يا زين يوم إني أنا وإنتـي صغـار؟؟؟؟؟؟؟؟؟؟؟؟؟؟؟

يا زين يوم إني أنا وإنتـي صغـار=تو ما لبست شمـاغ وإنتـي عبايـه بالطول ما ناصل ولا خمسة أشبـار=دايـم نقيـس أطوالنـا بالمـرايـه مـا بيننـا شـيٍ نخبيـه وأسـرار=ما غير لعب أطفـال كـل الحكايـه ما همنا موجـز ولا نشـرة أخبـار=التسليـه صـارت وسيلـه وغايـه وإن جا فلم كرتون للقطـو والفـار=نجلـس نتابـع قصـتـه للنهـايـه بالمدرسه نزعل على شان الأصفار=إنتي سبب لعبك وأنـا مـن غبايـه ياما تهاوشنـا علـى كيسـة فشـار=أنحاش به وأفرح بطـردك ورايـه وإن قلتي يا راشد يا ويلك من النار=أخـاف وأستسلـم وأبيـن خطايـه وإلى ضربتينـي تقـل بيننـا ثـار=وإن قلت كافي قلتي ما هـو كفايـه وإلى خلصتي ضرب بيمين ويسـار=أخذتـي الفشـار واللـي معـايـه وإلى زعلت وقلت أبا أروح للـدار=صحتي وقلتـي آسفـه يـا غلايـه وأصدقك وأفرح بعد ذيك الأعـذار=وأجيك لا حاقد ولا أحمـل وشايـه بس لو أشوفك مع بشر غيري أغار=لو كان أخوي أو من أعز أصدقايـه وأركض لأخوك أقول شفها مع كبار=عشان يفرض لي عليـك الوصايـه هـذي طفولتنـا بـراءه وتـذكـار=دايـم نحـن إليـا ذكرنـا البدايـه واليوم أبكتبهـا سواليـف وأشعـار=وأفكـر أنتجهـا بفلـم و روايــه للشاعر / راشد بن جعيثن ..........

ياسلام

صح لساااااااااااان الشاعر

يعطيك العافيه على النقل المميز

تقبل تحياتي

يعطيك العاااافيه على النقل
وصح السااان الشاااااعر
ملاحظه
الموظوع مكانه ليس هنا في صفحة المحاااوره
على الاداره نقل الموظوع للصفحة القصاايد المنقوله
ويعطيكم العاافيه

الله الله
صح لسان الشاعر
اخي كل الشكر على روعة ذائقتك
اختيار رائع يسطر بماء الذهب

صح للسانك والسان شاعرهاا


وسلمت يمينك على نقلك


ولاهنت

غريبه ابن جعيثن

يقول يازين ويترك كلمة يابنت

صح لسااااااااااانه ولسااااااانك على النقل الطيب

متعب العضياني

صح السان قائل القصيده روووعه

حكايات اطفال افلام كرتون وفشار ياسلام

ويعطيك العافيه اخوي نايف على النقل الرائع

من جد رجعتنا زمان اول تسلم

لاعدمنا جديدك احترامي لك

تقبل مروري

لاهنتم على الردود
بالنسبه لعناوين الشموخ من نايف ؟؟؟
على العموم يعطيكم العافيه .....