواده تحادي
قاف الغزل بابه امسايف ولا سد=واخاف ادش يقال وين انت غادي
اما بنبذه عن وصف باهية خد=او عين مثلوثٍ بوقت الهدادي
ويمكن عوض لو صادفه فارع القد=عصير لاسير بوقت البرادي
دارس هجوسه لاشعاه ايتجدد=ويسعف بقافٍ في حدود المبادي
وصلوا معي بالختم على محمد=مالاح بارقها وما سال ودي

عبدالله الدّنّيش ,نايف الناجي ,ريم الفلا و 3 آخرون معجبون بهذا

رحيل ,شاعرة نجد ,محمد الغنامي

الله الله
ناصر الهواوي
ماشاء الله تبارك الله
صح لسانك مليون يالجزل
مبدع مبدع الله لايظرك
سجل اعجابي وتقديري
يسبقه ختم التميز

ناصر الهواوي معجب بهذا

الله الله
صح الله لسانك ملايين يابو عبيد
والله يديم جمعاتكم ان شاء الله
لاجديد لشاعرنا غير الابداع وفخامة الحرف
دمت ودام عطائك ووجودك المشرف
تقديري لسموك
النجلاء

جزل يابو عبيد ,قصيدة جزلة وفاخرة ولاغرابة يالقرم!

لعلي أحث الوالد على الرد عليها ,يمكن يتجدد عنده شيء بعد الغزلية

لاهنت والتقدير لك,,,

خل الـمـقوّل جب بيوتٍ جدادي

كفو شاعرنا ايوالله تجيبها جداد ماشاء الله عليك
وصح لسانك على هـ الترحيبيه الفااخره
الله يزيدك من فضله ومجلسٍ عامر براعيه ان شاء الله

تقديري لك,’’

شاعرنا صح لسانك
نص جميل وراقي يعطيك العافية

صح لسانك مليون
نص جزل وفخم
يعطيك العافيه لاهنت
تقديري لك

عليه الصلاة والسلام
صح لسانك لين ترضى على هالترحيبية
الفاخرة والشامخة
لاهنت