ما يليق الكحل الأسود على الطرف الحزين

الشاعرة القديرة سلمى
صح لسانك على القصيدة الجزلة
ولاأستغرب النصوص الجميلة منك أيتها المبدعة
تقبلي فائق التقدير وننتظر منك كل جديد

الله الله الله
صح لسانكـ
مليوووون ولا يكفوووون
مبدعه يا سلمى ولاهو غريب عليكـ يالجزله

صح لسانك غلاي
نص راقي برقيك

اقتباس:

المشاركة الأصلية كتبت بواسطة سلمى

‏

ما يليق الكحل الأسود على الطرف الحزين=لو تكحلني خبيرة جمال وماهره
خاطري عقب السعه صار للضيقه رهين=والضماير بالبكاء والحسايف عامره
ينهمر دمعي ليا قالوا من العايدين=ول يا عينٍ على الصبر ماهي قادره
ما هقيت اصبر على البعد لو الصبر زين=إن صبرت االيوم بكره فلاني صابره
ما حلا عقب التفراق شبكات اليدين=والجفاء عقب الوصل يقطع الله دابره
يا نظر عيني وقلبي ومنوة كل عين=زينةٍ في بيت أهلها عفيفه طاهره
افتقدتك وامتلا خاطري شوق وحنين=وصد قلبي عن وصالك سحى ومكابره
والمكابر والسحى شيمة العقل الرزين=لو هواجيس الضماير ورودٍ صادره
ما جداي إلا الترجي على مر السنين=والدموع اللي على وجنتي متناثره
شينه بحقي وحق الجدود الأولين=إني ألحق مقفيٍ لو وصوفه نادره
الكرامه شأنها شأن في عسرٍ ولين=مادخلت بعزة النفس يوم مغامره
والله إنه ما يراود خيالي كل حين=واتعوذ منه لا مرني واحاذره
غير من عقب البطا لا نشدتك كنت وين=واكتشفتك مآ انت محبوبي اللي خابره
وأنا ما أحب ما اعترض في دروب الراحلين=ولا اتمنى شوفة اللي كرهني خاطره
واقتنع بموادعك وانت ما منّك ثنين=وماخذٍ حبك بقلبي مكانه شاغره
ولا انا ماهوب ينقصني من الزين زين=فوق ماني بنت قومٍ كرام وشاعره
والقدر مامنه مهروب والخافي يبين=والوعد بكره وبكره قريب لناظره
بكرة الأيام تعطيني العلم اليقين=كان حبك صدق ولا مشاعر عابره

#سلمى

الله
الله الله
مبدعه يـ سلمى
وصح لسانك على هـ العذبه والابدااع الممتع

تقديري