بداية ضيااااااااااع

28-11-2017, 04:35 PM

جيت من القوبـا والحـدب علـى حسـن نيـه
قصـدي وضيفـه تعيشنـي وآتعايـش معـاهـا

جيت المدينـه علـى فالـي وبعزومـن قويـه
وبروق صيف ن تشكل ارحـب بعالـي سماهـا

ماشفت راحـه وباقـي ريحـة البـدوات فيـه
وشقاهـا لكـل مـن رد النضـر فينـي لقاهـا

وشلت جوال عقـب ماكنـت احمـل البندقيـه
لانطلق عبرودها كلن يسمـع ونسهـا وصداهـا

وبيـوم دق رقـم ن غريـب الا وهـي بنـيـه
ساكته تسمعني واسمع حس غناديـر ن وراهـا

سمعت ضحكه وقفلـت ودقيـت وردت عليـه
بصوت ن كل من عنده مواعيد ن مهمه نساهـا

وبقولتهـا متأسفـه مجـرد غلطتـن مطبعـيـه
ثـم قفلـت وتقفلـت كـل ذالدنيـا معـاهـا

وجلست اردد هرجهـا بهواجيـس لا اراديـه
وافكر بغلطه مطبعيه وش قصدها وايش معناها

ابدوي ما القي لبعـض الثقافـات اي اهميـه
وعرفت اني كنت بدنيـا محصـوره الله يبلاهـا

وتعلمت الهوى على يدها بايـام وليـال خليـه
وأبتدا مشوار الضياع الزايف الي في هواهـا

وتطـور الحـال وجـات ذي وراحـت ذيْــه
وصرت دكتور في الهوى اعرف داها ودواها

وعشت علـى هالوضـع ايـام ولليـل ن شقيـه
ليال ن لـي صـدى صوتـي وللذيابـه عواهـا

يــا امـانـي ياحـنـان ياهيـلـه وبـدريـه
ياسـاره يارهـف يامهـا ويامـنـى ومنـاهـا

ياليلى ياسحر ياأمـل الـي بـرت حالـي بريْـه
من عرفكم وش الفايده الـي استفدناااااااهـا

ياخسارت وقت ن مزقته اوراق سـود ابيديـه
ياخسـارة جهـد مـال وعـروق ن جـف ماهـا

احصد زروعـك يا(؟؟؟)وعلـى وجنتـك كيْـه
وعطنـا نشـوف محصـول زروعـك وجنـاهـا

لابـو عـذاب المايعـات والنـدم لابـو بـيـه
والله يسقـي ديرتـي وطفولتـن عشنـاااااهـا

ماني مكمل خـلاص لـو اكمـل بكتـب الفيـه
وأبختصرها ياخوي والضاهر انه جـاك معناهـا

وانـا بجـلـس اكـمـل محـصـودي بيـديْـه
وان جاك طارش ن يسألك عني قول تراه يجناها

منقوووول ,

محمد الـفراج ,محمد الغنامي ,ملكة الرواسي و 1 آخرون معجبون بهذا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري