كنز بها تحسسه كل حساس

خاشرت انا بالناس من كل الاجناس = قليله اللـي طبعهـا مـن طباعـي
تلقا مع الطيـب ثمانيـن انجـاس = مافيهم اللـي تامنـه لـو صاعـي
ابليس معهم دايمن تقـل عسـاس = يسوقهم سوقن على كـل داعـي
لاهم مع المقبل ولاهم مـع النـاس = يالله عساهـا سلعتـن ماتبـاعـي
خلك مع الطيب على كـل نومـاس = وامسـك بخوتـه وفـل الشراعـي
مايستمع في طرقته كـل مـرواس = يسـوق رجلـه ماتغـره طماعـي
تلقاه فالشـدات طيـرن وقرنـاس = يقوملك حامـي يجيـب الفزاعـي
دنياك ذيبن رابصن له على افراس =امـا تخـاوي الذيـب ولا قناعـي
دنيا العجايـب ماتقوملهـا سـاس = مثل السراب اللي مع النورشاعـي
كنز بهـا تحسسـه كـل حسـاس = عبادة اللـي راعيـن كـل راعـي
سعادة الدنيا وتشرب مـن الكـاس = مع زمرة محمد وهو خيـر داعـي
يالله يارحمـن ياشافـي الـبـاس = تدخلني الجنه والاقـي مساعـي
وجدي بمحفوفه على فوق الاطعاس = وفنجـال بنـن مرتكيلـه مراعـي
واسج بالي يوم انا خاوي الـراس = واخذ مع الايـام أوسـع مساعـي
واذكر زمان اللي مدقوق الالعـاس = اللي بشوفه طـاب كـل الوجاعـي
ابو جبينن لمعتـة بـارق المـاس = شمسن تباين بين طعس و وساعي
وله الرموش اللي على العين حراس = مدعوج العينيـن حلـو الطلاعـي

ولا أروع شاعرنا

صح لسنك ولاهنت

للقصيدة الشامخة الجميلة

فزآع الاسعدي
صحت يمينك ودآمت هذه الأمطآر
تروينآ عذووبه ..

لك الود والورد ..

اقتباس:

المشاركة الأصلية كتبت بواسطة فزاع الاسعدي

خاشرت انا بالناس من كل الاجناس = قليله اللـي طبعهـا مـن طباعـي
تلقا مع الطيـب ثمانيـن انجـاس = مافيهم اللـي تامنـه لـو صاعـي
ابليس معهم دايمن تقـل عسـاس = يسوقهم سوقن على كـل داعـي
لاهم مع المقبل ولاهم مـع النـاس = يالله عساهـا سلعتـن ماتبـاعـي
خلك مع الطيب على كـل نومـاس = وامسـك بخوتـه وفـل الشراعـي
مايستمع في طرقته كـل مـرواس = يسـوق رجلـه ماتغـره طماعـي
تلقاه فالشـدات طيـرن وقرنـاس = يقوملك حامـي يجيـب الفزاعـي
دنياك ذيبن رابصن له على افراس =امـا تخـاوي الذيـب ولا قناعـي
دنيا العجايـب ماتقوملهـا سـاس = مثل السراب اللي مع النورشاعـي
كنز بهـا تحسسـه كـل حسـاس = عبادة اللـي راعيـن كـل راعـي
سعادة الدنيا وتشرب مـن الكـاس = مع زمرة محمد وهو خيـر داعـي
يالله يارحمـن ياشافـي الـبـاس = تدخلني الجنه والاقـي مساعـي
وجدي بمحفوفه على فوق الاطعاس = وفنجـال بنـن مرتكيلـه مراعـي
واسج بالي يوم انا خاوي الـراس = واخذ مع الايـام أوسـع مساعـي
واذكر زمان اللي مدقوق الالعـاس = اللي بشوفه طـاب كـل الوجاعـي
ابو جبينن لمعتـة بـارق المـاس = شمسن تباين بين طعس و وساعي
وله الرموش اللي على العين حراس = مدعوج العينيـن حلـو الطلاعـي

فزاع ياهلا ويامرحبا بهالبوح وراعيه

صح كلك وجعل السعد مايملك كايفه يالكايف

ولكن لي ملاحضات بسيطه أتمنى قبولها بصدر رحب

وامسـك بخوتـه وفـل الشراعـي

هنا في العجز يلاحض ثقل في شيل هذا البيت وهو بين بخوته وفل

واذكر زمان اللي مدقوق الالعـاس

هنا في الصدر ثقل في شيله أيضآ في مدقوق

مدعوج العينيـن حلـو الطلاعـي

هنا في العجز ثقل كذلك وتفاوت في النطق والتوضيف في

مدعوج العنينين