سجل حضورك ببيت شعر على ذوقك

حك الذهب يطلع ذهب لو تحكه= ولا النحاس اتحك يطلع صداوي
لا يلحقك في صرفة الناس شكه= تلقاء لو انك عشت يومك رجاوي
وباب يجي من يمه الريح صكه = قدام تاقع في كبار البلاوي

حك الذهب يطلع ذهب لـو تحكـه

ولا النحـاس اتحـك يطلـع صـداوي

صح الله لسانك يالروقي اعجبني هالبيت

الموعد اللي فات ماعاد ينعاد
تعبت احسب الوقت واسير خلفه
لو شوفتك صدفه وعن الف ميعاد
انا أبي ميعاد عن الف صدفه

الله من قلب{ن} ظروفه تلاويه=لوية شبك فرخ على غصن سمره
يتل عمره وبرق الريش ناويه= من جو حومه شاف بيديه حمره
من جوي الي ضاع كل الرجاء فيه=مع ضيق صدري ضقت وحترت بمره
الحض مدري وين ون جيت اسويه= سديت عينه والسنع زاد دمره
ويش الرجاء فالي بقا من مناويه=ياما وطيت من الغضاء حيد جمره
الحض قلته والزمن من بلاويه= ونا قضيت مع الهواجيس سمره
اقنب قنيب الذيب ونخاء وناديه=وقول شاعر تو مازان عمره
ياهيه يالي تفهم القاف ياهيه=اقطف نصيحة منصح {ن} قطف ثمره
قلي بحضي بس ياويش اسميه=مادام ماجاله مع الليل قمره

ابن البا{الروقي}ديه

صح قلبك يالنجلاء وشاكر على اعجابك بالبيت اعلاه

ياساتر الحال لاتكشف لنا خافي
لـ عيون الاصحاب ولا عيون شماته

يضحك على ونة المجروح مـتعافي
ويـشعر بها واحدٍ عانا ( معاناته

اقتباس:

المشاركة الأصلية كتبت بواسطة محمد الروقي

الله من قلب{ن} ظروفه تلاويه=لوية شبك فرخ على غصن سمره
يتل عمره وبرق الريش ناويه= من جو حومه شاف بيديه حمره
من جوي الي ضاع كل الرجاء فيه=مع ضيق صدري ضقت وحترت بمره
الحض مدري وين ون جيت اسويه= سديت عينه والسنع زاد دمره
ويش الرجاء فالي بقا من مناويه=ياما وطيت من الغضاء حيد جمره
الحض قلته والزمن من بلاويه= ونا قضيت مع الهواجيس سمره
اقنب قنيب الذيب ونخاء وناديه=وقول شاعر تو مازان عمره
ياهيه يالي تفهم القاف ياهيه=اقطف نصيحة منصح {ن} قطف ثمره
قلي بحضي بس ياويش اسميه=مادام ماجاله مع الليل قمره

ابن البا{الروقي}ديه

الله عليك يـ الروقي

صح لسانك على هالفاخره الجميله

موقعها الصحيح ليس هنا

يجب نقلها

تسلم يالغنامي