ثلاث شهور !

والنعم فيك ياسامي رايي فيك قبل التعريف وبعده
واعتقد ان هالتعريف ينوب عن البطاقه الشخصيه
لاهنت وبيض الله وجهك
وصح لسانك ولا فض فوك

ريوف معجب بهذا

صح لسانك ملايين سامي والنعم فيك

راقت لي

ريوف معجب بهذا

ماشاء الله تبارك الله
والنعم فيك ياسامي الغنامي
ابدعت في تعريف نفسك
بابيات جزله وكلمات راقية
صح لسانك ملااايين
وتقبل مروري واعجابي وتقييمي
؛
ريوف القوافي

الله الله


والله ونعم ياسامي

وصح لسانك


تقديري

ريوف معجب بهذا

الشاعر القدير
سامي الغنامي

تعريفية تميزت
بخطوطها الرائعة وبحبكتها المتميزة
ربي بسعدك ويوفقك
تقديري لك واحترامي

اقتباس:

المشاركة الأصلية كتبت بواسطة سامي الغنامي

تعريفيه لمن لا يعرف :)

وتقبلوها كما هي ..




سرى الليل مابّين بعيني شعاع النور
سرى الليل والملتاع كابد معاناته

يلف الرحى من قو عزم الرحى ويدور
واذا دارت افكار النبط دارت ابياته

مضى لي مع التفكير يمكن ثلاث شهور
مصيبه اذا ان العقل طوّل به سكاته

بعلّم لو اني معْك مانيب انا مجبور
على شان تعرف من تكلّم وميزاته

انا انسان مادوّر رضاء الناس والجمهور
وانا انسان يبدع لا اهتوى في مجالاته

وانا انسان مايشهد ليا عوّدت للزور
يجنّب دورب الذنب من طيب نياته

وانا انسان ماحط التقاليد فوق السور
وانا انسان متمسّك بطيبه وعاداته

وانا انسان واضح لابدى للمنافق دور
وانا انسان من يقفّي بسوي به سواته

وانا انسان ماجامل لا باحت كثير صدور
من السهل وقت الجد يقطع علاقاته

وانا انسان لاحلّ التواضع يجي مغمور
يسامح خطأ غيره .. وينسى لما فاته

وانا انسان يقنع لا تقدّم له الميسور
وانا انسان حب الغش ماهو من اصفاته

وانا انسان مادوّر لقب شاعراً مشهور
وانا انسان شعره منْه ويعودّ لذاته

وانا انسان ماحب التغطرس ولا مغرور
وانا انسان يزْعل لا نوى في حركاته

م ازكّي على الله بس هذا هو المذكور
وعسى من هقى بالطيب انا عند هقواته

والنعم والله ياسامي
تعريفيه وافيه وسامي الغنامي غني عن التعريف
صح الله لسانك مدد بلا عدد شاعرنا
دمت ودام مداد قلمك ورقي حرفك الشامخ
تقديري وتقييمي لسموك
النجلاء

الله الله ابداع
صح لسانك ملايين
مبدع وجزل ياسامي
تعريف جميل ورائع
يعطيك العافيه اخوي
تقديري لك

ابيات جميله جداً
سامي تسلم على روعة الابيات
شكراً لك