هنا .. سجن القوافي !!

مساء الخير إن شاء الله يكون الجميع بخير

يطري علي في حزة الشوق طاري=وعيش ذكرى حبنا أول العام
وستجدي الأشواق وجيك ساري = أنا بقربك داخلي كله الهام
حرام يالمحبوب اتبيع شاري = ماتدري إنه حرم بشرع الأسلام

بالتوفيق للجميع

الجووهره ,شاعرة نجد ,خيال مطير و 1 آخرون معجبون بهذا

ناصر الهواوي

ارحب يالعاصمي تراحيب المطر وبشرنا عنك ومن يعز عليك
نعد تواجد يوم عيد وصح لسانك على هالدره الرائعه
وابشرك انا بخير وعافيه ونرجو ان تكون كذلك
وحيا الله ابو منصور وعشقته ودرته النادره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
يامرحبا ماحرك الرمل ذاري
واعداد ماخطت على الطرس الاقلام

واعداد سكان القرى والحواري
واعداد ما غاب الشليخي من ايام

بفلوبنا لك منزله وانت داري
ولازال فيها الالف والميم واللام

لرجعة الغياب فيها انتظاري
ولا اظنها في حب الاحباب تنلام

الجووهره ,شاعرة نجد ,خيال مطير و 1 آخرون معجبون بهذا

هزاع محمدالعاصمي

مرحبا ما جا لوبل المخايل من هطول
بشيخنا اللي شوفة اسمه هنيا مبتغى

ودنا به دايم ولكن غيابه يطول
وايتعسر ما درى ان كل شعبٍ له لغى

الهجوس اللي يحط القريحه له رحول
من عرفته يصهل اصهال ما اخبره نغى

يوم ابو منصور جاب القصيده عقد لول
انتبك في مجلسه للقوافي ما اصطغى

مورده هداج ما قط وردته دحول
ذيبٍ امعط فـ المغاريب ما عمره لغا

الجووهره ,شاعرة نجد ,خيال مطير معجبون بهذا

لعل السحاب اللي تزبر خياله فوق
وسمعنا رعوده بعد ما لاحت بروقه

تساقي ثعوله دار من عنقها منتوق
طلح الوادي تبين من سيوله عروقه

لو مالي غنم في هـ الاماكن ولا لي نوق
ومن لجلها استسقيت ماهي من الروقه

لكن خاطري من عقب ذاك الزمن مطروق
ولي مهجةٍ من فقدها الولف محروقه

لولا نبض قلبي قلت من كم سنه مسروق
واثبت لي وجوده قوة النبض بعروقه

تبي الصدق يالخيال بعده عجزت اروق
وشلون اتحمل؟قربة الصبر مخروقه

الجووهره ,شاعرة نجد ,خيال مطير معجبون بهذا

المرحب باقي ابوعبيد الأمور تسرك والله الحمد ومشكور
على الترحيب والأبيات الجميلة والمعبرة لاعدمتك والله يحي الجميع

يامرحبا وهلين ذيب الغداري = عداد من لبا مع صايمٍ صام
جيتك وانا المشتاق بالليل ساري=يسوقني حبٍ قديمٍ له أعوام
فيني من الاشواق حب انتحاري=حب المكان اللي غدى عشق وهيام
ارتاح له والكل بالحب داري = حبٍ مقيم ولا تعرض السوام

وسلامة الجميع

الجووهره ,شاعرة نجد ,ناصر الهواوي و 1 آخرون معجبون بهذا

خيال مطير

صباح الخيرات والمسرات للجميع
هلابك يابو محمد وصح لسانك ولا فض فوك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
روعتني بالنواعس يوم لدت يمي
راعة السايق لشوف فلاش لمبة ساهر

جيت ابا اسمي وقلت لرمشها يا سمي
طعنته للقلب في شلفاه طعنة ماهر

قلت وش ذنب المغربل تطعنه يا عمي
قال لا تزمل سهم رمشي معقم طاهر

ودك اضيفك معي والا انفضك من كمي
لا توافق/رمشي لمسموم سيفه شاهر

قلت دون اشعر لعين الحر مهفي دمي
ما قدرت اقول لا هونت لامرٍ قاهر

الجووهره معجب بهذا

السلام عليكم ورحمة الله وبركاته
واسعد الله مساؤكم
وصحت السنتكم شعراؤنا المبدعين
الهواوي,ابومنصور,العاصمي
ولاهنتوا على هـ الرواائع الممتعه

وسلمتم ودمتم جميع,’’

الجووهره ,ناصر الهواوي معجبون بهذا

عليك الله اكبر ياحمامٍ تجر النوح
على غصن توتٍ لاتحرك تمايل بك

أمانه حمام الدوح من مغرمك مجروح؟
والا بس رايق يوم هب الهوى هبك

ترى مو على كيفك تثير الوَهَج وتروح
استاثمت فيني خاف يالورق من ربك

لو تدري وش بْصدري وماتفعله فـ الروح
حرّمت الغنَى لو نسمة عْصير تلعبّك

أنا للغلا والشوق في جوف صدري فوح
لاهيضتني من مافي الخاطر اسبك

على كل هذا وماتسوي بلا مصلوح
أعَشْقك واعَشق غْناك واهواك واحبك

الجووهره ,هزاع محمدالعاصمي ,ناصر الهواوي معجبون بهذا