بنت الشيوخ

18-06-2018, 12:23 AM

سلام يابنـت الشيـوخ المشاهيـر
شيوخ قوم(ن)ينطحـون الجهامـه
قوم(ن)مغازيهم من الشـرق لانيـر
وتاصل مغازيهم ضواحـي تهامـه
وبالشعر شيخة شاعرات وشواعير
هذا أعترافي وانـت راع الزعامـه
الشعر ماله دون شخصـك معاذيـر
وليا قصر دونـك عليـه الملامـه
يسعد مساك وتصبح الصبح في خير
يقولـه اللـي ماتهـنـا منـامـه
ليله سرى من بيـن هـم وتفاكيـر
ومن النكـد جـوه تزايـد عسامـه
أن كان جده غير فنتي بعـد غيـر
أنتي هواء الشعر الجميل وغرامـه
يامـن كلامـه حلـو در المغاتيـر
وحلو العسـل يـوم يتكلـم كلامـه
أومر وأنا ابامشي لوامرك وأسيـر
قلبي جمل يازيـن ومسـك سنامـه
أنا أنشبكت بحبكـم شبكـت الطيـر
معـاد لـي منكـم مفـر وسلامـه
في بعدكم جوي غبـار ومعاصيـر
وفي قربكـم ديم(ن)تزايـد غمامـه
وأنا أمير وطحت في شيـخ وأميـر
شيخ(ن)يخاف اللـي تكلـم أمامـه
وأنظر لعطفك يالغضي نظرت أصغير
نظرت صغير(ن)في بدايـت فطامـه
وجندي أنا وألا انت قايـد طوابيـر
نظـام ألـك تحيتـه وأحتـرامـه
جتك المثائل مـن دلال(ن)مباكيـر
وفنجال من يمنائ وأمسـك زمامـه
أن جيت ذعت ألك الفرح والتباشير
وأن رحت ماتشوف النكد والندامـه
لو أن صـدك يالحبيـب مخاسيـر
عليـك مانـرم العلـوم الهـلامـه
يابنـت جابتنـا لـدارك مقـاديـر
ووقت(ن)علينـا مستمـر بظلامـه
الصبح أروق أن غرد(ن)العصافيـر
والظهر أحزن من هديـل الحمامـه
ويضوي علي الهم قبل المسا عصير
وحس في ضيقـة صـدر ونكتامـه
وماقول شعري لجل أحصل جماهير
ولاهو لبيـع لمـن تقـدم وسامـه
أقول شعري مـن سنيـن مدابيـر
وقت(ن)عليه قاسيـن فـي نظامـه

رااااقة لي

خيال ~

الجووهره ,شيخـــة الغــيــد ,ملكة الرواسي و 2 آخرون معجبون بهذا